တိတ်ဆိတ်ရာကိုရှာတယ်။ တိတ်ဆိတ်ချိန်မှာ အစပျိုးတယ်။
စိတ်ကတော့ စတင် ဆူညံလာတယ်။
ကျွန်တော့် ဘေးမှာ ကော်ဖီတစ်ခွက်ရှိတယ်။
ခဲတံတစ်ချောင်းရှိတယ်။ မှတ်စု တစ်အုပ်ရှိတယ်။
ဟိုတစ်ဒီတစ်စလှန်ထားတဲ့ စာအုပ်တွေရှိနေတယ်။
အိုနွမ်းနေပြီဖြစ်တဲ့ ကျွန်တော့်ရဲ့ ပါရမီဖြည့်ဖက် ကွန်ပျူတာလေးက ရှေ့မှာရှိတယ်။
ဒီလိုနဲ့ စာတစ်ပုဒ်အတွက် စတင်လိုက်တာ…က
တစ်ခါတစ်ခါ မေးထောက်ပြီး စာတစ်ကြောင်းအတွက် ဦးနှောက်တွေ ဒေါင်ချာပြေးနေတယ်။
တစ်ခါတစ်ခါ စကားလုံးတစ်လုံးအတွက် နှလုံးသားတွေ တုန်လှုပ်နေတယ်။
တစ်ခါတစ်ခါ စာတစ်ပိုဒ်ဟာ နှစ်များစွာက ပေးဆပ်ခဲ့တဲ့ ဘ၀ရဲ့ ဖြတ်သန်းမှုတွေဖြစ်နေတယ်။
တစ်ခါတစ်ခါ စာတစ်ပိုဒ်ဟာ မဖြစ်လိုက်ရတဲ့ ဘ၀တွေအတွက် နာကျည်းပေးဆပ်ခြင်း၊
လိုချင်တောင့်တခြင်း၊ မျှော်ကိုးခြင်း အိပ်မက်တွေ ဖြစ်နေပြန်သေးတယ်။
အဲ…တစ်ခါတစ်ခါကျပြန်တော့လည်း ဘ၀အငှားတွေကို ရင်ဘတ်အရင်းနဲ့ ရေးရပြန်သေးတယ်။
တစ်ခါတစ်ခါ တောက်ခေါက်ချင်ခေါက်တယ်။ စုတ်သပ်ချင်သပ်တယ်။ ကျေနပ်ချင် ကျေနပ်တယ်။
မျက်ရည်စို့ချင်စို့တယ်။ လက်ခမောင်းခတ်ချင်ခတ်တယ်။
တစ်ခါတစ်ခါမှာလည်း မျက်လုံးတွေပြာဝေလာတဲ့အထိ စာတစ်ပိုဒ်မပြီးနိုင်သေးဘူး။
အဲ တစ်ခါတစ်ခါတော့..
စိတ်အလျဉ်နဲ့ လိုက်ပါပြီး လက်တွေလွင့်မျောလို့
ဟောတစ်ကြောင်း ဟောတစ်ကြောင်း ခပ်သွက်သွက် ရေးခြစ်လိုက်နိုင်တယ်။
တစ်ခါတစ်ခါတော့
ဒီတစ်ပုဒ်ကအတွေးစက နောက်တစ်ပုဒ်အတွက် အတွေးစဖြစ်လို့
ဟိုရောက်ဒီရောက် ဖြစ်နေပြန်တယ်။
အဲ ငုတ်တုတ်မေ့ပြီး မိုးလင်းမှ တစ်ရေးနိုးခဲ့တာလဲ မနည်းလှတော့ဘူး။
ဒါနဲ့ပဲ ဒီစာတွေကို ကျွန်တော်နှလုံးသားနဲ့ ရေးခြစ်မိရင်း….
ကျွန်တော်စာရေးနေမိပါသည်…။
မောင်ပိုင်
၃၀-၆-၂၀၁၃။
— with William Tuntunko and 3 others.