ပယင်းရောင် ဦးနှောက်များ နဲ့ အနာဂါတ်မြန်မာပြည်

ဝင်ငွေက မရှိ၊ ကျောင်းသားဘ၀ အရှိန်မကုန်ကြသေးတော့.. ငတ်တစ်လှည့် ပြတ်တစ်လှည့်နဲ့ ရှိတဲ့ကောင်ထုတ်..။ မရှိ ချေးငှား၊ အရပ်ကူပါ လူဝိုင်းပါပဲ..။

အလှည့်ကျ မနွဲ့စတမ်း.. ကျွန်တော်လည်း တစ်ရက်သား.. အောင်ဆန်းကွင်း ကို ချီတက်.. ပိုက်ဆံချေးဖို့ တာဝန်ယူရတယ်..။ ကျွန်တော်နဲ့ တစ်ရွာတည်းသား၊ ငယ် သူငယ်ချင်း က အဲဒီအချိန်.. မြန်မာ့လက်ရွေးစင် ဘော်လီဘောသမား ..အောင်ဆန်းကွင်းမှာ နေတယ်...။

အောင်ဆန်းကွင်း ရောက်ရောက်ချင်း ပိုက်ဆံက.. ချက်ချင်းမရ..။ ခမျာ့များ.. training လုပ်နေလို့ ခဏစောင့်ရသေးတယ်..။

training ပြီးမှ မောင်မင်းကြီးသား ကြွချီတော် မူလာတယ်..။

အရပ်က ခြောက်ပေ..။ အထက်ပိုင်း ကိုယ်ဗလာကျင်း။ ကြွက်သားတွေက အမြှောင်းအမြှောင်းထ..။ အဆီပိုရယ်လို့ မရှိ..။ စစ်သားကြီးလုံးလုံး ဗိုလ်မှုးကြီးရှုံးလောက်ကဲ့ ဟန်ပန်နဲ့.. အင်မတန် ကျားကျားလျားလျား၊ ကျွန်တော့် ငယ်သူငယ်ချင်းကြီး အဲဒီတုံးက အတော်ကြည့်ကောင်းသကိုး..။

`၂၀၁၂ ခုနှစ် `

ကျွန်တော့်မိဘများက ရွာမရောက်တာ ဆယ့်ငါးနှစ်လောက်ရှိပြီ၊ ပြန်ချင်တယ်ငါ့သားရယ် ဆိုလို့ သူတို့လိုက်ပို့ရင်း ရွာပြန်ဖြစ်ပါတယ်..။

ရွာရောက် တော့.. ကျွန်တော်လည်း ငယ်သူငယ်ချင်းတွေ ပြန်တွေ့၊ ငယ်ကျိုးငယ်နာတွေဖော်၊ ရှေးဟောင်းနှောင်းဖြစ်တွေပြော.. အတော်ပျော်
နေကြတုံး..

`မောင်ဦးရော..` လို့ တခုတ်တရ ကျွန်တော်မေးမိတယ်..။

အားလုံးရဲ့  မျက်နှာတွေမှာ အပျော်တွေပျောက်ဆုံး ချက်ခြင်းပဲ စိတ်မကောင်း
ခြင်းတွေနဲ့ အုပ်ဆိုင်းမှုန်မှိုင်းလို့..

` မောင်ဦး ရွာပြင်မှာ ` တဲ့..။ ` မင့်ကောင် နေ့မီးညမီး ဆက်သောက်နေတာ.. လူရုပ်တောင် မပေါ်တော့ဘူး `..။

သူတို့အဖြေမှာ.. ကြေကွဲဝမ်းနည်းယူကြုံးမရမှုတွေနဲ့ ပြည့်နှက်နေတာ.. ကျွန်တော်သတိထားမိတယ်..။ ကျွန်တော်လည်း အတော့်ကို စိတ်မကောင်းခြင်းကြီးစွာ ဖြစ်ရပါတယ်..။

လွန်ခဲ့တဲ့ ဆယ့်ခြောက်နှစ်လောက်က.. ကျားကျားလျားလျား နိုင်ငံဂုဏ်ဆောင် အားကစားသမား- အခုတော့ ပိန်လှီခြောက်ကပ်၊ ဖောသွပ်သွပ် ပွတတ၊ အရက်သမား ဥပဓိက တကိုယ်လုံး ဖုံးလွှမ်းလို့..။ ရွာပြင်မှာ တဲထိုးနေရတဲ့ ဘ၀ရောက်သွားခဲ့ပြီ..။

တချိန်က ဖျတ်လတ်သန်မာတက်ကြွခဲ့တဲ့ သူ့ခန္ဓာကိုယ်ဟာ.. အခုတော့ ယိုင်တိုင်တိုင်၊ နဲ့တဲ့တဲ့ ..။ တချိန်က.. မောင်ဦးပြန်လာပြီတဲ့ဆိုရင်.. တစ်ရွာလုံး အုံးအုံးကြွက်ကြွက်နဲ့.. အခုတော့ မောင်ဦးမူးလာတာမြင်ရင် လမ်းဘေးအိပ်နေတဲ့ခွေးကတောင် အိပ်ရေးပျက်ခံပြီး ထမဟောင်တော့ဘူး..။

ကိုယ့်တိုင်းပြည်က ပညာတတ်တွေ- ရေကြည်ရာမြက်နုရာ ပြည်ပနိုင်ငံများဆီ သွားရောက်အခြေချ အလုပ်လုပ်တော့.. brain drain- ဦးနှောက်ယိုစီးတာ..တဲ့။

ကိုယ့်တိုင်းပြည်ထဲမှာပဲ.. အရက်စိမ်ထားတဲ့ ပယင်းရောင် ဦးနှောက်တွေ အဆမတန်တိုးပွားလာတာကိုကြတော့.. brain damage- ဦးနှောက်များ ပျက်စီးခြင်းလို့ ပြောရမယ်ထင်တယ်..။

ယိုစီးသွားတဲ့ ဦးနှောက်တွေဆိုတာ.. အခါအခွင့်သင့်ရင် အလိုလိုပြန်ဆန်တက်လာမှာဖြစ်ပေမယ့်.. အရက်ကြောင့် ပျက်စီးသွားတဲ့ ဦးနှောက်များကတော့ မပြန်လမ်းကို ကြွမြန်းသွားခဲ့ကြပြီ..။

သူတို့အတွေး၊ သူတို့အမြင်ထဲမှာ.. အရက်ပဲ ရှိတော့တယ်..။ မနက်အရက်၊ ညနေအရက်၊ ညအရက်.. ကာလသုံးပါးမရွေး အရက်ပဲ..။ တိုင်းရေးပြည်ရာ၊ အမျိုးသားရေး ဝေးလို့.. မိသားစုအရေး ဆိုတာတောင် ထည့်မတွက်တော့ပြီမို့ လူစွမ်းလူစဆိုတာလည်း zero setting- ပလာနတ္ထိပြန်ဖြစ်သွားခဲ့ပြီ..။

မောင်ဦးလို ဖြစ်ရပ်ဟာ.. ဖြစ်တောင့်ဖြစ်ခဲ၊ တစ်သိန်းတစ်ယောက် ဖြစ်ရပ်မျိုးဆိုလည်း ထားတော့..။ အခုဟာက.. အဲသလိုမဟုတ်ဘူး..။ မတွေ့တာကြာတဲ့ ငယ်သူငယ်ချင်း၊ ရွာပြန်လို့ တွေ့တာနဲ့ အရက်ဖိုး တန်းတောင်းခံထိတာပဲ..။ အရက်ဖိုးရတာနဲ့.. ခမျာ့များ၊ နှုတ်တောင်မဆက်နိုင်ဘူး..။ အရက်ဆိုင်ဆီ သုတ်ခြေတင်တော့တာပဲ..။ အဲဒါက.. တစ်ယောက်လည်းမဟုတ်၊ နှစ်ယောက်လည်းမက ရွာပြန်တိုင်း
ကြုံရပါတယ်..။

ကျွန်တော်တို့ ရွာတင်ပဲလား ဆိုပြန်တော့လည်း.. မဟုတ်ပြန်ဘူး..။ မြန်ပြည်တ၀ှမ်း၊ အညာအကြေမရွေး၊ တောင်ပေါ်မြေပြန့်မကျန် အဲသလိုတွေ ဖြစ်နေတာပဲ..။

အဆိုးဆုံးကတော့ အရက်သမားမျိုးဆက် ပြတ်မသွားပဲ.. မျိုးဆက်သစ်တွေ အင်နဲ့အားနဲ့ ဆက်လက်ပေါ်ထွန်းနေတာပဲ..။ ဒီပုံအတိုင်းသာ ဆက်သွားရင် ဦးနှောက်ယိုစီးတာထက် အဆမတန်ပိုမိုပြင်းထန်တဲ့ ဦးနှောက်ပျက်စီးမှု- လူစွမ်းလူစညံ့ဖျင်းမှုတွေကျွန်တော်တို့တိုင်းပြည် မကြာခင်မှာ ရင်ဆိုင်ရဖို့ ရှိပါတယ်..။

သမ္မတကြီးက ပြည်ပရောက်မြန်မာများ ပြန်လာခဲ့ကြပါလို့ ဖိတ်ခေါ်တယ်..။ ခြေခင်းလက်ခင်းသာတဲ့တစ်နေ့.. သူတို့တတွေ ကိုယ့်နိုင်ငံရှိရာ ပြန်ကို ပြန်လာပါလိမ့်မယ်..။ ခမျာ့များ နိုင်ငံရပ်ခြားမှာ တ၀မ်းတခါး လုပ်ကိုင်စားသောက်နေကြတာဟာ နိုင်ငံကို မချစ်လို့မှ မဟုတ်ဘဲ..။ စံနစ်က.. နှင်လွှတ်လိုက်လို့ ဇာတိမြေကို သူတို့စွန့်ခွါခဲ့ကြရတာ..။ စံနစ်က လက်ကမ်းကြိုဆိုတဲ့တစ်နေ့ သူတို့ သေချာ ပြန်လာမှာပါ..။ အဲဒါ မတိုင်ခင်တော့.. သိကြားမင်း ဆင်းလာတောင်းပန်တောင် သူတို့ပြန်လာမယ် မထင်ပါ..။

ဆိုတော့..

လတ်တလော.. အရေးတကြီးလုပ်ဆောင်ရမှာက.. ယိုစီးသွားတဲ့ ဦးနှောက်တွေ.. ပြန်ဆယ်ယူဖို့ထက်၊ ပြည်တွင်းကလက်ကျန် ဦးနှောက်တွေ.. အပြစ်အနာအဆာ နည်းနည်းနဲ့ ကောင်းမွန်စွာ ဖွံ့ဖြိုးရေး ဘက်ပေါင်းစုံက ကြိုးစားကြဖို့ပါပဲ..။

စံနစ်ကြောင့် ညံ့သွားခဲ့ရတဲ့ ပညာရေး- အခုအစက ပြန်စနေရတယ်..။ နလန်ထဖို့ အတော်ကြာအုံးမယ်..။ စံနစ်ကြောင့် ယုတ်လျော့သွားခဲ့ရတဲ့ ကိုယ့်ကျင့်တရားတွေ၊ လာဘ်ပေးလာဘ်ယူကိစ္စတွေ- ပပျောက်အောင် နောင်နှစ်ချီကြာအုံးမယ်..။ အရက်ကြောင့် ပျက်စီးသွားတဲ့ ဦးနှောက်တွေ၊ ပျက်စီးနေဆဲ ဦးနှောက်တွေ၊ ပျက်စီး လတ္တံသော ဦးနှောက်တွေကိုရော ဘယ်လိုအစီအမံချ ကာကွယ်ကြမလဲ..။

ရုရှားသမ္မတ ဗလာဒီမာပူတင်က အရက်ဘီယာကြော်ငြာတွေ တီဗွီ-အင်တာနက်ကနေ မလွှင့်နဲ့တော့လို့ မကြာခင်က အမိန့်ထုတ်တယ်..။ လမ်းဘေးက ကြော်ငြာဆိုင်းဘုတ်တွေတောင် လက်ရှိသက်တမ်းကုန်
သည်အထိပဲ ခွင့်ပြုမယ်လို့ ဆိုတယ်..။ အမေရိကားမှာ ဘယ်ပြည်နယ်မဆို.. အသက်နှစ်ဆယ်မကျော်ရင် အရက်ရောင်းခွင့်မရှိဘူး..။

ကျွန်တော်တို့ဆီမှာရော.. ဘယ်လိုလဲ..။ တီဗွီကနေ မကြော်ငြာရပေမယ့်.. ဒီကုန်အမှတ်တံဆိပ်ကိုပဲ.. အင်္ကျီ တံဆိပ်အဖြစ်နဲ့ မီဒီယာမှာ နားလှည့်ပါးရိုက်လုပ်-ကြော်ငြာတယ်..။ လမ်းဘေးဆိုင်းဘုတ်လည်း
ထိုနည်းလည်းကောင်းပဲ..။ တမျိုးသားလုံး ကျန်းမာကြံ့ခိုင်ရေး ပြယုဂ်ဖြစ်တဲ့ ဘောလုံးအားကစားကို sponsor ပေးတာက.. အရက်ကုမ္ပဏီဖြစ်နေတယ်..။ Myanmar Beer က.. Myanmar Casual Wear ဆိုတဲ့ မျက်နှာဖုံးနဲ့ မီဒီယာတွေမှာ အခန့်သားနေရာယူထားတယ်..။ Myanmar National League (MNL) ဘောလုံးပြိုင်ပွဲက.. Grand Royal MNL တဲ့..။ အရက်မျိုးစုံက ပေးလိုက်တဲ့ ကံစမ်းမဲတွေ ဆိုတာကလည်း.. အုတ်အော်သောင်းနင်း တိုင်းပြည်တုန်မတတ်ပဲ..။

အရက်ဆိုင်တွေကလဲ.. လာသမျှလူ- သူစိမ်းသူကျက်မရွေး၊ အသက်အရွယ်မရွေး ရောင်းတာပဲ..။ ရောင်းသမျှ အရက်ကလဲ.. အရည်အသွေးကညံ့၊ ချင်ချင်တူးတူးမူးပြီးရောတွေက ခပ်များများ..။

ဆိုတော့.. ဒီမိုး-ဒီလေ-ဒီအရွေ့  နဲ့ကတော့.. ကျွန်တော်တို့ချစ်တဲ့ မျိုးဆက်သစ်တွေကို.. ပယင်းရောင်ရန်စွယ်က ကာကွယ်နိုင်ဖို့ဆိုတာ.. ရွှေငုံးမင်းအမြီးမျှော်သလို ဖြစ်နေမလားလို့ စိုးရိမ်နေမိပါကြောင်း..။

(စာကြွင်း.. မောင်စမ၊ စာပတီး၊ ထွန်းခိုင်၊ ဂျေအယ် တို့ လို အရက်ဝံသာနုများ.. ကျွန်ုပ်ရေးတာဖတ်ပြီး.. ခင်ဗျားကြီးကများ ရာရာစစလို့ ပြောချင်ရင်တော့.. အရက်တိုက်ပြီး ပြောနိုင်ပါကြောင်း )