by သက္က မိုးညို (Notes) on Friday, June 7, 2013 at 11:45am
၁။ အမှန်ပြောရလျှင် မြန်မာပြည်နိုင်ငံရေးနှင့် ပတ်သက်လာလျှင် “ကိုယ့်ကိုယ်ကိုထက်ပင် ယုံမိ” ရသောသူမှာ ဒေါ်အောင်ဆန်းစုကြည်ပင်ဖြစ်သည်။ သို့ပါလျှက် “အဆဲခံရမည်မှာ သေချာသလောက်ရှိသော” ခေါင်းစဉ်ကို တပ်မိပါသည်။ မတတ်နိုင်ပါ။ အခြားဘက်မှ ဆင်ခြင်ရန် အကြောင်းများရှိသေးကြောင်းကို မီးမောင်းထိုးပြလိုပါသဖြင့် ဤစာကို ရေးပါသည်။၂။ မြန်မာ့နိုင်ငံရေး အခြေအနေတွင် ဒေါ်စု (အမေအရွယ်ဖြစ်၍ အမေစုဟု ခေါ်လျှင်ပင် ၀ိုင်းဟားသူများ၊ သူ့ဘက်သားထင်သူများလည်းရှိသည်၊ သူရို့ အကုသိုလ်မဖြစ်စေလိုပါ) ၏ အနေအထားသည် လမ်းကြောင်း နှစ်ခုကို သွားနေရကြောင်း ထောက်ပြခဲ့ဘူးပါသည်။ တစ်လမ်းသည် “သူမ၏ ပါတီ အာဏာရရေး” လမ်းကြောင်း ဖြစ်ပြီး တစ်လမ်းသည် နိုင်ငံကို ဒီမိုကရေစီဖွံ့ဖြိုးရေး” လမ်းဖြစ်ပါသည်။ ပါတီချင်း နေရာလုပွဲကိစ္စများတွင် “ဒီမိုကရေစီ လမ်းကြောင်းပေါ်မှ ဒေါ်အောင်ဆန်းစုကြည်”ကို “ပြိုင်ဘက်ပါတီမှ အန္တရာယ်ကြီးသော ဒေါ်အောင်ဆန်းစုကြည်” အဖြစ် သတ်မှတ် တိုက်ခိုက်ကြသည်မှာ မြင်၍ ကြား၍ မကောင်းပါ။ သို့သော်လည်း မတတ်နိုင်ပါ။ နှစ်လမ်းသွားမိခြင်း၏ “ဘေးထွက် ဆိုးကျိုး” ပင် ဖြစ်ပါမည်။
၃။ ယနေ့ အချို့သူများသည် သူ၏ အသိဥာဏ်ပညာနယ်ပယ်သို့ သိုးကာသီကာမျှပင်ရောက်နိုင်စွမ်းမရှိပဲ မှားသွားပြီ၊ လွဲသွားပြီ စသည်ဖြင့် ဝေဖန်နေကြသည်မှာ စိတ်ပျက်စရာလည်းကောင်း၊ ရယ်စရာလည်းကောင်းပါသည်။ အထူးသဖြင့် သူ၏ပါတီဝင်များ ကိုယ်၌ကပင် စကားမှားသွားသယောင် “ကာကွယ်ကြသောအခါ” ဒေါ်စုကို ပါတီအာဏာရရေးအတွက် အသုံးချနေသည်ဟူသော အသိမှာ ပို၍ ခိုင်မာလာပါသည်။ အာဏာဆိုသည်မှာ ရရန်လွယ်ပါသည်။ “နည်းလမ်းကျကျ” ထိန်းထားရန်မှာ ခက်လှကြောင်း သိစေချင်ပါသည်။
၎။ ထိုသို့သော ပါတီတွင် ဒေါ်စုနိုင်လျှင် အန္တရာယ် ရှိနိုင်မရှိနိုင် တွေးကြည့်ပါမည်။ နိုင်သော ပါတီသည် အစိုးရဖွဲ့ရပါမည်။ (၀န်ကြီး၊ ဒုဝန်ကြီးအထိ သမ္မတက ခန့်အပ်ခွင့်ရှိပါသည်) ပါတီတွင်းဝယ် အစိုးရဖွဲ့နိုင်လောက်သော “ပညာရှင် လုံလုံလောက်လောက်” ရှိနေပါပြီလော။ အုပ်ချုပ်ရေးအတွေ့အကြုံ ရှိကြပါသလော။ အရည်အချင်း ပြည့်မီသော အစိုးရတစ်ရပ်ဖြစ်ရေး အတွက် “မည်မျှ” ပြင်ဆင်ထားပြီးပါပြီနည်း။ ဒေါ်အောင်ဆန်းစုကြည်၏ အရိပ်ခိုကာ လွယ်လင့်တကူ အာဏာရနိုင်သည်မှာ မငြင်းလိုပါ။ သို့သော် ကိုယ်တိုင်က အရည်အချင်းမရှိပဲနှင့် ကြာရှည်ကြာမော “ပြည်သူထောက်ခံမှုကို” မမျှော်လင့်စကောင်းပါ။
၅။ ထိုအဆင့်ကို ခဏမေ့ထားကာ အစိုးရဖွဲ့ပြီးပြီဟု ယူဆကြည့်ပါမည်။ အသစ်စက်စက် အာဏာရကာစ အစိုးရကလေးနှင့် ချိတ်ဆက်ရမည်မှာ “အကျင့်ပျက်ခြစားမှုတွင် နာမည်ကောင်း ရနေသော” ဗျူရိုကရေစီ ယန္တယား ဖြစ်ပါသည်။ ဆာဆာလူနှင့် သိုးသိုးထမင်းဆိုင်တွေ့ကြသည်နှင့်တူပါသည်။ ဗျူရိုကရေစီကြိုးနီစနစ်သည် ကောင်းကွက်များရှိသလို “ကျစ်ချင်လျှင်” လွယ်လင့်တကူ ကျစ်၍ ရစေရန် တည်ဆောက်ထားသော ပုံစံဖြစ်ပါသည်။ ၀န်ကြီး၊ဒုဝန်ကြီးများနှင့် ထိတွေ့ရမည့် ညွှန်ချုပ်၊ အမ်ဒီ လယ်ဗယ်သည် “အစ်ကိုကြီး ညီလေး ယဉ်ကျေးမှု” တွင် ရှစ်စပ်က လည်ခဲ့သူများဖြစ်ပါသည်။ အာဏာဆိုသည်မှာ ဘာမှန်း မသိခဲ့သူများကို “အာဏာ၏ အရသာရှိသော အပိုင်း” ကိုထိုးကျွေးကာ ချည်တုတ်ကြပါလိမ့်မည်။ ဒေါ်စုနိုင်မည့် အန္တရာယ်ကို ကြိုတင် တွေးတော ပြင်ဆင်ထားသင့်ပါပြီ။၆။ ဒေါ်အောင်ဆန်းစုကြည်သွားနေသော လမ်းကိုလည်း “ဥာဏ်မီသလောက်” ဝေဖန်လိုပါသည်။ မှားနိုင်ပါကြောင်း ၀န်ခံပါသည်။ ယခုအထိ ဒေါ်အောင်ဆန်းစုကြည်သည် “အာဏာရရေး လမ်းကြောင်း” ပေါ်သို့ မတက်ခဲ့သေးကြောင်း ၀မ်းမြောက်စွာ တွေးမိပါသည်။ သူကြည့်သမျှ ပြောသမျှရှုထောင့်သည် “ဒီမိုကရေစီ လမ်းကြောင်း” ဖြစ်ပါသည်။ သို့သော် ကျွန်တော့်အလိုအရမူ အာဏာရရေး လမ်းကြောင်းမှာပင် ဒီမိုကရေစီဖြစ်ထွန်းရေး လျောက်လမ်းနိုင်ပါသည်။
၇။ ဒေါ်စု အင်အားစိုက်ထုတ်နေသော “တရားဥပဒေ စိုးမိုးရေး ကိစ္စ” သည် အမှန်စင်စစ် အစိုးရအဖွဲ့၏ စွမ်းဆောင်ရည်ကို ပြသော အညွှန်းကိန်းများထဲမှ တစ်ခုသာ ဖြစ်လေသည်။ (ဒေါ်အောင်ဆန်းစုကြည်ရှေ့တန်းကို တင်ထားသည်မှာ မမှားကြောင်း ဖြစ်ပျက်နေသော အရေးများမှ သက်သေပြနေပါသည်) သို့သော် အစိုးရအဖွဲ့မှ ဆောင်ရွက်ရမည့် အညွှန်းကိန်းကို အတိုက်အခံဖက်မှ ဆောင်ရွက်နေရသောအခါ “စေတနာနှင့် မတန်သည့် တိုက်ခိုက်မှုများ” ကိုသာ ရရှိလေသည်။ သို့သော် ဒီမိုကရေစီ လမ်းကြောင်းဘက်မှ ကြည့်လျှင်တော့ လေးစားထိုက်ပါပေသည်။
၈။ ယခုပြောသော စကားများသည် အစိုးရအဖွဲ့ဘက်မှ ပင်း၍ ပြောနေခြင်း မဟုတ်ပါ။ အကယ်၍သာ ဒေါ်အောင်ဆန်းစုကြည်အနေနှင့် အစိုးရအဖွဲ့၏ “တက်လာရမည့် အညွှန်းကိန်းများကို” အတိုက်အခံပီပီ ထောက်ပြခဲ့လျှင် ပိုမိုထိရောက်သော “အော်လ်တာနေးတစ် လမ်းကြောင်း” များဖြစ်လေမည်လားဟု စိတ်ကူးယဉ်ကြည့်ခြင်း ဖြစ်ပါသည်။ စကားစပ်မိ၍ ထို အညွှန်းကိန်းများကို ဖေါ်ပြလိုပါသည်။
(၁) စိုးမိုးနိုင်မှု၊ ပွင့်လင်းမြင်သာမှု Voice & Accountability
(၂) နိုင်ငံရေးတည်ငြိမ်မှု၊ အကြမ်းဖက်မှု ကင်းစင်မှု
(၃) အစိုးရအဖွဲ့၏ စွမ်းဆောင်ရည် ထိရောက်မှု
(၄) အရည်အသွေး တည်ငြိမ်မှု
(၅) တရားဥပဒေစိုးမိုးမှု
(၆) အကျင့်ပျက်မှု ထိန်းချုပ်နိုင်စွမ်း
အတိုက်အခံတစ်ယောက်အနေနှင့် လက်ရှိအစိုးရအဖွဲ့၏ လိုအပ်နေသော ထိုကိစ္စများကို ထောက်ပြပြင်ဆင်စေလျှင် လူကြိုက်များရုံမက သွားလိုသော လမ်းကြောင်းကို ပို၍ လွယ်ကူလေမည်လား စိတ်ကူးယဉ်ကြည့်ခြင်းဖြစ်ပါသည်။ (စိတ်ကူးယဉ်ကြည့်ခြင်းဟု အထပ်ထပ်ဆိုပါသည်)
၉။ လူထုခေါင်းဆောင်ဟူသော ဂုဏ်နှင့် လျော်ညီစွာ ဒေါ်အောင်ဆန်းစုကြည်လျှောက်နေသော လမ်းသည် ဒီမိုကရေစီ ဖြစ်ထွန်းရေးလမ်းဖြစ်ပါသည်။ (ပါတီအာဏာရရေးကို ယဉ်အဖြစ် သုံးနေကြောင်း မှန်းဆကြည့်မိပါသည်။) ထိုအတွက် ပြည်သူထောက်ခံမှုကျဆင်းခဲ့ရပါသည်။ ပို၍ ဆိုးသည်မှာ ဒေါ်အောင်ဆန်းစုကြည်အာဏာရခဲ့လျှင်၊ ထို့အတူ ယခုကဲ့သို့ “ဒီမိုကရေစီ ဖြစ်ထွန်းရေးကိုသာ ဇောင်းပေး ဆောင်ရွက်နေလျှင်…….။ ထိုအချိန်တွင် သူမအား ဆန့်ကျင် ကန့်ကွက်ကြမည်မှာ သူ၏ပါတီ အန်အယ်ဒီသာ ဖြစ်လာပါလိမ့်မည်။ ယင်းကိုပင် “ဒေါ်စု နိုင်မည့် အန္တရာယ်အဖြစ်” စိတ်ပူစွာ သတိပေးရပါကြောင်း။၁၀။ ထို့ထက်ပို၍ ဆိုရန်မရှိပါ။