by May Popa (Notes) on Wednesday, June 12, 2013 at 10:55pm
မိုးဦးကျ ဖားဋီကာ
ဒီနှစ် ကျမတို့ ကျောက်ပန်းတောင်းမှာ မိုးဦးကျရာသီမှာ မိုးကောင်းနေလို့ တောင်သူတွေ လည်း သီးနှံတွေ အတွက် ဝမ်းသာနေရသလို လက်လုပ်လက်စားများဟာ လည်း ဖားကောက်ပြီး ဝင်ငွေရနေလို့ ပျော်ရွှင်နေကြပါတယ်။ အရင်နှစ်တွေ က ဆိုရင် ဝါဆိုလ ထဲကျမှ ဖားတွေက မြူးကြတာပါ၊ ဒီနှစ်မိုးဦးကျမှာ ဖားကောက်ကြတာ တစ်ဦးထဲနဲ့ တစ်ညကို သုံးလေးပိဿာလောက် ထိရကြပါတယ်။ ဖားကောက် တဲ့ အကြောင်း တွေရယ် ဖားကို တောသူတောင်သားတွေ ချက်ပြုတ်စားသောက် ကြပုံလေး တွေကို ပြောပြပါဦးမယ်။
ဖားရှာ၍ ကောက်ကြပုံ
အခုလို မိုးရာသီမှာ ရေကန်စပ်တွေ၊ ယာခင်းတွေ၊ ချောင်းရိုးနားတဝိုက်တို့ မှာ သဲတောကြားက နေ တိုးထွက်နေတဲ့ (အရပ်အခေါ် "စုံ့" တယ်) နေရာက လေးတွေက နေ ဖားတွေ နေဝင်ချိန်လောက်က စပြီး ထွက်လာတတ်ပါတယ်။ မိုးငွေ့မိုးသက် ကြောင့် ရော ပလူ ကောင်လေး တွေ စားချင်လို့ရော ပေါ့၊ မိုးရွာလို့ ပလူထွက် ကိုရွှေဖား တို့ ချက် ပါ။ တကယ်တော့ ဒီလို အချိန်ကို စောင့်နေတာကအနီးအနား ပတ်ဝန်းကျင်မှ ရွာသားတွေအတွက် ချက်ပါ။ ညနေစာစားပြီး ဓာတ်မီးလေးဆွဲကာ ရွာပြင်ထွက်ကာ ဖားကောက်ထွက်ကြတာ ပေါ့။။မိုးလေးဖွဲဖွဲမှာ ပါလာတဲ့ အိတ်ထဲ အသာလေး ကောက်ထည့်ရုံပါပဲ။ သတိထားရမှာက သူတို့လိုမျိုး ဖားတွေ အထွက်ကို စောင့်နေတဲ့ မြွေတို့ရဲ့ အန္တရာယ် ပါပဲ၊ တချို့ကျွမ်းကျင်သူက မြွေကိုပါ လက်ဗလာ ဖမ်းကြပြန်တယ်။ ဖားကောက်ရင်း နဲ့ ပိုးထိသူတွေ လည်း ရှိကြတာပေါ့။
ဖားကောက်နေကျ သူတွေက နေရာအနေအထားကျွမ်းကျင်ရင် တစ်ညကို လေးပိဿာလောက်ထိ ရကြတယ်။ သူတို့ တွေ အိမ်ပြန်ရောက်တာနဲ့ ရေနွေးတည် ပြီး အိမ်သူသက်ထားက ပါလာတဲ့ ဖားတွေကို အရှင်ရော အသေရော ရေနွေးနဲ့ဖျောကြပါတယ်၊ ဒီအချိန်က ငရဲအကြီးဆုံး အကုသိုလ်အဖြစ်ဆုံးအချိန်ပါပဲ၊ အောက်ပြည်ဘက်မှာ တံငါသည်တို့ရဲ့ ဘဝတွေလို ပါပဲ၊ ဝမ်းရေးအတွက် ငရဲကို အလေးမထားနိုင်ပါဘူး။ တစ်ပုံ (၂၅ကျပ်သား)ကို ရွာမှာ ရောင်းရင် ၈၀၀/၁၀၀၀ ရပါတယ်။ ကျောက်ပန်းတောင်းဈေးထဲ မှာ ပြန်ရောင်းသူတွေက တော့ ၁၂၀၀လောက် ရောင်းကြတယ်။
ဖား ကောက်ရာမှာ ကျမတို့ နယ်မှာ ရလေ့ရှိတဲ့ ဖားတွေက တော့ ဖားအိုင့်၊ ဖားလတက်၊ ဖားကြောင် တို့ပါပဲ၊ ဖားအိုင့်က (ပုံထဲမှာပါတဲ့) ပိုကြီးတဲ့ အကောင်ပါပဲ၊ ဖားလတက်လေး တွေ လောက် နူးညံ့မှု သိပ်မရှိလို့ သိပ်ရောင်းမစွံလှပါဘူး။ ဖားလတက် တွေက ကြွပ်ကြွပ်ကြော်ပြီး တစ်ကောင်လုံးဝါးစားရင် အရသာလည်း တော်တော်ရှိပါတယ်။ ဖားကောက်ရာမှာ ဝါဆို၊ဝါခေါင် လောက် ကောက်ရင် ဥများများပါတတ်ပါတယ်။ ဥပါတဲ့ ဖားတွေက စားလို့ပိုကောင်းပြီး ကြော်မယ် ဆိုရင်တော့ ဆီပေါက်မမှန် အောင် တော်တော်ဂရုစိုက်ပြီးကြော်ရပါတယ်။
အညာမှ ဖား ဟင်းလျာချက်ပုံ
ဖားများများလည်း ရ ငွေသုံးလဲမလို သူတွေက ဖားကို ဆားလေးနဲ့နယ်၊ စို့နဲ့ ထိုး၊ နေလေး ပြပြီး ထန်းလျက်ဖိုပေါ် ကျပ်တင်ပြီး အခြောက်ထားက နှစ်ပတ်လည် စားနိုင်အောင် လည်း လုပ်ထားတတ်ပါတယ်။ နွေရာသီ ဟင်းချက်ရှားချိန်၊ ဈေးဖိုးသုံးစရာ မရှိကာမှ ချက်စားဖို့ပါ။.
ကျမတို့ အညာကျေးလက်ဒေသမှာ ပေါ်ပြူလာ အဖြစ်ဆုံး ဖားဟင်းချက်ပုံက တော့ မန်ကျည်းရွက်နဲ့ပါပဲ။ ကြက်သွန်နီလေး ဆီသတ်၊ ငါးပိလေး ထဲ့၊ မန်ကျည်းရွက်ကလေး နဲ့ ဖားနဲ့ ရောပြီး နယ်စားလေးချက်တာပါ၊ ချက်ရတာလဲလွယ်ကူ၊ ချဉ်ပြုံးပြုံးလေးနဲ့ အရသာလည်းရှိ၊ အသားနူးညံ့ညံ့ကလေးကို လည်း အရသာခံနိုင်လို့ တောရွာတွေမှာ အများဆုံး ချက်စားကြပါတယ်။ ထူးခြားတာက ရွာတွေဘက်မှာ မိန်းကလေးရော ယောက်ျားလေးတွေပါ နှစ်နှစ်ခြိုက်ခြိုက်စားကြတာပါပဲ။
နောက်တစ်မျိုးက တော့ ပုံမှန်ဗမာဟင်း ဆီပြန်ချက်သလိုမျိုးပါ၊ ဒီပုံစံက တော့ အသားဟင်းတစ်ခွက် အတိုင်း ပဲဖြစ်ပြီး ထမင်းမြိန်စေမဲ့ ဟင်းတစ်ခွက်ဖြစ်လို့ တော်တော်များများချက်စားကြပါတယ်။
ကျမတို့ တောရွာတွေဘက်မှာ ပိုပြီးအကြိုက်များတာကတော့ ဖားထောင်းပါ၊ ဖားကို ကြွပ်နေအောင် အရင်ကြော်ပြီးမှ မွှေးနေအောင် ကြက်သွန်ဖြူလေး၊ ကုလားအော်သီးလေးထည့်ပြီး ညက်အောင်ထောင်းရပါတယ်။ အနံ့အရသာနဲ့ ပြည့်စုံပြီး ရေနွေးကြမ်း နဲ့မြည်းမြည်း ဟင်းအမြှုပ်အနေနဲ့စားစား ကောင်းလှပါတယ်၊ ဒါပေမဲ့ စားကောင်းလွန်းလို့ ဈေးဖိုးနဲ့တွက်ရင် တွက်ခြေမကိုက်လှပါဘူး။
ယမကာ ကြိုက်သူ တို့လူတွေ အတွက်တို့ ဖားကြွပ်ကြော်လေးဖြစ်ဖြစ် ဖားထောင်းလေးဖြစ်ဖြစ်က ထွေးညိုလေး (ထန်းလျက်အရက်) ကလေးနဲ့က ဘက်ပါပဲ၊
ဒီနေ့ ချက်ထားတဲ့ တောရွာဓလေ့ နေ့လည်စာ ဖားကြွပ်ထောင်းလေးရယ်၊ ဟင်းနုနွယ်ရွက်သုတ်လေးရယ်၊ ပဲကြီးနဲ့ ဟင်းရွက်စုံဟင်းချိုလေး တွေကို မိတ်ဆွေ သူငယ်ချင်းများ သွားရည်ယိုရအောင် တင်ပေးလိုက်ပါတယ်။
မေပုပ္ပား
၂၀၁၃ ဇွန်လ ၁၂ရက်
စာကြွင်း
ဖား ဆိုတာ မြန်မာစကားမှာ တော်တော်တွင်ကျယ်စွာသုံးနေကြပါတယ်၊ ဖားလေးတွေ ရဲ့ဘဝကလည်း အားနည်းတဲ့ ပလူလေးတွေကို စားဖို့ ချောင်းရင်း မြောင်းရင်း သူ့ထက်အင်အားကြီးသူ တို့ရဲ့ စားသောက်မှုကို စောင့်နေရသလိုပါပဲ၊