ကျွန်တော်တို့မြန်မာနိုင်ငံတွင်းတိုင်းရင်းသားပေါင်းစုံ လူမျိုးပေါင်းစုံစုပေါင်းနေထိုင်ကြသကဲ့သို့ တိုင်းရင်းသား မျိုးနွယ်စုများတွင်လဲကိုယ်ပိုင်ဟန်ကိုယ်ပိုင်ဓလေ့စကားများ အသုံးအနှုံးများ ပေါကြွယ်ဝစွာ ရှိကြလေသည်။ဥပမာ အားဖြင့် မြန်မာနိုင်ငံ၏ အလယ်ပိုင်း အပူပိုင်းဇုန်အညာဒေသရှိ ဗမာလူမျိုးများ ပြောကြားသော စကားပုံစံများနှင့် မျိုးနွယ်စုတူ အောက်ပြည်အောက်ရွာရှိ ဗမာလူမျိုးများ ပြောကြားပုံ စကားအသုံးအနှုန်းပင်လျှင် ကွဲပြားကြပေသည်။
ယုခုဖော်ပြအပ်သော ဆောင်းပါးပါ "လွှတ်"ဟူသော စကားလုံး သည်ပင်လျှင် ထိုအထက်အညာ နှင့်အောက်မြန်မာပြည်အကြေ တို့အကြားအခေါ်အဝေါ်အရကွဲပြားသော အဓိပ္ပါယ်တူ စကားလုံးဖြစ်ပါသည်။"လွှတ်" ဟူသည် အထက်အညာတွင် အရမ်းအရမ်း သို့မဟုတ် အလွန် ဟု အဓိပ္ပါယ်ရသော ကြိယာဝိသေသန စကားလုံးဖြစ်ပါသည်။ ဥပမာ အားဖြင့် အသီးတစ်သီးချဉ်လွန်းလျှင် ဒီအသီးက လွှတ်ချဉ်တာပဲ ။"သရမ်း" ဟူသောစကားလုံမှာတော့ရှင်းသည်စည်းလွတ်ဝါးလွတ် အထိန်းအကွပ် မဲ့ခြင်းမျိုးမှာသုံးကြပါသည်။လွှတ်နှင့်သရမ်းပေါင်းဖက်မိသောအခါ အလွန့်အလွန် အထိမ်းအကွပ်မဲ့စွာ ဟုအဓိပ္ပါယ် ဖွင့်ဆိုရမည်လားမပြောတတ်ပေ။မည်သို့ပင်ဆိုစေ လွှတ်သရမ်းလျှင်တော့ ကောင်းကျိုးထက် ဆိုးကျိုးက ပိုများမည်ဟုထင်ပါသည်။အောက်တွင်ဖော်ပြအပ်သည်တို့မှာကား လွှတ်သရမ်းတော်ကြသူတို့ အကြောင်းဖြစ်ပါသည်။၎င်းတို့မှာကား လွှတ်သရမ်းတော်ကြပါသည် သို့သော်…..
ကျွန်တော်တို့ မြန်မာနိုင်ငံတွင် ၂၀၁၀ ပြည့်နှစ်တွင် တိုင်းပြည်အနှံ့ ရွေးကောက်ပွဲများ ကျင်းပခဲ့ပြီး ရွေးကောက်ပွဲတွင် အနိုင်ရရှိခဲ့သော ပါတီများမှ အမတ်လောင်းလျှာလေးများအား အမတ်မင်းကြီးများ ကိုယ်စားလှယ်များအဖြစ် အသီးသီး ကျမ်းသစ္စာကားကျိန်ဆိုခဲ့ကြပေသည်။ ကိုယ်စားလှယ်ဟု ဆိုသော်လည်းအချို့မှာ ၄င်းတို့ ကိုယ်စားပြုပါသည်ဟု ဆိုသော ကိုယ်စားပြုနယ်မြေ သို့မဟုတ် ကိုယ်စားပြုပြည်သူများမဲဆန္ဒရှင်များပင်လျှင် မသိနိုင်မသိရှိလိုက်ရလေအောင်ကို အနေအထိုင် သေသပ်ပိရိပြီး မာန်မာနမရှိ (အရှက်တရားတော့ မသိ) နေထိုင်နိုင်ကြပေသည်။ ကမ္ဘာနိုင်ငံအသီးသီးရှိ အမတ်များသည် ၄င်းတို့ မည်သူမည်ဝါဖြစ်ကြောင်းကို ၄င်းတို့ကိုယ်စားပြုသော မဲဆန္ဒရှင်များမှသိရှိကြပြီး ၄င်းတို့ အား မဲဆန္ဒရှင်များက အမြဲကြည်ညိုလေးစားအာကိုးထောက်ခံနေစေရန် သာမျှော်ကိုးပြီး တိုင်းရေးပြည်ရာများဆောင်ရွက်ရာတွင် ၄င်းအမတ်တို့သည် ပြည်သူပြည်သားများအား ၄င်းတို့ကို ထောက်ခံစေရန် သာဆောင်ရွက်တတ်ကြသောကြောင့်ဖြစ်သည်။သို့သော် ကျွန်တော်တို့ မြန်မာနိုင်ငံ၏ အမတ်မင်းများသည် တိုင်းပြည်ရေးရာကိစ္စများဆောင်ရွက်ရာတွင် မိမိတို့သည်သူမည်ဝါတို့ မည်သည့်နယ်မြေတို့ကို ကိုယ်စားပြုကြောင်းကို ထိုပြည်သူတို့ထိုနယ်မြေခံတို့ မသိရှိသဖြင့် အဂတိတရားကင်ရှင်းကာ ဘက်မလိုက်ပဲ ဆောင်ရွက်နိုင်ခဲ့ကြပေသောကြောင့် မြန်မာအမတ်မင်းများသည် လွှတ်သရမ်းကြီးတော်နေသည်ဟုပင်ချီးမွမ်းရပေမည်။
ကျွန်တော်တို့မြန်မာအမတ်မင်းများသည်အလုပ်အင်မတန်များကြပါသည်။၎င်းတို့မှာ တိုင်းပြည်ကို လွှတ်ချစ်လို့သာ မိမိတို့ကိုယ်ပိုင် ကမ်ပနီကြီးများ လုပ်ငန်းကြီးများ တိုက်တာအိုးအိမ်စည်းစိမ် အသွယ်သွယ်တို့ကို မသိကျိုးကျွံပြုကာ မိမိတို့ ဇနီးသားသမီးများဖြင့်လွှဲထားစေကာ နိုင်ငံရေးလောကအလယ် သို့ခြေစုံပစ် ၀င်ရောက်ခဲ့ကြခြင်းဖြစ်ပေသည်။အဘယ်မျှ စွန့်လွှတ်ခဲ့သည်ဆိုလျှင် အမတ်မင်းကြီးများပိုင်ဆိုင် ရရှိထားသော ဥစ္စာဓန အ၀၀တို့အား စာရင်းပြုစုရန်တောင်းသောအခါ ၌ပင်လျှင်တိုင်းပြည်ရေးရာအတွက် ခြေစုံပစ်ဝင်ခဲ့ကြသူများပီပီ ပိုင်ဆိုင်သမျှတို့အားမေ့လျှော့သွားကြကာ လုံးဝပစ္စည်းမဲ့လူတန်းစားတစ်ရပ် အနေနှင့်ခံယူကြပြီးဖြစ်ကြလေသောကြောင့် ပိုင်ဆိုင်မှုစာရင်းများပေးရန်အဆိုအား တစ်ညီတစ်ညွတ်ထဲ ၀ိုင်းဝန်းကန့်ကွက်လိုက်ကြပေသည်။ကမ္ဘာအမတ်အပေါင်းကိုယ်စားလှယ်အပေါင်းတို့ အတုယူအားကျ သင့်ပေသည်။ကျွန်ုပ်တို့မြန်မာနိုင်ငံတော်၏အမတ်မင်းများလောက် အဘယ်အမတ်တို့ စွန့်လွှတ်နိုင်ပေသနည်း။
လွှတ်သရမ်းတော်ကြလေသည်။
အမေရီကန်နိုင်ငံသည် ၄င်းတို့၏စစ်ဌာနချုပ်အားမကြာခန နည်းပညာပိုင်းအရ တိုက်ခိုက်ရန်စနေသော ဟက်ကာဟုခေါ်တွင်သော လက်သရမ်းသည့် ကွန်ပျူတာပညာရှင်များအား စုံစမ်းဖမ်းဆီးရန် ကြံစည်နေသည်မှာ ကြာမြင့်နေပြီဖြစ်ပါသည်။အမေရိကန် ပြည်ထောင်စုအဖို့ ထိုထိုသောဟက်ကာများအား စုံစမ်းထောက်လှန်း နေသော်လည်း မြန်မာအမတ်မင်းများလောက်တိကျသော ရေရာသောအဖြေကားထွက်ရှိမလာပါချေ။မြန်မာနိုင်ငံတွင်လည်း အမတ်မင်းများသည် ထိုမျှဂုဏ်မရှိ မာနမရှိ ချိုးနှိမ်စွာ ပိရိစွာနေထိုင်နေပါလျှက် မိမိတို့၏ပိုင်ဆိုင်သမျှ ဥစ္စာဓနတို့အား သမီးသားဇနီးမယားတို့အား အပြီးအပိုင် လွှဲပြောင်းပြီးပါလျှက်ကယ်နဲ့ ဒေါက်တာဆိတ်ဖွားဆိုသူမှ မြန်မာအမတ်များသည် ဥပဒေ၏ အထက်တွင် ရှိပြီး ဥပဒေသည်မြန်မာအမတ်များ၏အောက်တွင်ရှိသည်ဟု စွတ်စွဲရေးသားသောကြောင့် မိမိတို့ယခုမှ ဖြေးဖြေးမှန်မှန်ရေးဆွဲနေဆဲဥပဒေများကို ခနထားကာ တစ်ချို့ဥပဒေများကို ဘုန်းဘုန်းများအားရေးဆွဲစေပြီး ထိုမျှမမှန်မကန်စွတ်စွဲသော ငမိုက်သားအား အရေးတကြီးစုံစမ်းရန်အလို့ငှာ အမတ်များစုပေါင်းသဘောတူညီချက်ဖြင့် ကော်မရှင်ကြီးဖွဲ့ စုံစမ်းစေခဲ့ပေသည်။
အမတ်များသည်ထိုငမိုက်သားငဆိတ်ဖွားအား အပြင်အထန်စုံစမ်းရသောကြောင့် တစ်ချို့ဆိုလျှင် ပင်ပန်းလွန်းသဖြင့် အမတ်စုံညီအစည်းအဝေးကြီးတွင်ပင် အိပ်ငိုက်ကြရတဲ့အထိစုံစမ်းခဲ့ကြပါသည်။ထိုအပြင်း အထန်စုံစမ်းမှုကြီး၏ရလဒ်သည် ၆လတာမျှကြာလတ်သောအခါ အတိအကျကို အဖြေထွက်ရှိလို့လာခဲ့ပါသည်။ အမေရီကန်နိုင်ငံသည် မြန်မာအမတ်မင်းများဖွဲ့စည်းသော စုံစမ်းရေးကော်မရှင်လောက် ရေရာသော အဖြေကား ပေးနိုင်ခဲ့ခြင်းမရှိပေ။မြန်မာအမတ်များသည်ကား နောက်ဆုံးတွင် ထိုငဆိတ်ဖွားမည်သူဆိုသည်ကို အမေရီကန်နိုင်ငံ၏ Google ကမ်ပနီမှ ၀န်ခံရမည်ဟု အဖြေပေးကာ စုံစမ်းမှုအား အပြီးသတ်နိဂုံးချုပ်ခဲ့ ကြပါသည်။လွှတ်သရမ်းကိုတော်သောအမတ်မင်းများသာဖြစ်ပါသည်။ထို့ကြောင့် ကျွန်တော်တို့ မြန်မာအမတ်မင်းများသည် ကမ္ဘာ့အမတ်မင်းများ နှင့်ယှဉ်လျှင် မည်သည့်ဖက်တွင်မဆို လွှတ်သရမ်းကြီးကိုတော်နေသည်ဟု ချီးမွမ်းထောပနာပြုရင်းနိဂုံးချုပ်အပ်ပါသည်။
မိဘပြည်သူအပေါင်းကျန်းမာချမ်းသာကြပါစေ။
(ကျွန်တော် မောင်ရင်ငတေတာတေဆန်းသစ် ဖြစ်ပါသည်)
Image may be NSFW.
Clik here to view.
တည်ငြိမ်အေးဆေးသောမြန်မာအမတ်များနှင့် သောင်းကျန်းနေကုန်သော နိုင်ငံခြားအမတ်များ