လေကြောင်းပစ်ကူ နှင့် တိုက်ပွဲနိဂုံး
(၃၀)
မှောင်မှောင်မဲမဲထဲ မြေတစ်ဆုပ်တစ်ခဲနဲ့ စွန့်ပစ်ခဲ့ရတဲ့ ရဲဘော်လေးရဲ့အလောင်းကို ထားရစ်ပြီး ကျန်သူတွေ အသက်ဆက်နိင်ရေးအတွက် ခရီးဆက်ခဲ့တဲ့ ကျွန်တော်တို့တပ်စုဟာ မနက်အာရုဏ်တက်ချိန်လောက်မှာ စစ်ကြောင်းရုံး အနောက်ဖက်နားအထိ ခရီးပေါက်ခဲ့ပါပြီ။ ဒီအချိန်မှာ ကမမောင်း ကတိုင်တိဘက်ကနေ ဖြတ်ဝင်လာတဲ့ ခမရ (၄) စစ်ကူစစ်ကြောင်းဟာ ဆင်စွယ်စခန်းရဲ့အနောက်ဘက် ခမရ (၈) ခမရ (၆) တို့ရဲ့ ဘယ်ဖက်က ၀င်ရောက်လာပြီး စစ်ကူပိတ်ဆို့ထားတဲ့ ကေအင်ယူနဲ့ တွေဆုံတိုက်ပွဲဖြစ်ပါတော့တယ်။
ဆင်စွယ်စခန်းရဲ့ပတ်လည် တောင်ဖက် ခမရ (၈) စစ်ကြောင်း(၂)၊ ခမရ (၆) တပ်ရင်း၊ ခမရ (၄) စစ်ကြောင်းနဲ့  မြောက်ဘက် ခမရ (၈) စစ်ကြောင်း (၁) စစ်မျက်နှာ တလျောက်လုံး ဆက်တိုက် အာရုဏ်တက် တိုက်ပွဲ ဆင်နွဲကြပါတယ်။ မနက်အလင်းရောင် လာချိန်မှာ ပစ်ခတ်သံတွေ တဖြေးဖြေးလျော့သွား ပါတော့တယ်။ စစ်ကြောင်းရဲ့နောက်ဖက် ရောက်နေတဲ့ ကျွန်တော်တို့ တပ်စုဟာ ဘီအေ ၆၃ ရိုင်ဖယ် (၃) ချက် မိုးပေါ်ထောင် ဖောက်ပြီး အဆက်အသွယ်ယူပါတယ်။ စစ်ကြောင်းက (၃) ချက်ပြန်ဖောက်လို့ အဆက်အသွယ်ရပြီးနောက်
မှာတော့ တပ်စုတစ်စုလုံး တင်းထားတဲ့စိတ်တွေ လျှောချလိုက်ကြပြီ့း သွေးလွန်အခြေအနေဆိုးနေတဲ့ ရဲဘော် နှစ်ဦးရဲ့ အသက်မီရေး အရင်ဆုံးဆေးမှုးထံ အပ်နှံနေစဉ် စစ်ကြောင်းမှုး ရောက်လာပြီး တပ်စုကို အားပေးစကား ပြောပါတယ်။
မှာတော့ တပ်စုတစ်စုလုံး တင်းထားတဲ့စိတ်တွေ လျှောချလိုက်ကြပြီ့း သွေးလွန်အခြေအနေဆိုးနေတဲ့ ရဲဘော် နှစ်ဦးရဲ့ အသက်မီရေး အရင်ဆုံးဆေးမှုးထံ အပ်နှံနေစဉ် စစ်ကြောင်းမှုး ရောက်လာပြီး တပ်စုကို အားပေးစကား ပြောပါတယ်။
စစ်ကြောင်းမှုးနဲ့ တင်ပြရှင်းလင်းဆွေးနွေးမှုတွေ အပြီးမှာတော့ ကျွန်တော်ဟာ အလွန်လေးလံတဲ့ ၀န်ထုပ်ကြီးကို ပုခုံးပေါ်က ပစ်ချလိုက်ရသလို ပေါ့ပါးသွားပြီး နှစ်ရက်နဲ့နှစ်ညလုံးလုံး လူပင်ပန်း စိတ်ပင်ပန်း ခဲ့သမျှ အတိုးချလို့ နှစ်နှစ်ခြိုက်ခြိုက် အိပ်ပျော်သွားပါတော့တယ်။
မိုးပေါ်က ဆူညံသံတွေနဲ့ အတူ လန့် နိးလာပြီး မော့ကြည့်ချိန်မှာတော့ T33 ၊ PC6၊ PC7 လေယာဉ်သုံးစီး ကျွန်တော်တို့  ခေါင်းပေါ်က ဖြတ်ကျော်ပျံသန်းပြီး ရန်သူ့ ခံစစ်ကြောင်းတလျှောက် ဦးစိုက်ထိုးချရင်း တပြိုင်တည်း တောင်ပံတွေမှာ တပ်ဆင်ထားတဲ့ စက်သေနတ်တွေပစ်ရင်း ထိုးဆင်းသွားကြပါတယ်။ လေယာဉ် ခေါင်းပြန်ထောင်အတက်မှာ ဗုံးတွေဖြုတ်ချပြီး အပေါ်ထောင် တက်သွားကြပါတယ်။ ဗုံးပေါက်ကွဲ အားအရှိန်တွေကြောင့် ရန်သူနဲ့ ရင်ဆိုင်ထားတဲ့ တပ်ခွဲရဲ့  နောက်မှာရှိနေတဲ့ ကျွန်တော်တို့ စစ်ကြောင်းရုံး နေရာအထိ တုန်ခါနေပါတယ်။ ပစ်မှတ်ထိချက်နေရာတွေ မြေပြင် စက်တွေနဲ့ အဆက်အသွယ်ရပြီး ဒုတိယအကျော့ ထပ်ပစ်ခတ်ဗုံးကျဲပြန်ပါတယ်။ ဒုတိယအကြိမ်မှာတော့ PC6၊ pc7၊ နှစ်စီးဟာရန်သူ့ ခေါင်းပေါ် တော်တော်နိမ့်နိမ့်အထိ ထိုးစိုက်ဆင်း ပစ်ခတ်ဗုံးကြဲ ထောင်တက်သွားပါတယ်။
လေယာဉ်ပစ်ကူဟာ ရဲဘော်တွေရဲ့ စိတ်ဓါတ်ကို အများကြီး မြင့်တက်စေပါတယ်။ တကယ်တော့ မြေပြင် လက်နက်ချင်း ယှဉ်ရာမှာ အနီးကပ် တိုက်ရိုက်အဖြောင့်ပစ်လက်နက်ကြီး မယှဉ်နိင်တဲ့ အဓိကအားနဲချက် ကြောင့် ရှေ့ တိုးလို့ မပေါက် ဖြစ်နေရတာပါ။ ကေအင်ယူမှာ ၅၇ မမနောက်ပွင့်၊ ၇၂ လောလောင်ချာဆိုတဲ့  တိုက်ရိုက်အဖြောင့်ပစ် လက်နက်တွေ ဖောဖောသီသီ သုံးနေပြီး ကျွန်တော်တို့ ဆီမှာ တိုက်ရိုက်အဖြောင့်ပစ် လက်နက်ကြီးမရှိပါဘူး။ (၁၉၈၃ ခုနှစ် ကုန်ခါနီးကစလို့ ၈၄ မမ ကားဂူးစတပ်ကို စတင်သုံးလာနိင်ချိန်မှာတော့ ကေအင်ယူထက် သာလွန်သွားခဲ့ပြီး ကေအင်ယူနယ်စပ်စခန်းတွေအထိ ထိုးဖောက်နိင်ခဲ့ပြီး အနီးကပ် ရင်ဆိုင်ကုန်းတွေနဲ့ ရင်ဆိုင်ခြိမ်းခြောက်ထားနိင်ခဲ့ပါတယ်။ အလွန်မာတဲ့ ကေအင်ယူဟာ ၈၄ မမ ကားဂူးစတပ် ဒဏ်ကိုတော့ မခံနိင်တာများပါတယ်)။ အခုအချိန်မှာတော့ ရန်သူထက် သာလွန်တဲ့ လေကြာင်းပစ်ကူ အသာစီးရယူပြီး အပြီးသတ် ချေမှုန်းရတော့မှာဖြစ်ပါ တယ်။ ။
(၃၁)
သင်္ကြန်အကြိုနေ့ က စခဲ့တဲ့ ဆင်စွယ်တိုက်ပွဲဟာ အကြတ်နေ့ အထိ (၃)ရက် ကျော်လွန်လို့  အတက်နေ့ကို ရောက်ခဲ့ပါပြီ။ ဆင်စွယ်စခန်းထိန်း ခလရ (၁၉) ၊ စခန်းကိုတိုက်တဲ့ ကေအင်ယူတပ်ဖွဲ့ ၊ စစ်ကူစစ်ကြောင်းတွေနဲ့  စစ်ကူပိတ်ဆို့ ထားတဲ့ ကေအင်ယူစစ်ကြောင်းတွေ အားလုံးဟာ ကိုယ်စီတိုက်ပွဲ ဖိစီးမှုဒဏ်တွေနဲ့ ပင်ပန်း နွမ်းနယ်နေကြပြီဖြစ်ပါတယ်။ ရိက္ခာ ၊ရေ ၊ဆေးဝါး၊ ခဲယမ်း နဲ့  တိုက်ပွဲဝင်နိင်တဲ့ အင်အားတွေလည်း ဆုတ်ယုတ် လာလို့ စစ်အီနေတဲ့ အချိန်မှာ ကျွန်တော်တို့ဖက်က လေယာဉ်ပစ်ကူယူပြီး သင်္ကြန်အတက်နေ့  တနေ့လုံး တိုက်စစ်အရှိန်မြှင့်ပါတယ်။ တိုက်လေယာဉ်အုပ်စု နောက်ဆုံးအကျော့ တိုက်ခိုက်ပြီးချိန်မှာ စစ်ကြောင်းရုံးက ရှိသမျှ ၈၁ မမ၊ ၆၀ မမ လက်နက်ကြီး ဗုံးသီးတွေ ကုန်သလောက်နီးပါး ပစ်ကူနဲ့ ဖိတိုက်ပေမယ့် ညအမှောင်စရောက်ချိန်မှ ကေအင်ယူတပ်ဖွဲ့တွေ စတင် ဆုတ်ခွာပါတော့တယ်။ မဆုတ်ခွာရင်လည်း ကျွန်တော်တို့ စစ်ကြောင်းမှာ နောက်တစ်ပွဲတိုက်စရာ လက်နက်ကြီးကျည် မကျန်တော့ပါ။ ကေအင်ယူဟာ ခွာစစ်ထုံးစံ အတိုင်းရှိသမျှပစ်အားနဲ့ ဦး နှိမ်နိင်ဖို့  လက်နက်ကြီးကျည် အကုန်စုပြုံပစ်ထုတ်ပြီး တစ်ညလုံး ခွာစစ်ဆင်ပါတယ်။
၁၉၈၃ ခုနှစ် ကာလဟာ တိုင်းပြည်ကလည်း မြန်မာ့နည်းမြန်မာ့ဟန် ဆိုရှယ်လစ်စံနစ်နဲ့  တော်တော်ဆင်းရဲ နေချိန်ဖြစ်လို့ စစ်အသုံးစရိတ်လည်း ဆင်းရဲလှပါတယ်။ pc6pc7 တွေကို အကောင်းဆုံး တိုက်လေယာဉ်အဖြစ် အသုံးပြုနေရသလို မြေပြင်တပ်စိတ်သုံးအမ် 79 (40mm) ဗုံးသီးကအစ ချွေတာသုံးဖို့ နဲ့  ကျည်ဆံခဲယမ်း တန်ဖိုးတွေ မကြာခနတွက်ပြခံနေရလို့ အောက်ခြေ မြေပြင်တပ်တွေ တော်တော် စိတ်ကသိကအောင့် ဖြစ်ရပါတယ်။ နယ်စပ်မှောင်ခို အကောက်ဂိတ်တွေက အလျှံပယ်ရတဲ့ငွေတွေနဲ့  ကေအင်ယူက အမ် 79 (40mm) ဗုံးသီးကို ပလိုင်းနဲ့ အပြည့် ထည့်ပစ်နေချိန်မှာ ကျွန်တော်တို့ ရဲဘော်တွေခါးမှာ ပတ်ထားတဲ့  ဗုံးသီးကို မကုန်အောင်စစ်စရိတ်ချွေတာ ပစ်ခတ်နေရတဲ့ အချိန်ဖြစ်ပါတယ်။
(၁၉၈၈ ခုနှစ် နောက်ပိုင်း ဗိုလ်ချုပ်ကြီး မောင်လှကိုယ်တိုင် ရှေ့ တန်းမှာ ဦးစီးပြီး ကေအင်ယူ နယ်စပ်စခန်း တွေကို တစ်ခုတစ်ခု သိမ်းချိန်မှာတော့ ရှိသမျှအမြှောက်၊ လက်နက်ကြီး လက်နက်ငယ်ကျည်တွေ စိတ်ကြိုက် သုံးကြရလို့  ပင်မခဲယမ်းမီးကျောက်တပ်မှာတောင် ကျည်ဆံတွေ ပြတ်သလောက် ဖြစ်သွားတယ်လို့  ပြောကြပါတယ်)
(၁၉၈၈ ခုနှစ် နောက်ပိုင်း ဗိုလ်ချုပ်ကြီး မောင်လှကိုယ်တိုင် ရှေ့ တန်းမှာ ဦးစီးပြီး ကေအင်ယူ နယ်စပ်စခန်း တွေကို တစ်ခုတစ်ခု သိမ်းချိန်မှာတော့ ရှိသမျှအမြှောက်၊ လက်နက်ကြီး လက်နက်ငယ်ကျည်တွေ စိတ်ကြိုက် သုံးကြရလို့  ပင်မခဲယမ်းမီးကျောက်တပ်မှာတောင် ကျည်ဆံတွေ ပြတ်သလောက် ဖြစ်သွားတယ်လို့  ပြောကြပါတယ်)
နှစ်ဆန်းတစ်ရက်နေ့ မနက်ဆင်စွယ်စခန်းမှာ စစ်ကူစစ်ကြောင်းတွေအားလုံး စုရုံးမိကြပါတယ်။ ဆင်စွယ်စခန်းဟာ ကတိုင်တိစခန်းလို မြင်ကွင်းရှင်းတဲ့ တောင်ကုန်းမြင့်ပေါ်မှာ မဟုတ်ဘဲဝါးရုံ တွေနဲ့ ရှုပ်နေတဲ့  တောင်ကုန်းငယ်လေးပေါ်မှာ တည်ဆောက်ထားတာဖြစ်လို့ မြင်ကွင်းရှုပ်ထွေးလှ ပါတယ်။ ဆင်စွယ်ရွာနဲ့  နဲနဲဝေးပြီး ကမမောင်း ဖာပွန်ကားလမ်းဟောင်းက ကြားမှာခြားထားပါတယ်။ စခန်းတစ်ခုလုံး မီးလောင်ပြင်လို
ဖြစ်နေ့လို့ ရိက္ခာတွေလည်း မီးထဲပါကုန်ပါတယ်။ ကေအင်ယူဆုတ်ခွာရာနောက် တောက်လျှောက်လိုက်မယ့် ခမရ (၄) တပ်ရင်းကို ရှိသမျှ ရိက္ခာထဲက ဦးစားပေးထုတ်ပေးလို့ ကျန်စစ် ကြောင်းတွေတော့ ပါလာသမျှ ဆန်လက်ကျန်လေးတွေနဲ့  စားသောက်ရေး စီစဉ်ကြရပါတယ်။
ဖြစ်နေ့လို့ ရိက္ခာတွေလည်း မီးထဲပါကုန်ပါတယ်။ ကေအင်ယူဆုတ်ခွာရာနောက် တောက်လျှောက်လိုက်မယ့် ခမရ (၄) တပ်ရင်းကို ရှိသမျှ ရိက္ခာထဲက ဦးစားပေးထုတ်ပေးလို့ ကျန်စစ် ကြောင်းတွေတော့ ပါလာသမျှ ဆန်လက်ကျန်လေးတွေနဲ့  စားသောက်ရေး စီစဉ်ကြရပါတယ်။
ခလရ (၁၉) ဆင်စွယ်စခန်းက ဒဏ်ရာရသူတွေထဲမှာ စစ်သည်နှစ်ဦးဟာ ထူးထူးခြားခြား တကိုယ်လုံးမီးလောင် ဒဏ်ရာရထားလို့ ငှက်ပျောဖက်တွေပေါ် လူးလွန့် နေရတာတွေ့ ရပါတယ်။ ရေလုံးဝပြတ်လာတဲ့ ခမရ (၆) စစ်ကြောင်းဟာ ဆင်စွယ်ချောင်းအရောက်မှာ ရေအ၀သောက်ကြရင်း စစ်သည်တစ်ဦး ရေငတ်ခဲ့သမျှ ဆင်စွယ်ချောင်းထဲက ရေကိုအငမ်းမရသောက်လို့  အသက်ဆုံးတဲ့အထိ ဖြစ်ခဲ့ရပါတယ်။ တိုက်ပွဲမှာမသေဘဲ ရေငတ်လို့မသေဘဲ ရေအ၀သောက်လို့  သေရတဲ့တကယ့် ရေတိမ်နစ်ခဲ့ရတဲ့ အဖြစ်အပျက်ပါပဲ။ ။