ဖေ့ဘွတ်ပေါ်မှာ စာရေးကျဲသွားတဲ့ အကြောင်း

ဖေ့ဘွတ်ပေါ်မှာ များသောအားဖြင့် သတင်းတစ်ခု တက်လာတဲ့အခါ မခိုင်မာတဲ့ Source ရှိတယ်၊ ဂျာနယ်တွေကတက်တာ ရှိတယ်..... မခိုင်မာတဲ့ Source ကတော့ သိပ်ပြောစရာ မရှိပါဘူး..... အစိုးရ မကောင်းကြောင်း၊ မတရား ပြုခံရကြောင်း အစရှိတာ ဦးတည်ရေး မှန်တာ မှားတာနောက် လူသိများတယ် ပျံ့နှံ့လွယ်တယ်....... သတင်းတည်ဆောက်မှုလည်း မခိုင်မာဘူး..... အဓိက ဝါဒဖြန့်ဖို့ သက်သက်ပဲ.......

ဂျာနယ်တွေက တက်လာတဲ့ သတင်းကြတော့ တော်တော် သတိထားရတယ်....... ဖေ့ဘွတ်ပေါ်က ဂျာနယ် အားလုံးလိုလိုဟာ သတင်းတစ်ခုကို လိုချင်သလို ဖြတ်၊ ညှပ်၊ ကတ် လုပ်တယ်၊ မဆိုင်တာကို အသားပေးပြီး လိုချင်တဲ့ အပိုင်းကို ရအောင် ပုံဖော်တင်တယ်..... အဓိက တားဂက်က အစိုးရကို တိုက်ခိုက်ဖို့...... အစိုးရ လုပ်ရပ်ကို ဝေဖန်ဖို့...... သတိထားကြည့်ပါ..... အစိုးရကို တိုက်ခိုက်သလို ကြံ့ဖွံ့နဲ့ လွှတ်တော်ကို ပါးပါးလေးတောင် ပုတ်ရတဲ့ ဂျာနယ် တော်တော်လေးကို ရှားပါတယ်....

ကျွန်တော် သတင်းတွေကို ဖတ်တဲ့အခါ သတင်းတစ်ခုနဲ့ ပါတ်သက်ရင် ဘက်ပေါင်းစုံကို လိုက်ဖတ်ပါတယ်...... လက်ရှိဖတ်သမျှတော့ မဇ္ဇိမ သတင်းစာဟာ တော်တော်လေး ဘက်လိုက်မှု ကင်းတာနဲ့ သတင်းကို သတင်းလို ရေးတာ သတိထားမိပါတယ်..... ကျွန်တော် ခဏခဏလည်း ပြန်ကိုးကားပါတယ်..... သတင်းထောက်တွေရဲ့ ပေ့ခ်ျလည်း ဖတ်သလို ကျွန်တော့်စိတ်ထဲမှာ သမာသမတ်ရှိတယ်၊ သတင်းမှန် ထွက်လေ့ရှိတယ်၊ အမှားကို တာဝန်ယူရဲတယ်လို့ ယူဆသူတွေရဲ့ ထင်မြင်ယူဆချက်တွေလည်း လိုက်ဖတ်ပါတယ်......
နောက် ကိုယ့်စီကို ပို့လာတဲ့ သတင်း (မှန်သည် / မှားသည် မပြောပါ)၊ ကိုယ်သိထားတဲ့ သတင်း အစရှိတာတွေနဲ့ ပြန်ချိန်ထိုးပါတယ်....... တစ်ချို့ သတင်းတွေဟာ အရင်ကတည်းက လုပ်နေပီး အခုမှ ထွက်လာတာမျိုးလည်း ရှိပါတယ်....... ဂျာနယ်တွေက အစိုးရနဲ့ ပါတ်သက်တဲ့ ဖြတ်၊ ညှပ်၊ ကတ် ပင့်ဘော သတင်းတွေတက်လာတာနဲ့ ထုံးစံကတော့ အစိုးရကို ဝိုင်းဆဲတာပါပဲ..... အဲ့ဒိအချိန် ကိုယ်က သိထားတဲ့ဟာနဲ့ လွဲနေတော့ အဲ့ဒိ တက်လာတဲ့ သတင်းကို လွဲနေတာ ထောက်ပြခဲ့တယ်....... အများနဲ့ တစ်ယောက်ဆိုတော့ မင်းက ဘာကောင်မို့လို့ ကာတာလဲ ဆိုတာ ဖြစ်လာတယ်.....

ရ လာတဲ့ ရလာဘ်ကတော့ အစိုးရ ဘက်တော်သား၊ အစိုးရ ပိုက်ဆံပေး မွေးထားတဲ့လူ ဖြစ်သွားတယ်၊ ရ စရာမရှိအောင် ဝိုင်းဆွမ်းကြီးလောင်းကြတယ်....... အချိန်တန် သတင်းမှန် ထွက်လာချိန်မှာ ကိုယ့်ကို ဝိုင်းဝေဖန် တံဆိပ်ကပ်သူတွေက ရူးချင်ယောင်ဆောင်၊ မတောင်းပန် နေခဲ့ကြပေမယ့် အများစု အမြင်ကတော့ ကိုယ့်နာမည်တွင်သွားတယ်......

နောက်တစ်ချက်က အရင်က ကြိုမြင်ခဲ့တာတွေကို ထောက်ပြတယ်...... ဦးဝင်းတင်နဲ့ ဒေါ်စုကို ခွဲထုတ်နေတဲ့ ကိစ္စ....... နှပ်ကြောင်းပေးတယ် စွတ်စွဲခံခဲ့ရတယ်...... ကြံ့ဖွံ့နဲ့ ဒေါ်စု ပေါင်းလိမ့်မယ်လို့ ထောက်ပြတယ် ဖွတ်လိုအဖွဲ့နဲ့ ဘယ်တော့မှ မကောင်းဘူးကွဆိုပီး ဖွတ်ဘက်တော်သား စွတ်စွဲခံရတယ်၊ အွန်လိုင်းပေါ်က NLD လိုလို အကောင့်ယောင်တွေကြောင့် ပြဿနာတက်လိမ့်မယ် ထောက်ပြတယ် ထုံးစံအတိုင်း အစွတ်စွဲခံရတယ်....... တရုတ်ကိုဆဲနေ အချိန်တန်ရင် တရုတ်နဲ့ NLD ပါတ်သက်လာမယ် ပြောခဲ့တယ် ထုံးစံအတိုင်း ရိုးရာမပျက်ဘူး.....

ကျွန်တော်ထောက်ပြခဲ့တာတွေ ဖြစ်လာခဲ့ပေမယ့် သူတို့စွတ်စွဲခဲ့တာက နာမည်တွင်ကျန်ခဲ့တယ်....... အဲ့ဒိလူတွေကလည်း သူတို့မှားပြောခဲ့ပါတယ်ဆိုတာ အခုထိ လူကြီးလူကောင်းပီပီ တောင်းပန်တဲ့သူ တစ်ယောက်မှ မရှိခဲ့သလို၊ ကိုယ့်အမှားလည်း ကိုယ်တာဝန် မယူရဲခဲ့ကြဘူး..... စိတ်ထဲ သူတို့ ကြိုက်သူကို ဝေဖန်တဲ့လူ၊ သူတို့ မကောင်းဘူး ထင်တဲ့လူနဲ့ ပါတ်သက်သမျှ အဆိုးမြင် ရေးမပေးရင် တံဆိပ်ကပ်လိုက်တာ ဒီမိုကရေစီလို့ ထင်နေကြတာကိုး...... တရုတ်နဲ့ ပါတ်သက်လို့လည်း ဦးဥာဏ်ဝင်းတို့ Delegation သွားပီးကတည်းက အွန်လိုင်းက ဒီမိုအကောင့်တွေ တရုတ်မုန်းတီးရေး လက်ရှောင်သွားတာ သတိထားကြည့်ရင် သိပါလိမ့်မယ်......

ဒီတော့ အချိန်တန် သတင်းမှန် တက်လာတာပဲ၊ မဟုတ်တာလည်း ကြာကြာဖုံးကွယ်လို့မရတဲ့ ဒီဘက်ခေတ်မှာ သတင်းတစ်ခုခုဆို မှန်တယ် မှားတယ်ကို လိုက်မပြောချင်တော့ဘူး...... လူအများက ဤကို ကျွဲလို့ ပြောနေချိန်မှာ ဤ လို့ ထောက်ပြလို့ ဒီမိုကရေစီ ကြိုက်သူတွေနဲ့ အချင်းမများချင်တော့ဘူး..... တာဝန်ယူမှုမရှိ၊ လက်လွတ်စပါယ်နိုင်တဲ့ သူတို့ရဲ့ ဝေဖန်မှုတွေအတွက် သူတို့ဘာလဲဆိုတာ လူတွေ တန်ဖိုးဖြတ်ကြမှာပဲလေ......

နောက်တစ်ခုက ဖေ့ဘွတ်မှာ သတိထားမိသလောက် Silent Reader တွေ တော်တော်များများရှိကြတယ်..... နယ်ပယ်အသီးသီး၊ ပညာရပ် အသီးသီးက ဆရာကြီးတွေဖြစ်နေတဲ့ Silent Reader တွေရှိကြတယ်..... နောက်ပီး ဖေ့ဘွတ်မသုံးပေမယ့် ဖေ့ဘွတ်က ပရင့်ထုတ်ပေးတာကို ပြန်ဖတ်တဲ့ လူတန်းစား သပ်သပ်ရှိလာတာကိုလည်း သတိထားမိတယ်..... တချို့တွေ ကျွန်တော့်စီက ဖတ်တာလည်း သိရတယ်...... လာမေးရင်လည်း တစ်ခြား ဖတ်သင့်သူတွေကို ကျွန်တော်ညွှန်းတယ်.....

ဒီတော့ Event တစ်ခုခုဖြစ်တိုင်းမှာ ချက်ခြင်း ထင်မြင်ချက်တွေ ပေးလိုက်၊ မှားသွားရင် တောင်းပန်လိုက်၊ ပြန်ဖျက်လိုက်လည်း ကျွန်တော် မလုပ်ချင်ဘူး..... ရန် / ငါ စွဲကြီး အစိုးရကို ဖဲ့သမျှမှ အမှန်ဆိုတဲ့ ဒီမိုတွေနဲ့လည်း ထိပ်တိုက် တွေ့ပီး ငြင်းရင်း ခုန်ရင်းနဲ့လည်း အချိန်ကုန်မခံနိုင်တော့ဘူး..... ကိုယ်ယုံကြည်ရာ ရေးမယ်၊ တစ်ခုခု စဉ်းစားစရာကိုပေးမယ်၊ တအားကြီး လေးလေးပင်ပင်ကြီးတွေ မရေးချင်တော့ဘူး......

နောက်တစ်ခုက တကယ့်အရေးပါတဲ့ ကိစ္စတွေက အွန်လိုင်းမှာ သိပ်ရေပန်းမစားဘူး...... အဓိက လွှတ်တော်နဲ့ ဆိုင်တဲ့အပိုင်း...... အခု ပြည်ထောင်စုလွှတ်တော် ဥက္ကဌက အမတ်တွေကို ဒေသဖွံ့ဖြိုးရေးလုပ်ဖို့ တစ်ယောက် သိန်း ၁၀၀၀၊ အားလုံးပေါင်း မြို့နယ် ၃၃၀ အတွက် သိန်းပေါင်း သုံးသိန်း သုံးသောင်း ထုတ်ပေးထားတယ်...... အဲ့ဒိ ပိုက်ဆံ ပမာဏဟာ အတော် မနည်းလှဘူး......

ဒါပေမယ့် အွန်လိုင်းမှာ လိုက်ကြည့်ရင် ဘယ်အမတ်တွေက သိန်း ၁၀၀၀ ကို ဘယ်လိုသုံးနေတာ ဘယ်မြို့နယ်တွေတော့ ဘယ်လောက် ဘယ်အခြေအနေဆိုပီး ထောက်ပြတဲ့ သတင်း လက် ငါးခြောင်းမပြည့်ဘူး...... ဘယ်သူတွေက အဲ့ဒိ ပိုက်ဆံတွေကို တကယ် ဖွံ့ဖြိုးအောင် လုပ်မပေးသလဲ လူတွေလည်း စိတ်မဝင်စားဘူး...... လွှတ်တော်ကို မဝေဖန်ရဲကြတာလည်း ပါသလို၊ ဒေါ်စုနဲ့ ဦးရွှေမန်း မဟာမိတ်က ဒီမိုတွေကို နှုတ်ဆိတ်စေတာလည်း ပါနေတယ်..... နိုင်ငံတစ်နိုင်ငံမှာ အစိုးရတစ်ခုကောင်းဖို့ ခိုင်မာ အလုပ်လုပ်တဲ့ လွှတ်တော်တစ်ရပ် ရှိနေဖို့ကို တော်တော်များများက စိတ်မဝင်စားကြဘူး..... အဓိကအားဖြင့် မီဒိယာတွေက လွှတ်တော်ရဲ့ အားနည်းချက်တွေကို ထိမ်ချိန်ထားတဲ့ ကဏ္ဍတစ်ခုလို ဖြစ်နေတာလည်း ပါတယ်.....

နောက်တစ်ချက်က အခု ၂၀၁၄ မှာ ဖွဲ့စည်းပုံ အခြေခံဥပဒေ သုံးသပ်ရေး ကော်မတီက ပြင်မယ့် အချက်တွေ ထွက်လာတော့မယ်....... အဲ့ဒိက ထွက်လာတဲ့ အချက်တွေပေါ် မူတည်ပြီး စစ်တပ်မှာ အပြောင်းအလဲ ကြီးကြီးမားမားလည်း ဖြစ်လာဖို့ရှိတာ သတိထားမိတယ်....... အခုလုပ်နေတဲ့ ငြိမ်းချမ်းရေး Process ဘယ်အခြေအနေထိ ရှိမလဲဆိုတာကလည်း အရေးပါတယ်....... အခုလက်ရှိ ဒေါ်စုရဲ့ လေးပွင့်ဆိုင်ကို တိုင်းရင်းသား အဖွဲ့တွေက ထောက်ခံတယ်၊ မထောက်ခံဘူး အသံလုံးဝ မထွက်ပေမယ့် အားလုံးသာ Positive ဖြစ်မယ်ဆိုရင် ဒေါ်စု တောင်းဆိုထားတဲ့ လေးပွင့်ဆိုင်မဟုတ်ပဲ တိုင်းရင်းသား ငြိမ်းချမ်းရေး ကိုယ်စားလှယ်တွေပါ ပါတဲ့ ငါးပွင့်ဆိုင် အာဏာ၊ ပါဝါ၊ သံယံဇာတ ခွဲဝေမှုကို ပြင်မယ့် ဖွဲ့စည်းပုံမှာ ဘယ်လိုထည့်မလဲဆိုတဲ့ တွေ့ဆုံဆွေးနွေးရေး ဖြစ်လာနိုင်တယ်.....

အပြန်အလှန် အပေးအယူ၊ ယုံကြည်မှုတွေ တည်ဆောက်ပြီးတဲ့ အဲ့ဒိအချိန်ကို ရောက်လာခဲ့ရင် အခုဒေါ်စုနဲ့ ဦးရွှေမန်း မဟာမိတ်ဖြစ်သလို အဲ့ဒိအချိန်မှာရှိတဲ့ ကာချုပ်နဲ့ မဟာမိတ် ဖြစ်မလာနိုင်ဘူးလို့ ဘယ်သူမှ မဆိုနိုင်ဘူး...... အဲ့ဒိအခါ အခုအွန်လိုင်းမှာ တိုက်နေတာတွေဟာ ပျောက်ဦးမှာပဲ..... တရုတ်မုန်းတီးရေးကတော့ အထူးတလည် ပြောစရာမရှိဘူး တရုတ်က ဒေါ်စုကို ဖိတ်နေပီ၊ အမေရိကန်လို မဟာအင်အားကြီးတောင် တရုတ်ကို ခပ်တင်းတင်း မဆက်ဆံရဲတာ တရုတ် လေကြောင်းပိုင်နက် ကြေငြာလိုက်တာကို ကြည့်ရင် သိသာနိုင်တယ်......

အားလုံး Positive မဖြစ်လို့ Negative ဖြစ်ခဲ့ရင်ကော...... အထူးပြောစရာမရှိပါဘူး...... လုံးဝ Negative ဖြစ်သွားရင်တော့ ထိပ်တိုက် ရင်ဆိုင်မယ်ဆိုရင် ဘာဖြစ်မလဲ အားလုံးလည်း သိပါတယ်..... လက်ရှိ ဆန္ဒပြနေတယ် ဆိုတာတွေကလည်း နောက်ကွယ်က မြှောက်ပေးမှုတစ်ချို့ကြောင့်သာ သက်ဆိုးရှည်နေတာပါ..... တကယ် အာဏာမက်မောစိတ် ပြင်းထန်တဲ့ ဗိုလ်ချုပ်တစ်ချို့ လက်ထက်မှာ တကယ် သေနတ်နဲ့ ပစ်တဲ့အချိန် ကြက်ပျောက် ငှက်ပျောက် ပျောက်မှာပါပဲ....... အာဏာသိမ်းလို့ အောက်ခြေ စစ်သားတွေက ငြိမ်ခံမလားကွ ဆိုရင်တော့ ဗိုလ်ချုပ်တစ်ယောက်ရယ်လို့ ဖြစ်လာရင် သူ့မှာ အခံ တပ်ကတော့ ရှိနေတာပါပဲ......

လျှော့တွက်လို့တော့ မရဘူးကိုး..... အားလုံးက ကိုယ့်ကိုကိုယ် တိုင်းပြည်အတွက် အလုပ်လုပ်နေတဲ့ Patriot လို့ မြင်ကြတာကိုး....... ကျန်တဲ့ပြဿနာ နောင်ခါလာ နောင်ခါဈေးပဲလေ..... Positive တွေးထားတာတွေက တစ်ခုခုဖောက်ရင်ကော ဒါဆိုလည်း တဖြည်းဖြည်းနဲ့ ၂၀၁၅ ရောက်သွားမှာပါပဲ..... ဒေါ်စု ပြောခဲ့တဲ့ ၂၀၀၈ ဖွဲ့စည်းပုံက အဓိက အချက်တွေကို ၂၀၁၃ ဒီဇင်ဘာနောက်ဆုံး တင်မယ်၊ ရအောင်လုပ်မယ် ဆိုတာကနေ ၂၀၁၄ ကိုရွှေ့လိုက်ရပါတယ်..... ဘာဖြစ်မလဲ ပိတ်ကားပေါ်ပဲ စောင့်ကြည့်ရမှာကိုး.....

ဒီတော့ အွန်လိုင်းမှာ တစ်ခုခုဟော့လည် ဂျာနယ်တွေက လိုသလို ဇောင်းပေးရေးတာတွေများတော့ အမိုက်ခံ မဝေဖန်ချင်တော့ဘူး...... နိုင်ငံရေးနဲ့ ပါတ်သက်လို့လည်း ဆက်သွားကြမယ့် လမ်းကြောင်းက မြင်နေတော့ သိပ်လည်း မပြောချင်တော့ဘူး..... အဲ့ဒါတွေကြောင့် စာရေး ကျဲသွားတယ်...... အဓိကတော့ ဖြစ်လာမယ့် ဂျပန် - တရုတ် ပြိုင်ဆိုင်မှုမှာ မြန်မာ ကြားမငြပ်စေဖို့၊ အမျိုးသားရေး၊ စိတ်ထဲ တို့တိ တို့တိ ရှိတာလေးပဲ ရေးချင်တော့တယ်....... အဲ့ဒါတွေကြောင့် နောက်ပိုင်း စာသိပ်မရေးဖြစ်တာ၊ ရေးချင်စိတ် မရှိတာလို့ပဲ ပြောချင်ပါတယ်ဗျာ.......