ပေးရန်ကျန်

“ သင့်လက်မှလိုလားစွာ ပေးကမ်းသမျှကိုသာ ကျွန်ုပ်ယူပါမည်။ နောက်ထပ်မတောင်းဆိုတောပါ ”
“ ဟုတ်ပေပြီ ရောင်ရဲလွယ်သော အသင်သူဖုန်းစား သင်သည် ရှိသမျှအကုန်တောင်းဆိုနေသည်တကား ”
“ အလေ့ကျ ပန်းကလေးတစ်ပွင်ရှိပါလျှင် ကျွန်ုပ်၏ နှလုံးသားမှာ ပန်ဆင်လိုပါသည် ”
“ ဆူးတွေများရှိရင်ကော ”
“ ကျွန်ုပ်အဆူးခံပါမည် ”
“ ဟုတ်ပေပြီ ရောင်ရဲလွယ်သော အသင်သူဖုန်းစား သင်သည် ရှိသမျှအကုန်တောင်းဆိုနေသည်တကား ”
“ သင့်ရဲ့ ချစ်စဖွယ် မျက်ုလုံးများကိုဖွင့်၍ ကျွန်ုပ်ကိုကြည့်မည်ဆိုလျှင် ကျွန်ုပ်၏ ဘ၀တွင် သေပျော်ပါပြီ”
“ ရက်စက်တဲ့ အကြည့်များဖြစ်ရင်ကော ”
“ ကျွန်ုပ်၏ နှလုံးသားမှာ ထွင်းဖောက်သိမ်းထားပါမည် ”
“ ဟုတ်ပေပြီ ရောင်ရဲလွယ်သော အသင်သူဖုန်းစား သင်သည် ရှိသမျှအကုန်တောင်းဆိုနေသည်တကား ”
မိုးမိုးအင်းလျားဘာသာပြန်သည့် တဂိုး၏ မေတ္တာသူဖုန်းစားအကြောင်း ဖတ်နေရင်း ကော်ဖီကို တစ်ငုံမျှ သောက်လိုက်သည်။ သောက်နေရင်း ဆိုင်က အဘွားကြီး၏ အသံခပ်ကျယ်ကျယ် ထွက်လာသည်။
“ အဲဒီကောင်ပေါ့ ဆိုင်ကယ်ဆီ ဂါလံဝက်လောက်ချေးပါဆိုလို့ ပေးလိုက်ပါတယ်။ ပြန်တောင်းတော့
မသိသလိုသိသလိုလုပ်နေတယ်။ ငါ့ကိုတောင်ဘာဖြစ်တယ် ညာဖြစ်တယ်နဲ့ ပြန်ပြောနေသေးတယ်။ သူတောင်းစားတွေလေ၊ ခွက် မပါဘဲ လက်နဲ့တောင်းစားတဲ့သူတောင်းစားတွေ ”
ကျွန်တော်လည်း ကော်ဖီဖိုးရှင်ပြီး ခပ်မြန်မြန်ထပြန်ခဲ့တော့သည်။ ကျွန်တော်ပြန်ခဲ့သည့် လမ်းတစ်လျှာက်တွင် တောင်းခံစားသောက်နေသူတစ်ချို့ကို မြင်တွေ့ရပြန်သည်။ ကျွန်တော်သူတို့ဘ၀တွေ ဘယ်ကလာသလဲ၊ ဘာဖြစ်လို့ဒီဘ၀ရောက်နေရတာလဲတွေးရင်း လမ်းဆက်လျှောက်နေမိသည်။
သူငယ်ချင်းအိမ်ရှေရောက်တော့ လှမ်းခေါ်လိုက်သည်။ အိမ်ထဲက သူငယ်ချင်းဖြစ်သူ၏ အမေထွက်လာပြီး
“ မင်းသူငယ်ချင်းလယ်ထဲသွားတယ်ကွ။ လိုက်သွားချင်သွားလေ။ သွားတာမကြာသေးဘူး”
“ ဟုတ်ကဲ့အန်တီ။ လိုက်သွားလိုက်ပါ့မယ် ”
ကျွန်တော်လည်း လယ်ထဲဆက်လိုက်သွားသည်။ လယ်ထဲတွင် အလုပ်လုပ်နေသော သူငယ်ချင်းကို တွေ့သဖြင့် နောက်ပြီး အော်ပြောလိုက်သည်။
“ ဟကောင်ကြီး စီးပွားရေး၊ ကြီးပွားရေးလုပ်မနေနဲ့ဦး သမီးရည်းစားရေးလည်းလုပ်ဦးဟ”
သူငယ်ချင်းက ၀မ်းသာအားရပြေးလာသည်။
“ စာရေးဆရာကြီးပါလား ငါ့ကောင်ကြီး ဆံပင်ဖြူတွေထွက်နေပြီ၊ အရွယ်လေးနုအောင်လုပ်ဦး ”
နှစ်ယောက်သား စကားတပြောပြောဖြင့် အပင်အောက်သွားထိုင်ကြသည်။
သူနှင့်ကျွန်တော် မိသားစုအကြောင်း၊ စီးပွားရေးအကြောင်း ပြောရင်း သူ့လယ်အကြောင်းရောက်သွားသည်။
“ ဒီနှစ်တော့ သေချာလုပ်နေရတယ်ကွာ။ မနှစ်က မိုးဖျက်လို့စပါးတွေ သိပ်မရလိုက်ဘူး ”
မနှစ်က ရိတ်သိမ်းချိန်မှာ ရွာသည့်မိုးကြောင့် စပါးများပျက်စီးရကြောင်း၊ ပဲများလည်း အဖတ်မတင်ကြောင်း၊ ရာသီဥတုကောင်းမွန်ဖို့ ဆိုတောင်းနေရကြောင်းနှင့် ဆောင်းသီးနှံများကိုပါ အားထား နေရကြောင်း သူကပြောပြသည်။ သူကပဲ ဆက်ပြီး
“ ဒီနှစ်တော့ အိမ်ခြံထဲမှာ ငရုတ်၊ မာလကာပင်တွေ စိုက်ဖို့မြေကြီးကို သေသေချာချာပြင်နေရတယ်ကွ။ မြေဆွေးထည့်သင့်တာထည့်။ ဓာတ်မြေသြဇာဖြည့်သင့်တာဖြည့်ရတယ်။ တော်တော်အရင်းအနှီးစိုက်ရတာကွ”
စကောင်းကကောင်းနေပေမယ့် ပြန်ဖို့အချိန်လင့်လာသည်။
“ သူငယ်ချင်းရေ စကားတော့ပြောလို့ကောင်းတယ်ကွာ။ ငါအိမ်မှာလုပ်စရာရှိသေးလို့ ပြန်ဦးမယ်။ နောက်မှ အေးအေးဆေးဆေးတွေ့ကြတာပေါ့ ”
“ စားပြီးမှပြန်လေကွာ တစ်ခါတလေလာလည်တာကို ”
“ တော်ပါပြီကွာ။ မစားတော့ပါဘူး။ မင်းလည်း ငါ့စီကိုလာလည်ဦးနှော် ”
ကျွန်တော်သူစီမှ ပြန်ခဲ့လိုက်သည်။
…………………………………………….
ညနေစာစားပြီး ခဏထိုင်နေစဉ်မှာပင် သူငယ်ချင်းတစ်ဦး ၀င်လာသည်။
“ ဘုရားသွားရအောင်ကွာ ”
“ ဟကောင်းတာပေါ့ကွ။ ကောင်းတဲ့အလုပ်ပဲ ”
ကျွန်တော်တို့ ပြောပြောဆိုဆိုထွက်ခဲ့သည်။ အမွှေးတိုင်း၊ ဖယောင်းတိုင်များ ၀င်ဝယ်ကြသည်။ ဘုရားတွင် အမွှေးတိုင်၊ ဆီမီးများကပ်လှူ၊ ရှိခိုးပြီး ဆောင်းတန်းထဲတွင် ထိုင်ဖြစ်ကြသည်။
“ အေးကွာ ငါလည်း အလုပ်လျှောက်ထားတော့ အလုပ်ရဖို့ဆုတောင်းမိတယ်။ အလုပ်ရမှ မိသားစု အဆင်ပြေမှကွ ”
သူဆုတောင်းကိုပြောပြီး ကျွန်တော်ဘာဆုတောင်းသလဲမေးလာသည်။
“ ငါကတော့ကွာ သိတဲ့အတိုင်း စာရေးတာရူးသွပ်သူဆိုတော့ စာရေးဆရာဖြစ်ဖို့ပေါ့ ”
ကျွန်တော်တို့ နေ၀င်လာချိန်တွင် ပြန်ခဲ့ကြသည်။
……………………
ည သာနေသောလကိုငေးကြည့်ရင်း ကျွန်တော်အတွေးနယ်ချဲ့မိသည်။
ဒီနေ့တစ်နေ့လုံး တောင်းခြင်းတွေနဲ့ပတ်သက်ပြီး ကျွန်တော်ကြုံခဲ့ရသည်။
အကြွေးတောင်းခံသူ၊ တောင်းစားသူတချို့၊ ဆုတောင်းနေသည့် သူငယ်ချင်း။ ပြီးတော့ သဘာဝကြီးက တောင်းဆိုနေသည့် သူငယ်ချင်းစိုက်ပျိုာား။ သူကသဘ၀မြေကြီးမှ တောင်းခံနေခြင်းဖြစ်သည်။
ကျွန်တော်ကရော …
တကယ်တော့ ကျွန်တော်လည်း စာတွေရေးပြီး မေတ္တာများကို တောင်းခံနေခြင်းဖြစ်သည်။
ဒါဆို ကျွန်တော်တို့တွေ အသီးသီးတောင်းဆိုနေကြပြီ။ ယူခဲ့ကြပြီ။ ယူနေကြသည်။
ဒါဆို ကျွန်တော်တို့ ပြန်လည်ပေးဆပ်ရပေမည်။
ဘာတွေပြန်ပေးဆပ်ရမလဲ..
သေချာသည် ကျွန်တော်တို့ ပေးရန်ကျန်ပါဦးမည်။ ပေးရန်ကျန်ပါလိမ့်မည်။

မောင်ပိုင်
၁၄-၄-၂၀၀၆