ဆရာကျော်ဝင်းနှင့် အင်တာဗျူး

June 21, 2013, 5:51 am

≫ Next: နေကြာစေ့မစားနဲ့

≪ Previous: ဒေါက်တာဗမော် ၁၉၆၀ ရွေးကောက်ပွဲ သုံးသပ်ချက် ကောက်နှုတ်ချက်

ဝင်းဖေမောင် ။ ။ ဆရာ မြန်မာ နိုင်ငံရဲ့ ပကတိအခြေအနေ သုံးသပ်ပေးပါခင်ဗျာ။

ကျော်ဝင်း ။ ။ Reform က ပြောမယ်ဆိုရင် မြန်တယ်ပေါ့ဗျာ။ မြန်တာက ကောင်းတော့ ကောင်းတယ်ပေါ့။ ဒါပေမယ့် သူနဲ့တွဲပြီးတော့ Institutionalization က လိုက်နိုင်ရင်တော့ ကောင်းတာပေါ့။ အခုဟာ Institutionalization က မလိုက်နိုင်ဘူး။ ဒါကလည်း အပြစ်တင်လို့တော့ မရဘူးပေါ့ဗျာ။ အကြောင်း ကြောင်းကြောင့် ခက်တာဗျ။ တဖက်က အထိန်းအကွပ် မရှိဘူးပေါ့ဗျာ။ Institution က အားမရှိဘူးပေါ့ဗျာ။ Liberalization ကလည်း သိပ်ပြီးတော့ သွက်နေတယ်။ Economic Reform က ပွင့်ပွင့်လင်းလင်းပြောရရင် လုပ်တော့ လုပ်နေတာပဲ။ ဒါပေမယ့် သာမန်လူထုအတွက် concert အခုထက်ထိ မထွက် ရသေးဘူး။ လူတွေက အရင်အတိုင်းဘဲ။ ဒါပေမယ့် ပြောရေးဆိုခွင့်က များလာတာ။ အဲဒီနှစ်ခုက သိပ်အဟပ်မညီတော့ အချိန်မရွေး ဘရိတ်ပေါက် နိုင်တာပေါ့။ အခုလည်း ခဏခဏ ဖြစ်နေတာ။ အဲလို ပြဿနာတွေ ဖြစ်လာရင်လည်း Institution က အဆင်သင့်ရှိရင် ထိန်းလို့ရတယ်။ အခုမရတော့ လူနဲ့ပဲ ထိန်းနေရတာ။ လူဆိုတာကလည်း ခက်တာက အားလုံးက capacity က သိပ်ပြီးရှိကြတာ မဟုတ်ဘူး။ အကျင့်တွေက အရင်းအတိုင်းဘဲ။ ကြောက်စရာကြီးဗျ။ အချိန်မရွေး ဒါကြီးက ဘရိတ်ပေါက်ပြီးတော့ နောက်ပြန် သွားနိုင်တယ်။ ကျွန်တော်တို့က အဲဒါ စိုးရိမ်တာဘဲ။ ဒီအပြောင်းအလဲလေး ကလည်း ကျွန်တော်တို့ တစ်သက်မကြုံဖူးဘူး။ အေးအေးညောင်းညောင်း ရှေ့ဆက်ကျရင် ကောင်းတာပေါ့။ ဒါပေမယ့် အနေအထားက ပြောလို့မရဘူး။

ဝင်းဖေမောင် ။ ။ လွှတ်တော်ရဲ့ performance ကို ဆရာသုံးသပ်ချက်လေး သိပါရစေ။

ကျော်ဝင်း ။ ။ Capacity နိမ့်တယ်လို့ ပြောကြတယ်ပေါ့။ ကျွန်တော်ကတော့ အပြစ်မတင် ပါဘူး။ ကျွန်တော်တို့ဆီမှာ လွှတ်တော်မရှိတာ နှစ်ပေါင်း ၅၀ ကျော်ပြီ။ ကျွန်တော့်အသက်ပဲ ၆၁ ဗျာ။ တော်လှန်ရေးကောင်စီ တက်တုန်းက ကျွန်တော် ဆယ်နှစ်ပဲ ရှိသေးတယ်။ အဓိပ္ပါယ်က ဒီမိုကရေစီ ၁၀ နှစ်သားအရွယ်မီတယ် လို့တောင် ပြောလို့ရတယ်။ ဒီအတွေ့အကြုံတွေ မရှိကြဘူး။ တဖက်က ပညာရေးကလည်း မပြည့်စုံဘူး။ မဆလခေတ်ထဲက သင်ရတဲ့ Political Science က ပညာမှ မဟုတ်တာ။ ၀ါဒဖြန့်ချီရေးပဲ။ ဒီအားနည်းချက်တွေရှိတာ နိမ့်မှာပဲ။ ကျွန်တော်ကတော့ အပြစ်မတင်ပါဘူး။ ပြဿနာတော့ နည်းနည်း ရှိတယ်ပေါ့။ ဆိုးတာက လွှတ်တော်နဲ့ သမ္မတဖြစ်နေတာ။ ဒါကတော့ personal clash ပဲ။

ဝင်းဖေမောင် ။ ။ Personal Clash ဆိုတာက

ကျော်ဝင်း ။ ။ ဦးရွှေမန်းပေါ့ဗျာ။ ဦးခင်အောင်မြင့်တော့ မဟုတ်ပါဘူး။

ဝင်းဖေမောင် ။ ။ ဦးရွှေမန်းနဲ့ ဖြစ်နေတာဆိုတော့ ဆရာရေ ဘယ်လို Harmony ဖြစ်ရင် ကောင်းမယ်ထင်ပါသလဲ။

ကျော်ဝင်း ။ ။ အမှန်ကတော့ ဖြစ်သင့်တာဗျာ။ သူတို့က တစ်ပါတီထဲကလာတယ်။ တပ်ကနေလည်း လာတယ်။ ဒီလောက်ကြီးတော့ တင်းတင်းမာမာ မရှိသင့်ဘူး ပေါ့ဗျာ။ သဘောထားမှာ တင်းတင်းမာမာ ကွဲစရာအကြောင်းမရှိပါဘူး။ အကြောင်းကြောင်းတွေလဲ ရှိတာပေါ့။ ကျွန်တော်လဲ သေသေချာချာတော့ မသိဘူး။ ဖြစ်နိုင်ချေတွေကတော့ ဦးရွှေမန်းက အထက်ကကိုးဗျ။ အခုတော့ သူ့ဘက်က တစ်မျိုးဖြစ်ချင်ဖြစ်မှာပေါ့။ သူက အောက်ကလည်း ဖြစ်သွားတာ။ အရင် ဦးရွှေမန်းက နံပါတ် ၃ ပဲ။ အဲဒီအောက်မှာ သေသွားတဲ့ ဗိုလ်ချုပ်စိုးဝင်း ရှိသေးတယ်။ ဗိုလ်ချုပ်စိုးဝင်းအောက်မှာ ဦးသိန်းစိန်။ တဆင့်တော့ နိမ့်တယ်။ အပေါ်ရောက်တော့ ဒါကလည်း သူကျေလည်ချင်မှ ကျေလည်မှာပေါ့။ ဒါပဲရှိတယ်။ အဲဒါကြီးကတော့ သိပ်မကောင်းဘူးထင်တယ်။

ဝင်းဖေမောင် ။ ။ ဆရာရေ အများစုကတော့ ၂၀၁၅ မှာ ဒေါ်အောင်ဆန်းစုကြည် ရွေးကောက်ပွဲ အနိုင်ရရေး ဦးတည်နေတာ တွေ့ရတယ်။ ဦးရွှေမန်းရော သမ္မတရည်မှန်း ထားတယ်လို့ ထင်ပါသလား။

ကျော်ဝင်း ။ ။ ဖြစ်နိုင်တာကိုး။ သိပ်ဖြစ်နိုင်တာပေါ့။ အဲဒါ ပြဿနာဗျ။ အခုဟာ ကျွန်တော်တို့က စကတည်းက ၂၀၁၅ အတွက် ပူနေတာ။ ၂၀၁၅ မှာ crisis ဖြစ်နိုင်တယ်။ အခုဟာ ၂၀၁၅ မရောက်ခင်ကို ပူနေရပြီ။ Challenge တွေက များတယ်။ ခုဟာ ပြန်ကြည့်တော့ အပြောင်းအလဲတိုင်း Hard Liner နဲ့ Soft Liner ဆိုပြီးတော့ ရှိတာပေါ့။ သမ္မတက မရှိဘူးပြောတာ။ သူကတော့ ဒီလိုတော့ ပြောရမှာပေါ့။ ဒါပေမယ့် ရှိနိုင်တယ်ဗျ။ တခုတော့ ရှိပါတယ်။ Hard Liner တချို့က အပြောင်းအလဲတစ်ခုလုံးကို စိန်ခေါ်လောက်အောင်ထိတော့ သူတို့အင်အားချင်းက မတူဘူး။ ဘာလို့လဲဆိုတော့ ဒီအပြောင်းအလဲက ဦးသန်းရွှေ စတာ။ ဦးသန်းရွှေ ဆန့်ကျင်လောက်အောင် ဘယ်သူမှ လုပ်ရဲမယ် မထင်ပါဘူး။ အဲဒီတော့ Hard Liner ကလည်း ပြောပလောက်အောင် မရှိဘူး။ ဒါပေမယ့် Conservative တော့ ရှိနိုင်တယ်။ ဘာကွာလည်းဆိုတော့ Hard Liner က အပြောင်းအလဲ တစ်ခုလုံးဆန့်ကျင်တယ်။ Conservative က political reform ပဲ ဆန့်ကျင်တယ်။ ဒါပေမယ့် economic reform ကို ဆန့်ကျင်တဲ့အခါမှာ သူ့ Interest တွေရှိတာကိုး။ အဲဒီလို လူမျိုးတွေ ရှိနိုင်တယ်။ ဒါပေမယ့် သေချာတာက အခုချိန်ထိ Hard Liner ပဲ ပြောပြော Conservative ပဲ ပြောပြော သူတို့က အစိုးရဘက်မှာ အပေါ်စီးရဟန်တော့ မရှိဘူး။ အပေါ်စီးက ဦးသိန်းစိန်ပဲ ရထားတာ။ ဦးသိန်းစိန်ကတော့ ရှားရှားပါးပါး လူကောင်းပေါ့ဗျာ။ ဒါပေမယ့် ဒါကလည်း အပြောင်းအလဲ ဖြစ်သွားနိုင်တယ်။ Challenge တွေ သိပ်များလာရင် ဒီ Hard Liner တွေ အပေါ်စီး ပြန်ရောက်ချင် ရောက်သွားနိုင်တယ်။ မသေချာဘူးပေါ့။ အတိုက်အခံဘက်ကလည်း မထူးဘူး။ Moderate ရှိသလို Militant လည်း ရှိနိုင်တယ်။ ဒါပေမယ့် ခုထိက ကံကောင်းတယ်။ Moderate အုပ်စုက အပေါ်စီးရနေတာ။ သို့သော် မြန်မာပြည်မှာ Militant Trend က ကြီးကြီးမားမားကို ရှိတယ်။ အခြေအနေ မကောင်းလို့ ငုံနေတာ။ သူလည်း အချိန်မရွေး ပြန်လာနိုင်တယ်။ အဲဒီအုပ်စုတွေ အပေါ်စီးရသွားရင် အနာဂတ်က မကောင်းနိုင်ဘူး။ ကျွန်တော်ကတော့ ထင်တယ်။ ဒီနှစ်လည်း ကြုံအုံးမှာဘဲ။ လက်ပံတောင်းလို အလားတူကိစ္စတွေ။ အဲဒါတွေ ဘယ်အချိန် ဘရိတ်ပေါက်မလဲ လန့်နေရတာ။ ထိန်းနိုင်သိမ်းနိုင်ကြရင် တော့ ကောင်းတာပေါ့ဗျာ။ ၂၀၁၅ ကတော့ အဆိုးဆုံးပေါ့ဗျာ။ ၂၀၁၅ မှာ free & fair ဖြစ်မဖြစ် မသေချာဘူးဗျ။

ဝင်းဖေမောင် ။ ။ ဘာဖြစ်လို့ မသေချာဘူးလို့ ဆရာပြောနိုင်တာလဲ။

ကျော်ဝင်း ။ ။ ဘာဖြစ်လို့မသေချာဘူးဆိုတော့ free & fair တကယ်လို့ဖြစ်ခဲ့ရင် NLD Landslide နိုင်မှာပဲ။ ဒါကလည်း By-election အတွေ့အကြုံပဲ။ အဲလို နိုင်သွားရင် အာဏာလွှဲမလွှဲ မသေချာဘူး။ ဘာလို့ မသေချာလည်းဆိုတော့ Constitution ရှိတယ်။ Constitution က ကာလုံပေါ့ဗျာ။ ကာကွယ်ရေးနဲ့ လုံခြုံရေးကောင်စီပေါ့။ သူက အရေးပေါ် အခြေအနေ ကြေငြာလို့ရတယ်။ ဘာလို့လည်းဆိုတော့ တပ်ကလုပ်ချင် လုပ်လို့ရတယ်။ အဲဒီတော့ နိုင်ပြီးမှ အာဏာမလွှဲရင် သူတို့ နာမည်ပျက်မယ်။ သိက္ခာကျမယ်။ အဲဒါ ညစ်မလား။ ညစ်ရင်လည်း သိက္ခာကျမယ်။ ဒါပေမယ့် ညစ်လိုက်တာက သိက္ခာကျတာ နည်းနည်းတော်အုံးမယ်။ အဲဒီတော့ Larry Diamond တို့က အကြံပေးတာ ရှိတယ်။ Constitution အကုန်လုံး မပြင်နိုင်ရင် အခုလောလောဆယ်မှာ အပေါ်စီးရနေတဲ့ အစိုးရဘက်က ဦးသိန်းစိန်၊ ဒီဘက်က ဒေါ်အောင်ဆန်းစုကြည်တို့ ညှိပါ။ အကုန်းလုံးပြင်ဖို့ မဟုတ်ပါဘူး။ ကာလုံက အရေးပေါ်ကြေငြာလို့ ရတယ်ဆိုတဲ့အချက်ကို ညှိပါ။ ဒါဆို နိုင်ငံရေး crisis ကို ရှောင်နိုင်တယ်ပေါ့။ လက်တွေ့မှာ အဲသလောက် Practical ကျမယ်လို့ မထင်ဘူး။ ဒီအချိန်မှာတော့ ညှိရမယ်မထင်ဘူး။ ဒီအချိန်မှာတော့ Constitution ပြင်ရေးက သိပ်လွယ်မယ်မထင်ဘူး။ အဲဒီတော့ ဒုတိယက အကြံပေးတာ ကတော့ PR လုပ်ပေါ့ဗျာ။ အဲဒါလုပ်ရင် အာဏာသိမ်းနိုင်မယ့် အလားအလာ သိပ်မရှိဘူး။ ဘာဖြစ်လို့လဲဆိုတော့ သူက အကုန်လုံးမျှသွားမယ် ဆိုတော့ ဘယ်သူမှလည်း majority နိုင်စရာမရှိတော့ အစိုးရဘက် သိပ်စိုးရိမ်စရာလဲ မရှိဘူး။ အနည်းဆုံး USDP က Strong Opposition အနေနဲ့ ရပ်နိုင်မှာက ကျိန်းသေချင် ကျိန်းသေမှာ။ အခုအနေအထားက free & fair ပေးလိုက်ဆိုရင် Strong Opposition ရချင်မှရမှာ။ NLD ရဲ့ အားက အများကြီးဖြစ်သွား နိုင်တယ်။ ဒီသဘောလေးတွေ ပါကောင်းပါနိုင်တယ်။ အဲဒါဆိုလို့ရှိရင် PR လုပ်တာ အားနည်းချက်က နှစ်ခုရှိတယ်။ တစ်ခုက Extreme အစွန်းရောက် ပါတီမှာလည်း နေရာရသွားနိုင်တယ်။ အထူးသဖြင့် ရခိုင်လို နေရာမျိုးမှာ။ နောက်တစ်ခုက Constitution ပြောင်းရေး။ အခု ပြောင်းရေးမဟုတ်ပါဘူး။ အခွင့်သာရင် ပြောင်းဖို့။ ပြောင်းဖို့မှာ ဘယ်သူမှ Majority မရဘူး။ အဲဒီဟာတွေ တော့ အားနည်းချက်ရှိတယ်။ နောက်ပြီးတော့ NLD လက်ခံနိုင်မှ။ NLD က လက်မခံရင်လည်း ဒေါ်စုကိုယ်တိုင်က Radical ပြန်ရောက်သွားနိုင်တယ်။ NLD က လက်မခံဘူးဆိုတာက သူတို့က သဘောပေါက်တာက Larry Diamond ပြောတာ သူတို့မသိဘူး။ ဦးဝင်းတင်လည်း မသိဘူး။ သူတို့သိတာ ဦးခင်မောင်ဆွေ တင်တာလို့သိတာ။ By-election result ကို မနာလိုမရှုဆိမ့်လို့ ထင်တယ်လို့ ထင်နေတယ်။ ဒီလိုစဉ်းစားရင် သူတို့ တိမ်တယ် (ဒေါ်စုဘေးက လူတွေက) အဲဒီတော့ သူတို့က Object လုပ်ဖို့ရှိတယ်။ အဲဒီ Object ထဲမှာ ဒေါ်စုပါသွားရင် နောက်ထပ် ဒါလည်း crisis တစ်ခုဘဲ။ အဲဒီတော့ ချုပ်လိုက်ရင် PR လုပ်ရင်တော့ အာဏာသိမ်းမယ့် အန္တရာယ်တော့ ကျော်လွှားနိုင်တယ်။ ဒါပေမယ့် ရေရှည်မှာ ခက်သွားမယ်။ ပိုဆိုးတာ NLD လက်မခံလို့ရှိရင် crisis တွေ ဘာတွေပါလာမယ်။ ခက်တာက အခုချိန်ထိ (၂)နှစ်ပဲ ကျန်တော့တယ်။ ဒီ (၂)နှစ်အတွင်းမှာ ဒါကို NLD အပါအ၀င် အတိုက်အခံဘက်က ဘယ်သူမှ တပြေးညီ မရှိကြဘူး။ အစိုးရဘက် ဘယ်လိုတွေ ခြေလှမ်းတွေလည်း ကျွန်တော်တို့ မသိနိုင်ဘူး။ နောက်ထပ် ဖြစ်နိုင်ချေ အလားအလာ တစ်ခုက ဦးရွှေမန်းရဲ့ ခြေလှမ်းတွေ။ သူက ကစားဖို့တော့ ကြိုးစားနေတယ်။ သူကစားဖို့ ကြိုးစားတာက သူက ပထမ နိုင်ဖို့ပေါ့။ မနိုင်ရင် Strong Opposition ဖြစ်ဖို့၊ အဲဒီအတွက်လည်း သူ့ခြေလှမ်းတွေ နည်းနည်းတွက်လို့ရတယ်။ ဘာဖြစ်လို့ လည်းဆိုတော့ ကိုကိုကြီးကို သိသိသာသာ ပွဲထုတ်တာ တော်တော် ရည်မှန်းချက် ရှိတယ်။ ဒေါ်အောင်ဆန်းစုကြည်နဲ့အပြိုင် figure မွေးတာပေါ့ဗျာ။ အတိုက်အခံ မဲကွဲအောင်လို့ အပြင်ရောက်နေတဲ့ လူ့ဘောင်သစ်ကို တွဲခေါ်သွားတာ။ အဲသလိုမျိုး သူကစားနိုင်လို့ NLD မဲကွဲပြီး Landslide မရဘူး ဆိုရင်တော့် USDP က Strong Opposition ဖြစ်မှာ မဟုတ်ဘူး။ ဒါဆိုလည်း အေးအေးညောင်းညောင်း ပြီးချင်ပြီးသွားမှာ။ အဲဒီတော့ ဘယ်လိုဖြစ်မယ်ဆိုတာ တော့ မသိသေးဘူး။ ကျွန်တော်တို့ ဖြစ်စေချင်တာကတော့ USDP က PR သုံးသုံး မသုံးသုံး ကိုယ့်ဘက်ကတော့ တပ်ပေါင်းစုတော့ လုပ်စေချင်တယ်။ တပ်ပေါင်းစု လုပ်လိုက်ခြင်းအားဖြင့် PR သုံးရင်လည်း တကယ်လို့ ပြင်ဖို့လိုအပ်လို့ ပြင်ခွင့်ရလို့ ပြင်တော့မယ်ဆိုရင် တပ်ပေါင်းစုအနေနဲ့ majority ရနိုင်တယ်။ နောက်အစိုးရပါတီတွေ ၀င်တော့လည်း တပ်ပေါင်းစုနဲ့ ကာရင်တော့ ရနိုင်တယ်။ သို့သော် တပ်ပေါင်းစုလုပ်ဖို့ ဆိုရင်တော့ ဒေါ်စု အပါအ၀င် NLD ပြင်ရလိမ့်မယ်။ By-election တုန်းက ပုံစံလုပ်လို့ မရဘူး။ လူမျိုးစုကိစ္စတွေမှာ ၀င်ပြိုင်တာမှားတယ်။ ကျွန်တော်ကတော့ အဲလိုဘဲမြင်တယ်။ လူမျိုးစုကိစ္စ (၂) နေရာ (၃) နေရာလောက် လွှတ်ပေးလိုက်ပေါ့ဗျာ။ အဲဒီတော့ လူမျိုးစုတွေ သူ့သဘောထား မကောင်းဘူး။ ခုအချိန်မှာ တပ်ပေါင်းစုဖွဲ့ဖို့တောင် နည်းနည်း ခက်နေတာ။ ရနိုင်ပါသေးတယ်။ ဒေါ်စုသာ ဦးဆောင်လို့ရှိရင်။ ဒါပေမယ့် နည်းနည်းတော့ ခက်သွားပြီ။ လူမျိုးစုတွေက သူ့အပေါ် သဘောထား သိပ်မကောင်းချင်ကြဘူး။ သူလည်း မာမာဘဲ ဆိုလို့ရှိရင် အန္တရာယ်ကြီးတယ်။ ဦးခင်မောင်ဆွေတို့ဆို ကိုယ့်လုပ်ဖော်ကိုင်ဖက် တွေပဲဗျာ။ ထောင်ကျဖော် ကျဖက်တွေဘဲ။ ဒီလောက် သဘောထားမတင်းမာသင့်ဘူးလို့ ထင်တယ်။ တစ်ပါတီထဲ မစုနိုင်အောင် တပ်ပေါင်းစုတော့ စုသင့်တယ်။ By-election အတွေ့အကြုံအရဆိုရင် ပါလီမန် အတွေ့အကြုံရှိတာ ကျန်ကောင်းကျန်နိုင်တာ တစ်ယောက်ရှိတာ။ ဦးသုဝေပဲ။ ဒီလိုလူမျိုးကိုတော့ လက်ရှောင်ပေးသင့်တယ်။ အဲသလောက် လောဘကြီးလို့ရှိရင် နိုင်ငံရေးက တပ်ပေါင်းစုနိုင်ငံရေး သွားလို့မရဘူး။ သူ့အဖေ သင်ခန်းစာယူဖို့ ကောင်းတယ်။ သူ့အဖေဆိုရင် ဖဆပလတွေ သွားလို့ရတာပေါ့။ ဒါပေမယ့် ဘေးရောက်နေတဲ့ ဦးဘဖေတို့လို လူမျိုးတောင် ဆွဲခေါ်တာ။ စုနိုင်သမျှ အင်အားစုကို စုစည်းရဖို့ဆိုရင် မမြင်ဘူး။ ဒါမျိုးသိပ်မရှိဘူး။ အဲဒါလည်း ခွကျတယ်။

ဝင်းဖေမောင် ။ ။ ဆရာရေ ဦးရွှေမန်းသာ election မှာနိုင်ဖို့ ဦးတည်ချက်ထားမယ်ဆိုရင် trade-off တွေက ဘာတွေဖြစ်လာနိုင်သလဲ။

ကျော်ဝင်း ။ ။ အဲဒီမှာ ပြဿနာက သူနဲ့ ဦးသိန်းစိန်ရဲ့ ပဋိပက္ခက သူတို့ရပ်တန်းက မရပ်နိုင်ရင် USDP နှစ်ခြမ်းကွဲမှာ။ နှစ်ခြမ်းကွဲရင်တော့ NLD ဘက်က နည်းနည်း ကောင်းသွားမျာ။ ခုအတိုင်းကတော့ သူတို့ ဘရိတ်မအုပ်ကြဘူးဗျ။ USDP နှစ်ခြမ်းကွဲမလား (သို့) ဦးသိန်းစိန် ထွက်မလား။ ဒါလည်း မသေချာဘူး။ တပ်ပေါင်းစုသာ သွားနိုင်မှ ဖြစ်မှာ နို့မဟုတ်လို့ရှိရင် NLD ကို check and Balance လုပ်နိုင်တဲ့သူ မရှိဘူး။ မရှိတော့ သူလည်း မကောင်းဘူး။ ပါတီငယ်လေးတွေကလည်း Marginalize ဖြစ်မယ့် အန္တရာယ်လည်းရှိတယ်။ By-election အတွေ့အကြုံအရ ကျွန်တော်ကတော့ တပ်ပေါင်းစုပဲ သွားစေချင်တယ်။ ပါတီတစ်ခုချင်းတော့ သိပ်မပြောချင်ဘူးဗျ။ NLD ကစပြီး ပါတီတိုင်းမှာ အားနည်းတယ်။ ဒါလည်း သဘာဝကျပါတယ်။ Institution က နိုင်ငံတော်မှာတင် မဟုတ်ဘူး။ ပါတီမှာလည်း လိုတယ်။ ပါတီ Institution ဟိုတုန်းကစကားနဲ့ ပြောမယ်ဆိုရင် လက်ဝဲဘာသာစကားပေါ့ဗျာ။ ပါတီ တည်ဆောက်ရေး ဘယ်ပါတီလုပ်နိုင်လို့တုန်း။ လုပ်ရကောင်းမှန်းကို မသိကြတာ။ ခက်တော့ခက်တယ်ဗျ။

ဝင်းဖေမောင် ။ ။ ဆရာ ဒေါ်အောင်ဆန်းစုကြည်သာ ဦးခင်မောင်ဆွေတို့ ဦးသုဝေတို့နဲ့ လက်တွဲနိုင်ရင် အမျိုးသားအကျိုးစီးပွား ဦးတည်နိုင်တယ်ပေါ့။

ကျော်ဝင်း ။ ။ ဟုတ်တာပေါ့။ ကောင်းသွားနိုင်တယ်။ ပြီးတော့မှ USDP နဲ့ အပေးအယူ လုပ်ပေါ့ဗျာ။ USDP နဲ့ deal ကိုတော့ လုပ်ရမှာပဲ။ တဖက်သတ် ကန့်လန့်ချလို့ တော့ မရဘူး။ deal လုပ်ဆိုတာတော့ တပ်ကိစ္စ။ တပ်ကလည်း အဆောတလျင် တပ်သုတ်ရိုက်မလုပ်နဲ့ဗျ။ ပြီးတော့ တပ်ကရှိနေတာ မြန်မာပြည်မှာ ပြည်တွင်းစစ် အခံလဲရှိတယ်။ အဲဒီ ပြည်တွင်းစစ်က တပ်ဖက်ကစဉ်းစားရင် မှန်သလောက်မှန်တယ်။ ဗကပ မရှိတော့တဲ့နောက် လူမျိုးစု လက်နက်ကိုင် အားလုံးပေါင်းရင် တစ်သိန်းကျော်တယ်။ လူဦးရေ အချိုးအစားနဲ့ တွက်လို့ရှိရင် မြန်မာပြည်က သူပုန်အများဆုံး။ ဒီအနေအထားအောက်မှာ စစ်တပ်က လုံခြုံရေးကြီးတော့ မစဉ်းစားနဲ့။ ဒီလိုအခြေအနေမျိုးမှာ တပ်ကို ဘားတိုက်ပြန်တော့ ပြောရင် ဘယ်သူမှလက်ခံနိုင်မှာ မဟုတ်ဘူး။ တကယ့် လက်တွေ့မှာလည်း တပ်ဘားတိုက်ပြန်လို့ရှိရင် မြန်မာပြည်ဟာ အစိပ်စိပ် အမွှာမွှာ ကွဲကုန်နိုင်တယ်။ ဘောလ်ကန်နိုက်ဇေးရှင်း အန္တရာယ် တိုးနိုင်တယ်။ တို့လူမျိုးစုတွေရဲ့ အစွဲအလန်းနဲ့ တင်းမာမှုနဲ့ဆို ပြောလို့မရဘူး။ အဲဒီတော့ ပြည်တွင်းစစ်ရပ်စဲရေး မရသေးခင်တော့ အလားအလာ မရှိသေးခင်တော့ တပ်က လုပ်လု့ရမယ်ထင်တယ်။ မရတဲ့အတူတော့ မလုပ်ဘဲနဲ့ တပ်ကို တတ်နိုင်သလောက် minimize လုပ်ဖို့လိုတယ်။ Demilitarize လုပ်ရမှာဘဲ။ ဒါလည်း ပါးပါးနပ်နပ်မှ။ ဒါပေမယ့် အဲဒီပါးနပ်မှုက ဒေါ်စု ရှိမယ်ထင်တယ်။ ဒေါ်စု လွှတ်တော်ထဲဝင်ပြီး နောက်ပိုင်း အရင်ဒေါ်စုနဲ့ မတူတော့ဘူး။ အများကြီး ပျော့ပျော့ပြောင်းပြောင်း ဖြစ်သွားတယ်။ အများကြီး ပြောင်းသွားတယ်။ ဒါလိုအပ်ပါတယ်။ ဒါကြောင့်လည်း ဒေါ်စုကို ဘာနဲ့မှ အစားထိုးလို့ မရတာ။ ကျွန်တော်တို့ဆီမှာ အစဉ်အလာ ခေါင်းဆောင်အားလုံးက အနည်းနဲ့အများ လက်ဝဲသြဇာကြီးတယ်။ Radical ဘက်ကိုဖြစ်တယ်။ ပြီးတော့ Democratic နဲ့ ways of thinking နဲ့ သိပ်ပြီးတော့မကိုက်ဘူး။ Liberal Minded မရှိဘူး။ ရှားရှားပါးပါး ဒေါ်စုတစ်ယောက်ပဲရှိတာ။ ဒါကလည်း ဒေါ်စု ပညာရေး ကောင်းခဲ့လို့ သူ့နေရာကို ဘယ်သူမှ အစားထိုးလို့မရဘူး။ သူတောင်မှ Radical အငွေ့အသက်တွေက သိပ်ကင်းတာမှ မဟုတ်ပဲ။ အခုနောက်ပိုင်းမှသာ ကျွန်တော်တို့လူထုရဲ့ အခံကလည်း Radical အခံကြီးတယ်။ လက်ဝဲသြဇာ ကလည်း ကြီးတယ်။ လက်ဝဲကို ကွန်မြူနစ်ဆန့်ကျင်ရေးသမားလို့ ကိုယ့်ကိုကိုယ် ထင်တဲ့လူကိုက စဉ်းစားတော့ လက်ဝဲ ways of thinking ထဲက မထွက်ဘူး။ ဒါတွေကလည်း ပြဿနာပဲ။ ဒါကြောင့် အခု ဒေါ်အောင်ဆန်းစုကြည် ကျယ်ကျယ်ပြန့်ပြန့် ခြေခြေမြစ်မြစ်ပြောတော့ သူ့ကို လူအကြိုက် သိပ်မများတော့ဘူး။

ဝင်းဖေမောင် ။ ။ ဒေါ်အောင်ဆန်းစုကြည်ရဲ့ အားနည်းချက် ဘာတွေဖြစ်လာနိုင်သလဲ။

ကျော်ဝင်း ။ ။ အားနည်းချက်ကတော့ သူလည်းပဲ မြင်တာပါပဲ။ ပွင့်ပွင့်လင်းလင်းပြောရင် မဟာဗျူဟာ သိပ်မရှိဘူးလို့ ထင်တယ်ဗျာ။ ဒါပေမယ့် သူ့မျာက Liberal Minded ရှိတာလေးပဲသိတယ်။ နိုင်ငံရေးမှာတော့ မဟာဗျူဟာမြောက် စဉ်းစားတာမျိုးတော့ နည်းတယ်ဗျ။ ဒါလည်း သဘာဝကျတယ်။ သူနိုင်ငံရေးမှ မလုပ်ဖူးတာ။ သူ့အနေနဲ့ အဲဒါတွေ ကွာတာကိုး။

ဝင်းဖေမောင် ။ ။ ဦးသိန်းစိန် အနေနဲ့ရော ဘယ်လိုမူဝါဒမျိုးတွေ ချမှတ်သင့်ပါသလဲ။

ကျော်ဝင်း ။ ။ မရဘူးဗျ။ သူလုပ်နေတာ ယေဘုယျအားဖြင့် လမ်းကြောင်းမျန်လို့ ပြောလို့ရတယ်။ ဒါပေမယ့် အားလုံးက capacity နိမ့်နေကြတယ်။ အချိန်ယူရမှာ ပဲ။ Gradual နဲ့ပဲသွားလို့ရမယ်။ မြန်မြန်ဆန်ဆန် လုပ်လို့မရဘူး။ ဦးသိန်းစိန် ကလည်း တပ်ကဆိုတော့ တပ်အစွဲရှိတယ်။ တပ်က တပ်အချင်းချင်းပဲ ယုံတာ။ အပြင်လူကို မယုံဘူး။ အဲဒီတော့ နိုင်ငံရေးအကြံပေးခေါ်လို့ရရှိရင် တပ်ကပဲ ခေါ်တာ။ အပြင်လူမပါဘူး။ စီးပွားရေးအကြံပေးတော့ အပြင်လူပါတယ်။ နောက်ထပ် အရေးကြီးတာတစ်ခုက conservative တွေရှိတာ။ conservative တွေကို တည့်တည့်ပြောရမယ်ဆိုရင် အစိုးရအဖွဲ့နဲ့ လွှတ်တော်ထဲမှာ သိပ်မရှိဘူး။ ပြီးတော့ ဦးရွှေမန်းကိုယ်တိုင်ကိုက သူ့မှာ interests တွေ အများကြီးရှိတယ်။ အဲဒါ စီးပွားရေးပြုပြင် ပြောင်းလဲမှုရဲ့ အကြီးဆုံး အဟန့်အတားဖြစ်နိုင်တယ်။ အဲဒါ သမ္မတအတွက် တကယ့်စိန်ခေါ်မှုပဲ။ နောက်ပြီးတော့ ကာလုံကို ဗိုလ်ချုပ်မှူးကြီးဦးသန်းရွှေ ကိုယ်တိုင်ခန့်ထားတာ။ သူကတော့ အာဏာသိမ်းချင်တောင်မှ သူ့သဘောနဲ့သူ သိမ်းဖို့သိပ်မလွယ်ဘူး။ ဘာဖြစ်လို့လဲဆိုတော့ သူက သိပ်ဝါနုတာကိုး။ ပြီးတော့ သူကသူ့တပ်ကို မကိုင်နိုင်တဲ့ လူတွေရှိတယ်။ လူဝတ်လဲထားတဲ့ လူတွေရှိတယ်။ အဲဒီလူတွေ (Hard Liners) တွေက အများကြီးဘဲ။ အဲဒီလူတွေက ဦးရွှေမန်းဘက်ကလူတွေ ဖြစ်နေတာ။ ဒီပြဿနာကတော့ အကြီးကြီးဘဲ။ ဒါပေမယ့် မှန်းဆကြည့်တာ သမ္မတနဲ့ ကာလုံနဲ့ကတော့ အသွင်းချင်းကတူတယ်။ အဲဒီ Power struggle ကလည်း ကြောက်ရတယ်။ ဒါပေမယ့် ဦးရွှေမန်းက နိုင်ငံရေး ကစားချင်တဲ့ သဘောရှိတယ်။ ကစားသွားရင် သိပ်မစိုးရိမ်တော့ဘူး။ အာဏာက ဘယ်သူရရ စိတ်မ၀င်စားတော့ဘူး။ ဒါပေမယ့် တိုင်းပြည်နောက်ကြောင်းမပြန်ရင် တော်တာပဲ။ ကစားတာ အောင်မြင်ရင်တော့ သူ့ကို အားပြန်ကိုးရတာပေါ့။ သူ့ကြည့်ရတာတော့ ပြန်အာဏာသိမ်းချင်တဲ့ပုံစံ မတွေ့ရဘူး။ ဒါပေမယ့် သူ့နောက်က လူတွေအားလုံးက လက်ယားနေတာကြာပြီ။ ဒီလူတွေကတော့ ပြောမရဘူး။ စစ်တပ်ဆိုတဲ့သဘာဝက ကိုယ်ကဘဲ အနိုင်ယူချင်တာပေါ့။ အခုဟာ သမ္မတကရော ကာကွယ်ရေးဦးစီးချုပ်ကရော မတိုက်နဲ့ဆိုတော့ အကျအဆုံးက တော်တော်များတယ်။ အဲဒါလည်း ဘရိတ်ပေါက် သွားနိုင်တယ်။

ဝင်းဖေမောင် ။ ။ ကျေးဇူးအများကြီးတင်ပါတယ် ဆရာ။

↧

နေကြာစေ့မစားနဲ့

June 21, 2013, 6:03 am

≫ Next: ပင်လယ်ပြင်တွင် မီးလောင်နေသည့် စက်လှေအား တပ်မတော်(ရေ)မှ ကယ်ဆယ်

≪ Previous: ဆရာကျော်ဝင်းနှင့် အင်တာဗျူး

Photo: နေကြာစေ့မစားနဲ့ ------------------ နေကြာစေ့တစ်ထုတ်ဝယ်လာပြီး ဇာတ်ကားကြည့်ရင်း ထိုင်စားနေမိတယ်။ နေကြာစေ့တွေ့ကို စာရွက်ပေါ်သွန်ထည့်။ ပြီးတော့ စားထားတဲ့ အခွံလေးတွေကို သူ့အိတ်ထဲပြန်ထည့်တယ်။ ဒီလိုနဲ့ ဇာတ်ကားကြည့်ရင်း စားနေလိုက်တာ ဇာတ်ကားအစရှိသေး နေကြာစေ့တစ်ထုပ်ကုန်သွားတယ်။ ဒါနဲ့ လွတ်ပစ်ဖို့ နေကြာစေ့အခွံထည့်ထားတဲ့ အိတ်ကိုယူပြီး ကိုင်စဉ်မှာပဲ အတွေးတွေက ၀င်လာတယ်။ ကျွန်တော်စားလိုက်တဲ့ နေကြာစေ့ (အထဲကအဆံ)က ဘယ်နှစေ့လောက်စားရသလဲ ကျွန်တော်မသိလိုက်ဘူး။ အဲဒီနေကြာစေ့က ဘယ်လိုအာဟာရတွေရလိုက်သလဲ ကျွန်တော်မသိဘူး။ ကျွန်တော်သိလိုက်တာက ကိုင်ထားတဲ့ အိတ်က အရင်ကထက်ကြီးနေတာပါပဲ။ ဟုတ်တယ်လေ နေကြာစေ့အဆံတစ်ခုစားရဖို့ အခွံနွာလိုက်ရင် အနည်းဆုံး ၂ ခွံရတယ်။ ကျေသွားတဲ့ဟာဆိုရင် လေးငါးခွံလောက်ဖြစ်သွားတာပေါ့။ စားရတာနဲ့ အခွံတွေရဲ့ အမှိုက်ကမကာမိသလိုပါပဲ။ ဒီလိုပါပဲ လူတွေရဲ့ ဘ၀မှာ ၀မ်းတစ်ထွာအတွက် ကျောင်းလိုက်ရတာ၊ ရှာလိုက်ရတာ။ “ ၀မ်းအပြင် ပုပ်မပါဘူး ”တဲ့။ ဘယ်လောက်စားစား တစ်ဝမ်းဝယုံ၊ ဘယ်လောက်ရှာရှာ တစ်ကိုယ်စာ ဆင်ယုံပဲမဟုတ်လား။ ဒါပေမယ့် အဲဒီတစ်ဝမ်းစာ၊ တစ်ကိုယ်စာအတွက် ရတာနဲ့ ဆင်းရဲခံလိုက်ရတာ တန်ပါရဲ့လား။ ကုသိုလ်တစ်ပဲ ငရဲတစ်ပိဿာတဲ့။ အလှူကြီးလှူပြီး ရတဲ့ကုသိုလ်ကနည်းနည်း အကုသိုလ်ဖြစ်တာက များများဆိုတာတွေကလည်း ဒုနဲ့ဒေးပါပဲ။ ` ကျွန်တော်တို့ လူမှုပတ်ဝန်းကျင်မှလည်း ဒီလိုအဖြစ်တွေအများကြီးပါ။ ဥပမာ ကိုယ်စားလိုက်တဲ့ မုန့်တစ်ထုတ်ကို စည်းကမ်းမဲ့စွန့်ပစ်ခြင်းတွေပေါ့။ ကိုယ်ဝမ်းဝပြီးရော ဆိုရင်တော့ ကိုယ်ပါတစ်ချိန်ကြရင် ၀မ်းဝဖို့ခက်သွားနိုင်ပါတယ်။ ကိုယ်ကစပြီးတော့ ဘေးဝန်းကျင်ကပွားများလာတဲ့ အမှိုက်တွေ ပြီးတော့ ခေါင်းထဲကအမှိုက်တွေ။ ခေါင်း(စိတ်)ဆိုတာ ဆေးကြောရပါတယ်။ စိတ်ကလေး သန့်ရှင်းတည်ငြိမ်နေအောင် ဆေးကုရပါတယ်။ ကိုယ့်ခေါင်းထဲမှာ မလိုလားအပ်တဲ့အမှိုက်တွေနဲ့ အပြည့်ခံနေလို့မဖြစ်ပါဘူး။ မြန်မြန်ရှင်းထုတ်နိုင်ပါမှ တန်ယုံကြမယ်။ သြော် ဒါနဲ့ ဒါတွေတွေးတွေးနေတာက ကျွန်တော့်ရဲ့အမှိုက်တွေလား။ အမှိုက်ဖြစ်သွားရင်တော့ ခွင့်လွှတ်ကြပါကုန်။ ဒီတော့မှ နေကြာ့စေအကုန်ကို စွန့်ပစ်ရင်း နေကြာစေ့မစားဘူးကွာလို့…..။ ၂၀-၆-၂၀၁၃။

------------------
နေကြာစေ့တစ်ထုတ်ဝယ်လာပြီး ဇာတ်ကားကြည့်ရင်း ထိုင်စားနေမိတယ်။
နေကြာစေ့တွေ့ကို စာရွက်ပေါ်သွန်ထည့်။ ပြီးတော့ စားထားတဲ့ အခွံလေးတွေကို သူ့အိတ်ထဲပြန်ထည့်တယ်။ ဒီလိုနဲ့ ဇာတ်ကားကြည့်ရင်း စားနေလိုက်တာ ဇာတ်ကားအစရှိသေးနေကြာစေ့တစ်ထုပ်ကုန်သွားတယ်။
ဒါနဲ့ လွတ်ပစ်ဖို့ နေကြာစေ့အခွံထည့်ထားတဲ့ အိတ်ကိုယူပြီး ကိုင်စဉ်မှာပဲ အတွေးတွေက ၀င်လာတယ်။
ကျွန်တော်စားလိုက်တဲ့ နေကြာစေ့ (အထဲကအဆံ)က ဘယ်နှစေ့လောက်စားရသလဲ ကျွန်တော်မသိလိုက်ဘူး။ အဲဒီနေကြာစေ့က ဘယ်လိုအာဟာရတွေရလိုက်သလဲ ကျွန်တော်မသိဘူး။
ကျွန်တော်သိလိုက်တာက ကိုင်ထားတဲ့ အိတ်က အရင်ကထက်ကြီးနေတာပါပဲ။ ဟုတ်တယ်လေ နေကြာစေ့အဆံတစ်ခုစားရဖို့ အခွံနွာလိုက်ရင် အနည်းဆုံး ၂ ခွံရတယ်။ ကျေသွားတဲ့ဟာဆိုရင် လေးငါးခွံလောက်ဖြစ်သွားတာပေါ့။
စားရတာနဲ့ အခွံတွေရဲ့ အမှိုက်ကမကာမိသလိုပါပဲ။
ဒီလိုပါပဲ လူတွေရဲ့ ဘ၀မှာ ၀မ်းတစ်ထွာအတွက် ကျောင်းလိုက်ရတာ၊ ရှာလိုက်ရတာ။
“ ၀မ်းအပြင် ပုပ်မပါဘူး ”တဲ့။ ဘယ်လောက်စားစား တစ်ဝမ်းဝယုံ၊ ဘယ်လောက်ရှာရှာ တစ်ကိုယ်စာ ဆင်ယုံပဲမဟုတ်လား။ ဒါပေမယ့် အဲဒီတစ်ဝမ်းစာ၊ တစ်ကိုယ်စာအတွက် ရတာနဲ့ ဆင်းရဲခံလိုက်ရတာ တန်ပါရဲ့လား။
ကုသိုလ်တစ်ပဲ ငရဲတစ်ပိဿာတဲ့။ အလှူကြီးလှူပြီး ရတဲ့ကုသိုလ်ကနည်းနည်း အကုသိုလ်ဖြစ်တာက များများဆိုတာတွေကလည်း ဒုနဲ့ဒေးပါပဲ။
` ကျွန်တော်တို့ လူမှုပတ်ဝန်းကျင်မှလည်း ဒီလိုအဖြစ်တွေအများကြီးပါ။ ဥပမာ ကိုယ်စားလိုက်တဲ့ မုန့်တစ်ထုတ်ကို စည်းကမ်းမဲ့စွန့်ပစ်ခြင်းတွေပေါ့။ ကိုယ်ဝမ်းဝပြီးရော ဆိုရင်တော့ ကိုယ်ပါတစ်ချိန်ကြရင် ၀မ်းဝဖို့ခက်သွားနိုင်ပါတယ်။
ကိုယ်ကစပြီးတော့ ဘေးဝန်းကျင်ကပွားများလာတဲ့ အမှိုက်တွေ ပြီးတော့ ခေါင်းထဲကအမှိုက်တွေ။ ခေါင်း(စိတ်)ဆိုတာ ဆေးကြောရပါတယ်။ စိတ်ကလေး သန့်ရှင်းတည်ငြိမ်နေအောင် ဆေးကုရပါတယ်။
ကိုယ့်ခေါင်းထဲမှာ မလိုလားအပ်တဲ့အမှိုက်တွေနဲ့ အပြည့်ခံနေလို့မဖြစ်ပါဘူး။ မြန်မြန်ရှင်းထုတ်နိုင်ပါမှ တန်ယုံကြမယ်။
သြော် ဒါနဲ့ ဒါတွေတွေးတွေးနေတာက ကျွန်တော့်ရဲ့အမှိုက်တွေလား။ အမှိုက်ဖြစ်သွားရင်တော့ ခွင့်လွှတ်ကြပါကုန်။
ဒီတော့မှ နေကြာ့စေအကုန်ကို စွန့်ပစ်ရင်း နေကြာစေ့မစားဘူးကွာလို့…..။

မောင်ပိုင်
၂၀-၆-၂၀၁၃။

— with Nanda Htun Htet and 4 others.

↧

ပင်လယ်ပြင်တွင် မီးလောင်နေသည့် စက်လှေအား တပ်မတော်(ရေ)မှ ကယ်ဆယ်

June 21, 2013, 10:17 pm

≫ Next: ဗုဒ္ဓဓမ္မ နှင့် ဒီမိုကရေစီဝါဒ

≪ Previous: နေကြာစေ့မစားနဲ့

Updated about an hour ago

ကျောက်ဖြူမြို့အနီး ပင်လယ်ပြင်တွင် မီးလောင်နေသည့် စက်လှေတစ်စီးအား တပ်မတော်(ရေ)မှ ကယ်ဆယ်

၂၀-၆-၂၀၁၃ ရက်နေ့တွင် ကျောက်ဖြူမြို့ ဇင်ချောင်း၏ အနောက်ဘက် ပင်လယ်ပြင် တစ်ဝိုက်၌် စက်လှေတစ်စီး မီးလောင်နေကြောင်း သတင်း ရရှိသည့် အတွက် တပ်မတော်(ရေ)မှ စစ်ရေယာဉ် (၅၆၈)သည် အမှတ်(၆) ရေတပ်ဆိပ်ခံ တံတားမှ နေ့လယ် ၁၁နာရီ၂၀မိနစ် အချိန်ခန့်တွင် ထွက်ခွာပြီး အဆိုပါ နေရာသို့ နေ့လယ် ၂နာရီ၂၀မိနစ် အချိန်ခန့်တွင် ရောက်ရှိကာ ဒေသခံ ငါးဖမ်းစက်လှေ တို့ဖြင့် ပူးပေါင်း၍ ကူညီ ကယ်ဆယ်ရေး လုပ်ငန်းများကို လုပ်ကိုင် ဆောင်ရွက် ခဲ့ကြောင်း သတင်းရရှိသည်။

အဆိုပါ စက်လှေသည် ရန်ကုန်တိုင်း ဒေသကြီး ဒလမြို့နယ်မှ စက်လှေဖြစ်ပြီး ပဲ့နင်း ဦးသန်းထိုက် အပါအ၀င် ရေလုပ်သား ၁၉ဦး၊ ရေယာဉ်အကြုံ လိုက်ပါသူ ၆ဦး စုစုပေါင်း ၂၅ဦး တို့ကို ညနေ ၃နာရီ ၂၅မိနစ် အချိန်တွင် တပ်မတော်(ရေ) စစ်ရေယာဉ်မှ ဘေးအန္တရာယ် ကင်းရှင်းစွာ ကယ်တင်နိုင်ခဲ့သည်။

မီးလောင်နေသည့် စက်လှေကို ဒေသခံ ငါးဖမ်းစက်လှေများဖြင့် ပူးပေါင်းကာ မီးငြိမ်းသတ်သော်လည်း မီးလောင်သည့်နေရာ ကြီးမားခြင်း၊ စက်ခေါင်းအတွင်း ဒီဇယ်၊ အင်ဂျင်ဝိုင်ကဲ့သို့ မီးလောင်လွယ်သော ပစ္စည်းများပါရှိခြင်း၊ ရာသီဥတု ဆိုးဝါးပြီး လှိုင်းလေ အခြေအနေကြောင့် ထိရောက်စွာ မီးငြိမ်းသတ်နိုင်ခြင်း မရှိဘဲ ညနေ ၄နာရီ ၁၀မိနစ် အချိန်ခန့်တွင် ၎င်းစက်လှေသည် နစ်မြုပ်သွားခဲ့သည်။

နစ်မြုပ်သွားသည့် စက်လှေသည် အလျား ၁၀၀ပေ၊ အနံ ၂၈ပေ၊ ရေစူး ၁၀ပေခန့်၊ စက်မကြီး Camming ၆လုံးထိုးဖြစ်ပြီး ရန်ကုန်တိုင်း ဒေသကြီး ကြည်မြင်တိုင် မြို့နယ်နေ ဦးမင်းစိန်ပိုင် ရွှေဇင်ယော်ဟိန်း ကုမ္ပဏီမှ ဖြစ်ပြီး ဇွန် ၁၇ရက်တွင် လင်းလင်းနိုင် လှေအဖွဲ့အတွက် ဒီဇယ်ဆီ ပေပါ ၁၀၀လုံး၊ ရေယာဉ်အတွင်း အသုံးပြုရန်အတွက် ဒီဇယ်ဆီ ပေပါ ၂၀လုံး၊ အင်ဂျင်ဝိုင် ၅ဂါလန် ပုံး ၂၀လုံးနှင့် ရေလုပ်ငန်းသုံး ပိုက်ကြိုး စသည့် ပစ္စည်းများ တင်ဆောင်ကာ ရန်ကုန်တိုင်း ဒေသကြီး၊ ကမာရွတ် ဘူတာရုံလမ်းအနီး ရွှေဇင်ယော်ဟိန်း ကုမ္ပဏီတံတားမှ ဇွန် ၁၇ ရက်တွင် ကျောက်ဖြူမြို့သို့ ထွက်ခွာလာခဲ့ရာ ဇွန် ၂၀ရက် နံနက်၁၀နာရီ အချိန်ခန့် ဖြစ်စဉ်နေရာ တစ်ဝိုက်အရောက်တွင် Exhaust Turbo အပူချိန် မြင့်တက်လာပြီး မီးလောင်ကျွမ်းခြင်း ဖြစ်ကြောင်း သိရှိရသည်။

မြဝတီ

↧

ဗုဒ္ဓဓမ္မ နှင့် ဒီမိုကရေစီဝါဒ

June 21, 2013, 10:24 pm

≫ Next: တိုင်မ်း မဂ္ဂဇင်းပါ ဆောင်းပါးအား ဆန်းစစ်ဝေဖန်ခြင်း

≪ Previous: ပင်လယ်ပြင်တွင် မီးလောင်နေသည့် စက်လှေအား တပ်မတော်(ရေ)မှ ကယ်ဆယ်

by Myint Myint Khin Pe (Notes) on Monday, June 17, 2013 at 10:47am

ကမ္ဘာကြီးမှာ ခေတ်တွေ၊ စနစ်တွေ ပြောင်းလဲနေတယ်ဆိုတာ တကယ်တော့ လူသားတွေဟာ လူသားသိက္ခာနဲ့အညီ လွတ်လပ်စွာ၊ တရားမျှတစွာ၊ ငြိမ်းချမ်းစွာ၊ ချမ်းသာစွာ နေထိုင်ခွင့် ရနိုင်ကြမဲ့ စနစ်တွေ၊ ၀ါဒတွေကို လူသားအတွေးအခေါ်၊ ပုထုဇဉ်အသိဥာဏ်နဲ့ တွေးတောကြံဆလာခဲ့ကြရာက အခုဆိုကမ္ဘာကြီးမှာ ဒီမိုကရေစီဝါဒဟာ လူသားတွေနဲ့ အကိုက်ညီဆုံး၊ အကျိုးအရှိဆုံးဝါဒအဖြစ် လက်ခံလာကြပြီး မြန်မာနိုင်ငံ အပါအ၀င် ကမ္ဘာ့နိုင်ငံတိုင်းလိုလိုက ဒီမိုကရေစီလမ်းစဉ်ပေါ် လျှောက်လှမ်းနေကြပါပြီ။ လျှောက်လှမ်းဖို့ ကြိုးစားနေကြပါပြီ။

တကယ်တော့ ဒီ ဒီမိုကရေစီလမ်းစဉ်ဆိုတာ အသစ်အဆန်းလမ်းစဉ်ကြီးတော့ မဟုတ်ပါဘူး။ လွန်ခဲ့တဲ့ နှစ်ပေါင်း ၂၅၀၀ကျော် ကတည်းက ဗုဒ္ဓမြတ်စွာဘုရားက ဒီလမ်းစဉ်ကို ဘ၀နေနည်း အဖြစ်ဟောကြားခဲ့ပြီးသားပါ။

၁။ ဒီမိုကရေစီဝါဒမှာ တရားမျှတခြင်းဆိုတာ အဓိကအနှစ်သာရ ဖြစ်သလို ဗုဒ္ဓ၀ါဒမှာ မဇ္ဈိမပဋိပဒါ ဟာလည်းအဓိကကျလှပါတယ်။ အဂတိတရား၎ပါး ထဲမှာ ဘယ်အဂတိတရားဘက်ကိုမှ မယိမ်းမယိုင်ဘဲ တရားမျှတခြင်း အမှန်တရားတဲ့တဲ့မှာ ရပ်တည်နေနိုင်ခြင်း ဆိုတာနဲ့ လောဘစွန်း၊ ဒေါသစွန်း ဘယ်အစွန်းထဲမှ မကျဘဲ မဇ္ဈိမပဋိပဒါအလယ်လမ်းမှာ ရပ်တည်နိုင်ခြင်းဆိုတာ သဘာဝခြင်းအတူတူပါဘဲ။

၂။ ဒီမိုကရေစီစနစ်ရဲ့အနှစ်သာရတစ်ခုဖြစ်တဲ့လွတ်လပ်ခြင်း (Independence) ဆိုတာ ဗုဒ္ဓမြတ်စွာဘုရားဟာကြားတော်မူခဲ
့တဲ့ ကာလာမသုတ်နဲ့ အနှစ်သာရခြင်း အတူတူပါဘဲ။ မြတ်စွာဘုရားက ကာလာမသုတ်မှာ ကာလမမင်းတွေကို ဘယ်တရား ဘယ်စကားကိုမဆို တဆင့်ကြားသိရလို့ဖြစ်စေ၊ မိဘဖိုးဖွား အစဉ်အဆက်ပြောခဲ့လို့ဖြစ်စေ၊ ရှေးဟောင်းကျမ်းဂန်စာပေနဲ့ ကိုက်ညီလို့ဖြစ်စေ၊ မိမိတို့ နှစ်သက်ကျေနပ်လို့ယူထားတဲ့ အယူနဲ့ တူညီလို့ဖြစ်စေ၊ မိမိတို့ ယုံကြည်ကိုးစားရတဲ့ ပုဂ္ဂိုလ်(ရဟန်း)ကပြောကြားလို့ဖြစ်စေ တောင်မှ အမှန်လို့မယူကြဖို့၊ မိမိတို့ကိုယ်တိုင် ကိုယ့်ရဲ့ ကိုယ်ပိုင်
အသိဥာဏ်ပညာနဲ့ ကုသိုလ်အကုသိုလ် အကောင်းအဆိုးကို အကြောင်းအကျိုးနဲ့ ဝေဖန် သုံးသပ် ချင့်ချိန်ပြီးမှ ယုံကြည်ကြဖို့ လက်ခံကြဖို့ဟောကြားခဲ့ပါတယ်။ ဘယ်လောက်တောင် လွတ်လပ်မှုရှိလိုက်တဲ့ တရားလဲနော်။

၃။ နောက်ထပ်ဒီမိုကရေစီရဲ့ အနှစ်သာရတစ်ခုဖြစ်တဲ့ လွတ်မြောက်ခြင်း (Freedom) ဆိုတာကလည်း မြတ်စွာဘုရားရဲ့ ၀ိမုတ္တိဝါဒရဲ့ အခြေခံပါဘဲ။ ဒီမိုကရေစီရဲ့ လွတ်မြောက်ခြင်းဆိုတာ နိုင်ငံသားတိုင်း လောကီဒုက္ခခပ်သိမ်းက လွတ်မြောက်နိုင်သမျှ လွတ်မြောက်နိုင်ကြရအောင် တီထွင်ကြံဆစီစဉ်ဖန်တီးကြခြင်းပါ။
ဗုဒ္ဓရဲ့ ၀ိမုတ္တိကတော့ တရားကိုကျင့်ကြံအားထုတ်တဲ့ သတ္တ၀ါတိုင်းလောကီဒုက္ခခပ်သိမ်းကသာမက ဒုက္ခသစ္စာချည်းသာရှိတဲ့ သံသရာကပါ လွတ်မြောက်သွားစေနိုင်စွမ်းရှိပါတယ်။

၎။ ဒီမိုကရေစီနိုင်ငံသားတိုင်း ကိုယ့်တာဝန်ကိုယ်ယူကြရပါတယ်။
ဗုဒ္ဓမြတ်စွာဘုရားဝါဒကလည်း အတ္တဟိ၊ အတ္တနော၊ နာထော- သူတစ်ပါးကို အားကိုးလို့ မရပါ၊ ကိုယ့်ကိုယ်ကို သာ အားကိုးရတဲ့ ဖန်ဆင်းရှင် မရှိတဲ့ ကယ်တင်ရှင် မရှိတဲ့ ၀ါဒပါ။

၅။ ဒီမိုကရေစီစနစ် ထွန်းကားတဲ့ နိုင်ငံတွေမှာ လူတိုင်းလူတိုင်း သူများပြောတာကို လက်ညိုးထောင် ခေါင်းမငြိမ့်ဘဲ ကိုယ်ကိုယ်တိုင်
ကိုယ်ပိုင် အသိဥာဏ်နဲ့ အမှားအမှန် အကောင်းအဆိုးကို ဝေဖန်ပိုင်းခြားတတ်အောင် မူလတန်းကျောင်းသားဘ၀ထဲက Critical Thinking တွေ Brain Storming တွေဆိုပြီး လေ့ကျင့်ပေးပါတယ်။
တကယ်တော့ ကျမတို့ရဲ့ ဗုဒ္ဓ၀ါဒက အရာရာကို အမှားအမှန်၊ အကောင်းအဆိုး၊ ကုသိုလ်အကုသိုလ် တို့ကို အကြောင်းအကျိုး နဲ့ ဝေဖန် စီစစ် ပိုင်းခြား သုံးသပ်ရတဲ့ ၀ိဘဇ္စ၀ါဒပါ။

၆။ ဒီမိုကရေစီစနစ်မှာ လူ့အခွင့်အရေး (Human Rights) ဆိုတာ အင်မတန်မှ အရေးပါ ခေတ်စားနေတာ လူတိုင်းအသိပါ။ လူတွေကလည်း အဲဒီလူ့အခွင့်အရေးတွေကို ကိုယ်ကရရှိခံစားရမဲ့ အခွင့်အရေးတွေအဖြစ် နားလည်လက်ခံထားပြီး သိတ်ကို
လိုချင် ရချင် ခံစားချင်ကြတာလဲ လူတိုင်း အသိပါ။
ဗုဒ္ဓမြတ်စွာ ဘုရားကတော့ ကျမတို့ကို ဒီထက် အဆင့်မြင့်စွာ ကိုယ်ကလုပ်ဆောင်ရမဲ့ ကုသိုလ်တရား စာရိတ္တဆောင်သီလတွေ အဖြစ်ရော၊ ကိုယ်ကစောင့်ထိန်းရမဲ့ ရှောင်ကျဉ်ရမဲ့ အကုသိုလ် ဒုစရိုက်တရား ၀ါရိတ္တရှောင်သီလတွေ အဖြစ်ပါ ဟောကြားခဲ့တာပါ။ ကိုယ်ကရရှိရမဲ့ အခွင့်အရေးတွေအနေနဲ့ မဟုတ်ဘဲ ကိုယ်ကတာဝန်ယူရမဲ့ ကိုယ်ကစောင့်ထိန်းရမဲ့ လူ့ကျင့်ဝတ်သီလတွေ အနေနဲ့ ဟောကြားခဲ့တာပါ။ ဒါတင်မကဘဲ မြတ်စွာဘုရားဟောကြားခဲ့တဲ့ မင်္ဂလသုတ်ဟာလည်း လူ့ကျင့်ဝတ်တွေ၊
လူ့အခွင့်အရေးတွေပါဘဲ။

ဒီမိုကရေစီဝါဒကို စဉ်းစားတီထွင်ဖန်တီးခဲ့တဲ့ သူတွေဟာ လူသားဦးဏှောက်၊ လူသားအသိဥာဏ် နဲ့၊ သာမာန်ပုထုဇဉ်ဦးဏှောက်၊ သာမာန်ပုထုဇဉ် အသိဥာဏ်နဲ့ ဝေဖန်ပိုင်းခြား ဆင်ခြင်တွေးတောပြီး တီထွင်ဖန်တီးခဲ့ကြရတာပါ။

ဗုဒ္ဓ္ဒမြတ်စွာဘုရားကတော့ သစ္စာ၎ပါး၊ ရုပ်နာမ်နှစ်ပါး၊ ခန္ဒာ၅ပါး၊ ပဌါန်း၊ အဘိဓမ္မာ၊ ပဋိစ္စသမုပ္ပါဒ်၊ ဓမ္မစင်္ကြာ စတဲ့ ဘ၀သိနည်း၊ သံသရာဖြတ်နည်း တရားတွေနဲ့အတူ ဒီတရားလေးတွေကို ဘ၀နေနည်းတရားတွေအဖြစ်၊ လောကုတ္တရာကုသိုလ် နဲ့
သစ္စာ၎ပါးသိမြင်တဲ့ မဂ်ဖိုလ်နိဗ္ဗာန် ရအောင်မကျင့်ကြံ မအားထုတ်နိုင်သေးတဲ့ သတ္တ၀ါတွေအတွက် လောကီကုသိုလ်လေးနဲ့ သံသရာမှာ ချမ်းချမ်းသာသာ အဆင့်မြင့်မြင့်လေး ကျင်လည်နိုင်အောင် လွန်ခဲ့တဲ့ နှစ်ပေါင်း ၂၅၀၀ ကတည်းက
ဟောကြားပေးခဲ့ ပြီးသားပါ။

ကျမတို့ မြန်မာနိုင်ငံတွင်းကို လွန်ခဲ့တဲ့ နှစ်ပေါင်း တစ်ထောင်ကျော်လောက် ကတည်းက ဗုဒ္ဓဘာသာသာသနာ ရောက်ရှိလာခဲ့ပြီဖြစ်ပြီး မြတ်စွာဘုရားရဲ့တရားတော်တွေအတိုင်း အမှန် တကယ် ကျင့်ကြံအားထုတ်ခဲ့ကြလို့ အရိယာရဟန္တာဖြစ်ပြီး ပရိနိဗ္ဗာန်စံဝင်သွားကြတဲ့ သူတော်ကောင်းတွေလည်း ရှိခဲ့ပါတယ်။ ဒါပေမဲ့ မြန်မာလူမျိုး အများစုကတော့ ဗုဒ္ဓမြတ်စွာဘုရားရဲ့တရားတော်တွေကို လေးလေးနက်နက်မလေ့လာဘဲ မိရိုးဖလာဗုဒ္ဓဘာသာဝင်ဘ၀နဲ့ဘဲ
ပေါ့ပေါ့တန်တန်လေးတွေဖြတ်သန်းခဲ့ကြလို့ ဘ၀နေနည်းလေးကိုတောင် မြတ်စွာဘုရားအလိုတော်ကျ မနေတတ်၊ မထိုင်တတ်တွေဖြစ်နေကြရပါတယ်။

ဒီမိုကရေစီနိုင်ငံတွေမှာ လူတိုင်းလိုက်နာကျင့်သုံးနေကြပြီဖြစ်တဲ့ အလွယ်ကူဆုံးတန်းစီခြင်း အလုပ်ကိုတောင် ကျမတို့ မြန်မာလူမျိုးတွေ မလုပ်နိုင်သေးပါဘူး။ တကယ်တော့ တန်းစီတယ်ဆိုတာ မြတ်စွာဘုရားရဲ့အခြေခံအကျဆုံး ရောင့်ရဲခြင်းနဲ့ သီးခံခြင်းကို တစ်ပြိုင်နက်တည်း ကျင့်သုံးရတာပါ။ ကိုယ်ရတဲ့ ရောက်တဲ့ နေရာကို ရောင့်ရဲလိုက်တော့၊ ကိုယ့်အရှေ့က ကိစ္စမပြီးမချင်း သီးခံပေတော့ဘဲ။ သူတို့အတွက် ထမင်းစားရေသောက်လောက် ဖြစ်နေတဲ့ တန်းစီတဲ့ အလေ့အထကို ကျမတို့ မြန်မာပြည်က မြန်မာလူမျိုးတွေ လုံးဝမကျင့်သုံးနိုင်သေးဘူး။

ဒီမိုကရေစီ နိုင်ငံသားအများစုဟာ ဖန်ဆင်းရှင်ရှိတယ်ဆိုတဲ့ အယူကိုလက်ခံထားသူတွေဖြစ်ပေမဲ့ ဒီနေ့ကမ္ဘာမှာ ကျမတို့သုံးစွဲနေကြရတဲ့ လျှပ်စစ်၊ ဖုန်း၊ ကား၊ လေယာဉ်ပျံ၊ တီဗီ၊ အင်တာနက်အားလုံး သူတို့တီထွင်ခဲ့ကြတာပါ။ ဘယ်ဖန်ဆင်းရှင်ကိုမှ ဖန်ဆင်းပေးဖို့ မတောင်းဆိုခဲ့ကြပါဘူး။ မအားကိုးခဲ့ကြပါဘူး။
"အတ္တဟိ၊ အတ္တနော၊ နာထော" ဆိုတဲ့ "ကိုယ့်ကိုယ်ကိုသာကိုးကွယ်ရာ" ဆိုတဲ့ တရားအဆုံးအမနဲ့ ကြီးပြင်းခဲ့ကြတဲ့ ကျမတို့ မြန်မာလူမျိုးတွေကတော့ ကိုယ်ကိုယ်တိုင် ကြိုးစားဖို့ကျ မြတ်စွာဘုရားက ရောင့်ရဲရမယ်တဲ့ ဆိုပြီး
အပျင်းကြီးကြ၊ သူများတွေ ကိုယ့်အသိနဲ့ကိုယ် ကြိုးစားရုန်းကန် နေကြတာကိုကျတော့ ဘေးကနေ ဝေဖန်၊ အပြစ်ပြော၊ အပုတ်ချတတ်လွန်းလို့ "မပြီးခင် ဗမာမမြင်စေနဲ့" ဆိုတဲ့ စကားပုံ တောင်ပေါ်လာရတဲ့ အထိပါဘဲ။
မြတ်စွာဘုရားဟောကြားခဲ့တဲ့ ရောင့်ရဲခြင်းဆိုတာ ရပိုင်ခွင့်တွေကို ရောင့်ရဲခိုင်းတာပါ၊ လုပ်ပိုင်ခွင့် တာဝန်ဝတ္တရားကတော့ ပါရမီ
၁၀ပါးစလုံးပြည့်ပြီး နိဗ္ဗာန်ကိုမျက်မှောက်ပြုနိုင်တဲ့ အထိဖြည့်ဆည်းကြရဦးမှာပါ။ ကျမတို့လူမျိုးက ပျင်းသာပျင်းတာ ရပိုင်ခွင့်ကျ အကုန်လိုချင်တာ။ ရှိသမျှဘိုးတော်တွေ နတ်ကတော်တွေဆီက အကုန်တောင်းနေကြပါတယ်။

ဒီမိုကရေစီနိုင်ငံသားတွေဟာ အမှိုက်ကို အမှိုက်ပုံးထဲမှာဘဲပစ်ပါတယ်။ ဒီတော့ ကျမတို့နိုင်ငံမှာ အမှိုက်ပုံးမရှိဘူးလို့ ပြောကြဦးမယ်။ သူတို့က အမှိုက်ပုံးမရှိရင် အမှိုက်ကို အမှိုက်ပုံးရှိတဲ့ အိမ်အထိ ယူလာပြီးမှပစ်တာပါ။ အိမ်သာဝင်တာ၊ Bus,Taxi စီးတာကအစ နေရာတကာမှာ ကိုယ့်အရှေ့မှာလူတွေ့ရင် "Are you in line?" "ခင်ဗျားတန်းစီနေတာလား"လို့မေးပြီး ဟုတ်တယ်ဆိုရင် သူ့အနောက်က၀င်ရပ်၊ မဟုတ်ဘူးဆိုမှကျော်သွားကြပါတယ်။ ကားလမ်းဖြတ်ကူးတဲ့သူတွေကလည်း မျဉ်းဝါရှိတဲ့
နေရာကဘဲကူးသလို၊ ကားမောင်းတဲ့သူတွေကလည်း မျဉ်းဝါမှာလမ်းဖြတ်ကူးမဲ့လူရှိရင် ကားရပ်ပေးကြပါတယ်။ ကားရပ်နားရာမှာဖြစ်စေ၊ အများသုံး ရထား၊ Bus တွေစီးရာမှာဖြစ်စေ ကိုယ့်ထက် အားနဲတဲ့သူတွေ ဦးစားပေးရမဲ့ သူတွေကို ဦးစားပေးကြရပါတယ်။ ဒါတွေအားလုံးဟာ သတိရှိမှ လုပ်ဖြစ်တဲ့ ကိစ္စတွေပါ။ သူတို့စိတ်မှာ ဗုဒ္ဓမြတ်စွာဘုရားဟောကြားခဲ့တဲ့ သတိသမ္ပဇဉ်ရှိနေကြတာပါဘဲ။ ပရမတ်သစ္စာနယ် အရိယသစ္စာနယ်သတိသမ္ပဇဉ် အဆင့် မဟုတ်ပေမဲ့ ကျမတို့ ဗုဒ္ဒဘာသာမြန်မာလူမျိုးတွေက အရာရာကို သတိလက်လွတ် မောဟအပြည့်နဲ့ လှုပ်ရှားလုပ်ကိုင် သွားလာ နေစဉ်မှာ သူတို့က လောကီသမုတိသစ္စာနယ် သတိသမ္ပဇဉ်နဲ့ လှုပ်ရှားလုပ်ကိုင် သွားလာ နေဖြစ်နေကြပါပြီ။

အလှူဒါနနဲ့ ပါတ်သက်ရင်လည်း မြတ်စွာဘုရားက ကျမတို့ကို လောဘကိလေသာသတ်တဲ့ သာသနာတွင်း ပါရမီဒါနကိုဟောပြောသင်ကြားပေးခဲ့တာပါ။
ဥပမာ- မိမိအနီးအနားမှာ အစာမစားရတဲ့ အတွက်အားပြတ်လဲနေတဲ့ ခွေးလေးတစ်ကောင်လည်း ရှိတယ်။ လူအများက စားဖွယ်သောက်ဖွယ်တွေကို ၀ိုင်းအုံလှူဒါန်းနေတဲ့ ကိလေသာကင်းအောင် ကျင့်နေတဲ့ ရသေ့တစ်ပါး လည်းရှိတယ်။ ခွေးလေးကို ကျွေးလိုက်လျှင် ဘ၀တစ်ရာသာ ချမ်းသာမယ်။ ကိလေသာကင်းစင်အောင် ကျင့်နေသည့် ဈာန်ရရသေ့ကို ပေးလှူလျှင် ဘ၀ကုဋေတစ်သိန်း ချမ်းသာမယ်ဆိုပြီး ဒါနကို ဈေးတွက်တွက်ပြီး ရသေ့ကိုသာ ပေးလှူလိုက်မယ်ဆိုလျှင် အဲဒီဒါနဟာ ပါရမီမြောက်တဲ့ သာသနာတွင်းကုသိုလ် မဖြစ်တော့ပါဘူး။ ရိုးရိုးသာမာန် သာသနာပ ကုသိုလ်သာဖြစ်သွားပါပြီ။ လောဘကုန်ဖို့ နိဗ္ဗာန်ရောက်ဖို့ အထောက်အပံ့ မဖြစ်စေတော့ပါဘူး။ အဲဒီလိုမဟုတ်ဘဲ ကိုယ်ရနိုင်တဲ့ဒါနအကျိုးကိုမမျှော်ကိုးမမက်မောဘဲ ခွေးငတ်ကလေးကိုသာ ကျွေးလိုက်မည်ဆိုလျှင် သံသရာ "ငါ" ကောင်းစားရေး လောဘကိုပါ ပယ်သတ်ပြီးသားဖြစ်သွားတဲ့အတွက် မြတ်စွာဘုရား အလိုတော်ကျ ပါရမီမြောက်တဲ့ဒါနဖြစ်သွားပါတယ်။

ဒါပေမဲ့ Little knowledge is dangerous. ဆိုသလိုမျိုး ပါရမီဒါနမြောက်အောင်လည်းမလုပ်တတ်၊ သာသနာပ ကုသိုလ်
အဆင့်လောက်ဘဲ ပြုလုပ်မိနေကြတာချင်း အတူတူ ကျမတို့ မြန်မာလူမျိုး ဗုဒ္ဓဘာသာဝင်တွေဟာ နောင်ဘ၀ကိုလည်း လက်ခံ၊ ကံကံ၏ အကျိုးကို နားလည်နေတော့ "နောင်ဘ၀ကိုယ်ချမ်းသာချင်တဲ့ လောဘ"က သူများထက်ပိုသာနေပါတယ်။ ပိုဆိုးတာက
Formula နဲ့လှူတတ်တာပါ။ ဖိနပ်လှူရင် ယာဉ်ရမယ် ဆိုပြီး ယာဉ်လိုချင်လို့ ဘုန်းကြီးကျောင်းမှာ ဖိနပ်လိုလို မလိုလို လှူတာမျိုး၊ ထီးလှူရင် အမိုးအကာရမယ် ဆိုပြီး ဘုန်းကြီးကျောင်းမှာ ထီးလိုလို မလိုလို လှူနေတာမျိုးတွေနဲ့ဘဲ ကမ္ဘာမှာ အလှူကဗ္ဗည်းအများဆုံးရှိတဲ့ အဆင်းရဲဆုံးနိုင်ငံ ဖြစ်နေပြီ။

ဒီမိုကရေစီနိုင်ငံကြီးမှာ နေထိုင်နေတဲ့ ကျမသားမောင်းတဲ့ကားနဲ့ ခရီးသွားနေတုံး လမ်းတစ်နေရာမှာ ကားချင်းပွတ်ထားတာတွေ့လို့ ကျမသားကကားရပ်ပြီး ဘာကူညီရမလဲလို့ မေးတော့ ကျမက သားနဲ့သိလို့လားလို့ မေးမိတယ်။ ကျမတို့နိုင်ငံမှာတော့ သိတဲ့လူမှ မေးကြတာကိုး။ သားက ဒီမှာက လူတစ်ယောက် ဒုက္ခရောက်နေတာမြင်တွေ့လျှက်နဲ့ အကူအညီမပေးရင် တရားစွဲလို့ရတယ်တဲ့။ အော်..သူတို့မှ ကံမကောင်းရင် ဘယ်သူတွေကံကောင်းဦးမှာလဲ။ ကံကို Law ဥပဒေ နဲ့ ဆွဲတင်နေကြတာကိုး လို့ဘဲပြောမိပါတယ်။ ကျမတို့နိုင်ငံမှာ အဲဒီလို ဥပဒေ မရှိပေမဲ့ လွန်ခဲ့တဲ့ နှစ်ပေါင်းတစ်ထောင်ကျော်ကတည်း
ကရှိနေတဲ့ ကံကောင်းစေတဲ့ ဗုဒ္ဓမြတ်စွာဘုရားရဲ့ တရားဓမ္မတွေ နည်းနာနိဿယတွေ ရှိနေပြီးသားပါ။ ကျမတို့ကိုက မလိုက်နာခဲ့ကြတာပါ။
လက်တွေ့ကျင့်ကြံနေထိုင်နေကြတဲ့ ဒီမိုကရေစီနိုင်ငံသားတွေကတော့ ဓမ္မရဲ့ အကျိုးတရားတွေကို ကိုယ်တိုင်လက်တွေ့ခံစားနေကြရတဲ့ နွားနို့ခပ်သောက်နေသူတွေဖြစ်နေပါပြီ။

တကယ်တော့ ဗုဒ္ဓမြတ်စွာဘုရားရဲ့ ဒုက္ခခပ်သိမ်းချုပ်ငြိမ်းရာ နိဗ္ဗာန်ရောက်ကြောင်း အဆုံးအမတရားဓမ္မတွေကို လေးလေးနက်နက်
လက်တွေ့လိုက်နာကျင့်သုံးကြမယ်ဆိုရင် အနိမ့်ဆုံး ကျမတို့လျှောက်လှမ်းချင်တဲ့ ဒီမိုကရေစီလမ်းကြောင်းပေါ် လျှောက်လှမ်းရင်း ဓမ္မရဲ့ အကျိုးကျေးဇူးကို ကိုယ်တိုင် လက်တွေ့ခံစားခွင့်ရကြတဲ့ နွားနို့သောက်သူများဖြစ်လာကြမှာပါ။

ရွှေဇီးကွက်

↧

တိုင်မ်း မဂ္ဂဇင်းပါ ဆောင်းပါးအား ဆန်းစစ်ဝေဖန်ခြင်း

June 21, 2013, 10:28 pm

≫ Next: ထိန်းသိမ်းခြင်းနှင့် အမျိုးသားရေး

≪ Previous: ဗုဒ္ဓဓမ္မ နှင့် ဒီမိုကရေစီဝါဒ

Ye Moe

ကိုမျိုးဆက်ရဲ့  “ တိုင်မ်း မဂ္ဂဇင်းပါ ဆောင်းပါးအား ဆန်းစစ်ဝေဖန်ခြင်း ” ဆောင်းပါးစု
-------------------------------------------------------------------------------------------

တိုင်းမ်မဂ္ဂဇင်းဆောင်းပါးအား ဆန်းစစ်ဝေဖန်ခြင်း-၁"
--------------------------------------------------------

အရင်ဆုံး ခေါင်းစဉ်ကိုကြည့်ရအောင်ပါ။ခေါင်းစဉ်မှာသုံးထားတဲ့စကားလုံးက The Face of Buddhist Terror ပါ။ Terror ကို အဓိပ္ပါယ်အမျိုးမျိုးဖွင့်ကြပေမယ့် ယနေ့အချိန်မှာ ဘာသာရေးနဲ့ပတ်သက်သော ဆောင်းပါးမှာ Terror ဆိုတဲ့စကားလုံးခြင်းသည် အကြမ်းဖက်၊အစွန်းရောက်ဆိုတာနဲ့ အလိုလိုချိတ်ဆက်ပြီးဖြစ်ပါတယ်။ ဒါကိုဖြည့်စွက်နားလည်ပြီးဖြစ်ရပါတယ်။ ဒါက Time မဂ္ဂဇင်းရဲ့ ခေါင်းစဉ်ရွေးချယ်ထားမှုပါ။ ဒီဟာကို ကြည့်လိုက်ခြင်းအားဖြင့် ဗုဒ္ဓဝါဒီ ဘုန်းကြီးတစ်ပါးရဲ့ ရက်စက်မှုတွေကို ဒီဆောင်းပါးထဲမှာမြင်တွေ့ရတော့မယ်လို့ ဆိုလိုလိုက်တာပဲဖြစ်ပါတယ်။

ပထမဆုံးစာပိုဒ်ကိုကြည့်ရအောင်ပါ။ ပထမဆုံးစာပိုဒ်မှာ အဖွင့်အပိတ်မျက်တောင်နဲ့ “the Burmese bin Laden” begins his sermon လို့စသုံးလိုက်ပါတယ်။ အပေါ်က ခေါင်းစဉ် Terror နဲ့ ဘင်လာဒင်ချိတ်လိုက်ရင် စာဖတ်သူက မျက်မှောင်စကြုံ့ပြီး ဒီရဟန်းအပေါ် ဘာသာေ၇းအစွန်းရောက်ခိုမေနီအလားမြင်လာစေမှာမလွဲပါ။ အဲ့ဒီပထမအပိုဒ်ရဲ့ အောက်ဆုံးစာကြောင်းမှာပဲ “Now is the time to rise up, to make your blood boil.” လို့သုံးလိုက်ပါတယ်။ အချိန်ကျပြီ။ သွေးတွေ ဆူပွက်အောင်လုပ်ကြ စသဖြင့်ပေါ့လေ။ ဒီလိုနည်းနဲ့ပိတ်လိုက်ခြင်းအားဖြင့် နိဒါန်းမိတ်ဆက်စာပိုဒ်မှာတင် စာဖတ်သူကို ဆောင်းပါးရှင်က ဒီဆောင်းပါးထဲပါသော ရဟန်းဟာ ဘင်လာဒင်လို ဘာသာရေးအစွန်းရောက် သွေးဆာသူ လို့ နိမိတ်ပုံပြပြီးဖြစ်စေပါတယ်။ ကျန်တဲ့စာပိုဒ်တွေကို ဆက်ဖတ်ဖို့ စာဖတ်သူရဲ့ အတွေးအာရုံဟာ ဘယ်ဖက်ကို တိမ်းညွှတ်မယ်ထင်ပါသလဲ။ အကောင်းဖက်လား။ အဆိုးဖက်လား။ သိသာနေပါတယ်။

"Buddhist blood is boiling in Burma, also known as Myanmar — and plenty of Muslim blood is being spilled." ဗုဒ္ဓဘာသာတွေရဲ့သွေးတွေဟာ မြန်မာ့မြေပေါ် ဆူပွက်နေတယ်။ မွတ်ဆလင်တွေရဲ့သွေးတွေဟာ မြေခနေရတယ် လို့ ဒုတိယအပိုဒ်ကို ဆက်ဖွင့်လိုက်ပါတယ်။ ဒါဟာ ဒုတိယအပိုဒ်ရဲ့ပထမစာကြောင်းပါ။ ခုနက ခေါင်းစဉ်၊ ပထမစာပိုဒ်ထဲက အကြောင်းအရာတွေနဲ့ အခု ဒုတိယစာပိုဒ်အဖွင့်စာကြောင်းကို ဆက်လိုက်တဲ့အခါမှာ ...စာဖတ်သူက "ဟာ..အတော်ရက်စက်တဲ့ ဗုဒ္ဓဘာသာတွေပါလား"လို့တွေးချင်စရာကောက်ကြောင်းကြီးက ပီပီပြင်ပြင်ပေါ်လာခဲ့ပါတယ်။မိတ္တီလာအရေးအခင်းမှာ အကြမ်းဖက်သူတွေဘေးကနေ ကာကွယ်ပေးခဲ့တဲ့ဆရာတော်၊ နော် ဘာသာမရွေးအကူအညီပေးခဲ့တဲ့ ပျောက်ကွယ်သွားပြီး 969 ဆိုတဲ့ Cultural Nationlistic Movement ကြီးဟာ အကြမ်းဖက်မှုဆိုတာကနေ မှေးမှိန်သွားကာ မြန်မာတစ်နိုင်ငံလုံား အာဖဂန်ရှိတာလီဘန်များစစ်သွေူးကြွသလို ကြွနေတယ်ဆိုတဲ့ ဖက်ကို ဆွဲခေါ်သွားပါတော့တယ်။

Over the past year, Buddhist mobs have targeted members of the minority faith. ဒါက ဒုတိယစာပိုဒ်ရဲ့ဒုတိယအကြောင်းပါ။ Minority in Faith လို့သုံးပြသွားပါတယ်။ ဘာသာခြားကိုးကွယ်သူ မည်သူမဆို ဆိုတဲ့အဓိပ္ပါယ်ပါ။ ဆိုလိုတာကတော့ ခရစ်ယာန်တွေကိုလဲ ဖိနှိပ်တယ်ဆိုတဲ့သဘောပါပဲ။ ဒါဟာ မတိကျတဲ့ေ၇းသားမှုပဲဖြစ်ပါတယ်။ ထပ်ပြီးတော့ Much of the violence was directed against the Rohingya, a largely stateless Muslim group in Burma’s far west that the U.N. calls one of the world’s most persecuted people. လို့ သုံးပြလိုက်ပါတယ်။ဒီမှာတင် ဒီစာဖတ်သူကြားထဲ ပါးပါးကလေးထည့်ချင်တဲ့ အချက်က ဘူးပေါ်သလို ပေါ်လာပါတော့တယ်။ Minority လူနည်းစုဆိုတဲ့စကားကို ဒီမိုကရေစီသည်းခြေကြိုက်တွေအတွက် အရင် Minority in Faith လို့သုံးပြလိုက်ပြီး Minority Rohingya ဆိုပြီးဆက်စပ်လိုက်တဲ့အခါမှာ ဗုဒ္ဓဘာသာလူများစုဟာ ရှိသမျှ လူနည်းစုကို ရိုဟင်ဂျာအပါအဝင် ......နှိပ်ကွပ်နေတယ်ဆိုတဲ့ပုံစံ ထင်ရှားပြတ်သားစွာထွက်ပေါ်လာခဲ့ပါတယ်။ ဒီလိုနည်းအားဖြင့် ဘင်္ဂလီရိုဟင်ဂျာတွေအနေနဲ့ ဘာသာရေးပဋိပက္ခသားကောင်အဖြစ်အလိုလို ရောက်ရှိသွားပြန်ပါတယ်။ ဒီ Minority ဆိုတာကို ဆက်စပ်သုံးစွဲပြလိုက်ခြင်းအားဖြင့် စာဖတ်သူအတွေးကို ဘယ်ဖက်ရောက်သွားအောင်တွန်းပို့နေတာလဲဆိုတာကိုခွဲယူပြတာပါ။နောက်သုံးထားတဲ့ စကားလုံး Key Words တွေကတော့ Radical Monk, Virulent Sermons, စတဲ့စကားလုံးတွေပဲဖြစ်ပါတယ်။ သဘောထားတင်းမာသူ ဘုန်းကြီး အဆိပ်သင့်တရားများဟောကြားနေသူ စတဲ့အဓိပ္ပါယ်ရောက်ပါတယ်။ ဒါဟာ ဒုတိယအပိုဒ်အထိ စာရေးသူပုံဖော်ထားတဲ့ ဗုဒ္ဓဘာသာနဲ့မြန်မာပြည်ကောက်ကြောင်းပဲဖြစ်ပါတယ်။

တိုင်းမ်မဂ္ဂဇင်းဆောင်းပါးကိုဆန်းစစ်ဝေဖန်ခြင်း-၂"
-----------------------------------------------------

"Such hate speech threatens the delicate political ecosystem in a country peopled by at least 135 ethnic groups that has only recently been unshackled from nearly half a century of military rule" ဒါက တတိယအပိုဒ်၇ဲ့ ပထမအဖွင့်စာကြောင်းပါ။ ဆောင်းပါးရှင်ဘာကိုဆိုလိုချင်နေပါသလဲ တူးဖော်ကြည့်လိုက်ပါတယ်။ စာကြောင်းအဓိပ္ပါယ်က 135 မျိုးသောတိုင်း၇င်းသားတွေနဲ့ဖွဲ့စည်းထားပြီး ရာစုနှစ်တစ်ဝက်နီးပါးကြာစစ်အုပ်ချုပ်ရေးအောက်က လွတ်ခါစ နုနယ်သော နိုင်ငံရေးစံနစ်ကို ဒီလို အမုန်းစကားတွေက ခြိမ်းခြောက်နေတယ်လို့ ဆိုလိုလိုက်တာဖြစပါတယ်။ ဒီအထိက အငြင်းပွားဖုိ့မလိုသေးပါ။ သူဘာဆက်ပြောမလဲ လိုက်ကြည့်ရအောင်ပါ။ Already some government officials are calling for implementation of a ban, rarely enforced during the military era, on Rohingya women’s bearing more than two children. ဒုတိယစာကြောင်းမှာတော့ အမုန်းစကားတွေရဲ့နောက်မှာ ရိုဟင်ဂျာအမျိုးသမီးတွေအပေါ်ကလေးနှစ်ယောက်ပေါ်လစီအဖြစ် အစိုးရအရာ၇ှိအချို့ကတောင်းဆိုနေကြောင်း ရေးသားလိုက်ပါတယ်။ အမုန်းစကားတွေကို ပြောနေတဲ့ဦးဝီရသူနဲ့ ဒီလို ရိုဟင်ဂျာတွေကို ကလေးမမွေးရအမိန့်နဲ့ ဆပ်စပ်လိုက်တဲ့အခါ ဗုဒ္ဓဝါဒီတွေအနေနဲ့ လူနည်းစုကို အတင်းကန့်သတ်နေပြီဆိုတဲ့ စာဖတ်သူအတွေးလမ်းကြောင်းကိုပိုမိုခိုင်မာမသွားစေဘူးလား။ နောက်ဆုံးမှာ အပိတ်စာကြောင်းကို ဒီလိုသုံးလိုက်ပါတယ်။ ကြည့်ရအောင်ပါ။ And many Christians in the country’s north say recent fighting between the Burmese military and ethnic Kachin insurgents, who are mostly Christian, was exacerbated by the religious divides. အဓိပ္ပါယ်ကချင်တွေဟာ ခရစ်ယာန်တွေဖြစ်တာမို့ ကချင်ဒေသစစ်ပွဲတွေပိုမိုငြ်းထန်လာခဲ့ရတယ်လို့ခရစ်ယာန်များစွာကပြောတယ်ဆိုတဲ့ စာကြောင်းဖြစ်ပါတယ်။ ဒိစာကြောင်းနဲ့ တတိယစာပိုဒ်ကိုပိတ်လိုက်ခြင်းအားဖြင့် မြန်မာဗုဒ္ဓဘာသာနိုင်ငံဟာ အီရန်လို သီအိုခရက်တစ် ဘာသာရေးဖိနှိ်ပ်မှုတွေနဲ့ ကြီးစိုးနေတဲ့နိုင်ငံလို့ ပီပီပြင်ပြင်ရေးခြယ်လိုက်ပါတယ်။

လေးပိုဒ်မြောက်စာပိုဒ်မှာတော့ဒီလိုဖွင့်လိုက်ပါတယ်။ Radical Buddhism is also thriving in other parts of Asia.အာရှာမှာလဲ ဒီလို အစွန်းရောက်ဗုဒ္ဓဘာသာတွေကြီးထွားလာနေတယ်ဆိုတဲ့ အဓိပ္ပါယ်ပါပဲ။ နောက်သီရိလင်္ကာနိုင်ငံမှာရှိတဲ့ ရဟန်းတွေဟာ ခရစ်ယာန်တွေနဲ့ မွတ်ဆလင်တွေကို ဖိနှိပ်ဖျက်ဆီးလိုက်တယ်ဆိုတဲ့ဟာနဲ့ ထပ်မံအင်အားဖြည့်ပါတယ်။ နောက် တတိယအချက်အနေနဲ့ ထိုင်းမှာရှိတဲ့သံဃာတွေအနေနဲ့ ထိုင်းစစ်တပ်ရဲ့ စောင့်ရှောက်မှုကို ယူနေရပြီး "လက်နက်ကိုင်ဘုန်းကြီးတွေ" (mons ,some of whom have armed themselves) ဆိုတဲ့ စာသားကိုသုံးပြီး ဗုဒ္ဓဘာသာဟာ အကြမ်းဖက်ဘာသာဆိုတဲ့ Argument ကိုတည်ဆောက်ယူပြသွားခဲ့ပါတယ်။

နောက်ထပ်စာတစ်ပိုဒ်မှာကတော့ဆောင်းပါးရှင်ဟာ သူ့ရဲ့ စာရဲ့ ဟန်ချက် (Balance) ကိုထိန်းတဲ့အနေနဲ့ မလေးရှားမှာရှိတဲ့မြန်မာတွေဟာ မွတ်ဆလင်တွေအသတ်ခံရမှုအတွက်ပြန်လည်လက်စားချေခံခဲ့ရတယ်ဆိုတဲ့အကြောင်းကိုဖော်ပြသွားပြန်ပါတယ်။ ဟန်ချက်ထိန်းတဲ့သဘောလို့ယူဆပါတယ်။ တစ်ဖက်သတ်ဖြစ်လာရင်စာဖတ်သူ သံသယဝင်လာတတ်တဲ့အချိန်ဒီလိုပြန်ထိန်းပေးရတဲ့သဘောတွေရှိပါတယ်။ နောက်ထပ်တစ်ပိုဒ်ဟာလဲ ဟန်ချက်ကို ပြန်ထိန်းပေးပြန်ပါတယ်။ ဟင်ဒူ၊ မွတင်ဆလင်၊ ခရစ်ယာန် အစွန်းေ၇ာက်တွေရှိပေမယ့် ဗုဒ္ဓဝါဒီတွေကတော့ ဒီစမ်းသပ်မှုဒဏ်ကို ကြံကြံ့ခံနိုင်ခဲ့ကြတယ်။ အခုတော့ ဘာသာရေးလူမျိုးကြီးဝါဒရဲ့ဖြားယောင်းမှုကို ရဟန်းတွေမတောင့်ခံနိုင်တော့ဘူးလို့ ရေးပြသွားပါတယ်။ ဒီစာပိုဒ်မျိုးဟာ အဖြည်သဘောလို့ယူဆပါတယ်။ တစ်ဖက်က တည်ဆောက်လာတဲ့ Arugment က ဗုဒ္ဓဘာသာတွေများပြီး ဖိနှိပ်မှုသိပ်ကြီးနေတဲ့တိုင်းပြည်လို့ ပုံဖော်လာပြီး ဒီလို ဘာသာရေးဖိနှိပ်မှုတွေဟာ ဖြစ်တတ်တယ်လို့ ဖြည်တတ်ပါတယ်။

တိုင်းမ်မဂ္ဂဇင်းဆောင်းပါးကိုဆန်းစစ်ဝေဖန်ခြင်း-၃
-----------------------------------------------------

နောက်ထပ်တစ်ပိုဒ်မှာတော့ ဘယ်လိုဖော်ပြထားသလဲဆိုရင် ယခင်က ဗုဒ္ဓဘာသာဘုန်းတော်ကြီးတွေရဲ့ ကျင့်စဉ်နဲ့ ပုံပန်းကို ဥပမာဆောင်ပြထားပါတယ်။ ဗီယက်နမ်ဘုန်းတော်ကြီးရဲ့ ဖိနှိပ်သူအစိုးရအပေါ် ဆန့်ကျင်ပုံ၊ 2007 စက်တင်ဘာရွှေဝါရောင်တော်လှန်ရေးနဲ့ ကိုလိုနီခေတ်ကာလ ဦးဆောင်မှုများကိုဖော်ပြထားပြီး အဆုံးသတ်စာကြောင်းမှာတော့ ကျန်ဘာသာရေးတွေလိုပဲဒီ ဗုဒ္ဓဘာသာဟာလဲ အခြေခံဗုဒ္ဓသွန်သင်မှုများနဲ့လွန်ဆွဲနေတဲ့ အိုင်ဒီယာတွေနဲ့အဆိပ်ခတ်ခံလိုက်ရပါတယ်လို့ ဖော်ပြသွားပါတယ်။

အဲ့ဒီနောက် စာရေးသူရဲ့ လမ်းကြောင်းကိုခြေရာခံလိုက်တဲ့အခါ "Mantra of Hate" လို့ဖော်ပြထားပါတယ်။ အမုန်းနဲ့ရွတ်ဆိုအပ်သော တရားများလို့ ဘာသာပြန်ရင်သင့်မယ်ထင်ပါတယ်။အဲ့ဒီအောက်မှာတော့ U.S. President Barack Obama has “been tainted by black Muslim blood.” လို့ဖော်ပြထားပါတယ်။ အမေရိကန်သမ္မတ ဘားရက်အိုဘားမားဟာလဲ လူမည်းမွတ်ဆလင်သွေးနှောဇာတ်နိမ့်ပါပဲလို့ပြောတယ်လို့ရေးပြထားပါတယ်။ နောက်တစ်ကြောင်းကတော့ သူပြောနေတဲ့ နာမည် (ဘင်လာဒင်)ဆိုတာ အာရပ်အကြမ်းဖက်မှန်းသိပေမယ့်ခပ်တည်တည်နဲ့ဆက်ပြောနေခဲ့သလို ကုလကိုလဲ အာရပ်တွေက ပြန်ပေးဆွဲ (Hijacked) လို့ ရေးထားပါတယ်။ “Taking care of our religion and race is more important than democracy,” says Wirathu. ဘာသာရေးနဲ့လူမျိုးရေးဟာ ဒီမိုကရေစီအရေးထက် အရေးကြီးတယ်လို့ ပြောသော ဦးဝီရသူစကားနဲ့ပိတ်သိမ်းလိုက်ပြီး ဦးဝီရသူရဲ့ စကားကို နင်းကာ အိုဘားမားကို နှိပ်ကွပ်ခြင်း၊ ကုလကို မဆင်မခြင်ပြောခြင်းတို့နဲ့ချိတ်ဆက်ပြီး ဦးဝီရသူကို ဘာသရေးအစွန်းရောက်အကြမ်းဖက်အသွင်ဖြစ်ပုံဖော်ယူသွားပါတော့တယ်။

နောက်တစ်ပိုဒ်မှာတော့ဦးဝီရသူကို ထိုးနှက်တာတွေပါလာတာကိုတတွေ့မြင်ရပါတယ်။ အဲ့ဒါကတော့ "ဦးဝီရသူဟာ ပညာမတတ်လို့ဒီလိုပြောတာလို့ခွင့်လွှတ်ချင်စ၇ာဖြစ်ကောင်းဖြစ်နိုင်ပါတယ်။ မွေးချင်းရှစ်ယောက်အနက် ပါးစပ်တစ်ပေါက်သက်သာပြီးရောအနေနဲ့ဘုန်းကြီးကျောင်းပို့ထားခဲ့တာဖြစ်ပါတယ်။ ဒါပေမယ့်ဦးဝီရသူဟာ စန်းကောင်းတယ်။ " အဲ့လိုရေးခဲ့ပါတယ်။ နောက်ပြီး ဒီလို စန်းကောင်းရခြင်းအချက်ဟာ ဗမာတွေကြားထဲ မွတ်ဆလင်တွေဟာ အာရပ်ငွေတွေနဲ့ ဗလီတွေဆောက်တယ်၊ အမြန်ပြန့်ပွားနေတယ်ဆိုတာတွေကို "သက်သေမရှိဘဲ" ကြောက်တဲ့အကြောက်တရားကလဲရှိပါသေးတယ်လို့ေ၇းသားသွားပါတယ်။ ဒီနည်းအားဖြင့် ဦးဝီရသူဟာ ပညာမဲ့ဘာသာေ၇းအရူးအနှမ်းတစ်ယောက်အဖြစ်ပုံပေါ်လာခဲ့ပါတယ်။ နောက်လိုက်တွေအနေနဲ့အရူးအနှမ်းတွေသာသာဖြစ်ကုန်ပါတော့တယ်။

နောက်တစ်ပိုဒ်မှာတော့ စာရေးသူရဲ့စိတ်တွင်းအမုန်းကိုတစ်စွန်းတစ်စ ထပ်မံတွေ့ရှိလိုက်ရသလိုပါပဲ။ သူပြောထားတာက "ဖိနှိပ်တဲ့တိုင်းပြည်မှာနေနေလဲ စစ်တပ်ဖိနှိပ်မှုကို တာဝန်ယူဖို့ လူနည်းနည်းလေးကပဲပြောပြီး အများစုကခွင့်လွှတ်ဖို့ပြောကြတယ်။ ဒါကို ဗုဒ္ဓဘာသာရဲ့ခွင့်လွှတ်မှုတရားနဲ့ ထောက်ပြကြပါတယ်။ ဒါပေမယ့်ဒီ ဒီမိုကရက်တိုင်ဇေးရှင်းဟာ အစွန်းရောက်တွေရဲ့အသံတွေကိုပျံ့နှံ့ဖို့ ပိုဖြစ်လာစေခဲ့တယ်" လို့ဆိုသွားတာပါ။ အဲ့ဒီမှာ ရိုဟင်ဂျာတွေနဲ့ပတ်သက်လို့ နောက်တစ်ချက်ထပ်ရေးပါတယ်။ "လူ့အခွင့််အရေးအစီရင်ခံစာအရ မွတ်ဆလင်တွေဟာ အချိုးအစားမမျှတစွာအသတ်ခံရတယ်။ ရိုဟင်ဂျာ ရွာ ၇ဝကို ဗုဒ္ဓဘာသာတွေဝင်တိုက်ခိုက်တယ်"လို့ရေးသွားပါတယ်။ Disporportionate ဆိုတဲ့ စကားလုံးကိုသုံးသွားပါတယ်။ ဆိုလိုတာက ဗုဒ္ဓဘာသာတစ်ယောက်သေရင် မွတ်ဆလင်အများကြီးသေတယ်ဆိုတဲ့စကားပါ။ ရခိုင်လို့ လုံးဝမသုံးသွားပါ။ ဗုဒ္ဓဘာသာလို့ပဲသုံးသွားပါတယ်။ နောက်ပြီး ဒီစာပိုဒ်အဆုံးသတ်မှာတော့ ထိန်းမနိုင်သိမ်းမရ ဖြစ်နေတဲ့ ဗုဒ္ဓဘာသာတွေကို ဒီဘုန်းကြီးတွေက နောက်ကွယ်ကကြိုးကိုင်နေတယ်လို့ ရေးလိုက်ပါတယ်။ ဒီနည်းအားဖြင့် ဒီစာပိုဒ်အထိ ပုံပေါ်လာတာက ဗုဒ္ဓဘာသာဝင်ရဟန်းတော်တွေဟာ ဟန်ဆောင်နေတဲ့ အကြမ်းဖက်သမားတွေ အစွန်းရောက်တွေဆိုတဲ့ အသွင်ပေါ်လာစေပါတယ်။ ဒီနည်းအားဖြင့် ဗုဒ္ဓဘာသာကိုလဲ တိုက်ခိုက်ပြီးဖြစ်သလို ရိုဟင်ဂျာ ကိစ္စကိုလဲ သုံးကြိမ်တိတိ ဒီဆောင်းပါးထဲမှာ ထည့်လိုက်ပါတယ်။ (TIME ဟာ အမေရိကန်မဂ္ဂဇင်းဖြစ်ပါတယ်။ ရိုဟင်ဂျာကိစ္စ အမေရိကန် ကစားနိုင်ပုံကိုကျနော်အကြိမ်များစွာ ဆွေးနွေးဖူးပါတယ်။)

တိုင်းမ်မဂ္ဂဇင်းဆောင်းပါးကိုဆန်းစစ်ဝေဖန်ခြင်း-၄
----------------------------------------------------

နောက်ထပ်တစ်ပိုဒ်မှာတော့ ဝမ်းနည်းကြေကွဲဖွယ်ရာ ဇာတ်လမ်းလေးတစ်ပုဒ်ကို စတင်ကြားနာရပါတယ်။ “My son was killed because he was Muslim, nothing else,” ကျမသားလေးဟာ မွတ်ဆလင်လေးမို့အသတ်ခံလိုက်ရတာ။ အခြားဘာကြောင်းမှ မရှိပါဘူး လို့ ပိတ်သိမ်းရေးပြသွားပါတယ်။ မိတ္တီလာမြို့ထဲမှာရှိတဲ့ ထောင်ပေါင်းများစွာသော မွတ်ဆလင်ဒုက္ခသည်စခန်းတွေကိုဂျာနယ်လစ်တွေဝင်ခွင့်မရှိဘူးလို့လဲ ဆိုထားပါတယ်။ ဒါပေမယ့် ဆောင်းပါးရှင်ဖော်ပြဖို့ကျန်နေတာလား တမင်ချန်ထားတာလားမသိတာကတော့ဒီဘေးဒုက္ခကြားညှပ်မိနေတဲ့ ဗုဒ္ဓဘာသာဒုက္ခသည်တွေပါပဲ။

"ကျောင်းတော် နဲ့အာဏာ" ဆိုတဲ့ခေါင်းစဉ် ပြလိုက်ပြီး သီ၇ိလင်္ကာက ရဟန်းတွေအကြောင်းကို ဆောင်းပါးရှင်ကဖော်ပြပါတယ်။ဖော်ပြချက်မှာ သီရိလင်္ကာ ထဲက ဗုဒ္ဓဝါဒီရဟန်းတွေရဲ့ အစိုးရကိ စိုးမိုးဖို့အားထုတ်ပုံတွေ၊ကျောင်းတွေမှာ သမိုင်းသင်ခန်းစာတွေသင်ကြားပေးဖို့ အားထုတ်တာတွေ။ ညီလာခံမှာ ရင်ဘတ်ထက် လက်သီးဆုပ်တင်ပြီး ဗုဒ္ဓဘာသာကို ခုခံကာကွယ်ဖို့ ကြွေးကြော်တာတွေကို ဖော်ပြပါတယ်။ ဒါပေမယ့် ပထမဆုံးအကြောင်းလေးမှာတင် သူဖော်ပြထားတာက မြန်မာပြည်ကဖြစ်ရပ်တွေဟာ ဒီသီရိလင်္ကာံကလိုပါပဲ ဆိုတဲ့ စာကြောင်းလေးပါ။ ဒီစာကြောင်းလေးကြောင့် အောက်က ဖော်ပြထားသမျှရဲ့ ကောင်းခြင်းဆိုးခြင်းအားလုံးဟာ မြန်မာပြည်မှာဒီလိုဖြစ်နေပါတယ်ဆိုတဲ့ အဓိပ္ပါယ်ကိုသက်ရောက်သွားစေပါတော့တယ်။ “This is a Buddhist government. This is a Buddhist country.” ဗုဒ္ဓဘာသာအစိုးရ၊ ဗုဒ္ဓဘာသာတိုင်းပြည် ဆိုတဲ့ သီရိလင်္ကာကြွေးကြော်သံနဲ့ ပိတ်သိမ်းလိုက်ပြီး မြန်မာဟာလဲ ဒီလိုပါပဲ ဆိုတာကို နိမိတ်ပြပြောဆိုသွားခဲ့တာပါ။ “It is the monks who protect our country, religion and race.” အမျိုးဘာသာသာသနာကို ကာကွယ်နေတာ ဘုန်းတော်ကြီးတွေပဲ လို့ သီရိလင်္ကာကာကွယ်ရေးဌာနအတွင်းရေးမှုးပြောစကားကို ထပ်မံကိုးကားအားဖြည့်ပေးသွားခဲ့ပါတယ်။

"ဆွမ်းနဲ့ သေနတ်" ဆိုတဲ့ခေါင်းစဉ်ကိုထပ်မံဖော်ပြလိုက်ပြီး ထိုင်းနိုင်ငံထဲက ဥပမာတွေကို ပေးပါတယ်။ “We cannot separate Buddhism from guns anymore.” ဆိုတဲ့စာသားနဲ့ ထိုင်းဥပမာကို သေသေချာချာ ညွှန်းဆိုသွားခဲ့ပြီး ကျန် အစ္စလာမ်အကြမ်းဖက်တွေနဲ့မကွာလှတဲ့နမူနာကိုပေးဖို့ကြိုးစားနေဟန်ကို တူးဖော်မိလိုက်ပါတယ်။ “Maybe I felt a little bit guilty as a Buddhist,” he says. “But we have to protect ourselves.” အဓိပ္ပါယ်ကဒီလိုပါ။ ကျနော် ဗုဒ္ဓဘာသာဖြစ်ရတာကို နည်းနည်းတော့မလုံသလိုခံစားရတယ်။ ဒါပေမယ့် ကျနော်တို့ကိုယ့်ကိုယ်ကိုကာကွယ်ရမှာပဲလေလို့ ပစ္စတိုသုံးလက်ရှိတယ်ဆိုတဲ့ ထိုင်းတောင်ပိုင်းကရဟန်းက ဒီလိုပြောတယ်ဆိုပြီး ထပ်မံ ဖော်ပြပါတယ်။ "ကျနော်တို့က ဒီတိုင်းပြည်သားတွေဗျ။ ဒါပေမယ့် ဗုဒ္ဓဘာသာဝင်တွေက ကျနော်တို့ကို ဘယ်တော့မှ ထိုင်းနိုင်ငံသားတွေလို့မမှတ်ဘူး။" ဒီစကားကိုပြောသူက ထိုင်းတောင်ပိုင်းမွတ်ဆလင် တော်လှန်ရေးသမားတစ်ဦးပါ။ အဲ့ဒီစကားအပြီးမှာ ဒါလေးနဲ့ ထိုင်း ဥပမာကိုပိတ်သိမ်းလိုက်ပါတယ်။ “Islam is a religion of violence,” says Phratong Jiratamo, a marine turned monk. “Everyone knows this.” အစ္စလာမ်ဆိုတာ အကြမ်းဖက်ဝါဒပဲ။ ဒါလူတိုင်းသိတယ်လို့ ဘုန်းကြီးက ပြောပါတယ်ဆိုပြီး ပိတ်သိမ်းလိုက်တာပါ။ လှပါတယ်။ မွတ်ဆလင်တော်လှန်ရေးသမားရဲ့စကားလုံးက Equality ဖက်ရောက်ပါတယ်။ ထိုင်းဘုန်းကြီးစကားက တော်တော်လေး ပိန်းတဲ့ ပညာမဲ့စကားဆန်ပါတယ်။ ဒီနှစ်ခုကို တွဲပြလိုက်ပါတယ်။ ဒီမိုကရက်တွေ အသည်းစွဲ တန်းတူညီမျှမှုကို မွတ်ဆလင်ဖက် ထည့်လိုက်ပြီး ဘုန်းကြီးပြောစကားကို ခပ်ပိန်းပိန်း ဘာသာရေးအစွန်းရောက်အနေနဲ့တင်လိုက်ပါတယ်။ ဒီနည်းနဲ့ သင်္ကန်းနဲ့သေနတ်၊ ဖိနှိပ်မှုတွေဟာ ကောက်ကြောင်းထင်းထင်းကြီးပေါ်လာပါတော့တယ်။

တိုင်းမ်မဂ္ဂဇင်းဆောင်းပါးကိုဆန်းစစ်ဝေဖန်ခြင်း-၅
-----------------------------------------------------

နောက်ဆုံးစာနှစ်ပိုဒ်မှာတော့ စာရေးသူအာဘော်ကိုပိုမြင်လာရပါတယ်။ စာရေးသူက ငြိမ်းချမ်းတဲ့ ဗုဒ္ဓဘာသာနဲ့ ဝီရသူရဲ့ အကြမ်းဖက်မှုကို ဘယ်လို သဟဇာတ ဖြစ်အောင်လုပ်မယ်ဆိုတာကို နားမလည်နိုင်အောင်ဖြစ်ပါတယ်လို့ဖော်ပြပါတယ်။ ဝီရသူဟာ ထိုင်းတောင်ပိုင်းက ဘုန်းကြီးတွေလိုပါပဲ လို့ရေးပြပါတယ်။ သူ့တရားပွဲအဆုံးမှာ သူ့ပရိသတ်တွေဟာ အမျိုး၊ ဘာသာ၊ သာသနာအတွက် မိမိအသက်ကို စတေးပါမည် ဆိုတဲ့ ဟာကိုလိုက်ရွတ်ဆိုကြပါတယ်လို့ ဖော်ပြပါတယ်။

နောက်ဆုံးနိဂုံးမှာတော့စာရေးသူရဲ့အဘော်ကို အထင်ရှားဆုံးမြင်လိုက်ရပါတော့တယ်။စာရေးသူဖော်ပြထားတာက ဗုဒ္ဓဘာသာရဲ့ခွင့်လွှတ်မှုဆိုတာဟာ တစ်ကယ့်ကို မဖြစ်နိုင်လောက်တဲ့နေရာမှာတော့ ကျန်နေပါသေးတယ်လို့ ဆိုလိုက်တာပါ။ Unlikeliest လို့သုံးပြသွားတာပါ။ ဒီနည်းအားဖြင့် ကျန်အများစုကြီးဟာတော့ဖြင့်ခွင့်လွှတ်မှုဆိုတာမရှိတဲ့လူတွေလို့ အဓိပ္ပါယ်အလိုလိုသက်ရောက်သွားစေပါတော့တယ်။ ဆောင်းပါးရှင်က ဥပမာပေးပါတယ်။ 2011 ထိုိင်းမှာ ဗုံးကွဲတော့ ရဟန်းတစ်ပါးဟာ ဆွမ်းခံလျက်ပါ။ သူ့ခန္ဓာကိုယ်မှာ ဒဏ်ရာတွေအများကြီးရခဲ့ပါတယ်။ အမာရွတ်တွေလဲမနည်း။ မျက်လံုးလဲ မကောင်းလှတော့ပါဘူး။ ဒါပေမယ့်သူက အစ္စလာမ်ဘာသာဆိုတာ ကျန်ဘာသာရေးတွေလိုပဲ အင်မတန်ငြိမ်းချမ်းတဲ့ဘာသာပါလို့ ပြောနေဆဲပါ လုိ့ ဥပမာပေးခဲ့ပါတယ်။ မွတ်ဆလင်တွေကို အပြစ်တင်တယ်၊ သူတို့က ကျနော်တို့ကိုပြန်အပြစ်တင်မယ်..ဒါဆို ဘယ်တော့မှအကြမ်းဖက်မှု မပြီးဆုံးပါဘူးလို့ အဲ့ဒီထိုင်းရဟန်းက ပြောသွားတယ်ဆိုပြီးရေးသွားပါတယ်။ နောက်ဆုံးစာပိုဒ်...နိဂုံးပိုဒ်မှာ မွတ်ဆလင်တွေကို အပြစ်တင်ခြင်းသည် ဗုဒ္ဓဘာသာမမည် ဆိုတဲ့ မက်ဆေ့ကိုရအောင်ထည့်ပေးသွားပါတယ်။ ဒီကြားထဲမှာ ရိုဟင်ဂျာကိစ္စကိုသုံးကြိမ်တိတိသုံးပါတယ်။ တစ်ကယ်တော့ ဒီလို ခွင့်လွှတ်နိုင်မှု မျိုး၊ သူပေးတဲ့ဥပမာမျိုးဟာ သာမန် (Average) တွေအနေနဲ့ မဖြစ်နိုင်တဲ့ကိစ္စတွေသာလျှင်ဖြစ်ပါတယ်။ ဒီလို ရှားပါးတဲ့ ဥပမာမျိုးကိုပေးလိုက်ခြင်းအားဖြင့် ကျန် ဗုဒ္ဓဘာသာဝင်တွေဟာ ဒီလိုမကျင့်လျှင် အလကားဆိုတဲ့မက်ဆေ့ခ်ျကို ရသွားစေတော့တာပါပဲ ။

ဆောင်းပါးရှင်ရဲ့ကောက်ကြောင်းကိုကြည့်လိုက်တဲ့အခါမှာ ဦးဝီရသူထက် မြန်မာပြည်တွင်းနဲ့ အရှေ့တာင်အာရှ၊ တောင်အာရှ ဗုဒ္ဓဘာသာဝင်တွေရဲ့ အားနည်းချက်တွေကို သီးသန့ဖော်ပြထားပြီး ထိုင်းတောင်ပိုင်းကိစ္စ၊ မြန်မာပြည်တွင်းကိစ္စ နဲ့ သီရိလင်္ကာကိစ္စတွေမှာ ဆန့်ကျင်ဖက်တွေရဲ့အမြင်တွေကို လလုံးဝ ထည့်မထားတာကို အထူးသတိပြုမိပါတယ်။ စာကြောင်းချိတ်ဆက်ပုံ၊ အိုင်ဒီယာချိတ်ဆက်ပုံတွေ၊ ဥပမာပြပုံတွေရဲ့ လားရာဦးတည်ဖက်ဟာ ဗုဒ္ဓဘာသာ ဟာ ကျဆုံးနေတဲ့ဘာသာရပ်ဖြစ်ပြီးကျန်အလားတူဘာသာများလိုပဲ အကြမ်းဖက်တွေထွက်လာတဲ့ "ညွှန်းသလောက်မဟုတ်တဲ့ဘာသာရေးပါ" ဆိုတဲ့ အမြင်ကို တူးဖော်လိုက်မိပါတယ်။

ဒါကတော့ ဒီဆောင်းပါးအပေါ် အနုစိပ်သုံးသပ်ကြည့်ခြင်းပဲဖြစ်ပါတယ်။

(ရေးသားသူ- ကိုမျိုးဆက်)

↧

ထိန်းသိမ်းခြင်းနှင့် အမျိုးသားရေး

June 21, 2013, 10:34 pm

≫ Next: ဖွဲ့စည်းပုံအခြေခံဥပဒေ ပြင်ဆင်ခြင်းနှင့် အာဏာသိမ်းခြင်း

≪ Previous: တိုင်မ်း မဂ္ဂဇင်းပါ ဆောင်းပါးအား ဆန်းစစ်ဝေဖန်ခြင်း

by Thida Khin (Notes) on Friday, June 21, 2013 at 10:37pm

ကျွန်မ၏အခန်းထဲတွင် ကျွန်မငယ်စဉ်ကတည်းက လေးစားအားကျရသော သူနာပြုမိခင်ကြီးဖလောရင့်စ် နိုက်တင်ဂေး၏ ရုပ်ပုံနှင့် သစ္စာဓိဌာန်ကို ကပ်ထားပြီး နေ့ စဉ်မဟုတ်သော်ငြား ရံဖန်ရံခါ ဖတ်ဖြစ်သည်။ အလွတ်ရအောင်လည်းကျတ်မှတ်ရ၏ ။ ဓိဌာန်ဆိုသည်မှာကားမိမိကို အနီးကပ် ဆုံးမပေးနေသည့် ထိန်းသိမ်းစောင့်ရှောက်ရန် တရား သို့ မဟုတ် ကျင့်ဝတ်ဟု ယုံကြည်၏။
ထိုတရားတို့ ကင်းလွတ်သွားလျှင်ကား မိမိသည် စည်းဘောင်မှကင်းလွတ်သွားပြီး အမှားများကို ကျူးလွန်မိပေလိမ့်မည်။ မိမိယုံကြည်လေးစားအပ်သည့် မိခင်ကြီး ဖလောရင့်စ်နိုက်တင်ဂေးကို အားကျနေရုံမျှ နှင့် မပြီး ။ သူမ၏အဆုံးအမများကိုလည်းလိုက်နာကျင့်သုံးမှသာ သူနာပြုကောင်းများပေါ်ထွန်းလာမည်မဟုတ်ပါလား။ မိမိကဲ့သို့ ပင် သူနာပြုများ ၊ဆရာဝန်များ နှင့် အခြားဆေးပညာသည်များသည်လည်း ဆိုင်ရာကျင့်ဝတ်များကို လိုက်နာကျင့်သုံးကြရလေသည်။ကျွန်မသည် သူနာပြုတစ်ဦးဖြစ်သည့်အားလျော်စွာ သူနာပြုများစောင့်ထိန်းအပ်သည့် သစ္စာဓိဌာန် များမှ .... ကျွန်ုပ်သည် ကိုယ်စွမ်းဥာဏ်စွမ်း ရှိသမျှ ဂီလာန ပုဂ္ဂိုလ်များအား လူမျိုးဘာသာအဆင့်အတန်းမခွဲခြားပဲပြုစုပါအံ့ ....ဟူသည့်အချက်အပါအ၀င် အချက်ရှစ်ချက်ကို လိုက်နာကျင့်သုံးရန်ကြိုးစားပါသည်။ အမှန်တကယ်လည်း လိုက်နာကျင့်သုံးပါသည်။ ကျွန်မနည်းတူ အခြားကျန်းမာရေးဝန်ထမ်းများလည်း ထိုကျင့်ဝတ်များကို အသီးသီးစောင့်ထိန်းရင်း လူသားတို့ ၏ ကိုယ်ကျန်းမာရေး ၊စိတ်ကျန်းမာရေး ကို ပြုစုကုသစောင့်ရှောက်ပေးနေကြသည်။ ကျွန်မတို့ ၏လုပ်ငန်းခွင်တွင်ကား လူမျိုးစုံ ဘာသာစုံတို့ ပါဝင်ကြသည်။

ကျွန်မ၏ဆရာသမားများဖြစ်သော မေ့ဆေးဆရာဝန်ကြီးငယ်များ၊ ခွဲစိတ်ဆရာဝန်ကြီးငယ်များ၊ သူနာပြုဆရာမကြီးငယ်များ၊ အခြားကျန်းမာရေးဝန်ထမ်းများ နှင့် မိမိတို့ လက်အောက်ရှိ ဆေးရုံလုပ်သားများ ထဲတွင် အစ္စလာမ်ဘာသာဝင်များပါဝင်သည်။ ခရစ်ယာန်ဘာသာဝင်များလည်းပါဝင်သည်။ လူမျိုးရေး ပြဿနာများမဖြစ်ပွားခင်နှင့် ယခုကဲ့သို့ ဖြစ်ပွားနေသည့်တိုင် ကျွန်မတို့ အတူတကွ စိတ်ဝမ်းမကွဲပဲ ကျန်းမာရေးဌာန ဟူသော တစ်မိုးအောက်ထဲတွင် အေးအတူပူအမျှ တာဝန်များကို ထမ်းရွက်နေကြသည်။ မြန်မာပြည်သူပြည်သားများ ဟူသော အသိနှင့်ပင် လူမျိုး ဘာသာမရွေး လူနာများအားပြုစုကုသမှုပေးနေကြသည်မှာ ငြင်းဖွယ်ရာမရှိ။ ထမင်းအတူတူစားကြ ၊ လုပ်ငန်းခွင်မှ စိတ်ဖိစီးမှုများကို ရယ်မောဖွယ်ရာများနှင့် အပန်းဖြေကြ၊ အခက်အခဲများရှိလျှင်လည်း ၀ိုင်းဝန်းဖြေရှင်းကြနှင့်။ အငြိမ်းစားယူသွားပြီဖြစ်သော ကျွန်မ၏ဆရာသမားဖြစ်သူ မေ့ဆေးဆရာဝန်မကြီးကားလူနာများအပေါ် အလွန်စေတနာထား ဂရုစိုက်သူတစ်ဦးဖြစ်ပြီး ရဟန်းသံဃာများအားလည်း ......အရှင်ဘုရား အရှင်ဘုရား ....ဟု လက်အုပ်လေးချီကာအရိုအသေပေးတတ်သလို နှလုံးခွဲစိတ်ဆရာဝန်ကြီးသည်လည်း ထိုနည်းတူ..... ငွေကြေးအခက်အခဲဖြစ်သူ ရဟန်းသံဃာများနှင့် သီလရှင် ဆရာကြီး ဆရာလေးများကိုလည်း ရောဂါကုသရုံတင်မက ငွေကြေးထောက်ပံ့မှုများလည်း ပေးနေသူဖြစ်သည်။

လုပ်ငန်းတွင်အလွန်စေ့စပ်သေချာသူ လူနာများအပေါ်ဂရုဏာသံလေးနှင့် ပြုစုပေးစွမ်းသူအစ္စလာမ် သူနာပြု လေးမှာ ကျွန်မ မလေးစားပဲမနေနိုင်သူတစ်ဦး ဖြစ်ပြီး အခြားသူများကိုလည်း လုပ်ငန်းခွင်တွင်သူမ၏အပြုအမူများကိုအတုယူရန် ကျွန်မတိုက်တွန်းလေ့ရှိသည်။ ယနေ့ ခေတ်အခါတွင် မီဒီယာများမှာ ကျွန်မလစ်လျူ၍မရအောင်ပင် လူမျိုးရေးမုန်းတီးမှုများပြင်းထန်နေသည်ကို စိတ်မကောင်းစွာတွေ့ ရသည်။ မည်သည့်ဘာသာဝင်ဖြစ်စေကာမှု ပင်ကိုယ်စိတ်သဘောမနောမွန်မြတ်ဖြူစင်သူသည် သူတစ်ပါးအား ဒုက္ခမပေး။ သူတစ်ပါးအကျိုးယုတ်မည့်အမှုကို မပြု။ အချို့ ဘာသာမဲ့များလည်း ထိုနည်းတူ။ ၎င်းတို့ ၏ ဂုဏ်သိက္ခာကိုလည်း အသီးသီးစောင့်ထိန်းကြလေသည်။ ပင်ကိုယ် အကျင့်စာရိတ္တ ချွတ်ယွင်းသူတို့ ကား မည်သည့်ဘာသာဝင်ပင်ဖြစ်လင့်ကစား မိမိအပါအ၀င် အများအကျိုးယုတ်အောင် စည်းဖေါက်ဖို့ ဝန်မလေး။ ထိုအကျင့်စာရိတ္တဖေါက်ပြားမှုမှ သည် နိုင်ငံရေးအဓိကရုဏ်များဖြစ်ပွားသည်အထိ ကြုံကြရပြီမဟုတ်ပါလား။

ထို့ အပြင် အစွန်းတရားတို့ သို့ ဦးတည်မှုမှ သည် ထိုအစွန်းတရားနှစ်ဖက်တို့ ဆုံတွေ့ လျှင် အရာရာဆုတ်ယုတ်ပေလိမ့်မည်။ မည်သို့ ပင်ဖြစ်စေ ကျွန်မတို့ သည်ကားအသက်မွေးဝမ်းကျောင်းမှု လုပ်ငန်းတူဖြစ်ပြီး အမျိုးသားရေးကိုလည်း ကျင့်ဝတ်များနှင့်အညီ အသီးသီးစောင့်ထိန်းပြီး မြန်မာနိုင်ငံနှင့် မြန်မာလူမျိုးတို့ ၏အကျိုးကို အေးအတူပူအမျှ ငြိမ်းချမ်းစွာ အတူတကွ ဆက်လက်ထမ်းဆောင်နေအုံးမည်မှာ မလွဲပေ။ မြန်မာနိုင်ငံတွင်း အခြားသော နေရာဒေသများ ၊ မြို့ ရွာများတွင်သာမက ကမ္ဘာပေါ်ရှိ နေရာအသီးသီးတွင် လည်း အစွန်းတရားနှစ်ပါးနှင့်ကင်းဝေးပြီး လောဘ၊ ဒေါသ၊ မောဟ မာန်မာနတရားများလျော့ပါးလာအောင် ဘာသာတရားအသီးသီးမှ သာသာဝင်များကိုယ်စီကိုယ်ငှ တာဝန်ယူ ပြီးဖြေရှင်းကြမည်ဆိုလျှင် ......ငြိမ်းချမ်းရေးသည်လက်တစ်ကမ်းပင် ဟု မျှော်လင့်လျှက်......

သီတာခင်
၂၁၊ ၆၊၂၀၁၃

↧

ဖွဲ့စည်းပုံအခြေခံဥပဒေ ပြင်ဆင်ခြင်းနှင့် အာဏာသိမ်းခြင်း

June 21, 2013, 10:42 pm

≫ Next: ပြည်ခိုင်ဖြိုးရဲ့ အနာဂတ်အား မှန်းဆမျှော်တွေးခြင်း (သို့ ) ဦးသိန်းစိန်နဲ့  ဦးရွှေမန်းတို့ နှစ်ဦး

≪ Previous: ထိန်းသိမ်းခြင်းနှင့် အမျိုးသားရေး

Soe Lynn's photo.

16 hours ago

ဖွဲ့စည်းပုံအခြေခံဥပဒေ ပြင်ဆင်ခြင်းနှင့် အာဏာသိမ်းခြင်း

အမျိုးသား ဒီမိုကရေစီအဖွဲ့ချုပ် ကြားဖြတ်ရွေးကောက်ပွဲ ဝင်ရခြင်း၏ ရည်ရွယ်ချက်များတွင် ဖွဲ့စည်းအုပ်ချုပ်ပုံ အခြေခံဥပဒေပြင်ဆင်ရေးသည် အဓိက တာဝန် တစ်ရပ် ဖြစ်သည်ဟု ဖော်ပြခဲ့ သည်။ သို့သော် ယခုအခါ ဖွဲ့စည်းပုံ အခြေခံဥပဒေ ပြင်ဆင်ရေးအား ပြည် ခိုင်ဖြိုးပါတီက ပြောဆိုလာခဲ့ပြီး မကြာမီ တွင် လွှတ်တော်၌ ပြည်ခိုင်ဖြိုးပါတီ ကိုယ် စားလှယ်ကပင် အဆိုတင်သွင်းပြီး ပြည် ခိုင်ဖြိုးပါတီဝင်အများစုပါသော လွှတ် တော်က အတည်ပြုလိုက်သည့်အခါ အ မျိုးသား ဒီမိုကရေစီအဖွဲ့ချုပ်သဘာပတိ အဖွဲ့ဝင်ဆရာကြီး ဦးဝင်းတင်က ‘ကျော် တော့ လှေသူကြီး ညားတော့ လှေထိုး သား’ ဟူ၍ ပါတီ အာဘော် ဒီလှိုင်းဂျာ နယ်မှ ရေးသားလိုက်ရတော့သည်။ဖွဲ့ စည်းပုံအခြေခံ ဥပဒေပြင်ဆင်ရေးကို လွှတ်တော်၌ပင် ဆွေးနွေးပြင်ဆင်ကြ မည်ဆိုလျှင် ပြည်ခိုင်ဖြိုးပါတီဝင်အများစု ပါဝင်နေသော လွှတ်တော်ဖြစ်သည့်အ တွက် ပြည်ခိုင်ဖြိုးပါတီ အလိုမကျသော အချက်များကို ပြင်ဆင်နိုင်ရေးမှာ မဖြစ် နိုင်ဟု ယူဆရမည်ဖြစ်သည်။ သို့သော် ပြည်ခိုင်ဖြိုးပါတီ၏ ဒီမိုကရေစီအပေါ် မည်မျှ သက်ဝင်ယုံကြည်သနည်းဟူသော စိန်ခေါ်ချက်တစ်ရပ်လည်း ဖြစ်ပုံရသည်။ အဘယ်ကြောင့်ဆိုသော် အများစုဖြစ် သော ပြည်ခိုင်ဖြိုးပါတီသည် အနည်းစု ဖြစ်သော ဒီချုပ် လွှတ်တော်ကိုယ်စား လှယ်များအပါအဝင် အခြားပါတီမှလွှတ် တော်ကိုယ်စားလှယ်များ၊ တိုင်းရင်းသား ပါတီများ အပါအဝင်အနည်းစု ဆန္ဒကို မည်မျှအလေးထားသနည်း ဟူသည့်အ ချက်ကို အများက စောင့်ကြည့်အကဲဖြတ် နေမည်ဖြစ်သည်။ ထို့အပြင် ဖွဲ့စည်းပုံ အခြေခံဥပဒေပါ အများပြည်သူ မနှစ် မြို့ဖွယ် အချက်များကို ပြင်ဆင်ရေးတွင် သဘောတူညီခဲ့ပါက ၂ဝ၁၅ ခုနှစ် ရွေး ကောက်ပွဲတွင် ပြည်သူ့ဆန္ဒမဲ ရယူရန် အခွင့်အလမ်းမှာ ပိုမိုခက်ခဲကြမ်းတမ်း နေမည်ဖြစ်သည်။ ယင်းကိုလည်း Óဏ် ကြီးသော ပြည်ခိုင်ဖြိုးပါတီ ထိပ်တန်း ခေါင်းဆောင်များက အကဲခတ်မိကြမည် ဖြစ်ပါသည်။

ဖွဲ့စည်းပုံ အခြေခံဥပဒေ ပြင်ဆင် ရေးသည် လိုအပ်၍ ပြင်ဆင်ခြင်းဖြစ်နိုင် သလို၊ မရေရာသော ၂ဝ၁၅ ခုနှစ် အနာ ဂတ်တွင် အခြားသူများ မပြင်ခင် ပြင် လိုက်ခြင်းဟုလည်းယူဆနိုင်သည်။ မည် သို့ပင်ဖြစ်စေ ပြည်တွင်းတွင်လည်းကောင်း၊ နိုင်ငံတကာမျက်နှာစာတွင်လည်းကောင်း အငြင်းပွားစရာ ဖြစ်နေသည့် ဖွဲ့စည်းပုံ အခြေခံဥပဒေအား ပြင်ဆင်ခွင့်ကြုံလာ သည်မှာ ဝမ်းမြောက်စရာပင်ဖြစ်သည်။ မြန်မာနိုင်ငံ၏ သမိုင်းတွင် ဖွဲ့စည်းပုံအ ခြေခံဥပဒေအား ပြင်ဆင်ရန် ကြိုးစားခဲ့ သောအဖြစ်တစ်ခု ပေါ်ပေါက်ခဲ့ဖူးပါ သည်။ သို့သော်…ပြည်တွင်း ဆူပူ သောင်းကျန်းမှုများ အရှိန်လျော့ကျသွား ပြီး ပြည်ထောင်စုအစိုးရအဖို့ နေသာ ထိုင်သာရှိလာပြီးနောက် ဝန်ကြီးချုပ် ဦးနုသည် ပြည်နယ်သူ၊ ပြည်နယ်သား များက မြန်မာများအပေါ် မကျေနပ်ချက် များ ရှိသည်ဟူသော သတင်းများကို ကြားလာရသည်။ ထို့ကြောင့် ၁၉၆ဝ ပြည့်နှစ် ရွေးကောက်ပွဲအပြီးတွင် ပြည် ထောင်စု တည်တံ့ခိုင်မြဲရေးအတွက် ပြည်နယ်အသီးသီးမှ ခေါင်းဆောင်များ နှင့် တိုင်ပင်ဆွေးနွေးပြီး ဖွဲ့စည်းအုပ်ချုပ် ပုံအခြေခံဥပဒေအား လိုအပ်သလို ပြင် ဆင်ပေးရန် သန္နိဌာန်ချခဲ့သည်။ ဦးနု သည် လွှတ်တော်တစ်ခုလုံး၏ အမတ် ဦးရေ သုံးပုံနှစ်ပုံကျော်သည် အစိုးရ လက်ထဲတွင်ရှိနေသောကြောင့် ဖွဲ့စည်း အုပ်ချုပ်ပုံအခြေခံဥပဒေအား ပြင်ဆင် လိုက ပြင်ဆင်ရန်အချိန်ကောင်းဟုယူဆ ပြီး ဖွဲ့စည်းအုပ်ချုပ်ပုံ အခြေခံဥပဒေအား မည်ကဲ့သို့ ပြင်ဆင်လိုသည်ကို ပြည်နယ် အစိုးရများအား မေးမြန်းပြီး တင်ပြသော အဆိုများကို ကျယ်ကျယ်ပြန့်ပြန့် ဆွေး နွေးလိုသည်။ ထိုဆွေးနွေးချက်များမှ အများသဘောတူလက်ခံနိုင်သည့် အ ဆိုများကို ချက်ချင်း အကောင်အထည် ဖော်ပေးပြီး အဖြေရှာမတွေ့သေးသော အဆိုများကို ဆက်လက်ေ ဆွးနွေးခြင်း ဖြင့် ပြည်ထောင်စုမြန်မာနိုင်ငံသည် ပိုမို စည်းလုံးညီညွတ်လာမည်ဟု ယုံကြည် နေသည်။

ဦးနုက ဖွဲ့စည်းအုပ်ချုပ်အခြေခံ ဥပဒေအား လိုအပ်သလို ပြင်ဆင်ရန် ပြည်ထောင်စုအစိုးရ အသီးသီးထံမှ အဆိုများတင်သွင်းရန် ဖိတ်ခေါ်လိုက်ရာ မှ ဖက်ဒရယ်မူ ဟူ၍ ပေါ်ပေါက်လာခြင်း ဖြစ်သည်။ တောင်ကြီးမြို့တွင် ကျင်းပ သော ပြည်နယ်ပေါင်းစုံညီလာခံမှ ပေါ် ထွက်လာသော ဖက်ဒရယ်မူကို ၁၉၆၂ ခုနှစ်၊ မတ်လ ၁ ရက်နေ့ နှီးနှောဖလှယ် ပွဲတွင် တင်ပြဆွေးနွေးရန် ဖြစ်သည်။ ဦးနုကမူ ဖက်ဒရယ်မူသည် ကြောက် စရာကောင်းသောမူမဟုတ်ဘဲ၊ အမေရိ ကန်ပြည်ထောင်စု၏ ဖွဲ့စည်းအုပ်ချုပ်ပုံ အခြေခံ ဥပဒေကို မှီပြီးရေးဆွဲထားသော မူဟုယူဆသည်။ သို့သော် ဦးနုယူဆသ လို တပ်မတော်က မယူဆခဲ့ပေ။ ဖက်ဒ ရယ်မူကြောင့် ပြည်ထောင်စုကြီး ပြိုကွဲ နိုင်သည့် အန္တရာယ်ကို တပ်မတော်က သိလျက်နှင့် ဥပေက္ခာပြုခဲ့လျှင် အပြစ် တင်ခံရမည်ဟု စိုးရိမ်နေသည်။ ရှမ်း ပြည်တွင် နှစ်ပေါင်းများစွာ အမှုထမ်း ခဲ့ပြီး စော်ဘွားများနှင့် ရင်းနှီးသော တပ် မတော်အရာရှိတစ်ဦးက စော်ဘွားများ သည် ဖက်ဒရယ်မူရရှိပြီး ပြည်ထောင်စုမှ ခွဲထွက်ရန် ရည်ရွယ်ချက်ရှိကြောင်း ပြောဆိုခဲ့သည်။ နှီးနှောဖလှယ်ပွဲ ကျင်း ပနေစဉ်မှာပင် ပြည်နယ်ခေါင်းဆောင် များသည် ဖက်ဒရယ်မူကို လက်မခံလျှင် သူပုန်ထမည်ဟူသည့်သတင်းများ ထွက် ပေါ်လာသည်။ အချို့ကမူ ထိုသတင်း များကို ဆိုရှယ်လစ်များက လွှင့်ထုတ်ခဲ့ သည်ဟု စွပ်စွဲကြသည်။ ဦးနုကမူ ထို သတင်းများကို ရယ်စရာပြက်လုံးအဖြစ် သာ သဘောထားခဲ့သည်။

ဖွဲ့စည်းပုံအခြေခံဥပဒေ အခန်း ၁ဝ အရ ရှမ်းပြည်နယ်၊ ကယားပြည်နယ် တို့သည် ပြည်ထောင်စုမှ ခွဲထွက်လို လျှင် ခွဲထွက်ပိုင်ခွင့်ရှိသောကြောင့် ရှမ်း ပြည်နယ်၊ ကယားပြည်နယ်များ သူပုန် ထရန် ရည်ရွယ်ချက်ရှိပါက ဖက်ဒရယ် မူကို ကိုင်နေစရာမလိုဘဲ ခွဲထွက်ခွင့် တောင်းနိုင်သောကြောင့် ဦးနုသည် ထို သတင်းများကို မယုံကြည်ရခြင်း ဖြစ် သည်။ ထို့အပြင် နှီးနှောဖလှယ်ပွဲ ပထမ နေ့၊ မတ်လ ၁ ရက်၊ ည ၉ နာရီ အစည်း အဝေးပြီးချိန်တွင် ရှမ်းပြည်နယ် ဥက္ကဋ္ဌ စောခွန်ချိုနှင့် ကယားပြည်နယ် ဥက္ကဋ္ဌ စောဝဏ္ဏတို့သည် ဦးနုနေအိမ်အထိ လိုက်လာပြီး ဝန်ကြီးချုပ်ကို အကျပ်ကိုင် လိုပါ က ၁၉၄၈ ၊ ၄၉ ခုနှစ်ကပင် ကိုင် နိုင်ကြောင်း၊ သို့သော် ထိုသို့မလုပ်ခဲ့ ကြောင်း၊ သူတို့တင်ပြသည့်အတိုင်းလုပ် ပေးရမည်ဟူသည့် သဘောမဟုတ်ဘဲ လုပ်ပေးနိုင်သမျှကိုသာ လုပ်ပေး၍ မပေးနိုင်သည်ကို ပယ်လိုက်လျှင် လက် ခံပါမည်ဟု ပြောဆိုခဲ့သည်။

သို့သော် တပ်မတော်သည် ၁၉၆၁ ခုနှစ် နိုဝင်ဘာလကပင် အာဏာသိမ်း ရန် လျှို့ဝှက်ကြံစည်ခဲ့ပြီး ၁၉၆၂ ခုနှစ် မတ်လ ၂ ရက်နေ့တွင် အာဏာသိမ်း ယူခဲ့ လေသည်။တော်လှန်ရေးကောင်စီ တစ်ဖြစ် လဲ တပ်မတော်၏အာဏာသိမ်းမှုအပေါ် ဝေဖန်သုံးသပ်ချက်အမျိုးမျိုး ပေါ်ထွက် ခဲ့သည်။ ပထစအစိုးရအဖွဲ့ဝင် ကာ ကွယ်ရေးဝန်ကြီးအဖြစ် တာဝန်ထမ်း ဆောင်ခဲ့သူတစ်ဦးကမူ ‘ပထစခေါင်း ဆောင်အချို့သည် တပ်မတော်အကြီး အကဲများ၏ သြဇာအာဏာကို လျော့ နည်းသွားအောင် ဆောင်ရွက်ရန် ဆွေး နွေးခဲ့သောကြောင့် အာဏာသိမ်းခြင်း ဖြစ်မည်’ဟုလည်း ပြောဆိုခဲ့သည်။ မည် သို့ပင်ဖြစ်စေ ၁၉၆၂ ခုနှစ်တွင် ဖွဲ့စည်း အုပ်ချုပ်ပုံအခြေခံဥပဒေ ပြင်ဆင်ရေး နှင့် ယင်းတို့နှင့်ဆက်နွှယ်နေသော အ ကြောင်းများတွင် တပ်မတော်က အလို မကျစရာ၊ သံသယဖြစ်ဖွယ်ရာများ ပါနေနိုင်သည်ဟု တွက်ဆရမည်ဖြစ် သည်။ မြန်မာ့နိုင်ငံရေးတွင် တပ်မတော် က အလိုမကျလျှင် အာဏာသိမ်းသည့် ဖြစ်စဉ်ကတော့ ပေါ်ပေါက်ခဲ့ဖူးသည်။

ယခုအခါ ဆောင်ရွက်ပြင်ဆင်နေ ကြသည့် အခြေခံဥပဒေ ပြင်ဆင်ရေး တွင်လည်း အာဏာရပါတီနှင့် တပ်မ တော်၏ အခန်းကဏ္ဍမှာ အရေးကြီး လှသည်ကို သတိပြုရမည်ဖြစ်သည်။သမ္မတဖြစ်သူ ကလည်း ‘စစ်တပ်သည် ဂုဏ်ယူစရာ သမိုင်းကြောင်းရှိကြောင်း နှင့် ရှေ့ဆက်၍လည်း အထူးနေရာတစ် ခုအဖြစ် အစိုးရအဖွဲ့တွင်ရှိနေမည်’ ဖြစ်ကြောင်း၊ ဝါရှင်တန်ပို့စ်နှင့် အင်တာ ဗျူးတွင် ပြောဆိုခဲ့သည်။ ပြည်သူ့လွှတ် တော်ကိုယ်စားလှယ်(ဦးရဲထွန်း)က လည်း လွှတ်တော်အတွင်း အဆုံးအ ဖြတ်ပေးနိုင်သည့် ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီနှင့် တပ်မတော် ကာကွယ်ရေးဦးစီးချုပ်တို့က ပြင်ဆင် သင့်သည်ဟု ယူဆသော ကိစ္စရပ်များ တွင်သာ အောင်မြင်နိုင်သည်ဟူသည့် သုံးသပ်ပြောဆိုမှုများလည်း ရှိသည်။ ဒေါ်အောင်ဆန်းစုကြည်ကလည်း တပ် မတော်က လိုလိုချင်ချင် ပူးပေါင်းဆောင် ရွက်မှသာ အကြမ်းမဖက်သောနည်းဖြင့် ဒီမိုကရေစီလမ်းကြောင်းကို လှမ်းနိုင် မည်ဟု အိန္ဒိယနိုင်ငံခရီးစဉ်တွင် ပြော ဆိုခဲ့သလို ၂၅ ရာခိုင်နှုန်းသော တပ်မ တော်ကိုယ်စားလှယ်တွေကို မစဉ်းစား ဘူးဆိုရင် လုံးဝလက်တွေ့ကျမှာမဟုတ် ဟုပြောဆိုခဲ့သည်။ သို့သော် သူက တပ် မတော်သားများသည်လည်း မြန်မာနိုင်ငံ အား ပိုပျော်စရာကောင်း၊ ပိုအားကောင်း၊ ပိုညီညွတ်သည့် တိုင်းပြည်အဖြစ် မြင် လိုသည်ဖြစ်သောကြောင့် အောင်မြင် လိမ့်မည်ဟု ယုံကြည်နေသည်။

တပ်မတော်သည် လွှတ်တော်တွင် ပါဝင်မှု အင်အားကို တဖြည်းဖြည်းလျှော့ သွားမည်ဟူသည့် ပြောဆိုမှုများရှိနေ သော်လည်း လောလောဆယ် အခြေအ နေတွင် စစ်တပ်၏ ဘဝင်မကျဖွယ် ကိစ္စ များကို ဆောင်ရွက်နိုင်ရန်မှာ အန္တရာယ် များသည်ဟု ယူဆဖွယ်ရာဖြစ်သည်။ ထို အတောအတွင်း ယခင်စာရင်းစစ်ချုပ် အဖြစ် တာဝန်ထမ်းဆောင်ခဲ့ဖူးသူ ဗိုလ် ချုပ်လွန်းမောင်(ငြိမ်း)က ဧရာဝတီ သတင်းဌာနသို့ လက်ရှိအာဏာရပါတီ သည် ယခင်စစ်အစိုးရစနစ်သို့ ပြန်လည် ကူးပြောင်းရန် ဆန္ဒရှိနေသေးကြောင်း ပြောဆိုလိုက်သည့်အခါ အများက စိုး ရိမ်ပူပန်နေတော့သည်။

စည်သူငြိမ်း

Popular Myanmar News Journal

↧

ပြည်ခိုင်ဖြိုးရဲ့ အနာဂတ်အား မှန်းဆမျှော်တွေးခြင်း (သို့ ) ဦးသိန်းစိန်နဲ့  ဦးရွှေမန်းတို့ နှစ်ဦး

June 21, 2013, 10:46 pm

≫ Next: အိမ်ပြန်လမ်းအတွေး -၂

≪ Previous: ဖွဲ့စည်းပုံအခြေခံဥပဒေ ပြင်ဆင်ခြင်းနှင့် အာဏာသိမ်းခြင်း

Nik Nayman's photo.

16 hours ago

ပြည်ခိုင်ဖြိုးရဲ့ အနာဂတ်အား မှန်းဆမျှော်တွေးခြင်း (သို့ ) ဦးသိန်းစိန်နဲ့  ဦးရွှေမန်းတို့ နှစ်ဦး။

၂၀၁၀ ရွေးကောက်ပွဲမှာ ကြံ့ဖွံ့ပါတီဟာ ဆန္ဒမဲရာခိုင်နှုန်း တော်တော်များများနဲ့ အနိုင်ရလာခဲ့တာကို အားလုံးသိပြီး ဖြစ်မှာပါ။ ဒီလို အနိုင်ရလာတာဟာ ကြံ့ဖွံ့ပါတီက လွှတ်တော်ကိုယ်စားလှယ်တွေကပဲ တော်လို့ လား၊ ပြည်သူတွေကပဲ သူတို့ကို အမှန်တကယ် ယုံကြည်ခဲ့လို့လား ဆိုတာကတော့ အထူးစဉ်းစားစရာမလို။ NLD မပါဝင် သည့် ရွေးကောက်ပွဲဖြစ်သဖြင့် ကြံ့ဖွံ့အနေဖြင့် ၂၀၁၀ တွင် အနူတောမှ လူချောဖြစ်တာက ငြင်းစရာမရှိ။ ထို့အပြင် ကြံ့ဖွံ့ပါတီ ၂၀၁၀ ခုနှစ်တွင် အမတ်နေရာအများစု နေရာရခဲ့ခြင်းမှာ စစ်တပ်က ကျောထောက်နောက်ခံ ပေးထား သောကြောင့် ဆိုသည့်အချက်ကိုတော့ မည်သူမှ မငြင်းနိုင်။ယခင် နအဖ အစိုးရက ကြံ့ဖွံ့ပါတီ ရုံးစိုက်ရာ မြေနေရာ မှ အဆောက်အဦ၊ ပရိဘောဂမျိုးစုံအထိပင် ပြင်ဆင်ပေးခဲ့သည့်အပြင် ဒေသခံ စစ်တိုင်းမှူးများ၏ သက်ဆိုင်ရာ တိုင်းနှင့်ပြည်နယ်အလိုက်စည်းရုံးပေးခဲ့ခြင်းကလဲ ကြံ့ဖွံ့ပါတီအနိုင်ရရှိခြင်း၏ အဓိကအကြောင်းတစ်ခုပင်ဖြစ်ပါသည်။

ကြံ့ဖွံ့ကိုယ်စားလှယ်ဟောင်းများ၏ အရည်အချင်းမှန်အား ၂၀၁၂ ကြားဖြတ်ရွေးကောက်ပွဲတွင် ထင်ထင် ရှားရှား တွေ့လာရတော့သည့် မဲန္ဒနယ် (၄၂) ခု ရှိသည့်အနက် NLD ပါတီမှ ၀င်ရောက်ယှဉ်ပြိုင်ခြင်းမပြုခဲ့သည့် မဲဆန္ဒနယ် တစ်နေရာကလွဲ၍ ကျန်သည့် မဲဆန္ဒနယ်အားလုံးတွင် ခွက်ခွက်လန် ရှုံးနိမ့်သွားခြင်းက ကြံ့ဖွံ့ပါတီနှင့် အရွေးချယ်ခံ ကိုယ်စားလှယ်များ၏ အရည်အချင်းက ထင်ထင်ရှားရှား ပေါ်လာတော့သည်။ အကယ်၍ ဒီ ၂၀၁၀ တွင် ပြည်သူတို့၏မဲဆန္ဒအတိုင်း၊ ပြည်သူ့ဆန္ဒအတိုင်း ကြံ့ဖွံ့ပါတီရွေးချယ်ခံခဲ့ရခြင်းမှန်ကန်ခဲ့ပါက ၂၀၁၂ ကြားဖြတ် ရွေးကောက်ပွဲတွင် ယခုကဲ့သို့ ခွက်ခွက်လန် ရှက်ဖွယ်လိလိ ရှုံးစရာအကြောင်းမရှိပေ။

၂၀၁၂ ကြားဖြတ်ရွေးကောက်ပွဲတွင် ကြံဖွံ့ပါတီ ဘာကြောင့် ခွက်ခွက်လန် ရှုံးခဲ့ရပါသလဲ။ ယခင် နအဖ လက်ထက်က စနစ်တကျ ဖွဲ့စည်းပေးလိုက်သော ကြံ့ဖွံ့ပါတီကြီးသည် အာဏာရပြီး အချိန်တိုအတွင်းမှာပင် ပါတီ ၀င်များအချင်းချင်း ခေါင်းဆောင်ပိုင်းတွင် မညီမညွတ်ဖြစ်လာသည်။ သမ္မတအစိုးရအဖွဲ့နှင့် ပါတီတာဝန်ရှိသူများ အကြား အက်ကြောင်းများ ထပ်လာသည်။ အစိုးရအဖွဲ့ဝင်ဝန်ကြီးဖြစ်သူနှင့် ၀န်ကြီးမဖြစ်သူ နေရာမရသူများအကြား ခွက်စောင်းခုတ်လာကြသည်။ အချင်းချင်းမညီညွတ်တော့ဘဲ တစ်ဦးနှင့်တစ်ဦး ဖော်ကောင်လုပ်လာသည်။

သမ္မတက နိုင်ငံကို ပြုပြင်ပြောင်းလဲရေးဆောင်ရွက်နေချိန်တွင် ပြည်သူ့လွှတ်တော်ဥက္ကဌက သမ္မတ လုပ်ရကိုင်ရခက်အောင် ထိုးနှက်တိုက်ခိုက်လာတာကို တွေ့မြင်လာရပါတယ်။ နိုင်ငံ စီးပွားရေး နလန်မထူနိုင်သေးခင်မှာတင် ၀န်ထမ်း များ လစာတိုးအောင် ပြည်သူ့လွှတ်တော်ဥက္ကဌမှ သမ္မတအား ဖိအားပေးခြင်း၊ ထို့အပြင် အခြားသော အတွင်း ကြိတ်ပုန်း ပြဿနာများကိုလည်း တွေ့လာရပါတယ်။ ပြည်ခိုင်ဖြိုးပါတီမှ ၂၀၁၀ ခုနှစ်အတွင်း ရွေးချယ်ခံရသော လွှတ်တော် ကိုယ်စားလှယ်အများစုမှာ စစ်တပ်မှ အသွင်ပြောင်းလာသော စစ်ဗိုလ်ချုပ်များဖြစ်ပြီး ၎င်းတို့အနေဖြင့် အရွေးချယ်ခံ ရမှာ သေချာသည်ကို သိရှိနေသည့်အတွက် ပြည်သူလူထု အခက်အခဲနှင့်ပတ်သက်ပြီး ကူညီဖြေရှင်း ပေးတာမရှိပေ။ ဒါ့အပြင် ကြံ့ဖွံ့ကိုယ်စားလှယ်လောင်းများအနေဖြင့် မဲဆွယ်ချိန် ပြည်သူနဲ့ထိတွေ့ပြီး လွှတ်တော် ကိုယ်စားလှယ် ဖြစ်သွားတဲ့အချိန်မှာ ပြည်သူတွေကို လုံးဝလှည့်မကြည့်တော့ပါ။ ဒါကလည်း ၂၀၁၂ ကြားဖြတ် ရွေးကောက်ပွဲမှာ ကြံ့ဖွံ့ပါတီ ရှုံးနိမ့်ခဲ့ရတဲ့ အဓိကအကြောင်းရင်းတစ်ခုလို့ ဆိုချင်ပါတယ်။

ဒါ့အပြင် ယခင်က ကြံ့ဖွံ့ပါတီကြီးရဲ့ခေါင်းဆောင်တစ်ဦးဖြစ်တဲ့ သမ္မတဦးသိန်းစိန်နဲ့ ပြည်သူ့လွှတ်တော် ဥက္ကဌ ဦးရွှေမန်းတို့ရဲ့ တစ်ယောက်နဲ့တစ်ယောက် ခြေပုန်းခုတ်နေတဲ့ ပြဿနာတွေဟာ အစောပိုင်းမှာတော့ ဦးရွှေမန်းဘက်က မှန်နေတယ်လို့ ထင်ရပေမဲ့ အချိန်ကြာလာတာနဲ့အမျှ ဦးရွှေမန်းရဲ့ အလွန်ဖြစ်လာတာကို သတိ ထားမိလာပါတယ်။ ဦးရွှေမန်းအနေနဲ့ ယခင် နအဖအစိုးရလက်ထက်က နိုင်ငံအဆင့် နံပါတ်(၃) နေရာမှာ ရှိတဲ့သူ တစ်ယောက်ပါ။ နအဖခေါင်းဆောင် ဗိုလ်ချုပ်မှူးကြီးသန်းရွှေနဲ့ ဒုဗိုလ်ချုပ်မှူးကြီး မောင်အေး နားသွားတဲ့အချိန်မှာ အစိုးရသစ်မှာ သူကလွဲပြီး သမ္မတဖြစ်မဲ့သူမရှိလို့ ယူဆခဲ့ရပေမဲ့ တကယ်ဖြစ်လာတော့ သူ့ထက်တစ်ဆင့် ငယ်တဲ့ သူက သူ့ကို ကျော်တက်သွားတဲ့အတွက် သူ့မှာ ခံစားချက်ရှိပုံ ရပါတယ်။ ပြည်သူ့လွှတ်တော်ဥက္ကဌ ဖြစ်လာ ကတည်းက အစိုးရအဖွဲ့ကို နည်းအမျိုးမျိုးနဲ့ ဖိအားပေးလာတာကို သတိထားမိလာပါတယ်။

အခုတော့ နောက်ဆုံး အနေနဲ့ ဦးရွှေမန်းတစ်ယောက် သွေးရူးသွေးတန်းလုပ်ရပ်အချို့ လုပ်လာတာကို တွေ့လာရပါပြီ။ သမ္မတဦးသိန်းစိန် အမေရိကား က ပြန်ရောက်လို့ မကြာသေးခင်မှာပဲ အမေရိကားကို ခရီးနှင်ဖို့ ပြင်ပါတော့တယ်။ အမေရိကား ရောက်တော့ အမေရိကန်အကြိုက် ပြောဆိုခဲ့တာတွေ၊ အမေရိကန်ကို အထင်တကြီးနဲ့ စကားပြောဆိုခဲ့တာတွေဟာ တစ်ချိန်က Internet မှာ နာမည်ကြီးခဲ့တဲ့ နအဖအစိုးရရဲ့ ထိပ်တန်းလျှို့ဝှက် ဖိုင်တစ်ခုထဲက မြောက်ကိုရီးယားကို သွားခဲ့တဲ့ ဦးရွှေမန်း ဟုတ်ရဲ့လားလို့တောင် မထင်မှတ်စရာပါပဲ။

ဒါ့အပြင် အမေရိကန်ရောက်တုန်း ၉၆၉ အဖွဲ့တွေ ကို အရေးယူမယ် ပြောခဲ့လို့ ဗုဒ္ဒဘာသာဝင်နိုင်ငံသားတွေရဲ့ စိတ်ကို ဆွပေးသလို ဖြစ်စေခဲ့တဲ့အပြင် ၉၆၉ အဖွဲ့ကို အကြမ်းဖက်သမားလို့ ကမ္ဘာကတောင် ထင်သွားစေပါတယ်။ ဒါ့အပြင် ၂၀၁၅ မှာ သမ္မတ ဖြစ်ချင်တယ်၊ ဖြစ်နိုင်ရင် သမ္မတထက် ပိုမြင့်တဲ့ရာထူးရှိရင် လိုချင်တယ်ဆိုတဲ့ စကားတွေကြောင့် ဦးရွှေမန်းနဲ့ ပတ်သက်ပြီး မြန်မာပြည်သူတွေ ကြားမှာ တော်တော်လေး မကျေမနပ် ဖြစ်လာကြတာကို တွေ့လာရပါတယ်။

ဦးရွှေမန်းကို ဘယ်လောက်အထိ ချစ်ကြလဲဆိုရင် သမ္မတထက်မြင့်ချင်ရင် ဘုန်းကြီးဝတ်လိုက်လို့ ဆိုသူကတစ်မျိုး၊ သမ္မတထက်မြင့်ချင်ရင် ဦးသိန်းစိန် မိန်းမလုပ်လိုက် ဆိုသူကတစ်ဖုံ၊ Online မှာ အမျိုးမျိုးဝေဖန် ပြောဆိုလာကြတာကိုလဲ တွေ့လာရပါတယ်။ ပြည်သူတွေရဲ့ ပို့သတဲ့မေတ္တာကို ရသွားလို့လားတော့ မသိဘူး၊ ဦးရွှေမန်း တစ်ယောက် ဒေါ်အောင်ဆန်းစုကြည် သမ္မတဖြစ်ဖို့ အခြေခံဥပဒေပြင်ဆင်ရေး ဆောင်ရွက်ပေးမယ်လို့ ဆိုလာပြန်ပါတယ်။ ဦးရွှေမန်း အခုလို အမေရိကား မှာ ပြောကြားတဲ့စကားတွေဟာ သူ့ရဲ့ ပုဂ္ဂိုလ်ရေးခံယူချက်လား၊ ပါတီရဲ့ မူဝါဒလားတော့ ကွဲကွဲပြားပြားမသိရပါ။ ကြံ့ဖွံ့ ဗဟိုကော်မတီဝင်အချို့ကလည်း ဦးရွှေမန်း အခုလို အမေရိကားခရီးစဉ်မှာ ပြောချင်တာ ပြောခဲ့တာနဲ့ ပတ်သက်ပြီး ဘ၀င်မကျ ဖြစ်နေကြပါတယ်။

ဒီမိုကရေစီခေတ်မှာ ပါတီဝင်တစ်ခုရဲ့ ခေါင်းဆောင်တစ်ဦးအနေနဲ့ အခြားသောပါတီဝင်များ၏ သဘောထားကိုမရယူဘဲ မပြောဆိုသင့်ဘူးလို့ ဝေဖန်ပြောဆိုနေကြသူများလဲ ရှိပါတယ်။ ဒါပေမဲ့ သူစိတ်ကြိုက်ခန့်ထားတဲ့ ကြံ့ဖွံ့ ဒုဥက္ကဌဖြစ်သူ ဦးဌေးဦး ကတော့ ကြံ့ဖွံ့ပါတီအနိုင်ရရင် ဦးရွှေမန်းကို သမ္မတ အမည်စာရင်း တင်သွင်းမယ်လို့ ပြောလိုက်သေးပါတယ်။

ဦးဌေးဦးရဲ့စကားကရော ပါတီက သဘောတူရဲ့လားတော့ မသိ၊ အခုပါတီအတွင်းမှာ ဦးရွှေမန်းကို ထောက်ခံ သူနဲ့ ကန့်ကွက်သူတွေရဲ့ အက်ကြောင်း ဇာတ်လမ်း မကြာခင်ကြားရပါတော့မယ်။ အချို့သော ပါတီကိုယ်စားပြု ပြောရမဲ့စကားများဟာ ပါတီဗဟိုကော်မတီဝင်များတောင်မသိဘဲ ထိပ်ပိုင်းကလူတွေပဲ ဒီမိုကရက်ဆန်ဆန် ပြောချင်တိုင်း ပြောနေကြကြောင်း ဝေဖန်ပြောဆိုနေကြပါတယ်။

ဦးရွှေမန်း အမေရိကန်ခရီးစဉ်အတွင်း ပြောဆိုခဲ့သည့် လိုအပ်ပါက NLD ပါတီနဲ့ ညွန့်ပေါင်းအစိုးရဖွဲ့မယ် ဆိုတဲ့စကားကလဲ ဦးရွှေမန်းရဲ့ တစ်ဦးထဲ သဘောထား ဖြစ်မည်ဟု ယူဆနိုင်သည်။ ၎င်းကိစ္စနှင့်ပတ်သက်၍ ၎င်းတို့ပါတီအနေဖြင့် ဘာမျှ သိရှိထားခြင်းမရှိသေးကြောင်း ဗဟိုကော်မတီဝင်တစ်ဦးမှ ဆိုပါတယ်။ သို့သော် ဦးရွှေမန်းက ပြောပြီးရက်ပိုင်း အတွင်းမှာပင် NLD မှ ဦးဝင်းတင်က ၂၀၁၅ တွင် NLD အနိုင်ရပါက ကြံ့ဖွံ့နှင့်လက်မတွဲနိုင်ဟု လူသိရှင်ကြား ထုတ်ဖော်ပြောဆိုခဲ့သည့်အတွက် ဦးရွှေမန်း အနေဖြင့် ရှက်တတ်ရင် ကိုယ့်ဖာသာ သေလိုက်ဖို့ကောင်းသေးသည်။

အမေရိကန်ခရီးစဉ်အတွင်း ၉၆၉ အား အရေးယူမည်ဟု ပြောဆိုခဲ့သည့်အတွက် မန္တလေးမြို့ မစိုးရိမ် တိုက်သစ် ဆရာတော် ဦးဝီရသူမှ ဒီမိုကရေစီအစိုးရ လက်ထက်မှာ အကောင်းမြင်ပြီး ကိုယ့်လူမျိုး ဦးစားပေးမလား၊ မျှမျှတတ ဆက်ဆံမလားလို့ မျှော်လင့်ခဲ့တယ်။ အခု ဦးရွှေမန်းကိုယ်တိုင် အခုလို ပြောလေတော့ နောင် နှစ် ၁၀၀ ကျော်ရင် မြန်မာတွေ လူရုပ်တောင် ပေါ်မှာမဟုတ်တော့ဘူး။ နိုင်ငံ၊ လူမျိုး၊ သာသနာအတွက် ရင်လေးကြောင်း ထုတ်ဖော်ပြောဆိုခဲ့ပါသေးတယ်။

ခြုံပြီး သုံးသပ်ရရင်တော့ ဦးရွှေမန်းတစ်ယောက် ကိုယ်ပိုင်အရည်အချင်းနှင့် မရပ်တည်နိုင်တော့သဖြင့် ဒေါ်စု ထမီနားခိုကာ လူထုထောက်ခံမှုရအောင် ကြိုးစားနေတာ ပိုပြီးပီပြင်လာတာကို တွေ့မြင်လာရပါတယ်။ အဲဒီလုပ်ရပ် က ယိုသူမရှက် မြင်သူကတော့ ရှက်စရာဘဲ။ တကယ်တန်း ဦးရွှေမန်းလုပ်ရဲရင် ကြံ့ဖွံ့ပါတီကထွက်ပြီး သီးခြားပါတီ တစ်ခု ထောင်ပြီး ၂၀၁၅ မှာ အရွေးခံလိုက်ပါလို့ ပြောကြားလိုပါတယ်။ ဒီအခြေအနေနဲ့ ဒီမြေ ဒီရေမှာ ဒီခေါင်းဆောင် ဒီလူတွေနဲ့ ဒီအတိုင်းဆက်သွားနေမယ်ဆိုရင်တော့ ပါတီဝင်ဟောင်း (၂)သန်းကျော် ရှိပါတယ်ဆိုတဲ့ ပြည်ခိုင်ဖြိုးပါတီ ဟာ ၂၀၁၅ မတိုင်ခင် ဒီမှာပဲ ရေစုန်မျောသွားတော့မယ်လို့ သုံးသပ်လိုက်ရပါတယ်။

ဗဟိုကော်မတီဝင်ဟောင်းတစ်ဦး။

↧

အိမ်ပြန်လမ်းအတွေး -၂

June 22, 2013, 10:02 pm

≫ Next: တန်ဖိုးထားတတ်ပါစေ

≪ Previous: ပြည်ခိုင်ဖြိုးရဲ့ အနာဂတ်အား မှန်းဆမျှော်တွေးခြင်း (သို့ ) ဦးသိန်းစိန်နဲ့  ဦးရွှေမန်းတို့ နှစ်ဦး

by Thida Khin (Notes) on Saturday, June 22, 2013 at 11:19pm

အိမ်ပြန်လမ်းမှာ တွေးမိတာလေးက ဆရာတော်ဘုရားကြီးဦဥာဏိဿရ ၏ သြ၀ါဒ ...... ငါးကျမ်းပြန်ထားဝယ်ဘုန်းတော်ကြီးကျောင်းတွင် ဆရာတော် ဦးဓမ္မပီယ ၏ ဒေါက်တာဘွဲ့ ရ ဂုဏ်ပြုပွဲတွင်.... ဒီလူတွေသူများ ဘာပြောပြော ဟုတ်ကဲ့ သဘောတူပါတယ် တူပါတယ် ..ထောက်ခံပါတယ် ထောက်ခံပါတယ်ပဲ ...... ဆိုတာလေးသတိရမိတယ်။
နာမည်ကြီးတစ်ဦး တစ်ယောက်ကများပြောလိုက် ရင် အဟုတ်ချည်းထင်ကြတယ်။ မိမိတို့ တွင် ကိုယ်ပိုင်ဆုံးဖြတ်နိုင်တဲ့ စွမ်းရည်များရှိကြပြီးသား...... pros & con ကောင်းကျိုး ဆိုးကျိုး ၊ နောက်ဆက်တွဲ အကျိုးဆက် စတာတွေကို တစ်ဘက်သတ်မကြည့်ပဲ ရှုထောင့်စုံမှ တွေးသူရှားလေ၏။ သူများဆန္ဒပြ ဘုမသိဘမသိချော်လဲရောထိုင် ၊ ထောင်ချောက်ဆင်သူ ဆွဲဆောင်ရာ မှာ မိကြလေ၏။ နောင်ကျဉ်လားဆိုလည်း မကျဉ် ၊ လမ်းမပေါ်ငုတ်တုတ်ထိုင်သူထိုင် ၊ မြင်မကောင်းရှုမကောင်း နှိမ်နင်းခံရ ၊ ကမ္ဘာ့အလယ်မှာ မြန်မာတို့ အရှက်ရပေါင်းများလှပြီ။

ဤမျှရပ်တန့် ပြီး စိတ်တည်ငြိမ်စွာ ခေါင်းအေးအေးနှင့်စဉ်းစားစေလိုသည်။ တိုင်ပင်နှီးနှောစေလိုသည်။ မိမိတို့ ၏လုပ်ရပ်ကို ကမ္ဘာက စောင့်ကြည်နေသည် ။ မိမိတို့ ထက်ဥာဏ် အမျှော်မြင်ကြီးသူများ ပြုံးတော်မှု၏။ ယခုခေတ်အပြောများနေသော မျက်ကန်းမျိုးချစ်များ မဖြစ်စေလို ။ သူများနောက် ကောက်ကောက်ပါအောင်လိုက်နေတာထက်..... ကိုယ်သာဆို ဘာလုပ်သင့်လဲ၊ ဘာလုပ်ဖို့ လိုအပ်သလဲ၊ ဘာလုပ်မလဲ .... စသည် ဖြင့် ကိုယ်ပိုင်အတွေးများကို အသုံးချလေ့ကျင့်သင့်သည်။ ထိုမှတဆင့် သက်ဆိုင်ရာကို အကြံဥာဏ်ပေး၊
ခက်တော့ခက်သား ထိုသူများကရော ဘယ်လိုနည်းလမ်းတွေနဲ့ ဖြေရှင်းမလဲ Problem Solving Technique တွေကို Creative Thinking နဲ့ ပြဿနာတစ်ခုပေါ် ခြုံငုံသုံးသပ်ပြီး ဖြေရှင်းဖူးအုံးမှ။ အဲလိုမှ မဟုတ်ရင်ဖြင့် အပြတ်ပြတ် နှင့် နှာခေါင်းသွေးထွက်ဆိုသည့်စကားအတိုင်း ဖြစ်ချေအုံးမည်။ Terrorism Attack တွေကို နိုင်ငံတကာမှာ Strategic Plan တွေကို သုံးပြီး ဘယ်လို ကိုင်တွယ်ဖြေရှင်းသွားသလဲ။

၎င်းတို့ ၏ Strength & Weakness တွေကို ဘယ်လိုသင်ခန်းစာယူမလဲ ..... ထိုနည်းလမ်းများကို အကြမ်းဖက်နိုမ်နှင်းသူများ၊အာဏာပိုင်များ နှင့် သက်ဆိုင်ရာ လက်နက်ကိုင်အဖွဲ့ အစည်းများမှ အဖွဲ့ ဝင်တိုင်းတတ်မြောက်ထားသင့်သည်ဟု ယူဆသည်။ သို့ သော် မိမိတို့ နိုင်ငံ၏ အခြေအနေ သဘာသဘာဝနှင့် လိုက်လျောညီစွာ ဆောင်ရွက်သင့်သည်။ ခေတ်စနစ်နှင့် ကိုက်ညီမှုရှိမရှိ သုံးသပ်ဖို့ တော့လိုသည်။ ထုတ်ပြန်ထားသည့် နည်းဥပဒေများ ကိုိလိုက်နာသင့်သည်။ မြန်မာပြည်သူ/ သားတို့  မြန်မာဟု ဂုဏ်ယူဝံ့ကြွားဖို့ တော့ အရှိန်ပြန်ယူရပေလိမ့်အုံးမည်။
(မည်သူတစ်ဦးတစ်ယောက်ကိုမျှ ထိခိုက်နစ်နာစေလိုခြင်းမရှိပါ။ အမှားများရှိပါက အပြုသဘောဖြင့်တည့်မတ်ပေးစေလိုပါသည်။)

သီတာခင်
၂၂၊ ၆၊ ၂၀၁၃

↧

တန်ဖိုးထားတတ်ပါစေ

June 22, 2013, 10:11 pm

≫ Next: ဘုရားသားနှင့် ကျားကွက် ကစားမည်လော.

≪ Previous: အိမ်ပြန်လမ်းအတွေး -၂

Photo: တန်ဖိုးထားတတ်ပါစေ -------------- နရပေတေ့မင်းရဲ့ အဖြစ်အပျက်လေးတစ်ခု ကျွန်တော်ကြားဖူးတယ်။ တရုတ်တွေကျူးကျော်ချိန် တရုတ်ကိုမနိုင်တော့လို့ ရေကြောင်းကနေ လှေနဲ့ပြေးဖို့လုပ်ပါတယ်။ ဆွေမျိုးတွေ၊ ၀န်၊ မှူးမတ်တွေကများတဲ့အထဲ မိဖုရားတွေကများတော့ လှေကမဆံ့တော့ဘူး။ ဒီတော့ သူဘာလုပ်သလဲဆိုရင် ကျန်ခဲ့တဲ့မိဖုရားတွေကို သူများတွေယူမှာဆိုးလို့ ရေထဲကန်ချပစ်တယ်တဲ့။ ဒါလေးခေါင်းထဲရောက်လာတဲ့အပြင် နောက်တစ်ခုကို ဆက်ပြီးသတိရမိတယ်။ “ မိဖုရားကို ငါမနှမြော၊ သင်းလိုသူရဲကောင်းကိုပဲ ငါနှမြောတယ် ” ဆိုတဲ့ ရာဇဓိရာဇ်လို မင်းလည်းရှိသေးတယ်။ နရပေတော့က သူများပေးရမှာဆိုးလို့ နှမြောပြီး ကန်ချခဲ့ပေမယ့် ရာဇဓိရာဇ်ရဲ့ မိဖုရားကို မနှမြေပုံ မတူပါဘူး။ သူရဲကောင်းတစ်ယောက်ရဲ့တန်ဖိုးကို သိသူက မိဖုရားနဲ့လဲပြီး တန်ဖိုးထားပါတယ်။ ကျွန်တော်တွေမှာ ကိုယ့်မိဖုရားမပြောပါနဲ့ ကိုယ်ကဖြင့် ဘာမှမပေးရပဲ အများအကျိုးလုပ်သူတွေ၊ နိုင်ငံအကျိုးလုပ်သူတွေကိုလေးစားတန်ဖိုးထားတတ်ပြီလား။ တစ်ယောက်ယောက်ကဖောက်ထွက်လာပြီဆိုရင် ပထမဆုံး ၀ိုင်းပြောမယ်၊ အော်မယ်။ ဝေဖန်၊ လေကန်ကြမယ်။ အဲ သူက ခံနိုင်ရည်စွမ်းအားနဲ့ အမြင့်ရောက်လာပြီဆိုရင်တော့ နီးတဲ့နေရာဝင်ရပ်ပြီ၊ နေရာယူပြီ။ တစ်ဖက်အဖွဲ့မကောင်းရင် ပြောမယ်ဆိုမယ်။ ကောင်းရင်၊ သာရင်ကူးမယ်။ ဒီကြားထဲ ဘာမှမလုပ်ပဲ ဟိုဘက်ဝေဖန်၊ ဒီဘက်ဝေဖန်သူတွေကလည်း ရှိပါသေးတယ်။ သူတို့က နှစ်ဘက်လုံးမရတဲ့ “ နှစ်ဘက်တုံး” တွေပေါ့။ နောက်ကျွန်တော်တို့တန်ဖိုးမထားတာက အမှန်ကိုပြောသူ၊ ထောက်ပြသူတွေပါပဲ။ ကိုယ်ကမဟုတ်တာလုပ်ပြီး အဲဒါကိုထောက်ပြရင် နည်းနည်းလေးမှမကြိုက်တတ်ပါဘူး။ ပြီးတော့ ကျွန်တော်တို့တတွေဟာ ကိုယ့်ကိုယ်ကို တန်ဖိုးထားတတ်မှုနည်းပါတယ်။ ဆိုပါစို့ ခွေးတစ်ကောက်ကို ယှဉ်ကိုက်ရဲတာ၊ လူမိုက်တစ်ယောက်နဲ့ယှဉ်ပြီးမိုက်တာဟာ ကိုယ့်တန်ဖိုး ကိုယ်နားမလည်တာပါ။ ဘယ်သူတရားပျက်ပျက် ကိုယ်မပျက်ပဲ လူတိုင်းက ကိုယ့်တန်ဖိုးလေးတွေကိုယ်စီထိန်းသိမ်းထားတတ်ရင် တစ်ယောက်ကနေ တစ်ရာအဆုံးဆိုသလို နိုင်ငံထဲက လူသားအရင်းမြစ်တန်ဖိုးတွေ ဖွံ့ဖြိုးလာမှာပါ။ တိုးတက်လာမှာပါ။ ဒါကြောင့် ကျွန်တော်တို့တွေ ကိုယ့်ကိုယ့်ကို တန်ဖိုးထားတတ်ပါစေ။ အများအကျိုးရွက်ဆောင်နေသူတွေကိုလည်း တန်ဖိုးထားတတ်ပါစေ။ တန်ဖိုးရှိသော လူတွေဖြစ်ကြပါစေ။ ၂၁-၆-၂၀၁၃။

နရပေတေ့မင်းရဲ့ အဖြစ်အပျက်လေးတစ်ခု ကျွန်တော်ကြားဖူးတယ်။
တရုတ်တွေကျူးကျော်ချိန် တရုတ်ကိုမနိုင်တော့လို့ ရေကြောင်းကနေ လှေနဲ့ပြေးဖို့လုပ်ပါတယ်။
ဆွေမျိုးတွေ၊ ၀န်၊ မှူးမတ်တွေကများတဲ့အထဲ မိဖုရားတွေကများတော့ လှေကမဆံ့တော့ဘူး။
ဒီတော့ သူဘာလုပ်သလဲဆိုရင် ကျန်ခဲ့တဲ့မိဖုရားတွေကို သူများတွေယူမှာဆိုးလို့ ရေထဲကန်ချပစ်တယ်တဲ့။
ဒါလေးခေါင်းထဲရောက်လာတဲ့အပြင် နောက်တစ်ခုကို ဆက်ပြီးသတိရမိတယ်။
“ မိဖုရားကို ငါမနှမြော၊ သင်းလိုသူရဲကောင်းကိုပဲ ငါနှမြောတယ် ” ဆိုတဲ့ ရာဇဓိရာဇ်လို မင်းလည်းရှိသေးတယ်။

နရပေတော့က သူများပေးရမှာဆိုးလို့ နှမြောပြီး ကန်ချခဲ့ပေမယ့် ရာဇဓိရာဇ်ရဲ့ မိဖုရားကို မနှမြေပုံ မတူပါဘူး။
သူရဲကောင်းတစ်ယောက်ရဲ့တန်ဖိုးကို သိသူက မိဖုရားနဲ့လဲပြီး တန်ဖိုးထားပါတယ်။
ကျွန်တော်တွေမှာ ကိုယ့်မိဖုရားမပြောပါနဲ့ ကိုယ်ကဖြင့် ဘာမှမပေးရပဲ အများအကျိုးလုပ်သူတွေ၊ နိုင်ငံအကျိုးလုပ်သူတွေကိုလေးစားတန်ဖိုးထားတတ်ပြီလား။

တစ်ယောက်ယောက်ကဖောက်ထွက်လာပြီဆိုရင် ပထမဆုံး ၀ိုင်းပြောမယ်၊ အော်မယ်။ ဝေဖန်၊ လေကန်ကြမယ်။ အဲ သူက ခံနိုင်ရည်စွမ်းအားနဲ့ အမြင့်ရောက်လာပြီဆိုရင်တော့ နီးတဲ့နေရာဝင်ရပ်ပြီ၊ နေရာယူပြီ။
တစ်ဖက်အဖွဲ့မကောင်းရင် ပြောမယ်ဆိုမယ်။ ကောင်းရင်၊ သာရင်ကူးမယ်။ ဒီကြားထဲ ဘာမှမလုပ်ပဲ ဟိုဘက်ဝေဖန်၊ ဒီဘက်ဝေဖန်သူတွေကလည်း ရှိပါသေးတယ်။ သူတို့က နှစ်ဘက်လုံးမရတဲ့ “ နှစ်ဘက်တုံး” တွေပေါ့။

နောက်ကျွန်တော်တို့တန်ဖိုးမထားတာက အမှန်ကိုပြောသူ၊ ထောက်ပြသူတွေပါပဲ။ ကိုယ်ကမဟုတ်တာလုပ်ပြီး အဲဒါကိုထောက်ပြရင် နည်းနည်းလေးမှမကြိုက်တတ်ပါဘူး။
ပြီးတော့ ကျွန်တော်တို့တတွေဟာ ကိုယ့်ကိုယ်ကို တန်ဖိုးထားတတ်မှုနည်းပါတယ်။
ဆိုပါစို့ ခွေးတစ်ကောက်ကို ယှဉ်ကိုက်ရဲတာ၊ လူမိုက်တစ်ယောက်နဲ့ယှဉ်ပြီးမိုက်တာဟာ ကိုယ့်တန်ဖိုး ကိုယ်နားမလည်တာပါ။

ဘယ်သူတရားပျက်ပျက် ကိုယ်မပျက်ပဲ လူတိုင်းက ကိုယ့်တန်ဖိုးလေးတွေကိုယ်စီထိန်းသိမ်းထားတတ်ရင် တစ်ယောက်ကနေ တစ်ရာအဆုံးဆိုသလို နိုင်ငံထဲက လူသားအရင်းမြစ်တန်ဖိုးတွေ ဖွံ့ဖြိုးလာမှာပါ။ တိုးတက်လာမှာပါ။

ဒါကြောင့် ကျွန်တော်တို့တွေ ကိုယ့်ကိုယ့်ကို တန်ဖိုးထားတတ်ပါစေ။ အများအကျိုးရွက်ဆောင်နေသူတွေကိုလည်း တန်ဖိုးထားတတ်ပါစေ။ တန်ဖိုးရှိသော လူတွေဖြစ်ကြပါစေ။

မောင်ပိုင်

၂၁-၆-၂၀၁၃။

— with William Tuntunko and 2 others.

↧

ဘုရားသားနှင့် ကျားကွက် ကစားမည်လော.

June 22, 2013, 10:56 pm

≫ Next: ချစ်လိုက်ရတဲ့ မြန်မာပြည်ရယ် (၃)

≪ Previous: တန်ဖိုးထားတတ်ပါစေ

Voice of James Mint

ဘုရားသားနှင့် ကျားကွက် ကစားမည်လော......

မြန်မာနိုင်ငံရေးမှာ လူအများစု သုံးသပ်တာ သား ၃ သား....... အခုလက်ရှိ ပစ်မှတ်ထားတာလည်း ဒီ သား ၃ သား...... ဒါတွေကတော့ ဘုရားသား၊ စစ်သား၊ ကျောင်းသား....... ဒီသား ၃ သားမှာ Instution ခိုင်ခိုင်မာမာနဲ့ ရပ်တည်နေတာ စစ်သားနဲ့ ဘုရားသား..... ဒီအထဲမှာမှ ဘုရားသားဟာ ကျန်တဲ့ သား ၂ သား လေးစားရတဲ့အထဲမှာ ပါတယ်...... ဒါတွေဟာ နိုင်ငံရေးသမားတွေအတွက် အထူးသဖြင့် မြန်မာ့နိုင်ငံရေးမှာကိုင်လှုပ်ချင်တဲ့ တနည်းအားဖြင့် ကိုယ်လိုချင်ရာ ပုံသွင်းဖို့ ကြံရွည်တဲ့ နိုင်ငံရေးသမားတွေရဲ့ ချက် ကစားကွက် ခုံပေါ်က တားဂက် သုံးခုပဲ.......

မြန်မာနိုင်ငံရေးမှာ သား ၃ သား တကယ်ကစားခဲ့တာ၊ အခုအချိန်ထိ ကစားနေတာ လက်ခံတယ်..... ဒါပေမယ့် ဒီသား ၃ သားဟာ ပြည်သူလူထု ဆိုတဲ့ နောက်ခံပံ့ပိုးမှုမပါရင် ပုံလျက်သား လဲကျမယ့် သား ၃ သားပဲ...... ဒီအတွက် ပြည်သူလူထု ပံ့ပိုးမှု အများဆုံး သား ဟာ ဘယ်သူလဲ စဉ်းစားလာကြချိန်မှာ စ တွေ့လာကြတာက ဘုရားသား..... ဘာကြောင့်လဲ ကိုးကွယ်ရာ၊ အားထားရာ၊ ရတနာမြတ် ၃ ပါးမှာ ပါတဲ့အတွက် ပြည်သူလူထု အာရုံစိုက်မှု အထူးရတယ်....... ဒီအတွက် ဘုရားသားတွေနဲ့ ပါတ်သက်လို့ ကိုင်လှုပ်ဖို့ ကြိုးစားလာကြတယ်....

ကိုင်လှုပ်တယ် ဆိုတဲ့နေရာမှာ ကောင်းသော ကိုင်လှုပ်ခြင်း မကောင်းသော ကိုင်လှုပ်ခြင်းဆိုတာ ရှိတယ်..... အခုလက်ရှိ မြင်နေတာကတော့ မကောင်းသော ကိုင်လှုပ်ခြင်းပဲ..... ဘာကြောင့်လဲ စ ပြောရရင်တော့ ၉၆၉ လှုပ်ရှားမှုက စမယ်...... ၉၆၉ လှုပ်ရှားမှုဟာ မွတ်စလင်တွေ ဗုဒ္ဓဘာသာဝင်တွေအပေါ် ဘာသာခြင်းမတူမှုကြောင့် ကန့်သတ်ခြားနား ဆက်ဆံရာကနေ မိမိလူမျိုးခြင်း အားပေးရန်၊ မိမိလူမျိုးများ စီးပွားရေး တောင့်တင်းရန် ဦးတည် လှုံ့ဆော်လာတဲ့ Self Defense အတွက် ဖြစ်ပေါ်လာတဲ့ ကိစ္စဖြစ်တယ်.... သို့သော် ၉၆၉ လှုပ်ရှားမှုမှာ ဘာသာခြားအပေါ် အကြမ်းဖက်ရန် စိုးစဉ်းမျှ ဖော်ပြထားခြင်း မရှိပေမယ့်လည်း မွတ်စလင် ဆန့်ကျင်ရေးအဖြစ် ပုံဖော်လာခဲ့ကြတယ်..... ပုံလည်း ဖော်ခဲ့တယ်.... ဘယ်လိုလူတွေ၊ ဘယ်လိုပုံလေ့ကျင့်ထားသူတွေ ၉၆၉ ကို ခုတုံးလုပ်ပီး ပုံဖော်လာသလဲကို ဖြစ်ခဲ့တဲ့ ဖြစ်ရပ်တွေကိုကြည့်ရင် သိသာနိုင်တယ်......

သို့သော် Online, Offline, Printed Media အပါအဝင် အတင်းအဖျင်းတွေ ကနေတစ်ဆင့် ဦးဝိရသူရဲ့ ၉၆၉ ကို တားဂက်ထား ခေါင်းစဉ်တပ် တရားခံရှာခဲ့ခြင်း ခံခဲ့ရတယ်........ ၉၆၉ နဲ့ လက်ရှိ အကြမ်းဖက်မှုတွေ ပါဝင်ပါတ်သက်မှုကို ရေရေရာရာ သက်သေပြနိုင်ခြင်း မရှိပေမယ့် ခွေးလှေးပျား တောအနှံ့ ပျံ့နှံ့သွားတဲ့ ၉၆၉ စတစ်ကာတွေကို အသုံးချပီး တရားခံ ခေါင်းစဉ်တပ်ခဲ့ကြတယ်..... ဒါပေမယ့် နောက်ကွယ်က လက်သည်တရားခံကို ခုထိရှာလို့မတွေ့သေးဘူး.....လိမ္မာပါးနပ်စွာ ဦးဝိရသူကို ခေါင်းစဉ်တပ်ခဲ့ကြတဲ့ လူတွေဟာ မြန်မာနိုင်ငံမှာရှိတဲ့ ရဟန်း သံဃာ အများစုရဲ့ ၉၆၉ အပေါ်ထားတဲ့ စိတ်ထားကို နားလည်မှုအတော်ရှိခဲ့ကြတယ်....... ဒီအတွက် သား ၃ သားက ကျန်တဲ့ သား ၂ သားနဲ့၊ မိဘ ပြည်သူ ကိုးကွယ်ရာဖြစ်တဲ့ ဘုရားသားကို ကိုင်လှုပ်ဖို့ ကြိုးစားလာတယ်.....

အခုလက်ရှိ အငြင်းပွားဖွယ် ဖြစ်နေတဲ့ မျိုးစောင့် ဥပဒေ၊ ဘာသာကူးပြောင်းခြင်း ဥပဒေ၊ နှစ်ခုစလုံး (မူကြမ်း) တွေနဲ့ ပါတ်သက်ပြီး တဖြည်းဖြည်း ပုံဖော်လာတယ် ဦးဝိရသူ...... တားဂက်ထားလာတယ် ဦးဝိရသူ..... ဒီ ကနေမှတစ်ဆင့် ပုံဖော်ခြင်းခံရတာကတော့ ဘုန်းကြီးအလုပ် ဘုန်းကြီးမလုပ်ဘူးဆိုတဲ့ ကိစ္စ....... ဘုန်းကြီးအလုပ် ဘုန်းကြီး မလုပ်ဘူးဆိုရင် ရွှေဝါရောင်မှသည် လက်ပံတောင်း ကိစ္စ ဘာမှန်းညာမှန်းမသိ သံဃာများ မတရားခံခဲ့ရသည်ဟုသာ နားလည်သည့် သံဃာအများစုအတွက် နားထဲမှာ သံရည်ပူ လောင်းခံရသည်ဟု ယူဆလာမှာ မလွဲပါ....

ပြင်ပလောကမှာ မွတ်စလင်များအား အကြမ်းဖက်ရန်၊ ဆန့်ကျင်တိုက်ခိုက်ရန် ဟုပုံဖော်လာသည့် ဦးဝိရသူသည် အခြားသော ရဟန်း သံဃာများအတွက် အာဇာနည်တစ်ပါးဟု မှတ်ထင်ယူလာကြသည်..... အဘယ့်ကြောင့်မူ လက်ရှိ ဖြစ်ပေါ်နေသည့် ကိစ္စရပ်များကြောင့်ပင်....... အခြားတစ်ဖက်က ဖန်တီး လှုံ့ဆော်ယူနေသည့် ဦးဝိရသူအား အကြမ်းဖက်ခေါင်းဆောင်၊ အစွန်းရောက် ဗုဒ္ဓဘာသာ ရဟန်းဟုသော ပုံဖော်မှုသည် ကျန်သည့် ရဟန်းသံဃာတို့အတွက် ခါးသီးမှုတစ်ခု...... တနည်းအားဖြင့် ရဟန်းအလုပ် ရဟန်းမလုပ်ဟု ခြုံငုံပြောခြင်းအတွက် သောတပန် မရောက်သေးသည့် ရဟန်းပျိုတို့အဖို့ နာကျဉ်းဖွယ် ကိစ္စရပ်......

တိုက်ဆိုင်သည်က အချိန်ကိုက် ဘေးတီးပေးသည့် နိုင်ငံခြား မီဒီယာများ အထူးသဖြင့် လူ့အခွင့်အရေးအား အမြဲ စဉ်းစားလေ့ရှိသည့် ဒေါ်စုသည် ထင်ရှားသည့် အတိုက်အခံ နိုင်ငံရေးသမားများထဲတွင် ပထမဆုံး ပစ်မှတ်....... မည်သည့် ကိစ္စမဆို အမျိုးသားရေးကို မစဉ်းစားပဲ လူ့အခွင့်အရေးကို ရှေ့တန်းတင်သည့် ဒေါ်စုသည် ရဟန်းပျိုတို့၏ အမြင်တွင် အားကိုးရားမဲ့လာသော ပုံရိပ်တစ်ခု....... အခြားတစ်ဖက်မှ ကြည့်ပြန်လျင် အမျိုးဘာသာအတွက် အကြမ်းမဖက် ဆန့်ကျင်နေသည့် ဦးဝိရသူသည် အကြမ်းဖက် ဗုဒ္ဓဘာသာဝင်ဟု ပုံဖော်ခံနေရသည်မှာ ရဟန်းတော်များအတွက် ခံပြင်းမှုတစ်ခု........

ရဟန်း သံဃာတော်များအား ခြုံငုံ စော်ကားသဖြင့် သို့လော သို့လော စဉ်းစားရာမှ မကျေမနပ်ဖြစ်လာသည့် သား ၃ သားတွင် မပါဝင်သည့် ပြည်သူလူထု၊ အလုပ်သမား၊ လယ်သမား လူတန်းစား........ အမျှော်လင့်ကြီး မျှော်လင့်ခဲ့သည့် လူထုခေါင်းဆောင်မှ ရပ်တည်ပေးမှု မရှိလာသည့်အခါ............... စဉ်းစားစရာ အများကြီး ဖြစ်သွားပါပီ...... သား ၃ သားမှ အဓိက လူထု ကိုးကွယ်မှုကို ခံယူနေသည့် ရဟန်း၊ သံဃာဖြစ်သည့် ဘုရားသား...... အဆိုပါ သား ၃ သားအား ပံ့ပိုးနေသည့် အခြေခံ လူတန်းစား........ စေ့စေ့တွေးကြည့်လျင်တော့ တိုက်ကွက်က ကြောက်စရာကောင်းသည်....... အမျိုးသားရေးနှင့် လူ့အခွင့်အရေးကို လွန်ဆွဲခိုင်း၍ နွံ့ထဲ ဆင်းခိုင်းနေတာနဲ့ အလားသဏ္ဍန်တူနေပါပီ.......

အခုဖြစ်နေသည့် ကိစ္စတွေကတော့ ချက်ခြင်းလက်ငင်း ပြဿနာတက်မည်ဟု မမြင်ပါ.... သို့သော် ၂၀၁၅ လူထု ရွေးချယ်သည်ဟု ခေါင်းစဉ်တပ်လာသည့် တက်လာမည့် အစိုးရလက်ထက်တွင်မူ မှိုင်းအပြည့်အဝ တိုက်ထားသည့် မီးပုံးပျံသဖွယ် လောင်စာများကြောင့် ပျံတက်ရန် အသင့်ဖြစ်နေသည့် မီးပုံပျံကား ပြဿနာစရန် ဖြစ်လာမှာ အသေအခြာပင်....... ၂၀၁၅ တွင် ရည်မှန်းထားသလို ဖြစ်လာစေရန် အခုကတည်းက ပုံဖော်ထားသည်မှာ လက်ရှိတွင် မြင်နေရခြင်း........ စည်းစိမ်၊ ဥစ္စာ၊ အာဏာအတွက် သူ့လူကိုယ့်ဘက်သား မြှောက်ပင့်ပေးနေမှု၊ ကိုယ့်ဘက်သားပုံစံ ချွန်တွန်းလုပ်နေမှုတွေနဲ့ ၂၀၁၅ ရွေးကော်ပွဲအလွန်အတွက် ပုံဖော်နေသည်မှာ မြင်ရတာ မသက်သာသကဲ့သို့ အလွန်ဆိုးပါတယ်........

အထူးသဖြင့် အခြေခံ လူထု တစ်ရပ်လုံးအား သိမ်းကြုံးလှုပ်ခါနိုင်စွမ်းရှိသည့် ဘုရားသားများအား အခြေပြု၍ မြန်မာနိုင်ငံအရေးအား ဆွဲလှုပ်တုန်ခါရန် ကြိုးပန်းမှုကို ဆရာတော်ကြီးများမှ နားလည်မှု ရှိရန် လိုအပ်ပါတယ်..... ဦးဝိရသူကို ခေါင်းစဉ်တပ်လာတဲ့ အကြမ်းဖက် ဟုသော စကားလုံးအား လက်ပံတောင်းနှင့် ရွှေဝါရောင်တွင် ဝင်ရောက်လှုပ်ရှားခဲ့သည့် သံဃာတု သံဃာယောင်များမှ ပုံဖော်သွားမည်ကို စစ်မှန်သည့် ဘုရားသားတော်များက ကာကွယ်သွားဖို့ လိုပါတယ်........

နိုင်ငံရေး ကျားကွက်အပေါ်တွင် ပုံစံချ ကစားလာမည့် ကိစ္စများနှင့် ပါတ်သက်ရင်တော့ ကျွန်တော်အပါအဝင် သာမညပြည်သူများအနေဖြင့် သဘောထားကို ပြတ်ပြတ်သားသား အသိပေးချင်ပါတယ်...... ၁ အချက် ဒေါ်အောင်ဆန်းစုကြည်အနေဖြင့်သမ္မတ ဖြစ်ထိုက်သည်ဖြစ်စေ၊ မဖြစ်ထိုက်သည်ဖြစ်စေ ၂၀၁၅ ရွေးကောက်ပွဲမှ အစပြု၍ နိုင်ငံ၏ အဓိကနေရာတွင် အမှန်တကယ် အလုပ်လုပ်နိုင်မည့်နေရာတွင်ရှိနေရန် လိုလားကြပါတယ်....... ၂ အချက်အနေနဲ့ ဦးဝိရသူကို မဏ္ဍိုင်ပြု စော်ကား၍ ကျုံးသွင်းလာသည့် ရဟန်းသံဃာများအပေါ် အပုတ်ချမှုများနှင့် နိုင်ငံရေးအတွင်းသို့ ဆွဲခေါ်လာမှုများအား ဆန့်ကျင် ကန့်ကွက်သွားရန် ဆန္ဒရှိကြပါတယ်......

ထပ်မံ၍ သတိပေးလိုပါသည်...... မြန်မာနိုင်ငံရေးအား ကိုင်လှုပ်မည့် လူတန်းစားတွင် သား ၃ သားသာမက အောက်ခြေ ပြည်သူလူထု လူတန်းစားလည်း ရှိသည်ကို မမေ့ပါနဲ့လို့ ဆိုချင်ပါတယ်..........

Photo Credit to Internet

—

↧

ချစ်လိုက်ရတဲ့ မြန်မာပြည်ရယ် (၃)

June 23, 2013, 4:13 am

≫ Next: “ရတနာ မြေမှာ ရှာမတဲ့လား”

≪ Previous: ဘုရားသားနှင့် ကျားကွက် ကစားမည်လော.

Photo: ချစ်လိုက်ရတဲ့ မြန်မာပြည်ရယ် (၃) --------------- “ ၀ဏ္ဏဂန္ဓ ရသမကင်း၊ ကြာပင်းရင်း၌ စင်းလျင်းဝပ်လျား၊ နေလှည့်ငြားလည်း နံ့ရှားမွှေးကြိုင်၊ ဧလှိုင်ချိုမျက် ၀တ်အရက်ကို၊ နှစ်သက်ဝမ်းမြောက် ငါဖို့ရောက်ဟု၊ မသောက်တတ်အား ငမိုက်ဖားသို့ ” ရှင်မဟာရဋ္ဌသာရ (ဘူရိဒတ် ဇတ်ပေါင်းပျို့) အနံ့တသင်းသင်း၊ ကြာဝတ်ရည်ချိုမြမြရှိနေသော်လည်း ထိုအရသာကို ကြာပင်အောက်က ဖားက မသုံးဆောင်တတ်ပါဘူး။ အသုံးမချတတ်ပါဘူး။ သို့သော်လည်း ဟိုးအဝေးက ပျားပိတုန်းကတော့ လာရောက်ပြီး အနံ့ကိုရှူ၊ ၀တ်ရည်ကိုစားသုံးကြတယ်။ ဘယ်လောက်ပဲ ဟင်းကောင်းတွေကို ထိတွေ့နေနေ ယောက်မကတော့ ဟင်းရဲ့အရသာကို မသိနိုင်ပါဘူး။ --------------------- ဆရာ သန်းထွန်း(စကု)က “ ကြာပင်အောက်ကဖား ”ဆိုတဲ့ စာတစ်ပုဒ်နဲ့ သူရှက်ကြောင်းပြောခဲ့သလို၊ လူထု(ဦး)စိန်ဝင်းကလည်း “ ရှက်လိုက်တာနော်” ဆိုတဲ့ဆောင်းပါးနဲ့ ရှက်ခဲ့ရကြောင်းကိုရေးခဲ့ပါတယ်။ ဒီလိုပဲ ဆရာချစ်ဦးညိုကလည်း “ ရှက်သင့်ပါသော်ကော ဆရာရယ် ”လို့ ရှက်ဆေးကို ထုတ်ပြခဲ့ပါတယ်။ ကျွန်တော်တို့ရဲ့ ဆရာတွေဘာကြောင့်ရှက်ခဲ့ကြသလဲ။ ဆရာချစ်ဦးညိုဘာကြောင့်ရှက်ခဲ့သလဲဆိုရင် အမေရိကန်နိုင်ငံသူ Mural C, Williamson ပြုစုထားတဲ့ The Burmese Harp ဆိုတဲ့ မြန်မာ့စောင်းနှင့် သီဆိုရသည့် ဂန္ထ္လ၀င် သီချင်းကြီးတွေ၊ သံစဉ်တွေကို ပြည့်ပြည့်စုံစုံပြုစုထားတဲ့ စာအုပ်ကို ဆရာချစ်လက်ခံရရှိခဲ့တယ်။ တကယ့်မြန်မာ့သီချင်း၊ သံစဉ်တွေကို ယဉ်ကျေးမှုတက္ကသိုလ်က အကြံပေးသူတစ်ဦးဖြစ်တဲ့ ဆရာချစ် ရှက်သွားရှာပါတယ်။ ဆရာလူထု(ဦး)စိန်ဝင်းကရော ..ဂျွန်အိုကဲနှင့် အင်နာအဲလော့တို့ ပြုစုထားသော Burmese Grammatical Form နှင့်ပတ်သက်ပြီး သြော်သူတို့ကသာ ရေးကြပြုစုကြနဲ့ တို့များကတော့ ဘယ်မှာလဲ မြန်မာ့သတင်းစာသမိုင်းကျမ်း၊ မြန်မာစာနယ်ဇင်းသမိုင်းကျမ်း၊ ကဗျာဝတ္ထုတို့ ပန်းချီတူရိယာ သမိုင်းကျမ်း၊ ရှက်လိုက်တာနော်ဟု ခပ်ရှက်ရှက်ပြောခဲ့ပါသည်။ ကချင်ပြည်နယ်တွင် ခရိုင်ဝန်လုပ်သွားသော Mr.Hartz က ကချင်ဘာသာစကားလက်စွဲ၊ နမ္မတီး ခရိုင်ဝန် J.O Barnard `က ရ၀မ်စကားလက်စွဲကျမ်းများပြုစုခဲ့ကြသည်။ ကချင်စကားဆို၍ (ကျေးဂျူကဘာ) လောက်တာသိသော ကျွန်တော်တို့အဖို့ ခံပြင်းစရာကောင်းပါလိမ့်မည်။ ဒါအပြင် ဟာလီဒေက မွန်အဘိဓာတ်၊ သာသနာပြုဆရာ ယုဒသန်က မြန်မာ-အင်္ဂလိပ်အဘိဓာန်တွေကို ခပ်တည်တည်ပြုစုခဲ့ကြပါသေးသည်။ -------------- ကြည့်ပါ မြန်မာရဲ့တန်ဖိုးကို တိုင်းတပါးသားတွေက ဖော်ထုတ်တယ်။ သုံးဆောင်နေကြပါတယ်။ လက်ရှိအခြေအနေကိုကြည့် ရေနံ၊ သဘာဝဓာတ်ငွေ့၊ ကျောက်မျက်ရတနာ၊ ကြေးနီ၊ သစ်၊ စပါးကအစ တခြားနိုင်ငံတွေက ဟိုးအဝေးကနေပြီး ကြာရဲ့ဝတ်ရည်ကို စားသောက်နေကြတာမဟုတ်ပါလား။ ဘာသာရေးဘက်ကိုကြည့်တော့လည်း ရဟန်းခံဖို့၊ တရားအားထုတ်ဖို့ မြန်မာပြည်ကို တကူးတက လာရောက်ကျတဲ့ တိုင်းတပါးသားတွေ အများကြီးမဟုတ်ပါလား။ ဒါဆိုမြန်မာတွေဘာလုပ်နေကြလဲ…။ ကျွန်တော်တို့ မြန်မာလူငယ်တွေ တိုင်းတပါးစာ၊ ယဉ်ကျေးမှုတွေကို သင်ယူ၊ အတုခိုးနေတယ်။ တိုင်းတပါးရဲ့ တိုင်းပြည်၊ မြို့တွေကို အထင်ကြီးနေတယ်။ မြန်မာစာဆိုရင် ကောင်းကောင်းမရေးတတ်သူတွေများနေပါပြီ။ ဒါ့အပြင် မြန်မာစကားကိုတောင် လိပ်ပတ်လည်အောင် တချို့မပြောတတ်ချင်တော့ပါဘူး။ ကျွန်တော် ကလောမြို့ရဲ့ဈေးနေ့တစ်နေ့မှာ ဈေးဝယ်ထွက်ရင် ဟိုကြည့် ဒီကြည့်လုပ်မိတော့ တိုးရစ်တွေဈေးဝယ်နေတာကို တွေ့ရတယ်။ ဒီတော့ ကျွန်တော်ကလည်း မနေသာပဲ good morning တွေ၊ ဘာတွေသွားပြောတာပေါ့။ ဒီတော့ သူတို့က မင်္ဂလာပါခင်ဗျာတဲ့… ကျွန်တော်လည်း ရှက်မိသွာတာပေါ့လေ။ မြန်မာစာအကြောင်း၊ နိုင်ငံခြားသားက ရေးလိုက်၊ မြန်မာ့ဂီတအကြောင်းရေးလိုက်နှင့် မြန်မာ့အကြောင်း မြန်မာတွေရေးဖို့များကျန်ပါဦးမလား။ သြော် မြန်မာတွေမှာတွော နိုင်ငံခြားက ဘာသဘောတရား၊ ညာသဘော တရား၊ စာအုပ်တွေဖတ်ပြီး ခွက်စောင်းခုတ်လို့၊ ရန်ဖြစ်လို့ ကောင်းနေကျတုန်းပါပဲလား။ ကြာပင်ရင်းမှာ ဇိမ်လေးနဲ့ ၀ပ်လို့ကောင်းတုန်း။ ကျွန်တော်တို့ နားရွက်တွေကို လာဆွတ်ထားတဲ့ တံတွေးတွေက သုတ်လို့မနိုင်အောင်ပါပဲ။ ဒီတော့ ကျွန်တော်တို့မရှက်သင့်ကြဘူးလား။ ရှက်လိုက်တာမှ …ရှက် ရှက် ရှက် ပါပဲ။ ----------- သို့သော် ကျွန်တော်တွေးကြည့်ပါတယ်။ ကျွန်တော်တို့ ရှက်နေ၊ ကြောက်နေလို့တို့ ဘာမှဖြစ်လာမှာမဟုတ်ဘူးလေ။ ဇာစ်မြစ်ရှာရမယ်။ တခြားနိုင်ငံကလူတွေဘာ့ကြောင့် မြန်မာစာ၊ မြန်မာ့အကြောင်း တွေကိုရေးသားနေရတာလဲ။ ဘာကြောင့် မြန်မာပြည်ကိုလိုချင်နေကြရတာလဲ၊ ဘာကြောင့် မြန်မာပြည်မှာ တရားအားထုတ်ချင်ကြရတာလဲ။ မြန်မာပြည်မှာ အဖိုးမဖြတ်နိုင်တဲ့ရတနာတွေရှိလို့ပေါ့။ လောကီရတနာတွေက ဒုနဲ့ဒေး၊ လောကုတ္တရာ ရတနာတွေကိုလည်း မိုးရွာသွန်းဖြိုးနေသလိုပါပဲ။ မြန်မာဆိုတာ ဟို ရှေးကတည်းက ကိုယ့်စာပေ၊ ကိုယ့်ယဉ်ကျေးမှု၊ ကိုယ့်အနှစ်သာရတွေနဲ့ နေခဲ့ကြတာပါ။ ဒါတွေကို မြန်မာရေသောက်၊ မြန်မာမြေမှာနေ၊ မြန်မာပြည်မှာကြီးတဲ့ ကျွန်တော်တို့က မြန်မာ့ရတနာကို သုံးဆောင်ကြရမယ်။ သုံးဆောင်နိုင်ဖို့ရှာဖွေတတ်ရပါမယ်။ အထူးသဖြင့် မြန်မာကိုချစ်တဲ့စိတ်နဲ့ မြန်မာပြည်ရဲ့ ရတနာတွေကို တန်ဖိုးထား ကာကွယ်စောင့်ရှောက် သုံးဆောင်ခံစားရပါမယ်။ သြော် မည်သို့ပင်ဖြစ်စေကာမူ လက်ရှိအချိန်အထိ၊ လက်ရှိခေတ်ကာလတွေအထိ မြန်မာပြည်မှာ ချစ်စရာတွေ တပုံတပင်ကြီးကျန်ပါသေးတယ်။ ဒါကြောင့်လည်း တကယ်ပါ ချစ်လိုက်ရတဲ့ မြန်မာပြည်ရယ်လို့သာ…။ ၂၂-၆-၂၀၁၃။

---------------
“ ၀ဏ္ဏဂန္ဓ
ရသမကင်း၊ ကြာပင်းရင်း၌
စင်းလျင်းဝပ်လျား၊ နေလှည့်ငြားလည်း
နံ့ရှားမွှေးကြိုင်၊ ဧလှိုင်ချိုမျက်
ဝတ်အရက်ကို၊ နှစ်သက်ဝမ်းမြောက်
ငါဖို့ရောက်ဟု၊ မသောက်တတ်အား ငမိုက်ဖားသို့ ”
ရှင်မဟာရဋ္ဌသာရ (ဘူရိဒတ် ဇတ်ပေါင်းပျို့)
အနံ့တသင်းသင်း၊ ကြာဝတ်ရည်ချိုမြမြရှိနေသော်လည်း ထိုအရသာကို ကြာပင်အောက်က ဖားက မသုံးဆောင်တတ်ပါဘူး။ အသုံးမချတတ်ပါဘူး။ သို့သော်လည်း ဟိုးအဝေးက ပျားပိတုန်းကတော့ လာရောက်ပြီး အနံ့ကိုရှူ၊ ၀တ်ရည်ကိုစားသုံးကြတယ်။
ဘယ်လောက်ပဲ ဟင်းကောင်းတွေကို ထိတွေ့နေနေ ယောက်မကတော့ ဟင်းရဲ့အရသာကို မသိနိုင်ပါဘူး။
---------------------
ဆရာ သန်းထွန်း(စကု)က “ ကြာပင်အောက်ကဖား ”ဆိုတဲ့ စာတစ်ပုဒ်နဲ့ သူရှက်ကြောင်းပြောခဲ့သလို၊ လူထု(ဦး)စိန်ဝင်းကလည်း “ ရှက်လိုက်တာနော်” ဆိုတဲ့ဆောင်းပါးနဲ့ ရှက်ခဲ့ရကြောင်းကိုရေးခဲ့ပါတယ်။ ဒီလိုပဲ ဆရာချစ်ဦးညိုကလည်း “ ရှက်သင့်ပါသော်ကော ဆရာရယ် ”လို့ ရှက်ဆေးကို ထုတ်ပြခဲ့ပါတယ်။
ကျွန်တော်တို့ရဲ့ ဆရာတွေဘာကြောင့်ရှက်ခဲ့ကြသလဲ။
ဆရာချစ်ဦးညိုဘာကြောင့်ရှက်ခဲ့သလဲဆိုရင် အမေရိကန်နိုင်ငံသူ Mural C, Williamson ပြုစုထားတဲ့ The Burmese Harp ဆိုတဲ့ မြန်မာ့စောင်းနှင့် သီဆိုရသည့် ဂန္ထ္လ၀င် သီချင်းကြီးတွေ၊ သံစဉ်တွေကို ပြည့်ပြည့်စုံစုံပြုစုထားတဲ့ စာအုပ်ကို ဆရာချစ်လက်ခံရရှိခဲ့တယ်။ တကယ့်မြန်မာ့သီချင်း၊ သံစဉ်တွေကို ယဉ်ကျေးမှုတက္ကသိုလ်က အကြံပေးသူတစ်ဦးဖြစ်တဲ့ ဆရာချစ် ရှက်သွားရှာပါတယ်။
ဆရာလူထု(ဦး)စိန်ဝင်းကရော ..ဂျွန်အိုကဲနှင့် အင်နာအဲလော့တို့ ပြုစုထားသော Burmese Grammatical Form နှင့်ပတ်သက်ပြီး သြော်သူတို့ကသာ ရေးကြပြုစုကြနဲ့ တို့များကတော့ ဘယ်မှာလဲ မြန်မာ့သတင်းစာသမိုင်းကျမ်း၊ မြန်မာစာနယ်ဇင်းသမိုင်းကျမ်း၊ ကဗျာဝတ္ထုတို့ ပန်းချီတူရိယာ သမိုင်းကျမ်း၊ ရှက်လိုက်တာနော်ဟု ခပ်ရှက်ရှက်ပြောခဲ့ပါသည်။
ကချင်ပြည်နယ်တွင် ခရိုင်ဝန်လုပ်သွားသော Mr.Hartz က ကချင်ဘာသာစကားလက်စွဲ၊ နမ္မတီး ခရိုင်ဝန် J.O Barnard `က ရ၀မ်စကားလက်စွဲကျမ်းများပြုစုခဲ့ကြသည်။ ကချင်စကားဆို၍ (ကျေးဂျူကဘာ) လောက်တာသိသော ကျွန်တော်တို့အဖို့ ခံပြင်းစရာကောင်းပါလိမ့်မည်။
ဒါအပြင် ဟာလီဒေက မွန်အဘိဓာတ်၊ သာသနာပြုဆရာ ယုဒသန်က မြန်မာ-အင်္ဂလိပ်အဘိဓာန်တွေကို ခပ်တည်တည်ပြုစုခဲ့ကြပါသေးသည်။
--------------
ကြည့်ပါ မြန်မာရဲ့တန်ဖိုးကို တိုင်းတပါးသားတွေက ဖော်ထုတ်တယ်။ သုံးဆောင်နေကြပါတယ်။
လက်ရှိအခြေအနေကိုကြည့် ရေနံ၊ သဘာဝဓာတ်ငွေ့၊ ကျောက်မျက်ရတနာ၊ ကြေးနီ၊ သစ်၊ စပါးကအစ တခြားနိုင်ငံတွေက ဟိုးအဝေးကနေပြီး ကြာရဲ့ဝတ်ရည်ကို စားသောက်နေကြတာမဟုတ်ပါလား။
ဘာသာရေးဘက်ကိုကြည့်တော့လည်း ရဟန်းခံဖို့၊ တရားအားထုတ်ဖို့ မြန်မာပြည်ကို တကူးတက လာရောက်ကျတဲ့ တိုင်းတပါးသားတွေ အများကြီးမဟုတ်ပါလား။
ဒါဆိုမြန်မာတွေဘာလုပ်နေကြလဲ…။
ကျွန်တော်တို့ မြန်မာလူငယ်တွေ တိုင်းတပါးစာ၊ ယဉ်ကျေးမှုတွေကို သင်ယူ၊ အတုခိုးနေတယ်။ တိုင်းတပါးရဲ့ တိုင်းပြည်၊ မြို့တွေကို အထင်ကြီးနေတယ်။
မြန်မာစာဆိုရင် ကောင်းကောင်းမရေးတတ်သူတွေများနေပါပြီ။ ဒါ့အပြင် မြန်မာစကားကိုတောင် လိပ်ပတ်လည်အောင် တချို့မပြောတတ်ချင်တော့ပါဘူး။
ကျွန်တော် ကလောမြို့ရဲ့ဈေးနေ့တစ်နေ့မှာ ဈေးဝယ်ထွက်ရင် ဟိုကြည့် ဒီကြည့်လုပ်မိတော့ တိုးရစ်တွေဈေးဝယ်နေတာကို တွေ့ရတယ်။ ဒီတော့ ကျွန်တော်ကလည်း မနေသာပဲ good morning တွေ၊ ဘာတွေသွားပြောတာပေါ့။ ဒီတော့ သူတို့က မင်္ဂလာပါခင်ဗျာတဲ့… ကျွန်တော်လည်း ရှက်မိသွာတာပေါ့လေ။
မြန်မာစာအကြောင်း၊ နိုင်ငံခြားသားက ရေးလိုက်၊ မြန်မာ့ဂီတအကြောင်းရေးလိုက်နှင့် မြန်မာ့အကြောင်း မြန်မာတွေရေးဖို့များကျန်ပါဦးမလား။ သြော် မြန်မာတွေမှာတွော နိုင်ငံခြားက ဘာသဘောတရား၊ ညာသဘော တရား၊ စာအုပ်တွေဖတ်ပြီး ခွက်စောင်းခုတ်လို့၊ ရန်ဖြစ်လို့ ကောင်းနေကျတုန်းပါပဲလား။
ကြာပင်ရင်းမှာ ဇိမ်လေးနဲ့ ၀ပ်လို့ကောင်းတုန်း။
ကျွန်တော်တို့ နားရွက်တွေကို လာဆွတ်ထားတဲ့ တံတွေးတွေက သုတ်လို့မနိုင်အောင်ပါပဲ။ ဒီတော့ ကျွန်တော်တို့မရှက်သင့်ကြဘူးလား။ ရှက်လိုက်တာမှ …ရှက် ရှက် ရှက် ပါပဲ။
-----------
သို့သော် ကျွန်တော်တွေးကြည့်ပါတယ်။ ကျွန်တော်တို့ ရှက်နေ၊ ကြောက်နေလို့တို့ ဘာမှဖြစ်လာမှာမဟုတ်ဘူးလေ။
ဇာစ်မြစ်ရှာရမယ်။ တခြားနိုင်ငံကလူတွေဘာ့ကြောင့် မြန်မာစာ၊ မြန်မာ့အကြောင်း တွေကိုရေးသားနေရတာလဲ။
ဘာကြောင့် မြန်မာပြည်ကိုလိုချင်နေကြရတာလဲ၊ ဘာကြောင့် မြန်မာပြည်မှာ တရားအားထုတ်ချင်ကြရတာလဲ။
မြန်မာပြည်မှာ အဖိုးမဖြတ်နိုင်တဲ့ရတနာတွေရှိလို့ပေါ့။ လောကီရတနာတွေက ဒုနဲ့ဒေး၊ လောကုတ္တရာ ရတနာတွေကိုလည်း မိုးရွာသွန်းဖြိုးနေသလိုပါပဲ။
မြန်မာဆိုတာ ဟို ရှေးကတည်းက ကိုယ့်စာပေ၊ ကိုယ့်ယဉ်ကျေးမှု၊ ကိုယ့်အနှစ်သာရတွေနဲ့ နေခဲ့ကြတာပါ။ ဒါတွေကို မြန်မာရေသောက်၊ မြန်မာမြေမှာနေ၊ မြန်မာပြည်မှာကြီးတဲ့ ကျွန်တော်တို့က မြန်မာ့ရတနာကို သုံးဆောင်ကြရမယ်။ သုံးဆောင်နိုင်ဖို့ရှာဖွေတတ်ရပါမယ်။
အထူးသဖြင့် မြန်မာကိုချစ်တဲ့စိတ်နဲ့ မြန်မာပြည်ရဲ့ ရတနာတွေကို တန်ဖိုးထား ကာကွယ်စောင့်ရှောက် သုံးဆောင်ခံစားရပါမယ်။
သြော် မည်သို့ပင်ဖြစ်စေကာမူ လက်ရှိအချိန်အထိ၊ လက်ရှိခေတ်ကာလတွေအထိ မြန်မာပြည်မှာ ချစ်စရာတွေ တပုံတပင်ကြီးကျန်ပါသေးတယ်။
ဒါကြောင့်လည်း တကယ်ပါ ချစ်လိုက်ရတဲ့ မြန်မာပြည်ရယ်လို့သာ…။

မောင်ပိုင်

၂၂-၆-၂၀၁၃။

— with William Tuntunko and 2 others.

↧

“ရတနာ မြေမှာ ရှာမတဲ့လား”

June 23, 2013, 7:33 pm

≫ Next: မေ့ထားလို့ မဖြစ်တဲ့ လူငယ်များ

≪ Previous: ချစ်လိုက်ရတဲ့ မြန်မာပြည်ရယ် (၃)

by Soe Min (Notes) on Sunday, June 23, 2013 at 12:13am

             ပြီးခဲ့တဲ့ ရက်ပိုင်းအတွင်းက ရုံးကိစ္စတစ်ခုနဲ့ နေပြည်တော်ကိုသွားတဲ့အခါ မနက်အာရုံမတက်ခင်
ရောက်သွားတာမို့ ကျောတစ်ခင်းစာနားနေရအောင် စည်ပင်ဧည့်ရိပ်သာကို ၀င်ဖြစ်ပါတယ်။ အချိန်မတော်
ဝေလီဝေလင်းကြီးမှာတောင် ၀င်းပြင် အဆောင်ရှေ့ ငုတ်တုတ်ကလေးတွေ ထိုင်ငိုက်နေရတဲ့သူတွေအများကြီး တွေ့ရတာမို့ အခန်းမရနိုင်ဘူးဆိုတာ သေချာသလောက်ပါပဲ။ ဒါနဲ့ပဲ မင်းနေပြည်ထဲက ရှိရှိသမျှ တည်းခိုဆောင် ဟော်တယ်တွေမှာ ဘယ်နေရာမှာမှ အခန်းလွတ်မကျန်တော့ဘူး ဆိုလို့ တော်တော် အံ့သြမိသွားတယ်။
ပျဉ်းမနားဘက်တော့ ရကောင်းရဲ့ဆို ကားတစ်စီးနဲ့ မြို့ပတ်ပြီးရှာတာတောင် အစွန်အဖျား ချောင်ကလောင်ထဲက တည်းခိုခန်းကလေးတွေပါမကျန် ကားရပ်စရာ နေရာမရှိအောင် စည်ကားပြည့်ကြပ်နေတာ တွေ့လိုက်ရပါတယ်။ ဘယ်လိုများ ဖြစ်ရပြန်ပါလိမ့်။ ရုံးကိစ္စတွေက အဲသည်လောက်တောင် စည်ကားနေရသလားဆို အိမ်ခံဝန်ထမ်းတစ်ယောက်ကို စကားစပ်ကြည့်တော့မှ “နှစ်တိုင်း ကျောက်မျက်ပွဲရှိရင် အဲသလိုပဲ ဖြစ်နေကျ” လို့ ပြောပါတယ်။ ပုဂ္ဂလိကဆေးရုံတွေမှာတောင် ဆေးမကုပဲ အခန်းယူ ဆေးရုံအတက်ပြပြီး တည်းနေကြရတဲ့အဖြစ် လို့ သိရတယ်။ ကြည့်စမ်းပါဦး။ သတ္တုတွင်း ၀န်ကြီးဌာနတစ်ခုတည်းကလုပ်တဲ့ ပွဲကလေးတစ်ပွဲနဲ့တောင် အဲလောက် လူတွေ ကျပ်ပိတ်သိပ်နေတာဆိုတော့ ဟော်တယ်တွေက နည်းနည်းလေးမို့လား လို့ မထင်လိုက်နဲ့။ ဟော်တယ်ဇုံဆိုတာကြီးကိုပဲ မျက်စိထဲ မြင်ကြည့်စမ်းပါ။ အဲလောက်များတဲ့လူတွေ အဲသလောက် ဒုက္ခခံပြီး လာကြတာ ကိုယ်တွေ Shopping Mall ပတ်သလို မ၀ယ်ပဲနဲ့ ဟိုကြည့်သည်ကြည့် လုပ်ဖို့ သက်သက်တော့ ဘယ်ဟုတ်ပါ့မလဲ။ တစ်နှစ်တစ်နှစ်ကို ရောင်းရတဲ့ မြန်မာငွေ နိုင်ငံခြားငွေဆိုတာ ကြောက်ခမန်းလိလိ ရှိပေလိမ့်မယ်။ ဂလိုဂလို ကြွယ်ဝသောတိုင်းပြည်ကြီးမှာ တိုင်းသူပြည်သားအများစုက ငတ်တလှည့်ပြတ်တလှည့် ဆင်းရဲတွင်းက မတက်ဘူးဆိုတာကတော့ အတိတ်ဘ၀က ဒါနမျိုးစေ့နည်းခဲ့လို့ ဆိုတာထက် လက်ငင်းဘ၀ အသိဥာဏ်နုံနဲ့လို့က ပိုလိမ့်မယ် ထင်ပါတယ်။ အလကားနေရင်း မသိသူကျော်သွား သိသူဖော်စားတာကို မနာလိုလို့တော့ ဘယ်ဟုတ်မလဲ။ ကိုယ့်အိမ်အောက်က ရွှေတွင်းကိုလိုချင်လို့ အတင်းအကျပ် ခွေးမောင်းသလို မျောက်မောင်းသလို မောင်းထုတ်ပြီး မျက်စိအောက်တင် မရဒဿကချိုင်။ နင်တို့တွေ အ လို့ခံရတာ ခံကြဆိုတာမျိုး အနိုင်အထက် ပြုသလို ခံစားရတာမို့ မခံချိမခံသာ ဖြစ်ရတာပါ။

            ဟိုးရှေးရှေး သက်ဦးဆံပိုင်ဘုရင်တွေခေတ်တုန်းကတော့ တစ်နိုင်ငံလုံးကလူတွေရဲ့ အသက်အိုးအိမ် စည်းစိမ်မှန်သမျှ ဘုရင်ကပိုင်တယ် လို့ သတ်မှတ်ထားတာမို့လို့ ဘယ်သူကမှ အထွန့်မတက်ခဲ့ကြပါဘူး။ ကိုယ့်ဘာသာ တူးလို့ရတဲ့ကျောက်လည်း ဘုရင်ကိုဆက်သရတယ်။ ဘုရင်က ဆုတော်လာဘ်တော် ပေးသမျှနဲ့ ကျေနပ်ရတယ်။ ခုထက်ထိ မြန်မာတွေ ဂုဏ်ဖော်ပြီး ပြောပြောနေတဲ့ ငမောက်ပတ္တမြားကြီးမှာ အင်မတန် ရင်နာစရာကောင်းတဲ့ ဇာတ်လမ်းကလေးရှိတဲ့အကြောင်း ဘယ်သူမှ မသိကြဘူး။ နို့ငါးပိဿာ၊ ၀ါဂွမ်းတစ်ပိဿာထဲထည့်ထားရင်တောင် မီးမထွန်းပဲ လင်းထိန်လာသတဲ့။ ဗြိတိသျှအ၀ယ်တော်များတောင် ဈေးစကားဆို တန်ဖိုးမဖြတ်နိုင်လို့ မိုးကုတ်ကျောက်တွင်း အရောင်းအ၀ယ်စာချုပ် ပျက်သွားတယ် ဆိုတာလောက်ပဲ မှတ်မိကြတယ်။ ငမောက်ပတ္တမြားလို့ခေါ်တာက မိုးကုတ်သား ငမောက်ဆိုတဲ့သူ တူးဖော်ရလို့ သူ့နံမယ်ကို ပေးထားတာပါတဲ့။ မြန်မာမင်းအဆက်ဆက် တန်ဖိုးထားဆင်မြန်းခဲ့ရတဲ့ တန်ဖိုးအကြီးဆုံး နန်းစဉ်ရတနာတစ်ပါးဖြစ်တယ်။ ငမောက်ကို ဆုတော်လာဘ်တော် ဘယ်လောက် ပေးခဲ့သလဲတော့ မဖတ်ဖူးပါဘူး။ ဒါပေမယ့် ငမောက်တို့မိသားစုအားလုံး ဆွေခုနစ်ဆက် မျိုးခုနစ်ဆက် အသတ်ခံရတယ် လို့တော့ ပါတယ်။ အပြစ်ကတော့ ငမောက်ပတ္တမြား ကွမ်းသီးလုံးထက်ခြမ်းအရွယ်ဖြစ်နေတာ ငမောက်က ထက်ခြမ်းခြမ်းပြီး ဘုရင်ကို တစ်ခြမ်းပဲ ဆက်တာမို့လို့ လို့ ပြောတယ်။ နောက်တစ်ခြမ်းက တရုတ်ကို ထုတ်ရောင်းတာတဲ့။ တစ်ခြမ်းအလကားရတာတောင် ကျေးဇူးမတင်ပဲ ဆွေစဉ်မျိုးဆက် သတ်ပစ်တဲ့ မြန်မာရှင်ဘုရင်စိတ်ထားက သည်ကနေ့ထိများ အမြစ်တွယ်နေသေးသလား မပြောတတ်ပါဘူး။ ငမောက်တို့မိသားစုထဲက မနန်းဆိုတဲ့ အမျိုးသမီးတစ်ယောက်ပဲ ထွက်ပြေးလို့ လွတ်ပါသတဲ့။ ဒါပေမယ့် သူလည်း မိုးကုတ်ကအထွက်မှာ သူ့ဆွေမျိုးတွေ မီးလောင်တိုက်သွင်းတဲ့ မီးခိုးတွေကို လှမ်းမြင်တော့ ရင်ကွဲနာကျသွားတယ် လို့ ဆိုတယ်။ ဒါကြောင့် သူ အပေါ်က လှမ်းကြည့်တဲ့တောင်ကို နန့်ကြည့်တောင် လို့ ခေါ်ကြတယ် လို့ ပုံပြင်ဆန်ဆန် ပြောကြလေရဲ့။ ဒီအဖြစ်အပျက်ကို ဟုတ်ပါတယ် မှန်ပါတယ် အတင်း မငြင်းဘူးနော်။ ဒါပေမယ့် ဒီအဖြစ်အပျက်နဲ့ အလားတူ ဖြစ်ရပ်မျိုး ကိုယ်တွေ့ကြုံလာရတဲ့အခါကျရင် မယုံရင် ပုံပြင်မှတ် လို့ ပါးစပ်ပြောကလေးနဲ့ ပြောဖို့ မလွယ်တော့ဘူး။

            ပတ္တမြားဆန်ကျိုး အဖိုးပြည်တန်မို့ ဘယ်လောက်ပဲ တန်ဖိုးကြီးပါစေလေ။ ကိုယ့်တိုင်းပြည်ကြီး သူ့ကျွန်ဘ၀ရောက်သွားတော့ အဲသဟာကြီးက လမ်းခင်းထားတဲ့ ကျောက်စရစ်ခဲတစ်ခဲလောက်မှ အဖိုးမတန် အသုံးမ၀င် ဖြစ်သွားရတယ်။ ရှင်ဘုရင်ကိုယ်တိုင်က သူ့လာဖမ်းတဲ့ ကာနယ်စလေဒင်ကို ယုံယုံကြည်ကြည်နဲ့ပဲ အပ်အပ်၊ ကြောက်ကြောက်လန့်လန့်နဲ့ပဲ အပ်အပ်၊ နောင်လာနောက်သားပြစရာ အမှတ်တရ ဓါတ်ပုံကလေးတောင် မကျန်ရစ်ဘူး။ သူခိုးလက်က သူဝှက်တွေ အဆင့်ဆင့် လုကြရင်း ဘယ်ရောက်သွားမှန်းမသိ စုပ်စမြုတ်စ ပျောက်သွားပေမယ့် ကိုယ်တွေကတော့ လွမ်းလည်းမလွမ်း နှမြောလည်း နှမြောမနေပါဘူး။ ရတနာဆိုတာ ထိုက်သူစံလေ။ တိုင်းပြည်ထီးနန်းမှ မြဲအောင် မအုပ်စိုးနိုင်တဲ့ ရှင်ဘုရင်က နန်းစဉ်ရတနာနဲ့ ထိုက်တန်တဲ့ ဦးနှောက် ဘယ်ရှိပါ့မလဲ။ နန်းကျဘုရင်ချင်းအတူတူ မနူဟာတုန်းကမှ ပတ္တမြားမျက်ရှင်တစ်လုံးတည်းနဲ့ ဘုရားအကြီးကြီးတစ်ဆူ တည်သွားနိုင်သေးတယ်။ ဒါကြောင့် ကျောက်မျက်ရတနာရဲ့တန်ဖိုးဆိုတာ လူ့အသိဥာဏ် ဦးနှောက်နဲ့ ပေါင်းလိုက်မှသာ တန်ဖိုးတွေ တက်တက်လာတာ လို့ ပြောခဲ့ဖူးပါတယ်။ တန်ဖိုးမထားတတ်တဲ့ ရှင်ဘုရင်လက်ထဲက သယံဇာတ အမွေအနှစ်ဆိုတာ တိုင်းတပါးသားတွေ နှပ်ချသမျှ ခံရတဲ့ ငအလက်ထဲက ရွှေခွက်နဲ့ အတူတူပဲ။

           ခုခေတ်မှာတော့ ငမောက်ပတ္တမြားဆိုတာ ပျင်းတောင် ပျင်းသေးတယ် ဖြစ်သွားပြီ။ ကမ္ဘာပေါ်မှာ အကြီးဆုံး န၀တပတ္တမြားကြီးဆိုတာ မြန်မာပြည်ကထွက်တာ။ ဦးနေ၀င်းခေတ်တုန်းက တန်ချိန်နဲ့ချီတဲ့ ကျောက်စိမ်းတုံးကြီးကိုလည်း နယ်စပ်က ပြန်သိမ်းလာခဲ့သတဲ့။ မူဆယ်အထက် ကြယ်ဂေါင်မှာတင် ကျောက်စိမ်းနန်းတော်ကြီးကို ဒဏ္ဍာရီမဟုတ်ပဲ မျက်ဝါးထင်ထင် တွေ့ခဲ့တယ်။ မိုင်းရှူးတစ်တွင်းထဲကတင် မြန်မာပြည်မှာ အချမ်းသာဆုံး ခရိုနီနဲ့ သူ့ဘိုးတော်ကြီးကို မွေးထုတ်ပေးခဲ့တယ်။ ရွှေကျင်ဘက်က တစ်နေ့ကို တန်ချိန်နဲ့ချီတဲ့ ရွှေတွေထွက်တာရော မယုံဘူးလား။ ကိုယ်နဲ့ ကိုယ့်ပတ်ဝန်းကျင်ကလူတွေ ငတ်ပြတ်နေတိုင်း ငါတို့တိုင်းပြည်ကြီးက အငတ်တိုင်းပြည်ကြီးလို့ ထင်နေရင် ကိုယ့်အသိဥာဏ်က ငတ်ဖို့လောက်သာ တန်တယ် လို့ သဘောပေါက်လိုက်ပါလေ။

            ဒါက ကိုယ့်မြန်မာအချင်းချင်း အားလုံးအတူတူထားပြီး စဉ်းစားတာပဲ ရှိသေးတယ်။ တကယ်လို့များ ဖက်ဒရယ်ဆန်ဆန် တိုင်းရင်းသားတွေကို ပြည်နယ်ပြည်မ ခွဲခြားပြီး တွေးလိုက်မယ်ဆိုရင် ဘယ်လောက်များ အသည်းနာစရာ ကောင်းသလဲ။ ငါတို့ပြည်နယ်ကထွက်တဲ့ သယံဇာတတွေကို ဗမာတွေက အကုန် လက်ဝါးကြီးအုပ် အပိုင်သိမ်းပြီး ငါတို့ကို ကျောင်းလေး ဆေးရုံလေးမှ လောက်ငှအောင် စီစဉ်မပေး၊ လျှပ်စစ်မီး၊ ကားလမ်းကလေးမှ လူစဉ်မှီအောင် ဆောင်ရွက်မပေးဘူး လို့ တွေးမိရင် သူတို့လည်း နန့်ကြည်တောင်ပေါ်က မြင်ရသလို ခံစားရမှာပဲ။ ပြောတော့ဖြင့် ဗမာတစ်ကျပ် ရှမ်းတစ်ကျပ် နဲ့ မဲဆွယ်ထားပြီး။ ဟုတ်ပါရဲ့ ဘရာသာတို့ရယ်။ တကယ်တော့ ခင်ဗျားတို့ တစ်ပြားမှ မရသလို ဗမာတွေလည်း တစ်ပြားမှ မရပါဘူး။ ဘယ်သူတွေ ရနေသလဲဆိုတာ လူအနေနဲ့ပဲ သီးခြား မြင်ပေးကြပါ။ ဗမာတွေ ရနေတယ် မထင်ပါနဲ့။ ကျုပ်လည်းပဲ ဗမာစစ်စစ် စစ်စစ်နဲ့ မြည်နေတာကို အရိုးအရင်းတောင် ကိုက်ရတာ မဟုတ်ပါဘူး။ ဒါကြောင့်မို့လို့ အဲသည်အခွင့်အရေးတွေကို ကာကွယ်ကြရအောင် ခင်ဗျားတို့ဘက်က ဆော်သြနေတာပါ။ (ရရင်တော့ ငြိမ်နေမှာပေါ့။ ဟုတ်ဘူးလား။)

            ဒါဖြင့်ရင် ဘာလုပ်ရမှာလဲ။ ထမင်းမစားပဲ ဆန္ဒဖော်ထုတ်နေရမှာလား။ ငတ်လို့မသေခင် မီးလောင်ဗုံးစာ မိသွားမှာပေါ့နော်။ ကိုယ့်အပေါ်မှာ မတရားအနိုင်ကျင့်လာတယ် လို့ ခံစားရရင် တရားသဖြင့် ဖြစ်စေဖို့အတွက် တရားဥပဒေစိုးမိုးရေးကို အရင် အလေးထားရမှာပေါ့။ ဥပဒေတွေ ရှိသားပဲ။ အဲသည်ဥပဒေနဲ့အညီ ဖြစ်စေရမှာပေါ့။ သည်အတွက်တော့ ဥပဒေအရ ကိုယ့်ရဲ့ ပိုင်ခွင့်က ဘယ်အတိုင်းအတာထိ ရှိသလဲ။ သူများမတရားလာသိမ်းတာကို ဥပဒေနဲ့ ဘယ်လို ကာကွယ်ရမလဲ ဆိုတာကို စဉ်းစားရမှာပေါ့။ ပြဿနာက သည်နေရာမှာတင်လည်း ပြီး မသွားပါဘူး။ အနိုင်ကျင့်တဲ့သူတွေကို တရားဥပဒေအရ အရေး မယူနိုင်ဘူး။ အဲဒီတရားဥပဒေဆိုတာကြီးက ကိုယ့်ကို အကာအကွယ် မပေးနိုင်ဘူး ဆိုပါတော့။ (ဆိုပါတော့ နော် ဆိုပါတော့) ဒါဆိုရင် တစ်စုံတစ်ယောက် သို့မဟုတ် အဖွဲ့အစည်းတစ်ခုခုက တရားဥပဒေရဲ့ အထက်မှာ ရှိနေတယ် လို့ ခေါ်တယ်။ အရင်တုန်းကတော့ အဲဒါ မထူးဆန်းဘူး။ ဥပဒေဆိုတာ ဘုရင်က ပြဌာန်းတာ။ သူ့စိတ်ကြိုက် ပြုပြင်စီရင်လို့ရတယ်။ အခုခေတ်မှာတော့ ဥပဒေပြုလွှတ်တော်ဆိုတာ ရှိတယ်လေ။ အသစ်ဖွဲ့စည်းထားတဲ့ နိုင်ငံကြီးမို့ လူတွေ သိန်းချီသေတဲ့ နာဂစ်မုန်တိုင်းကြားမှာတောင် ၉၈%လောက် ထောက်ခံမှုရယူထားတဲ့ ဖွဲ့စည်းပုံ အခြေခံဥပဒေဆိုတာကြီး ရှိတယ်။ အဲဒီဖွဲ့စည်းပုံအရ နိုင်ငံတော်ကို အာဏာထောက်တိုင်ကြီး သုံးခုနဲ့ ထူထောင်ထားတယ်။ အုပ်ချုပ်ရေးအာဏာ၊ တရားစီရင်ရေးအာဏာ၊ ဥပဒေပြုအာဏာတဲ့။ အဲသည်သုံးခု တစ်ခုကိုတစ်ခု အပြန်အလှန် ထောက်ပံ့ပြုပြင်သွားနိုင်တော့မှသာ ကိုယ်လိုချင်တဲ့ တရားဥပဒေစိုးမိုးရေးကို ကြပ်မတ်ပြုပြင်နိုင်လိမ့်မယ်။ အခုချိန်မှာ တရားဥပဒေအထက်မှာ တစ်ယောက်ယောက် ရှိနေသေးရင် အဲသည်ထောက်တိုင်ကြီးတွေ လှုပ်ရှားသက်ဝင်မလာသေးပဲ ဟန်ပြသက်သက် မို့ လို့ ဆိုရမယ်။ (ရှိနေသေးရင် လို့ပဲ ပြောတာနော်။ ရှိနေတယ် လို့ မဆိုလိုဘူး။ သားသားက ဒေါက်တာဆိတ်ဖွား မဟုတ်။ ရှိ မရှိ ကိုယ့်ဘာသာ စဉ်းစား)

           ဒါမျိုးကိစ္စတွေမှာ လူတွေက ရတာကိုပဲ မြင်တာပါ။ ကုန်နေရတာတွေကျတော့ ဘယ်သူမှ စိတ်ဝင်စားတာ မဟုတ်ဘူးလေ။ နှစ်စဉ် နိုင်ငံတော်က ကုန်ကျခံရတဲ့ အသုံးစားရိတ်က ဘယ်လောက်ကြီးတယ် မှတ်လဲ။ လူတစ်ယောက်စာအတွက် တစ်ရက်မှာတစ်ရာဖိုး အကုန်အကျခံရင်တောင် လူသန်းခြောက်ဆယ်အတွက် နေ့စဉ် သန်းခြောက်ထောင် စားရိတ်ရှိမယ်။ မယုံရင် ဘဏ္ဍာရေးဝန်ကြီးဌာနကို အောဒစ်ဝင်ကြည့်။ ပိုသမျှပေးမယ် လိုရင် ခင်ဗျားစိုက်မလား လို့ မေးလိမ့်မယ်။ ဒီအခါမှာကျတော့ သူတို့တတွေ ဂုဏ်ဖော်ပြီး ပြောပြောနေတဲ့ စတုတ္ထထောက်တိုင်ကြီးကိုလည်း အားကိုးရပြန်တယ်။ မြင်သာထင်သာ မရှိတဲ့ ဘယ်ကရပြီး ဘာတွေသုံးတယ်ဆိုတဲ့ဟာကို ပွင့်လင်းမြင်သာမှု နဲ့ ထားရင် စကားပြောစရာ မလိုတော့ဘူးပေါ့။ (ရိုးသားတယ်ဆိုရင်ပေါ့လေ) ဟိုးတလောက အ၀ှာပြုလို့ ပြုတ်တော်မူသွားတဲ့ ဘဘကြီးတစ်ယောက်အိမ်က သိန်း ၃၀၀၀တန်ကား အစီး၂၀ကျော်ကို သူတို့အချင်းချင်းထဲ ပြန်ပြီးလေလံပစ်တယ်ဆိုတဲ့ သတင်းမျိုး ရေးရဲရင် အဲဒီဘတ်ဂျက်တွေ ဘယ်ရောက်သွားသလဲ အရိပ်အမြွက် သိရမယ် မဟုတ်လား။ ဘဘကြီးကတော် စပွန်ဆာပေးတဲ့ တစ်ယောက်အိမ်မှာ သိန်းထောင်ချီတဲ့ ပန်းချီကားပေါင်းများစွာ စုဆောင်းထားတယ်ဆိုတာကို အတိအကျ သတင်းလိုက်ချင်သေးရင် လိပ်စာပေးဦးမဗျား။ (သူတို့လည်း သိပြီးသားပါ။ ရေးသာ မရေးရဲလို့) အဲသလိုမျိုး မျက်စိထောက်ထောက် ချောက်ချမယ့်သူတွေ ရှိရင် ပြောင်တော့ စားရဲတော့မှာ မဟုတ်ဘူးပေါ့။ ဆင်းရဲသားတွေ စုဆောင်းပြီး ကားဝယ်စီးရင် “ဘယ်ကရသလဲ။ ဘယ်ကရသလဲ” နဲ့ အနံခံလာသူကြီးတွေ ဘနဲ့ကျတော့ နှာစေးနေတာ ထုံးစံပဲ။

           တိုင်းပြည်ကထွက်တဲ့ သယံဇာတတွေက တိုင်းပြည်ဘဏ္ဍာထဲ မရောက်ပဲ ဘယ်သူဘယ်ဝါတွေက ဖြတ်ဘုံးသွားတယ် လို့ မဆိုလိုပါဘူး။ စီးတဲ့ရေတွေက ဆည်တဲ့ကန်သင်းအဆင့်ဆင့်နဲ့ ကုန်သွားပြီး လယ်ထဲ ရေမရောက်တဲ့အဖြစ်ကိုပဲ ပြောတာပါ။ လူတွေက ဆင်တစ်ကောင်လုံး ဘယ်လောက်ကြီးတယ်သာ မြင်တာ ဆင်သတ်ပြီး အရပ်ဝေလိုက်ရင် ဘယ်လောက်မှ မရဘူးဆိုတာ မသိဘူး။ သို့သော်လည်း ဆင်မြီးကလေးမှ လက်စွပ်ကွင်းလောက်အောင် မရတဲ့သူကတော့ သူများတကာတွေ ဆင်ခေါင်းခွေးမချီနိုင်ဖြစ်နေတာ တွေ့ရင် မတရားဘူးလို့ စိတ်ထဲမှာ ခံစားရမှာ အမှန်ပဲ။ ဒါကြောင့် ဆင်ဖျက်တဲ့ မုဆိုးကြီးများ လူမြင်သူမြင် ဝေပါခွဲပါကြောင်း ပွင့်လင်းမြင်သာစေဖို့ ကောင်းတာပါ။ ခုလည်း ပွင့်ပွင့်လင်းလင်းပါပဲ။ ရန်ကုန်က ကျောက်မျက်ပြတိုက်မှာရော နေပြည်တော်က ပြပွဲကြီးတွေမှာပါ ထိပ်ထိပ်ကျဲ ကျောက်ကုန်သည် လုပ်တဲ့သူတွေဆိုတာ လူကြီးနဲ့ ဆွေမတော်မျိုးမတော် တစ်ယောက်မှ မပါဘူး။ အရင်းအချာကြီးတွေချည့်ပဲ။ အမေကြီးကားမှာတောင် စိန်တိုက်ဖွင့်ဦးမတဲ့။ ၀မ်းမြောက်ဝမ်းသာ သာဓုခေါ်ကြရုံသာ ရှိတော့တယ်။

            ဆရာဝန်တွေဆီက တစ်နှစ်ကို သိန်းသုံးလေးဆယ် အခွန်ကောက်သင့်ပါတယ်ဆိုတဲ့ စေတနာရှင်ကြီးတောင် အဲသည်ကျောက်ကုန်သည်တွေနဲ့တော့ အမျိုးတော်လို့လား မသိပါဘူး။ ရေလည်းငုံလို့ နှုတ်လည်းပိတ်လို့။ ပြပွဲမှာ ရောင်းသမျှ ပွဲခွန်ပါပြီး လို့ ဘောက်ချာထဲရေးထားတာတော့ တွေ့ပါရဲ့။ ကျုပ်တို့ အခွန်ဆောင်တော့စစ်သလို ဘယ်က ပိုက်ဆံဝင်ငွေနဲ့ ၀ယ်တာလဲ။ မိသားစု ဘယ်နှစ်ယောက်စားတာမို့ ပိုလျှံနေတာလဲ အစစ်အဆေး အမေးအမြန်းမရှိ။ စိန်ခွန်ကျောက်ခွန် လွတ်ပြီး ကိုယ်တွေသာ ဆေးရိုးခွန်နဲ့ ထောင်ကျရမယ့် ကိန်းပဲ။ (ရေရေရာရာ မပြနိုင်ရင် ပစ္စည်းတန်ဖိုးရဲ့ ၅၀% ဆောင်ရမတဲ့) လူတွေဟာ ဆင်းရဲလွန်းရင် ကွန်မြူနစ်စိတ်ဝင်တတ်သလား မသိပါဘူး။ သူများတကာတွေက အရမ်းချမ်းသာ၊ ကိုယ်တွေက တနေ့တခြား ဆင်းရဲလာဆိုတော့ ခုနေခါများ သိကြားမင်းကြီးက ဗိုလ်အောင်ဆန်း နဲ့ ဗိုလ်နေ၀င်း ဘယ်သူ့ပြန်ယူမလဲလို့ မေးရင် နောက်လူကိုပဲ ယူတော့မယ်ဗျာ။ မုန်းလွန်းလို့ နောင်မှ ဘာနဲ့ပဲ ငုံထွေးရ ငုံထွေးရ။ လောလောဆယ်တော့ သူလာရင် အကုန်ပြည်သူပိုင်သိမ်းပြီး သမဆိုင်ကနေ တန်းစီဝေပစ်မှာ မဟုတ်လား။ အိမ်း အခုမှပဲ တကယ် နောက်ကြောင်းပြန်လှည့်ချင်နေတဲ့ တရားခံအစစ်ကို တွေ့ရပေတော့တယ်။ ဆဲချင်ဆိုချင်သူများ အားပါးတရ ဆဲနိုင်ကြစေကုန်သတည်း။

http://vocaroo.com/i/s11O46kz8Fue

↧

မေ့ထားလို့ မဖြစ်တဲ့ လူငယ်များ

June 23, 2013, 7:40 pm

≫ Next: လူ့အခွင့်အရေးနဲ့ အမျိုးသား အကျိုးစီးပွား

≪ Previous: “ရတနာ မြေမှာ ရှာမတဲ့လား”

by Khin Maung Nyo (Notes) on Sunday, June 23, 2013 at 8:53pm

မေ့ထားလို့ မဖြစ်တဲ့ လူငယ်များ
ခင်မောင်ညို (ဘောဂဗေဒ)

(၁)
ဒီရက်ပိုင်းမှာ ခရီးသွားတာရယ်၊ ဆွေးနွေးပွဲ တက်တာတွေရယ်နဲ့ စာရေးတာ အတော်လေး ကျဲသွားတယ်။ ကျဲသွားတယ်ဆိုတာကလဲ ကိုယ့်အတိုင်းအတာနဲ့ ကိုယ်သာ ပြောတာပါ။ တစ်ပတ် လေး၊ ငါးပုဒ်လောက် ရေးနေရာက နှစ်ပုဒ်၊ သုံးပုဒ်လောက် ဖြစ်သွားတာမျိုးပါ။ ကြားထဲမှာက ကိုယ်က ဟောရ၊ ပြောရ တာတွေကလဲ ရှိသေးတယ်။ ပြီးတော့ ခေါင်းစဉ်ကလဲ အသေ မဟုတ်၊ ပြင်ရ၊ ဆင်ရတာတွေ ရှိတယ်။ ပြီးခဲ့တဲ့ တစ်နှစ်လောက်ကတည်းက ရေးနေတဲ့ စာတမ်းတစ်စောင်ဆို ထပ်ထပ်ဖြည့်နေရတာနဲ့ မပြီးနိုင်၊ မစီးနိုင် ဖြစ်နေတာကို ချူလာလောင်ကောင် တက္ကသိုလ်က ပါမောက္ခတွေက ခုထိ သည်းခံပြီး တောင်းနေကြတယ်။

တကယ်တော့ ပြန်ပြောရ၊ ရေးရအောင် ဆွေးနွေးပွဲတွေ တက်တာ ဖြစ်ပေမယ့် တက်တဲ့ ဆွေးနွေးပွဲတွေ စိတ်လာတဲ့အခါ မရေးနိုင်တော့ပဲ ကြာလာတဲ့အခါ မေ့မေ့ပျောက်ပျောက် ဖြစ်သွားတာလဲ ရှိပါတယ်။ ကြားထဲမှာ တောင်းဆိုကြတာတွေကို မဖြည့်ဆည်းနိုင်တာလဲ ရှိရဲ့။ ကိုယ်ခွဲထားလို့ ရတဲ့ ကိစ္စတွေမှ မဟုတ်တာ။
တောင်ငူခရီးစဉ်မှာ ပါလာတဲ့ သမီးငယ်တွေက ဆရာ စာမသင်ဘူးလား၊ သူတို့ကို စာသင်ပေးပါလားလို့ ပြောတော့ ဘယ်မှာမှ စာမသင်တော့တဲ့အကြောင်း၊ သင်တန်းတချို့ကို မနည်း သင်နေရတဲ့ အကြောင်း ပြောရပါတယ်။ ပညာရေး ကွန်ယက်၊ ပညာရေး ညီလာခံမှာ ဆုံတဲ့ သမဂ္ဂကျောင်းသားတွေက စာသင်ပေးပါ၊ ဟောပြောပွဲ လုပ်ပေးပါ ဆိုတော့ ဟောပြောပွဲတော့ အလျဉ်းသင့်တဲ့အခါ လုပ်ပေးပါ့မယ်၊ စာသင်တာတော့ ကျောင်းက ဆရာ၊ ဆရာမတွေနဲ့ပဲ သင်၊ ပြီးတော့ စာအုပ်ဝယ်ဖတ်လို့ ပြောလိုက်ရတယ်။
ဒီနေ့ CDEC ဆိုတဲ့ အရပ်ဘက် အဖွဲ့အစည်းလေး တစ်ခုက ၂၀၁၅ အာဆီယံ စီးပွားရေး အ၀န်းအ၀ိုင်းနဲ့ အလုပ်အကိုင် အခွင့်အလမ်းတွေ အကြောင်း ဟောပေးပါ ဆိုတော့ ဘယ်နှယ့် ၂၀၁၅ အထိ စောင့်နေကြတာလဲ၊ အခုကို တွေ့နေရ၊ ရင်ဆိုင်နေရပြီ ဆိုပြီး ပြောဖြစ်ပါတယ်။ ဟောပြောပွဲအပြီး ဆွေးနွေးမိတဲ့ အချက် တစ်ချက်၊ နှစ်ချက်က အတော်လေး လန့်စရာ ဖြစ်သွားပါတယ်။ ဘယ်နှယ့် နိုင်ငံရေးအရ ပွင့်လင်းလာတဲ့ ခေတ်ကျမှ ဒီလို ဖြစ်ရတာပါလိမ့်လို့ စဉ်းစားစရာ ဖြစ်သွားတယ်။
ပထမဆွေးနွေးတာက အခုလူငယ်တွေနဲ့ ပတ်သက်တဲ့ ဟောပြောပွဲတွေ အတော်နည်းသွားတယ် ဆိုတာနဲ့ နည်းနည်း လန့်သွားတယ်။
ဒုတိယ ဆွေးနွေးချက်က ဟောပြောပွဲသာ နည်းသွားတာ မဟုတ်၊ လူငယ်တွေ ဖတ်စရာ စာအုပ်လဲ သိပ်မရှိဘူးဆိုတော့ ပိုဆိုးသွားရော။
နီးနီးနားနား ကုန်တိုက်ကြီးတွေ ရှိပေမယ့် စာအုပ်ဆိုင် ကောင်းကောင်း မရှိတော့ ကိုယ် ကျင်လည် ကျက်စားနေကျ လှည်းတန်းက စာအုပ်ဆိုင်တွေကို သွားဖြစ်ပါတယ်။ ဆိုင်က ကလေးတစ်ယောက် ပြောပုံကို ကြည့်ပါဦး။ "အစ်မ- ဟို ဒေါက်တာ ဘယ်သူဆိုလား၊ မျက်မှန်နဲ့ နဖူးပြောင်ပြောင်နဲ့ပုံလေ- အဲဒီ စာအုပ်က ဈေးနှုန်း ဘယ်လောက်လဲ?" တဲ့။
ဒါနဲ့ ကိုယ်က မနေနိုင်တာနဲ့ ၀င်ပြောရတယ်။ "အေး ညည်းတို့ခေတ် မဟုတ်တော့ မသိတော့ဘူးပေါ့အေ၊ အဲဒါ မြန်မာနိုင်ငံမှာ သမ္မတလုပ်သွားတဲ့ ဒေါက်တာမောင်မောင် ရေးတဲ့ စာအုပ်ပါ" လို့။
စာအုပ်ဆိုင်မှာ အများဆုံး လွှမ်းမိုးနေတာက နိုင်ငံရေး စာအုပ်တွေ ဖြစ်မယ် ထင်ပါတယ်။ နိုင်ငံရေး ပွင့်လင်းလာတဲ့ ခေတ်မို့ နိုင်ငံရေး အကြောင်း ရေးကြ၊ သားကြ၊ လေ့လာကြ၊ ဟောပြောကြ၊ ဖတ်ရှုကြတာတွေလဲ များလာတာ အမှန်ပဲ။ ဒါပေမယ့် စောစောက ပြောသလို တခြား ဖတ်စရာ ဘာသာရပ်တွေ၊ အကြောင်းအရာတွေ ရွေးချယ်စရာ နည်းသွားတာတော့ အမှန်ပဲ။
အဲသလိုပဲ ဟောပြောပွဲတွေ ရှိပေမယ့် လူငယ်တွေ (ကျောင်းကြော်ငြာတာ မဟုတ်တဲ့) ပညာရေး အခွင့်အလမ်းတွေ၊ အလုပ်အကိုင်နဲ့ ပတ်သက်လို့ ပြင်ဆင်မှုတွေ၊ စိတ်နေစိတ်ထားတွေ၊ တွေ့ကြုံရမယ့် စိန်ခေါ်မှုတွေကိုလဲ ပြောဟောပေးဖို့ ကျွန်တော်တို့ တာဝန်ပေ့ါလျော့သွားလေသလား? နိုင်ငံရဲ့ အနာဂတ်ကို အပ်ထားခဲ့ရမယ့် လူငယ်တွေ အရေး အလေး မပေးမိပဲ မေ့လျော့ပေါ့တန်နေမိသလားလို့ ဒီကနေ့ ဟောပြောပွဲက အပြန်မှာ စဉ်းစားနေမိပါတယ်။ ဟောပြောပွဲမှာ မေးမြန်းတာတွေ ကြည့်ရတာကိုက အင်တာနက်ခေတ်၊ တစ်ထောင့်ငါးရားတန် တယ်လီဖုန်းခေတ်မှာ၊ အကြားအမြင် ဗဟုသုတတွေ လုံ့လ၀ီရိယတွေ အများကြီး လိုနေသေးတယ်ဆိုတာ ဆင်ခြင်မိတဲ့ အကြောင်းပါ

(၂၂.၀၆.၂၀၁၃)

↧

လူ့အခွင့်အရေးနဲ့ အမျိုးသား အကျိုးစီးပွား

June 23, 2013, 7:49 pm

≫ Next: ကတ္တရာ လမ်းပေါ် နွားလှည်းမမောင်းရ

≪ Previous: မေ့ထားလို့ မဖြစ်တဲ့ လူငယ်များ

Photo: အဟက်….လူ့ အခွင့်အရေး ဟုတ်လား…. မြန်မာပြည် မပြောနဲ့ …. ခင်ဗျားတို့ အဘ …အမေရိကန်တောင်…. အမျိုးသား အကျိုးစီးပွား နဲ့ ပတ်သက်လာရင်…. ဥပဒေကို လက်တစ်လုံးခြားလုပ်တာပဲ………။ တယ်လီဖုန်းလဲ ခိုးနားထောင်တယ်…… မသင်္ကာတဲ့ ကောင်လဲ ရုံးမတင်ပဲ အကြာကြီးဖမ်းတယ်… လိုအပ်ရင်..ဆေးထိုးတယ်… ရေနှစ်တယ်…….. တုံးလုံးချွတ်ထားတယ်… ခင်ဗျားတို့ အိပ်မက်တောင် မမက်ဘူးသေးတဲ့ …. စစ်ကြောရေးနည်းတွေနဲ့ စစ်တယ်…… ထပ်လိုအပ်ရင် ….လူသတ်အဖွဲ့ တွေလွှတ်ပြီးသတ်တယ်.. အဲထက် ပိုလိုအပ်ရင် …စစ်တပ်တွေပါ လွှတ်ပြီးတိုက်တယ်….။ အဲတော့ …… လူဦးရေ သန်း၁၅၀ ကျော်နေတဲ့  ..... ဘင်္ဂလားဒေ့ရ်ှနဲ့ ကပ်ရက်က ပြည်နယ်မှာ …. ဘင်္ဂါလီ ပဲဖြစ်ဖြစ် … သူမဟုတ်လဲ .... တစ်ခြား ဘာကောင်ပဲဖြစ်ဖြစ်….. မျိုးပွားနူန်း မြင့်လွန်းတဲ့ ကောင်ကို …… ကလေး၂ ယောက်ထက် ပိုမယူရလို့ လုပ်တာ ….. ဘာဖြစ်သတုန်း …….။ အားတိုင်းယားတိုင်း လူ့ အခွင့်အရေးပဲ အော်နေရင်… ပုတီးစိတ်တိုင်း ဂွာတာနာမို ဆိုတဲ့ ဂါထာကို ၁၀၈ ခေါက်စိပ်…. အဲဒါမှ ကိုယ့်ကိုယ်ကို မမြင်သေးရင်…. ငယ်ငယ်တုန်းကလို ကိုယ့်ခြေဖ၀ါးကိုယ်ထောင်…. မှန်ကြည့်တာဆိုပြီး ကိုယ့်မျက်နှာကိုယ်ပြန်ကြည့်လိုက်…. အဲဒီမှာ တတလင်းဂျိတ်နဲ့ တုံးနေတဲ့ ….. လစ်ဘရယ်ဇာတ်ပျက် …. ခင်ဗျားမျက်ခွက်ကြီး ခင်ဗျား ပြန်တွေ့ လိမ့်မယ်……… ဒါပဲ………။ (လစ်ဘရယ် သူငယ်နာကို အတော်မျက်စိနောက်နေတဲ့ ရဲမိုး)

အဟက်….လူ့ အခွင့်အရေး ဟုတ်လား….
မြန်မာပြည် မပြောနဲ့ ….
ခင်ဗျားတို့ အဘ …အမေရိကန်တောင်….
အမျိုးသား အကျိုးစီးပွား နဲ့ ပတ်သက်လာရင်….
ဥပဒေကို လက်တစ်လုံးခြားလုပ်တာပဲ………။

တယ်လီဖုန်းလဲ ခိုးနားထောင်တယ်……
မသင်္ကာတဲ့ ကောင်လဲ ရုံးမတင်ပဲ အကြာကြီးဖမ်းတယ်…
လိုအပ်ရင်..ဆေးထိုးတယ်…
ရေနှစ်တယ်……..
တုံးလုံးချွတ်ထားတယ်…
ခင်ဗျားတို့ အိပ်မက်တောင် မမက်ဘူးသေးတဲ့ ….
စစ်ကြောရေးနည်းတွေနဲ့ စစ်တယ်……
ထပ်လိုအပ်ရင် ….လူသတ်အဖွဲ့ တွေလွှတ်ပြီးသတ်တယ်..
အဲထက် ပိုလိုအပ်ရင် …စစ်တပ်တွေပါ လွှတ်ပြီးတိုက်တယ်….။

အဲတော့ ……
လူဦးရေ သန်း၁၅၀ ကျော်နေတဲ့  .....
ဘင်္ဂလားဒေ့ရ်ှနဲ့ ကပ်ရက်က ပြည်နယ်မှာ ….
ဘင်္ဂါလီ ပဲဖြစ်ဖြစ် …
သူမဟုတ်လဲ ....
တစ်ခြား ဘာကောင်ပဲဖြစ်ဖြစ်…..
မျိုးပွားနူန်း မြင့်လွန်းတဲ့ ကောင်ကို ……
ကလေး၂ ယောက်ထက် ပိုမယူရလို့ လုပ်တာ …..
ဘာဖြစ်သတုန်း …….။

အားတိုင်းယားတိုင်း လူ့ အခွင့်အရေးပဲ အော်နေရင်…
ပုတီးစိတ်တိုင်း ဂွာတာနာမို ဆိုတဲ့ ဂါထာကို ၁၀၈ ခေါက်စိပ်….
အဲဒါမှ ကိုယ့်ကိုယ်ကို မမြင်သေးရင်….
ငယ်ငယ်တုန်းကလို ကိုယ့်ခြေဖ၀ါးကိုယ်ထောင်….
မှန်ကြည့်တာဆိုပြီး ကိုယ့်မျက်နှာကိုယ်ပြန်ကြည့်လိုက်….
အဲဒီမှာ တတလင်းဂျိတ်နဲ့ တုံးနေတဲ့ …..
လစ်ဘရယ်ဇာတ်ပျက် ….
ခင်ဗျားမျက်ခွက်ကြီး ခင်ဗျား ပြန်တွေ့ လိမ့်မယ်………
ဒါပဲ………။

(လစ်ဘရယ် သူငယ်နာကို အတော်မျက်စိနောက်နေတဲ့ ရဲမိုး)

↧

ကတ္တရာ လမ်းပေါ် နွားလှည်းမမောင်းရ

June 23, 2013, 8:33 pm

≫ Next: ဦးနု ၁၉၅၈ ခုနှစ် အောက်တိုဘာလ ၂၈ ရက်နေ့ လွှတ်တော် အစီရင်ခံစာ

≪ Previous: လူ့အခွင့်အရေးနဲ့ အမျိုးသား အကျိုးစီးပွား

(ကတ္တရာ လမ်းပေါ် နွားလှည်းမမောင်းရ.....)

`` ဟိုင်းရော......... ဟိုင်းးးးးးးးးးးးး´´ ကျယ်လောင်စွာ အော်ဟစ် သွားသော လှည်းမောင်းသမားကို ကြည့်မိသည်။

အော်ယုံအော်နေသည်မဟုတ်၊ လက်ထဲက နှင်တံနှင့်လည်း တဖုန်းဖုန်းရိုက်နေသည်၊ မြီးညှောင်းရိုးအနားကိုလည်း နှင်တံထိပ်မှသံချွန်ဖြင့် အကြိမ်ကြိမ် ဆောင့်ဆောင့် ထိုးနေသည်၊ နာလို့ဖြစ်မည် လှည်းကတော့ မြန်မြန်ဆန်ဆန် သွားနေသည်၊ ခနော်ခနဲ့ မြေလမ်းပေါ်မှာပေါ့....

ဘာများ အရေးကြီးလို့လည်း..... အရေးကြီးလျှင်လည်း နွားလှည်းထက် မြန်သော အခြားနည်းများဖြင့် မသွားနိုင်ဘူးလား..... ကျွန်တော် သေသေချာချာကြည့်ြုဖစ်တော့ သံချွန်ဖြင့် ဆောင့်ထိုးထားသော နေရာမှာ အနာတွေ တောင် ဖြစ်နေပြီ..... စကားတစ်ခွန်းကို သွားသတိရမိသေးသည် ( အနာပေါ်တုတ်ကျ......တဲ့)၊ နာလွန်းသဖြင့် တင်စားသော စကားလေးဖြစ်သည်၊ အခု... အနာပေါ်ကို တုတ်ကျခြင်း မဟုတ် သံချွန်ဖြင့် ထပ်ခါ ထပ်ခါ ဆောင့်ထိုးနေခြင်းဖြစ်သည်။

ကျွန်တော် စဉ်းစားမိသည်၊ ဤမျှအထိ လိုအပ်ပါသလား.......လို့။

နွား... ဆိုသော တိရိစ္ဆာန်သည် လူကို အန္တရာယ် လုံးဝမပေးပါ၊ လူများ၏ စိုက်ပျိုးရေး လုပ်ငန်းကို များစွာဝိုင်း ၀န်းကူညီကြပါသည်၊ ကျေးလက် ခရီးသွားလုပ်ငန်းအတွက်လည်း မရှိမဖြစ် အရေးကြီးပါသည်။ ကုန်စည် သယ်ယူ ပို့ဆောင်ရေးအတွက် လည်း အသုံးဝင်လှသည်၊ ထို့အပြင် အလှူမင်္ဂလာ အခမ်းအနားများအတွက်လည်း အမျိုးမျိုး အသုံးပြုကြသည်၊ ဖျော်ဖြေရေးခေါ်မလား ၊ လောင်းကစားပြောရမလား မသိ၊ လှည်းပြိုင်ပွဲများ နွားတိုက်ပွဲများကိုလည်း ပြုလုပ်ကြသည်။ ထိုမှ တဆင့် နွားများသည် လူများအတွက် စားစရာဖြစ်လာသည်၊ ၄င်းတို့၏ နို့များသည် သောက်စရာ ဖြစ်လာသည်၊ အဟာရပစ္စည်းများ ဖြစ်ကြသည်၊ မစင်များသည်လည်း သဘာဝ မြေသြဇာဖြစ်လာသည်၊ ထို့ထက်ပိုသုံးလိုသော် ဘိုင်အိုဘက္ထရီ အဖြစ်လည်း အသုံးပြုနိုင်သေးသည်၊ အမဲခြောက်ဖုတ်လေးကို အခါးရည်ဖြင့်တစိမ့်စိမ့် အရသာခံနိုင်သေးသည်။ အသုံးဝင်လှပါသည်။

သူတို့အတွက်.... လူသည် အစာကျွေးရပါသည်၊ ခြင်မီးဖြုတ်မီးမွှေးပေးရပါသည်၊ တန်ရာနှင့် တန်ကြေးကို တွက်သော်........ သူတို့၏ လုပ်အားခနှင့် သူတို့အတွက် ကုန်ကျ စရိတ်ကို ပြန်တွက်သော်.....။

ဆင်းရဲ နွမ်းပါးသူများ၊ တောင်ယာလုပ်ကိုင်သူများ၊ လယ်သမားပြောလေ့ရှိသော စကားတစ်ခွန်းရှိပါသည်... နွားနှင့်ဖက်ရုန်းရတဲ့ ဘ၀ .....တဲ့၊ လုပ်သမျှ ခံလျှင်လည်း ပြောကြသည် နွားကျခံတာကိုးတဲ့၊ ဘာပြောပြော အရေး မလုပ်လျှင်လည်း နွား လို ကောင်ပါကွာတဲ့..... ဤစကားလေးများဖြင့် နွားများ၏ သဘာဝကို အကြမ်းဖျင်းနားလည်နိုင်ပါသည်....။

နွားလှည်း မောင်းသမားသည် နွားလေးဆွဲသော လှည်းပေါ်တွင် လိုက်ပါ၍ လိုရာခရီးသို့ သွားပါသည်၊ ထိုလှည်းပေါ်မှပင် နွားလေးအား တဖုန်းဖုန်းရိုက်ပါသည်၊ ရိုက်လျှက်မှပင် အော်ဟစ်မြည်တမ်းပါသည်၊ မြည်တမ်းလျှက်မှပင် အချွန်ဖြင့် ဆောင့်ထိုးပါသည်။ ဆောင့်ထိုးလျှက်မှပင် နှာနုတွင် ချည်နှောင်ထားသော နဖားကြိုးကို ဆောင့်ဆွဲပါသေးသည်။ နှာနုသည် နွားလေးများအတွက်... အဓိက အားနည်းချက်နေရာ ဖြစ်ပါသည်။ လူများသည် နွားလေးများအား လိုရာသို့ အလွယ်တကူ ယူဆောင်နိုင်ရန် နဖားကြိုး ထိုးထားပါသည်။

တစ်နည်းအားဖြင့် နွားလေးများ၏ အားနည်းချက်အား နင်းထားခြင်းပင်ဖြစ်ပါသည်။ ကျွန်တော် ခြုံငုံစဉ်းစားမိသည်မှာ လူဆိုသည်မှာ... တော်ယုံရက်စက်သူများ မဟုတ်၊ အလွန်ရက်စက်ကြသူများ ဖြစ်သည်ဟု... အတွေးအခေါ်များ မှားလျှင်လည်း မှားပါမည်၊ မှန်လျှင်လည်းအပြည့် အစုံတော့ဖြင့် မမှန်နိုင်ခဲ့ပါ။

ငယ်ငယ်က ကျွန်တော်တို့ နေသောရွာတွင် ယောက်ျားဆုံးပါးသွားသူ အဒေါ်ကြီး တစ်ဦး ရှိပါသည်။ အဒေါ်ကြီး၏ အိမ်တွင် ဖိုးကြာဟု ခေါ်သော နွားလေး တစ်ကောင်ရှိပါသည်....။ နွားကလေး၏ ထိပ်တွင် အဖြူရောင်ကြာပွင့်လေးများ ပါနေသဖြင့် ဖိုးကြာဟု ခေါ်ကြခြင်းဖြစ်ပါသည်။ ကြာပါသော နွားသည် ကပ်သည်ဟု ပြောဆိုကြသော်လည်း ဖိုးကြာသည် မကပ်ပါ၊ အမည်ခေါ်ယုံမျှဖြင့် ချက်ချင်းပြေးလာတတ်သော နွားလေး ဖြစ်ပါသည်။ ထိုနွားကလေး ဖိုးကြာအား အဒေါ်ကြီးသည် အင်မတန်ချစ်ပါသည်။ ``အဒေါ့်ယောက်ျားရဲ့နွား လေးပါ၊ အခုသူပဲ အဒေါ်တို့ကို လုပ်ကျွေးနေတာ´´ ဟူသော စကားလေးကိုလည်း မကြာမကြာ ကြားခဲ့ ရပါသည်။

အဒေါ်ကြီးသည် ညနေရောက်သည်နှင့် ဖိုးကြာ၏ နွားတင်းကုပ်အား မီးမွှေး ထားပေးပါသည်၊ ရေဖြည့်ထားပေးပါသည်။ နွားစာကိုကိုယ်တိုင်စဉ်း၍ကိုယ်တိုင်ပင် ထည့်ပေးပါသည်။

အဒေါ်ကြီး၏ သားများသည် ကျွန်တော်တို့၏ သူငယ်ချင်းများပင် ဖြစ်ပါသည်။ အဒေါ်ကြီးသည် ဖိုးကြာ၏ကိစ္စများအတွက် သားများ ကိုပင် မခိုင်းပါ၊ ကိုယ်တိုင်လုပ်ပါသည်။ ဖိုးကြာသည် အလွန်ပင်လိမ်မာပါသည်။ လူစကား နားလည်သလိုပင်ဖြစ်ပါသည်။ အဒေါ်ကြီးသည် ဖိုးကြာကို ရိုက်လျှင် လုံးဝမကြိုက်ပါ..... ``လူနှင့် နွားပင်ဖြစ်သော်လည်း လုပ်ဖော် ကိုင်ဘက်များ ဖြစ်သည်၊ တစ်နည်းအားဖြင့် ကျေးဇူးရှင် ဖြစ်သည်´´ဟု မကြာခဏ ပြောတတ်ကြောင်း မှတ်မိနေပါသည်။

အချိန်ကာလ အရ ဖိုးကြာ အိုမင်းလာသောအခါ သားသတ်ရုံသို့ ပို့ရန် တိုက်တွန်းကြသူများလည်း ရှိခဲ့ပါသည်...။

အဒေါ်ကြီးသည် ပြင်းပြင်းထန်ထန်ပင် ဆန့်ကျင့်ခဲ့ပါသည်။ ထို့နောက် ဖိုးကြာသေဆုံးခဲ့ပါသည်။ အသေသားကိုလည်း မစားစေခဲ့ပါ....... ခြံဝင်းအတွင်း ကောင်းမွန်စွာ မြေမြှုပ်၍ မြေပုံပေါ်တွင် ပန်းပင်လေးများ စိုက်ပျိူးခဲ့ဘူးကြောင်း မှတ်မိနေပါသည်။

ဖိုးကြာအား မြေမြှုပ်စဉ် အဒေါ်ကြီးသည် မင်းအဖေလည်း သွားနှင့်ပြီ..... အခုသားလည်း သွားပြီ၊ အမေလည်း မကြာခင် လိုက်လာမယ်၊ သွားနှင့်ပါသားရေ.... သံသရာမှာ ပြန်ဆုံခဲ့ရင်လည်း ဒီဘ၀မျိုးနဲ့ မလာပါနဲ့ကွယ်...... ဟု ပြောရင်း မျက်ရည်များ ကျခဲ့ဘူးပါသည်.....။

အဲဒီတုန်းက ကျွန်တော်တို့ အလယ်တန်း ကျောင်းသား အရွယ်ဖြစ်သော်လည်း ကောင်းစွာ မှတ်မိနေပါသည်။ ကျောင်းတွင် စာစီစာကုံးရေးသောအခါ ကျွန်တော်သည် ``အဒေါ်ကြီးနှင့် ဖိုးကြာ´´ ဟူသော ခေါင်းစဉ်ဖြင့် ၀င်ရောက်ရေးသားခဲ့ရာ ဆုပင်ရခဲ့ဖူးပါသည်။

မြန်မာလူမျိုးများသည် သူတစ်ထူး၏ ကျေးဇူးအား ဆင်ခြင်အောက်မေ့ နေသူများ၊ ပြန်လည် ကျေးဇူးဆပ်ရမှ စိတ်ဘ၀င်ကျ သူများ ဖြစ်ကြပါသည်..... ကျေးဇူးတရားဟူသည် အမျိုးမျိုးသော အသွင်ကို ဆောင်ပါသည်... ဥစ္စာ ပစ္စည်း ထောက်ပံခြင်း၊ ပြည့်စုံ ကျန်းမာ စေလိုသော စိတ်စေတနာထားခြင်း၊ မိမိအကျိုးကို ဆောင်ရွက်ပေးခြင်း၊ စောင့်ရှောက်ပေးခြင်းနှင့် အသိပညာ အတတ်ပညာများကို သင်ကြားပြသပေးခြင်း စသဖြင့် အမျိုးမျိုး ရှိကြသည်များ အနက် မိမိ၏ ၀မ်းစာရေးနှင့် စီးပွါးရေးအတွက် ၀ိုင်းဝန်းပူးပေါင်း ဆောင်ရွက်ပေးနေသော နွားလေးများကိုလည်း ကျေးဇူးရှိသည်ဟု မသတ်မှတ်နိုင်ပါကလည်း အကြောင်းမဲ့သက်သက် ရက်စက်ရန်မသင့် ကြောင်း သုံးသပ်စဉ်းစားမိပါသည်......။

အမှန်တကယ်တွင် နွားလေးများသည် လူများ၏ မိတ်ဆွေကောင်းများပင် ဖြစ်ပါသည်၊ လူများ၏ အကျိုးအတွက် ဆောင်ရွက်ပေးနေသော နွားကလေးများအား ကရုဏာ မျက်စိဖြင့် ကျွန်တော် မြင်မိသော ခဏတွင် နွာလေးများအား.... ရက်စက်စွာ ဆက်ဆံနေတတ်ကြသော လူများသည် အလွန်ပင် အရုပ်ဆိုးသွားပါတော့သည်။

တစ်ခါက ကျွန်တော်တို့ မြို့ဈေးသို့ ဖိုးကြာ၏ လှည်းကလေးဖြင့် အတူ သွားခဲ့ဘူးပါသည်၊ လှည်လမ်းကြောင်းမှ လမ်း မကြီးသို့ အတက်လမ်းတွင် ကတ္တရာ လမ်းပေါ်တွင် နွားလည်းမမောင်းရန် ဆိုင်းဘုတ်တစ်ခု ထောင်ထားပါသည်၊ အဒေါ်ကြီးသည် စာကောင်းစွာ မဖတ်တတ်သဖြင့် ကျွန်တော့်ကို ဖတ်ခိုင်းခဲ့ပါသည်။ ကျွန်တော် ဖတ်ပြလိုက်သော အခါ..... အဒေါ်ကြီးသည် ဖိုးကြာအား

``သားရေ လှည်းလမ်းအတိုင်းသာသွား... အန္တရာယ်လလည်းကင်းမယ်၊ မင်းလည်း ခွါပူ သက်သာတာပေါ့´´ တဲ့.........

ယခု အချိန်တွင် ကျွန်တော်သည်ပင် လူလတ်ပိုင်း အရွယ် ရောက်ရှိခဲ့ပြီ၊ တစ်ခါတစ်ရံ ငယ်စဉ်က အကြောင်းများစဉ်းစားရင်း အဒေါ်ကြီးကိုလည်း သတိရမိသည်။ ဖိုးကြာကိုလည်း သတိရတတ်ပါသည်။ သူတို့ နှစ်ဦးထက် အဒေါ်ကြီး ပြောခဲ့သေည့် `` ကျေးဇူးတရား´´ ဆိုသော စကားလေးအားပို၍ အမှတ်ရမိပါသည်။ ယခုတော့ အချိန်ကာလပါမက ဆိုင်းဘုတ်လေးများလည်း ပြောင်းလဲခဲ့ပါပြီ...

ယခင်က `` ကတ္တရာ လမ်းပေါ် နွားလည်းမမောင်းရ....´´ ဟူသော စကားလုံးများ အစား ယခုအခါ `` ကတ္တရာ လမ်းပေါ် သံဘီးတတ်ယာဉ်များ မမောင်းရ´´ တဲ့...... ကျွန်တော် ဆက်ပြီး စဉ်းစားဖြစ်ခဲ့သည်၊ ယခင်ကတည်းက နွားဆိုသော သတ္တ၀ါများ မရှိခဲ့လျှင်..... အနည်းဆုံးတော့ ကျွန်တော်တို့......။

ဘာပဲဖြစ်ဖြစ် ကျွန်တော်ကတော့ သတိရနေတတ်ဆဲ... နွားလေးများလည်း လယ်ထွန်၊ လှည်းဆွဲနေဆဲ၊ လူများလည်း.........။

(ကွန်ဆူးမား) (၂၃-၆-၂၀၁၃)

၂၀၁၂ခုနှစ်၊ ဖေဖော်ဝါရီလ ၁၉ ရက်နေ့တွင်ရေးဖြစ်ခဲ့သော ပို့စ်လေးအား ပြန်လည် တင်ပြပါသည်။

↧

ဦးနု ၁၉၅၈ ခုနှစ် အောက်တိုဘာလ ၂၈ ရက်နေ့ လွှတ်တော် အစီရင်ခံစာ

June 25, 2013, 12:57 am

≫ Next: အတ္တဟိ အတ္တနော နာထော

≪ Previous: ကတ္တရာ လမ်းပေါ် နွားလှည်းမမောင်းရ

by Maung Maung Than (Notes) on Monday, June 24, 2013 at 1:11pm

၁၉၅၈ ခုနှစ် အောက်တိုဘာလ ၂၈ ရက်နေ့တွင် ပြည်ထောင်စုမြန်မာနိုင်ငံ ပြည်သူ့လွှတ်တော်သို့ နိုင်ငံတော်ဝန်ကြီးချုပ် ဦးနု ဖတ်ကြားတင်သွင်းသော အစီရင်ခံစာ

ကျွန်တော်တို့ရဲ့ စိတ်ထဲမှာ အင်မတန်မှ အရေးကြီးတဲ့ ပြသနာကြီးတစ်ခုပေါ်လာတယ်။ ဒီပြသနာကြီး ကတော့ တခြားဟာမဟုတ်ပါဘူး။ အခုလက်ရှိ အခြေအနေမျိုးမှာ လွတ်လပ်ပြီး တရား မျှတတဲ့ ရွေးကောက်ပွဲ ကို နိုဝင်ဘာလအတွင်းမှာ ကျင်းပလို့ ရနိုင်ပါမလားဆိုတဲ့ ပြသနာပဲဖြစ်ပါတယ်။ ဒီပြသနာရဲ့ အဖြေကတော့ ကျင်းပလို့ မဖြစ်ဘူး။ ဘယ်နည်းနှင့်မှ မဖြစ်ဘူးလို့ကျွန်တော်အဖြေရတယ်။ ဒီပြသနာကို ဖြေပြီးတဲ့အခါမှာ ဒီပြသနာလောက်ပဲ အရေးကြီးတဲ့ ဒုတိယပြသနာတစ်ခု ပေါ်လာပြန်တယ်။ ဒါကတော့ တခြားဟာ မဟုတ် ပါဘူး။ တစ်နိုင်ငံလုံးမှာ ဖြစ်ပေါ်နေတဲ့ သောင်းကျန်းမှုတွေ ရာဇ၀တ်မှုတွေ လက်နက်ကိုင်အဖွဲ့အချို့ရဲ့ အဓမ္မ ပြုကျင့်မှုတွေကစပြီး အာဏာလက်ရှိ နိုင်ငံရေးပါတီနဲ့ တပ်မတော်တို့ အချင်းချင်း မသင်္ကာဖြစ်နေမှု ကြောက်လန့်နေမှုတွေကို အချိန်မီ မဖြေရှင်းနိုင်ရင် တိုင်းပြည်မှာ ဘာဖြစ်မလဲဆိုတဲ့ ပြသနာပဲဖြစ်တယ်။ ဒီပြသနာကို ပြေလည်အောင်ဖြေဖို့ လိုတယ်။ မဖြေနိုင်ရင် ဘာဖြစ်မလဲ။

          (၁) တိုင်းပြည်မှာ သွေးထွက်သံယိုမှုတွေ ပိုပြီးဖြစ်လာမယ်။ (၂) အခြေအနေက အုပ်မနိုင် ထိန်းမရ ဖြစ်ပြီး တစ်နိုင်ငံလုံးလည်း အုပ်မနိုင် ထိန်းမရ ဖြစ်လာလိမ့်မယ်။ (၃) ဒီလိုဖြစ်လာရင် နိုင်ငံခြားပယောဂတွေ ၀င်လာလိမ့်မယ်။ နိုင်ငံခြား ပယောဂ၀င်လာရင် ပြည်ထောင်စုက ဒုက္ခရောက်မယ်။ အစိတ်စိတ်အမွှာမွှာ ပြိုကွဲပြီး စည်းလုံးမှုလည်းပျက်မယ်။

          ဒါတွေကို တွေးမြင်ပြီး တိုင်းပြည်အတွက် စိတ်အပူကြီးပူမိတယ်။ ဒါကြောင့်မို့လို့လည်း တိုင်းပြည် ငြိမ်းချမ်းရေးရအောင် ကျွန်တော် အားထုတ်ခဲ့ခြင်းဖြစ်တယ်။ နောက်ပြီးတော့ တိုင်းပြည်ရဲ့ အခြေအနေဟာ အုပ်မနိုင် ထိန်းမရ ဖြစ်မှာကိုလည်း ကျွန်တော်အများကြီး စိုးရိမ်တယ်။ ဒီလိုအခြေအနေမျိုးတော့ မဖြစ်ပါ စေနဲ့။ ဘယ်နည်းနှင့်မျှ မဖြစ်စေရဘူးလို့လည်း ကျွန်တော်သန္နိဌာန်ချလိုက်တယ်။ နောက်ပြီးတော့ နိုင်ငံခြား ပယောဂ ၀င်လာမှာတွေ၊ နိုင်ငံခြားပယောဂတွေကြောင့် ခေါင်းဆောင်ကြီး ဗိုလ်ချုပ်အောင်ဆန်း တည်ဆောက် ပေးခဲ့တဲ့ ပြည်ထောင်စုရဲ့ စည်းလုံးညီညွတ်မှု ပြိုကွဲပျက်စီးမှာတွေ၊ ကိုရီးယားလို လောင်စာနဲ့ ပြာပုံဖြစ်လာမှာ တွေလည်း မတွေးဝံ့လောက်အောင်ပဲ ဖြစ်ခဲ့တယ်။ နောက်ပြီးတော့ ကျွန်တော်တို့ ဖွဲ့စည်းအုပ်ချုပ်ပုံ အခြေခံ ဥပဒေရဲ့ အဆီအနှစ်တစ်ခုဖြစ်တဲ့ ဒီမိုကရေစီဝါဒဟာ မြန်မာနိုင်ငံမှာ ဆိတ်သုဉ်းသွားမှာကိုလည်း ကျွန်တော် အများကြီး စိုးရိမ်မိတယ်။

          ဒါကြောင့်မို့လို့ ကျွန်တော်ဟာ ဒီပြသနာတွေ၊ ပူပန်စရာတွေ စိုးရိမ်စရာတွေကို လေးလေးနက်နက် စဉ်းစားပြီး အဖြေကို ရှာခဲ့တယ်။ ကျွန်တော်ရခဲ့တဲ့ အဖြေကတော့ အခြားဟာ မဟုတ်ပါဘူး။ ခြောက်လ အတွင်းမှာ လွတ်လပ်ပြီး တရားမျှတတဲ့ ရွေးကောက်ပွဲကြီး ကျင်းပနိုင်ဖို့ကို ရှေးရှုပြီး ဗိုလ်ချုပ်နေ၀င်းကို ၀န်ကြီးချုပ်ရာထူး လက်ခံအောင် တိုက်တွန်းရတော့မှာပဲလို့ ဆုံးဖြတ်လိုက်ပါတယ်။ ဒါဟာ ကျွန်တော့်ရဲ့ အဖြေပါပဲ။

          ဗိုလ်ချုပ်နေ၀င်းဟာ မြန်မာပြည်လွတ်လပ်ရေးတိုက်ပွဲမှာ အစမှအဆုံး ပါဝင်ခဲ့သူဖြစ်ကြောင်း ဤလွှတ်တော်က သိပြီးဖြစ်တယ်လို့ ကျွန်တော်ထင်ပါတယ်။ ရှေးဦးစွာ ဗိုလ်ချုပ်အောင်ဆန်းဦးဆောင်တဲ့ ရဲဘော်သုံးကျိပ်အဖွဲ့ထဲမှာ အဖွဲ့ဝင်ရဲဘော်တစ်ဦးအနေနဲ့ လွတ်လပ်ရေးအတွက် စည်းရုံးရန် ဂျပန်ပြည်သို့ သွားခဲ့ပါတယ်။ မြန်မာပြည်ကို ဂျပန်တွေနဲ့အတူ ပြန်လာတဲ့အခါမှာ ဗိုလ်ချုပ်နေ၀င်းဟာ အခြားသော တိုင်းချစ်ပြည်ချစ်ပုဂ္ဂိုလ်များလိုပဲ ဂျန်ရဲ့ တကဲ့အကြံအစည်ကို သိလာပါတယ်။ ဒီအခါကစပြီး ဂျပန် တော်လှန်ရေး ကိစ္စတွေမှာ ခေါင်းဆောင်တစ်ဦးအနေနဲ့ ဂျပန်ကို တော်လှန်ခဲ့ပါတယ်။ ဂျပန်များ စစ်ရှုံးပြီး တဲ့နောက် ဗိုလ်ချုပ်နေ၀င်းဟာ သူ့ရဲ့စေတနာ စိတ်ဓာတ်နဲ့တကွ သူ့ရဲ့ လုပ်ရည်ကိုင်ရည်အလျောက် နိုင်ငံရေး ကိစ္စတွေမှာ ပါဝင်ဆောင်ရွက်ချင်တဲ့ ဆန္ဒရှိရင် ထိပ်တန်းကနေပြီး ပါဝင်ဆောင်ရွက်နိုင်တဲ့ ပုဂ္ဂိုလ်ဖြစ်ပါတယ်။ ဒါပေမယ့် စစ်သည်တော်သားကောင်းတစ်ယောက်ပီပီ တပ်မတော်ဆီကိုသာ ခြေဦးလှည့်ခဲ့ပါတယ်။ ဒီနောက် မြန်မာပြည်ဟာ လွတ်လပ်ရေးရတယ်။ ပုန်ကန်မှုတွေလည်း ပေ်ါ်ပေါက်လာကြတယ်။ ဒီအခါကဆိုရင် ရန်ကုန်မြို့ဟာ ရောင်စုံသူပုန်တွေကပဲ လွှမ်းမိုးနေကြတယ်။ ဒီလိုအရေးတော်ပုံ အခြေအနေကြီးကို ရောက်နေ တဲ့အခါမှာ တိုင်းပြည်ကြီးတစ်ခုလုံးဟာ ဗိုလ်ချုပ်နေ၀င်းရဲ့ အကူအညီကို တောင်းယူခဲ့ရပါတယ်။ ဗိုလ်ချုပ်နေ၀င်းဟာ ဒီလိုအခါဆိုးကြီးထဲမှာ ဒုတိယ၀န်ကြီးချုပ်အဖြစ်လည်းကောင်း၊ ကာကွယ်ရေးဝန်ကြီး အဖြစ်လည်းကောင်း၊ စစ်သေနာပတိအဖြစ်လည်းကောင်း သာမန်လူပုဂ္ဂိုလ်တို့ ဆောင်ရွက်နိုင်ခဲတဲ့ လုပ်ငန်း ကြီးများကို ရင်ဆိုင်ခဲ့သူဖြစ်ပါတယ်။ ဒါပေမယ့် အားလုံးသိကြတဲ့အတိုင်း ဗိုလ်ချုပ်နေ၀င်းဟာ ဒီလောက်ခက်ခဲ တဲ့ လုပ်ငန်းအရပ်ရပ်ကို နိုင်နိုင်နင်းနင်းဆောင်ရွက်နိုင်ခဲ့ပါတယ်။ ဒီလိုဆောင်ရွက်နိုင်ခဲ့တဲ့အတွက် ပြည်ထောင်စုကြီးရဲ့ စည်းလုံးမှုပြိုကွဲမယ့် အခြေအနေတွေ တိုင်းပြည် ကမောက်ကမဖြစ်မယ့် အခြေအနေ တွေဟာ ပပျောက်ခဲ့ရပါတယ်။ ဒါကြောင့် ဗိုလ်ချုပ်နေ၀င်းဟာ တိုင်းသူပြည်သားတွေရဲ့ အမြင်မှာဆိုရင် အာဇာနည်ခေါင်းဆောင်တစ်ဦးအဖြစ်နဲ့ ထင်ရှားလာပါတယ်။ ဒီအခါတုန်းကသာ ဗိုလ်ချုပ်နေ၀င်းဟာ နိုင်ငံရေးအာဏာရမှုကိစ္စတွေမှာ စိတ်ပါဝင်စားခြင်းရှိခဲ့ရင် သူဟာ နိုင်ငံရေးအာဏာကို လွယ်လွယ်နဲ့ ရနိုင်ဖို့ သဘောလမ်းဖြောင့်တန်းနေတာပါပဲ။ ဒါပေမယ့် သူချစ်မြတ်နိုးတဲ့ တပ်မတော်ကိုပဲ သူပြန်သွားပြီး တိုင်းပြည် ငြိမ်းချမ်းရေးအတွက် ဆက်လက်ဆောင်ရွက်ခဲ့ပါတယ်။ ဒီလိုဆောင်ရွက်နေတုန်းမှာပဲ ကူမင်တန်တရုတ်ဖြူ တွေရဲ့ ပြည်ပကျူးကျော်တိုက်ခိုက်မှုဟာ ၀င်စွက်လာပါတယ်။ ဒီအခါမှာ ဒီပြည်ပကျူးကျော်တိုက်ခိုက်မှု ကျဆုံးပျက်စီးသွားအောင်လည်း ဗိုလ်ချုပ်နေ၀င်းဟာ တစ်နှစ်အတွင်း ဆောင်ရွက်နိုင်ခဲ့ပါတယ်။ ဒါကြောင့် မို့လို့ တိုင်းပြည်မှာ အရေးကြုံလာတဲ့အခါတိုင်း ဗိုလ်ချုပ်နေ၀င်းရဲ့ အကူအညီကို တိုင်းပြည်က တောင်းခံခဲ့ရ ပါတယ်။ ဗိုလ်ချုပ်နေ၀င်းကလည်း ဦးလည်မသုန်တိုင်းပြည်ရဲ့ ဆန္ဒကို ဖြည့်ဆည်းပေးခဲ့ပါတယ်။ ဖြည့်ပေးတဲ့ အတိုင်းလည်း အောင်မြင်မှုတွေ ရခဲ့ပါတယ်။ အခုအခါမှာလည်း အရေးကြုံလာပြီလို့ ဆိုနိုင် လောက်ပါတယ်။

          ဒီလိုအရေးကြုံလာတဲ့အခါမျိုးမှာ ကျွန်တော်ဟာ ဗိုလ်ချုပ်နေ၀င်းမှတစ်ပါး ဘယ်သူ့ကို သတိရနိုင် မှာလည်း။ ဗိုလ်ချုပ်နေ၀င်းကိုသာ သတိရဖို့ရှိတာပဲ။ ဒါဟာ ဓမ္မတာပါပဲ . . .။

↧

အတ္တဟိ အတ္တနော နာထော

June 25, 2013, 1:05 am

≫ Next: Model

≪ Previous: ဦးနု ၁၉၅၈ ခုနှစ် အောက်တိုဘာလ ၂၈ ရက်နေ့ လွှတ်တော် အစီရင်ခံစာ

Photo: ‘အတ္တဟိ အတ္တနော နာထော’ ဆိုတဲ့ ပါဠိအနက်ကို မြန်မာပြန်တော့ ‘မိမိကိုယ်သာ ကိုးကွယ်ရာ’ လို့ ယေဘူယျ မှတ်သားနားလည် ထားပါတယ်။ ဒီနေရာမှာ ကျနော် ဥာဏ်မီသလောက် တွေးကြည့်မိတော့ ‘ကိုးကွယ်ရာ’ ဆိုတဲ့အတိုင်း ကိုးကွယ်ထိုက်တဲ့ ဂုဏ်အရည်အချင်း ပြည့်စုံဖို့တော့ လိုပါတယ်။ လောကီအမြင်နဲ့ ကြည့်တဲ့အခါ ‘မိမိကိုယ်သာ ကိုးကွယ်ရာ’ ဆိုတာဟာ လောကီရေးရာ ပွားစီးကြောင်း ကိုယ်တိုင်ကြိုးစားအားထုတ်မယ်။ လောကီရေးအသိအမြင်တွေ ရှင်သန်ထက်မြက်အောင် ကိုယ်တိုင် လေ့လာလိုက်စားမယ် စသဖြင့် သဘောပေါက်မိပါတယ်။ တနည်း မိမိရဲ့ ရုပ်နာမ် ခန္ဓာကိုယ်ကို အရင်းတည် အမှီပြု ကြိုးကုတ်ဆောင်ရွက်တဲ့ သဘောပေါ့လေ။ လောကုတ္တရာရေး အမြင်မှာတော့ လောကီထက် ပိုမိုသိမ်မွေ့နက်နဲမှာ အသေအချာပါပဲ။လောကုတ္တရာ (လောက ဥတ္တရာ= လောကီရေးရာတွေကို ကျော်လွှားလွန်မြောက်ခြင်း ) ဖြစ်နေလို့ပါ။ အဲဒီမှာ ခန္ဓာကိုယ် ဆိုတာကြီးကိုက မမြဲတဲ့ ပျက်တဲ့ ရုပ်နာမ် တရားအစုအဝေး ဖြစ်နေပါတယ်။ အနိစ္စ သဘောဆောင်ပြီး မမြဲတဲ့ ဒုက္ခသစ္စာ တုံးကြီး။ ဒါကြောင့် သူဖြစ်ပျက်နေတာဟာလည်း ကိုယ့်ဆန္ဒအလိုနဲ့ ကင်းကွာနေတဲ့ ကိုယ်က ထိန်းချုပ်ကန့်သတ်လို့ မရတဲ့ အနတ္တ တရားကိုယ် ပါ။ အဲဒါကြီးကို ကျနော်တို့ ဘယ်လို ကိုးကွယ်လို့ ရနိုင် ပါ့မလဲ…။ ဒီတော့ မပျက်တဲ့ မြဲတဲ့ ဥာဏ်ရအောင် ကိုယ်တိုင် ကျင့်ကြံ အားထုတ် တည်ဆောက်ရတာပါ။ ဒီနေရာမှာ ဆရာရဲ့ အခန်းကဏ္ဍ ပါဝင်လာပါပြီ။ ကိုယ်တိုင်ကျင့်ကြံအားထုတ်တယ်ဆိုလို့ ငါလုပ်ငါရ သဘောပိုက်လို့ မဖြစ်ပါဘူး။ လောကုတ္တရာရေး ပေါက်မြောက်အောင်မြင်ပြီးသား အရိယာ ဆရာမြတ်ရဲ့ သွန်သင်ဆုံးမ လမ်းပြခေါ်ဆောင်မှု အတိုင်း တသွေမတိမ်း လိုက်နာကျင့်ကြံရပါတယ်။ ပြောရရင် လောကီရေး အသိ အတတ်ပညာ မှာပင် ဆရာရဲ့အခန်းကဏ္ဍ အရေးကြီးပါတယ်။ ဥပမာလေး တခု ပြောရရင် တချိန်က ကျနော်တို့ အင်္ဂလိပ်စာ လေ့လာခဲ့ကြတယ် .. အဲဒီမှာ သင်တန်းပို့ချ ပေးသူက ခင်မင်ရင်းနှီးတဲ့ သူငယ်ချင်း တဦးပါ။ သူက ရန်ကုန်တက္ကသိုလ်မှာ ဥပဒေ ဘာသာရပ်အဓိကနဲ့ နောက်ဆုံးနှစ် တက်နေတုန်း ၈၈ ကျောင်းသားလှုပ်ရှားမှုမှာ ပါဝင်ခဲ့ပြီး နှစ်ရှည်ထောင်ကျခဲ့ပါတယ်။ ထောင်ထဲမှာရှိနေစဉ် တခြားအင်္ဂလိပ်စာတတ် ပုဂ္ဂိုလ်ကြီးတချို့ထံကနေ အင်္ဂလိပ်စာ လေ့လာသင်ယူလာခဲ့ပြီး အပြင်ပြန်ရောက် တဲ့အခါ ပြန်လည် သင်ပြပေးနေသူပါ။ ခက်တာက ကျနော်တို့ လူမျိုးထဲက တချို့လူတွေရဲ့ တလွဲမာန လေးတွေပါ။ လူတဖက်သားကို ဆရာခေါ်ဖို့ အင်မတန် ဝန်လေးတတ်ကြတယ်။ ဒါနဲ့ပဲ ကျနော့်လို ကျောင်းမတက်ဘဲ ကိုယ့်ဘာသာ လေ့လာသူတွေ ရှိခဲ့တယ်။ သူတို့က ကျနော်ကိုလည်း ပြောကြတယ်။ ‘ခင်ဗျားဗျာ ကိုယ်တိုင်လည်း ဘွဲ့ရပြီးသားဟာ သူများဆီ ဘာလို့ တပည့်ခံနေတုန်း … ကိုယ့်ဘာသာ လေ့လာပေါ့’ တဲ့။ ကျနော် ပြုံးပြုံးလေးပဲ တုန့်ပြန်လိုက်ပါတယ်။ ‘ကိုယ့်ဘာသာ လေ့လာတယ်ဆိုတာ ရေသေမှာကူးရသလိုပဲ ကိုယ်က လှုပ်သလောက်ပဲ ရွေ့တာ .. သင်တန်းကျောင်းကျတော့ သင်တဲ့လူက အာပေါက်အောင် ရှင်းပြတာကို ကျနော်က ငြိမ်ငြိမ်လေးထိုင် နားစိုက်ထောင်လိုက်ရုံနဲ့ ရေရှင်မှာ ကိုယ်ဖော့ထားသလို သူ့အလိုလို ရွေ့နေတာဗျ’ လို့လေ။ တကယ်လည်း ဟုတ်ပါတယ်။ ၆ လလောက်အတွင်း ကျနော် အရင်ထက် အများကြီးတိုးတက် သွားတယ်။ စာသင်ပေးတဲ့ သူငယ်ချင်းကိုလည်း ကျနော် ဆရာခေါ်စရာ မလိုခဲ့ပါဘူး။ ရင်ထဲက အသိအမှတ် ပြုထားလိုက်ရုံပဲ။ ဆိုလိုတာက လောကီပညာရှာရာမှာတောင် ဆရာရဲ့အပိုင်းက ဒီလောက် အရေးပါလှတာ။ လောကီကို လွန်မြောက်တဲ့ လောကုတ္တရာကူးရောက်ရေးလမ်း… ၃၁ ဘုံသံသရာကို ဖြတ်ထွက်ရတဲ့ မဂ်ဥာဏ်ဖိုလ်ဥာဏ် တည်ဆောက်ရေးလမ်းမှာ ဆရာရဲ့ အခန်းကဏ္ဍဟာ ဘယ်လိုမှ ဖယ်ရှားလို့ မရတဲ့ အပိုင်းဖြစ်ပါတယ်။ တခါတတခါမှာ… သင်ကြားပြသပေးတဲ့ ဆရာမပါဘဲ ကိုယ်တိုင်ကျင့်ကြံအားထုတ်လို့ အရိယာဖြစ်တယ် ဆိုတဲ့ အရေးအသားမျိုးကို ဖတ်ရတဲ့အခါ ရင်သပ်အံ့သြမကုန် ဖြစ်ရပြန်ပါတယ်။ တရားရသွားတဲ့ အရိယာမြတ် ပုဂ္ဂိုလ် ကိုယ်တိုင်ရဲ့ နှုတ်ထွက်စကားလား … တဆင့်ခံပြန်ပြောသူရဲ့ မှန်းဆချက်လားဆိုတာကိုလည်း သိချင်စိတ် ဖြစ်မိပါတယ်။ ဒီသာသနာမှာ ဆရာမကူ မိမိအလိုလိုကျင့်ကြံအားထုတ်မှုနဲ့ သဗ္ဗညုတ ရွှေဥာဏ်တော်ကို တံခွန်ထူ တည်ဆောက်နိုင်တာ မြတ်စွာဘုရားသခင်ကိုယ်တော်မြတ်ကြီး တပါးတည်းသာ ရှိကြောင်း အခိုင်အမာ ရှိထားပြီးသားပါ။ ကျန်သော အရိယာမြတ် ပုဂ္ဂိုလ်အပေါင်းတို့ဟာ ဘုရား၊ တရား၊ သံဃာ (ရတနာသုံးပါး) ကို အထွဋ်အမြတ်ထား ယုံကြည်ကိုးကွယ်ပြီးမှ ဆရာသမားလမ်းညွှန်သွန်သင်မှုနဲ့သာ မဂ်ဥာဏ်ဖိုလ်ဥာဏ် ရရှိ ခံစားနိုင်တယ်လို့ ကျနော်ယုံကြည်ပါတယ်။ ဆရာဆိုတဲ့ နေရာမှာ ရဟန်းဖြစ်နိုင်ပါတယ်။ လူဝတ်ကြောင်လည်း ဖြစ်နိုင်ပါတယ်။ ဘယ်လိုလူဖြစ်ဖြစ် အရိယာ ပုဂ္ဂိုလ်မြတ် ဖြစ်ရပါမယ်။ အကန်းကိုအကန်း တုတ်ဆွဲလမ်း လျှောက်လို့ လိုရာ ခရီးမပေါက်နိုင်လို့ပါ။ ဒါနဲ့ပတ်သက်ပြီး မှတ်သားမိတာလေး တခု တင်ပြချင်ပါတယ်။ တခါက ဆရာမကြီးဒေါ်ခင်မျိုးချစ်က ရဟန်းတော် တပါးကို လျှောက်ထားဖူးပါတယ်။ ‘အရှင်ဘုရား မြတ်စွာဘုရားသခင်ကိုယ်တော်မြတ်ကြီး ဟောကြားခဲ့တဲ့ တရားတော်များနဲ့ ကျင့်စဉ်တွေဟာ ခက်ခဲနက်နဲတဲ့အတွက် သာမန်ပုထုဇဉ်တွေ အလွယ်တကူ နားလည်သဘောပေါက်နိုင်စွမ်း မရှိဘူးလို့ သိရပါတယ်။ ဒါဆိုရင် ကမ္ဘာ့လူသားတွေထဲမှာ သူများထက် ဦးခေါင်း တလုံးမြင့်တဲ့ တွေးခေါ်ပညာကြွယ်ဝသော အိုင်းစတိုင်း၊ ဘာထရန်ရပ်ဆဲလ် တို့လို တွေးခေါ်ရှင်ကြီးတွေကို မြတ်စွာဘုရားသခင် ကိုယ်တော်မြတ်ကြီးရဲ့ တရားလမ်းစဉ်အတိုင်း ကျင့်ကြံအားထုတ်စေမယ်ဆိုရင် လွယ်လွယ်ကူကူ တရားရနိုင်မယ် ထင်ပါသလား’ လို့ သဘောရတဲ့ မေးခွန်းလျှောက်ထားတဲ့အခါ ဆရာတော်က ‘မရနိုင်ဘူး’ တိုတိုပဲ ဖြေပါတယ်။ ဘာကြောင့်ဆို ဗုဒ္ဓဘာသာဝင်တဦးအနေနဲ့ ရတနာသုံးပါးကို အကြွင်းမဲ့အထွဋ် အမြတ်ထား သက်ဝင်ယုံကြည်မှု ရှိပါမှ မဂ်လမ်းဖိုလ်လမ်းပွင့်တဲ့ အကျင့်မြတ်ကို ကျင့်ကြံလို့ အရာရောက် ပါတယ်။ လောကီရေးရာ တွေးခေါ်ဆင်ခြင်တုံတရား မည်မျှ ကြွယ်ဝပါစေ အဲဒီလို မယုံကြည်နိုင်သူအဖို့ အကျင့်မြတ်ကို ကျင့်နိုင်ဖို့မပြောနဲ့ ဗုဒ္ဓဘာသာဝင်လို့တောင် ပြောလို့မရနိုင်တဲ့ အနေအထားဖြစ်ကြောင်း ရှင်းပြတယ်လို့ ကြားဖူးပါတယ်။ ဒါဆိုရင် ဒီသာသနာတော်ကို မြတ်စွာဘုရားသခင်ကိုယ်တော်မြတ်ကြီး လက်ထက်တော်ကစပြီး ယနေ့ထက်တိုင် ရှင်သန်တည်တံ့အောင် အဓိကနေရာက လက်ဆင့်ကမ်းခဲ့သူတွေဟာ ရဟန်းတော်အရှင်မြတ်တွေဆိုတာ ဗုဒ္ဓဘာသာဝင်တွေအတွက် အငြင်းပွားဖွယ် မရှိဘူးထင်ပါတယ်။ ပဋိယတ်၊ ပဋိပတ်၊ ပဋိဝေဒ သာသနာသုံးရပ် ထွန်းကားတယ် ဆိုရာမှာလည်း သံသရာကလွတ်မြောက်ရာ မြတ်နိဗ္ဗာန်နန်းကို စံမြန်းနိုင်တဲ့ တရားဓမ္မတွေ လေ့လာသင်ယူပြီး မှန်ကန်တဲ့အကျင့်မြတ်တွေနဲ့ ကျင့်ကြံပွားများနိုင်လို့သာ အရိယာသူတော်စင်မြတ်တွေ မပြတ်တမ်းပေါ်ထွက်နေတာပါ။ သာသနာတွင်းကာလလို့ ရည်ညွှန်းပြောဆိုတဲ့အခါတိုင်း ရဟန္တာမဆိတ်သုန်း သေးဘူး ဆိုတဲ့ ဝေါဟာရနဲ့ ချိတ်ဆက်ပြောဆိုလေ့ ရှိပါတယ်။ ကျနော်တို့ကိုးကွယ်နေတဲ့ သာသနာရဲ့ အန္တိမ ရည်မှန်းချက်က ၃၁ ဘုံသံသရာမှ အပြီးတိုင် လွတ်မြောက်ပြီး သန္တိသုခ မြတ်နိဗ္ဗာန်ကို စံမြန်းနိုင်ဖို့ ဖြစ်ပါတယ်။ အဲဒီ မြတ်နိဗ္ဗာန်ကို မျက်မှောက်ပြုဝင်စားနိုင်တဲ့ စာပေ ကျမ်းဂန်တွေနဲ့ ကျင့်စဉ်မှန် တွေဟာ ထေရဝါဒ ဗုဒ္ဓသာသနာ အတွင်းမှာပဲ ရှိပါတယ်။ မဟာယန မှာမရှိပါ။ မြတ်ဗုဒ္ဓသာသနာ သက်တမ်း ကာလတခုအရောက်မှာ ထေရဝါဒနဲ့ မဟာယန ရယ်လို့ အတိအလင်း ကွဲပြား ခဲ့တာလည်း သာသနာရဲ့ လိုအပ်ချက်အရပါ။ အဲဒီနှစ်ခု လောကီရေးမှာ တူသယောင် အချက်တွေ ရှိနေနိုင်ပေမဲ့ လောကုတ္တရာရေး ရည်မှန်းချက်ချင်း လုံးဝမတူတာကိုလည်း ကျနော်တို့တတွေ သိထားကြပါတယ်။ ဒါကြောင့်မို့ သာသနာကို ထေရ်ရဟန်းတော်တွေ လက်ဆင့်ကမ်း သယ်ဆောင်လာခဲ့တယ်။ ထေရ်ရဟန်းတွေ ထဲမှာ လောကုတ္တရာရေး ပေါက်မြောက်အောင်မြင်တဲ့ အရိယာသူတော်စင်မြတ်တွေ ပေါ်ထွန်းခဲ့တယ်.. ပေါ်ထွန်းနေဆဲလည်း ဖြစ်ပါတယ်။ အဲဒီသာသနာဟာ ထေရဝါဒ ဗုဒ္ဓသာသနာဖြစ်တယ်။ ကျနော်တို့မြန်မာနိုင်ငံ ဟာ ထေရဝါဒ ဗုဒ္ဓသာသနာ ကိုးကွယ်တဲ့ နိုင်ငံဖြစ်ပါတယ်။ ကျနော့်အဖို့တော့ အဲဒီအတိုင်းပဲ မမှိတ်မသုန် ယုံကြည်ပါတယ်။ ဒီနေရာမှာ ကျနော်နဲ့ အမြင်ကွဲလွဲသူတွေ အတွက် မည်သို့မျှ သဘောမထားပါ။ ယခုလို ရေးသားရာမှာ သုတယမဥာဏ် နဲ့ စိန္တာမယဥာဏ် ဆိုတဲ့ ဖတ်ဖူး ကြားနားဖူးသမျှလေးကို တွေးတောဆင်ခြင်မှုပြုတဲ့ အသိဥာဏ်လေးကို အခြေခံရေးသားတာမို့ လိုအပ်ချက် တွေကို ဖြည့်စွက်ဆွေးနွေးကြစေလိုပါတယ် … ကြိုက်သလို ဝေဖန်မှုလည်း ပြုနိုင်ပါတယ် ခင်ဗျား… သညာသိ နေမင်းသူ

‘အတ္တဟိ အတ္တနော နာထော’

ဆိုတဲ့ ပါဠိအနက်ကို မြန်မာပြန်တော့ ‘မိမိကိုယ်သာ ကိုးကွယ်ရာ’ လို့ ယေဘူယျ မှတ်သားနားလည် ထားပါတယ်။ ဒီနေရာမှာ ကျနော် ဥာဏ်မီသလောက် တွေးကြည့်မိတော့ ‘ကိုးကွယ်ရာ’ ဆိုတဲ့အတိုင်း ကိုးကွယ်ထိုက်တဲ့ ဂုဏ်အရည်အချင်း ပြည့်စုံဖို့တော့ လိုပါတယ်။

လောကီအမြင်နဲ့ ကြည့်တဲ့အခါ ‘မိမိကိုယ်သာ ကိုးကွယ်ရာ’ ဆိုတာဟာ လောကီရေးရာ ပွားစီးကြောင်း ကိုယ်တိုင်ကြိုးစားအားထုတ်မယ်။ လောကီရေးအသိအမြင်တွေ ရှင်သန်ထက်မြက်အောင် ကိုယ်တိုင် လေ့လာလိုက်စားမယ် စသဖြင့် သဘောပေါက်မိပါတယ်။ တနည်း မိမိရဲ့ ရုပ်နာမ် ခန္ဓာကိုယ်ကို အရင်းတည် အမှီပြု ကြိုးကုတ်ဆောင်ရွက်တဲ့ သဘောပေါ့လေ။

လောကုတ္တရာရေး အမြင်မှာတော့ လောကီထက် ပိုမိုသိမ်မွေ့နက်နဲမှာ အသေအချာပါပဲ။လောကုတ္တရာ (လောက ဥတ္တရာ= လောကီရေးရာတွေကို ကျော်လွှားလွန်မြောက်ခြင်း ) ဖြစ်နေလို့ပါ။ အဲဒီမှာ ခန္ဓာကိုယ် ဆိုတာကြီးကိုက မမြဲတဲ့ ပျက်တဲ့ ရုပ်နာမ် တရားအစုအဝေး ဖြစ်နေပါတယ်။ အနိစ္စ သဘောဆောင်ပြီး မမြဲတဲ့ ဒုက္ခသစ္စာ တုံးကြီး။ ဒါကြောင့် သူဖြစ်ပျက်နေတာဟာလည်း ကိုယ့်ဆန္ဒအလိုနဲ့ ကင်းကွာနေတဲ့ ကိုယ်က ထိန်းချုပ်ကန့်သတ်လို့ မရတဲ့ အနတ္တ တရားကိုယ် ပါ။ အဲဒါကြီးကို ကျနော်တို့ ဘယ်လို ကိုးကွယ်လို့ ရနိုင် ပါ့မလဲ…။

ဒီတော့ မပျက်တဲ့ မြဲတဲ့ ဥာဏ်ရအောင် ကိုယ်တိုင် ကျင့်ကြံ အားထုတ် တည်ဆောက်ရတာပါ။ ဒီနေရာမှာ ဆရာရဲ့ အခန်းကဏ္ဍ ပါဝင်လာပါပြီ။ ကိုယ်တိုင်ကျင့်ကြံအားထုတ်တယ်ဆိုလို့ ငါလုပ်ငါရ သဘောပိုက်လို့ မဖြစ်ပါဘူး။ လောကုတ္တရာရေး ပေါက်မြောက်အောင်မြင်ပြီးသား အရိယာ ဆရာမြတ်ရဲ့ သွန်သင်ဆုံးမ လမ်းပြခေါ်ဆောင်မှု အတိုင်း တသွေမတိမ်း လိုက်နာကျင့်ကြံရပါတယ်။ ပြောရရင် လောကီရေး အသိ အတတ်ပညာ မှာပင် ဆရာရဲ့အခန်းကဏ္ဍ အရေးကြီးပါတယ်။

ဥပမာလေး တခု ပြောရရင် တချိန်က ကျနော်တို့ အင်္ဂလိပ်စာ လေ့လာခဲ့ကြတယ် .. အဲဒီမှာ သင်တန်းပို့ချ ပေးသူက ခင်မင်ရင်းနှီးတဲ့ သူငယ်ချင်း တဦးပါ။ သူက ရန်ကုန်တက္ကသိုလ်မှာ ဥပဒေ ဘာသာရပ်အဓိကနဲ့ နောက်ဆုံးနှစ် တက်နေတုန်း ၈၈ ကျောင်းသားလှုပ်ရှားမှုမှာ ပါဝင်ခဲ့ပြီး နှစ်ရှည်ထောင်ကျခဲ့ပါတယ်။ ထောင်ထဲမှာရှိနေစဉ် တခြားအင်္ဂလိပ်စာတတ် ပုဂ္ဂိုလ်ကြီးတချို့ထံကနေ အင်္ဂလိပ်စာ လေ့လာသင်ယူလာခဲ့ပြီး အပြင်ပြန်ရောက် တဲ့အခါ ပြန်လည် သင်ပြပေးနေသူပါ။ ခက်တာက ကျနော်တို့ လူမျိုးထဲက တချို့လူတွေရဲ့ တလွဲမာန လေးတွေပါ။ လူတဖက်သားကို ဆရာခေါ်ဖို့ အင်မတန် ဝန်လေးတတ်ကြတယ်။ ဒါနဲ့ပဲ ကျနော့်လို ကျောင်းမတက်ဘဲ ကိုယ့်ဘာသာ လေ့လာသူတွေ ရှိခဲ့တယ်။ သူတို့က ကျနော်ကိုလည်း ပြောကြတယ်။ ‘ခင်ဗျားဗျာ ကိုယ်တိုင်လည်း ဘွဲ့ရပြီးသားဟာ သူများဆီ ဘာလို့ တပည့်ခံနေတုန်း … ကိုယ့်ဘာသာ လေ့လာပေါ့’ တဲ့။ ကျနော် ပြုံးပြုံးလေးပဲ တုန့်ပြန်လိုက်ပါတယ်။ ‘ကိုယ့်ဘာသာ လေ့လာတယ်ဆိုတာ ရေသေမှာကူးရသလိုပဲ ကိုယ်က လှုပ်သလောက်ပဲ ရွေ့တာ .. သင်တန်းကျောင်းကျတော့ သင်တဲ့လူက အာပေါက်အောင် ရှင်းပြတာကို ကျနော်က ငြိမ်ငြိမ်လေးထိုင် နားစိုက်ထောင်လိုက်ရုံနဲ့ ရေရှင်မှာ ကိုယ်ဖော့ထားသလို သူ့အလိုလို ရွေ့နေတာဗျ’ လို့လေ။ တကယ်လည်း ဟုတ်ပါတယ်။ ၆ လလောက်အတွင်း ကျနော် အရင်ထက် အများကြီးတိုးတက် သွားတယ်။ စာသင်ပေးတဲ့ သူငယ်ချင်းကိုလည်း ကျနော် ဆရာခေါ်စရာ မလိုခဲ့ပါဘူး။ ရင်ထဲက အသိအမှတ် ပြုထားလိုက်ရုံပဲ။

ဆိုလိုတာက လောကီပညာရှာရာမှာတောင် ဆရာရဲ့အပိုင်းက ဒီလောက် အရေးပါလှတာ။ လောကီကို လွန်မြောက်တဲ့ လောကုတ္တရာကူးရောက်ရေးလမ်း… ၃၁ ဘုံသံသရာကို ဖြတ်ထွက်ရတဲ့ မဂ်ဥာဏ်ဖိုလ်ဥာဏ် တည်ဆောက်ရေးလမ်းမှာ ဆရာရဲ့ အခန်းကဏ္ဍဟာ ဘယ်လိုမှ ဖယ်ရှားလို့ မရတဲ့ အပိုင်းဖြစ်ပါတယ်။ တခါတတခါမှာ… သင်ကြားပြသပေးတဲ့ ဆရာမပါဘဲ ကိုယ်တိုင်ကျင့်ကြံအားထုတ်လို့ အရိယာဖြစ်တယ် ဆိုတဲ့ အရေးအသားမျိုးကို ဖတ်ရတဲ့အခါ ရင်သပ်အံ့သြမကုန် ဖြစ်ရပြန်ပါတယ်။ တရားရသွားတဲ့ အရိယာမြတ် ပုဂ္ဂိုလ် ကိုယ်တိုင်ရဲ့ နှုတ်ထွက်စကားလား … တဆင့်ခံပြန်ပြောသူရဲ့ မှန်းဆချက်လားဆိုတာကိုလည်း သိချင်စိတ် ဖြစ်မိပါတယ်။

ဒီသာသနာမှာ ဆရာမကူ မိမိအလိုလိုကျင့်ကြံအားထုတ်မှုနဲ့ သဗ္ဗညုတ ရွှေဥာဏ်တော်ကို တံခွန်ထူ တည်ဆောက်နိုင်တာ မြတ်စွာဘုရားသခင်ကိုယ်တော်မြတ်ကြီး တပါးတည်းသာ ရှိကြောင်း အခိုင်အမာ ရှိထားပြီးသားပါ။ ကျန်သော အရိယာမြတ် ပုဂ္ဂိုလ်အပေါင်းတို့ဟာ ဘုရား၊ တရား၊ သံဃာ (ရတနာသုံးပါး) ကို အထွဋ်အမြတ်ထား ယုံကြည်ကိုးကွယ်ပြီးမှ ဆရာသမားလမ်းညွှန်သွန်သင်မှုနဲ့သာ မဂ်ဥာဏ်ဖိုလ်ဥာဏ် ရရှိ ခံစားနိုင်တယ်လို့ ကျနော်ယုံကြည်ပါတယ်။ ဆရာဆိုတဲ့ နေရာမှာ ရဟန်းဖြစ်နိုင်ပါတယ်။ လူဝတ်ကြောင်လည်း ဖြစ်နိုင်ပါတယ်။ ဘယ်လိုလူဖြစ်ဖြစ် အရိယာ ပုဂ္ဂိုလ်မြတ် ဖြစ်ရပါမယ်။ အကန်းကိုအကန်း တုတ်ဆွဲလမ်း လျှောက်လို့ လိုရာ ခရီးမပေါက်နိုင်လို့ပါ။

ဒါနဲ့ပတ်သက်ပြီး မှတ်သားမိတာလေး တခု တင်ပြချင်ပါတယ်။ တခါက ဆရာမကြီးဒေါ်ခင်မျိုးချစ်က ရဟန်းတော် တပါးကို လျှောက်ထားဖူးပါတယ်။ ‘အရှင်ဘုရား မြတ်စွာဘုရားသခင်ကိုယ်တော်မြတ်ကြီး ဟောကြားခဲ့တဲ့ တရားတော်များနဲ့ ကျင့်စဉ်တွေဟာ ခက်ခဲနက်နဲတဲ့အတွက် သာမန်ပုထုဇဉ်တွေ အလွယ်တကူ နားလည်သဘောပေါက်နိုင်စွမ်း မရှိဘူးလို့ သိရပါတယ်။ ဒါဆိုရင် ကမ္ဘာ့လူသားတွေထဲမှာ သူများထက် ဦးခေါင်း တလုံးမြင့်တဲ့ တွေးခေါ်ပညာကြွယ်ဝသော အိုင်းစတိုင်း၊ ဘာထရန်ရပ်ဆဲလ် တို့လို တွေးခေါ်ရှင်ကြီးတွေကို မြတ်စွာဘုရားသခင် ကိုယ်တော်မြတ်ကြီးရဲ့ တရားလမ်းစဉ်အတိုင်း ကျင့်ကြံအားထုတ်စေမယ်ဆိုရင် လွယ်လွယ်ကူကူ တရားရနိုင်မယ် ထင်ပါသလား’ လို့ သဘောရတဲ့ မေးခွန်းလျှောက်ထားတဲ့အခါ ဆရာတော်က ‘မရနိုင်ဘူး’ တိုတိုပဲ ဖြေပါတယ်။ ဘာကြောင့်ဆို ဗုဒ္ဓဘာသာဝင်တဦးအနေနဲ့ ရတနာသုံးပါးကို အကြွင်းမဲ့အထွဋ် အမြတ်ထား သက်ဝင်ယုံကြည်မှု ရှိပါမှ မဂ်လမ်းဖိုလ်လမ်းပွင့်တဲ့ အကျင့်မြတ်ကို ကျင့်ကြံလို့ အရာရောက် ပါတယ်။ လောကီရေးရာ တွေးခေါ်ဆင်ခြင်တုံတရား မည်မျှ ကြွယ်ဝပါစေ အဲဒီလို မယုံကြည်နိုင်သူအဖို့ အကျင့်မြတ်ကို ကျင့်နိုင်ဖို့မပြောနဲ့ ဗုဒ္ဓဘာသာဝင်လို့တောင် ပြောလို့မရနိုင်တဲ့ အနေအထားဖြစ်ကြောင်း ရှင်းပြတယ်လို့ ကြားဖူးပါတယ်။

ဒါဆိုရင် ဒီသာသနာတော်ကို မြတ်စွာဘုရားသခင်ကိုယ်တော်မြတ်ကြီး လက်ထက်တော်ကစပြီး ယနေ့ထက်တိုင် ရှင်သန်တည်တံ့အောင် အဓိကနေရာက လက်ဆင့်ကမ်းခဲ့သူတွေဟာ ရဟန်းတော်အရှင်မြတ်တွေဆိုတာ ဗုဒ္ဓဘာသာဝင်တွေအတွက် အငြင်းပွားဖွယ် မရှိဘူးထင်ပါတယ်။ ပဋိယတ်၊ ပဋိပတ်၊ ပဋိဝေဒ သာသနာသုံးရပ် ထွန်းကားတယ် ဆိုရာမှာလည်း သံသရာကလွတ်မြောက်ရာ မြတ်နိဗ္ဗာန်နန်းကို စံမြန်းနိုင်တဲ့ တရားဓမ္မတွေ လေ့လာသင်ယူပြီး မှန်ကန်တဲ့အကျင့်မြတ်တွေနဲ့ ကျင့်ကြံပွားများနိုင်လို့သာ အရိယာသူတော်စင်မြတ်တွေ မပြတ်တမ်းပေါ်ထွက်နေတာပါ။ သာသနာတွင်းကာလလို့ ရည်ညွှန်းပြောဆိုတဲ့အခါတိုင်း ရဟန္တာမဆိတ်သုန်း သေးဘူး ဆိုတဲ့ ဝေါဟာရနဲ့ ချိတ်ဆက်ပြောဆိုလေ့ ရှိပါတယ်။

ကျနော်တို့ကိုးကွယ်နေတဲ့ သာသနာရဲ့ အန္တိမ ရည်မှန်းချက်က ၃၁ ဘုံသံသရာမှ အပြီးတိုင် လွတ်မြောက်ပြီး သန္တိသုခ မြတ်နိဗ္ဗာန်ကို စံမြန်းနိုင်ဖို့ ဖြစ်ပါတယ်။ အဲဒီ မြတ်နိဗ္ဗာန်ကို မျက်မှောက်ပြုဝင်စားနိုင်တဲ့ စာပေ ကျမ်းဂန်တွေနဲ့ ကျင့်စဉ်မှန် တွေဟာ ထေရဝါဒ ဗုဒ္ဓသာသနာ အတွင်းမှာပဲ ရှိပါတယ်။ မဟာယန မှာမရှိပါ။ မြတ်ဗုဒ္ဓသာသနာ သက်တမ်း ကာလတခုအရောက်မှာ ထေရဝါဒနဲ့ မဟာယန ရယ်လို့ အတိအလင်း ကွဲပြား ခဲ့တာလည်း သာသနာရဲ့ လိုအပ်ချက်အရပါ။ အဲဒီနှစ်ခု လောကီရေးမှာ တူသယောင် အချက်တွေ ရှိနေနိုင်ပေမဲ့ လောကုတ္တရာရေး ရည်မှန်းချက်ချင်း လုံးဝမတူတာကိုလည်း ကျနော်တို့တတွေ သိထားကြပါတယ်။

ဒါကြောင့်မို့ သာသနာကို ထေရ်ရဟန်းတော်တွေ လက်ဆင့်ကမ်း သယ်ဆောင်လာခဲ့တယ်။ ထေရ်ရဟန်းတွေ ထဲမှာ လောကုတ္တရာရေး ပေါက်မြောက်အောင်မြင်တဲ့ အရိယာသူတော်စင်မြတ်တွေ ပေါ်ထွန်းခဲ့တယ်.. ပေါ်ထွန်းနေဆဲလည်း ဖြစ်ပါတယ်။ အဲဒီသာသနာဟာ ထေရဝါဒ ဗုဒ္ဓသာသနာဖြစ်တယ်။ ကျနော်တို့မြန်မာနိုင်ငံ ဟာ ထေရဝါဒ ဗုဒ္ဓသာသနာ ကိုးကွယ်တဲ့ နိုင်ငံဖြစ်ပါတယ်။

ကျနော့်အဖို့တော့ အဲဒီအတိုင်းပဲ မမှိတ်မသုန် ယုံကြည်ပါတယ်။ ဒီနေရာမှာ ကျနော်နဲ့ အမြင်ကွဲလွဲသူတွေ အတွက် မည်သို့မျှ သဘောမထားပါ။ ယခုလို ရေးသားရာမှာ သုတယမဥာဏ် နဲ့ စိန္တာမယဥာဏ် ဆိုတဲ့ ဖတ်ဖူး ကြားနားဖူးသမျှလေးကို တွေးတောဆင်ခြင်မှုပြုတဲ့ အသိဥာဏ်လေးကို အခြေခံရေးသားတာမို့ လိုအပ်ချက် တွေကို ဖြည့်စွက်ဆွေးနွေးကြစေလိုပါတယ် … ကြိုက်သလို ဝေဖန်မှုလည်း ပြုနိုင်ပါတယ် ခင်ဗျား…

သညာသိ နေမင်းသူ

24-04-2013

↧