ကျောင်းသားသမဂ္ဂဆိုပြီးသူခိုးဖက်လိုက်တော့မယ်တဲ့.. ကျောင်းပြေးလို့ဒီဘားထိသူတွေဖက်လိုက်တော့မယ်တဲ့.. နဲ့(အဖွဲ့အစည်း သိက္ခာကျတာပေါ့။) ဟိုး... မြောက်ဒဂုံမယ်နေတဲ့သူကလည်း ဘာဆိုဘာမှမဆိုင်တဲ့ ဧရာဝတီတိုင်းထဲမှာ လွှတ်တော်ဥက္ကဌရာထူးမတက်ရေးအတွက် နယ်ခံတွေနဲ့သွား ပူးပေါင်းပြီး ဆန္ဒပြတာ...နဲ့ (ကိုယ့်အမြင်တော့ ဒါက သူတို့ ကြံဖွတ်ပါတီတွင်းပြဿနာ၊ ဝေစုခွဲမတည့်တဲ့ ကိစ္စ)။
စီမံကိန်းရှိတယ်ကြားလို့ တဲဝင်ထိုးပြီး အုပ်ချူပ်ရေးရုံးက လာရှင်းတော့ အုပ်စုလိုက်ထွက်ရိုက်တာ...နဲ့။ ပြောပါတယ်.. နေတတ်ရင်ကျေနပ်စေ့မယ်လို့..။ခုလည်းကွာ... မအူပင်မြို့နယ်ထဲမှာ ၉၀ခုနှစ်များတုန်းကတည်းက သိမ်းခံထားရတဲ့လယ်တွေကို ပြန်ရလိုမှုနဲ့ ဆန္ဒပြကြရာက အဓိကရုဏ်းအဆင့်ဖြစ်သွားပြီး သေကြနာကြပေါ့..။ မှန်တယ်မှားတယ်.. ဘယ်သူဘယ်ဖက်က မှန်မှားခွဲဖို့က ကိုယ်လည်း အဲ့နေရာမှာ ရှိနေတာ မဟုတ်လေတော့ ဒက်ခနဲ ဖမ်းမပြောရဲဘူးပေါ့..။ ဒါပေမယ့် ကိုယ့်ထက်တော်ပြီး အဆက်အသွယ်ကောင်းသူတွေ များကြီးပါ...။ ဒက်ခနဲတစ်ဖက်ဖက်က ကလော်ဆဲပြီး ဖွမယ်တကဲကဲနဲ့ မယ်ဘော့ကြက်တူရွေးတွေက ဒီထဲအတော်မနည်းဘဲ တွေ့ရတယ်..။ ဘာပဲဖြစ်ဖြစ် ကိုယ့်လယ်ကိုယ့်ယာပြန်လိုချင်တယ်ဆိုတာ ကိုယ်ချင်းစာသလို... ဓါးနဲ့လိုက်ခုတ်လို့ ပြန်ခုခံပစ်ခတ်ပြီး ပြေးရ၊နာရ၊သေကြနဲ့... နှစ်ဖက်လုံးအကျိူးမရှိတာကိုလည်း ကိုယ်မကြေနပ်မိဘူး..။ ကိုယ်တို့လူမျိူးတွေက ထိန်းထိန်းသိမ်းသိမ်းညှိနှိုင်းတာကို လက်မခံတတ်တဲ့၊ အဲ့အခြေအနေရောက်အောင် စိတ်မရှည်တတ်တဲ့၊ ထစ်ခနဲဆို ၂ဖက်ခွဲပြီးကိုယ်ထိလက်ရောက်ဖြစ်စေ၊ နှုတ်နဲ့ဖြစ်စေ အပြန်အလှန်ရန်ဆောင်တတ်တဲ့ လူရိုင်းတွေများ ဖြစ်နေသေးသလားလို့ တွေးမိတယ်..။ ပိုဆိုးတာက ခုဒီထဲမှာ ဆဲမယ်၊ ဖွမယ်နဲ့ ဖြစ်စဉ်တစ်ရပ်ကို သေချာအောင် ကြိုးစားဖို့ထက်၊ လူယဉ်ကျေးသားသမီးများပီပီ မအေနှမကိုင်တုတ်နေတာတွေက ပိုများနေသလားလို့..။
ရှေ့ကရက်ပိုင်းတွင်းကပဲ ကိုယ်ဖေ့ဘုတ်မှာ စတေးတပ်စ်တင်မိတယ်..။ အိမ်ကြက်ချင်း အိုးမဲသုတ်ပြီခွပ်ခိုင်းတာထက် ကြက်တွေကိုက ခွပ်ချင်လွန်းလို့ အိုးဖင်ကိုသွားသွားပွတ်နေတယ်ဆိုတဲ့ သဘောလေးပါ.... ကိုယ်နိမိတ်ဖတ်သလိုများဖြစ်သွားသလားမသိဘူး..။ အဆင်ပြေရင် ကိုယ်လည်း အကြားအမြင်ဆရာလုပ်ရလည်း စားပေါက်လေးရတာပေါ့.. အဲ့သဘောပါ...။"ဆရာကြီး ဦးဒင်္ဂါး.. အကြားအမြင် အတပ်ဟောသည်...။ မှားလျှင်ပိုက်ဆံပြန်မအမ်း၊ မှန်လျှင်ပိုက်ဆံအပြည့်ယူသည်" ဆိုပြီးဆိုင်းဘုတ်လေး ဘာလေးထောင်ရတာပေါ့..။
ဆန္ဒပြတာတွေက ဒီမိုကရေစီရဲ့ ပြယုဂ်ဖြစ်တယ်... အုပ်ချူပ်သူတွေကို လူထုရဲ့ အသံတွေ တိုက်ရိုက်ဖော်ပြတာဖြစ်တယ်... ဒါတွေကို မပိတ်ပင်ကောင်းဘူးဆိုတာ ကိုယ်သဘောပေါက်ပါတယ်.. လက်လည်းလက်ခံပါတယ်..။ ဒါပေမယ့် လူတွေရဲ့အတွေးမှာ ဆန္ဒပြပြီး ပွဲဆူလိုက်ရင်.... ဆိုတဲ့အတွေးနဲ့၊ ဘာနေနေ ဆန္ဒပြလိုက်ရင် ဟုတ်ဟုတ်မဟုတ်ဟုတ် တစ်ခုခုတော့ ငါ/ငါတို့အတွက် ထူးခြားမယ် ဆိုတဲ့အတွေးတွေလွှမ်းမိုးလာပြီး တရား၏၊ မတရား၏ ဆိုတာတွေ မရှိတော့မှာကို ကြောက်တယ်..။ ပိုပြီးကြောက်တာက အဲ့လူတွေကိုမှီပြီး စင်ပေါ်တက်ဖို့ ကြိုးစားနေတဲ့ ပေါ်ပင်ဖြစ်ချင်တဲ့ နိုင်ငံရေးသမားယောင်ယောင်တွေကို။ ဒီလိုသာဆို အမှန်တကယ်ငြိမ်းငြိမ်းချမ်းချမ်းနဲ့ လိုအပ်ချက်တကယ်ရှိလို့ ဆန္ဒပြသူတွေအခက်တွေ့မှာ စိုးတယ်..။
အကျိူးဆက်က ဆန္ဒပြတယ်ပြောပြော ဖော်ထုတ်ပါတယ်ပြောပြော နောက်ဆုံးတော့သွေးထွက်သံယိုနဲ့ အဆုံးသတ်ရမယ်ဆိုတဲ့ အခံစိတ်ကြီးဖြစ်ပြီး လူတွေက ဆန္ဒပြတာကိုတလွဲသဘောပေါက်သွားမှာရယ်..။ သက်ဆိုင်ရာဖက်ကလည်း ထစ်ခနဲဆိုရင် ပြေလည်တဲ့နည်းနဲ့ ဖြေရှင်းဖို့မကြိုးစားကြတော့ဘဲ ပုဒ်မ၁၄၄ထုတ်၊ အဓိကရုဏ်းနှိမ်နှင်းဆိုတဲ့ ဇာတ်ကဖို့လောက်ပဲ အားထုတ်တော့မှာရယ်ကိုပါ..။ ဒီအခြေအနေသာဆိုရင် ဒီမိုကရေစီဆိုတာကြီးထဲက လွတ်လပ်စွာပြောဆိုခွင့် ဆိုတဲ့အချက်တစ်ချက်ဟာ ကိုယ်တို့အတွက် လမ်းခုလတ်တင် ကျိုးကြေသွားမယ်လို့ထင်ပါတယ်..။
သိသလောက်ဆိုရင် လက်ရှိကိုယ်တို့ရထားတဲ့ ဆန္ဒပြခွင့်..၊ ဒီဆန္ဒဖော်ထုတ်ခွင့် ဥပဒေဆိုတာ အားနည်းချက်အချို့ရှိသည့်တိုင် စင်္ကာပူ၊ မလေးရှားနဲ့ အချို့အိမ်နီးချင်းအာဆီယံနိုင်ငံတွေ ထက်သာပါတယ်...။ စာပေလွတ်လပ်ခွင့်ဆိုလည်း ပူပူနွေးနွေးဆင်းသွားတဲ့ ဦးသန်းရွှေတို့ကို တရားစွဲမယ်ဆိုတဲ့ သတင်းမျိုးဂျာနယ်မျက်နှာဖုံးတွေမှာ ထည့်ရေးတဲ့အဆင့်ရှိကြတယ်..။ စင်္ကာပူမှာဆို လီမိသားစု၊ ထိုင်းမှာဆို တော်ဝင်မိသားစု စသဖြင့်အထိအရှလေးတောင် တရားဝင်ဖြစ်ဖြစ်၊ တရားမဝင်ဖြစ်ဖြစ် တားမြစ်ထားတာတွေ ရှိတယ်မလား။ ဒီမှာတော့ ဂျာနယ်တိုက်ချင်းချင်း၊ ဂျာနယ်တိုက်နဲ့ ဝန်ကြီးဌာနတွေ အပြန်အလှန်တရားစွဲလိုက်ကြ၊ ပြန်ကြေအေးလိုက်ကြနဲ့ အဆင်တော့ပြေသား..။ အနည်းဆုံးအဆင့်ပြောရရင် ဖတ်စရာသတင်းရှိတယ်.. အပျင်းလည်းပြေသပေါ့လေ..။ ဒါနဲ့ နှစ်ကုန်ပိုင်းလောက်တုန်းက တောင်အာဖရိကနိုင်ငံက ရွှေမိုင်းတစ်ခုမှ အဓိကရုဏ်းဖြစ်တော့ ရဲကပစ်လို့ ဆယ်ချီသေတယ်ဆိုလား..။ သူတို့ဆီမလည်း အကြမ်းပတမ်းနှိမ်နှင်းတာရှိပါတယ်..။
ရထားတဲ့အချိုလေးကုန်မှာစိုးလို့ လည်ပင်းက အဿပြာပဲဝက် မင်းစည်းစိမ်မှတ်တာ မဟုတ်ပါဘူး..။ တန်ရာတန်ရာဆိုတဲ့ စကားက ဒီနေရာမှာ တာသွားပါပြီ..။ ၂ဖက်ဆွေးနွေး ညှိနှိုင်းတတ်တဲ့ ယဉ်ကျေးမှု၊ တစ်ဖက်နဲ့ တစ်ဖက် အပြန်အလှန်တန်ဖိုးထားမှု၊ အမှန်တရားနဲ့ အတ္တတရားနဲ့ ယှဉ်လာရင် အမှန်တရားကို လိုက်နာမှု၊ တာဝန်ရှိသူတွေက တာဝန်ယူမှု.. ဒါတွေရှိပါမှ ရှေ့တဆင့်တက်နိုင်မယ်ထင်ပါတယ်..။ ကို နဗနဆိုတဲ့ ရုပ်ချောချောနဲ့အစ်ကိုကြီးပြောသလို "အာဏာရှင်ခေတ်ကမလုပ်ခဲ့ရသမျှ ဒီမိုကရေစီခေတ်ရောက်တော့ အကုန်လုပ်ပလိုက်မယ်" ဆိုတာကြီးက ဘာနဲ့သွားတူလဲစဉ်းစားမိတော့ လက်ကလေးကိုင်ခွင့်ရဖို့အနီုင်နိုင်နဲ့ ပါးလေးနမ်းခွင့်မပေးခဲ့တာကို မင်္ဂလာဦးညကျမှ အတိုးချချစ်ပစ်မယ်ဆိုတဲ့ ကြိုတင်ကြံစည်မှုမြှောက်တဲ့ ခပ်ပေါပေါအတွေးလိုပဲ..။ တနည်းပြောရရင် လွဲနေတာပေါ့လေ..။ကမ္ဘာမှာ ဆန္ဒအပြနိုင်ဆုံးနဲ့ အဓိကရုဏ်းအနှိမ်နှင်းဆုံးတိုင်းပြည်ဆိုတဲ့ မှတ်တမ်းစံချိန်ဝင်သွားလို့ ဟိုး ဂင်းနစ်မှတ်တမ်းစာအုပ်အဖွဲ့ကြီးက ရွှေတံဆိတ်ဆုကြီးသန်း၆၀သယ်လာပြီး လူတိုင်းကို "မောင်မင်း.. လူခလေး... အလွန်တော်တယ်..မောင်မင်း" ဆိုပြီးမဏ္ဍပ်ထိုး ဆုမချလောက်ဘူးထင်ပါတယ်..။
နိုင်ငံရေးရေစီးကြီး ရှေ့ကိုဆက်ပြီး သွက်သွက်လေးစီးကြဖို့ဆိုရင် တာဝန်ရှိသူတွေရော၊ ပြည်သူလူထုရောပေါ့... ကိုယ်စီကိုယ်ငှ စိတ်ထားလေးတွေ၊ အယူအဆလေးတွေ၊ တာဝန်ယူမှုတွေ ပါရှိလာဖို့လိုတယ်လို့ ယူဆမိတယ်။ အမှန်တကယ်လိုအပ်ချက်ရှိတာနဲ့အမျှ ငြိမ်းငြိမ်းချမ်းချမ်း ဆန္ဒပြကြသူတွေရော၊ အဲ့လိုဆန္ဒပြတာကို ဘေးကလိုက်ပါပြီး လုံခြုံရေးယူပေးတဲ့ တာဝန်ရှိသူတွေ ကိုရော လေးစားတယ် ပြောရင်း နိဂုံးချူပ်လိုက်ပါတယ်..။
(အေးလေ.... ဒါလည်း ကြာလှတစ်ပတ်နှစ်ပတ်ပေါ့..။ ပြီးတော့ မေ့မှာပဲမလား..။ နောက်... ဒါက ဖေ့ဘုတ်ထဲတင်ရေးတာ.. လူဘယ်လောက်များများမှ သိမှာမဟုတ်ဘူး..။ )