ကျွန်တော်ငယ်ငယ် ၁၅နှစ်သားလောက်က ဗိုလ်ချုပ်အောင်ဆန်းနဲ့ ဆုံခဲ့ဘူးတယ်ဗျ။ ဗိုလ်ချုပ်အောင်ဆန်းက ရွှေတိဂုံအနီး တော်လှန်ရေးပန်းခြံမှာ တပ်မတော်သားတွေကို" အနီးကပ်ဆုံးရန်သူကို ချေမှုန်းကြ" လို့ စစ်ထွက်မိန့်ခွန်းပြောပြီး တော်လှန်ရေးခရီး ထွက်လာတယ်။


     ကျွန်တော် ရက်စွဲတော့ တိတိကျကျ မမှတ်မိတော့ဘူး။ တော်လှန်ရေးနေ့က မတ် ၂၇ ဆိုတော့ အဲဒီနား ၀န်းကျင်ပေါ့။ အဲဒီအချိန်မှာ ကျွန်တော်တို့ မိသားစုက သာယာဝတီခရိုင် ကြို့ပင်ကောက်မြို့က နှစ်မိုင်လောက်ဝေးတဲ့ ရှမ်းစုရွာလေးမှာ ရောက်နေတယ်။ ဗိုလ်ချုပ်အောင်ဆန်း တို့က ကျွန်တော်တို့အိမ်ကို ရောက်လာတယ်။ အင်္ဂလိပ်တွေက လေယာဉ်ပျံတွေနဲ့ ဗုံးတွေကြဲ၊ စက်သေနပ်တွေနဲ့ပစ်ဆိုတော့ ဗိုလ်ချုပ်တို့က ညဘက်မောင်းလာပြီး မနက်ရောက်လာကြတာဗျ။ ရောက်လာပြီး အိပ်တယ်။ နေ့ခင်းကြမှ နိုးတယ်ပေါ့ဗျာ။

     ကျွန်တော်စကားဖြတ်ပြောရအုံးမယ်။ ကျွန်တော့်မိသားစုထဲမှာ ဦးလေးတော်တဲ့ ဗိုလ်မင်းခေါင်ဆိုတာရှိတယ်။ အဲဒီအချိန်မှာ ဗိုလ်မင်းခေါင်က ဗိုလ်ချုပ်အောင်ဆန်းရဲ့ ကိုယ်ရံတော်တပ်မှုးလုပ်နေတယ်။ သူက ဗိုလ်ချုပ်အောင်ဆန်း တော်လှန်ရေးခရီးထွက်တော့ ဗိုလ်ချုပ်အောင်ဆန်းနဲ့အတူ ပါလာပြီး ကျွန်တော်တို့အိမ်မှာတည်းတယ်။ ကျွန်တော့်အိမ်လာတည်းတော့ နေ့လည်မှာ ကျွန်တော်က ဗိုလ်ချုပ်အတွက် ရေတို့ ဘာတို့ ခပ်ပေးရတာပေ့ါ။ ဗိုလ်ချုပ်အောင်ဆန်း ရေချိုးတော့ ကျွန်တော်ရယ်၊ ကျွန်တော့်ဦးလေး တစ်ယောက်ရယ်က ရေခပ်ပေးရတယ်ဗျ။

     သိကြတဲ့အတိုင်းပဲဗျာ ဗိုလ်ချုပ်အောင်ဆန်းက နာမည်ဟိုးလေးကျော်နေတာ။ ဂျပန်ခေတ် တစ်ခေတ်လုံး ပြည်သူလူထုတရပ်လုံးက ဗိုလ်ချုပ်အောင်ဆန်းကိုပဲ အားကိုးပြီးတော့ နေကြတာ။ အဲဒီအချိန်မှာ ဗိုလ်ချုပ်အောင်ဆန်းကိုတွေ့တော့ ကျွန်တော်လဲ စကားပြောချင်တာပေါ့။ ကျွန်တော်က " ဗိုလ်ချုပ် ကျွန်တော် စစ်ထဲဝင်ချင်တယ် " ပြောတာပေါ့။ ဗိုလ်ချုပ်အောင်ဆန်းက " မင်းကျောင်းနေလား " တဲ့။ ကျွန်တော်က " ဟုတ်ကဲ့ နေပါတယ်"။ " ဘယ်နှစ်တန်း ရောက်ပလဲ " တဲ့။ ကျွန်တော်က ကျွန်တော်ရောက်တဲ့ အတန်းပြောတာပေါ့။ " ခုနှစ်တန်း ဖြေပြီးပြီ" လို့ဆိုတော့ သူဘာပြောတယ်မှတ်လဲ။ သူ့မှာစစ်တိုက်မဲ့ သူတွေရှိတယ်တဲ့။ သို့ပေမဲ့ သူ့မှာ ပညာတက်တွေ လိုတယ်တဲ့။ မင်းပညာတက်အောင်သင်လို့ ပြောတယ်။

     အဲဒီအချိန်ကစပြီးတော့ ကျွန်တော့်စိတ်ထဲမှာ " ငါ ပညာတက်အောင်သင်ရမယ်။ ပညာတက်မှ တိုင်းပြည်ကောင်းကျိုးအတွက် ဆောင်ရွက်နိုင်မယ် " ဆိုတဲ့ ယုံကြည်ချက်ပေါ်လာတယ်။ အဲဒီယုံကြည်ချက်အတိုင်း ကျွန်တော်ဆယ့်ခွန်၊ ဆယ့်ရှစ်သား ကတည်းက စာနယ်ဇင်းလောကထဲ ၀င်ခဲ့တယ်။ စာတွေသင်ခဲ့တယ်။ ကိုယ်တိုင်လဲ စာရေးဆရာ၊ သတင်းစာသမားဖြစ်အောင် ကြိုးစားခဲ့တယ်။ ကြိုးစားခဲ့လို့လဲ သတင်းစာသမားတစ်ယောက်အနေနဲ့ ရပ်တည်နိုင်ခဲ့တယ်။

     ဒီနေ့ဒီအချိန်ခါမှာ နိုင်ငံရေးသမားတစ်ယောက်အဖြစ် ရပ်တည်နေခဲ့ပေမဲ့ ကျွန်တော်ဟာ သတင်းစာသမားတစ်ယောက်ပါ။ ကျွန်တော့်ဘ၀တစ်လျှောက်လုံး ယုံကြည်တာတော့ ပညာတက်မှ တိုင်းပြည်ကောင်းကျိုးအတွက် ဆောင်ရွက်နိုင်မယ် ဆိုတာပါပဲ။

ဦးဝင်းတင်။
သူရဲကောင်း သတင်းစာဆရာ။

    ( ၁၂-၃-၂၀၁၃ မှာ ကျရောက်တဲ့ ဘဘဦးဝင်းတင်ရဲ့ ၈၃နှစ်မြောက်မွေးနေ့ အမှတ်တရပါ။ ဘဘ အသက်ရာကျော်ရှည်ပြီး ကျန်းကျန်းမာမာနဲ့ တိုင်းပြည်အကျိုး ဆက်လက် ဆောင်ရွက်နိုင်ပါစေ။ )

ဇေလတ်။

နော်ဝေနိုင်ငံ နိုဘယ်ဆုကော်မတီက ၂၀၁၀ ခုနှစ် နိုဘယ်ငြိမ်းချမ်းရေးဆုကို တရုတ်ပြည်မှာ လူ့အခွင့်အရေးနဲ့ အကြမ်းမဖက် လှုပ်ရှားမှုကို အချိန်ကြာမြင့်စွာ ဆောင်ရွက်ပြီး  အကျဉ်းကျနေတဲ့ လျုရှောင်ဘိုကို ချီးမြှင့်ခဲ့ပါတယ်။ လျူရှောင်ဘို ဟာ တရုတ် အတိုက်အခံ စာရေးဆရာဖြစ်ပြီး၊ စာအုပ် ၁၁ အုပ်နဲ့ အက်ဆေးများစွာ ရေးသားသူပါ။


၁၉၈၉ ခုနှစ် တီယန်မင် အရေးအခင်းမှာ ဒီိမိုကရေစီလှုပ်ရှားသူ ခေါင်းဆောင်တစ်ဦးအဖြစ် ထင်ရှားလာပါတယ်။ ၁၉၈၉-၉၁ ခုနှစ်မှာ စတင် အဖမ်းခံခဲ့ရပြီး၊ ၁၉၉၆- ၉၉ တွင် ဒုတိယအကြိမ် ပြန် အဖမ်းခံခဲ့ရပါတယ်။ ပြန်လွတ်လာတော့၊  ‘လွတ်လပ်တဲ့ တရုတ် ကလောင်ရှင်များ အဖွဲ့’ ဥက္ကဌ နဲ့ Democratic China မဂ္ဂဇင်း အယ်ဒီတာ တာဝန်ယူဆောင်ရွက်ပါတယ်။

လျူ ဟာ တရုတ် လူ့အခွင့်အရေးနဲ့ ဒီမိုကရေစီ တောင်းဆိုတဲ့ နာမည်ကျော် ‘Chapter 8’ စာတမ်းကို အဓိက ရေးခဲ့သူပါ။ အဲဒီ ချာတာကို ကျယ်ကျယ်ပြန့်ပြန့် ဖြန့်ဝေတာကြောင့်ပဲ၊ ၂၀၀၉ ဇွန် ၂၃ ရက်နေ့မှာ ‘နိုင်ငံတော်အာဏာ ပျက်စီးအောင် ဆူပူလှုံဆော်တဲ့ ဥပဒေ’ နဲ့ နောက်ထပ် ၁၁ နှစ် ထောင်ချခံရပါတယ်။  အခု လျောင်နင် ပြည်နယ် ရှီင့်ချို့ အကျဉ်းထောင်မှာပါ။

တရုတ်အစိုးရက သူ့ဇနီး လျူရှီယာ ကို သူ့ကိုယ်စား ဆုသွားမယူနိုင်အောင် နေအိမ်အကျယ်ချုပ် ချထားပြီး၊ ဆွေးမျိုးသားချင်း တွေကိုလည်း တားမြစ်ထားတာကြောင့်၊ ၂၀၁၀ ဒီဇင်ဘာ၁၀ ရက် အော်စလို ငြိမ်းချမ်းရေး နိုဘယ်ဆုဟာ လက်ခံယူမယ့်သူ မရှိတဲ့ ထူးခြားတဲ့ ငြိမ်းချမ်းရေးဆုပေးပွဲ အခမ်းအနား ဖြစ်သွားရပါတယ်။  ပိုဆိုးတာက တရုတ်အစိုးရ ငြူစူမှာ စိုးတဲ့အတွက် ကုလသမဂ္ဂ၊ အာစီယံ အပါအ၀င် ဘယ်နိုင်ငံတကာ အဖွဲ့အစည်းကမှ နိုဘယ်ဆုကို ကိုယ်စား လက်ခံယူမပေးတာကလည်း ငြိမ်းချမ်းရေးလောကမှာ မှတ်တမ်းတစ်ခု ဖြစ်သွားပါတယ်။

အောက်မှာ ဖော်ပြထားတဲ့ စာတမ်းဟာ ၂၀၀၅ အောက်တိုဘာ ၁၉ ရက်နေ့ တရုတ်ကွန်မြူနစ်ပါတီက ဖြန့်ဝေတဲ့ ‘တရုတ်ပြည် ဒီမိုကရက်တစ်နိုင်ငံရေး တည်ဆောက်မှု’ စက္ကူဖြူစာတမ်းကို လျူရှောင်ဘိုက တုံ့ပြန် ရေးသားထားတာ ဖြစ်ပါတယ်။ တရုတ်ပြည်မှာ ဧကရာဇ်ဝါဒနဲ့ အာဏာရှင်စနစ်တို့ဟာ စိတ်ပျက်စရာကောင်းလောက်အောင် နှစ်ပဋိစ္ဆေဒ ရှည်ကြာလွန်းကြောင်း သမိုင်းနဲ့တကွ ဖော်ပြထားပြီး၊ ယခုထိ တရုတ်လူထုအခြေအနေက ဟိုးအရင်အတိုင်း ဘာကွာခြားမှုမှ မရှိသေးဘူးလို့ ပြောပါတယ်။

‘လွတ်လပ်တဲ့ တရုတ်ပြည်’ ပေါ်ပေါက်ဖို့ဆိုတာ၊ လက်ရှိအာဏာရထားသူတွေနဲ့ သူတို့ပေါ်လစီတွေထဲက ထွက်လာမှာမဟုတ်ဘဲ၊ ‘လူထုအာဏာပါဝါ’ ကနေသာ ပေါ်ထွက်လာမယ်လို့ ဟု သူ့စာတမ်း အဆုံးပိုင်းမှာ တင်ပြထားပါတယ်။

*******************************

တရုတ်လူထုက ကွန်မြူနစ်ပါတီဦးဆောင်တဲ့ ဒီမိုကရေစီနဲ့သာ ထိုက်တန်ပါသလား

၂၀၀၅ ခုနှစ် အောက်တိုဘာ ၁၉ ရက်နေ့မှာ တရုတ်ပြည်သူ့သမ္မတနိုင်ငံ နိုင်ငံတော်ကောင်စီ သတင်းပြန်ကြားရေးဌာနက ‘တရုတ်ပြည် ဒီမိုကရက်တစ် နိုင်ငံရေး တည်ဆောက်မှု’ ခေါင်းစဉ်နဲ့ စက္ကူဖြူ စာတမ်းတစ်စောင်ကို ထုတ်ဝေခဲ့ပါတယ်။ ကွန်မြူနစ်ပါတီ အာဏာရကတည်းက ပထမဆုံး ထုတ်ဝေတဲ့ ဒီမိုကရေစီ တည်ဆောက်ရေး စာတမ်းဖြစ်ပေမဲ့၊ ဒီမိုကရေစီနဲ့ ပတ်သက်လို့ ဆုပ်ဆုပ်ကိုင်ကိုင် ဘာအချက်အလက်မှ မပါပါဘူး။

စာတမ်းရဲ့ အနှစ်သာရပိုင်းမှာ ‘အမျိုးသားအခြေအနေများဆိုင်ရာ သီအိုရီ’၊ တရုတ်ကွန်မြူနစ်ပါတီ (CCP)ရဲ့ အာဏာဆိုင်ရာ သီအိုရီ’ နဲ့ ‘ပါတီရဲ့ အသိဥာဏ်ပညာဆိုင်ရာ သီအိုရီ’ ဆိုတဲ့ အကြောင်းအရာ သုံးခုကို အခြေတည် ဆွေးနွေးထားပါတယ်။

‘အမျိုးသားအခြေအနေများဆိုင်ရာ သီအိုရီ’ ပိုင်းမှာ စီးပွားရေး အားနည်းချက်တွေ၊ လူထုနေထိုင်မှု အခြေအနေ နိမ့်ကျမှုတွေကို ထည့်သွင်း ဆွေးနွေးမထားပါဘူး။ ပါတီရဲ့ ခေါင်းဆောင်မှုနေရာအတွက် သမိုင်းဖြတ်သန်းမှုအရ ရွေးချယ်ရခြင်းနဲ့ တရုတ် လူထုရဲ့ အလိုက်သင့်ရွေးချယ်မှု ကိစ္စကိုသာ အလေးပေး ဆွေးနွေးထားပါတယ်။ ဆိုလိုတာက တိုင်းပြည်ခေါင်းဆောင်မှုကို လူထုဆန္ဒအရထက်၊ သမိုင်းကြီးမြတ်မှုနဲ့သာ ဖန်တီးသွားမယ်လို့ ပြောထားခြင်း ဖြစ်ပါတယ်။

ရှင်းပါတယ်။ ‘အမျိုးသားအခြေအနေများဆိုင်ရာ သီအိုရီ’ ရဲ့ ရည်ရွယ်ချက်ထဲမှာ ကမ္ဘာလုံးဆိုင်ရာ ဒီမိုကရေစီ စံနှုန်းတွေကို ငြင်းပယ်ထားတယ်။ အမျိုးသားအခြေအနေ ဆိုတာတွေကို အရေးတကြီး ရှေ့တန်းတင် လှုံဆော်ပြီး၊ လက်ရှိ CCP ပါတီနဲ့ အစိုးရရဲ့ မရိုးသားတဲ့ တရားဝင်မှု (legitimacy) ပြဿနာတွေကို ဖုံးဖိထားခြင်းသာ ဖြစ်ပါတယ်။

‘ပါတီအာဏာဆိုင်ရာ သီအိုရီ’ မှာတော့ လက်ရှိကျင့်သုံးနေတဲ့ ပုံစံဖြစ်တဲ့ ပါတီက အမြင့်ဆုံးအာဏာ ရယူထားမှုကို ထပ်ပြီး အတည်ပြုပေးထားခြင်း ပါပဲ။ လူထုအချုပ်အခြာ ဒီမိုကရေစီ တည်ဆောက်ရေး ဖြစ်ဖြစ်၊ အခြေခံဥပဒေထဲမှာ ရေးထားတဲ့ လူအခွင့်အရေး ကာကွယ်စောင့်ရှောက်မှုကိုဖြစ်ဖြစ်၊ အမျိုးသားလွှတ်တော် ကိစ္စဖြစ်ဖြစ်၊ ပါတီရဲ့ ‘ဒီမိုကရက်တစ်ဗဟိုပြုရေး’ အမည်ခံ ဗန်းပြမှုပဲဖြစ်ဖြစ်၊ ဥပဒေပြုရေးလုပ်ငန်းဖြစ်ဖြစ်၊ အောက်ခြေ လူထုအတွက် ဒီမိုကရေစီဖြစ်စဉ်တွေကိုပဲ ဖြစ်ဖြစ်၊ ဘာဖြစ်ဖြစ် အားလုံးဟာ CCP အာဏာပိုင်အဖွဲ့ရဲ့ လမ်းညွှန်မှုကိုပဲ လိုက်နာကြရလိမ့်မယ်။  လူထုရဲ့ အချုပ်အခြာအာဏာ အတွက် တကယ်တန်း ဘာလုပ်ပိုင်ခွင့်မှ ပေးမထားပါဘူး။

နောက် ‘CCP ပါတီရဲ့ အသိဥာဏ်ပညာဆိုင်ရာ သီအိုရီ’ မှာတော့ တရုတ်ပြည်ရဲ့ လက်ရှိ အောင်မြင်မှုတွေဟာ ပါတီကြောင့် ဆိုတာကိုပဲ အထပ်ထပ် သိဒ္ဓိတင် ကြော်ငြာနေတာပါ။ ကြီးမားများပြားတဲ့ ကျရှုံးမှုတွေကို ကာကွယ်ဖို့အတွက် ရတတ်သမျှ အောင်မြင်မှုတွေ ချဲ့ကားထားတာပါ။ တိုင်းပြည်မှာ ဒီမိုကရေစီ စိုးစဉ်းမျှရှိတယ်ဆိုရင် အဲဒါက ပါတီရဲ့ အသိဥာဏ်ပညာကြောင့် လို့ ပြောထားတာပါ။ ကွန်မြူနစ်ပါတီကပဲ ဥာဏ်ပညာကြီးကြီးနဲ့ ဦးဆောင်ဦးရွက်ပြုပြီး ပြုပြင်ပြောင်းလဲရေးတွေ လုပ်ခဲ့လို့သာ တရုတ်ပြည် ဖြစ်လာတာလို့ ဆိုလိုချင်တာပါ။ တရုတ်လူထုတွေ မျိုးဆက်ချီ ကြိုးစားအားထုတ် ပေးဆပ်မှုတွေနဲ့ အသီးအပွင့် ရလဒ်တွေဆို ဘာတစ်ခုမှ အသိအမှတ်ပြု ဖော်ပြမထားပါဘူး။

သူတို့ စက္ကူဖြူစာတမ်းရဲ့ အချုပ်က လူထုရဲ့ အချုပ်အခြာအာဏာဖြစ်တဲ့ ဒီမိုကရေစီရဲ့အထက်မှာ ပါတီအာဏာ ရှိတယ်ဆိုတာ တစ်ကမ္ဘာလုံးကို မောင်းခတ်ကြေငြာတဲ့ သဘောဆောင်နေပါတယ်။ ပါတီအာဏာကသာ အမြင့်မြတ်ဆုံး ထည်ဝါကြီးကျယ်ဆုံး ဖြစ်တယ်။ ‘လူထုရဲ့ အကြီးအကဲဟာ ကွန်မြူနစ်ပါတီ’ ပဲဖြစ်တယ်။ ‘ဒီမိုကရေစီရဲ့ အကြီးအမှုးက CCP ပါတီ’ ပဲ ဖြစ်ရမယ်။ အမျိုးသားလွှတ်တော် (NPC) က ပါတီအာဏာပိုင်အဖွဲ့ရဲ့ ရုပ်သေးသာ ဖြစ်တယ်။ တရုတ်လူထု နိုင်ငံရေးရာ အတိုင်ပင်ခံ ညီလာခံ (CPCC) ဆိုတာ အဆင်တန်ဆာ ပွဲတက်အခမ်းအနားမျှ ဖြစ်တယ်။ တရားရေးစနစ်က ပါတီအာဏာပိုင်အဖွဲ့ရဲ့ ကရိယာ တန်ဆာပလာသာ ဖြစ်တယ်။ လူ့အခွင့်ရေး၊ ဒီမိုကရေစီ စတဲ့ စကားလုံးတွေဟာ စက္ကူဖြူစာတမ်းမှာ ခန်းစီးလိုက်ကာလို ပကာသနတွေသာ ဖြစ်နေတယ်။

CCP အာဏာပိုင်အဖွဲ့ အရင်က ထုတ်ဝေတဲ့ လူ့အခွင့်အရေးအမြင် စာတမ်းလိုပါပဲ။ အခု ဒီမိုကရေစီရေးရာ စာတမ်းကလည်း မုသားတွေ ပြည့်နှက်နေပါတယ်။ ဥပမာ၊ စက္ကူဖြူစာတမ်းထဲမှာ “တရုတ်ပြည်သူ့သမ္မတနိုင်ငံရှိ အာဏာအားလုံးကို လူထုကသာ ပိုင်ဆိုင်တယ်” လို့ ဖော်ပြထားချက် ပါပါတယ်။ သို့သော် ၁.၃ ဘီလီယံ ရှိတဲ့ တရုတ်ပြည်သူတွေခမျာ ပါတီအာဏာပိုင်များ လိုသလို အမောင်းခံရတဲ့ သိုးအုပ်ကြီးများသာ ဖြစ်ပါတယ်။ တိုင်းပြည်ရဲ့ သမ္မတ ရွေးကောက်ပွဲမှာ လူထုပါဝင်ဖို့ အခွင့်အရေး လုံးဝမရှိပါဘူး။

နောက် ဥပမာတစ်ခုက စက္ကူဖြူစာတမ်းထဲမှာ “ပါတီတွင်း ဒီမိုကရေစီ ဖွံဖြိုးရေး” ဆိုတာ ဖော်ပြထားပါတယ်။ ဒါပေမဲ့ တရုတ်ပြည်က ၆၈ သန်း သော ပါတီအဖွဲ့ဝင်တွေဟာ ပါတီကျေးကျွန်အဆင့်ထက် မပိုပါ။ ပါတီအကြီးအကဲကို ရွေးချယ်ဖို့ သူတို့မှာ အမှန်တကယ် အခွင့်အလမ်း မရှိရှာပါဘူး။


အဲဒီ ‘တရုတ်ပြည် ဒီမိုကရက်တစ်နိုင်ငံရေး တည်ဆောက်မှု’ စက္ကူဖြူစာတမ်းဟာ ကြွားလုံးသက်သက်ထုတ်ပြီး ဟန်ဓာတ်ခုတ်ထားမှုသာ ဖြစ်တယ်။ တရုတ်ပြည် ဒီမိုကရက်တစ်နိုင်ငံရေး တည်ဆောက်မှုလို့ ကြွေးကြော်ပြီး၊ ကွန်မြူနစ်ပါတီ အမြင်ဆုံးအာဏာပိုင်အဖွဲ့ ကျင့်သုံးတဲ့ အာဏာရှင်စနစ်ကို လူထုက ကျေးကျွန်ပြုပေးရမယ့် စာတမ်းသာ ဖြစ်တယ်။

**********************************

၁၉၄၉ ခုနှစ် အောက်တိုဘာ ၁ ရက်နေ့ မော်စီတုန်း တီယန်နန်မင်ရင်ပြင် ဂိတ်ပေါ်တက်လာတော့၊ တစ်တိုင်းပြည်လုံးအနှံ့မှာ လူထုက “သူဟာ ကျွန်ုပ်တို့လူထုတွေအတွက် မဟာကယ်တင်ရှင်ကြီးပါ” ဆိုတဲ့ သီချင်းကို သံပြိုင် ကြွေးကြော် အော်ဟစ်ခဲ့ရပါတယ်။

၁၉၈၄ အောက်တိုဘာ ၁ ရက်နေ့မှာ တိန့်ရှောင်ပိန် တီယန်နန်မင် ရင်ပြင်ပေါ်မှာ တပ်တွေစစ်ဆေးတော့ ‘ဟလို ရှောင်ပိန်!’ လို့ သူ့လက် ဝှေ့ယမ်းပြပြီး နိုင်ငံ့ဗိသုကာကြီး အဖြစ်နဲ့ လူထုအားလုံးရဲ့ ထောက်ခံမှု ရယူပါတယ်။ ပြီး သူက “လူတချို့ အရင်ဆုံး ချမ်းသာ ပလေ့စေ” (Let some people get rich first.) လို့ ကွန်မြူနစ် ဇာတ်ပျက်စကားပြောပြီး လူတစ်စုအတွက်သာ အခွင့်အလမ်းတွေ ဖန်တီးပေးခဲ့တယ်။

၁၉၉၉ ခုနှစ် အောက်တိုဘာ ၁ ရက်နေ့ ကျန်ဇီမင်း တပ်တွေ စစ်ဆေးပြန်တော့ အကြီးအကျယ် ဝေဖန်မှုတွေ ရှိခဲ့ပါတယ်။ အဲဒီကြားကပဲ တော်လှန်ရေးလမ်းကြောင်းနဲ့ တရုတ်ပြည်အနာဂတ် အမွေဆက်ခံမယ့် အဓိက ဦးဆောင်မှုနေရာကို ရသွားပြန်တယ်။ သူက တရုတ်အင်ပါယာအတွက် ကြီးမားရက်ရောတဲ့ ဆန်းသစ်တီထွင်မှု သီအိုရီတစ်ခု နောက်ထပ်ဖန်တီးပြီး၊ ခေတ်ပျက်မှာ ချမ်းသာလာတဲ့ အရင်းရှင်တွေကို CCP ပါတီထဲ အဖွဲ့ဝင်ဖြစ်ခွင့် ပေးလိုက်တယ်။


ဟူကျင်တောင်း တပ်တွေစစ်ဆေးတဲ့အခါ ‘သူ့ချစ်လှစွာသော ပြည်သူတွေ’ အတွက် ဘယ်လို ရုပ်ပုံ ဖော်မယ်ဆိုတာ ကျနော် မသိသေးပါဘူး။ လက်ရှိ အာဏာရ အုပ်စုအတွင်းမှာ ဖယ်ရှားခံခဲ့ရတဲ့ ကျောက်ကျိယန့် နဲ့ ဟူယောင့်ပန်း တို့ပုံစံမျိုး၊ လူထုကို ကောင်းမွန်စွာ ဆက်ဆံပြီး ခေတ်သစ်နိုင်ငံရေးရဲ့ သဘောကို ကျက်မိတဲ့ အဆင့်မြင့်အရာရှိတွေ ရှိကောင်း ရှိနိုင်တယ် ဆိုတာကို ကျွန်တော် မငြင်းလိုပါဘူး။ ဒီလူတွေဟာ ကောင်းမွန်တဲ့ မူဝါဒဆုံးဖြတ်ချက်တွေနဲ့ နိုင်ငံရေး ပြုပြင်ပြောင်းလဲမှုတွေ အများကြီး စွန့်စားလုပ်ချင်ကြမှာပါ။

သို့ပေမဲ့ အဲဒီလို အရာရှိကောင်းတွေဟာ CCP ပါတီစနစ်အောက်မှာ သက်ဆိုးမရှည်နိုင်ကြပါဘူး။ အဲဒီလိုဖြစ်သွားရတဲ့အခါ လူထုတွေမှာလည်း အထက်က ပါတီဘော့စ်တွေ ပေးကမ်းမယ့် အခွင့်အရေးနဲ့ အကျိုးရလဒ်လေးတွေ ကိုပဲ ထိုင်စောင့်မျှော်ရင်း ဆက်လက်ရှင်သန်ကြရပါတယ်။

*************************************

နောက်ကို ခြေလှမ်းတစ်ထောင်လောက် ဆုတ်ပြီး တရုတ်ပြည်ကြီးကို ပြန်ကြည့်ကြပါဦး။ ကျနော်တို့ တိုင်းသူပြည်သားများဟာ ဥာဏ်အမြှော်မြင် ပြည့်စုံတဲ့ အုပ်စိုးသူနဲ့ ကြုံတွေ့ခဲ့ရတယ်ဆိုရင်၊ သို့မဟုတ် ဧကရာဇ် အချို့ရဲ့ မျက်နှာသာပေးမှု ခံစားခဲ့ရတယ် ဆိုရင် သူတို့ရဲ့ လူ့အခွင့်အရေး ချိုးဖောက်စော်ကားတာတွေ ရှိလင့်ကစား၊ အကျိုးခံစားခွင့် ဆုပ်ဆုပ်ကိုင်ကိုင် ရရှိမှုအတွက် ခွင့်လွှတ်ကြရမှာပါပဲ။

ဒါပေမဲ့ သိပ်သိပ်ကိုဝမ်းနည်းစရာ ကောင်းလွန်းပါတယ်။ ကျနော်တို့ တိုင်းသူပြည်သားတွေဟာ ဒုက္ခအကြီးအကျယ် ခံစားနေကြရတယ်။ ဘိုးဘွားဘီဘင် ရှေးအတီ မျိုးဆက်ပေါင်းများစွာကနေ ကနေ့အထိ လူထုအပေါ် သနားကြင်နာမှုပြမယ့်၊ ပညာဥာဏ်ရှိတဲ့ အုပ်ချုပ်သူမျိုးကို တစ်ကြိမ်တစ်ခါတောင် မဆုံခဲ့ကြရပါဘူး။

ဒါ့အပြင် တရုတ်မင်းဆက် သံသရာစက်သမိုင်းမှာ၊ မင်းဧကရာဇ်ရဲ့ လူထုအပေါ် ရက်ရော လိုက်လျောတတ်တဲ့ အပြုအမူဟာ သူ နန်းစတက်ချိန်မှာပဲ ရှိတတ်တယ်။ ဘာကြောင့်လဲဆိုတော့ ရှေ့က အုပ်ချုပ်သွားတဲ့ မင်းဆက်က သူ့နောက်ဆုံးနှစ်တွေအတွင်း ဘာကောင်းကျိုးမှ မဆောင်ရွက်ဘဲ တိုင်းပြည်ကို အကျပ်အတည်း ဘေးဒုက္ခပေါင်းစုံနဲ့ ချန်ထားရစ်ခဲ့လို့ပါပဲ။ နန်းသစ် တက်လာသူကျတော့ လူထုလိုအပ်ချက်အတွက် လုပ်ဆောင်ပေးတာထက်၊ သူ့နိုင်ငံရေးအာဏာ ကြံ့ခိုင်အောင်ထိန်းဖို့ ခေတ္တမျှ လိုက်လျော လုပ်ဆောင်ပေးခြင်းသာ ဖြစ်ပါတယ်။ နန်းတက်စမှာ မင်းသားပြုံး ပြုံးပြပြီး မကြာခင် ဘီလူးရုပ်ပြန်ပေါ်လာပါတယ်။


ကျနော်တို့ တိုင်းသူပြည်သားတွေကလည်း ကြီးသူရဲ့ စောင့်ရှောက်မှုအပေါ် လုံးဝမှီခိုနေရတဲ့ ကလေးငယ်လေးတွေ လိုပါပဲ။ အသိဥာဏ်ရှိရှိ အုပ်ချုပ်မယ့် မင်းလောင်းပေါ်လာဖို့ကို ရာစုတွေချီပြီး ထိုင်စောင့်မျှော်နေတတ်တဲ့ သူတွေပါ။ တရုတ်လူထုဟာ ချွတ်ချော်ယိုင်နဲ့ပြီး ဘယ်တော့မှ ရင့်ကျက် ကြီးပြင်း မလာသေးဘူးလို့ပြောရင် ကျွန်တော် လွန်လေမလား။ သူတို့ဟာ ရှေးဦးလူတွေ ကြယ်လနက္ခတာရာတွေ ထိုင်ရှိခိုးသလိုမျိုး၊ တရုတ် ဧကရာဇ် မင်းတွေကို အခုထိ ဒူးထောက် ခယ၀ပ်တွား မော်ဖူးနေကြတုန်းပဲလား။

******************************
မော်ခေတ်နဲ့ နှိုင်းစာရင် မော်ခေတ်လွန် ပြည်မကြီးမှာ ကျနော်တို့ ပြည်သူတွေဟာ အစားအသောက်၊ နေမှုထိုင်မှုနဲ့ တစ်ဦးချင်း ရွေးချယ်ပိုင်ခွင့် အတော်ရှိလာတယ်၊ ဖိနှိပ်ကန့်သတ်မှုတွေအောက်မှာပဲ အကျိုးအမြတ်အချို့ ရှိလာတယ်ဆိုတာ လုံးဝသံသယ မရှိပါဘူး။ ‘လူတန်းစား တိုက်ပွဲ’ ကို ဦးစားပေးတဲ့ မော်ရဲ့ အိုင်ဒီအိုလော်ဂျီနဲ့ နှိုင်းစာရင်၊ တိန့်ရှောင်ပိန်ရဲ့ လက်တွေ့ကျတဲ့ ‘ကြောင်သီအိုရီ’ က ပိုမိုသွက်လက်ပြီး ပြောင်းလွယ်ပြင်လွယ် ရှိတယ်လို့ ဆိုရမယ်။

ဒါပေမဲ့ အဲဒီအပြောင်းအလဲတွေရဲ့ ဘယ်အရာကမှ ကျနော်တို့ တိုင်းသူပြည်သားတွေရဲ့ ရှိမြဲအနေအထားကို အခြေခံကျကျ ပြောင်းလဲ ပေးတာမရှိပါဘူး။ ဟောဒီ ပြည်မ မြေပေါ်မှာ အုပ်ချုပ်သူနဲ့ အအုပ်ချုပ်ခံတွေအကြား ခေတ်အဆက်ဆက် ကြမ်းရှတဲ့ ဆက်ဆံရေးဟာ တစ်ပုံစံထဲပါပဲ။ ဒီကနေ့ထိလည်း မပြောင်းမလဲ ဒုံရင်းပါပဲ။

လူထုအတွက် အခွင့်အရေးနဲ့ အကျိုးစီးပွားဆိုင်ရာ ဆုံးဖြတ်ချက်၊ တိုင်းပြည်ရဲ့ ကံကြမ္မာ၊ လူ့အဖွဲ့အစည်းတိုးတက်မှု၊ အောက်ခြေလူထုတွေရဲ့ ဘ၀ ဒါတွေအားလုံးကို အာဏာရှင်များကပဲ ချုပ်ကိုင်ထားပါတယ်။ ရှိရှိသမျှသော တိုးတက်မှုတွေဟာ အပေါ်ရဲ့ ပေးကမ်းစွန့်ကြဲမှုကနေ လာပါတယ်။ အဲဒီအတွက် အပြုခံလူထုက အုပ်ချုပ်သူတွေကို သစ္စာရှိကြောင်း၊ ကျေးဇူးတင်ကြောင်း ပြသဖို့၊ ကိုယ်တော်ချောများ ‘သက်ကျော် ရာကျော် ရှည်ပါစေ’ လို့ မပြတ်အော်ဟစ်ရပါတယ်။

ပြီးခဲ့တဲ့နှစ်တွေအတွင်းမှာ အရပ်သားအခွင့်အရေး ကာကွယ်လှုပ်ရှားမှုတွေ တိုးတက်လာသော်လည်း၊ အာဏာရှင်စနစ်ယန္တရားနဲ့ ကျေးကျွန် ယဉ်ကျေးမှု အခြေခံအုတ်မြစ်ကို ကိုင်လှုပ်ဖယ်ရှားပစ်နိုင်မယ့် အေက်ခြေလူထုလှုပ်ရှားမှုတွေဟာ တရုတ်မှာ အတိုင်းအတာကြီးကြီး ပေါ်ထွက်လာဖို့ အခုထိ လမ်းစမမြင်ရသေးပါဘူး။

ဒါဟာ ဘာကြောင့်လဲ။

ဝန်ခံရရင် အာဏာရှင်များရဲ့ ဖိနှိပ်လွန်းအားကြီးမှုကြောင့် ပါပဲ။ ဖိနှိပ်ခံရလွန်းတော့ လူထုအဖို့ ဒီမိုကရေစီ လှုပ်ရှားမှုဟာ သူတို့အတွက် ဘာမှ ထူးခြားလာမှာ မဟုတ်ဘူးလို့ မြင်နေကြတယ်။ လူထုရဲ့ စိတ်ထဲမှာ အသိဥာဏ်မဲ့မှု၊ သူရဲဘောကြောင်မှုနဲ့ မျက်ကန်းနေမှုတို့ လွှမ်းခြံနေပြီး၊ အဖိနှိပ်ခံအခြေအနေနဲ့ သူတို့ လွတ်မြောက်ခြင်းကြား ဘာမှ မကွာခြားနိုင်ဘူးလို့ သဘောထား နေပါတယ်။

သူရဲဘောကြောင်မှုနဲ့ သံသယစိတ် လွန်ကဲမှုတို့ကြောင့်ပဲ၊ အဖိနှိပ်ခံရခြင်းဆိုတာ အပစ်ပယ်ခံရခြင်း ခွဲခြားဆက်ဆံခံရခြင်းလို့ အဓိပ္ပါယ် ပေါ်လာပါတယ်။ အကျိုးဆက်အဖြစ် အာဏာရှင်တို့ရဲ့ ကြံရာပါ၊ လက်ပါးစေ၊ ကျိုးကျိုးနွံ့နွံ့ နှုတ်ဆိတ်နေသူများ ဖြစ်မှန်းမသိ ဖြစ်သွားကြရတယ်။

ဘယ်အခါမှာများ ကျနော်တို့ တိုင်းသူ ပြည်သားတွေဟာ စစ်မှန်တဲ့ လွတ်မြောက်မှုအတွက်၊ ကိုယ့်ကြမ္မာ ကိုယ်ဖန်တီးနိုင်ခွင့် အတွက် အစမ်းသပ် ခံကြမှာလဲ။ ဘယ်အချိန်ကျမှ တရုတ်ပြည်ဟာ အာဏာရှင် မင်းအဆက်ဆက် စိုးမိုးမှုအောက်မှ ကသောင်းကနင်း အခြေအနေတွေနဲ့ အဆိုးသံသရာ သမိုင်းစက်ဝန်းထဲကနေ ဖောက်ထွက်နိုင် ကြလိမ့်မလဲ။

မျိုးဆက်ပေါင်းများစွာကနေ ကနေ့ CCP စိုးမိုးထားတဲ့ နေ့ရက်များအထိ ကျနော်တို့ လူထုခေါင်းထဲမှာ ဒုက္ခပေးနေတဲ့ ဝေါဟာရတွေ ရှိပါတယ်။ ‘လွတ်လပ်ရေး ရပြီးနောက်’ ၊ ‘တိုင်းပြည်စတည်ထောင်ကတည်းက’၊  ‘ကွန်မြူနစ်ပါတီမရှိရင် တရုတ်ပြည်သစ် ဖြစ်မလာနိုင်ဘူး’၊ ‘ခမ်းနားထည်ဝါတဲ့ တပ်မတော်ကြီး’ စတာတွေဟာ လူထုရဲ့ သမိုင်းနားလည်မှု အခြေခံတွေ ဖြစ်ပြီး၊ သူတို့စိတ်ထဲမှာ အနည်ထိုင်နေတဲ့ ဘာသာဗေဒ အလေ့စရိုက်တွေပါပဲ။

လူထုရဲ့ နေ့စဉ် စကားပြောမှု ရေးသားမှုတွေမှာ အဲဒီ အသုံးအနှုန်းတွေက ကျယ်ကျယ်ပြန့်ပြန့် စိမ့်ဝင်ပြီး အဆင်တန်ဆာလို ဖြစ်နေတယ်။ ကွန်မြူနစ်ပါတီ CCP ရဲ့ ကလိမ်သမိုင်းကို နောကျေအောင်သိတဲ့ ပညာတတ်တွေ လစ်ဘရယ်ကျသူတွေ တောင်မှ CCP အာဏာရယူပြီးနောက် မရေမတွက်နိုင်တဲ့ ရာဇ၀တ်မှု ကျူးလွန်တဲ့အကြောင်း ဖော်ထုတ်ရေးသားတဲ့အခါ အဲဒီဝေါဟာရ အသုံးနှုန်းတွေ အပ်ကြောင်းထပ်အောင် ပါနေတတ်တယ်။

အလားတူပါပဲ။ ၁၉၈၉ ဇူလိုင် ၄ တီယန်နန်မင် လူသတ်ပွဲအကြောင်း ယနေ့ လူအများစု ပြောကြတဲ့အခါ၊ ‘ကသောင်းကနင်း ကာလ’ တို့၊ ‘အရေးတော်ပုံ’ ဆိုတဲ့ အသုံးနှုန်းတွေကို သတိထား ရှောင်ရှား ပြောကြတယ်။ ကြီးမားတဲ့ ငြိမ်းချမ်းရေး ချီတက်ပွဲနဲ့ အစုလိုက်အပြုံလိုက် သွေးထွက်သံယို သတ်ဖြတ်ခံရမှု အတွေ့အကြုံတွေ ကိုယ်တိုင် ကြုံတွေ့ခံစားခဲ့ရတဲ့ ပေကျင်းမြို့ လူထုကတောင် အဲဒီ ဝေါဟာရတွေကို ကနေ့ မေ့ပစ်လိုက်ကြတယ်။

တကယ်တော့ အာဏာပိုင်တွေက မီဒီယာကတစ်ဆင့် ‘ကသောင်းကနင်း ကာလ’ နဲ့ ‘အရေးတော်ပုံ’ ဆိုတဲ့ အသုံးအနှုန်းတွေကို ‘နိုင်ငံရေးဆိုင်ရာ နှောင့်ယှက်မှုများ’ ဆိုပြီး ဘယ်လိုပဲ ၀ါဒဖြန့် ပြောင်းလဲပစ်ပစ်၊ မှန်ကန်တဲ့ လူထု ဘာသာစကားတွေကို များများ ပြောင်းမပစ်နိုင်ပါဘူး။

၁၉၉၉ ခုနှစ်မှာ ကျန်ဇီမင်း အစိုးရက ဖာလွန်ဂေါင်းဂိုဏ်းကို နှိပ်ကွပ်ဖြိုခွင်းပြီးနောက် အထက်တန်းကျောင်းနဲ့ ကောလိပ်ကျောင်း စာအုပ်တွေထဲမှာ ‘အစွန်းရောက် ကိုးကွယ်ယုံကြည်မှု’ ဆိုတဲ့ အသုံးနှုန်းတွေသွင်းပြီး ကျောင်းသားတွေကြားထဲ ရိုက်ထည့်တယ်။ ကာလရှည်ကြာ ကျေးကျွန်ပြုနိုင်ဖို့ လူထုစိတ်ထဲကို အိုင်ဒီအိုလော်ဂျီ သွတ်သွင်းမှုဟာ၊ မှန်ကန်တဲ့ ဘာသာစကားအသုံးနဲ့ သမိုင်းမှတ်ဥာဏ်တွေကို အများကြီး ထိခိုက်စေပါတယ်။

မြင့်မြတ်တဲ့ ဘာသာဗေဒ-ဒဿန ပညာရှင်ကြီး Ludwig Wittgenstein ရဲ့ အဆိုအမိန့် တစ်ခု ရှိပါတယ်။ “ဘာသာစကားဆိုတာ အစဉ်အလာနေထိုင်မှု မြင်ကွင်းတွေကို ဖော်ပြတဲ့ ကရိယာ (tool) တစ်ခု မဟုတ်ဘူး။ လှုပ်ရှားသက်ဝင်နေတဲ့ အပြုအမူ(action) သာ ဖြစ်တယ်။ တစ်ဦးတစ်ယောက်ဟာ မိမိကိုယ်ကို ဖော်ညွှန်းဖို့ ဘာသာစကား အသုံးပြုမှုနည်းလမ်းကို ရွေးချယ်လိုက်ပြီဆိုရင် ဒါဟာ တွေးဖို့ ရွေးချယ်လိုက်တာပဲ။ သူဟာတွေးဖို့ ရွေးချယ်တယ်ဆိုရင် နေထိုင်ဖို့ ရွေးချယ်တာပဲ” လို့ ဆိုခဲ့တယ်။


ဒါကို ထပ်ချဲ့ပြောမယ်ဆိုရင် တစ်ဦးတစ်ယောက်ဟာ အုပ်ချုပ်သူအပေါ် လေးလေးနက်နက် ကျေးဇူးတင်မှုကို ဘာသာဗေဒနည်းနဲ့ ဖော်ပြတယ်ဆိုရင်၊ အဲဒါ ကယ်တယ်ရှင် မျှော်ကိုးစိတ် မိမိဖာသာ ဖန်တီးလိုက်တာပဲ။ အဲဒီ ကယ်တင်ရှင် အားကိုးစိတ်က မလွှဲသာမရှောင်သာပဲ အထက်ရဲ့ ပေးသနားမှုကို စောင့်မျှော်ရတဲ့ (ကျားသနားမှ နွားချမ်းသာရမယ့်) ကျေးကျွန် ဘ၀နေနည်းကို ဦးတည်သွားစေပါတော့တယ်။ ကယ်တင်ရှင်မှ မရှိရင် တစ်စုံတစ်ဦးဟာ အိမ်ခြေရာမဲ့ ခွေးလေခွေးလွင့်သဖွယ် သနားစရာကောင်းတဲ့ စိတ်ခံစားချက်နဲ့ အခြေအနေဆိုးမျိုး ရောက်သွားမှာကို ကြောက်နေတတ်ပါတယ်။

***********************************

အချိန်တိုင်း အချိန်တိုင်းမှာ လူထုဟာ ထိပ်ဆုံး အုပ်ချုပ်သူတွေဆီကနေ နိုင်ငံရေးအပြောင်းအလဲတွေ ထွက်ပေါ်လာမှာကို မျှော်လင့်ချက်ကြီးကြီး ထားနေကြပါတယ်။ ဒါပေမဲ့ အချိန်တိုင်း စိတ်ပျက်မှုတွေနဲ့ပဲ အဆုံးသတ်ကြရပါတယ်။ အဆိုးဆုံးကတော့ CCP ဦးဆောင်တဲ့ အပြောင်းအလဲက ထူးထူးခြားခြား ဘာမှမျှော်လင့်စရာ မရှိပေမဲ့လည်း၊ လူထုတွေရဲ့ စိတ်ပျက်မှုက တစ်ခုပြီး နောက်စိတ်ပျက်မှုတစ်ခု  ပြီးဆုံးသွားတာမရှိ ဇယ်ဆက်နေပါတယ်။ ဒါဟာ ဘာကြောင့်လဲ။

အချို့ကတော့ တိုင်းပြည်ရဲ့ အမျိုးသားအခြေအနေတွေကြောင့်လို့ ဆိုတယ်။ အချို့ကလည်း ဒီလောက် ကြီးမားတဲ့ တိုင်းပြည်ကို အာဏာရှင်စနစ်ကသာ ထိန်းချုပ်ထားနိုင်မယ်လို့ ပြောကြတယ်။ တချို့ကျတော့ CCP က အဏာသိပ်ကြီးလွန်း၊ ရင်းမြစ်တွေအပေါ် လက်ဝါးကြီးအုပ်ထားလွန်းလို့ အခြားဘယ်အင်အားစုကမှ ပြောင်းလဲဖို့ စိန်မခေါ်နိုင်ဘူးလို့ ပြောကြတယ်။ အချို့ကလည်း အတိုက်အခံအုပ်စုတွေဟာ ဝေလေလေ ပေါ်ပြူလာနိုင်ငံရေး လမ်းကြောင်းပဲ လိုက်လွန်းပြီး၊ သူတို့အာဏာရရင် CCP ထက်တောင် ပိုဆိုးဦးမယ်လို့ ပြောကြပါတယ်။

အချို့ကလည်း နိုင်ငံရေး ပြုပြင်ပြောင်းလဲမှု မလုပ်ခင် စီးပွားရေးဖွံ့ဖြိုးမှု အရင်လုပ်သင့်တယ်လို့ ပြောတယ်။ စီးပွားရေးဖွံဖြိုးမှု ကသာ တိုင်းပြည်တည်ငြိမ်မှုကို ထိန်းထားနိုင်မယ်၊ CCP လုပ်ဆောင်နေတာ မှန်တယ်လို့ ပြောပါတယ်။ အခြားသူတွေကလည်း ပြည်မကြီးရဲ့ လူဦးရေက သိပ်များလွန်းပြီး အသိပညာ နုံနဲ့တာကြောင့်မို့ အထက်က အမိန့်နဲ့ ဆောင်ရွက်ပေးတာသာလျှင် အသင့်တော်ဆုံးလို့ ဆိုပါတယ်။

အဲဒီ အားလုံးသော ပြောဆိုချက်တွေကိုကြည့်ရင် တကယ်လို့ CCP သာမရှိခဲ့ရင်၊ CCP သာ ပြုတ်ကျသွားခဲ့ရင် သူ့နေရာ ထိထိရောက်ရောက် အစားထိုးဖို့ ဘယ်သူ နေရာယူနိုင်မလဲပေါ့။ ဒီမိုကရေစီလှုပ်ရှားသူတွေနဲ့ တရုတ်နိုင်ငံရေး လေ့လာသုံးသပ် ကျွမ်းကျင်သူတွေကကော ဒီမေးခွန်းကို မဖြေနိုင်ကြတော့ဘူးလား။ ဒါကြောင့်မို့လဲ အပေါ်က ချပေးတဲ့ မဖြစ်စလောက် နှစ်သ်ိမ့် လက်ဆောင်လေးတွေကိုသာ လူထုက ရွေးချယ်ကျေနပ်နေကြရတာပေါ့။


ဒီတော့ ကျနော်တို့ တိုင်းသူပြည်သားတွေ ကိုယ့်ဟာကိုယ် အရှင်သခင်ဖြစ်ဖို့လည်း မပြင်ဆင်ကြဘူး၊ တိုက်ယူဖို့လည်း မကြိုးစားဘူး။ တစ်ဦးချင်း အခွင့်အရေးအတွက် ကြိုးစားအားထုတ်မှု မရှိဘူးဆိုရင်ဖြင့်၊ လက်ရှိ အုပ်ချုပ်သူတွေ မရှိတဲ့အခါ တိုင်းပြည်ဖရိုဖရဲနဲ့ ချောက်ထဲကျသွားမယ်ဆိုတဲ့ အယူအဆကိုပဲ မသိစိတ်မှ စွဲနေကြဦးမှာပဲ။ ဒီအယူအဆပုံစံဟာ CCP ရဲ့ ကာလရှည်ကြာစွာ ရိုက်သွတ်သွင်းထားတဲ့ အိုင်ဒီအိုလော်ဂျီမှိုင်းကနေ လာတာဖြစ်တယ်။ ဒီအယူအဆဟာ ကနေ့အထိ မပြောင်းသေးတဲ့ တိုင်းသူပြည်သားများရဲ့ ကျေးကျွန် စရိုက်သဘာဝကနေလာတာ ဖြစ်ပါတယ်။

**************************************

အာဏာရှင်တွေဟာ သမိုင်းဆိုင်ရာ အချက်အလက်တွေကို လျစ်လျူရှုပြီး အဲဒီအယူအဆမျိုးကို ဘာကြောင့် အမြဲရိုက်သွင်းနေတာလဲ။ အကြောင်းရှိတယ်။ သူတို့ဆုံးဖြတ်တဲ့ မူဝါဒတိုင်း၊ သူတို့ပြောတဲ့ အရာရာတိုင်းမှာ အဆုံးစွန် ရည်ရွယ်ချက်တစ်ခုထဲသာ ရှိတယ်။ အဲဒါကတော့ အာဏာကို လုံးဝ ထိန်းချုပ်ထားရေးပဲ ဖြစ်တယ်။

သို့သော် အဲဒီလို အပေါ်ပိုင်းက ရိုက်သွင်းတဲ့ အယူအဆကို လူထုအနေနဲ့ လက်ခံစရာ ဘာအကြောင်းပြချက်မှ မရှိပါဘူး။ ဘာကြောင့်လဲဆိုတော့ အဲဒီအယူအဆကို ထောက်ပံ့ပေးနေတဲ့ စနစ်ဟာ လူထုကို လူသားတွေ အဖြစ် အသိအမှတ်မပြု၊ လူသားလို မဆက်ဆံတဲ့ စနစ်ဖြစ်နေတာကြောင့်ပဲ။ ဘာကြောင့်မှ လက်ခံစရာ မလိုဘူး။

တကယ်လို့ ကျနော်တို့ တိုင်းသူပြည်သားများဟာ သမိုင်းဆိုင်ရာ မှန်ကန်တဲ့ အချက်အလက်တွေကို မေ့ပစ်ပြီး၊ အပေါ်ကလာတဲ့ အယူအဆတွေမှာပဲ မိန်းမောတွေဝေ မှိုင်းမိနေကြမယ်ဆိုရင်၊ သူတို့ပေးသမျှ မရေမရာ မျှော့်လင့်ချက်တွေနဲ့ပဲ လက်ခံကျေနပ် ဘ၀ဇာတ်သိမ်းကြရမှာပဲ။ တစ်ကြိမ်တစ်ခါ မျှော်လင့်ချက်လေးအတွက် ကိုးကြိမ်ကိုးခါ ဘ၀သေခဲ့လျှင်တောင်မှ ကောင်းမြတ်တဲ့ အုပ်ချုပ်သူ ပေါ်ပါစေလို့ ဆုတောင်းနေကြရဦးမှာပဲ။


အောက်ခြေလူထု လှုပ်ရှားမှုတွေ၊ တစ်ဦးချင်း ရပိုင်ခွင့်တွေအတွက် တိုက်ပွဲဝင်ခဲ့သူတွေကို အာဏာရှင်စနစ် ပြောင်းလဲဖို့ ဆောင်ရွက်နေသူတွေလို့ အားပေးဖို့ထက် အဟန့်အတားလို့ပဲ မြင်နေကြဦးမှာပဲ။ ပေါ်လစီကောင်း တစ်ရာခိုင်နှုန်းလောက် ချပေးပြီး၊ ၉၉ ရာခိုင်နှုန်း ဆိုးသွမ်းနေတဲ့ အစိုးရအပေါ် ဆန့်ကျင်နေသူတွေကို ဆူးညှောင့်ခလုပ်တွေလို့ မြင်နေကြဦးမှာပဲ။

အစုလိုက်အပြုံလိုက် သတ်ဖြတ်မှုခံရတွေ၊ ငတ်မွတ်ခေါင်းပါးမှုတွေ၊ ထောင်သွင်းအကျဉ်းချမှုတွေ၊ မိသားစုဘ၀ပျက်ရတာတွေ၊ ပြည်ပြေးဘ၀တွေ၊ ခွဲခြားဆက်ဆံခံရမှုတွေ ရှိနေတာတောင်မ။  အာဏာရှင်တွေကို “အမှားယွင်းမရှိသော၊ ကြီးမြတ်လှသော၊ ဘုန်းတန်ခိုး ရှိန်စော်ကြီးမားသော” စတဲ့ ဂါထာပရိတ်မွှန်းပြီး ကျေးဇူးတင်မဆုံး တကုန်းကုန်း ဖြစ်နေကြဦးမှာပဲ။

**********************************************

တန်(င) မင်းဆက်ခေတ် ကဗျာဆရာကြီး ဘိုင်ချူးယိ က “တောမီးတွေ သူတို့ကို ဘယ်တော့မှ မဖျက်ဆီးနိုင်ပါ.. နွေဦး လေပြေထဲမှာ ထပ် ကြီးထွားဦးမှာ…” လို့ အုပ်ချုပ်သူတွေအတွက် ရေးဖွဲ့ပေးခဲ့တယ်။

တရုတ်ပြည်မကြီးရဲ့ အဲဒီကျော်ကြားတဲ့ ကဗျာဟာ လူထုကို သတ္တိရှိရှိ မားမားမတ်မတ်ရပ်နိုင်ဖို့ ဖွဲ့ဆိုတာ မဟုတ်ဘဲ၊ လူထုကို အမြဲဒူးထောက်မှု ကျင့်သားရစေဖို့ တိုက်တွန်းထားတာ ဖြစ်တယ်။ ဧကရာဇ် ထီးနန်းရိပ်အောက်မှာ အရပ်ဖက်နဲ့ စစ်ဖက် အရာရှိတွေဟာ အုပ်ချုပ်သူ ‘သက်ကျော်ရာကျော် ရှည်ပါစေ’ လို့ နေ့စဉ် သုံးကြိမ်သုံးခါ အော်ဟစ်ရင်း ဒူးထောက် ဦးချရတယ်။

တီယန်နန်မင် ထိပ်မှာ အာဏာရှင် မော်တို့ တိန့်တို့က သူ့လက်ကို ဝှေ့ပြလိုက်တော့ ကမ္ဘာ့အကြီးမားဆုံး ရင်ပြင်ကြီးဟာ အာဏာရှင်ကို ကေင်းချီးဩဘာပေးတဲ့ ကျေးကျွန်များရဲ့ ပင်လယ်ပြင်ကြီး ဖြစ်သွားရတယ်။ ၁၉၁၁ ခုနှစ်မှာ ချင်(င) မင်းဆက် ပြိုကျပြီး CCP အာဏာရကတည်းက ကျနော်တို့ တိုင်းသူပြည်သားတွေဟာ ဘိုးဘွားတွေလက်ထက်ကထက် ရုပ်ပိုင်းရော စိတ်ပိုင်းမှာပါ ပိုဒူးထောက်လာကြရတယ်။

‘လူဟာ တရားမျှတမှု၊ လွတ်လပ်မှုတို့နဲ့ မွေးဖွားလာရမယ်’ လို့ မှန်ကန်တဲ့ လူတစ်ယောက် ဖြစ်လာဖို့ လောကတရားက ဆိုဆုံးမထားတယ်။ တကယ်တော့ ကမ္ဘာလုံးဆိုင်ရာ ကျေးကျွန်ဖြစ်မှု၊ မတရား မမျှတမှုတွေဟာ၊ အုပ်ချုပ်သူတွေရဲ့ အာဏာ အလွန်အကျွံ ကျင့်သုံးမှုနဲ့ ဥာဏ်အမြှော်အမြင်ကြီးမှုတို့်ကြောင့် ဖြစ်စေတာမဟုတ်ဘူး။ အအုပ်ချုပ်ခံ လူထုရဲ့ ကျွန်သန္ဓေစိတ် လွန်ကဲပြီး ဒူးထောက်မှုတို့ကြောင့်သာ ဖြစ်နေကြရတာ။

သုံးကြီမ် ဦးချရပြီး၊ ကိုးကြိမ် ဒူးတုပ်ပြရတဲ့ အင်ပါယာခေတ် ကုန်ဆုံးခဲ့ပြီး၊ နှစ် ၁၀၀ ကျော် ယနေ့အချိန်ကာလမှာ ကျနော်တို့ တိုင်းသူပြည်သားတွေဟာ ကိုယ့်ဟာကိုယ် အရှက်ရအောင် ပြုမူနေကြဦးမှာလား။ ဒူးထောက်ရတဲ့ အခြေအနေကို ကာကွယ်ဖို့ အမျိုးမျိုး အကြောင်းပြနေကြဦးမှာပဲလား။ လူနေမှုအဆင့်အတန်းကောင်းကောင်း ရဖို့နဲ့ ချမ်းသာတဲ့သူတွေ ပါတီထဲ ၀င်ခွင့်ရရေး အတွက် အာဏာရှင်တွေကို ကျေးဇူးတင်မဆုံး ဒူးထောက် မော်ဖူးမဆုံး ဆက်လုပ်နေကြဦးမှာပဲလား။

လွတ်လပ်တဲ့ တရုတ်ပြည်ကြီး ပေါ်ထွန်းဖို့အတွက် အထက်အာဏာရှိသူတွေထံကနေ ‘ပေါ်လစီသစ်တွေ’ ထိုင်မျှော်နေခြင်းဟာ မိုက်မဲရူးသွပ်လွန်းပါတယ်။ မွေးရာပါ ၀မ်းတွင်းအရူးနာတွေကို တစ်စချင်း ဆွဲနှုတ်ပစ်ကြရမယ်။

လူထုကြားမှာပဲ ‘အားအင်သစ်တွေ’ ဆက်တိုးချဲ့နိုင်ရေး မျှော်လင့်ကြဖို့ပဲ ရှိရပါမယ်။ လူထုအတွက် ဂုဏ်သိက္ခာ (dignity) ကို အယူအဆအရရော တရားဝင်မှုအရပါ ထူထောင်နိုင်တဲ့ နေ့ဟာ၊ ကျနော်တို့ တိုင်းသူပြည်သားများရဲ့ လူ့အခွင့်အရေးအတွက် အင်စတီကျူးရှင်း ဆိုင်ရာ အကာအကွယ် ရရှိတဲ့ နေ့ပါပဲ။

ရည်ညွှန်း။ Can it be that the Chinese People deserve only ‘CCP party-led democracy” by Liu Xiaobo

ရဲမြင့်ကျော်

မှတ်ချက်။ လူ့ဘောင်သစ်ဂျာနယ်မှ ထုတ်ဝေသော အလင်းရနံဂျာနယ် အမှတ် (၅ ) တွင် ရဲနွယ်မိုး နာမည်နဲ့ ဖော်ပြခဲ့။

ရှဥ့်လည်းလျှောက်သာ
ပျားလည်းစွဲသာ
မင်္ဂလာပါ - ကော်မရှင်
 ကျော်ဝင်း

ဂိမ်းသီအိုရီ


အများမျှော်လင့်စောင့်စားနေကြသော လက်ပံတောင်းအရေး စုံစမ်းရေးကော်မရှင်၏ အပြီးသတ် အစီရင်ခံစာ၊ ယနေ့ပင်ထွက်ပေါ်လာပြီဖြစ်ပါသည်။ ကော်မရှင်က ၎င်း၏ ရည်ရွယ်ချက်၊ တာဝန်၊ အခြေခံမူများနှင့် လုပ်ဆောင်ချက်များကို ပဏာမ နိဒါန်းပျိုးပြသည်။ ပြီးမှ၊ ကော်မရှင်တွေ့ရှိချက်များနှင့်အတူ၊ ဘာသာရပ်ဆိုင်ရာ ကျွမ်းကျင်သူပညာရှင်အသီးသီး၏ သုံးသပ်အဆိုပြုချက်များကို၊ ဘက်စုံထောင့်စုံ စုစည်းတင်ပြသည်။ နောက်ဆုံး၊ ကော်မရှင်၏ ခြုံငုံသုံးသပ်ချက်များနှင့် အကြံပြုချက်များကို ဖော်ပြလိုက်ပါသည်။

အစီရင်ခံစာတစ်ခုလုံး၏ အရေးကြီးဆုံးဖြစ်ဖွယ်ရှိသော အကြံပြုချက်အပိုင်းတွင် ကော်မရှင်က ရွေးချယ်စရာနည်းလမ်းသုံးသွယ်ကို ပထမခင်းပြသည်။ အဆိုပါနည်းလမ်းသုံးသွယ်ကို စဉ်းစားဆုံးဖြတ်ရာတွင်၊ 'တစ်ခုလုံး စီးပွားရေးအတွက် အကျိုးရှိမရှိ'၊ 'နိုင်ငံတကာဆက်ဆံရေး' နှင့် 'လူမှုရေးပတ်ဝန်းကျင် ထိန်းသိမ်းရေး' တို့ကို၊ အားလုံးခြုံငုံပြီး (Holistically) စဉ်းစားရန် လိုအပ်ပါကြောင်း၊ အကြံပြုသည်။ ကော်မရှင်ခင်းပြလိုက်သော ဆိုခဲ့ပါ နည်းလမ်းသုံးသွယ်မှာ …၊

(က) လက်ရှိအတိုင်းပင်၊ ကြေးနီစီမံကိန်းကို ဆက်လက်လုပ်ကိုင်စေမည့်နည်းလမ်း …။ ဆိုရလျှင်၊ လက်ရှိကြေးနီစီမံကိန်းကို တာဝန်ယူ ဆောင်ရွက်နေသော၊ ဦးပိုင်နှင့် ၀မ်ပေါင်ကုမ္ပဏီများဘက်မှ ခံတွင်းအတွေ့ဆုံးနည်းလမ်း၊ သို့မဟုတ်၊ ၎င်းတို့၏ 'မျှော်လင့်တန်ဖိုး' (expected value) ဖြစ်ပါလိမ့်မည်။ သို့နှင့်တိုင်၊ ဤနည်းလမ်းကို ကော်မရှင်က ရွေးချယ်ရန်မသင့်ဟု မှတ်ချက်ပြုပါသည်။

(ခ) ကြေးနီစီမံကိုန်းကို၊ ဆက်လက်လုပ်ဆောင်ခွင့်မပြုဘဲ ရပ်ဆိုင်းစေမည့်နည်းလမ်း …။ ဆိုရလျှင်၊ လက်ရှိစီမံကိန်းကို လုံးဝရပ်ဆိုင်းပစ်ရန်၊ ဆန္ဒဖော်ထုတ်တောင်းဆိုနေကြသူများ ဘ၀င်အကျဆုံးဖြစ်ဖွယ်ရှိသည့် နည်းလမ်းဖြစ်ပါသည်။ သူတို့ လိုလားသော 'မျှော်လင့်တန်ဖိုး' လည်းဖြစ်ပါသည်။ သို့တစေ ဤနည်းလမ်းကိုလည်း ကော်မရှင်က ထောက်ခံချက်မပေးပါ။

(ဂ) ကြေးနီစီမံကိန်းနှင့် ပတ်သတ်၍၊ လေ့လာတွေ့ရှိသော အားနည်းချက်များကို ပြုပြင်စေကာ၊ နိုင်ငံတော် အကျိုးစီးပွား၊ ဒေသခံလူထု၏ အကျိုးစီးပွား၊ အနာဂတ်မျိုးဆက်အတွက် အကျိုးစီးပွားတို့ကို၊ ပြည့်ဝစွာရရှိရန် အစီအမံများ ချမှတ်ပြီး၊ စီမံကိန်းကို ဆက်လက်လုပ်ဆောင်စေမည့် နည်းလမ်း …။ ဤနည်းလမ်းအနေနှင့်၊ နှစ်ဘက်မျှော်လင့်တန်ဖိုးများကို အပြည့်အ၀ပေးနိုင်လိမ့်မည်တော့မဟုတ်။ သို့တိုင်အောင်၊ နှစ်ဘက်လုံးအတွက်၊ လက်ရှိ လိပ်ခဲတည်းလည်း အခြေအနေထက် ပိုကောင်း (better off) လာနိုင်စရာရှိပါသည်။ ကော်မရှင်က၊ ဤနည်းလမ်းကိုသာ ထောက်ခံအကြံပြုလိုက်ပါသည်။ ဤနည်းလမ်းကို အကောင်အထည်ဖော်ရာတွင် လုပ်ဆောင်ရမည့် လုပ်ငန်းစဉ် (၆) ရပ်ကိုလည်း သုံးသပ်အကြုံပြုပါသည်။ (စာရှည်မည်စိုး၍ အသေးစိတ် မဖော်ပြတော့ပါ။ ကော်မရှင် အစီရင်ခံစာကိုသာ ကြည့်ပါရန် …၊)

ကော်မရှင်၏ ဆိုခဲ့ပါ၊ အကြံပြုချက်သည်ပင်၊ "ရှဥ့်လည်းလျှောက်သာ ပျားလည်းစွဲသာ" မည့် အကောင်းဆုံးနည်းလမ်း ဖြစ်လိမ့်မည်ဟု စာရေးသူ ယူဆပါသည်။ ဆရာကြီးသ္ခင်ကိုယ်တော်မှိုင်း၊ တစ်လျှောက်လုံး လိုလားတောင့်တခဲ့သော "သူမနာ၊ ကိုယ်မနာ" သဘောထားမျိုးဖြစ်လိမ့်မည်ဟု သဘောရပါသည်။ ဆရာကြီး ဒဂုန်တာရာ မကြာခဏ ဆိုသလို ရေးသားပြောဆိုနေသော "မုန်းသူမရှိ၊ ချစ်သူသာရှိစေမည့်" သင့်မြတ်ရေးလမ်းကြောင်းဟု နားလည်ရပါသည်။ အထူးသဖြင့် ကမ္ဘာနှင့်အ၀န်း ဒီမိုကရက်တစ်နည်းနာတစ်ရပ်အဖြစ် တွင်တွင်ကျယ်ကျယ် အသုံးပြုနေကြသော၊ ခေတ်သစ်ဂိမ်းသီအိုရီလာ ချဉ်းကပ်အဖြေရှာနည်းအဖြစ် ဆင်ခြင်မိပါသည်။

မင်္ဂလာပါ - ကော်မရှင် ..။


စာရေးသူ၏ အတွေ့အကြုံ

ဤနေရာတွင် ခေတ်သစ်ဂိမ်းသီအိုရီ နှင့်ပတ်သတ်သော စာရေးသူ၏ နားလည်ချက်ကို ပြန်လည်ဖော်ပြခွင့် ပြုစေလိုပါသည်။ (ဤအကြောင်း မကြာခဏ ရေးခဲ့ပြီးဖြစ်၍ 'ပြန်လည်' ဆိုသော ရှေ့ဆက်ခံထားခြင်းဖြစ်သည်။) ယခုလို …။

"အကျိုးစီးပွားချင်း မတူကြသည့် အင်အားစုများကြားတွင်၊ မတူသော မျှော်လင့်တန်ဖိုးများ သာဘာဝကျစွာရှိကြမည်သာ ဖြစ်ပါသည်။ သို့တစေ အဆိုပါ အင်အားစုများကြား ညှိနှိုင်းဆွေးနွေးကြတော့မည်ဆိုလျှင်မူ၊ ဆိုခဲ့ပါ မျှော်လင့်တန်ဖိုးများကို၊ နှစ်ဘက်လုံးမှ အသေဆုပ်ကိုင်ထားသရွေ့၊ ဘယ်တော့မှ အဖြေရလိမ့်မည် မဟုတ်ပါ။ နှစ်ဘက်လုံးမှ ၎င်းတို့လက်ရှိ အခြေအနေထက်ပိုကောင်း (better off) လျှင်ပင် ကျေနပ်ဖွယ်ရာအဖြေဟု သဘောထားကြဖို့ လိုပါလိမ့်မည်။ ဤသဘောထားနှင့်ပင် မိမိတို့သက်ဆိုင်ရာ မျှော်လင့်တန်ဖိုးများကို 'အပေးအယူလုပ်ညှိနှိုင်းကြပြီး' (bargain) နှစ်ဘက်သဘောတူညီနိုင်မည့် 'ကြားအဖြေ' (compromise) ရှာရပါလိမ့်မည်။ ဤနည်းဖြင့် better off ချင်း ချိန်ခွင်လျှာမျှနိုင်မည့် အခြေအနေရောက်လာမှသာ နှစ်ဘက်လက်ခံနိုင်မည့် အဖြေတွေ့ပါလိမ့်မည်။ ဤသို့သော ချိန်ခွင်လျှာမျှအခြေအနေကို သီအိုရီဖော်ထုတ်သူပညာရှင် အမည်အစွဲပြုပြီး 'နက်(ချ)မျှခြေ' (Nesh's Equilibrium) ဟုခေါ်ပါသည် …" စသဖြင့် …။

ဝန်ခံရလျှင် "ဆန့်ကျင်ဘက်အချင်းချင်း အပြန်အလှန် ဖယ်ထုတ်ရေး" စဉ်းစားနည်းတစ်ခုတည်းနှင့်သာ၊ တစ်လျှောက်လုံး အာရုံကျယဉ်ပါးခဲ့သော၊ စာရေးသူအနေနှင့် ဆိုခဲ့ပါဂိမ်းသီအိုရီကို ချက်ခြင်းမြိုမကျခဲ့ပါ။ နောက်ဆုံး၊ နိုင်ငံရေးဝင်္ကပါတောတွင်၊ နဖူးကွဲဒူးပြဲများစွာ ကြုံခဲ့ပြီးမှ 'ဂိမ်းသီအိုရီသည်သာ၊ မြန်မာ့နိုင်ငံရေး အကျပ်အတည်း၏ တစ်ခုတည်းသော ထွက်ရပ်လမ်း' အဖြစ် သဘောယူလာနိုင်ခဲ့ခြင်းဖြစ်ပါသည်။ သို့နှင့်အမျှ၊ စာရေးဖြစ်ကတည်းက၊ 'ဂိမ်းသီအိုရီ' နှင့် ဆက်နွယ်သမျှကို၊ မကြာခဏဆိုသလို မိတ်ဆက်ပေးခဲ့ခြင်းဖြစ်ပါသည်။ ဤတွင် စာဖတ်ပရိတ်သတ်တော်တော်များများ (အထူးသဖြင့် လူငယ်စာဖတ်သူများ) က၊ စိတ်ဝင်တစားရှိသည်ကို တွေ့ရတော့ အမှန်ပင် အားတက်မိပါသည်။

သို့နှင့်တိုင် အဆိုပါ ဂိမ်းသီအိုရီကိုပင် မြန်မာ့နိုင်ငံရေးနှင့် ဆက်စပ်ပြတော့ ဘ၀င်မကျသံအချို့ကြားလာရပါသည်။ "သီအိုရီကိုတော့ လက်ခံပါတယ် …၊ ဒါပေမဲ့ လက်တွေ့မဖြစ်နိုင် …" စသဖြင့်။ နောက်ဆုံး၊ "၂၀၁၀ ရွေးကောက်ပွဲမှာ၊ နှစ်ဘက်လုံးအတွက် better off ဖြစ်နိုင်တယ်" ဟုရေးလိုက်ရာ ဝေဖန်ရုံသာမကတော့ဘဲ၊ အစိုးရနှင့် ပေးစားခံရပါလေတော့သည်။ ဤသို့ ဆဲကြဆိုကြ အရေခွံခွါကြသူများထဲတွင် စာရေးသူ၏ လက်ဝဲမိတ်ဆွေများမှာ ရှေ့ဆုံးက …။ သူတို့တတွေ၏ ရဲရဲတောက်လေထုတွင် ရိုးရိုးသားသား စာဖတ်သူအများပင် စာရေးသူနှင့် အကွာအဝေးတစ်ခုသို့ ရောက်ကုန်သည်။

ဤအကြောင်းတွေ ပြန်ရေးနေမိသည်မှာ ဒေါသတွေ၊ အာဃာတတွေကြောင့် မဟုတ်ပါ။ မိတ်ဆွေများ၏ 'အောက်လမ်းနည်းများ' ကို စိတ်ပျက်မိသည့်တိုင်၊ စာဖတ်သူအများစု ခံတွင်းမတွေ့နိုင်မှုကို နားလည်ပေးနိုင်ခဲ့ပါသည်။ မြန်မာလူမျိုးတို့၏ 'နိုင်ငံရေးဓလေ့' (political culture) ကို ဆင်ခြင်မိသောကြောင့် ဖြစ်သည်။ မြန်မာတွေက 'မင်း' သို့မဟုတ် 'အစိုးရ' ဆိုလျှင် မယုံချင်၊ မယုံရဲ။ မုန်းသည်။ ကြောက်သည်။ 'ရန်သူမျိုးငါးပါး' ထဲတွင် 'မင်း' ကို ထည့်ထားသည်မှာ ရှားရှားပါးပါး ယဉ်ကျေးမှုဓလေ့ဟု ဆိုရမည်ထင်သည်။ အမှန်စင်စစ်၊ ဤသည်မှာလည်း သဘာဝကျသည်သာဖြစ်သည်။ နိုင်ငံရေးဓလေ့ကို အဓိကပုံသွင်းလိုက်သည်မှာ သက်ဆိုင်ရာလူထု၏ ခါးသီးသော နိုင်ငံရေးအတွေ့အကြုံများ ဖြစ်လေသည်ကိုး …။

သို့ဖြစ်လင့်စကား၊ ဤဓလေ့မှာ ဒီမိုကရေစီနိုင်ငံရေးစနစ်နှင့် အခါခပ်သိမ်း အဟပ်ညီချင်မှ ညီပါလိမ့်မည်။ အထူးသဖြင့်၊ အင်အားစုမျိုးစုံ ၀ိုင်းဝန်းတွန်းပါမှ ရွေ့နိုင်စရာရှိသော လက်ရှိ ဒီမိုကရေစီအပြောင်းအလဲနှင့် စရွေးမကိုက်လှဟု ထင်သည်။ အကယ်၍များ၊ ဤအစွဲ ဤဓလေ့ကို မကျော်နိုင်ခဲ့လျှင် ဖြစ်သင့်ဖြစ်ထိုက်သော လမ်းကြောင်းမှန် ဖြစ်စေဦး၊ အညွှတ်အနူးလက်ခံဖို့ အခုအခံ ဖြစ်ကောင်းဖြစ်နိုင်သည်။ ဤသို့တွေးမိလိုက်တော့ ကော်မရှင်အစီရင်ခံစာ၏ နောက်ဆက်တွဲ အလားအလာများအတွက် အမှန်ပင် စိုးရိမ်မကင်းဖြစ်မိသည်။ လက်ရှိအစိုးရနှင့် ကော်မရှင် ဥက္ကဌတို့ကို ဦးတည်လာနိုင်စရာရှိသော နိုင်ငံရေးတိုက်ကွက်များနှင့် ရိုးသားသောလူထု၏ အကင်းမသေတတ်သေးသော စိတ်းဒဏ်ရာဓလေ့များ ဆုံမိလျှင် ဘာတွေဖြစ်ဦးမည်နည်း …။

အဆိုပါ စိုးရိမ်ကြောင့်ကြစိတ်နှင့်ပင် ယခုစာစုကို ဆက်ပါမည်။


စိုးရိမ်စိတ်အခံဖြင့်
အကြံပြု၊ မေတ္တာရပ်ခံ၊ ပန်ကြားလိုသည်များ


(က) အကြံပြု

ပထမဆုံး အကြံပြုလိုသည်မှာ နိုင်ငံတော်အစိုးရသို့ ဖြစ်ပါသည်။ ဆိုခဲ့ပါ၊ စုံးစမ်းစစ်ဆေးရေးအစီရင်ခံစာနှင့် အတူ၊ ၎င်းကို အကောင်အထည်ဖော် ဆောင်ရွက်မည့် ကော်မတီဖွဲ့စည်းသည့် သတင်းကိုလည်း ဖတ်ရသည်။ အဆိုပါ ကော်မတီကို အစိုးရတာဝန်ရှိသူ အများစုဖြင့် ဖွဲ့စည်းထားသည်ကို သတိပြုမိသည်။ ဖြစ်သင့်ဖြစ်ထိုက်သော ဖွဲ့စည်းပုံဟု သဘောရပါသည်။ စုံစမ်းရေးကော်မရှင် အစီရင်ခံစာပါ အကြံပြုချက်များကို အောင်မြင်စွာ အကောင်အထည်ဖော်နိုင်ဖို့ဆိုလျှင် သက်ဆိုင်ရာ 'အကျိုးရှင်များ' (stakeholders) ၏ သဘောတူကြည်ဖြူမှု ရဖို့လိုလိမ့်မည်ဟု တွေးမိသောကြောင့်ဖြစ်သည်။ အဆိုပါ အကျိုးရှင်များအနက် ၀မ်ပေါင်နှင့် ဦးပိုင်ကုမ္ပဏီတို့နှင့် အဆင်ပြေပြေညှိနှိုင်း အကောင်အထည်ဖော်နိုင်ဖို့ဆိုလျှင် လုပ်ပိုင်ခွင့်လည်းရှိ တာဝန်လည်းခံနိုင်သော အစိုးရအရာရှိများမှာ အကောင်းဆုံးဖြစ်ပါလိမ့်မည်။

သို့တစေ နောက်ထပ်အရေးကြီးသော အကျိုးရှင်တစ်ဦးဖြစ်သည့် ဒေသခံများ၏ ပူးပေါင်းဆောင်ရွက်မှုရဖို့ဆိုလျှင်မူ အစိုးရတာဝန်ရှိသူသက်သက်ဖြင့် အဆင်ပြေလွယ်ကူနိုင်ပါ့မလား စိုးရိမ်မိသည်။ ကာလတာရှည်ပျောက်ဆုံးနေခဲ့သော ယုံကြည်မှုကြောင့် သံသယအစိုင်အခဲအချို့ ရှိကောင်းရှိနိုင်သည်ဟု ထင်သည်။ သို့အတွက် ဒေသခံလူထု၏ နားလည်မှုရှိရှိ ပူးပေါင်းဆောင်ရွက်ရေး ရယူရာတွင် အခက်အခဲအချို့ရှိလေမည်လား စဉ်းစားမိသည်။ သက်ဆိုင်ရာဒေသခံများကို နားလည်သဘောပေါက်လာစေရန် ရှင်းပြ၊ ဖြောင့်ဖျနိုင်မည့် သီလသိက္ခာသြဇာတိက္ကမကြီးသော ဆရာတော်ကြီးများ သို့မဟုတ် မြို့မိမြို့ဖများ ကော်မတီတွင်ပါလျှင် ပို၍ အဆင်ပြေလွယ်ကူလေမည်လား တွေးမိသည်။

နောက်တစ်ချက် ဥာဏ်မီသလောက် တွေးမိသည်မှာ လက်ပံတောင်းအရေးလို ဖြစ်တန်ရာ အကျပ်အတည်းများနှင့် ပတ်သက်လို့ဖြစ်သည်။ သဘာဝဘေးအန္တရယ်ကြောင့်ဖြစ်စေ၊ လူမှုပဋိပက္ခများကြောင့်ဖြစ်စေ၊ လက်ရှိ ဒီမိုကရေစီအပြောင်းအလဲအတွက် စိန်ခေါ်ချက် ဖြစ်လာနိုင်သော အကျပ်အတည်းမျိုး ရှေ့တွင်လည်း ကြုံရနိုင်ဖွယ်ရှိသေးသည်ဟု ထင်ပါသည်။ ကြုံခဲ့ပြီးသော ဖြစ်စဉ်ဖြစ်ရပ်များမှ သင်ခန်းစာယူပြီး နောင်လာမည့် ပြဿနာများကို ကာကွယ်ရှောင်ရှားနိုင်ရန်အတွက် သော်လည်းကောင်း၊ အကယ်၍ မလွှဲမရှောင်သာ ရင်ဆိုင်ရလျှင်လည်း လက်ဦးမှုရှိရှိ၊ အေးအေးညောင်းညောင်း ဖြေရှင်းနိုင်ရန်အတွက်သော်လည်းကောင်း၊ အစီအစဉ်ရှိရှိ ကြိုတင်ပြင်ဆင်ထားဖို့ လိုမည်လား စဉ်းစားမိသည်။ ဥပမာအားဖြင့် "အကျပ်အတည်း စီမံခန့်ခွဲရေး ကော်မတီ" လိုအဖွဲ့အစည်းမျိုး ဖွဲ့စည်းပြီး တာဝန်ယူဖြေရှင်းကြသည်မျိုး ဖြစ်ပါသည်။

(ခ) မေတ္တာရပ်ခံ

ဒုတိယအနေနှင့် မေတ္တာရပ်ခံလိုသည်မှာ၊ ယခုလောလောဆယ် ထိခိုက်နစ်နာမှု တစ်စုံတစ်ရာ ကြုံခဲ့ရပြီးဖြစ်သသော၊ ဒေသခံလူထုသို့ဖြစ်ပါသည်။ မိမိရပ်ရွာကို ချစ်ခင်မြတ်နိုးစိတ်၊ ဒါးမဦးချမြေကို တပ်မက်တွယ်တာစိတ်များဖြင့် ဆန္ဒဖော်ထုတ်အရေးဆိုခဲ့ကြသည့် မိတ်ဆွေများ၏ အရေးတော်ကို အပြည့်အ၀ စာနာနိုင်ပါသည်။ ယခု ထွက်ပေါ်လာသော ကော်မရှင်၏ အကြံပြုချက်များမှာ၊ မိတ်ဆွေများ၏ ဆန္ဒနှင့် ရာနှုန်းပြည့် တစ်ထပ်တည်းမကျသည့်တိုင်၊ တစ်ခုလုံး အကျိုးစီးပွား ရေရှည်အကျိုးစီးပွားအတွက် အကောင်းဆုံးအဖြေဖြစ်သည်ကို နှလုံးသွင်းစေချင်ပါသည်။ ထို့ထက် တော်ရုံနိုင်ငံရေးသမား လုပ်နိုင်ခဲသော အများကြိုက် လက်ခုပ်သံနိုင်ငံရေးကို မလိုက်ဘဲ ဖြစ်သင့်ဖြစ်ထိုက်သည့် လမ်းကြောင်းမှန်ကို ရဲရဲဝံ့ဝံ့ ထောက်ပြအကြံပြုခဲ့သော ကော်မတီဥက္ကဌ၏ ရပ်တည်ချက်ကို တန်ဖိုးထား လေးစားစေချင်သည်။ သူမ၏ မေတ္တာစေတနာကို ယုံကြည်ကိုးစားစိတ်ဖြင့် တတ်နိုင်သမျှ ပူးပေါင်းဆောင်ရွက်ပေးကြပါဟု မေတ္တာရပ်ခံအပ်ပါသည်။

ဒီမိုကရေစီ အကူးအပြောင်း ကာလ၏ မလွတ်မကျွတ်တတ်သေးသော အကျင့်ဆိုးများကြောင့် ဆရာတော်သံဃာတော်များအပါအ၀င် မိတ်ဆွေများ၊ အနာတရ ဖြစ်ခဲ့ရသည်မှာ ကမ္ဘာသိပင်ဖြစ်ပါသည်။ သို့တစေ မိတ်ဆွေများ၏ ပေးဆပ်မှုများအချည်းနှီးတော့ကား မဖြစ်ပါ။ နောင်တွင် ဤအဖြစ်ဆိုးများ မကြုံရစေရေး (ထို့ထက် လေးနက်စွာဆိုရလျှင်၊ ဒီမိုကရေစီရှေ့ခရီးအဆင်ချောစေရေး) အတွက် အရေးကြီးသော ဥပဒေတစ်ရပ်ဖြစ်သည့် "ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေ" ၏ အားနည်းချက်များကို ပြင်ဆင်နိုင်ရန် တိုင်းသိပြည်သိ၊ ကမ္ဘာသိ အဆိုပြုနိုင်ပြီ ဖြစ်ပါသည်။ (ကော်မရှင် အစီရင်ခံစာ အပိုဒ် (၉၃)၊ အပိုဒ်ခွဲ (ခ) ပါ အကြံပြုချက်များကို ကြည့်ပါရန်) ဤသည်မှာ မိတ်ဆွေများ၏ 'အောင်ပွဲ' ဟု သဘောယူစေလိုပါသည်။


(ဂ) ပန်ကြား

နောက်ဆုံးအနေနှင့် လက်ရှိ လုံခြုံရေးကို တာဝန်ယူထားသော ရဲတပ်ဖွဲ့နှင့်၊ လက်ရှိ အပြောင်းအလဲ အပေါ် အပြည့်အ၀ သဘောမတူနိုင်ကြသေးသည့် မိတ်ဆွေများသို့ ပန်ကြားအပ်ပါသည်။

မည်သို့သော အကြောင်းကြောင့်ဖြစ်စေ လက်ပံတောင်းအရေးကိုင်တွယ်ပုံမှာ ရဲတပ်ဖွဲ့အပါအ၀င်၊ အစိုးရ၏ ဂုဏ်သိက္ခာအတွက်ရော၊ ဒီမိုကရေစီ အစဉ်အလာအတွက်ပါ၊ ကောင်းသောလက္ခဏာမဟုတ်ပါ။ ဤအတွေ့အကြုံကို အလေးအနက်ဆင်ခြင်၍ ကော်မရှင် အကြံပြုချက်အတိုင်း ထိထိရောက်ရောက် ပြုပြင်ပြောင်းလဲကြပါရန် သက်ဆိုင်ရာသူများသို့ ပန်ကြားလိုပါသည်။

ခေတ်တစ်ခေတ်ကို အတူဖြတ်သန်းခဲ့ကြသည့် မိတ်ဆွေများကိုလည်း ပန်ကြားလိုပါသေးသည်။ ကျွန်တော်တို့တတွေ ငယ်ငယ်က အစွဲကြီးစွဲခဲ့ကြသည့် ကဗျာတစ်ပုဒ်ရှိသည်။ "အကုန်ရရင်ရ၊ မရရင် ဘာမှမလိုချင်ဘူး" ဆိုသော 'ဘားတော့ဘရက်' ၏ ကဗျာစာသား။ ဒါကို ခိုင်ထူးကြီးက သီချင်းလုပ်ဆိုတော့လည်း ကျွန်တော်တို့အားလုံး နှစ်နှစ်ခြိုက်ခြိုက်လိုက်ဆိုခဲ့ကြသည်။ အမှန်စင်စစ် ဘ၀သည် ကဗျာမဟုတ်။ နိုင်ငံရေးဆိုသည်မှာ လသာသာသီချင်းဆိုရသည်မျိုးမဟုတ် …။ ဒါလေးကို နှလုံးသွင်းကြစေချင်သည်။



ကျော်ဝင်း
၁၂၊ မတ် ၂၀၁၃

ရည်ညွှန်း - စုံးစမ်းရေးကော်မရှင်၏ အပြီးသတ် အစီရင်ခံစာ

အစီရင်ခံစာကိုဖတ်ပြီး လက်ပံတောင်းတောင်အကြောင်း ဆောင်းပါးရေးဖို့ မလိုတော့ဘူးလို့ စိတ်ကူးမိပေမယ့်မနေ့က ကော်မရှင်ဥက္ကဌ ဒေါ်အောင်ဆန်းစုကြည်သွားရောက်ချိန် ဖြစ်ပေါ်လာတဲ့ ဖြစ်စဉ်တွေကိုမြင်ကြားသိရတဲ့နောက်
ဒီဆောင်းပါးကို ရေးသားဖို့ စိတ်ကူးမိပါတယ်..။


ပထမဆောင်းပါးနှစ်ပုဒ်မှာ ..။

အပိုင်း(၁) လက်ပံတောင်းတောင်ဟာ .. မြစ်ဆုံလို မဟုတ်ကြောင်း .... အပေးအယူတွေ မဟာဗျူဟာတွေ ပါဝင်ပတ်သက်နေကြောင်း ဖော်ပြထားပြီးသားပါ...။ ဆန္ဒပြရုံနဲ့ မဖြစ်နိုင်ကြောင်း ဘက်စုံထောင့်စုံက အချိန်ယူရမှာဖြစ်ကြောင်းလည်း ရှင်းပြထားပါတယ်..။

အပိုင်း(၂) မှာ  ဒေါ်စုအနေနဲ့  ပြည်သူကိုချပြလို့မရတဲ့ ကိစ္စတချို့ကို တိတိကျကျ သိခွင့်ရှိခဲ့လို့ ဒီစီမံကိန်းကြီးဟာ ဆက်လက်လုပ်ကိုင်သင့်တယ်ဆိုရင်လည်း ... ပြည်သူ့ရဲ့အငြိုအငြင်ကို ခံရမှာဖြစ်သလို ဒီစီမံကိန်းကြီးကို ရပ်ဆိုင်းသင့်တယ်လို့ ပွင့်လင်းစွာစုံစမ်းဖော်ထုတ်နိုင်ပြန်ရင်လည်း undertable ကိစ္စများ၊ နောက်ပြန်လှည့်ချင်သူများရဲ့ ကြီးမားတဲ့ဖိအား/တိုက်ခိုက်မှုနဲ့ ရင်ဆိုင်ရမှာဖြစ်ပါတယ်..။ သေချာတာကတော့ အဲဒီသူတွေရဲ့နောက်ကွယ်မှာ အခြေခံဥပဒေဆိုတာကြီးက ရှိနေသလို မြန်မာနိုင်ငံရဲ့ လက်နက်ကိုင်အဖွဲ့အစည်းကြီးကလည်း အခြေခံဥပဒေကို ကာကွယ်ထားတယ်ဆိုတာ.............။
 အားလုံးသဘောပေါက်ကြရင်ဖြင့် .......
ဒေါ်အောင်ဆန်းစုကြည်ကို ၀န်းရံကြပြီး အခြေအနေကို ..စောင့်ကြည့်ကြပါစို့..........။

ဆိုပြီး ကျွန်တော် ရေးထားခဲ့ပါတယ်...။

======================================================================================================================
ဖြစ်စဉ်

အခုအချိန်မှာတော့ မကြာခင်ကဖြစ်သွားတဲ့ ဒေါ်အောင်ဆန်းစုကြည်အပါအ၀င် နိုင်ငံရေးအသိုင်းအ၀ိုင်းတွေနဲ့ ပတ်သက်တဲ့ ဖြစ်စဉ်တွေ အနေအထားတွေကို  ပြန်သုံးသပ်ကြည့်မှာဖြစ်ပါတယ်..။

၂၀၁၂ စက်တင်ဘာလဆန်းမှာ လက်ပံတောင်းတောင်ဆန္ဒပြပွဲတွေမှာ နာမည်ရလာတဲ့ ဦးဆောင်အမျိုးသမီးသုံးယောက် ဖြစ်တဲ့ မအေးနက်၊ မသွဲ့သွဲ့ဝင်း၊ မဖြူဖြူဝင်းတို့ အပါအ၀င် ၁၂ ဦးဟာ ဖမ်းဆီးခံရပါတယ်..။ စက်တင်ဘာ ၁၂ ရက်နေ့မှာ ပုလဲမြို့နယ် NLD လွှတ်တော်ကိုယ်စားလှယ် ဒေါ်ခင်စန်းလှိုင်နဲ့ ကိုဂျင်မီဦးဆောင်တဲ့ ၈၈ မျိုးဆက်ကျောင်းသားအဖွဲ့ဟာ မိမိ အစီအစဉ်နဲ့ ရောက်ရှိလာကြပြီး  ဒေသအာဏာပိုင်တွေနဲ့ သွားရောက်ညှိနှိုင်းခဲ့ပါတယ်..။  ၄င်းတို့ရဲ့  ညှိနှိုင်းဆောင်ရွက်ပေးမှုကြောင့် ပထမ ရွာသူကိုးယောက် ပြန်လွတ်လာပြီး စက်တင်ဘာ ၁၄ မှာ မသွဲ့သွဲ့ဝင်းတို့ သုံးယောက် ပြန်လွတ်လာပါတယ်..။





အဲဒီည ရွာသားတွေနဲ့ တွေ့ဆုံပွဲမှာ  ကိုဂျင်မီက က ဒေသခံများကို  ထိပ်တိုက်ရင်မဆိုင်ရန် နဲ့ ဒီစီမံကိန်းဟာ နိုင်ငံခြင်းပတ်သက်နေတဲ့ စီမံကိန်းဖြစ်တဲ့အတွက် ချက်ချင်း ရပ်တန့်လို့မရကြောင်းလည်း ဖျောင်းဖျပါတယ်...။
ဝက်မှေးရွာကို ဒုတိယအကြိမ် ရောက်ခဲ့ရပြီပါပြီ ။ လက်ပန်းတောင်းတောင်အ
ရေးကို ဆက်လက်တိုက်ပွဲဝင်ဘို့ ရွာသူ/သားတွေနဲ့ လက်တွဲပြီးအတူတူရှိနေ မှာပါလို့ ကိုဂျင်မီ ကဆိုခဲ့ပါသေးတယ်..။




NLD လွှတ်တော်အမတ် ဒေါ်ခင်စန်းလှိုင်ကလည်း လက်ပန်တောင်းတောင် ကြေးနီစီမံကိန်း အရေးကိစ္စကို လွှတ်တော် ထဲမှာ ဆွေးနွေးဖို့နဲ့ ဆွေးနွေးနေစဉ် စီမံကိန်း ရပ်ဆိုင်းထားဖို့၊ ဖမ်းဆီးထားသူ အမျိုးသမီး သုံးဦးကို ပြန်လွှတ်ပေးဖို့နဲ့ ဒီကိစ္စမှာ ပါဝင်ပတ်သက်နေ သူတွေကို နောက်ဆက်တွဲ အရေးယူမှုတွေ မလုပ်ဖို့ စတာတွေကို ဒေသခံတွေကိုယ်စား အာဏာပိုင်တွေနဲ့ ဆွေးနွေးခဲ့ပါသေးတယ်၊



အဲဒီလို ဆောင်ရွက်ခဲ့ကြတာကြောင့် လက်ပံတောင်းတောင်ကို နိုင်ငံရေးပါတီတွေနဲ့ နိုင်ငံရေးအင်အားစုတွေက ပစ်မထားကြဘူးဆိုတာ လေ့လာလို့ရပါတယ်..။

ဒါပေမယ့်  
နောက်တစ်နေ့ စက်တင်ဘာ (၁၅) မှာ .. ၈၈ မျိုးဆက်အဖွဲ့ဟာ ဦးပိုင်လူ အသက် (၈၈) နှစ်၊ ဦးနှမ်းဖြူး(စေ့စပ်ညှိနှိုင်းရေးမှူးကြီး) အသက် (၈၈) နှစ်ဆိုတဲ့  အခေါင်းတွေနဲ့ အသုဘချတဲ့ပုံစံ သရုပ်ပြတာ ခံခဲ့ရပါတယ်..။ အကြောင်းပြချက်က ဒီစီမံကိန်းကို ချက်ချင်းမရပ်ဆိုင်းနိုင်၊ ထိပ်တိုက် ရင်ဆိုင်ဖို့ တားမြစ်တဲ့ အတွက် အစိုးရက ခိုင်းသဖြင့်လာခြင်းဟု ဆိုတာ အခေါင်းဖြင့် ဆန္ဒပြခြင်းပါ..။  
ူထူးခြားတာက မြန်မာလိုဖော်ပြတဲ့ ပြည်ပမီဒီယာအချို့က ၈၈ ရဲ့ ဆောင်ရွက်ချက်တွေကို မီးမောင်းထိုးမပြခဲ့သလို အခေါင်းနဲ့ သရုပ်ပြခဲ့တာကိုလည်း အကျယ်တ၀င့် မဖော်ပြခဲ့ပါဘူး...။







လာရောက်ညှိနှိုင်းပြီး ဒီ ဖမ်းဆီးခံရသူတွေ လွတ်မြောက်ဖို့အတွက် ကြိုးစားပေးခဲ့သူ..၊ ကိုယ်တိုင်ကိုယ်ကျ သွားရောက်ကြိုဆိုခေါ်ယူပေးသူတွေဖြစ်တဲ့ ၈၈ မျိုးဆက်တွေကို တစ်ရက်အတွင်း.. ဒီလို အခေါင်းရိုက်ပြီး အမည်တပ် တုန့်ပြန်ခဲ့တဲ့အတွက် အဲဒီကတည်း သွေးရိုးသားရိုးမဟုတ်သော ထူးခြားချက်အဖြစ် သတိထားမိပါတယ်..။

အဲဒီဖြစ်စဉ်တွေနောက်ပိုင်းမှာ သပ်ိတ်စခန်းတွေ တိုးချဲ့ဖွင့်ပါတယ်..။ သံဃာတွေ ရှေ့တန်းက ၀င်လာပါတယ်..။ တောင်ကြည့်ပွဲတွေ လုပ်လာပါတယ်...။ ရန်ကုန်က ဆန္ဒပြနေကျ အင်အားစုတွေ၊ အထက် ဗကသတွေ ပါဝင်လာပါတယ်..။ ဒေသခံတွေအတွက်တော့ ၀မ်းသာစရာပါ..။ ၀မ်းနည်းစရာကောင်းတာက ၈၈ ဟာ အဲဒီကတည်းက လက်ပံတောင်းတောင်ကိစ္စကို တိုက်ရိုက်စွက်ဖက်မှု မရှိတော့တာပဲဖြစ်ပါတယ်..။

နောက်ပိုင်းတော့ အားလုံးသိကြတဲ့အတိုင်းပဲ .. ဒေါ်အောင်ဆန်းစုကြည် မုံရွာမရောက်ခင် တစ်ရက်အလိုမှာ အစိုးရက သပိတ်စခန်းကို မီးလောင်တိုက်သွင်းခဲ့တဲ့အတွက် သံဃာအများပြား ဒဏ်ရာရ ရုပ်ပျက်ဆင်းပျက် ဖြစ်ခဲ့တဲ့ လက်ပံတောင်းတောင် အကြမ်းဖက်မှုကြီး ဖြစ်ပေါ်ခဲ့ပါတယ်..။

ရက်စွဲအရ ဆိုရင်..။

၂၀၁၂ ခုနှစ် သြဂုတ်လ
အသိမ်းခံမြေများပေါ်တွင် မကျူးကျော်ရ ဆိုင်းဘုတ်များစိုက်ထူ

စက်တင်ဘာ ၅ ရက်
ဒေသခံရွာသားများ ညောင်ပင်ကြီး-ယင်းမာပင်-ပုလဲလမ်းဆုံအနီးတွင် ဆနထုတ်ဖော်

စက်တင်ဘာ ၁၀ ရက်  
စီမံကိန်းများ ရပ်တန့်ရန်အတွက် ဒေသခံများ မုံရွာမြို့သို့ သွားရောက်ဝတ်ပြုဆုတောင်းစဉ် မသွဲ့သွဲ့ဝင်း၊ မဖြူဖြူဝင်းနှင့် မအေးနက်တို့ အပါအ၀င် ၁၂ ဦး ဖမ်းဆီးခံရပြီးနောက် ပြန်လွှတ်ပေးခဲ့

စက်တင်ဘာ ၃၀ ရက်  
မသွဲ့သွဲ့ဝင်း ဦးဆောင်သော ဒေသခံအချို့ ရန်ကုန်မြို့တွင် လာရောက်၍ လက်ပံတောင်းတောင် ကာကွယ်ထိန်းသိမ်းရေးနှင့် နှီးနှောဖလှယ်ပွဲ လာရောက်ကျင်းပ

နိုဝင်ဘာ ၁၇ ရက်
သပိတ်စခန်းများစတင်ဖွင့်

နိုဝင်ဘာ ၁၉ ရက်
အထွေထွေသပိတ်ကြီးစတင်ဖွင့်

နိုဝင်ဘာ ၂၃ ရက်
လက်ပံတောင်းတောင် စုံစမ်းရေးကော်မရှင်ဖွဲ့စည်းရန် လွှတ်တော်မှ အတည်ပြု

နိုဝင်ဘာ ၂၅ ရက်
ကော်မရှင်လုပ်ငန်းများဆောင်ရွက်နိုင်ရန် ဆနထုတ်ဖော်သူအားလုံး သပိတ်စခန်းများမှ ဖယ်ရှားရန်ကြေညာ

နိုဝင်ဘာ ၂၉ ရက်
လုံခြုံရေးတပ်ဖွဲ့ဝင်များက သပိတ်စခန်းများကို ၀င်ရောက်ဖြိုခွဲ၊ သံဃာတော်များ မီးလောင်ဒဏ်ရာရ..။

နိုဝင်ဘာ ၂၉ ရက်
ဒေါ်အောင်ဆန်းစုကြည် ရောက်ရှိ

ဒီဇင်ဘာ ၁ ရက်
စုံစမ်းစစ်ဆေးရေးကော်မရှင်ကို အဖွဲ့ဝင် ၃၀ ဖြင့် ဖွဲ့စည်း

ဒီဇင်ဘာ ၃ ရက်
အဖွဲ့ဝင် ၁၆ ဦးဖြင့် ကော်မရှင်ကို ပြင်ဆင်ဖွဲ့စည်း

--------------------------------------------------------------------------------------------------------------------------------------------------
NLD ၏ လက်ပံတောင်းတောင်အရေး ပါဝင်ပတ်သက်မှု

 နိုဝင်ဘာ (၂၃) ရက်နေ့မှာ  NLD ပုလဲမြို့နယ် လွှတ်တော်ကိုယ်စားလှယ် ဒေါ်ခင်စန်းလှိုင် (မုံရွာသို့သွားရောက်ပြီး မသွဲ့သွဲ့ဝင်းတို့အား လွတ်မြောက်ရန် ကြိုးစားခဲ့သူ) က လွှတ်တော်မှာ အရေးကြီးအဆိုတင်သွင်းခဲ့ပါတယ်..။

လက်ရှိလုပ်ဆောင်နေသော  လက်ပံတောင်းတောင် ကြေးနီစီမံကိန်းနှင့် ပတ်သက်၍ အကျိုးသက်ရောက်မှုအပေါ် လွတ်လပ်သော နိုင်ငံတော်အဆင့် ကော်မရှင်တစ်ရပ် ဖွဲ့စည်းစစ်ဆေးရန် အရေးကြီးအဆို ..။

စံပယ်တောင်၊ စံပယ်တောင် (တောင်ဖက်)နှင့် ကြေးစင်တောင် သတ္တုသိုက်များတွင် ၁၉၇၂-၇၄ ခုနှစ်အတွင်း ဂျပန်အစိုးရ၏ အကူအညီဖြင့် တိုင်းတာချက်အရ ကြေးနီ ၀ ဒသမ ၈၄ ရာခိုင်နှုန်းပါဝင်သော ကြေးနီသတ္တုရိုင်း တန်ချိန် ၉၄ သန်းခန့်ရှိကြောင်း၊ လက်ပံတောင် ကြေးနီသတ္တုသိုက်တွင် ၂၀၀၇ ခုနှစ်က မြန်မာ-အိုင်ဗင်ဟို ကြေးနီကုမ္ပဏီ ကြေးနီလီမိတက်က ထုတ်ပြန်သော တိုင်းတာခန့်မှန်း တွက်ချက်မှုများအရ ကြေးနီ ၀ ဒသမ ၃၈ ရာခိုင်နှုန်းပါဝင်သော ကြေးနီသတ္တုရိုင်း တန်ချိန်စုစုပေါင်း ၁၄၇၈ သန်းခန့် ရှိနိုင်ကြောင်းနှင့် သေချာသော ကြေးနီပမာဏ ၀ ဒသမ ၄၄ ရာခိုင်နှုန်းပါဝင်သော ကြေးနီသတ္တုရိုင်း တန်ချိန်စုစုပေါင်း ၅၇၇ သန်းခန့်ရှိကြောင်း၊
စံပယ်တောင်၊ စံပယ်တောင် (တောင်ဖက်)နှင့် ကြေးစင်တောင်တို့တွင် စီးပွားဖြစ်ကြေးနီထုတ်လုပ်မှုကို ၁၉၉၆ ခုနှစ်တွင် အိုင်ဗင်ဟို သတ္တုတွင်းကုမ္မဏီနှင့် သတ္တုတွင်းဝန်ကြီးဌာန အမှတ်(၁) သတ္တုတွင်းလုပ်ငန်းတို့ ဆတူ (၅၀/၅၀) ပိုင်ဆိုင်သော မြန်မာအိုင်ဗင်ဟို ကော့ပါးကုမ္ပဏီလီမိတက်ကို ထူထောင်ပြီး စတင်ခဲ့ကြောင်း။
၂၀၁၀ ပြည့်နှစ် အစပိုင်းတွင် တရုတ်နိုင်ငံမှ China North Industries Corp (NORINCO) (စစ်လက်နက်ကုမဏီ) က မုံရွာကြေးနီစီမံကိန်းကို ဆက်လက်လုပ်ဆောင်မည်ဖြစ်ကြောင်း ကြေညာပြီး သဘောတူလက်မှတ် ထိုးခဲ့ပြီး ၂၀၁၀ ပြည့်နှစ် ဒီဇင်ဘာလ ၃၁ ရက်နေ့တွင် အမှတ် (၁) သတ္တုတွင်းဝန်ကြီးဌာနက ပိုင်ဆိုင်သော အစုရှယ်ရာ ၅၀ ရာခိုင်နှုန်းကို မြန်မာနိုင်ငံ စီးပွားရေး ဦးပိုင်လီမိတက်သို့ လည်းကောင်း၊ အိုင်ဗင်ဟိုက ပိုင်ဆိုင်သော အစုရှယ်ယာ ၅၀ ရာခိုင်နှုန်းကို (NORINCO) လက်အောက်ခံ ကုမ္ပဏီတစ်ခုဖြစ်သော ၀မ်ဘိုကုမ္ပဏီသို့ လည်းကောင်း လွှဲပြောင်းခဲ့ကြောင်း။
ထို့နောက် လုပ်ငန်းများကို စတင်လုပ်ကိုင်ခဲ့ရာ ၂၀၁၁ ခုနှစ် ဖေဖော်ဝါရီလတွင် ကြေးနီသတ္တုစင်များ စတင်ထွက်ရှိခဲ့ပြီး ၂၀၁၂ ခုနှစ် သြဂုတ်လအထိ ၁၉၁၂၉ ဒသမ ၈၆၉ တန် (အမေရိကန်ဒေါ်လာ ၁၅၃ သန်းဖိုး ခန့်) ထုတ်လုပ်ပြီးဖြစ်ကြောင်း။

လက်ပံတောင်းတောင် စီမံကိန်းတွင် စမ်းသပ်တိုင်းတာမှု လုပ်ငန်းများ ဆောင်ရွက်ပြီးစီးပြီး တည်ဆောက်ရေး လုပ်ငန်းများ၊ အပေါ်ယံမြေသား ဖယ်ရှားခြင်း၊ စွန့်ပစ်မြေ စုပုံခြင်းနှင့် တောင်ပတ်လမ်းများ ဖောက်လုပ်ခြင်း လုပ်ငန်းများကို ဆက်လက်ဆောင်ရွက်နေကြောင်း ။
Myanmar Yang TSE Copper Ltd (MYTCL) က စံပယ်တောင်၊ စံပယ်တောင် (တောင်ဖက်)နှင့် ကြေးစင်တောင် ကြေးနီစီမံကိန်းတွင် အမေရိကန်ဒေါ်လာ သန်းပေါင်း ၃၉၆ ဒသမ ၃၃၇ သန်းနှင့် Myanmar wanbao Mining Copper Ltd (MWMCL) က လက်ပံတောင်းတောင် ကြေးနီစီမံကိန်းတွင် အမေရိကန်ဒေါ်လာ သန်းပေါင်း ၉၉၇ သန်းကို ရာနှုန်းပြည့် ရင်းနှီးမြှုပ်နှံသွားဟု ကုမ္ပဏီများက ပြောကြားကြောင်း၊ မြန်မာနိုင်ငံ စီးပွားရေး ဦးပိုင်လီမိတက်က အဆိုပါကုမ္ပဏီများနှင့် ထုတ်လုပ်မှုခွဲဝေခြင်း စနစ်ဖြင့် ပူးပေါင်းဆောင်ရွက်လျက်ရှိ သည်ဟု သိရကြောင်း ။
သတ္တုတွင်းဝန်ကြီးဌာနက မြန်မာနိုင်ငံ စီးပွားရေး ဦးပိုင်လီမိတက်သို့ စံပယ်တောင်၊ စံပယ်တောင် (တောင်ဖက်)နှင့် ကြေးစင်တောင် ကြေးနီသတ္တုတွင်းလုပ်ငန်းအတွက် ထုတ်လုပ်ခွင့်ပြုကာလ ၂၅ နှစ်၊ လက်ပံတောင်းတောင် ကြေးနီသတ္တုတွင်းလုပ်ငန်းအတွက် သတ္တုတွင်းထူထောင်မှုကာလ သုံးနှစ်နှစ်နှင့် ထုတ်လုပ်ခွင့်ပြုကာလ ၂၅ နှစ် စုစုပေါင်း ၂၈ နှစ် ထုတ်လုပ်ခွင့် ပြုထားကြောင်းလည်း ပြောကြားခဲ့ပါသည်။

အဆိုပါ သတ္တုတွင်းလုပ်ငန်းများအတွက် ယခင်က စံပယ်တောင်၊ စံပယ်တောင် (တောင်ဖက်)၊ ကြေးစင်တောင် ကြေးနီသတ္တုတွင်းအတွက် စုစုပေါင်း မြေဧရိယာ ၆၂၅၃ ဒသမ ၀၄ ဧက (၂၅ ဒသမ ၃၀၆ စတုရန်းကီလိုမီတာ- သုံးမိုင်ပတ်လည် စွန်းစွန်း) ကို သိမ်းယူထားခဲ့ကြောင်း၊ လက်ပံတောင်းတောင် ကြေးနီသတ္တုတွင်းအတွက် ထပ်မံသိမ်းယူသော စုစုပေါင်းမြေဧရိယာမှာ ၇၈၆၇ ဧက (၃၂ ဒသမ ၁၆ စတုရန်းကီလိုမီတာ -သုံးမိုင်ခွဲ ပတ်လည်) ရှိကြောင်းနှင့် ၎င်းမြေများပေါ်တွင် တည်ဆောက်ရေးလုပ်ငန်းများ စွန့်ပစ်မြေ စုပုံမှုများ ပြုလုပ်နေခြင်းဖြစ်ကြောင်း။
ယင်းဧရိယာအတွင်းရှိ ကျေးရွာများ၊ ဘုန်းကြီးကျောင်းများ၊ စာသင်ကျောင်းများမှာ ရွှေ့ပြောင်းခံရပြီး ဒေသခံ တောင်သူလယ်သမားများ၏ နှစ်ရှည်ပင်များကို ခုတ်လှဲဈေးဖြင့်လည်းကောင်း၊ လယ်ယာမြေများကို တစ်ဧကအပေါ် ပျမ်းမျှသီးနှံအထွက်နှုန်း၏ သုံးဆလျော်ကြေးသာပေး၍ သိမ်းယူခဲ့ကြောင်း။
“သိမ်းယူမြေများပေါ်တွင် ဘိုးစဉ်ဘောင်ဆက် နေထိုင်ခဲ့ကြသော ဒေသခံ တောင်သူလယ်သမားတို့မှာ မိမိတို့နားလည်သည့် သုံးနှစ်စာသီးနှံ လျော်ကြေးဟူသော ငွေကြေးနှင့် မိမိတို့ရပ်ရွာကို စွန့်ခွာရမည့် အန္တရာယ်၊ မိမိတို့နှစ်လများစွာ ဖက်တွယ်လုပ်ကိုင် စားသောက်လာခဲ့သော လယ်ယာမြေများကို စွန့်လွှတ်၍ အသက်မွေးဝမ်းကျောင်းဘ၀ နှစ်ရှည်လများ ဖက်တွယ်လုပ်ကိုင် စားသောက်လာခဲ့သော လယ်ယာမြေများကို စွန့်လွှတ်၍  အသက်မွေးဝမ်းကျောင်းဘ၀ ပျက်စီးရမည့် အန္တရာယ်၊ ရိုးရာဓလေ့ နေထိုင်မှု၊ ကိုး ကွယ်မှုများထိခိုက်ရမည့် အန္တရာယ်၊ သတ္တုသန့်စင်လုပ်ငန်းကြောင့် ကြုံ တွေ့နိုင်သည့် ကျန်းမာရေးအန္တရာယ် တို့ကို လဲလှယ်ရမည့်အခြေအနေနှင့် ရင်ဆိုင်နေရပါကြောင်း၊ လိုအပ်ချက် များကို ဖြည့်ဆည်းမပေး ခြင်းအပြင် တာဝန်မဲ့စွာဆောင်ရွက်ထားသည်ဟု ကန့်ကွက်မှုများရှိနေခြင်းဖြစ်ကြောင်း။

လက်ပံတောင်းတောင် ၀န်းကျင်ဒေသခံ ပြည်သူများမှာ ယခင်စံပယ်တောင်၊ ကြေးစင်တောင် စီမံကိန်းမှ အတွေ့အကြုံများနှင့် လက်ရှိကြုံတွေ့နေရမှုများအပေါ် မူတည်၍ ယခုကဲ့သို့ ပြင်းပြင်းထန်ထန် ဆန့်ကျင်ကန့်ကွက်နေကြခြင်း ဖြစ်ကြောင်။
လက်ပံတောင်းတောင် ကြေးနီစီမံကိန်း အပါအ၀င် ယင်းစီမံကိန်းများ၏ လူမှုပတ်ဝန်းကျင်အပေါ် အကျိုးသက်ရောက်မှု သဘာဝပတ်ဝန်းကျင်အပေါ် အကျိုးသက်ရောက်မှု၊ နိုင်ငံတော်၏ အကျိုးစီးပွားတို့နှင့် ပတ်သက်၍ စစ်ဆေးတွေ့ရှိချက်၊ သုံးသပ်ချက်နှင့် အကြံပြုချက်များကို ပွင့်လင်းမြင်သာစွာ ထုတ်ပြန်ပေးနိုင်ရေးအတွက် အဆိုကိုတင်သွင်းရခြင်း ဖြစ်ကြောင်းလို့ ပြောခဲ့ပါတယ်..။

အဲဒီဆိုဟာ  NLD ရဲ့ လက်ပတောင်းကိစ္စကို လွှတ်တော်ထဲမှာ ရဲရဲဝံ့ဝံ့ ချပြခဲ့တဲ့ အဆိုဖြစ်ခဲ့သလို..လက်ပံတောင်းတောင်ကိစ္စကို ထဲထဲဝင်ဝင် လေ့လာမှုပြုထားတယ်ဆိုတာ ခိုင်မာစေတဲ့ အဆိုဖြစ်ပါတယ်..။ ကာကွယ်ရေးဝန်ကြီး ဗိုလ်ချုပ်ကြီးဝေလွင်ကိုယ်တိုင် လာရောက် ရှင်းလင်းဆွေးနွေးခဲ့ရတဲ့အထိ အကျိုးသက်ရောက်မှုရှိလှပါတယ်..။

ထူးခြားတာက ကာကွယ်ရေးဝန်ကြီးဟာ အရေးကြီးအဆို (ချက်ချင်း ရုတ်တရက်တင်လိုက်တဲ့အဆို) ကို Powerpoint persentations နဲ့ Projector အကိုးအကားများဖြင့် (လွှတ်တော်ထဲ တချိန်မှာ ရောက်လာမည်မှန်းသိသဖြင့် ကြိုတင်ပြင်ဆင်ထားသကဲ့သို့) စနစ်တကျ ပြန်လည်ဆွေးနွေးသွားတာပဲဖြစ်ပါတယ်. ..။

ဒါပေမယ့် ဒေါ်ခင်စန်းလှိုင်ရဲ့ အဆိုက ထောင့်စေ့လှတဲ့အတွက် ကာကွယ်ရေးဝန်ကြီးက မကန့်ကွက်ခဲ့ပါဘူး..။ အဲဒါကြောင့် အဆိုကို လွှတ်တော်က အတည်ပြုလိုက်ပါတယ်..။

စုံစမ်းရေးကော်မရှင်ဖွဲ့ပြီးရင် စစ်ဆေးဖို့အတွက် စီမံကိန်းကို ခဏရပ်နားထားရမှာဖြစ်သလို သပိတ်စခန်းတွေကိုလည်း ရုတ်သိမ်းရမှာဖြစ်ပါတယ်..။ အဲဒီမှာ ပြဿနာရှိလာပါတယ်..။ သပိတ်တိုက်ပွဲက ပိုမို ကြီးထွားလာပါတယ်..။ နိုဝင်ဘာ ၂၇ ရက်နေ့မှာ သပိတ်စခန်းတွေ နောက်ဆုံးထာဖယ်ရှားဖို့ အစိုးရက ကြေညာပါတယ်..။

နိုဝင်ဘာ ၂၈ ရက်နေ့မှာ သမ္မတရုံးဝန်ကြီး ဦးအောင်မင်း လာရောက်ပါတယ်..။ မသွဲ့သွှဲု့ဝင်းအပါအ၀င် ဒေသခံများနဲ့ စကား အခြေအတင်ဖြစ်ပါတယ်..။ ပြန်သွားပါတယ်...။ နောက်နေ့ နေမထွက်ခင် သံဃာတော်အများစုသာ သီတင်းသုံးတဲ့ သပိတ်စခန်းများကို မီးလောင်တိုက်သွင်းပါတယ်..။

အဲဒီမှာ လေ့လာမိတာက .. ဦးအောင်မင်းနဲ့ စကားပြောဖို့အတွက် ... အတွေ့အကြုံရင့်ကျက်သော အခြား ခေါင်းဆောင် တစ်ယောက်မှ မရှိဘူးလား ဆိုသော မေးခွန်းဖြစ်ပါတယ်..။ performance ပြပေးသူတွေ၊ ခေါင်းစဉ်တပ် ကဗျာဖွဲ့ပေးသူတွေ ဘယ်ရောက်နေကြပါသလဲ..။ ဒေသခံများဖြစ်ချင်သော ဆန္ဒများကို အထောက်အထားတိတိကျကျဖြင့် သမ္မတနားပေါက်မည့်သူအား ပြောကြားရန်အတွက် အကြံပေးသူ၊ ဦးဆောင်သူတွေ ဘာ့ကြောင့် ရှေ့တန်းထွက်မလာကြသနည်း...။ လူကြားထဲ  စကားဖြင့် အဆော်ခံ အတီးခံရသဖြင့် မျက်နှာအီးမှန်သွားသော ထိုဘိုးတော်မှ မတုန့်ပြန်ဟု .. မည်သူအာမခံမည်နည်း....။

လက်ပံတောင်းတောင် အရေးအခင်းအပြီးမှာ စုံစမ်းရေးကော်မရှင်ဥက္ကဌအဖြစ် ဒေါ်အောင်ဆန်းစုကြည်ကို ခန့်အပ်လိုက်ပါတယ်..။ ကျွန်တော် ယခင် note မှာ ရေးခဲ့သလိုပါပဲ .. တနည်းအားဖြင့် ခေါင်းတည် ပေးခြင်းလို့ ပြောလို့ရပါတယ်..။ ဒေါ်စုအတွက် အကြီးမားဆုံးစိန်ခေါ်မှုပါပဲ.။

နောက်တစ်နေ့ မီးလောင်လူနာကိုသွားကြည့်တဲ့ စုံစမ်းစစ်ဆေးရေးကော်မရှင်ခေါင်းဆောင် ဒေါ်အောင်ဆန်းစုကြည် မုံရွာ ဇက်ဆိပ်သောင်ပြင်မှာ ပြောခဲ့တဲ့စကားရှိပါတယ်..။

အာဏာရှင်လက်ထက်က ပြည်သူ့ဆန္ဒမပါဘဲပေးထားတဲ့ ကတိတွေကို တည်ဖို့လိုသလားမေးမယ်ဆိုရင် နိုင်ငံတကာမှာ ပြန်ကြည့်ပါမယ် နှစ်နိုင်ငံသဘောတူညီချက်တွေကို လေးစားရပါမယ် ပြည်သူ့ဆန္ဒမပါပဲ လုပ်ထားတဲ့ဟာတွေဆိုရင်လဲ တချို့ဟာတွေကို လိုက်နာရပါမယ် ငါတို့ဆန္ဒမပါလို့ ငါမလေးစားဘူး မရပါဘူး ဟိုဖက် ဒီဘက်ကိုကြည့်ရပါမယ်။ ကျမတို့ဟာ အိမ်နီးချင်းနိုင်ငံတွေနဲ့အဆင်ပြေအောင် နေတတ်ရပါမယ် အားလုံးနဲ့အဆင်ပြေအောင်နေတတ်ရပါမယ် အဆင်မပြေရင်ညှိုနှိုင်းရမယ် ဒါမှ နိုင်ငံကြီးပီသပါမယ် အိမ်နီးချင်းနိုင်ငံနဲ့မတည့်လို့နိုင်ငံရွေ့သွားလို့မရပါဘူး ကမ္ဘာတည်သရွေ့ ဒီလူတွေနဲ့နေရမှာဖြစ်တဲ့အတွက် လက်တွေ့ကျကျကြည့်ဖို့လိုပါတယ်။

ဒီပြသနာဖြေရှင်းဖို့ ဘယ်လိုသဘောတူညီချက်တွေနဲ့လုပ်ခဲ့တယ်ဆိုတာကျမတို့ပြည်သူတွေသိရပါမယ်။ ဒါပေါ်မှာအခြေခံပြီးမှမျှတအောင် အပေးအယူလုပ်ဖို့စဉ်းစားရပါမယ် ခုချိန်မှာကုမ္မဏိဘက်ကလည်း ဆွေးနွေးညှိုနှိုင်းချင်တဲ့စိတ်ရှိလာပါတယ် သူများလက်ကမ်းလာရင်ကျမတို့ဘက်ကလည်းလက်ပြန်ကမ်းရပါမယ် စိတ်ကောက်နေလို့မရပါဘူး ရေရှည်ကိုကြည့်ရပါမယ် ကျမကိုတချို့ကဒီစီမံကိန်းလုံးဝရပ်အောင်လုပ်ပေးဖို့ တောင်းဆိုပါတယ် ကျမမှာဒါကိုလုပ်ပေးနိုင်တဲ့အခြေမရှိပါဘူး စုံစမ်းစစ်ဆေးရေးကော်မရှင်ရဲ့ စုံစမ်းထားတဲ့ အဖြေပေါ်မှာ အခြေခံပြီးအကောင်းဆုံး ဆုံးဖြတ်ချက်ချသင့်တယ်လို့ထင်ပါတယ် အပေးးအးယူလုပ်တဲ့နည်းသာလျင် ယဉ်ကျေးတဲ့နည်းနဲ့ ဖြေရှင်းခြင်းဖြစ်ပါတယ် ကိုယ်နဲ့မတည့်တဲ့သူကို မီးဗုံးနဲ့ပစ်တာ သေနတ်နဲ့ပစ်တာမျိုးတော့ မရပါဘူး။

မနေ့မနက်က သံဃာတော်တွေကို ကြမ်းကြမ်းတမ်းတမ်း နိုမ်နင်းတယ်လို့သိရပါတယ် ကျမ သက်ဆိုင်ရာနဲ့ တွေ့ပါတယ် ဘာကြောင့် ဒီလောက်ကြမ်းကြမ်းတမ်းတမ်းဖြေရှင်းရတာလဲလို့ ပြည်သူအနေနဲ့မေးပိုင်ခွင့်ရှိပါတယ် ဒီလောက်ကြမ်းကြမ်းတမ်းတမ်းရှင်းဖို့လုံးဝမလိုအပ်ပါဘူး မနေ့ကဆေးရုံမှာ သွားကြည့်ပါတယ် ကျမနဲ့တွေ့တဲ့ ရွာသူရဲ့ကိုယ်ပေါ်မှာလည်း မီးလောင်ဒဏ်ရာတွေတွေ့ခဲ့ပါတယ်....။

အဲဒီလိုပြောခဲ့ပြီးနောက်ပိုင်း ၂၀၁၃  မတ်လမှာ  ဒေါ်အောင်ဆန်းစုကြည်ဟာ ယခုလို စနစ်ကျ ပြည့်စုံလှတဲ့ အစီရင်ခံစာကို ကော်မရှင်အဖွဲ့ဝင်များနဲ့အတူ ပြုစုခဲ့ပါတယ်..။ ရုတ်တရက်ကြည့်ရင် ဝေ့နေတယ်ထင်ရပေမယ့် တကယ်တမ်းတော့ ဒီအစီရင်ခံစာဟာ စီမံကိန်းကို ပြင်ဆင်ပြီး ဆက်လုပ်ဖို့ အကြံပြုထားပါတယ်..။ တကယ်တမ်း ပြင်ဆင်မယ်ဆိုရင် ဦးပိုင်နဲ့ ၀မ်ပေါင်ဘက်က ပေးဆပ်မှုတွေ များပြားပြီး ရွာသားတွေအတွက် အကျိုးခံစားခွင့်တွေရလာမှာဖြစ်ပါတယ်..။ ၄င်းတို့ဘက်မှ ကော်မရှင်အကြံပြုချက်များကို တိကျစွာ မဆောင်ရွက်နိုင်လျှင် ပြဿနာ ပိုမိုကြီးထွားလာမှာဖြစ်ပါတယ်..။



=====================================================================================

နိုင်ငံရေးလုပ်ကြံမှု

အခု ဒေါ်အောင်ဆန်းစုကြည် လက်ပံတောင်းဒေသက ရွာတွေကို စည်းရုံးရေး ဆင်းနေချိန်မှာ ဖြစ်ပေါ်နေတဲ့ ဖြစ်စဉ်တွေဟာ နိုင်ငံရေးလုပ်ကြံမှုလောဟု သုံးသပ်ကြည့်ပါ့မယ်... ။

ပထမဆုံး စဉ်းစားမိတာက ...
၈၈ မျိုးဆက်တွေကို မနှစ်က စက်တင်ဘာလက ဦးနှမ်းဖြူး လို့ လက်ပံတောင်ဒဒေသမှာ အခေါင်းသွင်း သရုပ်ပြ သဂြိုဟ်ခဲ့တဲ့ ကိစ္စဟာ ပေါ့သေးသေးမဟုတ်ပါဘူး..။

နောက်တစ်ချက်က စုံစမ်းရေးကော်မရှင်ဖွဲ့ဖို့ အဆို လွှတ်တော်မှာ နိုဝင်ဘာ (၂၃) မှာ တင်တယ်..။ နိုဝင်ဘာ ၂၆ ရက်နေ့မှာ  ဒေါ်နော်အုန်းလှတို့ လက်ပံတောင်းတောင်အရေး ဆန္ဒပြလို့ အဖမ်းခံရတယ်..။ ဟန်ဝင်းအောင်အပါအ၀င် လူအချို့ မပါပါဘူး..။ ဒေါ်နော်အုန်းလှတို့ကိုဖမ်းစဉ်က သတင်းတွေထွက်ခဲ့တာက ဖမ်းတုန်းက ပုဒ်မ(၁၈) ၊ ရုံးတင် တရားစွဲတော့ ပုဒ်မ (၅၀၅-ခ)-အာမခံပေးလို့မရတဲ့ပုဒ်မ၊ ဒီဇင်ဘာ (၁၁) မှာ ၄င်းတို့ ပြန်လွတ်လာတော့ ကိုယ်တိုင်ခံဝန်ချက် (အာမခံ) နဲ့လို့ သိရပါတယ်...။ အဲဒီလို လွတ်လာပြီး နောက်တစ်ရက် နှစ်ရက်အတွင်းမှာ ပဲ ပြန် ဆန္ဒပြပါတယ်..။

 


၎င်းတို့လွတ်လာပြီးနောက်ပိုင်းမှာ ကော်မရှင်ကို မယုံဘူးဆိုတဲ့အသံတွေ ကြားလာရပါတယ်..။ သပိတ်စခန်းတွေ ပြန်ဖွင့်တယ်ဆိုတာတွေကြားလာရပါတယ်..။ ကော်မရှင်ရဲ့ အစီရင်ခံစာ ထွက်ချိန် တောင်ကြည့်ပွဲတွေ.. တောင်သိမ်းပွဲတွေ အင်အားသုံးဆန္ဒပြတာတွေ များလာပါတယ်.. ။ အဲဒီတော့ .. ဆိုလိုချင်တာက ဒေသခံတွေကို Guide လုပ်နေသူတွေအနေနဲ့ အစီရင်ခံစာကို အစကတည်းက အရေးစိုက်မှု မရှိဘူးဆိုတာ ပေါ်လွင်လာပါတယ်..။ ၄င်းတို့တွေ အစီရင်ခံစာ ထွက်မလာခင်မှာ ရန်ကုန်မှာ အစီရင်ခံစာကို ဆန္ဒပြဖို့ ခွင့်ပြုမိန့် ကြိုတင်ယူထားတာလည်း ပေါ့သေးသေးမဟုတ်သလို အဲဒီခွင့်ပြုမိန့်ကို သက်ဆိုင်ရာက ခွင့်ပြုပေးလိုက်ဟာလည်း ပေါ့သေးသေးမဟုတ်ဘူး..။

အစီရင်ခံစာ ထွက်လာချိန် ဒေါ်အောင်ဆန်းစုကြည် လက်ပံတောင်းကိုလာပြီး အစီရင်ခံစာပါအချက်တွေကို ရှင်းပြဖို့ ကြိုးစားတယ်..။ အဲဒီအချိန်မှာ ဖြစ်သင့်တာက ၄င်းတို့ ဆန္ဒပြခေါင်းဆောင်တွေက နေရာတစ်ခုမှာ အတိအကျ ချိန်းပြီး  ဒေါ်အောင်ဆန်းစုကြည်နဲ့ ညှိနှိုင်း၊ လိုအပ်ချက်ကို ရှင်းပြ၊ အားနည်းချက် အားသာချက်တွေ ထောက်ပြ၊ မကျေနပ်ရင် မကျေနပ်ကြောင်း ဆွေးနွေးရမယ့် ကိစ္စမလုပ်ပဲ ရွာလူထုနဲ့ ထိပ်တိုက်တွေ့ပေးလိုက်တယ်..။ အဲဒီတော့ ရွာလူထုက မိမိတို့ ခံစားချက်တွေ ပေါက်ကွဲလိုက်တယ်..။

အမှန်ဆို ၄င်းတို့က ခေါင်းဆောင်ပီပီ ရှေ့မှာ တာဝန်မယူပဲ ရည်ရွယ်ချက်ရှိရှိ ရွာနဲ့ လွှတ်ပေးလိုက်တာဖြစ်တယ်လို့ ယူဆပါတယ်..။  တနည်းအားဖြင့်ပြောရရင် ကမ္ဘာ့မီဒီယာအလယ်မှာ ဒေါ်စုကို ဒေါသတကြီး တုန့်ပြန်နေကြတဲ့ပုံတွေကို ပါချင်ပုံရပါတယ်..။

နောက်တစ်ချက်က အစီရင်ခံစာကိစ္စ..။ အစီရင်ခံစာကို ၄င်းတို့လည်း သေချာစွာဖတ်မည်မဟုတ်သလို ရွာသားများကိုလည်း ရှင်းပြမည်မဟုတ်ပါ..။ ထူးခြားတာက ဘယ်ပြည်ပ မီဒီယာကမှ ရွာသားတွေ အစီရင်ခံစာ မဖတ်ကြကြောင်း အထူးပြုဖော်ပြခြင်းများ မပြုလုပ်ကြပါ..။
ဗီဒီယိုဖိုင်များတွင် အစီရင်ခံစာ ဖတ်ပြီလားဟု ဒေါ်စု မေးသည်ကို ဖြေသော လူငယ်မှာ ရန်ကုန်မှဖြစ်ကြောင်းသိရသဖြင့် အံ့သြမိပါတယ်..။
အဲဒီတော့ မေးစရာ ရှိလာပါတယ်...။

ဒေါ်အောင်ဆန်းစုကြည့်နှင့်အတူ ရွာတွင်းသို့ လိုက်ပါသွားသော .. အဆိုတော် လင်းလင်းရဲ့ အတွေ့အကြုံကိုလည်း လေ့လာစေချင်ပါတယ်..။
ဆည်တည်း ရွာတွင် အမေနဲ့  လုံခြုံရေး ၅ ယောက်ဘဲ ခွင့်ပြု မယ်ဟုပြောသောကြောင့် ကျွန်တော်ရယ် လုံခြုံရေးအဖွဲ့ မှ ကိုဆန်နီ၊ကိုဘန်နီ၊ကိုမောင်
မောင်ဦး၊ ကိုစိုးဝင်း တို့ အမေ နဲ့  အတူဝင်ရောက်သွားရာတွင် ရွာသူတဦးရုတ်တရက် သေဆုံး ပြီဟု ဆိုကာ အမေနှင့် လုံခြုံရေး အဖွဲ့ အား လွယ်အိတ်ထဲမှ ဓားတိုများကိုင်ပြီး လူစု၍ ခင်များတို့ အကုန်လုံးကို သွေးစွန်း တော့မယ်၊ အပြတ်ရှင်းတော့မယ် ဟုကျွန်တော့်အနား ကပ်လာ ပြီးခြိမ်းခြောက်သူ၊ Internet ပေါ်တွင်ပျံ့ နှံ့ နေသည့်
သွေးထိုးလှုံ့ ဆော်သူ သံသယဖြစ်ဖွယ် လူစာရင်းထဲမှ နာမည်ကြီး ခေါင်းဆောင် တဦး၏ အစွယ်အပွားတဦးပါ၊

https://www.facebook.com/photo.php?fbid=175874562561539&set=a.100837463398583.1422.100004169881362&type=1&relevant_count=1





အထဲကို လူငါးယောက်သာ အ၀င်ခံပြီး နေပူထဲလမ်းလျှောက်ခိုင်းသော ဆန္ဒပြ ခေါင်းဆောင်များ၏ အမျှော်အမြင်ကိုလည်း သတိထားမိပါတယ်..။ တကယ်လို့ မတော်တဆ တစ်ခုခု ဖြစ်ခဲ့သော်.... အစားထိုးမရသော ဆုံးရှုံးမှုအဖြစ် တစ်နိုင်ငံလုံး၏အနာဂတ်နှင့် မိုင်သုံးဆယ်ဝန်းကျင်က လူဦးရေ/ သယံဇာတ များနှင့် အစားထိုးမရပေ..။


အဲဒီတော့ ယခု ဖြစ်စဉ်တွေကို သုံးသပ်ကြည့်ရင်..။

(၁) ခေါင်းရောင်းခဲ့တာဟာလည်း နိုင်ငံရေးလုပ်ကြံမှုပါပဲ..။

(၂) ဒေါ်အောင်ဆန်းစုကြည်မလာခင် သံဃာတွေကို မီးလောင်အောင်လုပ်ခဲ့သူက လုပ်ခဲ့တယ်..။ လာမယ်ဆိုတာ သိရက်နဲ့ သပိတ်စခန်းမီးရှို့ပြီး တက်သိမ်းတာဟာလည်း နိုင်ငံရေးလုပ်ကြံမှုပါပဲ..။

(၃) ချက်ချင်း စုံစမ်းရေးကော်မရှင် ဥက္ကဌ ခန့်တာလည်း နိုင်ငံရေးလုပ်ကြံမှုပါပဲ..။

(၄) ဆန္ဒပြသူတွေကို  ထောင်ထဲက ထုတ်ပေးခဲ့တဲ့ သူတွေကို ၂၄ နာရီအတွင်း (အခေါင်းသွင်း နာမည်တပ်) ခါထုတ်လိုက်ခြင်း၊ နေပူထဲ လမ်းလျှောက်ခိုင်းခြင်းဟာလည်း နိုင်ငံရေးလုပ်ကြံမှုပဲ..။ (သက်ဆိုင်သူအမျိုးသမီးများ ရှက်တတ်ပါစ။ NLD ကျေးဇူး ၄င်းတို့ အပေါ်တွင်ရှိပါသည်..။)

(၅) ဒေါ်အောင်ဆန်းစုကြည်ကို ဒေါသထွက်နေတဲ့ ရွာလူ ထုနဲ့ ထိပ်တိုက်တွေ့ပေးတာဟာလည်း နိုင်ငံရေးလုပ်ကြံမှုပါပဲ.။

(၆) ဒီဖြစ်စဉ်တွေကို ကမ္ဘာ့အလယ်မှာ ထင်ပေါ်စေအောင် ရည်ရွယ်ချက်ဖြင့် နှပ်ကျောင်းပေးနေခြင်းဟာလည်း နိုင်ငံရေးလုပ်ကြံမှုပါပဲ ..
ဟု သုံးသပ်ပါသည်..။

အဲဒီတော့က  NLD ၏ လက်ပံတောင်းတောင် စီမံကိန်းကို ဘယ်လောက်အထိ စိတ်ဝင်စားမှုရှိသည်ကို ဖော်ပြခဲ့ပြီးသလို ယခုဖြစ်စဉ်တွင် မည်သူတွေ ပါဝင်နေသည်ကို ရေးရေးလေး တွေးတတ်ရင် ဒီ Note ကို ဖတ်ရကျိုးနပ်ကြမည်ထင်ပါသည်..။

ဘာပဲပြောပြော

လက်ရှိအချိန်တွင်
ဒေါ်အောင်ဆန်းစုကြည်ကို ကာကွယ်ကြဖို့ လိုပါသည်..။

မည်သူမဆို share နိုင်ပါသည်..။

ငရဲသား..။


ကိုးကား
internet photos
7 days news journal
mizzima news
irrawaddy

ပထမ ကျွန်တော်ရေးထားတဲ့ဆောင်းပါးတွေကို အောက်ပါ link တွေမှာ ဖတ်ရှု နိုင်ပါတယ်...

လက်ပံတောင်းတောင် ကြေးနီစီမံကိန်း၏ နောက်ကွယ် အပိုင်း (၁)
https://www.facebook.com/notes/%E1%80%84%E1%80%9B%E1%80%B2-%E1%80%9E%E1%80%AC%E1%80%B8/%E1%80%9C%E1%80%80%E1%80%B9%E1%80%95%E1%80%B6%E1%80%B1%E1%80%90%E1%80%AC%E1%80%84%E1%80%B9%E1%80%B8%E1%80%B1%E1%80%90%E1%80%AC%E1%80%84%E1%80%B9-%E1%80%B1%E1%81%BE%E1%80%80%E1%80%B8%E1%80%94%E1%80%AE%E1%80%85%E1%80%AE%E1%80%99%E1%80%B6%E1%80%80%E1%80%AD%E1%80%94%E1%80%B9%E1%80%B8-%E1%80%B1%E1%80%94%E1%80%AC%E1%80%80%E1%80%B9%E1%80%80%E1%80%BC%E1%80%9A%E1%80%B9/360931797316413




လက်ပံတောင်းတောင်ကြေးနီစီမံကိန်း၏နောက်ကွယ်..(အပိုင်း ၂)။
https://www.facebook.com/notes/%E1%80%84%E1%80%9B%E1%80%B2-%E1%80%9E%E1%80%AC%E1%80%B8/%E1%80%9C%E1%80%80%E1%80%B9%E1%80%95%E1%80%B6%E1%80%B1%E1%80%90%E1%80%AC%E1%80%84%E1%80%B9%E1%80%B8%E1%80%B1%E1%80%90%E1%80%AC%E1%80%84%E1%80%B9%E1%80%B1%E1%81%BE%E1%80%80%E1%80%B8%E1%80%94%E1%80%AE%E1%80%85%E1%80%AE%E1%80%99%E1%80%B6%E1%80%80%E1%80%AD%E1%80%94%E1%80%B9%E1%80%B8-%E1%80%B1%E1%80%94%E1%80%AC%E1%80%80%E1%80%B9%E1%80%80%E1%80%BC%E1%80%9A%E1%80%B9-%E1%80%A1%E1%80%95%E1%80%AD%E1%80%AF%E1%80%84%E1%80%B9%E1%80%B8-%E1%81%82/390318674377725

 အဖြေပေးထားသော သင်္ချာတပုဒ်
-ရွှေကူမေနှင်း
-၂၄.၃.၂၀၁၃


ပြည်ထောင်စု သမ္မတ မြန်မာနိုင်ငံတော်၊ စုံစမ်းစစ်ဆေးရေး ကော်မရှင် ၊ သတင်း ထုတ်ပြန်ချက် အမှတ် (၄/၂၀၁၃)၊ (၂၀၁၃ ခုနှစ်၊ မတ်လ ၁၁ ရက်)


အထက်ပါ သတင်းထုတ်ပြန်ချက် အပြည့်အစုံကို ၁၂- ၃- ၂၀၁၃ နေ့ထုတ် သတင်းစာတွင် ဖော်ပြခဲ့ခြင်းကို ဖတ်ရှုရသည်။ “အပြည့်အစုံ” သည် ရှည်လျားလှ၏။ အချို့နေရာများတွင် အကြောင်းအရာများ “ပွရောင်း”ပြီး ထပ်နေသည်။ လိုလည်း တွေ့ရ၏။ ခြုံ၍ကြည့်သောအခါ “အဖြေပေးထားသော သင်္ချာတပုဒ်ကို အဖြေမှန် မရ ရအောင် တွက်ထားသောနည်း” ဟု မြင်ပါသည်။

မဏ္ဍိုင် ၃ ရပ်အား တည့်မတ်ပေးရမည် ဆိုသော စတုတ္ထမဏ္ဍိုင်၏ တာဝန်အရ အထက်ပါ အစီရင်ခံစာကို ထောက်ပြရပါမည်။


(၁) ဒေသခံ လူထုသည် မြေယာသိမ်းမှုနှင့် ပတ်သက်၍ ထိုက်သင့်သည့် လျော်ကြေးငွေ မရရှိသဖြင့် လည်းကောင်း၊ ထိုက်သင့်သော အလုပ်အကိုင် အခွင့်အလမ်း မရရှိခြင်းကြေင့် လည်းကောင်း မကျေ မနပ်ဖြစ်ကာ ဆန္ဒပြမှုများ စတင် ဖြစ်ပေါ်လာခဲ့ခြင်း ဖြစ်ပါသည်။

မြေယာသိမ်းဆည်းရာတွင် သက်ဆိုင်ရာ ၀န်ထမ်းများက ပွင့်လင်းမြင်သာစွာ ရှင်းလင်းပြခြင်း မရှိခဲ့ပါ။ ထို့ကြောင့် ဒေသခံများက သီးနှံအတွက် လျော်ကြေးသာ ပေးသည် ထင်မြင်ယူဆခဲ့ ပါသည်။ ထိုသို့ လျော်ကြေးပေးရာတွင်လည်း ၀န်ထမ်းအချို့က ပြေပြေလည်လည် ပြောဆိုဆက်ဆံမှု မရှိခြင်းကြောင့် ပြဿနာ ပိုမိုကြီးထွားလာပါသည်။ ထိုအခြေအနေ တွင် ဒေသပြင်ပက အဖွဲ့အစည်းများကလည်း ရောက်ရှိလာကာ ဆန္ဒပြမှုများ အရှိန်မြင့်
(၆) လက်ပံတောင်း တောင်ကြား တောရစင်္ကြန်ကျောင်း ဟုခေါ်သော မြေနေရာနှင့် ၎င်းအပေါ်ရှိ စေတီ၊ သိမ်၊ ကျောင်း စသော ဗုဒ္ဓ သာဿနိက အဆောက်အအုံ များသည် လက်ပတောင်းတောင် ကြေးနီစီမံကိန်းတွင် အလယ်ဗဟို၌ တည်ရှိပြီး သတ္တုသိုက် တည်ရှိရာ အဓိကနေရာ ဖြစ်ကြောင်း …. လက်ရှိ အနေအထားအတိုင်း အခြားသင့်တော်မည့် နေရာတခုခု သို့ ပြောင်းရွှေ့ပေးသင့်ကြောင်း။ (အပိုဒ် ၊ ၈၃ (ဂ) )

သည်လိုဆိုလျှင် အကယ်၍ ရွှေတိဂုံစေတီကြီး တည်ရှိရာ သိဂုတ္တရတောင်အောက်၌ စိန်တွင်းကြီးရှိသည်ဟု နိုင်ငံခြား ကုမ္ပဏီများက လာရောက် တူးဖေါ်ချင်လျှင် ရွှေတိဂုံစေတီကြီးကို ရွှေ့ပစ်ကြမှာလား။
……………………………………………………………………………………………….

အထက်ပါ စာစုလေးကို ဖတ်ရှုပြီးသောအခါ ကျနော် မင်တက်မိ ငေးငိုင်သွားရသည်။ ဗုဒ္ဓဘာသာဝင် မြန်မာလူမျိုးတို့၏ ရင်တွင်း  အဇ္ဖျတ္တ သန္တာန် ၌ လယ်တီ ဆရာတော်ဘုရားကြီး နှင့်  မြတ်စွာဘုရားသခင် ကိုယ်တော်မြတ်ကြီး  ထပ်တူပြု နှိုင်းယှဉ်၍ ရနိုင်မည်ဆိုလျှင်…. သိဂုတ္တရတောင် နှင့် လက်ပံတောင်းတောင် နှိုင်းယှဉ်သုံးသပ်ခြင်းအား အငြင်းပွားဖို့ လိုမည် မဟုတ်ဟုသာ ဆိုချင်ပါတော့သည်။ စဉ်းစား ကြည့်ကြပါကုန်…။
ဆရာမကြီး တွေးတောဆင်ခြင်နိုင်ဖို့ သာဓက အနည်းငယ် ဖော်ပြလိုပါသည်။

သာသနာ့ အမွေ အမှန်တကယ် ကိန်းဝပ်စံပါယ်တော်မူသော သာသနာ့ အောင်မြေ အစစ်အမှန်ဖြစ်ပါက မည်သို့သော ပုထုဇဉ်ကမှ ဖျက်ဆီးပျောက်ကွယ်စေခြင်း မပြုနိုင်ပါ။ မြန်မာနိုင်ငံမှာ ငလျင် နှစ်ကြိမ် ရှေ့ဆင့် နောက်ဆင့် လှုပ်ခတ်ခဲ့မှုကြောင့် ပထမ အကြိမ်မှာ ရွှေတိဂုံစေတီတော်၏ ထီးတော်မြတ် တိမ်းစောင်း သွားခဲ့ပြီး နောက်တကြိမ် အလှုပ်တွင် အလိုအလျောက် ပြန်လည်တည့်မတ်သွားရသည့် ဖြစ်ရပ်မှာ ဒဏ္ဍာရီလာ ယုံတမ်း စကားမဟုတ်ပါ။ လွတ်လေပ်ရေးရပြီး ခေတ်မှာ ဖြစ်ပျက်ခဲ့တာ ဖြစ်ပါသည်။ သွားလေသူ အာဏာရှင်ကြီး ဦးနေဝင်း လက်ထက်ဟု မှတ်သားဖူးပါသည်။
သာသနာ မကွယ်ပျောက်အောင်နှင့် တည့်တံ့ခိုင်မြဲ ပျံ့ပွားအောင် အဓိက ထိန်းသိမ်းကာကွယ် စောင့်ရှောက်သည်မှာလည်း သာသနာ့အာဇာနည် အရိယာ အရှင် သူတော်စင်မြတ်များသာ ဖြစ်ကြောင်း အငြင်းပွားဖွယ် မရှိပါ။


တဖန် ကမ္ဘာသိ အထင်အရှား ဖြစ်သော အမျိုးသားယဉ်ကျေးမှု အမွေအနှစ်တည်ရှိရာအရပ်ကို ပျောက်ပျက်အောင် လုပ်ဆောင်ခြင်း ဖြစ်ပါကလည်း မြန်မာတမျိုးသားလုံး ခေါင်းငုံ့ခံနေမည် မဟုတ်ပါ။ သိဂုတ္တရတောင် မပြောနှင့် မန္တလေးတောင်ကိုပင် ဖျောက်ဖျက်ပစ်ဖို့ စဉ်းစားကြည့်ပါအုံး။ မြစ်ဆုံ ကိစ္စ အောင်ပွဲခံတာ ထိုအချက်ကြောင့် ဟု ယူဆပါသည်။

လက်ပံတောင်းအရေးနှင့် ပတ်သက်၍ ဆုံးရှုံးနစ်မှုနှင့် ရင်ဆိုင်နေရသော ဒေသခံ ပြည်သူလူထု တောင်းဆို ဆန္ဒပြကြတာကို စာနာမှု အပြည့်ဖြင့် ထောက်ခံပါသည်။ ထိုကိစ္စအတွက် အစိုးရနှင့် သက်ဆိုင်ရာ ကုမ္ပဏီများက ဒေသခံ လူထု စိတ်ကျေနပ်မှု ရှိသည်အထိ ညှိနှိုင်း ဖြည့်ဆည်းဆောင်ရွက် ပေးရမည်သာ ဖြစ်ပါသည်။


သို့သော် ထိုအရေးတွင် လူထုအပေါ် အတော်အတန် သြဇာ ရှိသော ပုဂ္ဂိုလ်တဦးက မလျော်မကန် ဥပမာပြု အသုံးများဖြင့် ရေးသားဖော်ပြနေခြင်းမှာ အလွန်တရာ ရုပ်ဆိုးလွန်းလှသည်ဟု ထင်မြင်မိပါသည်။


နေမင်းသူ
၂၅-၀၃-၂၀၁၃

မြန်မာအက္ခရာ ဗျည်း (၃၃) လုံးအားအထီးအမ ခွဲခြားခြင်း

    ခုခေတ်ကျွန်တော်တို့ လူငယ်လူရွယ်များ က နိုင်ငံခြားဘာသာစကားများစွာတက်ကျွမ်းကြ ပါတယ် ၊ အလေးပေးပီးတော့လည်း လေ့လာလိုက်စားကြပါတယ်။ဒါပေမဲ့ကိုယ့်မိခင်ဘာသာစကားဖြစ်တဲ့ မြန်မာစာကိုတော့
လေ့လာလိုက်စားမှုအားနည်းတာစိတ်မကောင်းစွာတွေ့ရပါတယ် ။ ဘာလို့လဲဆိုတော့ အင်တာနက်စာမျက်နှာတော်တော်များများမှာသတိမထားမိလို့မှားတဲ့အမှားမျိုးမဟုတ်တဲ့သတ်ပုံအမှားတွေ ပြီးတော့ စာလုံးဆင့်များရေးသာရာမှာ မှားယွင်းစွာရေးသားကြတာတွေတွေ့ မိပါတယ် ။

      ဒါကြောင့်မို့လို့ကိုယ့်မိခင်ဘာသာစကားဟာလေးနက်ကြွယ်ဝသလို၊ပညာသားလည်းပါတယ်ဆိုတာသိစေချင်တဲ့
ရည်ရွယ်ချက်နဲ့ကျွန်တော်သိတာလေးတွေပြန်လည်မျှဝေပေးတာပါ ။ မြန်မာစာဟာလေးနက်မှုရှိမရှိ ပညာသားပါမပါဆိုတာ အောက်က ပုံလေးကိုတစ်ချက်ကြည့်ပါ ။

ဒီလိုရေးထားတဲ့ပုံလေးကိုကျွန်တော်တို့သူငယ်တန်းကတည်းက တွေ့ခဲ့ဖူးပါတယ် ။ အောက်ဆုံးမှာရှိတဲ့ ဟ ၊ ဠ ၊အတို့ဟာအလယ်မှာရှိနေတာဟာငယ်ငယ်ကတော့ကြည့်လို့ကောင်းအောင်၊လှအောင်လို့အလယ်မှာထားထား
တယ်လို့ထင်မိပါတယ် ။ ဒါပေမဲ့ တကယ်တေ့ာအလှထားထားတာမဟုတ်ပါဘူး ။ တကယ်လို့ ဟ ၊ ဠ ၊အ တို့ကို အပြာနဲ့  ဘောင်ခတ်ထားတဲ့ နေရာမှာဖြစ်ဖြစ် ၊ အနီနဲ့ဘောင်ခတ်ထားတဲ့နေရာမှာဖြစ်ဖြစ်ထားခဲ့မယ်ဆိုရင် အဲဒါဟာမှားပါတယ် ။ ဘာကြောင့် မှားလဲဆိုတော့  မြန်မာအက္ခရာ တစ်လုံးချင်းစီကိုရှေးပညာရှိများက အထီး ၊ အမ  နဲ့ ဗိုလ် ၊ တပည့် ဆိုပီး ခွဲခြားထားခဲ့လို့ပါပဲ ။ အောက်ကပုံလေးကြည့်ကြည့်ရင်ရှင်းသွားမှာပါ။



    ဖို ဆိုတဲ့ အတိုင်ရဲ့အောက် က အက္ခရာ များဟာ အထီးအက္ခရာ များဖြစ်ပါတယ် ။ မ ဆိုတဲ့ အတိုင် အောက်က အက္ခရာ များကတော့ အမ အက္ခရာ များဖြစ်ပါတယ် ။ ဘေးအစွန်ဆုံး ပန်းရောင်နဲ့ ဘောင်ခတ်ထားတဲ့ အက္ခရာ များကတော့ ဗိုလ် အက္ခရာ များဖြစ်ပါတယ် ။ ရှေ့က က ဝဂ် ၊ စဝဂ် ၊ ဋဝဂ် ၊ တဝဂ် ၊ ပဝဂ် ဆိုတာတွေကတော့ ဌာန် (အသံလာရာနေရာ) တူရာကို ဝဂ်ဗျည်းများအဖြစ် စုထားတာဖြစ်ပါတယ် ။ အဝဂ် ဆိုတာကတော့ ဌာန်မတူတဲ့ အက္ခရာတွေအစုဖြစ်ပါတယ် ။
      အပေါ်မှာပြောထားခဲ့တိုင်းပါပဲ  ဟ ၊ ဠ ၊ အ တို့ကို အပြာလေးထောင့်ကွက်နေရာသွားထားလိုက်မယ်ဆိုရင် ဟ = အထီး ၊ ဠ = အမ ၊ အ =အထီး အက္ခရာ ဆိုပီးပြောင်းပြန်တွေဖြစ်ကုန် ပါတယ် ။ တကယ်လို့ အနီကွက်နေရာပြောင်းထားလိုက်မယ်ဆိုရင် လည်း အ အက္ခရာ ဟာ ဗိုလ် အက္ခရာ ဖြစ်သွားပါမယ် ။ အဲဒါကြောင့် အလည်မှာထားမှသာလျှင်အမှန်ဖြစ်ပါတယ် ။
     ဒီအက္ခရာတစ်လုံးချင်းဆီကိုဘာကြောင့်အထီး၊အမနှင့်ဗိုလ်တပည့်ရယ်လို့ခွဲခြားထားတာ လဲ ၊ အဲဒါ တွေကိုဘယ်မှသုံး လဲဆိုတော့လုံးဆင့်စာလုံးများ ရေးသားရာမှာသုံးပါတယ်။ဘယ်လိုမျိုးဥပဒေသလဲဆိုတော့

၁ ။ လုံးဆင့်ရေးသားရာတွင် အမြဲတမ်း အထီးအက္ခရာ များသည် အမ အက္ခရာ    များအပေါ်မှာထားပီးဆင့်ပါတယ် ။
၂ ။ အမ အက္ခရာ ဘယ်တော့မှ အပေါ်ကထားပီးမဆင့်ပါ ။
၃ ။ အထီးအက္ခရာ အချင်းချင်း ဆင့်နိုင်ပါတယ် ။၎ ။ အမ ၊ အမ ချင်းဆင့်နိုင်ပါတယ် ။
၅ ။ ဌာန်တူ ဝဂ်တွေရဲ့ တတိယကော်လံ မှာရှိနေတဲ့ ဖို အက္ခရာတွေဟာ ဒုတိယနှင့် ပထမ ကော်လံမှာရှိနေတဲ့ အက္ခရာတွေပေါ်ဆင့်နိုင်ပါတယ် ။
၆ ။ ဌာန်တူရာတွေစုထားတဲ့ ဝဂ်တွေရဲ့ နောက်ဆုံး (ပန်းရောင်နဲ့ဘောင်ခတ်ထားတဲ့အက္ခရာ) ဗိုလ် အက္ခရာ များဟာ သူ့ရှေ့မှာရှိတဲ့  တပည့်အက္ခရာအားလုံးပေါ်မှာဆင့်နိုင်ပါတယ် ။


    သူငယ်ချင်းတို့မြန်မာစာအုပ်စာပေတွေထဲမှာတွေ့ခဲ့ဖူးတဲ့လုံးဆင့်စကားလုံးတွေကိုစဉ်းစားပီးချရေးကြည့်ပါ အပေါ်ကပြောခဲ့တဲ့  ဥပဒေသတွေနဲ့ကိုက်ညီနေတာတွေ့ရပါလိမ့်မယ် ။ တကယ်လို့ ကိုယ် တိုင်ထွင်ရေးကြည့်ချင်သပါ့ဆိုရင်လည်းရေးကြည့်ပါ ၊ အပေါ်က အချက်တွေနဲ့ ကိုက်ညီနေတယ်ဆိုရင်တော့ အဲဒီ လုံးဆင့်စကားလုံးဟာ ရေးထုံးအမှန်ပဲဖြစ်ပါတယ် ။အပေါ် မှာ ပြော ခဲ့ တဲ့ အချက် လေး ၆ ချက်ကိုကောင်းကောင်းသိပြီ ၊  မြန်မာဗျည်းအက္ခရာတွေ  အထီး အမ ခွဲ ခြားတက်ပီဆိုရင်တော့ ၊ သေချာပါတယ် သူငယ်ချင်း တို့ အားလုံး ဘယ် လုံးဆင့်စကားလုံးကိုပဲရေးရေး မှားတော့ မှာမဟုတ်ပါဘူး ။

   အထီး၊အမ၊ဗိုလ်၊တပည့်ဆိုတဲ့စကားလုံးတွေကကျွန်တော်တို့ငယ်ငယ်ကလေးတုန်းကဆရာတစ်ယောက်က
မှတ်မိလွယ်အောင်သင်ပေးတဲ့အသုံးနှုန်းတွေကိုကျွန်တော်ပြန်လည်သုံးထားခြင်းပါ ။ တကယ်တမ်းစာအုပ်ထဲကတိုင်းဆိုရင်တော့  အထီး = သိထိလ ၊  အမ = ဓနိတ နဲ့  ဗိုလ် = ဝဂ္ဂန္တ  ဖြစ်ပါတယ် ။ ကျွန်တော် ခုဆွေးနွေး ခဲ့ တဲ့ အချက်တွေဟာအကျဉ်း ပဲဖြစ်ပါတယ်။ဒီထက်ပိုပီးကျယ်ကျယ်ပြန့်ပြန့်သိချင်ရင်တော့  ဒဿမတန်းမြန်မာသဒ္ဒါ နဲ့ ဗုဒ္ဓဘာသာ(အခြေခံအဆင့် ၊ အလယ်တန်းအဆင့် ၊ အထက်တန်းအဆင့် ) ပါဠိပါဌ်ဆင့် ရေးသားနည်း မှာ ဖတ်နိုင်ပါတယ် ။

(ရုပ်ဆိုး)