ပင်လယ်ပြင်ရှာဖွေကယ်ဆယ်ရေး နဲ့ တပ်မတော်(ရေ)

ရှာဖွေကယ်ဆယ်ရရှိခဲ့တဲ့ ရေလုပ်သား(၄၅၂)ဦးရဲ့နောက်ကွယ်က ရာပေါင်းများစွာသော လူမမယ်ခလေးတွေ၊ မိအိုဖအိုတွေ၊ မှီခိုသူမိသားစုတွေနဲ့ ဆွေမျိုးသားချင်းများရဲ့ အပူသောကတွေကို ငြိမ်းအေးစေနိုင်ခဲ့လို့ လုပ်ဖော်ကိုင်ဘက် ရေတပ်သားများအတွက် ဂုဏ်ယူမိသလို ကျေးဇူးလည်းတင်မိပါတယ်။ တကယ်တမ်း မိမိတို့ မိသားစုဝင်တစ်ဦးတစ်ယောက် အဲဒီအထဲမှာပါခဲ့ရင်လို့ ကိုယ်ချင်စာစိတ်နဲ့ တွေးကြည့်မိရင် ကျေးဇူးတင်ပါတယ်ဆိုတဲ့စကားဟာ လုံလောက်မယ်လို့ မထင်မိပါဘူး။

ဒါ့အပြင် ပင်လယ်ပြင် လှိုင်းလေများအကြားမှာ ရှာဖွေကယ်ဆယ်ရေးတာဝန်များကို ကျေပွန်စွာထမ်းဆောင်နိုင်ခဲ့တဲ့ မိမိတို့ရေတပ်သားများရဲ့ နိုင်ငံသားအချင်းချင်း၊ တိုင်းရင်းသားအချင်းချင်း၊ လူအချင်းချင်းထားရှိတဲ့ တန်ဖိုးနဲ့ စေတနာမေတ္တာကို လေးလေးနက်နက် ခံစားမိပါတယ်။

နောက်တစ်ခုကတော့ ရှာဖွေကယ်ဆယ်ရေးလုပ်ငန်းများကို ဧရာဝတီရေတပ်စခန်းဌာနချုပ်မှာရှိတဲ့ ပင်လယ်ပြင်ပိုင်းဆိုင်ရာ ရှာဖွေကယ်ဆယ်ရေး ပေါင်းစပ်ညှိနိူင်းကွပ်ကဲမှုဌာနချုပ် (Maritime Rescue Coordination Centre- MRCC)က အချိန်နဲ့တပြေးညီ တိုက်ရိုက်ကြီးကြပ်ကွပ်ကဲနေတယ်လို့ မြဝတီသတင်းမှာ ကြည့်လိုက်ရပါတယ်။ မိမိအနေနဲ့လည်း MRCC မှာ တာဝန်ထမ်းဆောင်ခဲ့ဘူးပါတယ်။

လေ့လာမှတ်သားမိသလောက်ပြောရရင် MRCC ဟာ မြန်မာနိုင်ငံ အမျိုးသားရှာဖွေကယ်ဆယ်ရေးကော်မတီရဲ့ အစိတ်အပိုင်းတစ်ခုဖြစ်ပါတယ်။အမျိုးသားရှာဖွေကယ်ဆယ်ရေး National SAR(Search & Rescue)ဟာ နိုင်ငံတော်အဆင့်ဖြစ်ပြီး အဲဒီ့အောက်မှာ မြန်မာနိုင်ငံ မြောက်ပိုင်းရှာဖွေကယ်ဆယ်ရေး ကွပ်ကဲမှုဌာနချုပ်၊ မြန်မာနိုင်ငံ တောင်ပိုင်းရှာဖွေကယ်ဆယ်ရေး ကွပ်ကဲမှုဌာနချုပ် နဲ့ ပင်လယ်ပြင်ပိုင်းဆိုင်ရာ ရှာဖွေကယ်ဆယ်ရေး ပေါင်းစပ်ညှိနိူင်းကွပ်ကဲမှုဌာနချုပ် (MRCC) စသဖြင့် ရှာဖွေကယ်ဆယ်ရေးဌာနချုပ် (၃)ခုရှိပြီး နယ်မြေပိုင်းခြားကာ လုပ်ငန်းများဆောင်ရွက်လျက် ရှိပါတယ်။ နိုင်ငံမြောက်ပိုင်း နဲ့ တောင်ပိုင်းကို လတ္တီတွဒ် ၂၀ ဒီဂရီမျဉ်းနဲ့ ခွဲခြားထားပြီး MRCC ကတော့ ရေပြင်ပိုင်းဖြစ်ပါတယ်။ MRCC ဖွဲ့စည်းမှုနဲ့ လုပ်ငန်းတာဝန်များကို မြန်မာ့တပ်မတော်ရဲ့ လမ်းညွှန်မှုနဲ့ တပ်မတော်(ရေ)မှ တာဝန်ယူဆောင်ရွက်လျက် ရှိပါတယ်။

နိုင်ငံတကာမှာလည်း ရှာဖွေကယ်ဆယ်ရေးလုပ်ငန်းများကို ကျယ်ကျယ်ပြန့်ပြန့် ဆောင်ရွက်လျက်ရှိပြီး HADR (Humanitarian Assistance & Disaster Relief) ဟု တွင်တွင်ကျယ်ကျယ် ခေါ်ဝေါ်သုံးစွဲဆောင်ရွက်နေကြပါတယ်။ HADR လုပ်ငန်းများမှာဆိုရင် နိုင်ငံရဲ့ကာကွယ်ရေးတပ်ဖွဲ့တွေဟာ အဓိကအင်အားစုအဖြစ် ရှေ့တန်းကျကျပါဝင်ဆောင်ရွက်နေတာ တွေ့ရပါတယ်။ မြန်မာနိုင်ငံမှာလည်း ထိုနည်း၎င်းအတိုင်းပါပဲ။ တစ်စတစ်စ ပိုမိုကျယ်ပြန့်လာသလို ထိရောက်ဆောင်ရွက်နိုင်မှု အတိုင်းအတာလည်း မြင့်မားလာပါတယ်။ ဒါ့အပြင် နိုင်ငံတော်အနေနဲ့ အနာဂတ်ကာလမှာ ဌာနချုပ်/ လုပ်ငန်းကော်မတီရုံးများ သီးခြားဖွင့်လှစ်ခြင်း၊ အဖွဲ့အစည်းများ ဖွဲ့စည်းခြင်း၊ သတ်မှတ်လုပ်ငန်းတာဝန်များ ဆောင်ရွက်ခြင်းနဲ့ သီးခြား Budget များ သုံးစွဲနိုင်ခြင်းများရှိလာပါက ပြည်သူတွေရဲ့ အသက်အိုးအိမ်စည်းစိမ်များ ကာကွယ်စောင့်ရှောက်နိုင်တဲ့ လုပ်ငန်းစဉ်တစ်ခု ယခုထက် ပိုမိုခရီးတွင်လာမှာ ဖြစ်ပါတယ်။

MRCC အကြောင်း ပြန်ဆက်ရရင် ၁၉၉၈ ခုနှစ် မတ်လ ၃၁ ရက်နေ့မှာ ဧရာဝတီရေတပ်စခန်းဌာနချုပ်(ရန်ကုန်)မှာ MRCC ဌာနချုပ်ကို တွဲဖက်ဖွင့်လှစ်ခဲ့ပြီး တာဝန်ကျတပ်ဖွဲ့များနဲ့ ပင်လယ်ပြင် ရှာဖွေကယ်ဆယ်ရေးလုပ်ငန်းများကို အချိန်နှင့်တပြေးညီ ဆောင်ရွက်လျက်ရှိပါတယ်။ မြန်မာနိုင်ငံကမ်းရိုးတန်း ရေတပ်စစ်ဆင်ရေးဌာနချုပ်တွေမှာ သက်ဆိုင်ရာဌာနချုပ်များက ရှာဖွေကယ်ဆယ်ရေး (Search & Rescue-SAR)တာဝန် ချထားပေးပြီး အမြဲအသင့်အနေအထားနဲ့ အခြေပြုနေတဲ့စစ်ရေယာဉ်များ ရှိပါတယ်။ ၎င်းစစ်ရေယာဉ်တွေကို MRCC မှ တိုက်ရိုက်ကွပ်ကဲပြီး အရေးပေါ်သတင်း(သို့)ဖြစ်စဉ် ဖြစ်တာနဲ့ SAR တာဝန်တွေကို ချက်ချင်းဆောင်ရွက်ရပါတယ်။ MRCC မှာ ဆက်သွယ်ရေး၊ သတင်းအချက်အလက် စုဆောင်းရေး၊ မိုးလေဝသ စောင့်ကြည့်ရေးအတွက် လိုအပ်တဲ့ စက်ကရိယာပစ္စည်းများကို ရေတပ်အစီအစဉ်နဲ့ တပ်ဆင်ထားရှိပြီး သက်ဆိုင်ရာပြည်တွင်း အဖွဲ့အစည်းများနဲ့သာမက ပြည်ပအဖွဲ့အစည်းမျာနဲ့လည်း ချိတ်ဆက်ဆောင်ရွက်လျက်ရှိပါတယ်။

မြန်မာနိုင်ငံဟာ ၂၀၀၆ ခုနှစ်က ဖွဲ့စည်းခဲ့တဲ့ အာရှဒေသတွင်း ပင်လယ်ဓားပြနဲ့ လက်နက်ကိုင်အကြမ်းဖက်မှု တိုက်ဖျက်ရေးအဖွဲ့အစည်း (Regional Cooperation Agreement on Anti Piracy and Armed Robbery Against Ships in Asia-ReCAAP)ရဲ့ စတင်ဖွဲ့စည်းခဲ့တဲ့(၁၄)နိုင်ငံမှာ အဖွဲ့ဝင်နိုင်ငံအဖြစ် ပါဝင်ပါတယ်။ လက်ရှိအခြေအနေမှာ အရှေ့တောင်အာရှမှ(၈)နိုင်ငံ၊ အာရှမှ(၇)နိုင်ငံ၊ ဥရောပမှ(၄) နိုင်ငံ နဲ့ စုစုပေါင်း(၁၉)နိုင်ငံရှိလာပြီး အဆိုပြုထားတဲ့ အမေရိကန်နိုင်ငံဟာလည်း မကြာမီ အဖွဲ့ဝင်နိုင်ငံဖြစ်လာမယ်လို့ သိရပါတယ်။ အဖွဲ့ဝင်နိုင်ငံများပြားလာပြီး ဆက်သွယ်ချိတ်ဆက်နိုင်မှု အလှမ်းကျယ်လာတာနဲ့အမျှ ReCAAP သည် Regional မှ Global အဆင့်သို့ တက်လှမ်းလာနိုင်မဲ့အနေအထား တွေ့ရပါတယ်။

ReCAAP ရဲ့ အဖွဲ့ဝင်နိုင်ငံများမှာ Focal Point များ ထားရှိပြီး သတင်းအချက်အလက်များ စုဆောင်းခြင်း/ ချိတ်ဆက်ဖလှယ်ခြင်း၊ ပူးပေါင်းစီစဉ်ဆောင်ရွက်ခြင်း၊ စွမ်းဆောင်ရည်တိုးတက်အောင် လေ့ကျင့်ပေးခြင်း၊ ဇာတ်တိုက်လေ့ကျင့်ခြင်းများ ဆောင်ရွက်လျက်ရှိပါတယ်။ မြန်မာနိုင်ငံ Focal Point ကိုလည်း MRCC နဲ့အတူ ဧရာဝတီရေတပ်စခန်းဌာနချုပ်မှာ တွဲဖက်ဖွင့်လှစ်ထားပြီး လုပ်ငန်းတာဝန်များ ဆောင်ရွက်လျက်ရှိပါတယ်။အာရှဒေသ ပင်လယ်ပြင်များအတွင်း ဖြစ်စဉ်သတင်းအချက်အလက်များကို အဖွဲ့ဝင်နိုင်ငံများအချင်းချင်း အပြန်အလှန် ချိတ်ဆက်ဖလှယ်ခြင်းဖြင့် Incident ဖြစ်တဲ့ရေပြင်နဲ့ သက်ဆိုင်တဲ့နိုင်ငံက ဖြစ်စဉ်ဖြစ်ရပ်ကို အမြန်ဆုံးဖြေရှင်းနိုင်တဲ့အပြင် သတင်းလျင်မြန်စွာ စီဆင်းနိုင်တဲ့အတွက် အားသာချက်များစွာ ရရှိပါတယ်။

ဒါကြောင့် မိမိတို့ တပ်မတော်(ရေ)အနေနဲ့ မြန်မာ့တပ်မတော်ရဲ့ လက်ရုံးတပ်တစ်ခုအဖြစ် နိုင်ငံတော်ကာကွယ်ရေးတာဝန်များကို ထမ်းရွက်နေသလို ရေပြင်ပိုင်းဆိုင်ရာ ရှာဖွေကယ်ဆယ်ရေး လုပ်ငန်းတာဝန်များကိုလည်း ဦးလည်မသုန် ထမ်းရွက်နေပါကြောင်း အခါအခွင့်သင့်ခိုက် ဤနေရာမှ ဖော်ပြအပ်ပါတယ်။

ရေတပ်သားတစ်ဦး(Myanmar Navy)