လွှတ်တော်ထဲမှာ အဓိက စိုးမိုးထားသည့် အမတ်အများစုမှာ ကြံ့ဖွံ့ပါတီမှ အမတ်များ ဖြစ်ကြပါတယ်…… ပြည်သူ့ လွှတ်တော် ဥက္ကဌ၊ အမျိုးသား လွှတ်တော် ဥက္ကဌတို့ဟာလည်း ကြံ့ဖွံ့ပါတီဝင်များပင် ဖြစ်ကြပါတယ်….. လွှတ်တော်ဟာ နိုင်ငံ တစ်နိုင်ငံရဲ့ အမြင့်ဆုံးသော ဥပဒေပြုရေး မဏ္ဍိုင်ကြီး ဖြစ်ပါတယ်…..
နိုင်ငံ တစ်နိုင်ငံရဲ့ အုပ်ချုပ်ရေး၊ စီးပွားရေး၊ တိုင်းသူပြည်သားများ၏ လူနေမှုဘဝ အာမခံနိုင်မှု၊ အစိုးရ ယန္တရား စနစ်ကျစွာ လည်ပါတ်စေရန် ဥပဒေများ သတ်မှတ် ပြဌာန်းပေးနိုင်ရန်မှာ လွှတ်တော်တွင် အထူး တာဝန်ရှိပါတယ်…… ယနေ့ မြန်မာနိုင်ငံရဲ့ ပြည်သူ့လွှတ်တော်နဲ့ အမျိုးသားလွှတ်တော် ဘာတွေလုပ်နေသလဲ အများစု သိရှိပြီးဖြစ်ပါတယ်……
မြန်မာနိုင်ငံမှာ ခိုင်မာသည့် ရင်းနှီးမြှုပ်နှံမှု အခြေခံဥပဒေ မရှိသေးသလို၊ တိုင်းရင်းသား ဒေသများနှင့် ပါတ်သက်၍ အာဏာခွဲဝေမှု၊ သယံဇာတ ခွဲဝေမှု၊ တိုင်းရင်းသားများအပေါ် အာမခံပေးနိုင်မှု၊ ငြိမ်းချမ်းရေးအတွက် အာမခံပေးနိုင်မည့် ဥပဒေ မရှိသေးပါဘူး…..
ထို့အတူပင် နိုင်ငံတွင်းရှိ အလုပ်သမားများ နိုင်ငံဝန်ထမ်းများအတွက် ထိရောက်သည့် အာမခံပေးနိုင်မည့် အလုပ်သမား ဥပဒေ၊ အခြေခံ လူတန်းစားထဲတွင် ပါဝင်သည့် လယ်သမားများအတွက် လယ်ယာပိုင်ဆိုင်မှု အာမခံပေးနိုင်မည့်၊ လယ်ယာမြေများ အတင်းအဓမ္မ သိမ်းဆည်းခြင်းမှ ကာကွယ်နိုင်မည့် ခိုင်မာသည့် ဥပဒေ မရှိသေးပါ…..
ထို့အတူပင် ၁၉၈၂ ခုနှစ် လဝက ဥပဒေ၏ အချို့သော အစိတ်အပိုင်းများသည် ခောတ်နှင့်လျော်ညီစေရန် ပြန်လည်ပြင်ဆင်ရန် လိုအပ်နေပေသည်….. သို့ဖြစ်သည့်အတွက် လွှတ်တော်တွင် အရည်အချင်းပြည့်မှီသည့် အမတ်များစွာ လိုအပ်နေပေသည်……
တစ်ချိန်က သင်္ဃန်းကျွန်း မဲဆန္ဒနယ်မှ လွှတ်တော်အမတ် ဦးသိန်းညွန့် တစ်ဦးတည်းသာ သတ္တိရှိရှိ ဒိုင်ခံ၍ လွှတ်တော်တွင် ထောက်ပြဝေဖန်မှု ပြုခဲ့ပေသည်….. ၂၀၁၂ ကြားဖြတ်ရွေးကောက်ပွဲတွင် NLD တို့ မဲအများစုဖြင့် အနိုင်ရရှိ၍ လွှတ်တော်တွင်းသို့ ဝင်ရောက်သွားချိန်တွင် များစွာ အားထားမိပေသည်…..
အဘယ့်ကြောင့်မူ မြန်မာနိုင်ငံ၏ အဓိက အတိုက်အခံ ပါတီဖြစ်သည့်အတွက် များစွာ အားထား၍ မျှော်လင့်မိသောကြောင့်ပင်…… သို့ရာတွင် ထူးခြားသည့် ကြိုးစားလုပ်ဆောင်မှုများဖြစ်သော အထက်တွင် ရေးခဲ့သည့် လိုအပ်ချက်များနှင့် ပါတ်သက်၍ မည်သည့်ထူးခြားမှုမျှ မတွေ့ခဲ့ရပေ…. ထူးထူးခြားခြားအနေဖြင့် အတိုက်အခံတို့ အလုံးအရင်း လွှတ်တော်သို့ ဝင်သွားပြီးသည့်နောက်တွင် ပြည်သူလူထုအား တရစ်ထက် တရစ် တိုးကြပ်နိုင်မည့် ဆက်သွယ်ရေး ဥပဒေကြမ်း တစ်ရပ်အား အတည်ပြုနိုင်ခဲ့ကြပေသည်……
သို့ဖြစ်သည့်အတွက် အတိုက်အခံ ပါတီမှ အမတ်များသည် မည်သည့်အတွက်ကြောင့် နှုတ်ဆိတ်နေကြသည် ဆိုသည်ကို မေးခွန်းထုတ်စရာ ဖြစ်လာပေသည်….. လွှတ်တော်ထဲသို့ ဝင်ရောက်၍ ကန့်ကွက်မဲပေးနေယုံဖြင့် အတိုက်အခံဟု အမည်ခံ၍ မရပေ….. တစ်ချိန်က လူ့ဘောင်သစ် ပါတီမှ ကိုမိုးသီးဇွန်ရေးသားခဲ့သည့် “အမျိုးသား ဒီမိုကရေစီအဖွဲ့ချုပ်မှ ဗဟို အလုပ်အမှုဆောင် ကော်မတီများနှင့် အလုပ်အမှုဆောင်များကလည်း ဘုန်းကြီးကျောင်းမှ ကပ္ပိယကြီးများသဖွယ် ဆရာတော်ကြီးမသိပဲ ဘာမှမလုပ်ရဲ အသေးအဖွဲ ပြဿနာလေးပင် (ဒေါ်) အောင်ဆန်းစုကြည် မသိပဲ ဆုံးဖြတ်ချက် မချဝံ့” ဟုသော စကားသည် နောက်မျိုးဆက်သစ်များအပေါ်တွင်ပါ သက်ရောက်နေပီလောဟု စဉ်းစားမိပေသည်…..
လွှတ်တော်တွင် အဓိကနေရာယူထားသည့် ကြံ့ဖွံ့အမတ်များကား အိပ်ငိုက်သူများနှင့်သာ ပြည့်နှက်နေပေသည်…… ထိုကဲ့သို့ အားရစရာ မရှိလှသည့် လွှတ်တော်သည် လူအများ အံ့သြသင့်ဖွယ် လုပ်ရပ် တစ်ရပ်အား ပြုမူခဲ့ပေသည်…… အဆိုပါ ကိစ္စသည်ကား လွှတ်တော်အား ဝေဖန်ခဲ့သည် အွန်လိုင်းမှ ဒေါက်တာဆိတ်ဖွား ဆိုသူအား ဖော်ထုတ်ရေးပင် ဖြစ်ပေသည်……
မြန်မာနိုင်ငံကဲ့သို့ အဖက်ဖက်မှ လိုအပ်ချက်များစွာ ရှိနေသည့် နိုင်ငံတွင် အဓိက အရေးကြီးသည်များအား ပစ်ပယ်၍ ထိုကဲ့သို့သော ကိစ္စလေးအား အရေးတယူပြုရန် ကော်မတီများဖွဲ့စည်းခြင်း စုံစမ်းခြင်းများ ပြုလုပ်နေသည့် လွှတ်တော်၏ ခရု ခါးတောင်းကြိုက် ဖမ်းနေခြားအား နိုင်ငံသားများစွာ ပျက်ရယ် ပြုခဲ့ကြပေသည်……
မိမိအနေဖြင့် မေးလိုသည့် မေးခွန်းမှာ လွှတ်တော်သည် မည်သည့် ဘတ်ဂျက်များဖြင့် ဆိတ်ဖွားဖမ်းရန် ကြိုးပမ်းအားထုတ်ခဲ့သနည်း….. နေ့စဉ် လွှတ်တော်ကျင်းပသည့် စားရိတ်များထဲမှ ကျခံသုံးစွဲခြင်းလော၊ အခြားသော နေရာများမှ ကျခံ သုံးစွဲခြင်းလော အဖြေမရှင်းချေ….. ထိုကိစ္စအား စာရင်းအတိအကျ စစ်ဆေးမည့်သူများလည်း ဗလာနတ္ထိ ဖြစ်နေပေသည်…..
တစ်ချိန်က ဝန်ကြီးများ၊ သက်ဆိုင်ရာ အစိုးရ ဌာန တာဝန်ရှိသူများနှင့် ဦးပိုင်မှ နိုင်ငံတော် ဘဏ္ဍာနှင့် အလွဲသုံးစား လုပ်ခဲ့မှုများနှင့် ပါတ်သက်ပြီး စာရင်းအင်းနှင့်တကွ တင်ပြခဲ့သော စာရင်းစစ်ချုပ်ဟောင်း ဦးလွန်းမောင်အား အနားပေးလိုက်ခြင်းကို ကြည့်၍ လွှတ်တော်အပေါ်တွင် အယုံအကြည် တော်တော်ကင်းမဲ့ခဲ့ပေသည်…..
သို့ဖြစ်သည့်အတွက် လွှတ်တော်မှ ငွေကြေး ကျခံသုံးစွဲခြင်းများတွင် အလွဲသုံးစား လုပ်ခြင်းများ ရှိလာနိုင်သည့်အပေါ် မည်သူတွေက စစ်ဆေး၍ မည်သူတွေက Transparency ရှိရှိ ပြည်သူပြည်သားများထံ တင်ပြမည် ဆိုသည်ကို မေးခွန်းများထုတ်မိပေသည်…… တနည်းအားဖြင့် နိုင်ငံတော် ဘဏ္ဍာများအား လွှတ်တော်မှ မည်သို့မည်ပုံ သုံးစွဲနေခြင်းများအား ပြည်သူလူထုတို့ ပွင့်လင်းစွာ မသိရှိရခြင်းသည် လွှတ်တော်မှ ထိုကဲ့သို့သော ကင်းလွှတ်ခွင့်များနှင့် အခွင့်ထူးခံ ဖြစ်နေပီလား မေးခွန်းများ ဖြစ်လာပေသည်…..
ခက်သည်ကား လွှတ်တော် ဥက္ကဌကိုယ်တိုင် လွှတ်တော် ကျင်းပစဉ် တောက်လျှောက် အတောအတွင်း အစားအသောက်ကြောင့် ကိုယ်အလေးချိန် တိုးလာခြင်း၊ ပုဆိုးကောင်းစွာ မဝတ်တတ်၍ ပုဆိုးဝတ် ကျင့်နေရခြင်းများဖြင့် အလုပ်ရှုပ်နေခြင်းကြောင့် အဆိုပါ ကိစ္စများအား အာရုံစိုက်နိုင်ခြင်း မရှိပေ….. ဆိတ်ဖမ်းရန်အတွက် တကူးတက လုံ့လများဖြင့် ကြိုးစား ပန်းစား ပြုခဲ့သည်ကား အားလုံးမျက်မြင်ပင်တည်း…..
လက်ရှိ နိုင်ငံအား အုပ်ချုပ်နေသော ဦးသိန်းစိန် အစိုးရနှင့် နိုင်ငံတကာ ဆက်ဆံရေး ခြေလှမ်းသစ် စတင်တိုင်းတွင် ပေါ်ထွက်လာလေ့ရှိသည့် အဓိက အတိုက်အခံခေါင်းဆောင်ဖြစ်သော ဒီချုပ်ဥက္ကဌ၏ ဝေဖန်ချက်များသည် လွှတ်တော်၏ ခရုခါးတောင်းကြိုက် ဖမ်းနေခြင်းများနှင့် ပါတ်သက်လျင် နှာစေးနေပြီး လွှတ်တော်သည် အမှန်တကယ်ပင် အသက်ဝင် လှုပ်ရှား၍နေသည်ဟု လွှတ်တော်ဥက္ကဌကိုပင် ချီးမွမ်းစကား ဆိုခဲ့ပေသည်…….
အခြားတစ်ဖက်တွင်လည်း လွှတ်တော်သည် နိုင်ငံသားတို့၏ သဘောတူညီမှု မပါရှိပဲ နိုင်ငံတော် အခြေခံဥပဒေအား ဖြည့်စွက် ပြင်ဆင်သည့် “နိုင်ငံတော်ဖွဲ့စည်းပုံ အခြေခံဥပဒေဆိုင်ရာ ခုံရုံးဥပဒေကို ပြင်ဆင်သည့် ဥပဒေ” ကို ပြင်ဆင်ခဲ့ပေသည်…… သို့ဖြစ်သည့်အတွက် လွှတ်တော်၏ ဥပဒေနှင့် မကိုက်ညီသော အဆိုပါ လုပ်ဆောင်မှုများသည် ၂၀၀၈ ဖွဲ့စည်းပုံ အခြေခံ ဥပဒေအား အများပြည်သူ သိရှိခြင်း မရှိပဲ၎င်းတို့အလိုကျ ပြင်ဆင်မည့် လုပ်ရပ်များ၏ ခြေလှမ်းအစဟု ယူဆခဲ့ပေသည်…..
၂၀၀၈ ဖွဲ့စည်းပုံသည် ပြီးပြည့်စုံသည့် ဥပဒေတစ်ရပ် မဟုတ်ခြင်း၊ သွားလေသူ ဦးသန်းရွှေမှ ၎င်းနောက်ကြောင်း အေးစေရန် ရေးဆွဲခဲ့သည့်အတွက် လိုအပ်ချက်များစွာ ရှိနေသဖြင့် ပြင်ဆင်ရန်မှာ သဘောတူ လက်ခံပေသည်….. သို့ရာတွင် ဖွဲ့စည်းပုံ အခြေခံဥပဒေ ဆိုသည်မှာ နိုင်ငံသားများအပေါ်တွင် သက်ရောက်မည် ဖြစ်သည့်အတွက် မည်သည့် ပြင်ဆင်မှုမျိုးမဆို နိုင်ငံသားတို့အား အသိပေးသင့်ပေသည်…..
သို့ရာတွင် ထိုကဲ့သို့ ဥပဒေပြင်ပ လုပ်ရပ်အား အတိုက်အခံ နိုင်ငံရေး ပါတီများဘက်မှလည်း ထူးထူးခြားခြား အသံထွက်လာခြင်း မရှိသကဲ့သို့ အဓိက အတိုက်အခံ ခေါင်းဆောင်ဖြစ်သည့်၊ တရားဥပဒေ စိုးမိုးမှု ကော်မတီဥက္ကဌ ဖြစ်သော ဒီချုပ်ဥက္ကဌထံမှလည်း ဝေဖန်ချက် ထွက်မလာသည်မှာ အတော်ပင် အံ့သြသင့်စရာ ဖြစ်နေပေသည်…..
အဓိက အတိုက်အခံထံမှ အဆိုပါ ဥပဒေနှင့် မညီသည့်လုပ်ကိုင်ပုံအား ထောက်ပြ ဝေဖန်ခြင်း မရှိသည့်အပြင် လွှတ်တော်အပေါ် ချီးကျူးခဲ့ခြင်းကား မေးခွန်းထုတ်စရာ ဖြစ်လာပေသည်…… တစ်နည်းအားဖြင့် ၂၀၀၈ ဖွဲ့စည်းပုံအား ပြုပြင်လိုသည့် ဒီချုပ် ဥက္ကဌနှင့် ၎င်းအလိုကျ ၂၀၀၈ ဖွဲ့စည်းပုံအား ပြန်လည် ပြင်ဆင်ရန် ကြိုးပန်းနေသည့် ကြံ့ဖွံ့ဥက္ကဌတို့ မဟာမိတ် ပြုသွားပြီလော မေးခွန်းထုတ်စရာ ဖြစ်လာပေသည်…..
မြန်မာနိုင်ငံသည် အဖက်ဖက်မှ ယို့ယွင်းချက် အားနည်းချက်များစွာ ရှိနေခြင်းကြောင့် တစ်ချိန်က တစောင်းစေးနှင့် မျက်ချေး ဖြစ်ခဲ့သည့် ကြံ့ဖွံ့ပါတီ ဥက္ကဌနှင့် ဒီချုပ် ဥက္ကဌတို့၏ ရင်းနှီးနွေးထွေးသော ဆက်ဆံရေးခြေလှမ်းသစ် စတင်လာခြင်းကြောင့် နိုင်ငံအပေါ်တွင် အတူတကွ လက်တွဲ၍ အကျိုးပြုနိုင်မည်ဟု မျှော်လင့်မိပေသည်….. တစ်ချိန်က အာဃာတများ ဘေးဖယ်၍ သမ္မတ ဦးသိန်းစိန် ပြောကြားခဲ့သည့် မတူသည်များကို ဘေးဖယ်ထား၍ တူသည်များကို တိုင်းပြည်အတွက် တွဲလုပ်မည်ဟု မျှော်လင့်မိပေသည်…….
သို့ရာတွင် ဘယ်အရာမဆို အကောင်းသက်သက် မျှော်လင့်၍ မရသကဲ့သို့ အဆိုးကိုလည်း ကြိုတွေးထားရမည် ဖြစ်ပေသည်…… ကြံ့ဖွံ့ဥက္ကဌနှင့် ဒီချုပ်ဥက္ကဌတို့၏ ဆက်ဆံရေးမှသည် ဖြစ်ပေါ်လာမည့် ရလာဘ်များသည် အကောင်းကြီး ဖြစ်နေလျင် ခံသာသော်လည်း အဆိုးများစု၍ အဆိုးရလာဘ်များ ထွက်လာလျင် တိုင်းသူပြည်သားများအတွက် ကောင်းနိုင်မည် မဟုတ်ပေ……
ကြံ့ဖွံ့၏ ဥပဒေမဲ့ လုပ်ရပ်များ၊ နိုင်ငံတော် ဘဏ္ဍာအား အလွဲသုံးစား ပြုမူမှုများ ဒီချုပ်ဘက်သို့ အကျင့်ကူစက်သွားပြီး ဒီချုပ်၏ ဗဟိုဦးစီး ထိမ်းချုပ်စနစ်များ၊ ဒီချုပ် ဥက္ကဌ၏ ဘေးမှ အမြောက်တပ်၏ အမူအကျင့်များ ကြံ့ဖွံ့ဘက်သို့ ကူးစက်သွားပါက အဆိုပါ ပါတီနှစ်ခု၏ ရလာဘ်သည် မြန်မာနိုင်ငံသားများအတွက် အတော်ပင် မသက်မသာ ရှိလှပေတော့သည်…..
သို့ဖြစ်သည့်အတွက် ကြံ့ဖွံ့ ဥက္ကဌနှင့် ဒီချုပ် ဥက္ကဌတို့၏ သမိုင်းတွင်သော အပြန်အလှန် ရင်းနှီးနွေးထွေးသည့် ဆက်ဆံမှုများမှသည် တိုင်းပြည်အတွက် ကောင်းမွန်သည့် အနာဂါတ်များ ဖြစ်လာစေရန်သာ မိမိအနေဖြင့် တောင်းဆု ပြုမိပေတော့သည်…..
