သာသည့်မြေသို့နှင့်ငှက်သွင်ပျံကြွမတတ်သော်

(လမ်းဘေးအဆိုတော်ခေါ်သည့် သူတောင်းစားမလေး)

သာသည့်မြေသို့နှင့်ငှက်သွင်ပျံကြွမတတ်သော်

အလှထူးပါဘိ၊ မြဖူးပြာအငုံနဲ့
လွှာရုံမှာကြာစုံကျင်းရော့ထင့်။
ဖြူဝင်းငွေမှုံလွှာတို့၊လေယူရာရနံ့ညှင်း
သင်းပျံ့ခဲ့သူ့ခြံမှာ။
ငါ့ခြံကြည့်ပြန်တော့၊မချိပူပွေဖြာခဲ့
မြေပြာမှာနေဇာမတင့်နိုင်ဘူး။
ကြည်စရာနီဝါတွေလည်းမပွင့်လေတော့။
စိမ်းရင့်ရောင်နွယ်ခြုံပုတ်တွေနဲ့၊
ရှုပ်ထွေးကလိန်ခွေယှက်၊
အားပျက်စရာ။
သူ့စခန်းသာဆန်းရဂုံသွင်မို့၊
ငါလှန်းကာခိုဝင်လို့၊
လျှောက်သွားကာပျော်လိုလှပါဘိ။

သို့လည်းလေ
မသင့်လျော်ပေဘူး၊
ငါ့ခြံမြေဥယျာဉ်နန်းဟာလည်း၊
လှလေသည်၊သာစခန်းပေပေါ့၊
စိတ်ပမ်းကိုသည်လိုဖြေလို့၊
ဥယျာဉ်တော်သာယာရေးကိုလ၊
ရှုမြင်မျှော်အခါခါတွေးပါလို့၊
မနှေးပင်အားအင်ထုတ်လို့ရယ်၊
ပေါင်းနှုတ်ဘို့ခဲ။

ဒီကဗျာလေးကို၊န၀မတန်းရောက်တဲ့အချိန်မှာစသင်ဘူးခြင်းဖြစ်ပါသည်။ ၁၉၇၀ခုနှစ်ကဖြစ်ပါသည်၊ မြန်မာစာဆရာမက၊ဒီကဗျာလေးကို စနစ်တကျသင်ပေးခဲ့ပါသည်၊ ကဗျာဆရာမငွေတာရီသည်၊ဥရောပနိုင်ငံတခုသို့ရောက်ဘူးပြီး၊ကိုယ့်နိုင်ငံနှင့်နှိုင်းယှဉ်ကာ၊ဥယျာဉ်နှစ်ခု နှင့်တင်စားနှိုင်းယှဉ်ဖွဲ့ဆိုထားသောကဗျာလေးဖြစ်ပါသည်။မြန်မာစာဆရာမသည်၊ဒီကဗျာလေးကိုဂုဏ်၊အလင်္ကာ၊ရသများနှင့်မည်သို့ ရေး ဖွဲ့ထားသည်။ ကဗျာဆရာမကမည်သို့ခံစားရေးဖွဲ့ထားသည်။ စသည်ဖြင့်ရှင်းလင်းသင်ကြားခဲ့ပါသည်။ ၄င်းအပြင်ဝေဖန်လည်းပြခဲ့ပါသည်၊ ကဗျာဆရာမငွေတာရီသည်၊သူများနိုင်ငံသာယာပုံနေချင်စဖွယ်ဖြစ်ပုံ၊ မိမိနိုင်ငံသည်နေချင်စရာမကောင်းအောင် ဖြစ်ပျက်နေပုံတို့ကို ရေးဖွဲ့ထားပြီး၊ သူများနိုင်ငံတွင်နေထိုင်ချင်သော်လည်း၊ မိမိနိုင်ငံကိုသာသာယာယာဖြစ်အောင်၊ ကျိုးစားအားထုတ်ချင်ပုံကိုရေးဖွဲ့ထားသ ဖြင့်၊ ကဗျာဆရာမ၏ခံယူချက်ကိုလေးစားမိခဲ့ပါသည်။ 

သို့ဖြစ်သောကြောင့်န၀မတန်းနှင်ဒသမတန်းတို့တွင်သင်ခဲ့ရသောကဗျာများကို ကျောင်းနေစဉ်ကအားလုံးနီးပါးအလွတ်ရခဲ့သော်လည်း၊ တခြားကဗျာများကိုယခုအခါမမှတ်မိတော့ပါ။ ဒီကဗျာလေးတပုဒ်သာအားလုံးကို ယခုထိမှတ်မိနေပါသေးသည်။
ကျောင်းနေစဉ်က၊နိုင်ငံခြားဆိုသည်မှာရုပ်ရှင်ထဲတွင်သာကြည့်ဘူးသော်လည်း၊ စိတ်ကူးပင်ယဉ်ခဲ့ဘူးသည်မဟုတ်ပါ။ ကဗျာအဖွဲ့အနွဲ့နှင့် ဆရာမ၏ခံယူချက်ကိုလေးစားသောကြောင့်သာကဗျာကိုမမေ့နိုင်ဖြစ်နေခြင်းဖြစ်ပါသည်။၂၀၀၉ခုနှစ် တတိယနိုင်ငံသို့မထွက်ခွါမီ၊ ဒုက္ခသည်စခန်းထဲတွင်၊ လူမှုရေးအသင်းတခုအနေနှင့်၊ ဗမာအသင်းကိုတည်ထောင်ကြပါသည်။ ယင်းအသင်းမှ တတိယနိုင်ငံသို့မကြာမီ ထွက်ခွါမည့်ဗမာများကိုနှုတ်ဆက်ပွဲလေးတခုလုပ်ပေးခဲ့ပါသည်။ ယင်းနှုတ်ဆက်ပွဲတွင်၊ ကျေးဇူးတင်စကားပြောကြားပြီးနောက် ကျတော်သည်၊ မိမိခံစားချက်အတိုင်း၊ ယခုကဗျာလေးကိုရွတ်ဖတ်ပြခဲ့ပါသည်။ ထိုစဉ်ကမှတ်မိပါသေးသည်၊ ကမ့်ထဲမှဦးအာဘော်က ကျတော်ဒီကဗျာလေးရွတ်လို့မပြီးမီကပင်၊ လက်ခုတ်တီးဘို့အားယူပြင်ဆင်နေသည်ကိုသတိပြုမိပါသည်။ ကဗျာရွတ်လို့ပြီးပြီးချင်း အားရပါးရလက်ခုတ်တီးအားပေးခဲ့ပါသည်။ ကဗျာဆရာဦးခင်လွန်းကလည်း၊ ဒီကဗျာလေးနာမည်နှင့်ကဗျာဆရာနာမည်မေးမြန်းပြီး ရေးမှတ်သွားခဲ့ပါသည်။

ကျတော်တို့နှုတ်ဆက်ပွဲလေးပြီးလို့ ပြန်ထွက်လာကြချိန်မှာ၊ ဦးခင်လွန်းကနောက်ပြောင်ပြောဆိုပါသေးသည်။ သူပြောသည်မှာ၊ (မကျေနပ်ဘူးဗျာ)တဲ့၊ ဘာဖြစ်လို့လည်းလို့မေးတော့၊ ကဗျာသမားကကဗျာမရွတ်လိုက်ရဘူးတဲ့၊ ကဗျာသမားမဟုတ်တဲ့ လူက ကဗျာရွတ်သွားလို့ ဟုပြောသဖြင့်အားလုံးရီမောထွက်လာခဲ့ကြပါသည်။
ဒီကဗျာထဲမှစာသားအချို့ကို၊ နောက်ပိုင်းတွင်သတိထားစဉ်းစားမိပါသည်။ ကဗျာဆရာမကိုယ်တိုင်ကျတော်စဉ်းစားမိသလို စဉ်းစားပြီးရေး သလား၊သာမန်ဥယျာဉ်ပျက်တခုကိုပဲပုံဖေါ်ရေးသလားတော့မသိပါ။ ကျောင်းမှာသင်တဲ့ဆရာမလည်း ကျတော်စဉ်းစားမိသလိုမစဉ်းစား မိသောကြောင့်ထည့်မပြောသလား၊ ဒါမှမဟုတ်စဉ်းစားမိသော်ငြားလည်း၊ ခေတ်အခြေအနေအရ ထည့်မပြောသင့်လို့ ထည့်မသင်သလား မပြောတတ်ပါ။ 

ကဗျာဆရာမကတော့စဉ်းစားမိလို့တမင်ရေးဖွဲ့သည်ဟုလည်းယူဆပါသည်၊ သူတို့ခေတ်ကလည်း၊ စစ်တပ်ကခြေရှုပ်တာ တွေရှိခဲ့တာပဲဆိုတာဖတ်ဘူးပါသည်။ စာတပုဒ်ထဲတွင်၊ စာရေးဆရာကဗျာဆရာပြီးဒဂုန်တာရာလည်း ဒီကဗျာထဲကလိုမျိုးတင်စားရေး သားခဲ့ဘူးသည်ဆိုတာဖတ်ခဲ့ရဘူးပါသည်။ ဟိုတုံးကတော်လှန်ရေးပန်းခြံနေရာတွင်၊ ရှင်းလင်းနေသည်တဲ့၊ နောက်ပိုင်းလွတ်လပ်ရေးရပြီး တော်လှန်ရေးပန်းခြံလုပ်လိုက်ပြီးကထဲက၊ စစ်သားများနှင့်ခြေရှုပ်နေသည်ကို ခြုံနွယ်ပင်စိမ်းစိမ်းများနှင့်တင်စားခဲ့ဘူးသည်ဟုဆိုသည်။ ယခုလည်းကဗျာဆရာမ၏ (စိမ်းရင့်ရောင်နွယ်ခြုံပုတ်တွေနဲ့ ရှုပ်ထွေးကာလိမ်ခွေယှက် အားပျက်စရာ)ဟုရေးသားထားချက်ကို ခြေချင်း လိမ် နေရာတကာအာဏာပြနေကြသောစစ်သားများကို တွေးမိနေမိသည်။စစ်တပ်ဟာ တရားဥပဒေကိုလေးလိုက်နာမယ်ဆိုရင် လူထုပေါ်မှာကိုယ်ချင်းစာတရားထားမယ်ဆိုရင်၊ ကတိသစ္စာတည်သောအခါ၊နွယ်မြက်သစ်ပင်တွေဟာဆေးဘက်ဝင်၏ တဲ့၊ ဆေးဘက် ၀င်အပင်များဖြစ်စေချင်ပါသည်။ အခုတော့ဗဒိုင်းသီးလို၊ ဆုတ်လည်းစူး စားလည်းရူး နမ်းလည်းမူး ဆိုသလိုဖြစ်နေပါပြီ။ ဒါကြောင့် သူများနိုင်ငံကိုထွက်လာခဲ့ရသူတွေသိန်းသန်းချီဖြစ်နေကြပြီ။
အခုတော့သူများနိုင်ငံကိုတကယ်ရောက်လာတဲ့အခါ၊ တောသားမြို့ရောက်၊ ကျီးကန်းတောင်းမှောက်နှင့် အမေနှင့်ရွာကိုလွမ်းတယ်၊ ငှက်သွင်ပျံကြွမတတ်သော်ပါပဲ။ ရောက်လေရာနေရာတိုင်းမှာ၊မြင်သမျှတွေ့သမျှအရာအားလုံးကိုယ့်နိုင်ငံကိုသတိယနေတော့တာပါပဲ။

သူတို့အစားအသောက်ဟင်းသီးဟင်းရွက်ရောင်းတဲ့ဈေးဆိုင်ကြီးတွေမှာ၊ တင်ရောင်းတဲ့အသီးအနှံ၊ အသီးစည်သွပ်ဘူး အတော်များများ ဟာကျတော်တို့နိုင်ငံမှာထွက်တဲ့အရာတွေချည်းပါပဲ၊ ခရမ်းချဉ်သီး၊ကြက်သွန်နီကြက်သွန်ဖြူ ၊ဂျင်း၊သရက်သီး၊ဖရဲသီး၊ သခမသီး၊ စည်သွပ်ဘူးတွေဆိုလည်း၊လိုင်ချီးသီး၊ကြက်မောက်သီး၊ပဲမျိုးစုံ၊မျှစ်ကအစပေါ့၊ ဒါပေမဲ့တံဆိပ်တွေကြည့်လိုက်တဲ့အခါ ထိုင်းတံဆိပ်တွေ ချည်းတွေ့နေရလို့ရင်နာမိပါတယ်။တကယ်ဆိုအဲဒါတွေအားလုံးမြန်မာပြည်ကပို့လို့ရတဲ့အရာတွေချည်းပါပဲ။
သူတို့ပရိဘောဂဆိုင်ကြီးတွေကိုရောက်ခဲ့ပါတယ်၊ကျတော်တို့မြန်မာနိုင်ငံသားတွေကတော့၊အီးဂေဟာလို့ခေါ်ကြတာပဲကြားပါတယ်၊ သူရေးထားတာတော့EKA လို့ရေးထားပါတယ်၊ အဲဒီဆိုင်အကြီးကြီးမျိုးက ဒီနိုင်ငံမှာမြို့ကြီး၃မြို့မှာပဲရှိတယ်ပြောတယ်၊ အဲဒီမှာလိုက်ကြည့် တဲ့အခါ အားလုံးက ဒီကထွက်တဲ့ထီးရူးသား၊ဒါမှမဟုတ်ထီးရူးသားလိုအသားမျိုးတွေနဲ့ချည်းလုပ်ထားကြပါတယ်၊ဆက်တီဆိုလည်းအပေါ် ကဆိုဖါလိုမျိုး၊ ကတီပါလိုမျိုးတွေအုပ်ထားကြတာပါပဲ၊ တနေရာမှာထူးထူးခြားခြား ကျွန်းသားနဲ့လုပ်ထားတဲ့စားပွဲလေးတလုံးကိုတွေ့ခဲ့ပါ တယ်၊ ကျွန်းသားမှန်းသိအောင်၊ပေါလစ်သုတ်တာတို့ဆေးသုတ်တာတို့တောင်လုပ်မထားပါဘူး၊ အရှည်က၄ပေလောက်၊အကျယ်က၂ပေ ခွဲလောက်နဲ့အမြင့်က၂ပေလောက်ကို၊ ၁ခွဲပတ်လည်လောက်တိုင်လေးတိုင်နဲ့အခင်းနဲ့အောက်ကအကာကို၊၄ငါးမူးလောက်အသားနဲ့လုပ် ထားပါတယ်၊ အကွက်လည်းမပါပါဘူး၊ အသားစင်းရိုးရိုးလေးပါပဲ၊ ကျတော်တော့သေချာအောင်၊ကုန်းနန်းကြည့်ပါသေးတယ်၊ သေချာပါ တယ်ကျွန်းသားမှကျွန်းသားပါပဲဗျာ၊ ရောင်းဈေးကိုကြည့်ပြီးမြန်မာငွေနဲ့ပြန်တိုက်ကြည့်တဲ့အခါမှာ၊ လန့်တောင်သွားပါတယ်ဗျာ၊ မြန်မာငွေ ကျပ်နှစ်သိန်းခွဲလောက်ဖြစ်နေတာတွေ့ရပါတယ်။ကျတော်တို့ငယ်စဉ်ကရော၊ကြီးတဲ့အထိပါ၊ကျွန်းသားဘကာဆိုတာ၊ ပေါလွန်းလို့၊ မီးရှုံ့ ထင်းဆိုက်ပစ်တာတွေပြန်တွေးပြီးနှမြောလို့ကိုမဆုံးနိုင်အောင်ပါပဲ၊ သူတို့ဆီမှာသစ်တောဆိုတာ ၅ပေ၆ပေသစ်ပင်ဆိုတာလည်းမတွေ့ရ သလောက်ပါပဲ၊ ၃ပေခွဲပတ်ဝန်းကျင်၎ပေဆိုတာအကြီးဆုံးပဲ၊ တနိုင်ငံလုံးကလည်းမြေသားဆိုတာမရှိသလောက်ပါပဲ၊ နိုင်ငံအကျယ်အ၀န်း ကမြန်မာနိုင်ငံတ၀က်သာသာလေး၊ အဲဒီမှာစိုက်ပျိုးမြေဆိုတာ၃ရာခိုင်နှုံးပဲရှိတယ်ပြောတယ်၊ဒါတောင်နွေရာသီပဲစိုက်လို့ရပါတယ်၊ ပန်းသီးနဲ့စတော်ဘယ်ရီပဲစိုက်ကြတာများပါတယ်၊တချို့ဂျုံခင်းနဲနဲတော့ရှိကြပါတယ်၊ ခုန၃ရာခိုင်နှုံးစိုက်ပျိုးမြေကလွဲပြီး၊ ကျန်တဲ့နေရာ အားလုံးဟာကျောက်တောင်၊ကျောက်သားတွေချည်းပဲဖြစ်လို့၊ ပေါက်နေတဲ့သစ်တောကလည်းကြီးထွားနှုံးမမြန်ပါဘူး၊ ထီးရူးနဲ့သစ်ပွသား တွေချည်းပဲပေါက်ကြတာဖြစ်ပြီး၊ ဒါတွေပဲအဆောက်အဦးတွေဆောက်၊ သင်္ဘောအသေးစားလေးတွေလုပ်ကြတာပါ၊ ဒါပေမဲ့သူတို့တွေ ဟာဒိသစ်တွေကိုပဲတန်ဘိုးရှိရှိအသုံးချကြတာပါ၊ တောထဲသစ်ခုတ်သစ်လှဲပြီဆိုကတည်းက၊ တခါတည်းအမှုံ့ကြိတ်စက်ပါယူသွားကြပါ တယ်၊ ခွဲလို့မရတဲ့အသားတွေတခါတည်းအမှုံ့ကြိတ်လိုက်တာပါပဲ၊ ဒီအမှုံ့ကိုနောက်တခါအပြားကြီးတွေဖြစ်အောင်ပြန်လုပ်၊ သစ်သားပြား ကြီးတွေလိုဖြစ်လာတော့မှ၊ တံခါးတွေ၊ စားပွဲအခင်းတွေလုပ်ကြတာပါ၊ ကိုယ့်နိုင်ငံမှာမြေသားတွေပေါ်ပေါက်တဲ့သစ်ပင်တွေကကြီးထွား နှုံးလည်းမြန်၊သစ်အမျိုးအစားတွေလည်းကောင်းရဲ့နဲ့တန်ဘိုးမရှိဖြစ်ရတာ၊ နှမြောလို့ကိုမဆုံးနိုင်အောင်ပါပဲ။
သူတို့နိုင်ငံဟာအရင်ကအလွန်ဆင်းရဲတဲ့နိုင်ငံတနိုင်ငံပါပဲ၊ ၁၉၆၉၊၇၀လောက်မှာပင်လယ်ထဲကရေနံတွေထွက်ပြီးနောက်မှာတော့ သူတို့ တွေချမ်းသာလာပါတယ်၊ ဒီငွေတွေကိုသူတို့အစိုးရက၊ စနစ်တကျအသုံးချပြီးတိုင်းပြည်ဖွံ့ဖြိုးအောင်လုပ်လာကြတာ၊ အခုဆိုတကယ့်ကို နိဗါန်ဘုံတမျှပါပဲ၊ သူတို့တွေကျောင်းမှာသူတို့ဘာသာစကားနဲ့သူတို့ယဉ်ကျေးမှုအကြောင်းသင်တဲ့အခါမှာ၊ ဆရာမကြီးတယောက်က ဂုဏ်ယူပြီးပြောပါတယ်၊ သူတို့နိုင်ငံကအခုဆို၊ နောင်အနှစ်တရာစာအပိုငွေတွေရှိတယ်ပြောတယ်။ တကယ်လည်းဟုတ်ပါတယ်၊ဒါပေမဲ့ ကျတော်လည်းအမျိုးသားစိတ်ကထောင်းကနဲထလာလို့ပြန်ပြောမိပါတယ်၊ မင်းတို့နှစ်တရာစာဆိုတာ လူဦးရေက၅သန်းဆိုတော့ဟုတ် မှာပေါ့လို့၊ ငါတို့မှာသန်း၅၀ဆိုတော့နှစ်နှစ်ဆိုကုန်မှာပဲလို့၊ ငါတို့မှာနှစ်တရာစာမပြောနဲ့တနှစ်စာတောင်ကြိုစုထားတာမရှိဘူး၊ ဒါပေမဲ့ ငါတို့မှာမြေအားလုံးစိုက်လို့ရတယ်၊ ၃လအတွင်းစားလို့ရတယ်ဆိုတော့၊ သူကဟုတ်လားလို့ပြန်ပြောပြီး၊ မင်းတို့နိုင်ငံငါလိုက်လည်ချင် တယ်လို့ပြန်ပြောပါတယ်။ နောက်ပြီးငါတို့နိုင်ငံမှာအကုန်ထွက်တယ်လို့၊ ပင်လယ်ထဲကငါးတွေ၊ဓါတ်ငွေ့တွေ၊ သစ်တောတွေ၊ မြေအောက် ကတွင်းထွက်သတ္တုတွေ၊ကျောက်သံပတ္တမြား၊ရွှေလည်းနေရာတိုင်းမှာထွက်တယ်ဆိုတော့သူတို့အံ့သြနေကြပါတယ်။
သူတို့နိုင်ငံဟာ၊ မြေပြန့်ဆိုတာမရှိသလောက်ပါပဲ၊ ကျောက်တောင်တွေ၊အနိမ့်အမြင့်တွေနဲ့ချည်းပါ၊ ကမ်းရိုးတန်းတွေဆိုလည်း၊ ကျွန်း ဆွယ်တွေ၊ ကျွန်းတွေချည်းပါပဲ၊ ကျွန်းတွေဆိုလည်း၊ကျောက်တောင်ကုန်းတွေချည်းပါပဲ၊ အဲဒီကျွန်းသေးကျွန်းကြီးအားလုံးကျောက် တောင်တွေနဲ့ပင်လယ်ကြားကကမ်းစပ်တကျောမှာနေကြတာပါပဲ၊ သူတို့နိုင်ငံသားတွေကလည်း၊ ချောက်ချိုမြောင်ကြားရော၊ ကျွန်းအ သေးလေးတွေပေါ်မှာထိနေကြပါတယ်၊ ဘယ်လိုနေရာမျိုးနေသည်ဖြစ်စေ၊အစိုးရက၊ ကားလမ်းဖေါက်ပေးပါတယ်၊ လျှပ်စစ်မီးရအောင် သွယ်ပေးပါတယ်၊ အင်တာနက်လိုင်းသွယ်ပေးပါတယ်၊ တနိုင်ငံလုံးလည်းကားလမ်းတွေချည်းပါပဲ၊ရထားလမ်းတော့နေရာတိုင်းမရှိပါဘူး၊ ကျောက်တောင်တွေကိုထွင်းဖေါက်ပြီးလုပ်ထားတဲ့၊ လှိုင်ခေါင်းတွေလည်းနေရာတိုင်းလိုလိုမှာရှိပါတယ်၊ ကြိုးတံတားတွေ၊ ပင်လယ် အောက်ကြမ်းပြင်ကဖေါက်ထားတဲ့လှိုင်ခေါင်းလမ်းတွေလည်းပေါများပါတယ်၊ ကျွန်းတွေချင်းကူးဘို့၊ကျွန်းတွေနဲ့ကမ်းရိုးတန်းကူးဘို့ ဖယ်ရီဘုတ်လိုင်းတွေလည်းပေါများတာပါပဲ၊ လမ်းပန်းဆက်သွယ်ရေးကတော့ပြောစရာမရှိလောက်အောင်ပါပဲ၊
သူတို့စာသင်ကျောင်းတွေရောက်ပြန်တော့၊ စာသင်ခန်းထဲမှာသင်ထောက်ကူပစ္စည်းကလည်းအပြည့်အစုံ၊ အပြည့်အစုံဆိုမှတကယ့်ကို အပြည့်အစုံပါပဲ၊ လက်သမားပစ္စည်း၊ကစ၊သုပ်ဆေး၊ ရွံ့လိုပစ္စည်းကအစ၊ကွန်ပျူတာ ၊တခြားဆော့စရာစုံလို့ပါပဲ၊ အဲဒါတွေနဲ့သူတို့ကလေး တွေကိုစာသင်နေကြတာတွေ့တဲ့အခါ ၊ကိုယ့်နိုင်ငံကကလေးတွေ၊ အရမ်းသတိယလို့မဆုံးနိုင်အောင်ပါပဲ။
သူတို့ကလမ်းဘေးအဆိုတော်လို့ခေါ်ကြပါတယ်၊ ကျတော်တို့ကတော့သူတောင်းစားပေါ့၊ အဲဒါလည်းဆင်းရဲတဲ့ဥရောပနိုင်ငံတချို့က လာတောင်းကြတယ်လို့ပြောပါတယ်၊ နွေရာသီမှာလာတောင်းကြတာပါ၊ အမျိုးသမီးငယ်လေးတွေရော၊အမျိုးသားကြီးငယ်တွေလည်း ပါပါတယ်၊ မိုက်ခရိုဖုန်းနဲ့ဂစ်တာတီး၊သီချင်းဆိုပြီးတောင်းနေကြတာ၊ တချို့လည်းကျောင်းသားတွေပါတယ်လို့ပြောကြပါတယ်။ အတိ အကျတော့မသိပါဘူး၊ ကျတော်တို့ဆီကသူတောင်းစားနဲ့တော့ကွာချင်တိုင်းကွာတာပါပဲ။
ဘာပဲဖြစ်ဖြစ်၊ကျတော့အတွက်ကတော့၊ သာသည့်မြေသို့မှာမသာယာချင်တော့ပါဘူး၊ ပေါင်းနှုတ်ဘို့ခဲချင်စိတ်ကပျင်းထန်နေဆဲပါ။
ပြန်ချင်တယ်ဆိုတာလည်း၊ ဆရာမငွေတာရီပြောသလို ပေါင်းနှုတ်ချင်တာတခုတည်းကြောင့်တော့မဟုတ်ပါဘူး၊ ထုံးစံအတိုင်း ငါးပိရည် ကောင်းကောင်းလေးနဲ့ လတ်ဆပ်တဲ့ဟင်းသီးဟင်းရွက်တို့စရာ ကောင်းကောင်းလေးများလည်းပါသည်ပေါ့၊ ရာသီအလိုက်ရိုးရာပွဲတော် တွေလည်းပါသည်ပေါ့၊ပင်ကျရည် ပုဇွန်ဆိတ်ခုန်လေးလည်း ဘီယာနဲ့အစားထိုးချင်တာပါသည်ပေါ့၊ တံတားဦးကကွမ်းနုဝါ၊ ငမြာကဆေး ကွမ်းသီးတောင်ငူနှင့်၊ ကိုင်းထုံးဖြူပြည်ရှား သာဝါးလို့ထွေးရသည့် ကွမ်းယာစားချင်တာလည်းပါသည်ပေါ့။  လိုင်းပေါ်မှာတွေ့တဲ့၊ မိတ်ဆွေနေလင်းထက်ကရေးထားတာဖတ်မိတော့လည်း ဟုတ်တာပါပဲ၊ သူပြောတာက မြန်မာပြည်မှာပျော်စရာတွေအများကြီးပါဗျာတဲ့၊ ရေလာလို့ပျော်ရ၊ မီးလာလို့ပျော်ရတဲ့၊ ဟုတ်တာပေါ့၊ ဒီမှာရေ၊ မီးအမြဲလာနေတာ သတိ တောင်မထားမိဘူး၊ပျော်ရမှန်းတောင်မသိပါဘူး၊ နွေရာသီပူလောင်အိုက်စပ်နေတဲ့အချိန်၊ယပ်တောင်တဖြတ်ဖြတ်ခပ်ရင်၊ ရေချိုးဘို့ စောင့်နေသူတွေ၊ရေလာလို့ပျော်လိုက်ရ၊ တီဗွီကြည့်ဘို့စောင့်နေသူတွေ၊ စာကျက်ဘို့စောင့်နေသူတွေ မီးလာလို့ထအော်လိုက်ကြ ပျော်စရာကြီးဗျာ၊ ကောင်လေးတယောက်ကလည်းရေးထားသေးတယ်၊ ပျော်ပျော်နေသေခဲ၊မော်တော်နေရေထဲ၊ အိမ်မှာနေအမေဆဲ၊ နေပြည်တော်မှာနေအသားမဲ၊ ရန်ကုန်မှာနေဗုန်းကွဲ၊ အမြင့်ဆုံးကိုတက် အချစ်ဆုံးကိုဖက်ပြီးအော်လိုက်မယ် မီးလာပြီဟေးးးမီးလာပြီတဲ့ ကဲဘယ်လောက်များပျော်နေကြလည်းစဉ်းစားသာကြည့်ကြပေတော့ အရပ်ကတို့ရေ့။
ဘာပဲဖြစ်ဖြစ်၊ ယူကျုမှာမြန်မာဇာတ်ကားဟောင်းတွေပြန်ကြည့်၊ တွံတေးသိန်းတန်ရဲ့ အသီးတရာအညှာတခုလိုသီချင်းဟောင်းတွေ ပြန်နားထောင်ရင်း၊ ဆရာသိပံမောင်ဝရေးသလို တောသားနဲ့မောင်လူအေး၊ မောင်လူအေးနဲ့တောသာပဲပြန်လုပ်ချင်နေတော့တယ်၊
စိုင်းထီးဆိုင်သီချင်းထဲကလိုလည်း၊ လှပတဲ့နော်ဝေသူတွေလည်းမတားပါဘူး၊ အိမ်သူဆွေလည်းမရှိပါဘူး၊ ဘာပဲဖြစ်ဖြစ်
အမေနဲ့ရွာကိုလွမ်းတယ်၊ ပြန်ချင်စိတ်တွေကတော့၊ ငှက်သွင်ပျံကြွမတတ်သော် ပါပဲဗျာ။ကဗျာဆရာမငွေတာရီရဲ့ သာသည့်မြေသို့ ကဗျာဟာ၊ကျတော့အတွက်ကတော့၊ အခုထိ ကျတော့်ရင်ထဲမှာ စီးမျောနေဆဲ အတွေးတွေထဲ ပျံ့လွင့်နေဆဲ ခေတ်မှီနေဆဲပါ။