မီးလင်းဖို့ လွယ်သလား ခက်သလား

ဖေ့ဘုတ်မှာ မီးသီးလေးတွေ ယှဉ်ပြထားတာလေး တွေ့မိလို့ တွက်ချက်ကြည့်ပြီး စတေးတပ်လေး တင်မိပါတယ်။ ပြန်ပြီးတော့ သေသေချာချာလေး ရေးသိမ်းထားချင်လို့ နုတ်လုပ်တင်ပါတယ်။


ပုံလေးကတော့ ခပ်ရှင်ရှင်းလေးပါပဲ။ စစချင်း ဝယ်ယူရမယ့် မီးသီးတွေရဲ့ ကုန်ကျစားရိတ် ဈေးနှုန်းရယ်၊ ဆွဲတဲ့ ဝပ် (watts) အားရယ် ယှဉ်ပြထားတာပါ။ မီးသီးတွေရဲ့ ထွက်ရှိတဲ့ အလင်းပမာဏဖြစ်တဲ့ Lumens ကလဲ အကုန်လုံ အတူတူဖြစ်တဲ့ ၁၆၀၀ လူးမန်းပါ။ လူးမန်းဆိုတာက အလင်းကိုတိုင်းတဲ့ ယူနစ်ပါ အသေးစိတ်ကို ဝီကီမှာ သွားဖတ်နိုင်ပါတယ်။

>> http://en.wikipedia.org/wiki/Lumen_(unit)

ပထမဆုံး မီးသီးဈေးလေးတွေကို တွက်ကြည့်ရအောင်ပါ။ တွက်တဲ့နေရာမှာ တစ်ဒေါ်လာကို ၈၆၀ ကျပ်ဈေးနဲ့ နမူနာလေးထားပြီးတော့ တွက်ကြည့်ရအောင်ပါ။

• ရိုးရိုး မီးသီးက တစ်လုံးကို 0.35 $ဆိုတော့ကာ တစ်လုံးကို ၃၀၀ ကျပ်လောက် ကျပါတယ်။
• ဟေလိုဂျင် မီးသီးက တစ်လုံးကို 1.59 $ဆိုတော့ကာ တစ်လုံးကို ၁ ၃၅၀ ကျပ်လောက် ကျပါတယ်။
• မီးချောင်းကွေး လေးတွေက တစ်လုံးကို 2.23 $ဆိုတော့ကာ တစ်လုံးကို ၁ ၉၀၀ ကျပ်လောက် ကျပါတယ်။
• LED မီးသီးက တစ်လုံးကို 45 $ဆိုတော့ကာ တစ်လုံးကို၃၈ ၇၀၀ ကျပ်လောက် ကျပါတယ်။

ဈေးနှုန်းတွေက အရည်အသွေးပေါ်မှာ မူတည်ပြီးတော့ ပြောင်းလဲနိုင်ပါတယ်။ အရည်အသွေးကောင်းရင်တော့ အခုလို ဈေးကောင်းနိုင်ပါတယ်။ မီးသီး တစ်လုံးရဲ့ သက်တမ်းကလဲ ကွာသွားပါသေးတယ်။ ပုံထဲမှာ ပြထားတာကတော့ -

• ရိုးရိုးမီးသီးက နာရီ ၇၅၀အထွန်းခံပါသတဲ့။ ဝပ်အားကတော့၁၀၀ ဝပ်ဆွဲပါတယ်။
• ဟေလိုဂျင် မီးသီးက နာရီ ၁ ၀၀၀အထွန်းခံပါသတဲ့။ ဝပ်အားကတော့ ၇၇ ဝပ်ဆွဲပါတယ်။
• မီးချောင်းကွေးလေးတွေက နာရီ ၁၀ ၀၀၀အထွန်းခံပါသတဲ့။ ဝပ်အားကတော့ ၂၃ ဝပ်ဆွဲပါတယ်။
• LED မီးသီးက နာရီ ၂၀ ၀၀၀အထွန်းခံပါသတဲ့။ ဝပ်အားကတော့ ၂၀ ဝပ်ဆွဲပါတယ်။

ပထမဆုံး ကျွန်တော်တို့ ဒီမီးသီးတွေ ထွန်းရတာ တစ်လကိုဘယ်လောက် ကုန်ကျစားရိတ် ရှိမလဲဆိုတာကို တွက်ကြည့်ကြရအောင်ပါ။ တစ်လကို ရက် ၃၀နဲ့ တွက်ပါ့မယ်။ ပြီးတော့ တစ်နေ့ကို မီးထွန်းချိန်၁၂နာရီနဲ့တွက်ပါမယ်။ ဒီတော့ကာ တစ်လကို မီးထွန်းချိန် -

၃၀ ရက် x ၁၂ နာရီ =၃၆၀ နာရီရှိပါမယ်။ ဒီတော့ကာ နာရီ သုံးရာ့ခြောက်ဆယ်မှာ အသုံးပြုရမယ့် မီးသီးခကို သုံချက်တွက်နည်းနဲ့ ခပ်လွယ်လွယ် တွက်ကြည့်ရရင် -

• ရိုးရိုးမီးသီးက                           >> (၃၀၀ x ၃၆၀) / ၇၅၀ = ၁၄၄ ကျပ်
• ဟေလိုဂျင် မီးသီးက                   >> (၁ ၃၅၀ x ၃၆၀) / ၁ ၀၀၀ = ၄၈၆ ကျပ်
• မီးချောင်းကွေးက                     >> (၁ ၉၀၀ x ၃၆၀) / ၁၀ ၀၀၀ =၆၈.၄ ကျပ်
• LED မီးသီးက                           >> (၃၈ ၇၀၀ x ၃၆၀) / ၂၀ ၀၀၀ = ၆၉၆.၆ ကျပ်

ဒီတော့ ကျွန်တော်တို့ မီးသီးကနေ ဆွဲမယ့် ဓါတ်အားကုန်ကျမှုကို ပြန်တွက်ကြည့်ရင် -
(တစ်ယူနစ်ကို ၁ကီလိုဝပ် နာရီ = ၁၀၀၀ ဝပ်နာရီ ရှိပါတယ်။ ယူနစ်ဆိုတာ အိမ်သုံးမီတာတွေမှာ ပြတဲ့ယူနစ်ပါ။)

• ရိုးရိုးမီးသီးက                           >> ၃၆၀ x ၁၀၀ = ၃၆ ၀၀၀ ဝပ်နာရီ  = ၃၆ ယူနစ်
• ဟေလိုဂျင် မီးသီးက                   >> ၃၆၀ x ၇၇   = ၂၇ ၇၂၀ ဝပ်နာရီ  = ၂၇.၇၂ ယူနစ်
• မီးချောင်းကွေးက                     >> ၃၆၀ x ၂၃   = ၈ ၂၈၀ ဝပ်နာရီ    = ၈.၂၈ ယူနစ်
• LED မီးသီးက                           >> ၃၆၀ x ၂၀   = ၇ ၂၀၀ ဝပ်နာရီ    = ၇.၂ ယူနစ်

မြန်မာပြည်မယ် အိမ်သုံး လျှပ်စစ်မီးက တစ်ယူနစ်ကို ၂၅ကျပ်လား ၅၀ကျပ်လားတော့ မမှတ်မိတော့ပါဘူး။ ဒီတော့ တစ်ယူနစ် ၅၀ ကျပ်နှုန်းနဲ့ပဲ တွက်ကြရအောင်ပါ။
ဒီတော့ တစ်လထွန်းရင် ကုန်ကျမယ့် မီတာခတွေကတော့ -

• ရိုးရိုးမီးသီးက                           >> ၃၆ ယူနစ် x ၅၀ ကျပ်    = ၁ ၈၀၀ ကျပ်
• ဟေလိုဂျင် မီးသီးက                   >>၂၇.၇၂ ယူနစ် x ၅၀ ကျပ် =၁ ၃၈၆ ကျပ်
• မီးချောင်းကွေးက                     >> ၈.၂၈ ယူနစ် x ၅၀ ကျပ်  = ၄၀၀ ကျပ်
• LED မီးသီးက                           >> ၇.၂ ယူနစ် x ၅၀ ကျပ်    = ၃၆၀ ကျပ်

ဒီတော့ ခုတင်က စစချင်း မီးသီးဝယ်လို့ ကုန်ကျတာနဲ့ တစ်လစာ မီတာခ ပေါင်းလိုက်ရင် တစ်လကို -

• ရိုးရိုးမီးသီးက                           >> ၁ ၉၄၄ ကျပ်
• ဟေလိုဂျင် မီးသီးက                   >>၁ ၈၇၂ ကျပ်
• မီးချောင်းကွေးက                     >> ၄၆၈.၄ ကျပ်
• LED မီးသီးက                           >> ၁ ၀၅၆.၆ ကျပ်

ဒီထဲမယ် ပြန်ကြည့်လိုက်ရင် မီးချောင်းကွေးလေးတွေက ကုန်ကျစားရိတ်မှာ အနည်းဆုံးလို တွေ့ရပါတယ်။ ဒါဟာ ဘာ့ကြောင့်လဲဆိုရင် LED နည်းပညာက နည်းပညာ အသစ်ဖြစ်တဲ့အတွက် ထုတ်လုပ်မှု ကုန်ကျစားရိတ် များနေတာကြောင့်ပါ။ ဒါပေမယ့် သေချာပြန်တွက်ကြည့်ရင် ရိုးရိုး မီးသီးတွေ သုံးနေတဲ့ နေရာမှာ ဒါမျိုးလေးတွေ ပြောင်းသုံးကြမယ်ဆိုရင် သိသိသာသာကို မီတာခ ဈေးသက်သာလာတာကို မြင်ရမှာပါ။

ပြီးတော့ ကျွန်တော်တို့နိုင်ငံမှာက မီတာခက သူများနိုင်ငံတွေထက် အများကြီး သက်သာနေတာကလဲ အကြောင်းရင်းတစ်ချက်ပါပဲ။ စင်္ကာပူလို နိုင်ငံမျိုးမှာဆိုရင် အိမ်သုံးအတွက်ဆို တစ်ယူနစ်ကို ငွေနှစ်ရာနီးပါးလောက် ကုန်ကျပါတယ်။ ဒီလိုနေရာမျိုးမှာဆိုရင် သိသိသာသာကို ဈေးသက်သာတာကို တွေ့ရပါတယ်။

LED မီးသီးတစ်လုံး ထွန်းတဲ့နေရာမှာ ရိုးရိုးမီးသီးဆိုရင် နာရီနှစ်သောင်း အထွန်းခံဖို့ မီးလုံးပေါင်း ၂၆ လုံးသုံးရမယ်။ အဲ့ဒိ မီးသီးတွေ ထုတ်ဖို့အတွက် စွမ်းအင်တွေက အများကြီးသုံးရတယ်။ စွမ်းအင်ဆိုတာက ထုတ်လုပ်တဲ့ နေရာမှာ ကုန်ကျတာကို ထည့်သွင်းတွက်ချက် ရဦးမှာပါ။

နောက်ပြီးတော့ ရိုးရိုးမီးသီး တစ်လုံးနေရာမှာ LED မီးသီးထွန်းမယ်ဆိုရင် တူညီတဲ့ လျှပ်စစ်ဓါတ်အားမှာ မီးသီးငါးလုံး ထွန်းလို့ရတယ်။ ဒီတော့ကာ ရိုးရိုးမီးသီး သုံးနေကြတဲ့ အိမ်ထောင်စုတွေ LED မီးသီးတွေ ပြောင်းသုံးကြရင် တူညီတဲ့ လျှပ်စစ်ဓါတ်အား ထုတ်လုပ်ဖြန့်ဖြူးမှုမှာကိုတင် အိမ်ငါးအိမ် လျှပ်စစ်မီးထွန်းနိုင်ပါမယ်။ အိမ်တစ်ရာ ပြောင်းသုံးရင် အဲ့ဒိအတွက် အိမ်ငါးရာ သုံးနိုင်မယ်၊ မီးလင်းမယ်။

မြန်မာနိုင်ငံမှာ ထမင်းဟင်းချက်ဖို့၊ အပန်းဖြေဇိမ်ခံပစ္စည်း စတာတွေကို ခဏထားဦးတော့ မီးအလင်းရောင် ရရှိဖို့အတွက် လုံးပန်းနေရသူတွေ မနည်းရှိပါတယ်။ လျှပ်စစ်ဓါတ်အား တိုးထုတ်တာနဲ့အမျှ တိုးတက်လာတဲ့ လူဦးရေနဲ့ တိုးတက်လာတဲ့ လူမှုဘဝတွေကြောင့် အမြဲတမ်း လိုအပ်ချက်တွေ ရှိနေမှာပါပဲ။ ဒီတော့ကာ ဘယ်လိုနည်းနဲ့ စွမ်းအင်တွေကို ချွေတာနိုင်မလဲ စဉ်းစားကြံဆဖို့ လိုလာပါမယ်။

ချွေတာတယ်ဆိုတာ လျှော့သုံးခိုင်းတာ မဟုတ်ပါဘူး။ Energy Saving ဆိုတဲ့ စကားစုဟာ လျှော့သုံးတယ် ဆိုတာထက် အဆုံးအရှုံး အလေအလွင့်နည်းအောင် အကျိုးရှိရှိ အသုံးချတယ်လို့ပဲ အဓိပ္ပါယ်ရပါတယ်။

ဒီလိုချွေတာလိုက်လို့၊ အကျိုးရှိရှိ သုံးလိုက်လို့ နိုင်ငံနဲ့ချီပြီးတော့မှ အကျိုးဖြစ်မှာ မဟုတ်ပါဘူး။ လောလောလတ်လတ် ချွေတာလိုက်သူ ကိုယ်တိုင်မှာတင် မီတာခ ၁၀၀ ပေးရရင် နှစ်ဆယ်ပဲ ကျမယ်။ ဆယ်လုံးထွန်းတဲ့ အိမ်မှာဆို အရင် ငွေ ၁၀၀၀ ကျပ်ကျရင် အခုဆို ၂၀၀ ကျပ်ပဲ ပေးရတော့မှာပါ။ ဒါပေမယ့် လူအတော်များများက စစချင်း ဝယ်ယူရတဲ့ ဈေးနှုန်းကို ကြည့်ကြတာ များပါတယ်။ အရည်အသွေးကောင်းတဲ့ ပစ္စည်းတွေကို တကယ်သုံးကြည့်ရင် တကယ်ကောင်းပါတယ်။ သေချာတွက်ချက်ကြည့်ရင်ကို တန်ပါတယ်။

နောက်ဆက်တွဲတွေ ဆက်စပ်ပြီးတော့ စဉ်းစားရင် ဒီလူတွေအတွက် လိုအပ်လာမယ့် လျှပ်စစ်စွမ်းအား နည်းသွားလို့ တူညီတဲ့ ထုတ်လုပ်မှုမှာတင် ပိုမိုဖြန့်ဖြူးနိုင်မယ်။ ဆည်တွေ လျှပ်စစ်ထုတ်ရင် ဒီလောက်ရေနဲ့တင် များများ ပိုထုတ်လို့ရမယ်။ ရေပိုလာရင် စိုက်ပျိုးရေးအတွက် အသုံးဝင်မယ်။ ကျောက်မီးသွေးက ထုတ်ရင်လဲ ထုတ်ရတာ လျှော့လာမှာမို့ ပတ်ဝန်းကျင် ညစ်ညမ်းမှုနည်းမယ်။ သဘာဝဓါတ်ငွေက၊ ရေနံထွက် လောင်စာတွေက ထုတ်ရင် စွမ်းအင်ချွေတာနိုင်မှာမို့ နိုင်ငံတော်ရဲ့ Energy Reservation ပိုကောင်းလာမယ်။ ဒါတွေက နိုင်ငံနဲ့ ချီပြီးတော့ ရလာမယ့် အကျိုးတွေပါပဲ။

ပြည်တွင်မှာ လျှပ်စစ်မီးသီးတွေ ထုတ်နေတယ်ဆိုရင်၊ ရပ်ဆိုင်းပြီးတော့ LED တွေထုတ်နိုင်အောင်၊ ထုတ်လုပ်တဲ့ နည်းပညာတိုးတက်လာအောင် အစိုးရက ပေါ်လစီတွေချ၊ သုတေသနတွေမှာ အားပေးရမယ်။ ပြောရရင် မြန်မာပြည်ထဲမှာ ရိုးရိုးလျှပ်စစ်မီးသီးတွေ ထုတ်နေတဲ့ စက်ရုံတွေ အတော်များများ ရှိနေပါတယ်။ ဒါတွေကို နည်းပညာမြင့် ထုတ်ကုန်တွေ ထုတ်နိုင်အောင် ကူညီတာ ဖိအားပေးတာတွေ လုပ်ကို လုပ်ရတော့မှာပါ။

များသောအားဖြင့် မြန်မာနိုင်ငံဟာ မီးသီး မီးချောင်းတွေကို အဓိက အိန္ဒိယ၊ တရုတ်နဲ့ ထိုင်းနိုင်ငံတွေက တင်သွင်းနေတာပါ။ ဒီတော့ ပြည်ပက တင်သွင်းနေတဲ့ ဓါတ်အား ဆုံးရှုံးမှုများတဲ့ မီးသီးတွေကို အခွန်အဆမတန် ကောက်ကိုကောက်ရမယ်။ အရည်အသွေး စီစစ်တဲ့ အဖွဲ့တွေ ထားရှိပြီးတော့ အရည်အသွေး မမီတဲ့ ပစ္စည်းတွေ တားဆီရပါမယ်။ သတိပေးတာတွေ ဒဏ်ရိုက်တာတွေ အများကြီ တင်းတင်းကျပ်ကျပ် လုပ်သင့်နေပါပြီ။

LED လို နည်းပညာမြင့် ထုတ်ကုန်တွေကို ထုတ်လုပ်သူတွေ စိတ်ဝင်စားသူတွေကို အခွန်လျော့ချပေးရင်းနဲ့ စိတ်ဝင်စားလာအောင် ဆွဲဆောင်ရမယ်။ တင်သွင်းသူတွေကိုလဲ စည်းကျပ်တဲ့ အခွန်နှုန်းတွေ ပြင်ဆင်သတ်မှတ် ပေးရဦးမှာပါ။

ဒါတွေလုပ်လိုက်ရင် မီးတွေမှန်လာ မလားလို့တော့ မပြောနိုင်ပါဘူး။ သေချာတာတစ်ခုကတော့ လူတိုင်းလူတိုင်းအတွက် အများကြီး အကျိုးရှိလာမှာ အသေအချာပါပဲ။

သာပို
၇.၃.၂၀၁၃


မူရင်း ဓါတ်ပုံ >> https://www.facebook.com/photo.php?fbid=10151330055857321&set=a.10151010918652321.421624.121098177320&type=1&theater