"မောင်ဖိုးချိုနှင့် ဗေဒါရီ "

. . . . . 'လူပျိုကြီး'ဟု မကြားတကြားအခေါ်ခံရပြီဖြစ်သော မောင်ဖိုးချိုသည် မိန်းမငယ်ချောချောကလေးများအား ရှေးကထက်တိုး၍ မရိုးနိုင်အောင်ပင် ကရုဏာသက်ဝင်မိလျက်ရှိတော့သည်။ 

. . . . . တစ်နေ့သော် ရှမ်းပြည်နယ်ဘက်၌ တာဝန်ကျလျက်ရှိသော ညီအစ်ကိုတော်တစ်ဦးက မောင်ဖိုးချိုအတွက် ခေါင်ရည်ကို ဘူးသီးခြောက်ဘူးတောင်းနှင့် ထည့်၍ လူကြုံပို့လိုက်လေသည်။ မောင်ဖိုးချိုမှာ ခေါင်ရည်ထက် ဘူးတောင်းခြောက်ကို ပိုသဘောကျ၏။ စေ့စေ့စပ်စပ်လေ့လာ၏။ အတော်ပင်နှစ်လိုလျက်ရှိရာ နောင်အခါ ရေကိုပင် ဘူးတောင်းခြောက်နှင့် သောက်တော့မည်ကြံ၏။

. . . . . "အရမ်းကောင်းတယ် ၊ တကယ့်သဘာဝပစ္စည်းကလေးပဲ ၊ ကော်ဘူး ပလတ်စတစ်ဘူးတွေဟာ လူတွေကို အဆိပ်အတောက်ဖြစ်စေပါတယ်လို့ ဒီလောက်ပြောပြောနေတာ အမေမကြားဘူးလား" . . ။ "ကမ္ဘာကြီးကို ကျွန်တော်တို့က တလှည့်ပြန်ပြီး ကြည့်ရှုစောင့်ရှောက်ကြဘို့ အချိန်တန်ပြီ အမေရဲ့၊ ကမ္ဘာမြေကြီးက ကျွန်တော်တို့ လူသားတွေကို ကျွေးမွေးလာခဲ့တာ ဘယ်လောက်ကြာပြီလဲ ၊ ကဲ . . အခု ကမ္ဘာကြီး နာမကျန်းတဲ့အချိန်မှာ ကျွန်တော်တို့က တလှည့်ပြန် သိတတ်ကြရမယ် အမေရဲ့" . . ။

. . "နင့် တသက်လုံး ကျွေးမွေးလာခဲ့တဲ့ ငါ့ကိုသာ သိတတ်စမ်းပါဟယ် . . ကမ္ဘာနဲ့ ဘူးသီးခြောက်နဲ့က ဘာတွေဆိုင်လို့တုန်း" . . ။

. . "ဆိုင်ပြီပေါ့ အမေရာ . . အမေ့ကို သိတတ်လို့ ခု ကျွန်တော်အိမ်မှာရှိတဲ့ ရေသန့်ဘူးတွေလွှင့်ပစ်ပြီး ဘူးတောင်းခြောက်တွေသုံးဖို့ လုပ်နေတာပေါ့ ၊ အဲဒီပလတ်စတစ်ရေသန့်ဘူးတွေဟာလူတွေကိုကင်ဆာဖြစ်စေသတဲ့ ၊ မကျေမပျက်ပဲ မြေဆီလွှာတွေကို ထိခိုက်ပြီး ပတ်ဝန်းကျင်ဂေဟစနစ်တွေကို ပျက်စီးစေသတဲ့ ၊ အမေ သိရဲ့လား "

. . "ပေါက်ကရ အေ . . ကင်ဆာဖြစ်မှတော့ ဘယ်သူက ဒီလောက်အများကြီး ထုတ်ပါ့မတုန်း "

. . "တကယ်တဲ့နော် အမေ ၊ ဆရာဝန်တွေကလည်းပြောတယ် ၊ တခါသောက်ပြီးလွှင့်ပစ်လိုက်မယ် ဆိုရင်တော့ မဖြစ်ဘူးနေမှာပေါ့ဗျာ . . တကယ်က ဒီဘူးတွေက လမ်းသွား ခရီးသွား တစ်ခါသောက်ပြီး လွှင့်ပစ်ဖို့တဲ့ဗျ ၊ ကျွန်တော်တို့က အဲဒါကို လွှင့်မပစ်ပဲ ကားထဲမှာထား . . ရေခဲသေတ္တာထဲမှာထားတော့ ဖြစ်ကရောပဲတဲ့"

. . "ဘာဖြစ်ထာလဲ "

. . "ကင်ဆာဖြစ်တာလေ ၊ ပူလွန်း အေးလွန်းရင် အဲဒီပလတ်စတစ်တွေကနေ ကင်ဆာဖြစ်စေတဲ့ ဓါတုပစ္စည်းတွေ ထွက်လာတယ်တဲ့ ၊ ရေထဲကိုရောက် . . ကျွန်တော်တို့ကသောက်တော့ ကင်ဆာဖြစ် "

. . "နင်တို့ ခေတ်ကြီးကိုက ရှုပ်ထာပါအေ . . ငတို့ခေတ်များ ပလတ်စတစ်လဲမရှိ ၊ ကင်ဆာလဲမရှိ . . အေးလို့ ချမ်းလို့ "

. . "မအေးပါဘူး . . ဒီလောက် စစ်ဖြစ်တဲ့ဟာ ၊ ဘာတဲ့ ရောင်စုံဆိုလား "

. . "အောင်မယ် . . ခုတော့ကော ရောင်မစုံတော့လို့လား . . ခုတော့ကော မတိုက်ကြလို့လား . . တိမ်းရှောင် ဆိုတာကပါသေး ၊ ဘာမှန်းကိုမသိဘူး ၊ ရှုပ်လိုက်တဲ့ခေတ်နှယ် "

. . "ကားထဲမှာထားတဲ့ရေဘူးတွေကတော့ တကယ်ပူတယ်နော် အမေ ၊ ကျွန်တော်တော့ ဒီလို ဘူးတောင်းခြောက်တွေပဲ ကားထဲထားတော့မယ် . . သိလား"

. . "သောက်ကျိုးနည်းအေ . . ကားနဲ့ ဘူးတောင်းခြောက်နဲ့ . . အဓိပ္ပာယ်မရှိ "

. . "အာ အမေကလည်း . . ကားထဲမှာထားတဲ့ရေဘူးတွေကမှ အရမ်းအန္တရာယ်ကြီးတာတဲ့ဗျ ၊ ကင်ဆာဓါတ်တွေ သိပ်ထွက်တာတဲ့ ၊ ကျွန်တော်တော့ အစ်ကို့ဆီတောင် ဘူးတောင်းခြောက်တွေ ၀ယ်ထားဖို့ပြောလိုက်ပြီ။ . . တစ်ခုပဲ ခက်တာက အ၀ကို ပိတ်ရတာမလွယ်ဘူး ဖြစ်နေတယ်"

. . "ဘူးတောင်းပါဆို . . ဘယ်လိုလုပ်လွယ်မှာလဲ ၊ ဘူးဆို့နဲ့ပဲ ဆို့ရတာပေါ့ ၊ ဘယ့်နှယ်လုပ် အဆင်ပြေမှာတုန်း ။. . . ဗေဒါရီထဲကလို လုပ်ပေါ့အေ "

. . "ဘယ်ထဲကလို . . ဘယ်လိုလုပ်ရမယ် . . "

. . "ဗေဒါရီဇာတ်ထဲကလိုလေ . . အပေါက်သေးသေးလေးပဲ ဖောက်ထားလိုက် ၊ အဲဒါဆို နင်ပိတ်ရလွယ်ပြီပေါ့ "

. . "အာ . . ဘယ်လိုလုပ် ရေပြန်ထည့်မလဲ အမေရဲ့ ၊ တော်ပါဗျာ . . အဲဒီဇာတ်ကိုက ပုံစံမကျတာ။ ကျွန်တော် သိပ်မုန်းတာပဲ အဲဒီဇာတ်ထုပ် "

. . "ဘာလို့လဲ "

. . "အင် အမေ စဉ်းစားကြည့်လေ ၊ ဘူးတောင်းခြောက်ကို အဲဒီလို ပိကျိအပေါက်လေးဖောက်ပြီး ရေခပ်ခိုင်းတယ်ဗျာ ၊ ကောင်မလေးမှာ တစ်နေ့လုံး နေပူထဲရေထိုင်ခပ်နေရမယ့် ဒုက္ခများ တွေးကြည့်စမ်းပါ။ တစ်ရက်နှစ်ရက်လည်း မဟုတ်ဘူး နေ့တိုင်းနော် . . လက်တွေများ ပဲကြီးရေတွန့်လိုက်မယ့် ဖြစ်ခြင်း ၊ အဲဒီဗေဒါရီကလည်း နည်းနည်းကလေးမှ ဦးနှောက်မရှိဘူးလားမသိ . . သူများလာချဲ့ပေးတော့မှပဲ အပေါက်ကျယ်ကျယ်နဲ့ ခပ်ရတော့သတဲ့ ၊ ကိုယ့်ဘာသာ ချဲ့လိုက်ဖို့တောင် မတွေးတတ်မှတော့ တော်တော်ကြီးကို တုံးမယ့်အပေါက်ပဲဗျာ . . . ။ အပေါက်ချဲ့လာလို့ ရသေ့ကဒေါသထွက်ပြီး ကောင်မလေးကို ရိုက်သေးဆိုပဲ ၊ ပြောတော့ တောထဲမှာ တရားကျင့်တဲ့ ရသေ့တဲ့ဗျာ ၊ပိုဆိုးတာက ရေခပ်ခိုင်းရတဲ့ အကြောင်းက ရသေ့ကြီးနဲ့ ကျောင်းမှာ အတူနေဖို့ မသင့်တော်လို့ ဆိုပဲ ၊ ကန်တော့ အမေရယ် . . ညကျတော့ သင့်တော်ပြန်ရောဗျ။ ရသေ့လုပ်နေပြီး ဒါလောက်မှ သူ့ကိုယ်ကျင့်က အားမကိုးရဘူးလား . . ပြီးတော့ အဲဒါက သူ့သမီးဆို ၊ သမီးဖြစ်တာကလဲ ရသေ့ သေးကို သမင်မကြီးက သောက်မိလို့ ဆိုပဲ . . ဟာဗျာ တကယ်ချာတဲ့ ဇာတ်ထုပ်ကြီးပါ။ အဓိပ္ပာယ်မရှိ၊ မယောင်ရာဆီလူးချည်းပဲ။ ဘယ်သမင်ကများ တောထဲမှာ လူသေးကို သွားသောက်မှာတုန်းဗျာ . . ဘယ်လောက်ရေငတ်ငတ် ၊ အရွက်တွေစားမှာပေါ့ ၊ ပြီးတော့ သေးကိုသောက်မိတာနဲ့ပဲ ဗိုက်ကြီးရသေးဆိုပဲ . ။ ဒီပုံပြင်စထွင်တဲ့လူ တကယ်ညံ့တာပါဗျာ "

. . "ပုံပြင်မဟုတ်ဘူး ဘုရားဟောဇာတ်တော် . . ပေါက်ကရတွေလျှောက်မပြောနဲ့ "

. . "ဟာ အဲဒါဘုရားဟောဇာတ်မဟုတ်ဘူးလေ အမေ . . ခက်တာပဲ အမေတို့နဲ့တော့ . "

. . "ဟောဟော မဟောဟော ရှေးလူကြီးတွေ ထားခဲ့တဲ့ စကားတဘောင် ဆိုတာ မပယ်ကောင်းဘူး ၊ ငရဲကြီးတတ်တယ် "

. . "ကြီးပါစေဗျာ . . ဒီလို မဟုတ်မဟတ် လော်လည်တဲ့ဇာတ်မျိုး ကျွန်တော်တို့ ရာဇ၀င်ထဲကသာပျောက်သွားမယ်ဆို ကျွန်တော်တစ်ယောက်တည်း ငရဲကြီးခံလိုက်မယ် "

. . "ဟဲ့ ရှေးလူကြီးတွေဆိုတာ အကျိုးမရှိပဲ အလကားဘယ်ပြောပါ့မတုန်း . . တခုခု အကျိုးကျေးဇူးပြုနိုင်လို့သာ စာများ စကားများ ချန်ခဲ့တာပေါ့ ၊ နင့်ညဏ်ကလေး တစ်ထွာတစ်မိုက်နဲ့ ရှေးလူကြီးတွေကို မဝေဖန်စမ်းနဲ့ "

. . "ခက်တာပဲ တစ်ခါလာ ရှေးလူကြီး၊ ရှေးလူကြီးနဲ့ပဲ ဗီတိုထိနေတော့တာပဲ . . တော်ပြီ အမေ . . ဘူးဆို့သွားရှာတော့မယ် . . ဘူးတောင်းခြောက် ရေတကောင်းတွေ လုပ်ရမယ် "

. . "နင်လည်း ဗေဒါရီထဲက ရသေ့နဲ့ မထူးပါဘူး ၊ မယောင်ရာဆီလူး ပဲ "

. . "ဘယ့်နှယ် တူရမှာတုန်း အမေရယ် . . ကျွန်တော်က သိပ္ပံနည်းကျ အဓိပ္ပာယ်ရှိလွန်းလို့ ၊ တစ်မိသားစုလုံးကျန်းမာရေးအတွက် ခုလို တကူးတက က . . . "

. . "တော်ပါအေ . . ပလတ်စတစ်ရေဘူးထက် ဆိုးတာတွေမှ ပုံလို့ . . ဘယ်မလဲ ဘေးကင်းတဲ့ ဆီ ၊ ဘယ်မလဲ ဘေးကင်းတဲ့ မုန့်ဟင်းခါး ၊ ဘယ်မလဲ ဘေးကင်းတဲ့ ဟင်းရွက် ။ ရေတောင် စိတ်မချရတော့တဲ့ ခေတ် ၊ ငါးပိတောင် စိတ်မချရတဲ့ခေတ်။ ဆုတ်ကပ်ဆိုတာများ အမှန်ပဲ . . ရှေးလူကြီးတွေပြောခဲ့တာတွေ မှန်လိုက်ထာ။ လောဘဇောတိုက်နေလိုက်ကြတဲ့လူတွေ . . အသီးအနှံတွေ မှည့်နေလို့လည်း မယုံရ ၊ မှည့်ဆေးရှိသတဲ့။ အနံ့လေးသင်းလို့လည်း မယုံရ ၊ အနံ့ထည့်လို့ရသတဲ့။ အသားများလည်း ပေါလိုက်တဲ့ ရောဂါတွေ . . ကြက်တုပ်ကွေးတဲ့၊ ၀က်တုပ်ကွေးတဲ့ ။ အိုအေ ပြောလို့တောင် မကုန်ပါဘူး . . နင် သိပါတယ်။ ဟိုတလောက ငါ့လာပြောတာ ဘာရယ် ကြက်ဥအတုဆို။ ဒါနဲ့များ ဒီပလတ်စတစ်ရေဘူးလေးတစ်ခု နင်ဖယ်နိုင်လို့ ဘယ်လောက်များ ထူးလုံသွားမှာ တဲ့တုန်း . . သေစရာဒီလောက်ပေါတဲ့ နင်တို့ခေတ်မှာ "

. . "ဟိုဒင်း . . တတ်နိုင်သလောက် "

. . "ကုန်ကုန်ပြောမယ် . . နင့်ဘူးတောင်းခြောက်လုပ်ထားတဲ့ ဘူးသီးလည်း ဓါတ်မြေသြဇာ လွတ်မယ်ထင်လို့လား ၊ ပိုးသတ်ဆေးလွတ်မယ် ထင်လို့လား "

. . " . . . . . "

. . "မယောင်ရာကို ဆီမလူးနဲ့ ၊ သေမှာကို ရှောင်လို့မရဘူး ၊ သေတတ်အောင် ပြင်ထားဖို့သာ အရေးကြီးတာဟဲ့ . . မှတ်ထား။ ဘူးတောင်းခြောက်လုပ်မယ့်အစား ဘုရားတရားလေးလုပ် . . အသက်လည်း မငယ်တော့ဘူး ၊ မိန်းမယူမှာဖြင့်လည်းယူ . . မဟုတ်ရင်လည်း သေဖို့သာ ပြင်ထားပေတော့ ငါ့သားရယ်"

. . . . . မောင်ဖိုးချိုလည်း ဘူးတောင်းခြောက်ကိုကိုင်ရင်း ငိုင်ရှာ၏။ မျက်စိမှိတ်၍ ဘုရားအာရုံပြုမိသော် ဒေါက်ချာနှင့် ရသေ့ကြီးက မျက်ခုံးတစ်ဘက်ပင့်ပြလေသည်။

ယက္ခ
၁၅.၅.၂၀၁၅။
https://www.facebook.com/yekkha.yejee
https://www.facebook.com/yekkha.yegyii.fanpage
http://yekkhayejee.blogspot.com/