စောင်းမပြောတဲ့စောင်း ၂

မမမေရေ အပိုင်း၁မှာတုန်းက မောင့်အပေါ်ဝယ် ဂုဏ်ရည်မတူလို့လားရယ်လို့ အဝေးချစ်ချစ်ရတဲ့ ပဉ္စသိင်္ခနဲ့ သူရိယဝစ္ဆသာ နတ်သမီးလေးအကြောင်းဆွေမျိုးစပ်ပြခဲ့ပြီးပြီနော်။ သိကြားမင်းက ဈာန်ဝင်စားနေတဲ့ ဘုရားရှင်ကို ဖူးချင်လို့အရင်လွှတ်လိုက်တဲ့ ပဉ္စသိင်္ခဟာ မနီးမဝေး တစ်နေရာမှာ သူ့စောင်းကို တီးပြီး သူ့ကျူကျူတေးတွေဖွင့်ထုတ်နေတာပေါ့လေ။ သူဆိုတဲ့ စာသားတွေက အလန်းကြီးတွေ မမမေရဲ့။ တစ်ပုဒ်ချင်း တစ်ပုဒ်ချင်းမှာအသဲခိုက်သွားလောက်မယ့် အဓိပ္ပါယ်တွေနဲ့ပေါ့။ အဲတာတွေကို အသံကောင်းကောင်း စောင်းသံငြိမ့်ငြိမ့်လေးနဲ့ဆိုတော့စဉ်းစားသာကြည့်တော့ မမမေ ကျနော် ရေးမပြတတ်အောင်ပေါ့။ ကျနော်သာမက ရှေးကရေးခဲ့တဲ့ ဆီးဘန်နီဆရာတော်တို့ဆရာကြီးသခင်ကိုယ်တော်မှိုင်းတို့တောင် သဘောလောက်ပဲ ရေးပြနိုင်တာပေါ့။ ကျနော်ကတော့ မမမေသဘောကျအောင် ခေတ်စကားလုံးတွေနဲ့ အရွှမ်းလေးတွေနဲ့ ပြောပြမယ်နော်။ မမမေ ပျော်ရင် ကျနော်ပျော်ပါတယ်။

သည်တော့ ဦးရီးမှာသည်လောက်လှတဲ့ သမီးရှိတာ ကျနော်ဖြင့် မသိခဲ့ရပါဘူး၊ ဦးရီးသမီးကလောက်လှတာ ရှေးဘဝကုသိုလ်နဲ့ယခုဘဝ စိတ်သဘောဖြူလို့ပါ။ ဒါကလဲ ဦးရီးတို့ အဆုံးမကောင်းပေလို့ပေါ့။ မိကောင်းဖခင် သားသမီးပီသပါပေတယ်လို့တစ်ဘက်လှည့်နဲ့ ပြောလိုက်သလိုပါပဲ။ ခုလဲ သည်လိုကောင်းခြင်းငါးဖျာနဲ့ ပြည့်စုံတဲ့ နတ်သမီးလေးဟာနတ်မင်းကြီးရဲ့ သွေးကနေ ဆင်းသက်လာတာမို့ အခက်အပွားကိုဖြစ်စေတဲ့ ပင်စည်ဟာ ပိုလို့သာမဲ့ဂုဏ်သတ္တိတွေရှိပေမယ်လို့ ရည်စူးဦးတင်ပါတယ်ဆိုတော့။ ယောက်ခမကြီးရဲ့ ဖုန်းဆက်လိုက်ရမလားကို ငြိမ်းပြီးသားဖြစ်တဲ့အပြင် သမီးရဲ့လက်ရှိရည်းစား ရန်ရှာလာမှာကိုလဲ "သူ့ဟာသူ သီချင်းဆိုတာပဲ ဆိုပါစေကွာ၊ငါ့အိမ်ရှေ့မှာ ရုတ်ရုတ် ရုတ်ရုတ် မဖြစ်ခံပါနဲ့" လို့ ပြောလာမယ့် ယောက်ခမကြီးရဲ့ နုတ်ထွက်ကို တစ်ဘက်လှည့်နဲ့ လှည့်ယူလိုက်တာပါပဲ။ သူ့သမီးလေးရဲ့ နားအကြားမှာလဲ ကိုယ်ကမင်းမှမင်းပဲ? မင်းနဲ့နီးဖို့ဆို ဘယ်သူတားတား ဓါးကြည့်ထားလို့ ဂိုဏ်းမချန် ဟောဟောဒိုင်းဒိုင်းသမားမဟုတ်ရှာဘူး၊ ငါ့အဖေနဲ့ပါ ရေရှည်မှာ အဆင်ပြေလောက်တယ်ဆိုတဲ့ အမှတ်တစ်မှတ်ယူသွားမှာပေါ့ကွယ်။ ပြိုင်ဘက်ရန်ကိုလဲကာ၊ နတ်သမီးလေးဆီကလဲ တစ်မှတ်ယူ၊ ယောက်ခမဆီက တစ်မှတ်ယူ တစ်ပုဒ်ထဲနဲ့ ၃ချက် ထိအောင်ပစ်သွားတဲ့စာသားအင်္လာကာ ဂီတတွေပေါ့။ သိကြားမင်းနားနေတော့ သည်လို ဒီပလိုမက်တစ်တွေ တက်လာတာထင်ပါရဲ့ကွယ်။သင်တန်းဆင်း စာသိတော့ ဟုတ်ဟန်မတူဘူး မမမေရဲ့။


(၃) စောင်းသံ
ဝါတောဝ သေဒတံ ကန္တော၊
ပါနိယံဝ ပိပါသတော။
အင်္ဂီရသိံ္မ ပိယာမေသိ၊
ဓမ္မော အရဟတံ ဣဝ။
တတိယ အပိုဒ်ကတော့ သူက သူရိယဝစ္ဆသလေးကို ဘယ်လို ချစ်တယ်ဆိုတာ စပြောတာ မမမေရဲ့။ အတိုကတော့အပူဖိစီးလို့ ချွေးဒီဒီးကျသူတို့သည် လေပြေလေးညှင်းကို တောင့်တတယ်။ ရေငတ်မွတ်သူသည် ရေကြည်ရေအေးကိုတောင့်တတယ်။ ရဟန္တာမြတ်တို့သည် တရားဓမ္မကိုအစဉ်တောင့်တတယ်။ သူကလဲ ကိုယ်ရောင်ဆင်းနဲ့ ပြည့်စုံတောက်ပတဲ့သူရိယဝစ္ဆသ နတ်သမီးလေးကို တောင့်တပါတယ်တဲ့။ သူရင်ထဲက အပူမီးကြောင့်လဲ လေပြေနဲ့တူတဲ့သူရိယဝစ္ဆသလေးကို တောင့်တပါတယ်။ သေရေးရှင်ရေးလို ဘဝမှာ ရေအသက်တစ်မနက်လို့ဆိုတဲ့ ရေငတ်သလိုဝေဒနာကြောင့်လဲ သူရိယဝစ္ဆသလေးကို တောင့်တပါတယ်။ ဒါပေမယ့် ချွေးထွက်သူ ချွေးတိတ်ရင်၊ ရေငတ်သူရေငတ်ပြေရင် သူက သူရိယဝစ္ဆသလေးကို မလိုချင်တော့မယ့် ဟာမျိုး မဟုတ်ကြောင်းကို ရဟန္တာအရှင်မြတ်တွေကနိဗ္ဗာန်ကို မျက်မှောက်ပြုထားပီးသော်ငြား တရားဓမ္မတွေကို မပြတ်တောင့်တသလို သူကလဲ သူရိယဝစ္ဆသလေးကို လိုနေတာပါပဲတဲ့။ တစ်ဘက်က သူ့ဥပမာအပေးတွေကို ပြန်ထောက်လာရင် ထောက်လာလို့ မရအောင် သူဆိုတဲ့တေးချင်းက အဟနဲ့ အပိတ်နဲ့ ချိတ်နဲ့ မမမေရဲ့။

(၄) စောင်းသံ
အာတုရေဿဝ ဘေသဇ္ဇံ၊
ဘောဇနံဝ ဇိဂစ္ဆတော။
ပရိနိဗ္ဗာယိ မံ ဘဒ္ဒေ၊
ဇလန္တမိဝ ဝါရိနာ။
ရောဂါရှိသူကို ဆေးပေး၍ ပျောက်စေသကဲ့သို့၊ ဆာလောင်မွတ်သိပ်သူကို အစားအစာပေး၍ ဆာလောင်မှုကိုဖြေဖျောက်စေသကဲ့သို့၊ ရေသည် အလျံအညီးညီးဖြင့် လောင်သော မီးကို ငြိမ်းစေသကဲ့သို့ ချစ်နှမ၏တုန့်ပြန်ချစ်ခြင်း မေတ္တာနှင်း၍ ချစ်နှမကို ချစ်မိလို့ ဖြစ်ရတဲ့ ဝေဒနာကို၊ တမ်းတ မွတ်သိပ်မှုကြောင့်ဖြစ်ရတဲ့ ဆောင်လောင်မှုကို၊ ချစ်ခြင်းကြောင့်ဖြစ်လာရတဲ့ သောကမီးတွေကို အို သူရိယဝစ္ဆသမင်းငြိမ်းလှည့်ပါပေါ့။ ကိုယ့်အတွက် အသက်ကယ်ဆေးဟာလဲမင်းပဲ၊ ကိုယ့်အတွက် အစားအစာဟာလဲမင်းပဲ၊ ကိုယ့်ရင်ထဲကမီးကို ငြိမ်းမယ့် ရေအလျင်ကလဲ မင်းပါပဲပေါ့။


(၅) စောင်းသံ
သီတောဒကံ ပေါက္ခရဏိံ၊
ယုတ္တံ ကိဉ္ဇက္ခရေဏုနာ၊
နာဂေါ ဃမ္မာဘိတတ္တောဝ၊
သြဂဟေ တေ ထနုဒ္ဓရံ။
နေပူရှိန်ရဲ့ နှိပ်စက်ခြင်းဒဏ်ကို အပြင်းအထန်ခံရတဲ့ ဆင်ပြောင်ကြီးဟာ ကြာရိုးကြာစွယ်တွေနဲ့ပြည့်နေတဲ့ရေအိုင်ထဲကို ဆင်းလို့ ကြာပန်းတွေခူး၊ ကြာစွယ်တွေကိုချိုးလို့ ကြာတောထဲမှာ လူးခတ်ကစားရရင် သိပ်ကိုချမ်းသာတဲ့ ချမ်းသာခြင်းကို ရသလို။ မြင်မြင်ချင်းစွဲလမ်းချစ်တဲ့ တစ်ဖက်သက်ချစ်မိလို့ဒုက္ခကြီးစွာရောက်နေတဲ့ ပဉ္စသိင်္ခနတ်သားလေးဟာ သူ့အတွက် နတ်ရေကန်ဖြစ်တဲ့ သူရိယဝစ္ဆသ ဆိုတဲ့နတ်သမီးလေးရဲ့ ရင်ခွင်ထဲကိုဝင် ကြာပန်း၊ ကြာဖူးတွေနဲ့တူတဲ့ နတ်သမီးလေးရဲ့ ရင်ခွင်ထဲကအရာတွေနဲ့ ပျော်ပါးမြူးတူးကစားရရင်ဖြင့် သူ့ဘဝရဲ့ ကြီးစွာသော ချမ်းသာခြင်းကို ရရပါလိမ့်မယ်တဲ့။ ဆင်ဆိုတာ သူ့ရဲ့ အရေပြားထူထူကြီးတွေကို သိပ်အားကိုးတာ မမမေရဲ့။ အဲဒီအရေပြားထူထူကြီးတွေကပဲသူ့ကိုပြန်ဒုက္ခပေးတာက ပူလွန်းအေးလွန်းတာကို မခံနိုင်ဘူးလေ။ ဆင်တွေဟာ ပူလာမောလာရင် နားရွက်ကိုအလျင်မပြတ်ခတ်လေ့ရှိတယ်။ ခွေးလေးတွေ ပူလာရင် လျာထုတ်ထားရသလိုပေါ့။ သူ့ရဲ့မွှေးညင်းပေါက်တွေကခန္ဓာကိုယ်ရဲ့ အပူအအေးကို လျင်လျင်မြန်မြန်ကြီး ထိန်းပေးဖို့ ရေငွေ့ထုတ်တဲ့ ချွေးပျံမယ့်စနစ်ကောင်းကောင်း မပိုင်ဆိုင်ထားပဲကိုး။ သည်တော့ ပူလာပြီဆိုရင် ဆင်တွေဟာ ရေကန်ထဲကိုဆင်းကြရတယ်။ ဆင်းတဲ့ရေကန်ဟာလဲ ကြာရိုးကြာရွက်၊ ကြာစွယ်တွေနဲ့ ပြည့်နေတဲ့အခါ၊ ရေထဲကိုဆင်းသွားတဲ့ဆင်ကြီးဟာ သူ့မျက်စိရှေ့က ကြာရွက်တွေကို နှာမောင်းကြီးနဲ့ဖယ်လိုက်၊ ကြာရွက်တွေဖယ်လိုက်လို့အခိုင်လိုက် ထွက်လာတဲ့ ကြာဖူးတွေ ကြာပန်းတွေကို နှာမောင်းကြီးနဲ့ပွေ့လိုက်၊ ရေတွေစုတ်ပီးသူ့ကိုယ်ပေါ်ဖြန်းလိုက်၊ တစ်ခါ ရေကန်ထဲကို ငုပ်ဆင်းလိုက်၊ သူ့ကို ရစ်ပတ် ပွတ်သပ်လာတဲ့ကြာစွယ်ကြာရိုးတွေကို နှာမောင်းနဲ့ချီပြီး စားလိုက်၊ ကြာပန်းတွေကလဲ မွှေးပျံ့လို့၊ မွှေးပျံ့နေတဲ့ကြာတောထဲမှာ ဆင်ကြီးတစ်ကောင် ရေကစားနေရသလို သူရိယဝစ္ဆသ ရဲ့ ရင်ခွင်အစုံကြားမှာ သူက ကစားချင်တာတဲ့။ သူရိယဝစ္ဆသနတ်သမီးတော့ ဘယ်လိုတွေ စိတ်အမြင်မှာ ထင်နေမလဲ မသိဘူးနော်။

(၆) စောင်းသံ
အစ္စင်္ကုသောဝနာဂေါဝ၊
ဇိတံမေ တုတ္တတောမရံ၊
ကာရဏံ န ပဇာနာမိ၊
သမေတ္တာ လက္ခဏူရုယာ။
မုန်ရစ်သောဆင် ဘာကိုမှမမြင်တော့သလို၊ သူလဲ ဘာကိုမှ ဆင်ခြင်ထိမ်းသိမ်းနိုင်စွမ်း မရှိတော့တဲ့အရူးကြီးလိုဖြစ်နေရပါပြီတဲ့။ မုန်ဆိုတာ တိရိစ္ဆာန်တွေမှာ သူ့ရာသီနဲ့သူဖြစ်တတ်တဲ့ လိင်စိတ်ကိုပြောတာ မမမေရဲ့။ သတ္တဝါတွေမှာ အသက်ရှင်လိုစိတ်ရယ်၊ အသက်ဆက်လိုစိတ်ရယ် ၂ခုလို့ အလိမ္မာနဲ့ပြောလို့ရတယ်။ အဲသည်၂ခုနဲ့ကြုံလာရင် သေသေကြေကြေ သူ့ရဲ့ တုန့်ပြန်မှုတွေက အလွန်အင်မတန်ပြင်းထန်သတဲ့။ သိမှုနယ်ပယ်ကို ကျော်ပြီး မသိစိတ်ရဲ့ စေရာနဲ့ မသုံးဘူးတဲ့ အားအင်တွေနဲ့ တုန့်ပြန်တတ်တယ်။ အသက်ဆက်လိုစိတ်ဆိုတာကတော့ မျိုးဆက်ထားလိုတဲ့ ဟိုစိတ်ပေါ့မမမေရယ်။ မုန့်သာဝေစားမယ်၊ အချစ်ကိုတော့ ဝေမစားနိုင်ဘူး၊ အချစ်ချင်းတူရင် စစ်ခင်းယူမယ်ဆိုတဲ့ စိတ်မျိုးပေါ့။ အဲသလိုဖြစ်တာဟာအခြားမှာမဟုတ်ပဲ ဆင်မှာဖြစ်တဲ့ မုန်ယိုတဲ့ အခါနဲ့ကို နိုင်းတာမမမေရဲ့။ နှောင်ကြိုးတွေတည်။ ချွန်းတွေနဲ့ ဘယ်လိုအုပ်အုပ်၊ လှံတွေနဲ့ဘယ်လိုထိုးထိုး၊ တုတ်တိုနဲ့ ဘယ်လိုနှက်နှက်၊ ဆင်မနောက်ကို လိုက်မယ်ဆိုတဲ့ မုန်ထနေတဲ့ အင်အားကြီးတဲ့ ဆင်ကြီးထိန်းမရသလို သူ့ရဲ့ အချစ်တွေဟာသူရိယဝစ္ဆသ အပေါ်မှာ ဘယ်လိုမှ ထိန်းမရတော့ပါဘူးတဲ့။ အဲဒါဘယ်တုန်းကတည်းက စသလဲဆိုရင် သူရိယဝစ္ဆသရဲ့ပေါင်ကို မြင်လိုက်ရကတည်းကပါတဲ့။

သည်နတ်သမီးကလဲ ဘယ်လိုဝတ်လို့ သည်ပေါင်ကို ပဉ္စသိင်္ခမြင်သလဲ မသိပါဘူး မမမေရယ်။ ခုခေတ်ကိုအတိုအပြတ်တော့ မဟုတ်ဘူးထင်ပါရဲ့။ မျက်စိထဲ မြင်ရသလောက် မိန်းမတွေဟာ ဘယ်လိုပဲ လုံအောင်ဝတ်ဝတ်သူတို့အလှကိုတော့ ပေါ်အောင် ဖေါ်နိုင်တဲ့ ဖက်ရှင်ဆိုတဲ့ အမြင်တော့ ရှိကြပုံပါပဲ။ သဘောရှိအဟောသိကံ အိုးပင်းသည်ဒလဟော ဖေါ်ထားမယ့် ပုံထက်၊ ခြေကလေးအလှမ်း၊ ကကွက်ကလေး အကြွမှ လှစ်ကနဲပေါ်သွားတာမျိုးဖြစ်မယ်မမမေရဲ့။ မမြင်ဘူးလို့ မူးမြစ်ထင်(ရွှေဘို၊ဝက်လက်လူတွေနဲ့ သတ်ရတော့မှာပဲ) တစ်သက်မှာတစ်ခါမှ ဂလောက်လှတဲ့ ပေါင်မျိုးမမြင်ဘူးပါဘူးရယ်လို့ ဖြစ်သွားရတဲ့ လှစ်ကနဲမြင်ကွင်းမျိုးထင်ရဲ့။နတ်သမီးတွေ ဘယ်လိုကသလဲတော့ မမြင်ဘူးတော့ ရှင်းရခက်ပါသလေ။ ပေါင်တံအလှကို ဖေါ်ရာမှာ အလုံးအထည် အရှည် သဏ္ဍန်ကိုသာမက အသားရောင်ကိုပါ ထည့်သွားလေတော့ ဧကန်နတော့ ဧကန်နပေါ့လေ။ အတွေ့အကြုံနဲသူမို့ဘယ်လိုက ဘယ်လိုရယ်လို့ ရှင်းမပြနိုင်တာ ခွင့်လွှတ်ပါ။ စာထဲအရကတော့ ရွှေစိုင်နဲ့လုပ်ထားတဲ့ပွတ်တိုင်က ချကာစ ပွတ်လုံးလေးလို အဆစ်အပေါက် အလုံးအထည် ပြေပြစ်လွန်းတယ်လို့ ဆိုတယ်မမမေရဲ့။ဆင်နှာမောင်းသဏ္ဍန်ရှိသော ပေါင်တံလို့တော့ ငယ်ငယ်က သိဘူးတာပဲ။ သည်ထဲမှာတော့ အထူးမဆိုတားပါဘူး၊အဲသည်ပေါင်ကို အဲသလိုမြင်လို့ သူ့ခဗျာ အဲသလိုဖြစ်နေရတယ်ပေါ့ ဒါပါပဲ။ အပေါ်၂ပိုဒ်အရတော့မြင်မြင်ချင်းမှာတင် ချစ်တာထက် ပိုကုန်တယ်နဲ့ တူပါရဲ့ မမမေရယ်။ သည်ပေါင်ကို သူဘာလုပ်ချင်သလဲတော့ ရေးထားဘူးမမမေရဲ့။

(၇) စောင်းသံ
တယိ ဂဓိတ စိတ္တောသ္မိ၊
စိတ္တံ ဝိပရိနာမိတံ၊
ပဋိဂန္တု န သက္ကောမိ၊
ဝင်္ကဃသ္တော အမ္ဗုဇော။
ဆရာကြီး သခင်ကိုယ်တော်မှိုင်းရဲ့ မူရင်းပြန်ဆိုချက်ကလေးကို ပြောပါရစေဦး၊
“နတ်မေနှမ။ မယ့်မောင်ငါသည်။ သင်ချစ်ဆွေနှမ၌။ အမြဲသက်သက် စွဲမက်သော စိတ်ရှိသည်၊ ဖြစ်ပြီ။အဖျားကော့ညိတ်၊ သံမျှားချိတ်ကို၊ စိတ်ရှိတိုင်း မျိုမှားသော။ ရေ၌ဖြစ်ပွားသော ငါးသည်။တဖန်အသစ်၊ ပြန်နစ်ခြင်းငှာ။ ရုန်းအံ့ကြိုးပမ်း၊ မစွမ်းနိုင်ရှာသကဲ့သို့။ ပမာသို့မူ၊ထို့အတူ။ မယ့်မောင်ငါ၏၊ စိတ်သည်။ ဘောက်ပြန်၏။ ဆုတ်နစ် တဖန်၊ ပြကတေ့ ဖြစ်ပြန်ခြင်းငှာ။လုံ့လကြံ့ခိုင်၊ မစွမ်းနိုင်။” တဲ့။
“နတ်မေနှမ”တဲ့ ဘယ်လောက်လှသလဲဟင်မမမေ။ သူတို့များကျတော့လဲ ဘယ်ထဲကနေ သည်ဝေါဟာရတွေ နိုက်ထုတ်သလဲမသိပေါင်မမမေရယ်။ သည်အပိုဒ်မှာတော့ သူရိယဝစ္ဆသ ကို မြင်မြင်ချင်း ချစ်ခြင်းတွေ ပိုမိတဲ့ပဉ္စသိင်္ခလေးခင်ဗျာမှာ ငါးမြှားချိတ်ကို မြိုမိတဲ့ငါးလိုပဲတဲ့။ ငါးစာကိုမြင်ပြီး ချိတ်ကိုမြိုလိုက်တဲ့အခါစူးကနဲဒဏ်ရာပေါ်တာနဲ့ သူ့ကို ရေပေါ်ဆွဲမတင်ခင်မှာ သေရေးရှင်ရေး အသည်းအသန်ရုန်းပေမယ့်ဘယ်လိုမှ မလွတ်နိုင်တော့တဲ့ ဥပမာပေါ့။ ရေနက်ထဲကသာ သူ့လုံခြုံရာလို့ သိသွားပေမယ့် အာခေါင်မှာချိတ်ဆွဲနေတဲ့ သံချိန်နဲ့ ရေပေါ်က တင်းထားတဲ့ ကြိုးကြောင့် ဘယ်လိုမှ ရေနက်ရာကို မငုပ်နိုင်တော့ကြောင်းပေါ့။

စဉ်းစားကြည့်ပေါ့မမမေ၊သူရိယဝစ္ဆသလေးကို ကြိုက်လှချီရဲ့လို့ ဖြစ်ပြီးကာမှ ရည်းစားလက်ရှိ၊ နတ်စစ်သူကြီးသမီး ဂုဏ်ရှိန်ညီးညီး အသိုင်းအဝိုင်းကြီးထဲကလို့ သိလိုက်ရတဲ့အခါ သူ့နေရာ သူအစာ မဟုတ်ကြောင်း၊ သူနဲ့ မသင့်တော်ကြောင်း ဆင်ခြင်မိမှာပေါ့။ ဒါပေမယ့် ချစ်မိတဲ့အဖြစ်ဟာ နှလုံးသားကို သံချိတ်နဲ့ဖေါက်ချိတ်ထားသလိုဖြစ်ပြီး ကာမဘုံသားမို့ ကာမဂုဏ်ဆိုတဲ့ ကြိုးက ခိုင်ခိုင်တည်းထား၊တဏှာရာဂက တင်းတင်းချည်ထားတော့ မသင့်တော်ဘူး၊ မဟုတ်ဘူးလို့ ဘယ်လိုဆင်ခြင်ပေမယ့် သည်ကြိုးတွေ(ကြာကန်နဲ့တူတဲ့ရင်နှစ်မွှာ၊ ရွှေပွတ်တိုင်တွေလို ပေါင်နှစ်သွယ်၊ ငါးသွယ်သော ဝင်းလက်ပြည့်စုံမှု)သည်သံချိတ်တွေက သူ့နှလုံးသည်းပွတ်ကို ရုန်းလိုက်တိုင်း စူးနစ်မှာပေါ့။ မြင်လျင်မြင်ခြင်းမှာပဲ ရင်တွင်းနံရံတွေမှာ သံပူနဲ့ခြစ်သလို သူကိုယ်တိုင်အဆင်ခြင်မဲ့ ရေးထိုးလိုက်တဲ့ ဘယ်လိုမှ ဖျက်မရတဲ့ သူရိယဝစ္ဆသ ဆိုတဲ့ နာမည်ဟာ ဆင်ခြင်ဥာဏ်တွေနဲ့ဝေးရာကို တစ်ရစ်ပြီးတစ်ရစ် ဆွဲခေါ်တော့မှာပေါ့။ မုန်ယိုတဲ့ဆင်ကြီး၊ ရေငတ်တဲ့ဆင်ကြီး၊အင်ကြီးအားကြီးနဲ့ ဆင်မရှိရာ၊ ကြာကန်သာရှိရာ ဆင်ခြင်မဲ့စွာ သွားနေသလို သူ့ရဲ့ နှလုံးသားထဲကအချစ်တွေဟာ သူရိယဝစ္ဆသ ဆိုတဲ့ သူမမှီတဲ့ သူ့လမင်းလေးရှိရာကို အရှိန်နဲ့အဟုန်နဲ့ သွားနေတာကို အင်မဲ့အားမဲ့ ဖြစ်နေတဲ့ ပဉ္စသိင်္ခလေးခင်ဗျာ “မသင့်တော်ဘူး၊ မဖြစ်နိုင်ဘူး”ဆိုတဲ့ ကျိုးကြောင်းလျော်တဲ့ ပညာရှိသုံးသပ်နည်းတွေက မတားနိုင်။ သည်လို လွန်ဆွဲရင်း ခြေကန်ပီး ဒရွတ်တိုက်ပါနေပုံဟာ သံချိတ်ဆူးတဲ့ငါး ရေနက်ထဲကို ပြန်ရုန်း နေရသလိုပါပဲ သူတဖြေးဖြေးနဲ့ မောလာ လက်ပန်းကျလာ တဲ့အကြောင်းကိုဖွဲ့ထားတာပေါ့။
ကျန်တဲ့ အပိုဒ်တွေကိုတော့ နောက်နေ့မှ ဆက်ကြရအောင်နော်။ အပိုင်း၃ကို မျှော်ပါပေါ့။
ကျန်းမာချမ်းသာကြပါစေ။ ကျနော်မောင်ဟန်ပါ။