အရုဏ်ဦးချုံခိုတိုက်ပွဲ
+++++++++++++
တပ်ရင်းရုံးမှ စတင်ထွက်ခွာချိန်မှာ မိုးပင် မလင်းတတ်သေး။ သြဂုတ်လ၏ နံနက်ခင်းသည် တဖွဲဖွဲရွာသွန်းနေသည့်မိုးကြောင့် ပို၍ မှောင်နေသယောင်ယောင်။ စစ်သုံးဂျစ်ကားလေးကို ဗိုလ်တိုက်ချွန်းမောင်းနှင်လာခဲ့ပြီး ဗိုလ်မှူးကြီးဟရန်သီယိုက ယာဉ်၏ဦးခန်း ဗိုလ်တိုက်ချွန်း၏ဘေးမှ ထိုင်လျက်လိုက်ပါလာခဲ့သည်။ ယာဉ်နောက်ခန်း ဗိုလ်တိုက်ချွန်း၏နောက်ဘက်တည့်တည့်နေရာတွင်တော့ ဆေးကိရိယာအစုံအလင်ဖြင့် ဆေးမှူးဗိုလ်ကြီးဒွေး၊ သူ၏နံဘေးတွင် ဗိုလ်ကြီးလှမုန်းနှင့် ဒုတပ်ကြပ်ဟိုခါးတို့ နေရာယူလျက် လိုက်ပါလာကြသည်။
အမှောင်ထုအောက်တွင် ဂျစ်ကားကို ဂရုတစိုက်ထိန်းသိမ်းမောင်းနှင်လာရင်းမှ လမ်းအခြေအနေ၊ ရန်သူ့သတင်း၊ ရာသီဥတုနှင့် အချိန်ကာလကို သုံးသပ်ရင်း စိတ်ပူပင်လာသည့် ဗိုလ်တိုက်ချွန်းက သူ၏တပ်ရင်းမှူးအတွက် စိုးရိမ်စိတ်ဖြင့် ........ သူသုံးသပ်မိသော အခြေအနေကို တင်ပြကာ
ပြန်လှည့်ရန် အကြံပြုမိချေရာ.... တပ်ရင်းမှူးကြီး ဟရန်သီယို ကသမိုင်းတွင်ကျန်ရစ်မည့် စကားတခွန်းဖြင့်သာ အဖြေပေးလိုက်လေသည်။ ထိုသည်ကား...
"ဟေ့ ... တိုက်ချွန်း၊ ဘာဖြစ်လို့ ပြန်လှည့်ရမလဲ။လူဆိုတာ တသက်မှာ နှစ်ခါမသေဘူးကွ။မင်း သေရမှာကြောက်သလား။
မင်းကို သတ္တိရှိတယ်ဆိုပြီး ငါ့အနားမှာ ခေါ်ထားတာ " ဟူ၍......။
မှော်ဘီမြို့နယ်နိမိတ်၏အပြင်သို့ရောက်လာသည့်တိုင် ဖြိုးဖြိုးဖျောက်ဖျောက်ရွာသွန်းနေသည့်မိုးက မရပ်တန့်သေးသလို အမှောင်ထုကလည်း အားကောင်းလို့နေဆဲ။
မြို့အထွက် ဘုန်းကြီးကျောင်းအနီးသို့ သူတို့ဂျစ်ကားလေးရောက်လာချိန်မှာတော့ လမ်းဘေးဝဲယာတဖက်တချက်ရှိ သစ်ပင်ကြီးများအောက်မှ ရုတ်တရက်ဆိုသလို လက်ခနဲ...
လက်ခနဲ မြင်တွေ့လိုက်ရသည့် မီးပွင့်အနီမြောက်များစွာနှင့်အတူ ဆူညံစွာပေါက်ကွဲထွက်လာသည့် သေနတ်သံများက သြဂုတ်လ (၆) ရက်နေ့၏ နံနက်ခင်းကို စတင်ဖြိုခွင်းလိုက်လေပြီ......။ အင်အား(၃၀)ဝန်းကျင်ခန့်ရှိသည့် သောင်းကျန်းသူများက ဗိုလ်မှူးကြီးဟရန်သီယိုတို့ စီးနင်းလိုက်ပါလာသောဂျစ်ကားကို ဘရင်း၊ ရိုင်ဖယ်၊ စက်သေနတ်များဖြင့် တရစပ်မရပ်မနားခြုံခိုတိုက်ခိုက်ကြခြင်းပင်...။
ဘယ်ညာနှစ်ဖက်ညှပ်ကာ တရစပ်တိုက်ခိုက်လာသည့် ရန်သူ့ကျည်ဆန်များအကြားတွင် ဗိုလ်တိုက်ချွန်း၏ အနောက်ဘက်ထိုင်ခုံ၌လိုက်ပါလာသူ ဆေးမှူး ဗိုလ်ကြီးဒွေးမှာ ကားပေါ်မှဆင်းရန် အချိန်ပင်မရလိုက်တော့ရှာပဲ ဦးခေါင်းတွင်ရရှိသော သေနတ်ဒဏ်ရာဖြင့် နေရာတွင်ပင်လျှင် ပွဲချင်းပြီး ကျဆုံးသွားရရှာသည်။ ရန်သူ့ကျည်သင့်သဖြင့် ဂျစ်ကား စတီယာရင်လက်ကိုင်ချို့ယွင်းသွားလေရာ နောက်ပြန်လှည့်ဖို့လည်း အခွင့်မသာတော့။ ကားရှေ့လေကာမှန်မှာလည်း ရန်သူ့ကျည်ဆံကြောင့် တစစီ ကြေမွလျက်....။ ဗိုလ်မှူးကြီး ဟရန်သီယို နှင့် ဗိုလ်ကြီးလှမုန်းတို့မှာလည်း တဒိန်းဒိန်း၊ တဒိုင်းဒိုင်းဖြင့်ဆူညံစွာ ပစ်ခတ်လျက်ရှိသော သေနတ်များကြားတွင် ကားပေါ်မှအမြန်ခုန်ဆင်း၍ အကာအကွယ်ယူရတော့သည်။ ကားပေါ်လိုက်ပါလာသူစုစုပေါင်း(၅)ယောက်အနက်မှ ဗိုလ်ကြီးဒွေးကျဆုံးသွားပြီဖြစ်သဖြင့် လက်ကျန်လူ (၄)ဦးဖြင့်
ရန်သူ၏ ပစ်ခတ်မှုကို တုံ့ပြန်နေရသော်ငြား လက်နက်အင်အားနှင့် လူအင်အားမှာ အပြတ်အသတ်ကွာခြားလို့နေသည်။ ရန်သူ့ပစ်အားနှင့်ယှဉ်မည်ဆိုပါက ကျည်ပစ်အားအလွန်
ကွာခြားလွန်းနေပေသည်။
ရန်သူတို့ချုံခိုတိုက်ခိုက်ချိန်နှင့်တပြိုင်တည်း ကားကိုရပ်၊ ကားအောက်ဆင်း၍ နေရာယူ၊ ပြန်လည်ခုခံပစ်ခတ်မှုမှာ အချိန်အားဖြင့် မိနစ်အနည်းငယ်မျှသာ ကြာမြင့်ပေလိမ့်မည်။ ရန်သူ၏ ကြိုတင်နေရာယူပစ်ခတ်မှုကြောင့် ဗိုလ်ကြီးလှမုန်း ရန်သူ့ကျည်သင့်သွားသော်လည်း ဒဏ်ရာမပြင်းထန်ပါချေ။ ဗိုလ်မှူးကြီး ဟရန်သီယို မှာတော့ ပေါင်တွင်ကျည်ဆန်ထိမှန်သွားခြင်းကြောင့် နေရာမှမထနိုင်တော့.......။ဒဏ်ရာရထားပြီးသူ နှစ်ယောက်နှင့်အတူ ရန်သူအားရေရှည်ခုခံတိုက်ခိုက်ရန် ကျည်အင်အား၊ လက်နက်အင်အားလည်း မလုံလောက်ခြင်းကြောင့် ဗိုလ်တိုက်ချွန်းနှင့် တပ်ကြပ်ဟိုခါးတို့နှစ်ဦးမှာ တိုက်ပွဲဖြစ်ပွားရာနေရာမှ အတင်းဖောက်ထွက်လျက် နောက်တန်းတပ်ရင်းသို့
အမြန်ဆုံးသွားရောက် အကြောင်းကြားရတော့သည်။ ရန်သူတို့၏ တရစပ်ပစ်ခတ်နေသည့် ကျည်ဆံများအကြားတွင် ဒဏ်ရာရရှိထားသည့် တပ်ရင်းမှူးနှင့် ဗိုလ်ကြီးလှမုန်းတို့၏ ကံကြမ္မာအဆုံးအဖြတ်မှာ ဗိုလ်တိုက်ချွန်းတို့နှစ်ဦးအပေါ်တွင် မူတည်၍နေလေပြီလော မပြောတတ်........။
စစ်ကူလိုက်ကြပြီ
+++++++++++++
တပ်ရင်းသို့ပြန်ရောက်သည်နှင့်တပြိုင်နက် တပ်ရင်းတွင်ရှိနေသည့် တပ်စုတစုကို အမြန်ဆုံးတန်းစီစေပြီး လက်နက်ခဲယမ်းအပြည့်အစုံယူကာ ဗိုလ်တိုက်ချွန်းဦးဆောင်လျက် တိုက်ပွဲဖြစ်ပွားသည့် အရပ်ဆီသို့ အလျင်အမြန်ချီတက်သွားရတော့သည်။ တန်းစီ၊ လူစစ်ချိန်တွင် သတင်းပို့စဉ် နားထဲမှာ ကြားလိုက်ရသည့် တန်းစီစစ်သည်အင်အား စုစုပေါင်း (၃၀) ယောက် ။
တိုက်ပွဲဖြစ်ပွားရာနေရာသို့ပြန်ရောက်သွားချိန်တွင်တော့ သေနတ်သံများတိတ်ဆိတ်လို့နေလေပြီ...... ။ နံနက်အာရုံကျင်းအလင်းမရောက်မီက တိုက်ပွဲဖြစ်ပွားရာ စစ်မြေပြင်တွင် ဗိုလ်မှူးကြီး ဟရန်သီယို မှာ မြေပေါ်တွင်လှဲလျောင်းရင်း မှိန်းနေရရှာ၏....။ ပတ်ပတ်လည်တွင်တော့ (၂၇) ဦးမျှ အင်အားရှိသည့် သောင်းကျန်းသူတို့က လက်နက်ကိုယ်စီကိုင်ဆောင်လျက် ဗိုလ်မှူးကြီး ဟရန်သီယို တို့အား ဝိုင်းရံထားလေသည်။
တိုက်ပွဲသတင်းကြားသဖြင့် စစ်ကူလိုက်လာသည့် တပ်ခွဲ(၁)နှင့် တပ်ခွဲ(၂) စုစုပေါင်းအင်အား(၃၀၀)ခန့် ရောက်ရှိလာချိန်တွင် အခြေအနေက ပြောင်းပြန်ဖြစ် သွားတော့သည်။ အလယ်ခေါင်တည့်တည့်တွင် ဒဏ်ရာရထားသည့် ဗိုလ်မှူးကြီး ဟရန်သီယို တို့၊ သူ့တို့အား ဝန်းရံထားသည်က လက်နက်ကိုင်သောင်းကျန်းသူ (၂၇) ဦး၊ထိုသောင်းကျန်းသူများအား တဖန်ပြန်လည်ဝိုင်းထားသည်က ချင်းသေနတ်ကိုင်တပ်ရင်းမှ တပ်ခွဲ(၂)ခွဲနှင့် တပ်စု(၁)စု.....။ အင်အားချင်းမမျှတသည်ကို သတိပြုမိသဖြင့် သောင်းကျန်းသူများမှာ ဗိုလ်မှူးကြီး ဟရန်သီယို တို့အား အန္တရာယ်ပြုရန်မကြိုးစားတော့ပဲ ဆုတ်ခွာရန် ကြံစည်ဆုံးဖြတ်လိုက်တော့သည်။
ရန်သူများဆုတ်ခွာသည်နှင့် ချက်ချင်းပင် ဗိုလ်မှူးကြီး ဟရန်သီယို အား စစ်သုံးအမ်းမတ်ကား (Armoured Car) ဖြင့် မင်္ဂလာဒုံစစ်ဆေးရုံသို့အမြန်ဆုံးပို့ဆောင် လိုက်ရသည်။ ဒဏ်ရာရထားပြီးချိန်ကတည်းက သွေးထွက်လည်းလွန်ထားပြီး၊ ဆေးလည်း ထည့်ခွင့်မရရှာသော ဗိုလ်မှူးကြီး ဟရန်သီယို ၏မျက်နှာမှာ ဖြူဖတ်ဖြူလျော်စွာနှင့်.......။ ဆေးရုံရောက်ပြီး သုံးရက်မြောက်နေ့ သြဂုတ်လ (၈)ရက်နေ့တွင် သေနတ်ဒဏ်ရာအခြေအနေမကောင်းသဖြင့် သူ၏ ပေါင်ကို အရင်းမှဖြတ်တောက်လိုက်ရလေသည်။ မင်္ဂလာဒုံစစ်ဆေးရုံကြီးမှ ဆေးမှူးကြီးများသည်လည်း ဗိုလ်မှူးကြီး ဟရန်သီယို ကို အထူးဂရုစိုက် ကုသကြသည်ပင်။ သို့သော်လည်း ပေါင်ဖြတ်တောက်ထားရသည့် ဗိုလ်မှူးကြီး၏ အခြေအနေမှာ အားရစရာတော့ သိပ်မရှိလှ........။ သို့သော်လည်း သတ္တိခဲ၊ ရဲရဲတောက်သည့် သူ့စိတ်ဓာတ်ကား
အံ့သြရလောက်အောင်ပင် မာကြောလွန်းလှပေ၏...။ သူ့အား သတင်းလာမေးသည့် ရဲဘော်ရဲဘက်များကို ပတ်တီးစည်းထားသော သူ့ပေါင်ပြတ်အားပြသကာ ရယ်ရယ်မောမော ဖြင့်............
"ငါတော့ ခွ(ဂွ)ကျတာပဲ...။ ဆေးရုံကဆင်းရင် ခြေထောက်တဖက်မရှိပဲနဲ့ .. ဘယ်လိုလုပ်ပြီး ဘောလုံးကန်မလဲကွ... " ဟူ၍ပင် ဟာသနှောလိုက်ပြန်လေသေးတော့သည်။
ထိုကဲ့သို့ သတ္တိဗျတ္တိနှင့် ပြည့်စုံသော ဗိုလ်မှူးကြီးဟရန်သီယို တယောက် ခဲဆိပ်တက်နေသော ပေါင်မှဒဏ်ရာကြောင့် ထိုနေ့ညနေ (၃)နာရီ(၅၀)မိနစ်အချိန်တွင် သူချစ်ခင်သော ရဲဘော်ရဲဘက်များနှင့် သူတွယ်တာခင်မင်ရာ တပ်မတော်ကြီးကို ကြေကွဲဝမ်းနည်းဖွယ် စွန့်ခွာလျက် သူရဲကောင်းစစ်သည်တို့၏ နားခိုရာဘုံဗိမ္မာန်သို့ ထွက်ခွာသွားလေတော့သည်။ သူကျဆုံးချိန်တွင် သူ၏အသက်မှာ (၃၀) ဝန်းကျင်မျှသာ.........။
သူရဲကောင်းတဦး၏ နောက်ဆုံးခရီး
+++++++++++++++++++++++++
သူရဲကောင်းစစ်သည် ဗိုလ်မှူးကြီးဟရန်သီယို၏ ကြွင်းကျန်ရစ်သောရုပ်ကလာပ်ကို သြဂုတ်လ (၁၅) ရက်နေ့တွင် မင်္ဂလာဒုံစစ်ဆေးရုံမှ
မင်္ဂလာဒုံ - ပြည်လမ်းမကြီးဘေးရှိ အမှတ် (၁) ချင်းသေနတ်ကိုင်တပ်ရင်းသို့ အခမ်းအနားဖြင့် ပို့ဆောင်ရာ လိုက်ပို့သည့်တပ်ပေါင်းစုံနှင့် လူထုပရိသတ်တို့ မှာ တမိုင်ခန့်ရှည်လျားခဲ့ပေသည်။ လိုက်ပါပို့ဆောင်သူများတွင် ကြည်း-ရေ-လေ တပ်ပေါင်းစုံမှ အရာရှိကြီးများ၊ ၀န်ကြီးများ ပါဝင်ခဲ့ကြ၏။ လမ်းတလျှောက်လုံးတွင် လက်နက်ကိုင်တပ်များ စောင့်ကြပ်လျက်ရှိ၏။ ချင်းတပ်ရင်း (၁) သို့ အရောက်တွင် ရုပ်အလောင်းကို တပ်မတော်အရာရှိများထမ်းဆောင်၍ မဏ္ဍပ်အတွင်းစင်မြင့်၌တင်ထားကာ ဗိုလ်မှူးကြီး၏ဂုဏ်ပုဒ်များကို ချီးကြူး စကားပြောကြားပြီးနောက် ပန်းခွေများတင်၍ (၅) မိနစ်ကြာ အလေးပြုခဲ့ကြလေသည်။ ထိုသို့ ဗိုလ်မှူးကြီး၏ရုပ်ကလပ်ကို ပြောင်းရွှေ့ခဲ့ပြီးနောက်၊ သြဂုတ်လ (၁၇) ရက်နေ့မှ အစပြု၍ နိုင်ငံတော် ဈာပန အခမ်းအနားအဖြစ် ချင်းတပ်ရင်း (၁) စည်းဝေးခန်းမကြီး၌ ရန်ကုန်အင်းစိန်နယ်လူထု၏ အလေးပြုခြင်းကို ခံယူရန် ထားရှိခဲ့လေသည်။
တာဝန်ကိုဦးလည်မသုံထမ်းရွက်သွားသူ ဗိုလ်မှူးကြီး ဟရန်သီယိုသည် မတရားမှုကို အနည်းငယ်မျှပင်လျှင် မနှစ်သက်။ တပ်ထဲတွင် အဆင့်အတန်းမရွေးပဲရင်းနှီးဖော်ရွေစွာ ပေါင်းသင်းဆက်ဆံတတ်သဖြင့် အရာရှိ၊အရာခံ၊အကြပ်၊ တပ်သားအားလုံး၏ ချစ်ခင်လေးစားခြင်းကို ခံခဲ့ရသူတဦးပင်။ သူ၏ ရာထူး၊
ဂုဏ်ရှိန်အတွက် မာနတက်မှုလည်း မရှိ၊ စကားကို ဘွင်းဘွင်းရှင်းရှင်းပြောတတ်ပြီး သတ္တိအရာ၌ ပြောင်မြောက်လှသူတဦးဖြစ်ပေသည်။ မဟုတ်မခံရာ၌လည်း မကြုံစဘူးထူးကဲအောင်ရှိသည်ဟူ၍ သူနဲ့အတူလက်တွဲလျက် တိုက်ပွဲဝင်ခဲ့ကြသည့်နီးစပ်သူများအားလုံးက မှတ်ချက်ချရသူတဦးလည်း ဖြစ်သည်။ သူရဲကောင်းပီသစွာဖြင့်
ကျဆုံးခဲ့ရှာသော ဗိုလ်မှူးကြီး ဟရန်သီယို အတွက် သူ့မွေးရပ်မြေ ချင်းတောင်တန်းမှ ချင်းတိုင်းရင်းသားများအားလုံးနှင့်အတူ ပြည်ထောင်စုဖွားတိုင်းရင်းသားများအားလုံးက
သတိတရဖြင့် ဂုဏ်ယူနေကြမည်မှာ ဧကန်မလွဲပင်။ သူ့ဇာတိမြေမှ တောင်ဇလပ်ပန်းများ၏ မွှေးရနံ့နှင့်အတူ သူ၏ဂုဏ်သတင်းသည် ချင်းတောင်တန်းထက်တွင် မွှေးပျံ့လျက်ရှိနေပါလိမ့်ဦးမည်။ သူတွယ်တာရာ ချင်းတောင်တန်းများထက်မှ ဖလမ်းမြို့ကလေးတွင် ဟရန်သီယို အမည်ရှိသည့် ဘောလုံးကွင်းကြီးသည် နောင်အနာဂတ်တွင်မွေးဖွားလာကြမည့် ချင်းတိုင်းရင်းသားလူငယ်များအား အတိတ်ကာလများဆီက ဗိုလ်မှူးကြီး ဟရန်သီယို ဟု အမည်တွင်သည့် ချင်းသူရဲကောင်းတပ်မတော်သားတဦး၏ သမိုင်းကြောင်းကို လက်ဆင့်ကမ်းကာ ပြောပြနေပါလိမ့်ဦးမည်။
နေ့ကို လစား၊ လကို နှစ်စားရင်း အချိန်ကာလ သက္ကရာဇ်မိုင်တိုင်များ မည်၍မည်မျှပင် ရွေ့လျားပြောင်းလဲခဲ့စေကာမူ "တောင်တန်းမြေမှ ကြယ်တပွင့်"သည်
ဤနိုင်ငံ၏သမိုင်းစာမျက်နှာများထက်တွင် အစဉ်လင်းလက်တောက်ပနေမည်မှာ အသေအချာပင် ဖြစ်ပေတော့သည်။
ဖြည့်စွက်ချက်။
Burma Gallentary Medal (BGM)
(London Gazette 11 May, 1944),No. 7920 Havildar Hrang Thio, The Burma Rifles
(London Gazette 11 May, 1944),No. 7920 Havildar Hrang Thio, The Burma Rifles
၁၉၄၈ ခုနှစ် ဇန်န၀ါရီလ ၄ ရက်နေ့ တွင် ဒု-ဗိုလ်ခန့်အပ်
ကြည်း ၅ဝ၆၃ဒုတိယဗိုလ်မှုးကြီး ဟရန်သီယို (Hrang Thio) (ကျဆုံး၊ ၈-၈-၄၉) တပ်ရင်းမှုး၊ အမှတ် (၁) ချင်းသေနတ်ကိုင်တပ်ရင်းစည်သူ ဘွဲ့
၁၉၅၀ ခုနှစ်
၁၉၅၀ ခုနှစ်
ကိုးကားသော အထောက်အထားများ
၁။(စစ်နှလုံးဂျာနယ် အတွဲ ၂၊ အမှတ် ၆ - ၁၉၄၉ ခုနှစ် စက်တင်ဘာလ)
၂။တက္ကသိုလ်တင်စိန် - အောင်ဆန်းသူရိယဗိုလ်တိုက်ချွန်း
By
Khant Linn Htet
https://www.facebook.com/notes/806350886042213/ မှကူးယူဖော်ပြပါသည်။