"ကျွန်တော့်ကိုရေတခွက်လောက်တိုက်ပါအကို .."
......................
ရေဗူး ယူဖို့ လက်ကလေးအတတ် ...ပူစပ်စပ် နေမင်း ကြီးရဲ့ အောက် က စတီးရောင် ဖျက်ကနဲ အလက် မှာ ကျွန်တော်ရင်တွေ ဟက်တက် ကွဲသွားခဲ့ တယ် ......။
"ရင့်ရောင်"
မိထ္ထီလာ ဇာတိ ... အညာသားဆိုပေမဲ့ အသားခပ်လတ်လတ် ...လူပုံကလည်းခပ်သန့်သန့် ... စိတ်ဓာတ်ကလည်း ဂျွတ်ဆတ်ဆတ် ...လွတ်လပ် မှုကြိုက်တတ်လိုက်တာလည်း နှစ်ယောက်မရှိတဲ့ ကောင်လေး ....။
ပေါင် သုံးဆယ် သဲပါတ်* ကို ခါးရမ်းအောင်သယ်လို့ ...ဖုတ်ဖတ် ...ဖုတ်ဖတ် နဲ့ အဆောင်ဆီပြေးလာတယ် ... လူပုံကိုကြည့်ရတာ တောစီးဖိနပ် ပင် နိုင်တော့ ပုံမပေါ် ။ တစ်ကိုယ်လုံး မှာ လည်း ဖုန်အလိမ်းလိမ်းနဲ့
ရင်ဘက်နဲ့ ချိုင်းကြားမှာ ချွေး တွေ က နစ်နေအောင်ကွက်နေပြီ .... ခေါင်းငိုက်စိုက်နဲ့ အပေါ်ကို ပြေးတတ်အလာ ... ကျွန်တော့်ကိုကျော်သွားတယ်.....
"ဟေ့ကောင် ...ဗုဒ္ဓရှီး"လို့ ကျွန်တော် လှမ်းခေါ်လိုက်သော အခါ ..."ဟုတ် ... အကို "ဆိုပြီးမော့ ကြည့်သည် ....
( ဗုဒ္ဓရှီးးးးးးး ဆိုတာ က ဗုဒ္ဓဟူး သား ၊ ဂမူးရူးထိုး နိုင်လွန်းသော ကျွန်တော့် ဂျူနီယာ ဂါဒီယမ် ကို ချစ်စနိုးခေါ်သောနစ်ခ်နိမ်းပေါ့ )
ပြီးတော့ သူ့ပုခုံးကို ဖက် ခြောက်ထပ်ဆောင်လှေခါး ကိုအတူ တက်ပြီး ကျွန်တော့် အခန်း ကိုခေါ်လာခဲ့သည် ။ စာကြည့်စားပွဲ ပေါ် က ဗီဗီ ပင်မှည့်ဗူးဖျော်ရည်ဗူးလေး ကို လှမ်းပေး တော့ "ကျွန်တော့် ကိုရေတခွက်လောက်တိုက်ပါ အကို "
လို့ သူကဆိုတယ် ။ အီကွတ်မန့် (Equipment) ထဲက ရေဗူးကိုဖြုတ်ပြီး သူ့ကိုတိုက်လိုက်တယ် ။ တဂွတ် ...ဂွတ်မြည် အောင် ကိုသူမော့ သောက်တော့တယ် ....
"ဘယ်လိုဖြစ်ရတာတုန်း ဂါဒီယမ်(Guardian) ရ ....မင်းကြည့်ရတာလည်း ထေစောင်း*နေတာပါပဲလား ....အတော်မှ ဖွာ* ခဲ့ရဲ့လား " လို့ ကျွန်တော်ကမေးတော့ ...
"ဖန်စီ ကွင်းလေးအကိုရ.. ကျွန်တော်ဝတ်ချင်လို့ အရင်ပတ် outpass ထွက်ရင်းဝယ်လာတာ ... စာသင်ခန်းရောက်တော့ မနေနိုင်လို့ ထုတ်ဝတ်လိုက်တာ ... တန်းဖြုတ်ချိန်*ရောက်တော့ အဲဒါကို မေ့ပြီးပြန်မဖြုတ်ခဲ့မိဘူး
စကွက်* (squard)ထဲမှာ လျှောက်ရင်း လက်လွှဲတော့ လက်မှာ ဖန်စီးကွင်းဝတ်ထားတာကို တွေ့သွားပြီး ..... စစ်ရေးပြဆရာကြီးနဲ့ပါသွားတယ် ....အဲဒါကြောင့် ခု SED (Special Extra Drill)* ပြေးရတာ "
"မင်းကတော့ ဖြစ်ရမယ် ...လုပ်လိုက်ရင် ဘာမှ မစဉ်းစားဘူး သောက်တလွဲ .... အခြေနေချိန်ခါ ကြည့် ငါ့ညီရ ... စစ်ယူနီဖောင်းနဲ့ အဲဒီဖန်စီကွင်းနဲ့ ဘယ်လိုမှမှ ကြည့်လို့ မလိုက်တာ ...မင်းဘာသာ
လိုက်ဒရက်စ်* (light dress) ဝတ်လို့ရတဲ့ချိန် ကျတော့ ဝတ်ပေါ့ ကွ .... ခု မင်းတန်ရဲ့လား ဒီကွင်းလေးဝတ်ရတာနဲ့ ၂ နာရီလောက် ကွင်းထဲ အပြစ်ပေးခံရတာနဲ့ "လို့ ကျွန်တော်က ဆိုတော့
"တန်ပါတယ် ဂါဒီရ ...ကိုယ်ဖောက်* လို့ ကိုယ်ခံရတာပဲဟာ "တဲ့ ...
"အေး..ကြိုက်တယ် နောက်ခါ ဆို ငါ ပါ ထပ် အုပ်*မယ် "ဆိုတော့ .... မချိုမချဉ်မျက်နှာဖြင့် "ဟီးးးးးး..ဂါဒီကလည်း "ဆိုသွားဖြီး ပြနေလေသည် ။
ဗုဒ္ဓရှီး ..... ဆေးလိပ်ခိုးသောက်သည် မိတဲ့ခါ ဆေးလိပ်ကိုဝါးစားရသည် ... တပ်ပြင်ထွက်ရင်နောက်ကျမှ ဝင်သည် ...လိုင်းချုပ်ကျသည် ။ အပြစ်လွတ်အောင် စည်းကမ်းနဲ့ မနေတတ်သော ကျွန် တော့ ဂါဒီယမ် မှာ ယူနီဖောင်း
ဘယ်တော့ မှ အကောင်းမရှိ မနက်ခင်းဝတ်တဲ့ ကော်တောင့်အိုဂျီ* ဟာ ညနေဆို အပြစ်ပေးခံရသောကြောင့် ကျိုးကြေ ၊ ရွဲစောင်း နေပေပြီ ...ဖတ်တိတ် လုပ်သွားတဲ့ ခါ အင်ချက်လိုက်သွားတဲ့ အင်တိတ်တူ တာဝန်ကျများ က
ပြန်လာရင် ကျွန်တော့်ကို တိုင်သည် ...
"မင်းဂါဒီယန် က စောက်ပဲ့ * ကွ ... အင်တိတ်တူချင်းတွေ အလုပ်လုပ်နေတယ် ... သူကသစ်ပင်အောက်သွားပြီးသူ့ ရည်းစား ဆီကစာ သွားဖတ်နေတယ် "တဲ့ ။
သူ့စိတ်ဓာတ်ကို ကျွန်တော်သိပေမဲ့ ..ခုကိစ္စကျွန်တော် လက်မခံပါ ..သူ့ကိုခေါ်ဆူလိုက် သည် ...။
"မင်းလူသတ်ရင်မင်းထောင်ကျမယ် ...မင်းသူများဟာခိုးရင်ေ-ာက်ရှက်ကွဲမယ်..အရိုက်ခံရမယ် ၊ ဖဲရိုက်၊ အရက်သောက် ကွာ ကြိုက်ရာလုပ် ...မင်းလုပ်တဲ့ ပစ်ဒဏ် မင်းပဲခံရမှာ .... ဒါပေမဲ့ ဘဝတူချင်းတွေပေါ်မှာ သစ္စာမမဲ့ရဘူး ... အားလုံးလုပ်ရမဲ့ အလုပ် မင်းကမလုပ်တော့ တခြားသူတွေပိုလုပ်ရတော့မယ် ... ပြီးရမဲ့အချိန်မှာ မပြီးရင် သူတို့ကိုယ်ပိုင်အချိန်တွေ
ပါတော့မယ် ...စိတ်တို တတ်တဲ့ အရာရှိ နဲ့ဆိုရင် မင်းတစ်ယောက်အတွက်နဲ့ အားလုံး အပြစ်ပေးခံရတော့မယ် .... မြက်ပေါက်တာ ၊ မြေတူးတာလောက်တောင်မှာ သူတင်ကိုယ်တင်လုပ်မယ်လို့ မယုံကြည်ရတဲ့ မင်းကို ...
သူ့အသက်ကိုယ့် အပ် ...ကိုယ်အသက်သူ့အပ် ...ပုခုံးဖက်ပြိး ဘယ်လို စစ်တိုက်မလဲ ...မင်းကြိုက်တဲ့အပြစ်လုပ် ...ငါမပြောဘူး ...ဒါပေမဲ့ အင်တိတ်တူချင်း ပေါ် သစ္စာမမဲ့ နဲ့ ..."လို့ ကျွန်တော် ဆူပြီးတဲ့ နောက်မှာတော့ ..
"ဟုတ်.. "ဆိုပြီးအသံ ခပ်ကျယ်ကျယ် ထွက်လာ တော့ သည် ...
"မင်းအပြစ်ကိုမင်းလက်ခံရဲ့ လား " ...ဆိုတော့
"ဟုတ် "..ဟုဖြေသည် ....
"အေး ...လက်ခံရင် မင်းhonour နဲ့ မင်း ၅၀ ပတ်လည် ချ "ဆိုတော့ "ဖားခုန် ၅၀ ၊ လေထီးခုန် ၅၀ ၊ လက်ထောက်မှောက် ၅၀ ၊ ဗယ်လီ ၅၀ ၊ ထိုင်ထ ၅၀ "ကို အမှတ်စဉ်ဆို ပြီးလုပ်တော့သည်..။
ရင့်ရောင် ဆိုတာ အဲလိုကောင်စားလေး ပင် ...လုပ်ချင်တာကို ဘာကိုမှ မစဉ်းစား ကမူးရှူးတိုးလုပ်တတ်သည် ... ဒါပေမဲ့ အပြစ်လုပ်ပြီးရင်တော့ ပေးသမျှ ပစ်ဒဏ်ကို မငြီးမငြူ လိုက်လုပ်တတ်သည် ။
ဘယ်တော့ မှ ပါရှယ်မပြ * ...ဘယ်တော့မှ ကွန်ပလိန်းမတက်သလို....ဘယ်တော့ မှ လည်း မရှိုင်း* ....။ သူအပြစ်လုပ်လို့ ပစ်ဒဏ်ပေးခံပြီးတိုင်းလည်း ကျွန်တော့ကိုရေတခွက်ပဲတိုက်ခိုင်းတတ်တယ် ... အအေးတိုက်လို့မသောက် ...
သူ့ကို ဖြစ်ချင်တာတစ်ခုပဲ မကြည့်ဖို့ .. ရှေ့နောက်စဉ်းစားဖို့ .... ဂါဒီယမ် အကိုတစ်ယောက် အနေနဲ့ ကျွန်တော် အမြဲဖျောင်းဖျသည် ...
ဆုံးမသည် ။ သူ နာတော့ နာခံရှာပါသည် ... သို့သော် မွေးသန္ဓေ သေမှပျောက် ... ဆိုတဲ့ ဆိုရိုးစကားလည်းရှိပေသည် မဟုတ်လား ။
ဒီလိုနဲ့ ကျွန်တော်တို့ တွေ ဘယ်ညာ...ဘယ်ညာ လျှောက်လိုက် ... ပြေးလိုက်လွှားလိုက် ... မောလိုက်ပန်းလိုက် .... စိန်ပန်းလမ်း က အနီရောင်အကြွေပန်းတွေ ကို နန်းလိုက်ရှိုက်လိုက် နဲ့ ကာလတွေဖြတ်သန်းလာလိုက်တာ
ဒီဇင်ဘာလတောင် ရောက်လာခဲ့တယ် ....မှုန်မှိုင်းနေတဲ့ မြူတွေနဲ့ အတူ ပန်းနုရောင် ချယ်ရီတွေကလည်း ဝိဇယတတောင် လုံး ပန်းရောင်တွေ လွှမ်းလို့ ....လူကြမ်းကြီးတွေ ကြားမှာ အချစ်တောင်တန်းကြီး ဟီးနေအောင်ပေါက်နေသလိုလို ။
ကျောင်းမဆင်းမှီကာလတွေမှာassault ပြိုင်ပွဲ ၊ အောင်စစ်သည်တိုက်စစ် ၊ ကျောင်းဆင်း စစ်ရေးပြ ၊ စစ်ဗျူဟာ စာမေးပွဲ ၊ ကျောင်းဆင်းစာတမ်း စတာတွေ နဲ့ လက်မလည်အောင် အလုပ်တွေ ဇယ်ဆက် နေတော့သည် ။
ကိုယ့်ဂါဒီယမ် ကိုလည်းမကြည့်အားတော့ ... ဗုဒ္ဓရှီး .. ကတော့ ကျွန်တော်မအားတဲ့ ခါ ကော်လာဂျက် ၊ ခါးပတ် တိုက်ပေးတာ အစ ... စစ်ရေးပြ ဓားတိုက်ပေးတာအဆုံး အားလုံး သူလာလုပ်ပေးခဲ့တယ် ...
ကျွန်တော့် ညီ ဂါဒီယမ် ဗုဒ္ဓရှီး က အဲလိုတော့အားကိုး ရတယ် ။ အဲလိုနဲ့ ကျွန်တော်တို့တွေ ကျောင်းပြီးတဲ့ခါ ချစ်ခင် ရတဲ့ မိခင်ကြီး ဒေါ်စိန်အေး နဲ့တကွ ညီငယ်တွေကို ခွဲပြီး သက်ဆိုင်ရာ တပ်အသီးသီးမှာ တာဝန်ထမ်းဆောင်ကြရတယ် ...။
တပ်တွေ မှာ တာဝန်ထမ်းဆောင်ပြီး တစ်နှစ်ကြာတဲ့ အခါ ရင့်ရောင် နဲ့ အင်တိတ်တူ ညီလေး တွေ ကကျောင်းဆင်းလာကြတယ် ။ သူနဲ့ အတူတူ သူငယ်ချင်း ညီလေး က ကျွန်တော့် တာဝန်ကျတဲ့တပ်ကိုရောက်လာတော့
ကျွန်တော့် ဂါဒီယမ် လေး ကို သတိတရ နဲ့ ဒီကောင်ဘယ်လိုလဲ ၊ ဘယ်တပ်မှာတာဝန် ကျလဲ
အမောတကော မေးမိတယ် ။ တပ်ကိုရောက်လာတဲ့ ညီလေး က ကျွန်တော့် ကို မကြည့်ပဲ ခေါင်းကို ငုံ့ လျှက် ...
" အကို့ ဂါဒီယမ် ရင့်ရောင် စာမေးပွဲကျတယ် ... ပြီးတော့ ..." ဆိုပြီး စကား ကို ရပ်ထားသည် ...။
"ပြီးတော့ ဘာဖြစ်လဲ ညီလေး "လို့ ကျွန်တော်ဆက်မေးမိသည် ။
" အကို့ ဂါဒီယမ် ကျွန်တော် ကျောင်းဆင်းတော့ အချုပ်ထဲမှာ ... ညီအထင်တော့ ထောင် ကျမယ်ထင်တယ် "တဲ့ ..။
"ဘာဖြစ်လို့လဲ ညီလေး "လို့မေးရင် ကျွန်တော်ရင်ပူသွားမိသည် ...။
"အကို့ ဂါဒီ ယမ် မှာ ကောင်မလေး ရှိတယ်လေ သိတယ်မလား ..."
"အေး"
"အဲဒီကောင်မလေး က နာ့စ် အဖြစ်နဲ့ ပြင်ဦးလွင် ကိုပြောင်းလာတယ် အကို .... ဒီကောင်က နဂို ကမှ သူ့ကောင်မလေး ကို အတော်ချစ်တော့ .... ဆေးခန်းခဏခဏ လိုက်ပြီး သွားသွားတွေ့တယ် .... တပ်ပြင်ထွက်ခွင့်ရတဲ့ ခါ .... ကောင်မလေး နဲ့
အတူ လျှောက်သွား ၊ အတူလည် ကြပေါ့ အကိုရာ .... ဒါပေမဲ့ ဒီကောင့် မိဘတွေ ဘက်ကရော ၊ ဒီကောင့် ကောင်မလေး မိဘတွေ ဘက်ကရော သူတို့ နှစ်ယောက်ကို သဘောမတူကြဘူး .... သူတို့ ၂ ယောက်လွန်လွန်ကျူးကျူးဖြစ်ပြီး
ကောင်မလေး မှာ ကိုယ်ဝန်ရှိသွားတယ် ...."
"အဲဒီတော့ ဘာဖြစ်လဲ "ကျွန်တော် စိတ်စော စွာ ဆက်မေးမိသည် .....။
"သူ့ ကောင်မလေး ကို မိဘ တွေ ကအိမ်ပြန်ခေါ်တယ် ...ပြင်ဦးလွင် ကနေပြီးတော့ .... ပြီးတော့ ကိုယ်ဝန် ကို ဖျက်ချခိုင်းတယ် ပြောတယ် "
"ဟာ "ကျွန်တော် အရမ်း အံ့ သြသွားမိသည် ။ လူကြီး တွေ သားသမီးပေါ်မှာချစ်တဲ့ အချစ်က လည်း တခါတခါ ..အတ္တ တွေလို ကြောက်ဖို့ ကောင်းလှသည် ။ မလုပ်သင့် မလုပ်ထိုက်သော အလုပ်များကို လုပ်မိသည်အထိပင် ။
"အဲဒီနောက်တော့ .... ရင့်ရောင်ကောင်မလေး ရော ၊ သူ့ကလေး ရော ... လူကြီးရော ကလေး ပါ ဆုံးသွားတယ်အကို "
ကျွန်တော် ရင် ထဲ မှာ ဆို့ လာသည် .... စိတ်ထဲမှာလည်း ကံ ဆိုးလိုက်တဲ့ ငါ့ညီရာ လို့ ရေရွတ်နေမိသည် ....။
အဲဒီနောက် ရင့်ရောင် သူငယ်ချင်း ညီလေး က ဆက်ပြောသည် ...။
"အဲဒါ ဒီကောင်လည်း သိရော .... ညဘက်ကြီး မိထ္ထီလာ ကိုခိုးဆင်းတယ်အကို ... ဒါပေမဲ့ ဒီကောင် ကံ မကောင်းဘူး ၂၁ မိုင်မှာ ပြန်မိတယ် .... အဲဒီတော့ ဒီကောင့်ကို အချုပ်ထဲ မှာ ထည့်ထားတယ် ....
ထမင်းစားဖို့ တံခါး ခဏ ဖွင့် ပေးတဲ့ အချိန်မှာ .... ဒီကောင် ထပ်ပြီး ထွက်ပြေးတယ် .... အဲဒီ အပါတ် က မိုးတွေ နေ့တိုင်းရွာနေတယ် ...ဒီကောင်ထွက်ပြေးပြီး နောက် နေ့ ည မိုးရွာ ကြီးထဲမှာ ပဲ .... သင်းချိုင်း ကနေ သူ့ ကောင်မလေး အုတ်ဂူ ကို သွားဖောက်တယ် "
"ဟာ ... ဖြစ်ရလေ ငါ့ညီရာ... အဲလာက်တောင် ဖြစ်ရသလား " ကျွန်တာ် စိတ်ထဲမှာ တနုံ့ နုံ့ နှင့် ဘယ်လို မှ မကောင်းပါ ။
ညီလေး က ဆက်ပြော တယ်
"အဲ နောက်တော့ သုဿန် စောင့် က တွေ့ သွားပြီးတော့ ... ရဲတွေ နဲ့ ဖမ်းပြီး ... ပြန်ပို့ပေါ့ အကိုရာ .... သက်ချုပ် တွေ ဘာတွေ ရေးလိုက်တော့ .... စစ်ပြေးမှု ၊ အချုပ်ခန်းဖောက်မှု ၊ အုတ်ဂူဖောက်တာတွေ ရော
ဆိုတော့ ထောင် အများကြီး ကျမယ်ထင်တယ် "
"မိုက်လိုက်တာ ငါ့ညီရာ .... စည်းကမ်းဆိုတာ ကိုယ့်စိတ်ကို ထိန်းချုပ်နိုင်ဖို့ အတွက်စိန်ခေါ်ချက်တွေ ပဲ .... အတတ်နိုင်ဆုံး လိုက် နာကျင့် ကြံ ကြရမှာ.... အရာရာမှာ ကမူးရှူးထိုးမလုပ်ဖို့ .... ရှေ့ နောက်စဉ်းစားဖို့ ... ကြုံရင်ကြုံသလို
အမြဲ ပြောခဲ့တယ် ..... ခုတော့ မင်း စည်းကမ်းမလိုက်နာ တော့ ဘဝထဲ ကပါပြီ ..... နောက်တစ်ကြိမ် ဆိုတာ ပြန်ကြုံ မလာတော့ မဲ့ သင်ခန်း စာမျိုး နဲ့ မင်းဝနဲ့ချီပီးပေးဆပ်ရပီ .... လူလည်းမသတ် .. မကောင်းမှုလည်း မလုပ်ပါပဲနဲ့
မင်း ဥပဒေ ရဲ့ ပစ်ဒဏ် တွေ ခံရတော့မယ် ..." ....စိတ်ထဲမှာတတွတ်တွတ်ပြောနေရင်း တစိမ့်စိမ့် တွေးလိုက်တိုင်း ရင်ထဲမှာဘယ်လို မှ မကောင်းတော့ပါ ။
တပ် က ယာယီ တာဝန် နဲ့ မန္တ လေး ကိုချက်ချင်းသွားရတော့ တွေ့လို့ တွေ့ ငြား ကျွန်တော် ရင့်ရောင် ကိုသွားရှာ မိတယ် ... ခရီးသွားဟန် လွဲ ထည့်လာခဲ့တဲ့ ကျောပိုးအိတ် ဘေး မှာ အယ်ပိုင်းဗူးသေးလေးကလည်းချိတ်လို့ပေါ့ ....
ကျွန်တော် တွေ့ ရပါပြီ .... သံ တိုင်းတွေ လက်ခြား ခတ် ထားတဲ့ အချုပ်ကားပေါ် တက်ခါနီးဆဲ ဆဲ မှာ ... ကျွန်တော် လှမ်းခေါ်လိုက်မိတယ် "ဂါဒီယမ် ...ဗုဒ္ဓရှီးးးးးးး" ......
ပထမ သူ အံ သြ မှင်သက် နေသယောင် မျက်နှာက နေပြီး ယဲ့ယဲ့လေး ပြုံးလာတယ် .... ပြီးတော့ ဖြူဖတ်ဖတ် မျက်နှာလေး ညှိုးပြီး အောက်ကို ငုံ့ သွားခဲ့တယ် .....သူ့လက်မှာ ခတ်ထားတဲ့ စတီး ရောင် လက်ထိပ် ကို ကျွန်တော် တော်တော် ကြာစိုက်ကြည့်နေမိတယ် ....ကျွန်တော့်  မျက်လုံး တစုံ က မျက်ရည် တချို့ က အလိုလို ခုန်ဆင်းလာခဲ့ကြတယ် .... သူ့  မျက်နှာကို မပီဝိုးတဝါး ကြည့်နေတုန်းမှာပါ ပဲ..
ခေါင်းငုံ့ လျှက် သူ့ဆီက အသံလေး တစ်သံ ထွက်လာခဲ့တယ် ....
"ကျွန်တော့်ကိုရေတခွက်လောက်တိုက်ပါအကို .."
echo သံတွေ ကကျွန်တော့ ရင်ဘက် ထဲ ညံသွားခဲ့တယ် ....ကျောင်းမှာ သူအပြစ်လုပ်လို့ ပြစ်ဒဏ် ခံရ တိုင်း သူ့ဆီ ကကျွန်တော်ကြားနေကျ စကားသံလေး ....
"ကျွန်တော့်ကိုရေတခွက်လောက်တိုက်ပါအကို .."
"ကျွန်တော့်ကိုရေတခွက်လောက်တိုက်ပါအကို .."
"ကျွန်တော့်ကိုရေတခွက်လောက်တိုက်ပါအကို .."
ကျွန်တော် ကတုံ ကယင် နဲ့ ပဲ ကျောပိုးအိတ်ဘေး မှာ ချိတ်ထားတဲ့ အယ်လ် ပိုင်း ဗူးလေး ကိုဖြုတ် နေမိတယ် ..... ပြီးတော့ ....
" သောက် .... ဟေ့ ကောင်.... သောက် ............တောက် !!... မင်းကွာ....ငါ ဒီလောက် အတန်တန် ပြော ခဲ့ တဲ့ " ....ငိုသံ တွေ တဝက်တပျက် နဲ့ အော်ပစ် ပြီး ... စကားဆုံး ခင်မှာပဲ ကျွန်တော်အသံ တွေ တိမ်ဝင်သွားခဲ့တော့တယ် .....
ကျွန်တော် ပေးတဲ့ ရေဗူး ယူဖို့ လက်ကလေးအတက် ...ပူစပ်စပ် နေမင်း ကြီးရဲ့ အောက် က စတီးရောင် ဖျက်ကနည်းအလက် မှာ ကျွန်တော်ရင်တွေ ဟက်တက် ကွဲသွားခဲ့တယ်......။
ဘယ်ချိန်က ကျွန်တော့်လက်ထဲ ပြန်ရောက်နေခဲ့ မှန်းမသိတဲ့ ရေဗူးလေး ကို သတိရောက်သွားတဲ့ခါ မှာတော့ .... အချုပ်ကားကြီး ရဲ့ အရိပ် က ရေဗူးလေး နံရံ က နေတဖြေးဖြေး ထွက်ပြေး သွားနေ ခဲ့ တော့ တယ် ....။
(ရုပ်ဆိုး)
သဲပါတ်* = သဲထည့်ထားသော ကျောပိုးအိတ်
ထေစောင်း* = အဝတ်စား သပ်သပ်ရပ်ရပ် မရှိသော ၊ ဖိုသီဖတ်သီနိုင်သော
ဖွာ* = ဖွာသည် = အလွန့်အလွန် ပင်ပန်းသည်
SED (Special Extra Drill)* = အပိုစစ်ရေးပြ
စကွက်* (squard) = အစုအဖွဲ့
လိုက်ဒရက်စ်* (light dress) = နှစ်သက်ရာဝတ်စုံ(ဘောင်ဘီ ၊ ရှပ်) စသဖြင့်
ဖောက်သည်* = စည်းကမ်းချိုးဖောက်သည် ၊ အပြစ်လုပ်သည် ။
အုပ်* = အုပ်သည် = အပြစ်ပေးသည် ။
ကော်တောင့်အိုဂျီ* = smart ဖြစ်စေရန် ကော်ရည်သုတ် မီးပူထိုးပြီးဝတ်ရသော ယူနီးဖောင်း ။
စောက်ပဲ့* = အကျင့် မကောင်းသော ၊ စိတ်ဓာတ်ညံ့ ဖျင်းသော ....ပါရှယ်ပြ * = တခုခု ကို အကြောင်းပြ သည် ။ရှိုင်း* = ရှိုင်းသည် = ရေသာခို သည် ၊ အချောင်လိုက်သည် ။