Quantcast
Channel: ဘ၀ခြေရာ
Viewing all 1811 articles
Browse latest View live

"ဂျူလိုင် ၁၉ လုပ်ကြံမှုကြီး ကိုယ်တွေ့ကြုံသူတို့၏ပြောကြားချက်များ"

0
0

 

July 20, 2012 at 2:31am

- ဦးဘဂျမ်း

ထိုနေ့က ၀န်ကြီးများအစည်းအဝေးသည် အတွင်းဝန်များရုံး အဆောက်အဦး ဗိုလ်ချုပ်အောင်ဆန်း၏
ရုံးခန်းတွင် ဂ ငယ်ပုံ အစည်းအဝေးစာပွဲကြီး၌ နံနက် ၁၀ နာရီခန့်အချိန်တွင် စတင်ကျင်းပရာ
ထိပ်စာပွဲအလယ်၌ ဗိုလ်ချုပ်အောင်ဆန်းထိုင်သည်။ ဗိုလ်ချုပ်၏ လက်ဝဲဖက်၌ ၀န်ကြီးများအဖွဲ့
အတွင်းဝန် ဦးရွှေဘော်သည်လည်းကောင်း ၊ လက်ယာဖက်စာပွဲ၌ သခင်မြ ၊ ဦးရာဇတ် ၊ ဒီးဒုတ်ဦးဘချို ၊
ဦးဘ၀င်း နှင့် မန်းဘခိုင် တို့ အစဉ်အတိုင်းသည် လည်းကောင်း ၊ လက်ဝဲဘက်စာပွဲ၌ ဦးဘဂျမ်း ၊
ဦးအောင်ဇံဝေ ၊ ပျော်ဘွယ်ဦးမြ ၊ မိုင်းပွန်စော်ဘွားကြီး တို့ အစဉ်အတိုင်းသည် လည်းကောင်း ထိုင်ကြပြီးလျှင်လက်ယာဖက် သခင်မြတို့ စာပွဲထိပ်ရှိ ကုလားထိုင်၌ အစည်းအဝေးတွင် စဉ်းစားသောကိစ္စနှင့်သက်ဆိုင်သည့် ၀န်ကြီးဌာန၏ အတွင်းဝန်က ထိုင်ရသည်။



နံနက် ၁၀ နာရီ မိနစ် ၃၀ ခန့်တွင် လူသတ်သမားများရောက်လာချိန်၌ ၀န်ကြီးများ အစည်းအဝေးတွင်
ရှိနေသော အလှည့်ကျ အစိုးရအတွင်းဝန်မှာ ဦးအုန်းမောင်ဖြစ်သည်။ ဦးအုန်းမောင် ရောက်လာပြီး
သုံးလေးမိနစ်ခန့်အကြာတွင် လူသတ်သမားများ ရောက်လာခြင်းဖြစ်သည်။ အစည်းအဝေးအစီအစဉ်အရ
ထိုအချိန်သည် ဦးအုန်းမောင်၏ အလှည့် မကျရောက်သေး။ သံအမတ်ဟောင်း (ထိုအချိန်က အတွင်းဝန်) ဦးကြင်၏
အလှည့် ဖြစ်သည်။ ဦးအုန်းမောင်က မိမိတွင် အခြားအရေးကြီးသော ကိစ္စတခု ရှိနေသေးကြောင်း ဦးကြင်အား
ပြောပြခွင့်ပန်ပြီးလျှင် အစည်းအဝေးသို့ ဦးစွာလာ၍ သူရေးထားသည့် သယ်ယူပို့ဆောင်ရေး စီမံကိန်းအကြောင်း ရှင်းလင်းတင်ပြထားခြင်း ဖြစ်သည်။ အကယ်၍သာ အစည်းအဝေးအစီအစဉ်အတိုင်း စဉ်းစားဖြစ်လျှင်
(သို့တည်းမဟုတ်) လူသတ်သမားများ ငါးမိနစ်ခန့်စော၍ ရောက်လျှင် ခေါင်းဆောင်ကြီးများ လုပ်ကြံခံရသည့်
ရင်နင့်ဖွယ်ကိစ္စတွင် ဦးအုန်းမောင်၏ အသက်တချောင်း အဆစ်ပါသွားခဲ့မည် မဟုတ်ပေ။


ထိုနေ့က ကျွန်တော်ထိုင်သော နေရာသည် လူသတ်သမားများ ၀င်လာသောတံခါးကို မျက်နှာမူလျက် ဖြစ်သည်။
တံခါးစောင့်ရုံးစေကို ဖယ်ရှား၍ တံခါးကိုတွန်းပြီးဝင်လာကြသော စစ်ဝတ်စုံဝတ် လူသုံးလေးယောက်ကို
မြင်ရသောအခါ ကျွန်တော်၏စိတ်၌ အရေးတကြီးကိစ္စတခုအတွက် ဗိုလ်ချုပ်ထံသို့ သတင်းပို့ရန် လာခြင်းဖြစ်မည် ၊
ဒို့လူတွေဟာ နားမလည်ချက် ဆိုးရွားလှသေးသည် ၊ ၀န်ကြီးများ အစည်းအဝေးခန်းထဲ လာတာတောင်
သေနတ်တွေ အပြင်မှာမထားခဲ့ဖူး ၊ ဗိုလ်ချုပ်အား သူ့လူတွေ ဤကဲ့သို့ နောက်မလုပ်ရန် ဆုံးမထားပါဟု
ပြောဦးမည် စိတ်ကူးနေစဉ် ရှေ့ဆုံးမှဝင်လာသူသည် အစည်းအဝေးစာပွဲကြီး၏ ဂ ငယ်ပုံအ၀မှဝင်၍ အလယ်၌
ခြေစုံရပ်ပြီးလျှင် ဗိုလ်ချုပ်အားစ၍ ပစ်လေတော့သည်။ ဗိုလ်ချုပ်သည် ထိုင်ရာမှထ၍ လက်ကာပြပြီးလျှင် တခုခု အော်၍ပြောသည်။ ကောင်းကောင်းနားမလည်လိုက်ပါ။ လူသတ်သမားများ ပစ်ခတ်နေစဉ် ဗိုလ်ချုပ်သည် သူ၏လက်ယာဖက် နောက်ဆွယ်တွင်ရှိသေူ ရုံးစာပွဲသို့သွားရာမရောက်မီ စာပွဲ ၂ ခုအကြား၌ ကျဆုံးခဲ့လေသည်။


ဗိုလ်ချုပ်အား စတင်ပစ်ခတ်ချိန်၌ ဦးရွှေဘော်နှင့် ပျော်ဘွယ်ဦးမြတို့သည် ပြတင်းပေါက်မှကျော်၍
အစည်းအဝေးခန်းမနှင့် ကပ်လျက်ရှိသော ဦးရွှေဘော်၏ ရုံးခန်းသို့ ထွက်ပြေးလွတ်မြောက်ကြလေသည်။
ကျွန်တော်သည် ပစ်သည်ကိုမြင်လျှင်မြင်ချင်း ကြမ်းပြင်ပေါ်သို့မှောက်၍ အိပ်ချလိုက်ပြီးလျှင် လက်ဝဲဖက်တွင်
ကပ်လျက်ထိုင်နေသူ ဦးအောင်ဇံဝေ၏လက်ကို ဆွဲ၍ချလိုက်သဖြင့် ကျွန်တော်တို့နှစ်ယောက် တပြိုင်တည်းလောက် ကြမ်းပြင်ပေါ်၌ မှောက်လျက်သား ဖြစ်သွားကြပါသည်။


လူသတ်သမားများသည် ဗိုလ်ချုပ်နှင့် သခင်မြတို့ စာပွဲရှိ လူများအား ပစ်ပြီး၍အားရမှ
ကျွန်တော်တို့ထိုင်ရာဖက်သို့ ပစ်သဖြင့် ဗိုလ်ချုပ်အား မဲ၍ပစ်နေစဉ် ဦးရွှေဘော်နှင့် ပျော်ဘွယ်ဦးမြတို့
ပြေးချိန်ရခဲ့သည်။ ဦးအောင်ဇံဝေနှင့် ကျွန်တော်တို့မှာ ကြမ်းပြင်ပေါ်၌လဲလျက်ရှိနေသဖြင့် ကျပြီထင်၍
များများအပစ်မခံရ။ ထိုင်လျက်ရှိနေသူများကိုသာ အာရုံပြု၍ ပစ်ခတ်ကြသည်။ ထိုင်သူများအား
အတော်အားရလောက်အောင် ပစ်ခတ်ပြီးသည့်နောက် စာပွဲဝိုင်းအလယ်၌၀င်၍ ပစ်သူသည် ဒူးထောက်၍ ကျွန်တော်တို့ဖက်သို့ ဝှေ့ရမ်းပစ်ခတ်သေးသည်။ ထိုသို့ ပစ်ချိန်တွင် ကျွန်တော်၏ လက်ယာဖက်
လက်သူကြွယ်ထိပ်ကို ထိမှန်ခဲ့လေသည်။ အုတ်နံရံမှ ပြန်၍၀င်လာသော ကျည်ဆံဖြစ်သည်ဟု ယူဆခဲ့ပါသည်။


အပစ်အခတ်များရပ်စဲ၍ လူသတ်သမားများ ပြန်ဆုတ်စဉ် အခန်းတွင်းမှ မထွက်သေးမီ ဦးအောင်ဇံဝေသည်
အိပ်နေရာမှ ထထိုင်ပြီး " သေကုန်ကြပြီ ၊ သေကုန်ကြပြီ "  ဟု ထိမှန်ကြသူများအား လက်ညှိုးညွှန်၍ ၀မ်းနည်းပက်လက်ညည်းညူနေသဖြင့် ထပ်ပစ်နေဦးမည်ဟု ပြောပြီး ဆွဲလိုက်မှ ပြန်လှဲချလိုက်ပါသည်။



**********************************************************************************



- ဦးအောင်ဇံဝေ


၁၉၄၇ ခုနှစ် ဂျူလိုင်လ ၁၉ ရက်နေ့ နံနက် ၁၀ နာရီခန့်တွင် ကျွန်ုပ်ကိုယ်တိုင် တခဏတာမျှ ခံစားလိုက်ရသော
အတွေ့အကြုံနှင့် အနိဌာရုံမြင်ကွင်းမှာ ကျွန်ုပ်၏ တသက်တာတွင် မည်သည့်နည်းနှင့်မျှ မေ့၍ မရနိုင်တော့ပေ။


သေနတ်သံများ စဲသွားပြီးနောက် လူသတ်သမားများထွက်သွား၍ အသံပလံများ ဆိတ်ငြိမ်သွားသောအခါတွင်မူ
ကျွန်ုပ်နှင့် ၀န်ကြီးဦးဘဂျမ်းတို့သည် ၀မ်းလျားမှောက်နေရာမှ ထပြီး စာပွဲပတ်ဝန်းကျင်ကို ကြည့်မိကြသည်။ ကျွန်ုပ်မှတ်မိသောမြင်ကွင်းကို ဖော်ပြရလျှင် ပေ ၄၀ ခန့်မျှရှိသော ခန်းမကြီးတခုလုံး ဆီးနှင်းများ ကျသကဲ့သို့
ယမ်းငွေ့များ တထောင်းထောင်းနှင့် ဖုံးလွှမ်းနေပြီး ကျည်ဆံများကလည်း ကြမ်းပြင်ပေါ်တွင် ပြန့်ကြဲ၍ နေပေသည်။


ဗိုလ်အောင်ကျော်လမ်း ( ထိုစဉ်က စပတ်လမ်း ) ဖက်သို့ မျက်နှာပြုထားသော ဂငယ်သဏ္ဍာန် စာပွဲထိပ်နှင့် ခပ်လှမ်းလှမ်းကြမ်းပြင်ပေါ်တွင် ဗိုလ်ချုပ်အောင်ဆန်းမှာ တုံးလုံးလဲလျက်ငြိမ်သက်နေသည်။
စာပွဲလက်ယာဖက်တွင် မိုင်းပွန်စော်ဘွားကြီး စ၀်စံထွန်းက သူ၏ ကုလားထိုင်ပေါ်တွင်ပင်ထိုင်လျက် စာပွဲပေါ်သို့ ကုန်း၍လက်ထောက်ထားပြီး ပါးစပ်မှ သွေးများ ယိုစီးကျနေသည်။ စာပွဲလက်ဝဲဖက်တွင် ထိုင်နေကြသော
ဝန်ကြီး သခင်မြသည် စာပွဲထိပ် လက်ဝဲဖက်ထောင့် စာပွဲအောက်နား၌ မှောက်လျက်လဲနေရာ
သေဆုံးနေပြီဟု ယူဆရသည်။ ၀န်ကြီး မစ္စတာ ရာဇတ် ၊ ၀န်ကြီး ဒီးဒုတ်ဦးဘချို ၊ ၀န်ကြီး ဦးဘ၀င်းနှင့်
ဝန်ကြီး မန်းဘခိုင်တို့သည် သူတို့ထိုင်မြဲ ကုလားထိုင်များတွင်ခေါင်းငိုက်စိုက်ကျလျက် ငြိမ်သက်နေကြသည်။
မစ္စတာ ရာဇတ်နှင့် ဒီဒုတ်ဦးဘချိုတို့ နှစ်ဦးတည်းသာ မသေဆုံးကြသေးပဲ အနည်းငယ်စီ အသက်ရှုရှိုက်
လှုပ်ရှားနေသည်။ စာပွဲ၏ လက်ယာဖက် ကျွန်ုပ်နှင့် မိုင်းပွန်စော်ဘွားကြီး အကြားတွင်ထိုင်နေသော
ဝန်ကြီး ပျော်ဘွယ်ဦးမြနှင့် စာပွဲထိပ် ဗိုလ်ချုပ်အောင်ဆန်း လက်ယာဖက်တွင်ထိုင်နေသော
အတွင်းဝန်ဦးရွှေဘော်တို့ နှစ်ဦးစလုံးမှာ အပြင်ဖက်သို့ အချိန်မီရောက်ရှိသွားနိုင်ခဲ့ကြသဖြင့်
အသက်ဘေးမှ လွတ်မြောက်သွားခဲ့ကြသည်။ ဗိုလ်ချုပ်အောင်ဆန်း၏ လက်ဝဲဖက်တွင်ထိုင်သော
တတိယအတွင်းဝန် ဦးအုန်းမောင်မည်သည့်ပုံစံဖြင့် သေဆုံးနေသည်ကိုမူ မမှတ်မိတော့ပါ။





နိုင်ငံတော် လုပ်ကြံမှုကြီး ၊ ပြည်ထောင်စုနှင့် ဦးစော စာအုပ်မှ




အမုန်းတွေဖယ်ရှား အပြုံးများလာစေ

0
0
 

မစံပယ်ရေ …..
နေကောင်းပါရဲ့လား ကျန်းမာပါရဲ့လား
ပြီးတော့လေ…
သတင်းစုံထက် အတင်းပုံကြီးကိုရော
ကြားမိပါရဲ့လား.......။

ကောင်းရေးထက် စောင်းရေးတတ်တဲ့
ကလောင်သွားတွေ မြနေလိုက်ပုံများ
ကြောက်မိပါရဲ့ မစံပယ်ရယ်.....။

ငါနဲ့မတူ ငါ့ရန်သူဆိုပြီး
အရိုးစွဲနေတဲ့
ခင်ဗျားတို့ မျက်မှန်စိမ်းတွေ
ချွတ်လိုက်ကြစမ်းပါဗျာ…...
ခင်ဗျားလဲ မြန်မာ
ကျွန်တော်လဲ မြန်မာ
သေချာဖတ်နော်…. မကိုရရစ်နဲ့မာ….
မစံပယ်ရေ
တွေးကြည့်လိုက်စမ်းပါ
မြောက်ဘက် အရေးဆိုတာ
အဲ့သည်လိုလေးတွေးရင်
အပြာရောင်ငြိမ်းချမ်းရေးဘဲ ဖြစ်လိမ့်မယ်....။

ခက်တယ် မစံပယ်
ပညတ်ကို စွဲမှတော့
ရင်ထဲက ပရမတ်တွေက
ဟိုး.........အဝေး
ဒီလိုဆို ညီညွတ်ရေးဆိုတာ
အိပ်မောကျနေတော့မဲ့ သားချော့တေး….။

မစံပယ် ခင်ဗျားလဲ နားလည်ပါရဲ့ …
နိုင်ငံရေးသမားလဲ မြန်မာ....
စစ်ဗိုလ်လဲ မြန်မာ...
တိုင်းပြည်ကို ချစ်တဲ့သူချင်း
လမ်းမတူရင်
ရန်သူဟေ့လို့ ဘာဖြစ်လို့များ
ကြွေးကြော်ပုတ်ခတ်နေကြမလဲ.....။

ခင်ဗျားလဲ ကိုယ့်ဝန်ကိုယ်ထမ်း
ကျွန်တော်လဲ နိုင်သမျှထမ်းမယ်…
အခွင့်ရေးသမား တချို့အတွက်နဲ့တော့
ကျွန်တော်တို့ ညီအကိုအချင်းချင်း
စစ်မခင်းပါရစေနဲ့….
ချစ်တာကို
သစ္စာဆိုပြမနေတော့ပါဘူး…
မစံပယ်ရယ်…
မေတ္တာသတ်သတ်လေးနဲ့
ကျွန်တော်တို့တွေ အတူတူရှေ့ဆက်လိုက်ရအောင်.....

Credit to - မနုငယ် (1.11.2012)

ရွေပုစိန်၊ ငွေပုစိန်၊ ကျွန်တော့်မိန်းမနှင့် အမှန်စကား

0
0

 Photo: ရွေပုစိန်၊ ငွေပုစိန်၊ ကျွန်တော့်မိန်းမနှင့် အမှန်စကား ………………   တစ်ခါတုန်းက သစ်ခုတ်သမားတစ်ဦးဟာ မြစ်ကမ်းဘေးက သစ်ပင်ကိုခုတ်လှဲနေတုန်း ပုစိန်ဟာ ရေထဲကျသွားသတဲ့။   သစ်ခုတ်သမားလည်း မြစ်ကမ်းဘေးမှာ ငိုကြွေးနေတာပေါ့။  မြစ်စောင့်နတ်က မနေသာတော့ပဲ ဖြစ်စဉ်ကို မေးမြန်းပြီး သစ်ခုတ်သမားရဲ့ စိတ်ဓာတ်ကို စမ်းသပ်ပါသတဲ့။  ပထမ ရွှေပုစိန်ကို ပြပြီး၊ ဒါခင်ဗျား ပုစိန်လားမေးတော့ သစ်ခုတ်သမားက ရိုးသားစွာပဲ သူ့ပုစိန် မဟုတ်ဘူးလို့ ပြန်ပြောပါသတဲ့။  ဒုတိယ ငွေပုစိန်ကိုပြတော့လည်း ဒီအတိုင်းပဲ မဟုတ်ကြောင်းပြောဆိုပါသတဲ့။ နောက်ဆုံး သူ့သံပုစိန်ကို ထုတ်ပေးမှ ဟုတ်ကြောင်းပြောဆိုသတဲ့။  မြစ်စောင့်နတ်သားက သစ်ခုတ်သမားရဲ့ အမှန်စကားနဲ့ ရိုးသားမှုကို သဘောကျသွားတာကြောင့် ရွေပုစိန်ရော၊ ငွေပုစိန်ကိုပါ ပေးအပ်လိုက်လို့ သစ်ခုတ်သမား ချမ်းသာသွားပါသတဲ့။  ဒါကိုအားကျလို့ နောက်သစ်ခုသမားက ပထမသစ်ခုတ်သမားလိုပဲ လိုက်လုပ်ဆောင်ပါသတဲ့။ မြစ်စောင့်နတ်က ပထမ ရွှေပုစိန်ကို ထုတ်ပြလိုက်တယ်ဆိုရင်ပဲ သစ်ခုတ်သမားကို လိုချင်ဇောကလည်း ကြီးလာ၊ နောက်ထပ်မြစ်စောင့်နတ်ကလည်း ပေါ်မလာမှာ ကြောက်ပြီး ကျွန်ုပ် ပုစိန်ပါပြောလိုက်သတဲ့။  အဲဒီအခါ မြစ်စောင့်နတ်ဟာပေါ်မလာတော့လို့ ရွှေပုစိန်လည်းမရ သူ့ပုစိန်လည်း ဆုံးပြီး ငိုကြွေး နေရပါတော့သတဲ့။ …………..  လူတွေက ရိုးသားမှုကိုလိုလားတယ်။  ချစ်ခင်တယ်။  ဒါ့အပြင် အမှန်စကားကို လူတိုင်းနှစ်သက် သဘောကြပါတယ်။  အမှန်စကားက တစ်ခါတစ်လေ ခါးတတ်ပေမယ့် ဘ၀အတွက်ကတော့ ချိုမြိန်မှုတွေကို ရရှိစေ တတ်ပါတယ်။  သမ္မာဝါစာ = ကောင်းသောစကားကို ဆိုရာ၏။ တဲ့။ ကောင်းသောစကား ချိုသောစကား ဆိုပေမယ့် မှန်သောစကားမဟုတ်ရင်တော့ ကောင်းကျိုးကို ဖြစ်ဖို့ရာ ခက်ခဲပါလိမ့်မယ်။  ကောင်းမွန်မှန်ကန်သောစကား တွေကသာ အကျိုးကို ဖြစ်ထွန်းစေမှာပါ။  So  the  heart  be  right,  it  is  no  matter  which  way  the  head  lieth.  နှလုံးသားမှာ အမှန်တရားရှိနေလျှင် ဦးခေါင်းဘယ်ဘက်ထားထား အကြောင်းမဟုတ်ပါ။ …………….  If  your  wife  tells  you  to  throw  yourself  off a  cliff,  pray  to  God  that  it  is  a low  one.  သင့်ဇနီးက သင့်ကိုချောက်ထဲသို့ ခုန်ချပါဟုပြောလျှင်၊ ချောက်နက်နက်ဖြစ်ပါစေဟု ဘုရားသခင်ထံ ဆုတောင်းပါလေ။  စပိန်စကားပုံကတော့ ဤသို့ဆိုထားလေရဲ့။  ကျွန်တော်ကတော့ ဆုတောင်းဖြစ်မှာ မဟုတ်တော့ ပါဘူး။  အဲ ကျွန်တော့် မိန်းမကလည်းခုန်ချခိုင်းမယ် မထင်ပါဘူး။ (ရှာကျွေးမယ့်သူမရှိလို့လည်းဖြစ်နိုင် ပါတယ်)။  “ ယောကျာ်းကိုပြောရဦးမယ် ”  “ အေး ပြောပါဦး ဘာလဲကွ ”  “ နေ့လည်က ကလေးနဲ့အတူတူအိပ်တာလေ။ အဲဒါ နေ့လည်မှာ အိပ်မက်ဆန်းတွေမက်လို့ ”  “ ဘာအိပ်မက်တွေတုန်း၊ ထီပေါက်တယ်လို့လား ”  “ မဟုတ်ပါဘူး။ ဒီလို ယောကျာ်းက ကလေးကို ပုခုံးပေါ်တင်ပြီး လှေတစ်စင်းပေါ်ကနေဆင်းဖို့ လုပ်တယ်။ လှေက ဆိပ်ကမ်း မထိသေးတော့ ပြုတ်ကျရော ”  “ အဲဒီတော့ ရေနစ်ရောလား ”  “ ဖြတ်ဖြတ်မမေးပါနဲ့ နားထောင်ပါဦး ”  “ အေး ပြောပြော ”  “ ရေထဲကျချိန်မှာ ကလေးက ရှင့်ပုခုံးပေါ်မှာဆိုတော့ ကလေးက ရေအပေါ်ပေါ်နေတယ်လေ။ ကလေးကို ကျွန်မတို့က ဆယ်ပြီးချိန်မှာ ရှင်ကနစ်သွားရော ”  ကျွန်တော့်စိတ်ထဲမှ နည်းနည်းတော့ကျေနပ်သွားတယ်။ မိဘမေတ္တာကြောင့် ကလေးကို ရှင်သန် အောင်ကယ်ဆယ်လိုက်နိုင်လို့လေ။  “ ကျွန်မလည်း အော်ပြီးအကူအညီတောင်းတော့ လူတစ်ယောက်လာကူညီတယ်၊ အဲကူညီတဲ့သူ ကလည်း ရေမကူးတတ်ဘူးတဲ့။ အဲဒီတော့ သူပါနစ်သွားလေရော၊ ကျွန်မလည်း ထပ်ပြီး အော်ရတာပေါ့။ အဲဒီအချိန်မှာ လူတစ်ယောက်ထပ်ပြေးလာတယ်။ အဲသူကတော့ လက်ထဲမှာ ပိုက်ဆံအိပ်ကြီး ကိုင်ထား လျက်နဲ့ ရေထဲခုန်ချပြီး ကယ်ဖို့လုပ်တာ ”  “ ဟုတ်လား ”  “ ဟုတ်တယ်။ ဒါပေမယ့် ပိုက်ဆံအိတ်လည်းမြုပ်၊ လူလည်း မြုပ်သွားရော ”  “ မင်းဟာကလည်း ငါရော အသက်ရှင်ပါဦးမလား၊ အကုန်မြုပ်နေတာပဲ ”  “ လာမှာပေါ့။ နောက်ဆုံး တစ်ယောက်က ခုန်ဆင်းပြီး ဆယ်လိုက်တာ ပိုက်ဆံအိတ်နဲ့လူက ပါလာ တယ်။  အဲဒီလူကို ကုန်းပေါ်တင်ပြီး ရေမွန်းအောင်လုပ်ရင်း ဒါနင့်ယောကျာ်းလားလို့ မေးတယ်။ ကျွန်မကလည်း မဟုတ်ဘူးပေါ့။ ဒါနဲ့ တစ်ခါရေထဲခုန်ဆင်းပြီး ဆယ်ပြန်ရော။ ဒီအခါမှာလည်း ပထမရှင့်ကို ဆယ်တဲ့လူပါလာတယ်။ ဒီလိုပဲမေးတော့ မဟုတ်ဘူးလို့ ပြန်ဖြေရတာပေါ့။ ဟာ ကျန်သေးတာပဲ ဆိုပြီး ထပ်ဆယ်ရပြန်တယ်။  အဲ နောက်ဆုံးကျမှ ရှင်က ပါလာတယ်။ လူကဖြူစုတ်နေပြီ။ မျှော့နေပြီ။ ကျွန်မကလည်း စိုးရိမ်စိတ် ကြီးပြီး  ဒါ ဒါကျွန်မယောကျာ်းလို့ ပြောလိုက်တယ် ”  “ ပြီးတော့ရော ”  “ ဒါပဲလေ အိပ်မက်က ဒီမှာတင် နိုးသွားတာ ”  “ တော်သေးတာပေါ့ကွာ ငါက သေပြီလားလို့ ” …………….  နေ့လည်က အလုပ်ကနေအိမ်ပြန်တော့ ကျွန်တော့်ဇနီးဖြစ်သူက သူ့အိပ်မက်အကြောင်းပြောပြ တာပါ။ သူ့အိပ်မက်အကြောင်း နားထောင်ရင်း ကျွန်တော်က သစ်ခုတ်သမားအကြောင်းလေး ဖြတ်ခနဲ သတိရမိလိုက်တာပါ။  သစ်ခုတ်သမားကတော့ ရိုးသားစွာနဲ့ သံပုစိန်ကို သူ့ပုစိန်ပါလို့ အမှန်စကားဆိုတာကြောင့် ရွှေပုစိန် ပါရသွားပါလေတယ်။  ကျွန်တော့်မိန်းမကတော့ ပထမကယ်တဲ့ ပိုက်ဆံအိတ်ကြီးနဲ့ ကျသွားတဲ့ အမျိုးသားကိုများ ဟိုကြော်ငြာထဲကလို ဒါမှ တို့မောင်ကြီးတော် ဆိုရင်တော့ ခက်ပြီ။  ရွှေပုစိန်ဆုံး၊ ငွေပုစိန်ဆုံး၊ သံပုစိန်ပါဆုံးတော့မယ်။  ခုတော့ ကျွန်တော်ကတော့ ကျေနပ်သွားတယ်။ မှန်မှန်ကန်ကန်ရွေးနိုင်တာရယ်(ကိုယ့်ယောကျာ်းပဲ ရွေးနိုင်မှာပေါ့လို့တာ့ ပြောစရာရှိပါတယ်။ ဘာပဲဖြစ်ဖြစ်အိပ်မက်ထဲမှာတောင် ဒါကျွန်မယောကျာ်းလို့ ပြောနိုင် သေးတာဆိုတော့) အမှန်စကားဆိုတာရယ်ကို ကျွန်တော်သဘောကျသွားမိတာပဲ။  ဒါကိုဆက်စပ်ပြီး အမှန်စကားနဲ့ပတ်သက်လို့ အတွေးလေးဝင်မိသွားတာကို ရေးချမိတာပါ။  ဟုတ်ကဲ့ အမှန်စကားကြောင့် ရိုးသားသောစိတ်ထားတွေကြောင့်၊ ရွှေပုစိန်လည်း ရရှိနိုင်ကြပါစေ၊ ကိုယ့်လင်သား၊ ကိုယ့်ဇနီးမယားကိုလည်း မှန်ကန်စွာရွေးချယ်နိုင်ကြပါစေလို့။  ၁၇-၇-၂၀၁၃။
………………

တစ်ခါတုန်းက သစ်ခုတ်သမားတစ်ဦးဟာ မြစ်ကမ်းဘေးက သစ်ပင်ကိုခုတ်လှဲနေတုန်း ပုစိန်ဟာ ရေထဲကျသွားသတဲ့။
သစ်ခုတ်သမားလည်း မြစ်ကမ်းဘေးမှာ ငိုကြွေးနေတာပေါ့။ မြစ်စောင့်နတ်က မနေသာတော့ပဲ ဖြစ်စဉ်ကို မေးမြန်းပြီး သစ်ခုတ်သမားရဲ့ စိတ်ဓာတ်ကို စမ်းသပ်ပါသတဲ့။
ပထမ ရွှေပုစိန်ကို ပြပြီး၊ ဒါခင်ဗျား ပုစိန်လားမေးတော့ သစ်ခုတ်သမားက ရိုးသားစွာပဲ သူ့ပုစိန် မဟုတ်ဘူးလို့ ပြန်ပြောပါသတဲ့။
ဒုတိယ ငွေပုစိန်ကိုပြတော့လည်း ဒီအတိုင်းပဲ မဟုတ်ကြောင်းပြောဆိုပါသတဲ့။ နောက်ဆုံး သူ့သံပုစိန်ကို ထုတ်ပေးမှ ဟုတ်ကြောင်းပြောဆိုသတဲ့။
မြစ်စောင့်နတ်သားက သစ်ခုတ်သမားရဲ့ အမှန်စကားနဲ့ ရိုးသားမှုကို သဘောကျသွားတာကြောင့် ရွေပုစိန်ရော၊ ငွေပုစိန်ကိုပါ ပေးအပ်လိုက်လို့ သစ်ခုတ်သမား ချမ်းသာသွားပါသတဲ့။
ဒါကိုအားကျလို့ နောက်သစ်ခုသမားက ပထမသစ်ခုတ်သမားလိုပဲ လိုက်လုပ်ဆောင်ပါသတဲ့။ မြစ်စောင့်နတ်က ပထမ ရွှေပုစိန်ကို ထုတ်ပြလိုက်တယ်ဆိုရင်ပဲ သစ်ခုတ်သမားကို လိုချင်ဇောကလည်း ကြီးလာ၊ နောက်ထပ်မြစ်စောင့်နတ်ကလည်း ပေါ်မလာမှာ ကြောက်ပြီး ကျွန်ုပ် ပုစိန်ပါပြောလိုက်သတဲ့။
အဲဒီအခါ မြစ်စောင့်နတ်ဟာပေါ်မလာတော့လို့ ရွှေပုစိန်လည်းမရ သူ့ပုစိန်လည်း ဆုံးပြီး ငိုကြွေး နေရပါတော့သတဲ့။
…………..
လူတွေက ရိုးသားမှုကိုလိုလားတယ်။ ချစ်ခင်တယ်။ ဒါ့အပြင် အမှန်စကားကို လူတိုင်းနှစ်သက် သဘောကြပါတယ်။
အမှန်စကားက တစ်ခါတစ်လေ ခါးတတ်ပေမယ့် ဘ၀အတွက်ကတော့ ချိုမြိန်မှုတွေကို ရရှိစေ တတ်ပါတယ်။
သမ္မာဝါစာ = ကောင်းသောစကားကို ဆိုရာ၏။ တဲ့။ ကောင်းသောစကား ချိုသောစကား ဆိုပေမယ့် မှန်သောစကားမဟုတ်ရင်တော့ ကောင်းကျိုးကို ဖြစ်ဖို့ရာ ခက်ခဲပါလိမ့်မယ်။ ကောင်းမွန်မှန်ကန်သောစကား တွေကသာ အကျိုးကို ဖြစ်ထွန်းစေမှာပါ။
So the heart be right, it is no matter which way the head lieth.
နှလုံးသားမှာ အမှန်တရားရှိနေလျှင် ဦးခေါင်းဘယ်ဘက်ထားထား အကြောင်းမဟုတ်ပါ။
…………….
If your wife tells you to throw yourself off a cliff, pray to God that it is a low one.
သင့်ဇနီးက သင့်ကိုချောက်ထဲသို့ ခုန်ချပါဟုပြောလျှင်၊ ချောက်နက်နက်ဖြစ်ပါစေဟု ဘုရားသခင်ထံ ဆုတောင်းပါလေ။
စပိန်စကားပုံကတော့ ဤသို့ဆိုထားလေရဲ့။ ကျွန်တော်ကတော့ ဆုတောင်းဖြစ်မှာ မဟုတ်တော့ ပါဘူး။ အဲ ကျွန်တော့် မိန်းမကလည်းခုန်ချခိုင်းမယ် မထင်ပါဘူး။ (ရှာကျွေးမယ့်သူမရှိလို့လည်းဖြစ်နိုင် ပါတယ်)။
“ ယောကျာ်းကိုပြောရဦးမယ် ”
“ အေး ပြောပါဦး ဘာလဲကွ ”
“ နေ့လည်က ကလေးနဲ့အတူတူအိပ်တာလေ။ အဲဒါ နေ့လည်မှာ အိပ်မက်ဆန်းတွေမက်လို့ ”
“ ဘာအိပ်မက်တွေတုန်း၊ ထီပေါက်တယ်လို့လား ”
“ မဟုတ်ပါဘူး။ ဒီလို ယောကျာ်းက ကလေးကို ပုခုံးပေါ်တင်ပြီး လှေတစ်စင်းပေါ်ကနေဆင်းဖို့ လုပ်တယ်။ လှေက ဆိပ်ကမ်း မထိသေးတော့ ပြုတ်ကျရော ”
“ အဲဒီတော့ ရေနစ်ရောလား ”
“ ဖြတ်ဖြတ်မမေးပါနဲ့ နားထောင်ပါဦး ”
“ အေး ပြောပြော ”
“ ရေထဲကျချိန်မှာ ကလေးက ရှင့်ပုခုံးပေါ်မှာဆိုတော့ ကလေးက ရေအပေါ်ပေါ်နေတယ်လေ။ ကလေးကို ကျွန်မတို့က ဆယ်ပြီးချိန်မှာ ရှင်ကနစ်သွားရော ”
ကျွန်တော့်စိတ်ထဲမှ နည်းနည်းတော့ကျေနပ်သွားတယ်။ မိဘမေတ္တာကြောင့် ကလေးကို ရှင်သန် အောင်ကယ်ဆယ်လိုက်နိုင်လို့လေ။
“ ကျွန်မလည်း အော်ပြီးအကူအညီတောင်းတော့ လူတစ်ယောက်လာကူညီတယ်၊ အဲကူညီတဲ့သူ ကလည်း ရေမကူးတတ်ဘူးတဲ့။ အဲဒီတော့ သူပါနစ်သွားလေရော၊ ကျွန်မလည်း ထပ်ပြီး အော်ရတာပေါ့။ အဲဒီအချိန်မှာ လူတစ်ယောက်ထပ်ပြေးလာတယ်။ အဲသူကတော့ လက်ထဲမှာ ပိုက်ဆံအိပ်ကြီး ကိုင်ထား လျက်နဲ့ ရေထဲခုန်ချပြီး ကယ်ဖို့လုပ်တာ ”
“ ဟုတ်လား ”
“ ဟုတ်တယ်။ ဒါပေမယ့် ပိုက်ဆံအိတ်လည်းမြုပ်၊ လူလည်း မြုပ်သွားရော ”
“ မင်းဟာကလည်း ငါရော အသက်ရှင်ပါဦးမလား၊ အကုန်မြုပ်နေတာပဲ ”
“ လာမှာပေါ့။ နောက်ဆုံး တစ်ယောက်က ခုန်ဆင်းပြီး ဆယ်လိုက်တာ ပိုက်ဆံအိတ်နဲ့လူက ပါလာ တယ်။ အဲဒီလူကို ကုန်းပေါ်တင်ပြီး ရေမွန်းအောင်လုပ်ရင်း ဒါနင့်ယောကျာ်းလားလို့ မေးတယ်။ ကျွန်မကလည်း မဟုတ်ဘူးပေါ့။ ဒါနဲ့ တစ်ခါရေထဲခုန်ဆင်းပြီး ဆယ်ပြန်ရော။ ဒီအခါမှာလည်း ပထမရှင့်ကို ဆယ်တဲ့လူပါလာတယ်။ ဒီလိုပဲမေးတော့ မဟုတ်ဘူးလို့ ပြန်ဖြေရတာပေါ့။ ဟာ ကျန်သေးတာပဲ ဆိုပြီး ထပ်ဆယ်ရပြန်တယ်။
အဲ နောက်ဆုံးကျမှ ရှင်က ပါလာတယ်။ လူကဖြူစုတ်နေပြီ။ မျှော့နေပြီ။ ကျွန်မကလည်း စိုးရိမ်စိတ် ကြီးပြီး ဒါ ဒါကျွန်မယောကျာ်းလို့ ပြောလိုက်တယ် ”
“ ပြီးတော့ရော ”
“ ဒါပဲလေ အိပ်မက်က ဒီမှာတင် နိုးသွားတာ ”
“ တော်သေးတာပေါ့ကွာ ငါက သေပြီလားလို့ ”
…………….
နေ့လည်က အလုပ်ကနေအိမ်ပြန်တော့ ကျွန်တော့်ဇနီးဖြစ်သူက သူ့အိပ်မက်အကြောင်းပြောပြ တာပါ။ သူ့အိပ်မက်အကြောင်း နားထောင်ရင်း ကျွန်တော်က သစ်ခုတ်သမားအကြောင်းလေး ဖြတ်ခနဲ သတိရမိလိုက်တာပါ။
သစ်ခုတ်သမားကတော့ ရိုးသားစွာနဲ့ သံပုစိန်ကို သူ့ပုစိန်ပါလို့ အမှန်စကားဆိုတာကြောင့် ရွှေပုစိန် ပါရသွားပါလေတယ်။
ကျွန်တော့်မိန်းမကတော့ ပထမကယ်တဲ့ ပိုက်ဆံအိတ်ကြီးနဲ့ ကျသွားတဲ့ အမျိုးသားကိုများ ဟိုကြော်ငြာထဲကလို ဒါမှ တို့မောင်ကြီးတော် ဆိုရင်တော့ ခက်ပြီ။
ရွှေပုစိန်ဆုံး၊ ငွေပုစိန်ဆုံး၊ သံပုစိန်ပါဆုံးတော့မယ်။
ခုတော့ ကျွန်တော်ကတော့ ကျေနပ်သွားတယ်။ မှန်မှန်ကန်ကန်ရွေးနိုင်တာရယ်(ကိုယ့်ယောကျာ်းပဲ ရွေးနိုင်မှာပေါ့လို့တာ့ ပြောစရာရှိပါတယ်။ ဘာပဲဖြစ်ဖြစ်အိပ်မက်ထဲမှာတောင် ဒါကျွန်မယောကျာ်းလို့ ပြောနိုင် သေးတာဆိုတော့) အမှန်စကားဆိုတာရယ်ကို ကျွန်တော်သဘောကျသွားမိတာပဲ။
ဒါကိုဆက်စပ်ပြီး အမှန်စကားနဲ့ပတ်သက်လို့ အတွေးလေးဝင်မိသွားတာကို ရေးချမိတာပါ။
ဟုတ်ကဲ့ အမှန်စကားကြောင့် ရိုးသားသောစိတ်ထားတွေကြောင့်၊ ရွှေပုစိန်လည်း ရရှိနိုင်ကြပါစေ၊ ကိုယ့်လင်သား၊ ကိုယ့်ဇနီးမယားကိုလည်း မှန်ကန်စွာရွေးချယ်နိုင်ကြပါစေလို့။

 
 မောင်ပိုင်
၁၇-၇-၂၀၁၃။
— with William Tuntunko and 4 others.

ရှစ်ဆယ့်ရှစ်ငွေရတုနှင့် နိုင်ငံရေးပေါင်းထုပ်များ

0
0



၂ဝ၁၃ ခုနှစ်သည် ၁၉၈၈ ခုနှစ် ရှစ်လေးလုံးပြည်သူ့ဒီမိုကရေစီအရေးတော်ပုံကြီး၏ ငွေရတုနှစ်ပတ်လည်နှစ်ဖြစ်သည်။ ဆိုဗီယက်ပြည်ထောင်စုပြိုကွဲမှု၊ ဘာလင်တံတိုင်းကြီးဖြိုချခံရမှုတို့နှင့်အတူ အရှေ့ဥရောပတလျှောက် တစ်ပါတီကွန်မြူနစ်အစိုးရများကို ဖြုတ်ချနိုင်ခဲ့ပြီး၊ စစ်နွေးခေတ်ကို နိဂုံးချုပ်စေခဲ့ သောလူထုလှုပ်ရှားမှုများကို ဦးဆောင်လမ်းပြခဲ့သည့်အလား ရှစ်လေးလုံးပြည်သူ့ဒီမိုကရေစီအရေးတော်ပုံကြီးသည် မြန်မာ့သမိုင်းတွင်သာမက၊ ကမ္ဘာ့သမိုင်းတွင်လည်း ဂန္တဝင်မြောက်မှတ်တမ်းတင်ခံခဲ့ရသည်။ ငွေရတုတိုင်ခဲ့ပြီဖြစ်သော်လည်း၊ အောက်ခြေမြန်မာပြည်သူလူထုအများစုကြီးသည် ရှစ်လေးလုံးပြည်သူ့ဒီမိုကရေစီအရေးတော်ပုံကြီး၏ အသီးအပွင့်ကို တစိုးတစိမျှသာရရှိခံစားနိုင်သေးသည်ကို ဝမ်းနည်းဖွယ်သတိပြုမိသည်။


၁၉၈၇ ခုနှစ် ငွေစက္ကူဖျက်သိမ်းခြင်းနှင့်ဆက်စပ်သောကျောင်းသားလှုပ်ရှားမှု၊ ၁၉၈၈ ခုနှစ် မတ်လ စက်မှုတက္ကသိုလ်ကျောင်းသားလှုပ်ရှားမှု၊ ရန်ကုန်တက္ကသိုလ်ကျောင်းသားလှုပ်ရှားမှု၊ တံတားနီကျောင်းသားလှုပ်ရှားမှု၊ ၁၉၈၈ ခုနှစ် ဇွန်လကျောင်းသားလှုပ်ရှားမှုများသည် ရှစ်လေးလုံး ပြည်သူ့ဒီမိုကရေစီအရေးတော်ပုံကြီးဆီသို့ ဦးတည်စေခဲ့သော တော်လှန်ရေးလှေကားထစ်များ သို့မဟုတ် လတ်တလောအကြောင်းအရင်းများ ဖြစ်သည်။ ရှစ်လေးလုံးပြည်သူ့ဒီမိုကရေစီအရေးတော်ပုံကြီးကိုဖြစ်ပေါ်စေခဲ့သော အဓိကအကြောင်းအရင်းများမှာ စစ်တပ်ကျောထောက်နောက်ခံပြု တစ်ပါတီအာဏာရှင်အုပ်ချုပ်ရေးစနစ်နှင့်ပြည်သူလူထုကိုချွတ်ခြုံကျစေခဲ့သောမြန်မာ့ဆိုရှယ်လစ်လမ်းစဉ်တို့ပင်ဖြစ်သည်။
၁၉၆၂ ခုနှစ် မတ်လ အာဏာသိမ်းပွဲအလွန်ကာလတွင် မြန်မာ့နိုင်ငံရေးအချိုးအကွေ့ကြီးတစ်ခုကို သတိပြုမိသည်။ အဆိုပါအာဏာသိမ်းမှု၏နောက်ပိုင်းတွင် အုပ်ချုပ်ရေး၊ ဥပဒေပြုရေး နှင့် တရားစီရင်ရေးမဏ္ဍိုင်ကြီးသုံးရပ်ကို ရပ်ကွက်ကျေးရွာအောက်ခြေအဆင့်မှစပြီး၊ ထိပ်ဆုံးအစိုးရ အထိ၊ စစ်တပ်အရာရှိများက အဆင့်ဆင့်အာဏာသိမ်းယူခဲ့သည်ဟု မှတ်ချက်ပြုနိုင်သည်။ နိုင်ငံရေးပါတီဖြစ်ခဲ့သော မြန်မာ့ဆိုရှယ်လစ်လမ်းစဉ်ပါတီ ၏ ဗဟိုမှအောက်ခြေအထိပါတီအဖွဲ့အစည်းအဆင့်ဆင့်တွင်လည်း အငြိမ်းစားတပ်မတော်အရာရှိများက လွှမ်းမိုးချုပ်ကိုင်ထားခဲ့သည်။ အစိုးရဝန်ကြီး ဌာနရုံးများတွင်လည်း တပ်မတော်အရာရှိများသည် မိုးကျရွှေကိုယ်အရာရှိများဖြစ်လာခဲ့ကြသည်။ ထို့ကြောင့် ၁၉၆၂ ခုနှစ် စစ်တပ်အာဏာသိမ်းမှုသည် အလုံးစုံအာဏာသိမ်းမှုဟု ကောက်ချက်ပြုနိုင်သည်။
 

စစ်တပ်မှအာဏာသိမ်းမှုနှင့်အတူ၊ အလုံးစုံခိုင်ခန့်အောင်၊ စနစ်တကျတည်ဆောက်ထားခဲ့သည့် မြန်မာ့ဆိုရှယ်လစ်လမ်းစဉ်ပါတီအစိုးရကို အာခံအန်တုရမည့်ကိစ္စမှာ နံရံကိုဦးခေါင်းနှင့်တိုက်ရမည့်အရေးဖြစ်ခဲ့သည်။ ထိုအခြေအနေတွင် တက္ကသိုလ်ကျောင်းသားများသည် နံရံကို ဦးခေါင်း များနှင့်တိုက်ခဲ့ကြသည်။ ဦးခေါင်းတို့သည် သွေးချင်းချင်းနီနေလင့်ကစား၊ ကျောင်းသားတို့သည် ရဲရဲဝံ့ဝံ့ နံရံကို ဆက်၍ဆက်၍တိုက်ခဲ့ကြသည်။ ၁၉၆၂ ခုနှစ် ဇူလိုင် (၇) ရက်ကျောင်းသားသမဂ္ဂအဆောက်အဦဖြိုချခံရခြင်းနှင့်ကျောင်းသားလှုပ်ရှားမှု၊ ၁၉၆၉ ခုနှစ် ကျွန်းဆွယ်ကျောင်းသားလှုပ်ရှားမှု၊ ၁၉၇၄ ခုနှစ် ကုလသမဂ္ဂအတွင်းရေးမှူးချုပ်ဟောင်းဦးသန့်ဈာပနကျောင်းသားလှုပ်ရှားမှု၊ ၁၉၇၅ ဆရာကြီးသခင်ကိုယ်တော်မှိုင်းရာပြည့်ကျောင်းသား လှုပ်ရှားမှုတို့သည် စစ်အာဏာရှင်စနစ်နံရံကို ဦးခေါင်းနှင့်တိုက်ခဲ့ကြသော ကျောင်းသားလှုပ်ရှားမှုကြီးများပင်ဖြစ်သည်။
ရှစ်လေးလုံးပြည်သူ့အရေးတော်ပုံကြီးအကြောင်းကိုပြောလျှင်၊ ၁၉၆၂ ခုနှစ်၊ ၁၉၆၉ ခုနှစ်၊ ၁၉၇၄ ခုနှစ်၊ ၁၉၇၅ ခုနှစ် ကျောင်းသားလှုပ်ရှားမှုများကိုပြန်ဆင်ခြင်ရမည်ဖြစ်သည်။ 
အဆိုပါကျောင်းသားလှုပ်ရှားမှုများတွင် ကျဆုံးခဲ့သူများ၊ ဘဝပျက်ခဲ့သူများ၊ ပံ့ပိုးကူညီခဲ့သောနိုင်ငံရေးပါတီနှင့်အဖွဲ့အစည်းများ၊ လူပုဂ္ဂိုလ်များ၊ နိုင်ငံရေးခေါင်းဆောင်များတို့ကိုလည်း မမေ့မလျော့ အလေးအနက်တန်ဖိုးထား ဂုဏ်ပြုရမည်ဖြစ်သည်။
 
တော်လှန်ရေးကောင်စီအစိုးရနှင့်လမ်းစဉ်ပါတီအစိုးရတို့၏ ဘုန်းမီးနေလတောက်ပနေချိန်တွင် အာခံအန်တုခဲ့သော၊ နံရံကိုခေါင်းနှင့်တိုက်ခဲ့သော ကျောင်းသားများ၊ အလုပ်သမားများ၊ ပြည်သူများ၏ ပေးဆပ်မှုများ၊ စွန့်လွှတ်မှုများကို မျက်မှောက်ခေတ်နိုင်ငံရေးခေါင်းဆောင်များအနေဖြင့်၊ တန်ဖိုးထားအသိအမှတ်ပြုရန်လည်း အထူးလိုအပ်သည်ဟုမှတ်ချက်ပြုလိုပါသည်။
၁၉၈၈ ခုနှစ်သို့ တဖြည်းဖြည်းချဉ်းကပ်လာခြင်းနှင့်အတူ၊ လမ်းစဉ်ပါတီအစိုးရ၏ အာဏာနံရံတံတိုင်းမှာလည်း တဖြည်းဖြည်းပွယောင်းချိနဲ့လာခဲ့သည်။ မြန်မာပြည်သူလူထု၏တစ်ပါတီအာဏာရှင်စနစ်အပေါ်မကျေနပ်မှုများ မြင့်မားလာနေသည့်တချိန်တည်းတွင်၊ လမ်းစဉ်ပါတီအစိုးရ၏ စီမံကိန်းများ၊ စီမံခန့်ခွဲမှုများကလည်း အဆုံးစွန်ဖရိုဖရဲဖြစ်လာခဲ့သည်။ ၁၉၈၇ ခုနှစ် ငွေစက္ကူကျောင်းသား လှုပ်ရှားမှုသည် နိုင်ငံရေးမီးပွားဖြစ်ခဲ့ပြီး၊ မတ်လကျောင်းသားလှုပ် ရှားမှုသည် နိုင်ငံရေးမီးစကို ဖြစ်စေခဲ့ပြီး၊ ဇွန်လကျောင်းသားလှုပ်ရှားမှု သည် အာဏာရှင်စနစ်ဆန့်ကျင်ရေးနိုင်ငံရေးမီးတောက် အဖြစ် အသက်ဝင်လာခဲ့သည်ဟုဆိုနိုင်သည်။ ဤသို့ဖြင့် ကျောင်းသားများ၏ ခေတ်အဆက်ဆက်နံရံကိုခေါင်းနှင့်တိုက်ခဲ့သောလှုပ်ရှားမှုများသည် ၁၉၈၈ ခုနှစ် ဇွန်လကျောင်းသားလှုပ်ရှားမှုနောက်ပိုင်းတွင် ပြည်သူလူထုကြီးနှင့်ပေါင်းစပ်နိုင်ခဲ့ပြီး၊ ကမ္ဘာကျော် ရှစ်လေးလုံးပြည်သူ့ဒီမိုကရေစီ အရေးတော်ပုံကြီးကို သမိုင်းနေရာရစေခဲ့သည်။
၁၉၈၈ ခုနှစ် ဇွန်လကျောင်းသားလှုပ်ရှားမှုနောက်ပိုင်းတွင်၊ လူထုလှုပ်ရှားမှုအသွင်၊ ပြည်သူ့အရေးတော်ပုံအသွင်သို့ ဦးတည်လာခဲ့သည့် အခြေအနေနှင့်အတူ၊ နိုင်ငံရေးခေါင်းဆောင်ဟောင်းများ၊ နိုင်ငံရေးသမားဟောင်းများသည်လည်း သိသိသာသာတစ်မျိုး၊ မသိမသာတစ်ဖုံ ဝင်ရောက် ပါဝင်လာခဲ့ကြသည်။ ၁၉၈၈ ခုနှစ်၊ သြဂုတ်လ (၈) ရက်အလွန်ကာလတွင်၊ လူထုလှုပ်ရှားမှုသည် လမ်းစဉ်ပါတီအစိုးရ၏အာဏာကွန်ယက်ကို ပုခုံးချင်းယှဉ်၊ စီးချင်းထိုးနိုင်မည့်အနေအထားသို့ တစ်စတစ်စရောက်ရှိလာခဲ့သည်။ ထိုအခြေအနေတွင် လမ်းစဉ်ပါတီအစိုးရကို စီးချင်းထိုးမည့် ပြည်သူ့သူရဲကောင်းတစ်ဦး နိုင်ငံရေးစင်မြင့်ပေါ်သို့ ရောက်ရှိလာခဲ့သည်။
ခေါင်းဆောင်ကောင်းကိုမျှော်လင့်နေကြသော၊ ဗိုလ်ချုပ်အောင်ဆန်းကို ပြန်လည်တမ်းတနေကြသော မြန်မာပြည်သူလူထုကြီးအတွက်၊ ဗိုလ်ချုပ်အောင်ဆန်း၏တစ်ဦးတည်းသောသမီးဖြစ်သူ ဒေါ်အောင်ဆန်းစုကြည်သည် ပြည်သူ့သူရဲကောင်း၊ ပြည်သူ့ခေါင်းဆောင်ဖြစ်လာခဲ့သည်။ ဗိုလ်ချုပ်အောင်ဆန်း၏နိုင်ငံရေးသြဇာ၊ အရှိန်အဝါ၊ ပုဂ္ဂိုလ်ရေးအရှိန်အဝါတို့သည် ဒေါ်အောင်ဆန်းစုကြည်ထံသို့ပူးကပ်ဝင်ရောက်ခဲ့ပြီး၊ မြန်မာပြည်သူလူထုကြီးသည် ဒေါ်အောင်ဆန်းစုကြည်ကို ဒုတိယလွတ်လပ်ရေးတိုက်ပွဲအတွက် ဒုတိယအောင်ဆန်းအသွင် ပုံအောထောက်ခံခဲ့ကြသည်။ ထိုမှစခဲ့သော ဒေါ်အောင်ဆန်းစုကြည်၏ တော်လှန်ရေးခရီးသည် ယနေ့အချိန်တွင် ကမ္ဘာသိ၊ မြန်မာသိ ခေါင်းဆောင်ကြီး၊ ပြည်သူ့လွှတ်တော်ကိုယ်စားလှယ် ဆိုသည့်အသီးအပွင့်တစ်ချို့ဝေဆာနေပြီဖြစ်သည်ဟုမှတ်ချက်ပြုနိုင်သည်။
ရှစ်လေးလုံးဒီမိုကရေစီအရေးတော်ပုံနှင့်အလွန်ကာလများတွင် ဒေါ်အောင်ဆန်းစုကြည် နှင့် ယခု ၈၈ မျိုးဆက်များ (ယခင်ကျောင်းသား သမဂ္ဂခေါင်းဆောင်ဟောင်းများ)သည် အလွန်နီးကပ်သောမဟာမိတ်ဆက်ဆံရေး အခိုင်အမာရှိခဲ့သည်။ မျက်မှောက်ကာလတွင် ဒေါ်အောင်ဆန်းစုကြည် နှင့် ၈၈ မျိုးဆက်တို့အကြားဆက်ဆံရေးမှာ လေစိမ်းတိုက်နေသည်ဟုပင်မှတ်ချက်ပြုရမည်ဖြစ်သည်။ နှစ်ဖက်အလှမ်းကွာဝေးမှုသည် မြန်မာ့ပြုပြင်ပြောင်းလဲရေးနှင့်အသွင်ကူးပြောင်းရေးအတွက် အနုတ်လက္ခဏာပြသောကိစ္စဖြစ်သည်။ ထိုကဲ့သို့ ဆုတ်ယုတ်နစ်နာခဲ့ရသောဖြစ်စဉ်တစ်ခုကိုလည်း ၁၉၈၈ ခုနှစ် ရှစ်လေးလုံးပြည်သူ့ဒီမိုကရေစီအရေးတော်ပုံအတွင်းတွင် သတိပြုမိခဲ့သည်။
၁၉၈၈ ခုနှစ် ပြည်သူ့ဒီမိုကရေစီအရေးတော်ပုံကာလ တွင် မြန်မာ့ဆိုရှယ်လစ်လမ်းစဉ်ပါတီသည် တစ်နေ့ထက်တစ်နေ့ နိုင်ငံရေးအရ ချွတ်ခြုံကျလာခဲ့ပြီး၊ စစ်တပ်နောက်ခံပြုသော လမ်းစဉ်ပါတီ၏ ၁၉၇၄ ဖွဲ့စည်းပုံအခြေခံဥပဒေသည်လည်း စာခြောက်ရုပ်ဥပဒေဖြစ်လာခဲ့သည်။ ထိုစဉ်ကာလ ဝန်ကြီးချုပ်ဟောင်းဦးနု၏ ၁၉၄၇ ခုနှစ် ဖွဲ့စည်းပုံအခြေခံဥပဒေနှင့်အညီ စင်ပြိုင်အစိုးရဖွဲ့စည်းခဲ့ခြင်း နှင့် ၁၉၆၂ ခုနှစ်တွင် စစ်တပ်မှ အဓ္ဓမသိမ်းယူခဲ့သည့်နိုင်ငံတော်အာဏာကို ၁၉၄၇ ခုနှစ် ဖွဲ့စည်းပုံအခြေခံဥပဒေနှင့်အညီ ဝန်ကြီးချုပ်ဟောင်းဦးနုထံ ပြန်လည်အပ်နှံရန် တောင်းဆို ခဲ့ခြင်းတို့သည် လမ်းစဉ်ပါတီအစိုးရကို နိုင်ငံရေးအရ ဗျုဟာမြောက်ထိုးနှက်မှုတစ်ခုဖြစ်ခဲ့သည်ဟု သုံးသပ်နိုင်သည်။ ဝန်ကြီးချုပ်ဟောင်း ဦးနု၏ ဗျုဟာမြောက်ခြေလှမ်းကို ဒေါ်အောင်ဆန်းစုကြည်အပါအဝင်နိုင်ငံရေးခေါင်းဆောင်အများစုက စုပြုံထောက်ခံမှုမရှိခဲ့သဖြင့်၊ ဦးနု၏ခြေလှမ်းသည် အားပျော့ခဲ့ရပြီး၊ စင်ပြိုင်အစိုးရမှာလည်း ဇာတ်မျောခဲ့ရသည်။ ဝန်ကြီးချုပ်ဟောင်းဦးနုသည် ဒေါ်အောင်ဆန်းစုကြည်အပါအဝင် နိုင်ငံရေးခေါင်းဆောင်များနှင့် စင်ပြိုင်အစိုးရအစီအစဉ်ကို ကြိုတင်ဆွေးနွေးရန် ပျက်ကွက်ခဲ့ပြီး၊ တဖက်နိုင်ငံရေးခေါင်းဆောင်များဖက်ကလည်း ဦးနုအပေါ် နိုင်ငံရေးအရ ယုံကြည်မှုအားနည်းခဲ့သည်ဟု မှတ်ချက်ပြုနိုင်သည်။ နောက်ပိုင်း ကြားဖြတ်အစိုးရဖွဲ့စည်းရေးလမ်းကြောင်းကို ကျောင်းသားခေါင်းဆောင်များ၏ ကြားဝင်ညှိနှိုင်းဆောင်ရွက်မှုဖြင့် အကောင်အထည်ဖော်ရန် ပြင်ဆင်ဆောင်ရွက်ခဲ့သော်လည်း၊ အာဏာသိမ်းမှုနှင့်သာရင်ဆိုင်ခဲ့ရသည်။
မြန်မာ့ဆိုရှယ်လစ်လမ်းစဉ်ပါတီအစိုးရသည် နိုင်ငံရေးအရပွင့်လင်းမြင်သာသောစားပွဲဝိုင်းဆွေးနွေးပွဲများကို နိုင်ငံရေးခေါင်းဆောင်များနှင့် စနစ်တကျကျင်းပပြီး၊ နိုင်ငံရေးသဘောတူညီချက်တစ်ရပ်ကို ချမှတ်နိုင်မည့်လမ်းကြောင်းဆီဦးတည်ခဲ့မည်ဆိုလျှင်၊ စစ်တပ်အာဏာသိမ်းသည့်ဖက်သို့ ဦးတည်နိုင်ခြေနည်းသည်ဟုသုံးသပ်မိသည်။ တိုင်းပြည်နှင့်ပြည်သူလူထု၏အကျိုးစီးပွားကို လက်တွေ့ကျကျဦးတည်စဉ်းစားမည်ဆိုလျှင်၊ မြန်မာ့ဆိုရှယ် လစ်လမ်းစဉ်ပါတီအစိုးရသည် နိုင်ငံရေးပြဿနာကို နိုင်ငံရေးနည်းအရသာ ဖြေရှင်းဆောင်ရွက်ခဲ့ရမည်ဖြစ်သည်။
ရှစ်ဆယ့်ရှစ်မျိုးဆက်ဟူသည် ရှစ်လေးလုံးပြည်သူ့ဒီမိုကရေစီအရေးတော်ပုံကြီးကို အကြောင်းပြုဖြစ်တည်ခဲ့သော နိုင်ငံရေးမျိုးဆက်ဖြစ်သည်။ လူမှုရေးနှင့်သာရေးနာရေးမျိုးဆက်မဟုတ်သည်မှာ အသေအချာဖြစ်သည်။ ထို့ကြောင့် ရှစ်ဆယ့်ရှစ်မျိုးဆက်သည် အလုပ်သမား၊ လယ်သမား၊ ကျောင်းသား၊ အသိပညာရှင်၊ အတတ်ပညာရှင် စသည့်လူ့အဖွဲ့အစည်းအလွှာအသီးသီးကို ကိုယ်စားပြုသည်။ ကျောင်းသားထုတစ်ခုတည်းကို ကိုယ်စားပြုခြင်းမဟုတ်သည်မှာ အထင်အရှားဖြစ်သည်။ ထို့ကြောင့် ကျောင်းသားခေါင်းဆောင်ဟောင်းများအနေဖြင့်၊ ရှစ်လေးလုံးပြည်သူ့အရေး တော်ပုံကြီးကို ကျောင်းသားများကသာ ဦးဆောင်ခဲ့သည့်ပုံစံပြောဆိုသုံးသပ်မှုများကို ဆင်ခြင်သင့်သည်။
ရှစ်လေးလုံးပြည်သူ့ဒီမိုကရေစီအရေးတော်ပုံကြီးနှင့်လမ်းစဉ်ပါတီအစိုးရဆန့်ကျင်ရေးလှုပ်ရှားမှုများတွင် အဓိကနေရာမှ ပါဝင်ခဲ့သော ကွန်မြူနစ်ဟောင်းများနှင့်ဗမာပြည်ကွန်မြူနစ်ပါတီ(ဗကပ)တို့ကိုလည်း ရှစ်လေးလုံးငွေရတုကာလတွင် ပွင့်ပွင့်လင်းလင်း အသိအမှတ်ပြုသင့်သည်ဟု ထင်မြင်မိသည်။ လက်ရှိမြန်မာ့နိုင်ငံရေးတွင် ကွန်မြူနစ်ကြောက်ရောဂါ၊ လက်ဝဲကြောက်ရောဂါ နှင့် ကွန်မြူနစ်တစ္ဆေတို့လွှမ်းခြုံနေခြင်းမှာ ပွင့်လင်း မြင်သာသောနိုင်ငံရေးအခင်းအကျင်းအတွက် သင့်လျော်သောအခြေအနေဟု မဆိုနိုင်ပေ။ မြန်မာ့လွတ်လပ်ရေးကြိုးပမ်းမှုကာလ ကွန်မြူနစ်ပါတီများ နှင့်ကွန်မြူနစ်များ၏ဆောင်ရွက်မှုများကို အသိအမှတ်ပြုအလေးထားသည့်နည်းတူ၊ ရှစ်လေးလုံးပြည်သူ့ဒီမိုကရေစီအရေးတော်ပုံကြီးနှင့်လမ်းစဉ်ပါတီ အစိုးရဆန့်ကျင်ရေးလှုပ်ရှားမှုများတွင် စွန့်လွှတ်၊ အနစ်နာခံ ပါဝင်ခဲ့သော ကွန်မြူနစ်များနှင့်ဗမာပြည်ကွန်မြူနစ်ပါတီတို့ကို အသိအမှတ်ပြုတန်ဖိုးထားရမည်ဖြစ်ကြောင်း မီးမောင်းထိုးပြလိုပါသည်။
ရှစ်လေးလုံးပြည်သူ့ဒီမိုကရေစီအရေးတော်ပုံကြီး၏ ငွေရတုအခါသမယတွင်၊ ၁၉၆၂ ခုနှစ်မှသည် ယနေ့အချိန်အထိ၊ အသက်စွန့်၊ ကိုယ်ကျိုးစွန့်၊ မိသားစုဘဝပျက်၊ စီးပွားပျက် တိုက်ပွဲဝင်ခဲ့ကြသော နိုင်ငံရေးနယ်ပယ်အသီးသီးမှ ရဲဘော်အပေါင်းကို အလေးအနက်ဂုဏ်ပြုရမည်ဖြစ် သည်။ ၁၉၆၂ ခုနှစ်မှ ယနေ့အချိန်အထိ၊ တော်လှန်ရေးတွင် အသက်စွန့်ခဲ့ကြသူများ၏စာရင်းကို စနစ်တကျမှတ်တမ်းတင်ထားနိုင်ခြင်းမရှိသေးပေ။ တိုင်းပြည်နှင့်ပြည်သူလူထုအကျိုးအတွက် ခေတ်အဆက်ဆက်ကျဆုံးခဲ့ရသောရဲဘော်များ၏ ကျန်ရစ်သူမိသားစုများထံ ဝမ်းနည်းကြောင်းသဝဏ်လွှာ များနှင့်ဂုဏ်ပြုပန်းခြင်းများ ပေးပို့နိုင်ခြင်းမရှိသေးပေ။ ကျဆုံးခဲ့သောရဲဘော်များ၏ကျန်ရစ်သူမိသားစုများနှင့်ပတ်သက်သော မှတ်တမ်းမှတ်ရာများ သည်လည်း ယနေ့အချိန်အထိ မပြည့်မစုံဖြစ်နေဆဲဖြစ်သည်။ သူတို့၏ပေးဆပ်မှုများသည် အချည်းအနှီးမဖြစ်ခဲ့သော်လည်း၊ သူတို့၏ပေးဆပ်စွန့်လွှတ်မှုများအပေါ် အသိအမှတ်ပြုမှုအပိုင်းတွင်အားနည်းနေဆဲဖြစ်သည်။ ထို့ကြောင့် ရှစ်လေးလုံးငွေရတုအထိမ်းအမှတ်ကာလတွင် ကျဆုံးရဲဘော်များနှင့် ကျန်ရစ်မိသားစုများနှင့်ပတ်သက်သော မှတ်တမ်းမှတ်ရာများကို စနစ်တကျစုဆောင်းပြုစုသင့်ကြောင်းလည်း နှိုးဆော်လိုပါသည်။
ရှစ်လေးလုံးပြည်သူ့အရေးတော်ပုံကြီးမှ မွေးထုတ်ပေးခဲ့သော ကျောင်းသားမျိုးဆက်များဖြစ်သည့် ၈၈ မျိုးဆက်ခေါင်းဆောင်များကို ကြည့်ပါက၊ နိုင်ငံရေးမကျ၊ လူမှုရေးမကျ၊ စာသမားမကျ၊ ကဗျာဆရာမကျ၊ ပန်းချီဆရာမကျ၊ ဟိုလိုလိုဒီလိုလိုဘဝများတွင် တစ်ဝဲလည်လည်ဖြစ်နေ သည့်အပေါ် အားမလိုအားမရဖြစ်နေကြသည်မှာလည်း ဒုနှင့်ဒေးဖြစ်သည်။ အသက်စွန့်ခဲ့သူများ၏ ပေးဆပ်မှုအချည်းနှီး မဖြစ်ရေးတွင် ၈၈ မျိုးဆက်များ၏ ရှေ့ဆက်မည့်လမ်းကလည်း အရေးကြီးသည်ဟုမှတ်ချက်ပြုနိုင်သည်။ ပေးဆပ်ခဲ့သူများ၊ ပေးဆပ်ခဲ့သူများ၏မိသားစုများ၊ ဘဝပျက်ခဲ့သူများ၊ ဘဝပျက်ခဲ့သူများ၏ မိသားစုများ၊ ကျဆုံးခဲ့သူများ၊ ကျဆုံးခဲ့သူများ၏မိသားစုများ စသူတို့ကို နိုင်ငံရေးအရ ရင်ကွဲနာကျစေမည့်လမ်းကို ၈၈ မျိုးဆက်များအနေဖြင့်၊ လုံးဝမလျှောက်သင့်ကြောင်း ထပ်လောင်းအကြံပြုလိုပါသည်။ နိုင်ငံရေးအပြောင်းအလဲအတွက် လွန်ခဲ့သော ၂၅ နှစ်က မတည်ခဲ့သောလမ်းသည် နိုင်ငံရေးအကျိုးအတွက်သာဆက်လက်ရှိနေရမည်ဖြစ်သည်။ ချော်တောငေါ့ပြီး၊ အန်ဂျီအိုလမ်း၊ လူမှုအဖွဲ့အစည်း လမ်းတို့ကို ပြောင်းလျှောက်ခဲ့မည်ဆိုလျှင် ထိုထိုမိသားစုများအတွက် ရင်ကွဲနာကျစေမည့်အပြင်၊ သမိုင်းမှတ်တမ်းတွင်လည်း အပြန်ပြန်အလှန်လှန် ဖြေရှင်းရဖွယ်ရှိနေသည်။
နိဂုံး
အချုပ်အားဖြင့်ဆိုသော်၊ ယနေ့ကာလမှသည် လွန်ခဲ့သောနှစ်ဆယ့်ငါးနှစ်ကို ပြန်ပြောင်းသုံးသပ်သောအခါ၊ ရှစ်လေးလုံးပြည်သူ့ဒီမိုကရေစီအရေးတော်ပုံကြီးတွင် ဝန်ကြီးချုပ်ဟောင်းဦးနု၊ ဒေါ်အောင်ဆန်းစုကြည်နှင့်နိုင်ငံရေးခေါင်းဆောင်ဟောင်းကြီးများ စုံစုံညီညီပါဝင်ခဲ့လင့်ကစား၊ ပြည်သူလူထုကို နိုင်ငံရေးအရ ဦးဆောင်နိုင်မှုအပိုင်းတွင် အားနည်းခဲ့သည်ဟုမှတ်ချက်ပြုနိုင်သည်။ လမ်းစဉ်ပါတီအစိုးရသည် နိုင်ငံရေးအရဖြေရှင်းမည့်နည်းကို ဘေးဖယ်ထားခဲ့ပြီး၊ ဆုံးဖြတ်ချက်များကို တစ်ဖက်သတ်ချမှတ်လုပ်ဆောင်ရန် အားထုတ်ခဲ့ခြင်းသည်လည်း အားနည်းချက်ကြီးတစ်ခုဖြစ်သည်။ လက်ရှိကာလတွင် လွန်ခဲ့သောနှစ်ဆယ့်ငါးနှစ်ကာလ နိုင်ငံရေးအတွေ့အကြုံများကို သင်ခန်းစာယူလျက်၊ ငွေရတုကာလတွင် နိုင်ငံရေးပေါင်းထုပ်များ မဖြစ်မနေလုပ်သင့်ပါကြောင်း ပြည်သူ့အကျိုးမျှော်နှိုးဆော်လိုက်ရပါသည်။

ဒေါက်တာရန်မျိုးသိမ်း
၁၂၊ ဇူလိုင်၊ ၂ဝ၁၃

အလင်းနဲ့ အမှောင်

0
0
Photo

နေရာတိုင်းမှာ အမှောင်ဘက်ခြမ်း နှင့်အလင်းဘက်ခြမ်းဆိုတာ ရှိကြပါတယ်။ မှန်နန်းရာဇဝင်အပါအဝင် ရာဇဝင်စာအုပ်တွေဟာ ဒေါက်တာလုစ် စွပ်စွဲရေးသားခဲ့သလို ဘုရင်တွေအလိုကျ ပေါက်တတ်ကရတွေ ရေးခဲ့ကြတယ်လို့ လုံးဝမထင်မိပါဘူး။ ဘုရင်တွေလုပ်ခဲ့ကြတဲ့ကောင်းခြင်း ဆိုးခြင်းတွေထဲကနေ အကောင်းတွေချည်း ရှာရေးပြီး အလင်းဘက်ခြမ်းကိုပဲ ဖွဲ့နွဲ့တင်ပြထားကြတယ်လို့ ထင်မိပါတယ်။အဆိုးဘက်ခြမ်းကိုတော့ ချန်လှပ်ခဲ့ကြဟန်တူပါတယ်။ ဒီလိုချန်လှပ်ခဲ့တာဟာ ဘုရင်ကို ကြောက်တာလည်း ပါသလို မြန်မာတွေရဲ့ပင်ကိုစိတ်အခံ တွေကြောင့်လည်း ဖြစ်နိုင်ပါတယ်။

တက္ကသိုလ်ဘုန်းနိုင်ဟာ သူ့ဇာတ်ကောင်ကို လှပစေချင်လို့ ဆိုပြီး ပါတော်မူစဉ်မှာ စုဖုရားလတ်ဟာ ကိုယ်ဝန်ရင့်မာကြီးနဲ့ ဆိုတာကို ချန်လှပ်ရေးဖွဲ့ခဲ့ပါတယ်။ ကျွန်မတို့ ပတ်ဝန်းကျင် လူ့အဖွဲ့အစည်းမှာလည်း ဘယ်သူ့ရဲ့ဖိအားမှ မပါဘဲ ကိုယ့်စိတ်နဲ့ကိုယ် ရေးကြပါဆိုတဲ့ နိုင်ငံရေးနဲ့ မပတ်သတ်တဲ့ စာစီစာကုံးတွေမှာလည်း ကိုယ့်ပတ်ဝန်းကျင် ကိုယ့်မြို့ကိုယ့်ရွာ အကြောင်း ရေးကြရင်လည်း ဒီလိုပဲ အကောင်းတွေချည်ရေးပြီး အလင်းဘက်ခြမ်းကိုသာ ကွက်ပြီးဖော်ပြကြတာချည်းပါပဲ။ အခုထိလည်း မန္တလေး- အမရပူရ ရဲ့အထင်ကရ ဦးပိန်တံတားကြီးကို ရိုက်ကူးကြ ရေးသားကြရာမှာ လှပတဲ့ အလင်းဘက်ခြမ်းလေးတွေပဲ တွေ့ဖူးပါသေးတယ်။

စစ်အစိုးရလက်ထက်တုန်းက သမိုင်းဝင်ဦးပိန်တံတားကြီးရဲ့ ပြင်ဆင်အစားထိုးရမယ့် အပိုင်းတစ်ချို့ကို ကျွန်းတိုင်လုံးတွေနဲ့ အစားမထိုးဘဲ ကွန်ကရစ်အုတ်တံတားတွေနဲ့ အစားထိုးထားတဲ့အပိုင်းတွေ ရှိတယ်ဆိုတဲ့ အမှောင်ဘက်ခြမ်းလေး အကြောင်းကို ရေးချင်မိပါတယ်။ ကျွန်းသစ်တွေ ဒီလောက်ပေါပြီး အလုံးလိုက်ထုတ်ရောင်း နေတဲ့ ဒီနိုင်ငံက သမိုင်းဝင်တံတားကြီးကို ကျွန်းလုံးတိုင်တွေနဲ့ အစားမထိုးဘဲ ကွန်ကရစ်တံတားတွေနဲ့ အစားထိုးပစ်ခဲ့တာ အံ့သြစရာကောင်းသလို လုပ်ပိုင်ခွင့် ရှိခဲ့တဲ့ အာဏာပိုင်တွေရဲ့ စဉ်းစားဆင်ခြင် သုံးသပ်ပုံကလည်း ရွှေချထားရမလိုပါပဲ။ ဘယ်လိုတွေးခေါ်သုံးသပ်ပုံမျိုးနဲ့ ဒီလိုလုပ်ပစ်ခဲ့သလည်းဆိုတာ စဉ်းစားလို့တောင်မရပါဘူး။
 
ပိုဆိုးတာက အဲ့ဒီကွန်ကရစ်တံတားတွေဟာ နှစ်၂၀တောင်မရှိသေးတဲ့ သက်တမ်းတိုလေးမှာ စုတ်ပြတ်ပြီး အုတ်ဘောင်တွေလည်း ပဲ့ကျနေပါတယ်။ သက်တမ်းရာချီနေတဲ့ ကျွန်းတံတားကြီးဟာ ငလျင်ဒဏ်၊ နှစ်စဉ်ရေကြီးမှုဒဏ်နဲ့ လေဒဏ်တွေကို ဒီနေ့ထိ ကြံ့ကြံ့ခံနိုင်ပေမယ့် ကွန်ကရစ် အုတ်တံတားကြီးကတော့ သက်တမ်းငယ်လေးအတွင်းမှာ ပဲ့ကြွေနေကြတာဟာ ရှက်တတ်ဖို့ ကောင်းပါတယ်လို့ အဆိုးမြင်ခဲ့ဖူး ပါတယ်။ ခုချိန်မှာတော့ အမြင်တွေက မတူပြန်တော့ ပါဘူး။ ကွန်ကရစ်တံတားကြီး အချိန်တိုအတွင်း စုတ်ပြတ်သတ် လာတာဟာ ကျေးဇူးတင်စရာ အလွန်ကောင်းတယ်လို့ အကောင်းမြင်တတ်လာပါပြီ။
 
ဒီလို ကွန်ကရစ်တွေ အချိန်တိုတွင်း စုတ်ပြတ်သတ်လာတာဟာ နိုင်ငံ့ရတနာ ကျွန်းတိုင်လုံးတွေနဲ့ ပြန်လည်အစားထိုးပေးဖို့ အခွင့်အရေးတစ်ခု ပြန်ရတယ်လို့ပဲ မြင်ပါတယ်။ ဒါ့ကြောင့်ပြည်သူက တင်မြောက်ထားတဲ့ မန္တလေးတိုင်း ကိုယ်စားလှယ်တော်ကြီးများ နှင့် အုပ်ချုပ်သူ အာဏာပိုငိများဟာ ဦးပိန်တံတားကြီးရဲ့ ကွန်ကရစ်အစားထိုးနေရာတွေကို ဖျက်သိမ်းပြီး ကျွန်းတိုင်လုံးတွေနဲ့ပြန်လည် အစားထိုးပေးပါလို့ မန္တလေးမြို့သူတစ်ယောက် အနေနဲ့ တောင်းဆိုလိုက်ပါတယ်။
 
 
နေထက်ထက်အောင်
— with ရုပ် ဆိုး and 72 others.
See Translation
Photo


စစ်သားမိန်းမဘာတွေရသလဲ

0
0
 Photo
(အရင်က ဒီလိုခေါင်းစဉ်မျိုးနဲ့ စာတပုဒ်တင်ခဲ့ဖူးပေမဲ့ အခုစာစုလေးက ခံစားမှု တမျိုးဆန်းနေတာမို့ ထပ်တင်ပေးလိုက်ပါတယ်)
William Tuntunko
ဆရာကြီး မောင်သာချို ရေးသားသော ဆောင်းပါးတစ်ပုဒ်မှ စစ်သားများ ရဲ့ ဘ၀လက်တွဲဖေါ် များအတွက် ဘ၀သရုပ်ဖေါ် အတွေးကလေး တစ်ပုဒ်ကို FB ဘော်ဒါတွေအတွက် ဝေငှပါရစေ။
ဆရာကြီးက ကချင်စစ်ပွဲအမှတ်တရဓါတ်ပုံတွေကြည့်ရင်း ဂျာမာန် ကဗျာဆရာကြီး Bertolt Brecht ရေးခဲ့တဲ့ ကဗျာ လေး တစ်ပုဒ် ကို မျှဝေပါတယ် ၊ ဒီကဗျာကို ဆရာမောင်တင်အေး က ပြန်ဆိုတာလို့သိရပါတယ် ၊

“စစ်သားမိန်းမဘာတွေရသလဲ” တဲ့

ပရက်ဂ် မြို့တော်ကြီးကိုဟစ်တလာရဲ့နာဇီတပ်မတော်ကြီးသိမ်းပိုက်ခဲ့စဉ်က ၊ စစ်သားမိန်းမ ဘာတွေရသလဲ။
အောင်သတင်းနဲ့ဆုမွန်တောင်းစာတွေရယ် ၊ လက်ဆောင်အဖြစ် စစ်သားမိန်းမ….. ဒေါက်မြင့် ဖိနပ်ကြီးရခဲ့တယ်။
သြစတြီးယား ကို ကျူးကျော်စဉ်က ၊ စစ်သားမိန်းမ ဘာတွေရသလဲ ။
ဗီယင်နာ မြို့က သားမွေးအထည်စကလေးနဲ့အတူသဘောကျမယ်လို့ထင်ပါတယ်ဆိုတဲ့ စာလေးတစ်စောင် လက်ဆောင်အဖြစ် စစ်သားမိန်းမ……ရခဲ့တယ်။
အမ်စတာဒမ် သူဌေးမြို့ကို နာဇီတပ်ကြီးသိမ်းတုန်းက ၊ စစ်သားမိန်းမ ဘာတွေရလဲ။
ဒတ်ခ်ျ (နယ်သာလန်) ပြည်ဖြစ် ဦးထုပ်လှလှလေးတစ်လုံး လက်ဆောင်အဖြစ် စစ်သားမိန်းမ ……ရခဲ့တယ်လေ။
ဘယ်လ်ဂျီယံ မြို့တော် ဘရပ်ဆဲလ် ကို ကျူးကျော်ခဲ့စဉ်က ၊ စစ်သားမိန်းမ ဘာတွေရသလဲ ။
ဘယ်လ်ဂျီယံ နိုင်ငံရဲ့လက်ရာ ရှားပါးလှတဲ့လည်ဆွဲတစ်ခု ၊ လက်ဆောင်အဖြစ် စစ်သားမိန်းမ….. ရခဲ့ပါတယ်။
ပျော်စရာပါဘဲ……………။
အလင်းရောင်တွေရွှန်းပဝေနေတဲ့ ပဲရစ်စ် မြို့တော်ကို ဟစ်တလာကြီးရခဲ့တုန်းက ၊ စစ်သားမိန်းမ ဘာတွေရသလဲ။
ပိုးဂါဝန် ပုံကျကျ တထည်ကို လက်ဆောင်အဖြစ် စစ်သားမိန်းမ ရခဲ့ပါတယ်………………..၀မ်းသာလိုက်တာ။ တစ်နယ်လုံးသိတယ် ……စစ်သားမိန်းမ ပိုးဂါဝန်တစ်ထည်ရတယ်။
ရူမေးနီးယား နိုင်ငံ ၊ ဘူခါရက်မြို့ ကို ဟစ်တလာ့စစ်တပ်ရောက်တော့၊ စစ်သားမိန်းမ ဘာတွေရသလဲ။
ဂါဝန်ဖါးဖါးပွပွ ကြီးတစ်ထည် စစ်သားမိန်းမ ရပါတယ်၊ ကြည့်ရဆန်းပြီး ၀တ်ရတာ ရယ်စရာ သိပ်ကောင်းတယ်……… စစ်သားမိန်းမ………….ဂါဝန်ပွပွကြီးတစ်ထည်ရခဲ့ပါတယ်။
နှင်းနိုင်ငံ ရုရှားပြည် ကို ရောက်တော့ ၊ စစ်သားမိန်းမ ဘာတွေရသလဲ။
မုဆိုးမ အထိမ်းအမှတ် ၀တ်စုံနက်ပဲ လက်ခံရရှိပါတော့တယ် ၊ ၀မ်းနည်းဖွယ်ရာ လင်သား သေဆုံးမှု အထိမ်းအမှတ်အဖြစ် ၀တ်စုံနက် တစ်စုံ ……….. စစ်သားမိန်းမ လက်ခံရရှိပါတော့တယ်……….။
ဒါသူတို့ က ကျူးကျော်ရေး စစ်တပ် မို့ ဒီလောက်ရတာပါ။ ပြည်တွင်းစစ်ကို တိုက်နေရတဲ့ ကျွန်တော်တို့စစ်တပ် ရဲ့ စစ်သားမိန်းမ တွေကော ဘာတွေရတယ်ထင်ပါသလဲ ?????

မှတ်ချက် ။ ။ စစ်အာဏာရှင် ကတော်များမပါ။
— with Ye Moe and 4 others.

Photo

တပ်မတော်အကြောင်း တွေးမိတွေးရာ

0
0

 
 မြန်မာ့တပ်မတော် လေကြောင်းရန် ကာကွယ်ရေးတပ်ဖွဲ့ရှိ Tunguska လေယာဉ်ပစ်စနစ်
မြန်မာ့တပ်မတော်မှ ခေါင်းဆောင်များ၏ ရုရှားခရီးစဉ်သည် စစ်ရေးစိတ်ဝင်စားသူများအကြားတွင် အပြောများဆုံးသော အချက်တစ်ခုဖြစ်လာခဲ့ပြီး ထိုခရီးစဉ်အပေါ်တွင်လည်း မျှော်လင့်ချက်ကြီးကြီးမားမားထားကာ သတင်းများကို စောင့်ကြည့်နေမိပါသည်...။ ထို့ကြောင့် တွေးမိတာလေးများ ရှိလာရာ ညီ၊အစ်ကိုတို့အား ဖော်ပြပေးပါ့မည်....။


  လက်ရှိအချိန်တွင် အလွန်လိုအပ်လျက်ရှိသော စစ်သုံးယာဉ်များနှင့် ရေပြင်ပိုင်နက်အား အကာကွယ်ပေးရာတွင် ပိုမိုထိရောက်စေနိုင်မည့် ရေငုပ်သင်္ဘောဆိုင်ရာ သတင်းများကို အထူးစိတ်ဝင်စားမိပါသည်...။ ထို့အပြင် မကြာမှီအချိန်အတွင်းတွင် အနားပေးရတော့မည့် လေတပ်၏ မြေပြင်တိုက်ခိုက်ရေးယာဉ်များဖြစ်သည့် A-5C များသည်လည်း သက်တမ်းရင့်နေပြီဖြစ်ရာ တပ်မတော်(လေ)၏ မြေပြင်ပစ်ကူပေးရေးဆိုင်ရာ စွမ်းဆောင်ချက်များကို မြှင့်တင်နိုင်ရန်အတွက် ပိုမိုခေတ်မှီသည့် မြေပြင်ပစ်ကူပေးရေး တိုက်လေယာဉ်များအား လိုအပ်လျက်ရှိပါသည်....။


ကြည်းတပ်ဆိုင်ရာ အမြင်များ
စစ်သုံးယာဉ်များသည် လက်ရှိအချိန်တွင် အတန်ငယ်လုံလောက်သည်ဟု ဆိုနိုင်သော်လည်း ပြည့်စုံနေပြီဟုတော့ မသတ်မှတ်နိုင်သေးပေ...။ မိမိတို့ ပြည်တွင်းတွင် ထုတ်လုပ်တပ်ဆင်ခဲ့သည့် BTR-3U သံချပ်ကာယာဉ်များအပြင် ကျန်ရှိသည့် သံချပ်ကာယာဉ်များကို အဆင့်မြှင့်တင်ခြင်း၊ သံချပ်ကာနှင့် ခြေလျင်တပ်ဖွဲ့များ ပူးတွဲစစ်ဆင်ရေးများ လေ့ကျင့်ခြင်းဖြင့် တပ်မတော်၏ စစ်ဆင်ရေး စွမ်းရည်ကို ပိုမိုထိရောက်စေလာနိုင်မည်ဟု ယူဆရပါသည်....။

သံချပ်ကာ၊တင့်ကားများဖြင့် စစ်ရေးလေ့ကျင့်မှုတစ်ခု

တပ်မတော်နည်းတူ ယိုးဒယားစစ်တပ်သည်လည်း BTR-3E1 မျိုးကွဲများကို အသုံးပြုလျက်ရှိပြီး ရန်သူ့တင့်များအား အဓိကချေမှုန်းနိုင်စေရန် ရည်ရွှယ်ကာအဆင့်မြှင်တ့င်ခြင်းများ လုပ်ဆောင်လျက်ရှိပါသည်....။ ပင်မတိုက်ပွဲဝင်တင့်ကားများအနေဖြင့်လည်း Type-59D,T-72S နှင့် MBT-2000 တို့ကိုသာလျှင် ပင်မတိုက်ပွဲဝင်တင့်ကားအဖြစ် အသုံးပြုနိုင်ပြီး Type-69-II တင့်များနှင့် T-55 တင့်များကို လေ့ကျင့်ရေးအတွက်သာ အသုံးပြုရန် သင့်တော်ပါတော့သည်....။ သို့သော် PTL-02 တင့်ဖျက်ယာဉ်များ ပိုင်ဆိုင်ထားသဖြင့် တပ်မတော်အတွက် အားတစ်ရပ်ဖြစ်စေပါသည်...။
SH-1 155mm ယာဉ်တင်အမြောက်များ

Nora B-52 155mm ယာဉ်တင်အမြောက်များ

အမြောက်တပ်ဖွဲ့များအနေဖြင့်လည်း SH-1 155mm နှင့် Nora B-52 155mm ယာဉ်တင်အမြောက်များကို တပ်မတော်၏ အဓိကယာဉ်တင်အမြောက်မျာအဖြစ် အသုံးပြုလျက်ရှိပြီး ပြည်တွင်းတွင် စမ်းသပ်အောင်မြင်ထားသည့် ၁၀၅မမ ယာဉ်တင်အမြောက်များပါထည့်သွင်း တွက်ချက်မည်ဆိုပါက တပ်မတော် အမြောက်တပ်ဖွဲ့၏ စစ်ဆင်ရေးလှုပ်ရှားနိုင်မှုသည် အတော်အသန်အားရှိသည်ဟု မှတ်ယူနိုင်ပါသည်....။ နောက်ပိုင်းကာလများတွင်လည်း အမြောက်တပ်၏ အဓိက ပင်မကျောရိုးသည် ယာဉ်တင်အမြောက်စနစ်များအဖြစ် ပြောင်းလဲလာနိုင်ပါသည်....။

 ယာဉ်တင်အမြောက်စနစ်၏ အဓိက အားသာချက်မှာ မိမိတပ်မှ ရန်သူ့စခန်းများဆီသို့ ပစ်ခတ်ချေမှုန်းရာတွင် ရန်သူ့အမြောက်တပ်ဖွဲ့များအနေဖြင့် မိမိအမြောက်တပ်၏ တည်နေရာများ တန်ပြန်ပစ်ခတ်ခြင်း မပြုလုပ်နိုင်မည်ပင် မိမိတပ်ဖွဲ့ဝင်များအနေဖြင့် ဘေးလွှတ်ရာတွင် ရွှေ့ပြောင်းကာ
 နောက်ထပ်တစ်ကြိမ် ပြန်လည်ပစ်ခတ်ပေးနိုင်ခြင်းဖြစ်ပါသည်...။ ထိုအချက်ကို အိန္ဒိယ-ပါကစ္စတန် နယ်စပ်တိုက်ပွဲများတွင် ကောင်းကောင်းတွေ့နိုင်ပါသည်...။ မည်သို့ပင်ဆိုစေကာမူ Towed Artillery ခေါ်သော ယာဉ်ဆွဲအမြောက်များသည်လည်း လိုအပ်နေဦးမည်ဖြစ်ပါသည်....။

ရေတပ်ဆိုင်ရာ အမြင်များ
ရေတပ်ဖွဲ့အနေဖြင့်မူ အထူးပြောစရာအနေဖြင့် ရေငုပ်သင်္ဘောပိုင်ဆိုင်နိုင်ရေးဟူသော အချက်ပင်ဖြစ်ပါမည်..။ တပ်မတော်(ရေ)အနေဖြင့် ရေငုပ်သင်္ဘောဆိုင်ရာ
 လေ့ကျင့်ခန်းများ၊နည်းပညာများကို လေ့လာသင်ယူလျက်ရှိပြီး ရေငုပ်သင်္ဘောဆိုင်ရာ လေ့လာမှုမျာတွင် အိန္ဒိယရေတပ်ထံမှ အကူအညီများ ရရှိခဲ့ဘူးပါသည်...။ ခေတ်မှီရေငုပ်သင်္ဘောများအား အကြွမ်းတဝင် ရှိနေစေရန် အလို့ငှာ ဆက်လက်၍လည်း ပြည်ပနိုင်ငံများတွင် လေ့လာသင်ယူလျက်ရှိကြပါသည်....။ ထို့ပြင် တပ်မတော်(ရေ)၏ တည်ဆောက်လျက်ရှိသော ဖရီးဂိတ် F12 ကျန်စစ်သား စစ်ရေယာဉ်၏ သတင်းသည်လည်း လူပြောများသော အချက်တစ်ခုဖြစ်လာပါသည်... မည်သည့်လက်နက်စနစ်တပ်ဆင်မည်... ရေဒါစနစ်၊ဒုံးစနစ်နှင့် အီလက်ထရောနှစ် စစ်ဆင်ရေးဆိုင်ရာနည်းပညာများ လေကြောင်းရန် ကာကွယ်ရေးစနစ်များကို စိတ်ဝင်တစား ဆွေးနွေးနေကြဆဲဖြစ်ပါသည်....။
ထောက်ပံ့ရေး ရေယာဉ်များ

F12 ကျန်စစ်သား ဖရီးဂိတ်သည် တပ်မတော်(ရေ)၏ ဒုတိယမြောက် တည်ဆောက်လျက်ရှိသည့် ဖရီးဂိတ် အမျိုအစားဖြစ်ပြီး ကိုယ်ပျောက်နည်းပညာများ အသုံးပြုထားပါသည်...။ ယခုနှစ် အတွင်းတွင် တပ်တော်ဝင်နိုင်ရန် မျှော်လင့်ထားကြပါသည်...။ ကျန်စစ်သား ဖရီးဂိတ်စစ်ရေယာဉ်အနေဖြင့် မြင်သာသည့် လက်နက်စနစ်များကို ခန့်မှန်းကြည့်ပါက သင်္ဘောဖျက်ဒုံးများအတွက် ရုရှား၏ Kh-35E ပဲ့ထိန်းဒုံးများ ဖြစ်လာနိုင်ပြီး လေကြောင်းရန် ကာကွယ်ရေးအတွက်မှု ပြည်ပမှ နည်းပညာများရယူကာ တပ်ဆင်ထားသည့် Igla × 8 SAM Short Range များဖြစ်လာနိုင်ပါသည်....။
 စစ်ရေယာဉ် အောင်ဇေယျ ဖရီးဂိတ်

 သို့သော် စစ်ရေယာဉ် အောင်ဇေယျ အပါအဝင် စွမ်းရည်ထက်မြက်သည့် ဖရီးဂိတ်တစ်စင်းအတွက်မှု Igla တာတိုပစ် ဒုံးများသည် ပြည့်စုံသော လေကြောင်းရန် ကာကွယ်ရေးစနစ်တစ်ရပ် မဟုတ်သေးချေ....။ အဆိုပါ လေကြောင်းရန်ကာကွယ်ရေးစနစ်အတွက် မိမိတို့မျှော်မှန်းနိုင်သည့် စနစ်မှာ ရုရှား၏ Kashtan-M CIWS မြန်နှုန်းမြင့်စက်အမြောက်များဖြစ်ပါသည် အဆိုပါစနစ်အနေဖြင့် ပဲ့ထိန်းဒုံး ၈စင်းတပ်ဆင်ထားနိုင်ပြီး မြန်နှုန်းမြင့်စက်အမြောက်ကြီးဖြင့် တွဲဖက်ထားသဖြင့် အလွန်အသုံးတည့်မည့် စနစ်တစ်ခုဖြစ်ပါသည်....။ တပ်မတော်ခေါင်းဆောင်ကြီးများသည်လည်း အဆိုပါ CIWS စနစ်ထုတ်လုပ်သည့် KBP Instrument Design Bureau သို့ သွားရောက်လေ့လာခဲ့ကြပါသေးသည်....။

တိုက်ရေယာဉ်များသည်လည်း ပင်လယ်ပြင် စစ်ဆင်ရေးတာဝန်များ ထမ်းဆောင်ရာတွင် ထောက်ပံ့ရေးယာဉ်များ လိုအပ်လျက်ရှိပါသည်.....။ လက်ရှိတပ်မတော်(ရေ)၏ ထောက်ပံ့ရေးရေယာဉ်များသည် အိုမင်းနေပြီဖြစ်ပြီး ရေတပ်အနေဖြင့် ပိုမိုခေတ်မှီသည့် ထောက်ပံ့ရေးရေယာဉ်အသစ်များ လိုအပ်လျှက်ရှိပါသည်...။ စစ်ရေယာဉ်များအနေဖြင့် မည်မျှပင် အစွမ်းထက်နေစေကာမှု ကာလကြာမြှင့်သော စစ်ဆင်ရေးတာဝန်များထမ်းဆောင်ရာတွင် စစ်သည်များနှင့် ရေယာဉ်အတွက်သည် ရေယာဉ်အပေါ်တွင် ပါရှိသည့် ရိက္ခာများဖြင့် မလုံလောက်နိုင်ပါ အကြမ်းဖြင်းအားဖြင့် အမြန်တိုက်ခိုက်ရေးယာဉ်များ၏ ပင်လယ်ပြင်အတွက် လုံလောက်သော ရိက္ခာမှာ ၁၀-၁၅ရက်သာဖြစ်သည်....။ မိမိရေယာဉ်များ အနေဖြင့်လည်း ရေမြုပ်မိုင်းစစ်ဆင်ရေးလုပ်ငန်းများ လုပ်ဆောင်နိုင်စေရာတွင် အားနည်းလျှက်ရှိနေပါသည်....။ ကာလရှည်ကြာစွာ အသုံးပြုလျက်ရှိသည့် ရေယာဉ်အဟောင်းများနေရာတွင် ခေတ်မှီပြီး စွမ်းဆောင်ရည် ထက်မြက်သည့် ရေယာဉ်အသစ်များဖြင့် အစားထိုးနိုင်ရန် လိုအပ်လှပါသည်....။

လေတပ်ဆိုင်ရာ အမြင်များ
တပ်မတော်(လေ)၏ လက်ရှိမြေပြင်တိုက်ခိုက်ရေးယာဉ်ဖြစ်သည့် A-5C ဖန်တန်များသည်လည်း သက်တမ်းအရ ရင့်သောအပိုင်းတွင် တည်ရှိလျက်ရှိပြီး လက်ရှိခေတ်သစ် လေကြောင်းတိုက်ခိုက်ရေးအတွက်မှု ပိုမိုစွမ်းဆောင်ရည် ထက်မြက်သည့် မြေပြင်တိုက်ခိုက်ရေး တိုက်လေယာဉ်များ လိုအပ်လျက်ရှိပါသည်...။ မြေပြင်တိုက်ခိုက်ရေး တိုက်လေယာဉ်နှင့် ဘက်စုံသုံးတိုက်လေယာဉ် အမျိုးအစားနှစ်ရပ် ရွေးချယ်ရန် ရှိလာနိုင်ပါသည်....။ 

Mi-28 Attack Helicopter တစ်စင်း

မြေပြင်တိုက်ခိုက်ရေး တိုက်လေယာဉ်များအနေဖြင့် မိမိတို့တပ်ဖွဲ့များအား အနီးကပ်ပစ်ကူပေးရာတွင် အင်မတန်ထိရောက်လျှက်ရှိပြီး အမှန်တကယ်လိုအပ်သည့် အမျိုးအစားဖြစ်သည်...။ သို့သော် လက်ရှိ ကာကွယ်ရေးဘတ်ဂျက်အနေဖြင့်တွင်တော့ မည်သို့မျှ ဖြစ်လာနိုင်ဦးမည်မဟုတ်ပေ...။ ထို့ကြောင့် တပ်မတော်(လေ)အား အားဖြည့်ကာ တိုက်လေယာဉ်များ ဝယ်ယူမည်ဆိုပါက ဘက်စုံသုံးတိုက်လေယာဉ်များသာ ဖြစ်လာဦးမည်ဖြစ်ပါသည်...။ ဘက်စုံသုံးတိုက်လေယာဉ်များတွင်လည်း လက်ရှိအချိန်တွင် ဝယ်ယူရန် ဆုံးဖြတ်ချက်ချမှတ်ထားခြင်း မရှိသေးသော်လည်း ဖြစ်လာနိုင်သည့် တိုက်လေယာဉ်များမှာ MiG35 နှင့် SU-30/35 များဖြစ်လာနိုင်ပါသည်....။ ထိုသို့မဟုတ်ဘဲ လက်ရှိ အသုံးပြုလက်ရှိသည့် MiG-29 တိုက်ယောဉ်များအား အဆင့်မြှင့်တင်ခြင်းမျိုးလည်း ဖြစ်လာနိုင်ပါသည်....။

လေတပ် သယ်ယူပို့ဆောင်ရေးယာဉ်ဖြစ်သည့် Y-8D များအနေဖြင့်လည်း အဆင့်မြှင့်တင်မှုများ ပြုလုပ်ခဲ့ပြီးဖြစ်ပြီး သို့ရာတွင် သယ်ပို့ယာဉ်ကြီးများအနေဖြင့် ပြည့်စုံခြင်းမရှိသေးပေ...။ Mi-17 ရဟတ်ယာဉ်များသည်လည်း အမျိုးမျိုးသော တာဝန်များ ထမ်းဆောင်နိုင်ကြသဖြင့် အကြီးစား သယ်ပို့လေယာဉ်များအနေဖြင့် အရေးတကြီးလိုအပ်ဦးမည် မဟုတ်ပေ... သို့သော် သင့်လျှော့သော အချိန်တွင်မှု ဖြည့်တင်းသင့်ပေသည်...။ တိုက်ခိုက်ရေးရဟတ်ယာဉ်များအနေဖြင့်လည်း အစီးရေ အတော်များများ ပိုင်ဆိုင်ထားသဖြင့် လက်ရှိအချိန်တွင် လုံလောက်သည်ဟု ဆိုနိုင်သော်လည်း ခေတ်သစ် တိုက်ခိုက်ရေးရဟတ်ယာဉ်များကိုလည်း ပေါင်းစပ်အသုံးပြုနိုင်ရန် ကြိုပမ်းသင့်ပါသည်....။ ဥပမာ- ရုရှား၏ Mi-28NE ကဲ့သို့သော တိုက်ခိုက်ရေးရဟတ်ယာဉ်များသည်လည်း ပိုင်ဆိုင်ထားသင့်ပါသည်...။

လေကြောင်းရန် ကာကွယ်ရေးတပ်ဆိုင်ရာ အမြင်များ

လေကြောင်းရန် ကာကွယ်ရေးတွင်မှု ပြည့်စုံသည့် စနစ်တစ်ရပ်ပိုင်ဆိုင်ထားကြပြီဖြစ်ပြီး ဘတ်ဂျက်အလိုက် လိုအပ်သည့် စနစ်များအား ထပ်မံဝယ်ယူဖြည့်တင်းခြင်းမှအပ လုံလောက်ရှိပါသည်....။ အနည်းငယ် အကျယ်ချဲ့ကြည့်မည်ဆိုပါက.... ယခင်က တရုပ်စစ်တပ်မှ ဝယ်ယူထားသည့် HN-5 ပုခုံးထမ်း ဒုံးပစ်လောင်ချာများနေရာတွင် ရုရှား၏ Igla ပုခုံးထမ်းလောင်ချာစနစ်များအတိုင်း ပြည်တွင်းတွင်ပင် ထုတ်လုပ်နိုင်ခဲ့ပြီးဖြစ်ပြီး တပ်မတော် ရှေ့တန်းစခန်းများတွင် တပ်ဆင်ပေးနိုင်ခဲ့ပြီးဖြစ်ပါသည်....။ ထို့ပြင် ပို၍ခေတ်မှီသည့် ယူကရိန်းစစ်တပ်မှ ရရှိထားသည့် Tunguska တာတိုပစ် လေကာစနစ်များ (ဒုံး နှင့် စက်အမြောက်တပ်ထားသည့်တင့်) များအပြင် တာလတ်ပစ် ဒုံးအမျိုးအစားဖြစ်ကာ အမေရိကန်၏ ကိုယ်ပျောက်ဗုံးကြဲလေယာဉ်ကို ပထမဆုံး ပစ်ခတ်ချေမှုန်းနိုင်ခဲ့သည့် Pechora M စနစ်အား အဆင့်မြှင့်တင်ထားသည့် စွမ်းဆောင်ရည်ပြည့်ဝသော Pechora 2M ဒုံးစနစ်များကိုလည်း တပ်ဆင်ထားပြီးဖြစ်ပါသည်....။ 

ကပစထုတ် (Ka Pa Sa) တာတိုပစ် ပုခုံးထမ်းလောင်ချာများအား တွေ့ရစဉ်



တာဝေးပစ် အတွက်မှု အမေရိကန်၏ U-2 ကင်းထောက်လေယာဉ်အား ပစ်ချနိုင်ခဲ့သည့်... ဗီယက်နမ်စစ်တွင် အမေရိကန်လေတပ် ပိုင်းလော့များ၏ အကြောက်ရဆုံးသော SA-2 တာဝေးပစ်ဒုံးအား အဆင့်မြှင့်တင်ထားသည့် ဒုံးလက်နက်စနစ်အား အသုံးပြုလျက်ရှိပါသည်....။ အခြားမိမိတို့ မသိနိုင်သည့် ခေတ်မှီ တာဝေးပစ်များလည်း ရှိနိုင်ပါသေးသည်....။

 ဒုံးတွေဘယ်လိုဘဲ ကောင်းကောင်း စက်အမြောက်တွေလည်း လိုသေးသည်

အထက်ပါ အချက်များအား လေ့လာကြည့်ပါက လိုအပ်သည်များအား တွေ့ရှိရမည်ဖြစ်ပါသည်...။ ထို့ကြောင့် မြန်မာ့မြေပြင်၊ရေပြင်နှင့် ဝေဟင်ပိုင်နက်များအား အကာကွယ်ပေးနိုင်မည့် ခေတ်မှီတပ်မတော်တစ်ရပ်သည် ရှိကိုရှိသင့်လှပါသည်....။ ဒေသတွင်းနိုင်ငံများနှင့် ယှဉ်ပါက တိုက်ခိုက်ရေးစွမ်းရည် မြှင့်မားလှသော်လည်း ခေတ်မှီစစ်လက်နက်များကို ပိုင်ဆိုင်ထားနိုင်ပါက ပိုမိုထိရောက်သော စွမ်းဆောင်ရည်များ ရရှိနိုင်ပေမည်ဟု ကျွှန်တော်၏ အမြင်သက်သက်များအား ဖော်ပြပေးလိုက်ရပါသည်ခင်ဗျာ.....။ အားလုံးကို လေးစားလျှက်... ကိုmm 

 

 http://mmmilitary.blogspot.com/2013/07/blog-post_18.html မှ ကူးယူဖော်ပြပါသည်။

ဗိုလ်ချုပ်အောင်ဆန်း ( ဒေါ်အောင်ဆန်းစုကြည်၏ ဆောင်းပါး)

0
0
ဗိုလ်ချုပ်အောင်ဆန်း ( ဒေါ်အောင်ဆန်းစုကြည်၏ ဆောင်းပါး) =============================== အောင်ဆန်း အောင်ဆန်းစုကြည် မြန်မာပြန် - ဒေါက်တာအောင်ခင်  ကျမ မှတ်မိနိုင်သော အရွယ်မရောက်မီကပင် ကျမ၏ ဖခင် ကွယ်လွန်သွားပါသည်။ ထို့ကြောင့် “ဖေဖေဟာ ဘယ်လိုလူစားမျိုးပါလိမ့်” ဟူသော သိချင်စိတ်ဖြင့် ဖခင်၏ဘ၀လုပ်ဆောင်ချက်များနှင့် ပတ်သက်သော စာပေ အထောက်အထားများကို ကျမ စတင်စုဆောင်း လေ့လာဖတ်ရှုခြင်းပင် ဖြစ်ပါသည်။ အောက်တွင် ဖော်ပြပါ အတ္ထုပ္ပတ္တိစာတမ်းကို ရေးသားရာ၌ ပုံနှိပ်ထုတ်ဝေခြင်း အထောက်အထားများကို အဓိကအခြေခံထားပါသည်။ အကြောင်းအရာနှစ်ရပ်နှင့် ပတ်သက်၍သာလျှင် ကျမတို့မိသားစုနှင့် ဖေဖေ့အား ကောင်းစွာသိကျွမ်းခဲ့သူများ ထံမှ သိရှိရသောအချက်အလက်များအပေါ်တွင် အတော်အသင့် အခြေခံထားပါသည်။  သွေးသားနီးကပ်စွာ တော်စပ်သူတဦး၏ အတ္ထုပ္ပတ္တိကိုရေးရသည်မှာ မလွယ်ကူပါ။ ဓမ္မဓိဌာန်ကျကျရေးနိုင်မည် မဟုတ်ဟု အစွပ်စွဲခံရနိုင်ပါသည်။ တကယ်တမ်းတွင်လည်း အတ္ထုပ္ပတ္တိရေးသူတို့သည် မိမိတို့ ရှာဖွေစုဆောင်းရ ရှိသော အထောက်အထားများဖြင့် မိမိတို့၏ ကိုယ်ပိုင်ဆုံးဖြတ်ဥာဏ်ကို ပုံစံသွင်းပေးခဲ့သော အဖြစ်အပျက်၊ အတွေ့အကြုံများ၏ သြဇာသက်ရောက်မှုမှ ကင်းလွတ်နိုင်မည်မဟုတ်ပါ။ ကျမအနေဖြင့် ကျမဖခင်၏ ရုပ်ပုံလွှာ ကို ကျမမြင်သည့်အတိုင်း မှန်ကန်စွာ ပေါ်လွင်စေရန် ကြိုးပမ်းရေးသားထားပါသည်ဟုသာ ပြောနိုင်ပါသည်။ * * * * * *  အောင်ဆန်းကို မြန်မာနိုင်ငံ အညာဒေသရှိ နတ်မောက်မြို့ကလေး၌ ၁၉၁၅ ခုနှစ် ဖေဖော်ဝါရီလ ၁၃ ရက်နေ့ တွင် ဖွားမြင်ပါသည်။ မန္တလေးမြို့တော်ရှိ မြန်မာဘုရင်အုပ်ချုပ်ရေးစနစ်ကို ပျက်သုန်းစေပြီး မြန်မာတနိုင်ငံလုံး ဗြိတိသျှအုပ်ချုပ်ရေးလက်အောက်သို့ ကျဆင်းစေခဲ့သော တတိယအင်္ဂလိပ်-မြန်မာစစ်ပွဲအပြီး နှစ်ပေါင်း (၃၀) အကြာတွင် ဖြစ်ပါသည်။ နတ်မောက်နယ်သူနယ်သားများသည် မြန်မာဘုရင်များ၏ အမှုကိုထမ်းဆောင်သည့် အစဉ်အလာရှိသူများဖြစ်၏။  အောင်ဆန်း၏ မိခင်မျိုးရိုးထဲတွင် ရာထူးကြီး မင်းမှုထမ်းအချို့ ပါဝင်ခဲ့ပါသည်။ ဖခင်ဖြစ်သူ ဦးဖာသည် လယ် သမားမျိုးရိုးမှဖြစ်ပြီး လောကီရေးရာတွင် လိမ္မာရေးခြားမရှိ၊ စကားမပြော တုံဏှိဘာဝေ နေတတ်သူတဦး ဖြစ် ပါသည်။ ဉာဏ်ရည်ကောင်း၍ စာပေဖက်တွင် ထူးချွန်သော်လည်း စကားနည်းလွန်းသဖြင့် ဦးဖာသည် မိမိ၏ အသက်မွေးဝမ်းကြောင်း အလုပ်ဖြစ်သော ရှေ့နေအလုပ်၌ အောင်မြင်ခြင်းမရှိခဲ့ပါ။ ထို့ကြောင့် ထက်မြက်သွက် လက်လှသော မိခင်ဒေါ်စုသာလျှင် မိသားစုစားဝတ်နေရေးကို အဓိကတာဝန်ယူရပါသည်။  ဒေါ်စု၏ ဦးလေးတော်သူသည် ဗြိတိသျှတို့ကို ရှေးဦးစွာ တော်လှန်ဆန့်ကျင်ခဲ့သော မြန်မာအုပ်စုတစုကို ခေါင်း ဆောင်ခဲ့ပါသည်။ နောက်ဆုံး၌ “ဗိုလ်လရောင်” ခေါ် “ဦးမင်းရောင်” အား ဗြိတိသျှတို့က ဖမ်းဆီးသတ်ဖြတ် လိုက်ပါသည်။ “ကုလားတို့ ကျွန်မခံ” ဟူသော စိတ်ထားရှိခဲ့သည့် ထိုရဲရဲတောက် မျိုးချစ်ပုဂ္ဂိုလ်ကြီးကား အောင် ဆန်းမိသားစုနှင့် နယ်သူနယ်သားများ ဂုဏ်ယူစံထား အားကျဖွယ်ရာ ဖြစ်လာပါသည်။ ညီအကိုမောင်နှမ (၆) ဦး (ကလေးဘ၀ကပင် ကွယ်လွန်ကြသူများအပါအ၀င်ဆိုလျှင် မွေးချင်း - ၉ ဦး) အနက် အထွေးဆုံးဖြစ်သူ အောင်ဆန်းသည် သူကိုယ်တိုင်ရေးခဲ့သော မှတ်တမ်းအရ ညစ်ပတ်ချူချာ အစားကြူး၍ လုံး ၀နှစ်လိုဖွယ်မဟုတ်သော ကလေးတဦးဖြစ်ပါသည်။ စကားပြောလည်း နောက်ကျလှသဖြင့် မိသားစုက ‘စွန့်အ’ နေသလားဟူ၍ပင် ပူပင်ခဲ့ရ၏။ သို့သော် အောင်ဆန်းကလေးသည် ပရိယာယ်မရှိခြင်း၊ အလွန်ရိုးသားဖြောင့် မတ်ခြင်း၊ ဆင်းရဲသူများအား သနားကြင်နာတတ်ခြင်း စသော ချစ်စဖွယ်စိတ်ဓာတ်များဖြင့် ပြည့်စုံသည်ဟု သူ့ အား ငယ်စဉ်က ကောင်းစွာသိခဲ့သူများနှင့် သူ့မိသားစုဝင်များက ကောက်ချက်ချကြပါသည်။  အောင်ဆန်းမိသားစုမှာ ဥာဏ်ရည်ကောင်းပြီး ပညာဖက်တွင် ထွန်းပေါက်သူများအဖြစ် နာမည်ကောင်းရထား ပါသည်။ အောင်ဆန်း၏ အကို (၃) ဦးမှာ အသက်ငယ်ငယ်လေးတွင် ကျောင်းစတက်ကြ၏။ သို့သော် အောင် ဆန်းမှာမူ အမေပါတက်မှ ကျောင်းတက်မည်ဆိုကာ ကတ်ဖဲ့နေ၏။ စိတ်ဓာတ်ကြံ့ခိုင်လှပါသည်ဟု ဆိုရမည် ဖြစ်သော ဒေါ်စုသည် သားထွေးလေးကို အလွန်ညှာတာလေ့ရှိပြီး သူ့စိတ်ပါမှသာ ကျောင်းတက်ပါစေတော့ဟု အလိုလိုက်ထားခဲ့၏။  သို့ဖြင့် (၈) နှစ်သားအရွယ်ရောက်သောအခါမှ အောင်ဆန်း ကျောင်းတက်ရန် ဆုံးဖြတ်ပါတော့သည်။ အကိုဖြစ် သူ အောင်သန်း ရှင်သာမဏေဘောင်သို့ ၀င်သောအခါ၌ ဘုန်းကြီးကျောင်းနေ သံဃာတို့ဘ၀ကို သဘောကျ၍ ပေလား၊ ရှင်လောင်းများစီးသည့် ကကြိုးတန်ဆာ ဆင်ရင်ထားသော မြင်းဖြူလေးကို သဘောကျ၍လားမသိ၊ အောင်ဆန်းက သူလည်း ရှင်ပြုချင်ပါသည်ဟု ဆိုလာပါတော့သည်။ လိမ္မာပါးနပ်သော အမေက အခွင့်ကောင်း ကို ချက်ချင်းယူ၍ ရှင်မပြုမီ စာရေးစာဖတ်တတ်ရန် လိုမည်ဟု ထောက်ပြလိုက်ပါသည်။  ကျောင်းစတက်သည်ဆိုသည်နှင့် အောင်ဆန်းသည် ထူးချွန်သော ကျောင်းသားတဦးဖြစ်ကြောင်း ပေါ်လွင်လာ ပါသည်။ စာကြိုးစား၍ စည်းကမ်းရိုသေပြီး အတန်းထဲတွင် အစဉ်ထိပ်တန်းက ရှိနေခဲ့ပါသည်။ အောင်ဆန်း၏ ပထမကျောင်းမှာ နတ်မောက် ဦးသောဘိတ ဘုန်းတော်ကြီးကျောင်းပင်ဖြစ်ပါသည်။ လောကုတ္တရာပညာသာ မက ခေတ်သစ်ပညာရပ်အချို့ကိုပါ သင်ကြားပေးသော ထိုစဉ်အခေါ် လောကဓာတ်ကျောင်းမျိုးဖြစ်ပါသည်။ သို့သော် နတ်မောက်ကျောင်းတွင် အင်္ဂလိပ်စာ သင်ကြားပေးခြင်းမရှိပေ။  ထိုအချိန်က အထက်တန်းပညာသင်ကြားရာ၌ လိုအပ်ချက်တခုဖြစ်သော အင်္ဂလိပ်စာကို အကိုကြီးများက သင် ထားပြီးဖြစ်သည့်အတိုင်း အောင်ဆန်းကလည်း တတ်အောင်သင်မည်ဟု စိတ်ပိုင်းဖြတ်ထားလိုက်၏။ သို့ဖြင့် အောင်ဆန်းလည်း ရေနံချောင်း အမျိုးသားကျောင်းသို့ အသက် (၁၃) နှစ်အရွယ်၌ ပြောင်းသွားပါသည်။ သား ထွေးလေးကို အိမ်မှ ခွဲခွာမသွားစေလိုသော ဒေါ်စုထံမှ ရေနံချောင်းကျောင်းတက်ခွင့်ရရန် အောင်ဆန်း အစာ ငတ်ခံဆန္ဒပြပွဲလေးတခုကို ဆင်နွှဲခဲ့ရပါသေးသည်။  ရေနံချောင်းရောက်သောအခါ ကျောင်းတွင် ဆရာတဦးအဖြစ် အလုပ်လုပ်နေသော အကိုကြီး ဦးဘ၀င်း၏ ထိန်းကျောင်းစောင့်ရှောက်မှုအောက်တွင် နေခဲ့ရသည်မှာ အောင်ဆန်းအတွက် လွန်စွာမှ ကံကောင်းပါသည်။ ဦးဘ၀င်းသည် ညီငယ်လေး၏ ပညာရေး၊ စားဝတ်နေရေး၊ အထွေထွေကောင်းမွန်တိုးတက်ရေးတို့ကို စည်း ကမ်းရှိရှိ၊ ဆင်ဆင်ခြင်ခြင် အထူးဂရုစိုက်ခဲ့၏။ ညီဖြစ်သူကလည်း ပညာရေးဖက်တွင် အားကောင်းကြောင်း ဆက်လက်ပြသကာ အသက် (၁၅) နှစ်အရွယ်၌ သတ္တမတန်းစာမေးပွဲတွင် ဗုဒ္ဓဘာသာစာသင်ကျောင်းများနှင့် အမျိုးသားကျောင်းများ၌ ပထမစွဲသူများအား ချီးမြှင့်သော ဦးရွှေဘို ရွှေတံဆိပ်နှင့် ပညာသင်ထောက်ပံ့ကြေး ဆုကို ရရှိခဲ့၏။  အမျိုးသားကျောင်းများမှာ ၁၉၂၀ ခုနှစ် ရန်ကုန်တက္ကသိုလ် အက်ဥပဒေဆန့်ကျင်သပိတ်မှ ထွက်ပေါ်လာခြင်း ဖြစ်ပါသည်။ ထိုအက်ဥပဒေသည် အခွင့်ထူးခံ လူနည်းစုလေးကိုသာ အထက်တန်းပညာ သင်ကြားခွင့်ပေးရန် ရည်ရွယ်သည်ဟု ဆန့်ကျင်သူများကယူဆခဲ့ပါသည်။ အမျိုးသားကျောင်းများသည် မြန်မာလူငယ်တို့အား သူတို့ ၏ ကိုလိုနီလက်အောက်ခံ ဘ၀အခြေအနေကို နိုင်ငံရေးအသိတရားအရ ခံစားနားလည်စေပြီး၊ ထိုဘ၀မှ လွတ် မြောက်လိုစိတ်များ အသည်းနှလုံးအတွင်းမှ ဖြစ်ပေါ်လာရန် ကျိုချက်ပေးလိုက်သော နေရာများသဖွယ်ဖြစ်ပါ သည်။  မိမိ၏နိုင်ငံကို လူမျိုးခြားတို့အုပ်ချုပ်မှုအောက်မှ လွတ်မြောက်အောင် ဆောင်ရွက်လိုသောဆန္ဒသည် ရေနံ ချောင်းအမျိုးသားကျောင်း မတက်မီကာလကပင် အောင်ဆန်း၏ စိတ်တွင် ကိန်းအောင်းနေခဲ့ပုံရပါသည်။ က လေးဘ၀က ဗြိတိသျှတို့အား ပုန်ကန်မောင်းထုတ်ရန် နည်းအမျိုးမျိုးကို ကြံစည်စဉ်းစားခဲ့ပုံ၊ တခါတရံ ပြဒါးရှင် လုံးကဲ့သို့သော တန်ခိုးသိဒ္ဓိရှင်ပစ္စည်းများ အကူအညီဖြင့် မြန်မာပြည်လွတ်မြောက်ရေးကိုရယူရန် စိတ်ကူးယဉ် ခဲ့ပုံအကြောင်းကို သူ၏ ကိုယ်ရေးအတ္ထုပ္ပတ္တိဆောင်းပါးတွင် ရေးသားထားပါသည်။  အမျိုးသားကျောင်း၌ နေစဉ်အတွင်း နိုင်ငံရေးလောက၌ နာမည်ကြီးသော ပုဂ္ဂိုလ်များ၏ မိန့်ခွန်းများကို စိတ်ဝင် စားလာပြီး စကားရည်လုပွဲများတွင်လည်း ပါဝင်ဆင်နွှဲခဲ့၏။ သူ၏ ဟောပုံပြောပုံမှာ အားတက်စရာမဟုတ်သော် လည်း ကိုင်တွယ်ရမည့် အကြောင်းအရာနှင့်ပတ်သက်၍ သေချာစေ့စပ်စွာ ပြင်ဆင်ထားခြင်း၊ ယုံကြည်ချက် အပြည့်အ၀ရှိခြင်းတို့ကြောင့် အဟောကောင်း၊ အပြောကောင်းဟူ၍ နာမည်ရခဲ့၏။  ကျောင်းဂျာနယ် စာတည်းအဖြစ်လည်းဆောင်ရွက်ခဲ့၏။ ထိုကဲ့သို့ စာသင်ခန်းပြင်ပလုပ်ငန်းများတွင် ပါဝင်သော် လည်း တယောက်တည်း အတွေးနယ်ထဲ နစ်မြုပ်နေတတ်ခြင်း၊ နေပုံထိုင်ပုံထောင့်မကျိုးခြင်းတို့ကြောင့် အောင် ဆန်းကို လူ့ဂွစာ လူထူးလူဆန်းအဖြစ် ကျောင်းနေဖက်များက မြင်ကြပါသည်။ ၁၉၃၂ ခုနှစ်တွင် တက္ကသိုလ်ဝင် စာမေးပွဲ၌ မြန်မာစာ၊ ပါဠိဘာသာဂုဏ်ထူးများဖြင့် “အေ” အဆင့်မှ အောင်မြင်ကာ ရန်ကုန်တက္ကသိုလ်သို့ ပ ညာဆက်သင်ရန် ရောက်သွားပါသည်။  အောင်ဆန်း ရန်ကုန်တက္ကသိုလ်သို့ ရောက်လာသည့်နှစ်သည်ကား ဆရာစံသူပုန်ကို ဗြိတိသျအစိုးရက ချေမှုန်း ကာ ခေါင်းဆောင်များကို သေဒဏ်ပေးခဲ့ပြီး တနှစ်ကြာကာလကပင်ဖြစ်ပါသည်။ တောင်သူလယ်သမားများ ခံစားနေရသော အတိဒုက္ခများမှ ပေါ်ပေါက်လာရသော ပုန်ကန်မှုကို ဗြိတိသျအစိုးရက ရှင်ဘုရင်ဖြစ်လိုသော အယူသည်းသူတယောက် ဦးဆောင်သည့် တောသူတောင်သား ပုန်ကန်မှုမျှသာဖြစ်သည်ဟု သေးသိမ်စေရန် နှိမ်၍ဖော်ပြခဲ့ပါသည်။ သို့သော်လည်း မြန်မာများအနေဖြင့် ကိုယ်ထိလက်ရောက် ပါဝင်ဆင်နွှဲခဲ့သူ မများပြား သော်လည်း ထိုပုန်ကန်မှုအပေါ် အတော်ပင် ဂရုဏာထားကြပါသည်။ ဆရာစံကို စွဲဆောင်နိုင်စွမ်းရှိသူတဦးအ ဖြစ် မမြင်သူများကပင် သူပုန်တို့၏ မျိုးချစ်စိတ်နှင့် သတ္တိပြောင်မြောက်မှုကြောင့် စိတ်လှုပ်ရှားတက်ကြွခဲ့ရပြီး အစိုးရ၏ ရက်စက်ကြမ်းတမ်း တုံ့ပြန်မှုများကြောင့် အရေးနိမ့်သွားရသော သူပုန်တို့ကို များစွာသနားကြင်နာခဲ့ ကြ၏။  ဗြိတိသျှအုပ်ချုပ်မှု အစောပိုင်းကာလတွင် ကျင့်သုံးသော ငြိမ်ဝပ်အေးချမ်းရေးလမ်းစဉ်မှာ အတော်အတန် အောင်မြင်မှုရှိခဲ့သော်လည်း လူမျိုးခြားကြီးစိုးမှုကို မြန်မာများက ကျေနပ်စွာ လက်ခံခြင်းမရှိပါ။ ကိုလိုနီအစိုးရ ပိုမိုခိုင်မြဲလာသည်နှင့် အုပ်ချုပ်သူလူမျိုးခြားတို့၏ ပလွှားမောက်မာသော အမူအကျင့်များနှင့် တိုင်းပြည်အတွက် စစ်မှန်သောကောင်းကျိုးကိစ္စရပ်တို့ကို လျစ်လျူရှုမှုများသည် တိုင်းသူပြည်သားတို့၏ မနှစ်သက် မကျေနပ်စိတ် များကို ဆွပေးသကဲ့သို့ ဖြစ်လာပါသည်။  ပထမဦးစွာပေါ်ထွန်းခဲ့သော အမျိုးသားရေးရာ အဖွဲ့အစည်းများသည် ဗုဒ္ဓဘာသာနှင့် မြန်မာ့ရိုးရာယဉ်ကျေးမှု တည်တံ့ခိုင်မြဲရန်နှင့် သန့်ရှင်းစင်ကြယ်ရန်ကိုသာ ဆောင်ရွက်ကြသည်။ သို့သော် ခေတ်ပညာတတ် မြန်မာလူ ငယ်အရေအတွက် များပြားလာသည်နှင့်အမျှ နိုင်ငံရေးရည်မှန်းချက်များပါ ပေါ်ပေါက်လာပါသည်။ ၁၉၀၆ ခုနှစ် တွင် တည်ထောင်သော ဗုဒ္ဓဘာသာကလျာဏယုဝအသင်း(၀ိုင်အမ်ဘီအေ)သည် နိုင်ငံရေးရာများကို စတင် ကိုင်တွယ်သော အဖွဲ့အစည်းဖြစ်ပြီး ရန်ကုန်တက္ကသိုလ်သပိတ်ကို အောင်မြင်စွာ စည်းရုံးလှုံ့ဆော်ခဲ့ပါသည်။  အမျိုးသားလှုပ်ရှားမှု အရှိန်အဟုန်ရလာသောအခါ ‘၀ိုင်အမ်ဘီအေ’ သည် ၁၉၂၀ ခုနှစ်၌ ‘ဂျီစီဘီအေ’ အသွင် သို့ ကူးပြောင်းသွားပါသည်။ ပထမဦးဆုံး ပေါ်ပေါက်လာသော အမျိုးသားမဟာမိတ်အဖွဲ့ဟု ခေါ်နိုင်ပါသည်။ မြန်မာ့အမျိုးသားရေးရာလှုပ်ရှားမှုကို တိုက်ရည်ခိုက်ရည်သွင်းပေးလိုက်သော ပုဂ္ဂိုလ်မှာ ဆရာတော်ဦးဥတ္တမ ဖြစ်သည်။ ဆရာတော်၏ စိတ်အားထက်သန်သော လွတ်လပ်ရေးတောင်းဆိုမှုတို့ကြောင့် နိုင်ငံတ၀ှမ်းတွင် မျိုး ချစ်စိတ်ဓာတ်ပြင်းပြစွာ တက်ကြွလာပါသည်။ သို့သော်လည်း စုပေါင်းညီညာသော လွတ်လပ်ရေးလှုပ်ရှားမှု ပေါ်ပေါက်စေမည့် အင်အားများမှာ နိုင်ငံရေးအကွဲအပြားများကြောင့် လွင့်စင်သွားရ၏။  ၁၉၂၂ ခုနှစ်တွင် (၂၁) ဦးပါတီသည် ဂျီစီဘီအေမှ ခွဲထွက်သွားပြီးနောက်တွင် ထပ်မံကွဲကြပြန်သဖြင့် ၁၉၂၀ ခု နှစ်များ ကုန်ဆုံးခါနီးတွင် အဖွဲ့အစည်း (၃) ဖွဲ့ ဖြစ်သွားပါတော့သည်။ ၁၉၃၀ ခုနှစ်များ၏ အစပိုင်းကာလတွင်မူ ဗြိတိသျှအုပ်ချုပ်မှုအောက်တွင် မြန်မာနိုင်ငံနှင့် အိန္ဒိယနိုင်ငံတို့ ပူးတွဲထားသင့်၊ မထားသင့် ဟူသော “ခွဲရေး-တွဲရေး” ကိစ္စအပေါ် မြန်မာနိုင်ငံရေးသမားများ စိတ်ဝင်စားစွာ အငြင်းပွားကြသည်ကို တွေ့ရပါသည်။  ထိုနိုင်ငံရေးသမားများအနက် အချို့မှာ ဆရာစံသူပုန်တို့အား ဗြိတိသျှအစိုးရက ခုံရုံးတင်စစ်ဆေးရာ၌ သူပုန် များဘက်မှ ခုခံကာကွယ်ပေးခဲ့သဖြင့် ထင်ပေါ်ကျော်ကြားလာသူများဖြစ်ပါသည်။ တချိန်တည်းမှာပင် ငြိမ်၍ ခေါင်းငုံ့ခံသည့်ကာလမှာလည်း ဆုံးခန်းသို့ ဦးတည်လာကာ ထိုးနှက်တိုက်ခိုက်ခြင်း သဘောဆောင်သော နည်းဗျူဟာများသုံးစွဲရန် တွန့်ဆုတ်လိမ့်မည်မဟုတ်သော အမျိုးသားရေးစိတ်ဓာတ်ရှိသည့် မျိုးဆက်သစ်များ လည်း နိုင်ငံရေးဇာတ်ခုံပေါ်သို့ ရောက်ရှိလာပါသည်။  အသက် (၁၈) နှစ်အရွယ် အောင်ဆန်းသည် ခပ်ရိုင်းရိုင်း အညာသားကလေးပင်ဖြစ်ပါသည်။ မိမိတို့ကိုယ်မိမိတို့ လူ့မလိုင်ဟု အထင်ရောက်နေကြပြီး ကြော့ရှင်းဝံ့ကြွားစွာ ၀တ်ဆင်နေထိုင်ကြသော ရန်ကုန်တက္ကသိုလ် ကျောင်းသားများ အသိုင်းအ၀ိုင်းတွင် မျက်နှာထားရှုသိုးသိုးနှင့် အ၀တ်အစား ပိုသီပတ်သီဝတ်ဆင်သော အောင်ဆန်းသည် အံမ၀င်ဂွင်မကျ ဖြစ်နေ၏။ ထို့အပြင် သူ့ထက်သိမ်မွေ့ပါးနပ်သော ကျောင်းနေဖက်များ၏ ဝေဖန်နောက် ပြောင်မှုကိုလည်း ဂရုမစိုက်ကြောင်း စောစီးစွာပေါ်လွင်စေခဲ့၏။ အောင်ဆန်း တက္ကသိုလ်ရောက်စ ပထမနှစ်ပတ်တွင် ကျောင်းသားသမဂ္ဂမှ စကားရည်လုပွဲတရပ် ကျင်းပပါ သည်။ ထိုစကားရည်လုပွဲအပြီး၌ အောင်ဆန်းသည် ပရိသတ်အကြားမှထကာ သူ့အကို အောင်သန်း တင်သွင်း သော “ဘုန်းတော်ကြီးများ နိုင်ငံရေးမလုပ်သင့်”ဟူသည့် အဆိုကို ထောက်ခံလိုက်ပါသည်။ ဤသည်မှာ မိသား စုသွေးစည်းရေး သဘောဆောင်သည့် အပြုအမူမဟုတ်ပါ။ ယုံကြည်ချက်အရ လုပ်ဆောင်လိုက်ခြင်း ဖြစ်ပါ သည်။  အောင်ဆန်း အင်္ဂလိပ်စကားပြောရာတွင် အသံထွက် အမှားမှားအယွင်းယွင်း ကို့ယို့ကားရား ချောမွေ့ပြေပြစ် ခြင်း မရှိသောကြောင့် သူ့စကားများမှာ နားမလည်နိုင်သလောက်ပင်ဖြစ်၏။ ပရိသတ်က ပြောင်လှောင်သရော် အော်ဟစ်ကြသဖြင့် အကိုဖြစ်သူ အတော်ပင်အနေရခက်သွား၏။ အောင်ဆန်းကမူ ကြောက်ရွံ့၍ အသံပျောက် သွားခြင်းမရှိ။ ကဲ့ရဲ့သံများ၊ မြန်မာစကားနှင့်သာပြောရန် ရိုင်းရိုင်းစိုင်းစိုင်း အော်ဟစ်သံများကို လျစ်လျူရှုကာ အဆင့်အတန်းမမီသော သူ့အင်္ဂလိပ်စကားကို ပါဠိအသုံးအနှုန်းများဖြင့် ဖြည့်စွက်၍ သူပြောလိုရာအားလုံးကို ပြီးဆုံးအောင် ဆက်လက်ပြောဆိုသွားပါသည်။  ထိုပထမစကားရည်လုပွဲ အဖြစ်အပျက်သည် နောင်အတွက် အစဉ်အလာတရပ် ချမှတ်ပေးလိုက်သကဲ့သို့ ဖြစ် သွားပါသည်။ ပရိသတ်က ကဲ့ရဲ့ရှုတ်ချနေသည့်ကြားကပင် သူပြောလိုရာကို အင်္ဂလိပ်စကားနှင့်ပြောခြင်း၊ သုန် သုန်မှုန်မှုန် နေတတ်ခြင်းတို့ကြောင့် သူသည် အူကြောင်ကြောင်နိုင်သော အရူးတယောက်ဟူ၍ပင် နာမည်ရခဲ့ ၏။  သို့သော် အောင်ဆန်းသည် အဝေဖန်ခံရမည်ကို ကြောက်ရွံ့ပြီး သူလုပ်ကိုင်ရန် ဆုံးဖြတ်ထားသောကိစ္စများကို မလုပ်ဘဲနေမည့် လူမျိုးမဟုတ်ပါ။ ခေတ်ပြိုင်ကမ္ဘာတွင် အင်္ဂလိပ်စကား အရေးပါပုံကို သိရှိနားလည်သဖြင့် အင်္ဂ လိပ်စကားကို ပိုင်ပိုင်နိုင်နိုင်သုံးစွဲနိုင်ရန် သူ ကြိုးစား၏။ အင်္ဂလိပ်စာအုပ်များကို သဲကြီးမဲကြီးဖတ်ခြင်း၊ အခြား သူများ ပြောပုံဆိုပုံကို နားထောင်လေ့လာခြင်း၊ အင်္ဂလိပ်စာသင်ကျောင်းတွင် ပညာဆည်းပူးခဲ့သူ မိတ်ဆွေရင်း တဦးထံမှ အကူအညီယူခြင်း စသည်တို့ဖြင့် ဘုန်းကြီးကျောင်းထွက် အညာသားတဦးအတွက် ထူးခြားလောက် သော အင်္ဂလိပ်စကားကျင်လည်မှုကို သူရရှိလာ၏။  ထိုပထမစကားရည်လုပွဲတွင် အောင်ဆန်း ထောက်ခံခဲ့သောအဆိုမှာ သူ၏ ရေရှည်ယုံကြည်ချက်တရပ်အား ဖော်ထုတ်ခဲ့ခြင်းဖြစ်သည်ကို သတိမူသင့်ပါသည်။ ထိုယုံကြည်ချက်မှာ သံဃာတော်များ နိုင်ငံရေးတွင် ၀င် ရောက်လုပ်ကိုင်ခြင်း မပြုသင့်ကြောင်းပင်ဖြစ်ပါသည်။ မကွယ်လွန်မီ တနှစ်ကျော်ခန့်က ပြောကြားခဲ့သော ရွှေ တိဂုံစေတီတော် အလယ်ပစ္စယံညီလာခံမိန့်ခွန်း၌ “ဘာသာရေးနှင့် နိုင်ငံရေးကို ရောစပ်ပါမူ ဘာသာရေး၏ သဘောတရားကို ဆန့်ကျင်ရာရောက်ပေ၏”ဟု ပြောခဲ့၏။ ရဟန်သံဃာများအား “အရှင်ဘုရားတို့က သာသ နာတော်ရောင် ထွန်းပြောင်အောင် အားထုတ်တော်မူကြပါ – ကမ္ဘာသူကမ္ဘာသားတို့ မေတ္တာတရားပွားများ၍ သမစိတ္တနှင့် ညီရင်းအကို မောင်ရင်းနှမကဲ့သို့ နေနိုင်ကြပါလိမ့်မည် -- ဤကဲ့သို့ဆောင်ရွက်မှုသည် သာသနာ ဖက်ကသာကြည့်၍ မြင့်မြတ်သည်မဟုတ်ပါ၊ တပည့်တော်တို့၏ နိုင်ငံနှင့် လူမျိုးအတွက် အမြင့်မြတ်ဆုံးသော နိုင်ငံရေးကို ဆောင်ရွက်ရာရောက်ပါသည်ဘုရား” စသဖြင့် လျှောက်ထားခဲ့ပါသည်။  အများက နိုင်ငံသတ္တ၀ါ ပကတိအဖြစ်ဖြင့်မြင်ကြသော အောင်ဆန်းမှာ စင်စစ်တွင် ဘာသာရေး၌ လေးနက်စွာ တသက်လုံး စိတ်ဝင်စားသူပင် ဖြစ်ပါသည်။ ရေနံချောင်း၌ ကျောင်းတက်နေစဉ် ဖခင်ကွယ်လွန်သွားသဖြင့် ၀မ်းနည်းကြေကွဲကာ ရဟန်းဘောင်ဝင်ရန်ပင် စိတ်ကူးခဲ့ပါသည်။ တက္ကသိုလ်ရောက်စအချိန်ကလည်း အီတလီ လူမျိုး ဗုဒ္ဓဘာသာဘုန်းတော်ကြီး ဦးလောကနန္ဒကို ကြည်ညိုလေးစားလှသဖြင့် ဆရာတော်နှင့် အတူလိုက်ပြီး သာသနာပြုလုပ်ငန်းများ ဆောင်ရွက်ရန် မိခင်ထံ အခွင့်တောင်းဖူး၏။ အခွင့်ကား မရခဲ့ပေ။ သို့သော် လော ကုတ္တရာကိစ္စများကို အောင်ဆန်း ဆက်လက်၍ ဂရုတစိုက်အလေးထားပါသည်။  နိုင်ငံရေးလောကထဲသို့ ခြေစုံပစ်ဝင်ပြီးနောက်ပိုင်း၌ပင် သူနှင့် အရင်းနှီးဆုံး မိတ်ဆွေတဦးအား သူ၏ “သစ္စာတ ရားနှင့် လုံးဝအပြစ်ကင်းစင်မှု ရှာပုံတော်ဘ၀ခရီး” အကြောင်းနှင့် ကာယကံ၊ ၀စီကံ၊ မနောကံအရ ရိုးဖြောင့်နိုင် ရန် သတိပြုကြိုးပမ်းနေကြောင်းတို့ကို စာရေး၍ ရှင်းပြဖူးပါသည်။ ခေတ်လူငယ် စိတ်ပိုင်းဆိုင်ရာ အသိတရား ခေါင်းပါးနေသည်ကို စိုးရိမ်မိကြောင်း၊ လောကဒဏ်လှိုင်းများကို ကြံ့ကြံ့ခိုင် ရင်ဆိုင်တွန်းလှန်နိုင်စွမ်းမရှိပါက ထိုအသိတရားများ လုံးဝကွယ်ပျောက်ပြီး စိတ်ဓာတ်ဗလ မွဲပြာကျသောအဖြစ်သို့ ရောက်ရှိသွားမည်ကို စိုးရိမ်ပူ ပန်မိကြောင်း စသဖြင့်လည်း ရေးသားထားပါသည်။  ကျောင်းသားနိုင်ငံရေးနှင့် သခင်များ  ကိုအောင်ဆန်း ကျောင်းသားနိုင်ငံရေးတွင် ပါဝင်မှုမှာ အစ၌ ခပ်ဖြေးဖြေး မှန်မှန်သာဖြစ်သော်လည်း ၁၉၃၅ ခုနှစ်နောက်ပိုင်း၌ အရှိန်အဟုန် မြင့်မားလာ၏။ ထိုအချိန်တွင် သူသည် ကိုနု၊ ကိုလှဖေ (နောင် ဗိုလ်လင်္ကျာ)၊ ကိုသိန်းဖေ၊ ကိုကျော်ငြိမ်း၊ ကိုရာရှစ်ကဲ့သို့သော ပုဂ္ဂိုလ်များနှင့်အတူ စတင်လုပ်ကိုင်နေပြီး မြန်မာ့လွတ်လပ်ရေး လှုပ်ရှားမှုတွင် ထင်ရှားလာမည့် ထိုလူငယ်များနှင့် အောင်ဆန်းတို့ လက်တွဲကာ ကျောင်းသားများ အတော်ပင် ဂရုပြုရမည့် နိုင်ငံရေးအင်အားစုတစုဖြစ်လာအောင် စည်းရုံးပါသည်။  ကိုအောင်ဆန်းတို့လူစုသည် အာဏာပိုင်အလိုတော်ရိများ လွှမ်းမိုးထားသော တက္ကသိုလ်ကျောင်းသားသမဂ္ဂကို ထိုးထွင်းဝင်ရောက်နိုင်ရန် ကြိုးပမ်းခြင်းဖြင့် စတင်လှုပ်ရှား၏။ ပထမတွင် အောင်မြင်မှုသိပ်မရှိခဲ့ပေ။ ၎င်းးတို့အ ထဲမှ ကိုကျော်ငြိမ်းနှင့် ကိုသိန်းဖေတို့သာ သမဂ္ဂအမှုဆောင်များအဖြစ် အရွေးချယ်ခံရသည်။ သို့သော် နောက် ပိုင်းတွင် ထက်သန်သော အမျိုးသားရေးစိတ်ဓာတ်နှင့် ဇွဲလုံ့လတို့၏ အကျိုးအမြတ်များ ထွန်းကားလာ၏။ တက္က သိုလ်ကျောင်းသားများ၏ စိတ်နေစိတ်ထားလည်း ပြောင်းလာ၏။ လှုပ်ရှားတက်ကြွသော ပြည်ချစ်စိတ်လွှမ်းမိုး လာ၏။ ၁၉၃၅-၃၆ စာသင်နှစ်အတွင်း ကျောင်းသားသမဂ္ဂအမှုဆောင် ရွေးကောက်ပွဲတွင် အဓိကနေရာအား လုံး အမျိုးသားရေးစိတ်ဓာတ် ထက်သန်သောလူငယ်များက ရရှိသွားကြ၏။ ကိုအောင်ဆန်းသည် အမှုဆောင် အဖွဲ့ဝင်တဦးအဖြစ် အရွေးခံရပြီး သမဂ္ဂမဂ္ဂဇင်း၏ အယ်ဒီတာလည်း ဖြစ်လာပါသည်။ သမဂ္ဂမဂ္ဂဇင်း “အိုးဝေ”တွင် “ငရဲခွေးကြီး လွတ်နေပြီ”ဟူသော ဆောင်းပါးကို ထည့်သွင်းခဲ့ခြင်းသည် ကျယ် ပြန့်စွာထိရောက်မှုရှိခဲ့သည့် ၁၉၃၆ ခုနှစ် တက္ကသိုလ်ကျောင်းသားသပိတ်ကို သွယ်ဝိုက်သောနည်းဖြင့် လှုံ့ဆော် ပေးခြင်းပင် ဖြစ်ပါသည်။ ဤဆောင်းပါးသည် တက္ကသိုလ်အရာရှိတဦးအား ပုတ်ခတ်တိုက်ခိုက် ရေးသားထား ခြင်းဖြစ်သည်ဟု အာဏာပိုင်များက ယူဆကာ ဆောင်းပါးရှင်အမည်ကို ဖော်ထုတ်ရန် အယ်ဒီတာ ကိုအောင် ဆန်းအား တောင်းဆိုလာတော့၏။  ကိုအောင်ဆန်းကလည်း ယင်းကဲ့သို့ဖော်ထုတ်ခြင်းသည် သတင်းစာဆရာကျင့်ဝတ်နှင့် ကိုက်ညီမည်မဟုတ်ဟု ဆိုကာ ငြင်းဆန်လိုက်၏။ အာဏာပိုင်များက ယခုကဲ့သို့ ငြင်းဆန်မှုကို အခွင့်ကောင်းယူပြီး ကိုအောင်ဆန်းအား ကျောင်းမှထုတ်ပယ်လိုက်တော့၏။ မကြာသေးမီကပင် ကိုနုသည်လည်း ကျောင်းအုပ်ကြီးအား ပစ်ပစ်ခါခါ ဝေ ဖန်မှုဖြင့် ကျောင်းထုတ်ခံခဲ့ရသောကြောင့် ကျောင်းသားများထဲတွင် မကျေနပ်မှု၊ ဒေါသထွက်မှု ပို၍များပြားလာ လေသည်။ သို့ဖြင့် သပိတ်မှောက်ရန် ဆုံးဖြတ်ကြပါတော့သည်။  တက္ကသိုလ်စာမေးပွဲများစစ်ချိန် ဖြစ်လေရာ ဤဆုံးဖြတ်ချက်မှာ အထူးလေးနက်သည့် ကိစ္စတရပ်ဖြစ်ပါသည်။ သပိတ်သတင်းမှာ ချက်ချင်းပင် ဟိုလေးတကျော်ဖြစ်သွားလေသည်။ သတင်းစာများနှင့်တကွ တနိုင်ငံလုံးက သပိတ်မှောက်ကျောင်းသားများကို ကြင်နာစွာ ထောက်ခံကြပါသည်။ ဤကဲ့သို့ အများထောက်ခံမှုကို ရယူနိုင် ခြင်း၊ လေးစားလောက်အောင် စီမံကွပ်ကဲနိုင်ခြင်း၊ စည်းကမ်းရှိခြင်း စသည်တို့ကြောင့် ကျောင်းသားများ၏ လုပ်ရည်ကိုင်ရည်နှင့် ကျောင်းသားအင်အား၏ တန်ခိုးအာနိသင်ကို လူကြီးပိုင်း နိုင်ငံရေးသမားများ အသိအ မှတ်ပြုလာကြရသည်။ အစိုးရအနေဖြင့်လည်း သပိတ်မှောက်သူများ၏ မကျေနပ်ချက်များကို လေးနက်စွာ မ စဉ်းစား၍ မဖြစ်တော့ပါ။ နောက်ဆုံး၌ နိုင်လူမင်းထက်ပြုတတ်သော ကျောင်းအုပ်ကြီးမှာ အငြိမ်းစားယူလိုက်ရ ၏။ တက္ကသိုလ်အက်ဥပဒေတွင် ကျောင်းသားများထည့်သွင်းလိုသော ပြင်ဆင်ချက်များကို လေ့လာရန် ကော်မ တီတရပ်ကိုလည်း ဖွဲ့စည်းလိုက်ရပြီး အရေးမပါလှသော တောင်းဆိုချက်များကိုမူ လိုက်လျောလိုက်လေသည်။  လူငယ်အမျိုးသားရေးဝါဒီများ၏ နိုင်ငံရေးဖွံ့ဖြိုးတိုးတက်မှုတွင် အရေးကြီးသည့် မှတ်တိုင်တတိုင်ဖြစ်သော ၁၉၃၆ ခုနှစ်သပိတ်ကြောင့် ကိုအောင်ဆန်းသည်လည်း ကျောင်းသားခေါင်းဆောင်တဦးအဖြစ် လူသိများလာ ပါသည်။ သူ့ဂုဏ်သိက္ခာလည်း အရှိန်မှန်မှန်မြင့်မားလာပြီး ရန်ကုန်တက္ကသိုလ်ကျောင်းသားသမဂ္ဂနှင့် သပိတ် မှောက်ပြီးနောက် တည်ထောင်ခဲ့သော မြန်မာနိုင်ငံလုံးဆိုင်ရာ ကျောင်းသားသမဂ္ဂတို့၏ အမှုဆောင်အဖွဲ့များ တွင်လည်း တဆင့်ထက်တဆင့် ပိုမိုအရေးပါသော အမှုဆောင်နေရာများတွင် တာဝန်ထမ်းဆောင်ရ၏။ ၁၉၃၈ ခုနှစ်တွင် သမဂ္ဂနှစ်ရပ်စလုံး၏ ဥက္ကဋ္ဌဖြစ်လာပါသည်။ ထိုအချိန်၌ ကိုအောင်ဆန်း တက္ကသိုလ်မှ ၀ိဇ္စာဘွဲ့ ရပြီး၍ ဥပဒေ၀ိဇ္စာတန်းတွင် တက်ရောက်နေ၏။ ထိုကဲ့သို့ ဥပဒေတန်းဆက်တက်နေခြင်းမှာ တက္ကသိုလ်တွင် ဆက်လက်နေထိုင်လှုပ်ရှားနိုင်ခွင့်ရရှိရန်ဟူသော အကြောင်းလည်း ပါဝင်ပါသည်။ ဖြောင့်မတ်တည်ကြည်ခြင်း၊ ဇွဲလုံ့လကြီးခြင်း၊ အလုပ်လုပ်နိုင်စွမ်းရှိခြင်း စသည်တို့ကြောင့် ကိုအောင်ဆန်းအနေဖြင့် လေးစားခြင်းခံရသော် လည်း အခြားကျောင်းသားခေါင်းဆောင်များကဲ့သို့ ယဉ်ကျေးသိမ်မွေ့၍ ဆက်ဆံရေးပြေပြစ်ခြင်းမရှိသော လူ့ဂွ စာတဦးပင် ဖြစ်ပါသည်။  သုန်သုန်မှုန်မှုန်နေတတ်ခြင်း၊ မသပ်ရပ်ခြင်း၊ စိတ်မပါလျှင် သူတပါး အနေရကြပ်လောက်အောင် တုံဏှိဘာဝေ နေတတ်ခြင်း၊ စိတ်ပါပြန်တော့လည်း သူတပါး မခံနိုင်လောက်အောင် စကားဖောင်ဖွဲ့ခြင်းနှင့် အခြားထောင့်မ ကျိုးသော အမူအကျင့်တို့ကြောင့် ကိုအောင်ဆန်း မကြာခဏ အဝေဖန်ခံရပါသည်။ သူကိုယ်တိုင်လည်း “ရံဖန် ရံခါ လူ့ယဉ်ကျေးများနှင့် အသားမကျခဲ့ချေ၊ မျက်စေ့နောက် မြင်ပြင်းကပ်လာသည်။ ထိုအခါ လူ့ယဉ်ကျေးများ နှင့် ငါ လူရိုင်းဟု ဇာတိခွဲပစ်ချင်သည့် စိတ်များရှိလာသည်” ဟု ရေးသားခဲ့ဖူး၏။ သို့သော် လူရိုင်းများကို အောင် ဆန်းမြင်ပုံမှာ စိတ်ကူးယဉ်ဆန်၏။ ရိုးဖြောင့်တည်ကြည်၊ ကျန်းမာသန်စွမ်းပြီး၊ လွတ်လပ်ချမ်းသာစွာ နေထိုင်သူ များဟု သူက အမွှန်းတင်ထားခြင်းပင်ဖြစ်ပါသည်။  ၁၉၃၈ ခုနှစ်တွင် ကိုအောင်ဆန်းသည် ၁၉၃၀ ခုနှစ်တွင် ဒို့ဗမာအစည်း အရုံးထဲသို့ ၀င်ရောက်လှုပ်ရှားနိုင်ရန် တက္ကသိုလ်မှ ထွက်လိုက်ပါသည်။ ထိုအစည်းအရုံးသည် အမျိုးသားရေး စိတ်ဓာတ်ပြင်းပြ၍ နုပျိုတက်ကြွသည့် အခြေခံလက္ခဏာရှိပြီး အစည်းအရုံးခေါင်းဆောင်များသည် သက်ကြီး နိုင်ငံရေးသမားများနှင့်မတူ တမူထူးခြားကြပါသည်။ မျိုးချစ်အရေးတော်ပုံ၌ ဘ၀ကိုမြှုပ်နှံရန် အာသီသပြင်းထန် နေသော ခေတ်သစ်ပညာတတ်လူငယ်များက ထိုသက်ကြီးနိုင်ငံရေးသမားများသည် ရဲသင့်သည်လောက်မရဲ၊ မြန်မာဆန်သင့်သည်လောက်မဆန်၊ အခြေခံမှ ပြောင်းလွဲမှုများလုပ်ရန် ဆန္ဒရှိသင့်သည်လောက်မရှိ၊ ငယ်ရွယ် သင့်သလောက်လည်း မငယ်ရွယ်ဟု ယူဆကြပါသည်။  ဒို့ဗမာအစည်းအရုံးဝင်များကို လူတိုင်းက ကြိက်ကြသည်တော့မဟုတ်ပါ။ အချို့က သူတို့ကို ကလေကချေ ပြ ဿနာရှာနေသော လူမိုက်လူဆိုးလေးများဟူ၍ အထင်သေးပြီး၊ အမည်ရှေ့တွင် ‘သခင်’တပ်၍ ခေါ်ဝေါ်ခြင်းကို ကြီးကျယ်သည်၊ မလုပ်သင့်မလုပ်ထိုက်ဟု ဝေဖန်ကြပါသည်။ ဗြိတိသျှအုပ်ချုပ်ရေးသမားများကို လက်အောက် ခံဖြစ်နေသော ဗမာတို့က ‘သခင်’ ဟု ခေါ်လေ့ခေါ်ထရှိရာ၊ ဗမာများသည် ကျွန်မျိုးမဟုတ် ကိုယ့်ကိုကိုယ် အုပ်စိုးနိုင်သည့် မွေးရာပါအခွင့်အရေးရှိသူများဖြစ်ကြောင်းကို ရှင်းရှင်းလင်းလင်း ရဲရဲတင်းတင်း ဖေါ်ပြသည့်အနေ နှင့် အစည်းအရုံးဝင်များက ‘သခင်’ ဘွဲ့ကို သုံးစွဲခြင်း ဖြစ်ပါသည်။  အတွင်းသဘောထား မတိုက်ဆိုင်မှုများကြောင့် ဒို့ဗမာအစည်းအရုံး နှစ်ခြမ်းကွဲသွားပါသည်။ သခင်အများစုပါ ၀င်သည့် အပိုင်းကို ခေါင်းဆောင်သူမှာ မြန်မာ့စာပေနှင့် နိုင်ငံရေးလောကတွင် အထင်ကရပုဂ္ဂိုလ်ကြီးဖြစ်ပြီး မူလက အစည်းအရုံး၏ နာယကဖြစ်သော ဆရာကြီးသခင်ကိုယ်တော်မှိုင်း ဖြစ်ပါသည်။ ကိုအောင်ဆန်းလည်း သခင်ကိုယ်တော်မှိုင်း ဦးဆောင်သည့် ဒို့ဗမာအစည်းအရုံးဝင်တဦး ဖြစ်လာပါသည်။ ‘မှိုင်းသခင်’ များအနက် ကိုနု၊ ကိုလှဖေနှင့် ကိုသိန်းဖေတို့အပြင် ကျောင်းသားခေါင်းဆောင်များ မဟုတ်ခဲ့သော်လည်း မြန်မာ့နိုင်ငံရေး တွင် ထင်ရှားအရေးပါလာမည့် သခင်သန်းထွန်းနှင့် သခင်စိုးတို့လည်းပါဝင်ပါသည်။ မကြာမီ သခင်အောင်ဆန်း သည် ဒို့ဗမာအစည်းအရုံး အထွေထွေအတွင်းရေးမှူး ဖြစ်လာပြီးနောက် အစည်းအရုံး၏ ကြေညာစာတမ်းကို စီ ရင်ရေးသားခဲ့ပါသည်။    ၁၉၃၈-၁၉၃၉ ခုနှစ်များတွင် ‘၁၃၀၀ ပြည့် အရေးတော်ပုံ’ ဟု အမည်တွင်မည့် အရေးအခင်းများ ဖြစ်ပေါ်ခဲ့ပါ သည်။ ရေနံမြေအလုပ်သမားများ ချီတက်ပွဲ၊ တောင်သူလယ်သမားများ ချီတက်ပွဲ၊ ရဲ၏ နံပါတ်တုတ်ဒဏ်ဖြင့် ဗိုလ်အောင်ကျော် ကျဆုံးခဲ့ရသော ကျောင်းသားဆန္ဒပြပွဲ၊ ထိုဖြစ်ရပ်ကြောင့် ပေါ်ပေါက်ရသော နိုင်ငံအ၀ှမ်း ကျောင်းသားသပိတ်များ၊ ဗမာတို့နှင့် အိန္ဒိယအနွယ် မူဆလင်များအကြား ဖြစ်ပွားခဲ့သော အဓိကရုဏ်း၊ အလုပ် သမားများသပိတ်၊ ရဲ၏ လက်ချက်ဖြင့် အာဇာနည် (၁၇) ဦး ကျဆုံးခဲ့သော မန္တလေးဆန္ဒပြပွဲ၊ ဒေါက်တာဘမော် အစိုးရ ပြုတ်ကျသွားခြင်း စသည်တို့ တသီတတန်းကြီး ဖြစ်ပေါ်ခဲ့ပါသည်။  ဤအရေးအခင်းများကြောင့် နိုင်ငံအတွင်း မကြုံစဖူး မငြိမ်မသက် ဆူဆူပွက်ပွက်ဖြစ်လာပြီး အမျိုးသားရေးလှုပ် ရှားမှုများ အရှိန်အဟုန်ပြင်းထန်လာသည်။ သို့သော် ဤမျှစိတ်လှုပ်ရှားဖွယ်ဖြစ်ရပ်များ အကြားကပင် မြန်မာ့ နိုင်ငံရေး၏ ကပ်ကြီးနှစ်ပါးဖြစ်သော ဂိုဏ်းဂဏ၀ါဒနှင့် မနာလိုမုန်းတီးရေးဝါဒတို့၏ ဆိုးဝါးသော အရှိန်သြဇာများ လွှမ်းမိုးလာ၏။ အုပ်စုတအုပ်စု၊ လူတဦးချင်းတို့အနေနှင့် မိမိတို့သာလျှင် အထိ ရောက်ဆုံး၊ မျိုးချစ်စိတ်အထက်သန်ဆုံး၊ အတော်ဆုံးဟူ၍ ဂုဏ်တု၊ ဂုဏ်ပြိုင်လုပ်လိုသော စိတ်ရူး များဝင်ကာ အပြန်အလှန် စွပ်စွဲပုတ်ခတ်မှုများ၊ ခါးသီးမှုများ ပျံ့နှံ့လာလေသည်။  ဂိုဏ်းဂဏစိတ်နှင့် မနာလိုဝန်တိုစိတ်များမှ ကင်းရှင်းသည်ဟု အများက သတ်မှတ်ထားသော လူနည်းစုလေး တွင် သခင်အောင်ဆန်း ပါဝင်၏။ သူသည် လက်ဝဲ၀ါဒများဘက်သို့ယိမ်း၍ ၁၉၃၉ ခုနှစ်တွင် ပေါ်ပေါက်လာ သော အချို့က မာ့က်ဆ်ဝါဒ လေ့လာရေးအုပ်စုဟူ၍လည်းကောင်း၊ အချို့က ပထမဦးဆုံး မြန်မာကွန်မြူနစ်က လပ်စည်းဟူ၍လည်းကောင်း ခေါ်ဝေါ်သည့်အုပ်စုကို တည်ထောင်ခဲ့သူတဦးဖြစ်ပြီး၊ ထိုအုပ်စု၏ အထွေထွေအ တွင်းရေးမှူးအဖြစ် တာဝန်ထမ်းဆောင်ခဲ့၏။ သို့သော် သခင်အောင်ဆန်းသည် ကွန်မြူနစ်ဝါဒကိုသော်လည်း ကောင်း၊ အခြားတင်းကြပ်သော ၀ါဒများကိုသော်လည်းကောင်း၊ မဆင်မခြင် အစွန်းရောက်အမြင်ဖြင့် ယုံကြည် လက်ခံခြင်းမရှိခဲ့ပါ။ ကျယ်ဝန်းထွေပြားသော ဆိုရှယ်လစ်သီအိုရီ အယူအဆအမျိုးမျိုးအနက် သူ့အားဆွဲဆောင် နိုင်သော သဘောတရားများ အတော်အတန်ရှိခဲ့ပါသည်။ သို့သော် သူ၏ အဓိကရည်မှန်းချက်မှာ သူ့တိုင်းပြည် အတွက် လွတ်လပ်ရေးနှင့် စည်းလုံးညီညွတ်ရေး စွမ်းဆောင်ပေးနိုင်မည့် အတွေးအခေါ်များ၊ နည်းဗျူဟာများ ကို လေ့လာသုံးစွဲရန်သာဖြစ်ပါသည်။  ၁၉၃၉ ခုနှစ် ဥရောပတိုက်တွင် ဒုတိယကမ္ဘာစစ်မီး စတင်လောင်ကျွမ်းပြီး များမကြာမီ ‘ကိုလိုနီဝါဒအခက်၊ လွတ်လပ်ရေးအချက်’ ဟုမြင်ကာ ‘ထွက်ရပ်ဂိုဏ်းကြီး’ တည်ထောင်နိုင်ရန် သခင်အောင်ဆန်း ကူညီပေးခဲ့ပါ သည်။ ဒေါက်တာဘမော်၏ ဆင်းရဲသားပါတီ၊ ဒို့ဗမာအစည်းအရုံး၊ ကျောင်းသားများနှင့် ပုဂ္ဂလိကနိုင်ငံရေးသ မားများ စုပေါင်းဖွဲ့စည်းလိုက်သော ထို ‘ထွက်ရပ်ဂိုဏ်းကြီး’ သည် သခင်အောင်ဆန်း၏ တီထွင်မှုဖြစ်သည်ဟု သခင်နုက သတ်မှတ်ခဲ့၏။ ‘ထွက်ရပ်ဂိုဏ်းကြီး’ ၏ ပြည်သူလူထုကို တိုက်တွန်းဆော်သြချက်မှာ စစ်ပြီးသည်နှင့် လွတ်လပ်ရေးပေးရန်သဘောတူသော ကတိရမှသာလျှင် ဗြိတိသျစစ်ရေးကြိုးပမ်းချက်များကို ကူညီပံ့ပိုးရမည်။ ဗြိတိသျှအစိုးရအနေနှင့် ထိုကဲ့သို့ကတိကြေညာချက်မပြုပါက စစ်ရေးကြိုးပမ်းချက်များကို အင်တိုက်အားတိုက် ဆန့်ကျင်ရမည်။ တုံ့ပြန်သည့်အနေနှင့် ဗြိတိသျှအစိုးရသည် အမျိုးသားရေးလှုပ်ရှားနေသူအများအပြားကို ဖမ်း ဆီးလိုက်ပါသည်။ ၁၉၄၀ ခုနှစ် ကုန်ဆုံးချိန်၌ သခင်ခေါင်းဆောင် အမြောက်အမြားနှင့် ဒေါက်တာဘမော်တို့မှာ ထောင်ထဲရောက်နေကြပေပြီ။ သခင်အောင်ဆန်းကို ဖမ်းဆီးရန် ၀ရန်းအမိန့်ထုတ်ခဲ့သော်လည်း အချိန်မီသတိ ပေးချက်ရသဖြင့် သူသည် ခြေရာဖျောက်ကာ တိမ်းရှောင်သွားနိုင်ခဲ့သည်။  ဂျပန်နှင့် မဟာမိတ်ဖွဲ့ခြင်း  သခင်အောင်ဆန်းသည် လက်နက်ကိုင်တိုက်ပွဲဆင်နွှဲရန် လိုအပ်ကောင်းလိုအပ်မည်ဟု ယူဆခဲ့သည်မှာ ကာ လအတန်ကြာကပင် ဖြစ်ပါသည်။ ကလေးဘ၀က တိုက်ခိုက်တော်လှန်ရန် စိတ်ကူးယဉ်အိပ်မက်ခဲ့သော်လည်း လွတ်လပ်ရေးကို အခြေခံဥပဒေဘောင်အတွင်းမှ နိုင်ငံရေးနည်းဖြင့် ရယူနိုင်မည့် အလားအလာကို အစဉ်တ စိုက် ပယ်ထားခဲ့သူမဟုတ်ပါ။ တက္ကသိုလ်ကျောင်းသားဘ၀က အစိုးရ၀န်ထမ်း (ထိုစဉ်က အိုင်စီအက်၊ ဘီစီ အက်) စာမေးပွဲဖြေဆိုကာ ၎င်းတို့၏ပညာရှင်ပီသစွာ နိုင်ငံရေးလုပ်ကိုင်မှုနှင့် မျိုးချစ်စိတ်ထက်သန်မှုတို့ကြောင့် သူကိုယ်တိုင်လေးစားသော အိန္ဒိယနိုင်ငံရေးသမားအချို့၏ နမူနာအတိုင်း လုပ်ကိုင်ရန်ကိုလည်း သခင်အောင် ဆန်း စဉ်းစားခဲ့ဖူး၏။ အများသိ ကျောင်းသားခေါင်းဆောင်တဦး ဖြစ်လာပြီးနောက်ပိုင်း၌ ရန်ကုန်တက္ကသိုလ် အင်္ဂလိပ်စာပါမောက္ခအား ပေးပို့သော စာတစောင်တွင် သူသည် ‘ငြိမ်းချမ်းသော တော်လှန်ရေးသမား’ သာ ဖြစ်သည်ဟု ရေးသားခဲ့ကြောင်း ကြားသိရပါသည်။ သို့သော်လည်း မြန်မာနိုင်ငံအတွင်း အရေးအခင်းများ၏ ဒီ ရေလှိုင်းသည် သူ့အား သဘောထားပြောင်းလဲစေခဲ့သည်။ ၁၉၄၀ ခုနှစ်က သူ၏ တွေးခေါ်ပုံကို အောက်ပါအ တိုင်း ရှင်းပြထားပါသည်။  “ကျနော်တဦးချင်းအနေနှင့်ကား ကျနော်တို့၏ အရေးတော်ပုံအတွက် ကမ္ဘာ့ဝါဒဖြန့်မှုနှင့် ကမ္ဘာ့အကူအညီလို သည်မှာ မှန်သော်လည်း အဓိကလုပ်ငန်းမှာ ပြည်တွင်းတွင်သာရှိသည်။ အဓိကလုပ်ငန်းမှာ အမျိုးသားရေး တိုက်ပွဲအတွက် ပြည်သူလူထုကို စည်းရုံးရန်ဖြစ်သည်ဟု ယူဆခဲ့သည်။ ကျနော့်မှာလည်း အကြမ်းဖျဉ်းအစီအ စဉ်တခုရှိခဲ့သည်။ ၎င်းအစီအစဉ်မှာ ဗြိတိသျှနယ်ချဲ့စနစ်ကို တပြည်လုံးတွင် ဆန့်ကျင်ရန်၊ ဤလှုပ်ရှားမှုကို ကမ္ဘာ့အခြေအနေ ဗမာ့အခြေအနေနှင့်အညီ တဆတဆတိုးချဲ့ရန်၊ မြို့နေအလုပ်သမား တောနေအလုပ်သ မားတို့၏ ဒေသအလိုက်သပိတ်များမှစ၍ အထွေထွေသပိတ်များ၊ အခွန်အခပေးရေးသပိတ်များအထိ တိုးချဲ့ ဆင်နွှဲရန်၊ တက်ကြွလာသော ၀ါဒဖြန့်ချိမှုများဖြစ်သည့် လူထုဆန္ဒပြပွဲများ ချီတက်ပွဲများမှစ၍ ပြည်သူတို့၏ အာ ဏာဖီဆန်ရေးတိုက်ပွဲအထိ ဆက်လက်ဆင်နွှဲရန်၊ စီးပွားရေးအရတွင်လည်း ဗြိတိသျှကုန်ပစ္စည်းများကို သပိတ် မှောက်ရာမှစ၍ လူထုနှင့်ချီ၍ အခွန်မပေးရေးတိုက်ပွဲအထိ ဆင်နွှဲရန် စစ်ဖက်အုပ်ချုပ်ရေးဖက်နှင့် ပုလိပ်ဖက် ကင်းစခန်းများ ဆက်သွယ်ရေးလမ်းကြောင်းများကို ပြောက်ကျားနည်းနှင့် ၀င်ရောက်တိုက်ခိုက်၍ ဗမာပြည်အ တွင်း ဗြိတိသျှအုပ်ချုပ်မှုစနစ်ကို လုံးဝသွက်ချာပါဒလိုက်သည်အထိ တိုက်ပွဲဆင်နွှဲရန်၊ ထိုအခါ ကမ္ဘာဖြစ်ပေါ်တိုး တက်မှုနှင့် တပြိုင်နက် နောက်ဆုံးပိတ်အာဏာသိမ်းပွဲကို ဆင်နွှဲရန် အစီအစဉ်ပင်ဖြစ်သည်။ ဗြိတိသျှအစိုးရ၏ လက်နက်ကိုင်တပ်များ၊ အထူးသဖြင့် ဗြိတိသျှလူမျိုးမဟုတ်သော တပ်များသည် ကျနော်တို့ဘက်သို့ ကူး ပြောင်းလာကြလိမ့်မည်ဟုလည်း ကျနော်တွက်ခဲ့သည်။ ဤအစီအစဉ်တွင် ဂျပန်များ ၀င်ရောက်တိုက်ခိုက်မှုကို လည်း မှန်းဆခဲ့သည်။ သို့သော် ဤနေရာတွင် ကျနော်မှာ ရှင်းလင်းသောအမြင် မရှိခဲ့ပေ။ ထိုအခါက ကျနော် တို့အထဲမှ မည်သူမျှ ရှင်းရှင်းလင်းလင်းမရှိခဲ့။ သို့သော် ယခုဖြစ်ပျက်ပြီးသွားသည့်အခါတွင်ကား လူအချို့အနေ နှင့် ကျန်လူများထက်ပို၍ သိမြင်ခဲ့ဟန် ဟန်ဆောင်ကောင်း ဆောင်ကြမည်။)”  အထက်ပါအကြံအစည်များမှာ သူ၏ “ကြီးမားသောအစီအစဉ်” သာဖြစ်ကြောင်း သခင်အောင်ဆန်း ၀န်ခံခဲ့ပါ သည်။ သူ၏ ရဲဘော်ရဲဘက်များတွင် ထိုစီမံကိန်းကို ထောက်ခံသူ မများလှပါ။ ထိုကဲ့သို့မထောက်ခံခြင်းမှာ သ ခင်အောင်ဆန်းအမြင်အရ “ကျနော်တို့မှာ ဓနရှင်ပေါက်စ ဇာတိရှိသူများဖြစ်ရာ စဉ်းစားရာ ပြောဆိုရာတွင် ရဲရင့်သလောက်၊ ပြတ်သားသော ဆောင်ရွက်ချက်ကိုလုပ်ရာ၌ တွန့်ဆုတ်လေ့ရှိကြလေသည်။ ပြည်သူလူထုကို နှိုးဆွရမည့်လုပ်ငန်း ကြာရှည်ခက်ခဲမည်ကိုလည်း စိတ်မရှည်ကြပေ။ ကျနော်တို့အများစုမှာ လူထုတိုက်ပွဲအ ကြောင်း ပြောဟောကြသော်လည်း လူထုတိုက်ပွဲ အကျိုးအာနိသင်ကို သဘောမပေါက်ကြ” စသည်တို့ကြောင့် ပင် ဖြစ်ပါသည်။ သို့သော် သခင်အောင်ဆန်းသည် အမျိုးသားရေးဝါဒီများ ပြောက်ကျားတိုက်ပွဲဆင်နွှဲနိုင်ရန် လက်နက်များရှိရန်လိုသည်ဟူသော ထင်မြင်ချက်ကို အခိုင်အမာ ဆက်လက်ဆုပ်ကိုင်ထားပါသည်။ နောက်ဆုံး တွင် ၎င်းတို့အနက်မှ တဦးဦး မြန်မာပြည်ပြင်ပသို့သွားပြီး အကူအညီ၊ အထောက်အပံ့နှင့် လက်နက်များရှာရန် ဆုံးဖြတ်လိုက်ပါသည်။ “ထိုအခါက ကျနော်တဦးတည်းသာ မြေအောက်၌ နေနေရသောကြောင့် ထိုသို့သွားရန် ကျနော့်ကိုရွေးချယ်ခဲ့ကြလေသည်” ဟု သခင်အောင်ဆန်း မှတ်တမ်းတင်ခဲ့ပါသည်။  ၁၉၄၀ ခုနှစ် သြဂုတ်လတွင် သခင်အောင်ဆန်းနှင့် သခင်လှမြိင် (နောင်အခါ ဗိုလ်ရန်အောင်ဟုထင်ရှားသူ)တို့ မြန်မာပြည်မှ ဟိုင်လီအမည်ရှိ သင်္ဘောနှင့် ထွက်ခွာခဲ့ရာ တရုတ်နိုင်ငံ အမွိုင်မြို့ရှိ ‘အပြည်ပြည်ဆိုင်ရာဒေသ’ ဖြစ်သော ကူလန်စုသို့ ရောက်သွားကြပါသည်။ ထိုနေရာ၌ သူတို့နှစ်ဦး လအနည်းငယ်မျှ သောင်တင်နေပြီး တ ရုတ်ကွန်မြူနစ်များနှင့် ဆက်သွယ်ရန် ကြိးစားချက်များလည်း အောင်မြင်ခြင်းမရှိခဲ့ပါ။ တရုတ်ကွန်မြူနစ်များနှင့် အဆက်အသွယ် မလုပ်နိုင်ခဲ့သော်လည်း ဂျပန်ကိုယ်စားလှယ်တဦး သူတို့အား ချဉ်းကပ်ပြီး ဂျပန်တပ်မတော် အရာရှိတဦးဖြစ်သူ ဗိုလ်မှူးကြီးစူဇူကီကေအီဂျီနှင့်တွေ့ရန် တိုကျိုသို့ လေယာဉ်နှင့်ပို့လိုက်ပါသည်။ ထိုဗိုလ်မှူးကြီး သည် နောင်အခါ၌ ‘မြန်မာပြည်လွတ်လပ်ရေးကို ကူညီရန်နှင့် တရုတ်မြန်မာလမ်းမကြီးကို ပိတ်ဆို့ရန်’ ရည် ရွယ်ချက်များနှင့် တည်ထောင်သော မီနာမီကီကန် လျှို့ဝှက်အသင်း၏ ခေါင်းဆောင်အဖြစ် ထင်ရှားမည့်သူဖြစ် ပါသည်။  မြန်မာနိုင်ငံရေးသမားများနှင့် ဂျပန်တို့အကြားအဆက်အသွယ်ရှိခြင်းမှာ အသစ်အဆန်းမဟုတ်ချေ။ ဒေါက်တာ ဘမော်နေရာ၌ ၀န်ကြီးချုပ်ဖြစ်လာသော ဦးစောသည် ဂျပန်ထောက်ပံ့မှုကြောင့် ချမ်းသာကြွယ်ဝလာသူဟူ၍ နာမည်ထွက်ခဲ့ပါသည်။ ဒေါက်တာဘမော်ကိုယ်တိုင်လည်း ‘ထွက်ရပ်ဂိုဏ်း’ အတွက် ဂျပန်တို့ထံမှ အကူအညီ ရှာခဲ့ပါသည်။ ဒေါက်တာဘမော်၏ အစိုးရအတွင်း ၀န်ကြီးတဦးဖြစ်ခဲ့သော ၀ါရင့်နိုင်ငံရေးသမားကြီး ဒေါက်တာ သိမ်းမောင်ကမူ ဂျပန်သို့ အလည်အပတ်သွားရောက်ခဲ့ပြီး ဂျပန်-ဗမာ ချစ်ကြည်ရေးအသင်းကို ရှေ့ဆောင် တည်ထောင်ခဲ့ပါသည်။ ၁၉၄၀ ခုနှစ်လယ်တွင် ဗိုလ်မှူးကြီးစူဇူကီး မြန်မာပြည်သို့ အလည်ရောက်စဉ်က ဒေါက် တာသိမ်းမောင်နှင့် တွေ့ခဲ့၏။ ဤတွေ့ဆုံဆက်သွယ်မှုမှတဆင့် ဂျပန်များက အမွိုင်ရောက် သခင်နှစ်ဦးအား ရှာဖွေတွေ့ရှိနိုင်ခဲ့ခြင်း ဖြစ်ပါသည်။  ‘ထွက်ရပ်ဂိုဏ်း’ ၀င်များအနက် ဂျပန်အကူအညီ လက်ခံသင့်၊ မခံသင့်နှင့်ပတ်သက်၍ စိတ်သဘောထားကွဲပြား မှုများ ရှိနေခဲ့ပါသည်။ ကွန်မြူနစ်များ(၎င်းတို့အနက်အထင်ရှားဆုံးမှာ သခင်စိုး၊ သခင်ဗဟိန်း၊ သခင်သန်းထွန်း နှင့် သခင်သိန်းဖေ) က အထူးသဖြင့် ဖက်ဆစ်ဂျပန်နှင့် ပူးပေါင်းဆောင်ရွက်ရေးကို ဆန့်ကျင်ကြသည်။ သခင် အောင်ဆန်းကတော့ အကူအညီကို ရသည့်နေရာမှယူပြီး အခြေအနေများ မည်ကဲ့သို့ ပြောင်းလဲဖြစ်ပေါ်လာ မည်ကို စောင့်ကြည့်သင့်သည်ဟု လက်တွေ့အကျိုးဖြစ်မည့် နည်းလမ်းအမြင် အယူအဆကို စွဲကိုင်ခဲ့၏။ သို့ သော် သူ၏ စကားအတိုင်းဆိုရလျှင် သူသည် ဂျပန်တို့နှင့် ပူးပေါင်းခြင်းကြောင့် နောင်ဖြစ်ပေါ်လာမည့် အကျိုး ဆက်များကို အသေအချာ ရှင်းရှင်းလင်းလင်းတွက်ဆခဲ့ပုံမပေါ်။  တိုကျိုတွင် သခင်အောင်ဆန်းနှင့် ဗိုလ်မှူးကြီးစူဇူကီးတို့နှစ်ဦး နားလည်မှုယူနိုင်ခဲ့ကြ၏။ သို့သော် နှစ်ဦးနှစ်ဖက် လုံးတွင် ထိန်ချန်ထားသော သဘောမတွေ့မှုလေးများ ရှိခဲ့ပုံရပါသည်။ ဗိုလ်မှူးကြီးစူဇူကီးသည် သခင်အောင် ဆန်း၏ ဖြောင့်မတ်တည်ကြည်မှုနှင့် မျိုးချစ်စိတ်တို့ကို လေးစားသော်လည်း ‘သူ၏ နိုင်ငံရေးအတွေးအခေါ်များ မရင့်ကျက်လှသေး’ ဟု ထင်မြင်၏။ ဤဝေဖန်ချက်သည် ထိုစဉ်ကအနေအထားအရ ဓမ္မဓိဠာန်မကျဟု မဆိုနိုင် ပါ။ သခင်အောင်ဆန်း ကိုယ်တိုင်ရေးခဲ့သည်မှာ သူနှင့် သူ့ရဲဘော်ရဲဘက်တို့ ဂျပန်များအား မြန်မာနိုင်ငံကို ၀င် ရောက်သိမ်းပိုက်ရန် ဖိတ်ခေါ်သကဲ့သို့ ဖြစ်ရသည်မှာ “ဖက်ဆစ်စနစ်ကို လိုလား၍မဟုတ်၊ ကျနော်တို့၏ လူပါး မ၀မှုကြောင့်၊ ဓနရှင်ပေါက်စ စိုးရိမ်မှုကြောင့်တို့သာ ဖြစ်လေသည်။”  သူသည် ဂျပန်ပြည်သို့အသွား၌ စိုးရိမ်ကြောင့်ကြစိတ်များ ဖြစ်ပေါ်ခဲ့သည်။ ရောက်သွားသောအခါ သူစိုးရိမ်ခဲ့ သလောက် မဆိုးလှသဖြင့် စိတ်သက်သာရာရသော်လည်း စိတ်မချဖွယ်၊ မနှစ်သက်ဖွယ် ကိစ္စလေးများ ကျန် လျက်ရှိနေပါသည်။ ဂျပန်လူမျိုးတို့၏ မျိုးချစ်စိတ်၊ သန့်ပြန့်စွာနေထိုင်ပုံနှင့် ကိုယ့်အလိုကိုယ်မလိုက်၊ ခြိုးခြိုးခြံခြံ နေနိုင်သော အရည်အချင်းတို့ကို သခင်အောင်ဆန်း လေးစားသော်လည်း ၎င်းတို့၏ စစ်ဝါဒီဆန်သော သဘော ထားအချို့၏ ရိုင်းစိုင်းကြမ်းကြုတ်မှုကို သူ မနှစ်မြို့သည့်အပြင် ဂျပန်များ အမျိုးသမီးတို့အပေါ်ဆက်ဆံပုံမှာ သူ့ အမြင်တွင် အံ့သြထိတ်လန့်ဖွယ်ရာ ဖြစ်နေ၏။  ၁၉၄၁ ခုနှစ် ဖေဖော်ဝါရီလတွင် သခင်အောင်ဆန်းသည် တရုတ်သင်္ဘောသားအသွင်ဖြင့် မြန်မာပြည်သို့ ပြန် ရောက်လာလေသည်။ သူမှတဆင့် ဂျပန်တို့ကမ်းလှမ်းလိုက်သည့် သဘောတူညီချက်အရ၊ တော်လှန်ပုန်ကန် ရန် လက်နက်များနှင့် ငွေကြေးထောက်ပံ့မည်ဟု မြန်မာတို့က နားလည်ခဲ့၏။ ထို့ပြင် လက်ရွေးစင်လူငယ်တစု ကို စစ်သင်တန်းပေးမည်။ ထိုလူငယ်များကို မြန်မာနိုင်ငံမှ ခိုးထုတ်သွားရန် လိုပေမည်။ သခင်အောင်ဆန်း မြန် မာပြည်၌ ကြာမြင့်စွာမနေပါ။ ဂျပန်သို့ သခင်လှဖေနှင့် အခြားလူငယ်သုံးဦးတို့နှင့်အတူ ပြန်သွားပါသည်။ ထို အုပ်စုမှာ ‘ရဲဘော်သုံးကျိပ်’ ၏ ရှေ့ပြေးတပ်ဦး ဖြစ်ပါသည်။ နောင် ဗမာ့လွတ်လပ်ရေးတပ်မတော်၏ မဏ္ဍိုင်သ ဖွယ်ဖြစ်လာမည့် ဤရဲဘော်သုံးကျိပ်ဝင် ပုဂ္ဂိုလ်များကိုရွေးချယ်ရာ၌ အလွယ်တကူလိုက်ပါနိုင်မှုနှင့် သခင်ပါတီ အတွင်းရှိ ဂိုဏ်းဂဏအသီးသီးက ကျေနပ်လက်ခံနိုင်မှုတို့အပေါ် မူတည်ခဲ့သဖြင့် အကျဉ်းကျခံနေရသော အ မျိုးသားရေးခေါင်းဆောင်များ မပါဖြစ်သည့်အပြင် နောင် အချင်းချင်းအကြား စိတ်ဝမ်းကွဲစေမည့် မျိုးစေ့ကို ပျိုး လိုက်သကဲ့သို့လည်း ဖြစ်သွားပါသည်။  ရဲဘော်သုံးကျိပ်သည် ဟိုင်နန်ကျွန်း၌ ပင်ပန်းကြီးစွာ စစ်ပညာသင်ယူရပါသည်။ ၎င်းတို့အနက် သခင်အောင် ဆန်း၊ သခင်လှဖေ (ဗိုလ်လင်္ကျာ)၊ သခင်အောင်သန်း(ဗိုလ်စင်္ကြာ)နှင့် သခင်ထွန်းအုပ်တို့ကို စစ်ဌာနဦးစီးကွပ် ကဲရေးနှင့် အုပ်ချုပ်ရေးတို့ကို အထူးလေ့လာရန် ရွေးချယ်လိုက်ပါသည်။ သခင်ပါတီ အုပ်စုတစုကို ကိုယ်စားပြု သော သခင်ထွန်းအုပ်အား နိုင်ငံရေးခေါင်းဆောင်တင်မြှောက်လိုက်၏။ သို့သော်လည်း သခင်အောင်ဆန်း သည် ရဲဘော်သုံးကျိပ်၏ ခေါင်းဆောင်အဖြစ် ထင်ထင်ရှားရှား ပေါ်ထွက်လာသည်။ ဗမာ့လွတ်လပ်ရေးတပ်မ တော် ဖွဲ့သောအခါ၌လည်း တပ်မတော်၏ ပြိုင်ဘက်မရှိခေါင်းဆောင် ဖြစ်လာလေသည်။ သခင်အောင်ဆန်း သည် ကိုယ်ခန္ဓာညှက်ပြီး အားကောင်းသန်မာလှခြင်းမရှိသော်လည်း တိုက်ရေးခိုက်ရေးကျွမ်းကျင်ကာ သတ္တိရှိ ၍ အပင်ပန်းခံနိုင်သော စစ်သားတဦးဖြစ်လာ၏။  သူ့အား လူမှုဆက်ဆံရေးညံ့ဖျင်းသည်ဟု စွပ်စွဲချက်များရှိခဲ့သော်လည်း ရဲဘော်များ ကိုယ်ပင်ပန်း၊ စိတ်ပင်ပန်း ဖြစ်နေချိန်များတွင် စိတ်ဓာတ်ပြန်လည်တက်ကြွလာစေရန် အားပေးခြင်း၊ အငယ်ဆုံးရဲဘော်များကို အထူးဂရု စိုက်ခြင်း၊ စစ်သင်တန်းသားဘ၀၏ ကရိကထများကြောင့်လည်းကောင်း၊ ဂျပန်များကြောင့်လည်းကောင်း၊ နာ ကျည်းစိတ်များ ဆူပွက်လာချိန်တွင် စိတ်လိုက်မာန်ပါမလုပ်ရန် အကြံပေးတိုက်တွန်းခြင်း စသည်တို့ကို သူ စွမ်း ဆောင်နိုင်ခဲ့သည်။ လူငယ်စစ်သင်တန်းသားများသည် ဂျပန်နည်းပြဆရာအချို့ကို လေးစားချစ်ခင်ကြသော် လည်း၊ ဂျပန်စိတ်နေသဘောထားအချို့ကိုမူ များစွာမနှစ်မြို့ရကား ၁၉၄၁ ခုနှစ်ကုန်ပိုင်း မြန်မာပြည်တွင်းသို့ မချီတက်မီကပင် ဗမာနှင့် ဂျပန်တို့အကြား ကတောက်ကဆဖြစ်မှုများ စတင်ပေါ်ပေါက်ခဲ့သည်။  ဟိုင်နန်သင်တန်းကျောင်းဆင်းများ၊ ထိုင်းနိုင်ငံနေ မြန်မာများနှင့် မီနာမီအဖွဲ့ဝင်များပါဝင်သော ဗမာ့လွတ်လပ် ရေးတပ်မတော်ကို ၁၉၄၁ ခုနှစ် ဒီဇင်ဘာလတွင် ဘန်ကောက်မြို့၌ တရားဝင်ဖွဲ့စည်းလိုက်၏။ စူဇူကီးသည် ဗိုလ်ချုပ်ကြီးရာထူးဖြင့် တပ်မတော်အကြီးအကဲဖြစ်လာပြီး အောင်ဆန်းသည် ဗိုလ်ချုပ်ရာထူးနှင့် စစ်ဦးစီးချုပ် ဖြစ်လာပါသည်။ အပျံသင်စ တပ်မတော်အဖွဲ့ဝင်များသည် သစ္စာရေသောက်ပြီး အရာရှိများက သူရဲကောင်း ဆန်သော ပါဠိအမည်များကို ခံယူကြပါသည်။ စူဇူကီးသည် ဗိုလ်မိုးကြိုးဖြစ်လာပြီး၊ အောင်ဆန်းသည် ဗိုလ်တေ ဇ ဖြစ်လာသည်။ မိမိတို့အမည်သစ်များနှင့် ထင်ရှားလာမည့် ရဲဘော်သုံးကျိပ်ဝင်များအနက် ဗိုလ်လင်္ကျာ၊ ဗိုလ် စင်္ကြာ၊ ဗိုလ်ဇေယျ၊ ဗိုလ်နေ၀င်း၊ ဗိုလ်ရန်နိုင်၊ ဗိုလ်ကျော်ဇော စသည်တို့ ပါဝင်ပါသည်။ ‘ဗိုလ်ချုပ်တေဇ’ ကမူ ကျောင်းသားခေါင်းဆောင်နှင့် သခင်ခေါင်းဆောင်အဖြစ် တိုင်းပြည်ကသိခဲ့သော အောင်ဆန်းအမည်ကိုသာ ပြန်လည်သုံးစွဲကာ ‘ဗိုလ်ချုပ်အောင်ဆန်း’ ဟူ၍ ပြည်သူတို့ အမြတ်တနိုးထားသော အာဇာနည်သူရဲကောင်းအ ဖြစ် ထင်ပေါ်လာပါသည်။  ဗမာ့လွတ်လပ်ရေးတပ်မတော် ဂျပန်များနှင့် ရင်ဘောင်တန်း၍ မြန်မာပြည်တွင်းသို့ ချီတက်လာခြင်းသည် မြန် မာများအတွက် ဂုဏ်ယူဖွယ် ပျော်ရွှင်ဖွယ်ဖြစ်ပါသည်။ ကျဆင်းနေသော မိမိတို့၏အမျိုးသားဂုဏ်သိက္ခာကို ပြန် လည်မြှင့်တင်ပေးလိုက်သကဲ့သို့ ဖြစ်သွားပါသည်။ သို့သော် ဗိုလ်ချုပ်အောင်ဆန်းနှင့်သူ၏ ရဲဘော်ရဲဘက်အချို့ က ရှေ့တွင်ပြဿနာများရှိမည်ကို သိနှင့်ကြပြီ။ ဘန်ကောက်မှာ ရှိနေစဉ်ကပင် မြန်မာပြည်တွင်းသို့ ဂျပန်များ ၀င်လာသောအခါ နိုင်ငံအတွင်းရှိ အမျိုးသားရေးခေါင်းဆောင်များ၏ စီမံလုပ်ဆောင်ချက်ဖြင့် လွတ်လပ်ရေး ကြေညာပြီး နိုင်ငံ၌ ရင်ဆိုင်ရမည့် အခြေအနေကို စီစဉ်ရန် ကြိုးစားခဲ့ကြောင်း ဗိုလ်ချုပ်အောင်ဆန်း မှတ်တမ်း တင်ခဲ့၏။ ထိုကဲ့သို့ မဆောင်ရွက်နိုင်ပါက ပြည်သူလူထုကို စည်းရုံးလှုံ့ဆော်ကာ မြေအောက်တော်လှန်ရေး စ တင်ထားခြင်းဖြင့် ကျူးကျော်ဝင်ရောက်လာသူများ ခြေကုပ်မရနိုင်အောင် အခြေအနေဖန်တီးရန် ဖြစ်၏။ သို့ သော် မြန်မာနိုင်ငံမှာ ကမောက်ကမဖြစ်နေပြီး နိုင်ငံရေးသမားအများစုလည်း ထောင်သွင်းအကျဉ်းချခံဘ၀ ရောက်နေကြရာ အစီအစဉ်နှစ်ခုလုံး လက်တွေ့ကျကျ အကောင်အထည်ဖော်ရန် မဖြစ်နိုင်ပါ။ ဂျပန်များလည်း မြန်မာပြည်ကို ၀င်ရောက်သိမ်းပိုက်လိုက်ပါသည်။  ဂျပန်ခေတ်ကား အထင်အမြင်ကြီးခဲ့သမျှ ပြိုကွဲရပြီး မသေချမရေရာမှုများနှင့် ဒုက္ခပေါင်းစုံဖြစ်နေသော ကာလ ဖြစ်ပါသည်။ ဗြိတိသျှတို့ထံမှ လွတ်လပ်ရေးရမည်ဟု မျှော်မှန်းခဲ့သူများသည် အာရှတိုက်သားချင်း၏ ဖနောင့် အောက်သာ ရောက်ရကြောင်း သိလာသောအခါ အကြေကွဲကြီး ကြေကွဲခဲ့ရ၏။ အများက လွတ်လပ်ရေးပေး မည့် ကယ်တင်ရှင်များအဖြစ် ကြိုဆိုခဲ့သော နိပွန်စစ်သားများသည် လူကြိုက်မများသော ဗြိတိသျှတို့ထက်ပင် ဆိုးဝါးသည်ကို တွေ့ရတော့၏။ တနေ့တခြား စက်ဆုပ်ဖွယ်ရာဖြစ်ရပ်များ တိုးပွားလာလေသည်။ ‘ကင်ပေအိ’ (စစ်ပုလိပ်) ဟူသော အမည်သည် ကြောက်မက်ဖွယ်ရာ ဝေါဟာရဖြစ်လာသည်။ လူများ အစအနမကျန် ပျောက်သွားခြင်း၊ အနှိပ်စက်အညှင်းဆဲခံရခြင်း၊ ချွေးတပ်ဆွဲခံရခြင်း စသည်တို့မှာ နိစ္စဓူဝကိစ္စမျှသာဖြစ်သော လောကကြီးတွင် နေတတ်အောင်နေကြရလေသည်။  ထို့အပြင် မဟာမိတ်လေတပ်၊ ဂျပန်လေတပ်တို့၏ ဗုံးကြဲဒဏ်၊ စစ်တွင်းရိက္ခာရှားပါးမှုဒဏ်၊ ထောက်လှမ်းရေး သတင်းပေးများဒဏ်၊ စိတ်ဓာတ်နှင့် ယဉ်ကျေးမှုအရ ဖီလာဆန့်ကျင်နေသူများအကြား ဖြစ်ပွားသော ပဋိပက္ခ များ၊ ဘာသာစကားမတူသူတို့အကြား ဖြစ်တတ်သောအထင်အမြင်လွဲမှုများ စသည်ဖြင့် ဒုက္ခအပေါင်းကိုလည်း ထပ်လောင်းခံရပါသေးသည်။ မြန်မာပြည်ရောက် ဂျပန်များအနက် တရားမျှတရေး၊ လူသားချင်းစာနာရေး စိတ်ဓာတ်များအရ ကျင့်ကြံနေထိုင်သူများ ရှိကြသော်လည်း ၎င်းတို့၏ ကောင်းမွန်သော ဆောင်ရွက်ချက်များ သည် စစ်ဝါဒီများ၏ လူမျိုးခွဲခြားရေးစနစ်ကြောင့် အချည်းအနှီးဖြစ်ရပါသည်။  မိမိတို့ကတိသစ္စာ တည်ကြည်နိုင်ရန် မြန်မာနိုင်ငံကို လွတ်လပ်ရေးပေးသင့်သည်ဟု ယုံကြည်သော မီနာမီကီ ကန် အဖွဲ့ဝင်များသည် ဖြစ်ပေါ်လာသောအခြေအနေများကြောင့် စိတ်မချမ်းမြေ့ဟန်တူပါသည်။ ၁၉၄၂ ခုနှစ်၊ ရန်ကုန်မြို့ကို ဂျပန်တပ်များသိမ်းပြီးသည်နှင့် ဗိုလ်မိုးကြိုးသည် ဗဟိုအစိုးရတည်ထောင်ကာ သခင်ထွန်းအုပ်ကို ဦးစီးဦးဆောင်ခန့်လိုက်ပါသည်။ ထိုအစိုးရ ကြာကြာမခံပါ။ ဂျပန်တပ်များ တိုင်းပြည်ကို ဆက်လက်သိမ်းပိုက် သည်နှင့်အမျှ ဂျပန်စစ်အုပ်ချုပ်ရေး ကျယ်ကျယ်ပြန့်ပြန့် လွှမ်းမိုးလာကာ မြန်မာနိုင်ငံကို စစ်ရှုံးနယ်မြေတခုကဲ့ သို့ ကိုင်တွယ်လာလေသည်။  ဗမာ့လွတ်လပ်ရေးတပ်မတော်၏ အနေအထားသည်လည်း မရေမရာနှင့် အားကျဖွယ်ရာ လုံးဝမရှိပေ။ တပ်မ တော်သည် ချီတက်လာရာ လမ်းတလျှောက် စိတ်အားထက်သန်စွာ ၀င်လာသူများနှင့် ဖောင်းပွနေ၏။ ထိုစစ် သားသစ်များကို ထိရောက်သည့် တိုက်ရည်ခိုက်ရည်ရှိသော တပ်များဖြစ်လာစေရန် စနစ်တကျ၊ စည်းကမ်းရှိရှိ လေ့ကျင့်ပေးရပေဦးမည်။ ဗိုလ်ချုပ်အောင်ဆန်းကား မိမိတပ်များကို အမိန့်ပေးအုပ်ချုပ်ပိုင်ခွင့်မရှိ။ သူသည် ဗိုလ်မိုးကြိုး၏ လက်ထောက်အရာရှိများအနက် အဆင့်မြင့်ဆုံးမျှသာဖြစ်၏။ ဗိုလ်မိုးကြိုးကိုယ်တိုင်လည်း မြန်မာ ပြည်၏ အနာဂတ်အရေးများတွင် သူနှင့် ဗမာ့လွတ်လပ်ရေးတပ်မတော်တို့ မည်သည့်အခန်းကဏ္ဍက ပါဝင်ရ မည်ဟူသော ကိစ္စနှင့်ပတ်သက်၍ စစ်အုပ်ချုပ်ရေးဆိုင်ရာများနှင့် ပြဿနာတက်နေပုံရ၏။  ဗိုလ်ချုပ်အောင်ဆန်းနှင့် သူ၏ရဲဘော်ရဲဘက်များကမူ ဗမာ့လွတ်လပ်ရေးတပ်မတော်သည် မြန်မာအရာရှိများ လက်အောက်တွင်သာ ရှိသင့်သည်ဟု ယူဆကြသည်။ ထိုကိစ္စနှင့်ပတ်သက်၍ ဗိုလ်လင်္ကျာက သူ၊ ဗိုလ်ချုပ် အောင်ဆန်းနှင့် အခြားရဲဘော်သုံးကျိပ်ဝင်အချို့ ဗိုလ်မိုးကြိုးနှင့်ရင်ဆိုင်ခဲ့စဉ်က ဇာတ်ဆန်ဆန် အဖြစ်အပျက် အကြောင်းကိုရေးသားခဲ့ဖူး၏။ ရင်ဆိုင်မှု၏ရလဒ်ကား ဗိုလ်ချုပ်အောင်ဆန်းကို ဗမာ့လွတ်လပ်ရေးတပ်မတော် ၏ သေနာပတိချုပ်အဖြစ်၎င်း၊ ဗိုလ်လင်္ကျာကို စစ်ဦးစီးအဖြစ်၎င်း ခန့်အပ်လိုက်ခြင်းဖြစ်ပါသည်။  ဗိုလ်ချုပ်အောင်ဆန်းသည် သူ၏အနေအထားနှင့် ပတ်သက်၍လည်းကောင်း၊ မြန်မာနိုင်ငံအခြေအနေနှင့် ပတ် သက်၍လည်းကောင်း စိတ်ကူးယဉ်ပြီး ထင်ယောင်ထင်မှားမဖြစ်ခဲ့ပါ။ လွတ်လပ်ရေးရုန်းကန်မှုကား ဆုံးခန်း တိုင်ရန် များစွာလိုသေးသည်ကို သူသိနားလည်သည့်အလျောက် တပ်မတော်တောင့်တင်းခိုင်မာရန်နှင့် စည်း ကမ်းရှိရန်ကို အာရုံစိုက်ခဲ့၏။ ဗမာ့တပ်မတော်ကို ပါတီနိုင်ငံရေးမှ ကင်းကင်းရှင်းရှင်းနေရန်နှင့် အရပ်သားအုပ် ချုပ်ရေးဖက်တွင် ၀င်ရောက်စွက်ဖက်ခြင်းမပြုရန်ကိုလည်း သူကြိုးပမ်းခဲ့၏။ သို့သော်လည်း နိုင်ငံရေးသမားများ ကို ဗဟိုမဏ္ဍိုင်ပြုကာ ဖွဲ့စည်းခဲ့သော တပ်မတော်အနေနှင့် နိုင်ငံရေးနှင့် ကင်းကင်းရှင်းရှင်း နေနိုင်ဖို့ရန်မှာ အ ချိန်များစွာမှ နှောင်းသွားပြီဖြစ်ကြောင်း သူ ဧကန်သိရှိခဲ့မည်ဖြစ်သည်။  ၁၉၄၂ ခုနှစ် ဇူလိုင်လတွင် ဗိုလ်မိုးကြိုး မြန်မာပြည်မှ ထွက်ခွာသွားပါသည်။ ဗမာ့လွတ်လပ်ရေးတပ်မတော်ကို ဗမာ့ကာကွယ်ရေးတပ်မတော်အဖြစ် ပြန်လည်ဖွဲ့စည်းလိုက်ပြီး အောင်ဆန်းသည် ဗိုလ်မှူးကြီးရာထူးနှင့် စစ် သေနာပတိဖြစ်လာပါသည်။ သို့သော်လည်း အသစ်ဖွဲ့စည်းလိုက်သော တပ်မတော်၏ အဆင့်ဆင့်၌ ဂျပန်‘အ ကြံပေးအရာရှိ’များ တွဲခန့်အပ်ထားပြီး မြန်မာအရာရှိများ၏ လက်တွေ့အာဏာများကို တင်းကျပ်စွာ ကန့်သတ် ချုပ်ချယ်ထားပါသည်။ သြဂုတ်လတွင် ဂျပန်တပ်များ၏ သေနာပတိချုပ် ဗိုလ်ချုပ်ကြီးအီဒါသည် မြန်မာ့အုပ်ချုပ် ရေးကို တရားဝင်အတည်ပြုလိုက်ကာ ဒေါက်တာဘမော်အား နိုင်ငံတော်အကြီးအကဲအဖြစ် ခန့်အပ်လိုက်ပါ သည်။ အပေါ်ယံအားဖြင့် မြန်မာအစိုးရအာဏာသည် မြန်မာပြည်သူပြည်သားတို့လက်သို့ ကူးပြောင်းသွား သည်ဟု မြင်နိုင်သော်လည်း စင်စစ်မှာတော့ ဂျပန်အုပ်ချုပ်ရေး ခြေကုပ်ရသွားခြင်းပင်ဖြစ်ပါသည်။  ဖက်ဆစ်တော်လှန်ရေး  ဗိုလ်ချုပ်အောင်ဆန်းနှင့် သူ၏ ရဲဘော်ရဲဘက်များသည် ဗမာ့လွတ်လပ်ရေးတပ်မတော်နှင့် ချီတက်လာရာတွင် ပင်ပန်းဆင်းရဲဒဏ် အတော်ကြီးပင် ခံခဲ့ရ၏။ အများအပြားသည် ငှက်ဖျားရောဂါစွဲကပ်၍လည်းကောင်း၊ ခြေ ကုန်လက်ပန်းဖြစ်၍လည်းကောင်း ဆေးရုံတက်ရကြ၏။ ဗိုလ်ချုပ်နှင့် အပေါင်းဖော်အချို့လည်း ရန်ကုန်ဆေးရုံ ကြီးသို့ ရောက်လာလေသည်။ ထိုဆေးရုံကို မိမိတို့အလုပ်တာဝန်အပေါ် အထူးသစ္စာထားသော ဆရာဝန်၊ ဆ ရာမတစုက အခက်အခဲများစွာကြားမှ စီမံဖွင့်လှစ်ထားခြင်းဖြစ်ပါသည်။ ဗိုလ်ချုပ်အောင်ဆန်းသည် မျက်နှာ ထားတည်လွန်း တင်းလွန်းပြီး အရောတ၀င် မနေတတ်သူဟူ၍ အများက သိနေကြပါသည်။ ထို့အပြင် သူရဲ ကောင်းတဦးအဖြစ် တနေ့တခြား နာမည်ထွက်လာနေရာ သူနာပြုဆရာမငယ်များသည် သူ့အနားကပ်ရမည် ကိုပင် ကြောက်ရွံ့နေကြပါသည်။  သို့သော် ဆရာမကြီးဖြစ်သူ မခင်ကြည်ကိုယ်တိုင် ဗိုလ်ချုပ်အား ပြုစုရပါသည်။ မခင်ကြည်သည် စွဲမက်ဖွယ်ရာ ရုပ်ရည်နှင့် ချစ်စဖွယ်အမူအယာရှိပြီး မိမိ၏ သူနာပြုလုပ်ငန်းကို စေတနာပြည့်ဝစွာဖြင့် အထူးတာဝန်သိသိ ဆောင်ရွက်ခြင်းကြောင့် လူနာများနှင့် လုပ်ဖော်ကိုင်ဖက်များက လေးစားချစ်ခင်ကြပါသည်။ ဆရာမ မခင် ကြည်သည် ဗိုလ်ချုပ်ကို ပြုစုရာ၌ တင်းသင့်သည့်နေရာတွင် တင်းသော်လည်း ယုယကြည်သာစွာ စိတ်ရှည်စွာ ဆက်ဆံပါသည်။ အလွန်ကြောက်မက်ဖွယ်ကောင်းပါသည်ဟူသော စစ်သေနာပတိကြီးလည်း အစွဲကြီးစွဲသွား ပါတော့သည်။ ဗိုလ်ချုပ်အောင်ဆန်းသည် ရှက်တတ်၍လည်းကောင်း၊ သူ၏ ဘ၀ရည်မှန်းချက်အပေါ် တာဝန် သိစိတ်ပြင်းထန်၍လည်းကောင်း အမျိုးသမီးများနှင့် ခပ်ခွာခွာနေခဲ့၏။  အကျင့်သီလနှင့်ပတ်သက်၍ တင်းတင်းကြပ်ကြပ် တွေးခေါ်သူတဦးဖြစ်ရကား တိုကျိုမြို့၌ စူဇူကီးက အမျိုးသ မီး အလိုရှိပါက စီစဉ်ပေးမည်ဟု ကမ်းလှမ်းသော်လည်း ဗိုလ်ချုပ် အံ့သြတုန်လှုပ်သွားပါသည်။ စူဇူကီးအနေနှင့် ဂျပန်ယဉ်ကျေးမှုအရ ဧည့်ဝတ်ကျေစေရန် ပြောခဲ့ပုံရပါသည်။ သို့သော် ဗိုလ်ချုပ်ကတော့ သူ့အား ‘အကျင့်စာ ရိတ္တ ပျက်ပြားယုတ်ညံ့သွားအောင် ကြိုးစားနေလေရော့လား’ ဟု သံသယစိတ်ဝင်ခဲ့၏။ ဗိုလ်ချုပ်အောင်ဆန်း သည် သူ့စိတ်ကိုသူ ကောင်းစွာသိသည့်အပြင် ပွင့်လင်းပြတ်သားစွာ လုပ်တတ်သူလည်း ဖြစ်ပါသည်။ သို့ဖြင့် ရှည်ရှည်ဝေးဝေး လူပျိုလှည့်ခြင်းမျိုး မလုပ်နေဘဲ ၁၉၄၂ ခုနှစ် စက်တင်ဘာလ ၆ ရက်နေ့တွင် ဆရာမ မခင် ကြည်နှင့် လက်ထပ်ထိမ်းမြားလိုက်ပါသည်။  “ဒေါ်ခင်ကြည်သည် အောင်ဆန်းကို လက်ထပ်ရာ၌ လူပုဂ္ဂိုလ်တဦးကိုသာ လက်ထပ်လိုက်သည်မဟုတ်၊ ကံအ ကြောင်းတရားတရပ်ကိုပါ လက်ထပ်လိုက်ခြင်းဖြစ်သည်” ဟု အပြောရှိခဲ့ပါသည်။ ဗိုလ်ချုပ်အောင်ဆန်းက လည်း သူ၏ ဘ၀ကြင်ဖော်အနေနှင့် ရှိအပ်သောသတ္တိနှင့် နွေးထွေးသော မေတ္တာတို့ကို ပိုင်ဆိုင်နိုင်ရုံသာမက သူကွယ်လွန်သွားပြီးနောက် သူ၏ စံတင်ထားမှုများကို ဂုဏ်သရေရှိရှိ၊ ကြံ့ကြံ့ခိုင်ခိုင် ထိန်းသိမ်းသွားမည့် အ မျိုးသမီးတဦးကို လက်ထပ်လိုက်ခြင်းဖြစ်ပါသည်။ ဗိုလ်ချုပ်တို့၏ အိမ်ထောင်ရေးကား သာယာအောင်မြင်ပါ သည်။  သူတို့လေးစားမြတ်နိုးလှသော လူငယ်ဗိုလ်ချုပ် အိမ်ထောင်ပြုသွားသဖြင့် ကနဦးတွင် စိတ်မချမ်းသာဖြစ်ခဲ့ သော ရဲဘော်များလည်း လျင်မြန်စွာပင် သဘောတူကျေနပ်လာလေသည်။ အိမ်ထောင်သည်ဖြစ်လာပြီး နောက် ဗိုလ်ချုပ်အောင်ဆန်း၏ နူးညံ့ပျော့ပြောင်းသော အသွင်လက္ခဏာများ ပိုမိုတောက်ပြောင်လာသည်။ သူ သည်ခင်ပွန်းသည်တဦးအနေနှင့်လည်းကောင်း၊ ဖခင်တဦးအနေနှင့်လည်းကောင်း ကြင်နာယုယတတ်၏။ သူ ၏ ခက်ခဲ အန္တရာယ်များသောဘ၀ကို အတူရင်ဆိုင်ရန် စွမ်းရည်၊ နားလည်မှုတို့နှင့်ပြည့်စုံသော ဘ၀ကြင်ဖော် သူ၏အနား၌ ရှိနေခြင်းသည် အရေးကြီးသောလုပ်ငန်းများဆောင်ရွက်ရာ၌ သူ့ကို အားပြည့်စေသည်ဟု ယုံမှား သံသယရှိဖွယ် မဟုတ်ချေ။ ၁၉၄၃ ခုနှစ် မတ်လတွင် အောင်ဆန်းအား ဗိုလ်ချုပ်အဆင့်သို့ တိုးမြှင့်ခန့်အပ်လိုက်ပြီး ဂျပန်ဘုရင်မင်းမြတ်ထံ မှ ဘွဲ့တံဆိပ်ရယူရန် ဂျပန်သို့ဖိတ်ကြားပါသည်။ တိုကျိုသို့သွားသောအဖွဲ့ကို ဒေါက်တာဘမော်ဦးဆောင်ပြီး ထို အဖွဲ့တွင် ဗိုလ်ချုပ်အောင်ဆန်းအပြင် ဒေါက်တာသိမ်းမောင်နှင့် သခင်မြတို့ပါဝင်ပါသည်။ ဇန်န၀ါရီလအတွင်း က ဂျပန်ဝန်ကြီးချုပ်တိုဂျိုသည် မြန်မာနိုင်ငံ မကြာမီလွတ်လပ်ရေးရတော့မည်ဟု ကြေညာထားပြီးဖြစ်ပါသည်။ မြန်မာအဖွဲ့ပြန်လာသောအခါ သဘောတူညီချက်စာတမ်းတစောင် သယ်ယူလာခဲ့ပါသည်။  ဗိုလ်ချုပ်အောင်ဆန်း၏ ခပ်ပြတ်ပြတ်စကားအသုံးအနှုန်းအရ စာတမ်းပါအကြောင်းအရာများမှာ “မြန်မာနိုင်ငံ သည် ၁၉၄၃ ခုနှစ် သြဂုတ်လ (၁) ရက်နေ့တွင် လွတ်လပ်ရေးရမည်ဖြစ်ပြီး ကျွန်ုပ်တို့တွေ စာချုပ်အချို့ကို ချုပ် ဆိုရန် စသဖြင့်” ဖြစ်ပါသည်။ စာတမ်းကို အလွန်အမင်း အရေးထားခြင်း မရှိခဲ့ပါ။ အစီအစဉ်အတိုင်း သြဂုတ်လ (၁) ရက်နေ့တွင် မြန်မာပြည်ကို လွတ်လပ်သော အချုပ်အခြာအာဏာပိုင်နိုင်ငံအဖြစ်လည်းကောင်း၊ “မဟာ အရှေ့အာရှသာတူညီမျှ ကြီးပွားရေးနယ်မြေ”၏ တန်းတူညီတူအဖွဲ့ဝင်နိုင်ငံအဖြစ်လည်းကောင်း ကြေညာလိုက် ပါသည်။  ဒေါက်တာဘမော်အား အဓိပတိဟူသောဘွဲ့နှင့် နိုင်ငံခေါင်းဆောင် ၀န်ကြီးချုပ်အဖြစ် ခန့်အပ်လိုက်ပြီး ဗိုလ်ချုပ် အောင်ဆန်းကား စစ်ဝန်ကြီးဖြစ်လာပါသည်။ မြန်မာ့အမျိုးသားတပ်မတော်ဟု အမည်သစ်ပြောင်းထားသော ဗမာ့တပ်မတော် ထိရောက်မှုမရှိစေရန် ဂျပန်တို့ နည်းပရိယာယ်မျိုးစုံ သုံးစွဲပါတော့သည်။ ပထမတွင် တပ်များ ကို နိုင်ငံအ၀ှမ်းဖြန့်ကြဲထားသည်။ ထို့နောက် နေရာအချို့တွင် စုပြုံထားပြန်သည်။ စစ်ဝန်ကြီးဌာနနှင့် တပ်များ အကြား ဆက်သွယ်ရေးခက်ခဲစေရန် ဖြစ်ပါသည်။  ဗိုလ်ချုပ်အောင်ဆန်းကား မတုန်မလှုပ်။ ဂျပန်တွေအကြံပေးသမျှကို သဘောတူလိုက်ကာ သူ့ထင်မြင်ချက်များ ကို လူသိမပေးဘဲ သူ့အစီအစဉ်နှင့်သူ ဆက်လုပ်သွားပါသည်။ တိုကျိုမှ ပြန်ရောက်လာချိန်လောက်တွင် ဗိုလ် ချုပ်အောင်ဆန်းသည် ဗိုလ်လင်္ကျာ၊ ဗိုလ်ဇေယျ၊ ဗိုလ်နေ၀င်းနှင့် ဗိုလ်ကျော်ဇောတို့အပါအ၀င် သူ၏ အရာရှိအ ချို့ကိုခေါ်၍ တော်လှန်ရေးစတင်ရန်အချိန်ကို တိုင်ပင်ဆွေးနွေးပါသည်။ အရာရှိများက အခြေအနေ ပိုမိုစိတ် ချရသည်အထိ စောင့်ဆိုင်းရန် အကြံပေးပါသည်။ တဖန် သခင်သန်းထွန်းနှင့်တိုင်ပင်ရာ ၎င်းကလည်း တော် လှန်ရေးစရန် အချိန်မတန်သေးဟုတင်ပြသဖြင့် ဗိုလ်ချုပ်လည်း စိတ်ပါလက်ပါမရှိလှသော်လည်း စောင့်ဆိုင်း ရန် သဘောတူလိုက်ပါသည်။  အခြားကွန်မြူနစ်များ၊ အထူးသဖြင့် သခင်စိုးနှင့် သခင်သိန်းဖေတို့သည် ဗြိတိသျှတို့ ဆုတ်ခွာသွားသဖြင့် သူတို့ ထောင်မှလွတ်သည့် အချိန်မတိုင်ခင်ကပင် ဂျပန်တော်လှန်ရေးတရားဟောခဲ့၏။ ဂျပန်တပ်များ ချီတက်လာ သည်နှင့် သူတို့နှစ်ဦး တောခိုသွားပါသည်။ သခင်သိန်းဖေသည် ဗိုလ်ချုပ်အောင်ဆန်းနှင့် ဗိုလ်နေ၀င်းတို့ကို ရွှေဘို၌ ခဏတွေ့ပြီး ဗြိတိသျှတပ်များနှင့် အဆက်အသွယ်ရရေး ကြိုးပမ်းရန် အိန္ဒိယသို့ ထွက်ခွာသွားပါသည်။  ၁၉၄၃ ခုနှစ် နိုဝင်ဘာလရောက်ချိန်တွင် တော်လှန်ရေးအစီအစဉ်များ အတော်ပင်ခရီးရောက်နေပြီဖြစ်ရကား မြန်မာနိုင်ငံတောတောင်များထဲတွင် ပြောက်ကျားတပ်များဖွဲ့စည်းရန် ကြိုးစားနေသော ဗိုလ်မှူးစီဂရင်း ခေါ် ဗြိ တိသျှတပ်မတော်အရာရှိသည် ‘ဗမာ့ကာကွယ်ရေးတပ်မတော်မှ အောင်ဆန်းဆိုသူသည် အခါအခွင့်ကြုံလာ လျှင် သူ၏တပ်များနှင့် ဂျပန်ကို ပြန်တိုက်ရန်စီစဉ်နေသည်’ ဟု အိန္ဒိယသို့ သတင်းပို့ခဲ့ပါသည်။ လောလော ဆယ် တွင်မူ တော်လှန်ရေးအစီအစဉ်များ ပြီးစီးသည်အထိ ဗိုလ်ချုပ်အောင်ဆန်းသည် ဂျပန်တို့၏ သံသယစိတ် များ ပျောက်ကွယ်သွားစေရန် အားထုတ်ရပါသည်။ သို့သော်လည်း သူသည် လက်ရှိလွတ်လပ်ရေးသည် အတု အယောင်မျှသာဖြစ်ကြောင်း၊ စစ်မှန်သောလွတ်လပ်ရေးရရှိရန် ရုန်းကန်ရမည်ဖြစ်ကြောင်းကို သူ၏မိန့်ခွန်းများ တွင် ပြည်သူတို့အား အသိပေးခဲ့၏။  ၁၉၄၂ ခုနှစ်ကုန်ပိုင်းတွင် ကရင်များနှင့် ဗမာ့လွတ်လပ်ရေးတပ်မတော်အတွင်းမှ တာဝန်မဲ့သူတို့အကြား ပေါ် ပေါက်ခဲ့သော ပဋိပက္ခတို့မှစ၍ သွေးထွက်သံယိုမှုနှင့် လူမျိုးရေးအဓိကရုဏ်းများ ဖြစ်ပွားလာသည်။ ဗိုလ်ချုပ် အောင်ဆန်းသည် မြန်မာနိုင်ငံရှိ တိုင်းရင်းသားများအကြား ဆက်ဆံရေးကောင်းမွန်မှုကို အထူးအလေးပေးခဲ့ ၏။ ထိုကဲ့သို့ ဆက်ဆံရေးကောင်းမှသာလျှင် နိုင်ငံစည်းလုံးညီညွတ်မည်ဖြစ်ကြောင်း သူ ကောင်းစွာသဘော ပေါက်ခဲ့၏။ စူဇူကီးအတွက် သခင်အောင်ဆန်းရေးဆွဲခဲ့သော ‘မြန်မာနိုင်ငံ စီမံကိန်း’တွင် ‘ယခုအခါ၌ ဗြိတိသျှ ပယောဂကြောင့် လူများစုဖြစ်သော ဗမာတို့နှင့် ရခိုင်၊ ရှမ်း စသော တောင်ပေါ်တိုင်းရင်းသားများအကြားတွင် တည်ရှိနေသော ကွာဟချက်များ ကျဉ်းမြောင်းသွားစေပြီး အားလုံးတန်းတူညီမျှရှိသော နိုင်ငံထူထောင်ရန်’ လို အပ်ကြောင်းကို အလေးအနက်ဖော်ပြခဲ့ပါသည်။  ကရင်-ဗမာအဓိကရုဏ်းသည် သူ့အား များစွာဒေါမနဿဖြစ်စေပါသည်။ ၁၉၄၃ ခုနှစ်နောက်ပိုင်းတွင် ဗိုလ်ချုပ် အောင်ဆန်း၊ သခင်သန်းထွန်းနှင့် ဗိုလ်လင်္ကျာတို့သည် ဤလူမျိုးစုနှစ်စုအကြား ငြိမ်းချမ်းရေးနှင့် နားလည်မှုရ ရှိစေရန် အပန်းတကြီး ဆောင်ရွက်ခဲ့ပါသည်။ ၎င်းတို့၏ စုပေါင်းကြိုးပမ်းမှုမှ သီးပွင့်လာသော အကျိုးကား က ရင်ခေါင်းဆောင်များ မြန်မာခေါင်းဆောင်တို့အား ယုံကြည်စိတ်ချလာခြင်းနှင့် မြန်မာ့တပ်မတော်အတွင်း ကရင် တပ်ရင်းတခု ဖွဲ့စည်းလိုက်ခြင်းဖြစ်ပါသည်။  ဗိုလ်ချုပ်အောင်ဆန်း အစောတလျင် ကိုင်တွယ်ရန်လိုနေသော နောက်ကိစ္စတရပ်မှာ ကွန်မြူနစ်များနှင့် ပြည် သူ့အရေးတော်ပုံပါတီအတွင်းမှ ဆိုရှယ်လစ်များအကြား တနေ့တခြား ကြီးထွားနေသော အာဃာတများပင် ဖြစ်ပါသည်။ ကွန်မြူနစ်ခေါင်းဆောင်များမှာ ဂျပန်ခေတ်တလျှောက်လုံး တောခိုနေခဲ့သော သခင်စိုး၊ သစ် တောနှင့် လယ်ယာစိုက်ပျိုးရေးဝန်ကြီးဖြစ်နေသော သခင်သန်းထွန်းနှင့် သခင်ဗဟိန်းတို့ ဖြစ်ကြပါသည်။ ဦး ကျော်ငြိမ်းနှင့် ဦးဘဆွေတို့သည်ကား ထင်ရှားသော ဆိုရှယ်လစ်ခေါင်းဆောင်နှစ်ဦး ဖြစ်ပါသည်။  ဗိုလ်ချုပ်အောင်ဆန်းသည် နှစ်ဖက်ခေါင်းဆောင်များအကြား ပြေလည်စေရန် အထူးကြိုးပမ်းခဲ့ပါသည်။ စေ့စပ် ဖြန်ဖြေရေးကို အမြန်ဆုံးဆောင်ရွက်ရန်လိုအပ်နေခြင်းမှာ နိုင်ငံရေးသဘောထားကွဲလွဲမှုများသည် တပ်မတော် ထဲသို့ စိမ့်ဝင်နေကာ ရဲဘော်များ၏ ညီညွတ်ရေးနှင့် တော်လှန်ရေး၏ အောင်မြင်ရေးတို့ကို ခြိမ်းခြောက်နေ၍ ဖြစ်ပါသည်။ ထို့အပြင် သခင်စိုးသည် ဖက်ဆစ်ဆန့်ကျင်ရေးစည်းရုံးဆော်သြရာတွင် တပ်မတော်ကို ထိခိုက်နစ် နာစေသော ၀ါဒဖြန့်ချိရေး ပြုလုပ်နေသဖြင့် တပ်အတွင်း မကျေနပ်မှုများ ဖြစ်ရုံသာမက ဗိုလ်ချုပ်အောင်ဆန်း လည်း ဒေါသထွက်ရပါသည်။  လပေါင်းများစွာ သဘောထားချင်းဖလှယ်ပြီးနောက် ဗိုလ်ချုပ်အောင်ဆန်းသည် သခင်စိုး၊ သခင်သန်းထွန်း၊ သ ခင်ဗဟိန်းတို့နှင့် ၁၉၄၄ ခုနှစ် သြဂုတ်လတွင် ရက်အနည်းငယ်ကြာ လျှို့ဝှက်စည်းဝေးပါသည်။ ဗိုလ်ချုပ်အောင် ဆန်း၏ ဖက်ဆစ်ဆန့်ကျင်ရေးအဖွဲ့ တည်ထောင်ရန်အဆိုကို ဆွေးနွေးကြပြီး အဖွဲ့၏ ကြေညာစာတမ်းနှင့် စု ပေါင်းဆောင်ရွက်ရမည့် စီမံကိန်းတရပ်ကို သဘောတူအတည်ပြုလုပ်ပါသည်။ များမကြာမီ ကွန်မြူနစ်ခေါင်း ဆောင်များနှင့် ပြည်သူ့အရေးတော်ပုံပါတီခေါင်းဆောင်များ အတူစည်းဝေးရန်စီစဉ်လိုက်ပြီး၊ ထိုအစည်းအဝေး ၌ ဗိုလ်ချုပ်အောင်ဆန်းသည် “ဖက်ဆစ်ဓါးပြများကို တိုက်ထုတ်ကြလော့” ခေါင်းစဉ်ပါ ကြေညာစာတမ်းကိုဖတ် ကာ တော်လှန်ရေးကို တရားဝင်အကောင်အထည်ဖော်လိုက်ပါသည်။  အဖွဲ့၌ သခင်စိုးသည် နိုင်ငံရေးခေါင်းဆောင်ဖြစ်ပြီး သခင်သန်းထွန်းသည် အထွေထွေအတွင်းရေးမှူးတာဝန်နှင့် မဟာမိတ်များနှင့်ဆက်သွယ်ရေး တာဝန်တို့ကိုယူကာ ဗိုလ်ချုပ်အောင်ဆန်းသည် စစ်ရေးခေါင်းဆောင်ဖြစ်ပါ သည်။ ထိုအချိန်၌ လူငယ်တပ်မတော်အရာရှိအချို့သည် စတင်လှုပ်ရှားရန် ဇောကြီးကာ သခင်ခေါင်းဆောင် အချို့နှင့် တပ်မတော်အဆင့်မြင့်အရာရှိအချို့တို့ကိုသာ တိုင်ပင်လေ့ရှိသော ဗိုလ်ချုပ်၏ ဆိတ်ဆိတ်နေမှု ကြောင့် မချင့်မရဲဖြစ်နေကြပါသည်။ ၎င်းတို့သည် တော်လှန်ရေးတရပ်ကို မိမိတို့ဖာသာစတင်ရန် ကြံစည်ကြပါ သည်။ ဤကိစ္စကို ဗိုလ်ချုပ်အောင်ဆန်း သိသွားသောအခါ ၎င်းတို့အား ဖက်ဆစ်ဆန့်ကျင်ရေးအဖွဲ့၏ လှုပ်ရှားမှု ထဲ၌ တိကျသော အခန်းကဏ္ဍများ စီစဉ်ပေးခြင်းဖြင့် အခြေအနေကို ပြေလည်စေခဲ့ပါသည်။ အတွင်းအင်အားစု များ၏ ညီညွတ်မှုရယူပြီးနောက် တော်လှန်ရေးအစီအစဉ် အပြီးသတ်နိုင်ရန် မဟာမိတ်တပ်များနှင့် မည်ကဲ့သို့ သော သဘောတူညီမှုများ ရနိုင်မည်ကိုသာ သိရှိရန်လိုပါတော့သည်။  ဗိုလ်ချုပ်အောင်ဆန်းနှင့် အပေါင်းအဖော်များသည် ပြည်ပအကူအညီ ရသည်ဖြစ်စေ၊ မရသည်ဖြစ်စေ ဂျပန်ကို တော်လှန်ရန် ဆုံးဖြတ်ချက်ချပြီးဖြစ်သော်လည်း အောင်မြင်မှုများ ပို၍ပို၍ရနေသော မဟာမိတ်တပ်များနှင့် ပူး ပေါင်းဆောင်ရွက်ခြင်းဖြင့် လက်တွေ့အကျိုးအမြတ်များ ရရှိနိုင်မည်ဖြစ်ကြောင်း ထင်ရှားလာပါသည်။ အမှန်မှာ နိုင်ငံအ၀ှမ်း မြန်မာတပ်များ ဂျပန်တို့ကို စတင်တော်လှန်သော ၁၉၄၅ ခုနှစ် မတ်လ ၂၇ ရက်နေ့ရောက်သည့် တိုင် ဗြိတိသျှတို့နှင့် ရှင်းလင်းသောသဘောတူညီချက် မရရှိသေးပေ။ ထိုနေ့မတိုင်မီ (၁၀) ရက်အလိုက ဗိုလ် ချုပ်အောင်ဆန်းသည် ရန်ကုန်မြို့၌ စစ်ရေးပြအခမ်းအနားတရပ်တွင် ပါဝင်ပြီးနောက် သူ၏ တပ်များနှင့် အတူ စစ်လေ့ကျင့်ခန်းဆင်းရန်ဟု အကြောင်းပြကာ မြို့တော်မှ ထွက်ခွာခဲ့ပါသည်။  ဗိုလ်ချုပ်ကြီးစလင်း၏ တပ်မ (၁၄) သည် ဧရာဝတီမြစ်ကို မန္တလေးမြောက်ပိုင်းမှ ဖြတ်ကူးနေပြီး၊ သခင်သန်း ထွန်းသည် ဗြိတိသျှတပ်မတော်အရာရှိတဦးနှင့်ဆုံရန် တောင်ငူသို့ ထွက်ခွာသွားပေပြီ။ များမကြာမီ တော်လှန် ရေးရေစီးကြောင်းကား တဟုန်တည်း စီးဆင်းလာပေတော့သည်။ မေလ (၁၅) ရက်နေ့တွင် ဗိုလ်ချုပ်အောင် ဆန်းသည် လက်ထောက်အရာရှိတဦးနှင့်အတူ စလင်းနှင့်တွေ့ဆုံရန် ၎င်း၏ဌာနချုပ်သို့ ရောက်သွား၏။  တွေ့ဆုံရာတွင် ဗိုလ်ချုပ်အောင်ဆန်းသည် မိမိကိုယ်မိမိ မြန်မာနိုင်ငံယာယီအစိုးရ၏ကိုယ်စားလှယ်အဖြစ် မိတ် ဆက်ပြီး၊ မဟာမိတ်စစ်ဦးစီးတဦးအဖြစ် အသိအမှတ်ပြုရန် ရဲရဲတင်းတင်း တောင်းဆိုလိုက်ပါသည်။ ဗြိတိသျှ ဗိုလ်ချုပ်ကြီးထံမှ လိုက်လျောမှုအများဆုံးရရှိနိုင်ရန် တဖက်ကကြိးစားလျက် တဖက်ကလည်း လက်တွေ့ကျကျ တွေးမြင်တတ်ကြောင်း၊ ပူးပေါင်းဆောင်ရွက်လိုကြောင်း၊ မိမိနှင့်ဆက်ဆံသူများ စိတ်ခွေ့ရလောက်အောင် ရိုး သားဖြောင့်မတ်ကြောင်းတို့ကို ဗိုလ်ချုပ်အောင်ဆန်း ပြသခဲ့ရာ စလင်း၏ နှစ်သက်သဘောကျမှုနှင့် လေးစားမှု တို့ကို ရရှိခဲ့၏။  စလင်း၏စကားအရ “သူနှင့်ပတ်သက်၍ ကျနော် မှတ်မှတ်ရရကြီး သတိပြုမိသည်ကတော့ သူ၏ရိုးသားဖြောင့် မတ်မှုဖြစ်ပါသည်။ သူသည် အာသွက်လျာသွက် အကြိုက်လိုက် အာမခံချက်ပေးခြင်းမျိုးမရှိ။ လွယ်လွယ်နှင့် ကတိမပေး။ သို့သော် တခုခုလုပ်ပါမည်ဟုသဘောတူခဲ့လျှင်တော့ စကားတည်မည့်သူဟု ကျနော်မြင်ပါသည်။” ဗိုလ်ချုပ်အောင်ဆန်းနှင့် ဗိုလ်ချုပ်ကြီးစလင်းတို့ တွေ့ဆုံပြီးနောက် မြန်မာတပ်များနှင့် ဗြိတိသျှတပ်များ ပူးတွဲ၍ ဂျပန်တို့ကို တိုက်လေရာ ဂျပန်တပ်များ အလျင်အမြန် ပြိုကွဲသွားပါသည်။ ဇွန်လ (၁၅) ရက်နေ့တွင် ရန်ကုန်မြို့ အောင်ပွဲစစ်ချီအခမ်းအနားများ ကျင်းပရာ၌ ဗြိတိသျှအင်ပိုင်ယာတပ်များ၊ မဟာမိတ်တပ်များနှင့်အတူ မြန်မာ့ တပ်မတော်ကလည်း ပါဝင်ခဲ့ပါသည်။ ဂျပန်တော်လှန်ရေးကား ပြီးဆုံးသွားပေသည်။  အမျိုးသားရေးလှုပ်ရှားနေသောမြန်မာများသည် တူညီသောရည်မှန်းချက်အောင်မြင်စေရန် ၀ါဒရေးရာမတိုက် ဆိုင်မှုများနှင့် ပုဂ္ဂိုလ်ရေးဆန်သော သဘောထားများကို ဘေးဖယ်ခဲ့သော ဂုဏ်ယူဖွယ်အကောင်းဆုံး အချိန် ကာလဖြစ်ပါသည်။ ၁၉၄၅ ခုနှစ် သြဂုတ်လတွင် ကျယ်ပြန့်သော လူမှုရေးနှင့် နိုင်ငံရေးအင်အားစုများကို ကိုယ် စားပြုသော ပုဂ္ဂိုလ်များနှင့် အဖွဲ့အစည်းများပါဝင်နိုင်ရန် ဖက်ဆစ်ဆန့်ကျင်ရေးအဖွဲ့ကို တိုးချဲ့ဖွဲ့စည်းပြီး ‘ဖက် ဆစ်ဆန့်ကျင်ရေး ပြည်သူ့လွတ်မြောက်ရေးအဖွဲ့ချုပ်’ (ဖဆပလ) ဟူ၍ အမည်သစ်ပေးလိုက်ပါသည်။  ဗြိတိသျှနှင့် စေ့စပ်ဆွေးနွေးခြင်း  ဂျပန်တို့ကို မဟာမိတ်များနှင့်ပေါင်း၍တိုက်ခိုက်ရန် ဖက်ဆစ်ဆန့်ကျင်ရေးအဖွဲ့၏ကမ်းလှမ်းချက်ကို ဗြိတိသျှတို့ လက်ခံခဲ့ခြင်းမှာ အရှေ့တောင်အာရှမဟာမိတ်တပ်များ၏ စစ်ဦးစီးချုပ် လော့ဒ်မောင့်ဘက်တင်၏ နိုင်ငံရေးပါး နပ်အမျှော်အမြင်ရှိမှုတို့ကြောင့် ဖြစ်ပါသည်။ ၁၉၄၂ ခုနှစ် မြန်မာနိုင်ငံမှ ဗြိတိသျှတို့ ဆုတ်ခွာပြီးနောက် အိန္ဒိယ တွင် အဝေးရောက်အစိုးရရုံးစိုက်ခဲ့ပါသည်။ ထိုအစိုးရကိုလွှမ်းမိုးနေသော အရာရှိများသည် အမျိုးသားရေးစိတ် ပြင်းထန်သောလူငယ်များက ၎င်းတို့၏ သြဇာကို စိန်ခေါ်ခြင်းနှင့် ၎င်းတို့၏အုပ်ချုပ်ရေး ၀ရုန်းသုန်းကားဖြစ်စေ ရန် လှုပ်ရှားခဲ့သည်ကို ခံခဲ့ရသူများဖြစ်ပေသည်။ ဤအရာရှိများသည် ဖဆပလနှင့်ပူးပေါင်းဆောင်ရွက်မှုမှန်သ မျှကို လုံးဝဆန့်ကျင်၍ ဗြိတိသျှတို့ မြန်မာနိုင်ငံကို ပြန်လည်သိမ်းပိုက်ပြီးစ စစ်အုပ်ချုပ်ရေးကာလအတွင်း ဖဆပ လကို မတရားသင်းကြေညာကာ ဗိုလ်ချုပ်အောင်ဆန်းကို နိုင်ငံတော်သစ္စာဖောက်အဖြစ် ဖမ်းဆီးရန် လိုလားကြ ပါသည်။  ပိုမို၍ အဓိဌာန်ကျစွာရှုမြင်နိုင်သော အနေအထားတွင်ရှိနေသော မောင့်ဘက်တင်ကမူ မြန်မာနိုင်ငံကိစ္စများကို ငြိမ်းချမ်းစွာဖြေရှင်းနိုင်ရာတွင် မြန်မာလူထုကြီးက မိမိတို့လွတ်မြောက်ရေးကို ဆောင်ကြဉ်းပေးခဲ့သူဟူ၍ အသိ အမှတ်ပြုထားသော ပုဂ္ဂိုလ်၏ ပူးပေါင်းဆောင်ရွက်မှုကို ရယူရန် လိုအပ်မည်ကို နားလည်သည်။ လူထု၏ စိတ် နေသဘောထားနှင့် ကင်းကွာနေသော စစ်အုပ်ချုပ်ရေးခေါင်းဆောင် အရပ်သားအရာရှိ၏နေရာတွင် လျင်မြန် စွာပင် ၀ါရင့်တပ်မတော်အရာရှိတဦးဖြစ်သူ ဗိုလ်ချုပ်ရန်စ်အား ခန့်အပ်လိုက်ပါသည်။  ဗိုလ်ချုပ်အောင်ဆန်း ဖြေရှင်းရသော လတ်တလော ပြဿနာတရပ်မှာ ဗမာ့မျိုးချစ်တပ်မတော်ဟု အမည် ပြောင်းထားသော မြန်မာ့တပ်မတော်၏ အနာဂတ်အရေးဖြစ်ပါသည်။ တပ်များကို ကျွေးမွေးရေးနှင့် လက်နက် တပ်ဆင်ပေးရေး လုပ်ငန်းများသည် လွန်စွာမှ ခက်ခဲနေ၏။ မဟာမိတ်တို့ စစ်အောင်ပွဲခံပြီးနောက် ဗိုလ်ချုပ် အောင်ဆန်းသည် မောင့်ဘက်တင်နှင့် တွေ့ဆုံဆွေးနွေး၍ ဗမာ့မျိုးချစ်တပ်မတော်ဝင်များသည် မိမိတို့ဆန္ဒအ လျောက် ဗြိတိသျှလက်အောက်ရှိ မြန်မာ့တပ်မတော်ထဲသို့ ၀င်လိုက ၀င်နိုင်စေရန် သဘောတူလိုက်ပါသည်။  ဤသဘောတူညီချက်၏ အသေးစိတ်အချက်များကို ၁၉၄၅ ခုနှစ် စက်တင်ဘာလတွင် မဟာမိတ်စစ်ဦးစီးဌာန နှင့် ဗိုလ်ချုပ်အောင်ဆန်း၊ ဗိုလ်လင်္ကျာ၊ သခင်သန်းထွန်းတို့ပါဝင်သော မြန်မာကိုယ်စားလှယ်အဖွဲ့တို့ ကန္ဒီအ စည်းအဝေး၌ ဆုံးဖြတ်ခဲ့ကြသည်။ ကန္ဒီသို့အသွား ကိုယ်စားလှယ်အဖွဲ့ဝင်အချို့ ကာလကတ္တားမြို့တွင် ခေတ္တခ ဏရပ်စဉ် သခင်သိန်းဖေနှင့်တွေ့ဆုံပြီး ဗိုလ်ချုပ်အောင်ဆန်း၏ အနာဂတ်အရေးကို ဆွေးနွေးကြ၏။ သဘော ထားအမြင်တခုအရ လာမည့်နိုင်ငံရေးတိုက်ပွဲတွင် ဗိုလ်ချုပ်ပါဝင်ရန် လိုအပ်သည်။ “သူသည်သာ အမျိုးသား ရေးအင်အားစုအပေါင်းကို ညီညွတ်သော တပ်ဦးတရပ်ဖြစ်လာစေရန် စွမ်းဆောင်ပြီး ခေါင်းဆောင်မှုပေးနိုင် မည့် တဦးတည်းသော ပုဂ္ဂိုလ်ဖြစ်သည်။”  သခင်သိန်းဖေမှအပ အခြားကွန်မြူနစ်များတင်ပြသော အခြားအမြင်တခုအရ ဗိုလ်ချုပ်သည် နိုင်ငံရေးခေါင်း ဆောင်တဦးရှိသင့်သော အရည်အချင်းပေါင်းစုံမရှိ၊ လူမှုဆက်ဆံရေး ညံ့ဖျင်းနေပြီး နိုင်ငံရေးနည်းပရိယာယ်မ ကျွမ်းကျင်၊ ထို့ကြောင့် နိုင်ငံရေးစွန့်လွှတ်ပြီး တပ်မတော်ထဲတွင်သာ နေသင့်သည်။ “နောက်ဆုံးတိုက်ပွဲကြီး” တွင် အင်အားစုအားလုံး၏ စည်းလုံးညီညွတ်ရေးရရှိစေရန် မြန်မာနိုင်ငံလိုအပ်နေသော အမျိုးသားခေါင်းဆောင် သည် ဗိုလ်ချုပ်အောင်ဆန်းသာလျှင် ဖြစ်ကြောင်းကို ခိုင်ခိုင်မာမာ ယုံကြည်သော ဗိုလ်လင်္ကျာက ကွန်မြူနစ်တို့ အကြံပေးချက်ကို အဓိပ္ပာယ်ဖွင့်ပုံရာ၌ “နိုင်ငံရေးနယ်ပယ်ကို သူတို့သာလွှမ်းမိုးထားလို၍ ဗိုလ်ချုပ်ကို ဘေးဖယ် ထားပြီး သူတို့အလိုရှိသောအခါမှ ဗိုလ်ချုပ်အနေနှင့် သွယ်ဝိုက်သောနည်းများနှင့် အထောက်အကူပေးရန်ဖြစ် သည်။”  ဗိုလ်ချုပ်အောင်ဆန်းသည် နှစ်ဖက်သဘောထားများကို နားထောင်ပြီး ကိုယ်ပိုင်ဆုံးဖြတ်ချက်ချလိုက်သည်။ တပ်မတော်မှထွက်၍ နိုင်ငံရေးရှေ့တန်းမှ လွတ်လပ်ရေးတိုက်ပွဲကို အစွမ်းကုန်ဆင်နွှဲတော့မည်။ ၁၉၄၅ ခုနှစ် နှင့် ၁၉၄၇ ခုနှစ်များအတွင်း ဗိုလ်ချုပ်အောင်ဆန်းသည် အင်အားကြီးသော ခေါင်းဆောင်တဦးအဖြစ်လည်း ကောင်း၊ လူထု၏ ယုံကြည်မှုနှင့် မေတ္တာကိုရရှိသော လုပ်ရည်ကိုင်ရည်ရှိ နိုင်ငံရေးသမားတဦးအနေနှင့်လည်း ကောင်း ထင်ပေါ်လာ၏။ ၎င်းအား စစ်တပ်အတွင်းသာ နေစေလိုသောသူတို့၏ ဝေဖန်ချက်များမှာ ခိုင်လုံမှုမရှိ ကြောင်းကို အတိအလင်းပြနိုင်ခဲ့၏။  ၁၉၄၅ ခုနှစ် မေလတွင် ဗြိတိသျှအစိုးရသည် စက္ကူဖြူစီမံကိန်းဖြင့် မြန်မာနိုင်ငံ အနာဂတ်အပေါ်ထားသော ၎င်း တို့၏ အခြေခံမူဝါဒကို ကြေညာလိုက်ပါသည်။ ထိုစီမံကိန်းအရ ဘုရင်ခံသည် နိုင်ငံကို သုံးနှစ်ကြာတိုက်ရိုက် အုပ်ချုပ်ပြီး ကာလအားလျော်စွာ ရွေးကောက်ပွဲများကျင်းပခြင်း၊ မြန်မာကောင်စီနှင့် ဥပဒေပြုအဖွဲ့တို့တည် ထောင်ခြင်းတို့ကို ဆောင်ရွက်သွားမည်။ ဤအချက်များသည် ၁၉၃၅ ခုနှစ် မြန်မာနိုင်ငံအက်ဥပဒေပါ အချက် အလက်များထက် သာလွန်တိုးတက်ခြင်းသဘောကို မဆောင်ပါ။ ကောင်စီနှင့် ဥပဒေပြုအဖွဲ့ ပြန်လည်တည် ထောင်ပြီးမှ ရှေ့တဆင့်တိုး၍ မြန်မာနိုင်ငံကို ဒိုမီနီယန်အဆင့်ရစေမည့် အခြေခံဖွဲ့စည်းပုံဥပဒေကို ပါတီပေါင်းစုံ က ရေးဆွဲရန်ဖြစ်ပါသည်။ သို့သော် တောင်တန်းနှင့် နယ်စပ်ဒေသများသည် ပြည်မနှင့် ပေါင်းစည်းလိုကြောင်း တိတိကျကျ မဖော်ပြလျှင် သီးခြားဒေသများကို ဤစီမံကိန်း၌မထည့်ဘဲ ထားမည်ဖြစ်ပါသည်။  စက္ကူဖြူစီမံကိန်းပါ အချက်အလက်များ လုံးဝလက်ခံနိုင်ဖွယ် မရှိကြောင်းကို စစ်အုပ်ချုပ်ရေး မပြီးဆုံးမီကပင် ဗိုလ်ချုပ်အောင်ဆန်းနှင့် သခင်သန်းထွန်းတို့သည် မြန်မာပြည်ကို ပြန်လာမည်ဖြစ်သော ဘုရင်ခံ ဆာရက်ဂျီ နဲလ်ဒေါ်မန်ဆမစ်အား ရှင်းလင်းစွာအသိပေးပြီးဖြစ်ပါသည်။ ဖဆပလခေါင်းဆောင်များသည် ၎င်းတို့ပါတီသာ နိုင်ငံကိုကိုယ်စားပြုသောကြောင့် ၎င်းတို့သည်သာ စစ်အုပ်ချုပ်ရေးကို အစားထိုးရန် ယာယီအမျိုးသားအစိုးရ တရပ် ဖွဲ့ခွင့်ရှိသင့်ကြောင်း တင်ပြခဲ့ပါသည်။  ဒေါ်မန်ဆမစ်သည် စိတ်စေတနာကောင်း မရှိသူမဟုတ်ပါ။ သို့သော် သူ့အားဝိုင်းရံနေသော ၀န်ထမ်းအရာရှိ များနည်းတူ စစ်ပြီးခေတ်မြန်မာနိုင်ငံ၏ ရှုပ်ထွေးပွေလီအပြောင်းအလဲမြန်လှသော နိုင်ငံရေးဥတုကို နားမလည် နိုင်ချေ။ ဖဆပလအဖွဲ့ချုပ်သည် မြန်မာပြည်သူအများစု၏ ထောက်ခံမှုရရှိထားသည်ဟူသောအချက်ကို ဒေါ်မန် ဆမစ် ယုံကြည်လက်ခံရန် အခက်အခဲတွေ့နေပြီး ထိုအချိန်၌ မြန်မာနိုင်ငံတွင် အရေးပါဆုံးပုဂ္ဂိုလ်သည် ဗိုလ် ချုပ်အောင်ဆန်းဖြစ်ကြောင်းကို သူမမြင်၍မဖြစ်သော်လည်း ထိုအချက်ကိုလည်း လက်ခံရန် ၀န်လေးနေ၏။  ထို့အပြင် စစ်တွင်းကာလတလျှောက် မိမိ၏ အစိုးရအပေါ် သစ္စာစောင့်ခဲ့သော ၀ါရင့်မြန်မာနိုင်ငံရေးသမားကြီး များကို ချီးမြှင့်လိုသော အံ့ဖွယ်ရာမဟုတ်သည့် ဆန္ဒသည် သူ၏ နားလည်မှုကို ချို့ယွင်းစေပါသည်။ ၀ါရင့်နိုင်ငံ ရေးသမားများ၏ ကဏ္ဍ ခေတ်သစ်မြန်မာနိုင်ငံ၌ မရှိတော့ပြီဟူသောအချက်ကို သူမမြင်နိုင်၍သော်လည်း ကောင်း၊ မမြင်လို၍သော်လည်းကောင်း ဖြစ်နိုင်ပါသည်။ ဗြိတိသျှအင်ပိုင်ယာ ပြိုပျက်ခြင်းကို လက်မခံနိုင်ဟူ သော ချာချီ၏ ဧကရာဇ် စိတ်ဓာတ်ပြင်းပြသည့် ခံယူချက်သည် မြန်မာနိုင်ငံကို အထောက်အကူမပြုခဲ့ပါ။ ချာချီ အား ၀န်ကြီးချုပ်နေရာ၌ဆက်ခံသူ အတ္တလီကလည်း မြန်မာနိုင်ငံအတွင်းရှိ အယူအဆ၊ သဘောထားအသွယ် သွယ်ကို အကဲဖြတ်ရန် အခက်အခဲတွေ့နေရာ တိကျသော မူဝါဒတရပ်ချမှတ်ရန် နှေးကွေးခဲ့၏။  ၁၉၄၅ ခုနှစ် အောက်တိုဘာလတွင် ဒေါ်မန်ဆမစ် ရန်ကုန်သို့ ပြန်လည်ရောက်ရှိလာသောအခါ အရပ်သားအ စိုးရ ပြန်လည်ဖွဲ့စည်းလိုက်ခြင်းဖြင့် မြန်မာနိုင်ငံလွတ်လပ်ရေးတိုက်ပွဲ ပြီးဆုံးပြီဖြစ်ကြောင်းကို အလေးအနက် ပြသလိုက်ပါသည်။ သို့သော် ဗိုလ်ချုပ်အောင်ဆန်းနှင့် ဖဆပလတို့၏ သဘောထားကား ထိုကဲ့သို့ မဟုတ်ပါ။ ၎င်းတို့လိုလားသော လွတ်လပ်ရေးကို ၎င်းတို့တောင်းဆိုချက်များနှင့်အညီ ဗြိတိသျှအစိုးရက ပေးရန်ပျက်ကွက် ပါက လက်နက်ကိုင်တိုက်ပွဲ ထပ်မံဆင်နွှဲရမည့် အလားအလာကို ၎င်းတို့ မပယ်ချထားပါ။  ပထမဦးဆုံးတိုက်ပွဲကား ဘုရင်ခံကောင်စီဖွဲ့စည်းရေးကိစ္စနှင့် ပတ်သက်ပါသည်။ ဖဆပလသည် ရာထူးနေရာ (၁၁) နေရာအနက် (၇) နေရာတွင် ၎င်းတို့အမည်တင်သွင်းသော ပုဂ္ဂိုလ်များကို ခန့်အပ်ရန် အတင်းအကျပ် တောင်းဆို၏။ ထို့အပြင် ဘုရင်ခံကောင်စီကို ၎င်းတို့မူလကတောင်းဆိုခဲ့သော ယာယီအမျိုးသားအစိုးရပုံစံ ဖြစ် စေမည့် အခြားလိုအပ်ချက်များကိုပါ တွဲ၍တောင်းဆိုလိုက်ပါသည်။ မျှော်လင့်ထားသည့်အတိုင်း ဗြိတိသျှအစိုး ရသည် တောင်းဆိုချက်များကို ငြင်းပယ်လိုက်ပါသည်။  ထို့နောက် ဒေါ်မန်ဆမစ်သည် ကောင်စီနှင့် ဥပဒေအဖွဲ့ဝင်များအဖြစ် အလယ်အလတ်လမ်းစဉ်သမားများဟု မိ မိယုံကြည်သူတို့ကို ခန့်အပ်လိုက်ပါသည်။ သို့သော် ထိုပုဂ္ဂိုလ်များအနက် ကပ်ပါးရပ်ပါး မင်းမြှောင်များ၊ အမျိုး သားရေးသစ္စာဖောက် ကိုယ်ကျိုးရှာသမားများဟု မြန်မာအများက ယူဆထားသူအချို့လည်း ပါဝင်နေပါသည်။ ၁၉၄၆ ခုနှစ် ဇန်န၀ါရီလတွင် အများသဘောတူ တညီတညွတ်တည်းထောက်ခံမှုဖြင့် ဗိုလ်ချုပ်အောင်ဆန်းကို ဖဆပလဥက္ကဌ တင်မြှောက်လိုက်ပါသည်။ ကန္ဒီသဘောတူညီမှု ရှိထားပါသော်လည်း မြန်မာ့တပ်မတော်အ တွင်း ၀င်ရောက်အမှုထမ်းခြင်းမရှိသော ဗမာ့မျိုးချစ်တပ်မတော်သား အများအပြား ကျန်နေပါသည်။ ဗိုလ်ချုပ် အောင်ဆန်းသည် စစ်မှုထမ်းဟောင်းများနှင့် အသစ်ဝင်လာသူများကိုပေါင်းကာ သူ့ပြည်သူ့ရဲဘော်အဖွဲ့ကို တည်ထောင်လိုက်ပါသည်။  ပြည်သူ့ရဲဘော်အဖွဲ့တပ်သားများသည် ယူနီဖောင်းဝတ်ဆင်ကာ ပွင့်ပွင့်လင်းလင်းပင် စစ်လေ့ကျင့်ရေးများ ပြု လုပ်ပါသည်။ ပြည်သူ့ရဲဘော်အဖွဲ့သည် တရားဝင်အားဖြင့် ပြန်လည်ထူထောင်ရေးလုပ်ငန်းများ ဆောင်ရွက် နေသော လူမှုရေးအဖွဲ့အစည်းတရပ်သာ ဖြစ်သော်လည်း ဖဆပလ၏ လက်ရုံးတပ်ဖြစ်လာနိုင်သော အခြေခံ အရည်အချင်းများ ရှိနေသောကြောင့် အစိုးရအတွက် စိတ်မအေးဖွယ်ဖြစ်နေပါသည်။ ဗိုလ်ချုပ်အောင်ဆန်း သည် ဘုရင်ခံ၏ မကျေနပ်ချက်များကို သိမ်မွေ့စွာ တုံ့ပြန်လိုက်ပါသည်။ ကြေညာချက်တရပ်တွင် တပ်ဖွဲ့၏ ရည်ရွယ်ချက်များကိုဖော်ပြကာ ၎င်းတို့အနက် တချက်မှာ “သူခိုးဓားပြ စသော ရာဇ၀တ်မှုများ ပပျောက်ရန်နှင့် ရပ်ရွာငြိမ်ဝပ်ပိပြားရေးအတွက် သက်ဆိုင်ရာအစိုးရအဖွဲ့ဝင်များ၊ အခြားအဖွဲ့အစည်း၊ တိုင်းသူပြည်သားများနှင့် ပူးပေါင်းဆောင်ရွက်၍ ပြည်သူ့ကာကွယ်ရေးအတွက် ကူညီစောင့်ရှောက်ပေးရန်” ဖြစ်ပါသည်။  ဒေါ်မန်ဆမစ်လည်း မည်သို့အဓိပ္ပာယ်ကောက်ရမည် မသိဖြစ်နေပါသည်။ ဘုရင်ခံသည် ဗိုလ်ချုပ်အောင်ဆန်း နှင့် ဖဆပလတို့ကိုကိုင်တွယ်ရာ၌ မနိုင်မနင်းဖြစ်နေ၏။ မြန်မာခေါင်းဆောင်နှင့်ပတ်သက်၍ သူ စိတ်မပိုင်းဖြတ် နိုင်။ လှိုက်လှိုက်လှဲလှဲ ချီးကျူးသည့်အခါများရှိသကဲ့သို့ ဇဝေဇ၀ါ၊ သံသယစိတ်များ လွှမ်းမိုးသည့်အခါများ လည်းရှိပြီး နာရီချိန်သီးပမာ အတွေးနှစ်ဖက်အကြား စိတ်မတည်မငြိမ် ဖြစ်နေ၏။ ဗိုလ်ချုပ်အောင်ဆန်းသည် လွတ်လပ်ရေးရယူရာ၌ ပြည်သူလူထုခံနေရဆဲ အတိဒုက္ခများကို ပိုမိုဆိုးဝါးစေမည့် လက်နက်ကိုင်တိုက်ပွဲကို မ လိုလားကြောင်းအရိပ်အမြွက်ပြပါသည်။ တချိန်တည်းတွင် မြန်မာ့လွတ်လပ်ရေးရရန်အတွက် လိုအပ်မည်ဆိုပါ က အကြမ်းဖက်နည်းများသုံးရန်ကို တွန့်ဆုတ်နေမည်မဟုတ်ကြောင်းကိုလည်း ထင်ရှားစေသည်။ လူထုစည်း ဝေးပွဲကြီးများတွင်လည်းကောင်း၊ ဆန္ဒပြချီတက်နေစဉ် ပုလိပ်လက်ချက်ဖြင့် ကျဆုံးခဲ့သော တောင်သူလယ်သ မားများ၏ ဈာပနကဲ့သို့သော စိတ်လှုပ်ရှားဖွယ်အခမ်းအနားများတွင်လည်းကောင်း ဗိုလ်ချုပ်အောင်ဆန်းသည် ဗြိတိသျှအုပ်ချုပ်ရေး၏ မူဝါဒများကိုရှုတ်ချပြီး လွတ်လပ်ရေးအတွက် တတိုင်းပြည်လုံး ဆထက်ထမ်းပိုး ကြိုး စားဆောင်ရွက်ရန် နှိုးဆော်နေလျက်ကပင် လူအုပ်ကြီးများငြိမ်သက်စည်းကမ်းရှိစေရန် ထိန်းသိမ်းထားနိုင် ကြောင်းပြသခဲ့၏။  သို့သော်လည်း ဒေါ်မန်ဆမစ်နှင့် သူ၏ အကြံပေးပုဂ္ဂိုလ်တို့သည် ပြဿနာများကို အေးချမ်းစွာ ဖြေရှင်းနိုင်ရန် ဗိုလ်ချုပ်အောင်ဆန်း၏ ပူးပေါင်းဆောင်ရွက်မှုလိုအပ်သည်ကို လက်ခံရန် ၀န်လေးနေကြ၏။ ဖဆပလ၏ အင် အားကိုစမ်းရန် အခြားပါတီအဖွဲ့အစည်းများ တည်ထောင်၍ ရ၊ မရ စဉ်းစားကြသည်။ ဤကဲ့သို့ အားစမ်းရန် စိတ်သန်သော နိုင်ငံရေးသမားများကား ရှိပါသည်။ အင်္ဂလိပ်စာရေးဆရာကြီးတဦး ဘုရင်ခံကောင်စီဝင်များနှင့် ပတ်သက်၍ ရေးသကဲ့သို့ ထိုနိုင်ငံရေးသမားများနှင့် ပတ်သက်၍လည်း ရေးနိုင်သည်မှာ ၎င်းတို့နှင့် ဖဆပလ အကြား ကွာခြားချက်များသည် လွတ်လပ်ရေးမူဝါဒများအပေါ် အခြေခံသည်ထက် အာဏာရရှိရေးပြိုင်ဆိုင်မှု အပေါ်တွင်သာ အခြေခံပါသည်။ ထို့အပြင် ဗိုလ်ချုပ်အောင်ဆန်း အမျိုးသားခေါင်းဆောင်အဖြစ် ထင်ပေါ်ကျော် ကြားလာခြင်းနှင့် သူ့အား ပြည်သူတို့က ကိုးကွယ်သည်ဟုပင် ပြောရလောက်မတတ် ချစ်ခင်ကြည်ညိုခြင်းတို့ ကြောင့် အချို့အသိုင်းအ၀ိုင်းများတွင် မနာလိုမုန်းတီးစိတ်များ ပြင်းပြနေပါသည်။  ဒေါ်မန်ဆမစ်သည် ဖဆပလကို စိန်ခေါ်နိုင်သော အင်အားစုများ ပေါ်ပေါက်လာနိုင်မည့် အလားအလာများကို သုံးသပ်နေပြီး သူ၏ အကြံပေးပုဂ္ဂိုလ်အချို့က ဗိုလ်ချုပ်အောင်ဆန်းအား နိုင်ငံတော်ပုန်ကန်မှု စွဲချက်ဖြင့် ဖမ်း ဆီးရန် နားပူနားဆာတိုက်နေစဉ် ဘုရင်ခံကောင်စီဝင်ဖြစ်နေသော သခင်ထွန်းအုပ်သည် ဗိုလ်ချုပ်ကို လူသတ် မှုနှင့် စွဲချက်တင်လိုက်ပါသည်။ ဗမာ့လွတ်လပ်ရေးတပ်မတော် ချီတက်လာစဉ်က ရွာသူကြီးတဦးအား ဗြိတိသျှ အလိုတော်ရိလုပ်ငန်းများဆောင်ရွက်မှု၊ ဖိနှိပ်ရက်စက်မှုနှင့် အဂတိလိုက်စားမှု စွဲချက်များတင်ကာ စစ်ခုံရုံးဖွင့်၍ စစ်ဆေးခဲ့ပါသည်။ စစ်ခုံရုံးမှချမှတ်လိုက်သော သေဒဏ်အပြစ်ကို ဗိုလ်ချုပ်အောင်ဆန်းကိုယ်တိုင် ဆောင်ရွက် ခဲ့ပါသည်။  ဤအမှုနှင့် ဗိုလ်ချုပ်အောင်ဆန်းကို ရုံးတင်စစ်ဆေးမည်ဆိုပါက သခင်ထွန်းအုပ်သည် ဖြစ်ရပ်လုံးစုံကို တွေ့မြင် ခဲ့သဖြင့် သက်သေထွက်ဆိုပေးမည်ဟု ကမ်းလှမ်းလိုက်၏။ ဗိုလ်ချုပ်အောင်ဆန်းကို ချက်ချင်းဖမ်းဆီးသင့်၊ မ ဖမ်းဆီးသင့်နှင့်ပတ်သက်၍ အစိုးရအဖွဲ့အတွင်း ၀ိဝါဒကွဲပြားနေ၏။ အရပ်သားဗြိတိသျှအရာရှိအချို့က ဖမ်းဆီး ရေးတိုက်တွန်းကြသည်။ ဤကဲ့သို့ဆောင်ရွက်ခြင်းဖြင့် အခြေအနေများ ပိုမို၍ ရှင်းလင်းသွားစေမည်၊ ထကြွပုန် ကန်မှု ဖြစ်ပေါ်စေမည့် အလားအလာကိုလည်း ဖယ်ရှားနိုင်မည်။ ဗိုလ်ချုပ်အောင်ဆန်းကို လူထုက မကြာမီ မေ့ ပျောက်သွားမည်ဖြစ်သဖြင့် ပြဿနာများစွာလည်း ရှိမည်မဟုတ်ဟု ထောက်ပြကြသည်။  ဤအချက်များကို ရဲမင်းကြီးက သဘောမတူပါ။ စစ်အတွင်းပြစ်မှုများနှင့်ပတ်သက်၍ အထွေထွေလွတ်ငြိမ်းချမ်း သာခွင့် ပေးရန်ရှိနေကြောင်း၊ ဖဆပလနှင့် ပြည်သူ့ရဲဘော်အဖွဲ့၏ ခေါင်းဆောင်ဖြစ်သူကို ဖမ်းဆီးခြင်းသည် ပုန်ကန်တော်လှန်မှုကို တားဆီးသည်ထက်၊ ထကြွရန်လှုံ့ဆော်လိုက်သကဲ့သို့သာ ဖြစ်သွားနိုင်ကြောင်း တင်ပြ ပါသည်။ မြန်မာနိုင်ငံ စစ်ဌာနချုပ်သေနာပတိကလည်း ရဲမင်းကြီး၏အမြင်ကို ထောက်ခံကာ ဗိုလ်ချုပ်အောင် ဆန်းသည် အသိတရားနှင့် ပြည့်စုံသူဖြစ်သဖြင့် ပုန်ကန်ထကြွမှုတရပ်ကို စတင်မည်သူဟု မထင်ကြောင်း တင် ပြပါသည်။ ထို့အပြင် သခင်ထွန်းအုပ်၏ ပြောကြားချက်များအပေါ် မူတည်၍ ဆောင်ရွက်သင့်မသင့်ကလည်း ဆင်ခြင်ဖွယ်ရာဖြစ်နေ၏။  ၎င်း၏ ရည်ရွယ်ချက်များသည် သံသယမကင်းဖွယ်ဖြစ်သည့်အပြင် ဂျပန်ခေတ်အတွင်း တာဝန်ဝတ္တရားမရှိပါ ဘဲနှင့် ၎င်းဆောင်ရွက်ခဲ့သော ကြမ်းတမ်းသည့် လုပ်ရပ်များအကြောင်းကို ဂုဏ်ဝင့်စွာ ရေးသားထုတ်ဝေထား သော စာအုပ်ကလည်း ရှိနေသေးသည်။ ဒေါ်မန်ဆမစ်သည် သခင်ထွန်းအုပ်၏ စွပ်စွဲချက်များကို ဗိုလ်ချုပ် အောင်ဆန်းနှင့် ဆွေးနွေးရန် ဆုံးဖြတ်လိုက်၏။ ဗိုလ်ချုပ်အောင်ဆန်းသည် ဤအမှုနှင့်ပတ်သက်၍ လုံးဝတာ ၀န်ယူကာ စစ်ခုံရုံးတွေ့ရှိချက်အရ သေဒဏ်အပြစ်ပေးခဲ့ရကြောင်း ရှင်းပြပါသည်။ ဘုရင်ခံလည်း တဖန် မဝေခွဲ နိုင် ဖြစ်ရပြန်သည်။ တဖက်တွင် ဗိုလ်ချုပ်အောင်ဆန်း၏ ဖြောင့်မတ်မှုနှင့် စိတ်သတ္တိတို့ကို များစွာလေးစားမိ ၏။ တဖက်တွင်ကား သူ့အုပ်ချုပ်ရေး၏ အဓိကအတိုက်အခံဖြစ်နေသူကို လူသတ်မှုစွဲချက်တင်ကာ ဖယ်ရှားနိုင် လိုက်ပါက နိုင်ငံရေးအကျိုးအမြတ် မည်မျှထုတ်နိုင်မည်ကိုလည်း တွေးမိ၏။  ဤကိစ္စနှင့်ပတ်သက်၍ ၀ှိုက်ဟော(လန်ဒန်)အစိုးရက မိမိတို့သာဆုံးဖြတ်ရန် အာဏာရှိသည်ဟု ကန့်သတ် ချက်ထားခြင်းမှာ ကံကောင်းသည်ဟူ၍ပင် ပြောရမည်ကဲ့သို့ဖြစ်ပါသည်။ ၁၉၄၆ ခုနှစ် ဧပြီလ၊ ဒေါ်မန်ဆမစ် စင်္ကာပူသို့ အလည်အပတ်ရောက်စဉ် ဗိုလ်ချုပ်အောင်ဆန်းကို ဖမ်းဆီးရန် ညွှန်ကြားသော သံကြိုးစာရောက် လာ၏။ ဘုရင်ခံလည်း ညွှန်ကြားချက်အရ ဆောင်ရွက်ရန် ချက်ချင်းပင် ရန်ကုန်သို့ ပြန်ခဲ့၏။ ၀ရမ်းမထုတ်မီ လေးတွင် အမိန့်ပယ်ဖျက်လိုက်ကြောင်း သံကြိုးနောက်တစောင် ရောက်လာလေသည်။ ဤကိစ္စသည် အုပ်ချုပ် ရေး၏ မရေရာလှသောသြဇာကို ပိုမို၍ ယိုယွင်းလာစေသည်။ အုပ်ချုပ်သူများ၏ ခြေလှမ်းအားလုံးကို ဖဆပလ သည် အစိုးရဌာနများအတွင်းရှိ ၎င်းတို့အား ထောက်ခံသူများထံမှတဆင့် သိနေ၏။  ဗြိတိသျှတို့သည် ဗိုလ်ချုပ်ကို ဖယ်ရှားလိုသော်လည်း မထိဝံ့ဟူသောသတင်းသည် ပြန့်နှံ့သွား၏။ ဒေါ်မန်ဆမစ် လည်း အခြေအနေကို ထိန်းသိမ်းနိုင်ရန် ကြိုးစားပါသည်။ စက္ကူဖြူစီမံကိန်းကို လက်တွေ့အကောင်အထည်ဖော် ၍ရမည်မဟုတ်ကြောင်း လန်ဒန်အစိုးရကို ၀န်ခံအသိပေးပြီး ဖဆပလ လက်ခံနိုင်မည့် ကမ်းလှမ်းချက်အသစ် များကို တင်ပြလေသည်။ သို့သော် အချိန်ကား နှောင်းခဲ့လေပြီ။ ၁၉၄၆ ခုနှစ် ဇွန်လတွင် ပူပင်သောကများနေ သော ဘုရင်ခံကြီး ၀မ်းကိုက်ရောဂါစွဲကပ်သောကြောင့် အင်္ဂလန်သို့ ပြန်ရပါသည်။ ဇူလိုင်လမတိုင်မီ အတ္တလီ သည် ဒေါ်မန်ဆမစ်နေရာတွင် ဗိုလ်ချုပ်ရန်ဆ့်ကို ခန့်အပ်ရန် ဆုံးဖြတ်လိုက်၏။ ရန်ဆ့်အား ရွေးချယ်ခြင်းကား သင့်လျော်လှပါသည်။ သူသည် စစ်အုပ်ချုပ်ရေး အကြီးအကဲအဖြစ် တာဝန်ထမ်းဆောင်စဉ်က မြန်မာပြည်အ ခြေအနေကို ကောင်းစွာသိနိုင်ခဲ့ပြီး ဗိုလ်ချုပ်အောင်ဆန်းအပါအ၀င် ဖဆပလခေါင်းဆောင်များနှင့် သင့်မြတ်သူ ဖြစ်၏။  လွတ်လပ်ရေးကြိုးပမ်းမှု  ဘုရင်ခံပြောင်းလဲခြင်းသည် ဖဆပလ၏ မူဝါဒများ ပြောင်းလဲခြင်းမဟုတ်သော်လည်း ဗြိတိသျှအစိုးရ၏ ချဉ်း ကပ်ပုံချဉ်းကပ်နည်း ပြောင်းလဲခြင်းကို ဖော်ပြလိုက်သဖြင့် လွတ်လပ်ရေးတိုက်ပွဲတွင် နိုင်ငံရေးအခန်းကဏ္ဍအ သစ်တရပ် ဖွင့်လိုက်ခြင်းဖြစ်ပါသည်။ ဘုရင်ခံကောင်စီဟောင်းကို ပယ်ဖျက်လိုက်ပြီး၊ ၁၉၄၆ ခုနှစ် စက်တင်ဘာ လတွင် ဦးအောင်ဆန်းသည် ကာကွယ်ရေးနှင့် နိုင်ငံခြားရေးဝန်ကြီး တာဝန်များယူကာ ဘုရင်ခံ၏ ကောင်စီအ သစ်တွင် ဒုတိယဥက္ကဌ ဖြစ်လာပါသည်။ ကောင်စီဝင် (၁၁) ဦးအနက် ဦးအောင်ဆန်းအပြင် ဖဆပလအဖွဲ့ဝင် (၅) ဦး ပါရှိလေသည်။ ကောင်စီဝင်များသည် စုပေါင်းတာဝန်ယူကြရ၏။ အမည်အားဖြင့် ဘုရင်ခံ၏ အကြံပေး အဖွဲ့မျှသာဖြစ်သော်လည်း လက်တွေ့အားဖြင့် ကောင်စီသည် ကြာမြင့်စွာကပင် တောင်းဆိုခဲ့သော ယာယီအ မျိုးသားအစိုးရပင်ဖြစ်ပါသည်။  ဦးအောင်ဆန်းသည် ဤဖြစ်ပေါ်ချက်အသစ်များကို သတိရှိရှိနှင့် အကောင်းဖက်က ရှုမြင်ပါသည်။ တရားဝင် တည်ဆဲဖြစ်နေသေးသော စက္ကူဖြူစီမံကိန်းကို ဆန့်ကျင်ကန့်ကွက်သည့် လူထုစည်းဝေးပွဲကြီးတွင် တိုက်ပွဲဆုံး ခန်းတိုင်မရောက်သေးကြောင်း ထုတ်ဖော်ပြောဆိုခဲ့ပါသည်။ သူ ရာထူးနေရာ လက်ခံခဲ့ခြင်းကြောင့် ပြဿနာ အားလုံး ပြေလည်သွားပြီဟု မယူဆသင့်ကြောင်းနှင့် နောင်ဆောင်ရွက်ရန် အလုပ်တာဝန် များစွာရှိသေး ကြောင်း လူထုအား ဦးအောင်ဆန်းက သတိပေးလိုက်ပါသည်။ ပြည်သူလူထု၏ ထောက်ခံအားပေးမှုသည် သူ နှင့် ဖဆပလအတွက် မည်မျအရေးကြီးကြောင်း ပြောကြားပြီးနောက် လူထုနှစ်သက်မြတ်နိုးသော ရိုးသားပွင့် လင်းမှုဖြင့် ကိုယ်ရေးကိုယ်တာကိစ္စနှင့်ပတ်သက်၍ အောက်ပါအတိုင်း မှတ်ချက်ချလိုက်ပါသည်။  “နောက်ဆုံး ကျုပ်အကြောင်းကို ခင်ဗျားတို့ကို နည်းနည်းပြောချင်တယ်။ အခုအခါ ကျုပ်ဟာ (ပတ်ဗလစ်မှာ ပေါ်ပြူလာဖြစ်နေတဲ့သူပဲ)။ ဒါပေမယ့် ကျုပ်ဟာ ဘုရားလည်းမဟုတ်၊ မှော်ဆရာ မျက်လှည့်ဆရာလည်း မ ဟုတ်၊ လူပဲ။ နတ်လည်းမဟုတ်၊ လူလောက်ပဲ အစွမ်းရှိမှာပဲ။ ကျုပ်အသက်ဟာ အင်မတန်မှ ငယ်တယ်။ ကျုပ် အခုထမ်းရတဲ့ တာဝန်ဟာလည်း တတိုင်းပြည်လုံးရဲ့တာဝန်ကို ရှေ့ဆုံးက ထမ်းနေရတယ်။ ကျုပ်ကိုယ်ကို ဒီ တာဝန်တွေ ထမ်းနိုင်အောင် အရည်အချင်းပြည့်စုံတယ်လို့ မယူဆဘူး။ ပြီးတော့ ကျုပ် စိတ်တိုတတ်တယ်ဆို တာလည်း လူအများ သိကြတာပဲ။ ဒါ ကျုပ် နဂိုပဲ။ အလုပ်ရှုပ်ပြီး အနှောင့်အယှက်များရင် စိတ်တိုတတ်တယ်။ ဒါကို ပြုပြင်နိုင်သျှ ပြုပြင်ဖို့ ကြိုးစားမယ်။ သို့သော်လည်း ခင်ဗျားတို့လည်း စိတ်ရှည်ရှည်ထားပြီး ကနေ့ပြတဲ့ အင်အားမျိုးထက် ဆထက်ထမ်းပိုး တိုးအောင်လုပ်ပြီး ကျုပ်တို့က ခင်ဗျားတို့အတွက် လုပ်တဲ့နေရာမှာ အားပေး မယ်ဆိုရင် ကျုပ်တို့လိုချင်တဲ့ လွတ်လပ်ရေး၊ လူထုကောင်းစားရေးတွေကို ရအောင်ပိုလုပ်နိုင်မယ်။ ပိုအကျိုးရှိ မှာပဲ။ ဒါကြောင့် လူထုတွေကို ဆက်တောင့်ထားကြပါအုံးလို့ဆိုတာ ထပ်ပြောခဲ့ချင်တယ်။”  ပြည်သူလူထုသည် ဦးအောင်ဆန်းနောက်မှ မားမားမတ်မတ်ရပ်၍ တောင့်ထားသော်လည်း သူ့ကို အတိုက်အခံ လုပ်မှု မရှိတော့ မဟုတ်ပါ။ ဖဆပလ၏ အင်အားကို ပြင်ပမှ စိန်ခေါ်သော နိုင်ငံရေးပါတီများထက် ဖဆပလအ တွင်းမှ ပြဿနာများ ပို၍ပေါ်ပေါက်ခဲ့ပါသည်။ တသီးပုဂ္ဂလ သစ္စာဖောက်သွားသူ အနည်းငယ်မျှသာရှိသော် လည်း ကွန်မြူနစ်များသည် ဖဆပလအဖွဲ့ချုပ်နောက်မှ ညီညွတ်စွာရှိသယောင်နှင့် မိမိတို့ပါတီအားကောင်းရေး အတွက် ဆောင်ရွက်နေကြပါသည်။  ပုဂ္ဂိုလ်ရေးနှင့် ၀ါဒရေးအယူအဆ မတိုက်ဆိုင်မှုကြောင့် ၁၉၄၆ ခုနှစ် မတ်လတွင် သခင်စိုး၏ ‘အလံနီ’ ကွန်မြူ နစ်များနှင့် သခင်သန်းထွန်း၊ သခင်သိန်းဖေတို့ခေါင်းဆောင်သော ‘အလံဖြူ’ ကွန်မြူနစ်များဟူ၍ ကွန်မြူနစ်ပါ တီ နှစ်ခြမ်းကွဲသွားခဲ့ပါသည်။ အလံနီကွန်မြူနစ်များသည် အကြမ်းဖက်မှုဝါဒများ စွဲကိုင်ခြင်းကြောင့် ၎င်းတို့အား ဇူလိုင်လတွင် မတရားအသင်းအဖြစ် ကြေညာလိုက်ပါသည်။ သခင်သန်းထွန်းသည် ဖဆပလ၏ အထွေထွေအ တွင်းရေးမှူး ဖြစ်လာပြီး သခင်သိန်းဖေသည် ကောင်စီဝင်တဦး ဖြစ်လာပါသည်။ သို့သော်လည်း ‘သိန်း၊ သန်း’ ကွန်မြူနစ်တို့သည် ‘ရန်စ်’ မရောက်မီက စတင်ခဲ့သော အထွေထွေသပိတ် ပြီးငြိမ်းသွားစေရန် ကောင်စီ၏ ဒု- ဥက္ကဌအနေနှင့် ဦးအောင်ဆန်း၏ စေ့စပ်ရေးဆောင်ရွက်ချက်များကို အနှောင့်အယှက်ပေးခဲ့၏။ အထွေထွေသ ပိတ်ပြီးငြိမ်းရေး ဆောင်ရွက်ချက်များ ပျက်ပြားစေရန် ကြိးပမ်းမှုမှာ အောင်မြင်ခြင်းမရှိခဲ့ချေ။ သို့သော် ဤကြိုး ပမ်းမှုသည် ဦးအောင်ဆန်းနှင့် ဖဆပလတို့၏ သြဇာပြိုပျက်စေရန် အတန်ကြာကပင် စတင်ခဲ့သော စည်းရုံးလှုံ့ ဆော်ရေးလုပ်ငန်းများ၏ တစိတ်တပိုင်းသာဖြစ်ပါသည်။  အခြေအနေကို မဖြေရှင်း၍ မရတော့ပါ။ ဆိုရှယ်လစ် ဦးကျော်ငြိမ်းကို သခင်သန်းထွန်းနေရာ၌ အထွေထွေအ တွင်းရေးမှူး ခန့်အပ်လိုက်ပြီး အောက်တိုဘာလတွင် ကွန်မြူနစ်များကို ဖဆပလအတွင်းမှ ထုတ်ပယ်လိုက်ပါ သည်။ ဤလုပ်ရပ်ကို နောက်လအတွင်း ကျင်းပသော အဖွဲ့ချုပ်၏ အထွေထွေညီလာခံ၌ အတည်ပြုလိုက်ပါ သည်။ ထုတ်ပယ်ရခြင်း၏ အကြောင်းများကို ရှင်းပြသော မိန့်ခွန်း၌ ဦးအောင်ဆန်းသည် ကွန်မြူနစ်တို့အား တိုင်းပြည်၏ ညီညွတ်မှုပျက်ပြားစေရန် ကြိုးပမ်းသည်။ မိမိတို့၏ပါတီရေးကို မြန်မာ့လွတ်လပ်ရေးထက် အလေး ပေးသည်။ မြန်မာ့အခြေအနေနှင့် သင့်လျော်၊ မသင့်လျော်ကို မဆင်ခြင်ဘဲ အိန္ဒိယကွန်မြူနစ်ပါတီ၏ ညွှန်ကြား ချက်များကို မျက်စေ့စုံပိတ်၍ လိုက်နာသည် စသဖြင့် ရှုတ်ချပါသည်။  အမှုဆောင်ကောင်စီမှ နှုတ်ထွက်လိုက်သော သခင်သိန်းဖေက ဦးအောင်ဆန်းနှင့် သူ၏ လုပ်ဖော်ကိုင်ဖက် များအား တော်လှန်ရေးသမားထက် ပြုပြင်ရေးသမားဆန်သည်၊ ၎င်းတို့သည် ဗြိတိသျှ၏ လှည့်ဖြားမှုကို အညံ့ ခံခဲ့ပြီး ဘုရင်ခံနှင့် ဆက်ဆံရာ၌ ပျော့လွန်းသည်၊ အဝေဖန်လည်း မခံနိုင်ဟု ပြောဆိုပါသည်။ ဖဆပလနှင့် ကွန် မြူနစ်တို့ လမ်းခွဲသွားကြသော်လည်း လက်ဝဲညီညွတ်မှုကို အထူးလိုလားသော ဦးအောင်ဆန်းသည် မာက်စ်ဆို ရှယ်လစ်ဝါဒနှင့် ကွန်မြူနစ်ပါတီဝင်အချို့အပေါ် သံယောဇဉ်မကုန်ပါ။ အလံနီကွန်မြူနစ်များနှင့် အလံဖြူကွန် မြူနစ်များအကြား စေ့စပ်ဖြန်ဖြေရန် သူ ကြိုးစားခဲ့ပါသည်။ သိန်း၊ သန်း ကွန်မြူနစ်များကို ဖဆပလအတွင်းမှ ဖယ်ထုတ်ပြီးနောက် ပြည်သူ့ရဲဘော်နှင့် ဆိုရှယ်လစ်တို့ကို ပေါင်းစည်းပြီး မက်စ်အဖွဲ့ချုပ်တည်ထောင်ရန် ဦး အောင်ဆန်း စဉ်းစားခဲ့သည်ဟု အဆိုရှိပါသည်။  အမှုဆောင်ကောင်စီအသစ်သည် သခင်စိုးကွန်မြူနစ်များအပေါ် ချမှတ်ထားသော ပိတ်ပင်ချက်ကို ပယ်ဖျက် ပေးလိုက်ပါသည်။ သို့သော် အလံနီကွန်မြူနစ်များသည် လက်နက်ကိုင်တော်လှန်ရေးလမ်းစဉ်ကို တရားသေ ဆုပ်ကိုင်ထားသဖြင့် ၁၉၄၇ ခု ဇန်န၀ါရီလတွင် ၎င်းတို့အား တဖန် မတရားအသင်းကြေညာရပြန်သည်။ အဖြူ၊ အနီမရွေး ကွန်မြူနစ်အများအပြား အထူးသဖြင့် ပြည်သူ့ရဲဘော်ဟောင်းများသည် ဦးအောင်ဆန်းကို ဆက် လက်၍ ကြည်ညိုလေးစားကြပါသည်။ သူ့အနေနှင့်လည်း ကွယ်လွန်သွားသည့်တိုင် ပြန်လည်ပေါင်းစည်းရေး ကို လုံးလုံးလျားလျား ပစ်ပယ်ခဲ့ခြင်း ရှိဟန်မတူပါ။ သို့သော် သူသည် မြန်မာနိုင်ငံလွတ်လပ်ရေးနှင့် ညီညွတ်ရေး ထက်ပိုပြီး မည်သည့်ဝါဒကိုမှ ဦးစားမပေးခဲ့ပါ။  ၁၉၄၆ ခုနှစ် ဒီဇင်ဘာလတွင် ဖဆပလသည် အချုပ်အခြာအာဏာပိုင် မြန်မာနိုင်ငံတည်ထောင်ရေးအတွက် လိုအပ်သောကိစ္စများ ဆွေးနွေးရန် ဗြိတိသျှအစိုးရ၏ ဖိတ်ကြားချက်ကို လက်ခံလိုက်ပါသည်။ နှစ်ဦးပိုင်းတွင် လန်ဒန်သို့ ထွက်ခွာသွားသောကိုယ်စားလှယ်အဖွဲ့ကို ဦးအောင်ဆန်း ဦးဆောင်၍ အဖွဲ့ထဲတွင် အမှုဆောင် ကောင်စီဝင်များ၊ နိုင်ငံရေးသမားများနှင့် အရပ်သားအစိုးရ၀န်ထမ်းများ ပါရှိပါသည်။  ဒေလီမြို့၌ ရပ်နားစဉ် ကျင်းပသော သတင်းစာရှင်းလင်းပွဲတွင် ဦးအောင်ဆန်းက လုံးဝလွတ်လပ်ရေးကိုသာ လိုလားကြောင်း၊ ဒိုမီနီယန်အဆင့်အတန်း လက်ခံရေးကို ထည့်သွင်းစဉ်းစားမည် မဟုတ်သဖြင့် မေးစရာပင် မ လိုကြောင်းပြောကြားခဲ့ပါသည်။ သတင်းစာဆရာတို့၏ မေးခွန်းတရပ်ကို ဖြေကြားရာ၌ မြန်မာတို့၏ တောင်းဆို ချက်များကို ကျေနပ်ဖွယ်ရာလိုက်လျောခြင်း မရှိပါက အကြမ်းဖက်နည်းကိုဖြစ်စေ၊ အကြမ်းမဖက်သောနည်း ကိုဖြစ်စေ၊ နည်းနှစ်မျိုးလုံးကိုဖြစ်စေ၊ စဉ်းစားရန် လုံးဝတွန့်ဆုတ်မည်မဟုတ်ဟု ပြောခဲ့၏။ နိဂုံးချုပ်အနေနှင့် အ ကောင်းဆုံးကို မျှော်လင့်ထားသော်လည်း အဆိုးဆုံးအတွက်လည်း အဆင်သင့်ပြင်ထားကြောင်း ပြောသွားပါ သည်။ ဤကား မြန်မာနိုင်ငံမှ မထွက်ခွာမီ နှစ်သစ်ကူးမိန့်ခွန်းထဲတွင် အသေးစိတ်ပြောခဲ့သော အချက်အလက် တို့ထက် ပိုမိုခြင်းမရှိပါ။  ထိုမိန့်ခွန်းတွင် ပွင့်ပွင့်လင်းလင်း ဖော်ပြခဲ့သည်မှာ ဗြိတိသျှတို့သည် အေးချမ်းစွာ ဖြေရှင်းရေးကို လိုလားသည် ဟု သူ ယုံကြည်လိုကြောင်း၊ သူကိုယ်တိုင်လည်း အေးဆေးသော နည်းများကိုသာ ပို၍နှစ်သက်ကြောင်း၊ သို့ သော်လည်း လိုအပ်သည့် သဘောတူညီချက်များ မရပါက လူထုအနေနှင့် တရားဥပဒေပြင်ပမှ လွတ်လပ်ရေး တိုက်ပွဲဝင်ရန် အဆင်သင့်ပြင်ထားရမည်ဖြစ်ကြောင်း စသဖြင့် ဖြစ်ပါသည်။ အမှန်မှာ ဦးအောင်ဆန်းနှင့် ဖဆ ပလသည် ဗြိတိသျတို့နှင့် ဆွေးနွေးပွဲများ မအောင်မြင်ပါက ဖြစ်ပျက်လာမည့် အခြေအနေအတွက် ပြင်ဆင်မှုအ နေနှင့် လက်နက်များစုဆောင်းပြီး၊ ပြည်သူ့ရဲဘော်တပ်ဖွဲ့များကို အသင့်အနေအထားတွင် ရှိနေစေရန် စီစဉ်ပြီး ဖြစ်ပါသည်။  “အောင်ဆန်း-အတ္တလီ သဘောတူညီချက်” ထွက်ပေါ်စေခဲ့သော ဆွေးနွေးပွဲများအတွင်း ဦးအောင်ဆန်း၏ ကဏ္ဍနှင့်ပတ်သက်၍ ပုဂ္ဂလိကအမှုဆောင်ဝင်တဦးဖြစ်သူ ဦးတင်ထွဋ်က အောက်ပါအတိုင်းရေးသားခဲ့ပါသည်။ ပြည်သူ့လွှတ်တော်ရွေးကော်ပွဲမကျင်းပမီနှင့် အခြေခံဥပဒေသစ် မရေးဆွဲသေးမီ မြန်မာနိုင်ငံ၏ အစိုးရတာဝန် ၀တ္တရားတို့ကို မြန်မာအစိုးရထံသို့ လက်တွေ့အရလည်းကောင်း၊ ဥပဒေသဘောအရလည်းကောင်း၊ ချက်ချင်း လွှဲပြောင်းပေးရန်ကို သူက အားထုတ်ခဲ့ပါသည်။ ဥပဒေသဘောအရ လွှဲပြောင်းပေးခြင်းကို သူက မရယူနိုင်ခဲ့ သော်လည်း လက်တွေ့အားဖြင့် လွှဲပြောင်းပေးခြင်းကိုကား အနှစ်သာရအားဖြင့် နှစ်ဖက်သဘောတူညီမှုအပေါ် မူတည်၍ ရယူနိုင်ခဲ့ပါသည်။  ဤအနေအထားကို သူ၏ နိုင်ငံရေးအတိုက်အခံတို့က သူခေါင်းဆောင်ခဲ့သော ကိုယ်စားလှယ်အဖွဲ့၏ ရှုံးနိမ့်မှု ကဲ့သို့ဖြစ်စေရန် ကောက်ကွေ့ပွေလီစွာ အဓိပ္ပာယ်ဖွင့်လိုက ဖွင့်နိုင်ပါသည်။ သူသည် အနည်းဆုံး လိုအပ်ချက် များ တောင်းဆိုရာ၌ ခိုင်မာ၏။ ထိုသို့ခိုင်မာခြင်းကြောင့် တော်လှန်ရေးဖြစ်ပေါ်လာနိုင်သည်ဟု သူသိသဖြင့် တာဝန်မှာကြီးလေးလှ၏။ နိုင်ငံရေးပညာရှိတဦးပီသစွာ မြန်မာပြည်သူပြည်သားများ၏ လိုလားချက်တို့ကို အ နှစ်သာရအားဖြင့် ပေးသည်ကို သူလက်ခံခဲ့၏။ လိုလားချက်ကား လွတ်လပ်ရေးသို့ ရှင်းလင်းတိုတောင်းသော လမ်းမှ ချီတက်နိုင်ရန်နှင့် မိမိတို့တိုင်းပြည်၏ လက်တွေ့အစိုးရတာဝန်များကို ချက်ချင်းရရှိရန်တို့ဖြစ်ပါသည်။  နှစ်ဖက်အလိုကျ သဘောတူညီချက်ကို လက်ခံပြီးနောက် ဤသဘောတူညီချက်၏ အဓိပ္ပာယ်သက်မှုကို လူထု အား ရိုးရိုးရှင်းရှင်းတင်ပြ၍ လိုအပ်ချက်များ ဖြစ်မြောက်စေရန် ခေါင်းဆောင်မှုပေးခဲ့၏။ သူ၏ ခေါင်းဆောင်မှု နောက်မှ လိုက်ပါက တနှစ်အတွင်း လုံးဝလွတ်လပ်ရေးရစေရမည်ဟု ရဲရင့်စွာ ကတိပေးခဲ့၏။ ဤကား ပေါ့ပေါ့ ဆဆ ကတိမျိုး မဟုတ်ပါ။ သူ၏ နိုင်ငံရေးလုပ်ငန်း၊ သူ၏ ဂုဏ်သိက္ခာနှင့် သူ၏ ဘ၀တို့ကိုရင်း၍ ပေးလိုက် သော၊ ခံယူချက်အပေါ် အခြေခံသော ကတိမျိုးဖြစ်ပါသည်။ ဤသို့ဆောင်ရွက်ခြင်းဖြင့် သူ၏ ခေါင်းဆောင်ပီသ မှုကို အပြည့်အ၀ သက်သေပြလိုက်ပါသည်။  သဘောတူညီချက်ကို လက်မှတ်ထိုးရန် ငြင်းဆိုခဲ့သော ကိုယ်စားလှယ်အဖွဲ့ဝင်နှစ်ဦးကား ၀န်ကြီးချုပ်ဟောင်း ဦးစောနှင့် ၁၉၃၈ ခုနှစ် ဒို့ဗမာအစည်းအရုံး နှစ်ခြမ်းကွဲပြီးနောက် အနည်းစုသခင်များကို သခင်ထွန်းအုပ်နှင့်အ တူ ခေါင်းဆောင်ခဲ့သော သခင်ဗစိန်တို့ဖြစ်ပါသည်။ မြန်မာပြည်သို့ ပြန်ရောက်သောအခါ ဦးစောနှင့် သခင်ဗစိန် သည် ဒေါက်တာဘမော်နှင့် ၀န်ကြီးချုပ်ဟောင်း နောက်တဦးဖြစ်သူ ဆာပေါ်ထွန်းတို့နှင့်ပေါင်းကာ အမျိုးသား အတိုက်အခံတပ်ဦး တည်ထောင်၍ ဦးအောင်ဆန်းသည် ရာထူးတည်မြဲရေးအတွက် နယ်ချဲ့တို့ဘက်သို့ ကူး ပြောင်းသွားပြီဟု ပြောလေသည်။  နိုင်ငံရေးအတိုက်အခံတို့၏ စွပ်စွဲချက်များကြောင့် ဦးအောင်ဆန်း ထူးထူးခြားခြား စိတ်အနှောင့်အယှက်မဖြစ်ခဲ့ ပါ။ တိုင်းရင်းသားလူမျိုးစုများနှင့် ဆွေးနွေးစေ့စပ်ရေးကိုသာ ဇောက်ချ၍ လုပ်ပါတော့သည်။ ဤကိစ္စကို ဖြေ ရှင်းရန် လန်ဒန်သွားကိုယ်စားလှယ်အဖွဲ့ မြန်မာပြည်ပြန်ရောက်ပြီး ရက်ပိုင်းအတွင်းပင် ပင်လုံ၌ ညီလာခံခေါ် ရေး စီစဉ်ထားပြီးဖြစ်ပါသည်။ ညီလာခံ၏ ရလဒ်ဖြစ်သော ပင်လုံစာချုပ်အရ “ကြားဖြတ်မြန်မာအစိုးရနှင့် ချက် ချင်းပူး ပေါင်းလိုက်ခြင်းအားဖြင့် ရှမ်း၊ ကချင်နှင့် ချင်းတို့သည် လွတ်လပ်ရေးကို ပိုမိုလျင်မြန်စွာ ရရှိလိမ့်မည်” ဟူ၍ အသိအမှတ်ပြုလိုက်ပါသည်။  ပင်လုံညီလာခံကား စစ်အတွင်းက တိုင်းရင်းသားများအကြား သင့်မြတ်ကြည်ဖြူရေးအတွက် သခင်များကြိုး ပမ်းချက်များနှင့် အစပျိုးခဲ့သော ဦးအောင်ဆန်း၏ မြန်မာနိုင်ငံအတွင်းရှိ လူမျိုးစုပေါင်းစုံ စည်းလုံးညီညွတ်ရေး ဦးတည်သော လုပ်ငန်းစဉ်၏ အထွတ်အထိပ်ပင်ဖြစ်ပါသည်။ တဖန် ဦးတင်ထွဋ်၏ စကားအရပြောရလျှင် ဆွေး နွေးစေ့စပ်ရေးနယ်ပယ်တွင် သူ(ဦးအောင်ဆန်း) အောင်မြင်မှုများ ရရှိခဲ့ခြင်းမှာ သူ၏ မသွယ်မ၀ိုက်ပွင့်လင်းမှု နှင့် ပုဂ္ဂလိကအရည်အသွေးတို့ကြောင့် ဖြစ်ပါသည်။ ထိုနယ်ပယ်တွင် သူ၏ အကြီးမားဆုံးဆောင်ရွက်ချက်ကား တောင်တန်းဒေသ တိုင်းရင်းသားများနှင့် အခြားလူငယ်စုများ၏ လုံးဝဥဿုံ စိတ်ချယုံကြည်မှုကို ရယူနိုင်ခြင်း ဖြစ်ပါသည်။  ပင်လုံညီလာခံ ပြီးလျှင်ပြီးချင်း ဧပြီလတွင် ကျင်းပမည်ဖြစ်သော ရွေးကောက်ပွဲတွင် ၀င်ရောက်ယှဉ်ပြိုင်မည့် ဖဆပလကိုယ်စား ဦးအောင်ဆန်းသည် ပင်ပန်းကြီးစွာ နိုင်ငံအနှံ့ စည်းရုံးရေးခရီးထွက်ခဲ့ပါသည်။ မြန်မာနိုင်ငံ ပြည်သူလူထုနှင့် (၃၂) နှစ် မျှသာရှိသေးသော သူတို့၏ နုပျိုရွယ်ခေါင်းဆောင်အကြား မကြံစဖူး ထူးခြားသော ဆက်ဆံရေးအနေအထားမျိုး ပေါ်ပေါက်ခဲ့ပါသည်။ ဦးအောင်ဆန်းသွားလေရာ လူအုပ်ကြီးများသည် ‘ငါတို့ဗိုလ် ချုပ်’ ကို မြင်လိုဇော၊ နားထောင်လိုဇော၊ သွေးစည်းခိုင်မာမှုကို ပြသလိုဇောတို့နှင့် ဖုံကိုမမှု၊ နေပူကိုမရွံ့၊ လာ ရောက်အားပေးကြပါသည်။ ‘ဗိုလ်ချုပ်’ ဟူသော ဝေါဟာရမှာ မူလတွင် သူ၏ တပ်မတော်ရာထူးကို ရည်ညွှန်း ခြင်းအမှုသာဖြစ်သော်လည်း နောင်တွင် သူ့အပေါ်ထားရှိသော ချစ်ခင်လေးစားမှုကို ရောင်ပြန်ဟပ်လာသော ဝေါဟာရဖြစ်လာ၏။  ဦးအောင်ဆန်းကား နားထောင်ကောင်းအောင် အပြောအဟောပြေပြစ်သူတဦး မဟုတ်ပါ။ သူ၏ မိန့်ခွန်းများ သည် ငြီးငွေ့ဖွယ် အတတ်ပညာရေးရာကိစ္စများနှင့် လွှမ်းမိုးနေသည်လည်း ဖြစ်နိုင်၏။ ဟိုအကြောင်းရောက် ဒီ အကြောင်းရောက်နှင့် လိုက်ရခက်သည်လည်း ဖြစ်နိုင်၏။ လွန်စွာရှည်လျားသည်လည်း ဖြစ်နိုင်၏။ သို့သော် လည်း လူထုသည် ငြိမ်သက်အေးဆေးစွာ နားထောင်ပြီး သူ့စိတ်သန္တာန်ကိုလိုက်ကာ သူ၏ တုံးတိတိနိုင်သော ဆုံးမသတိပေးချက်တို့ကို သဘောကျနှစ်သက်သကဲ့သို့ ကြားရခက်လှသော သူ၏ ရယ်ရွှင်ဖွယ်စကားလေး များကိုလည်း သဘောကျနှစ်သက်ကြပါသည်။  ဦးအောင်ဆန်းသည် မြန်မာ့လွတ်လပ်ရေးနှင့် စည်းလုံးညီညွတ်ရေးပြဿနာများကို ဖြေရှင်းပေးနိုင်မည့် အ တွေးအခေါ်များနှင့် နည်းဗျူဟာများကို အစဉ်တစိုက်ရှာဖွေနေသူဖြစ်၏။ ဤလုပ်ငန်းတွင် လူထုကို သူနှင့်အတူ ပါဝင်ရန်ခေါ်ဆောင်နိုင်ခဲ့သည်။ ကာလဒေသအခြေအနေများအရ လိုအပ်ပါကစိတ်ပြောင်းလဲရန် သူမကြောက် ရွံ့ပါ။ သူ၏ ယူဆချက်များနှင့် ရည်ရွယ်ချက်များကို လူထုအား ပွင့်ပွင့်လင်းလင်း ရှင်းပြပြီး ၎င်းတို့၏ ထောက်ခံ မှုကို တောင်းဆိုပါသည်။ သို့သော်လည်း လွယ်လင့်တကူ အောင်မြင်မှုများနှင့် စိတ်ကူးယဉ်အိပ်မက်လောက များ အကောင်အထည်ဖော်လာမည်ဟူ၍ လက်လွတ်စပယ် ကတိပြုချက်များ မပေးချေ။ သူ့တိုင်းပြည်အပေါ် တည်ကြည်ဖြောင့်မတ်စွာ ပြုကျင့်သွားမည်၊ မြန်မာ့လွတ်လပ်ရေးနှင့် စည်းလုံးညီညွတ်ရေးအတွက် အစွမ်းကုန် ဆောင်ရွက်သွားမည်၊ လူထု၏ ညီညွတ်မှုအင်အားသာ သူနှင့် ဖဆပလနောက်၌ တည်ရှိနေမည်ဆိုပါက လွတ် လပ်ရေးနှင့် စည်းလုံးညီညွတ်ရေးဟူသော နှစ်ပွင့်ဆိုင်ပန်းတိုင်သို့ ဦးဆောင်ခေါ်သွားနိုင်မည်ဟူ၍သာ ကတိပြု ခဲ့၏။  မြန်မာနိုင်ငံ ပြည်သူလူထုလည်း ရွေးကောက်ပွဲတွင် ဖဆပလကိုယ်စားလှယ်ပေါင်း မြောက်မြားစွာကို ရွေးချယ် တင်မြှောက်လိုက်ခြင်းဖြင့် ဦးအောင်ဆန်း၏ နှိုးဆော်ချက်တို့ကို တုံ့ပြန်လိုက်၏။ ပုဂ္ဂလိကကိုယ်စားလှယ်များ နှင့် ကွန်မြူနစ်ကိုယ်စားလှယ်များ လက်တဆုပ်စာလောက်သာ ရွေးချယ်ခြင်းခံခဲ့ရပါသည်။ ‘စော၊ စိန်၊ မော်’ အုပ်စုကား မိမိတို့သေချာပေါက်ရှုံးမည်ကို သိထားကြသဖြင့် ရွေးကောက်ပွဲများကို သပိတ်မှောက်ခဲ့၏။ ဖဆပ လသည် မသင့်တော်သော ဖိအားပေးမှုများ ပြုလုပ်ခဲ့သည်ဟု စွပ်စွဲချက်များနှင့် ရင်ဆိုင်ခဲ့ရ၏။ သို့သော် ရွေး ကောက်ပွဲဆိုင်ရာ ခုံရုံးများ၏ တွေ့ရှိချက်များအရ ရွေးကောက်ပွဲရလဒ်များသည် လူထု၏ဆန္ဒကို အမှန်အတိုင်း ရောင်ပြန်ဟပ်ခဲ့ပါသည်။ ဦးအောင်ဆန်း၏ ဘ၀နောက်ဆုံးအပိုင်းတွင် သူသည် နေ့စဉ်နှင့်အမျှ နိုင်ငံရေးရင့် ကျက်မှုနှင့် နိုင်ငံအုပ်ချုပ်ရေး ကျင်လည်မှုတို့တွင် တိုးတက်လာသည်ကို မြင်နိုင်ပါသည်။ နိုင်ငံတော်တည် ဆောက်ရေး ကိစ္စရပ်များကို ရင်ဆိုင်ရာ၌ သူ၏ ပင်ကိုယ်အရည်အသွေးများနှင့် တာဝန်သိစိတ်ဓာတ်တို့ ကွန့် မြူးလာ၏။ ဤကာလအတွင်း၌ တချိန်ကဆန့်ကျင်ဘက်ဖြစ်ခဲ့သော ဗြိတိသျှများစွာတို့၏ လေးစားမှုကို ရယူနိုင် ခဲ့သည်။ ထိုပုဂ္ဂိုလ်များအနက် တဦးက အောက်ပါအတိုင်း ရေးသားခဲ့ပါသည်။  အောင်ဆန်း၏ နိုင်ငံရေးပညာရှင်အရည်အချင်းများ တိုးတက်ကြွယ်ဝလာခြင်းသည် သူ၏ ပင်ကိုယ်စရိုက်ကား ဖြစ်ပေါ်လာသော အခြေအနေများအရ ကြီးထွားလာနိုင်စွမ်းရှိကြောင်းကို ပြသပါသည်။ သူ့ဘ၀၏ နောက်ဆုံး (၁၀) လတွင် သူသည် လက်တွေ့အားဖြင့် ၀န်ကြီးချုပ်အနေအထား၌ ရှိခဲ့ပါသည်။ ထိုကာလအတွင်း၌ သူသည် သူ့နိုင်ငံ မည်မျကျယ်ဝန်း၍ လူမျိုးပေါင်း မည်မျှစုံပြီး ပြဿနာများ မည်မျှရှုပ်ထွေးပွေလီလှသည်တို့ကို စ၍ ဂဃ နဏ သဘောပေါက်ခဲ့ပါသည်။ အလုပ်များလွန်းလှသဖြင့် သူ၏ ကျန်းမာရေးထိခိုက်လာသည့်အပြင် ရံဖန်ရံခါ အလုပ်မနိုင်မနင်း ဖြစ်ခဲ့ပါသည်။ သို့သော် သူကား ယောင်္ကျားကောင်းပီသစွာ ဤဖြစ်ရပ်ကို ၀န်ခံသဖြင့် သူနှင့် နေ့စဉ် ထိတွေ့နေသော ဗြိတိသျှအုပ်ချုပ်ရေးအရာရှိများ၏ လေးစားမှုကို ရရှိခဲ့ပါသည်။ သူ့အား လုပ်ကြံသတ် ဖြတ်ခြင်းသည် နောင်ဖြစ်ထွန်းလာမည့် ဥပဒေမဲ့ကာလများတွင် သူ့နောက်လိုက်များကို စည်းကမ်းထိန်းသိမ်း ရန် စွမ်းဆောင်နိုင်သည့် တဦးတည်းသောပုဂ္ဂိုလ်ကို သူ့တိုင်းပြည် ဆုံးရှုံးရခြင်းပင်ဖြစ်ပါသည်။  ဇွန်လအစောပိုင်းတွင် ဦးအောင်ဆန်းသည် တိုင်းပြည်အတွက် ပြန်လည်ထူထောင်ရေးလုပ်ငန်းများ စီစဉ်ရန် ရန်ကုန်မြို့ ပြည်လမ်းရှိ ‘ဆိုရန်တိုဗီလာ’ အဆောက်အဦးတွင် စည်းဝေးပွဲများ ဆက်တိုက်ကျင်းပပါသည်။ ညီ လာခံအဖွင့်မိန့်ခွန်းတွင် ဦးအောင်ဆန်းသည် အစောတလျင် လိုအပ်နေသော လုပ်ငန်းများကို မီးမောင်းထိုးပြ ပြီး လက်တွေ့ကျ၍ လှေနံဓားထစ်မဟုတ်သော အစီအစဉ်များလိုအပ်ကြောင်းကို အလေးပေးပြောသွားပါသည်။ လောဘကြီးလွန်းသော စီမံကိန်းများ မပြုလုပ်မိရန်နှင့် မည်သည့်ကိစ္စများ ပထမဦးဆုံး ဆောင်ရွက်ရန်လိုသည် ကို ဆုံးဖြတ်ရန် အရေးကြီးကြောင်းကိုလည်းပြောသွားပါသည်။ ထို့အပြင် တိုင်းသူပြည်သားတို့ လက်အတွင်း သို့ အချုပ်အခြာအာဏာ ပြန်၍ရောက်နေရကား တိုင်းပြည်တွင်ဖြစ်ပေါ်သမျှ အနိဌာရုံများအတွက် နယ်ချဲ့စနစ် ကို အပြစ်တင်တိုက်ခိုက်ခြင်းဖြင့် အချိန်နှင့်အင်အားတို့ကို အလဟဿမဖြုန်းကြရန် သတိပေးသွားပါသည်။  နယ်ချဲ့စနစ်ကို တိုက်ဖျက်ရန်သုံးခဲ့သော လက်နက်များသည် လွတ်လပ်သော နိုင်ငံတခုကို တည်တံ့ခိုင်မြဲ၍ တိုးတက်စေရန်အတွက် သင့်လျော်သော ကိရိယာများဖြစ်သည်ဟု အစဉ်အမြဲ မတွက်ဆနိုင်ကြောင်း သူ ပြည့် ပြည့်၀၀ နားလည်ပါသည်။ ဦးအောင်ဆန်းသည် မြန်မာနိုင်ငံအနေနှင့် နိုင်ငံတကာမိသားစု အသိုင်းအ၀ိုင်းတွင် မှန်ကန်သောနေရာမှ ပါဝင်ဆောင်ရွက်နိုင်မည့် အနာဂတ်ကာလကိုမျှော်မှန်းကာ စစ်မှန်သော အမျိုးသားရေး သည် နိုင်ငံတကာအရေးကို အထောက်အကူပြုရမည်ဖြစ်ကြောင်း သူ မြင်ပါသည်။ ဦးအောင်ဆန်း၏အမြင် သည် သွေးထွက်အောင်မှန်သဖြင့် အချို့လူများ မခံသာသော စကားမျိုးကိုပြောရန်မတွန့်ဆုတ်ပါ။ ၁၉၄၇ ခုနှစ် ဇူလိုင်လ ၁၃ ရက်နေ့တွင် ပြောကြားခဲ့သော သူ၏ နောက်ဆုံးမိန့်ခွန်းတွင် ပြည်သူတို့အား မိမိတို့၏ ချို့ယွင်း ချက်များကို ပြုပြင်ရန်၊ စည်းကမ်းရှိရန်၊ ဇွဲဝိရိယကြီးရန်နှင့် အများအကျိုးအတွက် ကိုယ်ကျိုးစွန့်ရန် စသဖြင့် ဆော်သြခဲ့ပြီး လွတ်လပ်ရေး၏ အကျိုးအရသာများ ပြည့်ဝစွာ မခံစားနိုင်မီ နှစ်ပေါင်းများစွာ ရုန်းကန်ကြိုးစားရ ဦးမည်ဖြစ်ကြောင်းကိုလည်း သတိပေးခဲ့၏။  ဖြောင့်မတ်တည်ကြည်ပြီး မိမိကိုယ်ကို ဆန်းစစ်နိုင်စွမ်းရှိသူပီပီ ဦးအောင်ဆန်းသည် သူ၏ အားနည်းချက်များ ကို ပြုပြင်ရန်လိုကြောင်းကိုလည်း မိတ်ဆွေများအား ၀န်ခံခဲ့ပါသည်။ ကျောင်းသားတော်လှန်ရေးသမား လူငယ် တယောက်တွင် သည်းခံခွင့်လွှတ်နိုင်သော အပြစ်အနာများသည် နိုင်ငံ၏အထင်ကရ ခေါင်းဆောင်တွင်မူကား လက်ခံခွင့်လွှတ်ဖွယ် မဟုတ်ပေ။ အချောကိုင်ရန်လိုနေသော အမူအကျင့်များ ရှိနေသေး၏။ အဆင်မပြေလှ သော ဒေါသကြီးတတ်ခြင်းကို ထိန်းချုပ်ရပေဦးမည်။ လူမှုဆက်ဆံရေးတွင်လည်း မည်မျှပင် ငြီးငွေ့ဖွယ်ဖြစ်စေ လောက၀တ်ပျူငှာစေရန် လေ့ကျင့်ရပေဦးမည်။  အာဏာလွှဲပြောင်းရေး အစီအစဉ်များကို လျင်မြန်စွာ တဆင့်ပြီးတဆင့် တိုးတက်၍ အကောင်အထည်ဖော်နိုင် ခဲ့ပါသည်။ မေလတွင် ကျင်းပသော ညီလာခံ၌ ဖဆပလအဖွဲ့ချုပ်သည် မိမိတို့၏ လွတ်လပ်ရေးနှင့်ပတ်သက် သော မူဝါဒကို ချမှတ်ပြီး ပြည်ထောင်စုမြန်မာနိုင်ငံဟူ၍ ခေါ်တွင်မည့် လွတ်လပ်သော အချုပ်အခြာအာဏာပိုင် သမ္မတနိုင်ငံ၏ အခြေခံဖွဲ့စည်းပုံ ဥပဒေမူကြမ်းကို ရေးဆွဲရန် ကော်မတီကိုလည်း ဖွဲ့စည်းလိုက်ပါသည်။ ခက်ခဲ ဆင်းရဲစွာ လုံးပမ်းခဲ့ရသော ပန်းတိုင် လက်တကမ်းမျှသာ ရှိတော့သည်ဖြစ်၍ ဦးအောင်ဆန်းသည် တင်းမာမှု များလျော့ကာ ပိုမို၍ ပျော့ပြောင်းချိုသာလာ၏။ သူ၏ တပ်များကို ဂျပန်တော်လှန်ရေးတွင် ဦးဆောင်ခဲ့စဉ်က အံကြီးတခဲခဲနှင့် တွေ့မြင်ရသော လူငယ်စစ်သေနာပတိချုပ်၏ ပုံပန်းသဏ္ဍာန်နှင့်ကား သိသိသာသာ ခြားနား လာပါသည်။ သူ၏ အတွင်းအပြင်သည် ကြည်လင်တည်ငြိမ်၍ သောကကင်းစင်သကဲ့သို့ ဖြစ်နေပါသည်။ သို့ သော်လည်း ပင်ပန်းနွမ်းနယ်ခြင်းသည်လည်း နက်ရှိုင်းလှပါသည်။ လွတ်လပ်ရေးရပြီးနောက် နိုင်ငံရေးမှ အနား ယူကာ မိသားစုကိစ္စများ၊ စာပေရေးသားခြင်းကိစ္စများကိုသာ အချိန်ပြည့်ပေး၍ လုပ်ဆောင်လိုလားကြောင်း ထုတ်ဖော်ပြောခဲ့ပါသည်။  သို့သော်လည်း ဤဆန္ဒကား မပြည့်ဝခဲ့ပါ။ ဇူလိုင်လ (၁၉) ရက်နေ့ အမှုဆောင်ကောင်စီ အစည်းအဝေးထိုင်နေ စဉ် အစောင့်အကြပ်များမရှိသော စည်းဝေးခန်းထဲသို့ ယူနီဖောင်းဝတ်လူတစု တွန်းဝင်လာ၍ စက်သေနတ် များနှင့်ပစ်ခတ်ရာ ဦးအောင်ဆန်း၊ သူ၏အကိုကြီး ဦးဘ၀င်း အပါအ၀င် ကောင်စီဝင် (၆) ဦး၊ အထက်တန်းအုပ် ချုပ်ရေးအရာရှိတဦးနှင့် ကိုယ်ရံတော်လေးတဦးကျဆုံးခဲ့ရပါသည်။ လူသတ်သမားများ ထွက်ပြေးလွတ်မြောက် သွားခဲ့သော်လည်း၊ ၎င်းတို့အား ဦးစောနေအိမ်သို့ ခြေရာခံလိုက်နိုင်ခဲ့ပါသည်။ ၀န်ကြီးချုပ်ဟောင်းသည် အကြံ ကြီးသူတယောက်ဖြစ်ပြီး ‘ကောင်လေးတယောက်ပါပဲ’ ဟူ၍ သူ သတ်မှတ်လေ့ရှိသော ဦးအောင်ဆန်း နိုင်ငံ့ ခေါင်းဆောင်အဆင့်သို့ တရှိန်ထိုးတက်သွားသည်ကို လက်မခံနိုင်ခဲ့ပေ။  မြန်မာကိုယ်စားလှယ်အဖွဲ့နှင့် လန်ဒန်သို့ ထွက်ခွာမသွားမီ လအနည်းငယ်အလိုလောက်တွင် ကာကီဝတ်စုံ ၀တ်ဆင်ထားသူများက သေနတ်ဖြင့် ပစ်ခတ်သဖြင့် ဦးစောမျက်စေ့တွင် ဒဏ်ရာရခဲ့ပါသည်။ ဦးစောသည် ဤ ကိစ္စတွင် ဦးအောင်ဆန်း၏ ပြည်သူ့ရဲဘော်တပ်ဖွဲ့ဝင်များ၌ တာဝန်ရှိသည်ဟု ယူဆကာ ကလဲ့စားချေခြင်းဖြစ် သည်ဟု အချို့ကခန့်မှန်းကြပါသည်။ သို့သော်နိုင်ငံတော်လုပ်ကြံမှုနှင့်ပတ်သက်၍ စစ်ဆေးတွေ့ရှိချက်များအရ အလုပ်အမှုဆောင်ကောင်စီတခုလုံးအား သုတ်သင်ချေမှုန်းရန် ညွှန်ကြားခဲ့ခြင်း ဖြစ်ပါသည်။ ဦးအောင်ဆန်းနှင့် လုပ်ဖော်ကိုင်ဖက်များကို ရှင်းလင်းသုတ်သင်လိုက်ခြင်းဖြင့် သူသာ မြန်မာနိုင်ငံအစိုးရခေါင်းဆောင် ဖြစ်လာ မည်ဟူသော ထူးဆန်းသည့် ယုံကြည်ချက်ဖြင့် လုပ်ကြံမှုကြီးကို ဦးစော စီစဉ်ခဲ့ဟန်တူပါသည်။ ဦးစောအပေါ် ရာဇ၀တ်ပြစ်မှုများ ကျူးလွန်ရန် အားပေးကူညီမှုအတွက် အပြစ်ရှိကြောင်း စီရင်ဆုံးဖြတ်ပြီး သေဒဏ်ချမှတ် လိုက်ပါသည်။  ဦးအောင်ဆန်း ကွယ်လွန်အနိစ္စရောက်သွားသော်လည်း သူ၏ ဘ၀ကိုပေး၍ ကြိုးပမ်းခဲ့ရသော လွတ်လပ်ရေး ကိုသာ မြန်မာနိုင်ငံ ရရှိခဲ့ပါသည်။ အသက်ရှင်ကျန်ခဲ့သော ဖဆပလ၀င်များအနက် အဆင့်မြင့်ဆုံးဖြစ်သော ဦးနုသည် စေ့စပ်ဆွေးနွေးရေးများကို ဆုံးခန်းတိုင် ဆက်လက်ဆောင်ရွက်သွားပြီး ၁၉၄၈ ခုနှစ် ဇန်န၀ါရီလ (၄) ရက်နေ့တွင် လွတ်လပ်သော ပြည်ထောင်စုမြန်မာနိုင်ငံတော်ကို မွေးဖွားခဲ့ပါသည်။  နိဂုံးခေတ်သစ် မြန်မာနိုင်ငံသမိုင်း သုတေသီတဦးဖြစ်သူ အမေရိကန်ပညာရှင် ဖရင့်၊အင်၊ထရေဂါ ရေးသားခဲ့ သော အောက်ပါ စကားကောက်နုတ်ချက်ကို ဤနေရာ၌ ဖော်ပြက သင့်တော်မည်ထင်ပါသည်။ မဟာလူသား တဦး၏ လုပ်ဆောင်ချက်များအနေဖြင့်သာ ဖြစ်ရပ်စဉ်ကို တင်ပြခြင်းသည် သမိုင်းကို လွဲမှားစွာ မြင်ခြင်းဖြစ်ပါ သည်။ ဤစာအုပ်တွင်လည်း ထိုကဲ့သို့ တင်ပြခြင်းမျိုး အတိုင်းအတာတခုအထိ ပါဝင်ခဲ့ပါလျှင် ထိုအတိုင်းအ တာအထိ လွဲမှားသောအမြင်ရှိခဲ့သည်ဟု ဆိုနိုင်ပါသည်။ သို့သော်လည်း ထိုစဉ်က မြန်မာပြည်အခြေအနေအရ သခင်များ နိုင်ငံရေးရာထူးနေရာ ရရှိခဲ့ချိန်မှစ၍ လွတ်လပ်ရေးအရုဏ်တက်ချိန်ဖြစ်သော ၁၉၄၈ ခုနှစ် ဇန်န၀ါ ရီလတိုင် (၁၂) နှစ်ကာလအတွင်း စွမ်းဆောင်နိုင်မှုများကို ဖြစ်ရပ်စဉ်အလုံးစုံအပေါ် လွှမ်းခြုံခဲ့သော အောင် ဆန်း၏ ခေါင်းဆောင်မှုရှုထောင့်မှ စိစစ်ခြင်းကား မှန်ကန်သင့်လျော်သည်ဟု ထင်မိပါသည်။  အခြားတဖက်မှကြည့်လျှင်လည်း အထက်ဖော်ပြပါ သဘောတရားကား မှန်ကန်ပါသည်။ မြန်မာ့လွတ်လပ်ရေး လှုပ်ရှားမှု နောက်ခံကားကို အခြေပြု၍သာ ဦးအောင်ဆန်း၏ ဘ၀ကို လေ့လာနိုင်မည်ဖြစ်ပါသည်။ ထိုကဲ့သို့ ချဉ်းကပ်နည်းသည် သူ၏ ကိုယ်ရေးကိုယ်တာအပိုင်းကို လျစ်လျူရှုရာရောက်နိုင်ပါသည်။ သို့သော် သူ့အသက် (၂၀) ကျော်ကျော် ကျောင်းသားနိုင်ငံရေးလောကထဲ ၀င်ခဲ့စဉ်ကစ၍ သူ၏ ဘ၀နှင့် လွတ်လပ်ရေးကြိုးပမ်းမှုသည် ခွဲခြား၍မရလောက်အောင် ရောထွေးဆက်နွယ်နေသည့်အပြင် ဦးအောင်ဆန်းကား သူ၏ အဇ္ဈတ္တသန္တန် နှင့် ကွာခြားသော ဗဟိဒ္ဓအသွင်ကို လူထုရှေ့မှောက် ဘန်းပြသူမျိုး မဟုတ်ခဲ့ပါ။ သူ၏ ရုပ်ပုံလွှာတခုလုံးကို ခြုံ၍ ကြည့်ပါက မြင့်မားသောရည်မှန်းချက်၊ ခိုင်မာပြတ်သားသော စိတ်ဓာတ်တို့ဖြင့် သူ၏နိုင်ငံ လွတ်လပ်ရေးရစေ ရန် ခေါင်းဆောင်မှုပေးခဲ့သော သိက္ခာသမာဓိ ကြီးမားသည့် လူငယ်တဦးကို မြင်ရပေမည်။  သူ၏ နိုင်ငံရေးအတိုက်အခံများနှင့် သူ၏ နိုင်ငံကို အုပ်ချုပ်နေသော နိုင်ငံခြားသားများကို တိုက်ခိုက်ခဲ့သဖြင့် သူ့အား သစ္စာဖောက်ဟု မြင်ခဲ့သူတို့က ဦးအောင်ဆန်းသည် ထင်ပေါ်ကျော်ကြားမှုလိုလားသဖြင့် အကြင်နာ ကင်းသည်၊ ဆင်ခြင်တုံတရား ခေါင်းပါးသည်၊ နှစ်ဖက်ချွန်လုပ်တတ်သည်ဟု စွပ်စွဲခဲ့ကြ၏။ ထိုကဲ့သို့သော စွပ်စွဲ ချက်များကို သူ၏ လုပ်ဆောင်ချက်မှတ်တမ်းအပေါ် အခြေပြု၍ အကဲဖြတ်နိုင်ပါသည်။ အခြားသူများ ပိုမို၍ ကောင်းမွန်သော ခေါင်းဆောင်မှုပေးနိုင်သည်ဟု သူ ယုံကြည်သ၍ နောက်လိုက်နေရာမှ တာဝန်ကို စေတနာ ပြည့်ဝစွာထမ်းဆောင်ခဲ့ပါသည်။ သူတဦးတည်းသာ တိုင်းပြည်ကို ညီညွတ်မှုပေးကာ လွတ်လပ်ရေးပန်းတိုင်သို့ ရောက်ရန် ခေါင်းဆောင်မှုပေးနိုင်မည်ဖြစ်ကြောင်း ထင်ရှားလာသောအခါမှ သူသည် ဗဟိုမဏ္ဍိုင်နေရာကို ယူ ခဲ့ပါသည်။  ကျောင်းသားဘ၀ကပင် သူ၏ ရင်းနှီးသော နိုင်ငံရေးလုပ်ဖော်ကိုင်ဖက်ဖြစ်ခဲ့သူ ဦးကျော်ငြိမ်းက မည်သူကမှ ဗိုလ်ချုပ်အောင်ဆန်းအား ခေါင်းဆောင်နေရာကို ပေးခဲ့သည်မဟုတ်ဘဲ သူ၏ လုပ်ရည်ကိုင်ရည် ကြွယ်ဝမှု ကြောင့် ခေါင်းဆောင်နေရာကို ရရှိခဲ့ခြင်းဖြစ်ကြောင်း ပြောဆိုခဲ့ပါသည်။ ဦးအောင်ဆန်းသည် သုန်မှုန်ခြင်းနှင့် စိတ်လှုပ်ရှားသဖြင့် ပေါက်ကွဲခြင်းများ ရှိခဲ့သော်လည်း လွတ်လပ်ရေးလှုပ်ရှားမှုအကျိုးငှာ စုပေါင်းဆုံးဖြတ်ချက် များ ချရာတွင် သူ၏ ပုဂ္ဂိုလ်ရေးရာခံစားချက်များနှင့် အလိုဆန္ဒတို့ကို မည်သောအခါမျှ အသားမပေးခဲ့ချေ။ လွတ်လပ်ရေးတိုက်ပွဲအဆင့်ဆင့်၌ သူသည် ရင်းနှီးသော နိုင်ငံရေးလုပ်ဖော်ကိုင်ဖက်များနှင့် တိုင်ပင်ဆောင် ရွက်၍ တရားမှန်ဝေဖန်ချက်များကို လက်ခံကာ အသင့်တော်ဆုံးဖြစ်မည်ထင်ပါက တာဝန်များကို လွှဲပြောင်းခွဲ ဝေပေးပါသည်။သို့သော် ကိုယ်ကျိုးရှာသမားများ၊ တာဝန်မဲ့လုပ်ရပ်များနှင့် လွတ်လပ်ရေးကြိုးပမ်းမှုကို ထိပါးနိုင်မည့် အလုပ် ပျက်ကွက်မှုများကို သည်းမခံပါ။   သူသည် တရားမျှတမှုနှင့် ဒီမိုကရေစီဝါဒတို့ကို ယုံကြည်လက်ခံကာ သူ၏ ကိုယ်ပိုင်ဆုံးဖြတ်ချက်အရလုပ်ပါက ပိုမို၍ကောင်းမွန်မည်ဖြစ်သောအချိန်အခါများ၌ပင် လုပ်ဖော်ကိုင်ဖက်များ ၏ အလိုကျ ဆောင်ရွက်ခဲ့သည်လည်းရှိခဲ့၏။ အမှုဆောင်ကောင်စီခေါင်းဆောင်အနေနှင့် သူ၏အမြင်ကို အခြား သူများလက်ခံစေရန် အပေါ်စီးနှင့် ဆောင်ရွက်ခဲ့ခြင်းမရှိခဲ့ပါ။ အားလုံးက လွတ်လပ်၊ ပွင့်လင်း၊ ပြည့်စုံစွာ ဆွေး နွေးပြီးမှ ဆုံးဖြတ်ချက်ချကြပါသည်။  သူကိုယ်တိုင် ပွင့်လင်းစွာ ၀န်ခံခဲ့သည့်အတိုင်း သူသည် အမှားအယွင်း ကင်းသူမဟုတ်ပါ။ သို့သော် သူ၏ စိတ် ရည်ဥာဏ်ရည်ကား အစဉ်သဖြင့် ကြီးထွားတိုးတက်နိုင်စွမ်းရှိခဲ့ပါသည်။ ဦးအောင်ဆန်းသည် အစွန်းရောက် တယူသန်သမားများကို စွဲဆောင်နိုင်စွမ်းထက် မိမိတို့ ယုံကြည်လေးစားသော ခေါင်းဆောင်အောက်တွင် စိတ် ငြိမ်းအေး ကိုယ်ချမ်းသာစွာဖြင့် မိမိတို့ဘ၀ကို နှင်လိုသော သာမန်ပြည်သူတို့ကို စွဲဆောင်နိုင်စွမ်းရှိခဲ့ပါသည်။ ပြည်သူတို့သည် ၎င်းတို့မျှော်မှန်းထားသော ခေါင်းဆောင်ကောင်း အရည်အသွေးများ ဦးအောင်ဆန်း၌ ရှိသည် ဟု မြင်ခဲ့၏။ သူကား ကိုယ်ကျိုးထက် နိုင်ငံ့အကျိုးကို ဦးစားပေးခဲ့သည်။ သူ၏အာဏာ အထွတ်အထိပ် ရောက် နေသည့် အချိန်တွင်ပင် ဆင်းဆင်းရဲရဲ ဟန်ပန်မရှိ နေထိုင်ခဲ့သည်။  ခေါင်းဆောင်တို့၏ အထူးအခွင့်အရေးများကို မမက်မောဘဲ ခေါင်းဆောင်မှုတာဝန်များကို လက်ခံခဲ့သည်။ ထို့ အပြင် သူသည် နိုင်ငံရေးပါးနပ်လိမ္မာမှုနှင့် နိုင်ငံအုပ်ချုပ်ရေးကျွမ်းကျင်မှုစွမ်းအားကြီးသော်လည်း သူ၏အတွင်း သဘောထား၏ နက်ရှိုင်းလှသော ရိုးသားမှုကား မည်သောအခါမျှ တိမ်ကောသွားခြင်း မရှိခဲ့ပါ။ မြန်မာနိုင်ငံ ပြည်သူလူထုအတွက် ဦးအောင်ဆန်းသည် မိမိတို့ လိုလားတောင့်တနေချိန်တွင် နိုင်ငံ၏ ဂုဏ်သိက္ခာကိုဆည် ရန် ပေါ်ပေါက်လာခဲ့သူဖြစ်ပါသည်။ သူ၏ ဘ၀သည် ပြည်သူတို့ စိတ်အားတက်ကြွ အတုယူဖွယ်ရာဖြစ်သကဲ့သို့ သူ့အား သတိရလွမ်းဆွတ်ခြင်းသည် ပြည်သူတို့၏ နိုင်ငံရေးအသိစိတ်ကို လမ်းမလွဲစေရန် ထိန်းကွပ်မှုအဖြစ် တည်ရှိလျက်နေပါသည်။  အောင်ဆန်းစုကြည်  ဓာတ်ပုံ=July 19, 2012.
ဗိုလ်ချုပ်အောင်ဆန်း ( ဒေါ်အောင်ဆန်းစုကြည်၏ ဆောင်းပါး)
===============================
အောင်ဆန်း
အောင်ဆန်းစုကြည်
မြန်မာပြန် - ဒေါက်တာအောင်ခင်

ကျမ မှတ်မိနိုင်သော အရွယ်မရောက်မီကပင် ကျမ၏ ဖခင် ကွယ်လွန်သွားပါသည်။ ထို့ကြောင့် “ဖေဖေဟာ ဘယ်လိုလူစားမျိုးပါလိမ့်” ဟူသော သိချင်စိတ်ဖြင့် ဖခင်၏ဘ၀လုပ်ဆောင်ချက်များနှင့် ပတ်သက်သော စာပေ အထောက်အထားများကို ကျမ စတင်စုဆောင်း လေ့လာဖတ်ရှုခြင်းပင် ဖြစ်ပါသည်။ အောက်တွင် ဖော်ပြပါ အတ္ထုပ္ပတ္တိစာတမ်းကို ရေးသားရာ၌ ပုံနှိပ်ထုတ်ဝေခြင်း အထောက်အထားများကို အဓိကအခြေခံထားပါသည်။ အကြောင်းအရာနှစ်ရပ်နှင့် ပတ်သက်၍သာလျှင် ကျမတို့မိသားစုနှင့် ဖေဖေ့အား ကောင်းစွာသိကျွမ်းခဲ့သူများ ထံမှ သိရှိရသောအချက်အလက်များအပေါ်တွင်အတော်အသင့် အခြေခံထားပါသည်။

သွေးသားနီးကပ်စွာ တော်စပ်သူတဦး၏ အတ္ထုပ္ပတ္တိကိုရေးရသည်မှာ မလွယ်ကူပါ။ ဓမ္မဓိဌာန်ကျကျရေးနိုင်မည် မဟုတ်ဟု အစွပ်စွဲခံရနိုင်ပါသည်။ တကယ်တမ်းတွင်လည်း အတ္ထုပ္ပတ္တိရေးသူတို့သည် မိမိတို့ ရှာဖွေစုဆောင်းရ ရှိသော အထောက်အထားများဖြင့် မိမိတို့၏ ကိုယ်ပိုင်ဆုံးဖြတ်ဥာဏ်ကို ပုံစံသွင်းပေးခဲ့သော အဖြစ်အပျက်၊ အတွေ့အကြုံများ၏ သြဇာသက်ရောက်မှုမှ ကင်းလွတ်နိုင်မည်မဟုတ်ပါ။ ကျမအနေဖြင့် ကျမဖခင်၏ ရုပ်ပုံလွှာ ကို ကျမမြင်သည့်အတိုင်း မှန်ကန်စွာ ပေါ်လွင်စေရန် ကြိုးပမ်းရေးသားထားပါသည်ဟုသာ ပြောနိုင်ပါသည်။
* * * * * *

အောင်ဆန်းကို မြန်မာနိုင်ငံ အညာဒေသရှိ နတ်မောက်မြို့ကလေး၌ ၁၉၁၅ ခုနှစ် ဖေဖော်ဝါရီလ ၁၃ ရက်နေ့ တွင် ဖွားမြင်ပါသည်။ မန္တလေးမြို့တော်ရှိ မြန်မာဘုရင်အုပ်ချုပ်ရေးစနစ်ကိုပျက်သုန်းစေပြီး မြန်မာတနိုင်ငံလုံး ဗြိတိသျှအုပ်ချုပ်ရေးလက်အောက်သို့ ကျဆင်းစေခဲ့သော တတိယအင်္ဂလိပ်-မြန်မာစစ်ပွဲအပြီး နှစ်ပေါင်း (၃၀) အကြာတွင် ဖြစ်ပါသည်။ နတ်မောက်နယ်သူနယ်သားများသည် မြန်မာဘုရင်များ၏ အမှုကိုထမ်းဆောင်သည့် အစဉ်အလာရှိသူများဖြစ်၏။

အောင်ဆန်း၏ မိခင်မျိုးရိုးထဲတွင် ရာထူးကြီး မင်းမှုထမ်းအချို့ ပါဝင်ခဲ့ပါသည်။ ဖခင်ဖြစ်သူ ဦးဖာသည် လယ် သမားမျိုးရိုးမှဖြစ်ပြီး လောကီရေးရာတွင် လိမ္မာရေးခြားမရှိ၊ စကားမပြော တုံဏှိဘာဝေ နေတတ်သူတဦး ဖြစ် ပါသည်။ ဉာဏ်ရည်ကောင်း၍ စာပေဖက်တွင် ထူးချွန်သော်လည်း စကားနည်းလွန်းသဖြင့် ဦးဖာသည် မိမိ၏ အသက်မွေးဝမ်းကြောင်း အလုပ်ဖြစ်သော ရှေ့နေအလုပ်၌ အောင်မြင်ခြင်းမရှိခဲ့ပါ။ ထို့ကြောင့် ထက်မြက်သွက် လက်လှသော မိခင်ဒေါ်စုသာလျှင် မိသားစုစားဝတ်နေရေးကို အဓိကတာဝန်ယူရပါသည်။

ဒေါ်စု၏ ဦးလေးတော်သူသည် ဗြိတိသျှတို့ကို ရှေးဦးစွာ တော်လှန်ဆန့်ကျင်ခဲ့သော မြန်မာအုပ်စုတစုကို ခေါင်း ဆောင်ခဲ့ပါသည်။ နောက်ဆုံး၌ “ဗိုလ်လရောင်” ခေါ် “ဦးမင်းရောင်” အား ဗြိတိသျှတို့က ဖမ်းဆီးသတ်ဖြတ် လိုက်ပါသည်။ “ကုလားတို့ ကျွန်မခံ” ဟူသော စိတ်ထားရှိခဲ့သည့် ထိုရဲရဲတောက် မျိုးချစ်ပုဂ္ဂိုလ်ကြီးကား အောင် ဆန်းမိသားစုနှင့် နယ်သူနယ်သားများ ဂုဏ်ယူစံထား အားကျဖွယ်ရာ ဖြစ်လာပါသည်။
ညီအကိုမောင်နှမ (၆) ဦး (ကလေးဘ၀ကပင် ကွယ်လွန်ကြသူများအပါအ၀င်ဆိုလျှင် မွေးချင်း - ၉ ဦး) အနက် အထွေးဆုံးဖြစ်သူ အောင်ဆန်းသည် သူကိုယ်တိုင်ရေးခဲ့သော မှတ်တမ်းအရ ညစ်ပတ်ချူချာ အစားကြူး၍ လုံး ၀နှစ်လိုဖွယ်မဟုတ်သော ကလေးတဦးဖြစ်ပါသည်။ စကားပြောလည်း နောက်ကျလှသဖြင့် မိသားစုက ‘စွန့်အ’ နေသလားဟူ၍ပင် ပူပင်ခဲ့ရ၏။ သို့သော် အောင်ဆန်းကလေးသည် ပရိယာယ်မရှိခြင်း၊ အလွန်ရိုးသားဖြောင့် မတ်ခြင်း၊ ဆင်းရဲသူများအား သနားကြင်နာတတ်ခြင်း စသော ချစ်စဖွယ်စိတ်ဓာတ်များဖြင့် ပြည့်စုံသည်ဟု သူ့ အား ငယ်စဉ်က ကောင်းစွာသိခဲ့သူများနှင့် သူ့မိသားစုဝင်များက ကောက်ချက်ချကြပါသည်။

အောင်ဆန်းမိသားစုမှာ ဥာဏ်ရည်ကောင်းပြီး ပညာဖက်တွင် ထွန်းပေါက်သူများအဖြစ် နာမည်ကောင်းရထား ပါသည်။ အောင်ဆန်း၏ အကို (၃) ဦးမှာ အသက်ငယ်ငယ်လေးတွင် ကျောင်းစတက်ကြ၏။ သို့သော် အောင် ဆန်းမှာမူ အမေပါတက်မှ ကျောင်းတက်မည်ဆိုကာ ကတ်ဖဲ့နေ၏။ စိတ်ဓာတ်ကြံ့ခိုင်လှပါသည်ဟု ဆိုရမည် ဖြစ်သော ဒေါ်စုသည် သားထွေးလေးကို အလွန်ညှာတာလေ့ရှိပြီး သူ့စိတ်ပါမှသာ ကျောင်းတက်ပါစေတော့ဟု အလိုလိုက်ထားခဲ့၏။

သို့ဖြင့် (၈) နှစ်သားအရွယ်ရောက်သောအခါမှ အောင်ဆန်း ကျောင်းတက်ရန် ဆုံးဖြတ်ပါတော့သည်။ အကိုဖြစ် သူ အောင်သန်း ရှင်သာမဏေဘောင်သို့ ၀င်သောအခါ၌ ဘုန်းကြီးကျောင်းနေ သံဃာတို့ဘ၀ကို သဘောကျ၍ ပေလား၊ ရှင်လောင်းများစီးသည့် ကကြိုးတန်ဆာ ဆင်ရင်ထားသော မြင်းဖြူလေးကို သဘောကျ၍လားမသိ၊ အောင်ဆန်းက သူလည်း ရှင်ပြုချင်ပါသည်ဟု ဆိုလာပါတော့သည်။ လိမ္မာပါးနပ်သော အမေက အခွင့်ကောင်း ကို ချက်ချင်းယူ၍ ရှင်မပြုမီ စာရေးစာဖတ်တတ်ရန် လိုမည်ဟု ထောက်ပြလိုက်ပါသည်။

ကျောင်းစတက်သည်ဆိုသည်နှင့် အောင်ဆန်းသည် ထူးချွန်သော ကျောင်းသားတဦးဖြစ်ကြောင်း ပေါ်လွင်လာ ပါသည်။ စာကြိုးစား၍ စည်းကမ်းရိုသေပြီး အတန်းထဲတွင် အစဉ်ထိပ်တန်းက ရှိနေခဲ့ပါသည်။ အောင်ဆန်း၏ ပထမကျောင်းမှာ နတ်မောက် ဦးသောဘိတ ဘုန်းတော်ကြီးကျောင်းပင်ဖြစ်ပါသည်။ လောကုတ္တရာပညာသာ မက ခေတ်သစ်ပညာရပ်အချို့ကိုပါ သင်ကြားပေးသော ထိုစဉ်အခေါ် လောကဓာတ်ကျောင်းမျိုးဖြစ်ပါသည်။သို့သော် နတ်မောက်ကျောင်းတွင် အင်္ဂလိပ်စာ သင်ကြားပေးခြင်းမရှိပေ။

ထိုအချိန်က အထက်တန်းပညာသင်ကြားရာ၌ လိုအပ်ချက်တခုဖြစ်သော အင်္ဂလိပ်စာကို အကိုကြီးများက သင် ထားပြီးဖြစ်သည့်အတိုင်း အောင်ဆန်းကလည်း တတ်အောင်သင်မည်ဟု စိတ်ပိုင်းဖြတ်ထားလိုက်၏။ သို့ဖြင့် အောင်ဆန်းလည်း ရေနံချောင်း အမျိုးသားကျောင်းသို့ အသက် (၁၃) နှစ်အရွယ်၌ ပြောင်းသွားပါသည်။ သား ထွေးလေးကို အိမ်မှ ခွဲခွာမသွားစေလိုသော ဒေါ်စုထံမှ ရေနံချောင်းကျောင်းတက်ခွင့်ရရန်အောင်ဆန်း အစာ ငတ်ခံဆန္ဒပြပွဲလေးတခုကို ဆင်နွှဲခဲ့ရပါသေးသည်။

ရေနံချောင်းရောက်သောအခါ ကျောင်းတွင် ဆရာတဦးအဖြစ် အလုပ်လုပ်နေသော အကိုကြီး ဦးဘ၀င်း၏ ထိန်းကျောင်းစောင့်ရှောက်မှုအောက်တွင် နေခဲ့ရသည်မှာ အောင်ဆန်းအတွက် လွန်စွာမှ ကံကောင်းပါသည်။ ဦးဘ၀င်းသည် ညီငယ်လေး၏ ပညာရေး၊ စားဝတ်နေရေး၊ အထွေထွေကောင်းမွန်တိုးတက်ရေးတို့ကို စည်း ကမ်းရှိရှိ၊ ဆင်ဆင်ခြင်ခြင် အထူးဂရုစိုက်ခဲ့၏။ ညီဖြစ်သူကလည်း ပညာရေးဖက်တွင် အားကောင်းကြောင်း ဆက်လက်ပြသကာ အသက် (၁၅) နှစ်အရွယ်၌ သတ္တမတန်းစာမေးပွဲတွင် ဗုဒ္ဓဘာသာစာသင်ကျောင်းများနှင့် အမျိုးသားကျောင်းများ၌ ပထမစွဲသူများအား ချီးမြှင့်သော ဦးရွှေဘို ရွှေတံဆိပ်နှင့် ပညာသင်ထောက်ပံ့ကြေး ဆုကို ရရှိခဲ့၏။

အမျိုးသားကျောင်းများမှာ ၁၉၂၀ ခုနှစ် ရန်ကုန်တက္ကသိုလ် အက်ဥပဒေဆန့်ကျင်သပိတ်မှ ထွက်ပေါ်လာခြင်း ဖြစ်ပါသည်။ ထိုအက်ဥပဒေသည် အခွင့်ထူးခံ လူနည်းစုလေးကိုသာ အထက်တန်းပညာ သင်ကြားခွင့်ပေးရန် ရည်ရွယ်သည်ဟု ဆန့်ကျင်သူများကယူဆခဲ့ပါသည်။ အမျိုးသားကျောင်းများသည် မြန်မာလူငယ်တို့အား သူတို့ ၏ ကိုလိုနီလက်အောက်ခံ ဘ၀အခြေအနေကို နိုင်ငံရေးအသိတရားအရ ခံစားနားလည်စေပြီး၊ ထိုဘ၀မှ လွတ် မြောက်လိုစိတ်များ အသည်းနှလုံးအတွင်းမှ ဖြစ်ပေါ်လာရန် ကျိုချက်ပေးလိုက်သော နေရာများသဖွယ်ဖြစ်ပါ သည်။

မိမိ၏နိုင်ငံကို လူမျိုးခြားတို့အုပ်ချုပ်မှုအောက်မှ လွတ်မြောက်အောင် ဆောင်ရွက်လိုသောဆန္ဒသည် ရေနံ ချောင်းအမျိုးသားကျောင်း မတက်မီကာလကပင် အောင်ဆန်း၏ စိတ်တွင် ကိန်းအောင်းနေခဲ့ပုံရပါသည်။ က လေးဘ၀က ဗြိတိသျှတို့အား ပုန်ကန်မောင်းထုတ်ရန် နည်းအမျိုးမျိုးကို ကြံစည်စဉ်းစားခဲ့ပုံ၊ တခါတရံ ပြဒါးရှင် လုံးကဲ့သို့သော တန်ခိုးသိဒ္ဓိရှင်ပစ္စည်းများ အကူအညီဖြင့် မြန်မာပြည်လွတ်မြောက်ရေးကိုရယူရန် စိတ်ကူးယဉ် ခဲ့ပုံအကြောင်းကို သူ၏ ကိုယ်ရေးအတ္ထုပ္ပတ္တိဆောင်းပါးတွင်ရေးသားထားပါသည်။

အမျိုးသားကျောင်း၌ နေစဉ်အတွင်း နိုင်ငံရေးလောက၌ နာမည်ကြီးသော ပုဂ္ဂိုလ်များ၏ မိန့်ခွန်းများကို စိတ်ဝင် စားလာပြီး စကားရည်လုပွဲများတွင်လည်း ပါဝင်ဆင်နွှဲခဲ့၏။ သူ၏ ဟောပုံပြောပုံမှာ အားတက်စရာမဟုတ်သော် လည်း ကိုင်တွယ်ရမည့် အကြောင်းအရာနှင့်ပတ်သက်၍ သေချာစေ့စပ်စွာ ပြင်ဆင်ထားခြင်း၊ ယုံကြည်ချက် အပြည့်အ၀ရှိခြင်းတို့ကြောင့် အဟောကောင်း၊ အပြောကောင်းဟူ၍ နာမည်ရခဲ့၏။

ကျောင်းဂျာနယ် စာတည်းအဖြစ်လည်းဆောင်ရွက်ခဲ့၏။ ထိုကဲ့သို့ စာသင်ခန်းပြင်ပလုပ်ငန်းများတွင်ပါဝင်သော် လည်း တယောက်တည်း အတွေးနယ်ထဲ နစ်မြုပ်နေတတ်ခြင်း၊ နေပုံထိုင်ပုံထောင့်မကျိုးခြင်းတို့ကြောင့် အောင် ဆန်းကို လူ့ဂွစာ လူထူးလူဆန်းအဖြစ် ကျောင်းနေဖက်များက မြင်ကြပါသည်။ ၁၉၃၂ ခုနှစ်တွင် တက္ကသိုလ်ဝင် စာမေးပွဲ၌ မြန်မာစာ၊ ပါဠိဘာသာဂုဏ်ထူးများဖြင့် “အေ” အဆင့်မှ အောင်မြင်ကာ ရန်ကုန်တက္ကသိုလ်သို့ ပ ညာဆက်သင်ရန် ရောက်သွားပါသည်။

အောင်ဆန်း ရန်ကုန်တက္ကသိုလ်သို့ ရောက်လာသည့်နှစ်သည်ကား ဆရာစံသူပုန်ကို ဗြိတိသျအစိုးရက ချေမှုန်း ကာ ခေါင်းဆောင်များကို သေဒဏ်ပေးခဲ့ပြီး တနှစ်ကြာကာလကပင်ဖြစ်ပါသည်။ တောင်သူလယ်သမားများ ခံစားနေရသော အတိဒုက္ခများမှ ပေါ်ပေါက်လာရသော ပုန်ကန်မှုကို ဗြိတိသျအစိုးရက ရှင်ဘုရင်ဖြစ်လိုသော အယူသည်းသူတယောက် ဦးဆောင်သည့် တောသူတောင်သား ပုန်ကန်မှုမျှသာဖြစ်သည်ဟု သေးသိမ်စေရန် နှိမ်၍ဖော်ပြခဲ့ပါသည်။ သို့သော်လည်း မြန်မာများအနေဖြင့် ကိုယ်ထိလက်ရောက် ပါဝင်ဆင်နွှဲခဲ့သူ မများပြား သော်လည်း ထိုပုန်ကန်မှုအပေါ် အတော်ပင် ဂရုဏာထားကြပါသည်။ ဆရာစံကို စွဲဆောင်နိုင်စွမ်းရှိသူတဦးအ ဖြစ် မမြင်သူများကပင် သူပုန်တို့၏ မျိုးချစ်စိတ်နှင့် သတ္တိပြောင်မြောက်မှုကြောင့် စိတ်လှုပ်ရှားတက်ကြွခဲ့ရပြီး အစိုးရ၏ ရက်စက်ကြမ်းတမ်း တုံ့ပြန်မှုများကြောင့် အရေးနိမ့်သွားရသော သူပုန်တို့ကို များစွာသနားကြင်နာခဲ့ ကြ၏။

ဗြိတိသျှအုပ်ချုပ်မှု အစောပိုင်းကာလတွင် ကျင့်သုံးသော ငြိမ်ဝပ်အေးချမ်းရေးလမ်းစဉ်မှာ အတော်အတန် အောင်မြင်မှုရှိခဲ့သော်လည်း လူမျိုးခြားကြီးစိုးမှုကို မြန်မာများက ကျေနပ်စွာ လက်ခံခြင်းမရှိပါ။ ကိုလိုနီအစိုးရ ပိုမိုခိုင်မြဲလာသည်နှင့် အုပ်ချုပ်သူလူမျိုးခြားတို့၏ ပလွှားမောက်မာသော အမူအကျင့်များနှင့် တိုင်းပြည်အတွက် စစ်မှန်သောကောင်းကျိုးကိစ္စရပ်တို့ကို လျစ်လျူရှုမှုများသည် တိုင်းသူပြည်သားတို့၏ မနှစ်သက် မကျေနပ်စိတ် များကို ဆွပေးသကဲ့သို့ ဖြစ်လာပါသည်။

ပထမဦးစွာပေါ်ထွန်းခဲ့သော အမျိုးသားရေးရာ အဖွဲ့အစည်းများသည် ဗုဒ္ဓဘာသာနှင့် မြန်မာ့ရိုးရာယဉ်ကျေးမှု တည်တံ့ခိုင်မြဲရန်နှင့် သန့်ရှင်းစင်ကြယ်ရန်ကိုသာ ဆောင်ရွက်ကြသည်။ သို့သော် ခေတ်ပညာတတ် မြန်မာလူ ငယ်အရေအတွက် များပြားလာသည်နှင့်အမျှ နိုင်ငံရေးရည်မှန်းချက်များပါ ပေါ်ပေါက်လာပါသည်။ ၁၉၀၆ ခုနှစ် တွင် တည်ထောင်သော ဗုဒ္ဓဘာသာကလျာဏယုဝအသင်း(၀ိုင်အမ်ဘီအေ)သည် နိုင်ငံရေးရာများကို စတင် ကိုင်တွယ်သော အဖွဲ့အစည်းဖြစ်ပြီး ရန်ကုန်တက္ကသိုလ်သပိတ်ကို အောင်မြင်စွာ စည်းရုံးလှုံ့ဆော်ခဲ့ပါသည်။

အမျိုးသားလှုပ်ရှားမှု အရှိန်အဟုန်ရလာသောအခါ ‘၀ိုင်အမ်ဘီအေ’ သည် ၁၉၂၀ ခုနှစ်၌ ‘ဂျီစီဘီအေ’ အသွင် သို့ ကူးပြောင်းသွားပါသည်။ ပထမဦးဆုံး ပေါ်ပေါက်လာသော အမျိုးသားမဟာမိတ်အဖွဲ့ဟု ခေါ်နိုင်ပါသည်။ မြန်မာ့အမျိုးသားရေးရာလှုပ်ရှားမှုကို တိုက်ရည်ခိုက်ရည်သွင်းပေးလိုက်သော ပုဂ္ဂိုလ်မှာ ဆရာတော်ဦးဥတ္တမ ဖြစ်သည်။ ဆရာတော်၏ စိတ်အားထက်သန်သော လွတ်လပ်ရေးတောင်းဆိုမှုတို့ကြောင့် နိုင်ငံတ၀ှမ်းတွင် မျိုး ချစ်စိတ်ဓာတ်ပြင်းပြစွာ တက်ကြွလာပါသည်။ သို့သော်လည်း စုပေါင်းညီညာသော လွတ်လပ်ရေးလှုပ်ရှားမှု ပေါ်ပေါက်စေမည့် အင်အားများမှာ နိုင်ငံရေးအကွဲအပြားများကြောင့်လွင့်စင်သွားရ၏။

၁၉၂၂ ခုနှစ်တွင် (၂၁) ဦးပါတီသည် ဂျီစီဘီအေမှ ခွဲထွက်သွားပြီးနောက်တွင် ထပ်မံကွဲကြပြန်သဖြင့် ၁၉၂၀ ခု နှစ်များ ကုန်ဆုံးခါနီးတွင် အဖွဲ့အစည်း (၃) ဖွဲ့ ဖြစ်သွားပါတော့သည်။ ၁၉၃၀ ခုနှစ်များ၏ အစပိုင်းကာလတွင်မူ ဗြိတိသျှအုပ်ချုပ်မှုအောက်တွင် မြန်မာနိုင်ငံနှင့် အိန္ဒိယနိုင်ငံတို့ ပူးတွဲထားသင့်၊ မထားသင့် ဟူသော “ခွဲရေး-တွဲရေး” ကိစ္စအပေါ် မြန်မာနိုင်ငံရေးသမားများ စိတ်ဝင်စားစွာ အငြင်းပွားကြသည်ကို တွေ့ရပါသည်။

ထိုနိုင်ငံရေးသမားများအနက် အချို့မှာ ဆရာစံသူပုန်တို့အား ဗြိတိသျှအစိုးရက ခုံရုံးတင်စစ်ဆေးရာ၌ သူပုန် များဘက်မှ ခုခံကာကွယ်ပေးခဲ့သဖြင့် ထင်ပေါ်ကျော်ကြားလာသူများဖြစ်ပါသည်။ တချိန်တည်းမှာပင် ငြိမ်၍ ခေါင်းငုံ့ခံသည့်ကာလမှာလည်း ဆုံးခန်းသို့ ဦးတည်လာကာ ထိုးနှက်တိုက်ခိုက်ခြင်း သဘောဆောင်သော နည်းဗျူဟာများသုံးစွဲရန် တွန့်ဆုတ်လိမ့်မည်မဟုတ်သော အမျိုးသားရေးစိတ်ဓာတ်ရှိသည့် မျိုးဆက်သစ်များ လည်း နိုင်ငံရေးဇာတ်ခုံပေါ်သို့ ရောက်ရှိလာပါသည်။

အသက် (၁၈) နှစ်အရွယ် အောင်ဆန်းသည် ခပ်ရိုင်းရိုင်း အညာသားကလေးပင်ဖြစ်ပါသည်။ မိမိတို့ကိုယ်မိမိတို့ လူ့မလိုင်ဟု အထင်ရောက်နေကြပြီး ကြော့ရှင်းဝံ့ကြွားစွာ ၀တ်ဆင်နေထိုင်ကြသော ရန်ကုန်တက္ကသိုလ် ကျောင်းသားများ အသိုင်းအ၀ိုင်းတွင် မျက်နှာထားရှုသိုးသိုးနှင့် အ၀တ်အစား ပိုသီပတ်သီဝတ်ဆင်သော အောင်ဆန်းသည် အံမ၀င်ဂွင်မကျ ဖြစ်နေ၏။ ထို့အပြင် သူ့ထက်သိမ်မွေ့ပါးနပ်သော ကျောင်းနေဖက်များ၏ ဝေဖန်နောက် ပြောင်မှုကိုလည်း ဂရုမစိုက်ကြောင်း စောစီးစွာပေါ်လွင်စေခဲ့၏။
အောင်ဆန်း တက္ကသိုလ်ရောက်စ ပထမနှစ်ပတ်တွင် ကျောင်းသားသမဂ္ဂမှ စကားရည်လုပွဲတရပ် ကျင်းပပါ သည်။ ထိုစကားရည်လုပွဲအပြီး၌ အောင်ဆန်းသည် ပရိသတ်အကြားမှထကာ သူ့အကို အောင်သန်း တင်သွင်း သော “ဘုန်းတော်ကြီးများ နိုင်ငံရေးမလုပ်သင့်”ဟူသည့် အဆိုကို ထောက်ခံလိုက်ပါသည်။ ဤသည်မှာ မိသား စုသွေးစည်းရေး သဘောဆောင်သည့် အပြုအမူမဟုတ်ပါ။ ယုံကြည်ချက်အရ လုပ်ဆောင်လိုက်ခြင်း ဖြစ်ပါ သည်။

အောင်ဆန်း အင်္ဂလိပ်စကားပြောရာတွင် အသံထွက် အမှားမှားအယွင်းယွင်း ကို့ယို့ကားရား ချောမွေ့ပြေပြစ် ခြင်း မရှိသောကြောင့် သူ့စကားများမှာ နားမလည်နိုင်သလောက်ပင်ဖြစ်၏။ ပရိသတ်က ပြောင်လှောင်သရော် အော်ဟစ်ကြသဖြင့် အကိုဖြစ်သူ အတော်ပင်အနေရခက်သွား၏။ အောင်ဆန်းကမူ ကြောက်ရွံ့၍ အသံပျောက် သွားခြင်းမရှိ။ ကဲ့ရဲ့သံများ၊ မြန်မာစကားနှင့်သာပြောရန် ရိုင်းရိုင်းစိုင်းစိုင်း အော်ဟစ်သံများကို လျစ်လျူရှုကာ အဆင့်အတန်းမမီသော သူ့အင်္ဂလိပ်စကားကို ပါဠိအသုံးအနှုန်းများဖြင့် ဖြည့်စွက်၍ သူပြောလိုရာအားလုံးကို ပြီးဆုံးအောင် ဆက်လက်ပြောဆိုသွားပါသည်။

ထိုပထမစကားရည်လုပွဲ အဖြစ်အပျက်သည် နောင်အတွက် အစဉ်အလာတရပ် ချမှတ်ပေးလိုက်သကဲ့သို့ ဖြစ် သွားပါသည်။ ပရိသတ်က ကဲ့ရဲ့ရှုတ်ချနေသည့်ကြားကပင် သူပြောလိုရာကို အင်္ဂလိပ်စကားနှင့်ပြောခြင်း၊ သုန် သုန်မှုန်မှုန် နေတတ်ခြင်းတို့ကြောင့် သူသည် အူကြောင်ကြောင်နိုင်သော အရူးတယောက်ဟူ၍ပင် နာမည်ရခဲ့ ၏။

သို့သော် အောင်ဆန်းသည် အဝေဖန်ခံရမည်ကို ကြောက်ရွံ့ပြီး သူလုပ်ကိုင်ရန် ဆုံးဖြတ်ထားသောကိစ္စများကို မလုပ်ဘဲနေမည့် လူမျိုးမဟုတ်ပါ။ ခေတ်ပြိုင်ကမ္ဘာတွင် အင်္ဂလိပ်စကား အရေးပါပုံကို သိရှိနားလည်သဖြင့် အင်္ဂ လိပ်စကားကို ပိုင်ပိုင်နိုင်နိုင်သုံးစွဲနိုင်ရန် သူ ကြိုးစား၏။ အင်္ဂလိပ်စာအုပ်များကို သဲကြီးမဲကြီးဖတ်ခြင်း၊ အခြား သူများ ပြောပုံဆိုပုံကို နားထောင်လေ့လာခြင်း၊ အင်္ဂလိပ်စာသင်ကျောင်းတွင် ပညာဆည်းပူးခဲ့သူ မိတ်ဆွေရင်း တဦးထံမှ အကူအညီယူခြင်း စသည်တို့ဖြင့် ဘုန်းကြီးကျောင်းထွက် အညာသားတဦးအတွက် ထူးခြားလောက် သော အင်္ဂလိပ်စကားကျင်လည်မှုကို သူရရှိလာ၏။

ထိုပထမစကားရည်လုပွဲတွင် အောင်ဆန်း ထောက်ခံခဲ့သောအဆိုမှာ သူ၏ ရေရှည်ယုံကြည်ချက်တရပ်အား ဖော်ထုတ်ခဲ့ခြင်းဖြစ်သည်ကို သတိမူသင့်ပါသည်။ ထိုယုံကြည်ချက်မှာ သံဃာတော်များ နိုင်ငံရေးတွင် ၀င် ရောက်လုပ်ကိုင်ခြင်း မပြုသင့်ကြောင်းပင်ဖြစ်ပါသည်။ မကွယ်လွန်မီ တနှစ်ကျော်ခန့်က ပြောကြားခဲ့သော ရွှေ တိဂုံစေတီတော် အလယ်ပစ္စယံညီလာခံမိန့်ခွန်း၌ “ဘာသာရေးနှင့် နိုင်ငံရေးကို ရောစပ်ပါမူ ဘာသာရေး၏ သဘောတရားကို ဆန့်ကျင်ရာရောက်ပေ၏”ဟု ပြောခဲ့၏။ ရဟန်သံဃာများအား “အရှင်ဘုရားတို့က သာသ နာတော်ရောင် ထွန်းပြောင်အောင် အားထုတ်တော်မူကြပါ – ကမ္ဘာသူကမ္ဘာသားတို့ မေတ္တာတရားပွားများ၍ သမစိတ္တနှင့် ညီရင်းအကို မောင်ရင်းနှမကဲ့သို့ နေနိုင်ကြပါလိမ့်မည် -- ဤကဲ့သို့ဆောင်ရွက်မှုသည် သာသနာ ဖက်ကသာကြည့်၍ မြင့်မြတ်သည်မဟုတ်ပါ၊ တပည့်တော်တို့၏ နိုင်ငံနှင့် လူမျိုးအတွက် အမြင့်မြတ်ဆုံးသော နိုင်ငံရေးကို ဆောင်ရွက်ရာရောက်ပါသည်ဘုရား” စသဖြင့် လျှောက်ထားခဲ့ပါသည်။

အများက နိုင်ငံသတ္တ၀ါ ပကတိအဖြစ်ဖြင့်မြင်ကြသော အောင်ဆန်းမှာ စင်စစ်တွင် ဘာသာရေး၌ လေးနက်စွာ တသက်လုံး စိတ်ဝင်စားသူပင် ဖြစ်ပါသည်။ ရေနံချောင်း၌ ကျောင်းတက်နေစဉ် ဖခင်ကွယ်လွန်သွားသဖြင့် ၀မ်းနည်းကြေကွဲကာ ရဟန်းဘောင်ဝင်ရန်ပင် စိတ်ကူးခဲ့ပါသည်။ တက္ကသိုလ်ရောက်စအချိန်ကလည်း အီတလီ လူမျိုး ဗုဒ္ဓဘာသာဘုန်းတော်ကြီး ဦးလောကနန္ဒကို ကြည်ညိုလေးစားလှသဖြင့် ဆရာတော်နှင့် အတူလိုက်ပြီး သာသနာပြုလုပ်ငန်းများ ဆောင်ရွက်ရန် မိခင်ထံ အခွင့်တောင်းဖူး၏။ အခွင့်ကား မရခဲ့ပေ။ သို့သော် လော ကုတ္တရာကိစ္စများကို အောင်ဆန်း ဆက်လက်၍ ဂရုတစိုက်အလေးထားပါသည်။

နိုင်ငံရေးလောကထဲသို့ ခြေစုံပစ်ဝင်ပြီးနောက်ပိုင်း၌ပင် သူနှင့် အရင်းနှီးဆုံး မိတ်ဆွေတဦးအား သူ၏ “သစ္စာတ ရားနှင့် လုံးဝအပြစ်ကင်းစင်မှု ရှာပုံတော်ဘ၀ခရီး” အကြောင်းနှင့် ကာယကံ၊ ၀စီကံ၊ မနောကံအရ ရိုးဖြောင့်နိုင် ရန် သတိပြုကြိုးပမ်းနေကြောင်းတို့ကို စာရေး၍ ရှင်းပြဖူးပါသည်။ ခေတ်လူငယ် စိတ်ပိုင်းဆိုင်ရာ အသိတရား ခေါင်းပါးနေသည်ကို စိုးရိမ်မိကြောင်း၊ လောကဒဏ်လှိုင်းများကို ကြံ့ကြံ့ခိုင် ရင်ဆိုင်တွန်းလှန်နိုင်စွမ်းမရှိပါက ထိုအသိတရားများ လုံးဝကွယ်ပျောက်ပြီး စိတ်ဓာတ်ဗလ မွဲပြာကျသောအဖြစ်သို့ ရောက်ရှိသွားမည်ကို စိုးရိမ်ပူ ပန်မိကြောင်း စသဖြင့်လည်း ရေးသားထားပါသည်။

ကျောင်းသားနိုင်ငံရေးနှင့် သခင်များ

ကိုအောင်ဆန်း ကျောင်းသားနိုင်ငံရေးတွင် ပါဝင်မှုမှာ အစ၌ ခပ်ဖြေးဖြေး မှန်မှန်သာဖြစ်သော်လည်း ၁၉၃၅ ခုနှစ်နောက်ပိုင်း၌ အရှိန်အဟုန် မြင့်မားလာ၏။ ထိုအချိန်တွင် သူသည် ကိုနု၊ ကိုလှဖေ (နောင် ဗိုလ်လင်္ကျာ)၊ ကိုသိန်းဖေ၊ ကိုကျော်ငြိမ်း၊ ကိုရာရှစ်ကဲ့သို့သော ပုဂ္ဂိုလ်များနှင့်အတူ စတင်လုပ်ကိုင်နေပြီး မြန်မာ့လွတ်လပ်ရေး လှုပ်ရှားမှုတွင် ထင်ရှားလာမည့် ထိုလူငယ်များနှင့် အောင်ဆန်းတို့ လက်တွဲကာ ကျောင်းသားများ အတော်ပင် ဂရုပြုရမည့် နိုင်ငံရေးအင်အားစုတစုဖြစ်လာအောင် စည်းရုံးပါသည်။

ကိုအောင်ဆန်းတို့လူစုသည် အာဏာပိုင်အလိုတော်ရိများ လွှမ်းမိုးထားသော တက္ကသိုလ်ကျောင်းသားသမဂ္ဂကို ထိုးထွင်းဝင်ရောက်နိုင်ရန် ကြိုးပမ်းခြင်းဖြင့် စတင်လှုပ်ရှား၏။ ပထမတွင် အောင်မြင်မှုသိပ်မရှိခဲ့ပေ။ ၎င်းးတို့အ ထဲမှ ကိုကျော်ငြိမ်းနှင့် ကိုသိန်းဖေတို့သာ သမဂ္ဂအမှုဆောင်များအဖြစ် အရွေးချယ်ခံရသည်။ သို့သော် နောက် ပိုင်းတွင် ထက်သန်သော အမျိုးသားရေးစိတ်ဓာတ်နှင့် ဇွဲလုံ့လတို့၏ အကျိုးအမြတ်များ ထွန်းကားလာ၏။ တက္က သိုလ်ကျောင်းသားများ၏ စိတ်နေစိတ်ထားလည်း ပြောင်းလာ၏။ လှုပ်ရှားတက်ကြွသော ပြည်ချစ်စိတ်လွှမ်းမိုး လာ၏။ ၁၉၃၅-၃၆ စာသင်နှစ်အတွင်း ကျောင်းသားသမဂ္ဂအမှုဆောင် ရွေးကောက်ပွဲတွင် အဓိကနေရာအား လုံး အမျိုးသားရေးစိတ်ဓာတ် ထက်သန်သောလူငယ်များက ရရှိသွားကြ၏။ ကိုအောင်ဆန်းသည် အမှုဆောင် အဖွဲ့ဝင်တဦးအဖြစ် အရွေးခံရပြီး သမဂ္ဂမဂ္ဂဇင်း၏ အယ်ဒီတာလည်း ဖြစ်လာပါသည်။
သမဂ္ဂမဂ္ဂဇင်း “အိုးဝေ”တွင် “ငရဲခွေးကြီး လွတ်နေပြီ”ဟူသော ဆောင်းပါးကို ထည့်သွင်းခဲ့ခြင်းသည် ကျယ် ပြန့်စွာထိရောက်မှုရှိခဲ့သည့် ၁၉၃၆ ခုနှစ် တက္ကသိုလ်ကျောင်းသားသပိတ်ကို သွယ်ဝိုက်သောနည်းဖြင့် လှုံ့ဆော် ပေးခြင်းပင် ဖြစ်ပါသည်။ ဤဆောင်းပါးသည် တက္ကသိုလ်အရာရှိတဦးအား ပုတ်ခတ်တိုက်ခိုက် ရေးသားထား ခြင်းဖြစ်သည်ဟု အာဏာပိုင်များက ယူဆကာ ဆောင်းပါးရှင်အမည်ကို ဖော်ထုတ်ရန် အယ်ဒီတာ ကိုအောင် ဆန်းအား တောင်းဆိုလာတော့၏။

ကိုအောင်ဆန်းကလည်း ယင်းကဲ့သို့ဖော်ထုတ်ခြင်းသည် သတင်းစာဆရာကျင့်ဝတ်နှင့် ကိုက်ညီမည်မဟုတ်ဟု ဆိုကာ ငြင်းဆန်လိုက်၏။ အာဏာပိုင်များက ယခုကဲ့သို့ ငြင်းဆန်မှုကို အခွင့်ကောင်းယူပြီး ကိုအောင်ဆန်းအား ကျောင်းမှထုတ်ပယ်လိုက်တော့၏။ မကြာသေးမီကပင် ကိုနုသည်လည်း ကျောင်းအုပ်ကြီးအား ပစ်ပစ်ခါခါ ဝေ ဖန်မှုဖြင့် ကျောင်းထုတ်ခံခဲ့ရသောကြောင့် ကျောင်းသားများထဲတွင် မကျေနပ်မှု၊ ဒေါသထွက်မှု ပို၍များပြားလာ လေသည်။ သို့ဖြင့် သပိတ်မှောက်ရန် ဆုံးဖြတ်ကြပါတော့သည်။

တက္ကသိုလ်စာမေးပွဲများစစ်ချိန် ဖြစ်လေရာ ဤဆုံးဖြတ်ချက်မှာ အထူးလေးနက်သည့် ကိစ္စတရပ်ဖြစ်ပါသည်။ သပိတ်သတင်းမှာ ချက်ချင်းပင် ဟိုလေးတကျော်ဖြစ်သွားလေသည်။ သတင်းစာများနှင့်တကွ တနိုင်ငံလုံးက သပိတ်မှောက်ကျောင်းသားများကို ကြင်နာစွာ ထောက်ခံကြပါသည်။ ဤကဲ့သို့ အများထောက်ခံမှုကို ရယူနိုင် ခြင်း၊ လေးစားလောက်အောင် စီမံကွပ်ကဲနိုင်ခြင်း၊ စည်းကမ်းရှိခြင်း စသည်တို့ကြောင့် ကျောင်းသားများ၏ လုပ်ရည်ကိုင်ရည်နှင့် ကျောင်းသားအင်အား၏ တန်ခိုးအာနိသင်ကို လူကြီးပိုင်း နိုင်ငံရေးသမားများ အသိအ မှတ်ပြုလာကြရသည်။ အစိုးရအနေဖြင့်လည်း သပိတ်မှောက်သူများ၏ မကျေနပ်ချက်များကို လေးနက်စွာ မ စဉ်းစား၍ မဖြစ်တော့ပါ။ နောက်ဆုံး၌ နိုင်လူမင်းထက်ပြုတတ်သော ကျောင်းအုပ်ကြီးမှာ အငြိမ်းစားယူလိုက်ရ ၏။ တက္ကသိုလ်အက်ဥပဒေတွင် ကျောင်းသားများထည့်သွင်းလိုသော ပြင်ဆင်ချက်များကို လေ့လာရန် ကော်မ တီတရပ်ကိုလည်း ဖွဲ့စည်းလိုက်ရပြီး အရေးမပါလှသော တောင်းဆိုချက်များကိုမူ လိုက်လျောလိုက်လေသည်။

လူငယ်အမျိုးသားရေးဝါဒီများ၏ နိုင်ငံရေးဖွံ့ဖြိုးတိုးတက်မှုတွင် အရေးကြီးသည့် မှတ်တိုင်တတိုင်ဖြစ်သော ၁၉၃၆ ခုနှစ်သပိတ်ကြောင့် ကိုအောင်ဆန်းသည်လည်း ကျောင်းသားခေါင်းဆောင်တဦးအဖြစ်လူသိများလာ ပါသည်။ သူ့ဂုဏ်သိက္ခာလည်း အရှိန်မှန်မှန်မြင့်မားလာပြီး ရန်ကုန်တက္ကသိုလ်ကျောင်းသားသမဂ္ဂနှင့် သပိတ် မှောက်ပြီးနောက် တည်ထောင်ခဲ့သော မြန်မာနိုင်ငံလုံးဆိုင်ရာ ကျောင်းသားသမဂ္ဂတို့၏ အမှုဆောင်အဖွဲ့များ တွင်လည်း တဆင့်ထက်တဆင့် ပိုမိုအရေးပါသော အမှုဆောင်နေရာများတွင် တာဝန်ထမ်းဆောင်ရ၏။
၁၉၃၈ ခုနှစ်တွင် သမဂ္ဂနှစ်ရပ်စလုံး၏ ဥက္ကဋ္ဌဖြစ်လာပါသည်။ ထိုအချိန်၌ ကိုအောင်ဆန်း တက္ကသိုလ်မှ ၀ိဇ္စာဘွဲ့ ရပြီး၍ ဥပဒေ၀ိဇ္စာတန်းတွင် တက်ရောက်နေ၏။ ထိုကဲ့သို့ ဥပဒေတန်းဆက်တက်နေခြင်းမှာ တက္ကသိုလ်တွင် ဆက်လက်နေထိုင်လှုပ်ရှားနိုင်ခွင့်ရရှိရန်ဟူသော အကြောင်းလည်း ပါဝင်ပါသည်။ ဖြောင့်မတ်တည်ကြည်ခြင်း၊ ဇွဲလုံ့လကြီးခြင်း၊ အလုပ်လုပ်နိုင်စွမ်းရှိခြင်း စသည်တို့ကြောင့် ကိုအောင်ဆန်းအနေဖြင့် လေးစားခြင်းခံရသော် လည်း အခြားကျောင်းသားခေါင်းဆောင်များကဲ့သို့ ယဉ်ကျေးသိမ်မွေ့၍ ဆက်ဆံရေးပြေပြစ်ခြင်းမရှိသော လူ့ဂွ စာတဦးပင် ဖြစ်ပါသည်။

သုန်သုန်မှုန်မှုန်နေတတ်ခြင်း၊ မသပ်ရပ်ခြင်း၊ စိတ်မပါလျှင် သူတပါး အနေရကြပ်လောက်အောင် တုံဏှိဘာဝေ နေတတ်ခြင်း၊ စိတ်ပါပြန်တော့လည်း သူတပါး မခံနိုင်လောက်အောင် စကားဖောင်ဖွဲ့ခြင်းနှင့် အခြားထောင့်မ ကျိုးသော အမူအကျင့်တို့ကြောင့် ကိုအောင်ဆန်း မကြာခဏ အဝေဖန်ခံရပါသည်။ သူကိုယ်တိုင်လည်း “ရံဖန် ရံခါ လူ့ယဉ်ကျေးများနှင့် အသားမကျခဲ့ချေ၊ မျက်စေ့နောက် မြင်ပြင်းကပ်လာသည်။ ထိုအခါ လူ့ယဉ်ကျေးများ နှင့် ငါ လူရိုင်းဟု ဇာတိခွဲပစ်ချင်သည့် စိတ်များရှိလာသည်” ဟု ရေးသားခဲ့ဖူး၏။ သို့သော် လူရိုင်းများကို အောင် ဆန်းမြင်ပုံမှာ စိတ်ကူးယဉ်ဆန်၏။ ရိုးဖြောင့်တည်ကြည်၊ ကျန်းမာသန်စွမ်းပြီး၊ လွတ်လပ်ချမ်းသာစွာ နေထိုင်သူ များဟု သူက အမွှန်းတင်ထားခြင်းပင်ဖြစ်ပါသည်။

၁၉၃၈ ခုနှစ်တွင် ကိုအောင်ဆန်းသည် ၁၉၃၀ ခုနှစ်တွင် ဒို့ဗမာအစည်း အရုံးထဲသို့ ၀င်ရောက်လှုပ်ရှားနိုင်ရန် တက္ကသိုလ်မှ ထွက်လိုက်ပါသည်။ ထိုအစည်းအရုံးသည် အမျိုးသားရေး စိတ်ဓာတ်ပြင်းပြ၍ နုပျိုတက်ကြွသည့် အခြေခံလက္ခဏာရှိပြီး အစည်းအရုံးခေါင်းဆောင်များသည် သက်ကြီး နိုင်ငံရေးသမားများနှင့်မတူ တမူထူးခြားကြပါသည်။ မျိုးချစ်အရေးတော်ပုံ၌ ဘ၀ကိုမြှုပ်နှံရန် အာသီသပြင်းထန် နေသော ခေတ်သစ်ပညာတတ်လူငယ်များက ထိုသက်ကြီးနိုင်ငံရေးသမားများသည် ရဲသင့်သည်လောက်မရဲ၊ မြန်မာဆန်သင့်သည်လောက်မဆန်၊ အခြေခံမှ ပြောင်းလွဲမှုများလုပ်ရန် ဆန္ဒရှိသင့်သည်လောက်မရှိ၊ ငယ်ရွယ် သင့်သလောက်လည်း မငယ်ရွယ်ဟု ယူဆကြပါသည်။

ဒို့ဗမာအစည်းအရုံးဝင်များကို လူတိုင်းက ကြိက်ကြသည်တော့မဟုတ်ပါ။ အချို့က သူတို့ကို ကလေကချေ ပြ ဿနာရှာနေသော လူမိုက်လူဆိုးလေးများဟူ၍ အထင်သေးပြီး၊ အမည်ရှေ့တွင် ‘သခင်’တပ်၍ ခေါ်ဝေါ်ခြင်းကို ကြီးကျယ်သည်၊ မလုပ်သင့်မလုပ်ထိုက်ဟု ဝေဖန်ကြပါသည်။ ဗြိတိသျှအုပ်ချုပ်ရေးသမားများကို လက်အောက် ခံဖြစ်နေသော ဗမာတို့က ‘သခင်’ ဟု ခေါ်လေ့ခေါ်ထရှိရာ၊ ဗမာများသည် ကျွန်မျိုးမဟုတ် ကိုယ့်ကိုကိုယ် အုပ်စိုးနိုင်သည့် မွေးရာပါအခွင့်အရေးရှိသူများဖြစ်ကြောင်းကို ရှင်းရှင်းလင်းလင်း ရဲရဲတင်းတင်း ဖေါ်ပြသည့်အနေ နှင့် အစည်းအရုံးဝင်များက ‘သခင်’ ဘွဲ့ကို သုံးစွဲခြင်း ဖြစ်ပါသည်။

အတွင်းသဘောထား မတိုက်ဆိုင်မှုများကြောင့် ဒို့ဗမာအစည်းအရုံး နှစ်ခြမ်းကွဲသွားပါသည်။ သခင်အများစုပါ ၀င်သည့် အပိုင်းကို ခေါင်းဆောင်သူမှာ မြန်မာ့စာပေနှင့် နိုင်ငံရေးလောကတွင် အထင်ကရပုဂ္ဂိုလ်ကြီးဖြစ်ပြီး မူလက အစည်းအရုံး၏ နာယကဖြစ်သော ဆရာကြီးသခင်ကိုယ်တော်မှိုင်း ဖြစ်ပါသည်။ ကိုအောင်ဆန်းလည်း သခင်ကိုယ်တော်မှိုင်း ဦးဆောင်သည့် ဒို့ဗမာအစည်းအရုံးဝင်တဦး ဖြစ်လာပါသည်။ ‘မှိုင်းသခင်’ များအနက် ကိုနု၊ ကိုလှဖေနှင့် ကိုသိန်းဖေတို့အပြင် ကျောင်းသားခေါင်းဆောင်များ မဟုတ်ခဲ့သော်လည်း မြန်မာ့နိုင်ငံရေး တွင် ထင်ရှားအရေးပါလာမည့် သခင်သန်းထွန်းနှင့် သခင်စိုးတို့လည်းပါဝင်ပါသည်။ မကြာမီ သခင်အောင်ဆန်း သည် ဒို့ဗမာအစည်းအရုံး အထွေထွေအတွင်းရေးမှူး ဖြစ်လာပြီးနောက် အစည်းအရုံး၏ ကြေညာစာတမ်းကို စီ ရင်ရေးသားခဲ့ပါသည်။

၁၉၃၈-၁၉၃၉ ခုနှစ်များတွင် ‘၁၃၀၀ ပြည့် အရေးတော်ပုံ’ ဟု အမည်တွင်မည့် အရေးအခင်းများ ဖြစ်ပေါ်ခဲ့ပါ သည်။ ရေနံမြေအလုပ်သမားများ ချီတက်ပွဲ၊ တောင်သူလယ်သမားများ ချီတက်ပွဲ၊ ရဲ၏ နံပါတ်တုတ်ဒဏ်ဖြင့် ဗိုလ်အောင်ကျော် ကျဆုံးခဲ့ရသော ကျောင်းသားဆန္ဒပြပွဲ၊ ထိုဖြစ်ရပ်ကြောင့် ပေါ်ပေါက်ရသော နိုင်ငံအ၀ှမ်း ကျောင်းသားသပိတ်များ၊ ဗမာတို့နှင့် အိန္ဒိယအနွယ် မူဆလင်များအကြား ဖြစ်ပွားခဲ့သော အဓိကရုဏ်း၊ အလုပ် သမားများသပိတ်၊ ရဲ၏ လက်ချက်ဖြင့် အာဇာနည် (၁၇) ဦး ကျဆုံးခဲ့သော မန္တလေးဆန္ဒပြပွဲ၊ ဒေါက်တာဘမော် အစိုးရ ပြုတ်ကျသွားခြင်း စသည်တို့ တသီတတန်းကြီး ဖြစ်ပေါ်ခဲ့ပါသည်။

ဤအရေးအခင်းများကြောင့် နိုင်ငံအတွင်း မကြုံစဖူး မငြိမ်မသက် ဆူဆူပွက်ပွက်ဖြစ်လာပြီး အမျိုးသားရေးလှုပ် ရှားမှုများ အရှိန်အဟုန်ပြင်းထန်လာသည်။ သို့သော် ဤမျှစိတ်လှုပ်ရှားဖွယ်ဖြစ်ရပ်များ အကြားကပင် မြန်မာ့ နိုင်ငံရေး၏ ကပ်ကြီးနှစ်ပါးဖြစ်သော ဂိုဏ်းဂဏ၀ါဒနှင့် မနာလိုမုန်းတီးရေးဝါဒတို့၏ ဆိုးဝါးသော အရှိန်သြဇာများ လွှမ်းမိုးလာ၏။ အုပ်စုတအုပ်စု၊ လူတဦးချင်းတို့အနေနှင့် မိမိတို့သာလျှင် အထိ ရောက်ဆုံး၊ မျိုးချစ်စိတ်အထက်သန်ဆုံး၊ အတော်ဆုံးဟူ၍ ဂုဏ်တု၊ ဂုဏ်ပြိုင်လုပ်လိုသော စိတ်ရူး များဝင်ကာ အပြန်အလှန် စွပ်စွဲပုတ်ခတ်မှုများ၊ ခါးသီးမှုများ ပျံ့နှံ့လာလေသည်။

ဂိုဏ်းဂဏစိတ်နှင့် မနာလိုဝန်တိုစိတ်များမှ ကင်းရှင်းသည်ဟု အများက သတ်မှတ်ထားသော လူနည်းစုလေး တွင် သခင်အောင်ဆန်း ပါဝင်၏။ သူသည် လက်ဝဲ၀ါဒများဘက်သို့ယိမ်း၍ ၁၉၃၉ ခုနှစ်တွင် ပေါ်ပေါက်လာ သော အချို့က မာ့က်ဆ်ဝါဒ လေ့လာရေးအုပ်စုဟူ၍လည်းကောင်း၊ အချို့က ပထမဦးဆုံး မြန်မာကွန်မြူနစ်က လပ်စည်းဟူ၍လည်းကောင်း ခေါ်ဝေါ်သည့်အုပ်စုကို တည်ထောင်ခဲ့သူတဦးဖြစ်ပြီး၊ ထိုအုပ်စု၏ အထွေထွေအ တွင်းရေးမှူးအဖြစ် တာဝန်ထမ်းဆောင်ခဲ့၏။ သို့သော် သခင်အောင်ဆန်းသည် ကွန်မြူနစ်ဝါဒကိုသော်လည်း ကောင်း၊ အခြားတင်းကြပ်သော ၀ါဒများကိုသော်လည်းကောင်း၊ မဆင်မခြင် အစွန်းရောက်အမြင်ဖြင့် ယုံကြည် လက်ခံခြင်းမရှိခဲ့ပါ။ ကျယ်ဝန်းထွေပြားသော ဆိုရှယ်လစ်သီအိုရီ အယူအဆအမျိုးမျိုးအနက် သူ့အားဆွဲဆောင် နိုင်သော သဘောတရားများ အတော်အတန်ရှိခဲ့ပါသည်။ သို့သော် သူ၏ အဓိကရည်မှန်းချက်မှာ သူ့တိုင်းပြည် အတွက် လွတ်လပ်ရေးနှင့် စည်းလုံးညီညွတ်ရေး စွမ်းဆောင်ပေးနိုင်မည့် အတွေးအခေါ်များ၊ နည်းဗျူဟာများ ကို လေ့လာသုံးစွဲရန်သာဖြစ်ပါသည်။

၁၉၃၉ ခုနှစ် ဥရောပတိုက်တွင် ဒုတိယကမ္ဘာစစ်မီး စတင်လောင်ကျွမ်းပြီး များမကြာမီ ‘ကိုလိုနီဝါဒအခက်၊ လွတ်လပ်ရေးအချက်’ ဟုမြင်ကာ ‘ထွက်ရပ်ဂိုဏ်းကြီး’ တည်ထောင်နိုင်ရန် သခင်အောင်ဆန်း ကူညီပေးခဲ့ပါ သည်။ ဒေါက်တာဘမော်၏ ဆင်းရဲသားပါတီ၊ ဒို့ဗမာအစည်းအရုံး၊ ကျောင်းသားများနှင့် ပုဂ္ဂလိကနိုင်ငံရေးသ မားများ စုပေါင်းဖွဲ့စည်းလိုက်သော ထို ‘ထွက်ရပ်ဂိုဏ်းကြီး’ သည် သခင်အောင်ဆန်း၏ တီထွင်မှုဖြစ်သည်ဟု သခင်နုက သတ်မှတ်ခဲ့၏။ ‘ထွက်ရပ်ဂိုဏ်းကြီး’ ၏ ပြည်သူလူထုကို တိုက်တွန်းဆော်သြချက်မှာ စစ်ပြီးသည်နှင့် လွတ်လပ်ရေးပေးရန်သဘောတူသော ကတိရမှသာလျှင် ဗြိတိသျစစ်ရေးကြိုးပမ်းချက်များကို ကူညီပံ့ပိုးရမည်။ ဗြိတိသျှအစိုးရအနေနှင့် ထိုကဲ့သို့ကတိကြေညာချက်မပြုပါက စစ်ရေးကြိုးပမ်းချက်များကို အင်တိုက်အားတိုက် ဆန့်ကျင်ရမည်။ တုံ့ပြန်သည့်အနေနှင့် ဗြိတိသျှအစိုးရသည် အမျိုးသားရေးလှုပ်ရှားနေသူအများအပြားကို ဖမ်း ဆီးလိုက်ပါသည်။ ၁၉၄၀ ခုနှစ် ကုန်ဆုံးချိန်၌ သခင်ခေါင်းဆောင် အမြောက်အမြားနှင့် ဒေါက်တာဘမော်တို့မှာ ထောင်ထဲရောက်နေကြပေပြီ။ သခင်အောင်ဆန်းကို ဖမ်းဆီးရန် ၀ရန်းအမိန့်ထုတ်ခဲ့သော်လည်း အချိန်မီသတိ ပေးချက်ရသဖြင့် သူသည် ခြေရာဖျောက်ကာ တိမ်းရှောင်သွားနိုင်ခဲ့သည်။

ဂျပန်နှင့် မဟာမိတ်ဖွဲ့ခြင်း

သခင်အောင်ဆန်းသည် လက်နက်ကိုင်တိုက်ပွဲဆင်နွှဲရန် လိုအပ်ကောင်းလိုအပ်မည်ဟု ယူဆခဲ့သည်မှာ ကာ လအတန်ကြာကပင် ဖြစ်ပါသည်။ ကလေးဘ၀က တိုက်ခိုက်တော်လှန်ရန် စိတ်ကူးယဉ်အိပ်မက်ခဲ့သော်လည်း လွတ်လပ်ရေးကို အခြေခံဥပဒေဘောင်အတွင်းမှ နိုင်ငံရေးနည်းဖြင့် ရယူနိုင်မည့် အလားအလာကို အစဉ်တ စိုက် ပယ်ထားခဲ့သူမဟုတ်ပါ။ တက္ကသိုလ်ကျောင်းသားဘ၀က အစိုးရ၀န်ထမ်း (ထိုစဉ်က အိုင်စီအက်၊ ဘီစီ အက်) စာမေးပွဲဖြေဆိုကာ ၎င်းတို့၏ပညာရှင်ပီသစွာ နိုင်ငံရေးလုပ်ကိုင်မှုနှင့် မျိုးချစ်စိတ်ထက်သန်မှုတို့ကြောင့် သူကိုယ်တိုင်လေးစားသော အိန္ဒိယနိုင်ငံရေးသမားအချို့၏ နမူနာအတိုင်း လုပ်ကိုင်ရန်ကိုလည်း သခင်အောင် ဆန်း စဉ်းစားခဲ့ဖူး၏။ အများသိ ကျောင်းသားခေါင်းဆောင်တဦး ဖြစ်လာပြီးနောက်ပိုင်း၌ ရန်ကုန်တက္ကသိုလ် အင်္ဂလိပ်စာပါမောက္ခအား ပေးပို့သော စာတစောင်တွင် သူသည် ‘ငြိမ်းချမ်းသော တော်လှန်ရေးသမား’ သာ ဖြစ်သည်ဟု ရေးသားခဲ့ကြောင်း ကြားသိရပါသည်။ သို့သော်လည်း မြန်မာနိုင်ငံအတွင်း အရေးအခင်းများ၏ ဒီ ရေလှိုင်းသည် သူ့အား သဘောထားပြောင်းလဲစေခဲ့သည်။ ၁၉၄၀ ခုနှစ်က သူ၏ တွေးခေါ်ပုံကို အောက်ပါအ တိုင်း ရှင်းပြထားပါသည်။

“ကျနော်တဦးချင်းအနေနှင့်ကား ကျနော်တို့၏ အရေးတော်ပုံအတွက် ကမ္ဘာ့ဝါဒဖြန့်မှုနှင့် ကမ္ဘာ့အကူအညီလို သည်မှာ မှန်သော်လည်း အဓိကလုပ်ငန်းမှာ ပြည်တွင်းတွင်သာရှိသည်။ အဓိကလုပ်ငန်းမှာ အမျိုးသားရေး တိုက်ပွဲအတွက် ပြည်သူလူထုကို စည်းရုံးရန်ဖြစ်သည်ဟု ယူဆခဲ့သည်။ ကျနော့်မှာလည်း အကြမ်းဖျဉ်းအစီအ စဉ်တခုရှိခဲ့သည်။ ၎င်းအစီအစဉ်မှာ ဗြိတိသျှနယ်ချဲ့စနစ်ကို တပြည်လုံးတွင် ဆန့်ကျင်ရန်၊ ဤလှုပ်ရှားမှုကို ကမ္ဘာ့အခြေအနေ ဗမာ့အခြေအနေနှင့်အညီ တဆတဆတိုးချဲ့ရန်၊ မြို့နေအလုပ်သမား တောနေအလုပ်သ မားတို့၏ ဒေသအလိုက်သပိတ်များမှစ၍ အထွေထွေသပိတ်များ၊ အခွန်အခပေးရေးသပိတ်များအထိ တိုးချဲ့ ဆင်နွှဲရန်၊ တက်ကြွလာသော ၀ါဒဖြန့်ချိမှုများဖြစ်သည့် လူထုဆန္ဒပြပွဲများ ချီတက်ပွဲများမှစ၍ ပြည်သူတို့၏ အာ ဏာဖီဆန်ရေးတိုက်ပွဲအထိ ဆက်လက်ဆင်နွှဲရန်၊ စီးပွားရေးအရတွင်လည်း ဗြိတိသျှကုန်ပစ္စည်းများကို သပိတ် မှောက်ရာမှစ၍ လူထုနှင့်ချီ၍ အခွန်မပေးရေးတိုက်ပွဲအထိ ဆင်နွှဲရန် စစ်ဖက်အုပ်ချုပ်ရေးဖက်နှင့် ပုလိပ်ဖက် ကင်းစခန်းများ ဆက်သွယ်ရေးလမ်းကြောင်းများကို ပြောက်ကျားနည်းနှင့် ၀င်ရောက်တိုက်ခိုက်၍ ဗမာပြည်အ တွင်း ဗြိတိသျှအုပ်ချုပ်မှုစနစ်ကို လုံးဝသွက်ချာပါဒလိုက်သည်အထိ တိုက်ပွဲဆင်နွှဲရန်၊ ထိုအခါ ကမ္ဘာဖြစ်ပေါ်တိုး တက်မှုနှင့် တပြိုင်နက် နောက်ဆုံးပိတ်အာဏာသိမ်းပွဲကို ဆင်နွှဲရန် အစီအစဉ်ပင်ဖြစ်သည်။ ဗြိတိသျှအစိုးရ၏ လက်နက်ကိုင်တပ်များ၊ အထူးသဖြင့် ဗြိတိသျှလူမျိုးမဟုတ်သော တပ်များသည် ကျနော်တို့ဘက်သို့ ကူး ပြောင်းလာကြလိမ့်မည်ဟုလည်း ကျနော်တွက်ခဲ့သည်။ ဤအစီအစဉ်တွင် ဂျပန်များ ၀င်ရောက်တိုက်ခိုက်မှုကို လည်း မှန်းဆခဲ့သည်။ သို့သော် ဤနေရာတွင် ကျနော်မှာ ရှင်းလင်းသောအမြင် မရှိခဲ့ပေ။ ထိုအခါက ကျနော် တို့အထဲမှ မည်သူမျှ ရှင်းရှင်းလင်းလင်းမရှိခဲ့။ သို့သော် ယခုဖြစ်ပျက်ပြီးသွားသည့်အခါတွင်ကား လူအချို့အနေ နှင့် ကျန်လူများထက်ပို၍ သိမြင်ခဲ့ဟန် ဟန်ဆောင်ကောင်း ဆောင်ကြမည်။)”

အထက်ပါအကြံအစည်များမှာ သူ၏ “ကြီးမားသောအစီအစဉ်” သာဖြစ်ကြောင်း သခင်အောင်ဆန်း ၀န်ခံခဲ့ပါ သည်။ သူ၏ ရဲဘော်ရဲဘက်များတွင် ထိုစီမံကိန်းကို ထောက်ခံသူ မများလှပါ။ ထိုကဲ့သို့မထောက်ခံခြင်းမှာ သ ခင်အောင်ဆန်းအမြင်အရ “ကျနော်တို့မှာ ဓနရှင်ပေါက်စ ဇာတိရှိသူများဖြစ်ရာ စဉ်းစားရာ ပြောဆိုရာတွင် ရဲရင့်သလောက်၊ ပြတ်သားသော ဆောင်ရွက်ချက်ကိုလုပ်ရာ၌ တွန့်ဆုတ်လေ့ရှိကြလေသည်။ ပြည်သူလူထုကို နှိုးဆွရမည့်လုပ်ငန်း ကြာရှည်ခက်ခဲမည်ကိုလည်း စိတ်မရှည်ကြပေ။ ကျနော်တို့အများစုမှာ လူထုတိုက်ပွဲအ ကြောင်း ပြောဟောကြသော်လည်း လူထုတိုက်ပွဲ အကျိုးအာနိသင်ကို သဘောမပေါက်ကြ” စသည်တို့ကြောင့် ပင် ဖြစ်ပါသည်။ သို့သော် သခင်အောင်ဆန်းသည် အမျိုးသားရေးဝါဒီများ ပြောက်ကျားတိုက်ပွဲဆင်နွှဲနိုင်ရန် လက်နက်များရှိရန်လိုသည်ဟူသော ထင်မြင်ချက်ကို အခိုင်အမာ ဆက်လက်ဆုပ်ကိုင်ထားပါသည်။ နောက်ဆုံး တွင် ၎င်းတို့အနက်မှ တဦးဦး မြန်မာပြည်ပြင်ပသို့သွားပြီး အကူအညီ၊ အထောက်အပံ့နှင့် လက်နက်များရှာရန် ဆုံးဖြတ်လိုက်ပါသည်။ “ထိုအခါက ကျနော်တဦးတည်းသာ မြေအောက်၌ နေနေရသောကြောင့် ထိုသို့သွားရန် ကျနော့်ကိုရွေးချယ်ခဲ့ကြလေသည်” ဟု သခင်အောင်ဆန်း မှတ်တမ်းတင်ခဲ့ပါသည်။

၁၉၄၀ ခုနှစ် သြဂုတ်လတွင် သခင်အောင်ဆန်းနှင့် သခင်လှမြိင် (နောင်အခါ ဗိုလ်ရန်အောင်ဟုထင်ရှားသူ)တို့ မြန်မာပြည်မှ ဟိုင်လီအမည်ရှိ သင်္ဘောနှင့် ထွက်ခွာခဲ့ရာ တရုတ်နိုင်ငံ အမွိုင်မြို့ရှိ ‘အပြည်ပြည်ဆိုင်ရာဒေသ’ ဖြစ်သော ကူလန်စုသို့ ရောက်သွားကြပါသည်။ ထိုနေရာ၌ သူတို့နှစ်ဦး လအနည်းငယ်မျှ သောင်တင်နေပြီး တ ရုတ်ကွန်မြူနစ်များနှင့် ဆက်သွယ်ရန် ကြိးစားချက်များလည်း အောင်မြင်ခြင်းမရှိခဲ့ပါ။ တရုတ်ကွန်မြူနစ်များနှင့် အဆက်အသွယ် မလုပ်နိုင်ခဲ့သော်လည်း ဂျပန်ကိုယ်စားလှယ်တဦး သူတို့အား ချဉ်းကပ်ပြီး ဂျပန်တပ်မတော် အရာရှိတဦးဖြစ်သူ ဗိုလ်မှူးကြီးစူဇူကီကေအီဂျီနှင့်တွေ့ရန် တိုကျိုသို့ လေယာဉ်နှင့်ပို့လိုက်ပါသည်။ ထိုဗိုလ်မှူးကြီး သည် နောင်အခါ၌ ‘မြန်မာပြည်လွတ်လပ်ရေးကို ကူညီရန်နှင့် တရုတ်မြန်မာလမ်းမကြီးကို ပိတ်ဆို့ရန်’ ရည် ရွယ်ချက်များနှင့် တည်ထောင်သော မီနာမီကီကန် လျှို့ဝှက်အသင်း၏ ခေါင်းဆောင်အဖြစ် ထင်ရှားမည့်သူဖြစ် ပါသည်။

မြန်မာနိုင်ငံရေးသမားများနှင့် ဂျပန်တို့အကြားအဆက်အသွယ်ရှိခြင်းမှာ အသစ်အဆန်းမဟုတ်ချေ။ ဒေါက်တာ ဘမော်နေရာ၌ ၀န်ကြီးချုပ်ဖြစ်လာသော ဦးစောသည် ဂျပန်ထောက်ပံ့မှုကြောင့် ချမ်းသာကြွယ်ဝလာသူဟူ၍ နာမည်ထွက်ခဲ့ပါသည်။ ဒေါက်တာဘမော်ကိုယ်တိုင်လည်း ‘ထွက်ရပ်ဂိုဏ်း’ အတွက် ဂျပန်တို့ထံမှ အကူအညီ ရှာခဲ့ပါသည်။ ဒေါက်တာဘမော်၏ အစိုးရအတွင်း ၀န်ကြီးတဦးဖြစ်ခဲ့သော ၀ါရင့်နိုင်ငံရေးသမားကြီး ဒေါက်တာ သိမ်းမောင်ကမူ ဂျပန်သို့ အလည်အပတ်သွားရောက်ခဲ့ပြီး ဂျပန်-ဗမာ ချစ်ကြည်ရေးအသင်းကို ရှေ့ဆောင် တည်ထောင်ခဲ့ပါသည်။ ၁၉၄၀ ခုနှစ်လယ်တွင် ဗိုလ်မှူးကြီးစူဇူကီး မြန်မာပြည်သို့ အလည်ရောက်စဉ်က ဒေါက် တာသိမ်းမောင်နှင့် တွေ့ခဲ့၏။ ဤတွေ့ဆုံဆက်သွယ်မှုမှတဆင့် ဂျပန်များက အမွိုင်ရောက် သခင်နှစ်ဦးအား ရှာဖွေတွေ့ရှိနိုင်ခဲ့ခြင်း ဖြစ်ပါသည်။

‘ထွက်ရပ်ဂိုဏ်း’ ၀င်များအနက် ဂျပန်အကူအညီ လက်ခံသင့်၊ မခံသင့်နှင့်ပတ်သက်၍ စိတ်သဘောထားကွဲပြား မှုများ ရှိနေခဲ့ပါသည်။ ကွန်မြူနစ်များ(၎င်းတို့အနက်အထင်ရှားဆုံးမှာ သခင်စိုး၊ သခင်ဗဟိန်း၊ သခင်သန်းထွန်း နှင့် သခင်သိန်းဖေ) က အထူးသဖြင့် ဖက်ဆစ်ဂျပန်နှင့် ပူးပေါင်းဆောင်ရွက်ရေးကို ဆန့်ကျင်ကြသည်။ သခင် အောင်ဆန်းကတော့ အကူအညီကို ရသည့်နေရာမှယူပြီး အခြေအနေများ မည်ကဲ့သို့ ပြောင်းလဲဖြစ်ပေါ်လာ မည်ကို စောင့်ကြည့်သင့်သည်ဟု လက်တွေ့အကျိုးဖြစ်မည့် နည်းလမ်းအမြင် အယူအဆကို စွဲကိုင်ခဲ့၏။ သို့ သော် သူ၏ စကားအတိုင်းဆိုရလျှင် သူသည် ဂျပန်တို့နှင့် ပူးပေါင်းခြင်းကြောင့် နောင်ဖြစ်ပေါ်လာမည့် အကျိုး ဆက်များကို အသေအချာ ရှင်းရှင်းလင်းလင်းတွက်ဆခဲ့ပုံမပေါ်။

တိုကျိုတွင် သခင်အောင်ဆန်းနှင့် ဗိုလ်မှူးကြီးစူဇူကီးတို့နှစ်ဦးနားလည်မှုယူနိုင်ခဲ့ကြ၏။ သို့သော် နှစ်ဦးနှစ်ဖက် လုံးတွင် ထိန်ချန်ထားသော သဘောမတွေ့မှုလေးများ ရှိခဲ့ပုံရပါသည်။ ဗိုလ်မှူးကြီးစူဇူကီးသည် သခင်အောင် ဆန်း၏ ဖြောင့်မတ်တည်ကြည်မှုနှင့် မျိုးချစ်စိတ်တို့ကို လေးစားသော်လည်း ‘သူ၏ နိုင်ငံရေးအတွေးအခေါ်များ မရင့်ကျက်လှသေး’ ဟု ထင်မြင်၏။ ဤဝေဖန်ချက်သည် ထိုစဉ်ကအနေအထားအရ ဓမ္မဓိဠာန်မကျဟု မဆိုနိုင် ပါ။ သခင်အောင်ဆန်း ကိုယ်တိုင်ရေးခဲ့သည်မှာ သူနှင့် သူ့ရဲဘော်ရဲဘက်တို့ ဂျပန်များအား မြန်မာနိုင်ငံကို ၀င် ရောက်သိမ်းပိုက်ရန် ဖိတ်ခေါ်သကဲ့သို့ ဖြစ်ရသည်မှာ “ဖက်ဆစ်စနစ်ကို လိုလား၍မဟုတ်၊ ကျနော်တို့၏ လူပါး မ၀မှုကြောင့်၊ ဓနရှင်ပေါက်စ စိုးရိမ်မှုကြောင့်တို့သာ ဖြစ်လေသည်။”

သူသည် ဂျပန်ပြည်သို့အသွား၌ စိုးရိမ်ကြောင့်ကြစိတ်များ ဖြစ်ပေါ်ခဲ့သည်။ ရောက်သွားသောအခါ သူစိုးရိမ်ခဲ့ သလောက် မဆိုးလှသဖြင့် စိတ်သက်သာရာရသော်လည်း စိတ်မချဖွယ်၊ မနှစ်သက်ဖွယ် ကိစ္စလေးများ ကျန် လျက်ရှိနေပါသည်။ ဂျပန်လူမျိုးတို့၏ မျိုးချစ်စိတ်၊ သန့်ပြန့်စွာနေထိုင်ပုံနှင့် ကိုယ့်အလိုကိုယ်မလိုက်၊ ခြိုးခြိုးခြံခြံ နေနိုင်သော အရည်အချင်းတို့ကို သခင်အောင်ဆန်း လေးစားသော်လည်း ၎င်းတို့၏ စစ်ဝါဒီဆန်သော သဘော ထားအချို့၏ ရိုင်းစိုင်းကြမ်းကြုတ်မှုကို သူ မနှစ်မြို့သည့်အပြင် ဂျပန်များ အမျိုးသမီးတို့အပေါ်ဆက်ဆံပုံမှာ သူ့ အမြင်တွင် အံ့သြထိတ်လန့်ဖွယ်ရာ ဖြစ်နေ၏။

၁၉၄၁ ခုနှစ် ဖေဖော်ဝါရီလတွင် သခင်အောင်ဆန်းသည် တရုတ်သင်္ဘောသားအသွင်ဖြင့် မြန်မာပြည်သို့ ပြန် ရောက်လာလေသည်။ သူမှတဆင့် ဂျပန်တို့ကမ်းလှမ်းလိုက်သည့် သဘောတူညီချက်အရ၊ တော်လှန်ပုန်ကန် ရန် လက်နက်များနှင့် ငွေကြေးထောက်ပံ့မည်ဟု မြန်မာတို့က နားလည်ခဲ့၏။ ထို့ပြင် လက်ရွေးစင်လူငယ်တစု ကို စစ်သင်တန်းပေးမည်။ ထိုလူငယ်များကို မြန်မာနိုင်ငံမှ ခိုးထုတ်သွားရန် လိုပေမည်။ သခင်အောင်ဆန်း မြန် မာပြည်၌ ကြာမြင့်စွာမနေပါ။ ဂျပန်သို့ သခင်လှဖေနှင့် အခြားလူငယ်သုံးဦးတို့နှင့်အတူ ပြန်သွားပါသည်။ ထို အုပ်စုမှာ ‘ရဲဘော်သုံးကျိပ်’ ၏ ရှေ့ပြေးတပ်ဦး ဖြစ်ပါသည်။ နောင် ဗမာ့လွတ်လပ်ရေးတပ်မတော်၏ မဏ္ဍိုင်သ ဖွယ်ဖြစ်လာမည့် ဤရဲဘော်သုံးကျိပ်ဝင် ပုဂ္ဂိုလ်များကိုရွေးချယ်ရာ၌ အလွယ်တကူလိုက်ပါနိုင်မှုနှင့် သခင်ပါတီ အတွင်းရှိ ဂိုဏ်းဂဏအသီးသီးက ကျေနပ်လက်ခံနိုင်မှုတို့အပေါ် မူတည်ခဲ့သဖြင့် အကျဉ်းကျခံနေရသော အ မျိုးသားရေးခေါင်းဆောင်များ မပါဖြစ်သည့်အပြင် နောင် အချင်းချင်းအကြား စိတ်ဝမ်းကွဲစေမည့် မျိုးစေ့ကို ပျိုး လိုက်သကဲ့သို့လည်း ဖြစ်သွားပါသည်။

ရဲဘော်သုံးကျိပ်သည် ဟိုင်နန်ကျွန်း၌ ပင်ပန်းကြီးစွာ စစ်ပညာသင်ယူရပါသည်။ ၎င်းတို့အနက် သခင်အောင် ဆန်း၊ သခင်လှဖေ (ဗိုလ်လင်္ကျာ)၊ သခင်အောင်သန်း(ဗိုလ်စင်္ကြာ)နှင့်သခင်ထွန်းအုပ်တို့ကို စစ်ဌာနဦးစီးကွပ် ကဲရေးနှင့် အုပ်ချုပ်ရေးတို့ကို အထူးလေ့လာရန် ရွေးချယ်လိုက်ပါသည်။ သခင်ပါတီ အုပ်စုတစုကို ကိုယ်စားပြု သော သခင်ထွန်းအုပ်အား နိုင်ငံရေးခေါင်းဆောင်တင်မြှောက်လိုက်၏။ သို့သော်လည်း သခင်အောင်ဆန်း သည် ရဲဘော်သုံးကျိပ်၏ ခေါင်းဆောင်အဖြစ် ထင်ထင်ရှားရှား ပေါ်ထွက်လာသည်။ ဗမာ့လွတ်လပ်ရေးတပ်မ တော် ဖွဲ့သောအခါ၌လည်း တပ်မတော်၏ ပြိုင်ဘက်မရှိခေါင်းဆောင် ဖြစ်လာလေသည်။ သခင်အောင်ဆန်း သည် ကိုယ်ခန္ဓာညှက်ပြီး အားကောင်းသန်မာလှခြင်းမရှိသော်လည်း တိုက်ရေးခိုက်ရေးကျွမ်းကျင်ကာ သတ္တိရှိ ၍ အပင်ပန်းခံနိုင်သော စစ်သားတဦးဖြစ်လာ၏။

သူ့အား လူမှုဆက်ဆံရေးညံ့ဖျင်းသည်ဟု စွပ်စွဲချက်များရှိခဲ့သော်လည်း ရဲဘော်များ ကိုယ်ပင်ပန်း၊ စိတ်ပင်ပန်း ဖြစ်နေချိန်များတွင် စိတ်ဓာတ်ပြန်လည်တက်ကြွလာစေရန် အားပေးခြင်း၊ အငယ်ဆုံးရဲဘော်များကို အထူးဂရု စိုက်ခြင်း၊ စစ်သင်တန်းသားဘ၀၏ ကရိကထများကြောင့်လည်းကောင်း၊ ဂျပန်များကြောင့်လည်းကောင်း၊ နာ ကျည်းစိတ်များ ဆူပွက်လာချိန်တွင် စိတ်လိုက်မာန်ပါမလုပ်ရန် အကြံပေးတိုက်တွန်းခြင်း စသည်တို့ကို သူ စွမ်း ဆောင်နိုင်ခဲ့သည်။ လူငယ်စစ်သင်တန်းသားများသည် ဂျပန်နည်းပြဆရာအချို့ကို လေးစားချစ်ခင်ကြသော် လည်း၊ ဂျပန်စိတ်နေသဘောထားအချို့ကိုမူ များစွာမနှစ်မြို့ရကား ၁၉၄၁ ခုနှစ်ကုန်ပိုင်း မြန်မာပြည်တွင်းသို့ မချီတက်မီကပင် ဗမာနှင့် ဂျပန်တို့အကြား ကတောက်ကဆဖြစ်မှုများ စတင်ပေါ်ပေါက်ခဲ့သည်။

ဟိုင်နန်သင်တန်းကျောင်းဆင်းများ၊ ထိုင်းနိုင်ငံနေ မြန်မာများနှင့် မီနာမီအဖွဲ့ဝင်များပါဝင်သော ဗမာ့လွတ်လပ် ရေးတပ်မတော်ကို ၁၉၄၁ ခုနှစ် ဒီဇင်ဘာလတွင် ဘန်ကောက်မြို့၌ တရားဝင်ဖွဲ့စည်းလိုက်၏။ စူဇူကီးသည် ဗိုလ်ချုပ်ကြီးရာထူးဖြင့် တပ်မတော်အကြီးအကဲဖြစ်လာပြီး အောင်ဆန်းသည် ဗိုလ်ချုပ်ရာထူးနှင့် စစ်ဦးစီးချုပ် ဖြစ်လာပါသည်။ အပျံသင်စ တပ်မတော်အဖွဲ့ဝင်များသည် သစ္စာရေသောက်ပြီး အရာရှိများက သူရဲကောင်း ဆန်သော ပါဠိအမည်များကို ခံယူကြပါသည်။ စူဇူကီးသည် ဗိုလ်မိုးကြိုးဖြစ်လာပြီး၊ အောင်ဆန်းသည် ဗိုလ်တေ ဇ ဖြစ်လာသည်။ မိမိတို့အမည်သစ်များနှင့် ထင်ရှားလာမည့် ရဲဘော်သုံးကျိပ်ဝင်များအနက် ဗိုလ်လင်္ကျာ၊ ဗိုလ် စင်္ကြာ၊ ဗိုလ်ဇေယျ၊ ဗိုလ်နေ၀င်း၊ ဗိုလ်ရန်နိုင်၊ ဗိုလ်ကျော်ဇော စသည်တို့ ပါဝင်ပါသည်။ ‘ဗိုလ်ချုပ်တေဇ’ ကမူ ကျောင်းသားခေါင်းဆောင်နှင့် သခင်ခေါင်းဆောင်အဖြစ် တိုင်းပြည်ကသိခဲ့သော အောင်ဆန်းအမည်ကိုသာ ပြန်လည်သုံးစွဲကာ ‘ဗိုလ်ချုပ်အောင်ဆန်း’ ဟူ၍ ပြည်သူတို့ အမြတ်တနိုးထားသော အာဇာနည်သူရဲကောင်းအ ဖြစ် ထင်ပေါ်လာပါသည်။

ဗမာ့လွတ်လပ်ရေးတပ်မတော် ဂျပန်များနှင့် ရင်ဘောင်တန်း၍ မြန်မာပြည်တွင်းသို့ ချီတက်လာခြင်းသည် မြန် မာများအတွက် ဂုဏ်ယူဖွယ် ပျော်ရွှင်ဖွယ်ဖြစ်ပါသည်။ ကျဆင်းနေသော မိမိတို့၏အမျိုးသားဂုဏ်သိက္ခာကိုပြန် လည်မြှင့်တင်ပေးလိုက်သကဲ့သို့ ဖြစ်သွားပါသည်။ သို့သော် ဗိုလ်ချုပ်အောင်ဆန်းနှင့်သူ၏ ရဲဘော်ရဲဘက်အချို့ က ရှေ့တွင်ပြဿနာများရှိမည်ကို သိနှင့်ကြပြီ။ ဘန်ကောက်မှာ ရှိနေစဉ်ကပင် မြန်မာပြည်တွင်းသို့ ဂျပန်များ ၀င်လာသောအခါ နိုင်ငံအတွင်းရှိ အမျိုးသားရေးခေါင်းဆောင်များ၏ စီမံလုပ်ဆောင်ချက်ဖြင့် လွတ်လပ်ရေး ကြေညာပြီး နိုင်ငံ၌ ရင်ဆိုင်ရမည့် အခြေအနေကို စီစဉ်ရန် ကြိုးစားခဲ့ကြောင်း ဗိုလ်ချုပ်အောင်ဆန်း မှတ်တမ်း တင်ခဲ့၏။ ထိုကဲ့သို့ မဆောင်ရွက်နိုင်ပါက ပြည်သူလူထုကို စည်းရုံးလှုံ့ဆော်ကာ မြေအောက်တော်လှန်ရေး စ တင်ထားခြင်းဖြင့် ကျူးကျော်ဝင်ရောက်လာသူများ ခြေကုပ်မရနိုင်အောင် အခြေအနေဖန်တီးရန် ဖြစ်၏။ သို့ သော် မြန်မာနိုင်ငံမှာ ကမောက်ကမဖြစ်နေပြီး နိုင်ငံရေးသမားအများစုလည်း ထောင်သွင်းအကျဉ်းချခံဘ၀ ရောက်နေကြရာ အစီအစဉ်နှစ်ခုလုံး လက်တွေ့ကျကျ အကောင်အထည်ဖော်ရန် မဖြစ်နိုင်ပါ။ ဂျပန်များလည်း မြန်မာပြည်ကို ၀င်ရောက်သိမ်းပိုက်လိုက်ပါသည်။

ဂျပန်ခေတ်ကား အထင်အမြင်ကြီးခဲ့သမျှ ပြိုကွဲရပြီး မသေချမရေရာမှုများနှင့် ဒုက္ခပေါင်းစုံဖြစ်နေသော ကာလ ဖြစ်ပါသည်။ ဗြိတိသျှတို့ထံမှ လွတ်လပ်ရေးရမည်ဟု မျှော်မှန်းခဲ့သူများသည် အာရှတိုက်သားချင်း၏ ဖနောင့် အောက်သာ ရောက်ရကြောင်း သိလာသောအခါ အကြေကွဲကြီး ကြေကွဲခဲ့ရ၏။ အများက လွတ်လပ်ရေးပေး မည့် ကယ်တင်ရှင်များအဖြစ် ကြိုဆိုခဲ့သော နိပွန်စစ်သားများသည် လူကြိုက်မများသော ဗြိတိသျှတို့ထက်ပင် ဆိုးဝါးသည်ကို တွေ့ရတော့၏။ တနေ့တခြား စက်ဆုပ်ဖွယ်ရာဖြစ်ရပ်များ တိုးပွားလာလေသည်။ ‘ကင်ပေအိ’ (စစ်ပုလိပ်) ဟူသော အမည်သည် ကြောက်မက်ဖွယ်ရာ ဝေါဟာရဖြစ်လာသည်။ လူများ အစအနမကျန် ပျောက်သွားခြင်း၊ အနှိပ်စက်အညှင်းဆဲခံရခြင်း၊ ချွေးတပ်ဆွဲခံရခြင်း စသည်တို့မှာ နိစ္စဓူဝကိစ္စမျှသာဖြစ်သော လောကကြီးတွင် နေတတ်အောင်နေကြရလေသည်။

ထို့အပြင် မဟာမိတ်လေတပ်၊ ဂျပန်လေတပ်တို့၏ ဗုံးကြဲဒဏ်၊ စစ်တွင်းရိက္ခာရှားပါးမှုဒဏ်၊ ထောက်လှမ်းရေး သတင်းပေးများဒဏ်၊ စိတ်ဓာတ်နှင့် ယဉ်ကျေးမှုအရ ဖီလာဆန့်ကျင်နေသူများအကြား ဖြစ်ပွားသော ပဋိပက္ခ များ၊ ဘာသာစကားမတူသူတို့အကြား ဖြစ်တတ်သောအထင်အမြင်လွဲမှုများ စသည်ဖြင့် ဒုက္ခအပေါင်းကိုလည်း ထပ်လောင်းခံရပါသေးသည်။ မြန်မာပြည်ရောက် ဂျပန်များအနက် တရားမျှတရေး၊ လူသားချင်းစာနာရေး စိတ်ဓာတ်များအရ ကျင့်ကြံနေထိုင်သူများ ရှိကြသော်လည်း ၎င်းတို့၏ ကောင်းမွန်သော ဆောင်ရွက်ချက်များ သည် စစ်ဝါဒီများ၏ လူမျိုးခွဲခြားရေးစနစ်ကြောင့် အချည်းအနှီးဖြစ်ရပါသည်။

မိမိတို့ကတိသစ္စာ တည်ကြည်နိုင်ရန် မြန်မာနိုင်ငံကို လွတ်လပ်ရေးပေးသင့်သည်ဟု ယုံကြည်သော မီနာမီကီ ကန် အဖွဲ့ဝင်များသည် ဖြစ်ပေါ်လာသောအခြေအနေများကြောင့်စိတ်မချမ်းမြေ့ဟန်တူပါသည်။ ၁၉၄၂ ခုနှစ်၊ ရန်ကုန်မြို့ကို ဂျပန်တပ်များသိမ်းပြီးသည်နှင့် ဗိုလ်မိုးကြိုးသည် ဗဟိုအစိုးရတည်ထောင်ကာ သခင်ထွန်းအုပ်ကို ဦးစီးဦးဆောင်ခန့်လိုက်ပါသည်။ ထိုအစိုးရ ကြာကြာမခံပါ။ ဂျပန်တပ်များ တိုင်းပြည်ကို ဆက်လက်သိမ်းပိုက် သည်နှင့်အမျှ ဂျပန်စစ်အုပ်ချုပ်ရေး ကျယ်ကျယ်ပြန့်ပြန့် လွှမ်းမိုးလာကာ မြန်မာနိုင်ငံကို စစ်ရှုံးနယ်မြေတခုကဲ့ သို့ ကိုင်တွယ်လာလေသည်။

ဗမာ့လွတ်လပ်ရေးတပ်မတော်၏ အနေအထားသည်လည်း မရေမရာနှင့် အားကျဖွယ်ရာ လုံးဝမရှိပေ။ တပ်မ တော်သည် ချီတက်လာရာ လမ်းတလျှောက် စိတ်အားထက်သန်စွာ ၀င်လာသူများနှင့် ဖောင်းပွနေ၏။ ထိုစစ် သားသစ်များကို ထိရောက်သည့် တိုက်ရည်ခိုက်ရည်ရှိသော တပ်များဖြစ်လာစေရန် စနစ်တကျ၊ စည်းကမ်းရှိရှိ လေ့ကျင့်ပေးရပေဦးမည်။ ဗိုလ်ချုပ်အောင်ဆန်းကား မိမိတပ်များကို အမိန့်ပေးအုပ်ချုပ်ပိုင်ခွင့်မရှိ။ သူသည် ဗိုလ်မိုးကြိုး၏ လက်ထောက်အရာရှိများအနက် အဆင့်မြင့်ဆုံးမျှသာဖြစ်၏။ ဗိုလ်မိုးကြိုးကိုယ်တိုင်လည်း မြန်မာ ပြည်၏ အနာဂတ်အရေးများတွင် သူနှင့် ဗမာ့လွတ်လပ်ရေးတပ်မတော်တို့ မည်သည့်အခန်းကဏ္ဍက ပါဝင်ရ မည်ဟူသော ကိစ္စနှင့်ပတ်သက်၍ စစ်အုပ်ချုပ်ရေးဆိုင်ရာများနှင့် ပြဿနာတက်နေပုံရ၏။

ဗိုလ်ချုပ်အောင်ဆန်းနှင့် သူ၏ရဲဘော်ရဲဘက်များကမူ ဗမာ့လွတ်လပ်ရေးတပ်မတော်သည် မြန်မာအရာရှိများ လက်အောက်တွင်သာ ရှိသင့်သည်ဟု ယူဆကြသည်။ ထိုကိစ္စနှင့်ပတ်သက်၍ ဗိုလ်လင်္ကျာက သူ၊ ဗိုလ်ချုပ် အောင်ဆန်းနှင့် အခြားရဲဘော်သုံးကျိပ်ဝင်အချို့ ဗိုလ်မိုးကြိုးနှင့်ရင်ဆိုင်ခဲ့စဉ်က ဇာတ်ဆန်ဆန် အဖြစ်အပျက် အကြောင်းကိုရေးသားခဲ့ဖူး၏။ ရင်ဆိုင်မှု၏ရလဒ်ကား ဗိုလ်ချုပ်အောင်ဆန်းကို ဗမာ့လွတ်လပ်ရေးတပ်မတော် ၏ သေနာပတိချုပ်အဖြစ်၎င်း၊ ဗိုလ်လင်္ကျာကို စစ်ဦးစီးအဖြစ်၎င်း ခန့်အပ်လိုက်ခြင်းဖြစ်ပါသည်။

ဗိုလ်ချုပ်အောင်ဆန်းသည် သူ၏အနေအထားနှင့် ပတ်သက်၍လည်းကောင်း၊ မြန်မာနိုင်ငံအခြေအနေနှင့် ပတ် သက်၍လည်းကောင်း စိတ်ကူးယဉ်ပြီး ထင်ယောင်ထင်မှားမဖြစ်ခဲ့ပါ။ လွတ်လပ်ရေးရုန်းကန်မှုကား ဆုံးခန်း တိုင်ရန် များစွာလိုသေးသည်ကို သူသိနားလည်သည့်အလျောက် တပ်မတော်တောင့်တင်းခိုင်မာရန်နှင့် စည်း ကမ်းရှိရန်ကို အာရုံစိုက်ခဲ့၏။ ဗမာ့တပ်မတော်ကို ပါတီနိုင်ငံရေးမှ ကင်းကင်းရှင်းရှင်းနေရန်နှင့် အရပ်သားအုပ် ချုပ်ရေးဖက်တွင် ၀င်ရောက်စွက်ဖက်ခြင်းမပြုရန်ကိုလည်း သူကြိုးပမ်းခဲ့၏။ သို့သော်လည်း နိုင်ငံရေးသမားများ ကို ဗဟိုမဏ္ဍိုင်ပြုကာ ဖွဲ့စည်းခဲ့သော တပ်မတော်အနေနှင့် နိုင်ငံရေးနှင့် ကင်းကင်းရှင်းရှင်း နေနိုင်ဖို့ရန်မှာ အ ချိန်များစွာမှ နှောင်းသွားပြီဖြစ်ကြောင်း သူ ဧကန်သိရှိခဲ့မည်ဖြစ်သည်။

၁၉၄၂ ခုနှစ် ဇူလိုင်လတွင် ဗိုလ်မိုးကြိုး မြန်မာပြည်မှ ထွက်ခွာသွားပါသည်။ ဗမာ့လွတ်လပ်ရေးတပ်မတော်ကို ဗမာ့ကာကွယ်ရေးတပ်မတော်အဖြစ် ပြန်လည်ဖွဲ့စည်းလိုက်ပြီး အောင်ဆန်းသည် ဗိုလ်မှူးကြီးရာထူးနှင့် စစ် သေနာပတိဖြစ်လာပါသည်။ သို့သော်လည်း အသစ်ဖွဲ့စည်းလိုက်သော တပ်မတော်၏ အဆင့်ဆင့်၌ ဂျပန်‘အ ကြံပေးအရာရှိ’များ တွဲခန့်အပ်ထားပြီး မြန်မာအရာရှိများ၏ လက်တွေ့အာဏာများကို တင်းကျပ်စွာ ကန့်သတ် ချုပ်ချယ်ထားပါသည်။ သြဂုတ်လတွင် ဂျပန်တပ်များ၏ သေနာပတိချုပ် ဗိုလ်ချုပ်ကြီးအီဒါသည် မြန်မာ့အုပ်ချုပ် ရေးကို တရားဝင်အတည်ပြုလိုက်ကာ ဒေါက်တာဘမော်အား နိုင်ငံတော်အကြီးအကဲအဖြစ် ခန့်အပ်လိုက်ပါ သည်။ အပေါ်ယံအားဖြင့် မြန်မာအစိုးရအာဏာသည် မြန်မာပြည်သူပြည်သားတို့လက်သို့ကူးပြောင်းသွား သည်ဟု မြင်နိုင်သော်လည်း စင်စစ်မှာတော့ ဂျပန်အုပ်ချုပ်ရေး ခြေကုပ်ရသွားခြင်းပင်ဖြစ်ပါသည်။

ဖက်ဆစ်တော်လှန်ရေး

ဗိုလ်ချုပ်အောင်ဆန်းနှင့် သူ၏ ရဲဘော်ရဲဘက်များသည် ဗမာ့လွတ်လပ်ရေးတပ်မတော်နှင့် ချီတက်လာရာတွင် ပင်ပန်းဆင်းရဲဒဏ် အတော်ကြီးပင် ခံခဲ့ရ၏။ အများအပြားသည် ငှက်ဖျားရောဂါစွဲကပ်၍လည်းကောင်း၊ ခြေ ကုန်လက်ပန်းဖြစ်၍လည်းကောင်း ဆေးရုံတက်ရကြ၏။ ဗိုလ်ချုပ်နှင့် အပေါင်းဖော်အချို့လည်း ရန်ကုန်ဆေးရုံ ကြီးသို့ ရောက်လာလေသည်။ ထိုဆေးရုံကို မိမိတို့အလုပ်တာဝန်အပေါ် အထူးသစ္စာထားသော ဆရာဝန်၊ ဆ ရာမတစုက အခက်အခဲများစွာကြားမှ စီမံဖွင့်လှစ်ထားခြင်းဖြစ်ပါသည်။ ဗိုလ်ချုပ်အောင်ဆန်းသည် မျက်နှာ ထားတည်လွန်း တင်းလွန်းပြီး အရောတ၀င် မနေတတ်သူဟူ၍ အများက သိနေကြပါသည်။ ထို့အပြင် သူရဲ ကောင်းတဦးအဖြစ် တနေ့တခြား နာမည်ထွက်လာနေရာ သူနာပြုဆရာမငယ်များသည် သူ့အနားကပ်ရမည် ကိုပင် ကြောက်ရွံ့နေကြပါသည်။

သို့သော် ဆရာမကြီးဖြစ်သူ မခင်ကြည်ကိုယ်တိုင် ဗိုလ်ချုပ်အား ပြုစုရပါသည်။ မခင်ကြည်သည် စွဲမက်ဖွယ်ရာ ရုပ်ရည်နှင့် ချစ်စဖွယ်အမူအယာရှိပြီး မိမိ၏ သူနာပြုလုပ်ငန်းကို စေတနာပြည့်ဝစွာဖြင့် အထူးတာဝန်သိသိ ဆောင်ရွက်ခြင်းကြောင့် လူနာများနှင့် လုပ်ဖော်ကိုင်ဖက်များက လေးစားချစ်ခင်ကြပါသည်။ ဆရာမ မခင် ကြည်သည် ဗိုလ်ချုပ်ကို ပြုစုရာ၌ တင်းသင့်သည့်နေရာတွင် တင်းသော်လည်း ယုယကြည်သာစွာ စိတ်ရှည်စွာ ဆက်ဆံပါသည်။ အလွန်ကြောက်မက်ဖွယ်ကောင်းပါသည်ဟူသော စစ်သေနာပတိကြီးလည်း အစွဲကြီးစွဲသွား ပါတော့သည်။ ဗိုလ်ချုပ်အောင်ဆန်းသည် ရှက်တတ်၍လည်းကောင်း၊ သူ၏ ဘ၀ရည်မှန်းချက်အပေါ် တာဝန် သိစိတ်ပြင်းထန်၍လည်းကောင်း အမျိုးသမီးများနှင့် ခပ်ခွာခွာနေခဲ့၏။

အကျင့်သီလနှင့်ပတ်သက်၍ တင်းတင်းကြပ်ကြပ် တွေးခေါ်သူတဦးဖြစ်ရကား တိုကျိုမြို့၌ စူဇူကီးက အမျိုးသ မီး အလိုရှိပါက စီစဉ်ပေးမည်ဟု ကမ်းလှမ်းသော်လည်း ဗိုလ်ချုပ် အံ့သြတုန်လှုပ်သွားပါသည်။ စူဇူကီးအနေနှင့် ဂျပန်ယဉ်ကျေးမှုအရ ဧည့်ဝတ်ကျေစေရန် ပြောခဲ့ပုံရပါသည်။ သို့သော် ဗိုလ်ချုပ်ကတော့ သူ့အား ‘အကျင့်စာ ရိတ္တ ပျက်ပြားယုတ်ညံ့သွားအောင် ကြိုးစားနေလေရော့လား’ ဟု သံသယစိတ်ဝင်ခဲ့၏။ ဗိုလ်ချုပ်အောင်ဆန်း သည် သူ့စိတ်ကိုသူ ကောင်းစွာသိသည့်အပြင် ပွင့်လင်းပြတ်သားစွာ လုပ်တတ်သူလည်း ဖြစ်ပါသည်။ သို့ဖြင့် ရှည်ရှည်ဝေးဝေး လူပျိုလှည့်ခြင်းမျိုး မလုပ်နေဘဲ ၁၉၄၂ ခုနှစ် စက်တင်ဘာလ ၆ ရက်နေ့တွင် ဆရာမ မခင် ကြည်နှင့် လက်ထပ်ထိမ်းမြားလိုက်ပါသည်။

“ဒေါ်ခင်ကြည်သည် အောင်ဆန်းကို လက်ထပ်ရာ၌ လူပုဂ္ဂိုလ်တဦးကိုသာ လက်ထပ်လိုက်သည်မဟုတ်၊ ကံအ ကြောင်းတရားတရပ်ကိုပါ လက်ထပ်လိုက်ခြင်းဖြစ်သည်” ဟု အပြောရှိခဲ့ပါသည်။ ဗိုလ်ချုပ်အောင်ဆန်းက လည်း သူ၏ ဘ၀ကြင်ဖော်အနေနှင့် ရှိအပ်သောသတ္တိနှင့် နွေးထွေးသော မေတ္တာတို့ကို ပိုင်ဆိုင်နိုင်ရုံသာမက သူကွယ်လွန်သွားပြီးနောက် သူ၏ စံတင်ထားမှုများကို ဂုဏ်သရေရှိရှိ၊ ကြံ့ကြံ့ခိုင်ခိုင် ထိန်းသိမ်းသွားမည့် အ မျိုးသမီးတဦးကို လက်ထပ်လိုက်ခြင်းဖြစ်ပါသည်။ ဗိုလ်ချုပ်တို့၏ အိမ်ထောင်ရေးကား သာယာအောင်မြင်ပါ သည်။

သူတို့လေးစားမြတ်နိုးလှသော လူငယ်ဗိုလ်ချုပ် အိမ်ထောင်ပြုသွားသဖြင့် ကနဦးတွင် စိတ်မချမ်းသာဖြစ်ခဲ့ သော ရဲဘော်များလည်း လျင်မြန်စွာပင် သဘောတူကျေနပ်လာလေသည်။ အိမ်ထောင်သည်ဖြစ်လာပြီး နောက် ဗိုလ်ချုပ်အောင်ဆန်း၏ နူးညံ့ပျော့ပြောင်းသော အသွင်လက္ခဏာများ ပိုမိုတောက်ပြောင်လာသည်။ သူ သည်ခင်ပွန်းသည်တဦးအနေနှင့်လည်းကောင်း၊ ဖခင်တဦးအနေနှင့်လည်းကောင်း ကြင်နာယုယတတ်၏။ သူ ၏ ခက်ခဲ အန္တရာယ်များသောဘ၀ကို အတူရင်ဆိုင်ရန် စွမ်းရည်၊ နားလည်မှုတို့နှင့်ပြည့်စုံသော ဘ၀ကြင်ဖော် သူ၏အနား၌ ရှိနေခြင်းသည် အရေးကြီးသောလုပ်ငန်းများဆောင်ရွက်ရာ၌ သူ့ကို အားပြည့်စေသည်ဟု ယုံမှား သံသယရှိဖွယ် မဟုတ်ချေ။
၁၉၄၃ ခုနှစ် မတ်လတွင် အောင်ဆန်းအား ဗိုလ်ချုပ်အဆင့်သို့ တိုးမြှင့်ခန့်အပ်လိုက်ပြီး ဂျပန်ဘုရင်မင်းမြတ်ထံ မှ ဘွဲ့တံဆိပ်ရယူရန် ဂျပန်သို့ဖိတ်ကြားပါသည်။ တိုကျိုသို့သွားသောအဖွဲ့ကို ဒေါက်တာဘမော်ဦးဆောင်ပြီး ထို အဖွဲ့တွင် ဗိုလ်ချုပ်အောင်ဆန်းအပြင် ဒေါက်တာသိမ်းမောင်နှင့် သခင်မြတို့ပါဝင်ပါသည်။ ဇန်န၀ါရီလအတွင်း က ဂျပန်ဝန်ကြီးချုပ်တိုဂျိုသည် မြန်မာနိုင်ငံ မကြာမီလွတ်လပ်ရေးရတော့မည်ဟု ကြေညာထားပြီးဖြစ်ပါသည်။ မြန်မာအဖွဲ့ပြန်လာသောအခါ သဘောတူညီချက်စာတမ်းတစောင် သယ်ယူလာခဲ့ပါသည်။

ဗိုလ်ချုပ်အောင်ဆန်း၏ ခပ်ပြတ်ပြတ်စကားအသုံးအနှုန်းအရ စာတမ်းပါအကြောင်းအရာများမှာ “မြန်မာနိုင်ငံ သည် ၁၉၄၃ ခုနှစ် သြဂုတ်လ (၁) ရက်နေ့တွင် လွတ်လပ်ရေးရမည်ဖြစ်ပြီး ကျွန်ုပ်တို့တွေ စာချုပ်အချို့ကို ချုပ် ဆိုရန် စသဖြင့်” ဖြစ်ပါသည်။ စာတမ်းကို အလွန်အမင်း အရေးထားခြင်း မရှိခဲ့ပါ။ အစီအစဉ်အတိုင်း သြဂုတ်လ (၁) ရက်နေ့တွင် မြန်မာပြည်ကို လွတ်လပ်သော အချုပ်အခြာအာဏာပိုင်နိုင်ငံအဖြစ်လည်းကောင်း၊ “မဟာ အရှေ့အာရှသာတူညီမျှ ကြီးပွားရေးနယ်မြေ”၏ တန်းတူညီတူအဖွဲ့ဝင်နိုင်ငံအဖြစ်လည်းကောင်း ကြေညာလိုက် ပါသည်။

ဒေါက်တာဘမော်အား အဓိပတိဟူသောဘွဲ့နှင့် နိုင်ငံခေါင်းဆောင် ၀န်ကြီးချုပ်အဖြစ် ခန့်အပ်လိုက်ပြီး ဗိုလ်ချုပ် အောင်ဆန်းကား စစ်ဝန်ကြီးဖြစ်လာပါသည်။ မြန်မာ့အမျိုးသားတပ်မတော်ဟု အမည်သစ်ပြောင်းထားသော ဗမာ့တပ်မတော် ထိရောက်မှုမရှိစေရန် ဂျပန်တို့ နည်းပရိယာယ်မျိုးစုံ သုံးစွဲပါတော့သည်။ ပထမတွင် တပ်များ ကို နိုင်ငံအ၀ှမ်းဖြန့်ကြဲထားသည်။ ထို့နောက် နေရာအချို့တွင် စုပြုံထားပြန်သည်။ စစ်ဝန်ကြီးဌာနနှင့် တပ်များ အကြား ဆက်သွယ်ရေးခက်ခဲစေရန် ဖြစ်ပါသည်။

ဗိုလ်ချုပ်အောင်ဆန်းကား မတုန်မလှုပ်။ ဂျပန်တွေအကြံပေးသမျှကို သဘောတူလိုက်ကာ သူ့ထင်မြင်ချက်များ ကို လူသိမပေးဘဲ သူ့အစီအစဉ်နှင့်သူ ဆက်လုပ်သွားပါသည်။ တိုကျိုမှ ပြန်ရောက်လာချိန်လောက်တွင် ဗိုလ် ချုပ်အောင်ဆန်းသည် ဗိုလ်လင်္ကျာ၊ ဗိုလ်ဇေယျ၊ ဗိုလ်နေ၀င်းနှင့် ဗိုလ်ကျော်ဇောတို့အပါအ၀င် သူ၏ အရာရှိအ ချို့ကိုခေါ်၍ တော်လှန်ရေးစတင်ရန်အချိန်ကို တိုင်ပင်ဆွေးနွေးပါသည်။ အရာရှိများက အခြေအနေ ပိုမိုစိတ် ချရသည်အထိ စောင့်ဆိုင်းရန် အကြံပေးပါသည်။ တဖန် သခင်သန်းထွန်းနှင့်တိုင်ပင်ရာ ၎င်းကလည်း တော် လှန်ရေးစရန် အချိန်မတန်သေးဟုတင်ပြသဖြင့် ဗိုလ်ချုပ်လည်း စိတ်ပါလက်ပါမရှိလှသော်လည်း စောင့်ဆိုင်း ရန် သဘောတူလိုက်ပါသည်။

အခြားကွန်မြူနစ်များ၊ အထူးသဖြင့် သခင်စိုးနှင့် သခင်သိန်းဖေတို့သည် ဗြိတိသျှတို့ ဆုတ်ခွာသွားသဖြင့် သူတို့ ထောင်မှလွတ်သည့် အချိန်မတိုင်ခင်ကပင် ဂျပန်တော်လှန်ရေးတရားဟောခဲ့၏။ ဂျပန်တပ်များ ချီတက်လာ သည်နှင့် သူတို့နှစ်ဦး တောခိုသွားပါသည်။ သခင်သိန်းဖေသည် ဗိုလ်ချုပ်အောင်ဆန်းနှင့် ဗိုလ်နေ၀င်းတို့ကို ရွှေဘို၌ ခဏတွေ့ပြီး ဗြိတိသျှတပ်များနှင့် အဆက်အသွယ်ရရေး ကြိုးပမ်းရန် အိန္ဒိယသို့ ထွက်ခွာသွားပါသည်။

၁၉၄၃ ခုနှစ် နိုဝင်ဘာလရောက်ချိန်တွင် တော်လှန်ရေးအစီအစဉ်များ အတော်ပင်ခရီးရောက်နေပြီဖြစ်ရကားမြန်မာနိုင်ငံတောတောင်များထဲတွင် ပြောက်ကျားတပ်များဖွဲ့စည်းရန် ကြိုးစားနေသော ဗိုလ်မှူးစီဂရင်း ခေါ် ဗြိ တိသျှတပ်မတော်အရာရှိသည် ‘ဗမာ့ကာကွယ်ရေးတပ်မတော်မှ အောင်ဆန်းဆိုသူသည် အခါအခွင့်ကြုံလာ လျှင် သူ၏တပ်များနှင့် ဂျပန်ကို ပြန်တိုက်ရန်စီစဉ်နေသည်’ ဟု အိန္ဒိယသို့ သတင်းပို့ခဲ့ပါသည်။ လောလော ဆယ် တွင်မူ တော်လှန်ရေးအစီအစဉ်များ ပြီးစီးသည်အထိ ဗိုလ်ချုပ်အောင်ဆန်းသည် ဂျပန်တို့၏ သံသယစိတ် များ ပျောက်ကွယ်သွားစေရန် အားထုတ်ရပါသည်။ သို့သော်လည်း သူသည် လက်ရှိလွတ်လပ်ရေးသည် အတု အယောင်မျှသာဖြစ်ကြောင်း၊ စစ်မှန်သောလွတ်လပ်ရေးရရှိရန် ရုန်းကန်ရမည်ဖြစ်ကြောင်းကို သူ၏မိန့်ခွန်းများ တွင် ပြည်သူတို့အား အသိပေးခဲ့၏။

၁၉၄၂ ခုနှစ်ကုန်ပိုင်းတွင် ကရင်များနှင့် ဗမာ့လွတ်လပ်ရေးတပ်မတော်အတွင်းမှတာဝန်မဲ့သူတို့အကြား ပေါ် ပေါက်ခဲ့သော ပဋိပက္ခတို့မှစ၍ သွေးထွက်သံယိုမှုနှင့် လူမျိုးရေးအဓိကရုဏ်းများ ဖြစ်ပွားလာသည်။ ဗိုလ်ချုပ် အောင်ဆန်းသည် မြန်မာနိုင်ငံရှိ တိုင်းရင်းသားများအကြား ဆက်ဆံရေးကောင်းမွန်မှုကို အထူးအလေးပေးခဲ့ ၏။ ထိုကဲ့သို့ ဆက်ဆံရေးကောင်းမှသာလျှင် နိုင်ငံစည်းလုံးညီညွတ်မည်ဖြစ်ကြောင်း သူ ကောင်းစွာသဘော ပေါက်ခဲ့၏။ စူဇူကီးအတွက် သခင်အောင်ဆန်းရေးဆွဲခဲ့သော ‘မြန်မာနိုင်ငံ စီမံကိန်း’တွင် ‘ယခုအခါ၌ ဗြိတိသျှ ပယောဂကြောင့် လူများစုဖြစ်သော ဗမာတို့နှင့် ရခိုင်၊ ရှမ်း စသော တောင်ပေါ်တိုင်းရင်းသားများအကြားတွင် တည်ရှိနေသော ကွာဟချက်များ ကျဉ်းမြောင်းသွားစေပြီး အားလုံးတန်းတူညီမျှရှိသော နိုင်ငံထူထောင်ရန်’ လို အပ်ကြောင်းကို အလေးအနက်ဖော်ပြခဲ့ပါသည်။

ကရင်-ဗမာအဓိကရုဏ်းသည် သူ့အား များစွာဒေါမနဿဖြစ်စေပါသည်။ ၁၉၄၃ ခုနှစ်နောက်ပိုင်းတွင် ဗိုလ်ချုပ် အောင်ဆန်း၊ သခင်သန်းထွန်းနှင့် ဗိုလ်လင်္ကျာတို့သည် ဤလူမျိုးစုနှစ်စုအကြား ငြိမ်းချမ်းရေးနှင့် နားလည်မှုရ ရှိစေရန် အပန်းတကြီး ဆောင်ရွက်ခဲ့ပါသည်။ ၎င်းတို့၏ စုပေါင်းကြိုးပမ်းမှုမှ သီးပွင့်လာသော အကျိုးကား က ရင်ခေါင်းဆောင်များ မြန်မာခေါင်းဆောင်တို့အား ယုံကြည်စိတ်ချလာခြင်းနှင့် မြန်မာ့တပ်မတော်အတွင်း ကရင် တပ်ရင်းတခု ဖွဲ့စည်းလိုက်ခြင်းဖြစ်ပါသည်။

ဗိုလ်ချုပ်အောင်ဆန်း အစောတလျင် ကိုင်တွယ်ရန်လိုနေသော နောက်ကိစ္စတရပ်မှာ ကွန်မြူနစ်များနှင့် ပြည် သူ့အရေးတော်ပုံပါတီအတွင်းမှ ဆိုရှယ်လစ်များအကြား တနေ့တခြား ကြီးထွားနေသော အာဃာတများပင် ဖြစ်ပါသည်။ ကွန်မြူနစ်ခေါင်းဆောင်များမှာ ဂျပန်ခေတ်တလျှောက်လုံး တောခိုနေခဲ့သော သခင်စိုး၊ သစ် တောနှင့် လယ်ယာစိုက်ပျိုးရေးဝန်ကြီးဖြစ်နေသော သခင်သန်းထွန်းနှင့် သခင်ဗဟိန်းတို့ ဖြစ်ကြပါသည်။ ဦး ကျော်ငြိမ်းနှင့် ဦးဘဆွေတို့သည်ကား ထင်ရှားသော ဆိုရှယ်လစ်ခေါင်းဆောင်နှစ်ဦး ဖြစ်ပါသည်။

ဗိုလ်ချုပ်အောင်ဆန်းသည် နှစ်ဖက်ခေါင်းဆောင်များအကြား ပြေလည်စေရန် အထူးကြိုးပမ်းခဲ့ပါသည်။ စေ့စပ် ဖြန်ဖြေရေးကို အမြန်ဆုံးဆောင်ရွက်ရန်လိုအပ်နေခြင်းမှာ နိုင်ငံရေးသဘောထားကွဲလွဲမှုများသည် တပ်မတော် ထဲသို့ စိမ့်ဝင်နေကာ ရဲဘော်များ၏ ညီညွတ်ရေးနှင့် တော်လှန်ရေး၏ အောင်မြင်ရေးတို့ကို ခြိမ်းခြောက်နေ၍ ဖြစ်ပါသည်။ ထို့အပြင် သခင်စိုးသည် ဖက်ဆစ်ဆန့်ကျင်ရေးစည်းရုံးဆော်သြရာတွင် တပ်မတော်ကို ထိခိုက်နစ် နာစေသော ၀ါဒဖြန့်ချိရေး ပြုလုပ်နေသဖြင့် တပ်အတွင်း မကျေနပ်မှုများ ဖြစ်ရုံသာမက ဗိုလ်ချုပ်အောင်ဆန်း လည်း ဒေါသထွက်ရပါသည်။

လပေါင်းများစွာ သဘောထားချင်းဖလှယ်ပြီးနောက် ဗိုလ်ချုပ်အောင်ဆန်းသည် သခင်စိုး၊ သခင်သန်းထွန်း၊ သ ခင်ဗဟိန်းတို့နှင့် ၁၉၄၄ ခုနှစ် သြဂုတ်လတွင် ရက်အနည်းငယ်ကြာ လျှို့ဝှက်စည်းဝေးပါသည်။ ဗိုလ်ချုပ်အောင် ဆန်း၏ ဖက်ဆစ်ဆန့်ကျင်ရေးအဖွဲ့ တည်ထောင်ရန်အဆိုကို ဆွေးနွေးကြပြီး အဖွဲ့၏ ကြေညာစာတမ်းနှင့် စု ပေါင်းဆောင်ရွက်ရမည့် စီမံကိန်းတရပ်ကို သဘောတူအတည်ပြုလုပ်ပါသည်။ များမကြာမီ ကွန်မြူနစ်ခေါင်း ဆောင်များနှင့် ပြည်သူ့အရေးတော်ပုံပါတီခေါင်းဆောင်များ အတူစည်းဝေးရန်စီစဉ်လိုက်ပြီး၊ ထိုအစည်းအဝေး ၌ ဗိုလ်ချုပ်အောင်ဆန်းသည် “ဖက်ဆစ်ဓါးပြများကို တိုက်ထုတ်ကြလော့” ခေါင်းစဉ်ပါ ကြေညာစာတမ်းကိုဖတ် ကာ တော်လှန်ရေးကို တရားဝင်အကောင်အထည်ဖော်လိုက်ပါသည်။

အဖွဲ့၌ သခင်စိုးသည် နိုင်ငံရေးခေါင်းဆောင်ဖြစ်ပြီး သခင်သန်းထွန်းသည် အထွေထွေအတွင်းရေးမှူးတာဝန်နှင့် မဟာမိတ်များနှင့်ဆက်သွယ်ရေး တာဝန်တို့ကိုယူကာ ဗိုလ်ချုပ်အောင်ဆန်းသည် စစ်ရေးခေါင်းဆောင်ဖြစ်ပါ သည်။ ထိုအချိန်၌ လူငယ်တပ်မတော်အရာရှိအချို့သည် စတင်လှုပ်ရှားရန် ဇောကြီးကာ သခင်ခေါင်းဆောင် အချို့နှင့် တပ်မတော်အဆင့်မြင့်အရာရှိအချို့တို့ကိုသာ တိုင်ပင်လေ့ရှိသော ဗိုလ်ချုပ်၏ ဆိတ်ဆိတ်နေမှု ကြောင့် မချင့်မရဲဖြစ်နေကြပါသည်။ ၎င်းတို့သည် တော်လှန်ရေးတရပ်ကို မိမိတို့ဖာသာစတင်ရန် ကြံစည်ကြပါ သည်။ ဤကိစ္စကို ဗိုလ်ချုပ်အောင်ဆန်း သိသွားသောအခါ ၎င်းတို့အား ဖက်ဆစ်ဆန့်ကျင်ရေးအဖွဲ့၏ လှုပ်ရှားမှု ထဲ၌ တိကျသော အခန်းကဏ္ဍများ စီစဉ်ပေးခြင်းဖြင့် အခြေအနေကို ပြေလည်စေခဲ့ပါသည်။ အတွင်းအင်အားစု များ၏ ညီညွတ်မှုရယူပြီးနောက် တော်လှန်ရေးအစီအစဉ် အပြီးသတ်နိုင်ရန် မဟာမိတ်တပ်များနှင့် မည်ကဲ့သို့ သော သဘောတူညီမှုများ ရနိုင်မည်ကိုသာ သိရှိရန်လိုပါတော့သည်။

ဗိုလ်ချုပ်အောင်ဆန်းနှင့် အပေါင်းအဖော်များသည် ပြည်ပအကူအညီ ရသည်ဖြစ်စေ၊ မရသည်ဖြစ်စေ ဂျပန်ကို တော်လှန်ရန် ဆုံးဖြတ်ချက်ချပြီးဖြစ်သော်လည်းအောင်မြင်မှုများ ပို၍ပို၍ရနေသော မဟာမိတ်တပ်များနှင့် ပူး ပေါင်းဆောင်ရွက်ခြင်းဖြင့် လက်တွေ့အကျိုးအမြတ်များ ရရှိနိုင်မည်ဖြစ်ကြောင်း ထင်ရှားလာပါသည်။ အမှန်မှာ နိုင်ငံအ၀ှမ်း မြန်မာတပ်များ ဂျပန်တို့ကို စတင်တော်လှန်သော ၁၉၄၅ ခုနှစ် မတ်လ ၂၇ ရက်နေ့ရောက်သည့် တိုင် ဗြိတိသျှတို့နှင့် ရှင်းလင်းသောသဘောတူညီချက် မရရှိသေးပေ။ ထိုနေ့မတိုင်မီ (၁၀) ရက်အလိုက ဗိုလ် ချုပ်အောင်ဆန်းသည် ရန်ကုန်မြို့၌ စစ်ရေးပြအခမ်းအနားတရပ်တွင် ပါဝင်ပြီးနောက် သူ၏ တပ်များနှင့် အတူ စစ်လေ့ကျင့်ခန်းဆင်းရန်ဟု အကြောင်းပြကာ မြို့တော်မှ ထွက်ခွာခဲ့ပါသည်။

ဗိုလ်ချုပ်ကြီးစလင်း၏ တပ်မ (၁၄) သည် ဧရာဝတီမြစ်ကို မန္တလေးမြောက်ပိုင်းမှ ဖြတ်ကူးနေပြီး၊ သခင်သန်း ထွန်းသည် ဗြိတိသျှတပ်မတော်အရာရှိတဦးနှင့်ဆုံရန် တောင်ငူသို့ ထွက်ခွာသွားပေပြီ။ များမကြာမီ တော်လှန် ရေးရေစီးကြောင်းကား တဟုန်တည်း စီးဆင်းလာပေတော့သည်။ မေလ (၁၅) ရက်နေ့တွင် ဗိုလ်ချုပ်အောင် ဆန်းသည် လက်ထောက်အရာရှိတဦးနှင့်အတူ စလင်းနှင့်တွေ့ဆုံရန် ၎င်း၏ဌာနချုပ်သို့ ရောက်သွား၏။

တွေ့ဆုံရာတွင် ဗိုလ်ချုပ်အောင်ဆန်းသည် မိမိကိုယ်မိမိ မြန်မာနိုင်ငံယာယီအစိုးရ၏ကိုယ်စားလှယ်အဖြစ် မိတ် ဆက်ပြီး၊ မဟာမိတ်စစ်ဦးစီးတဦးအဖြစ် အသိအမှတ်ပြုရန် ရဲရဲတင်းတင်း တောင်းဆိုလိုက်ပါသည်။ ဗြိတိသျှ ဗိုလ်ချုပ်ကြီးထံမှ လိုက်လျောမှုအများဆုံးရရှိနိုင်ရန် တဖက်ကကြိးစားလျက် တဖက်ကလည်း လက်တွေ့ကျကျ တွေးမြင်တတ်ကြောင်း၊ ပူးပေါင်းဆောင်ရွက်လိုကြောင်း၊ မိမိနှင့်ဆက်ဆံသူများ စိတ်ခွေ့ရလောက်အောင် ရိုး သားဖြောင့်မတ်ကြောင်းတို့ကို ဗိုလ်ချုပ်အောင်ဆန်း ပြသခဲ့ရာ စလင်း၏ နှစ်သက်သဘောကျမှုနှင့် လေးစားမှု တို့ကို ရရှိခဲ့၏။

စလင်း၏စကားအရ “သူနှင့်ပတ်သက်၍ ကျနော် မှတ်မှတ်ရရကြီး သတိပြုမိသည်ကတော့ သူ၏ရိုးသားဖြောင့် မတ်မှုဖြစ်ပါသည်။ သူသည် အာသွက်လျာသွက် အကြိုက်လိုက် အာမခံချက်ပေးခြင်းမျိုးမရှိ။ လွယ်လွယ်နှင့် ကတိမပေး။ သို့သော် တခုခုလုပ်ပါမည်ဟုသဘောတူခဲ့လျှင်တော့ စကားတည်မည့်သူဟု ကျနော်မြင်ပါသည်။” ဗိုလ်ချုပ်အောင်ဆန်းနှင့် ဗိုလ်ချုပ်ကြီးစလင်းတို့ တွေ့ဆုံပြီးနောက် မြန်မာတပ်များနှင့် ဗြိတိသျှတပ်များ ပူးတွဲ၍ ဂျပန်တို့ကို တိုက်လေရာ ဂျပန်တပ်များ အလျင်အမြန် ပြိုကွဲသွားပါသည်။ ဇွန်လ (၁၅) ရက်နေ့တွင် ရန်ကုန်မြို့ အောင်ပွဲစစ်ချီအခမ်းအနားများ ကျင်းပရာ၌ ဗြိတိသျှအင်ပိုင်ယာတပ်များ၊ မဟာမိတ်တပ်များနှင့်အတူ မြန်မာ့ တပ်မတော်ကလည်း ပါဝင်ခဲ့ပါသည်။ ဂျပန်တော်လှန်ရေးကား ပြီးဆုံးသွားပေသည်။

အမျိုးသားရေးလှုပ်ရှားနေသောမြန်မာများသည် တူညီသောရည်မှန်းချက်အောင်မြင်စေရန် ၀ါဒရေးရာမတိုက် ဆိုင်မှုများနှင့် ပုဂ္ဂိုလ်ရေးဆန်သော သဘောထားများကို ဘေးဖယ်ခဲ့သော ဂုဏ်ယူဖွယ်အကောင်းဆုံး အချိန် ကာလဖြစ်ပါသည်။ ၁၉၄၅ ခုနှစ် သြဂုတ်လတွင် ကျယ်ပြန့်သော လူမှုရေးနှင့် နိုင်ငံရေးအင်အားစုများကို ကိုယ် စားပြုသော ပုဂ္ဂိုလ်များနှင့် အဖွဲ့အစည်းများပါဝင်နိုင်ရန် ဖက်ဆစ်ဆန့်ကျင်ရေးအဖွဲ့ကို တိုးချဲ့ဖွဲ့စည်းပြီး ‘ဖက် ဆစ်ဆန့်ကျင်ရေး ပြည်သူ့လွတ်မြောက်ရေးအဖွဲ့ချုပ်’ (ဖဆပလ) ဟူ၍ အမည်သစ်ပေးလိုက်ပါသည်။

ဗြိတိသျှနှင့် စေ့စပ်ဆွေးနွေးခြင်း

ဂျပန်တို့ကို မဟာမိတ်များနှင့်ပေါင်း၍တိုက်ခိုက်ရန် ဖက်ဆစ်ဆန့်ကျင်ရေးအဖွဲ့၏ကမ်းလှမ်းချက်ကို ဗြိတိသျှတို့ လက်ခံခဲ့ခြင်းမှာ အရှေ့တောင်အာရှမဟာမိတ်တပ်များ၏ စစ်ဦးစီးချုပ် လော့ဒ်မောင့်ဘက်တင်၏ နိုင်ငံရေးပါး နပ်အမျှော်အမြင်ရှိမှုတို့ကြောင့် ဖြစ်ပါသည်။ ၁၉၄၂ ခုနှစ် မြန်မာနိုင်ငံမှ ဗြိတိသျှတို့ ဆုတ်ခွာပြီးနောက် အိန္ဒိယ တွင် အဝေးရောက်အစိုးရရုံးစိုက်ခဲ့ပါသည်။ ထိုအစိုးရကိုလွှမ်းမိုးနေသော အရာရှိများသည် အမျိုးသားရေးစိတ် ပြင်းထန်သောလူငယ်များက ၎င်းတို့၏ သြဇာကို စိန်ခေါ်ခြင်းနှင့် ၎င်းတို့၏အုပ်ချုပ်ရေး ၀ရုန်းသုန်းကားဖြစ်စေ ရန် လှုပ်ရှားခဲ့သည်ကို ခံခဲ့ရသူများဖြစ်ပေသည်။ ဤအရာရှိများသည် ဖဆပလနှင့်ပူးပေါင်းဆောင်ရွက်မှုမှန်သ မျှကို လုံးဝဆန့်ကျင်၍ ဗြိတိသျှတို့ မြန်မာနိုင်ငံကို ပြန်လည်သိမ်းပိုက်ပြီးစ စစ်အုပ်ချုပ်ရေးကာလအတွင်း ဖဆပ လကို မတရားသင်းကြေညာကာ ဗိုလ်ချုပ်အောင်ဆန်းကို နိုင်ငံတော်သစ္စာဖောက်အဖြစ် ဖမ်းဆီးရန် လိုလားကြ ပါသည်။

ပိုမို၍ အဓိဌာန်ကျစွာရှုမြင်နိုင်သော အနေအထားတွင်ရှိနေသော မောင့်ဘက်တင်ကမူ မြန်မာနိုင်ငံကိစ္စများကို ငြိမ်းချမ်းစွာဖြေရှင်းနိုင်ရာတွင် မြန်မာလူထုကြီးက မိမိတို့လွတ်မြောက်ရေးကို ဆောင်ကြဉ်းပေးခဲ့သူဟူ၍ အသိ အမှတ်ပြုထားသော ပုဂ္ဂိုလ်၏ ပူးပေါင်းဆောင်ရွက်မှုကို ရယူရန် လိုအပ်မည်ကို နားလည်သည်။ လူထု၏ စိတ် နေသဘောထားနှင့် ကင်းကွာနေသော စစ်အုပ်ချုပ်ရေးခေါင်းဆောင် အရပ်သားအရာရှိ၏နေရာတွင် လျင်မြန် စွာပင် ၀ါရင့်တပ်မတော်အရာရှိတဦးဖြစ်သူဗိုလ်ချုပ်ရန်စ်အား ခန့်အပ်လိုက်ပါသည်။

ဗိုလ်ချုပ်အောင်ဆန်း ဖြေရှင်းရသော လတ်တလော ပြဿနာတရပ်မှာ ဗမာ့မျိုးချစ်တပ်မတော်ဟု အမည် ပြောင်းထားသော မြန်မာ့တပ်မတော်၏ အနာဂတ်အရေးဖြစ်ပါသည်။ တပ်များကို ကျွေးမွေးရေးနှင့် လက်နက် တပ်ဆင်ပေးရေး လုပ်ငန်းများသည် လွန်စွာမှ ခက်ခဲနေ၏။ မဟာမိတ်တို့ စစ်အောင်ပွဲခံပြီးနောက် ဗိုလ်ချုပ် အောင်ဆန်းသည် မောင့်ဘက်တင်နှင့် တွေ့ဆုံဆွေးနွေး၍ ဗမာ့မျိုးချစ်တပ်မတော်ဝင်များသည် မိမိတို့ဆန္ဒအ လျောက် ဗြိတိသျှလက်အောက်ရှိ မြန်မာ့တပ်မတော်ထဲသို့ ၀င်လိုက ၀င်နိုင်စေရန် သဘောတူလိုက်ပါသည်။

ဤသဘောတူညီချက်၏ အသေးစိတ်အချက်များကို ၁၉၄၅ ခုနှစ် စက်တင်ဘာလတွင် မဟာမိတ်စစ်ဦးစီးဌာန နှင့် ဗိုလ်ချုပ်အောင်ဆန်း၊ ဗိုလ်လင်္ကျာ၊ သခင်သန်းထွန်းတို့ပါဝင်သော မြန်မာကိုယ်စားလှယ်အဖွဲ့တို့ ကန္ဒီအ စည်းအဝေး၌ ဆုံးဖြတ်ခဲ့ကြသည်။ ကန္ဒီသို့အသွား ကိုယ်စားလှယ်အဖွဲ့ဝင်အချို့ ကာလကတ္တားမြို့တွင် ခေတ္တခ ဏရပ်စဉ် သခင်သိန်းဖေနှင့်တွေ့ဆုံပြီး ဗိုလ်ချုပ်အောင်ဆန်း၏ အနာဂတ်အရေးကို ဆွေးနွေးကြ၏။ သဘော ထားအမြင်တခုအရ လာမည့်နိုင်ငံရေးတိုက်ပွဲတွင် ဗိုလ်ချုပ်ပါဝင်ရန် လိုအပ်သည်။ “သူသည်သာ အမျိုးသား ရေးအင်အားစုအပေါင်းကို ညီညွတ်သော တပ်ဦးတရပ်ဖြစ်လာစေရန် စွမ်းဆောင်ပြီး ခေါင်းဆောင်မှုပေးနိုင် မည့် တဦးတည်းသော ပုဂ္ဂိုလ်ဖြစ်သည်။”

သခင်သိန်းဖေမှအပ အခြားကွန်မြူနစ်များတင်ပြသော အခြားအမြင်တခုအရ ဗိုလ်ချုပ်သည် နိုင်ငံရေးခေါင်း ဆောင်တဦးရှိသင့်သော အရည်အချင်းပေါင်းစုံမရှိ၊ လူမှုဆက်ဆံရေး ညံ့ဖျင်းနေပြီး နိုင်ငံရေးနည်းပရိယာယ်မ ကျွမ်းကျင်၊ ထို့ကြောင့် နိုင်ငံရေးစွန့်လွှတ်ပြီး တပ်မတော်ထဲတွင်သာ နေသင့်သည်။ “နောက်ဆုံးတိုက်ပွဲကြီး” တွင် အင်အားစုအားလုံး၏ စည်းလုံးညီညွတ်ရေးရရှိစေရန် မြန်မာနိုင်ငံလိုအပ်နေသော အမျိုးသားခေါင်းဆောင် သည် ဗိုလ်ချုပ်အောင်ဆန်းသာလျှင် ဖြစ်ကြောင်းကို ခိုင်ခိုင်မာမာ ယုံကြည်သော ဗိုလ်လင်္ကျာက ကွန်မြူနစ်တို့ အကြံပေးချက်ကို အဓိပ္ပာယ်ဖွင့်ပုံရာ၌ “နိုင်ငံရေးနယ်ပယ်ကို သူတို့သာလွှမ်းမိုးထားလို၍ ဗိုလ်ချုပ်ကို ဘေးဖယ် ထားပြီး သူတို့အလိုရှိသောအခါမှ ဗိုလ်ချုပ်အနေနှင့် သွယ်ဝိုက်သောနည်းများနှင့် အထောက်အကူပေးရန်ဖြစ် သည်။”

ဗိုလ်ချုပ်အောင်ဆန်းသည် နှစ်ဖက်သဘောထားများကို နားထောင်ပြီး ကိုယ်ပိုင်ဆုံးဖြတ်ချက်ချလိုက်သည်။ တပ်မတော်မှထွက်၍ နိုင်ငံရေးရှေ့တန်းမှ လွတ်လပ်ရေးတိုက်ပွဲကို အစွမ်းကုန်ဆင်နွှဲတော့မည်။ ၁၉၄၅ ခုနှစ် နှင့် ၁၉၄၇ ခုနှစ်များအတွင်း ဗိုလ်ချုပ်အောင်ဆန်းသည် အင်အားကြီးသော ခေါင်းဆောင်တဦးအဖြစ်လည်း ကောင်း၊ လူထု၏ ယုံကြည်မှုနှင့် မေတ္တာကိုရရှိသော လုပ်ရည်ကိုင်ရည်ရှိ နိုင်ငံရေးသမားတဦးအနေနှင့်လည်းကောင်း ထင်ပေါ်လာ၏။ ၎င်းအား စစ်တပ်အတွင်းသာ နေစေလိုသောသူတို့၏ ဝေဖန်ချက်များမှာ ခိုင်လုံမှုမရှိ ကြောင်းကို အတိအလင်းပြနိုင်ခဲ့၏။

၁၉၄၅ ခုနှစ် မေလတွင် ဗြိတိသျှအစိုးရသည် စက္ကူဖြူစီမံကိန်းဖြင့် မြန်မာနိုင်ငံ အနာဂတ်အပေါ်ထားသော ၎င်း တို့၏ အခြေခံမူဝါဒကို ကြေညာလိုက်ပါသည်။ ထိုစီမံကိန်းအရ ဘုရင်ခံသည် နိုင်ငံကို သုံးနှစ်ကြာတိုက်ရိုက် အုပ်ချုပ်ပြီး ကာလအားလျော်စွာ ရွေးကောက်ပွဲများကျင်းပခြင်း၊ မြန်မာကောင်စီနှင့် ဥပဒေပြုအဖွဲ့တို့တည် ထောင်ခြင်းတို့ကို ဆောင်ရွက်သွားမည်။ ဤအချက်များသည် ၁၉၃၅ ခုနှစ် မြန်မာနိုင်ငံအက်ဥပဒေပါ အချက် အလက်များထက် သာလွန်တိုးတက်ခြင်းသဘောကို မဆောင်ပါ။ ကောင်စီနှင့် ဥပဒေပြုအဖွဲ့ ပြန်လည်တည် ထောင်ပြီးမှ ရှေ့တဆင့်တိုး၍ မြန်မာနိုင်ငံကို ဒိုမီနီယန်အဆင့်ရစေမည့် အခြေခံဖွဲ့စည်းပုံဥပဒေကို ပါတီပေါင်းစုံ က ရေးဆွဲရန်ဖြစ်ပါသည်။ သို့သော် တောင်တန်းနှင့် နယ်စပ်ဒေသများသည် ပြည်မနှင့် ပေါင်းစည်းလိုကြောင်း တိတိကျကျ မဖော်ပြလျှင် သီးခြားဒေသများကို ဤစီမံကိန်း၌မထည့်ဘဲ ထားမည်ဖြစ်ပါသည်။

စက္ကူဖြူစီမံကိန်းပါ အချက်အလက်များ လုံးဝလက်ခံနိုင်ဖွယ် မရှိကြောင်းကို စစ်အုပ်ချုပ်ရေး မပြီးဆုံးမီကပင် ဗိုလ်ချုပ်အောင်ဆန်းနှင့် သခင်သန်းထွန်းတို့သည် မြန်မာပြည်ကို ပြန်လာမည်ဖြစ်သော ဘုရင်ခံ ဆာရက်ဂျီ နဲလ်ဒေါ်မန်ဆမစ်အား ရှင်းလင်းစွာအသိပေးပြီးဖြစ်ပါသည်။ ဖဆပလခေါင်းဆောင်များသည် ၎င်းတို့ပါတီသာ နိုင်ငံကိုကိုယ်စားပြုသောကြောင့် ၎င်းတို့သည်သာ စစ်အုပ်ချုပ်ရေးကို အစားထိုးရန် ယာယီအမျိုးသားအစိုးရ တရပ် ဖွဲ့ခွင့်ရှိသင့်ကြောင်း တင်ပြခဲ့ပါသည်။

ဒေါ်မန်ဆမစ်သည် စိတ်စေတနာကောင်း မရှိသူမဟုတ်ပါ။ သို့သော် သူ့အားဝိုင်းရံနေသော ၀န်ထမ်းအရာရှိ များနည်းတူ စစ်ပြီးခေတ်မြန်မာနိုင်ငံ၏ ရှုပ်ထွေးပွေလီအပြောင်းအလဲမြန်လှသော နိုင်ငံရေးဥတုကို နားမလည် နိုင်ချေ။ ဖဆပလအဖွဲ့ချုပ်သည် မြန်မာပြည်သူအများစု၏ ထောက်ခံမှုရရှိထားသည်ဟူသောအချက်ကို ဒေါ်မန် ဆမစ် ယုံကြည်လက်ခံရန် အခက်အခဲတွေ့နေပြီး ထိုအချိန်၌ မြန်မာနိုင်ငံတွင် အရေးပါဆုံးပုဂ္ဂိုလ်သည် ဗိုလ် ချုပ်အောင်ဆန်းဖြစ်ကြောင်းကို သူမမြင်၍မဖြစ်သော်လည်း ထိုအချက်ကိုလည်း လက်ခံရန် ၀န်လေးနေ၏။

ထို့အပြင် စစ်တွင်းကာလတလျှောက် မိမိ၏ အစိုးရအပေါ် သစ္စာစောင့်ခဲ့သော ၀ါရင့်မြန်မာနိုင်ငံရေးသမားကြီးများကို ချီးမြှင့်လိုသော အံ့ဖွယ်ရာမဟုတ်သည့် ဆန္ဒသည် သူ၏ နားလည်မှုကို ချို့ယွင်းစေပါသည်။ ၀ါရင့်နိုင်ငံ ရေးသမားများ၏ ကဏ္ဍ ခေတ်သစ်မြန်မာနိုင်ငံ၌ မရှိတော့ပြီဟူသောအချက်ကို သူမမြင်နိုင်၍သော်လည်း ကောင်း၊ မမြင်လို၍သော်လည်းကောင်း ဖြစ်နိုင်ပါသည်။ ဗြိတိသျှအင်ပိုင်ယာ ပြိုပျက်ခြင်းကို လက်မခံနိုင်ဟူ သော ချာချီ၏ ဧကရာဇ် စိတ်ဓာတ်ပြင်းပြသည့် ခံယူချက်သည် မြန်မာနိုင်ငံကို အထောက်အကူမပြုခဲ့ပါ။ ချာချီ အား ၀န်ကြီးချုပ်နေရာ၌ဆက်ခံသူ အတ္တလီကလည်း မြန်မာနိုင်ငံအတွင်းရှိ အယူအဆ၊ သဘောထားအသွယ် သွယ်ကို အကဲဖြတ်ရန် အခက်အခဲတွေ့နေရာ တိကျသော မူဝါဒတရပ်ချမှတ်ရန် နှေးကွေးခဲ့၏။

၁၉၄၅ ခုနှစ် အောက်တိုဘာလတွင် ဒေါ်မန်ဆမစ် ရန်ကုန်သို့ ပြန်လည်ရောက်ရှိလာသောအခါ အရပ်သားအ စိုးရ ပြန်လည်ဖွဲ့စည်းလိုက်ခြင်းဖြင့်မြန်မာနိုင်ငံလွတ်လပ်ရေးတိုက်ပွဲ ပြီးဆုံးပြီဖြစ်ကြောင်းကို အလေးအနက် ပြသလိုက်ပါသည်။ သို့သော် ဗိုလ်ချုပ်အောင်ဆန်းနှင့် ဖဆပလတို့၏ သဘောထားကား ထိုကဲ့သို့ မဟုတ်ပါ။ ၎င်းတို့လိုလားသော လွတ်လပ်ရေးကို ၎င်းတို့တောင်းဆိုချက်များနှင့်အညီဗြိတိသျှအစိုးရက ပေးရန်ပျက်ကွက် ပါက လက်နက်ကိုင်တိုက်ပွဲ ထပ်မံဆင်နွှဲရမည့် အလားအလာကို ၎င်းတို့ မပယ်ချထားပါ။

ပထမဦးဆုံးတိုက်ပွဲကား ဘုရင်ခံကောင်စီဖွဲ့စည်းရေးကိစ္စနှင့် ပတ်သက်ပါသည်။ ဖဆပလသည် ရာထူးနေရာ (၁၁) နေရာအနက် (၇) နေရာတွင် ၎င်းတို့အမည်တင်သွင်းသော ပုဂ္ဂိုလ်များကို ခန့်အပ်ရန် အတင်းအကျပ် တောင်းဆို၏။ ထို့အပြင် ဘုရင်ခံကောင်စီကို ၎င်းတို့မူလကတောင်းဆိုခဲ့သော ယာယီအမျိုးသားအစိုးရပုံစံ ဖြစ် စေမည့် အခြားလိုအပ်ချက်များကိုပါ တွဲ၍တောင်းဆိုလိုက်ပါသည်။ မျှော်လင့်ထားသည့်အတိုင်း ဗြိတိသျှအစိုး ရသည် တောင်းဆိုချက်များကို ငြင်းပယ်လိုက်ပါသည်။

ထို့နောက် ဒေါ်မန်ဆမစ်သည် ကောင်စီနှင့် ဥပဒေအဖွဲ့ဝင်များအဖြစ် အလယ်အလတ်လမ်းစဉ်သမားများဟု မိ မိယုံကြည်သူတို့ကို ခန့်အပ်လိုက်ပါသည်။ သို့သော် ထိုပုဂ္ဂိုလ်များအနက် ကပ်ပါးရပ်ပါး မင်းမြှောင်များ၊ အမျိုး သားရေးသစ္စာဖောက် ကိုယ်ကျိုးရှာသမားများဟု မြန်မာအများက ယူဆထားသူအချို့လည်း ပါဝင်နေပါသည်။ ၁၉၄၆ ခုနှစ် ဇန်န၀ါရီလတွင် အများသဘောတူ တညီတညွတ်တည်းထောက်ခံမှုဖြင့် ဗိုလ်ချုပ်အောင်ဆန်းကို ဖဆပလဥက္ကဌ တင်မြှောက်လိုက်ပါသည်။ ကန္ဒီသဘောတူညီမှု ရှိထားပါသော်လည်း မြန်မာ့တပ်မတော်အ တွင်း ၀င်ရောက်အမှုထမ်းခြင်းမရှိသော ဗမာ့မျိုးချစ်တပ်မတော်သား အများအပြား ကျန်နေပါသည်။ ဗိုလ်ချုပ် အောင်ဆန်းသည် စစ်မှုထမ်းဟောင်းများနှင့် အသစ်ဝင်လာသူများကိုပေါင်းကာ သူ့ပြည်သူ့ရဲဘော်အဖွဲ့ကို တည်ထောင်လိုက်ပါသည်။

ပြည်သူ့ရဲဘော်အဖွဲ့တပ်သားများသည် ယူနီဖောင်းဝတ်ဆင်ကာ ပွင့်ပွင့်လင်းလင်းပင် စစ်လေ့ကျင့်ရေးများ ပြု လုပ်ပါသည်။ ပြည်သူ့ရဲဘော်အဖွဲ့သည် တရားဝင်အားဖြင့် ပြန်လည်ထူထောင်ရေးလုပ်ငန်းများ ဆောင်ရွက် နေသော လူမှုရေးအဖွဲ့အစည်းတရပ်သာ ဖြစ်သော်လည်း ဖဆပလ၏ လက်ရုံးတပ်ဖြစ်လာနိုင်သော အခြေခံ အရည်အချင်းများ ရှိနေသောကြောင့် အစိုးရအတွက် စိတ်မအေးဖွယ်ဖြစ်နေပါသည်။ ဗိုလ်ချုပ်အောင်ဆန်း သည် ဘုရင်ခံ၏ မကျေနပ်ချက်များကို သိမ်မွေ့စွာ တုံ့ပြန်လိုက်ပါသည်။ ကြေညာချက်တရပ်တွင် တပ်ဖွဲ့၏ ရည်ရွယ်ချက်များကိုဖော်ပြကာ ၎င်းတို့အနက် တချက်မှာ “သူခိုးဓားပြ စသော ရာဇ၀တ်မှုများ ပပျောက်ရန်နှင့် ရပ်ရွာငြိမ်ဝပ်ပိပြားရေးအတွက် သက်ဆိုင်ရာအစိုးရအဖွဲ့ဝင်များ၊ အခြားအဖွဲ့အစည်း၊ တိုင်းသူပြည်သားများနှင့် ပူးပေါင်းဆောင်ရွက်၍ ပြည်သူ့ကာကွယ်ရေးအတွက် ကူညီစောင့်ရှောက်ပေးရန်” ဖြစ်ပါသည်။

ဒေါ်မန်ဆမစ်လည်း မည်သို့အဓိပ္ပာယ်ကောက်ရမည် မသိဖြစ်နေပါသည်။ ဘုရင်ခံသည် ဗိုလ်ချုပ်အောင်ဆန်း နှင့် ဖဆပလတို့ကိုကိုင်တွယ်ရာ၌ မနိုင်မနင်းဖြစ်နေ၏။ မြန်မာခေါင်းဆောင်နှင့်ပတ်သက်၍ သူ စိတ်မပိုင်းဖြတ် နိုင်။ လှိုက်လှိုက်လှဲလှဲ ချီးကျူးသည့်အခါများရှိသကဲ့သို့ဇဝေဇ၀ါ၊ သံသယစိတ်များ လွှမ်းမိုးသည့်အခါများ လည်းရှိပြီး နာရီချိန်သီးပမာ အတွေးနှစ်ဖက်အကြား စိတ်မတည်မငြိမ် ဖြစ်နေ၏။ ဗိုလ်ချုပ်အောင်ဆန်းသည် လွတ်လပ်ရေးရယူရာ၌ ပြည်သူလူထုခံနေရဆဲ အတိဒုက္ခများကို ပိုမိုဆိုးဝါးစေမည့် လက်နက်ကိုင်တိုက်ပွဲကို မ လိုလားကြောင်းအရိပ်အမြွက်ပြပါသည်။ တချိန်တည်းတွင် မြန်မာ့လွတ်လပ်ရေးရရန်အတွက် လိုအပ်မည်ဆိုပါ က အကြမ်းဖက်နည်းများသုံးရန်ကို တွန့်ဆုတ်နေမည်မဟုတ်ကြောင်းကိုလည်း ထင်ရှားစေသည်။ လူထုစည်း ဝေးပွဲကြီးများတွင်လည်းကောင်း၊ ဆန္ဒပြချီတက်နေစဉ် ပုလိပ်လက်ချက်ဖြင့် ကျဆုံးခဲ့သော တောင်သူလယ်သ မားများ၏ ဈာပနကဲ့သို့သော စိတ်လှုပ်ရှားဖွယ်အခမ်းအနားများတွင်လည်းကောင်း ဗိုလ်ချုပ်အောင်ဆန်းသည် ဗြိတိသျှအုပ်ချုပ်ရေး၏ မူဝါဒများကိုရှုတ်ချပြီး လွတ်လပ်ရေးအတွက် တတိုင်းပြည်လုံး ဆထက်ထမ်းပိုး ကြိုး စားဆောင်ရွက်ရန် နှိုးဆော်နေလျက်ကပင် လူအုပ်ကြီးများငြိမ်သက်စည်းကမ်းရှိစေရန် ထိန်းသိမ်းထားနိုင် ကြောင်းပြသခဲ့၏။

သို့သော်လည်း ဒေါ်မန်ဆမစ်နှင့် သူ၏ အကြံပေးပုဂ္ဂိုလ်တို့သည် ပြဿနာများကို အေးချမ်းစွာ ဖြေရှင်းနိုင်ရန် ဗိုလ်ချုပ်အောင်ဆန်း၏ ပူးပေါင်းဆောင်ရွက်မှုလိုအပ်သည်ကို လက်ခံရန် ၀န်လေးနေကြ၏။ ဖဆပလ၏ အင် အားကိုစမ်းရန် အခြားပါတီအဖွဲ့အစည်းများ တည်ထောင်၍ ရ၊ မရ စဉ်းစားကြသည်။ ဤကဲ့သို့ အားစမ်းရန် စိတ်သန်သော နိုင်ငံရေးသမားများကား ရှိပါသည်။ အင်္ဂလိပ်စာရေးဆရာကြီးတဦး ဘုရင်ခံကောင်စီဝင်များနှင့် ပတ်သက်၍ ရေးသကဲ့သို့ ထိုနိုင်ငံရေးသမားများနှင့် ပတ်သက်၍လည်း ရေးနိုင်သည်မှာ ၎င်းတို့နှင့် ဖဆပလ အကြား ကွာခြားချက်များသည် လွတ်လပ်ရေးမူဝါဒများအပေါ် အခြေခံသည်ထက် အာဏာရရှိရေးပြိုင်ဆိုင်မှု အပေါ်တွင်သာ အခြေခံပါသည်။ ထို့အပြင် ဗိုလ်ချုပ်အောင်ဆန်း အမျိုးသားခေါင်းဆောင်အဖြစ် ထင်ပေါ်ကျော် ကြားလာခြင်းနှင့် သူ့အား ပြည်သူတို့က ကိုးကွယ်သည်ဟုပင် ပြောရလောက်မတတ် ချစ်ခင်ကြည်ညိုခြင်းတို့ ကြောင့် အချို့အသိုင်းအ၀ိုင်းများတွင် မနာလိုမုန်းတီးစိတ်များ ပြင်းပြနေပါသည်။

ဒေါ်မန်ဆမစ်သည် ဖဆပလကို စိန်ခေါ်နိုင်သော အင်အားစုများ ပေါ်ပေါက်လာနိုင်မည့် အလားအလာများကို သုံးသပ်နေပြီး သူ၏ အကြံပေးပုဂ္ဂိုလ်အချို့က ဗိုလ်ချုပ်အောင်ဆန်းအား နိုင်ငံတော်ပုန်ကန်မှု စွဲချက်ဖြင့် ဖမ်း ဆီးရန် နားပူနားဆာတိုက်နေစဉ် ဘုရင်ခံကောင်စီဝင်ဖြစ်နေသော သခင်ထွန်းအုပ်သည် ဗိုလ်ချုပ်ကို လူသတ် မှုနှင့် စွဲချက်တင်လိုက်ပါသည်။ ဗမာ့လွတ်လပ်ရေးတပ်မတော် ချီတက်လာစဉ်က ရွာသူကြီးတဦးအား ဗြိတိသျှ အလိုတော်ရိလုပ်ငန်းများဆောင်ရွက်မှု၊ ဖိနှိပ်ရက်စက်မှုနှင့် အဂတိလိုက်စားမှု စွဲချက်များတင်ကာ စစ်ခုံရုံးဖွင့်၍ စစ်ဆေးခဲ့ပါသည်။ စစ်ခုံရုံးမှချမှတ်လိုက်သော သေဒဏ်အပြစ်ကို ဗိုလ်ချုပ်အောင်ဆန်းကိုယ်တိုင် ဆောင်ရွက် ခဲ့ပါသည်။

ဤအမှုနှင့် ဗိုလ်ချုပ်အောင်ဆန်းကို ရုံးတင်စစ်ဆေးမည်ဆိုပါက သခင်ထွန်းအုပ်သည် ဖြစ်ရပ်လုံးစုံကို တွေ့မြင် ခဲ့သဖြင့် သက်သေထွက်ဆိုပေးမည်ဟု ကမ်းလှမ်းလိုက်၏။ ဗိုလ်ချုပ်အောင်ဆန်းကို ချက်ချင်းဖမ်းဆီးသင့်၊ မ ဖမ်းဆီးသင့်နှင့်ပတ်သက်၍ အစိုးရအဖွဲ့အတွင်း ၀ိဝါဒကွဲပြားနေ၏။ အရပ်သားဗြိတိသျှအရာရှိအချို့က ဖမ်းဆီး ရေးတိုက်တွန်းကြသည်။ ဤကဲ့သို့ဆောင်ရွက်ခြင်းဖြင့် အခြေအနေများ ပိုမို၍ ရှင်းလင်းသွားစေမည်၊ ထကြွပုန် ကန်မှု ဖြစ်ပေါ်စေမည့် အလားအလာကိုလည်း ဖယ်ရှားနိုင်မည်။ ဗိုလ်ချုပ်အောင်ဆန်းကို လူထုက မကြာမီ မေ့ ပျောက်သွားမည်ဖြစ်သဖြင့် ပြဿနာများစွာလည်း ရှိမည်မဟုတ်ဟု ထောက်ပြကြသည်။

ဤအချက်များကို ရဲမင်းကြီးက သဘောမတူပါ။ စစ်အတွင်းပြစ်မှုများနှင့်ပတ်သက်၍ အထွေထွေလွတ်ငြိမ်းချမ်း သာခွင့် ပေးရန်ရှိနေကြောင်း၊ ဖဆပလနှင့် ပြည်သူ့ရဲဘော်အဖွဲ့၏ ခေါင်းဆောင်ဖြစ်သူကို ဖမ်းဆီးခြင်းသည် ပုန်ကန်တော်လှန်မှုကို တားဆီးသည်ထက်၊ ထကြွရန်လှုံ့ဆော်လိုက်သကဲ့သို့သာဖြစ်သွားနိုင်ကြောင်း တင်ပြ ပါသည်။ မြန်မာနိုင်ငံ စစ်ဌာနချုပ်သေနာပတိကလည်း ရဲမင်းကြီး၏အမြင်ကို ထောက်ခံကာ ဗိုလ်ချုပ်အောင် ဆန်းသည် အသိတရားနှင့် ပြည့်စုံသူဖြစ်သဖြင့် ပုန်ကန်ထကြွမှုတရပ်ကို စတင်မည်သူဟု မထင်ကြောင်း တင် ပြပါသည်။ ထို့အပြင် သခင်ထွန်းအုပ်၏ ပြောကြားချက်များအပေါ် မူတည်၍ ဆောင်ရွက်သင့်မသင့်ကလည်း ဆင်ခြင်ဖွယ်ရာဖြစ်နေ၏။

၎င်း၏ ရည်ရွယ်ချက်များသည် သံသယမကင်းဖွယ်ဖြစ်သည့်အပြင် ဂျပန်ခေတ်အတွင်း တာဝန်ဝတ္တရားမရှိပါ ဘဲနှင့် ၎င်းဆောင်ရွက်ခဲ့သော ကြမ်းတမ်းသည့် လုပ်ရပ်များအကြောင်းကို ဂုဏ်ဝင့်စွာ ရေးသားထုတ်ဝေထား သော စာအုပ်ကလည်း ရှိနေသေးသည်။ ဒေါ်မန်ဆမစ်သည် သခင်ထွန်းအုပ်၏ စွပ်စွဲချက်များကို ဗိုလ်ချုပ် အောင်ဆန်းနှင့် ဆွေးနွေးရန် ဆုံးဖြတ်လိုက်၏။ ဗိုလ်ချုပ်အောင်ဆန်းသည် ဤအမှုနှင့်ပတ်သက်၍ လုံးဝတာ ၀န်ယူကာ စစ်ခုံရုံးတွေ့ရှိချက်အရ သေဒဏ်အပြစ်ပေးခဲ့ရကြောင်း ရှင်းပြပါသည်။ ဘုရင်ခံလည်း တဖန် မဝေခွဲ နိုင် ဖြစ်ရပြန်သည်။ တဖက်တွင် ဗိုလ်ချုပ်အောင်ဆန်း၏ ဖြောင့်မတ်မှုနှင့် စိတ်သတ္တိတို့ကို များစွာလေးစားမိ ၏။ တဖက်တွင်ကား သူ့အုပ်ချုပ်ရေး၏ အဓိကအတိုက်အခံဖြစ်နေသူကို လူသတ်မှုစွဲချက်တင်ကာ ဖယ်ရှားနိုင် လိုက်ပါက နိုင်ငံရေးအကျိုးအမြတ် မည်မျှထုတ်နိုင်မည်ကိုလည်း တွေးမိ၏။

ဤကိစ္စနှင့်ပတ်သက်၍ ၀ှိုက်ဟော(လန်ဒန်)အစိုးရက မိမိတို့သာဆုံးဖြတ်ရန် အာဏာရှိသည်ဟု ကန့်သတ် ချက်ထားခြင်းမှာ ကံကောင်းသည်ဟူ၍ပင် ပြောရမည်ကဲ့သို့ဖြစ်ပါသည်။ ၁၉၄၆ ခုနှစ် ဧပြီလ၊ ဒေါ်မန်ဆမစ် စင်္ကာပူသို့ အလည်အပတ်ရောက်စဉ် ဗိုလ်ချုပ်အောင်ဆန်းကို ဖမ်းဆီးရန် ညွှန်ကြားသော သံကြိုးစာရောက် လာ၏။ ဘုရင်ခံလည်း ညွှန်ကြားချက်အရ ဆောင်ရွက်ရန် ချက်ချင်းပင် ရန်ကုန်သို့ ပြန်ခဲ့၏။ ၀ရမ်းမထုတ်မီ လေးတွင် အမိန့်ပယ်ဖျက်လိုက်ကြောင်း သံကြိုးနောက်တစောင် ရောက်လာလေသည်။ ဤကိစ္စသည် အုပ်ချုပ် ရေး၏ မရေရာလှသောသြဇာကို ပိုမို၍ ယိုယွင်းလာစေသည်။ အုပ်ချုပ်သူများ၏ ခြေလှမ်းအားလုံးကို ဖဆပလ သည် အစိုးရဌာနများအတွင်းရှိ ၎င်းတို့အား ထောက်ခံသူများထံမှတဆင့် သိနေ၏။

ဗြိတိသျှတို့သည် ဗိုလ်ချုပ်ကို ဖယ်ရှားလိုသော်လည်း မထိဝံ့ဟူသောသတင်းသည် ပြန့်နှံ့သွား၏။ ဒေါ်မန်ဆမစ် လည်း အခြေအနေကို ထိန်းသိမ်းနိုင်ရန် ကြိုးစားပါသည်။ စက္ကူဖြူစီမံကိန်းကို လက်တွေ့အကောင်အထည်ဖော် ၍ရမည်မဟုတ်ကြောင်း လန်ဒန်အစိုးရကို ၀န်ခံအသိပေးပြီး ဖဆပလ လက်ခံနိုင်မည့် ကမ်းလှမ်းချက်အသစ် များကို တင်ပြလေသည်။ သို့သော် အချိန်ကား နှောင်းခဲ့လေပြီ။ ၁၉၄၆ ခုနှစ် ဇွန်လတွင် ပူပင်သောကများနေ သော ဘုရင်ခံကြီး ၀မ်းကိုက်ရောဂါစွဲကပ်သောကြောင့်အင်္ဂလန်သို့ ပြန်ရပါသည်။ ဇူလိုင်လမတိုင်မီ အတ္တလီ သည် ဒေါ်မန်ဆမစ်နေရာတွင် ဗိုလ်ချုပ်ရန်ဆ့်ကို ခန့်အပ်ရန် ဆုံးဖြတ်လိုက်၏။ ရန်ဆ့်အား ရွေးချယ်ခြင်းကား သင့်လျော်လှပါသည်။ သူသည် စစ်အုပ်ချုပ်ရေး အကြီးအကဲအဖြစ် တာဝန်ထမ်းဆောင်စဉ်က မြန်မာပြည်အ ခြေအနေကို ကောင်းစွာသိနိုင်ခဲ့ပြီး ဗိုလ်ချုပ်အောင်ဆန်းအပါအ၀င် ဖဆပလခေါင်းဆောင်များနှင့် သင့်မြတ်သူ ဖြစ်၏။

လွတ်လပ်ရေးကြိုးပမ်းမှု

ဘုရင်ခံပြောင်းလဲခြင်းသည် ဖဆပလ၏ မူဝါဒများ ပြောင်းလဲခြင်းမဟုတ်သော်လည်း ဗြိတိသျှအစိုးရ၏ ချဉ်း ကပ်ပုံချဉ်းကပ်နည်း ပြောင်းလဲခြင်းကို ဖော်ပြလိုက်သဖြင့် လွတ်လပ်ရေးတိုက်ပွဲတွင် နိုင်ငံရေးအခန်းကဏ္ဍအ သစ်တရပ် ဖွင့်လိုက်ခြင်းဖြစ်ပါသည်။ ဘုရင်ခံကောင်စီဟောင်းကို ပယ်ဖျက်လိုက်ပြီး၊ ၁၉၄၆ ခုနှစ် စက်တင်ဘာ လတွင် ဦးအောင်ဆန်းသည် ကာကွယ်ရေးနှင့် နိုင်ငံခြားရေးဝန်ကြီး တာဝန်များယူကာ ဘုရင်ခံ၏ ကောင်စီအ သစ်တွင် ဒုတိယဥက္ကဌ ဖြစ်လာပါသည်။ ကောင်စီဝင် (၁၁) ဦးအနက် ဦးအောင်ဆန်းအပြင် ဖဆပလအဖွဲ့ဝင် (၅) ဦး ပါရှိလေသည်။ ကောင်စီဝင်များသည် စုပေါင်းတာဝန်ယူကြရ၏။ အမည်အားဖြင့် ဘုရင်ခံ၏ အကြံပေး အဖွဲ့မျှသာဖြစ်သော်လည်း လက်တွေ့အားဖြင့် ကောင်စီသည် ကြာမြင့်စွာကပင် တောင်းဆိုခဲ့သော ယာယီအ မျိုးသားအစိုးရပင်ဖြစ်ပါသည်။

ဦးအောင်ဆန်းသည် ဤဖြစ်ပေါ်ချက်အသစ်များကို သတိရှိရှိနှင့် အကောင်းဖက်က ရှုမြင်ပါသည်။ တရားဝင် တည်ဆဲဖြစ်နေသေးသော စက္ကူဖြူစီမံကိန်းကို ဆန့်ကျင်ကန့်ကွက်သည့် လူထုစည်းဝေးပွဲကြီးတွင် တိုက်ပွဲဆုံး ခန်းတိုင်မရောက်သေးကြောင်း ထုတ်ဖော်ပြောဆိုခဲ့ပါသည်။ သူ ရာထူးနေရာ လက်ခံခဲ့ခြင်းကြောင့် ပြဿနာ အားလုံး ပြေလည်သွားပြီဟု မယူဆသင့်ကြောင်းနှင့် နောင်ဆောင်ရွက်ရန် အလုပ်တာဝန် များစွာရှိသေး ကြောင်း လူထုအား ဦးအောင်ဆန်းက သတိပေးလိုက်ပါသည်။ ပြည်သူလူထု၏ ထောက်ခံအားပေးမှုသည် သူ နှင့် ဖဆပလအတွက် မည်မျအရေးကြီးကြောင်း ပြောကြားပြီးနောက် လူထုနှစ်သက်မြတ်နိုးသော ရိုးသားပွင့် လင်းမှုဖြင့် ကိုယ်ရေးကိုယ်တာကိစ္စနှင့်ပတ်သက်၍ အောက်ပါအတိုင်း မှတ်ချက်ချလိုက်ပါသည်။

“နောက်ဆုံး ကျုပ်အကြောင်းကို ခင်ဗျားတို့ကို နည်းနည်းပြောချင်တယ်။ အခုအခါ ကျုပ်ဟာ (ပတ်ဗလစ်မှာ ပေါ်ပြူလာဖြစ်နေတဲ့သူပဲ)။ ဒါပေမယ့် ကျုပ်ဟာ ဘုရားလည်းမဟုတ်၊ မှော်ဆရာ မျက်လှည့်ဆရာလည်း မ ဟုတ်၊ လူပဲ။ နတ်လည်းမဟုတ်၊ လူလောက်ပဲ အစွမ်းရှိမှာပဲ။ ကျုပ်အသက်ဟာ အင်မတန်မှ ငယ်တယ်။ ကျုပ် အခုထမ်းရတဲ့ တာဝန်ဟာလည်း တတိုင်းပြည်လုံးရဲ့တာဝန်ကို ရှေ့ဆုံးက ထမ်းနေရတယ်။ ကျုပ်ကိုယ်ကို ဒီ တာဝန်တွေ ထမ်းနိုင်အောင် အရည်အချင်းပြည့်စုံတယ်လို့ မယူဆဘူး။ ပြီးတော့ ကျုပ် စိတ်တိုတတ်တယ်ဆို တာလည်း လူအများ သိကြတာပဲ။ ဒါ ကျုပ် နဂိုပဲ။ အလုပ်ရှုပ်ပြီး အနှောင့်အယှက်များရင် စိတ်တိုတတ်တယ်။ ဒါကို ပြုပြင်နိုင်သျှ ပြုပြင်ဖို့ ကြိုးစားမယ်။ သို့သော်လည်း ခင်ဗျားတို့လည်း စိတ်ရှည်ရှည်ထားပြီး ကနေ့ပြတဲ့ အင်အားမျိုးထက် ဆထက်ထမ်းပိုး တိုးအောင်လုပ်ပြီး ကျုပ်တို့က ခင်ဗျားတို့အတွက် လုပ်တဲ့နေရာမှာ အားပေး မယ်ဆိုရင် ကျုပ်တို့လိုချင်တဲ့ လွတ်လပ်ရေး၊ လူထုကောင်းစားရေးတွေကို ရအောင်ပိုလုပ်နိုင်မယ်။ ပိုအကျိုးရှိ မှာပဲ။ ဒါကြောင့် လူထုတွေကို ဆက်တောင့်ထားကြပါအုံးလို့ဆိုတာ ထပ်ပြောခဲ့ချင်တယ်။”

ပြည်သူလူထုသည် ဦးအောင်ဆန်းနောက်မှ မားမားမတ်မတ်ရပ်၍ တောင့်ထားသော်လည်း သူ့ကို အတိုက်အခံ လုပ်မှု မရှိတော့ မဟုတ်ပါ။ ဖဆပလ၏ အင်အားကို ပြင်ပမှ စိန်ခေါ်သော နိုင်ငံရေးပါတီများထက် ဖဆပလအ တွင်းမှ ပြဿနာများ ပို၍ပေါ်ပေါက်ခဲ့ပါသည်။ တသီးပုဂ္ဂလ သစ္စာဖောက်သွားသူ အနည်းငယ်မျှသာရှိသော် လည်း ကွန်မြူနစ်များသည် ဖဆပလအဖွဲ့ချုပ်နောက်မှ ညီညွတ်စွာရှိသယောင်နှင့် မိမိတို့ပါတီအားကောင်းရေး အတွက် ဆောင်ရွက်နေကြပါသည်။

ပုဂ္ဂိုလ်ရေးနှင့် ၀ါဒရေးအယူအဆ မတိုက်ဆိုင်မှုကြောင့် ၁၉၄၆ ခုနှစ် မတ်လတွင် သခင်စိုး၏ ‘အလံနီ’ ကွန်မြူ နစ်များနှင့် သခင်သန်းထွန်း၊ သခင်သိန်းဖေတို့ခေါင်းဆောင်သော ‘အလံဖြူ’ ကွန်မြူနစ်များဟူ၍ ကွန်မြူနစ်ပါ တီ နှစ်ခြမ်းကွဲသွားခဲ့ပါသည်။ အလံနီကွန်မြူနစ်များသည် အကြမ်းဖက်မှုဝါဒများ စွဲကိုင်ခြင်းကြောင့် ၎င်းတို့အား ဇူလိုင်လတွင် မတရားအသင်းအဖြစ် ကြေညာလိုက်ပါသည်။ သခင်သန်းထွန်းသည် ဖဆပလ၏ အထွေထွေအ တွင်းရေးမှူး ဖြစ်လာပြီး သခင်သိန်းဖေသည် ကောင်စီဝင်တဦး ဖြစ်လာပါသည်။ သို့သော်လည်း ‘သိန်း၊ သန်း’ ကွန်မြူနစ်တို့သည် ‘ရန်စ်’ မရောက်မီက စတင်ခဲ့သော အထွေထွေသပိတ် ပြီးငြိမ်းသွားစေရန် ကောင်စီ၏ ဒု- ဥက္ကဌအနေနှင့် ဦးအောင်ဆန်း၏ စေ့စပ်ရေးဆောင်ရွက်ချက်များကို အနှောင့်အယှက်ပေးခဲ့၏။ အထွေထွေသ ပိတ်ပြီးငြိမ်းရေး ဆောင်ရွက်ချက်များ ပျက်ပြားစေရန် ကြိးပမ်းမှုမှာ အောင်မြင်ခြင်းမရှိခဲ့ချေ။ သို့သော် ဤကြိုး ပမ်းမှုသည် ဦးအောင်ဆန်းနှင့် ဖဆပလတို့၏ သြဇာပြိုပျက်စေရန် အတန်ကြာကပင် စတင်ခဲ့သော စည်းရုံးလှုံ့ ဆော်ရေးလုပ်ငန်းများ၏ တစိတ်တပိုင်းသာဖြစ်ပါသည်။

အခြေအနေကို မဖြေရှင်း၍ မရတော့ပါ။ ဆိုရှယ်လစ် ဦးကျော်ငြိမ်းကို သခင်သန်းထွန်းနေရာ၌ အထွေထွေအ တွင်းရေးမှူး ခန့်အပ်လိုက်ပြီး အောက်တိုဘာလတွင် ကွန်မြူနစ်များကို ဖဆပလအတွင်းမှ ထုတ်ပယ်လိုက်ပါ သည်။ ဤလုပ်ရပ်ကို နောက်လအတွင်း ကျင်းပသော အဖွဲ့ချုပ်၏ အထွေထွေညီလာခံ၌ အတည်ပြုလိုက်ပါ သည်။ ထုတ်ပယ်ရခြင်း၏ အကြောင်းများကို ရှင်းပြသော မိန့်ခွန်း၌ ဦးအောင်ဆန်းသည် ကွန်မြူနစ်တို့အား တိုင်းပြည်၏ ညီညွတ်မှုပျက်ပြားစေရန် ကြိုးပမ်းသည်။ မိမိတို့၏ပါတီရေးကို မြန်မာ့လွတ်လပ်ရေးထက် အလေး ပေးသည်။ မြန်မာ့အခြေအနေနှင့် သင့်လျော်၊ မသင့်လျော်ကို မဆင်ခြင်ဘဲ အိန္ဒိယကွန်မြူနစ်ပါတီ၏ ညွှန်ကြား ချက်များကို မျက်စေ့စုံပိတ်၍ လိုက်နာသည် စသဖြင့် ရှုတ်ချပါသည်။

အမှုဆောင်ကောင်စီမှ နှုတ်ထွက်လိုက်သော သခင်သိန်းဖေက ဦးအောင်ဆန်းနှင့် သူ၏ လုပ်ဖော်ကိုင်ဖက် များအား တော်လှန်ရေးသမားထက် ပြုပြင်ရေးသမားဆန်သည်၊ ၎င်းတို့သည် ဗြိတိသျှ၏ လှည့်ဖြားမှုကို အညံ့ ခံခဲ့ပြီး ဘုရင်ခံနှင့် ဆက်ဆံရာ၌ ပျော့လွန်းသည်၊ အဝေဖန်လည်း မခံနိုင်ဟု ပြောဆိုပါသည်။ ဖဆပလနှင့် ကွန် မြူနစ်တို့ လမ်းခွဲသွားကြသော်လည်း လက်ဝဲညီညွတ်မှုကို အထူးလိုလားသော ဦးအောင်ဆန်းသည် မာက်စ်ဆို ရှယ်လစ်ဝါဒနှင့် ကွန်မြူနစ်ပါတီဝင်အချို့အပေါ် သံယောဇဉ်မကုန်ပါ။ အလံနီကွန်မြူနစ်များနှင့် အလံဖြူကွန် မြူနစ်များအကြား စေ့စပ်ဖြန်ဖြေရန် သူ ကြိုးစားခဲ့ပါသည်။ သိန်း၊ သန်း ကွန်မြူနစ်များကို ဖဆပလအတွင်းမှ ဖယ်ထုတ်ပြီးနောက် ပြည်သူ့ရဲဘော်နှင့် ဆိုရှယ်လစ်တို့ကို ပေါင်းစည်းပြီး မက်စ်အဖွဲ့ချုပ်တည်ထောင်ရန် ဦး အောင်ဆန်း စဉ်းစားခဲ့သည်ဟု အဆိုရှိပါသည်။

အမှုဆောင်ကောင်စီအသစ်သည် သခင်စိုးကွန်မြူနစ်များအပေါ် ချမှတ်ထားသော ပိတ်ပင်ချက်ကို ပယ်ဖျက် ပေးလိုက်ပါသည်။ သို့သော် အလံနီကွန်မြူနစ်များသည် လက်နက်ကိုင်တော်လှန်ရေးလမ်းစဉ်ကို တရားသေ ဆုပ်ကိုင်ထားသဖြင့် ၁၉၄၇ ခု ဇန်န၀ါရီလတွင် ၎င်းတို့အား တဖန် မတရားအသင်းကြေညာရပြန်သည်။ အဖြူ၊ အနီမရွေး ကွန်မြူနစ်အများအပြား အထူးသဖြင့် ပြည်သူ့ရဲဘော်ဟောင်းများသည် ဦးအောင်ဆန်းကို ဆက် လက်၍ ကြည်ညိုလေးစားကြပါသည်။ သူ့အနေနှင့်လည်း ကွယ်လွန်သွားသည့်တိုင် ပြန်လည်ပေါင်းစည်းရေး ကို လုံးလုံးလျားလျား ပစ်ပယ်ခဲ့ခြင်း ရှိဟန်မတူပါ။ သို့သော် သူသည် မြန်မာနိုင်ငံလွတ်လပ်ရေးနှင့် ညီညွတ်ရေး ထက်ပိုပြီး မည်သည့်ဝါဒကိုမှ ဦးစားမပေးခဲ့ပါ။

၁၉၄၆ ခုနှစ် ဒီဇင်ဘာလတွင် ဖဆပလသည် အချုပ်အခြာအာဏာပိုင် မြန်မာနိုင်ငံတည်ထောင်ရေးအတွက် လိုအပ်သောကိစ္စများ ဆွေးနွေးရန် ဗြိတိသျှအစိုးရ၏ ဖိတ်ကြားချက်ကို လက်ခံလိုက်ပါသည်။ နှစ်ဦးပိုင်းတွင် လန်ဒန်သို့ ထွက်ခွာသွားသောကိုယ်စားလှယ်အဖွဲ့ကို ဦးအောင်ဆန်း ဦးဆောင်၍ အဖွဲ့ထဲတွင် အမှုဆောင် ကောင်စီဝင်များ၊ နိုင်ငံရေးသမားများနှင့် အရပ်သားအစိုးရ၀န်ထမ်းများ ပါရှိပါသည်။

ဒေလီမြို့၌ ရပ်နားစဉ် ကျင်းပသော သတင်းစာရှင်းလင်းပွဲတွင် ဦးအောင်ဆန်းက လုံးဝလွတ်လပ်ရေးကိုသာ လိုလားကြောင်း၊ ဒိုမီနီယန်အဆင့်အတန်း လက်ခံရေးကို ထည့်သွင်းစဉ်းစားမည် မဟုတ်သဖြင့် မေးစရာပင် မ လိုကြောင်းပြောကြားခဲ့ပါသည်။ သတင်းစာဆရာတို့၏ မေးခွန်းတရပ်ကို ဖြေကြားရာ၌ မြန်မာတို့၏ တောင်းဆို ချက်များကို ကျေနပ်ဖွယ်ရာလိုက်လျောခြင်း မရှိပါက အကြမ်းဖက်နည်းကိုဖြစ်စေ၊ အကြမ်းမဖက်သောနည်း ကိုဖြစ်စေ၊ နည်းနှစ်မျိုးလုံးကိုဖြစ်စေ၊ စဉ်းစားရန် လုံးဝတွန့်ဆုတ်မည်မဟုတ်ဟု ပြောခဲ့၏။ နိဂုံးချုပ်အနေနှင့် အ ကောင်းဆုံးကို မျှော်လင့်ထားသော်လည်း အဆိုးဆုံးအတွက်လည်း အဆင်သင့်ပြင်ထားကြောင်း ပြောသွားပါ သည်။ ဤကား မြန်မာနိုင်ငံမှ မထွက်ခွာမီ နှစ်သစ်ကူးမိန့်ခွန်းထဲတွင် အသေးစိတ်ပြောခဲ့သော အချက်အလက် တို့ထက် ပိုမိုခြင်းမရှိပါ။

ထိုမိန့်ခွန်းတွင် ပွင့်ပွင့်လင်းလင်း ဖော်ပြခဲ့သည်မှာ ဗြိတိသျှတို့သည် အေးချမ်းစွာ ဖြေရှင်းရေးကို လိုလားသည် ဟု သူ ယုံကြည်လိုကြောင်း၊ သူကိုယ်တိုင်လည်း အေးဆေးသော နည်းများကိုသာ ပို၍နှစ်သက်ကြောင်း၊ သို့ သော်လည်း လိုအပ်သည့် သဘောတူညီချက်များ မရပါက လူထုအနေနှင့် တရားဥပဒေပြင်ပမှ လွတ်လပ်ရေး တိုက်ပွဲဝင်ရန် အဆင်သင့်ပြင်ထားရမည်ဖြစ်ကြောင်းစသဖြင့် ဖြစ်ပါသည်။ အမှန်မှာ ဦးအောင်ဆန်းနှင့် ဖဆ ပလသည် ဗြိတိသျတို့နှင့် ဆွေးနွေးပွဲများ မအောင်မြင်ပါက ဖြစ်ပျက်လာမည့် အခြေအနေအတွက် ပြင်ဆင်မှုအ နေနှင့် လက်နက်များစုဆောင်းပြီး၊ ပြည်သူ့ရဲဘော်တပ်ဖွဲ့များကို အသင့်အနေအထားတွင် ရှိနေစေရန် စီစဉ်ပြီး ဖြစ်ပါသည်။

“အောင်ဆန်း-အတ္တလီ သဘောတူညီချက်” ထွက်ပေါ်စေခဲ့သော ဆွေးနွေးပွဲများအတွင်း ဦးအောင်ဆန်း၏ ကဏ္ဍနှင့်ပတ်သက်၍ ပုဂ္ဂလိကအမှုဆောင်ဝင်တဦးဖြစ်သူ ဦးတင်ထွဋ်က အောက်ပါအတိုင်းရေးသားခဲ့ပါသည်။ ပြည်သူ့လွှတ်တော်ရွေးကော်ပွဲမကျင်းပမီနှင့် အခြေခံဥပဒေသစ် မရေးဆွဲသေးမီ မြန်မာနိုင်ငံ၏ အစိုးရတာဝန် ၀တ္တရားတို့ကို မြန်မာအစိုးရထံသို့ လက်တွေ့အရလည်းကောင်း၊ ဥပဒေသဘောအရလည်းကောင်း၊ ချက်ချင်း လွှဲပြောင်းပေးရန်ကို သူက အားထုတ်ခဲ့ပါသည်။ ဥပဒေသဘောအရ လွှဲပြောင်းပေးခြင်းကို သူက မရယူနိုင်ခဲ့ သော်လည်း လက်တွေ့အားဖြင့် လွှဲပြောင်းပေးခြင်းကိုကား အနှစ်သာရအားဖြင့် နှစ်ဖက်သဘောတူညီမှုအပေါ် မူတည်၍ ရယူနိုင်ခဲ့ပါသည်။

ဤအနေအထားကို သူ၏ နိုင်ငံရေးအတိုက်အခံတို့က သူခေါင်းဆောင်ခဲ့သော ကိုယ်စားလှယ်အဖွဲ့၏ ရှုံးနိမ့်မှု ကဲ့သို့ဖြစ်စေရန် ကောက်ကွေ့ပွေလီစွာ အဓိပ္ပာယ်ဖွင့်လိုက ဖွင့်နိုင်ပါသည်။ သူသည် အနည်းဆုံး လိုအပ်ချက် များ တောင်းဆိုရာ၌ ခိုင်မာ၏။ ထိုသို့ခိုင်မာခြင်းကြောင့် တော်လှန်ရေးဖြစ်ပေါ်လာနိုင်သည်ဟုသူသိသဖြင့် တာဝန်မှာကြီးလေးလှ၏။ နိုင်ငံရေးပညာရှိတဦးပီသစွာ မြန်မာပြည်သူပြည်သားများ၏ လိုလားချက်တို့ကို အ နှစ်သာရအားဖြင့် ပေးသည်ကို သူလက်ခံခဲ့၏။ လိုလားချက်ကား လွတ်လပ်ရေးသို့ ရှင်းလင်းတိုတောင်းသော လမ်းမှ ချီတက်နိုင်ရန်နှင့် မိမိတို့တိုင်းပြည်၏ လက်တွေ့အစိုးရတာဝန်များကို ချက်ချင်းရရှိရန်တို့ဖြစ်ပါသည်။

နှစ်ဖက်အလိုကျ သဘောတူညီချက်ကို လက်ခံပြီးနောက် ဤသဘောတူညီချက်၏ အဓိပ္ပာယ်သက်မှုကို လူထု အား ရိုးရိုးရှင်းရှင်းတင်ပြ၍ လိုအပ်ချက်များ ဖြစ်မြောက်စေရန် ခေါင်းဆောင်မှုပေးခဲ့၏။ သူ၏ ခေါင်းဆောင်မှု နောက်မှ လိုက်ပါက တနှစ်အတွင်း လုံးဝလွတ်လပ်ရေးရစေရမည်ဟု ရဲရင့်စွာ ကတိပေးခဲ့၏။ ဤကား ပေါ့ပေါ့ ဆဆ ကတိမျိုး မဟုတ်ပါ။ သူ၏ နိုင်ငံရေးလုပ်ငန်း၊ သူ၏ ဂုဏ်သိက္ခာနှင့် သူ၏ ဘ၀တို့ကိုရင်း၍ ပေးလိုက် သော၊ ခံယူချက်အပေါ် အခြေခံသော ကတိမျိုးဖြစ်ပါသည်။ ဤသို့ဆောင်ရွက်ခြင်းဖြင့် သူ၏ ခေါင်းဆောင်ပီသ မှုကို အပြည့်အ၀ သက်သေပြလိုက်ပါသည်။

သဘောတူညီချက်ကို လက်မှတ်ထိုးရန် ငြင်းဆိုခဲ့သော ကိုယ်စားလှယ်အဖွဲ့ဝင်နှစ်ဦးကားဝန်ကြီးချုပ်ဟောင်း ဦးစောနှင့် ၁၉၃၈ ခုနှစ် ဒို့ဗမာအစည်းအရုံး နှစ်ခြမ်းကွဲပြီးနောက် အနည်းစုသခင်များကို သခင်ထွန်းအုပ်နှင့်အ တူ ခေါင်းဆောင်ခဲ့သော သခင်ဗစိန်တို့ဖြစ်ပါသည်။ မြန်မာပြည်သို့ ပြန်ရောက်သောအခါ ဦးစောနှင့် သခင်ဗစိန် သည် ဒေါက်တာဘမော်နှင့် ၀န်ကြီးချုပ်ဟောင်း နောက်တဦးဖြစ်သူ ဆာပေါ်ထွန်းတို့နှင့်ပေါင်းကာ အမျိုးသား အတိုက်အခံတပ်ဦး တည်ထောင်၍ ဦးအောင်ဆန်းသည် ရာထူးတည်မြဲရေးအတွက် နယ်ချဲ့တို့ဘက်သို့ ကူး ပြောင်းသွားပြီဟု ပြောလေသည်။

နိုင်ငံရေးအတိုက်အခံတို့၏ စွပ်စွဲချက်များကြောင့် ဦးအောင်ဆန်း ထူးထူးခြားခြား စိတ်အနှောင့်အယှက်မဖြစ်ခဲ့ ပါ။ တိုင်းရင်းသားလူမျိုးစုများနှင့် ဆွေးနွေးစေ့စပ်ရေးကိုသာ ဇောက်ချ၍ လုပ်ပါတော့သည်။ ဤကိစ္စကို ဖြေ ရှင်းရန် လန်ဒန်သွားကိုယ်စားလှယ်အဖွဲ့ မြန်မာပြည်ပြန်ရောက်ပြီး ရက်ပိုင်းအတွင်းပင် ပင်လုံ၌ ညီလာခံခေါ် ရေး စီစဉ်ထားပြီးဖြစ်ပါသည်။ ညီလာခံ၏ ရလဒ်ဖြစ်သော ပင်လုံစာချုပ်အရ “ကြားဖြတ်မြန်မာအစိုးရနှင့် ချက် ချင်းပူး ပေါင်းလိုက်ခြင်းအားဖြင့် ရှမ်း၊ ကချင်နှင့် ချင်းတို့သည် လွတ်လပ်ရေးကို ပိုမိုလျင်မြန်စွာ ရရှိလိမ့်မည်” ဟူ၍ အသိအမှတ်ပြုလိုက်ပါသည်။

ပင်လုံညီလာခံကား စစ်အတွင်းက တိုင်းရင်းသားများအကြား သင့်မြတ်ကြည်ဖြူရေးအတွက် သခင်များကြိုး ပမ်းချက်များနှင့် အစပျိုးခဲ့သော ဦးအောင်ဆန်း၏ မြန်မာနိုင်ငံအတွင်းရှိ လူမျိုးစုပေါင်းစုံ စည်းလုံးညီညွတ်ရေး ဦးတည်သော လုပ်ငန်းစဉ်၏ အထွတ်အထိပ်ပင်ဖြစ်ပါသည်။ တဖန် ဦးတင်ထွဋ်၏ စကားအရပြောရလျှင် ဆွေး နွေးစေ့စပ်ရေးနယ်ပယ်တွင် သူ(ဦးအောင်ဆန်း) အောင်မြင်မှုများ ရရှိခဲ့ခြင်းမှာ သူ၏ မသွယ်မ၀ိုက်ပွင့်လင်းမှု နှင့် ပုဂ္ဂလိကအရည်အသွေးတို့ကြောင့် ဖြစ်ပါသည်။ ထိုနယ်ပယ်တွင် သူ၏ အကြီးမားဆုံးဆောင်ရွက်ချက်ကား တောင်တန်းဒေသ တိုင်းရင်းသားများနှင့် အခြားလူငယ်စုများ၏ လုံးဝဥဿုံ စိတ်ချယုံကြည်မှုကို ရယူနိုင်ခြင်း ဖြစ်ပါသည်။

ပင်လုံညီလာခံ ပြီးလျှင်ပြီးချင်း ဧပြီလတွင် ကျင်းပမည်ဖြစ်သော ရွေးကောက်ပွဲတွင် ၀င်ရောက်ယှဉ်ပြိုင်မည့် ဖဆပလကိုယ်စား ဦးအောင်ဆန်းသည် ပင်ပန်းကြီးစွာ နိုင်ငံအနှံ့ စည်းရုံးရေးခရီးထွက်ခဲ့ပါသည်။ မြန်မာနိုင်ငံ ပြည်သူလူထုနှင့် (၃၂) နှစ် မျှသာရှိသေးသော သူတို့၏ နုပျိုရွယ်ခေါင်းဆောင်အကြား မကြံစဖူး ထူးခြားသော ဆက်ဆံရေးအနေအထားမျိုး ပေါ်ပေါက်ခဲ့ပါသည်။ ဦးအောင်ဆန်းသွားလေရာ လူအုပ်ကြီးများသည် ‘ငါတို့ဗိုလ် ချုပ်’ ကို မြင်လိုဇော၊ နားထောင်လိုဇော၊ သွေးစည်းခိုင်မာမှုကို ပြသလိုဇောတို့နှင့် ဖုံကိုမမှု၊ နေပူကိုမရွံ့၊ လာ ရောက်အားပေးကြပါသည်။ ‘ဗိုလ်ချုပ်’ ဟူသော ဝေါဟာရမှာ မူလတွင် သူ၏ တပ်မတော်ရာထူးကို ရည်ညွှန်း ခြင်းအမှုသာဖြစ်သော်လည်း နောင်တွင် သူ့အပေါ်ထားရှိသော ချစ်ခင်လေးစားမှုကို ရောင်ပြန်ဟပ်လာသော ဝေါဟာရဖြစ်လာ၏။

ဦးအောင်ဆန်းကား နားထောင်ကောင်းအောင် အပြောအဟောပြေပြစ်သူတဦး မဟုတ်ပါ။ သူ၏ မိန့်ခွန်းများ သည် ငြီးငွေ့ဖွယ် အတတ်ပညာရေးရာကိစ္စများနှင့် လွှမ်းမိုးနေသည်လည်း ဖြစ်နိုင်၏။ ဟိုအကြောင်းရောက် ဒီ အကြောင်းရောက်နှင့် လိုက်ရခက်သည်လည်း ဖြစ်နိုင်၏။ လွန်စွာရှည်လျားသည်လည်း ဖြစ်နိုင်၏။ သို့သော် လည်း လူထုသည် ငြိမ်သက်အေးဆေးစွာ နားထောင်ပြီး သူ့စိတ်သန္တာန်ကိုလိုက်ကာ သူ၏ တုံးတိတိနိုင်သော ဆုံးမသတိပေးချက်တို့ကို သဘောကျနှစ်သက်သကဲ့သို့ ကြားရခက်လှသော သူ၏ ရယ်ရွှင်ဖွယ်စကားလေး များကိုလည်း သဘောကျနှစ်သက်ကြပါသည်။

ဦးအောင်ဆန်းသည် မြန်မာ့လွတ်လပ်ရေးနှင့် စည်းလုံးညီညွတ်ရေးပြဿနာများကို ဖြေရှင်းပေးနိုင်မည့် အ တွေးအခေါ်များနှင့် နည်းဗျူဟာများကို အစဉ်တစိုက်ရှာဖွေနေသူဖြစ်၏။ ဤလုပ်ငန်းတွင် လူထုကို သူနှင့်အတူ ပါဝင်ရန်ခေါ်ဆောင်နိုင်ခဲ့သည်။ ကာလဒေသအခြေအနေများအရ လိုအပ်ပါကစိတ်ပြောင်းလဲရန် သူမကြောက် ရွံ့ပါ။ သူ၏ ယူဆချက်များနှင့် ရည်ရွယ်ချက်များကို လူထုအား ပွင့်ပွင့်လင်းလင်း ရှင်းပြပြီး ၎င်းတို့၏ ထောက်ခံ မှုကို တောင်းဆိုပါသည်။ သို့သော်လည်း လွယ်လင့်တကူ အောင်မြင်မှုများနှင့် စိတ်ကူးယဉ်အိပ်မက်လောက များ အကောင်အထည်ဖော်လာမည်ဟူ၍ လက်လွတ်စပယ် ကတိပြုချက်များ မပေးချေ။ သူ့တိုင်းပြည်အပေါ် တည်ကြည်ဖြောင့်မတ်စွာ ပြုကျင့်သွားမည်၊ မြန်မာ့လွတ်လပ်ရေးနှင့် စည်းလုံးညီညွတ်ရေးအတွက် အစွမ်းကုန် ဆောင်ရွက်သွားမည်၊ လူထု၏ ညီညွတ်မှုအင်အားသာ သူနှင့် ဖဆပလနောက်၌ တည်ရှိနေမည်ဆိုပါက လွတ် လပ်ရေးနှင့် စည်းလုံးညီညွတ်ရေးဟူသော နှစ်ပွင့်ဆိုင်ပန်းတိုင်သို့ ဦးဆောင်ခေါ်သွားနိုင်မည်ဟူ၍သာ ကတိပြု ခဲ့၏။

မြန်မာနိုင်ငံ ပြည်သူလူထုလည်း ရွေးကောက်ပွဲတွင် ဖဆပလကိုယ်စားလှယ်ပေါင်း မြောက်မြားစွာကို ရွေးချယ် တင်မြှောက်လိုက်ခြင်းဖြင့် ဦးအောင်ဆန်း၏ နှိုးဆော်ချက်တို့ကို တုံ့ပြန်လိုက်၏။ ပုဂ္ဂလိကကိုယ်စားလှယ်များ နှင့် ကွန်မြူနစ်ကိုယ်စားလှယ်များ လက်တဆုပ်စာလောက်သာ ရွေးချယ်ခြင်းခံခဲ့ရပါသည်။ ‘စော၊ စိန်၊ မော်’ အုပ်စုကား မိမိတို့သေချာပေါက်ရှုံးမည်ကို သိထားကြသဖြင့် ရွေးကောက်ပွဲများကို သပိတ်မှောက်ခဲ့၏။ ဖဆပ လသည် မသင့်တော်သော ဖိအားပေးမှုများ ပြုလုပ်ခဲ့သည်ဟု စွပ်စွဲချက်များနှင့် ရင်ဆိုင်ခဲ့ရ၏။ သို့သော် ရွေး ကောက်ပွဲဆိုင်ရာ ခုံရုံးများ၏ တွေ့ရှိချက်များအရ ရွေးကောက်ပွဲရလဒ်များသည် လူထု၏ဆန္ဒကို အမှန်အတိုင်း ရောင်ပြန်ဟပ်ခဲ့ပါသည်။ ဦးအောင်ဆန်း၏ ဘ၀နောက်ဆုံးအပိုင်းတွင် သူသည် နေ့စဉ်နှင့်အမျှ နိုင်ငံရေးရင့် ကျက်မှုနှင့် နိုင်ငံအုပ်ချုပ်ရေး ကျင်လည်မှုတို့တွင် တိုးတက်လာသည်ကို မြင်နိုင်ပါသည်။ နိုင်ငံတော်တည် ဆောက်ရေး ကိစ္စရပ်များကို ရင်ဆိုင်ရာ၌ သူ၏ ပင်ကိုယ်အရည်အသွေးများနှင့် တာဝန်သိစိတ်ဓာတ်တို့ ကွန့် မြူးလာ၏။ ဤကာလအတွင်း၌ တချိန်ကဆန့်ကျင်ဘက်ဖြစ်ခဲ့သော ဗြိတိသျှများစွာတို့၏ လေးစားမှုကို ရယူနိုင် ခဲ့သည်။ ထိုပုဂ္ဂိုလ်များအနက် တဦးက အောက်ပါအတိုင်း ရေးသားခဲ့ပါသည်။

အောင်ဆန်း၏ နိုင်ငံရေးပညာရှင်အရည်အချင်းများ တိုးတက်ကြွယ်ဝလာခြင်းသည် သူ၏ ပင်ကိုယ်စရိုက်ကား ဖြစ်ပေါ်လာသော အခြေအနေများအရ ကြီးထွားလာနိုင်စွမ်းရှိကြောင်းကို ပြသပါသည်။ သူ့ဘ၀၏ နောက်ဆုံး (၁၀) လတွင် သူသည် လက်တွေ့အားဖြင့် ၀န်ကြီးချုပ်အနေအထား၌ ရှိခဲ့ပါသည်။ ထိုကာလအတွင်း၌ သူသည် သူ့နိုင်ငံ မည်မျကျယ်ဝန်း၍ လူမျိုးပေါင်း မည်မျှစုံပြီး ပြဿနာများ မည်မျှရှုပ်ထွေးပွေလီလှသည်တို့ကို စ၍ ဂဃ နဏ သဘောပေါက်ခဲ့ပါသည်။ အလုပ်များလွန်းလှသဖြင့် သူ၏ ကျန်းမာရေးထိခိုက်လာသည့်အပြင် ရံဖန်ရံခါ အလုပ်မနိုင်မနင်း ဖြစ်ခဲ့ပါသည်။ သို့သော် သူကား ယောင်္ကျားကောင်းပီသစွာ ဤဖြစ်ရပ်ကို ၀န်ခံသဖြင့် သူနှင့် နေ့စဉ် ထိတွေ့နေသော ဗြိတိသျှအုပ်ချုပ်ရေးအရာရှိများ၏ လေးစားမှုကို ရရှိခဲ့ပါသည်။ သူ့အား လုပ်ကြံသတ် ဖြတ်ခြင်းသည် နောင်ဖြစ်ထွန်းလာမည့် ဥပဒေမဲ့ကာလများတွင် သူ့နောက်လိုက်များကို စည်းကမ်းထိန်းသိမ်း ရန် စွမ်းဆောင်နိုင်သည့် တဦးတည်းသောပုဂ္ဂိုလ်ကို သူ့တိုင်းပြည် ဆုံးရှုံးရခြင်းပင်ဖြစ်ပါသည်။

ဇွန်လအစောပိုင်းတွင် ဦးအောင်ဆန်းသည် တိုင်းပြည်အတွက် ပြန်လည်ထူထောင်ရေးလုပ်ငန်းများ စီစဉ်ရန် ရန်ကုန်မြို့ ပြည်လမ်းရှိ ‘ဆိုရန်တိုဗီလာ’ အဆောက်အဦးတွင် စည်းဝေးပွဲများ ဆက်တိုက်ကျင်းပပါသည်။ ညီ လာခံအဖွင့်မိန့်ခွန်းတွင် ဦးအောင်ဆန်းသည် အစောတလျင် လိုအပ်နေသော လုပ်ငန်းများကို မီးမောင်းထိုးပြ ပြီး လက်တွေ့ကျ၍ လှေနံဓားထစ်မဟုတ်သော အစီအစဉ်များလိုအပ်ကြောင်းကို အလေးပေးပြောသွားပါသည်။ လောဘကြီးလွန်းသော စီမံကိန်းများ မပြုလုပ်မိရန်နှင့် မည်သည့်ကိစ္စများ ပထမဦးဆုံး ဆောင်ရွက်ရန်လိုသည် ကို ဆုံးဖြတ်ရန် အရေးကြီးကြောင်းကိုလည်းပြောသွားပါသည်။ ထို့အပြင် တိုင်းသူပြည်သားတို့ လက်အတွင်း သို့ အချုပ်အခြာအာဏာ ပြန်၍ရောက်နေရကား တိုင်းပြည်တွင်ဖြစ်ပေါ်သမျှ အနိဌာရုံများအတွက် နယ်ချဲ့စနစ် ကို အပြစ်တင်တိုက်ခိုက်ခြင်းဖြင့် အချိန်နှင့်အင်အားတို့ကို အလဟဿမဖြုန်းကြရန် သတိပေးသွားပါသည်။

နယ်ချဲ့စနစ်ကို တိုက်ဖျက်ရန်သုံးခဲ့သော လက်နက်များသည် လွတ်လပ်သော နိုင်ငံတခုကို တည်တံ့ခိုင်မြဲ၍ တိုးတက်စေရန်အတွက် သင့်လျော်သော ကိရိယာများဖြစ်သည်ဟု အစဉ်အမြဲ မတွက်ဆနိုင်ကြောင်း သူ ပြည့် ပြည့်၀၀ နားလည်ပါသည်။ ဦးအောင်ဆန်းသည် မြန်မာနိုင်ငံအနေနှင့် နိုင်ငံတကာမိသားစု အသိုင်းအ၀ိုင်းတွင် မှန်ကန်သောနေရာမှ ပါဝင်ဆောင်ရွက်နိုင်မည့် အနာဂတ်ကာလကိုမျှော်မှန်းကာ စစ်မှန်သော အမျိုးသားရေး သည် နိုင်ငံတကာအရေးကို အထောက်အကူပြုရမည်ဖြစ်ကြောင်း သူ မြင်ပါသည်။ ဦးအောင်ဆန်း၏အမြင် သည် သွေးထွက်အောင်မှန်သဖြင့် အချို့လူများ မခံသာသော စကားမျိုးကိုပြောရန်မတွန့်ဆုတ်ပါ။ ၁၉၄၇ ခုနှစ် ဇူလိုင်လ ၁၃ ရက်နေ့တွင် ပြောကြားခဲ့သော သူ၏ နောက်ဆုံးမိန့်ခွန်းတွင် ပြည်သူတို့အား မိမိတို့၏ ချို့ယွင်း ချက်များကို ပြုပြင်ရန်၊ စည်းကမ်းရှိရန်၊ ဇွဲဝိရိယကြီးရန်နှင့် အများအကျိုးအတွက် ကိုယ်ကျိုးစွန့်ရန် စသဖြင့် ဆော်သြခဲ့ပြီး လွတ်လပ်ရေး၏ အကျိုးအရသာများ ပြည့်ဝစွာ မခံစားနိုင်မီ နှစ်ပေါင်းများစွာ ရုန်းကန်ကြိုးစားရ ဦးမည်ဖြစ်ကြောင်းကိုလည်း သတိပေးခဲ့၏။

ဖြောင့်မတ်တည်ကြည်ပြီး မိမိကိုယ်ကို ဆန်းစစ်နိုင်စွမ်းရှိသူပီပီ ဦးအောင်ဆန်းသည် သူ၏ အားနည်းချက်များ ကို ပြုပြင်ရန်လိုကြောင်းကိုလည်း မိတ်ဆွေများအား ၀န်ခံခဲ့ပါသည်။ ကျောင်းသားတော်လှန်ရေးသမား လူငယ် တယောက်တွင် သည်းခံခွင့်လွှတ်နိုင်သော အပြစ်အနာများသည် နိုင်ငံ၏အထင်ကရ ခေါင်းဆောင်တွင်မူကား လက်ခံခွင့်လွှတ်ဖွယ် မဟုတ်ပေ။ အချောကိုင်ရန်လိုနေသော အမူအကျင့်များ ရှိနေသေး၏။ အဆင်မပြေလှ သော ဒေါသကြီးတတ်ခြင်းကို ထိန်းချုပ်ရပေဦးမည်။ လူမှုဆက်ဆံရေးတွင်လည်း မည်မျှပင် ငြီးငွေ့ဖွယ်ဖြစ်စေ လောက၀တ်ပျူငှာစေရန် လေ့ကျင့်ရပေဦးမည်။

အာဏာလွှဲပြောင်းရေး အစီအစဉ်များကို လျင်မြန်စွာ တဆင့်ပြီးတဆင့် တိုးတက်၍ အကောင်အထည်ဖော်နိုင် ခဲ့ပါသည်။ မေလတွင် ကျင်းပသော ညီလာခံ၌ ဖဆပလအဖွဲ့ချုပ်သည် မိမိတို့၏ လွတ်လပ်ရေးနှင့်ပတ်သက် သော မူဝါဒကို ချမှတ်ပြီး ပြည်ထောင်စုမြန်မာနိုင်ငံဟူ၍ ခေါ်တွင်မည့် လွတ်လပ်သော အချုပ်အခြာအာဏာပိုင် သမ္မတနိုင်ငံ၏ အခြေခံဖွဲ့စည်းပုံ ဥပဒေမူကြမ်းကို ရေးဆွဲရန် ကော်မတီကိုလည်း ဖွဲ့စည်းလိုက်ပါသည်။ ခက်ခဲ ဆင်းရဲစွာ လုံးပမ်းခဲ့ရသော ပန်းတိုင် လက်တကမ်းမျှသာ ရှိတော့သည်ဖြစ်၍ ဦးအောင်ဆန်းသည် တင်းမာမှု များလျော့ကာ ပိုမို၍ ပျော့ပြောင်းချိုသာလာ၏။ သူ၏ တပ်များကို ဂျပန်တော်လှန်ရေးတွင် ဦးဆောင်ခဲ့စဉ်က အံကြီးတခဲခဲနှင့် တွေ့မြင်ရသော လူငယ်စစ်သေနာပတိချုပ်၏ ပုံပန်းသဏ္ဍာန်နှင့်ကား သိသိသာသာ ခြားနား လာပါသည်။ သူ၏ အတွင်းအပြင်သည် ကြည်လင်တည်ငြိမ်၍ သောကကင်းစင်သကဲ့သို့ ဖြစ်နေပါသည်။ သို့ သော်လည်း ပင်ပန်းနွမ်းနယ်ခြင်းသည်လည်း နက်ရှိုင်းလှပါသည်။ လွတ်လပ်ရေးရပြီးနောက် နိုင်ငံရေးမှ အနား ယူကာ မိသားစုကိစ္စများ၊ စာပေရေးသားခြင်းကိစ္စများကိုသာ အချိန်ပြည့်ပေး၍ လုပ်ဆောင်လိုလားကြောင်း ထုတ်ဖော်ပြောခဲ့ပါသည်။

သို့သော်လည်း ဤဆန္ဒကား မပြည့်ဝခဲ့ပါ။ ဇူလိုင်လ (၁၉) ရက်နေ့ အမှုဆောင်ကောင်စီ အစည်းအဝေးထိုင်နေ စဉ် အစောင့်အကြပ်များမရှိသော စည်းဝေးခန်းထဲသို့ ယူနီဖောင်းဝတ်လူတစု တွန်းဝင်လာ၍ စက်သေနတ် များနှင့်ပစ်ခတ်ရာ ဦးအောင်ဆန်း၊ သူ၏အကိုကြီး ဦးဘ၀င်း အပါအ၀င် ကောင်စီဝင် (၆) ဦး၊ အထက်တန်းအုပ် ချုပ်ရေးအရာရှိတဦးနှင့် ကိုယ်ရံတော်လေးတဦးကျဆုံးခဲ့ရပါသည်။ လူသတ်သမားများ ထွက်ပြေးလွတ်မြောက် သွားခဲ့သော်လည်း၊ ၎င်းတို့အား ဦးစောနေအိမ်သို့ ခြေရာခံလိုက်နိုင်ခဲ့ပါသည်။ ၀န်ကြီးချုပ်ဟောင်းသည် အကြံ ကြီးသူတယောက်ဖြစ်ပြီး ‘ကောင်လေးတယောက်ပါပဲ’ ဟူ၍ သူ သတ်မှတ်လေ့ရှိသော ဦးအောင်ဆန်း နိုင်ငံ့ ခေါင်းဆောင်အဆင့်သို့ တရှိန်ထိုးတက်သွားသည်ကို လက်မခံနိုင်ခဲ့ပေ။

မြန်မာကိုယ်စားလှယ်အဖွဲ့နှင့် လန်ဒန်သို့ ထွက်ခွာမသွားမီ လအနည်းငယ်အလိုလောက်တွင် ကာကီဝတ်စုံ ၀တ်ဆင်ထားသူများက သေနတ်ဖြင့် ပစ်ခတ်သဖြင့် ဦးစောမျက်စေ့တွင် ဒဏ်ရာရခဲ့ပါသည်။ ဦးစောသည် ဤ ကိစ္စတွင် ဦးအောင်ဆန်း၏ ပြည်သူ့ရဲဘော်တပ်ဖွဲ့ဝင်များ၌ တာဝန်ရှိသည်ဟု ယူဆကာ ကလဲ့စားချေခြင်းဖြစ် သည်ဟု အချို့ကခန့်မှန်းကြပါသည်။ သို့သော်နိုင်ငံတော်လုပ်ကြံမှုနှင့်ပတ်သက်၍ စစ်ဆေးတွေ့ရှိချက်များအရ အလုပ်အမှုဆောင်ကောင်စီတခုလုံးအားသုတ်သင်ချေမှုန်းရန် ညွှန်ကြားခဲ့ခြင်း ဖြစ်ပါသည်။ ဦးအောင်ဆန်းနှင့် လုပ်ဖော်ကိုင်ဖက်များကို ရှင်းလင်းသုတ်သင်လိုက်ခြင်းဖြင့် သူသာ မြန်မာနိုင်ငံအစိုးရခေါင်းဆောင်ဖြစ်လာ မည်ဟူသော ထူးဆန်းသည့် ယုံကြည်ချက်ဖြင့် လုပ်ကြံမှုကြီးကို ဦးစော စီစဉ်ခဲ့ဟန်တူပါသည်။ ဦးစောအပေါ် ရာဇ၀တ်ပြစ်မှုများ ကျူးလွန်ရန် အားပေးကူညီမှုအတွက် အပြစ်ရှိကြောင်း စီရင်ဆုံးဖြတ်ပြီး သေဒဏ်ချမှတ် လိုက်ပါသည်။

ဦးအောင်ဆန်း ကွယ်လွန်အနိစ္စရောက်သွားသော်လည်းသူ၏ ဘ၀ကိုပေး၍ ကြိုးပမ်းခဲ့ရသော လွတ်လပ်ရေး ကိုသာ မြန်မာနိုင်ငံ ရရှိခဲ့ပါသည်။ အသက်ရှင်ကျန်ခဲ့သော ဖဆပလ၀င်များအနက် အဆင့်မြင့်ဆုံးဖြစ်သော ဦးနုသည် စေ့စပ်ဆွေးနွေးရေးများကို ဆုံးခန်းတိုင် ဆက်လက်ဆောင်ရွက်သွားပြီး ၁၉၄၈ ခုနှစ် ဇန်န၀ါရီလ (၄) ရက်နေ့တွင် လွတ်လပ်သော ပြည်ထောင်စုမြန်မာနိုင်ငံတော်ကို မွေးဖွားခဲ့ပါသည်။

နိဂုံးခေတ်သစ် မြန်မာနိုင်ငံသမိုင်း သုတေသီတဦးဖြစ်သူ အမေရိကန်ပညာရှင် ဖရင့်၊အင်၊ထရေဂါ ရေးသားခဲ့ သော အောက်ပါ စကားကောက်နုတ်ချက်ကို ဤနေရာ၌ ဖော်ပြက သင့်တော်မည်ထင်ပါသည်။ မဟာလူသား တဦး၏ လုပ်ဆောင်ချက်များအနေဖြင့်သာ ဖြစ်ရပ်စဉ်ကို တင်ပြခြင်းသည် သမိုင်းကို လွဲမှားစွာ မြင်ခြင်းဖြစ်ပါ သည်။ ဤစာအုပ်တွင်လည်း ထိုကဲ့သို့ တင်ပြခြင်းမျိုး အတိုင်းအတာတခုအထိ ပါဝင်ခဲ့ပါလျှင် ထိုအတိုင်းအ တာအထိ လွဲမှားသောအမြင်ရှိခဲ့သည်ဟု ဆိုနိုင်ပါသည်။ သို့သော်လည်း ထိုစဉ်က မြန်မာပြည်အခြေအနေအရ သခင်များ နိုင်ငံရေးရာထူးနေရာ ရရှိခဲ့ချိန်မှစ၍ လွတ်လပ်ရေးအရုဏ်တက်ချိန်ဖြစ်သော၁၉၄၈ ခုနှစ် ဇန်န၀ါ ရီလတိုင် (၁၂) နှစ်ကာလအတွင်း စွမ်းဆောင်နိုင်မှုများကို ဖြစ်ရပ်စဉ်အလုံးစုံအပေါ် လွှမ်းခြုံခဲ့သော အောင် ဆန်း၏ ခေါင်းဆောင်မှုရှုထောင့်မှ စိစစ်ခြင်းကား မှန်ကန်သင့်လျော်သည်ဟု ထင်မိပါသည်။

အခြားတဖက်မှကြည့်လျှင်လည်း အထက်ဖော်ပြပါ သဘောတရားကား မှန်ကန်ပါသည်။ မြန်မာ့လွတ်လပ်ရေး လှုပ်ရှားမှု နောက်ခံကားကို အခြေပြု၍သာ ဦးအောင်ဆန်း၏ ဘ၀ကို လေ့လာနိုင်မည်ဖြစ်ပါသည်။ ထိုကဲ့သို့ ချဉ်းကပ်နည်းသည် သူ၏ ကိုယ်ရေးကိုယ်တာအပိုင်းကို လျစ်လျူရှုရာရောက်နိုင်ပါသည်။ သို့သော် သူ့အသက် (၂၀) ကျော်ကျော် ကျောင်းသားနိုင်ငံရေးလောကထဲ ၀င်ခဲ့စဉ်ကစ၍ သူ၏ ဘ၀နှင့် လွတ်လပ်ရေးကြိုးပမ်းမှုသည် ခွဲခြား၍မရလောက်အောင် ရောထွေးဆက်နွယ်နေသည့်အပြင် ဦးအောင်ဆန်းကား သူ၏ အဇ္ဈတ္တသန္တန် နှင့် ကွာခြားသော ဗဟိဒ္ဓအသွင်ကို လူထုရှေ့မှောက် ဘန်းပြသူမျိုး မဟုတ်ခဲ့ပါ။ သူ၏ ရုပ်ပုံလွှာတခုလုံးကို ခြုံ၍ ကြည့်ပါက မြင့်မားသောရည်မှန်းချက်၊ ခိုင်မာပြတ်သားသော စိတ်ဓာတ်တို့ဖြင့် သူ၏နိုင်ငံ လွတ်လပ်ရေးရစေ ရန် ခေါင်းဆောင်မှုပေးခဲ့သော သိက္ခာသမာဓိ ကြီးမားသည့် လူငယ်တဦးကို မြင်ရပေမည်။

သူ၏ နိုင်ငံရေးအတိုက်အခံများနှင့် သူ၏ နိုင်ငံကို အုပ်ချုပ်နေသော နိုင်ငံခြားသားများကို တိုက်ခိုက်ခဲ့သဖြင့် သူ့အား သစ္စာဖောက်ဟု မြင်ခဲ့သူတို့က ဦးအောင်ဆန်းသည် ထင်ပေါ်ကျော်ကြားမှုလိုလားသဖြင့် အကြင်နာ ကင်းသည်၊ ဆင်ခြင်တုံတရား ခေါင်းပါးသည်၊ နှစ်ဖက်ချွန်လုပ်တတ်သည်ဟု စွပ်စွဲခဲ့ကြ၏။ ထိုကဲ့သို့သော စွပ်စွဲ ချက်များကို သူ၏ လုပ်ဆောင်ချက်မှတ်တမ်းအပေါ် အခြေပြု၍ အကဲဖြတ်နိုင်ပါသည်။ အခြားသူများ ပိုမို၍ ကောင်းမွန်သော ခေါင်းဆောင်မှုပေးနိုင်သည်ဟု သူ ယုံကြည်သ၍ နောက်လိုက်နေရာမှ တာဝန်ကို စေတနာ ပြည့်ဝစွာထမ်းဆောင်ခဲ့ပါသည်။ သူတဦးတည်းသာ တိုင်းပြည်ကို ညီညွတ်မှုပေးကာ လွတ်လပ်ရေးပန်းတိုင်သို့ ရောက်ရန် ခေါင်းဆောင်မှုပေးနိုင်မည်ဖြစ်ကြောင်း ထင်ရှားလာသောအခါမှ သူသည် ဗဟိုမဏ္ဍိုင်နေရာကို ယူ ခဲ့ပါသည်။

ကျောင်းသားဘ၀ကပင် သူ၏ ရင်းနှီးသော နိုင်ငံရေးလုပ်ဖော်ကိုင်ဖက်ဖြစ်ခဲ့သူ ဦးကျော်ငြိမ်းက မည်သူကမှ ဗိုလ်ချုပ်အောင်ဆန်းအား ခေါင်းဆောင်နေရာကို ပေးခဲ့သည်မဟုတ်ဘဲ သူ၏ လုပ်ရည်ကိုင်ရည် ကြွယ်ဝမှု ကြောင့် ခေါင်းဆောင်နေရာကို ရရှိခဲ့ခြင်းဖြစ်ကြောင်း ပြောဆိုခဲ့ပါသည်။ ဦးအောင်ဆန်းသည် သုန်မှုန်ခြင်းနှင့် စိတ်လှုပ်ရှားသဖြင့် ပေါက်ကွဲခြင်းများ ရှိခဲ့သော်လည်း လွတ်လပ်ရေးလှုပ်ရှားမှုအကျိုးငှာ စုပေါင်းဆုံးဖြတ်ချက် များ ချရာတွင် သူ၏ ပုဂ္ဂိုလ်ရေးရာခံစားချက်များနှင့် အလိုဆန္ဒတို့ကို မည်သောအခါမျှ အသားမပေးခဲ့ချေ။ လွတ်လပ်ရေးတိုက်ပွဲအဆင့်ဆင့်၌ သူသည် ရင်းနှီးသော နိုင်ငံရေးလုပ်ဖော်ကိုင်ဖက်များနှင့် တိုင်ပင်ဆောင် ရွက်၍ တရားမှန်ဝေဖန်ချက်များကို လက်ခံကာ အသင့်တော်ဆုံးဖြစ်မည်ထင်ပါက တာဝန်များကို လွှဲပြောင်းခွဲ ဝေပေးပါသည်။သို့သော် ကိုယ်ကျိုးရှာသမားများ၊ တာဝန်မဲ့လုပ်ရပ်များနှင့် လွတ်လပ်ရေးကြိုးပမ်းမှုကို ထိပါးနိုင်မည့် အလုပ် ပျက်ကွက်မှုများကို သည်းမခံပါ။

သူသည် တရားမျှတမှုနှင့် ဒီမိုကရေစီဝါဒတို့ကို ယုံကြည်လက်ခံကာ သူ၏ ကိုယ်ပိုင်ဆုံးဖြတ်ချက်အရလုပ်ပါက ပိုမို၍ကောင်းမွန်မည်ဖြစ်သောအချိန်အခါများ၌ပင် လုပ်ဖော်ကိုင်ဖက်များ ၏ အလိုကျ ဆောင်ရွက်ခဲ့သည်လည်းရှိခဲ့၏။ အမှုဆောင်ကောင်စီခေါင်းဆောင်အနေနှင့် သူ၏အမြင်ကို အခြား သူများလက်ခံစေရန် အပေါ်စီးနှင့် ဆောင်ရွက်ခဲ့ခြင်းမရှိခဲ့ပါ။ အားလုံးက လွတ်လပ်၊ ပွင့်လင်း၊ ပြည့်စုံစွာ ဆွေး နွေးပြီးမှ ဆုံးဖြတ်ချက်ချကြပါသည်။

သူကိုယ်တိုင် ပွင့်လင်းစွာ ၀န်ခံခဲ့သည့်အတိုင်း သူသည် အမှားအယွင်း ကင်းသူမဟုတ်ပါ။ သို့သော် သူ၏ စိတ် ရည်ဥာဏ်ရည်ကား အစဉ်သဖြင့် ကြီးထွားတိုးတက်နိုင်စွမ်းရှိခဲ့ပါသည်။ ဦးအောင်ဆန်းသည် အစွန်းရောက် တယူသန်သမားများကို စွဲဆောင်နိုင်စွမ်းထက် မိမိတို့ ယုံကြည်လေးစားသော ခေါင်းဆောင်အောက်တွင် စိတ် ငြိမ်းအေး ကိုယ်ချမ်းသာစွာဖြင့် မိမိတို့ဘ၀ကို နှင်လိုသော သာမန်ပြည်သူတို့ကို စွဲဆောင်နိုင်စွမ်းရှိခဲ့ပါသည်။ပြည်သူတို့သည် ၎င်းတို့မျှော်မှန်းထားသော ခေါင်းဆောင်ကောင်း အရည်အသွေးများ ဦးအောင်ဆန်း၌ ရှိသည် ဟု မြင်ခဲ့၏။ သူကား ကိုယ်ကျိုးထက် နိုင်ငံ့အကျိုးကို ဦးစားပေးခဲ့သည်။ သူ၏အာဏာ အထွတ်အထိပ် ရောက် နေသည့် အချိန်တွင်ပင် ဆင်းဆင်းရဲရဲ ဟန်ပန်မရှိ နေထိုင်ခဲ့သည်။

ခေါင်းဆောင်တို့၏ အထူးအခွင့်အရေးများကို မမက်မောဘဲ ခေါင်းဆောင်မှုတာဝန်များကို လက်ခံခဲ့သည်။ ထို့ အပြင် သူသည် နိုင်ငံရေးပါးနပ်လိမ္မာမှုနှင့် နိုင်ငံအုပ်ချုပ်ရေးကျွမ်းကျင်မှုစွမ်းအားကြီးသော်လည်း သူ၏အတွင်း သဘောထား၏ နက်ရှိုင်းလှသော ရိုးသားမှုကား မည်သောအခါမျှ တိမ်ကောသွားခြင်း မရှိခဲ့ပါ။ မြန်မာနိုင်ငံ ပြည်သူလူထုအတွက် ဦးအောင်ဆန်းသည် မိမိတို့ လိုလားတောင့်တနေချိန်တွင် နိုင်ငံ၏ ဂုဏ်သိက္ခာကိုဆည် ရန် ပေါ်ပေါက်လာခဲ့သူဖြစ်ပါသည်။ သူ၏ ဘ၀သည် ပြည်သူတို့ စိတ်အားတက်ကြွ အတုယူဖွယ်ရာဖြစ်သကဲ့သို့ သူ့အား သတိရလွမ်းဆွတ်ခြင်းသည် ပြည်သူတို့၏ နိုင်ငံရေးအသိစိတ်ကို လမ်းမလွဲစေရန် ထိန်းကွပ်မှုအဖြစ် တည်ရှိလျက်နေပါသည်။

အောင်ဆန်းစုကြည်

ဓာတ်ပုံ=July 19, 2012.

ပဲ့တင်သံများမှ တစ်ဆင့်

0
0

 Photo: ပဲ့တင်သံများမှ တစ်ဆင့် =============  ဒေါ်အောင်ဆန်းစုကြည်ရဲ့ အမေရိကားခရီးစဉ်မှာ CNN နဲ့ အင်တာဗျုးတော့ ကျွန်မဟာ စစ်တပ်ကို ချစ်ပါတယ်။ ဒါကို ဝေဖန်ကြမှန်းသိပေမယ့် သူ့ဟာသူဖြစ်နေတာ မတတ်နိုင်ပါဘူး လို့ ပြောသွားပါတယ်။  ဒီစကားတစ်ခွန်းအပေါ် Stockholm  Drama ( ပြဇတ်ဆန်တယ်၊ စိတ်ကူးယဉ်တယ် ) လို့ ဘိုတွေက ၀ိုင်းမှတ်ချက်ပေးကြတာကို CNN စာမျက်နှာအောက်မှာ အများကြီးတွေ့ရပါတယ်။ ဒီကွန်မန့်တွေကို CNN က နောက်တစ်နေ့မှာ ဖျက်ပစ်ခဲ့ပါတယ်။  လူတစ်ယောက်ဟာ ရှင်သန်ကြီးပြင်းလာတဲ့ ပတ်ဝန်းကျင်ရဲ့ လွှမ်းမိုးမှုကို အနည်းနဲ့အများခံကြရတာ ဓမ္မတာပါ။ စစ်သားအဖေကမွေးပြီး စစ်သားတပည့်တွေက ထိန်းကျောင်းခံခဲ့ရတာမို့ စစ်သားတွေကို ချစ်တာ ကိုယ်တိုင် အဖေချစ်သမီးတစ်ယောက်အနေနဲ့ နားလည်နိုင်တယ်လို့ ထင်ပါတယ်။ လက်ရှိကိုသာ တွက်တတ်ကြတဲ့ ဘိုတွေအဖို့ ဟာသဖြစ်နေတာ သိပ်အံ့သြစရာမရှိပါ။  သို့ပေမယ့်လည်း ဒီစကားရဲ့ တာသွားမှုကို ဘာတီးလင့်နာရဲ့ ဆောင်းပါးထဲမှာ ပြန်တွေ့ပါတယ်။ ဒီစကားကြောင့် ဒေါ်အောင်ဆန်းစုကြည်ကို သူတို့ရဲ့မျှော်လင့်ချက်လို့ ယုံမှတ်ခဲ့ကြတဲ့ တိုင်းရင်းသားများက သစ္စာဖောက်ခံရတယ်လို့ ထင်ပါသတဲ့။ အထူးသဖြင့် ကချင်တွေပေါ့လေ။ ဗမာအတိုက်အခံအချို့ကတော့ ရှင်းရှင်းပဲပြောပါတယ်။ အာဏာမက်လာလို့ ဒီလိုပြောတာပါတဲ့။ အသွားအပြန်ရှိတတ်တဲ့ စိတ်ဆန္ဒသဘောတွေကြောင့်မို့ ကိုယ့်စိတ်နဲ့ နှိုင်းကြလေတာပဲလို့ တွေးမိပါတယ်။  ဘယ်လိုထင်ထင် ဘယ်လိုမြင်မြင် ဒါဟာ တစ်ဦးစီရဲ့ စိတ်ခံစားမှုအပိုင်းပါ။ လက်တွေ့မှာတော့ လွှတ်တော်ဟာ စစ်တပ်ကခွင့်ပြုသလောက်ပဲ သက်တမ်းရှိမယ်လို့လည်း ဒေါ်အောင်ဆန်းစုကြည်က ပြောပါသေးတယ်။ ကြိုက်သည်ဖြစ်စေ မကြိုက်သည်ဖြစ်စေ ဒါဟာ မြန်မာပြည်ရဲ့ အရှိတရားပါ။  မီဒီယာလောက၊ နိုင်ငံရေးလောကမှာ Echo လို့ခေါ်တဲ့ အများစုအသံကို ပဲ့တင်ထပ်တဲ့ သတင်းတွေ၊ အရေးအသားတွေ၊ မှတ်ချက်တွေဟာ မထူးဆန်းစွာပဲ လူကြိုက်များလှပါတယ်။ လူထုပြောချင်တဲ့အရာ၊ လူထုရဲ့စိတ်ခံစားမှုနဲ့ တူညီတဲ့အခါ လက်ခုပ်သံတွေအများကြီး အလွယ်တကူရတတ်ပါတယ်။ စာစောင်တွေရောင်းကောင်းတယ်၊ မဲတွေရလွယ်လို့ မဲဆွယ်ပွဲတွေအောင်မြင်တာပေါ့။  မေးစရာရှိတာက အများသဘောညီတိုင်း ဤ ဟာ ကျွဲဖြစ်သလားဆိုတဲ့မေးခွန်းပါ။ ဥပမာ လူသိအများဆုံး မြစ်ဆုံကိစ္စ။ မြစ်ဆုံကို ရပ်ပါလို့ ၀ိုင်းအော်ကြပြီးတဲ့နောက် ဒီသက်တမ်းအတွင်းရပ်မယ်လို့ ကြေငြာလိုက်တဲ့အခါ ၀မ်းသာအားရလက်ခုပ်တီးကြပါတယ်။ နောက်သက်တမ်းမှာ ကြံ့ခိုင်ရေးပါတီအာဏာရခဲ့ရင် ဆက်လုပ်မှာလား၊ မလုပ်ဘူးလားလို့ ဘယ်သူမှ မမေးကြပါဘူး။ လက်ရှိဖြစ်နေတဲ့ ကချင်ဒေသခံတွေရဲ့ နစ်နာမှုကို ဘယ်လိုရှင်းပေးမလဲဆိုတာတွေ ပါမလာတော့ဘူး။ တရုတ်ရဲ့လက်ကို ဒီစီမံကိန်းပေါ်က အပြီးတိုင် ဘယ်လိုဖြည်ထုတ်မလဲဆိုတာတွေ ဘယ်သူမှ စိတ်မ၀င်စားကြတော့ပါဘူး။ ဒါကြောင့်လဲ တရုတ်က NLD တွေနဲ့ အခြားအတိုက်အခံတွေကို ခေါ်ပြီး သူဆက်လုပ်ချင်တယ်လို့ သွေးတိုးစမ်းလာပါတယ်။ တစ်နည်းအားဖြင့် သွယ်ဝိုက် ခြိမ်းခြောက်တာလည်း ပါကောင်းပါမယ်ပေါ့လေ။ သူတို့ကတော့ ၀န်ခံမယ်မဟုတ်ပါဘူး။   ဒုတိယက လက်ပံတောင်းတောင်ပါ။ ဖြစ်ချင်တာနဲ့ ဖြစ်နေတာကြားထဲက ဖြစ်နိုင်တာကို လုပ်ပြသွားတဲ့ ဒေါ်အောင်ဆန်းစုကြည်ဦးဆောင်တဲ့ကော်မတီကို ကျေးဇူးတင်ရမှာပါ။ ဒီနေရာမှာ ကော်မတီဝင်အားလုံးရဲ့ ကြိုးပမ်းအားထုတ်မှုကို မှတ်တမ်းတင်ရပါမယ်။ ပညာရှင်တွေရဲ့ အကူအညီမပါပဲ လက်တွေ့ဆန်ပြီး သမာသမတ်ကျတဲ့ အစီရင်ခံစာမျိုး ဒေါ်အောင်ဆန်းစုကြည်တစ်ဦးထဲက တတ်နိုင်တာမဟုတ်ပါဘူး။ မြန်မာပြည်မှာ ကဲ့ရဲ့တဲ့အခါ တစ်အုပ်စုလုံးကို သိမ်းကျုံးတတ်ပေမယ့် ချီးမွမ်းတဲ့အခါ တစ်ယောက်ထဲကို ကွက်ထားတတ်တဲ့ အလေ့အထကို ဖျောက်ပစ်ဖို့ လိုနေပါတယ်။  ထောက်ပြလိုတာက လက်ခုပ်သံနဲ့ ကဲ့ရဲ့သံကြားထဲမှာ လူသိမများတဲ့၊ လူကြိုက်မများတဲ့ လမ်းကလေးတစ်လမ်း ပါးပါးကလေးရှိနေတယ် ဆိုတဲ့အကြောင်းပါ။ ဒီလမ်းကို လျှောက်တဲ့အခါ အဖော်နည်းလှပါတယ်။  လူ့သဘာဝအရ အားပေးခံရတဲ့အခါ နှစ်သက်သဘောကျတာ ထုံးစံပါ။ ဒါပေမယ့်လည်း လက်တွေ့ဆန်တဲ့ ချဉ်းကပ်မှုမျိုး၊ ရလဒ်ကို ထည့်တွက်ထားတဲ့ နည်းစနစ်မျိုးအပြင် နောင်မျိုးဆက်များအထိ လှမ်းမြင်နိုင်တဲ့ ဆုံးဖြတ်ချက်မျိုးတွေကို အုပ်ချုပ်သူများအနေနဲ့ ချမှတ်နိုင်ဖို့လိုပါတယ်။ ကြီးကြီးကျယ်ကျယ်ပြောရရင် ရေတို၊ ရေရှည်အမြင်ပေါ့လေ။ ဒီလမ်းကြောင်းပေါ်ရောက်အောင်  ပညာရှင်များနဲ့ အတိုက်အခံများက ၀ိုင်းဝန်းတိုက်တွန်းဖို့လိုပါတယ်။ တစ်နည်းအားဖြင့် တခဏတာ လူကြိုက်များမှုပေါ်မှာ အခြေခံတာ အန္တရာယ်ရှိတတ်ပါတယ်။ လောဘကဦးဆောင်တာမို့ လမ်းမှားဖို့သာ များပါတယ်။ ဥပမာ ဟစ်တလာ လူကြိုက်များဖို့ ကြိုးစားရင်း ကြုံရတဲ့ ဂျာမဏီနိုင်ငံရဲ့ အဖြစ်ဆိုးမျိုးပေါ့။   စိတ်ခံစားမှုဆိုတာကတော့ မွေးရာပါမို့ သဘောကျတယ်၊ မကျဘူးဆိုတာတွေကတော့ ရှိစမြဲပါ။ ဒါပေမယ့်လည်း တုန့်ပြန်ရုံသက်သက်မဟုတ်ပဲ ဖြေရှင်းနည်းအထိ ၀ိုင်းစဉ်းစားဖို့လိုပါတယ်။ ဥပမာ မီးလောင်နေတာတွေ့ရင် မီးလောင်နေတယ်ဗျို့လို့ အော်တဲ့လူကအော်မှာပါ။ မီးပေါ့ဆတာကိုးလို့ အပြစ်တင်သူကလည်း တင်မှာပါ။ အဲဒီ အဆင့်တွေကို ကျော်ပြီး မီးသတ်ကားခေါ်ဖို့၊ ရေဖြန်းဖို့လိုတာကို အားလုံးသိကြပါတယ်။ ဒါက အတွေ့အကြုံက သင်ထားပြီးသားကိုး။ ဒီလိုပါပဲ။ လူထုအနေနဲ့ ပြသနာတစ်ခုချင်းစီမှာ ပဲ့တင်သံအဆင့်ထက် ကျော်သွားဖို့ လိုနေပါတယ်။   လတ်တလောအားဖြင့် အမြန်လမ်းမကြီးကိစ္စ။ ဒါဟာ ခရီးသွားသူတွေအပြင် မိသားစုတွေနဲ့ပါ သက်ဆိုင်ပါတယ်။ နိုင်ငံခြားသားတွေပါ သွားလာနေတာမို့ တိုင်းပြည်ပုံရိပ်နဲ့လည်း အချိုးကျပါတယ်။ ကားတိုက်မှုတွေများလို့  မီဒီယာက လမ်းနဲ့အစိုးရကို အပြစ်တင်ပါတယ်။ အစိုးရသတင်းစာက မောင်းသူတွေကို ပြန်အပြစ်တင်ပါတယ်။ အခုတော့ဖြင့် လိုင်စင်အကြောင်း၊ လမ်းစည်းကမ်းထိန်းသိမ်းရေးအကြောင်း၊ ဘီးအကြောင်း၊ ခါးပတ်အကြောင်း၊ ကားအောက်ပိုင်းအကြောင်း စသဖြင့် ဂရုပြုသင့်တဲ့ အချက်အလက်တွေကို လူထုထဲကပဲ တစ်ယောက်နဲ့ တစ်ယောက် လက်ဆင့်ကမ်းဝေမျှလာကြပါတယ်။ ကိုယ်နိုင်တဲ့ထောင့်၊ ကိုယ်ကျွမ်းကျင်တဲ့အချက်တစ်ချို့ကို ဖြေရှင်းနည်းအဆင့်တွေထဲ ထည့်သွင်းလာတာ အင်မတန်ကောင်းမွန်သင့်လျော်တဲ့ စိတ်ကူးနဲ့ လုပ်ဆောင်မှုပါ။ ပူးပေါင်းအဖြေရှာတဲ့စိတ်ဓါတ်ကို ပြသလာကြပါတယ်။ ဒီလိုပူးပေါင်းတဲ့နည်းမျိုးနဲ့ လူထုကိုယ်တိုင်က အစိုးရနဲ့ လွှတ်တော်ကို မောင်းနှင်နိုင်ဖို့ လိုပါတယ်။ ဒါမှလည်း ကိုယ်လိုချင်တဲ့ပုံကို ကိုယ်တိုင်စုပေါင်းဖော်နိုင်မှာပါ။  ပဲ့တင်သံများမှတစ်ဆင့် ကျော်လွန်မြင်ကြည့်နိုင်ကြပါစေ။
=============

ဒေါ်အောင်ဆန်းစုကြည်ရဲ့ အမေရိကားခရီးစဉ်မှာ CNN နဲ့ အင်တာဗျုးတော့ ကျွန်မဟာ စစ်တပ်ကို ချစ်ပါတယ်။ ဒါကို ဝေဖန်ကြမှန်းသိပေမယ့် သူ့ဟာသူဖြစ်နေတာ မတတ်နိုင်ပါဘူး လို့ ပြောသွားပါတယ်။

ဒီစကားတစ်ခွန်းအပေါ် Stockholm Drama ( ပြဇတ်ဆန်တယ်၊ စိတ်ကူးယဉ်တယ် ) လို့ ဘိုတွေက ၀ိုင်းမှတ်ချက်ပေးကြတာကို CNN စာမျက်နှာအောက်မှာ အများကြီးတွေ့ရပါတယ်။ ဒီကွန်မန့်တွေကို CNN က နောက်တစ်နေ့မှာ ဖျက်ပစ်ခဲ့ပါတယ်။

လူတစ်ယောက်ဟာ ရှင်သန်ကြီးပြင်းလာတဲ့ ပတ်ဝန်းကျင်ရဲ့ လွှမ်းမိုးမှုကို အနည်းနဲ့အများခံကြရတာ ဓမ္မတာပါ။ စစ်သားအဖေကမွေးပြီး စစ်သားတပည့်တွေက ထိန်းကျောင်းခံခဲ့ရတာမို့ စစ်သားတွေကို ချစ်တာ ကိုယ်တိုင် အဖေချစ်သမီးတစ်ယောက်အနေနဲ့ နားလည်နိုင်တယ်လို့ ထင်ပါတယ်။ လက်ရှိကိုသာ တွက်တတ်ကြတဲ့ ဘိုတွေအဖို့ ဟာသဖြစ်နေတာ သိပ်အံ့သြစရာမရှိပါ။

သို့ပေမယ့်လည်း ဒီစကားရဲ့ တာသွားမှုကို ဘာတီးလင့်နာရဲ့ ဆောင်းပါးထဲမှာ ပြန်တွေ့ပါတယ်။ ဒီစကားကြောင့် ဒေါ်အောင်ဆန်းစုကြည်ကို သူတို့ရဲ့မျှော်လင့်ချက်လို့ ယုံမှတ်ခဲ့ကြတဲ့ တိုင်းရင်းသားများက သစ္စာဖောက်ခံရတယ်လို့ ထင်ပါသတဲ့။ အထူးသဖြင့် ကချင်တွေပေါ့လေ။ ဗမာအတိုက်အခံအချို့ကတော့ ရှင်းရှင်းပဲပြောပါတယ်။ အာဏာမက်လာလို့ ဒီလိုပြောတာပါတဲ့။ အသွားအပြန်ရှိတတ်တဲ့ စိတ်ဆန္ဒသဘောတွေကြောင့်မို့ ကိုယ့်စိတ်နဲ့ နှိုင်းကြလေတာပဲလို့ တွေးမိပါတယ်။

ဘယ်လိုထင်ထင် ဘယ်လိုမြင်မြင် ဒါဟာ တစ်ဦးစီရဲ့ စိတ်ခံစားမှုအပိုင်းပါ။ လက်တွေ့မှာတော့ လွှတ်တော်ဟာ စစ်တပ်ကခွင့်ပြုသလောက်ပဲ သက်တမ်းရှိမယ်လို့လည်း ဒေါ်အောင်ဆန်းစုကြည်က ပြောပါသေးတယ်။ ကြိုက်သည်ဖြစ်စေ မကြိုက်သည်ဖြစ်စေ ဒါဟာ မြန်မာပြည်ရဲ့ အရှိတရားပါ။

မီဒီယာလောက၊ နိုင်ငံရေးလောကမှာ Echo လို့ခေါ်တဲ့ အများစုအသံကို ပဲ့တင်ထပ်တဲ့ သတင်းတွေ၊ အရေးအသားတွေ၊ မှတ်ချက်တွေဟာ မထူးဆန်းစွာပဲ လူကြိုက်များလှပါတယ်။ လူထုပြောချင်တဲ့အရာ၊ လူထုရဲ့စိတ်ခံစားမှုနဲ့ တူညီတဲ့အခါ လက်ခုပ်သံတွေအများကြီး အလွယ်တကူရတတ်ပါတယ်။ စာစောင်တွေရောင်းကောင်းတယ်၊ မဲတွေရလွယ်လို့ မဲဆွယ်ပွဲတွေအောင်မြင်တာပေါ့။

မေးစရာရှိတာက အများသဘောညီတိုင်း ဤ ဟာ ကျွဲဖြစ်သလားဆိုတဲ့မေးခွန်းပါ။ ဥပမာ လူသိအများဆုံး မြစ်ဆုံကိစ္စ။ မြစ်ဆုံကို ရပ်ပါလို့ ၀ိုင်းအော်ကြပြီးတဲ့နောက် ဒီသက်တမ်းအတွင်းရပ်မယ်လို့ ကြေငြာလိုက်တဲ့အခါ ၀မ်းသာအားရလက်ခုပ်တီးကြပါတယ်။ နောက်သက်တမ်းမှာ ကြံ့ခိုင်ရေးပါတီအာဏာရခဲ့ရင် ဆက်လုပ်မှာလား၊ မလုပ်ဘူးလားလို့ ဘယ်သူမှ မမေးကြပါဘူး။ လက်ရှိဖြစ်နေတဲ့ ကချင်ဒေသခံတွေရဲ့ နစ်နာမှုကို ဘယ်လိုရှင်းပေးမလဲဆိုတာတွေ ပါမလာတော့ဘူး။ တရုတ်ရဲ့လက်ကို ဒီစီမံကိန်းပေါ်က အပြီးတိုင် ဘယ်လိုဖြည်ထုတ်မလဲဆိုတာတွေ ဘယ်သူမှ စိတ်မ၀င်စားကြတော့ပါဘူး။ ဒါကြောင့်လဲ တရုတ်က NLD တွေနဲ့ အခြားအတိုက်အခံတွေကို ခေါ်ပြီး သူဆက်လုပ်ချင်တယ်လို့ သွေးတိုးစမ်းလာပါတယ်။ တစ်နည်းအားဖြင့် သွယ်ဝိုက် ခြိမ်းခြောက်တာလည်း ပါကောင်းပါမယ်ပေါ့လေ။ သူတို့ကတော့ ၀န်ခံမယ်မဟုတ်ပါဘူး။

ဒုတိယက လက်ပံတောင်းတောင်ပါ။ ဖြစ်ချင်တာနဲ့ ဖြစ်နေတာကြားထဲက ဖြစ်နိုင်တာကို လုပ်ပြသွားတဲ့ ဒေါ်အောင်ဆန်းစုကြည်ဦးဆောင်တဲ့ကော်မတီကို ကျေးဇူးတင်ရမှာပါ။ ဒီနေရာမှာ ကော်မတီဝင်အားလုံးရဲ့ ကြိုးပမ်းအားထုတ်မှုကို မှတ်တမ်းတင်ရပါမယ်။ ပညာရှင်တွေရဲ့ အကူအညီမပါပဲ လက်တွေ့ဆန်ပြီး သမာသမတ်ကျတဲ့ အစီရင်ခံစာမျိုး ဒေါ်အောင်ဆန်းစုကြည်တစ်ဦးထဲက တတ်နိုင်တာမဟုတ်ပါဘူး။ မြန်မာပြည်မှာ ကဲ့ရဲ့တဲ့အခါ တစ်အုပ်စုလုံးကို သိမ်းကျုံးတတ်ပေမယ့် ချီးမွမ်းတဲ့အခါ တစ်ယောက်ထဲကို ကွက်ထားတတ်တဲ့ အလေ့အထကို ဖျောက်ပစ်ဖို့ လိုနေပါတယ်။

ထောက်ပြလိုတာက လက်ခုပ်သံနဲ့ ကဲ့ရဲ့သံကြားထဲမှာ လူသိမများတဲ့၊ လူကြိုက်မများတဲ့ လမ်းကလေးတစ်လမ်း ပါးပါးကလေးရှိနေတယ် ဆိုတဲ့အကြောင်းပါ။ ဒီလမ်းကို လျှောက်တဲ့အခါ အဖော်နည်းလှပါတယ်။

လူ့သဘာဝအရ အားပေးခံရတဲ့အခါ နှစ်သက်သဘောကျတာ ထုံးစံပါ။ ဒါပေမယ့်လည်း လက်တွေ့ဆန်တဲ့ ချဉ်းကပ်မှုမျိုး၊ ရလဒ်ကို ထည့်တွက်ထားတဲ့ နည်းစနစ်မျိုးအပြင် နောင်မျိုးဆက်များအထိ လှမ်းမြင်နိုင်တဲ့ ဆုံးဖြတ်ချက်မျိုးတွေကို အုပ်ချုပ်သူများအနေနဲ့ ချမှတ်နိုင်ဖို့လိုပါတယ်။ ကြီးကြီးကျယ်ကျယ်ပြောရရင် ရေတို၊ ရေရှည်အမြင်ပေါ့လေ။ ဒီလမ်းကြောင်းပေါ်ရောက်အောင် ပညာရှင်များနဲ့ အတိုက်အခံများက ၀ိုင်းဝန်းတိုက်တွန်းဖို့လိုပါတယ်။ တစ်နည်းအားဖြင့် တခဏတာ လူကြိုက်များမှုပေါ်မှာ အခြေခံတာ အန္တရာယ်ရှိတတ်ပါတယ်။ လောဘကဦးဆောင်တာမို့ လမ်းမှားဖို့သာ များပါတယ်။ ဥပမာ ဟစ်တလာ လူကြိုက်များဖို့ ကြိုးစားရင်း ကြုံရတဲ့ ဂျာမဏီနိုင်ငံရဲ့ အဖြစ်ဆိုးမျိုးပေါ့။

စိတ်ခံစားမှုဆိုတာကတော့ မွေးရာပါမို့ သဘောကျတယ်၊ မကျဘူးဆိုတာတွေကတော့ ရှိစမြဲပါ။ ဒါပေမယ့်လည်း တုန့်ပြန်ရုံသက်သက်မဟုတ်ပဲ ဖြေရှင်းနည်းအထိ ၀ိုင်းစဉ်းစားဖို့လိုပါတယ်။ ဥပမာ မီးလောင်နေတာတွေ့ရင် မီးလောင်နေတယ်ဗျို့လို့ အော်တဲ့လူကအော်မှာပါ။ မီးပေါ့ဆတာကိုးလို့ အပြစ်တင်သူကလည်း တင်မှာပါ။ အဲဒီ အဆင့်တွေကို ကျော်ပြီး မီးသတ်ကားခေါ်ဖို့၊ ရေဖြန်းဖို့လိုတာကို အားလုံးသိကြပါတယ်။ ဒါက အတွေ့အကြုံက သင်ထားပြီးသားကိုး။ ဒီလိုပါပဲ။ လူထုအနေနဲ့ ပြသနာတစ်ခုချင်းစီမှာ ပဲ့တင်သံအဆင့်ထက် ကျော်သွားဖို့ လိုနေပါတယ်။

လတ်တလောအားဖြင့် အမြန်လမ်းမကြီးကိစ္စ။ ဒါဟာ ခရီးသွားသူတွေအပြင် မိသားစုတွေနဲ့ပါ သက်ဆိုင်ပါတယ်။ နိုင်ငံခြားသားတွေပါ သွားလာနေတာမို့ တိုင်းပြည်ပုံရိပ်နဲ့လည်း အချိုးကျပါတယ်။ ကားတိုက်မှုတွေများလို့ မီဒီယာက လမ်းနဲ့အစိုးရကို အပြစ်တင်ပါတယ်။ အစိုးရသတင်းစာက မောင်းသူတွေကို ပြန်အပြစ်တင်ပါတယ်။ အခုတော့ဖြင့် လိုင်စင်အကြောင်း၊ လမ်းစည်းကမ်းထိန်းသိမ်းရေးအကြောင်း၊ ဘီးအကြောင်း၊ ခါးပတ်အကြောင်း၊ ကားအောက်ပိုင်းအကြောင်း စသဖြင့် ဂရုပြုသင့်တဲ့ အချက်အလက်တွေကို လူထုထဲကပဲ တစ်ယောက်နဲ့ တစ်ယောက် လက်ဆင့်ကမ်းဝေမျှလာကြပါတယ်။ ကိုယ်နိုင်တဲ့ထောင့်၊ ကိုယ်ကျွမ်းကျင်တဲ့အချက်တစ်ချို့ကို ဖြေရှင်းနည်းအဆင့်တွေထဲ ထည့်သွင်းလာတာ အင်မတန်ကောင်းမွန်သင့်လျော်တဲ့ စိတ်ကူးနဲ့ လုပ်ဆောင်မှုပါ။ ပူးပေါင်းအဖြေရှာတဲ့စိတ်ဓါတ်ကို ပြသလာကြပါတယ်။ ဒီလိုပူးပေါင်းတဲ့နည်းမျိုးနဲ့ လူထုကိုယ်တိုင်က အစိုးရနဲ့ လွှတ်တော်ကို မောင်းနှင်နိုင်ဖို့ လိုပါတယ်။ ဒါမှလည်း ကိုယ်လိုချင်တဲ့ပုံကို ကိုယ်တိုင်စုပေါင်းဖော်နိုင်မှာပါ။

ပဲ့တင်သံများမှတစ်ဆင့် ကျော်လွန်မြင်ကြည့်နိုင်ကြပါစေ။

အီးယူက ကန့်သတ်ထားချိန် မြန်မာကို ဗြိတိန် လက်နက် ဝယ်ယူခွင့်ပြု

0
0
 အီးယူက ကန့်သတ်ထားချိန် မြန်မာကို ဗြိတိန် လက်နက် ဝယ်ယူခွင့်ပြု -------------------------------------------------------------------------  ရန်ကုန်၊ ဇူလိုင် ၁၈  ဥရောပသမဂ္ဂ (အီးယူ) က ပိတ်ပင်ထားသည့်ကြားမှ မြန်မာနိုင်ငံကို အမေရိကန် ဒေါ်လာ၅သန်း(ယူရို ၃ ဒသမ ၃ သန်း) တန်ဖိုးရှိ လက်နက်များ တင်သွင်းခွင့်လိုင်စင် ဥရောပသမဂ္ဂ အဖွဲ့ဝင် ဗြိတိန်အစိုးရ က ဇူလိုင်လ ၁၇ ရက်နေ့တွင် ပေးအပ်လိုက်ကြောင်း ဗြိတိန် အစိုးရ အင်တာနက် စာမျက်နှာ တွင် ဖော်ပြထားသည်။  ဗြိတိန် အစိုးရက ဇူလိုင်လ ၁၇ ရက်နေ့တွင် အမေရိကန် ဒေါ်လာ ၁၈ ဘီလီယံ တန်ဖိုးရှိ လက်နက် တင်သွင်းခွင့် လိုင်စင် ၃၀၀၀ ကျော် ကို နိုင်ငံပေါင်း ၂၇ နိုင်ငံအား ပေးအပ်ကြောင်း ကြေညာခဲ့သည်။  ယင်းနိုင်ငံများတွင် လူ့အခွင့်အရေး ချိုးဖောက်မှု အများဆုံး ဖြစ်ပေါ်နေသည့် သတိထား စောင့်ကြည့် ရမည့် မြန်မာနိုင်ငံ အပါအဝင် တရုတ်၊ အီရန်၊ အီရတ်၊ အစ္စရေး၊ လစ်ဗျားနှင့် ဆီးရီးယား ကဲ့သို့သော နိုင်ငံများ ပါဝင်နေ၍ ယင်းနိုင်ငံများသို့ လက်နက် တင်သွင်းခွင့် လိုင်စင် ထုတ်ပေးသည့်အပေါ် ဗြိတိန် ပါလီမန်က ဗြိတိန် အစိုးရထံ စစ်ဆေးမှုများ ပြုလုပ်လျက်ရှိသည်။  မြန်မာနိုင်ငံသို့ ပေးအပ်သည့် လက်နက် တင်သွင်းခွင့် လိုင်စင် ရှစ်ခု ရှိပြီး စစ်ဘက်သုံး တိုက်ခိုက်ရေး လေယာဉ်များ ထိန်းချုပ်သည့် ဆော့ဖ်ဝဲ၊ ချပ်ဝတ်တန်ဆာများ၊ လျှို့ဝှက် သင်္ကေတများ ရှာဖွေသည့် ဆော့ဖ်ဝဲ များ၊ ဖောက်ခွဲရေးသုံး ပစ္စည်းများ၊ ရေတပ်နှင့် လေတပ် လမ်းညွှန်သုံး စနစ် များနှင့် ဒုံးကျည်များ ပါဝင်ကြောင်း ယင်းသတင်း စာမျက်နှာတွင် ဖော်ပြ ထားသည်။  ဗြိတိန် အစိုးရ ခွင့်ပြုသည့် လက်နက် တင်သွင်းခွင့် လိုင်စင် အများဆုံး ရရှိသည့် နိုင်ငံများမှာ တရုတ်၊ ဆော်ဒီအာရေဗျနှင့် အစ္စရေးနိုင်ငံတို့ ဖြစ်သည်။  နိုင်ငံတော် သမ္မတ ဦးသိန်းစိန် ဗြိတိန်နိုင်ငံသို့ ဇူလိုင်လ ၁၅ ရက်နေ့ တွင် ရောက်ရှိခဲ့စဉ်က ဗြိတိန်နိုင်ငံ ဝန်ကြီးချုပ် ဒေးဗစ်ကင်မရွန်း၊ ဗြိတိန် ကာကွယ်ရေး ဝန်ကြီး Philip Hammond တို့နှင့် တွေ့ဆုံရာတွင် ဒီမိုကရေစီ စနစ် ဖော်ဆောင်ရေးတွင် အပြည့်အဝ တာဝန်ယူနိုင်သော တပ်မတော် ဖြစ်လာစေရန် အတွက် ဗြိတိန် တပ်မတော်က မြန်မာ့ တပ်မတော်နှင့် စစ်ရေးအရ ပူးပေါင်း ဆောင်ရွက်မှုများ၊ စစ်ရေး လေ့ကျင့်ပေး မှုများ ပြုလုပ်ပေးသွားမည်ဖြစ်ကြောင်း ကမ်းလှမ်း ပြောကြားခဲ့သည်။  ထိုကိစ္စနှင့် ပတ်သက်၍ မြန်မာနိုင်ငံဆိုင်ရာ ဥရောပသမဂ္ဂ ရုံးသို့ ဆက်သွယ် မေးမြန်းနိုင်ခြင်း မရှိသေးပေ။  Credit to Voice
အီးယူက ကန့်သတ်ထားချိန် မြန်မာကို ဗြိတိန် လက်နက် ဝယ်ယူခွင့်ပြု
-------------------------------------------------------------------------

ရန်ကုန်၊ ဇူလိုင် ၁၈

ဥရောပသမဂ္ဂ (အီးယူ) က ပိတ်ပင်ထားသည့်ကြားမှ မြန်မာနိုင်ငံကို အမေရိကန် ဒေါ်လာ၅သန်း(ယူရို ၃ ဒသမ ၃ သန်း) တန်ဖိုးရှိ လက်နက်များ တင်သွင်းခွင့်လိုင်စင် ဥရောပသမဂ္ဂ အဖွဲ့ဝင် ဗြိတိန်အစိုးရ က ဇူလိုင်လ ၁၇ ရက်နေ့တွင် ပေးအပ်လိုက်ကြောင်း ဗြိတိန် အစိုးရ အင်တာနက် စာမျက်နှာ တွင် ဖော်ပြထားသည်။

ဗြိတိန် အစိုးရက ဇူလိုင်လ ၁၇ ရက်နေ့တွင် အမေရိကန် ဒေါ်လာ ၁၈ ဘီလီယံ တန်ဖိုးရှိ လက်နက် တင်သွင်းခွင့် လိုင်စင် ၃၀၀၀ ကျော် ကို နိုင်ငံပေါင်း ၂၇ နိုင်ငံအား ပေးအပ်ကြောင်း ကြေညာခဲ့သည်။

ယင်းနိုင်ငံများတွင် လူ့အခွင့်အရေး ချိုးဖောက်မှု အများဆုံး ဖြစ်ပေါ်နေသည့် သတိထား စောင့်ကြည့် ရမည့် မြန်မာနိုင်ငံ အပါအဝင် တရုတ်၊ အီရန်၊ အီရတ်၊ အစ္စရေး၊ လစ်ဗျားနှင့် ဆီးရီးယား ကဲ့သို့သော နိုင်ငံများ ပါဝင်နေ၍ ယင်းနိုင်ငံများသို့ လက်နက် တင်သွင်းခွင့် လိုင်စင် ထုတ်ပေးသည့်အပေါ် ဗြိတိန် ပါလီမန်က ဗြိတိန် အစိုးရထံ စစ်ဆေးမှုများ ပြုလုပ်လျက်ရှိသည်။

မြန်မာနိုင်ငံသို့ ပေးအပ်သည့် လက်နက် တင်သွင်းခွင့် လိုင်စင် ရှစ်ခု ရှိပြီး စစ်ဘက်သုံး တိုက်ခိုက်ရေး လေယာဉ်များ ထိန်းချုပ်သည့် ဆော့ဖ်ဝဲ၊ ချပ်ဝတ်တန်ဆာများ၊ လျှို့ဝှက် သင်္ကေတများ ရှာဖွေသည့် ဆော့ဖ်ဝဲ များ၊ ဖောက်ခွဲရေးသုံး ပစ္စည်းများ၊ ရေတပ်နှင့် လေတပ် လမ်းညွှန်သုံး စနစ် များနှင့် ဒုံးကျည်များ ပါဝင်ကြောင်း ယင်းသတင်း စာမျက်နှာတွင် ဖော်ပြ ထားသည်။

ဗြိတိန် အစိုးရ ခွင့်ပြုသည့် လက်နက် တင်သွင်းခွင့် လိုင်စင် အများဆုံး ရရှိသည့် နိုင်ငံများမှာ တရုတ်၊ ဆော်ဒီအာရေဗျနှင့် အစ္စရေးနိုင်ငံတို့ ဖြစ်သည်။

နိုင်ငံတော် သမ္မတ ဦးသိန်းစိန် ဗြိတိန်နိုင်ငံသို့ ဇူလိုင်လ ၁၅ ရက်နေ့ တွင် ရောက်ရှိခဲ့စဉ်က ဗြိတိန်နိုင်ငံ ဝန်ကြီးချုပ် ဒေးဗစ်ကင်မရွန်း၊ ဗြိတိန် ကာကွယ်ရေး ဝန်ကြီး Philip Hammond တို့နှင့် တွေ့ဆုံရာတွင် ဒီမိုကရေစီ စနစ် ဖော်ဆောင်ရေးတွင် အပြည့်အဝ တာဝန်ယူနိုင်သော တပ်မတော် ဖြစ်လာစေရန် အတွက် ဗြိတိန် တပ်မတော်က မြန်မာ့ တပ်မတော်နှင့် စစ်ရေးအရ ပူးပေါင်း ဆောင်ရွက်မှုများ၊ စစ်ရေး လေ့ကျင့်ပေး မှုများ ပြုလုပ်ပေးသွားမည်ဖြစ်ကြောင်း ကမ်းလှမ်း ပြောကြားခဲ့သည်။

ထိုကိစ္စနှင့် ပတ်သက်၍ မြန်မာနိုင်ငံဆိုင်ရာ ဥရောပသမဂ္ဂ ရုံးသို့ ဆက်သွယ် မေးမြန်းနိုင်ခြင်း မရှိသေးပေ။

Credit to Voice
feeling great.

ဟင့်အင်းနှင့် အင်းများ (စွန့်လွှတ်သူနှင့် သိမ်းပိုက်သူ)

0
0

 Photo: ဟင့်အင်းနှင့် အင်းများ (စွန့်လွှတ်သူနှင့် သိမ်းပိုက်သူ) …………..   ကျွန်တော်ဆင်းရမည့် မှတ်တိုင်က ဝေးသေးသည်။ ဒီတော့ ပေပြီးထိုင်နေလိုက်သည်။  “ အဘ လာလာ၊ ကျွန်တော့်နေရာမှာ ထိုင်လိုက်ပါ ”  စကားသံကြား၍ကြည့်လိုက်တော့ လူငယ်တစ်ဦးက သူ့နေရာကို တက်လာသော အဘ အတွက် ဖယ်ပေးလိုက်ခြင်းဖြစ်သည်။  အဘဆိုပေမယ့် ကျွန်တော့်အမြင်မှာတော့ သန်သန်မာမာရှိသေးသည်။  ကျွန်တော့်ခရီးကလည်း ကြာဦးမှာမို့ မြင်သော်လည်း ထမပေးဖြစ်။  ဒီနေရာလေးထိုင်ရဖို့မနည်း တွန်းထိုးထားရတာလေ။ လိုင်းကားစီးရင်တော့ နေတတ်မှဖြစ်မှာပါ။  ကျွန်တော် မျက်နှာကိုတဘက်လှည့်နေလိုက်သည်။  စိတ်ထဲမှာတော့ ထပေးလိုက်တဲ့ လူငယ်ကို မျက်နှာပူသလိုလိုတော့ရှိလှသည်။ ………………..  စွန့်လွှတ်သောစိတ်ဆိုသည်မှာ မြင့်မြတ်သောစိတ်ဖြစ်သည်။  လူသားတို့၏အတွင်းစိတ်သည် ရယူလိုမှု၊ ပိုင်ဆိုင်လိုမှုတို့နှင့် ကြီးစိုးနေတတ်ပါသည်။  ထိုသို့သော ရယူပိုင်ဆိုင်လိုစိတ်များထဲတွင်မှ ရာထူး၊ စည်းစိမ်၊ ဥစ္စာတို့ကို စွန့်လွှတ်သည်မှာ မလွယ်ကူလှပါ။  မပိုင်ရမှန်းသိလို့ စွန့်လွှတ်ခြင်းမဟုတ်ပဲ တကယ်မြင့်မြတ်သော အများအကျိုးကို မျှော်ကိုးပြီး စွန့်လွှတ်သောစိတ်ဓာတ်သည် သူတော်ကောင်းတို့၏ စိတ်ဓာတ်ပင်ဖြစ်သည်။  မြန်မာ့သမိုင်းရာဇ၀င်တွင် ဘုရင့်နောင်သည် အပ်နှင်းသော ထီးနန်းကို ငြင်းဆန်ခဲ့သောသူ ဖြစ်သည်။ တပင်ရွှေထီးသည် ပေါ်တူဂီဘုရင်ဂျီကို အထင်ကြီး မြှောက်စားမိရာမှ ထိုသူဆက်သသော အရက်ကို သောက်မိရာ မောင်ကျန်တစ်တို့နှင့် အရက်စွဲကာ ယစ်ထုပ်ကြီးဘ၀ရောက်ရရှာသည်။    သစ္စာကြီးသော ဘုရင့်နောင်က ဖျောင်းဖျနားချပါသော်လည်း မရတော့၊ အရက်ကို သူမဖြတ် နိုင်တော့ပြီ၊ ပေါရိသာဒသည် လူသားကို မစွန့်နိုင်သဖြင့် တိုင်းပြည်ကို စွန့်သလို တပင်ရွှေထီးလည်း အရက်ကို မစွန့်နိုင်သဖြင့် တိုင်းပြည်ကိုစွန့်လေသည်။   ထိုအခါနန်းတွင်းက မြန်မာ၊ မွန်၊ ရှမ်း မှူးမတ်တွေက ဘုရင့်နောင်ကို လျှောက်ထားကြသည်မှာ ညီတော်ကို လုံခြုံစွာထား၍ ဘုရင့်နောင်အား ထီးနန်းကို သိမ်းမြန်းပါရန် တောင်းတောင်းပန်ပန် တိုက်တွန်း လျှောက်ထားကြလေသည်။ သို့သော် ဘုရင့်နောင်က လက်မခံ၊ ထီးနှင့်နန်းကို ငြင်းဆန်လေသည်။    ''အစ်ကိုတို့...ကျွန်ုပ်တို့ဟာ သစ္စာစောင့်သိအပ်တယ်၊ သူယုတ်အဖြစ်နဲ့ အနှစ်တစ်ရာနေရခြင်းထက် သူတော်အဖြစ် တစ်ရက်နေရတာက ပိုမြတ်ပါတယ်။ စိတ်ထဲမှာ ဘာမှမထားကြလေနဲ့၊ စားမြဲတိုင်း ရာထူး စည်းစိမ်ကိုသာ စားကြပါလေ''ဟု မိန့်ခဲ့ဘူးပါသည်။  ထို့အပြင် သိပ္ပံပညာရှင်ကြီး အိုင်စတိုင်းကလည်း ငြင်းဆန်ခဲ့ဘူးပါသည်။   အစ္စရေးပြည် စတင်တည်ထောင်တော့ အစ္စရေးပြည်သူတို့က ဂျူးမျိုးနွယ် အိုင်စတိုင်းကို သမ္မတ တင်မြှောက်ကြဖို့ တညီတညွတ်တည်း ဆုံးဖြတ်ကာ အိုင်စတိုင်းကို သမ္မတလုပ်ပါရန် တောင်းပန်ကြတော့ အိုင်စတိုင်းက ''ကျွန်ုပ်ဟာ သိပ္ပံပညာနဲ့တော့ နီးစပ်ပါတယ်၊ လူတွေကို ကိုင်တွယ်စီမံခန့်ခွဲ လောက်အောင် ထိတော့ ပါရမီမပါပါဘူး၊ သမ္မတ မလုပ်ပါရစေနဲ့''ဟု ထီးနှင့်နန်းကို ငြင်းဆန်ခဲ့လေသည်။   မြတ်စွာဘုရားရှင် တေမိမင်းဘ၀ ပါရမီဖြည့်ခဲ့စဉ်က ထီးနှင့်နန်းကို ကြောက်ရွံသောကြောင့် ဆယ့်ခြောက်နှစ်လုံးလုံး ဆွံ့အနားမကြားယောင်ဆောင်ကာ မလှုပ်မယှက်နှင့် အောင့်အည်းသည်းခံကာ အဓိဋ္ဌာန်ပါရမီကို အောင်မြင်ပြီး မြောက်ခဲ့စေသည်။  …………..  သူတော်ကောင်းတို့၏ နှလုံးသားတွင် အများသူငှာကို ဘာတွေလုပ်ပေးရမလဲ။ ဘာတွေဖြည့်ပေး လိုက်ရမလဲလို့သာ တွေးနေတတ်သည်။  အများအကျိုးသယ်ပိုးနေရသည်ကိုပင် ထမင်းမေ့ဟင်းမေ့ဖြစ်နေ တတ်သေးသည်။  စွန့်လွှတ်တဲ့စိတ်ဟာ လွတ်လပ်လှပါတယ်။ ဘာအနှောင်အဖွဲ့ ဘာအကျိုးမှ မမျှော်ကိုးပါဘူး။   “ အကျိုးလိုလို့ ညောင်ရေသွန်း ”တယ်ဆိုတဲ့ စိတ်မျိုးဟာ တကယ့်စွန့်လွှတ်တဲ့စိတ်မဟုတ်ပါဘူး။  မြတ်စွာဘုရားရှင်ဟာ ပါရမီဖြည့်ခဲ့စဉ်က ခြေလက်အင်္ဂါတွေစွန့်တယ်၊ သားမယားစွန့်တယ်၊ ထီးနန်း စွန့်တဲ့၊ ပစ္စည်းဥစ္စာတွေကို စွန့်လွှတ်ခဲ့ပါတယ်။ စွန့်လွှတ်သူတွေရဲ့ စိတ်ဟာ ကြီးကျယ်မြင့်မြတ်လှပါပေ တယ်။ ………….  စွန့်လွှတ်သူတွေဟာ လောကကြီးကို အလှဆင်သူတွေဖြစ်သလို လောကကြီးကို အရုပ်ဆိုးစေတာ ကတော့ အတ္တသမားတွေ၊ ကိုယ့်ကျိုးအတွက်ပဲ ကြည့်သူတွေပါ။  ရသမျှယူမယ်၊ ပေးသမျှယူတယ်။ မက်မောတွယ်တာမှုကြောင့် မရရင်တိုက်တယ်။ ဒါ့အပြင် နည်းမျိုးစုံနဲ့ ညစ်ပတ်ကြပါသေးတယ်။  မြန်မာ့သမိုင်းတွင် နန်းလုပွဲတွေများစွာဖြစ်ခဲ့သည်။ ဖခင်ကို သတ်၊ အစ်ကိုကိုသတ်၊ ဆွေမျိုးတွေကို သတ်ပြီး ဘုရင်ဆိုတဲ့ အာဏာရဖို့အတွက် လုပ်ဆောင်ခဲ့ကြသည်။  အလောင်းစည်သူမင်းတရားကြီးကို သားတော် နရသူက ရွေဂူကြီးဘုရားထဲမှာပင် ခေါင်းအုံးဖြင့်ဖိပြီး ကွပ်မျက်ခဲ့သည်ဟု အဆိုရှိသည်။ နရသူသည် မင်းစည်းစိမ်အတွက် ဖခင်ရော အစ်ကိုတွေပါ သတ်ခဲ့သည်။  စစ်အာဏာရှင်ဟု အမည်ဆိုးရခဲ့သော ဟစ်တလာသည် မိမိသြဇာအာဏာအတွက် ဂျူးလူမျိုးပေါင်း များစွာကို သတ်ဖြတ်ခဲ့သည်။  မြတ်စွာဘုရားရှင်လက်ထက်တော်က ဆရာတင်မှားခဲ့သော အဇာသတ်မင်းမှာ ထီးနန်းအတွက် ဖခင်ကို ခြေဖ၀ါးဓားနှင့်ခွဲခဲ့သည်။  သူ၏ဆရာဖြစ်သော ဒေ၀ဒတ်မှာလည်း ဘုရားရှင်အားအနားယူတော်မူပါ။ သူကသာ ဘုရားလုပ်ပြီး သံဃာတော်တွေကို အုပ်ချုပ်မည်လို့ တောင်းဆိုခဲ့ပါသေးသည်။ ………..  လောကကြီးတွင် လူမိုက်နှင့် လူလိမ္မာ၊ ပညာရှိနှင့် ပညာမဲ့၊ စွန့်လွှတ်သူနှင့် သိမ်းပိုက်သူ တို့အမြဲ ရှိနေသည်။  ကောသလမင်းအိပ်မက်တွင် ပါဝင်သော ကျောက်ဖျာကြီး ရေထဲပေါ်ပြီး စာပူးတောင်းများ ရေမြုပ် နေသော ခေတ်သည် တဖြည်းဖြည်းဖြစ်လာနေသည်။  စွန့်လွှတ်သူများက သူ့အကျိုးမမျှော်ကိုးပဲ ပေးဆပ်နေခြင်းကြောင့် တဖြည်းဖြည်းနောက်တန်း ရောက်လာရသည်။ သူမိုက်တို့ကတော့ အင်နှင့်အားနှင့် အရှိန်ရလာကြသည်။   မည်သို့ပင်ဆိုစေ စွန့်လွှတ်သူများက ငြိမ်းချမ်း၍နေနိုင်သလောက် သိမ်းပိုက်ချင်သူများကတော့ ပူလောင်နေရသည်။ …………….  “ ပါသေးဆရာရေ၊ တစ်ကိုယ်ရေပဲ ”  ကျွန်တော်အောက်ကိုတောင် ခြေကျစရှိသေး ကားကတော့အတင်းဆွဲထွက်သွားသည်။  “ ဟူးတော်သေးတာပါ။ ဒီခရီးလေး ထိုင်လိုက်ရလို့။ နို့မိုဆို ခြေချင်ပြန်ရမှာနဲ့ ကားပေါ်မှာ မတ်တပ် ရပ်လိုက်ရလို့ ညောင်းတာနဲ့၊ မလွယ်ဘူး ” ကျွန်တော့်စိတ်ထဲက တွေးဖြစ်သည်။  ကျွန်တော် လမ်းလျှောက်လာသော်လည်း ကားပေါ်က လူငယ်မျက်နှာ အဘမျက်နှာကိုပဲ မြင်နေရ ပြန်သည်။  လူငယ် ဖယ်ပယ်လိုက်ရတဲ့ တစ်နေရာ။ စွန့်လွှတ်လိုက်တဲ့ တစ်နေရာ။  ဒီနေရဟာ ဘယ်လောက်ကြာမှာမို့လဲ၊ မိုင်ထောင်ပေါင်းများစွာ သွားနေတာဖြင့် မဟုတ်သေး။  လမ်းကြောင်းပေါ်က တစ်ခဏမျှသော တစ်နေရာ။  သြော် …ကျွန်တော်ကတော့ဖြင့်…တစ်နေရာလေးကို သိမ်းပိုက်ထားချင်စိတ်က များနေပါတာလား။ ( မဆီမဆိုင်ပဲဆိုဆို မိတ်ဆွေတို့ရေ… ခင်ဗျားတို့ကို သမ္မတရာထူးလေးပေး၊ သမ္မတစည်းစိမ်လေးများ ခုချိန် ပေးလိုက်ရင် ဟင့်အင်း..လား၊ အင်း…လား ဟင် )။  မှီငြမ်း။ အရှင်သံဝရာလင်္ကာရ (ဓမ္မပိယဆရာတော်) “ ထီးနှင့်နန်းကိုငြင်းဆန်ခဲ့သူများ ”  ၁၈-၇-၂၀၁၃။
…………..

ကျွန်တော်ဆင်းရမည့် မှတ်တိုင်က ဝေးသေးသည်။ ဒီတော့ ပေပြီးထိုင်နေလိုက်သည်။
“ အဘ လာလာ၊ ကျွန်တော့်နေရာမှာ ထိုင်လိုက်ပါ ”
စကားသံကြား၍ကြည့်လိုက်တော့ လူငယ်တစ်ဦးက သူ့နေရာကို တက်လာသော အဘ အတွက် ဖယ်ပေးလိုက်ခြင်းဖြစ်သည်။ အဘဆိုပေမယ့် ကျွန်တော့်အမြင်မှာတော့ သန်သန်မာမာရှိသေးသည်။
ကျွန်တော့်ခရီးကလည်း ကြာဦးမှာမို့ မြင်သော်လည်း ထမပေးဖြစ်။ ဒီနေရာလေးထိုင်ရဖို့မနည်း တွန်းထိုးထားရတာလေ။ လိုင်းကားစီးရင်တော့ နေတတ်မှဖြစ်မှာပါ။
ကျွန်တော် မျက်နှာကိုတဘက်လှည့်နေလိုက်သည်။ စိတ်ထဲမှာတော့ ထပေးလိုက်တဲ့ လူငယ်ကို မျက်နှာပူသလိုလိုတော့ရှိလှသည်။
………………..
စွန့်လွှတ်သောစိတ်ဆိုသည်မှာ မြင့်မြတ်သောစိတ်ဖြစ်သည်။
လူသားတို့၏အတွင်းစိတ်သည် ရယူလိုမှု၊ ပိုင်ဆိုင်လိုမှုတို့နှင့် ကြီးစိုးနေတတ်ပါသည်။
ထိုသို့သော ရယူပိုင်ဆိုင်လိုစိတ်များထဲတွင်မှ ရာထူး၊ စည်းစိမ်၊ ဥစ္စာတို့ကို စွန့်လွှတ်သည်မှာ မလွယ်ကူလှပါ။ မပိုင်ရမှန်းသိလို့ စွန့်လွှတ်ခြင်းမဟုတ်ပဲ တကယ်မြင့်မြတ်သော အများအကျိုးကို မျှော်ကိုးပြီး စွန့်လွှတ်သောစိတ်ဓာတ်သည် သူတော်ကောင်းတို့၏ စိတ်ဓာတ်ပင်ဖြစ်သည်။
မြန်မာ့သမိုင်းရာဇ၀င်တွင် ဘုရင့်နောင်သည် အပ်နှင်းသော ထီးနန်းကို ငြင်းဆန်ခဲ့သောသူ ဖြစ်သည်။ တပင်ရွှေထီးသည် ပေါ်တူဂီဘုရင်ဂျီကို အထင်ကြီး မြှောက်စားမိရာမှ ထိုသူဆက်သသော အရက်ကို သောက်မိရာ မောင်ကျန်တစ်တို့နှင့် အရက်စွဲကာ ယစ်ထုပ်ကြီးဘ၀ရောက်ရရှာသည်။

သစ္စာကြီးသော ဘုရင့်နောင်က ဖျောင်းဖျနားချပါသော်လည်း မရတော့၊ အရက်ကို သူမဖြတ် နိုင်တော့ပြီ၊ ပေါရိသာဒသည် လူသားကို မစွန့်နိုင်သဖြင့် တိုင်းပြည်ကို စွန့်သလို တပင်ရွှေထီးလည်း အရက်ကို မစွန့်နိုင်သဖြင့် တိုင်းပြည်ကိုစွန့်လေသည်။
ထိုအခါနန်းတွင်းက မြန်မာ၊ မွန်၊ ရှမ်း မှူးမတ်တွေက ဘုရင့်နောင်ကို လျှောက်ထားကြသည်မှာ ညီတော်ကို လုံခြုံစွာထား၍ ဘုရင့်နောင်အား ထီးနန်းကို သိမ်းမြန်းပါရန် တောင်းတောင်းပန်ပန် တိုက်တွန်း လျှောက်ထားကြလေသည်။ သို့သော် ဘုရင့်နောင်က လက်မခံ၊ ထီးနှင့်နန်းကို ငြင်းဆန်လေသည်။

''အစ်ကိုတို့...ကျွန်ုပ်တို့ဟာ သစ္စာစောင့်သိအပ်တယ်၊ သူယုတ်အဖြစ်နဲ့ အနှစ်တစ်ရာနေရခြင်းထက် သူတော်အဖြစ် တစ်ရက်နေရတာက ပိုမြတ်ပါတယ်။ စိတ်ထဲမှာ ဘာမှမထားကြလေနဲ့၊ စားမြဲတိုင်း ရာထူး စည်းစိမ်ကိုသာ စားကြပါလေ''ဟု မိန့်ခဲ့ဘူးပါသည်။
ထို့အပြင် သိပ္ပံပညာရှင်ကြီး အိုင်စတိုင်းကလည်း ငြင်းဆန်ခဲ့ဘူးပါသည်။
အစ္စရေးပြည် စတင်တည်ထောင်တော့ အစ္စရေးပြည်သူတို့က ဂျူးမျိုးနွယ် အိုင်စတိုင်းကို သမ္မတ တင်မြှောက်ကြဖို့ တညီတညွတ်တည်း ဆုံးဖြတ်ကာ အိုင်စတိုင်းကို သမ္မတလုပ်ပါရန် တောင်းပန်ကြတော့ အိုင်စတိုင်းက ''ကျွန်ုပ်ဟာ သိပ္ပံပညာနဲ့တော့ နီးစပ်ပါတယ်၊ လူတွေကို ကိုင်တွယ်စီမံခန့်ခွဲ လောက်အောင် ထိတော့ ပါရမီမပါပါဘူး၊ သမ္မတ မလုပ်ပါရစေနဲ့''ဟု ထီးနှင့်နန်းကို ငြင်းဆန်ခဲ့လေသည်။
မြတ်စွာဘုရားရှင် တေမိမင်းဘ၀ ပါရမီဖြည့်ခဲ့စဉ်က ထီးနှင့်နန်းကို ကြောက်ရွံသောကြောင့် ဆယ့်ခြောက်နှစ်လုံးလုံး ဆွံ့အနားမကြားယောင်ဆောင်ကာ မလှုပ်မယှက်နှင့် အောင့်အည်းသည်းခံကာ အဓိဋ္ဌာန်ပါရမီကို အောင်မြင်ပြီး မြောက်ခဲ့စေသည်။
…………..
သူတော်ကောင်းတို့၏ နှလုံးသားတွင် အများသူငှာကို ဘာတွေလုပ်ပေးရမလဲ။ ဘာတွေဖြည့်ပေး လိုက်ရမလဲလို့သာ တွေးနေတတ်သည်။ အများအကျိုးသယ်ပိုးနေရသည်ကိုပင် ထမင်းမေ့ဟင်းမေ့ဖြစ်နေ တတ်သေးသည်။
စွန့်လွှတ်တဲ့စိတ်ဟာ လွတ်လပ်လှပါတယ်။ ဘာအနှောင်အဖွဲ့ ဘာအကျိုးမှ မမျှော်ကိုးပါဘူး။
“ အကျိုးလိုလို့ ညောင်ရေသွန်း ”တယ်ဆိုတဲ့ စိတ်မျိုးဟာ တကယ့်စွန့်လွှတ်တဲ့စိတ်မဟုတ်ပါဘူး။
မြတ်စွာဘုရားရှင်ဟာ ပါရမီဖြည့်ခဲ့စဉ်က ခြေလက်အင်္ဂါတွေစွန့်တယ်၊ သားမယားစွန့်တယ်၊ ထီးနန်း စွန့်တဲ့၊ ပစ္စည်းဥစ္စာတွေကို စွန့်လွှတ်ခဲ့ပါတယ်။ စွန့်လွှတ်သူတွေရဲ့ စိတ်ဟာ ကြီးကျယ်မြင့်မြတ်လှပါပေ တယ်။
………….
စွန့်လွှတ်သူတွေဟာ လောကကြီးကို အလှဆင်သူတွေဖြစ်သလို လောကကြီးကို အရုပ်ဆိုးစေတာ ကတော့ အတ္တသမားတွေ၊ ကိုယ့်ကျိုးအတွက်ပဲ ကြည့်သူတွေပါ။
ရသမျှယူမယ်၊ ပေးသမျှယူတယ်။ မက်မောတွယ်တာမှုကြောင့် မရရင်တိုက်တယ်။ ဒါ့အပြင် နည်းမျိုးစုံနဲ့ ညစ်ပတ်ကြပါသေးတယ်။
မြန်မာ့သမိုင်းတွင် နန်းလုပွဲတွေများစွာဖြစ်ခဲ့သည်။ ဖခင်ကို သတ်၊ အစ်ကိုကိုသတ်၊ ဆွေမျိုးတွေကို သတ်ပြီး ဘုရင်ဆိုတဲ့ အာဏာရဖို့အတွက် လုပ်ဆောင်ခဲ့ကြသည်။
အလောင်းစည်သူမင်းတရားကြီးကို သားတော် နရသူက ရွေဂူကြီးဘုရားထဲမှာပင် ခေါင်းအုံးဖြင့်ဖိပြီး ကွပ်မျက်ခဲ့သည်ဟု အဆိုရှိသည်။ နရသူသည် မင်းစည်းစိမ်အတွက် ဖခင်ရော အစ်ကိုတွေပါ သတ်ခဲ့သည်။
စစ်အာဏာရှင်ဟု အမည်ဆိုးရခဲ့သော ဟစ်တလာသည် မိမိသြဇာအာဏာအတွက် ဂျူးလူမျိုးပေါင်း များစွာကို သတ်ဖြတ်ခဲ့သည်။
မြတ်စွာဘုရားရှင်လက်ထက်တော်က ဆရာတင်မှားခဲ့သော အဇာသတ်မင်းမှာ ထီးနန်းအတွက် ဖခင်ကို ခြေဖ၀ါးဓားနှင့်ခွဲခဲ့သည်။
သူ၏ဆရာဖြစ်သော ဒေ၀ဒတ်မှာလည်း ဘုရားရှင်အားအနားယူတော်မူပါ။ သူကသာ ဘုရားလုပ်ပြီး သံဃာတော်တွေကို အုပ်ချုပ်မည်လို့ တောင်းဆိုခဲ့ပါသေးသည်။
………..
လောကကြီးတွင် လူမိုက်နှင့် လူလိမ္မာ၊ ပညာရှိနှင့် ပညာမဲ့၊ စွန့်လွှတ်သူနှင့် သိမ်းပိုက်သူ တို့အမြဲ ရှိနေသည်။
ကောသလမင်းအိပ်မက်တွင် ပါဝင်သော ကျောက်ဖျာကြီး ရေထဲပေါ်ပြီး စာပူးတောင်းများ ရေမြုပ် နေသော ခေတ်သည် တဖြည်းဖြည်းဖြစ်လာနေသည်။
စွန့်လွှတ်သူများက သူ့အကျိုးမမျှော်ကိုးပဲ ပေးဆပ်နေခြင်းကြောင့် တဖြည်းဖြည်းနောက်တန်း ရောက်လာရသည်။ သူမိုက်တို့ကတော့ အင်နှင့်အားနှင့် အရှိန်ရလာကြသည်။
မည်သို့ပင်ဆိုစေ စွန့်လွှတ်သူများက ငြိမ်းချမ်း၍နေနိုင်သလောက် သိမ်းပိုက်ချင်သူများကတော့ ပူလောင်နေရသည်။
…………….
“ ပါသေးဆရာရေ၊ တစ်ကိုယ်ရေပဲ ”
ကျွန်တော်အောက်ကိုတောင် ခြေကျစရှိသေး ကားကတော့အတင်းဆွဲထွက်သွားသည်။
“ ဟူးတော်သေးတာပါ။ ဒီခရီးလေး ထိုင်လိုက်ရလို့။ နို့မိုဆို ခြေချင်ပြန်ရမှာနဲ့ ကားပေါ်မှာ မတ်တပ် ရပ်လိုက်ရလို့ ညောင်းတာနဲ့၊ မလွယ်ဘူး ” ကျွန်တော့်စိတ်ထဲက တွေးဖြစ်သည်။
ကျွန်တော် လမ်းလျှောက်လာသော်လည်း ကားပေါ်က လူငယ်မျက်နှာ အဘမျက်နှာကိုပဲ မြင်နေရ ပြန်သည်။
လူငယ် ဖယ်ပယ်လိုက်ရတဲ့ တစ်နေရာ။ စွန့်လွှတ်လိုက်တဲ့ တစ်နေရာ။
ဒီနေရဟာ ဘယ်လောက်ကြာမှာမို့လဲ၊ မိုင်ထောင်ပေါင်းများစွာ သွားနေတာဖြင့် မဟုတ်သေး။
လမ်းကြောင်းပေါ်က တစ်ခဏမျှသော တစ်နေရာ။
သြော် …ကျွန်တော်ကတော့ဖြင့်…တစ်နေရာလေးကို သိမ်းပိုက်ထားချင်စိတ်က များနေပါတာလား။
( မဆီမဆိုင်ပဲဆိုဆို မိတ်ဆွေတို့ရေ… ခင်ဗျားတို့ကို သမ္မတရာထူးလေးပေး၊ သမ္မတစည်းစိမ်လေးများ ခုချိန် ပေးလိုက်ရင် ဟင့်အင်း..လား၊ အင်း…လား ဟင် )။

မှီငြမ်း။ အရှင်သံဝရာလင်္ကာရ (ဓမ္မပိယဆရာတော်) “ ထီးနှင့်နန်းကိုငြင်းဆန်ခဲ့သူများ ”

 
 မောင်ပိုင်
၁၈-၇-၂၀၁၃။
— with Thanda Win and 10 others.

'တုတ်တိုများဖြင့် စိန်ခေါ်သတ်ပွဲ (Duel with Cudgels)'

0
0

March 11, 2012 at 6:46am
(ကျနော် ဒီစာလေးကို မနှစ်က ရေးထားဖြစ်တာပါ။ ကိုယ့် ဘာသာစိတ်ထဲရှိတာ ချ ရေးပြီးမှ Only Me ပဲ လုပ်ထားဖြစ်တယ်။ ခုတော့ မ Spring Flowers ရဲ့ ပန်းချီကားအကြောင်းရေးထားတဲ့ စာ တစ်ခုကိုဖတ်လိုက်ရလို့ ဒီ စာကိုအနည်းငယ် ပြင်ဆင်ပြီး မိတ်ဆွေများကို ပြန် ဝေမျှလိုက်ပါတယ်။)

 
ဆရာမ ဂျူး ရဲ့ "သူရဲကောင်းတွေ မများလွန်းဘူးလား " ၀တ္တုလေးကို ဖတ်ရင်း ဒီ ပန်းချီကားအကြောင်း ပါလာတာနဲ့ စိတ်ဝင်စားလို့ Google ကနေ စပ်စုကြည့်တာပါ။ ပန်းချီကား နာမယ်က 'တုတ်တိုများဖြင့် စိန်ခေါ်သတ်ပွဲ (Duel with Cudgels)'  ဖြစ်ပါတယ်။ပန်းချီဆရာကြီး ဖရန်စစ် ကို ဒီဂိုရာ ရဲ့ လက်ရာပါ။ ဆရာမ ရဲ့ စာအုပ်မှာတော့ ဒီ ပန်းချီကားနဲ့ အစ္စရေး-ပါလက်စတိုင်း စစ်ပွဲကို ခိုင်းနှိုင်းသရုပ်ဖော်သွားပါတယ်။ ဖရန်စစ် ဒီဂိုရာက (၁၈) ရာစုအတွင်း အကျော်ကြားဆုံး စပိန်လူမျိုး ပန်းချီဆရာ တစ်ယောက်ဖြစ်ပြီးတော့ သူ့လက်ရာတွေက သူနောက်ပိုင်းမျိုးဆက်တွေဖြစ်တဲ့ Manet, Picasso တို့လို့ ပန်းချီကျော်တွေအတွက် စံ ထားစရာတွေဖြစ်ခဲ့ပါသတဲ့။

အင်တာနက် မှတ်တမ်းတွေအရတော့ (၁၈၂၀) ကနေ (၁၈၂၃) ကြား ကာလတစ်ခုမှာ ဒီပန်းချီကိုရေးခဲ့ပြီးတော့ ဂိုရာကိုယ်တိုင် Fight with Cudgels ဆိုပြီး အမည်ပေးခဲ့ပါသတဲ့။ လက်ရှိဒီပန်းချီကားမူရင်းကတော့ မက်ဒရစ်မြို့က Museo del Prado (National Art Museum) ဆိုတဲ့ပြတိုက်မှာ  ချိတ်ဆွဲထားရှိပါတယ်။

ပုံမှာ ကြည့်လိုက်ရင် အမုန်းတရား ကိုယ်စီနဲ့ လူနှစ်ယောက် တင်းပုတ်ကိုယ်စီ နဲ့ ရိုက်နှက် သတ်ပုတ် နေကြ တာကို မြင်ရ မှာပါ။ နှစ်ယောက်စလုံး သဲဝဲနွံထဲမှာ နစ်နေကြရတယ်။ ပါတ်ဝန်းကျင်မှာလည်း သဲမုန်တိုင်းက တိုက်ခတ်နေတယ်။ သူတို့ နှစ်ယောက်ကတော့ သတ်လို့ကောင်းတုန်း၊ သဲတွေက ဒူးဆစ်အထိ နစ်နေပြီ။ ဘယ်သူနိုင်တယ်ဆိုတာ မသေချာသလို၊တစ်ယောက်ယောက်က နိုင်သွားခဲ့ရင်တောင်မှ အနိုင်ရသူကိုယ်တိုင် သဲနွံထဲက ရုန်းထွက်နိုင်ပါ့မလား ဆိုတာ ခံစားသူတွေးတောနိုင်အောင် ရေးခြစ်ထားတာပါ။ ပုံက Landscape (မြင်ကွယ်းကျယ်) ဖြစ်ပြီးတော့ အလင်းဖျော့ဆွဲပြီး အမှောင်ရိပ်တွေ ကြီးစိုးနေလို့ သွေးဆာနေတဲ့ ရူးသွပ်မှု (Bloody madness) ကို ကြည့်ရှု့သူရင်ထဲ စိမ့်ဝင်အောင် ရေးသားနိုင်တဲ့ လက်ရာမြောက် ပန်းချီကားတစ်ချပ်လည်း ဖြစ်ပါတယ်။

ဆရာမ က Time မဂ္ဂဇင်းမှာပါတဲ့ အသက် (၁၆) နှစ်အရွယ် ပါလက်စ်တီးနီးယန်း သူကလေး အစ္စရေးနယ်မြေထဲမှာ အသေခံဗုံးခွဲတာကို အခြေပြုရေးထားတာပါ။ အဲဒါနဲ့ တဆက်ထဲ ရေးထားတာက အဲလိုပဲ တိုက်ပွဲတွေ ကြား၊ အကြမ်းဖက် တိုက်ခိုက်မှု့တွေ ကြားက လူတွေရဲ့ နေ့စဉ်ဘ၀ပါ။ မမျှော်လင့်ပဲ ဗုံးကွဲ၊ သေကြေ ဒါဏ်ရာရနိုင်တယ်ဆိုတဲ့ကြောက်ရွံ့မှု့တွေ  ကြားမှာ ရှင်သန်နေထိုင် နေကြရတယ်။ အကြမ်းဖက်မှု့ ရဲ့ ရလာဒ်တွေဟာ ကိုယ်ပေါ်မှာသာမက စိတ်မှာပါ အမာရွတ် ထင်ကျန်ရပါသတဲ့။ ဘယ်အချိန်မှာ ပြေလည်မလည်း အားလုံးက မျှော်လင့်နေကြတယ်။
ဆရာမ ဂျူးရဲ့ စာထဲမှာတော့ အခုလို ရေးပြထားပါတယ်။

" ...... အစ္စရေး ပြည်သူတို့အနေဖြင့် ဘာမှ စွမ်းအားမရှိ၊ ကူကယ်ရာမဲ့ အခြေအနေတို့ ဖြင့် ဒါဏ်ရာတို့သည် ထုံနေတတ်သည်။ ဆတ်ဆတ်ထိ နာကျင်မှု့နှင့် ထုံအမ်းမှု့ အကြားမှာ သူတို့ ယိမ်းခါနေခဲ့သည်။ ခရီးသွားလုပ်ငန်း၊ နိုင်ငံခြားရင်းနှီးမြုပ်နှံမှု့၊ ပညာရေး အရာရာသည် ပျက်စီးကာ အလုပ်လက်မဲ့ တွေ စုပုံလာခဲ့သည်။ အလုပ်ရှိနေသူတို့ ပင်လျှင် နောင် အနာဂါတ် စိတ်ကူး ကြံစည်မှု့ဆိုတာ ဝေးလို့ တစ်ပါတ်စာ ကြိုတင်ကြံစည်မှု့တွေပင် လုပ်လို့ မဖြစ်နိုင်အောင် အနာဂါတ် မဲ့ကုန်ကြသည်"

ကျနော်ကတော့ ပန်းချီကားရယ်၊ ဆရာမရေးထားတဲ့ စာ သားတွေရယ်၊ အဲဒီနောက် လွတ်လပ်ရေးနဲ့အတူ ဖွားဖက်တော် အဖြစ်ပါလာတဲ့ ကျနော်တို့နိုင်ငံက ပြည်တွင်းစစ်ရယ်ကို ဆက်စပ်တွေးကြည့်နေမိတော့တယ်။ နှစ်ခြောက်ဆယ် နီးပါး ကျနော်တို့ သဲဝဲနွံနဲ နစ်ခဲ့ရပြီးပြီ။ တိုင်းပြည်က နုနု၊ မုန်တိုင်းက ထန်ထန် ဆိုသလို ပန်းချီကားထဲကအတိုင်း ပါတ်ဝန်းကျင်မှာလည်း မုန်တိုင်းတွေ ထန်ခဲ့တယ်။ ပုံမှာ ပြထားသလိုပဲ ကျနော်တို့ ခြေထောက်တွေကို သဲတွေက နွံနစ်သလို နစ်နေပြီ။ ရုန်းထွက်ရမယ့် အချိန်ရောက်ပါပြီ။ ပြသနာ အဖြေမရှာတွေ့သ၍ ( ရန်ဖြစ်နေသ၍) သဲဝဲနွံထဲမှာ နစ်နေကြရမယ် ဆိုတာကို ပန်းချီကားလေ့လာ လိုက်ရုံနဲ့ အားလုံး ဆက်စပ် စဉ်းစားမိနိုင်မှာပါ။ ကိုင်ထားတဲ့ တုတ်တွေ လွှတ်ချပြီး ... တယောက် နဲ့ တယောက် ချစ်ကြည်ရင်းနှီးစွာ လက်ဆွဲနှုတ်ဆက် (Shaking Hands) လုပ်နေတဲ့  မြင်ကွင်းမျိုး ... စိတ်ကူးနဲ့ တွေးကြည့်ရုံ နဲ့ ကြည်နူးမိပါတယ်။

ကြုံကြိုက်လို့ လူတွေ ဘာလို့ လက်ဆွဲ နှုတ်ဆက် (Shaking Hands) ရတယ် ဆိုတာလေးကို မှတ်ထားမိတာ ပြောပြချင်ပါသေးတယ်။ ဒါကတော့ ဒဏ္ဍာရီလည်း ဖြစ်ကောင်းဖြစ်နိုင်ပါတယ်။



Civilised society မဖြစ်သေးတဲ့ ဟိုး ကျောက်ခေတ်က လူတွေ တယောက်ကိုတယောက် မြင်ရင် တွေ့ရာလက်နက် တခုခု နဲ့
ထိုးကြိတ်ရန်ဖြစ်ကြသတဲ့။ လက်နက်တခုစီတော့ ကွယ်ဝှက်ယူသွားပြီး တွေ့တာနဲ့ ဆော်ကြတော့တယ်။ အဲတော့ ခံရသူမှာလည်း မသက်သာသလို၊ တိုက်ခိုက်လိုက်တဲ့သူမှာလည်း ဘယ်အချိန်များ ငါ့ကိုချောင်းမြောင်းလုပ်ကြံမလည်း ဆိုတဲ့အသိနဲ့
လုံခြုံမှု မရှိတော့ဘူး။ နောက်ပိုင်း ယဉ်ကျေးမှုတွေ ဖွံ့ဖြိုးလာတယ်။ အသိဥာဏ်တွေ ဖွံ့ဖြိုးလာတော့ တယောက်ကို တယောက် မသတ်ဖြတ်ကြတော့ဘူး။

"ဟေ့လူ .. ဒီမှာ ကြည့် .. ကျုပ်လက်ထဲမှာ ဘာလက်နက်မှ ပါ မလာဘူး။ ခင်ဗျား နဲ့ ကျုပ် နဲ့ ပိစိ၊ ပိစိ (peace) ဗျာ"ဆိုတဲ့ အဓိပ္ပါယ် နဲ့ တယောက်ကို တယောက် လက်ဝါးဖြန့်ပြကြရင်း လက်ဆွဲ နှုတ်ဆက်တဲ့ အလေ့အထ ပေါ်ပေါက်လာတယ် မှတ်သားဖူးရဲ့။

It was a way of showing a stranger you weren't carrying a weapon in the old days.

(Cold War ကာလမှာ အားပြိုင်ခဲ့တဲ့ အမေရိကန် နဲ့ ဆိုဗီယက် ရုရှတောင် ခု Snowden ကိစ္စမှာ အပေးအယူ တည့်တည့်နဲ့ သံခင်းတမန်ခင်း ဆက်ဆံရေးမပြတ်အောင် ဆောင်ရွက်နေတာကို ကြည့်ရင် အခုနောက်ပိုင်း သူနိုင် ကိုယ်နိုင် အပြိုင်ကျဲတာထက်  Partnership ပုံစံပူးပေါင်းဆောင်ရွက်နေတာကို ကျနော်တို့ တွေ့မြင်ရတယ် မှတ်လား။)

လက်ဆွဲနှုတ်ဆက်ခြင်းအကြောင်း ထပ်ပြောရရင် .. (အမှတ်မမှားခဲ့ရင်) ဆရာ အတ္တကျော် ရဲ့ "ပျူငှာတဲ့ မူရာ" စာအုပ်မှာတဦးနဲ့ တဦး  လက်ဆွဲနှုတ်ဆက်ရာမှာ .. အရင်ဆုံး လက်စဆွဲ နှုတ်ဆက်သူဟာ ပိုပြီး ယဉ်ကျေးသိမ်မွေ့သူ၊ ကိုယ့် ကို ကိုယ်ယုံကြည်မှု့ ပိုရှိတဲ့သူ၊ ပြည့်ဝတဲ့သူ အဖြစ်ရေးထားတာ မှတ်သားဖူးပါတယ်။ အဲတော့ .. ဘယ်သူနဲ့ပဲ ကြုံကြုံ  ဘယ်သူကို မဆို ကိုယ့်ဘက်က စတင်ပြီးသာ လက်ဆွဲနှုတ်ဆက်ဖို့ စိတ်ကူးလိုက်တော့။  သေချာပါတယ် ..  အဲလိုဆိုရင်တော့ ခင်ဗျား ဟာရန်ပြုတိုက်ခိုက်ချင် စိတ် မရှိတဲ့သူ၊ ငြိမ်းချမ်းရေးအတွက် တစ်ထောင့် တစ်နေရာက ကြိုးစားအားထုတ်နေတဲ့သူ အဖြစ်ကိုယ့် ကို ကိုယ် ခိုင်ခိုင်မာမာ ယုံကြည်လိုက်နိုင်ပြီလို့ ဆိုချင်ပါရဲ့။ ရိုးသားတဲ့စိတ်နဲ့ ဖြန့်ထုတ်လိုက်တဲ့ လက်ဖြစ်ဖို့တော့ လိုတာပေါ့လေ။


*** ဆရာမ ဂျူး ၏ "သူရဲကောင်းတွေ မများလွန်းဘူးလား" ၀တ္တုတိုကို ဆင့်ပွားခံစားပါသည်။

Photo @ http://upload.wikimedia.org/wikipedia/commons/4/45/Francisco_de_Goya_y_Lucientes_-_Duel_with_Cudgels_-_WGA10102.jpg

Wunna Than Htun
Sunday, March 11, 2012

တခုသော ထမင်းစားပွဲကြီး

0
0

လေးထောင့်စားပွဲ ၁၀ ခု ခန့် ထိပ်ဆက်ထားသော ခုံတန်းရှည်ကြီးမှာ ခန်းမ တဝက်နီးပါးမျှ နေရာယူထားလေသည်။ စားပွဲတဖက်တချက်ရှိ ခုံတန်းရှည်များပေါ်တွင် လူ ၇၅ ယောက်စီခန့် တန်းစီထိုင်ကာ နေကြ၏။ သူတို့ရှေ့မှာ ထမင်းတပန်းကန် နှင့် ဟင်းချိုတဝက်ခန့်ထည့်ထားသော မတ်ခွက်တလုံးစီချထားသည်။ ပန်းကန်ထဲရှိ ထမင်းခပ်မို့မို့ပေါ်မှာတော့ ဂုံညှင်းဒိုးအရွယ် မရှိတရှိ ခပ်ပါးပါးငါးဆုပ်ဟင်း တခု။ အားလုံးရဲ့ မျက်လုံးများက ဟင်းဖတ်ဆီမှာ ဝေ့ဝဲလျက်..။


စားပွဲတန်းကြီး၏ တဖက်ထိပ်၌ အိုဂျီယူနီဖောင်းကို သပ်သပ်ရပ်ရပ်ဝတ်ထားပြီး ပုခုံးဒေါက်မှာ အဖြူရောင် ပိတ်စကွတ်ကာ ခရာကြိုးတပ်ဆင်ထားသူတဦး မတ်မတ်ရပ်နေသည်။ ယနေ့အဖို့ တပ်ခွဲမှူးတာဝန်ကျသူ ဖြစ်လေ၏။ ကိုယ်ပိုင်နံပတ် စီနီယာဖြစ်ဖြစ် ဂျူနီယာပဲဖြစ်ဖြစ် တပ်ခွဲမှူးတာဝန်ယူရသော တနေ့တာ အတွက် သူဟာ လုပ်ပိုင်ခွင့်အာဏာအရှိဆုံး… သူခိုင်းသမျှ အားလုံးလုပ်ရသည်။ သူပေးတဲ့အမိန့်ကို နာခံကြရသည်။  

 ထမင်းဝေပေးသော နေရာမှာ တန်းစီနေသူ မရှိတော့ချိန်.. အားလုံးကိုယ်စီ နေရာယူပြီးချိန်မှာ .. ထိုမတ်တတ် ရပ်နေသူထံမှ အောင်မြင် ခန့်ညားသော အသံဖြင့် ‘တန်း…. ထ’ ဟု အမိန့်ပေးသံ ထွက်ပေါ်လာ၏။ ထိုင်နေသူ အားလုံး တညီတညာတည်း မတ်တတ်ရပ်လိုက်ကြသည်။ ထို့နောက် တန်းထိပ်တွင် မတ်တတ်ရပ်နေသူမှ ထပ်မံ၍ ‘ထမင်းစား သစ္စာ… ဆို’ ဟု ခပ်ပြတ်ပြတ် အမိန့်သံ ထွက်ပေါ်လာအပြီးမှာ….

‘ငါတို့သည်… နိုင်ငံတော်မှကျွေးသော… ထမင်းများကိုစား၍… နိုင်ငံတော်၏ ကျေးဇူးသစ္စာကို… စောင့်သိ … ရိုသေပါမည်’ ဟူသော ညီညီညာညာ သစ္စာဆိုသံ ထွက်ပေါ်လာပြန်သည်။

‘တန်း… ထိုင်’

အမိန့်ရသည်နှင့် အားလုံးပြန်ထိုင်ကြပြီး နောက်ထပ် အမိန့်တခုကို စောင့်မျှော်နေကြ၏။ တပ်ခွဲမှူးဖြစ်သူက ထိုင်နေသူအားလုံး၏ ဝတ်စားဆင်ယင်မှုနှင့် လှုပ်ရှားမှုကို စုခြုံအကဲခတ်လိုက်သည်။ အားလုံးကို သူကျေနပ် နိုင်သည့် အနေအထားမျိုးတွေ့ရပါမှ..

‘စားနိုင်ပြီ’ ဆိုသော နောက်ဆုံး အမိန့်ကို ရလေသည်။

စောစောက အကဲခတ်နေစဉ်အတွင်း အဝတ်အစား မသပ်ယပ်တာ၊ အနေအထိုင် မပိရိတာ၊ ဂဏှာမငြိမ်မနေ ဖြစ်တာမျိုး တွေ့ပြီဆိုလျှင် အတန်းထဲမှ ဆွဲထုတ်အပြစ်ပေးနိုင်သည်။ သင်တန်းကာလ တလျှောက် သင်တန်းသားတိုင်း တပ်ခွဲမှူးတာဝန်ကို အနည်းဆုံး တကြိမ်ယူနိုင်အောင် စီစဉ်ထားသည်။ တပ်ခွဲမှူး လက်တို လက်တောင်းခိုင်းဖို့ ဆက်သားတဦးကိုလည်း ခန့်ထားပေး၏။ တပ်ခွဲမှူးတာဝန်ကို စီနီယာမှ ဂျူနီယာသို့ လည်းကောင်း၊ ဆက်သားတာဝန်ကို ဂျူနီယာမှ စီနီယာသို့ လည်းကောင်း အလှည့်ကျတာဝန်ပေးအပ်ရာ သင်တန်းကာလ နောက်ပိုင်းရောက်လေ ဂျူနီယာတပ်ခွဲမှူးနှင့် စီနီယာဆက်သား တွေ့ကြုံဆက်ဆံရလေ ဖြစ်သည်။ ဤသည်မှာ တပ်သားသစ်အခြေခံသင်တန်းအချင်းချင်း စည်းကမ်းထိန်းသိမ်း ကြပ်မတ်မှုနှင့် အလုပ်စီမံခန့်ခွဲမှု အခြေခံကို လေ့ကျင့်ပေးခြင်း ဖြစ်ပေသည်။

တပ်ခွဲမှူးမှ ထမင်းစတင်စားနိုင်ပြီဖြစ်ကြောင်း ခွင့်ပြုချက်ရသည်နှင့် တပြိုင်နက် ဇွန်းတွေ လက်တွေ လွန်းပြန် ပြေးပွဲ စတင်လေသည်။ တချို့က ဟင်းချိုကို ထမင်းထဲလောင်းထည့် ထမင်းပန်းကန်ကို ပါးစပ်နားကပ်ကာ ပါးစပ်ထဲသို့ လောင်းထည့် ယက်ထည့် လုနီးနီး ဇွန်းကို လွန်းထိုးလှုပ်ရှားနေသည်။ တချို့ကျ ငယ်မူမပျောက် လက်ခုပ်ကြီးဖြင့် ထမင်းအပြည့်ဆုပ်ကာ ပါးစပ်ထဲ ထိုးသွင်းနေ၏။ စားနေတုန်း ၃ မိနစ်ခန့်အကြာလောက်မှာ အနည်းဆုံး သင်တန်းသားလေးငါးဦး ထမင်းဝေသည့် နေရာသို့ ဒုတိယအကြော့ တန်းစီ ရောက်ရှိနေပေပြီ။ နောက်ထပ် တန်းစီသူတွေလည်း ရှိ၏။ သူတို့အတွက် ထမင်း အနည်းငယ်နှင့် ဟင်းရည်တဇွန်းရသည်။ ရတာလေးကို ကိုယ့်နေရာမှာ ပြန်ထိုင်စား … ကုန်သွားပြန်သည့်အခါ ထမင်းဝေသည့်နေရာသို့ လှမ်းမျှော် ကြည့်သည်။ ထမင်းဝေသူ ပန်းကန်ကိုင်လျက် စောင့်နေပါက တတိယ အကြိမ် တန်းစီကြပြန်သည်။ သည်လိုနှင့် ဒယ်အိုးကြီး ထဲက ထမင်းတွေ တက်တက်ပြောင် ကုန်စင်သွားလေတော့သည်။

ရဲဘော်သင်တန်းသားတွေ ဤမျှလောက် ဘုန်းကြီးကျောင်းသားလက် အရှုံးပေးရလောက်အောင် အလုအယက် အပြူးအပြဲ စားသောက်နေကြပါသနည်း။ အဖြေက ရှင်းရှင်းလေးပင်။ ထမင်းဝအောင်မရ၍ ဖြစ်ပေသည်။ တရားဝင် သတ်မှတ်ထားသော တပ်မတော် ရိက္ခာနှုန်းထားအရ တပ်မတော်သားတဦး (အရာရှိ/စစ်သည်) အတွက် တနေ့လျှင် ဆန် ၂၆ အောင်စ ထုတ်ယူစားသုံးခွင့်ပြုထားသည်။ သို့သော် ရိက္ခာထုတ်ယူမှု သဘောအရ ထောက်ပံ့ရေးတပ်မှ တပ်ရင်းတပ်ဖွဲ့များရှိ ရိက္ခာဂိုဒေါင်အထိ အဆင့်ဆင့်ဖြတ်သန်းလာခဲ့ရာတွင် တတိတိ လျော့နည်းလာမှုကြောင့် စစ်သည်တဦးအတွက် တလစာ ရိက္ခာဆန် ၁၀ ပြည် ခန့်ရရှိသည်ကို ၇ လုံးကိုက် ပြည်တောင်းဖြင့် ၉ ပြည်ခန့်သာ ပေးနိုင်သည်။ ထိုနှုန်းထားအတိုင်း ချက်ပြုတ်ကျွေးမွေးလျှင်ပင် သင်တန်းသား တဦးအတွက် တနေ့လျှင် ဆန် ၂ ဗူးချက်အပြည့် ကျွေးမွေးနိုင်ပေသည်။ သို့သော် ကျနော်တို့ သင်တန်းကာလမှာ တနပ်အတွက်ရသည့် ထမင်းပမာဏက ဆန်ဗူးဝက်ချက်သာသာ။ တနေ့ ၂ ကြိမ် ထမင်းကျွေးသည်ဆိုတော့ ဆန် ၁ ဗူးချက်ကျော်ကျော်ပဲ စားရပေသည်။

လူငယ်ဖြစ်သည်ကတကြောင်း၊ အလုပ်ပင်ပန်းသည်က တကြောင်း၊ ဝယ်ယူစားသောက်ဖို့ အခက်အခဲရှိ သည်ကတကြောင်းတို့ကြောင့် ကျနော်တို့တက်ခဲ့ရသော သင်တန်းအပတ်စဉ်မှာ သင်တန်းသား အများစု ထမင်းမဝသည့် အရေးနှင့် ကြုံခဲ့ရသည်။ ထမင်းမဝသည့် အကြောင်းကို တယောက်စကား တယောက်နှင့် တပ်မှူးနားပေါက်ခဲ့သော်လည်း အကြောင်းမထူးခဲ့ပါ။ ကျနော်တို့အတွက် မနက်စောစော လက်ဖက်ရည်ကျဲ တခွက် နှင့် ထမင်း ၂ နပ်က တနေ့တာ ဆာလောင်မှုကို မတင်းတိမ်နိုင်ခဲ့ပါ။ ထို့ကြောင့် ဘီစကစ် (သို့) ပေါင်မုန့်ခြောက်များ အသင့်ဝယ်ထားကာ ညခင်းအခါ ဗိုက်ဆာလာလျှင် ရေနှင့် မျှောချရသည်။

နေ့စဉ် သင်တန်းသားများ အလုပ်ခန့်ခွဲရာတွင် ထမင်းချက် ဆရာများနှင့်အတူ ကူညီလုပ်ကိုင်ပေးဖို့ စားရိပ်သာ အကူ (မက်စ်အော်တလီ) ၅ ယောက်ပေးရသည်။ တပ်စုအလိုက် အလှည့်ကျ တာဝန်ယူရသည်။ ထိုကဲ့သို့ စားရိပ်သာ အကူတာဝန်ကျသည့်နေမှာတော့ ထမင်းဝဝ စားရသည်။ ထို့ကြောင့် စားရိပ်သာအကူ တာဝန်ကို ဗော်လံတီယာ ယူထားသူအချို့ရှိသည်။ ကျနော်နှင့် အိပ်ရာချင်း ကပ်လျက် သူငယ်ချင်းတဦးက တောသား ဖြစ်သည့် အလျောက် ထမင်းများများစားရမှ တင်းတိမ်ရောင့်ရဲသည်။  မုန့်ပဲသွားရည်စာစားလို့ အာသာမပြေဟု ပြောသည်။ သူ့အတွက် ဟင်းကောင်းစရာမလို ထမင်းအဖြူကို ဆားဖြူးထားလျှင်ပင် သူ ဟက်ဟက်ပက်ပက် စားနိုင်တာ တွေ့ရသည်။  ထို့ကြောင့် သူ့ကို စားရိပ်သာ အကူ အဖြစ် သင်တန်းကာလတလျှောက်လုံးနီးပါး တွဲပေးထားသည်။ သို့နှင့် သင်တန်း မပြီးဆုံးမီ ၁ လလောက် အလိုမှာ စားရိပ်သာမှ ထမင်းချက်သူတွေ ဆန်ခိုးနေတာကို ပက်ပင်းမိတော့ သည်။

ဖြစ်ပုံက သည်လို…. အဲဒီနေ့မနက် ၄ နာရီလောက်မှာ ကင်းစောင့်တာဝန်မှထွက်လာသော သင်တန်းသား တဦး မျက်နှာသစ်ရန် မီးဖိုချောင်ဘေးနားရှိ ရေကန်ဘက်သို့ ထွက်လာစဉ် မှောင်ထဲမှ လှုပ်ရှားမှု တခုတွေ့သဖြင့် သွားကြည့်သည့်အခါ ဆန် ၄ ပြည်ခန့်အထုပ်နှင့် စားရိပ်သာအကူ သင်တန်းသားကို တွေ့လိုက်ရသည်။ ထမင်းချက်ဆရာက သူ့အိမ်ခန်းသို့ ပို့ဆောင်ရန် စေလွှတ်လိုက်ခြင်း ဖြစ်၏။ ဆန်ထုပ်နှင့်အတူ အမိခံလိုက် ရသော သင်တန်းသားမှာ များစွာကြောက်ရွံ့ တုန်လှုပ်နေသည်။ သို့သော် သူရိုးသားမှန်း ကျနော်တို့သိသည်။ သူထမင်းအစားကြီးသည်ကို အခွင့်ကောင်းယူကာ ထမင်းနှင့်မျှား၍ အကြပ်ကိုင်ခိုင်းစေသော ထမင်းချက်ကိုသာ အပြစ်မြင်ကြ၏။ သို့ကြောင့် ထမင်းချက်သိအောင် ဆန်ထုပ်ကိုယူပြီး သွားပြသည်။ သူလည်း သူ့အပြစ်နှင့်သူ ဘာမှ မပြောသာ။ အဲဒီနေ့က စပြီး သင်တန်းကာလပြီးဆုံးသည်အထိ ကျနော်တို့အတွက် ထမင်းရှယ်ယာ နည်းနည်း ပိုရလာသည်။ ထိုနည်းအားဖြင့် ဂယ်လီ(မီးဖိုချောင်) မှ ယိုပေါက်ကို တားဆီးနိုင်ခဲ့သော်လည်း ဆန်ထုတ်ပေးသည့် ရိက္ခာဂိုဒေါင် တာဝန်ခံကိုတော့ ကျနော်တို့ အံမတုနိုင်ခဲ့ပေ။

ဤသည်မှာ သင်တန်းသားဘဝက သင်တန်းကျောင်းတွင် ကြုံတွေခဲ့ရသော ဖြစ်စဉ်တခု ဖြစ်လေသည်။ တပ်နဲ့ပတ်သက်သော အမှတ်တရများတွင် ထိုကဲ့သို့ ထမင်းစားခဲ့ရသော နေ့ရက်များကိုလည်း တသက်တာ မေ့နိုင်မည် မဟုတ်ပါ။
…………………………………………………………………………………

ကျနော် ဟိုင်းကြီးကျွန်းမှာ ၄ နှစ်တာဝန်ထမ်းဆောင်နေစဉ်အတွင်း လေ့ကျင့်ရေးတပ်တွင်လည်း နေခဲ့ရသည်။ အဲဒီအချိန်မှာ သင်တန်းသားတွေ ရှိ၏။ နေ့စဉ် သူတို့စားရိပ်သာဆောင်မှ ထမင်းကျန် ဟင်းကျန် များကို ဝက်မွေးထားသော သင်တန်းဆရာတဦး သယ်ယူလာတာတွေ့ရသဖြင့် ကျနော်တို့ သင်တန်းသား ဘဝနှင့် ဆက်စပ်တွေးပြီး သူတို့အတွက် ဝမ်းသာမိပါသည်။ သူတို့ စားရိပ်သာမှာ ဟင်းသိပ်မကောင်းသည့်တိုင် ထမင်းတော့ လောက်ငှအောင် ချက်ကျွေးသည်။ ထို့အပြင် နံနက်စာ ထမင်းကြော်ကျွေးရန်အတွက် ဌာနချုပ် ဝန်ထမ်းဆန် ဂိုဒေါင်မှ လစဉ် ဆန် နှင့် ဆီ ထောက်ပံ့ပေးထား၏။ ဘယ်လိုပဲဖြစ်ဖြစ် ခက်ခဲကြမ်းတမ်းသော သင်တန်းကာလမှာ ထမင်းတော့ ဝဝစားရစေချင်သည်။

ကျနော် ရန်ကုန်တပ်သို့ ပြန်ရောက်လာသည့် နောက်ပိုင်း လေ့ကျင့်ရေးတပ်မှာ ကျနော်နှင့်အတူ တာဝန် ထမ်းဆောင်ခဲ့သော သူငယ်ချင်းတဦး ရန်ကုန်သို့ တီဂျူတီနှင့်လာရင်း ကျနော့်တပ်သို့ အလည်ရောက် လာခိုက် သူပြောပြသဖြင့် လေ့ကျင့်ရေးတပ်က အဖြစ်အပျက်တခုကို သိလိုက်ရသည်။ ‘သင်တန်းသား ရဲဘော်သစ်တွေ တညတာ တောခိုကြသည်’ တဲ့။ သူပြောပြသော အဖြစ်အပျက်ကို ကျနော်မှတ်မိသလောက် ရေးပြရလျှင် … တည လူခြေတိတ်ချိန်မှာ သင်တန်းသားတွေ စုပြီး ရိက္ခာဂိုဒေါင် ဖောက်ကာ ဆန်၊ ဆီ၊ ပဲ နို့ဆီ စသည့် စားစရာ အမယ်တချို့ ထုတ်ယူကြသည်။ ရိက္ခာဂိုဒေါင် မှာ တပ်ရင်းကင်းနှင့် အလှမ်းကွာသဖြင့် တပ်ရင်းကင်းမှ တာဝန်ကျ ရဲဘော်တွေ မသိလိုက်။ ပြီးတော့ သူတို့အဝတ်အစားတွေ ကျောပိုးအိတ်ထဲထည့်.. စားရိပ်သာမှ အိုးခွက်ပန်ကန်များ၊ လေ့ကျင့်ရေးလက်နက်များကို ယူဆောင်ကာ အုပ်စုလိုက်တပ်ဖျောက်သွား၏။ နောက်တနေ့နံနက် လင်းအားကြီး PT တန်းစီချိန်ကျမှ သင်တန်း ဆရာတွေ သိကြသည်။ အားလုံး အရူးမီးဝိုင်း ဖြစ်ကုန်ကြတော့၏။

သို့နှင့် ဌာနချုပ်ကိုပါ သတင်းပို့ အကြောင်းကြားပြီး တပ်ဖြန့် တောနင်းရှာဖွေကြရာ ပင်လယ်ကမ်းစပ်ရှိ ကပ္ပလီရွာနားက တဲဟောင်းတခု အတွင်းမှာ စခန်းချနေတာ တွေ့လိုက်ရသည်။ ဌာနချုပ်မှူးက မည်သူ့ကိုမှ သင်တန်းသားများထံ မသွားစေဘဲ သူကိုယ်တိုင် သွားရောက်ချော့မော့ကာ အခက်အခဲကို မေးမြန်းသည် ဆို၏။ သင်တန်းသားတွေက အစားအသောက် ဆင်းရဲကြောင်း အကြောင်းပြသည်။ ထို့ကြောင့် သင်တန်းဆောင်ကို သေချာ ကြီးကြပ်စေပြီး ဌာနချုပ်မှူးကိုယ်တိုင် သင်တန်းသားများ စားသောက်မှုအခြေအနေကို ရှောင်တခင် ဝင်ရောက် စစ်ဆေးသည်ဟု သိရသည်။ သင်တန်းသားများ အတွက် ချက်ထားသောဟင်းကို ဌာနချုပ်မှူး ကိုယ်တိုင် မြည်းစမ်းကြည့်ပြီး သဘောမတွေ့ပါက ထမင်းချက်ကို သင်တန်းသားများ ရှေ့တွင်ပင် အပြစ်ပေး ကြောင်း ပြောပြသည်။

တိုက်တိုက်ဆိုင်ဆိုင် သိလိုက်ရသည်က ဌာနချုပ်မှူး အပြစ်ပေးခံရသော ထမင်းချက် ဆရာမှာ ကျနော်တို့ သင်တန်းတုန်းက ထမင်းချက်ကျွေးခဲ့သူ ဖြစ်နေခြင်းပင်….။  

နေမင်းသူ
၁၉-၀၇-၂၀၁၃

Gay Bomb

0
0
Photo
“အချစ် နှင့် စစ်မှာ မတရားတာမရှိ” ဆိုတဲ့ ရှေး ဆိုရိုးစကားလေးကိုကြားဖူးကောင်းကြားဖူးပါလိမ့်မယ် ။ ဒီစကား ဟာ လူသားတို့ သမိုင်းမှာ ဘယ်လောက်တောင် မှန်ကန် နေခဲ့ ပါသလဲ ။ Might is Right (အင်အားကြီးသူသာအမှန်) ဆိုတဲ့ စကား က ရော လူသားဆန်မှု မျက်နှာဖုံးအပေါ်မှာ ဘယ်လောက်ပင် အော့နှလုံးနာစရာ ကောင်းနေကြပေမဲ့ … ဖြစ်ပျက်နေတဲ့ နိစ္စဓူဝ လူ့လောက မှာ ဘယ်လောက်တောင်ကိန်းအောင်နေပါသလဲ ။ နောက်ကျွန်တော် ဖတ်ဖူးတဲ့ စာလေး တစ်ပုဒ်မှာတော့
“ လူသားတွေဟာ တိရိစ္ဆာန်တွေထက် ပို တုံးတယ် ။ ဘာလို့လဲဆိုတော့ ဘယ်တိရိစ္ဆာန် မှ ကိုယ့်ကိုယ်သတ်ဖို့ လက်နက်ကို မတီထွင်လို့ ပဲ “ ဆိုပြီး ပြောထားပါတယ် ။ဒီ စကားလေး စကြားတဲ့ချိန်မှာတော့ ကျွန်တော့် ရင်ထဲမှာ သိပ် ဘဝင်မကျလှပါဘူး ။ ဒါပေမဲ့ အချိန်တော်တော်ကြာလာတဲ့ နောက်မှာတော့ ကျွန်တော်တို့ တဖြည်းဖြည်း သိလာရပါတယ် ။ ဟုတ်ပါတယ် ကျွန်တော်တို့ လူသားတွေ ဟာ တိရိစ္ဆာန်တွေထက်ပိုတုံးတယ်။

Photoအက်ဖရက်နိုဗယ်ဟာ ဒိုင်းနမိုက်ဆိုတဲ့ ပေါက်ကွဲစေတတ်တဲ့ ပစ္စည်း ကို လမ်းတံတားဆောက်ဖို့ ၊ တောတွေ ၊ ကျောက်မိုင်းတွေ ဖြိုဖို့ ရည်ရွယ်ပြီး တီထွင်ခဲ့ ပေမဲ့ ။ လူသားတို့ အတွက် အရက်စက်ဆုံးသော မိုင်းတွေ ဖြစ်လာခဲ့တယ် ။ စစ်ပွဲတွေမှာ လူသားတွေရဲ့ ဇီဝိန်ကို ခြွေယူမဲ့ .. ကျည်ဆံ တွေရဲ့နောက်ပိုင်းမှာ ပါရှိတဲ့ ကျည်ရိုက်ခွက်တွေရဲ့ ယမ်းဘီလူးတွေဖြစ်လာခဲ့ကြတယ် ။

အဲလ်ဘက် အိုင်းစတိုင်း ဟာ Mass-Energy Equivalent ကို ရှာဖွေဖော်ထုတ်ပြီး သိပ္ပံပညာ ၊ ဆေးပညာ ၊ လျှပ်စစ်စွမ်းအင် ထုတ်လုပ်ရေး စတာတွေမှာ အသုံးပြုစေချင်ခဲ့ပေမဲ့ကမ္ဘာ့လူသားမျိုးနွယ်တွေကိုပျက်ဆီးဆုံးရှုံးစေမဲ့ နြူကလီယားဗုံးတွေ ၊ ဟိုက်ဒရိုဂျင်ဗုံးတွေသာဖြစ်ပေါ်လာခဲ့ရတယ် ။

နီကိုလက် တဲစ်လာ ဟာ လျှပ်စစ်သံလိုက်စက်ဝန်း တွေကနေ တဆင့် ရာသီဥတုကို ထိန်းချုပ်နိုင်မဲ့သီအိုရီကို ဖော်ထုတ်ပေးခဲ့ပြီး cloud seeding တွေဖန်တီးပြီး လူသားတွေအတွက် ရာသီဥတုကို လိုသလိုအသုံးချဖို့ ကြံဆခဲ့ပေမဲ့ .. Weather Warfare(ရာသီဥတုစစ်ဆင်ရေး) ဆိုတာ ဖြစ်ပေါ်လာခဲ့ရတယ် ။ တဖက်ရန်သူ နိုင်ငံမှာ လေးမုန်တိုင်းတွေ ဖြစ်ပေါ်စေဖို့ ၊ မိုးမုန်တိုင်းတွေဖြစ်ပေါ်စေဖို့ ၊ ငလျင်တွေ ၊ ဆူနာမီတွေဖြစ်ပေါ် စေဖို့ အသုံးချခဲ့ကြတယ် ။ ၁၉၅၅ ကနေ ၁၉၇၅ ခုနှစ်အတွင်းဖြစ်ပေါ် ခဲ့ တဲ့ အမေရိကန်-ဗီယက်နာမ် စစ်ပွဲမှာ ဗီယက်နာမ်တွေဟာ စစ်နိုင်ခဲ့ပေမဲ့ Biochemical Warfare ဒဏ် ၊ Weather Warfare ဒဏ်ကို စစ်ပြီးတဲ့ထိ လိမ့်နေအောင်ခံ ခဲ့ကြရတယ် ။

Photo 
 Gay Bomb (halitosis bomb) ဆိုတာ အမေရိကန်နိုင်ငံ လေတပ် ရဲ့ Wright Laboratory ကနေ စမ်းသပ်တီထွင်ထားတဲ့ Chemical Weapon တစ်မျိုးဖြစ်ပါတယ် ။ ဒီ ဂေးဗုံးဟာ လူကိုသေစေနိုင်တဲ့ ဗုံး တော့ မဟုတ်ပါဘူး ။ ဒါပေမဲ့ ဒီဗုံးမှာထည့်ထားတဲ့ အငွေ့ ကို ရှုရှိုက်မိတာနဲ့ လူ့ခန္ဓာကိုယ်ရဲ့ လိင်သဘာဝဖြစ်စဉ်တွေ ပြောင်းလဲ ကုန်ပြီး .. ယောကျာင်္း ဖြစ်တဲ့ စစ်သားတွေ ဟာ အခြောက် ဖြစ် ကုန်မှာဖြစ်ပါတယ် ။ ပြီးတော့ တစ်ယောက်နဲ့ တစ်ယောက် လိင်ပိုင်း ဆိုင်ရာ နိုးကြွ စိတ်တွေ ဖြစ်ပေါ်လာပြီး ကျန်တဲ့ သိစိတ်တွေ ပျောက်ကုန်မှာဖြစ်ပါတယ် ။ တဖက်ရန်သူ စစ်သားတွေဟာ စစ်တိုက်ဖို့ စိတ်တွေ ထွက်ပြေး ကွယ်ပျောက် ကုန်ပြီး ကျည်တစ်တောင့် မကုန် ၊ သေနတ် တချက် မဖောက်ရပဲ … စစ်ပွဲအောင်နိုင် စေမှာဖြစ်ပါတယ် ။
အချစ်နဲ့ စစ်မှာ .. မတရား တာမှ မရှိပဲလေ ။

(ရုပ်ဆိုး)

(လူသိနည်းသေးတဲ့ Weather Warfare အကြောင်းကိုတော့ နောက် အဆင်ပြေတဲ့ချိန်ထပ်ရေးပါဦးမယ်)



မြန်မာနိုင်ငံအပေါ် ဘက်စုံသုံးသပ်ချက်"ထဲက ထူးခြားချက်များ ခင်မောင်ညို (ဘောဂဗေဒ)

0
0
July 19, 2013 at 5:38am
"မြန်မာနိုင်ငံအပေါ်ဘက်စုံသုံးသပ်ချက်"ထဲကထူးခြားချက်များ 
ခင်မောင်ညို (ဘောဂဗေဒ)

မြန်မာနိုင်ငံနဲ့ ပတ်သက်လို့ ပညာရှင် အသီးသီး၊ အဖွဲ့အစည်း အမျိုးမျိုးက ရေးကြ၊ သားကြ၊ ဟောကြ၊ ပြောကြတာတွေ ဖတ်ရပေါင်း၊ နားထောင်ရပေါင်း များလာတဲ့အခါ ထူးထူးခြားခြား ဘာတွေများ ပြောကြဦးမှာလဲလို့ ရင်မခုန်တော့ပါ။
အိုအီးစီဒီ (OECD) က မြန်မာနိုင်ငံနဲ့ ပတ်သက်လို့ ဘက်စုံ သုံးသပ်ချက် စာတမ်း ရေးနေတယ်၊ ဌာနဆိုင်ရာတွေကိုလဲ ဖိတ်ခေါ်မေးမြန်းတယ်၊ ဆွေးနွေးတယ်ဆိုတာတွေလဲ ကြားရ၊ သိရပါတယ်။ နဖူးတွေ့၊ ဒူးတွေ့တော့ စာတမ်းထွက်လာမှပဲ တွေ့ရပါတယ်။ စာတမ်းဆိုတာတောင် အတွဲ (၁) ကနဦး အကဲဖြတ်ချက်များ ဆိုတာပဲ ရှိသေးတာပါ။

၁၈.၀၉.၂၀၁၃ နေ့က ကုန်သည်ကြီးများ အသင်းမှာ သူတို့ရဲ့ စာတမ်းအကြောင်း ပြောပြ၊ ဝေဖန်၊ သုံးသပ်မှုတွေ ပေးကြ၊ လုပ်တဲ့ပွဲကို ရောက်ခဲ့ရပါတယ်။ မြန်မာပရိသတ်ထက် နိုင်ငံခြား ပရိသတ်က ပိုစိတ်ဝင်စားပုံပါပဲ။ အမေးအဖြေလုပ်ရင် ဘာသာပြန်ပေးမယ်လို့ ဆိုထားပေမယ့် မြန်မာလို မပြောကြပါ။ သတင်းထောက်တွေက ပွဲအပြီးမှာ မြန်မာလို လိုက်မေးကြတာ တွေ့ရပါတယ်။

ဘက်စုံသုံးသပ်ချက်လို့ ဘာလို့ ပြောရသလဲဆိုတော့
  • စီးပွားရေး တိုးတက်မှု၊ စဉ်ဆက်မပြတ် ဖြစ်ပေါ်မှုနဲ့ မျှမျှတတ ဖြစ်ဖို့တွေအားလုံးကို စဉ်းစားတယ်။
  • ကဏ္ဍအလိုက် မစဉ်းစားပဲ ကဏ္ဍအားလုံးနဲ့ သက်ဆိုင်တဲ့ ကိစ္စတွေကို စဉ်းစားတယ်။
  • အတွဲအစပ်နဲ့ ချမှတ်ရမယ့် မူဝါဒတွေ၊ တစ်ခုနဲ့ တစ်ခု ဦးစားပေးရမယ့် မူဝါဒတွေကို စဉ်းစားတယ်။
ဒါကြောင့် ဘက်စုံသုံးသပ်ချက်လို့ ပြောရတာပါ။

မြန်မာစက်ရုံလုပ်သား တစ်ယောက်ဟာ တစ်လမှာ ၅၃ ဒေါ်လာ၊ အလုပ်ရှင်အတွက် ကုန်ကျတဲ့ စရိတ် စုစုပေါင်းက တစ်နှစ်မှာ ဒေါ်လာ ၁၁၀၀၊ တရုတ်နဲ့ ထိုင်းလုပ်သား လုပ်ခရဲ့ ခြောက်ပုံတစ်ပုံ၊ လာအိုတို့၊ ကမ္ဘောဒီးယားတို့နဲ့ ယှဉ်ရင်တောင် တစ်ဝက်ပဲ ရှိပါသတဲ့။ လုပ်သားတွေရဲ့ ထုတ်လုပ်မှု စွမ်းအားဟာ ၀င်ငွေ အဆင့်တူ ဘင်္ဂလားဒေ့ရ်ှတို့၊ ကမ္ဘောဒီးယားတို့ထက် မြင့်သလို ကိုယ့်ထက်ဝင်ငွေ မြင့်တဲ့ ဗီယက်နမ်ထက်တောင်မှ မြင့်တယ်ဆိုတာကြောင့် စက်မှုလုပ်ငန်းနဲ့ ၀န်ဆောင်မှုလုပ်ငန်းတွေ အတွက် အခြေခံကောင်း တစ်ခု ဖြစ်ပါတယ်။

အိုအီးစီဒီရဲ့ အမြင်မှာ မြန်မာနိုင်ငံဟာ ၀င်ငွေ အဆင့်တူတဲ့ တခြားနိုင်ငံတွေထက် ပိုမို ကြွယ်ဝတယ်လို့ ဆိုနိုင်ပါတယ်။ ဥပမာ - ညဖက် အပြင်ထွက်ရင် အန္တရာယ်နည်းတယ်။ အလုပ်အကိုင်နဲ့ မျှော်မှန်း သက်တမ်းတွေလဲ တခြားနိုင်ငံထက် သာတယ်။ အားနည်းတာက အကျင့်ပျက်မှုတွေ ရှိနေတာ၊ အရေးအကြောင်းဆို အားကိုးစရာ မရှိတဲ့လူတွေ များတာ၊ အစိုးရ အရာရှိတွေကို ကိုယ့်သဘော ကိုယ့်ဆန္ဒ ထုတ်ပြောတဲ့သူ နည်းတာတွေ ဖြစ်ပါတယ်။ အရေးအကြောင်းဆို အားကိုးစရာ မရှိဘူး၊ လူမှုကွန်ယက်က အားနည်းတယ်လို့ အပြောခံရတာ သိပ်ဘ၀င်မကျပါ။

မြန်မာနိုင်ငံနဲ့ ပတ်သက်လို့ အိုအီးစီဒီက တွေ့ရှိတဲ့ ထူးခြားမှု တစ်ခုက မြန်မာနိုင်ငံမှာ အသက် ၁၀ နှစ် ကနေ ၆၄ နှစ် အတွင်း ရှိတဲ့ လူဦးရေ အချိုးအစားဟာ တခြားနိုင်ငံတွေထက် မြင့်မားနေပြီး အဲဒီအချိုးအစားဟာ နောင် ၁၅ နှစ်၊ အနှစ် ၂၀ အတွင်းမှာ လျော့ပါးသွားမယ်ဆိုတဲ့ ကိစ္စပါ။ တစ်နည်းအားဖြင့် အသက်ကြီးတဲ့သူတွေ၊ မှီခိုမယ့်သူတွေ များလာမယ်ပေါ့။
ဒီအချက်က သတင်းလောကက သတိထားမိကြပြီး မြန်မာတွေ မချမ်းသာခင် အသက်ကြီးသွားတော့မယ်၊ အိုကုန်တော့မယ်လို့ ရေးကြပါတယ်။ သုံးသပ်ချက်ကို သေသေချာချာ ပြန်ဖတ်ကြည့်တော့ အလုပ်လုပ်တဲ့သူ အချိုးအစား ကျဆင်းသွားတာတောင်မှ နောင်ဆယ်နှစ်အကြာမှာ ထိုင်းနိုင်ငံက လွဲလို့ တခြားနိုင်ငံတွေထက် အလုပ်လုပ်တဲ့ အုပ်စုအရွယ်အစား ကြီးမားနေဆဲ ဖြစ်လို့ သိပ်ပြီး စိုးရိမ်ရတဲ့ ကိစ္စတော့ မဟုတ်ပါဘူး။

ကျားမခွဲခြားမှုနဲ့ ပတ်သက်လို့လဲ မြန်မာနိုင်ငံဟာ တခြားနိုင်ငံတွေထက် ခွဲခြားမှု နည်းနေတာကိုလဲ အသိအမှတ် ပြုထားပါတယ်။
ကျေးလက်မြို့ပြ မညီမျှမှုတို့အပြင် အစိုးရနဲ့ နီးစပ်သူတွေ လက်ထဲ ဥစ္စာဓန စုမိတာ၊ အတိတ်တုန်းက တချို့လူတွေ၊ တချို့အုပ်စုတွေက အခွင့်ထူးတွေ ခံစားရတာတွေကိုပါ မကျန်ရအောင် ပြောထားပါတယ်။

အခြား သုတေသန စာတမ်းတွေလို ရုပ်ပိုင်းဆိုင်ရာ အခြေခံ အဆောက်အအုံတွေ (လမ်းပန်းဆက်သွယ်ရေး) လိုအပ်ချက်တွေ အပြင် အင်စတီကျူးရှင်းတွေ၊ လူတွေ၊ ဥပဒေနဲ့ လုပ်ထုံးလုပ်နည်းတွေကို တော်တော် အားမရတာ တွေ့ရတယ်။ အထူးသဖြင့် ဒီသုံးသပ်ချက်မှာ လူမှု အရင်းအနှီးဖြစ်တဲ့ ယုံကြည်မှုကို အလေးထားပြီး ပြောတာ တွေ့ရတယ်။ ဖွံ့ဖြိုးရေး လုပ်ငန်းတွေမှာ လူအများ ပူးပေါင်းပါဝင်ဖို့ဆိုရင် ယုံကြည်မှု ရှိဖို့ လိုတယ်။ အစိုးရနဲ့ ပူးပေါင်းဖို့၊ အစိုးရရဲ့ မူဝါဒတွေကို လက်ခံဖို့ ဆိုရင်လဲ ယုံကြည်မှု ရှိဖို့လိုတယ်ဆိုတာ အလေးထား ထောက်ပြသွားတယ်။ ခေတ်အဆက်ဆက်မှာ တရားဥပဒေ မစိုးမိုးခဲ့တာ အစိုးရနဲ့ အာဏာရှိသူတွေက ပြည်သူ့အကျိုးကို ထိပါးပြီး အသုံးချခဲ့တာတွေ ရှိခဲ့ကြောင်းနဲ့ အခု တိုးတက်မှုတွေ ရှိနေတဲ့အကြောင်း သုံးသပ်ထားပါတယ်။

ဖက်ဒရယ်စနစ်ရဲ့ အခြေခံအနေနဲ့ ဒေသအဆင့် စီမံကိန်းတွေ ချမှတ်၊ မူဝါဒတွေ အကောင်အထည် ဖော်နိုင်ဖို့ ဒေသဆိုင်ရာ အင်စတီကျူးရှင်းတွေ ထိရောက်ဖို့၊ သေသေချာချာ လေ့ကျင့်ထားတဲ့ ၀န်ထမ်းတွေ ရှိဖို့လိုတယ်။ သူတို့ မရှိရင် ခက်မယ်လို့ သုံးသပ်ထားပါတယ်။

ပတ်ဝန်းကျင်နဲ့ ပတ်သက်လို့ လေထုညစ်ညမ်းမှုအဆင့်မှာ ရန်ကုန်နဲ့ မန္တလေးဟာ မလေးရှားက ကွာလာလမ်ပူ၊ ဖိလစ်ပိုင်က မနီလာ၊ ထိုင်းနိုင်ငံက ဘန်ကောက်နဲ့ချင်းမိုင်၊ အင်ဒိုနီးရှား၊ စင်ကာပူ၊ ဗီယက်နမ်၊ လာအိုတွေထက် မြင့်နေပြီး ကိုယ့်ထက်ဆိုးတာဆိုလို့ ပီကင်းနဲ့ ဒေလီလောက်ပဲ ရှိတာတော့ သိပ်ဝမ်းသာစရာ မကောင်းလှဘူး။ ပတ်ဝန်းကျင်နဲ့ ပတ်သက်လို့ လုပ်စရာတွေ အများကြီး ရှိနေတာကို ညွှန်ပြတယ်။

ပုဂ္ဂလိကလုပ်ငန်းတွေမှာ အငယ်စားနဲ့ အလတ်စား လုပ်ငန်းတွေ များလှပြီလို့ ကျွန်တော်တို့ ကိုယ့်ဘာသာ ကိုယ် ထင်ထားပေမယ့် တကယ်တမ်းမှာ ဗီယက်နမ်ထက် တောင်နည်း၊ ထိုင်းနိုင်ငံနဲ့တောင် မယှဉ်သာအောင် လူ ၁၀၀၀ မှာ ရှိတဲ့ လုပ်ငန်း အရေအတွက် နည်းပါတယ်။ ထိုင်းမှာဆိုရင် လူ ၁၀၀၀ မှာ လုပ်ငန်း ၄၀ လောက် ရှိတယ်။ မြန်မာမှာ ၂.၆ ခုပဲ ရှိတယ်။ လုပ်ခသာ နည်းတာ အလုပ်မရှိကြဘူးလို့ ပြောရမှာ ဖြစ်သလို စာရင်းမ၀င် အင်းမ၀င် ဖြစ်နေတဲ့ လုပ်ငန်းတွေကလဲ ၈၃% လောက် ရှိနေပါတယ်။
ပညာရေးနဲ့ ပတ်သက်လို့ ကလေးတွေနဲ့ ဆရာ၊ ဆရာမတွေရဲ့ ပညာရည် အဆင့်အတန်းကို ဘယ်လို တိုင်းတာကြမလဲဆိုတာ ထည့်စဉ်းစားဖို့ ပြောပါတယ်။ အထူးသဖြင့် အနာဂတ်မှာ ဈေးကွက်က လိုတဲ့ လုပ်သားတွေ မွေးထုတ်ပေးနိုင်ရမယ်၊ အသက်မွေးဝမ်းကျောင်းပညာတွေ သင်ပေးရမယ်၊ ပြီးတော့ ကျန်းမာရေးနဲ့ ပညာရေး ဘွဲ့ရတွေ များများ မွေးထုတ်ပေးဖို့ အကြံပြုထားတယ်။

ကျွန်တော်တို့ဆီမှာ အသုံးလုံး ကျေတဲ့သူတွေ များ၊ ပညာသင်ယူနိုင်တဲ့ အခွင့်အလမ်းတွေ များလာပေမယ့် မူလတန်းနဲ့ ကျောင်းထွက်ရတဲ့သူ များပြီး အလယ်တန်း တက်တဲ့သူ နည်းသွားတာတော့ မကောင်းလှဘူး။
နောက်ထူးခြားချက် တစ်ခုက မိသားစု တစ်ခုချင်းရဲ့ အသုံးစရိတ် မြင့်မားတဲ့နေရာတွေဟာ ထိုင်း၊ တရုတ်နဲ့ ဘင်္ဂလားဒေ့ရှ် နယ်စပ်က ဒေသတွေ ဖြစ်နေတာ တွေ့ရတယ်။ နယ်စပ်ဒေသတွေမှာ လုပ်ခကောင်းတာ၊ သယ်ယူပို့ဆောင်ရေး စရိတ် သက်သာတာတွေကြောင့် ၀င်ငွေ မြင့်သလို စားသုံးမှု မြင့်နိုင်တယ်လို့ တွက်ဆပါတယ်။
ကျွန်တော်တို့မှာ လိုအပ်တဲ့ ဥပဒေတွေ အခုမှဆွဲ၊ ရှိရမယ့် အဖွဲ့အစည်းတွေက အခုမှဖွဲ့၊ အစီအစဉ်သစ်တွေ၊ မူဝါဒတွေကို လက်ခံနိုင်တဲ့ နည်းပညာစွမ်းရည်က နိမ့်နေဆဲ ဖြစ်တာကိုလဲ ညွှန်ပြထားပါတယ်။

ဘက်စုံ သုံးသပ်ချက် စာတမ်းကို ဝေဖန်ကြရာမှာ
  • ရုပ်ပိုင်းအခြေခံ အဆောက်အအုံကို အလေးပေးမှု လျော့နည်းခဲ့တယ်။ ဒါဟာ အင်စတီကျူးရှင်းဆိုင်ရာ အရင်းအနှီးကို အလေးပေးလွန်းအားကြီးလို့ ဖြစ်တယ်။
  • စွမ်းအင် အရင်းအမြစ်တွေ မြန်မာနိုင်ငံမှာ ပေါများတယ်။ အရေးကြီးတာက နည်းပညာလို့ ဆိုတယ်။ ဒါပေမယ့် အဲဒီ စွမ်းအင် အရင်းအမြစ်တွေ ရွေးချယ်တာ၊ ထုတ်ယူမှု လုပ်ရာမှာ သိပ်မလွယ်ဘူး။ ပတ်ဝန်းကျင်နဲ့ လူမှုရေးဆိုင်ရာ ထိခိုက်မှုတွေ ရှိတယ်။
  • ညှိနှိုင်းဆွေးနွေးမှု မရှိတဲ့အတွက် ဥပဒေတွေ၊ စည်းမျဉ်း စည်းကမ်းတွေ၊ တစ်ခုနဲ့ တစ်ခု ဆန့်ကျင်တာတွေ ထပ်နေတာတွေ တွေ့နေရတယ်။
  • အရေးကြီးတဲ့ ငြိမ်းချမ်းမှု တည်ဆောက်ရေးနဲ့ တိုင်းရင်းသား အရေးတွေ ထည့်စဉ်းစားရမယ်။ ၂၀၁၅ မှာ အတိုက်အခံ အာဏာရလာရင်တောင် အလွယ်တကူ ပြေလည်သွားမှာ မဟုတ်ဘူး။ ရပ်ရွာထဲမှာလဲ တင်းမာမှုတွေ ရှိနေတယ် ဆိုတာတွေ ထောက်ပြသွားကြောင်းပါ။
ဒီသုံးသပ်ချက်ဟာ အပြုသဘော ထောက်ပြဝေဖန်မှုတွေ၊ အကောင်းမြင်တာတွေ အများကြီးပါကြောင်း အများက လက်ခံထားကြပါတယ်။

(ဇာစ်မြစ် - OECD Development Pathways- Multi-Dimensional Review of Myanmar)

လူဝင်မှုနှင့် ဦးစော (နိဂုံး)

0
0


အခု “မျိုးစောင့်ဥပဒေ” လို့ ခေါ်နေတဲ့ ဥပဒေအောက်မှာ မူကြမ်းနှစ်ခုကို ဖတ်ရပါတယ်။
အဲဒါကတော့ “မြန်မာဗုဒ္ဓဘာသာဝင် အမျိုးသမီး လက်ထပ်ထိမ်းမြားခြင်းဆိုင်ရာ အရေးပေါ်
ဥပဒေ (မူကြမ်း)” နဲ့ “ကိုးကွယ်ရာဘာသာနှင့် ပတ်သက်၍ မှတ်ပုံတင်ဥပဒေ (မူကြမ်း)” ပါ။
ဒါပေမယ့် ဒီနှစ်ခုဟာ ဥပဒေမူကြမ်းလို့ ပြောရမယ့် အဆင့်ကို မရောက်သေးပါဘူး။ မူကြမ်း
အဆင့်အဖြစ် ဥပဒေကြောင်းအရ ညီညွတ်မှုရှိအောင် လိုအပ်လာရင် ကူညီဆောင်ရွက်မယ်လို့
လွှတ်တော် ကိုယ်စားလှယ် ရှေ့နေကြီး ဦးသိန်းညွန့်ကလည်း ပြောထားတယ်၊ လွှတ်တော်
လုပ်ထုံးလုပ်နည်း အတိုင်း တင်လာရင် ဆောင်ရွက်ပေးမယ်လို့ လွှတ်တော်ဥက္ကဋ္ဌကြီး
ကိုယ်တိုင် ပြောထားတဲ့ အတွက် ဥပဒေအကြောင်းရာ ကိစ္စများကိုတော့ ဒီမှာမပြော
လိုတော့ပါဘူး။ ကျုပ်လည်း ဥက္ကဋ္ဌကြီးကို ယုံချင်ပါတယ်နော်။


မြန်မာ ဗုဒ္ဓဘာသာ အမျိုးသမီးများ လက်ထပ်ထိမ်းမြားခြင်းနှင့် ပတ်သက်ပြီး လက်ရှိ တည်ဆဲ
ဥပဒေဟာ “၁၉၅၄ ခုနှစ် ဗုဒ္ဓဘာသာဝင်မိန်းမများ အထူးထိမ်းများမှုနှင့် အမွေဆက်ခံမှု အက်
ဥပဒေ” ပါ။ ဒါဟာ ပါလီမန်ခေတ်မှာ ပြဋ္ဌာန်းတဲ့ ဥပဒေပါ။ ဒီမတိုင်ခင် မရှိဘူးလားဆို၊
ရှိပါတယ်။ အဲဒါဟာလည်း ၉၁ ဋ္ဌာန အုပ်ချုပ်ရေးခေတ်မှာပဲ ပေါ်လာတာပါ။ “ဗုဒ္ဓဘာသာ
အမျိုးသမီးများ လက်ထပ်ခြင်းနှင့် အမွေဆက်ခံခြင်း ဥပဒေ” ဖြစ်ပါတယ်။ ဒီဥပဒေနှစ်ခုလုံးရဲ့
အနှစ်သာရ ကတော့ သိပ်ပြီးကွာခြားမှု မရှိပါဘူး။ “ဗုဒ္ဓဘာသာဝင် အမျိုးသမီး” များကို
အကာအကွယ် ပေးထားတာပါပဲ။ ဒါပေမယ့် ရှေ့က “ဗုဒ္ဓဘာသာဝင်” ဆိုတာကို ပယ်ဖျက်
နိုင်ရင်တော့ အကာအကွယ် မဲ့သွားနိုင်ပါတယ်။ ဒါကြောင့်လည်း အဓမ္မ ဘာသာ
ပြောင်းစေမှုတွေ ဖြစ်ပေါ်လာသလို ကိုးကွယ်ရာ ဘာသာနဲ့ပတ်သက်ပြီး မှတ်ပုံတင်စေဖို့ကို
တောင်းဆိုလာကြတယ် လို့ပဲ ယူဆမိပါတယ်။ ကျုပ်တို့ နိုင်ငံမှာလည်း ပြဿနာတစ်ခုဖြစ်ရင်
ညှိနှိုင်း အဖြေရှာရမယ့်အစား အပြိုင်အဆိုင် ဆယ့်နှစ်ကြိုး ကနေကြတာနဲ့ ဆရာများပြီး
သားသေရပေါင်းလည်း များပါပြီ။

ထားပါတော့။ အမှန်တစ်ကယ်တော့ ဒါတွေဘာကြောင့် ဖြစ်လာရသလဲဆိုရင် ပထမပိုင်းကိုပဲ
ပြန်ဖတ်ကြည့်လိုက်ပါ။ အဖြေတွေ့ပါလိမ့်မယ်။ သို့ပေမယ့် အဲဒီအချိန် အဲဒီအခါမှာ မြန်မာများ
အဖို့ ဥပဒေပြုရေး ဆိုတာမပြောနဲ့ နိုင်ငံရေးအရ အသင်းအပင်း ဖွဲ့စည်းခွင့်ကိုတောင်
တင်းကျပ်စွာ တားမြစ်ခံထားရတာပါ။ ဒါကြောင့်လည်း အရင်ဦးဆုံး ဘာသာရေး အသင်းအဖွဲ့
တွေအနေနဲ့ပဲ စရတာပါ။ ပါတော်မူပြီး ၁၀ နှစ်ကျော် ၁၈၉၇ ခုနှစ်မှာပဲ မော်လမြိုင်မြို့မှာ
သာသနဓရအသင်း၊ မြင်းခြံမြို့မှာ ဗုဒ္ဓကလျာဏမိတ္တအသင်းတို့ စတင်ပေါ်ပေါက်ခဲ့ပါတယ်။
ကျောင်းသားသမဂ္ဂတွေ မစခင် အရင်ဆုံး ၁၉၀၄ ခုနှစ်မှာ ရန်ကုန်ကောလိပ် ဗုဒ္ဓဘာသာ
အသင်းကို စတင်တည်ထောင်ပါတယ်။

နိုင်ငံရေးအရ ဖွဲ့စည်းခွင့်တွေ မရှိတဲ့အခါ အဲဒီအချိန်က Y.M.C.A ဆိုတာရှိတော့
ဗုဒ္ဓဘာသာတွေ  အနေနဲ့လည်း ၁၉၀၆ ခုနှစ်မှာ Y.M.B.A ဆိုပြီးဖွဲ့မယ်ဆိုပြီး ဖွဲ့စည်းခဲ့တာပါ။
ရည်ရွယ်ချက်အရ ဘာသာရေးကို တိုးမြှင့်ပေးရန် ဆိုပေမယ့် ဆွေနွေး ဟောပြောချက်တွေ
ကတော့ လူမှုရေး၊ နိုင်ငံရေးကိုပဲ ဦးတည်ပါတယ်။ ၁၉၁၉ ခုနှစ်မှာ တည်ထောင်တဲ့ ဒါနသုခ
အသင်း ဟာလည်း ဝံသာနုကုမ္မာရီအသင်း Y.W.B.A ရယ်လို့ ပူးပေါင်းလာလိုက်တာ ၁၉၂၀
ခုနှစ်မှာတော့ မြန်မာတစ်ပြည်လုံးမှာ အသင်းခွဲပေါင်း နှစ်ထောင်ကျော်အထိ ရှိလာပါတယ်။
အဲဒီနှစ်မှာပဲ အားလုံးပူပေါင်းပြီး ဂျီစီဘီအေအသင်းကြီး (ဝံသာနုအဖွဲ့ချုပ်ကြီးလို့ပဲ အများက
ခေါ်ကြပါတယ်) ဖွဲ့ကာ နိုင်ငံရေးလှုပ်ရှားမှုများကို စတင်ခဲ့ပါတော့တယ်။ အစပိုင်းမှာတော့
ဘုန်းတော်ကြီးတွေပဲ ဦးဆောင် ပါတယ်။ ဝိုင်အမ်ဘီအေ အစည်းအဝေးများ မစတင်မီ
အရင်ဆုံး ငါးပါးသီလ ခံယူကြတယ်လို့ ဆိုပါတယ်။ နောက်ပိုင်း မှာတော့ ဘုန်းကြီးနဲ့ လူနဲ့ကွဲ၊
ဘုန်းကြီးအချင်းချင်းကွဲ၊ လူအချင်းချင်းကွဲနဲ့ ဂျီစီဘီအေဟာ ကိုးဖွဲ့လောက် အထိတောင်
ကွဲခဲ့ပါတယ်။ ဒီအကွဲရာဇဝင် တွေကိုတော့ မဆက်တော့ပါဘူး။ ဒီတစ်ပုဒ်နဲ့ပဲ နိဂုံးချုပ်ချင်လို့ပါ။

ပြောချင်တာလေးက ၁၉၁၈ ခုနှစ် အောက်တိုဘာလ ၂၂ ရက်မှ ၂၄ ရက်ထိ မော်လမြိုင်မြို့မှာ
ဝိုင်အမ်ဘီအေ အသင်းကြီးရဲ့ ဆဋ္ဌမ အကြိမ်မြောက် အစည်းအဝေးကို ကျင်းပခဲ့ပါတယ်။
အဲဒီအစည်းအဝေး ဆုံးဖြတ်ချက် အမှတ် (၁၀) မှာ “မြန်မာအမျိုးသမီးတို့သည် လူမျိုးခြား
တို့နှင့် အိမ်ထောင်ဘက်ပြုလုပ် ပေါင်းသင်းနေထိုင် ကြသော အလေ့များ တည်မြဲနေပါက
မြန်မာလူမျိုးများ တစ်နေ့တစ်ခြား နစ်နာဆုတ်ယုတ် တရားမဝင်သော မယားများ ဖြစ်ပြီးလျှင်
အမျိုးဘာသာ ပျက်ပြားရန် အကြောင်းရှိသဖြင့် အကျိုးအကြောင်း စာတမ်းများ ထုတ်ဝေစေ၍
၎င်းအလေ့အထ အကျင့်များ ပျောက်ကွယ်ရေး အတွက် အားထုတ်ကြရန်။” ဆိုပြီး ဆုံးဖြတ်
ခဲ့ကြပါတယ်။ ဒါကြောင့်လည်း  “မျိုးစောင့်ဥပဒေအစ ဝိုင်အမ်ဘီအေက” လို့ ပြောရမယ်
ထင်ပါရဲ့။

ကဲ ခေါင်းစဉ်ရဲ့ လိုရင်းကို ဆက်ကြဦးစို့။

၁၉၃၈ ခုနှစ် ကုလား-ဗမာ အဓိကရုဏ်း စုံစမ်းရေးကော်မတီဟာ အဓိကရုဏ်းဖြစ်ပွားမှုနဲ့
ပတ်သက်ပြီး အိန္ဒိယအမျိုးသားများ မြန်မာပြည်သို့ ထိန်းချုပ်မှုမရှိ ဝင်ရောက်ခြင်းကို
ဟန့်တားရန် အစီရင်ခံပါတယ်။ ဒီအစီရင်ခံစာကို အကြောင်းပြုပြီး လွှတ်တော်က ၁၉၃၉ ခုနှစ်
ဇူလိုင်လ ၁၅ ရက်နေ့မှာ စုံစမ်းရေးကော်မရှင်တစ်ရပ် ဖွဲ့ခဲ့ပါတယ်။ ဒီကော်မရှင်ကို ဘုရင်ခံရဲ့
ဘဏ္ဍာရေးဆိုင်ရာ အကြံပေးပုဂ္ဂိုလ် ဂျိမ်းစ်ဘက်စတာက ဦးဆောင်တဲ့အတွက်
ဒီအစီရင်ခံစာကို ဂျိမ်းစ်ဘက်စတာ အစီရင်ခံစာလို့ ခေါ်ပါတယ်။ အဖွဲ့ဝင်တွေအဖြစ်
ဦးတင်ထွဋ် (အိုင်စီအက်စ်) နှင့် ရတီလာ ဒေဆိုင်းတို့ ပါဝင်ပါတယ်။ ဒီကော်မရှင်က စုံစမ်းရမယ့်
အချက်တွေကတော့ -

၁။ အိန္ဒိယအမျိုးသားများ ဝင်ရောက်ခြင်း အလုံးအရင်းထုထယ်။

၂။ ရာသီအလိုက် နေထိုင်သူဦးရေ၊ ယာယီသာ နေထိုင်သူဦးရေ၊ အမြဲတမ်း နေထိုင်သူဦးရေ။

၃။ အိန္ဒိယအမျိုးသားများ အဓိက လုပ်ကိုင်သည့်လုပ်ငန်း၊ အလုပ်လက်မဲ့နှင့် အလုပ်တစ်ဝက်
တစ်ပျက်ရှိသူဦးရေ မည်မျှရှိသည်။

၎။ အဆိုပါ လုပ်ငန်းရပ်များတွင် မြန်မာများအား ဖယ်ရှား၍ အိန္ဒိယသားတို့က ဝင်ရောက်
လုပ်ကိုင်ခြင်းလော၊ သို့မဟုတ် ဤလုပ်ငန်းရပ်များ၏ အတိတ်က သမိုင်းကြောင်းအရ
သင့်သလို ဖြေရှင်းပေးပြီး မြန်မာများကို အစားထိုးလုပ်ကိုင်စေ၍ ဖြစ် မဖြစ်၊ ယင်းတို့၏
စီးပွားရေး လိုအပ်ချက်များ။

၅။ ရရှိထားပြီးသော စာရင်းဇယားများနှင့် အခြားသော ဆက်စပ်မှု အချက်အလက်များအရ
မြန်မာများအလိုကျ မကျွမ်းကျင်သော အိန္ဒိယအလုပ်သမားများ ခေါ်ယူစေခိုင်းခြင်း စနစ်သည်
တကယ်လိုအပ်ခြင်း ရှိ မရှိတို့ ဖြစ်ကြပါတယ်။

ဘတ်စတာရဲ့ ကော်မရှင်ဟာ အစည်းအဝေး ၁၈ ကြိမ် လုပ်ပြီး လူပေါင်း ၇၅ ဦးကို တွေ့ဆုံ
မေးမြန်းခဲ့တယ်လို့ ဆိုပါတယ်။ အရေးပါတဲ့ လုပ်ငန်းဌာနကြီးများ၊ ကုမ္ပဏီများ၊ အလုပ်ရှင်များ၊
အစိုးရဌာနများ၊ ကုန်သည်ကြီးများအသင်းများ၊ အထူးသဖြင့် စက်မှု အလုပ်သမားများ
အကြောင်း အထူးစုံစမ်းခဲ့ပြီး အစီရင်ခံစာတွေရယူခဲ့တာမှာ အစီရင်ခံစာပေါင်း ၁,၃၉၂ စောင်
ရရှိခဲ့တယ်လို့ ဆိုပါတယ်။ ၁၉၄၀ ခုနှစ် အောက်တိုဘာလမှာတော့ ဂျိမ်းစ်ဘက်စတာက
သူ့အစီရင်ခံစာကို တင်ပြခဲ့ပါတယ်။ အစီရင်ခံစာမှာ အချက်ကြီး ရှစ်ချက်ကို လုပ်ဆောင်ရန်
ထောက်ခံရေးသား ထားတယ်လို့ ဆိုပါတယ်။ အဲဒါတွေကတော့ -

(က) အိန္ဒိယ အစိုးရနှင့် တွေ့ဆုံဆွေးနွေး၍ သဘောတူညီချက် ရယူပြီးသည့် အချိန်မှစ၍
ခရီးသွားရန်ဖြစ်စေ၊ နေထိုင်ရန်ဖြစ်စေ၊ အလုပ်လုပ်ကိုင်ရန် ဖြစ်စေ မြန်မာပြည်သို့ ဝင်ရောက်
လာသော အိန္ဒိယ အမျိုးသားများသည် မှတ်ပုံတင်ထားသော အိန္ဒိယနိုင်ငံကူး လက်မှတ်တစ်ခု
လက်ဝယ်ထားရှိရမည်။ ထိုမှတ်ပုံတင် လက်မှတ်တွင် လူတစ်ဦးစီ၏ ခွဲခြား သိမှတ်နိုင်သော
ထုံးစံအတိုင်း အချက်အလက်များ အပြည့်အစုံ ပါရမည်။

(ခ) နေထိုင်ရန် သို့မဟုတ် အလုပ်လုပ်ကိုင်ရန် မြန်မာပြည်သို့ လာရောက်သော အိန္ဒိယ
အမျိုးသားများတွင် ဗီဇာရှိရမည်။ ဗီဇာတွင် မြန်မာပြည်အစိုးရ၏ အာဏာပိုင်က သုံးနှစ်အထိ
အလုပ်လုပ်ခွင့် ပေးထားကြောင်း ဖော်ပြသည့်ပုံစံ ပါရမည်။ အချိန်စေ့သည့်အခါ မြန်မာပြည်မှ
ထွက်ခွာသွားရမည်ဟု ဗီဇာပိုင်ရှင်က တာဝန်ယူပါသည်ဆိုသော အပိုဒ် ဖော်ပြထားရမည်။

(ဂ) အကယ်၍ မြန်မာပြည်တွင် မွေးဖွားပြီး မြန်မာပြည်တွင် မျိုးရိုးစဉ်ဆက် နေထိုင်လာသော
အိန္ဒိယသားသည် မြန်မာတိုင်းရင်းသားအဖြစ် ခံယူလိုပါလျှင် ထိုသူမှာ မြန်မာပြည်တွင် အမြဲ
နေထိုင်၍ ရှာဖွေစားသောက် လုပ်ကိုင်နိုင်အောင် တောင်းခံခွင့်ရှိသည်။ ၁၉၃၅ ခု မြန်မာပြည်
ဥပဒေအပိုဒ် ၁၄၄ အရ ခံစားခွင့်ရှိသည်။

(ဃ) မြန်မာပြည်တွင် ငါးနှစ် တစ်ဆက်တည်း နေထိုင် လုပ်ကိုင်ဆဲဖြစ်သော အိန္ဒိယ
အမျိုးသား များသည် မြန်မာပြည်တွင် ဆက်လက် နေထိုင် လုပ်လိုသည်ဆိုလျှင် အသိ
အမှတ်ပြု အဆင့်အတန်းရှိသည့် အထူးအခွင့်အရေးရသော နိုင်ငံခြားသားအဖြစ် တောင်းခံခွင့်
ရှိသည်။ ဆက်လက် နေထိုင်ခွင့်နှင့် ဆက်လက်လုပ်ကိုင်ခွင့် အခြေအနေနှင့် သဘောတူ
ချက်များကို အခါအားလျော်စွာ ထုတ်ဖော် ပြသရမည်။

(င) မြန်မာပြည်တွင်ရှိပြီး အိန္ဒိယ အလုပ်သမားများ၌ သုံးနှစ် နေထိုင်လုပ်ကိုင်ခွင့် ရရှိ၏။
ထိုသူအား နောက်ထပ် နေထိုင်လုပ်ကိုင်ခွင့် လျှောက်သောအခါ အသစ်လျှောက်ထားသူထက်
အခွင့်အရေး ပိုပေးရမည်။

(စ) အိန္ဒိယအစိုးရနှင့် လူဝင်မှု သဘောတူညီချက် ရရှိအောင် အမြန်ဆုံး ဆွေးနွေးသင့်ပြီး၊
ယင်းသဘောတူညီချက်တွင် အောက်ပါအချက်များ ပါသင့်သည်။

(၁) မြန်မာပြည်သို့ ဝင်ရောက်လာသော အိန္ဒိယ အမျိုးသားများ၏ အမျိုးမျိုးသော အတန်း
အစားများကို ခွဲခြားပြရမည်။

(၂) နေထိုင်ရန်သက်သက် သို့မဟုတ် နေထိုင်၍ အလုပ်လုပ်ကိုင်ရန် အတွက် ထုတ်ပေးသော
ပါ့စ်ပို့ (နိုင်ငံကူးလက်မှတ်) သို့မဟုတ် ပါမစ် (ခွင့်ပြု) လက်မှတ်များ၏ နည်းဥပဒေများ
ပါရှိရမည်။

(၃) ဝင်ရောက်လာသူများ၏ တားမြစ်အပ်သည့် အတန်းအစားများကို ခွဲခြားပြရမည်။

(၄) ဝင်ရောက်လာသူများအား ဆေးစစ်ဆေးမှု ပြုရမည်။

(၅) အိန္ဒိယအမျိုးသားများ ပြန်ပို့နိုင်သည့် အချက်အလက်များ ဖော်ပြရမည်။

(၆) မြန်မာပြည်နှင့် နီးစပ်စွာ ဆက်သွယ်မှုရှိပြီးဖြစ်သော အိန္ဒိယအမျိုးသား အချို့သော
အတန်းအစားများ၏ ဝင်ရောက်နိုင်ရေးအတွက် အထူးအခွင့်အရေးပေးသော အခြေအနေ
ဆိုင်ရာ ပြဿနာများ ဖော်ပြရမည်။

(၇) မြန်မာပြည်တွင် နေထိုင်သည့် အိန္ဒိယအလုပ်သမားများ၏ တရားမနှင့် အခြေခံဆိုင်ရာ
ဥပဒေပါ အခွင့်အရေးများ သတ်မှတ် ဖော်ပြရမည်။

(၈) မြန်မာပြည် ဘုရင်ခံသည် အချို့သော ဝင်ရောက်လာသူများ၏ အတန်းအစားများကို
ချုပ်ချယ် ကန့်သတ်ရန် လိုအပ်သည်ဟု ဆုံးဖြတ်လျှင် တွေ့ဆုံဆွေးနွေးရန် လိုအပ်
လာသည်။ ထိုကိစ္စနှင့် ပတ်သက်၍ တွေ့ဆုံနိုင်မည့် အခွင့်အလမ်းများကို ဖော်ပြရမည်။

(၉) နယ်ခြား ဝင်ထွက်မှုဆိုင်ရာ ပူးပေါင်းလုပ်ဆောင်ရေးကို ဖော်ပြရမည်။

(ဆ) အစိုးရ၏ သင့်တော်သော ဌာနအား စစ်ဆေးရရှိသည့် သက်ဆိုင်ရာ အချက်အလက်များ
စာရင်းဇယားများနှင့် အကြံဉာဏ်များ ပေးနိုင်ရန် လူဝင်လူထွက် ဘုတ်အဖွဲ့တစ်ခု ဖွင့်လှစ်
ရမည်။ ထိုဘုတ်အဖွဲ့တွင် မြန်မာ၊ အိန္ဒိယနှင့် ဥရောပတိုက်သားများ ရောထွေးပါဝင်ရမည်။

(ဇ) ရန်ကုန်ဆိပ်ကမ်းရှိ မကျွမ်းကျင်သော အလုပ်သမား အားလုံးကို မရှောင်မလွှဲဘဲ မှတ်ပုံ
တင်ရမည်။ အလုပ်သမား တစ်ဦးစီအား အလုပ်လုပ်ခွင့် မှတ်ပုံတင်လက်မှတ် ထုတ်ပေးရမည်။
မှတ်ပုံတင်လက်မှတ် မည်၍မည်မျှ ထုတ်ရမည်ကို အလုပ်ရှင်နှင့် တိုင်ပင် ဆုံးဖြတ်ရမည်။
သို့ဖြင့် အလုပ်သမားဦးရေကို လုပ်ငန်း အနည်းအများလိုက်၍ လျှော့ခြင်း၊ တိုးခြင်း ပြုနိုင်မည်။
စသည်ဖြင့် ဖော်ပြထားပါတယ်။

အဲဒီအချိန်က အိန္ဒိယအမျိုးသားတွေ မြန်မာပြည်ကို တံခါးမရှိ ဓါးမရှိ ဥဒဟို ဝင်ထွက်သွားလာ
နေတာနဲ့ ပတ်သက်ပြီး မကြိုက်ကြတဲ့ နိုင်ငံရေးအဖွဲ့အစည်းတွေ၊ ရှေ့ဆောင်ပုဂ္ဂိုလ်တွေ၊
သတင်းစာတွေ အများအပြားရှိပါတယ်။ အဓိကက ကန့်ကွက်သူတွေကတော့ ၂၁ ဦး ပါတီနဲ့
အဆက်အနွယ်တွေပေါ့။ တကယ်တော့ မြန်မာပြည်ကို အိန္ဒိယရဲ့ ပြည်နယ်အဖြစ်ကနေ ခွဲထွက်
လိုခြင်း အကြောင်းတွေထဲက အဓိကအချက်တစ်ခုဟာ ဒီလို ဝင်ရောက်နေမှုတွေကို တားဆီး
နိုင်လိမ့်မယ်လို့ ယူဆတာကလည်း အချက်တစ်ခုပါ။ ဒါပေမယ့် ခွဲပြီးတဲ့ နောက်မှာလည်း
ဒုံရင်းက ဒုံရင်းပါပဲ။

ဒါကြောင်လည်း အဲဒီအချိန်က သူရိယ သတင်းစာ (အယ်ဒီတာချုပ် ဦးဘဘေလက်ထက်) မှာ
ကတည်းက “မြန်မာနိုင်ငံအတွင်းသို့ နိုင်ငံခြားသားများ အတားအဆီးမရှိ ဝင်ရောက်လာ
ခြင်းသည် မြန်မာ့လူ့ဘောင်၏ လူမှုရေး၊ စီးပွားရေးနှင့် သာသနာရေး လုပ်ဆောင်မှုများကို
ထိခိုက်လှသည်။ အိန္ဒိယပြည်မှ နိုင်ငံရေးအရ ခွဲခွာရန် မြန်မာတို့ တောင်းဆိုရခြင်း၏ မူလ
အကြောင်းမှာ လူဝင်မှုပြဿနာကို ကိုင်တွယ်နိုင်ရေး ဖြစ်သည်။ လူဝင်လူထွက် ဥပဒေ
ကဲ့သို့သော တရားဥပဒေမျိုး မြန်မာပြည်၌ ကင်းမဲ့နေသောကြောင့် မြန်မာများ အလုပ်လက်မဲ့
ဖြစ်ရခြင်း၊ လယ်ယာမဲ့ ဖြစ်ရခြင်း၊ နိုင်ငံခြားသားများက မြန်မာ အမျိုးသမီးများကို
လက်ထပ်ခြင်းများ ပေါ်ပေါက်လာပြီး ကပြားမျိုးများ ပေါ်ပေါက်လာရသည်။ မြန်မာ-မူဆလင်
ပဋိပက္ခများ ပေါ်ပေါက်လာရသည်” ဆိုပြီး ရေးသားခဲ့ပါတယ်။

မြန်မာသတင်းစာတွေက ရေးသလို အိန္ဒိယ သတင်းစားတွေကလည်း အားကျမခံ ပြန်လည်
ရေးသားကြပါတယ်။ ဒီအထဲမှာ ၁၉၃၉ ခုနှစ် အောက်တိုဘာလမှာ ကာလကတ္တားမြို့ထုတ်
မိုဒင်ရီဗြူး ဂျာနယ်မှာ ဆောင်းပါရှင် ပီအမ်အိုက်စက်က “အိန္ဒိယအမျိုးသားများသည် မြန်မာ
တို့၏ ကျေးဇူးရှင်များဖြစ်သည်၊ အိန္ဒိယ အလုပ်သမားများကြောင့် မြန်မာပြည်၌ မီးရထားလမ်း၊
သင်္ဘောလမ်း၊ စက်ရုံ၊ အလုပ်ရုံများ တည်ဆောက်နိုင်ခြင်း ဖြစ်သည်။ မြန်မာတို့ လူနေမှု
အဆင့်အတန်း မြင့်လာရသည်။ မြန်မာတိုင်းရင်းသား အလုပ်သမားများဖြင့် လုပ်ကိုင်လျှင်
မြန်မာပြည်၏ စီးပွားရေး အနာဂတ်တွင် တိုးတက်လာမည်မဟုတ်၊ မြန်မာပြည်ရှိ အိန္ဒိယ
အလုပ်သမားများကိုလည်း အခွန်အခများ မကောက်ခံသင့်ပါ” စသည်ဖြင့် ပြန်လည်ရေးသား
ခဲ့ပါတယ်။

ဒီလို ဘက်စတာ အစီရင်ခံစာရဲ့ တိုက်တွန်းချက်၊ နှစ်ဘက် သတင်းစာတွေရဲ့ အပြန်အလှန်
ရေးသားချက်တွေကြောင့် အိန္ဒိယနဲ့ မြန်မာအစိုးရတို့ လူဝင်လူထွက် ပြဿနာကို နှစ်ဖက်
တွေ့ဆုံ ဖြေရှင်းကြပါတယ်။ အိန္ဒိယပြည်အစိုးရဘက်က ဆာဂိရိဂျ ရှန်ကာဘဂ်ျပိုင်
ဦးဆောင်ပြီး မြန်မာဘက်ကတော့ နန်းရင်းဝန် ဂဠုန်ဦးစောက ဦးဆောင်ပါတယ်။ နှစ်ဘက်
အပြန်အလှန် ဆွေးနွေးကြပြီး အိန္ဒိယအမျိုးသားများ အရမ်းမဲ့ ဝင်ရောက်နေမှုကို ရပ်တန့်ဖို့
ကိုတော့ အခြေခံအားဖြင့် သဘောတူကြပါတယ်။ ဒီနေရာမှာ ဦးစောက မြန်မာပြည်ရှိ လုပ်ငန်း
အားလုံး အတွက် မြန်မာအလုပ်သမားများ အလုံအလောက်ရှိသည်။ မည်သည့်နည်းနှင့်မျှ
အိန္ဒိယ အလုပ်သမားများ မဝင်လာသင့်ဆိုပြီး တင်းခံနေပါသေးတယ်။ မြန်မာဘက်မှ အရာရှိ
တစ်ချို့က “ရခိုင်ပြည်တွင် စပါးရိတ်ချိန်၌ စစ်တကောင်း အလုပ်သမား ၂၀,၀၀၀ လိုကြောင်း”
ရှင်းပြမှသာ လူဝင်ခွင့်ကို ခြွင်းချက်နဲ့ လက်ခံခဲ့တယ်လို့ ဆိုပါတယ်။ ဘယ်လိုပဲဖြစ်ဖြစ်
လွတ်လပ်တဲ့ နိုင်ငံတစ်နိုင်ငံ မဖြစ်သေးတဲ့အခါမှာတော့ အလျှော့ပေးခဲ့ရတာတွေလည်း
ရှိမှာပါ။ လွတ်လပ်တဲ့ အချိန်မှာတောင် ဟိုလူ့မျက်နှာကြည့်ရ ဒီလူ့မျက်နှာကြည်ရ
ဖြစ်နေရတာပဲလေ။

သဘောတူညီချက်မှာ ပါဝင်တဲ့ အဓိက အချက်ကြီးများကတော့ အောက်ပါအတိုင်း ဖြစ်ပါတယ် -

(၁) အိန္ဒိယအမျိုးသားသည် မြန်မာပြည်သို့ ဝင်ရောက်လာလျှင် မြန်မာအစိုးရက
ထုတ်ပေးသော လူဝင်မှုပါမစ် (ခွင့်ပြုလက်မှတ်) သို့မဟုတ် ဗီဇာနှင့်အတူ ပါ့စ်ပို့ (နိုင်ငံကူး
လက်မှတ်) ရှိရမည်။ ဝင်ရောက်သူ အိန္ဒိယအမျိုးသား၏ အဆင့်အတန်းကို နိုင်ငံခြားသားဟူ၍
ဖော်ပြထားသည့် ရော်ဘာတံဆိပ်တုံး ခတ်နိုပ်ထားရမည်။

(၂) ဝင်ခွင့်ပြုသူကို နှစ်မျိုးနှစ်စား ခွဲခြားမည်။ “က” အမျိုးအစားမှာ မြန်မာပြည်တွင် အချိန်
အကန့်အသတ်မရှိ နေထိုင်ခွင့် ရှိသည်။ မြန်မာပြည်သားအဖြစ် ရယူနိုင်ခွင့်လည်း ရှိရမည်။
“ခ” အမျိုးအစားမှာ အချိန် အပိုင်းအခြားအဖြစ် မြန်မာပြည်တွင် နေထိုင်၍ အလုပ်
လုပ်ကိုင်ခွင့်ရှိသည်။ မြန်မာအစိုးရ၏ သဘောအတိုင်း အချိန် တိုးမြှင့်နိုင်လေသည်။

(၃) “က” အမျိုးအစားမှ နေထိုင်ခွင့် လျှောက်သူအား မြန်မာအစိုးရက စာတတ် မတတ်
စစ်ဆေးခွင့် ရှိသည်။ သို့စစ်ဆေးရာတွင် မြန်မာဘာသာ၊ သို့မဟုတ် ရှမ်း၊ ကရင် စသည့်
မြန်မာတိုင်းသားများ၏ ဘာသာဖြင့် မစစ်မေးရ။

(၄) မြန်မာအစိုးရ၏ သဘောတူညီချက် မရဘဲ မြန်မာအမျိုးသမီးနှင့် လက်ထပ်လျှင်သော်၎င်း၊
ပေါင်းသင်း နေထိုင်လျှင်သော်၎င်း၊ ဗီဇာ သို့မဟုတ် ပါမစ်ကို ပယ်ဖျက်ခွင့်ရှိသည်။ အကယ်၍
လက်ထပ်ပေါင်းသင်းမည့် အမျိုးသမီးအား ထာဝရ လုပ်ကျွေး စောင့်ရှောက်နိုင်ရေးအတွက်
လုံလောက်သော ပစ္စည်းဥစ္စာရှိကြောင်း သက်သေပြ၍ ဝင်ရောက်လာသူက လက်ထပ်ခွင့်
တောင်းလျှင် မြန်မာအစိုးရက အခွင့်ပြုရမည်။

(၅) မြန်မာနိုင်ငံတွင် မွေးဖွား၍ မြန်မာပြည်တွင် လုပ်ကိုင် ရှာဖွေစားသောက်သူ၊
မြန်မာပြည်တွင် အမြဲတမ်းနေထိုင်သူ၊ ထိုသူနှင့် ထိုသူ၏မိသားစု၏ နောင်ရေးအတွက် မြန်မာ
ကိုသာလျှင် အားထားသူအား မြန်မာတိုင်းရင်းသားအဖြစ် တောင်းခံနိုင်ခွင့် ရှိသည်။ စတာတွေ
ပါဝင်ပါတယ်။

ဒီသဘောတူညီချက် ရဖို့ကိုတောင် အတော်လေး အကြိတ်အနယ် ဆွေးနွေးခဲ့ရတယ်လို့
ဆိုပါတယ်။ ဒါနဲ့ပတ်သက်ပြီး မြန်မာတွေဘက်က ဘာမှ ကန့်ကွက်မှု မရှိပေမယ့်လည်း စပြီး
ဆွေးနွေးတယ် ဆိုကတည်းက အိန္ဒိယသားတွေက မကျေမနပ် ဖြစ်ခဲ့ကြတယ်တဲ့။ မူကြမ်းမှာ
ကတည်းက သူတို့ ထည့်ချင်တဲ့ အချက်တွေ အကုန်မထည့်ရလို့ မကျေနပ်တာလည်း ပါတာ
ပေါ့လေ။ သဘောတူညီချက် လက်မှတ်ရေးထိုးပြီးတဲ့ အခါမှာလည်း မြန်မာပြည်မှာလည်း
ကန့်ကွက်၊ တစ်ခါ အိန္ဒိယကို အပြေးအလွှား ကိုယ်စားလှယ်တွေ စေလွှတ်ပြီး နေရာအနှံ့
အပြားမှာ ကန့်ကွက်ကြတာ ၁၉၄၁ ဇူလိုင်လ ၁၈ ရက်မှာတော့ မဒရပ်မြို့မှာ ထင်ရှားတဲ့
အိန္ဒိယ ခေါင်းဆောင်တွေ တက်ရောက်တဲ့ ပါတီပေါင်းစုံ အစည်းအဝေးကျင်းပပြီး ဒီသဘော
တူညီချက်ကို ရှုတ်ချကြတာပေါ့။ အိန္ဒိယအမျိုးသား ကွန်ဂယက်လည်းပါတာပေါ့။ ဂန္ဒီကြီး
ဟာလည်း အိန္ဒိယ အမျိုးသားကွန်ဂယက်ရဲ့ ခေါင်းဆောင်ကြီးပဲ။ အိန္ဒိယအမျိုးသားရေး
ဝါဒီကြီးပေါ့။ သို့ပေမယ့် မြန်မာ အမျိုးသားရေးဝါဒီမှ မဟုတ်တာပဲလေ။

ပြီးတော့ ထုံစံအတိုင်း ဟိုတိုင် ဒီတိုင်ပေါ့။ ဘိလပ်က အိန္ဒိယပြည်ဆိုင်ရာ ဝန်ကြီး၊ မြန်မာပြည်
ဆိုင်ရာ အတွင်းဝန်၊ အိန္ဒိယဘုရင်ခံချုပ်တို့ထံကို အကြောင်းအမျိုးမျိုးနဲ့ တိုင်ကြား ကန့်ကွက်ကြ
တာပေါ့။ သူတို့အဓိက ညွှန်းဆိုတာကတော့ ၁၉၃၅ ခုနှစ် မြန်မာပြည် အက်ဥပဒေ၊ အခန်း (၄၄)၊
အခန်းငယ် (၃) ကို ဖောက်ဖျက်တယ်ပေါ့။ အဲဒီမှာက “ခရီးသွားလာခြင်း၊ အတည်တကျ
နေထိုင်ခြင်း၊ ပစ္စည်းဥစ္စာ ရှာဖွေခြင်း၊ ရရှိသည့်ပစ္စည်းကို ထိန်းသိမ်းခြင်း၊ ဝေငှ ပေးကမ်းခြင်း၊
အစိုးရရာထူး သို့မဟုတ် အခြားသော အလုပ်အကိုင်များကို လုပ်ကိုင်ခြင်း၊ ကုန်ကူးခြင်း၊
ဈေးရောင်းခြင်း၊ အသက်မွေးဝမ်းကျောင်းလုပ်ငန်း လုပ်ကိုင်းခြင်းနှင့် ပတ်သက်၍ အိန္ဒိယ
အမျိုးသားများအပေါ် တရားမဝင်ဖြစ်စေခြင်း၊ ချုတ်ချယ် ကန့်သတ်ခြင်း၊ ခြွင်းချက် ထားရှိမှုများ
မဖြစ်စေရ” ဆိုပြီး ပြဋ္ဌာန်းပေးထားတယ်တဲ့။ အတော်လေးကို လူပါးဝတဲ့ ပြဋ္ဌာန်းချက် တွေပါပဲ။

ဒါတင်မက အိန္ဒိယသတင်းစာတွေကလည်း နည်းမျိုးစုံနဲ့ ရေးသားကန့်ကွက်ကြတာပေါ့။ ဟိန္ဒူ၊
မဒရပ်မေ၊ အင်ဒီးယန်းအိတ်စပရက် စတဲ့ သတင်းစာတွေကတော့ အဆိုးဆုံးပါ။ အိန္ဒိယမှာရှိတဲ့
ဥပဒေပြု ကောင်စီတွေကလည်း ကန့်ကွက်တာပဲ။ ဒီထဲမှာ ဘင်္ဂလားနယ် ဥပဒေပြုကောင်စီက
“ဤသဘောတူချက်သည် အလွန်တရာ ကန့်ကွက်ဘွယ်လည်းကောင်းသည်။ အလွန်တရာ
ခွဲခြမ်း အရေးပေးခြင်းလည်း ဖြစ်သည်” ဆိုပြီး ရှုတ်ချကန့်ကွက်သတဲ့။ ဘင်္ဂလားပြည်နယ်
အခွန်တော်ဝန်ကြီးဖြစ်တဲ့ ဆာဘိရွိုင် ပရာဆပ်ဆင်ရွိုင်က “မြန်မာပြည်ရောက် ဘင်ဂါလီ
အမျိုးသားများ အကျိုးနှင့် ပတ်သက်၍ အစိုးရ၏ သဘောထားကို စိုးရိမ်မှု မဖြစ်သင့်ပါ” ဆိုပြီး
ထုတ်ဖော် ပြောသတဲ့။ အဓိပ္ပါယ်ကတော့ မြန်မာပြည်ရောက်နေတဲ့ ဘင်ဂါလီတွေ မပူပါနဲ့
သူတို့ရှိပါတယ်ပေါ့လေ။ ဟာစီနာ့ ဘိုးအေတွေ ထင်ပါရဲ့။

၁၉၄၁ ခုနှစ် ဇူလိုင်လ ၂၁ ရက်နေ့မှာတော့ ဒီသဘောတူညီချက်နဲ့ပတ်သက်ပြီး ဦးစောက
သတင်းစာ ရှင်းလင်းပွဲတစ်ခု လုပ်ခဲ့ပါတယ်။ အဲဒီနောက် စက်တင်ဘာလမှာ ဦးစောဟာ
အတွင်းဝန် ဦးတင်ထွဋ်နဲ့အတူ မြန်မာ့လွတ်လပ်ရေး အရေးဆိုရန် အင်္ဂလန်နိုင်ငံကို ထွက်ခွာ
သွားပြီး အောက်တိုဘာလ ၁၈ ရက်နေ့မှာ ဗြိတိသျှဝန်ကြီးချုပ် ဆာဝင်စတန်ချာချီနဲ့ တွေ့ဆုံ
ဆွေးနွေးပါတယ်။

၁၉၄၁ ခုနှစ် နိုဝင်ဘာ ၄ ရက်နေ့မှာတော့ အိန္ဒိယပြည်လုံးဆိုင်ရာ ဗဟိုဥပဒေပြုကောင်စီက
ကန့်ကွက်သူမရှိ အဆိုတစ်ရပ်ကို ဆုံးဖြတ်လိုက်ပါတယ်တဲ့။ အဲဒါကတော့ “အိန္ဒိယ-မြန်မာ
လူဝင်မှု သဘောတူညီချက်မှာ ခွဲခွာရေးပြီးနောက် ကျင့်သုံးရမည်ဟု ပါလီမန်က အာမခံချက်
ပေးထားခြင်း များနှင့် ဆန့်ကျင်သည်။ မြန်မာပြည်အစိုးရ အက်ဥပဒေ အပိုင်း ၅ နှင့်လည်း
မကိုက်ညီ။ ထို့ကြောင့် အိန္ဒိယပြည်သူများအပေါ် ခွဲခြမ်းခြင်းပြုသည့် ဤသဘောတူညီချက်ကို
ပယ်ဖျက်ပေးရန် ဤကောင်စီက ဆုံးဖြတ်သည်” ဆိုတာပဲ ဖြစ်ပါတယ်။

သို့ပေမယ့် ဒီကာလအတွင်းမှာပဲ ဒီဇင်ဘာလမှာတော့ အရှေ့တောင်အာရှ နိုင်ငံများကို
စစ်မီးက ကူးဆက်လာပါတော့တယ်။ ဒီဇင်ဘာ ၁၁ ရက်မှာတော့ ဂျပန်လေတပ်က ထားဝယ်
လေယာဉ်ကွင်းကို စတင် ဗုံးကျဲပါတယ်။ ဒီဇင်ဘာ ၂၃ မှာ ရန်ကုန်မြို့ကို ဗုံးကြဲလေယာဉ်
အစင်း ၆၀၊ တိုက်လေယာဉ် အစင်း ၃၀ နဲ့ ပထမအကြိမ် ဗုံးကြဲပါတယ်။ ဒီဇင်ဘာ ၂၅ မှာတော့
ရန်ကုန်မြို့ကို ဗုံးကြဲလေယာဉ် အစင်း ၈၀၊ တိုက်လေယာဉ် အစင်း ၂၀ နဲ့ ဒုတိယအကြိမ်
ထပ်ကြဲပါတယ်။ ၁၉၄၂ ဇန်နဝါရီလ ၁၈ ရက်နေ့မှာတော့ ဦးစောဟာ မြန်မာပြည် အပြန်ခရီး၊
ပါလက်စတိုင်းနိုင်ငံ ဟိုင်ဖာမြို့အရောက်မှာ ဗြိတိသျှအစိုးရက ဖမ်းဆီးလိုက်ပါ တော့တယ်။
ပြစ်ချက်ကတော့ ဂျပန်နဲ့ လျှို့ဝှက်ဆက်သွယ်မှု ကြောင့်ပါတဲ့။

၁၉၄၂ နှစ်ဆန်းပိုင်းမှာပဲ ဗိုလ်ချုပ်တို့ ရဲဘော်သုံးကျိပ် အဖွဲ့ဝင်တွေနဲ့ ဂျပန်တပ်မတွေလည်း
ယိုးဒယားကနေတဆင့် မြန်မာပြည်ကို ဝင်လာပါပြီ။  ပြည်တွင်းသူပုန်တပ်ဖွဲ့ကို ဦးဆောင်ဖို့
အတွက် အဖွဲ့ဝင် ရှစ်ဦးနဲ့အတူ ပစ္စတိုသေနတ်ကိုင်ပြီး အရင်ဆုံး ဝင်ရောက်ခဲ့သူကတော့
အမေရိကန် ပြည်ထောင်စုက သူရဲကောင်းဘွဲ့ (Legion of Merit) ပေးအပ်ခြင်း ခံခဲ့ရတဲ့
သွားလေသူ မိုးပေါ် ထောင်မပစ်ဘူး ဆိုတဲ့ လူကြီးပေါ့။ ဒီနောက်ပိုင်းမှာတော့ အင်္ဂလိပ်
လက်အောက်ကနေ ဂျပန် လက်အောက်ကို ရှောက်ရှိခဲ့လေတော့သတည်းလို့ပဲ
ဆိုပါရစေတော့ဗျာ။

ကဲ ပြီးပါပြီ။ ဒီနုတ်ကလေးရေးဖြစ်အောင် တိုက်တွန်းပေးတဲ့ ကိုမောင်ဟန်အပါအဝင် ဖတ်ရှု
ပေးသူ အားလုံးကို ကျေးဇူးတင်ပါတယ်။ လူဝင်မှုနှင့် ဦးစောဆိုတဲ့ အကြောင်းအရာနဲ့
ပတ်သက်ပြီးတော့ ဒီထက်ပိုပြီး လေ့လာလိုသူများကိုတော့ စာအုပ်တစ်အုပ် ညွှန်းပါ့မယ်။
ရှာဖွေ ဖတ်ရှုကြပါလေ။ ၁၉၄၁ ခုနှစ်မှာ ရန်ကုန်မြို့ အစိုးရပုံနိုပ်တိုက်က ထုတ်ပါတယ်။
စာအုပ်အမည်ကတော့ “နှစ်ပေါင်း တစ်ရာကျော်အတွင်း တစ်ကြိမ်သာ ပေါ်ပေါက်လာသော
အိန္ဒိယ လူဝင်လူထွက် ကိစ္စကြီးကို အောင်မြင်စွာ ဆောင်ရွက်လိုက်သော မြန်မာပြည်
နန်းရင်းဝန်ကြီး ဦးစော” ပါတဲ့ခင်ဗျား။

လူဝင်မှုနှင့် ဦးစော (၁)

လူဝင်မှုနှင့် ဦးစော (၂)

ဖိနပ်ပျောက်ခြင်းသည် အနာဂတ်ကို ဆိုးရွားစွာထိခိုက်စေနိုင်ပါသည်

0
0

 Photo: ဖိနပ်ပျောက်ခြင်းသည် အနာဂတ်ကို ဆိုးရွားစွာထိခိုက်စေနိုင်ပါသည် ……………   “ ဟိုက် သွားပြီဟ ”  ကျွန်တော်အထိတ်တလန့်ဆိုတော့ မိန်းမဖြစ်သူက ကျွန်တော့်ကိုကြည့်ပြီးမေးတယ်။   “ ဘာဖြစ်တာလဲ ”                                                                                                                                                                                                             “ ဖိနပ်မရှိတော့ဘူးဟ ”  “ ဟင်ဟုတ်ပ။ ဒီနားမှာ အတူတူချွတ်ထားတာပါ ”  “ ဟုတ်တယ်လေ။ ခု အစ်ကို့ဖိနပ်မရှိတော့ဘူး ”  သူက ဘုရားကနေ လမ်းကိုလှမ်းကြည့်သည်။ လမ်းပေါ်မှာ ဘယ်သူမှ မရှိတော့။  “ ခုနကောင်လေးတွေကတော့ အများကြီးပဲ။ သူတို့ပဲဖြစ်မယ် ”  “ ဟုတ်မှာပေါ့လေ။ ဒါပဲရှိတာကို ”  ကျွန်တော်တို့မိသားစု ရုံးပိတ်ရက်မို့ ဘုရားသို့စောစောထွက်လာခဲ့ခြင်းဖြစ်သည်။  ဘုရားမှာ ငါးစာကျွေးပြီး ပြန်ဖို့အလုပ်မှာ ဖိနပ်ပျောက်သွားခြင်းဖြစ်သည်။  သမီးဖြစ်သူက သိချင်သည့်အရွယ်၊ စူးစမ်းချင်သည့်အရွယ်ဆိုတော့ သူက မေးလာသည်။  “ ဖိနပ်ကဘာလို့ပျောက်တာလဲ ဟင် ”  ခိုးသွားတာဆိုတဲ့ စကားကို ကျွန်တော်မပြောချင်ပါ။  “ အဖေ့ ဖိနပ်ကို ယူသွားလို့ပေါ့ သမီးရဲ့ ”  “ ဘာလို့ အဖေ့ ဖိနပ်ကို ယူသွားရတာလဲ ”  “ သူတို့မှာ မရှိလို့ နေမှာပေါ့ သမီးရဲ့ ”  “ သူတို့က ဘာလို့ ၀ယ်မထားတာလဲ အဖေ ”  အဲဒီလိုနဲ့ သူ့မေးခွန်းတွေကို စိတ်ရှည်ရှည်ဖြေရင်း ဘုရားကနေပြန်ခဲ့ပါတယ်။  ကျွန်တော်ကတော့ ခြေပြောင်နဲ့ပေါ့။ ……………  တစ်ခါတုန်းက မဟတ္တမဂန္ဒီ ရထားစီးလာစဉ် ဖိနပ်တစ်ဖက်က ကျွတ်ကျန်ခဲ့တယ်တဲ့။  အဲဒါနဲ့ ကျန်တဲ့တစ်ဖက်ကို ကပျာကယာချွတ်ပြီး ကျန်ခဲ့တဲ့ဖိနပ်နဲ့ အနီးဆုံးနေရာကို ပစ်ချလိုက်တယ်တဲ့။  ပါလာတဲ့အဖော်က ဘာလုပ်တာလဲမေးတော့ “ ဖိနပ်တစ်ဖက်ကို ကောက်ရသူက တစ်ဖက်တည်းမို့ သုံးလို့မရသလို ငါလည်းသုံးမရဘူးလေ။ ဒီတော့ ကောက်ရသူ သုံးရအောင်လို့ နောက်တစ်ဖက်ပါ ပစ်ချပေး လိုက်တာတဲ့။  ကျွန်တော်ကတော့ ပစ်ချစရာကို မလိုပါ နှစ်ဖက်လုံး ပေးလိုက်ရလို့လေ။ ပြီးတော့ ဖိနပ်အသစ်ဝယ် ဖြစ်သွားလို့ ကျေးဇူးတောင်တင်လိုက်ရဦးမယ်။  ဒါကိုပြောပြတော့ သူငယ်ချင်းတစ်ဦးက “ အေးပေါ့ကွာ ဟိုဘ၀က မင်းသူများဖိနပ်ခိုးခဲ့လို့၊ ခုပြန် ခိုးခံရ တယ်လို့မှတ်ပေါ့။  လှူလိုက် ၊ ရေစက်ချလိုက်ပေါ့ ”တဲ့။  ဖြစ်နိုင်ပါသည်။ ဟိုဘ၀တွေက သူများပစ္စည်းတွေကို ယူခဲ့မှာတော့ သေချာသည်။  ကျွန်တော်ဖိနပ်တစ်ရံပျောက်လို့ စိတ်မညစ်ပါ။ သို့ပေမယ့် စိတ်မကောင်းပါ။  မြင့်မြတ်သော နေရာတွင် အနိမ့်ဆုံးလို့သတ်မှတ်ထားတဲ့ ဖိနပ်ပျောက်ခြင်းကြောင့်ဖြစ်သည်။  ဘုရားမှာတောင် သူတစ်ပါးပစ္စည်းကို လဲလှယ်ရဲသည်။ ခိုးယူရဲသည်။  ခိုးလိုစိတ်၊ အကုသိုလ် စိတ်များသည် နေ့၊ ညတောင် မရှောင်ပဲ ပြုလုပ်ရဲလာကြသည်။  ဒါနဲ့ဆက်စပ်ပြီး တွေးမိတာက သောက်ရေအိုးစဉ်မှာ ကြိုးချည်ခံထားရတဲ့ ရေခွက်တွေအကြောင်း ပင်ဖြစ်သည်။  ဗုဒ္ဓဘာသာတိုင်းပြည်ကြီးမှာ ကုသိုလ်ပြုထားသော လမ်းဘေးရေချမ်းစင်က သောက်ရေခွက် များမှာပင် လွတ်လပ်မှုမရှိတော့။  ပျောက်မှာကြောက်နေရကြရသည်။ ကျွန်တော့်သမီးလေးသာ ဒါကို မြင်ရရင် မေးမှာအမှန်ပင်။  “ အဖေ သောက်ရေခွက်တွေကိုဘာလို့ ကြိုးချည်ထားရတာလဲဟင် ”  ကျွန်တော် သက်ပြင်းတွေခဏခဏချပြီး ဖြေရဦးမှာပင်။ ……………  ကျွန်တော်တို့ ခပ်ငယ်ငယ်က ကျွန်တော်တို့မြို့မှာ ပွဲလမ်းသဘင်လုပ်ရင် ဈေးသည်တွေက အပြိုင် ထွက်တယ်။  ညလုံးပေါက် ဈေးရောင်းရတော့ မနက်မိုးလင်းလို့ အိမ်ပြန်ရင် ပစ္စည်းပစ္စယကို နိုင်သလောက် သာသိမ်းပြီး ပြန်သွားကြတယ်။   ပျော်ပွဲရွှင်ပွဲလုပ်တဲ့ ကွင်းပြင်ကြီးထဲမှာ ဈေးသည်တွေ ထားခဲ့တဲ့ ပစ္စည်းတွေက တစ်ခါတစ်လေ နှစ်ရက်သုံးရက်အထိ ကြာပြီး ရှိနေတတ်သေးတယ်။  အဲဒီကွင်းပြင်ကြီးထဲမှာ ပိုင်ရှင် ပြန်လာမယူမချင်း ဒီအတိုင်းရှိနေသည်။  ပြီးတော့ ကျွန်တော်တို့မြို့၊ ရွာတွေမှာ ညဘက် အိမ်ရှေ့ကွပ်ပစ်ပေါ်မှာ ထွက်အိပ်တတ်သည်။ ဒီလိုမှမဟုတ်ရင် အိမ်တံခါးလေးဖွင့်ပြီး လေအေးအေးလေးနဲ့ အိပ်ကြတယ်။ ဒီလိုပဲ အပြင်သွားစရာရှိရင်       “ အိမ်ကို ကြည့်လိုက်ဦးဟေ့ လို့ ” ဘေးအိမ်ကို အော်ခဲ့ရင်ရပြီ။ စိတ်ချလက်ချသွားတော့။  ခိုးမှုဆိုတာ တော်တော့်ကိုကြားရခဲပါသည်။  ဖြတ်သန်းခဲ့တဲ့ နှစ် ၂၀ လောက်အကွာမှာတော့ ကိုယ့်အိမ်ကို ခြံကောင်းကောင်းကာရတယ်။ ချမ်းသာတဲ့လူတွေကတော့ ခြံစောင်ထားကြတယ်ပေါ့။  အပြင်တံခါးတစ်ချပ်၊ အတွင်းတံခါးတစ်ချပ် အထပ်ထပ်လုပ်၊ အထပ်ထပ်ပိတ်၊ အခန်းတံခါးပိတ်ပြီး အိပ်ရတဲ့ခေတ်ဖြစ်လာခဲ့တယ်။  အပြင်တစ်ခါသွားဖို့ အိမ်တံခါး၊ ပြတင်းပေါက်တံခါး၊ ခြံတံခါးတွေကို သေသေချာချာပိတ်ရတဲ့အပြင် နည်းနည်းလေး အဝေးရောက်တာနဲ့ ကိုယ့်အိမ်ကို လည်ပြန်လှည့်ကြည့်မိတတ်သေးတယ်။  ခေတ်တွေကပြောင်းလဲလာပြီဆိုတာ ဒါတွေကိုပြောတာများလား။ …………..  ဒီနေ့လည်း ကျွန်တော်တို့မိသားစု ဘုရားကို ခပ်စောစောလေးထွက်လာလိုက်တယ်။  ဘုရားကိုရောက်လို့ ဆိုင်ကယ်ပေါ်ကဆင်းပြီး ဖိနပ်ချွတ်မယ်အလုပ်မှာ သမီးကပြောတယ်။  “ အဖေ ဖိနပ်ကို ဆိုင်ကယ်မှာ ညှပ်။  တော်ကြာ ဖိနပ်ထပ်ပျောက်နေဦးမယ် ”  သူကတော့ တစ်ခါသေဘူး ပျဉ်ဖိုးနားလည်တယ်ပြောရမလား။ ကိုယ့်ပစ္စည်းကို စောင့်ရှောက် တယ်လို့ပဲပြောရမလားမသိပေမယ့် ကျွန်တော့ စိတ်ထဲမှာ အတွေးကထိတ်လန့်စွာ ၀င်လာတယ်။  ကျွန်တော့်သမီးက ၃ နှစ်သာရှိသေးသည်။  ဒီလိုနုနယ်တဲ့ကလေးစိတ်ထဲမှာ ဘုရားသွားရင် ဖိနပ် ပျောက်တတ်တယ်။ ဖိနပ်အခိုးခံရတတ်တယ် ဆိုတဲ့ အသိတွေဝင်သွားပြီလား။  ဒီအသိစွဲကြောင့် ကြီးလာတဲ့အခါ လူတွေကို သံသယစိတ်တွေနဲ့ မကြည့်နိုင်ဘူးလို့ မပြောနိုင်ပါဘူး။ လူတွေကို ယုံကြည်ဖို့ခက်သွားပါလိမ့်မယ်။    အဲဒီအခါ သူ့ဘ၀အတွက် လုပ်ဆောင်မှုတွေဟာ ကောင်းတဲ့ဘက်ဦးတည်ဖို့ မဖြစ်နိုင်တော့ပါဘူး။ သူ့အနာဂတ်ဟာ လှပ ပါတော့မလား။  သြော် ကျွန်တော်ကပဲ စိုးရိမ်စိတ်ကြီးနေတာလားဗျာ။  ဒီလိုမှမဟုတ်ရင်တော့ ဖိနပ်ပျောက်ခြင်းသည် အနာဂတ်ကိုဆိုးရွားစွာ ထိခိုက်နိုင်ပါသည်လို့ပဲ ဆိုပါရစေတော့ခင်ဗျာ။  ၁၉-၇-၂၀၁၃။
……………

“ ဟိုက် သွားပြီဟ ”
ကျွန်တော်အထိတ်တလန့်ဆိုတော့ မိန်းမဖြစ်သူက ကျွန်တော့်ကိုကြည့်ပြီးမေးတယ်။
“ ဘာဖြစ်တာလဲ ”
“ ဖိနပ်မရှိတော့ဘူးဟ ”
“ ဟင်ဟုတ်ပ။ ဒီနားမှာ အတူတူချွတ်ထားတာပါ ”
“ ဟုတ်တယ်လေ။ ခု အစ်ကို့ဖိနပ်မရှိတော့ဘူး ”
သူက ဘုရားကနေ လမ်းကိုလှမ်းကြည့်သည်။ လမ်းပေါ်မှာ ဘယ်သူမှ မရှိတော့။
“ ခုနကောင်လေးတွေကတော့ အများကြီးပဲ။ သူတို့ပဲဖြစ်မယ် ”
“ ဟုတ်မှာပေါ့လေ။ ဒါပဲရှိတာကို ”
ကျွန်တော်တို့မိသားစု ရုံးပိတ်ရက်မို့ ဘုရားသို့စောစောထွက်လာခဲ့ခြင်းဖြစ်သည်။ ဘုရားမှာ ငါးစာကျွေးပြီး ပြန်ဖို့အလုပ်မှာ ဖိနပ်ပျောက်သွားခြင်းဖြစ်သည်။
သမီးဖြစ်သူက သိချင်သည့်အရွယ်၊ စူးစမ်းချင်သည့်အရွယ်ဆိုတော့ သူက မေးလာသည်။
“ ဖိနပ်ကဘာလို့ပျောက်တာလဲ ဟင် ”
ခိုးသွားတာဆိုတဲ့ စကားကို ကျွန်တော်မပြောချင်ပါ။
“ အဖေ့ ဖိနပ်ကို ယူသွားလို့ပေါ့ သမီးရဲ့ ”
“ ဘာလို့ အဖေ့ ဖိနပ်ကို ယူသွားရတာလဲ ”
“ သူတို့မှာ မရှိလို့ နေမှာပေါ့ သမီးရဲ့ ”
“ သူတို့က ဘာလို့ ၀ယ်မထားတာလဲ အဖေ ”
အဲဒီလိုနဲ့ သူ့မေးခွန်းတွေကို စိတ်ရှည်ရှည်ဖြေရင်း ဘုရားကနေပြန်ခဲ့ပါတယ်။ ကျွန်တော်ကတော့ ခြေပြောင်နဲ့ပေါ့။
……………
တစ်ခါတုန်းက မဟတ္တမဂန္ဒီ ရထားစီးလာစဉ် ဖိနပ်တစ်ဖက်က ကျွတ်ကျန်ခဲ့တယ်တဲ့။ အဲဒါနဲ့ ကျန်တဲ့တစ်ဖက်ကို ကပျာကယာချွတ်ပြီး ကျန်ခဲ့တဲ့ဖိနပ်နဲ့ အနီးဆုံးနေရာကို ပစ်ချလိုက်တယ်တဲ့။
ပါလာတဲ့အဖော်က ဘာလုပ်တာလဲမေးတော့ “ ဖိနပ်တစ်ဖက်ကို ကောက်ရသူက တစ်ဖက်တည်းမို့ သုံးလို့မရသလို ငါလည်းသုံးမရဘူးလေ။ ဒီတော့ ကောက်ရသူ သုံးရအောင်လို့ နောက်တစ်ဖက်ပါ ပစ်ချပေး လိုက်တာတဲ့။
ကျွန်တော်ကတော့ ပစ်ချစရာကို မလိုပါ နှစ်ဖက်လုံး ပေးလိုက်ရလို့လေ။ ပြီးတော့ ဖိနပ်အသစ်ဝယ် ဖြစ်သွားလို့ ကျေးဇူးတောင်တင်လိုက်ရဦးမယ်။
ဒါကိုပြောပြတော့ သူငယ်ချင်းတစ်ဦးက “ အေးပေါ့ကွာ ဟိုဘ၀က မင်းသူများဖိနပ်ခိုးခဲ့လို့၊ ခုပြန် ခိုးခံရ တယ်လို့မှတ်ပေါ့။ လှူလိုက် ၊ ရေစက်ချလိုက်ပေါ့ ”တဲ့။
ဖြစ်နိုင်ပါသည်။ ဟိုဘ၀တွေက သူများပစ္စည်းတွေကို ယူခဲ့မှာတော့ သေချာသည်။
ကျွန်တော်ဖိနပ်တစ်ရံပျောက်လို့ စိတ်မညစ်ပါ။ သို့ပေမယ့် စိတ်မကောင်းပါ။ မြင့်မြတ်သော နေရာတွင် အနိမ့်ဆုံးလို့သတ်မှတ်ထားတဲ့ ဖိနပ်ပျောက်ခြင်းကြောင့်ဖြစ်သည်။
ဘုရားမှာတောင် သူတစ်ပါးပစ္စည်းကို လဲလှယ်ရဲသည်။ ခိုးယူရဲသည်။ ခိုးလိုစိတ်၊ အကုသိုလ် စိတ်များသည် နေ့၊ ညတောင် မရှောင်ပဲ ပြုလုပ်ရဲလာကြသည်။
ဒါနဲ့ဆက်စပ်ပြီး တွေးမိတာက သောက်ရေအိုးစဉ်မှာ ကြိုးချည်ခံထားရတဲ့ ရေခွက်တွေအကြောင်း ပင်ဖြစ်သည်။ ဗုဒ္ဓဘာသာတိုင်းပြည်ကြီးမှာ ကုသိုလ်ပြုထားသော လမ်းဘေးရေချမ်းစင်က သောက်ရေခွက် များမှာပင် လွတ်လပ်မှုမရှိတော့။
ပျောက်မှာကြောက်နေရကြရသည်။ ကျွန်တော့်သမီးလေးသာ ဒါကို မြင်ရရင် မေးမှာအမှန်ပင်။
“ အဖေ သောက်ရေခွက်တွေကိုဘာလို့ ကြိုးချည်ထားရတာလဲဟင် ”
ကျွန်တော် သက်ပြင်းတွေခဏခဏချပြီး ဖြေရဦးမှာပင်။
……………
ကျွန်တော်တို့ ခပ်ငယ်ငယ်က ကျွန်တော်တို့မြို့မှာ ပွဲလမ်းသဘင်လုပ်ရင် ဈေးသည်တွေက အပြိုင် ထွက်တယ်။ ညလုံးပေါက် ဈေးရောင်းရတော့ မနက်မိုးလင်းလို့ အိမ်ပြန်ရင် ပစ္စည်းပစ္စယကို နိုင်သလောက် သာသိမ်းပြီး ပြန်သွားကြတယ်။
ပျော်ပွဲရွှင်ပွဲလုပ်တဲ့ ကွင်းပြင်ကြီးထဲမှာ ဈေးသည်တွေ ထားခဲ့တဲ့ ပစ္စည်းတွေက တစ်ခါတစ်လေ နှစ်ရက်သုံးရက်အထိ ကြာပြီး ရှိနေတတ်သေးတယ်။ အဲဒီကွင်းပြင်ကြီးထဲမှာ ပိုင်ရှင် ပြန်လာမယူမချင်း ဒီအတိုင်းရှိနေသည်။
ပြီးတော့ ကျွန်တော်တို့မြို့၊ ရွာတွေမှာ ညဘက် အိမ်ရှေ့ကွပ်ပစ်ပေါ်မှာ ထွက်အိပ်တတ်သည်။ ဒီလိုမှမဟုတ်ရင် အိမ်တံခါးလေးဖွင့်ပြီး လေအေးအေးလေးနဲ့ အိပ်ကြတယ်။ ဒီလိုပဲ အပြင်သွားစရာရှိရင် “ အိမ်ကို ကြည့်လိုက်ဦးဟေ့ လို့ ” ဘေးအိမ်ကို အော်ခဲ့ရင်ရပြီ။ စိတ်ချလက်ချသွားတော့။ ခိုးမှုဆိုတာ တော်တော့်ကိုကြားရခဲပါသည်။
ဖြတ်သန်းခဲ့တဲ့ နှစ် ၂၀ လောက်အကွာမှာတော့ ကိုယ့်အိမ်ကို ခြံကောင်းကောင်းကာရတယ်။ ချမ်းသာတဲ့လူတွေကတော့ ခြံစောင်ထားကြတယ်ပေါ့။ အပြင်တံခါးတစ်ချပ်၊ အတွင်းတံခါးတစ်ချပ် အထပ်ထပ်လုပ်၊ အထပ်ထပ်ပိတ်၊ အခန်းတံခါးပိတ်ပြီး အိပ်ရတဲ့ခေတ်ဖြစ်လာခဲ့တယ်။
အပြင်တစ်ခါသွားဖို့ အိမ်တံခါး၊ ပြတင်းပေါက်တံခါး၊ ခြံတံခါးတွေကို သေသေချာချာပိတ်ရတဲ့အပြင် နည်းနည်းလေး အဝေးရောက်တာနဲ့ ကိုယ့်အိမ်ကို လည်ပြန်လှည့်ကြည့်မိတတ်သေးတယ်။
ခေတ်တွေကပြောင်းလဲလာပြီဆိုတာ ဒါတွေကိုပြောတာများလား။
…………..
ဒီနေ့လည်း ကျွန်တော်တို့မိသားစု ဘုရားကို ခပ်စောစောလေးထွက်လာလိုက်တယ်။
ဘုရားကိုရောက်လို့ ဆိုင်ကယ်ပေါ်ကဆင်းပြီး ဖိနပ်ချွတ်မယ်အလုပ်မှာ သမီးကပြောတယ်။
“ အဖေ ဖိနပ်ကို ဆိုင်ကယ်မှာ ညှပ်။ တော်ကြာ ဖိနပ်ထပ်ပျောက်နေဦးမယ် ”
သူကတော့ တစ်ခါသေဘူး ပျဉ်ဖိုးနားလည်တယ်ပြောရမလား။ ကိုယ့်ပစ္စည်းကို စောင့်ရှောက် တယ်လို့ပဲပြောရမလားမသိပေမယ့် ကျွန်တော့ စိတ်ထဲမှာ အတွေးကထိတ်လန့်စွာ ၀င်လာတယ်။
ကျွန်တော့်သမီးက ၃ နှစ်သာရှိသေးသည်။ ဒီလိုနုနယ်တဲ့ကလေးစိတ်ထဲမှာ ဘုရားသွားရင် ဖိနပ် ပျောက်တတ်တယ်။ ဖိနပ်အခိုးခံရတတ်တယ် ဆိုတဲ့ အသိတွေဝင်သွားပြီလား။
ဒီအသိစွဲကြောင့် ကြီးလာတဲ့အခါ လူတွေကို သံသယစိတ်တွေနဲ့ မကြည့်နိုင်ဘူးလို့ မပြောနိုင်ပါဘူး။ လူတွေကို ယုံကြည်ဖို့ခက်သွားပါလိမ့်မယ်။
အဲဒီအခါ သူ့ဘ၀အတွက် လုပ်ဆောင်မှုတွေဟာ ကောင်းတဲ့ဘက်ဦးတည်ဖို့ မဖြစ်နိုင်တော့ပါဘူး။ သူ့အနာဂတ်ဟာ လှပ ပါတော့မလား။
သြော် ကျွန်တော်ကပဲ စိုးရိမ်စိတ်ကြီးနေတာလားဗျာ။
ဒီလိုမှမဟုတ်ရင်တော့ ဖိနပ်ပျောက်ခြင်းသည် အနာဂတ်ကိုဆိုးရွားစွာ ထိခိုက်နိုင်ပါသည်လို့ပဲ ဆိုပါရစေတော့ခင်ဗျာ။

၁၉-၇-၂၀၁၃။
— with Nanda Htun Htet and 11 others.

နိူင်ငံရေးသမားများ သိထားသင့်တဲ့ အချက် ( ၈ )ချက်

0
0

 Photo: နိူင်ငံရေးသမားများ သိထားသင့်တဲ့ အချက် ( ၈ )ချက် -----------------------------------------------------------  ၁။ အစိုးရနဲ့တပ်မတော်ကို ခွဲခြားပြီးပြောပါ။  ၂။ တပ်မတော်ဟာ အစိုးရရဲ့ မူဝါဒအတိုင်း လုပ်ရမှာပါ။ ဗိုလ်ချုပ်တွေက အစိုးရတက်လုပ်နိုင်လို့ ....... အတိုက်အခံကိုနှိမ်နင်းခိုင်းရင် နှိမ်နင်းမှာပဲဖြစ်သလို..... N L D က အစိုးရဖြစ်လာပြီး သူတို့နဲ့အတိုက် အခံကို နှိမ်နင်းဖို့ တပ်ကိုအသုံးချလည်း တပ်ကတော့ ခိုင်းတဲ့အတိုင်း လုပ်ရမှာပါပဲ...။  ၃။ စစ်တပ်ကိုး ။ အထက်အမိန့် နာခံတတ်အောင် လေ့ကျင့်ထားတာပါ။  အမိန့်မနာခံဘဲနဲ့လဲ စစ်တိုက် လို့ မရပါ........ ရှေ့တန်းမှာ ဒီလမ်းက ဒီတောင်ကုန်းကို တက်သိမ်းဆို ....... မိုင်းရှိရှိ ၊ ငြောင့်ထောင်ထောင် စက်သေနတ် ဘယ်နှစ်လက်နဲ့ပစ်ပစ် တက်ရမှာပါ။ နောက်နေ့မှတိုက်ပါရစေ ၊ တခြားလမ်းကသွား ပါရစေ လုပ်လို့မရပါ။ စစ်သားရဲ့တွေးခေါ်ပုံကိုက အရပ်သားနဲ့မတူပါ ..... မတူအောင်လည်း လေ့ကျင့်ထားတာပါ....... စစ်သားကို စစ်တရားရုံးနဲ့ပဲ တရားစီရင်ခွင့်ရှိတာဟာ ...... စစ်သားရဲ့စဉ်းစားပုံဟာ အရပ်သားနဲ့မတူလို့ပါ။  ၄။ စစ်တပ်ကို လက်ကိုင်ဒုတ် စစ်တပ်မဖြစ်စေချင်ရင် စနစ်ကို ခိုင်မာအောင်လုပ်ပါ။  ဘယ်သူတက် တက် စစ်တပ်ကို အသုံးချလို့မရအောင် ...... ဖွဲ့စည်းပုံအခြေခံဥပဒေကို ဆွဲထားပါ.....။ အမေရိကန်နိုင်ငံသ မိုင်းမှာ နိုင်ငံရေးသမားတွေ ..... ဖွဲ့စည်းပုံအခြေခံဥပဒေကို ရေပက်မ၀င်အောင် ဆွဲခဲ့လို့ ..... စစ်တပ်က အာဏာသိမ်းတာ တစ်ခါမှမရှိပါ..... တပ်မတော်ကလည်း အသုံးချခံချင်လှတယ်တော့ မရှိပါ...... ဒါပေမယ့် အစိုးရကို ပုန်ကန်တဲ့တပ်မတော် ပိုပြီးမဖြစ်လိုပါ..... စစ်တပ်မျက်စိကကြည့်လျှင် ..... အထက် အမိန့်မနာခံတဲ့ တပ်မတော်ဟာ အန္တရာယ်အကြီးဆုံးပါ.... အမေရိကန်စစ်ကားထဲမှာ တပ်ခွဲမှူးက ..... သူ့ရဲဘော်ကို စစ်မြေပြင်မှာ ပြောတဲ့အတိုင်း ပြောရရင် ...... “ ငါတို့က ဒီမိုကရေစီကို ကာကွယ်ဖို့ ဒီနေရာကိုရောက်နေတာ ..... ကျင့်သုံးဖို့မဟုတ်ပါ ” တဲ့ ......။  ၅။ ဗိုလ်ချုပ်တွေ မသမာမှုလုပ်ခွင့်ရတာ ဗိုလ်ချုပ်ရာထူးကြောင့်မဟုတ်ပါ။  အာဏာသိမ်းပြီး နိုင်ငံရေး ရာထူးတွေ ယူခွင့်ရသွားလို့ပါ..... နိုင်ငံရေးသမားများ အချင်းချင်း ညီညွတ်လျှင် အာဏာသိမ်းလို့မရပါ...... ဘယ်တပ်မတော်မှလည်း နိုင်ငံရေးပယောဂတွေ မရှိဘဲ ..... အချောင်နာမည်ပျက်ခံပြီး အာဏာသိမ်းလိုမယ် မဟုတ်ပါ........။  ၆။ စစ်တပ်ကိုလဲ သိပ်ပြည့်စုံနေတယ်မထင်ပါနဲ့ ...... ကျွန်တော် တပ်မတော်ကအငြိမ်းစားယူတဲ့အထိ ....... စစ်တိုက်ရမယ့်နေရာကို ရဟတ်ယာဉ်နဲ့ တစ်ခါမှ အပို့မခံရဖူးပါ...... စစ်သားတွေ ဒဏ်ရာရရင် အိပ်ယာခင်းစောင်ကြားကို ၀ါးလုံးနဲ့လျှို ပုခက်လုပ်ပြီး ...... နှစ်ရက်သုံးရက် လူနဲ့ထမ်းပြီး သယ်ရတာပါ...... ရိက္ခာ (၅)ရက်စာဆို (၁၀)ရက် ဆန့် စားရတာပါ..... စစ်ဆင်ရေး (၃)လလောက်ဆို ရဲဘော်တွေဝတ်စုံ ဟာ ..... ချုပ်ရာ၊ဖာရာ အထပ်ထပ် ဖိနပ်ကလည်း ညှပ်ဖိနပ်ဖြစ်နေပါပြီ.... တပ်ကြပ်ကြီးကို မပြောရကောင်းလားလို့ သွားမဆူပါနဲ့ .... သူ့မှာလည်း အားလုံးပေါင်းမှ ရဲဘော်တွေထက် ....... ၀တ်စုံတစ်စုံ လောက်သာ ပိုချမ်းသာတာပါ...... စစ်ကြောင်းရုံးကို ကြည့်လိုက်ပါဦး..... စစ်ကြောင်းမှူးဘောင်းဘီလည်း ဖင်အဖာနဲ့ပါပဲ....... စစ်သည်တစ်ယောက်ဟာ သေနတ်၊ ရိက္ခာ ၊ ကျည်ဆံ၊ ချပ်ဝတ်တန်ဆာနဲ့ဆို ..... ပေါင်(၄၀)လောက်ရှိနေပါပြီ........ စစ်ကြောင်းအဆင့်ဆို ပွိုင့်ဖိုက် ၊ ၈၁ မမစိန်ပြောင်း...... ပွိုင့်ဖိုက် ကျည်ဆံ (၁၀၀၀)ပုံး တစ်ပုံးဟာ ...... တိုက်ပွဲဖြစ်လျှင် (၁၀)မိနစ်လောက်ပဲ ပစ်လို့ရပါတယ်..... ဗျူဟာအဆင့်မှာ လာပါပြီ ….၁၂၀ မမစိန်ပြောင်းကြီး  ဗုံးသီးတစ်လုံးက ပေါင် (၃၀)လောက် ..... စက်ရုံကထုတ်ပိုးတဲ့ ဗူးကိုဖွင့် ပြီး ထမ်းပိုးနဲ့ ရှေ့နောက်ကြိုးချည် ..... ရဲဘော်တစ်ယောက်ကို ထမ်းပိုးတစ်လက်နဲ့ .......... ပေါင်(၇၀)လောက် ရှိနေပါပြီ...... စစ်ကြောင်းက တစ်ရက်လုံးမှ (၅)မိုင်တောင် ခရီးမပေါက်ချင်. . . ဒဏ်ရာရလူနာသာပါလျှင် စဉ်းစားကြည့်ပါတော့ ..... ပေါ်တာဆွဲလျှင်လည်း အရေးယူခံရ..... မဆွဲဘဲ ကိုယ်တိုင်ထမ်းရတော့လဲ တိုက်ပွဲဖြစ်တဲ့အခါ ...... ရန်သူက လက်သီးနဲ့ဆင်းထိုးလျှင်တောင် ....... ခံရတော့မလောက် အလေးအပင်တွေနဲ့ ....... သူများနိုင်ငံ တပ်မတော်တွေလည်း ကြည့် ကြည့်ကြပါ..... စစ်သားဟာ ဝန်တင်နွားမဟုတ်ပါ......။  ၇။ လူ့အခွင့်အရေးဆိုလို့ ပြောရဦးမယ်..... ခင်ဗျားတုိ့ထဲက ဘယ်နှစ်ယောက် ရှေ့တန်းရောက်ဖူးပါသလဲ..... တောထဲကို မရောက်ဖူးဘဲနဲ့တော့ တောရဲ့အကြောင်းကို မသိနိုင်ပါ..... တောမှာ ရဲစခန်းမရှိပါ...တရားရုံးမရှိပါ ...တောထဲမှာရှိတာ တောရဲ့ဥပဒေပါ..... အင်အားကြီးတဲ့လူက အင်အားနည်းတဲ့လူကို ချေမှုန်းတာ .... နားထောင်လို့မကောင်းပါ....မထောက်ခံပါ ..... ဒါပေမယ့် ကိုယ်ရှင်သန်နိုင်ဖို့ ....ကိုယ့်တပ်ဖွဲ့ရှင်သန်နိုင်ဖို့ ရုန်းကန်ရာမှာ .... နည်းလမ်းရွေးချယ်ခွင့်မရှိတော့တဲ့ အခြေအနေတွေ ..... အများကြီး ကြုံတွေ့ရနိုင်တာ..... တစ်ဦးတစ်လေကတော့ ခင်ဗျားတို့ ပြောပြောနေတဲ့ ..... လူသားချင်းစာနာမှုအတွက် သူ့အသက်ကို စတေးချင်စတေးမှာပါ.... ဒါပေမယ့် လူတိုင်းတော့မဟုတ်ပါ...... ခင်ဗျားတို့ထဲမှာ ရန်သူကနှိပ်စက်ပြီး ဓားနဲ့ မွန်း သတ်သွားတဲ့ ..... ကိုယ့်ရဲဘော် အလောင်းကို ဘယ်သူမြင်ဖူးပါသလဲ ..... ရွာအ၀င်လယ်ကွင်းထဲက ကောက်စိုက်ဟန်ဆောင်နေတဲ့ ...... ရွာသားထင်ရတဲ့သူက သေနတ်နဲ့ တေ့ပစ်တာကို ဘယ်သူခံဖူးပါသလဲ..... ရွာထဲက လက်နက်ကြီး နဲ့ ထောင်းထမောင်းကြေအောင် ပစ်ခံရလို့ ...... ကိုယ့်ရှေ့မှာပဲ ကိုယ့်ရဲဘော်တွေ ကျဆုံးကုန်တဲ့ …… သူပုန်နဲ့ရွာသား ခွဲမရတဲ့ တပ်ခွဲမှူးဘ၀ကို ဘယ်သူကိုယ်ချင်းစာဖူးပါသလဲ.... ခင်ဗျားမှာ ဒုတိယနည်းလမ်း ရွေးချယ်ဖို့မရှိခဲ့လျှင် ..... ခင်ဗျားရွာထဲကို ပြန်ပစ်မလား .......? ခင်ဗျားတပ်ဖွဲ့ အသေခံမလား .......?   ၈။ ကြံ့ဖွံ့၊ကြံ့ဖွံ့နဲ့ ခင်ဗျားတို့ ဆဲချင်ဆဲပါ …… ဒါပေမယ့် စစ်တပ်နဲ့ ကြံ့ဖွံ့ ဘာမှမဆိုင်ပါ...... ကြုံ့ဖွံ့ခိုင်းတာလုပ်နေရတာ ကြံ့ဖွံ့အစိုးရနေရာရောက်နေလို့ပါ..... ရဲ ၊ မီးသတ်၊ စည်ပင် ၊ လ.၀.က...... အခွန်၊ဆောက်လုပ်ရေး ၊ပညာရေး ၊က ည န ၊ ထွေ/အုပ်ဝန်ထမ်း ..... အားလုံးလိုပဲ စစ်တပ်ကလည်း ၀န်ထမ်းပါ..... ခင်ဗျားတို့ မမေ့ဖို့က ခင်ဗျားတို့ မှပြည်သူမဟုတ်ပါ ….. ၀န်ထမ်းတွေအားလုံးကလည်း ..... တက်လာတဲ့အစိုးရခိုင်းတာ လုပ်ရတဲ့ပြည်သူတွေပါ..... ခင်ဗျားတို့ နိုင်ငံရေးသမားအများစုလည်း ..... (၂၂)နှစ်မှာ အနှစ်(၂၀)လောက်က ..... ပုဆိုးခြုံထဲက လက်သီးပြနေတာပါ...... ခုမှ ဘာညာ...သာရကာ နဲ့ တော့ ၀န်ထမ်းများကို လာမပြောစေလိုပါ..... အစိုးရ တစ်ဖွဲ့ ကောင်းဖို့ဆိုတာ ၀န်ထမ်း အရပ်သား အားလုံးမှာတာဝန်ရှိတာပါ..... ခင်ဗျားတို့ အခုလို တစ်ဖက်သတ် ..... ကိုယ့်ကိုယ်ကို ပုံပြင်ထဲကသူရဲကောင်းလို၊ မင်းသမီးလေးလိုလုပ် …... ကျန်တဲ့သူတွေကိုတော့ ...... ပုံပြင်ထဲကစုန်းမကြီးလို၊ မကောင်းဆိုးဝါးကြီးလို လုပ်နေပုံနဲ့တော့ ...... နိုင်ငံကို ကောင်းအောင်၊ တိုးတက်အောင် အုပ်ချူပ်နိုင်ဖို့ဝေးလို့ ...... (၂)နှစ်(၃)နှစ်လောက်ဆိုရင်ကို ...... ကိုယ့်ပါတီကို နိုင်အောင်အုပ်ချုပ်နိုင်ဖို့ မလွယ်ပါ........။  (စစ်ခွေး ရဲမိုး)
-----------------------------------------------------------

၁။ အစိုးရနဲ့တပ်မတော်ကို ခွဲခြားပြီးပြောပါ။

၂။ တပ်မတော်ဟာ အစိုးရရဲ့ မူဝါဒအတိုင်း လုပ်ရမှာပါ။
ဗိုလ်ချုပ်တွေက အစိုးရတက်လုပ်နိုင်လို့ .......
အတိုက်အခံကိုနှိမ်နင်းခိုင်းရင် နှိမ်နင်းမှာပဲဖြစ်သလို.....
N L D က အစိုးရဖြစ်လာပြီး သူတို့နဲ့အတိုက် အခံကို နှိမ်နင်းဖို့ တပ်ကိုအသုံးချလည်း တပ်ကတော့ ခိုင်းတဲ့အတိုင်း လုပ်ရမှာပါပဲ...။

၃။ စစ်တပ်ကိုး ။ အထက်အမိန့် နာခံတတ်အောင် လေ့ကျင့်ထားတာပါ။
အမိန့်မနာခံဘဲနဲ့လဲ စစ်တိုက် လို့ မရပါ........
ရှေ့တန်းမှာ ဒီလမ်းက ဒီတောင်ကုန်းကို တက်သိမ်းဆို .......
မိုင်းရှိရှိ ၊ ငြောင့်ထောင်ထောင် စက်သေနတ် ဘယ်နှစ်လက်နဲ့ပစ်ပစ် တက်ရမှာပါ။ နောက်နေ့မှတိုက်ပါရစေ ၊ တခြားလမ်းကသွား ပါရစေ လုပ်လို့မရပါ။
စစ်သားရဲ့တွေးခေါ်ပုံကိုက အရပ်သားနဲ့မတူပါ .....
မတူအောင်လည်း လေ့ကျင့်ထားတာပါ.......
စစ်သားကို စစ်တရားရုံးနဲ့ပဲ တရားစီရင်ခွင့်ရှိတာဟာ ......
စစ်သားရဲ့စဉ်းစားပုံဟာ အရပ်သားနဲ့မတူလို့ပါ။

၎။ စစ်တပ်ကို လက်ကိုင်ဒုတ် စစ်တပ်မဖြစ်စေချင်ရင် စနစ်ကို ခိုင်မာအောင်လုပ်ပါ။
ဘယ်သူတက် တက် စစ်တပ်ကို အသုံးချလို့မရအောင် ......
ဖွဲ့စည်းပုံအခြေခံဥပဒေကို ဆွဲထားပါ.....။
အမေရိကန်နိုင်ငံသ မိုင်းမှာ နိုင်ငံရေးသမားတွေ .....
ဖွဲ့စည်းပုံအခြေခံဥပဒေကို ရေပက်မ၀င်အောင် ဆွဲခဲ့လို့ .....
စစ်တပ်က အာဏာသိမ်းတာ တစ်ခါမှမရှိပါ.....
တပ်မတော်ကလည်း အသုံးချခံချင်လှတယ်တော့ မရှိပါ......
ဒါပေမယ့် အစိုးရကို ပုန်ကန်တဲ့တပ်မတော် ပိုပြီးမဖြစ်လိုပါ.....
စစ်တပ်မျက်စိကကြည့်လျှင် .....
အထက် အမိန့်မနာခံတဲ့ တပ်မတော်ဟာ အန္တရာယ်အကြီးဆုံးပါ....
အမေရိကန်စစ်ကားထဲမှာ တပ်ခွဲမှူးက .....
သူ့ရဲဘော်ကို စစ်မြေပြင်မှာ ပြောတဲ့အတိုင်း ပြောရရင် ......
“ ငါတို့က ဒီမိုကရေစီကို ကာကွယ်ဖို့ ဒီနေရာကိုရောက်နေတာ .....
ကျင့်သုံးဖို့မဟုတ်ပါ ” တဲ့ ......။

၅။ ဗိုလ်ချုပ်တွေ မသမာမှုလုပ်ခွင့်ရတာ ဗိုလ်ချုပ်ရာထူးကြောင့်မဟုတ်ပါ။
အာဏာသိမ်းပြီး နိုင်ငံရေး ရာထူးတွေ ယူခွင့်ရသွားလို့ပါ.....
နိုင်ငံရေးသမားများ အချင်းချင်း ညီညွတ်လျှင် အာဏာသိမ်းလို့မရပါ......
ဘယ်တပ်မတော်မှလည်း နိုင်ငံရေးပယောဂတွေ မရှိဘဲ .....
အချောင်နာမည်ပျက်ခံပြီး အာဏာသိမ်းလိုမယ် မဟုတ်ပါ........။

၆။ စစ်တပ်ကိုလဲ သိပ်ပြည့်စုံနေတယ်မထင်ပါနဲ့ ......
ကျွန်တော် တပ်မတော်ကအငြိမ်းစားယူတဲ့အထိ .......
စစ်တိုက်ရမယ့်နေရာကို ရဟတ်ယာဉ်နဲ့ တစ်ခါမှ အပို့မခံရဖူးပါ......
စစ်သားတွေ ဒဏ်ရာရရင် အိပ်ယာခင်းစောင်ကြားကို ၀ါးလုံးနဲ့လျှို ပုခက်လုပ်ပြီး ......
နှစ်ရက်သုံးရက် လူနဲ့ထမ်းပြီး သယ်ရတာပါ......
ရိက္ခာ (၅)ရက်စာဆို (၁၀)ရက် ဆန့် စားရတာပါ.....
စစ်ဆင်ရေး (၃)လလောက်ဆို ရဲဘော်တွေဝတ်စုံ ဟာ .....
ချုပ်ရာ၊ဖာရာ အထပ်ထပ် ဖိနပ်ကလည်း ညှပ်ဖိနပ်ဖြစ်နေပါပြီ....
တပ်ကြပ်ကြီးကို မပြောရကောင်းလားလို့ သွားမဆူပါနဲ့ ....
သူ့မှာလည်း အားလုံးပေါင်းမှ ရဲဘော်တွေထက် .......
ဝတ်စုံတစ်စုံ လောက်သာ ပိုချမ်းသာတာပါ......
စစ်ကြောင်းရုံးကို ကြည့်လိုက်ပါဦး.....
စစ်ကြောင်းမှူးဘောင်းဘီလည်း ဖင်အဖာနဲ့ပါပဲ.......
စစ်သည်တစ်ယောက်ဟာ သေနတ်၊ ရိက္ခာ ၊ ကျည်ဆံ၊ ချပ်ဝတ်တန်ဆာနဲ့ဆို .....
ပေါင်(၄၀)လောက်ရှိနေပါပြီ........
စစ်ကြောင်းအဆင့်ဆို ပွိုင့်ဖိုက် ၊ ၈၁ မမစိန်ပြောင်း......
ပွိုင့်ဖိုက် ကျည်ဆံ (၁၀၀၀)ပုံး တစ်ပုံးဟာ ......
တိုက်ပွဲဖြစ်လျှင် (၁၀)မိနစ်လောက်ပဲ ပစ်လို့ရပါတယ်.....
ဗျူဟာအဆင့်မှာ လာပါပြီ ….၁၂၀ မမစိန်ပြောင်းကြီး
ဗုံးသီးတစ်လုံးက ပေါင် (၃၀)လောက် .....
စက်ရုံကထုတ်ပိုးတဲ့ ဗူးကိုဖွင့် ပြီး ထမ်းပိုးနဲ့ ရှေ့နောက်ကြိုးချည် .....
ရဲဘော်တစ်ယောက်ကို ထမ်းပိုးတစ်လက်နဲ့ ..........
ပေါင်(၇၀)လောက် ရှိနေပါပြီ......
စစ်ကြောင်းက တစ်ရက်လုံးမှ (၅)မိုင်တောင် ခရီးမပေါက်ချင်. . . ဒဏ်ရာရလူနာသာပါလျှင် စဉ်းစားကြည့်ပါတော့ .....
ပေါ်တာဆွဲလျှင်လည်း အရေးယူခံရ.....
မဆွဲဘဲ ကိုယ်တိုင်ထမ်းရတော့လဲ တိုက်ပွဲဖြစ်တဲ့အခါ ......
ရန်သူက လက်သီးနဲ့ဆင်းထိုးလျှင်တောင် .......
ခံရတော့မလောက် အလေးအပင်တွေနဲ့ .......
သူများနိုင်ငံ တပ်မတော်တွေလည်း ကြည့် ကြည့်ကြပါ.....
စစ်သားဟာ ၀န်တင်နွားမဟုတ်ပါ......။

၇။ လူ့အခွင့်အရေးဆိုလို့ ပြောရဦးမယ်.....
ခင်ဗျားတုိ့ထဲက ဘယ်နှစ်ယောက် ရှေ့တန်းရောက်ဖူးပါသလဲ.....
တောထဲကို မရောက်ဖူးဘဲနဲ့တော့ တောရဲ့အကြောင်းကို မသိနိုင်ပါ.....
တောမှာ ရဲစခန်းမရှိပါ...တရားရုံးမရှိပါ ...တောထဲမှာရှိတာ တောရဲ့ဥပဒေပါ.....
အင်အားကြီးတဲ့လူက အင်အားနည်းတဲ့လူကို ချေမှုန်းတာ ....
နားထောင်လို့မကောင်းပါ....မထောက်ခံပါ .....
ဒါပေမယ့် ကိုယ်ရှင်သန်နိုင်ဖို့ ....ကိုယ့်တပ်ဖွဲ့ရှင်သန်နိုင်ဖို့ ရုန်းကန်ရာမှာ ....
နည်းလမ်းရွေးချယ်ခွင့်မရှိတော့တဲ့ အခြေအနေတွေ .....
အများကြီး ကြုံတွေ့ရနိုင်တာ.....
တစ်ဦးတစ်လေကတော့ ခင်ဗျားတို့ ပြောပြောနေတဲ့ .....
လူသားချင်းစာနာမှုအတွက် သူ့အသက်ကို စတေးချင်စတေးမှာပါ....
ဒါပေမယ့် လူတိုင်းတော့မဟုတ်ပါ......
ခင်ဗျားတို့ထဲမှာ ရန်သူကနှိပ်စက်ပြီး ဓားနဲ့ မွန်း သတ်သွားတဲ့ .....
ကိုယ့်ရဲဘော် အလောင်းကို ဘယ်သူမြင်ဖူးပါသလဲ .....
ရွာအ၀င်လယ်ကွင်းထဲက ကောက်စိုက်ဟန်ဆောင်နေတဲ့ ......
ရွာသားထင်ရတဲ့သူက သေနတ်နဲ့ တေ့ပစ်တာကို ဘယ်သူခံဖူးပါသလဲ.....
ရွာထဲက လက်နက်ကြီး နဲ့ ထောင်းထမောင်းကြေအောင် ပစ်ခံရလို့ ......
ကိုယ့်ရှေ့မှာပဲ ကိုယ့်ရဲဘော်တွေ ကျဆုံးကုန်တဲ့ ……
သူပုန်နဲ့ရွာသား ခွဲမရတဲ့ တပ်ခွဲမှူးဘ၀ကို ဘယ်သူကိုယ်ချင်းစာဖူးပါသလဲ....
ခင်ဗျားမှာ ဒုတိယနည်းလမ်း ရွေးချယ်ဖို့မရှိခဲ့လျှင် .....
ခင်ဗျားရွာထဲကို ပြန်ပစ်မလား .......?
ခင်ဗျားတပ်ဖွဲ့  အသေခံမလား .......?

၈။ ကြံ့ဖွံ့၊ကြံ့ဖွံ့နဲ့ ခင်ဗျားတို့ ဆဲချင်ဆဲပါ ……
ဒါပေမယ့် စစ်တပ်နဲ့ ကြံ့ဖွံ့ ဘာမှမဆိုင်ပါ......
ကြုံ့ဖွံ့ခိုင်းတာလုပ်နေရတာ ကြံ့ဖွံ့အစိုးရနေရာရောက်နေလို့ပါ.....
ရဲ ၊ မီးသတ်၊ စည်ပင် ၊ လ.၀.က......
အခွန်၊ဆောက်လုပ်ရေး ၊ပညာရေး ၊က ည န ၊ ထွေ/အုပ်ဝန်ထမ်း .....
အားလုံးလိုပဲ စစ်တပ်ကလည်း ၀န်ထမ်းပါ.....
ခင်ဗျားတို့ မမေ့ဖို့က ခင်ဗျားတို့ မှပြည်သူမဟုတ်ပါ …..
ဝန်ထမ်းတွေအားလုံးကလည်း .....
တက်လာတဲ့အစိုးရခိုင်းတာ လုပ်ရတဲ့ပြည်သူတွေပါ.....
ခင်ဗျားတို့ နိုင်ငံရေးသမားအများစုလည်း .....
(၂၂)နှစ်မှာ အနှစ်(၂၀)လောက်က .....
ပုဆိုးခြုံထဲက လက်သီးပြနေတာပါ......
ခုမှ ဘာညာ...သာရကာ နဲ့ တော့ ၀န်ထမ်းများကို လာမပြောစေလိုပါ.....
အစိုးရ တစ်ဖွဲ့ ကောင်းဖို့ဆိုတာ ၀န်ထမ်း အရပ်သား အားလုံးမှာတာဝန်ရှိတာပါ.....
ခင်ဗျားတို့ အခုလို တစ်ဖက်သတ် .....
ကိုယ့်ကိုယ်ကို ပုံပြင်ထဲကသူရဲကောင်းလို၊ မင်းသမီးလေးလိုလုပ် …...
ကျန်တဲ့သူတွေကိုတော့ ......
ပုံပြင်ထဲကစုန်းမကြီးလို၊ မကောင်းဆိုးဝါးကြီးလို လုပ်နေပုံနဲ့တော့ ......
နိုင်ငံကို ကောင်းအောင်၊ တိုးတက်အောင် အုပ်ချူပ်နိုင်ဖို့ဝေးလို့ ......
(၂)နှစ်(၃)နှစ်လောက်ဆိုရင်ကို ......
ကိုယ့်ပါတီကို နိုင်အောင်အုပ်ချုပ်နိုင်ဖို့ မလွယ်ပါ........။

(စစ်ခွေး ရဲမိုး)
feeling down with Nann Laypyae Nu.

နိပွန် တို့ စစ်ဦး ရောင်ခြည် သမ်းတော့မည်လော

0
0

ဒီတစ်ပတ်အတွင်းမှာ တိုကျိုသတင်းဌာန တော်တော်များများမှာ ကာကွယ်ရေး ၊စစ်ရေးနဲ့ပက်သက်

ဆက်နွယ်နေတဲ့ သတင်းတွေ နေရာယူခဲ့ပါတယ်။ဒါအပြင် ၀န်ကြိးချုပ် အာဘေက  ဂျပန် အလုပ်
သင်ဗိုလ်လောင်းဆင်းပွဲမှာ နိုင်ငံတော်ကာကွယ်ရေးမူဝါလမ်းညွန်တွေ ၊နိုင်ငံတော်အနေနဲ့ လုံခြုံ
ရေးအသိုက်အ၀န်းကိစ္စတွေ ၊ဒီကိစ္စတွေကို ဘယ်လို စီမံသွားမလဲဆိုတာကို မိန့်ခွန်းပြောကြား
ခဲ့ပါတယ်။



တရုတ်သတင်းထောက်တစ်ယောက်က ဒစ်ပလိုမစ်စာစောင်မှာ ရေတပ်ဆိုင်ရာ အထူးကျွမ်းကျင်သူ
တစ်ဦးကို မေးလ်ပို့မေးမြန်းခဲ့ရာမှာ စစ်အေးလွန်ခေတ်မှာ ဂျပန်ဟာ ကိုယ်ပိုင်ကာကွယ်ရေးတပ်ဖွဲ့
ကိုပြန်လည်ပြင်ဆင်တည်ဆောက်နိုင်သလား၊ အမေရိကန်တပ်မတော်နဲ့အတူ စုပေါင်းကာကွယ်
ရေးစနစ်ကို ဘယ်လို ဆက်စခန်းသွားမလဲ။ တိုက်ချင်းပစ်ဒုံးပျံတိုက်ခိုက်မှုတွေကို ကာကွယ်ပေး
နိုင်မယ့် အစီအမံတွေ ၊ နိုင်ငံရဲ့ အနောက်တောင်ဘက်မှာ ရှိတဲ့ ကျွန်းစုတွေကို ထိထိရောက်
ရောက် ဘယ်လိုကာကွယ်မလဲ ဆိုတွေ ပါပါတယ်။ ဒီမေးခွန်းထဲမှာ ပါတဲ့ အရာတွေလောက်
ကတော့ လူတိုင်းတွေးဆနိုင်ပါတယ်။


ကျွန်တော့်အမြင်ကိုပြောရရင်တော့ ဂျပန်ဟာ သူ့ရဲ့ လုံခြုံရေးပြဿနာကို ပြန်လည် အနက်ဖွင့်
သတ်မှတ်တာကလွဲလို့ ကျန်ရှိတဲ့ ရှေ့တန်းရောက် မျက်နှာစာကိစ္စတွေအားလုံးကို စီမံဆောင်
ရွက်သင့်တာတွေလုပ်ရပါမယ်။ ဖွဲ့စည်းပုံအခြေခံဥပဒေအရ ပြင်ဆင်ပြဌာန်းတာတွေ ၊ လုပ်သင့်
သလို၊ (ဂျပန်အခြေခံဥပဒေမှာ ဂျပန်မှာ စစ်တပ်ဖွဲ့စည်းခွင့်မရှိပါဘူး။ ခုရှိနေတဲ လက်နက်ကိုင်
အဖွဲ့အစည်းတွေဟာ ကာကွယ်ရေးတပ်ဖွဲ့ အဆင့်ပဲဖြစ်ပါတယ်) ကိုယ်ပိုင်ကာကွယ်ရေးတပ်ဖွဲ့
ဟာ အမြဲတမ်း မဟာဗျူဟာမြောက်ခုခံကာကွယ်ရေး ဖြစ်နိုင်မှာ မထင်ပါဘူး။ ၀န်ကြိးချုပ်အာ
ဘေနဲ့ သူ့အပေါင်းပါတွေဟာ အမေရိကန်ပြည်ထောင်စုအပေါ် မှီခိုအားထားမှုကို လျော့ချပြီး
စစ်ဆင်ရေး နဲ့နည်းဗျူဟာ မြောက်အခင်းအကျင်းမူဝါဒတွေကို အလှည့်အပြောင်းလုပ်နိုင်ရင်
တောင်မှ ပြုပြင်ပြောင်းလဲရေး အလုပ်စခန်းမှာ အတော်လေးကို ဗျာများနိုင်ပါတယ်။ လုပ်လည်း
လုပ်သင့် ၊လုပ်ထိုက်တာမှန်ပေမယ့် ကိုယ်ပိုင်ကာကွယ်ရေးတပ်ဖွဲ့ကနေ ဂျပန် တပ်မတော်
အဖြစ် ကူးပြောင်းလာမယ်ဆိုရင် အတော့်ကို ချိန်ခွင်လျှာ ပြောင်းလာနိုင်ပါတယ်

လူသားတွေကို အရှိန်ပြင်းပြင်း မိုင်ကုန်မောင်းနှင်နိုင်တဲ့ အရာသုံးပါးကိုပြလို့ဆိုရင် အကြောက်
တရား ၊ ဂုဏ်သိက္ခာ ၊အကျိုးစီးပွားတို့ပဲဖြစ်ပါတယ်။ ဂျပန်ထိပ်သီးခေါင်းဆောင်ပိုင်းတွေအနေနဲ့
အမျိုးသားကာကွယ်ရေး ညွန်ကြားမှုဌာန ၊နဲ့ပက်သက်ပြီး စာတွေ့ကနေ လက်တွေ့အကောင်
အထည်ဖော်တဲ့နေရာမှာ ဘယ်လိုဖော်ဆောင်မလဲ၊ ဒေသတွင်းမှာ အခရာကျတဲ့နယ်ပယ်တိုင်း
မှာ ဘယ်လိုပါဝင် ပါဝါကစားမလဲဆိုတာတွေက ပြန်လည်စဉ်းစားသုံးသပ်ရမယ့် အပိုင်းတွေဖြစ်
ပါတယ်။ ဒေသတွင်း အရေးကြီးတဲ့ ပရိသတ်တွေရဲ့ တုံပြန်မှုတွေကိုလည်း အထူးသတိရပါမယ်။
နိပွန်ခေါင်းဆောင်တွေဟာ အကယ်၍သာ ဂျပန်စစ်မဟာဗျူဟာကို အပြောင်းအလဲဖော်ဆောင်
တော့မယ် ဆိုရင် ဒေသတွင်းနိုင်ငံတွေရဲ့ တုံပြန်လာမယ့် လုပ်ရပ်တွေဟာ အကြီးမားဆုံးအဟန့်
အတားဖြစ်နိုင်တယ်လို့လည်း ရိပ်စားမိဟန်တူပါတယ်။


ဂျပန်ဟာ ကိုယ်ပိုင်ကာကွယ်ရေးတပ်ဖွဲ့ကို ပြောင်းလဲပြင်ဆင်ဖို့မပြောနဲ့ ၊နာမည် ပြင်ဆင်ပြောင်း
လဲဖို့တောင် အတော့်ကိုခဲယဉ်းလှပါတယ်။ နာမည်ဟာ အဓိကမဟုတ်ပါဘူးလို့ ပြောတာကို
ကျွန်တော် သဘောမတူပါဘူး။ နာမည်တောင်ပြောင်းဖို့ခက်နေရင် အဖွဲ့အစည်းတစ်ခုကို ပြန်
လည်ပြင်ဆင်ဖွဲ့စည်းဖို့ ဆိုတာက ဝေးလာဝေးပါပဲ။ ကိုယ်ပိုင်ကာကွယ်ရေးတပ်ဖွဲ့ကို ပြင်ဆင်
ဖွဲ့စည်းနိုင်မယ်ဆိုရင် ဒုတိယကမ္ဘာစစ်အပြီးမှာ ပျောက်ဆုံးသွားခဲ့တဲ့ ဂျပန်နိုင်ငံရဲ ဂုဏ်သိက္ခာ
ပြန်လည် ရှင်ပြန်ထမြောက်လာနိုင်သလို ၊တစ်ဘက်ကလည်း တရုတ်နိုင်ငံအတွက် စိုးရိမ်
ကြောက်လန့်မှုတွေ ဖြစ်ပေါ်လာနိုင်ပါတယ်။  ဂျပန်ကိုယ်ပိုင်ကာကွယ်ရေးတပ်ဖွဲ့ဟာ အင်အား
ကြိးနိုင်ငံတစ်ခုရဲ့ ပါဝါထီးရိပ်အောက်မှာ ဆယ်စုနှစ်ပေါင်းများစွာ အသားကျခဲ့ပါတယ်။ ခုတော့
တက်ကြွတဲ့ ကာကွယ်ရေးအတွက် အကျပ်အတည်းဆိုက်နေတဲ့အချိန်မှာ နာမည်ကိုပြောင်းလဲ
သွားမယ်ဆိုရင် ဂျပန်နိုင်ငံသားတွေရဲ့ ရည်ရွယ်ချက် ၊ ပါဝါအင်အားတွေကို တော်လှန်ပြုပြင်ရ
မှာတော့ သေချာပါတယ်။


ဂျပန်မှာ တက်လာမယ့် ဘယ်ဝန်ကြိးချုပ်မဆို တက်နိုင်သမျှ နည်းလမ်းအကုန်သုံးပြီး ကာကွယ်
ရေးတပ်ဖွဲ့အဆင့်က နေ တပ်မတော်အဆင့် ပြောင်းလဲသတ်မှတ်ချင်တဲ့ အာသီအာသက
ပြောင်တစ်မျိုး ၊ပုန်းလှိုးကွယ်လှိုး တစ်မျိုးရှိခဲ့ကြတာချည်းပါပဲ။ တကယ်တော့လည်း နိုင်ငံတိုင်း
ဟာ သူ့ကိုယ်ပိုင်တပ်မတော်ကိုယ်စီရှိနေတဲ့အချိန်မှာ ဂျပန်နိုင်ငံဟာလည်း တပ်မတော်တစ်ရပ်
ထူထောင်ပြောင်းလဲခွင့်ရှိပါတယ်။ ဒီလိုစိတ်ဆန္ဒရှိတာကလည်း သင့်လျော်ပါတယ်။ သို့ပေသိ
ဂျပန်ထိပ်သီးခေါင်းဆောင်တွေအနေနဲ့ နေတိုးစစ်အဖွဲ့ချုပ်ကို အတုယူသင့်ပါတယ်။ နေတိုး
အဖွဲ့ဝင်နိုင်ငံတွေဟာ ကာကွယ်ရေးအသုံးစရိတ်အတွက် ၈ျီဒီပီရဲ့ ၂ရာခိုင်နှုန်းလောက်ကို
ထည့်ဝင်ကြရပါတယ်။ ဂျပန်ဟာ ကိုယ်ပိုင်ကာကွယ်ရေးတပ်ဖွဲ့ကို တပ်မတော်အဖြစ် ပြောင်းလဲ
ပြင်ဆင်တော့မယ် ဆိုရင် တိုင်းပြည်ရဲ့ ဂျီဒီပီ ၁ ရာခိုင်နှုန်းအထက် ပိုမိုသုံးစွဲရမှာ ဖြစ်သလို ၊
ဒေသတွင်း လက်နက်အပြိုင်အဆိုင်တပ်ဆင်မှုကိုလည်း မီးလောင်ရာလေပင့်ပေးစေနိုင်ပါတယ်


ဂျပန်ဟာ သူ့ရဲ့ တပ်မတော်အသွင်ကူးပြောင်းတည်ဆောက်ရေးကို လက်ဦးမှု ကောင်းကောင်းယူ
ပြီးဒေသတွင်း စိုးရိမ်ပူပန်မှု (အကြောက်တရား) တွေပျံနှံ့မှုတွေမဖြစ်လာခင်မှာ ဆောင်ရွက်သင့်ပါ
တယ်။ အကြောင်းကတော့ ရှင်းပါတယ်။ လူ့သမိုင်းမှာ စစ်ပွဲဖြစ်ပွားရတဲ့ အကြောင်းရင်းက သုံး
ခုပဲရှိပါတယ်။ အကြောက်တရား ၊ဂုဏ်သိက္ခာ ၊အကျိုးစီးပွားးဆိုတဲ့ အကြောင်းရင်းသုံးခုတို့က
သာ ကမ္ဘာ့သမိုင်းတစ်လျှောက် ဖြစ်ပွားခဲ့တဲ့ စစ်ပွဲတွေရဲ့ လက်သည်တရားခံတွေပါ။ ဂျပန်ဟာ
လည်း သူ့ရဲ့ အကျိုးစီးပွားနဲ့ ဂုဏ်သိက္ခာ နှစ်ရပ်ကို အကြောင်းခံပြီး ဂျပန်တပ်မတော် တည်ဆောက်
ဖွဲ့စည်းတော့မယ် ဆိုရင် ဒေသတွင်းနိုင်ငံတွေအားလုံးကြားမှာ အကြောက်တရား မဖြစ်ထွန်းဖို့
တင်ကြိုပြင်ဆင်လုပ်ဆောင် သင့်ပါတယ်။

ရည်ညွန်း ။ ။ How Japan Military  Should Change

http://thediplomat.com/the-naval-diplomat/2013/07/18/how-japans-military-should-change/

ရိုသေစွာဖြင့်

ကိုဇန်

ဂီတ အနုပညာ နဲ့ စစ်ပွဲ

0
0
 

ည အိပ်မပျော်လို့ အဆိုတော်လင်းလင်း ရဲ့ သံမဏိ လိပ်ပြာ စီးရီးကို နားထောင်နေတာ ~~

အိပ်မက်ထဲ က စစ်သားကြီး ... ဆိုတဲ့ သီချင်းကို နားထောင်မိတယ် ။

လူကို လူလူချင်းသတ်တဲ့ စစ်သားကြီး ဖြစ်ချင်တယ်
လူကို လူလူချင်းသတ်တယ် ဘယ်ဘာသာမှ အားမပေးပါကွယ်
လူကို လူလူချင်းသတ်တဲ့ ပညာတွေကိုသင်ကြားသလားမေးစရာပါ ~~

ဆိုတဲ့ စာသားလေးတွေကိုနားထောင်ပြီး အတော် လေး အံ့သြမိသလို ၊ သဘောလည်းကျမိတယ် ။

" သီချင်းဆိုတာ တူရိယာ နဲ့ စာတွေရွတ်တာ "
" စာပေ ဆိုတာ အက္ခရာတွေ အများကြီး ရေးထားတဲ့ ဟာ "
" ပန်းချီဆိုတာ အရုပ်ရေးတာ "

ဆိုတဲ့ စကားတွေလိုပဲ ။ မှား သလား ။ မမှားပါဘူး ။ ဒါပေမဲ့ မပြည့်စုံဘူး ။

လူဆိုတာ ခံစားတတ်တဲ့ သတ္တဝါတွေ ။
ကိုယ်နားမလည်တဲ့ ဘာသာစကား နဲ့ ဆိုထားတယ်ဆိုဦးတောင် ..တူရိယာသံတွေ ၊ ခံစားမှု နဲ့သီဆိုနေတဲ့ လူရဲ့ အသံအနေထားတွေ ... မှာ ခံစားမှုအားတွေပါတယ် ။ သီချင်းသီဆိုသူရဲ့ ခံစားမှုကိုနားဆင်သူတွေဆီကူးစက်စေတယ် ။ ဝမ်းနည်းမှုအကြောင်းသီဆိုတဲ့ခါ ဝမ်းနည်းမှုကို ခံစားရစေတယ် ။ တက်ကြွ နိုးကြွ မှု အကြောင်း သီဆိုတဲ့ခါ စိတ်အားထက်သန်မှုတွေကိုဖြစ်ပေါ်စေတယ် ။

စာပေ ဆိုတာလည်း ထိုနည်း၎င်းပဲ ။ စာပေကို အက္ခရာတွေ နဲ့ ဖန်တီးကြတယ် ။ ဒါပေမဲ့ အဲဒီ အက္ခရာတွေရဲ့နောက်ကွယ်မှာ ကြီးမားတဲ့ သမိုင်းကြောင်းတွေရှိတယ် ၊ အားပြင်းတဲ့ခံစားမှုတွေရှိတယ် ။ ဆန်းသစ်တဲ့ အတွေးခေါ် ပညာရပ်တွေပါဝင်တယ် ။
စာဖတ်ပြီး ပညာမယူတတ်သူ ၊ မခံစားတတ်သူဟာ " ပညာမှာ အက္ခရာကွယ်သူ" ပဲ။

ပန်းချီ ..တောတောင်ရေမြေတွေ ပုံတွေ ၊ လူပုံတွေ ၊ သက်ဝင်လှုပ်ရှားနေတဲ့ အရာဝထ္ထုတွေ ၊ မျက်စိနဲ့မမြင်နိုင်တဲ့ စိတ်ခံစားမှုပုံတွေ ..ဆွဲကြတာပါပဲ ။ ဒါပေမဲ့
အဲဒီ ပုံတွေ ၊ ကားချပ်တွေရဲ့ နောက်မှာ ကြီးမြတ်တဲ့ အနုပညာတွေရှိတယ် ၊ လျှို့ဝှက်တဲ့ခံစားမှုတွေရှိတယ်။ ပန်းချီ ကို ရုပ်ပုံတစ်ခု အနေနဲ့သာ သိမယ်ဆိုရင်
လူဆိုတာ စက်ရုပ်နဲ့ ဘာမှကွာခြား မှာမဟုတ်တော့ဘူး ။

စစ်တိုက်တယ်ဆိုတာ ဘာလုပ်ရတာလဲ ။ လူသတ်ရတာပါ ။ လူအချင်းချင်း သတ်ဖြတ်ရတာဖြစ်ပါတယ် ။ သို့သော် လူသတ်တိုင်း စစ်တိုက်တာ မဟုတ်ပါဘူး ။ လူသတ်နိုင်တိုင်း စစ်သားမဖြစ်ပါဘူး ။ လူသတ်ရခြင်းရဲ့ နောက်မှာ စောင့်စည်းရတဲ့ ကျင့်ဝတ်တွေ ၊ အနစ်နာခံရမှုတွေ ၊ ပေးဆပ်ရခြင်းတွေ ၊ စွန့်လွှတ်စွန့်စားရခြင်းတွေ ရက်စက်ရခြင်းတွေ ၊ ဝမ်းနည်းကြွေကွဲရခြင်းတွေ ၊ စက်ဆုပ်ရခြင်းတွေ ပြည့်နှက်နေ တယ် ။

လူသတ်ခြင်းရဲ့ နောက်ကွယ်က အဲဒီအရာတွေကို မသိသမျှ .. အဲဒီလူဟာ ဘယ်သောအခါ မှ စစ်ကို ရင်ထဲကနေ နှစ်နှစ်ကာကာ ရွံရှာ မုန်းတီး နိုင်မှာမဟုတ်ပါဘူး ။

လူသားတွေ မှာ ခံစားမှုရှိနေသမျှ ဂီတ က စီဆင်းနေဦးမှာဖြစ်သလို ၊
လူသားတွေ မှာ အတ္တ ရှိနေသမျှ စစ်ပွဲ တွေကရှိနေကြဦးမှာပါ ။

မိုက်ခရိုဖုန်းကိုင်ရတာ က ရင် ၂ ခြမ်းဗြန်းဗြန်းကွဲအောင် ပင်ပန်းတဲ့ခေတ်ကြီးမှာ
အသက်လု စစ်ပွဲတွေ လက်ယားပြေ ဟဲနေ တယ်ထင် ကြတာ ဆန်းတော့ မဆန်းပါဘူးလေ ။
ကျန်းခန်းသာလို့ မာကြပါစေ ။
 
Viewing all 1811 articles
Browse latest View live