စောင့်ရှောက်လိုသူဖြစ်သည်ဟု ဘ၀င်ကျမိပါသည်။
သို့သော် . . . .
*** . . . အရေးအခင်းတစ်ခုစသည်နှင့် နှစ်ဘက်အုပ်စုများ၏ ပစ်မှတ်သည် ဆိုင်ကြီး၊ ကန္နားကြီးများအား အရင်ဆုံးဖျက်ဆီး ကြသည်ကို ထောက်ခြင်းအားဖြင့် စီးပွားရေးကွာဟမှုကို အရင်းခံသည့် လွဲမှားသောလက်စားခြေမှုတစ်ခု
ဖြစ်လေသလောဟု တွေးစရာရှိသည်။ ထိုကဲ့သို့သော လူစုများသည် မိမိလူမျိုးအကျိုးစီးပွားအတွက်၊ ဘာသာကိုကာကွယ်ချင်သော စိတ်ဖြင့် ပြုလုပ်သည်ဟု ဆင်ခြေပေးသော်လည်း လက်ခံရန် ခံယဉ်းလှသည်။
*** မြွေသည် အန္တရာယ်ရှိသည်မှန်သော်လည်း တကူးတကရှာဖွေပြီး သုတ်သင်သတ်ဖြတ်ပစ်ရန်မဟုတ်။ အရှေ့အလယ်ပိုင်း၏ ဆိုးရွားသော လူမျိုးတုန်းသတ်ဖြတ်မှုများ၊ သတင်းစကားများ၊ အနောက်နိုင်ငံကြီးများနှင့် အာရပ်ကမ္ဘာတို့ အပြန်အလှန်မုန်းတီးလက်စားခြေနေသည့် ရုပ်၊သံများကို မြင်ရ၊ ကြားရရုံဖြင့် ကိုယ့်အိမ်နီးချင်း၏ အိမ်ကို မီးသွားရှို့စရာလည်း မလိုပေ။
*** ကျွန်ုပ်၏ အမျိုးကိုချစ်ပုံချစ်နည်းသည် ကိုယ့်အမျိုးသား အကျိုးစီးပွား တောင့်တင်းပြီး အေးအေးချမ်းချမ်းနေသည်ကို
မြင်လိုခြင်းဖြစ်သည်။ ထို့အတွက် မည်သည့်ဘာသာခြား၊ လူမျိုးခြားကိုမှ ရန်လုပ်နေစရာမလိုဟု ယူဆထားသူဖြစ်သည်။ မိမိတို့ အမျိုးသားအကျိုးစီးပွားခိုင်မာတောင့်တင်းရန်အတွက် အမျိုးသားရေးကိုအခြေခံသည့် အားကိုးလောက်စရာ ဥပဒေတရပ် အတိုင်း ပြည်သူက ယုံကြည်ထိုက်သည့် သမ္မတက မှန်မှန်ကန်ကန်ဦးဆောင်ပေးရေးကိုသာ အလိုရှိပါသည်။
*** ထို့အတွက် အိမ်နားတွင် လဘက်ရည်ဆိုင်လာဖွင့်သည့် မာမူကြီးအား လေးဂွဖြင့်ချောင်းပစ်ရန်လည်းအလိုမရှိ၊ သူတို့ဆိုင်များတွင် မ၀ယ်ရန်သပိတ်မှောက်သည့်နည်းလမ်းကိုလည်းအောင်မြင်လိမ့်မည်ဟုမထင်။
*** ဘာသာခြားများဘက်မှ နယ်မြေနှင့်စီးပွားရေးလွှမ်းမိုးမှု၊ မျိုးဆက်ပြန့်ပွားမှု ဗျူဟာများကို စက်ဆုပ်ရွံရှာသလို အနီးအနားတွင် လူမျိုးခြား၊ ဘာသာခြားများ မရှိတော့သကဲ့သို့ အလေးထားရကောင်းမှန်းမသိပဲ လက်ရုံးဆန့် တရားပွဲများ အသံကုန်ဟစ်၍ကျင်းပနေသည့် လုပ်ရပ်များအတွက် စိတ်မသက်မသာဖြစ်မိကြောင်းကို ၀န်ခံပါသည်။
*** ရေလိုချင်လျှင်ရေတွင်းကို လုံလအပြည့်ဖြင့်တူးရမည်ဖြစ်သော်လည်း သဲကျင်း၊ ကျောက်စရစ်ကုန်း
ဖြစ်နေလျှင် ရေရမည်မဟုတ်ပါ။ ထို့အတူ ကျွန်ုပ်တို့၏ အမျိုးဘာသာသာသနာချစ်စိတ်ကို မမှန်ကန်သည့်ဘက်၌ အသုံးချမိနေပါက သဲကျင်း၊ ကုန်းကြည်းမှ ရေမထွက်သကဲ့သို့ အချိန်ကုန်လူပမ်းပြီး အကျိုးမရှိမှာ စိုးရိမ်ပါသည်။
***********
***********
((အထူးစိုးရိမ်သည်မှာ လူမျိုးခြား၊ ဘာသာခြားများအား မုန်းတီးမှုကို မိမိအမျိုးဘာသာသာသနာအားချစ်သည်ဟု အထင်ရောက်နေပါက သတ်ပွဲ၊ဖြတ်ပွဲ၊ အဓိကရုဏ်းများ ဖြစ်လာရန်သာအကြောင်းရှိပြီး
နှစ်ဘက်အုပ်စုပျက်စီးရုံသာရှိတော့သည်။))
*** မိမိ၏အမျိုးဘာသာ၊ သာသနာကိုတကယ်ချစ်ရိုးမှန်လျှင် လူမျိုးနှင့်ဘာသာ ထွန်းကားရန်အတွက်
ရေတို၊ ရေရှည်စီမံကိန်းများကို ညီညီညွှတ်ညွှတ်အကောင်အထည်ဖော်ရုံနည်းလမ်းမှတစ်ပါး တစ်ဘက်နှင့်တဘက် အံတကြိတ်ကြိတ်ဖြစ်နေခြင်းသည် မည်သို့မျှ အသုံးကျမည်မဟုတ်။
*** အမျိုးချစ်သည်ဟု ထင်နေသောစိတ်သည် လူမျိုးခြားမုန်းတီးမှု သက်သက်ဖြစ်နေတတ်ပါသည်။ လူမျိုးခြား၊ ဘာသာခြားများကို မျက်စောင်းတထိုးထိုး၊ လက်သီးတဆုပ်ဆုပ်ဖြစ်နေသူများကိုလည်း မျိုးချစ်စိတ်ရှိသူဟု အမည်တပ်ရန်အကြောင်းမရှိပါ။ နာမည်ပေးရမည်ဆိုလျှင် ရန်လိုသူများသာဖြစ်ပါသည်။
*** လိုရင်းပြောလိုသည်မှာ သင်ကိုယ်တိုင်အမျိုးဘာသာ၊သာသနာကို ချစ်မြတ်နိုးရိုးမှန်လျှင် မိမိလူမျိုး အကျိုးစီးပွားအတွက် လုံလ၊ ၀ီရိယ၊ အကြံဥာဏ်များကိုအားကိုးပြီး ကြိုးစားရန်သာဖြစ်သည်။
=======================================
@ Kogyimind Mind ရေးသားသော Status မှ အကျဉ်းချုပ်ကောက်နှုတ်ကာ ပြန့်ပွားသင့်သော ဖြောင့်မတ်သည့် အယူအဆဖြစ်၍ ခွင့်တောင်းပြီး Note အဖြစ်တင်ပါသည်။
(စာရေးသူ ရေးသားသော အကြောင်းအရာ၏ ဆိုလိုရင်းကို သေချာစွာဖတ်ရှု၍ စာရေးသူအား မျိုးချစ်စိတ်၊ ဘာသာချစ်စိတ် နည်းပါးသူတစ်ယောက်ဖြစ်သည်ဟု မည်သည့်နည်းနှင့်မျှ စွတ်စွဲခြင်းငှာ မထိုက်ကြောင်း လေးစားမှုဖြင့် နားလည်ရပါသည်။)
Nanda Htun Htet