Blood is thicker than water

သာမန်အားဖြင့်တော့ကျနော်အလုပ်လုပ်သည့်အချိန်များတွင်အမျိုးစပ်လေ့မရှိပါ၊အလုပ်ကိုအလုပ်နှင့်တူအောင်သာလုပ်ခဲ့သည်။ဦးသန်းရွှေ ဧ။်ကုန်းမြင့်သာယာအိမ် ကိုGEတပ်ကခိုင်းလို့လုပ်ပေးခဲ့ရသလို၊ နေပြည်တော်စစ်ရုံးထဲက အိမ်နှင့်ရာဇသင်္ဂဟပေါ်က အိမ်တို့ကို Asia World ကအလုပ်အပ်သဖြင့်လုပ်ပေးခဲ့ရသည်၊

ထို့အပြင်သီဟသူရဦးတင်အောင်မြင့်ဦးအိမ်၊နှင့်အခြားတပ်မတော်လူကြီးများအိမ်အတော်များများကိုလုပ်ပေးခဲ့ရဘူးသည်၊မည်သည့်အိမ်တွင်လုပ်သည်ဖြစ်စေကျနော့ကို စစ်သားဟောင်းမှန်းမသိ၊ကျနော်ကလည်းမပြော၊ တခါမှလည်းအလကားမလုပ်ပေးခဲ့၊ ထိုက်ထိုက်တန်တန်ရယူပြီးထိုက်ထိုက်တန်တန်ပေးဆပ်သည်၊အလုပ်နှင့်ပတ်သက်ပြီးတခါမှအပြောမခံခဲ့၊ဆွေမျိုးစပ်ပြီးလည်းအခွင့်အရေးမယူခဲ့ တပ်မတော်ယူနီဖောင်းကိုလေးစားသော်လည်း အလေးတော့မပြုခဲ့၊ကျနော့ကိုကျနော် အရပ်သားစီးပွားရေးသမားတဦးအဖြစ်သာ ပုံဖော်ခဲ့သည်၊မလွဲမရှောင်သာ ဆရာသမားအရင်းကြီးများဖြစ်သောဗိုလ်မှုးကြီးမြင့်အုန်း(မှော်ဘီဗိုလ်သင်တန်းကျောင်းမှလေ့ကျင့်ရေးတပ်ရေး)၊ပြည်ထဲရေးဝန်ကြီးနှင့်ဗိုလ်ချုပ်ဖုန်းဇော်ဟန်တို့ကိုသာတပ်မတော်ထုံးစံအတိုင်းရိုရိုသေသေလေးလေးစားစားအလေးပြုခဲ့ပါသည်၊ဗိုလ်ချုပ်အေးမြင့်ကြူဆိုလျှင် သူဒုဝန်ကြီးစဖြစ်စက သုဝဏကမြေကွက်လေးမှာ ရှိစုမဲ့စုနှင့် အိမ်စဆောက်သည်၊ ရေတံခွန်အငယ်လေးလုပ်ခြင်သည် ဆိုသဖြင့်အကုန်အကျသက်သာအောင် ပြည်ဖက်က ကားကြုံနှင့်အင်ကြင်းကျောက်အတိုအစလေးတွေ တင်တင်လာသည်၊

ထိုအချိန်ကအခုလိုအင်ကြင်းကျောက်ကိုတရုပ်ကမ၀ယ်သေး၊ရောင်းရကောင်းမှန်းလည်းမသိ၊မင်းကြီးတောင်လမ်းနဘေးမှာသည်အတိုင်းကောက်လို့ရနေသေးသည်၊အခုတော့ဖြင့်အင်ကြင်းကျောက်အတိုအစတောင် တတန်ကို သိန်ဂဏန်းရှိနေခြေပြီ။ညနေရုံးဆင်းချိန် ဗိုလ်ချုပ်အေးမြင့်ကြူပြန်လာသည်နှင့်စွပ်ကျယ်အဖြုလက်ပြတ်ဝတ်ပြီး ကျနော့်တပည့်များအလုပ်လုပ်နေရာကို သူပါဝင်ပြီးလုပ်တော့သည်၊ရေတံခွန်ပေါ်ကျောက်စီခြင်းကို ဟိုအတုံးသည်ရွေ့သည်အတုံးဟိုရွှေ့ ဟိုနေရာကကြည့်လိုက် သည်နေရာကကြည့်လိုက်နှင့်သူ့စိတ်ကြိုက်နေရာချတော့သည်၊ရေတွေ ဘိလပ်မြေတွေတပေပေနှင့်
ပျော်ပျော်ရွှင်ရွှင်ဝင်လုပ်တော့သည်၊တားလို့လည်းမရ၊ကျနော်ကရေတံခွန်ကို Design Fee,Supervision Fee မယူနေ့စဉ်အလုပ်ဆင်းသောကျနော့ပန်းရံ(၄)ယောက်ဧ။်နေ့တွက်ခသာပေးပါဆိုပြီးအဆစ် လုပ်ပေးခဲ့ခြင်းဖြစ်သည်၊ ပြောရရင် ဗိုလ်ချုပ်အေးမြင့်ကြူကသာမမှတ်မိခြင်းဖြစ်သည်၊သူ့တပည့်တွေဖြစ်သော ကျနော်တို့အပတ်စဉ်က မျိုးထွန်းနှင့် စတသ(၂၉)က ကျနော်နှင့်တရပ်ထည်းသား ကျော်နိုင်စိုး တို့ဧ။်ဆရာဖြစ်သည် ၊ထို့အပြင်သူ့ဇနီးကလည်းကျနော့မိန်းမဧ။်ဆရာမဖြစ်ခဲ့သည်၊ကျနော့မိန်းမ မဟာတန်းတက်တော့ ကျနော်နှင့်ရပြီး၊ကျနော်ကလည်းတပ်ကထွက်ပြီးဖြစ်သည်၊တောက်လျှောက်ကျောင်းလိုက်ပို့ရင်းနှင့်ဗိုလ်ချုပ်ကတော် ကထိက ကိုတွေ့သည်၊နောက်ကျနော့မိန်းမကျမ်းပြုနေတုံးကလည်းတွေ့သည် ၊ရင်းနှီးသည်။

 ထိုအချိန်က ဦးအေးမြင့်ကြူကဗိုလ်ချုပ်မဖြစ်သေး၊ရန်ကုန်မှာလည်းမဟုတ်သေးပါ၊ ထိုသို့ညနေတိုင်းတွေ့နေရသော်လည်း ဗိုလ်ချုပ်ရော ဗိုလ်ချုပ်ကတော်ပါ ကျနော့ကိုမမှတ်မိကြ ၊ဒါပေသိ သွေးခြင်းနီးသည်နှင့်တူသည် သူတို့ကလည်းလေးလေးစားစား ကျနော့ကိုအရေးထားဆက်ဆံသလို တပည့်တွေနဲ့လည်းဖက်လှဲတကင်းရှိသည်၊ ယုတ်စွအဆုံးအိမ်ဆောက်ဖို့ ပိုက်ဆံမလောက်လို့ရှိတာလေးတွေထုခွဲရတဲ့အပြင် အိုက်ထွန်းဆီကပါဂရံပေါင်ပြီး ချေးထားရသည်ဟုဖွင့်ဟသည်၊ ဘာဘဲဖြစ်ဖြစ်တဦးကအစိမ်းဝတ် တဦးက အရပ်ဝတ်ဖြစ်နေသော်လည်း ရင်ခုန်သံခြင်းနီးခဲ့ သွေးခြင်းတူခဲ့ဘူးရ်ျလားတော့မသိ ဆက်ဆံရတာတော့နွေးနွေးထွေးထွေးရှိခဲ့ပါသည်၊အခုအချိန်ထိလည်းဗိုလ်ချုပ်ခင်မျာ ကျနော်ကတပ်ကမှန်းမသိသေးပါ။
ကျနော့အတွေးက တပ်မိသားစုအိမ်တွေမှာလုပ်ပေးရချိန်၊တပ်နဲ့သက်ဆိုင်သောလုပ်ငန်းများကိုလုပ်တဲ့အချိန်မှာ ကျနော်က တပ်ကပါ ၊ဘယ်သူပါမိတ်ဆက်ဆွေမျိုးစပ်ခြင်းဖြင့် လုပ်နေသည့်လုပ်ငန်းအပေါ်တနည်းတဖုံထိခိုက်နိုင်သည်ဟု ယူဆမိသည်၊ 

တပ်ကအရာရှိဟောင်းဆိုပြီးအားနာပြီး ကျနော့အလုပ်ကကျနော့အားနည်းချက်များကို မပြောခြင်တာမျိုး၊စီနီယာ၊ ဂျူနီယာဆက်ဆံရေးအရရောအရာရှိနှင့်အခြားအဆင့်ဆက်ဆံရေးတွေကြောင့်ရောအလုပ်မှာ အားနာတာတွေ မျက်နှာထောက်စရာတွေပါလာလျှင်မကောင်းတော့၊ ရှိုးတို့ရှန်တန့်လည်းမဖြစ်စေခြင်၊ထိုကြောင့်နေပြည်တော်မှာကျနော် တပ်မိသားစုအိမ်တွေမှာလုပ်သည် ဂျူနီယာညီတော်တွေက ကျနော့အလုပ်အားနည်းချက်ကြောင့် ဆူလည်းခံလိုက်သည်၊ အရာခံဗိုလ်ကြီးတွေကပြောလည်းခံလိုက်သည်၊အားနည်းချက်ကိုစိတ်တိုင်းကျပြင်ပေးလိုက်သည် တယောက်နဲ့ တယောက်လည်း အားနာစရာမရှိတော့ ကျနော်လည်းနံမည်ကောင်းရသည်၊တပ်က ဘယ်အပတ်စဉ်ကဟူပြီးဘယ်သူမှလည်းမသိတော့၊ ကျနော့တပည့်တွေထဲမှာလည်း အရင်ငယ်တပည့်များကဗိုလ်ကြီး-ဗိုလ်ကြီးအခေါ်ဖြင့်နှုတ်ကျိုးနေသူတွေကို အကိုကြီးဟု ပြင်ခေါ်ခိုင်းရသည်၊့တပည့်တွေကိုလည်းမှာရသည် အိမ်ရှင်က ငါတို့ကိုအလုပ်အပ်ခြင်တာ ဆွေမျိုးစပ်ခြင်တာမဟုတ်ဘူး၊ မင်းတို့အပိုတွေမပြောနဲ့၊အိမ်ရှင်က ငါ့ကိုတပ်ကလားမေးရင်လည်းမသိဘူးပြောလို့ကြိုပိတ်ထားရသေးသည်၊

မည်သို့ပင်ပိတ်ပါစေ ရိပ်မိသူကရိပ်မိသည်၊ဖွင့်မေးသူကမေးသည် သည်အချိန်မှာတော့ ကျနော်မလိမ်မညာပြောပါသည်၊ တပါထည်းလည်းအလုပ်လုပ်ရာမှာအားမနာဖို့လိုတာပြောဖို့လည်းမှာပါသည်၊ထိုအခါ နှလုံးသားခြင်းတော့ပိုနီးသွားသလိုပါ၊
တခါတလေတော့လည်းကိုယ်တပ်ကဆိုတာဖုံးကွယ်ထားတာ အရိုးခံလူုတွေကိုလိမ်သလိုများ ဖြစ်နေမလားစိတ်ထဲစနိုးစနောင့်ဖြစ်ရပါသည်၊ ၂၀၀၀ပြည့်နှစ်သံတောင်စစ်ကျောင်းကြီးများဆောက်စဉ်ကဖြစ်သည် အဆောက်အဦးများ သတ်မှတ်ချိန်အမှီပြီးစီးရန်၊ ဗြုံးအုတ်များထုတ်လုပ်ပေးရန် ထိုအချိန်ကမြန်မာပြည်တွင်လက်ချိုးရည်ရသောစက်အနည်းငယ်သာရှိသည့် concrete block making maching များ က ကျနော့စီမှာ(၂)လုံးရှိနေသည်၊စစ်အင်ဂျင်နီယာညွှန်ကြားရေးမှုးဗိုလ်ချုပ်ဝင်းအောင်တင့် ကိုယ်တိုင်လာကြည့် ပြီးထိုစက်များကိုသံတောင်ပို့ဖို့ပြင်သည်၊

ကျနော့မိတ်ဆွေ GE954တပ်မှုးဗိုလ်ကြီးမျိုးသန့် ကတာဝန်ယူပြီးပို့ရသည်၊ဗိုလ်ကြီးမျိုးသန့်ကကျနော့ကို တပ်ကမှန်းမသိ အရပ်သားစီးပွားရေးလုပ်ငန်းရှင်ဟုသာသိထားသည်၊သည်လိုနဲ့သံတောင်ပေါ်သို့ကျနော်ရောက်ခဲ့သည်၊တောင်ပေါ်တွင် အင်အားကမများသေး၊ဘူဒိုဇာတွေ ဘက်ဟိုးတွေနဲ့တောရှင်းဆဲဖြစ်သည်၊ ကရိန်းမရှိသဖြင့်ကျနော့စက်တွေကို ခက်ခက်ခဲခဲနေရာချရသည်၊GEကရဲဘော်တွေက ကျနော့လုပ်သားတွေကိုမှာသည် အနီးအနားလျှောက်မသွားဖို့ ကရင်က လာပြီးချောင်းပစ်မိုင်းထောင်လုပ်တတ်ကြောင်းသတိပေးသည်၊သည်လိုနှင့်ညရောက်တော့ကျနော့ ကိုGE တပ်မှုး ဗိုလ်မှုးရွှေခိုင်၊ဗိုလ်ကြီးမျိုးသန့်တို့နှင့်အတူသပ်သပ်ယပ်ယပ်ဆောက်ထားသောဘန်ဂလိုလေးတခုမှာအခန်းတခန်းပေးနေရာချထားသည်၊တောင်တက်လမ်းတလျှောက်ကိုယ်တိုင်ကားမောင်းတက်လာရသဖြင့် တခဏအတွင်းအိပ်ပျော်သွားသည်။ 

အချမ်းဓါတ်ကြောင့်စောင်ခြုံကွေးနေလိုက်သည်မှာ မည်မျှကြာသွားပြီမသိ၊ထောက်ဖုန်း ထောက်ဖုန်းနှင့်သေနတ်သံများ ကြားရသည်၊စစ်သားအသိစစ်သားသတိနှင်ရုတ်ချည်းကုတင်ပေါ်ထထိုင်လိုက်မိသည်၊သေနတ်သံတွေကိုနားထောင်တော့အတော်ဝေးဝေးမှာ၊ထို့အပြင် ၅.၅၆ ကျည်သံတွေဘဲကြားပြီး တပ်က G3 ကျည် ရ.၆၂ အသံကတချက်နှစ်ချက်သာကြားရသည်၊ အဝေးကလာပစ်နေသည်ကို တပ်ကမပစ်ခြင်ပစ်ခြင် အားနာပါးနာပြန်ပစ်နေသည်ပုံ၊သည်တော့ စိုးရိမ်စရာလည်းမရှိ၊စောင်ကို ခေါင်းမြှီးခြုံပြီးပြန်ကွေးနေလိုက်သည်၊ 

ပြန်အိပ်ပျော်ခါစမှာပင်ကျနော့အခန်းတံခါးကိုပုတ်ပြီး ကိုခင်မောင်သန့်-ကိုခင်မောင်သန့် ဟူသောဗိုလ်ကြီးမျိုးသန့်အသံကြောင့် ပြန်ထလိုက်ရပြန်သည်၊တံခါးကိုဖွင့်ပြီးကြည့်တော့အ၀မှာကိုမျိုးသန့်ကိုစိုးရိမ်တကြီးမျက်နှာနဲ့တွေ့လိုက်ရသည်၊ကိုခင်မောင်သန့် သေနတ်သံတွေကြားလို့လန့်နေမှာစိုးလို့လာပြောတာ သူပုန်တွေကအဝေးကြီးမှာဗျ၊အလကားလာပစ်နေတာ တိုက်လည်းမတိုက်နိုင်ဘဲနဲ့ ၊နောက်ကိုခင်မောင်သန့် စိတ်မပူနဲ့ရှေ့မှာတပ်တွေအများကြီးရှိသေးတယ်၊ကျနော်တို့ဂျီအီးတပ်ဆိုတာက အလယ်ကလုံခြုံတဲ့နေရာမှာ နေရတာ ဘာမှစိတ်မပူနဲ့အိပ်ပျော်အောင်အိပ်ကြားလား၊ကျနော့ကိုစိုးရိမ်တကြီး ညကြိးမင်းကြီးလာအားပေးသောကိုမျိုးသန့်ကို ကျနော်ဘာပြန်ပြောရမှန်းမသိဘဲကျန်ခဲ့ရပါသည်၊စိတ်မပူပါနဲ့ဗိုလ်ကြီးကျနော့် ကရင်ပြည်နယ်မဲလခံစစ်စည်းမှာ ကရင်တွေနဲ့ပြောင်းခြင်းတေ့ပြီးနေခဲ့ဘူးပါတယ်ပြောလိုက်ရမလား၊အခုအချိန်မှသွားပြောတော့လည်း
မကောင်းတော့ သူ့စေတနာကိုစော်ကားရာကျဦးမည်၊

မနက်ကျတော့လည်းမျက်နှာသစ်ဖို့ရေခွက်ကအသစ် ရေစည်ထဲမှာရေကအပြည့်၊ခပ်လှမ်းလှမ်းက ရဲဘော်လေးတွေကတော့ ရေချောင်းထဲမှာမျက်နှာသစ်နေတာမြင်ရသည်၊ငါလည်းမင်းတို့လိုမြောင်းထဲကရေနဲ့မျက်နှာသစ်ခဲ့ဘူးပါတယ်၊တပိသာပြည့်ရင်သန့်တယ်ဆိုပြီးလယ်ကွက်ထဲက ရွံရေနဲ့ထမင်းချက်စားခဲ့ဘူးပါတယ်ကွာလို့ အော်ပြောလိုက်ခြင်မိပါသည်၊ အခုတော့ကျနော်က တပ်မတော်ရဲ့ဧည့်သည် လုပ်ငန်းရှင်လေးပေါ့၊ဒါပေမဲ့ စိတ်ထည်းမှာတော့သည်ရဲဘော်တွေ သည်မြင်ကွင်းတွေနဲ့က တသွေးထဲတသားထည်းလိုပြန်ဖြစ်နေမိသည်၊ မျက်နှာသစ်ပြီးရေအိမ်သွားဖို့လုပ်တော့ လမ်းဗိုလ်တပ်ကြပ်ကြီးတယောက်ကလမ်းညွှန်သည်၊အိမ်သာကိုလိုက်ပြရင်းက ကျနော်တို့စစ်သားတွေ စစ်မြေပြင်ကတော့ဖြစ်သလိုဘဲ ဆရာရေ-မြို့မှာလို အိမ်သာကဗိုလ်ထိုင်တွေဘာတွေမဟုတ်တော့ ဆရာတို့လိုလူကြီးတွေကသိကအောက်သွားရရင်ခွင့်လွှတ်ပါဆရာတဲ့၊

ကျနော်အိမ်သာထဲရောက်တော့ အတော်သပ်ယပ်တာတွေ့ရသည်၊ ယူနီဆက်ထုတ်ပလပ်စတစ်ကမုတ်ဖြူဖြူဖွေးဖွေးနဲ့ရေအိုးရေခွက် တစ်ရှုးပေပါကအစအပြည့်အစုံ၊ အိမ်သာတက်ရင်းရှေ့တန်းမှာတုံးကအိမ်သာတက်ရတာပြန်
သတိရပြီးပြုံးမိသည်၊ ဘိန်းစစ်ဆင်ရေးဝင်တော့ ရမခ ကိုတက်ရသည် နောင်လုံနောင်ဝိုး၊လွယ်တောက်ခွင်တွေဝင်ရသည်။

 ရွာမှာစတည်းချလို့အိမ်သာတက်ခြင်ရင်တောထဲထွက်ရသည်၊ခြုံကောင်းကောင်းမှာတောထိုင်ရသည်၊သည်လိုတောထိုင်တော့လည်းဇိမ်ကောင်းကောင်းဖြင့်ထိုင်ရသည်တော့မဟုတ်၊သခင်သန်းထွန်းလိုအီးအီးပါရင်းချောင်းပစ်မခံရဖို့ဘယ်ဘက်လက်ထဲပစ်စတိုသေနတ်ကိုမောင်းတင်ပြီးအသင့်အနေအထားနှင့်ကိုင်ထားရသည်၊လက်တဖက်ကဒုတ်ကိုကိုင်ထားရသည်၊သည်ဒုတ်ကတော့အီအီးပါနေတုံးဖင်ကိုနှာခေါင်းနှင့်လာထိုးမည့်ကချင်ဝက်များကိုခြောက်ရန်ဖြစ်သည်၊သည်နေရာမှာ ကချင်ဝတ်အကြောင်းပြောပြခြင်သည် ကချင်မွေးသောဝက်နှင့် တရုပ်မွေးသောဝက်မှာမတူ၊ကချင်ဝက်ကမဲမဲပိန်ပိန်အမွှေးရှည်ရှည်၊တရုပ်ဝက်ကဖြူဖြူ၀၀အမွှေးတိုတို၊အသားပေါ်တော့လည်းကချင်ဝက်က အဆီပါးပြီးအသားထူသည်၊တရုပ်ကအဆီများပြီးအသားပါးသည်၊ကချင်ဝက်က တောဝက်ပုံစံဖြစ်သည်၊နောက်ကချင်ဝက်က အီးစားသည်၊အီးနံရသည်နှင့်သည်အကောင်တွေရောက်လာတတ်သည်၊သတိမမှုမိလိုက်လို့ကတော့ဖင်ကိုထယ်ထိုးခံရပြီး      မှောက်ရက်လဲပြီ

ရေးရင်းနှင့်စစ်သားဘ၀အမှတ်တရများကိုတွေးရင်းကလောင်ချော်နေမိပြန်သည်၊ အပေါ်ကဒုတိယဗိုလ်ချုပ်ကြီးနှင့် တွေ့ဆုံခန်းကိုပြန်စပါမည်၊ ထိုလူကြီးကိုကျနော်က အရင် တွေ့စက တရုပ်အဖိုးကြီးတယောက်ဟုပင် ထင်မိခဲ့သည်၊ အခြွေအရံမပါ ကားမောင်းသူတယောက်နဲ့ ကျနော့ရုံးခန်းရောက်လာသည်၊ ကျနော်မရောက်သေးသဖြင့်တပည့်ကျော်က ရုံးခန်းထဲထည့်ပြီးဧည်ခံထားသည်၊ ကျနော်ကလည်းသာမာန်ကာစတန်မာဘဲထင်ပြီး ဘေးဆိုင်ကလက်ဖက်ရည်မှာ တိုက်လိုက်ဟုမှာမိသည်၊ ရုံးရောက်တော့ထိုလူကြီးနှင်တွေ့သည် သူကကျနော့စီစုံစမ်းရောက်လာကြောင်းသူ့အိမ်မှာခင်းထားသည်ံInterlocking paverတွေလိုပုံစံမျိုးခင်းခြင်လို့လိုက်ရှာတာရန်ကုန်တမြို့လုံးသည်မှာဘဲရှိသည်ဆိုလို့လာခဲ့တာဟုဆိုပါသည်၊ ထို့နောက် သူနမှုနာယူလာသော အတုံးကိုပြပါသည်၊ ထိုအတုံးကိုကြည့်ပြီးကျနော်နည်းနည်းတော့ဖြုံသွားသည်၊ ထိုလူကြီးသည် ခေသူတော့မဟုတ်လို့၊သူယူလာသောအတုံးသည် ၁၉၉၈-၉၉လောက်က ဘင်ဟာအရောင်းဆိုင်မှ အစမ်းသဘောအနေဖြင့်ကွန်တိန်နာ(၂)လုံးလားသွင်းလာသည်ဟုသိရသော ထိုင်းနိုင်ငံထုတ်အတုံးများဖြစ်နေသည်၊ဈေးနှုန်းအနေနဲ့ပြည်တွင်းထက်အနည်းငယ်များသော်လည်း
သုံးနိုင်သောအနေအထားရှိပါသည်သို့သော်နောက်ပိုင်းတင်သွင်းမှုအခက်အခဲများကြောင့်ထပ်မံမသွင်းတော့ကြောင်းကြားရသည်၊

၂၀၀၂ လောက်မှာ ကုန်းမြင့်သာက ဦးသန်းရွှေအိမ်ဆောက်တော့သည်အတုံးတွေလိုိုလာတော့ဘင်ဟာမှာမရတော့ ထို့ကြောင့်ကျနော်က ထိုင်းQualityအတိုင်းထုတ်ပေးခဲ့ရဘူးသည်၊ထိုလူကြီးလည်းကျနော်စက်ရုံမှနမှုနာ အတုံးကိုကြည့်ပြီး ထိုင်းအတုံးအတိုင်းဘဲဟုဆိုကာ သဘောကျပြီး စရံပေးပြန်သွားသည်၊ နောက်နေ့လုပ်ငန်းခွင်ကိုရောက်မှ အိမ်စောင့်ရဲဘော်ဟောင်းကြီး တယောက်နဲ့တွေ့မှ ထိုပုဂိုလ်ကြီးကားတချိန်က ကျနော်တို့အနားပင်မသီနိုင်ခဲ့သောဒုတိယဗိုလ်ချုပ်ကြီးဟောင်းတဦးဖြစ်ကြောင်းသိခွင့်ရခဲ့သည်၊
ဗိုလ်ချုပ်ကြီးရောက်လာတော့ သူ့အနားကိုခုံချခိုင်းပြီး ကျနော့ကိုထိုင်စေသည်၊ ကျနော့ကိုကျနော့ရုံးခန်းအနီးက ဆိုင်ကိုမေးရင်း တပ်ကဗိုလ်ကြီးဟောင်းမှန်းသိသော်လည်း ကိုခင်မောင်သန့်ဟုသာခေါ်သည်၊ကျနော်ကလည်း အဘဟုသာခေါ်လိုက်သည်၊နှစ်ဦးစလုံးကတော့ ရင်ထဲမှာစစ်သားဟောင်းဖြစ်ကြောင်းကိုယ်စီသိနေကြပေပြီ၊

ကျနော်က အဘဘေးကအိမ်က ကျနော်ဘဲ landscapeလုပ်၊လမ်းခင်းတုံးခင်းပေးထားတာဆိုတော့ ဟုတ်လားတွေ့တော့တွေ့တယ်ကြာပြီထင်တယ်လို့ပြောပါသည်၊ကျနော်က ၂၀၀ရလောက်မှာဆိုတော့ အင်း ကိုယ်တွေမြေကွက်ဘ၀ထဲက အဲ့သည်အိမ်ကဆောက်ပြီးနေပြီပြောပါသည်၊ကျနော်က အဲဒါအရင်ကျန်းမာရေးဝန်ကြီးဒေါက်တာကျော်မြင့်အိမ်ဆိုတော့၊ဟုတ်လား ကိုယ်မသိဘူးကွလို့တအံတသြပြောသည်၊အိမ်ခြင်းကပ်နေပေမဲ့သိပ်လည်းအဆက်အဆံမရှိကြပါဘူးကွာလို့ပြောသည်၊နောက်ထိုင်နေရင်းနဲ့ဟိုတနေ့ကတောင်မင်္ဂလာဆောင်မှာဗိုလ်ချုပ်ကြီးတင်ဦး ကတော်နဲ့တွေ့သေးတယ်၊အန်တီနွဲ့လေ လို့ပြောသည်၊ ထင်တော့ ကျနော့ရုံးခန်းထဲမှာ ထိုင်စောင့်နေရင်းနံ့ရံမှာကပ်ထားသည့် ဗိုလ်ချုပ်ကြီးတင်ဦးက ကျနော့ကိုပုခုံးဖက်မှာကြားနေသည့် ပုံကိုတွေ့သွားလို့ဖြစ်ပါမည်၊ 

တကယ်တော့ကျနော်ကS2 မိသားစုနဲ့ရင်းနှီကျွမ်းဝင်ခဲ့သူတော့မဟုတ်၊တပတ်စဉ်ထဲသူငယ်ချင်းနှင့် ဆုံးပါးသွားသော မချိုလဲ့ဦးက ကျောင်းနေဖက်ဖြစ်သဖြင့် ရန်ကုန်ရောက်တုံးတွေ့ခြင်သည်ဆိုသငြေ့် ကျနော်က မနော်ဟရီလမ်းက အိမ်ကိုလိုက်ပို့ရတာတခါ၊ကျနော့တပ်ရင်းမှုးကြီးက တပ်မ၅၅မှာS2တပည့်အဖြစ်နေခဲ့ရသဖြင့်ကျနော် ရန်ကုန်ဆင်းတိုင်း ဒေသထွက် ထိုးမုန့်၊လက်ဖက်လေးတွေအကြုံပေးကန်တော့ခိုင်းသဖြင့်ရောက်တာက၂ခါ၃ခါလောက်၊ဒါဘဲထိတွေ့မှုရှိခဲ့သည်၊ဒါတောင်ဗိုလ်ချုပ်ကြီးနှင့်တခါသာတွေ့ခဲ့ရသည်၊နီးနီးစပ်စပ်မဟုတ်ခဲ့၊ရုံးခန်းထဲချိတ်ထားသည့်ဓါတ်ပုံက ကျနော်အရပ်သားဖြစ်မှ သံတောင်ကိုစက်များတင်ပြီး လည်ပတ်ပေးနေချိန် ဒုချုပ်ကစက်ကိုလာစစ်ဆေးချိန်မှာပါလာခြင်းဖြစ်သည်၊ထိုအချိန်က ဗိုလ်ချုပ်ကြီတင်ဦးမှာ ကျနော့ကိုစစ်သားဟောင်းမှန်းမသိ ၊အရပ်သားတဦး၊ သည်စက်တွေကိုတပ်ဆင်နိုင်သူ လူငယ်လေးတယောက် သည်လိုဘဲမြင်ခဲ့သည်၊ သို့သော်ရဲဘော်ရဲဘက်တယောက်လို ဖက်လှဲတကင်းနွေးထွေးခဲ့သည်၊ကြိုးစားကွာငါ့သား ဟုပြောခဲ့သောS2ဧ။်အသံကို နားထဲကမထွက်၊သူရဟတ်ယာဉ်ပျက်ကျတော့ကျနော်ငိုခဲ့မိသည်၊တပ်မတော်မှာသည်လိုလူကြီးမျိုးဆုံးရှုံးသွားသည်ကိုနှမြောသဖြင့်ဖြစ်သည်၊

အခုကျနော့်ရုံးခန်းထဲမှာချိတ်ထားတာကလည်း သည်ပုံကကြည့်မိတိုင်း နွေးထွေးလုံခြုံမှုပေးသယောင်ထင်မိသည်၊ပြည်သူကို ကြီးငယ်မရွေးချစ်ခင်မှုပေးခဲ့သောတပ်မတော်အကြီးအကဲတယောက်ကိုမြင်ရသည်၊ သည်လိုပြောရင်းနှင့် ကျနော်ကသွေးတိုးစမ်းပြီးအိမ်ရှင်ဒုဗိုလ်ချုပ်ကြီးကိုမေးလိုက်မိသည် သံတောင်တုံးကဗိုလ်ချုပ်ကြီးတင်ဦးတို့လာတုံးက အဘလည်းပါတယ်နော်လို့၊သူကဟုတ်တယ် ကိုယ်ကသံတောင်ကျောင်းတွေစလုပ်ကထဲကတာဝန်အရှိဆုံးဖြစ်နေတော့ သံတောင်ကိုအခါခါရောက်တယ်၊လူကြီးတွေလာတိုင်းလည်းပါတယ်ဖြေသည်၊်၊တဆက်ထည်းကိုဝင်းအောင်တင့်ဇနီ်းတောင်ဟိုတလောကဆုံးသွားပြီ ကိုယ်တောင်နာရေးသွားလိုက်သေးတယ်လို့ပြောသည်၊တခဏစကားရပ်သွားပြီးဗိုလ်ချုပ်ကြိးကစကားဆိုသည်၊ ဟိုတလော မင်္ဂလာဆောင်တခုမှာလူတယောက်ကလာနုတ်ဆက်တယ်၊ဗိုလ်ချုပ်ကြီးနေကောင်းလားဆိုတော့ ကိုလည်းနေကောင်းပါတယ်ပေါ့၊ သူကမေးပြန်တယ်၊ဗိုလ်ချုပ်ကြီးကျနော့ကိုမှတ်မိသလားဆိုတော့ အင်းခပ်ဝါးဝါးဘဲဆိုတော့သူရီတယ်၊နောက်မှ သူက တလောကနားသွားတဲ့ကျန်းမာရေးဝန်ကြီးဖြစ်ကြောင်း ဗိုလ်ချုပ်ကြီးကလောမှာတုံးက အတင်းကျနော်တို့စစ်ဆရာဝန်ပေါက်စ(၃)ယောက်ကိုဂေါက်ရိုက်ခိုင်းခဲ့တာရောမှတ်မိလား၊အဲသည်တုံးကမရိုက်ခြင်ရိုက်ခြင်နဲ့ဗိုလ်ချုပ်ကြီးအတင်းရိုက်ခိုင်းလိုကျနော်တို့ရိုက်ခဲ့ရတာ၊အခုတော့ရိုက်လည်းရိုက်တတ်ပြီဆိုတော့ဂေါက်ကွင်းထဲကကိုမတက်ခြင်တော့ဘူးတဲ့၊ပြောသာပြောရတာကိုယ်လည်းရေးတေးတေးဘဲ အဲ့သည်ဝန်ကြီးအမည်တောင်အခုပြန်မမှတ်မိတောဘူးပြောပါသည်၊ ကျနော်က နားသွားတဲ့ကျန်းမာရေးဝန်ကြီး ဆိုရင်ဒေါက်တာဖေသက်ခင်လား ဆိုတော့ ဟူတ်မယ်ထင်ထာဘဲလို့ဖြေသည်၊

ဒုဗိုလ်ချုပ်ကြီးခင်မျာ မနေ့တနေ့ကတွေ့လာသော ၀န်ကြီးဟောင်းကိုပင်မမှတ်မိနိုင်တော့ချေ၊ ထွေရာလေးပါးလုပ်ငန်းအကြောင်းတွေပြောရင်း ကျနော်စကားဆိုမိပြန်သည်၊ အဘ လင်းခေးဖက်ရောနေခဲ့ဘူးတယ်နော် ဆိုတော့ ဟုတ်တယ် ကိုယ်နေခဲ့ဘူးတယ်၊တဲ့ ကျနော်က ကျနော့ဘကြီးက အဘနဲ့နေခဲ့ဘူးတယ်လို့ပြောဘူးတယ်၊နောက်ကျနော့ဘကြီး ပြည်က တပ်မ၆၆မှာ ဌာနချုပ်တပ်ခွဲမှုးလုပ်တော့ အဘကျနော်တို့အိမ်လာဘူးတယ်၊ဆိုတော့ သူကျနော့ကိုပြူးကြည့်ပါသည် ခင်ဗျားဘကြီးကဘယ်သူလည်းမေးပါသည်၊ ကျနော်ကဗိုလ်မှုးခင်မောင်ဦးပါဆိုတော့ သူစဉ်းစားဟန်ပြုပြီးနေဦးသှူု့ဘီစီိက ၉၃အစဟုတ်လားဆိုတော့ကျနော်က စုတ်တယ်အဘ၉၃၉၀ ပါဆိုတော့၊သူဆုံးသွားပြီမို့လားဆိုတောံ့ ကျနော်ကဟုတ်တယ်အဘ ကျနော်ဗိုလ်ဖြစ်တဲ့နှစ်၁၉၈၆်မှာဘဲ ဆီးချိုနဲ့ဆုံးတာပြောလိုက်သည်။ မင်းကြီးတောင်ခြေကအိမ်မှာခင်ဗျားလိုက်နေဘူးသေးလားမေးပြန်သည်၊ကျနော်က့ နွေရာသီကျောင်းပိတ်ရက် ရောက်နေတာပါပြောလိုက်သည်၊ 

အဲသည်အဘကဘဲဆက်ပြီးခင်ဗျားတို့နဲ့ကပ်လျှက်အိမ်ကသူရောမှတ်မိသေးလားမေးသည်၊၊ကျနော်က ဦးခင်အောင်မြင့် ဆိုတော့ သူကခေါင်းတဆိပ်ဆိပ်ညိမ့်လို့ဟုတ်တယ် အဲသည်တုံးက ကိုခင်အောင်မြင့်က ဗိုလ်ကြီးရှိသေးတယ်ပြောသည်၊

ကျနော်ဆိုခြင်တာက ကျနော့ဘကြီးဆုံးပြီးမှတွေ့တဲ့ ဆရာဝန်လေး၊မကြာခင်ကအနားယူသွားတဲ့ဝန်ကြီး မနေ့တနေ့က လာနုတ်ဆက်တဲ့လူ ကိုမမှတ်မိဘဲ ၁၉၈၆ကထည်းဆုံးသွားတဲ့ ကျနော့ဘကြီးကို တပတ်စဉ်ထဲလည်းမဟုတ်၊ဗိုလ်ဖြစ်လာတဲ့ကျောင်းခြင်းကလည်းမတူဘဲနဲ့ဘီစီကအစမှတ်မိတယ်ဆိုတာ ထူးဆန်းမနေဘူးလား၊

တခုဘဲပြောခြင်ပါသည်။

စစ်သားအချင်းချင်းကြားမှာ ရဲဘော်စိတ်ကသွေးနဲ့စုစည်းချည်နှောင်ထားသည်၊
ဘယ်လောက်ပဲကြာကြာမြဲပါသည်
ဟုတ်ကဲ့----------သွေးသည်ရေထက်လည်းပြစ်ပါသည်----------၊