.jpg)
January 7, 2013 at 5:36am
<p> </p>
<p>လစ်ဘရယ်ဝါဒနှင့် ကန့်သတ်အစိုးရ (Liberalism and Limited Government)</p>
လစ်ဘရယ်တို့သည် လွတ်လပ်မှုကို နှစ်သက်မြတ်နိုးသော်လည်း အထိန်းအကွပ်မဲ့သော လွတ်လပ်မှု
သည် ရမ်းကားမှု (License)အဖြစ်သို့ အချိန်အခါမရွေးကူးပြောင်းသွားနိုင်ကြောင်း ကောင်းစွာသဘော
ပေါက်ထားကြသည်။ ထို့ကြောင့်ပင် လစ်ဘရယ်တို့က လွတ်လပ်မှုကိုမပျက်စီးစေပဲ ထိန်းသိမ်း ကာ
ကွယ်စောင့်ရှောက်နိုင်သော ဥပဒေသတစ်ခုကို တောင်းဆိုလာခဲ့သည်။ ၄င်းဥပဒေသအရ ပုဂ္ဂလိက
တစ်ဦးချင်းစီ၏လွတ်လပ်မှုအခွင့်အရေးကိုလေးစားသည့် လူ့အဖွဲ့အစည်း(သမဂ္ဂ)တစ်ရပ်တည်ဆောက်
ရန်အတွက် (သို့တည်းမဟုတ်) နိုင်ငံသားတို့၏ အကျိုးစီးပွားကို ကာကွယ်စောင့်ရှောက်ပေးရန်အတွက်
နိုင်ငံရေးအဖွဲ့အစည်းတစ်ရပ်ရှိဖို့ လိုလားခဲ့သည်။ ဆိုလိုသည့်သဘောမှာ ဥပဒေအောက်တွင်လွတ်လပ် စေခြင်းပင်ဖြစ်သည်။
လူများသည် မိမိတို့တစ်ဦးချင်းဖြေရှင်းရန်မစွမ်းသာသည့် အခြေအနေမျိုးကို ရောက်ရှိလာရာမှ ၄င်းတို့ကိုယ်စားဖြေရှင်းနိုင်မည့် နိုင်ငံရေးအဖွဲ့အစည်းတစ်ရပ်ကို အများသဘောတူဖွဲ့စည်းရသည်။ ထိုသို့ဖွဲ့စည်းခြင်းအတွက် လူတစ်ဦးချင်းစီ၏ မူလကပိုင်ဆိုင်ထားကြသည့် မိမိကိုယ် မိမိ စီမံခန့်ခွဲဆုံးဖြတ်နိုင်မှုအခွင့်အရေးကို စွန့်လွှတ်ကြရသည်။ ဂျွန်လော့ခ်၏အဆိုတွင် ပုဂ္ဂလိကတစ်ဦးချင်းသည် မိမိတို့၏ သဘာဝအခွင့်အရေးများ (Natural Rights)ကို မိမိတို့၏ဆင်ခြင်တုံတရားဖြင့်ထိန်းကျောင်းကွက်ကဲဆုံးဖြတ်နိုင်ခဲ့သော်လည်း၊ လူ့အဖွဲ့အစည်းတစ်ခုလုံးအနေဖြင့်မူ သဘောတူညီမှုများကွဲလွဲကာ ပဋိပက္ခများဖြစ်ပေါ်လာပါသည်။ ၄င်းအငြင်းပွားမှုများ၊ ပဋိပက္ခများကို အစိုးရများက တရားသူကြီးများသဖွယ် (အဂတိကင်းစွာ) ကြားဝင်ဖြေရှင်းပေးရမည်ဖြစ်သည်။ ထို့အပြင် လူတစ်ဦးချင်း၏ သဘာဝအခွင့်အရေးများ (Natural Rights)ကို ကာကွယ်စောင့်ရှောက်ပေးရန်အတွက် အစိုးရတွင်တာဝန်ရှိသည်။ (သဘာဝအခွင့်အရေးများ(Natural Rights)ဆိုသည်မှာ အသက်ရှင်ရပ်တည်ခွင့်၊ လွတ်လပ်ခွင့်နှင့် ပစ္စည်းဥစ္စာပိုင်ဆိုင်မှု (Life, Liberty and Property)တို့ပင် ဖြစ်ပါသည်။) သို့သော် အစိုးရသည် နိုင်ငံသားတို့၏ လွတ်လပ်ခွင့် (စိတ်ဆန္ဒ)ကို ထိပါး၊ နှောက်ယှက်၊ ထိန်းချုပ်ခွင့်မရှိချေ။ နိုင်ငံသားတို့၏ အခွင့်အရေးများကို ကာကွယ်စောင့်ရှောက်ရန် အခွင့်အာဏာကို ပုဂ္ဂလိကတစ်ဦးချင်းစီ ပါဝင်ဖွဲ့စည်း ထားသော လူ့အဖွဲ့အစည်းက အစိုးရဆိုသူများကို ရွေးချယ်ခန့်အပ်ကာ လွှဲပြောင်းပေးအပ်ထားခြင်းဖြစ်သည်။ ထို့ကြောင့် အချုပ်အခြာအာဏာ၏ မူလပိုင်ရှင်မှာ လူပအဖွဲ့အစည်း (တစ်နည်းအားဖြင့်) ပြည်သူလူထုပင်ဖြစ်သည်။ အစိုးရဆိုသည်မှာ ပြည်သူလူထုသာ အများသဘောတူရွေးချယ်ခန့်အပ်ကာ မိမိတို့ကိုယ်စား မိမိတို့အကျိုးစီးပွားကို စောင့်ရှောက်ရန် အာဏာအပ်နှင်းထားခြင်းသာဖြစ်သောကြောင့်၊ မိမိတိှု့ဆန္ဒနှင့်မကိုက်ညီ၊ သဘောမကျလျှင် ၄င်းအစိုးရကို ဖျက်သိမ်းပိုင်ခွင့်ရှိသည်။ လိုအပ်လျှင် (နိုင်ငံသားတို့၏ လူ့အခွင့်အရေးကိုချိုးဖေါက်ပါက၊ မတရားဖိနှိပ်ပါက)အကြမ်းဖက်တော်လှန်ဖြုတ်ချ နိုင်သည့်အခွင့်အရေး(Right of Revolution)ပြည်သူလူထုထံတွင်ရှိသည်ဟု (Two Treaties of
Government,1688)စာအုပ်တွင် ဂျွန်လော့ခ်က ဖေါ်ပြခဲ့သည်။
ရူးဆိုးက အစိုးရဆိုသည်မှာ အများဆန္ဒကို လက်တွေ့အကောင်အထည်ဖေါ်ဆောင်ရန် အများ(ပြည်သူလူထု)က ရွေးချယ်ထားသော လူများဖြင့် ဖွဲ့စည်းထားသောအဖွဲ့အစည်းဟု ဆိုသည်။ သောမတ်စ်ဟော့ဗ်စ် (Thomas Hobbes, 1588-1679)၏ ပြည်သူလူထုက အစိုးရဆိုသည်ကို သဘောတူစာချုပ် (တစ်နည်းအားဖြင့်) Social Contract ဖြင့် ဖွဲ့စည်းထားခြင်းဖြစ်သည်ဆိုသောအယူကို လက်မခံပေ။ တစ်ကယ်တန်းတွင် အစိုးရကို ပြည်သူတို့၏ အချုပ်အခြာအာဏာဖြင့်သာ ဖွဲ့စည်းထားခြင်းဖြစ်သည်ဟု ရူးဆိုးက ယုံကြည်သည်။ ထို့ကြောင့် ပြည်သူလူထု၏ဆန္ဒအရ အစိုးရကို အချိန်မရွေး အပြောင်းအလဲလုပ်နိုင်သည်ဟု ထုတ်ဖေါ်ခဲ့သည်။ ထိုသဘောတရားများအရဆိုလျှင် အစိုးရဆိုသည်မှာ ပြည်သူ့ဆန္ဒအရဖွဲ့စည်းထားခြင်းသာဖြစ်သဖြင့် ၄င်းတို့ဆန္ဒအရပေါ်ပေါက်လာသော အစိုးရ၏ထုတ်ပြန်ချမှတ်သော အမိန့်အာဏာ၊ ဥပဒေတို့ကို ပြည်သူလူထုအနေဖြင့် အခါခတ်သိမ်းလိုက်နာနေစရာမလိုဟု ကောက်ယူရမည်ဖြစ်သည်။ သို့သော် လစ်ဘရယ်တို့သည် ပုဂ္ဂလိကလွတ်လပ်မှုနှင့် Social Contract အရ နိုင်ငံတော်အပေါ်ထားရှိရမည့် နိုင်ငံသားတို့၏တာဝန်ဝတ္တရားကို ကောင်းစွာခွဲခြားထားပြီးဖြစ်သည်။ ဥပမာအားဖြင့် မော်ဒန်လစ်ဘရယ်တို့က "ဥပဒေစိုးမိုးမှုမရှိလျှင် လွတ်လပ်မှုရှိနိုင်မည်မဟုတ်"ဆိုသည့် ဂျွန်လော့ခ်၏အဆိုကို လက်ခံထားကြသည်။ ဤနေရာတွင် ဂန္ထ၀င်လစ်ဘရယ်တို့ကမူ အစိုးရ၏လုံခြုံရေးအကြောင်းပြကာ ထိန်းချုပ်ကန့်သတ်ခြင်းများကို မနှစ်သက်လှချေ။ ၄င်းတို့အနေဖြင့် "ဥပဒေမရှိလျှင် ချိုးဖေါက်စရာမလို"ဟူသော အပျက်သဘောဆောင်သည့် လွတ်လပ်မှု (Negative Freedom)ကို ပိုတိမ်းညွတ်ကြသည်။
အပိုင်း (၈)အား ဆက်လက်ဖေါ်ပြပါဦးမည်-
(လင်းသက်) <p> </p>
ရည်ညွှန်းကိုးကား-
၁။ ကမ္ဘာ့သမိုင်း (ပထမပိုင်း)
၂။ ကမ္ဘာ့သမိုင်း၏ မှတ်တိုင်များ (ဒုတိယပိုင်း)
၃။ ကမ္ဘာ့နိုင်ငံရေး အတွေးအခေါ်များသမိုင်း (ဒုတိယတွဲ)
၎။ ကမ္ဘာ့သမိုင်းအခြေပြ
၅။ ကမ္ဘာ့နိုင်ငံများ၏ အခြေခံဥပဒေ
၆။ နိုင်ငံရေးသဘောတရားများ (၆) - ခင်မမမျိုး
၇။ Political Ideologies: an introduction – Andrew Heywood
၈။ ဒီမိုကရေစီဘာသာရပ် (အခန်း-၄၊ အခန်း-၈)
၉။ ဒီမိုကရေစီလော့လာရေးစာစဉ် (အခန်း-၄၊ အပိုင်း-၂) – ABSDF
၁၀။ လစ်ဘရယ်ဒီမိုကရေစီမိတ်ဆက် (Ecovision)- ကျော်သူဟန်၊ ဧမင်းယဉ်
၁၁။ ဆိုရှယ်လစ်ဘရယ်ဝါဒသင်တန်းပို့ချချက် - NDF
၁၂။ The End of History- 1983 – Francis Fukuyama
၁၃။ Liberalism From Wikipedia, the free encyclopedia
၁၅။Classical liberalism From Wikipedia, the free
encyclopedia
၁၆။ Fundamentals of Political Economy by P.Nikitin
၁၇။ Willam Boyd; (tr, and ed;) The Emile of jean jacques Rousseau,
Teacher College Press, New York; 1962.