အမှန်ခြစ်ထဲကသမိုင်းများ

 Image may be NSFW.
Clik here to view.

………………..

“ အဖေဒီနေ့ ဆရာမက အမှန်အကြီးကြီးချစ်ပေးတယ်၊ ပြီးတော့ တော်လို့ရေးပေးတယ် ”
အဖေက ကျွန်တော့်စာအုပ်ကြည့်ပြီး ပြုံးနေတာတွေ့ရသည်။
“ တော်တယ်ငါ့သား အမှန်ခြစ်တွေအများကြီးရအောင်ကြိုးစား၊ တော်တွေရအောင် ကြိုးစားနှော်”
“ ဟုတ်ကဲ့ အဖေ ”
ကျွန်တော်အဲဒီညက စာအုပ်ကလေးကို ခဏခဏဖွင့်ပြီး အမှန်ခြစ်လေးကိုကြည့်နေမိပါသည်။
……………
ကျွန်တော်တို့ငယ်ငယ်က ကျောက်သင်ပုန်းအရင်သုံးခဲ့ရသည်။
ကျောက်သင်ပုန်းပေါ်တွင် ၀လေးလုံးတွေရေး၊ နောက်စာလေးတွေရေးရသည်။
ကျွန်တော်တို့စာလေးတွေကို မြေဖြူခဲဖြင့် ဆရာ၊ ဆရာမတွေက ကျောက်သင်ပုန်းအပြည့် အမှန်ခြစ်ကြီးခြစ်ပေးသည်။
ထိုအမှန်ခြစ်သည် ကျွန်တော်တို့ဘ၀ အစ၏ ခွန်အားဖြစ်သည်။
အဲဒီနောက် စာအုပ်လေးတွေသုံးတဲ့အဆင့်ရတော့ မင်နီဖြင့် အမှန်ခြစ်လေးတွေရလာပြန်သည်။
အမှန်ခြစ်လေးတွေအပြင် ညံ့၊ သင့်၊ တော်၊ ကောင်းဆိုတဲ့ မှတ်ချက်လေးတွေ တွဲပါလာခဲ့သည်။
ကျွန်တော့်ဘ၀မှာတော့ ညံ့နှင့် သင့်က နေရာလုမြဲဖြစ်သည်။
တကယ်တော့ ထိုအမှန်ခြစ်များသည် ကျွန်တော်တို့၏ အရည်အချင်းအကဲဖြတ်ချက်များ ဖြစ်သည်။ ကျွန်တော်တို့ စွမ်းဆောင်ချက်၊ လုပ်ဆောင်ချက်၊ ကြိုးစားချက်ဘယ်လောက်ရှိသည်ကို ဖော်ပြပေးနေခြင်း ဖြစ်သည်။
Great Things are done when men and
mountain meet;
This is not done by jostling in the street.
တောင်ကြီးတွေနဲ့ တွေ့တော့မှာပဲ လူတွေမှာ ကြီးကျယ်တာတွေဖြစ်လာတယ်လို့ William Blake ကဆိုပါသည်။
ညံ့ဆိုတာ ကျွန်တော်ရဲ့ ကြိုးစားမှုအားနည်းခြင်းဖြစ်သည်။ ထိုအခါမှ ကျွန်တော်အတွက် ပို၍ကြိုးစား လာရသည်။ တော် သည်လည်း ကျွန်တော့်၏ တောင်ကြီးများဖြစ်သည်။ ဒီတောင်ကြီးကို ကျွန်တော်တို့ ဖောက်ထွင်ရမည်။ ဖောက်ထွက်ရမည်။
ထို့ပြင် ထို အမှန်ခြစ်များသည် ကျွန်တော်ငယ်ဘ၀၊ ကျွန်တော်တို့ ပညာသင်ကြားရာတွင် လုပ်ဆောင်ခဲ့သည့် လုပ်ဆောင်ချက်၏ သမိုင်းတစ်ခု ဖြစ်နေပါသည်။
-----------
အမှန်ခြစ်ကိုရသည်။ အမှန်ခြစ်ကို လိုချင်သည်။
ကျွန်တော်တို့ အမှန်ခြစ်ရဖို့ ကြိုးစားပြီလား။ အမှန် နှင့် ခြစ်ကို ကြည့်မိသည်။
အမှန်တရားကို ရဲရဲဝံ့ဝံ့ခြစ်ပြီလား။ ခြစ်ခဲ့ကြပြီလား။
မှန်ကန်ရင် ကွဲတတ်တယ်ဆိုတာနဲ့ အမှန်ကိုခြစ်ဖို့ မရဲပြီလား။
နောက်မျိုးဆက်တွေကို ကျွန်တော်တို့ကိုယ်တိုင် အမှန်ခြစ်တွေပေးနိုင်ဖို့ သင့်၊ တော်၊ ကောင်း ပေးနိုင်ဖို့ ကျွန်တော်တို့ ဘာတွေသင်ကြားပေးပြီပြီလဲ။ ဘာတွေလက်ဆင့်ကမ်းပြီးပြီလဲ။
ထိုထက်ပိုဆိုးသော အခြေအနေမှာ အမှန်ခြစ်ရယူနိုင်မည့် လူငယ်တို့အတွက် အတုယူမှားနိုင်သည့် အနေအထားရှိနေသည်။ လူငယ်တို့အမှန်မရပဲ ကြက်ခြေခတ်အမှားများရရှိသွားပါက သူတို့အနာဂတ်၊ ကျွန်တော်တို့ အနာဂတ်က မတွေးဝင့်အောင်ပါ။
လူငယ်တွေလက်ထဲမှာ ကျွန်တော်တို့အနာဂတ်ရှိနေသည်မဟုတ်ပါလား။ ထို့အတူ လူငယ်တွေ၏ အနာဂတ်ကလည်း ကျွန်တော်တို့လက်ထဲမှာ ရှိနေပါသေးသည်။
-----------
ကျွန်တော်ဘ၀တွင် နိုင်ငံနှင့်ချီပြီး အမှန်(၂)ကြိမ်ခြစ်ဖူးပါသည်။
တစ်ခါက ၂၀၀၈ ဖွဲ့စည်းပုံအခြေခံဥပဒေကို ပြဋ္ဌာန်းဖို့ ဆန္ဒကောက်ယူစဉ်ကဖြစ်သည်။
ထိုအခါက အမှန်ခြစ်ခဲ့သည်။
နောက်တစ်ကြိမ် ရွေးကောက်ပွဲအတွက် ကျွန်တော်တို့ခြစ်ခဲ့ဘူးသောအမှန်။
ထိုအမှန်သည် အမှန်တရားလော။ အမှန်အတွက် ခြစ်သော အမှန်ခြစ်လော။
ဒါကတော့ အမှတ်ခြစ်ကို ခြစ်လိုက်သော ကျွန်တော်တို့၏ နှလုံးသားထဲတွင်သာ ရှိနေပါလိမ့်မည်။
…………
“ သဗ္ဗေသင်္ခါရာ အနိစ္စာ ”
အလုံးစုံသော သင်္ခါရတရားတို့သည် အနိစ္စသဘောရှိကြကုန်၏။
“ သဗ္ဗေသင်္ခါရာ ဒုက္ခာ ”
အလုံးစုံသော သင်္ခါရတရားတို့သည် ဒုက္ခသဘောရှိကြ၏။
ကျွန်တော် စာလေးရွတ်ကြည့်ရင်း အမှန်တရားဆိုသည်မှာ ပို၍လေးနက်မှန်း တွေးမိလာသည်။
ကျွန်တော်တို့မွေးဖွားသည်။ သို့ကြောင့်သေရမည်။ ဒါအမှန်တရား။ သစ္စာတရား။
လောကကြီးအတွက် အမှန်တရားဆိုတာရှိပြီးသား။ အဲဒီအမှန်တရားကို မြတ်စွာဘုရားရှင်က ရှာဖွေဖော်ထုတ်သွားခဲ့သည်။
အဲဒီဖော်ထုတ်သွားတဲ့ လမ်းအပေါ်ကျွန်တော်တို့က လျှောက်လှမ်းနေပြီလား။
အရက်သမား လမ်းလျှောက်သလို အိုးနင်းခွက်နင်းလျှောက်နေတာလား။
------------
လောကီနယ်ပယ်တွင် ကျွန်တော်တို့ ငယ်ဘ၀ထဲက အမှန်ခြစ်တွေရခဲ့ပြီ။
လူမှုနယ်ပယ်တွင်လည်း အမှန်ခြစ်တွေရခဲ့ပြီ။
နိုင်ငံသမိုင်းအတွက် ကျွန်တော်တို့ အမှန်တွေခြစ်ခဲ့ပြီးပြီ။
အမှန်တရားဆိုတဲ့ (ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ) အမှန်အတွက် ကျွန်တော်တို့ ခြစ်နေကျပြီလား။
ညံ့၊ သင့်၊ တော်၊ ကောင်းဆိုတဲ့ သတ်မှတ်ချက်တွေထဲမှာ ဘာတွေရနေပြီလဲ။
ကျွန်တော်တို့ဘ၀ လူမှုရေး၊ ပညာရေး၊ နိုင်ငံရေးတွေအတွက် အမှန်ခြစ်သမိုင်းတွေ ရေးခဲ့ပြီ။ ရခဲ့ပြီ။
ဘ၀ရဲ့အနှစ်သာရ၊ လောကုတ္တရာ အမှန်ခြစ်သမိုင်းကြောင်း ဘယ်လောက်ကောင်းနေပြီလဲ။
သြော်….
ငယ်ဘ၀တုန်းက ဆရာ၊ ဆရာမ ပေးလို့ရခဲ့တဲ့ အမှန်ခြစ်လေးကိုကြည့်ရင်း ကြည်နူးစိတ်တွေ တစ်ညလုံးဖြစ်ခဲ့မိပါတယ်။
ဒီလိုပါပဲ…
ညအိပ်ယာဝင်ကာနီး… ကျွန်တော်ဘ၀ရဲ့ အမှန်ခြစ်တွေအတွက် ကြည်နူးရမည်လား..
စိတ်ချမ်းသာရမည်လား….နောင်တတရားတွေရမည်လား…..
အတွေးနယ်ချဲ့မိပါတော့သည်။