by Pyay Chit Thu (Notes) on Monday, April 22, 2013 at 3:26pm
အတိုက်အခံလုပ်တယ်ဆိုတာက နိုင်ငံရေးဖြစ်စဉ်တွေမှာတော့ လုပ်ငန်းစဉ်တစ်ခုကို ဖျက်ဆီးတာ၊ ပျက်အောင်လုပ်တာ၊ မချောမွေ့ အောင်လုပ်တာ၊ကန့် လန့် တိုက်တာ သက်သက် မဟုတ်ပဲ တိုးတက်မှု ဖြစ်ထွန်းဖို့ ၊ လူ့ အခွင့်အရေးနဲ့  တရားမျှတမှုတို့  ဖြစ်ထွန်းပေါ်ပေါက်ဖို့ ၊နိုင်ငံရေးဖြစ်စဉ်များ ကောင်းမွန်စွာ ဖြစ်ထွန်းပေါ်ပေါက်ဖို့ အတွက် မလွဲမသွေလိုအပ်သော ဖြစ်စဉ်တစ်ခုပါ။ အတိုက်အခံ ဆိုတာကိုကအာဏာရှိအစိုးရအဖွဲ့ ကို အာဏာရှင်အဖြစ် ထင်ရာမစိုင်းရလေအောင် ထိန်းကျောင်းတည့်မတ် ပေးနေသူတွေလို့  အဓိပ္ပါယ် သက်ရောက်ပါတယ်။ Check & Balance လုပ်ပေးနေတဲ့ အဖွဲ့ အစည်းမရှိတဲ့အခါ ၊ ဝေဖန်ထောက်ပြနေသူတွေ မရှိတော့တဲ့အခါ တိုးတက်မှုဖြစ်စဉ်တွေဆုတ်ယုတ်ပြီး ၊ တိုင်းပြည်ဟာ ပျက်ဆီးခြင်းလမ်းဆီကို ဦးတည်ပါတယ်။
မြန်မာ့နိုင်ငံရေးမှာ အတိုက်အခံအဖွဲ့ အစည်း အမှန်တစ်ကယ် ရှိပါရဲ့ လား။ အတိုက်အခံပုဂ္ဂိုလ် အစစ်အမှန်ရှိပါရဲ့ လား ဆန်းစစ်ကြည့်ရမှာပါ။ သူရဲကောင်းကိုးကွယ်တတ်ပြီး ၊ မင်းလောင်းမျှော်လေ့ရှိတတ်ကြတဲ့ မြန်မာတွေက သမိုင်းမှာ စိတ်ကူးယဉ်အိပ်မက်တွေထဲ မကြာခဏနစ်မြောနေတတ်ကြပါတယ်။ ပြည်သူဟာ ခေါင်းဆောင်လောက် မတော်နိုင်၊ မတတ်နိုင်သော်လည်း သမိုင်းဖြစ်စဉ်များထဲမှာ ကိုယ်တိုင်ပါဝင် တင်ဆက်နေရသော နယ်ရုပ်ကလေးများလည်း ဖြစ်နေတာမို့  ကိုယ့်ရဲ့  ခေါင်းဆောင်ပင်ဖြစ်စေ၊ လူထုခေါင်းဆောင်ပင်ဖြစ်စေ ၊ ပြည်သူ့ အသံကိုတော့ မကြာခဏ ပြန်လည်နားစွင့်ပေးရမှာပဲ ဖြစ်ပါတယ်။ ပြည်သူကလည်း ကိုယ့်ခေါင်းဆောင်သွားနေသော လမ်းကြောင်းကို တစေ့တစောင်းမှ မရွဲ့ စောင်းလေရအောင် ပြန်လည်ထိန်းကျောင်းပေးကြရမှာပါ။ ထိုအခါမှသာ တိုင်းပြည်ရဲ့  တိုးတက်မှုလမ်းကြောင်းက မြန်ဆန်ဖြောင့်တန်းမှာပါ။
ချစ်တဲ့မျက်စိနဲ့ ကြည့်ပြီး လုပ်နေသမျှ အရာရာ အကောင်းမြင်ပေး၊ ထောက်ခံပေးနေမိရင် နိုင်ငံကိုသာမက ကိုယ့်ရဲ့ တန်ဖိုးရှိ တဲ့ ခေါင်းဆောင် ကို ပါ ချောက်ထဲ ဆွဲချနေမိသလို ဖြစ်မှာပါ။ ဒေါ်အောင်ဆန်းစုကြည်ဟာ ကျွန်တော်တို့ နိုင်ငံအတွက် တန်ဖိုးကြီးတဲ့ ခေါင်းဆောင်ဆိုတာကိုတော့ ဘယ်သူမှ ငြင်းလို့ မရနိုင်ပါဘူး။ လက်ရှိဖြစ်ထွန်းနေတဲ့ အပြောင်းအလဲဖြစ်စဉ်တွေဟာ ဒေါ်အောင်ဆန်းစုကြည် ရဲ့  တန်ဖိုးပုံရိပ်ကြီးမားမှုတွေ၊ အဲဒါရဲ့  ရိုက်ခတ်မှုတွေနဲ့ အများကြီး သက်ဆိုင်ခဲ့တာကို ဘယ်သူမှ ငြင်းလို့ မရပါဘူး။ ဒါပေမယ့် ဒေါ်စုတစ်ယောက်တည်းရဲ့  စွမ်းဆောင်မှု၊ သူတစ်ယောက်တည်းရဲ့  ခွန်အား သက်သက်တော့လည်း မကခဲ့ရပါဘူး။
သွေးမြေကျခဲ့ရမှုများစွာ၊ အသက်သွေးချွေးဘ၀များစွာ၊ လူပေါင်းမြောက်များစွာ၊ ပြည်သူအားလုံးရဲ့  ခွန်အားအစွမ်းတွေလည်း အတူထောက်ပံ့ပေးခဲ့ကြ၊ ပါဝင်ခဲ့ကြတာပါ။ပြည်သူတစ်ဦးချင်းဆီကပေးသောစိတ်ဓာတ်ခွန်အား များနဲ့  လူထုခေါင်းဆောင်အဖြစ် ထွန်းလင်းတောက်ပခဲ့ရတာပါ။ ပြည်သူနဲ့ ခေါင်းဆောင်ဟာ အချင်းချင်း အပြန်အလှန်ယုံကြည်မှု တည်ဆောက်နိုင်ခဲ့ကြတာပါ။ လူထုခေါင်းဆောင်ဆိုတဲ့ နေရာကို ပြည်သူကပဲ ပေးခဲ့တာပါ။ ဒေါ်အောင်ဆန်းစုကြည်ရဲ့  ပုံရိပ်တန်ဖိုးကြီးမားရုံနဲ့  ကျန်ပေးဆပ်ခဲ့ကြသူတွေရဲ့  ပုံရိပ်တွေကိုလည်း မဆင်မခြင် ပစ်ပယ်လိုက်လို့ မရပါဘူး။ မြန်မာ့နိုင်ငံရေးဟာ တစ်ဦးကောင်း တစ်ယောက်ကောင်းနဲ့  မရပါဘူး။ ဆီ ထွက်လာတဲ့အထိ စုစုစည်းစည်း ကြိတ်ဖို့  နှမ်းတွေ အများကြီး လိုအပ်ဦးမှာပါ။
ကျွန်တော်တို့ ဟာ ကျွန်တော်တို့ ထက်အစစအရာရာ လက်ဦးမှုရယူပြီး အရာရာကို စံနစ်တကျ ကြိုတင်ပြင်ဆင်ထားသော၊ ထိုသူတို့ ရဲ့  တူညီတဲ့ဘုံအကျိုးစီးပွားအတွက် တစ်ညီတစ်ညွတ်တည်း ရက်စက်ဝံ့သော အာဏာရှင် ဘုံရန်သူ လက်အောက်က လွတ်မြောက်ဖို့  တိုက်နေကြရ ၊ တောင်းဆိုနေကြရတာပါ။ တစ်ယောက်တည်းအားနဲ့ တော့ ရင်ဆိုင်လို့  မရနိုင်ပါဘူး။ ရန်သူက မာယာများတယ်၊ ဆင်ကွက်တွေများတယ်၊ အစွမ်းကုန်ကောက်ကျစ်တယ်၊လက်နက်ရှိတယ်၊ စုစည်းထားပြီးသား အားရှိတယ်၊ နောက်ကနေ ခိုင်ခိုင်မာမာ ထောက်တည်ပေးထားတဲ့၂၀၀၈ ဖွဲ့ စည်းပုံကြီးရှိတယ်။ လက်ရှိအခြေအနေကို မြင်အောင်ကြည့်ရင် ကျွန်တော်တို့ က သူများခင်းထားပြီးသား ကစားကွက်ထဲမှာ စံနစ်တကျ ထည့်သိုခြင်း ခံထားကြရတဲ့ မလှုပ်နိုင်တဲ့ နယ်ရုပ်ကလေးတွေပါ။ အပေးအယူ အလျှော့အတင်း ဆိုရာမှာလည်း သူတို့  လှမ်းတဲ့ ကြိုးစကိုသာ တိုလိုက်ရှည်လိုက် လုပ်နေခဲ့ပြီး အဲဒါကိုသာ ဖမ်းဆုပ်လိုက် ၊ လွှတ်လိုက်လုပ်ပြီး ရချင်ယောင်ဆောင်နေရတဲ့ ဘ၀ပါ။
ကျွန်တော်တို့ က ကိုယ့်ခေါင်းဆောင်ကို ဘယ်လမ်းကိုရွေးပါ၊ ဘယ်လိုကစားကွက်ကို ခင်းပါ ပြောလို့  မဖြစ်ပါဘူး။ အဲဒါက ခေါင်းဆောင်ရဲ့ တာဝန်မို့ ပါ။ ပြည်သူတတ်နိုင်တာက အစွမ်းကုန် နောက်ကလိုက်မယ်။ ယုံကြည်ပေးမယ်။ ထောက်ခံပေးမယ်။ လမ်းပြတဲ့အတိုင်း လိုက်မယ်ဆိုတာပါ။ ကျွန်တော်မှတ်မိသလောက် ဒိနေ့ အထိ ပြည်သူက တာဝန်ကျေခဲ့ပါတယ်။ တစ်ခါတစ်ရံမှာ ကျွန်တော်တို့  နားမလည်နိုင်တဲ့၊ဒွိဟဖြစ်စရာအချက်တွေ ကြုံခဲ့ရင်တောင်မှပဲ မဖြစ်ဖြစ်အောင်တော့ ကြိုးစားနားလည် ပေးခဲ့ကြတာပါ။ ရွေးကောက်ပွဲ မ၀င်ဘူးဆိုတော့လည်းနားလည်တယ်၊ ရွေးကောက်ပွဲ ပြန်ဝင်မယ်ဆိုတော့လည်း အားပေးခဲ့ကြတယ်၊ ရခိုင်အရေးလည်း နားလည်ပေးပါတယ်၊ လက်ပန်းတောင်းတောင်လည်း မရရအောင် ချွေးသိပ်နားချကြတယ်၊ မိထ္ထီလာအရေးလည်း သဘောပေါက်ပေးကြပါတယ်။
လူထုခေါင်းဆောင်ဆိုတာကိုက လူထုနဲ့ ကင်းကွာလို့ တော့မရပါဘူး။ လူထုရဲ့  အားပေးမှု၊ ထောက်ခံမှုကို ခေါင်းဆောင်ကအမြဲမပြတ် လိုအပ်သလို လူထုကလည်း ခေါင်းဆောင်ရဲ့  ခေါင်ဆောင်မှုကို အစဉ်လိုအပ်တာပါ။ အရင်တုန်းကတော့ မြန်မာ့ နိုင်ငံရေးမှာ NLD က ပြည်သူရဲ့ အားကိုးရာ ၊ ယုံကြည်ရာ အတိုက်အခံ အဖွဲ့ အစည်းပါ။ အစိုးရကို စောင့်ကြည့်တယ်၊ ဝေဖန်တယ်၊ ဘယ်လိုတော့ ဖြစ်သင့်တယ်ဆိုတာ အမြဲ ထောက်ပြခဲ့တယ်။ အနည်းဆုံးတော့ မတရားတာတွေကို မတရားတဲ့အကြောင်း တိုင်းပြည်သိအောင်၊ ကမ္ဘာသိအောင် အမြဲမပြတ်စောင့်ကြည့် ထောက်ပြ နေခဲ့တဲ့ အတိုက်အခံ အဖွဲ့ အစည်းစစ်စစ်ပါ။ ဒေါ်အောင်ဆန်းစုကြည်ရဲ့ ဘေးမှာ အားကိုးရလောက်သော ၊ အကြံညဏ်များပေးနိုင်သော တတ်သိ ပညာရှင်များလည်း ရှိခဲ့တာပါ။
အခုNLD က ၀ါးအစည်းပြေသလို ဖြစ်နေခဲ့တာပါ။ လက်ရှိခေါင်းဆောင် နှစ်ပါးလို့  ဆိုအပ်သော ဒေါ်စုနဲ့  ဦးဝင်းတင် နှစ်ယောက်မှာကိုက သဘောထား ကွဲလွဲမှုတွေ၊ အမြင်မတူတဲ့  မညီညွတ်မှုတွေက ပြည်သူအကြားမှာ ရောက်သထက် ရောက်လာနေပါတယ်။ သဘောကတော့ ဦးဝင်းတင်က အတိုက်အခံအလုပ်နဲ့  အတိုက်အခံတာဝန်ကို ဆက်လက်ထမ်းဆောင်နေပြီး။ ဒေါ်စုက လွှတ်တော်ထဲ၊ ပါလီမန်ထဲ ရောက်သွားတဲ့ အစိုးရတစ်ပိုင်းဖြစ်နေသလိုမျိုး ညှပ်ပူးညှပ်ပိတ် အမိခံနေရသလိုမျိုးနဲ့  မလှုပ်နိုင်အောင် ဖြစ်နေတယ်လို့  မြင်နေကြရတာပါ။ NLD အနိုင်ရခဲ့တဲ့ လွှတ်တော်နေရာ 43 နေရာနဲ့  ဘာမှ မလုပ်နိုင်ဘူးဆိုတာကို လက်ခံနိုင်ပေမယ့် ဒေါ်အောင်ဆန်းစုကြည်ဟာ ဒေါ်အောင်ဆန်းစုကြည်ပါ။ သာမာန်လွှတ်တော် ကိုယ်စားလည် မဟုတ်ပါဘူး။
တန်ခိုးရှင် တစ်ပါးလို အရာရာကို ဖန်တီးပေးဖို့  မျှော်လင့်တာမဟုတ်ပေမယ့် ၊ နိုင်ငံတကာရဲ့  ထောက်ခံအားပေးမှု ကြီးမားလွန်းတဲ့ ဒေါ်စုရဲ့ ပုံရိပ်ကို ယခုအခြေအနေမှာ ဒေါ်စုနဲ့  ညှိနှိုင်းဖို့  အလွန်အင်မတန်လိုအပ်နေတဲ့ အစိုးရခေါင်းဆောင်တွေနဲ့  အပေးအယူအလျှော့အတင်း တစ်ချို့ အတွက်တော့ ကောင်းကောင်းကြီး ညှိနှိုင်းနိုင်တဲ့အရာပါ။ လွှတ်တော်ထဲမှာ ဘာမှ လုပ်လို့  မရတဲ့အခါ လွှတ်တော်ပြင်ပမှာရော တွေ့ ဆုံညှိနှိုင်းတာမျိုး လုပ်လို့  မရပါဘူးလား။ ကြံ့ဖွင့် ခေါင်းဆောင်လည်းဖြစ်၊ ရုပ်သေးဖြစ်စေ ၊ ဇာတ်ကောင်ဖြစ်စေ တရားဝင် သမ္မတကြီးတော့ ဖြစ်နေတဲ့ သမ္မတကြီးနဲ့ ၊ လွှတ်တော်အာဏာပိုင် လက်ရှိအာဏာရှင်အဖြစ်လည်း အမည်နာမကျော်ကြားတဲ့ ဥက္ကဌကြီး ဦးရွှေမန်းနဲ့  ဒီ ၃ ယောက်ပဲ လွှတ်တော်ပြင်ပမှာ တွေ့ ကြ ညှိကြ နှိုင်းကြရင်တောင် တစ်ချို့ ကိစ္စတွေက အလုပ်ဖြစ်နိုင်တာမျိုးပါ။ ပိတ်ထားတဲ့တံခါးတွေဆီကနေပဲ ထွက်ပေါက်ရှာကြည့်ရမှာပါ။
သူတို့ ရဲ့  အာဏာကို မထိပါးခဲ့ရင်၊ သူတို့ ရဲ့  အကျိုးစီးပွားကိုသာ မပျက်စီးစေရင် သူတို့ လည်း လိုက်လျောနိုင်ပြီး ၊ ကမ္ဘာကိုလည်း မျက်နှာပန်းလှစေမယ့် ၊ တိုင်းပြည်အတွက်လည်း အမှန်တစ်ကယ် အကျိုးရှိတဲ့ ကိစ္စတွေ ရှိပါတယ်။ နှစ်ပေါင်းများစွာ စံနစ်တကျ ဖျက်ဆီးခံထားရလို့  ဒီနေ့ ဒီအချိန်မှာ ဘယ်လိုနည်းနဲ့ မှ အဖတ်ဆယ်လို့  ခက်ခဲလှတဲ့ ပညာရေးနဲ့  ကျန်းမာရေးပါ။ တိုင်းပြည်အတွက် အရေးတကြီး လိုအပ်နေတဲ့ အကြောင်းအရာဖြစ်သလို ၊ လက်တွေ့ အကျိုးသက်ရောက်နိုင်ပြီး၊ သူတို့ ရဲ့  အာဏာကို မထိခိုက်စေလို့  ညှိနိုင်းဖို့  လွယ်ကူစေမယ့် ခေါင်းစဉ်တွေပါ။ ညှိနှိုင်းမှုသာ ပါးနပ်ခဲ့ရင် လက်ပန်းတောင်လို ကပ်ဆိုးကြီးကို ခေါင်းခံမယ့်အစား ဒီကိစ္စတွေကို ကြံ့ဖွင့်ကပဲ အဆိုတင်ပါ။ NLD ကထောက်ခံပါ့မယ်။ သမ္မတကြီးကလည်း လိုက်လျောပေးပါ ၊ လုပ်တာတော့ သူ့ သဘောကျ စီမံပိုင်ခွင့်ပေးပါ ဆိုတာမျိုးကို အလွယ်တကူ ညှိနှိုင်းလို့  ဖြစ်နိုင်ခဲ့မှာပါ။ သူ့ ဂုဏ်ကိုမြှင့်ပေးရင်းနဲ့  ကိုယ်လိုချင်တာရအောင်ယူခြင်းကလည်း နိုင်ငံရေးပရိယယ် ပါ။
နိုင်ငံတကာက ဒေါ်စုကို ပေးချင်လှတဲ့ အကူအညီတွေနဲ့  ဒီအခွင့်အရေးကို အမိအရ အသုံးချနိုင်ခဲ့ရင် လက်ရှိချွတ်ချုံကြနေတဲ့ ပညာရေးနဲ့  ကျန်းမာရေး စံနစ်ကြီးတစ်ခုလုံးကို ကောင်းကောင်းကြီး အခြေခံက စပြင်နိုင်ခဲ့မှာပါ။ ရန်ကုန်တက္ကသိုလ်ကြီးတစ်ခုတည်းကို၊ ရန်ကုန်ဆေးရုံကြီး တစ်ခုတည်းကိုအဆင့်မြှင့်နေရုံနဲ့ တော့ စံနစ်တစ်ခုလုံးရဲ့  ယိုယွင်းနေမှုတွေကို အကာအကွယ် အထောက်အပံ့ မဖြစ်နိုင်ပါဘူး။ ကျန်းမာရေးစောင့်ရှောက်မှု စံနစ်နဲ့ အခြေခံပညာရေး အတွက် ဟိုးအောက်ခြေကနေ ပညာရေးစံနစ်ကို ပြင်ရမှာပါ။ ဆရာမတွေ ကျူရှင်မပြဖို့ ပြောနေရုံ ၊ ဆရာဝန်တွေ ပိုက်ဆံမရှာဖို့ ပြောနေရုံနဲ့  မလုံလောက်ပါဘူး။ ဘာလို့  ဒီလို ဖြစ်နေရတာလဲဆိုတဲ့ ရောဂါရဲ့ ဇစ်မြစ်ကို ကိုင်တွယ်ကုသပေးဖို့  လိုတဲ့ ပြသနာပါ။ နိုင်ငံတကာရဲ့  နည်းပညာအကူအညီ၊ စံမှီပြီးဖြစ်သော စံနစ်တကျစီမံခန့် ခွဲမှုပုံစ့များ၊ နည်းစနစ်များ၊ အဖွဲ့ အစည်းများရဲ့ အထောက်အပံ့ကို ဒေါ်အောင်ဆန်းစုကြည်သာ လိုချင်တယ် ၊ လိုအပ်မယ်ဆိုရင် ကမ္ဘာက ၀ိုင်းပြီးပေးဖို့  အသင့်ရှိနေတာပါ။
ဒေါ်အောင်ဆန်းစုကြည်သမ္မတဖြစ်ဖို့ ဆိုတာ ပြည်သူအားလုံးရဲ့  ကြီးမားတဲ့ဆန္ဒပါ။ အဲဒီအတွက် ပြည်သူရဲ့  အားကိုသာ လိုအပ်တယ်ဆိုရင် ပြည်သူက အမြဲအသင့်ရှိနေကြမယ့်သူတွေပါ။ ကျွန်တော်တို့ ရဲ့  ခေါင်းဆောင်သာ ရှေ့ ကဖြောင့်အောင်ချီတက်ပါ။ နောက်မျာ ပြည်သူကဘယ်တော့မှ သစ္စာ မဖောက်ပါဘူး။ ကျွန်တော်တို့ ဟာ အာဏာရှင်ကို တိုက်ထုတ်နေရတာပါ။ ဒေါ်အောင်ဆန်းစုကြည်ဆိုတဲ့ ကမ္ဘာသိခေါင်းဆောင်ဟာ ကျွန်တော်တို့ ရဲ့ အားပါ။ အဲဒီအတွက် ကျွန်တော်တို့ ကိုလည်း မှန်မှန်ကန်ကန် ဦးဆောင်ပေးပါ။
ကျွန်တော်တို့  တိုင်းပြည်ဟာနာလှပါပြီ။ အရာရာမှာ အဖတ်ဆယ်ဖို့  ခက်ခဲအောင်ကို ချွတ်ချုံကြလှပါပြီ။ ဒေါ်စု မှာ အာဏာမရှိလို့  လုပ်မပေးနိုင်ဘူးတို့ ၊ ၂၀၁၅ တမ်းချင်းတို့ နဲ့  စောင့်နေဖို့  မဖြစ်နိုင်လို့ ပါ။ စောင့်နေရင်းနဲ့  တတ်နိုင်တာလေး၊ သိပ်အရေးကြီးတဲ့ အရာလေးတွေကို စွမ်းဆောင်ပေးရင် ပြည်သူတွေမှာ အနာသက်သာ နိုင်လို့ ပါ။ ဒေါ်စုရဲ့  အင်မတန်ကြီးမားတဲ့ သြဇာကို ပညာရေးနဲ့ ကျန်းမာရေး အတွက်ပဲ လောလောဆယ်သုံးပေးပါ။၂၀၁၅ မှာလည်း ပြည်သူကတော့ ဒေါ်စုနဲ့  တစ်သားတည်းရှိပြီး တာဝန်ကျေကြဦး မှာပါ။၁၃
ဂျပန်မှာ ဒေါ်စုပြောခဲ့သလို ဖေဖေသာရှိရင် ၊ ဗိုလ်ချုပ်သာရှိရင် လက်ရှိ ကွဲပြားနေတဲ့ အတိုက်အခံအဖွဲ့ အစည်းတွေအားလုံးကို ကျုပ်တို့ ဘုံရန်သူကို တိုက်နေကြရတာဆိုပြီး မရရအောင် စုစည်းမှာ၊ စည်းရုံးမှာ အသေအချာပါ။ အင်အားဆိုတာ စုစည်းလေ တန်ဖိုးရှိလေ ဖြစ်ပြီးကွဲပြားကြလေ ရန်သူပျော်လေမျိုးပါ။ ဒေါ်အောင်ဆန်းစုကြည် လွတ်လာခါစက မျော်လင့်ခဲ့မိကြတာက ဒီမိုကရေစီအဖွဲ့ အစည်းတွေအားလုံးကို စုစည်းလိမ့်မယ်လို့ ပါ။ ပြီးခဲ့တဲ့ ပါတီညီလာခံမှာ တူညီတဲ့လမ်းကို လျှောက်လှမ်းနေတဲ့ ဒီမိုကရေစီ အဖွဲ့ သားတွေကို ပါတီအရိပ်မတူရုံနဲ့ NLD က ဘယ်လိုသဘောထားတယ်ဆိုတာကို ဖော်ပြခဲ့တဲ့အခါ ကျွန်တော်တို့  အကြီးအကျယ် စိတ်မကောင်းဖြစ်ခဲ့ကြပါတယ်။
၂၀၁၅ မျာ ဒေါ်စု သမ္မတဖြစ်တယ်ပဲထားပါ။ လွှတ်တော်မှာပါ အင်အားရှိဖို့ လိုတယ်ဆိုတာ လက်ရှိသမ္မတက သက်သေပြနေတာပါ။ မဟုတ်ရင် သြဇာမရှိသော သမ္မတခင်မျာ ဘယ်နေ့ ဖြုတ်ချခံရမလဲလို့  လွှတ်တော်ကို ပြန်ကြောက်နေရတာမျိုးပါ။ ပါတီအစွဲကြောင့်လူတော်တွေကို လက်လွှတ်လိုက်ဖို့  မသင့်ပါဘူး။ နိုင်ငံ့အရေးဆိုတာ တစ်ဦးကောင်း တစ်ယောက်ကောင်း လုပ်လို့  ရနိုင်ကောင်းတဲ့အရာ မဟုတ်ပါဘူး။ ဒေါ်စုကလွဲလို့  ကျန်တဲ့ နိုင်ငံရေးသမားတွေ တစ်ယောက်မှ အသုံးမ၀င်ဘူးလို့  ပစ်ပယ်လို့ မရပါဘူး။ အားလုံးကတိုင်းပြည်အတွက် ကိုယ်နိုင်ရာထောင့်က ၀င်ထမ်းခဲ့ကြတဲ့သူတွေပါ။ ဒေါ်စုရှေ့ က သွားပါ။ အားလုံးဘေးကနေ၀န်းရံပေးပါ့မယ်ဆိုတဲ့အချိန်မှာ အတ္တတစ်ခုထဲကို ကြည့်ပြီး လမ်းတူတဲ့သူတွေကို ပစ်ပယ်လိုက်လို့ မရပါဘူး။
88 တွေနဲ့  ဒေါ်စု ကွဲနေတယ်။ ဒေါ်စုက 88 တွေကို ခွဲထုတ်နေတယ်ဆိုတဲ့အသံတွေ 88တွေအတွင်းမှာ ပျံ့ လွင့်နေပါတယ်။ ကျန်တဲ့ဒီမိုကရေစီအဖွဲ့ သားတွေကိုလည်း ဘယ်သူ့ ကိုမှ လက်မခံဘူးဆိုတဲ့ သတင်းစကားတွေ ထွက်ပေါ်လာနေပါတယ်။ မှားသည်ဖြစ်စေ၊ မှန်သည်ဖြစ်စေ တိုင်းပြည်အတွက် အန္တရယ် ချောက်ထဲကို ဆွဲခေါ်နေတဲ့ အကြောင်းအရာတွေပါ။ ဘုံရန်သူတွေကို တိုက်ထုတ်နေရတဲ့အခါမှာ စုစည်းညီညွတ်ဖို့  ကအရေးပါလှပါတယ်။ မတူတဲ့အရာတွေကို ငြိမ်းချမ်းစွာ အတူလက်တွဲလုပ်နိုင်တာကိုက ဒီမိုကရေစီရဲ့  အနှစ်သာရပါ။ ၂၀၁၅ က အရေးကြီးသလို ၊ အဲဒီထက်ပို အရေးကြီးတာက ၂၀၁၅ မရောက်ခင် နှစ်ကာလတွေပါ။ ခရီးက အဝေးကြီးကျန်သေးတဲ့အပြင် လမ်းကလည်း အခုမှ ပျပျမြင်ရဆဲပါ။ ချောက်တွေ၊ အန္တရာယ်တွေကလည်း ဒင်းကြမ်းနဲ့ ပါ။ နေရာမရွေ့ ချင်တဲ့ အာဏာရှင်ကြီးကလည်း အမြစ်တွယ်အောင် ကျောက်ချ တွယ်ထားတာပါ။ ဒီခရီးမနီးပါဘူး။ ပြိုင်တူတွန်းမှ ရွေ့ နိုင်ပါလိမ့်မယ်။
ဒီလိုနဲ့ ပဲ ကျွန်တော်တို့  ရတန်သလောက်တော့ တက်ညီလက်ညီ တွန်းကြရပါလိမ့်မယ်။ ။
ပြည်ချစ်သူ