July 22, 2013 at 4:19pm
တစ်ခါတစ်လေ အမှန်တရားအကြောင်းပြောရတာ နားခါးမှာပါ။ လောကမှာ အမှန်တရားတွေဟာ ခါးသီးတာပါပဲ။ ဆေးခါးကြိး ဆိုပေမယ့်လည်း ရောဂါပျောက်မယ်၊ အသုံးဝင်မယ်ဆို ကြိတ်မှိတ်မြိုချကြရမှာပါ။
မနေ့ က မန္တလေးမှာ ဦးဝီရသူ တရားပွဲ ဗုံးပေါက်ပါတယ်တဲ့။ မအံ့သြစရာကောင်းတဲ့ အံ့သြစရာတစ်ခုပါ။လောကမှာ တစ်ခါတစ်လေ ရှင်းလွန်းအားကြီးနေလွန်းလို့  မရှင်းတော့သလို ဖြစ်နေတဲ့ ဖြစ်ရပ်တွေရှိနေတတ်ကြပါတယ်။ ဒီဖြစ်ရပ်ကလည်း ဒီလိုဖြစ်လိမ့်မယ်၊ ဒီလိုတော့ ဖြစ်လာမှာပဲ ရယ်လို့  ကြိုတင်တွက်ဆလို့ ရတဲ့အရာတစ်ခုပါ။
ဝန်ခံသည်ဖြစ်စေ၊ ၀န်မခံသည်ဖြစ်စေ၊ လက်ခံသည်ဖြစ်စေ၊ လက်မခံသည်ဖြစ်ဖြစ် ဦးဝီရသူဟာ ကောင်းသတင်းနဲ့ ကျော်ကြားတဲ့ ဆရာတော် မဟုတ်ပါဘူး။ ဆိုးသတင်းနဲ့  သာ ကျော်ကြားထင်ရှား လာနေတဲ့သူပါ။
ဒီကရှေ့ မတိုင်ခင်ကလေးမှာကို သူ့ ရဲ့  Page မှာ မဟုတ်မမှန်ပြသနာ ဖြစ်စေမယ့်၊ အမုန်းတရားကြီးထွားစေမယ့်သတင်းမှား ၂ ခု၃ ခုနဲ့  ဖွခဲ့ပါသေးတယ်။ ပြသနာက လူတွေက သူထင်သလောက် မအကြတော့ပါဘူး။သူ့ သတင်းမှန်မမှန် ဆိုတာနဲ့ ၊ အဲဒီသတင်းဇစ်မြစ်တွေကို ချက်ခြင်းဆိုသလို ရှာဖွေဖော်ထုတ် ၊ အမှန်တရားမဟုတ်ကြောင်းအမှန်အစစ်က ဘာဆိုတာ ဖော်ထုတ်လာနေခဲ့ကြတာပါ။
ဒီကာလတွေဟာ အစ္စလမ် ဘာသာဝင်တို့ ရဲ့  ဥပုတ်လပါ။ သူတို့ တွေဆီမှာ ဖြစ်လေ့ရှိကြတဲ့ စစ်ပွဲတွေမှာကိုတောင် အပစ်အခတ်ဆိုတာမျိုး ရပ်စဲပြီး ထိန်သိမ်းဆင်ခြင်လေ့ရှိကြတာပါ။ မြန်မာပြည်မှာတော့ ပိုပြီးဆိုးပါတယ်။ ဖြစ်လိုက်ပြီဟေ့ဆိုရင် ဘယ်သူတွေက ဘယ်သူ့ ဘက်ပါမယ်။ ဘယ်လိုတွေတော့ ခံကြရတော့မယ်။ ဘယ်သူတွေကဖြင့် ရပ်ကြည့်နေမယ်။ ဘယ်လို နာကျင်မှုတွေ ခါးဆီးခံကြရမယ်။ အသက်အိုးအိမ်စည်းစိမ်တွေ ဘယ်လောက်များများကို ဘယ်လိုပုံစံနဲ့  စွန့် လွှတ်လိုက် ကြရရုံသာမက နောက်ဆွဲတွဲ ဒုက္ခတွေ ဘယ်လောက်များဦးမယ် ဆိုတာကို အခုလက်ရှိကြုံခဲ့ကြရတဲ့ ၊ ကြုံထားခံရ တဲ့ မြန်မာပြည်က အစ္စလမ်ဘာသာဝင်တွေ မသိတဲ့သူ မရှိပါဘူး။ မကြောက်ရွံ့ တဲ့သူ မရှိပါဘူး။ မမှတ်မိပဲ မေ့သွားတဲ့သူ မရှိသေးပါဘူး။
ဒုက္ခဆိုတာကို အသက်တွေ၊ ဘ၀တွေပေးပြီးခံထားကြရတဲ့ ကျွန်တော်တို့  ပြည်သူတွေတောင် စစ်အာဏာရှင်ကို ကြောက်လွန်းလို့ ၊ အခုထိ ရွံကြောက်ကြီးကြောက်ပြီး ၊ ယူနီဖောင်းစိမ်းစိမ်းတွေ မြင်ရုံနဲ့ တောင် ၊ ရင်ထဲက ဆို့ တက်လာတဲ့ အကြောက်တရားက သေရာပါမယ့် အနာဖြစ်နေတာကြီးကို ၊ နည်းနည်းလေး ပဲ သူတို့ ကို ကိုယ်ချင်းစာပေးရင် တွေးကြည့်၊ မြင်ကြည့်ပေးလို့ ရပါတယ်။
ဒီအခြေအနေမှာ၊ ဒီအချိန်မှာ ဦးဝီရသူကို ဗုန်းနဲ့ ခွဲဖို့  မပြောပါနဲ့ သူ့ ဘာသာသူ နေမကောင်းဖြစ်မှာ၊ ခလုတ်တိုက် ချော်လဲ မှာကိုတောင် မြန်မာပြည်က ပြည်တွင်းနေအစ္စလမ်တွေ ကြောက်ရွံ့ ပါလိမ့်မယ်။ ဦးဝီရသူမှာ ဖြစ်ပေါ်လာသမျှ ဘေးဒုက္ခအပေါင်း ဟာ သူတို့ အပေါ်ဥပါဒ်ဖြစ်စေမယ်ဆိုတာကို မသိလောက်အောင်တော့ သူတို့  မအကြပါဘူး။ အဲဒီအကြောင်းပြချက်နဲ့ ပဲ သူတို့ လူမျိုးတွေရဲ့ ၊ သူတို့ ဘာသာဝင်တွေရဲ့  နောက်ထပ်အသက်အိုးအိမ်စည်းစိမ်တွေကို အများကြီးပေးဆပ်ကြရမယ်ဆိုတာကို မသိပဲ မနေအောင်၊ သူတို့ ဘ၀တွေ အသက်တွေနဲ့ ရင်းပြီး သင်ခန်းစာဆိုးတွေ ရခဲ့ပြီးသားပါ။
တစ်ခုပဲ ရှိတယ်။ မခံနိုင်တော့လို့  လက်စားပြန်ချေတော့တဲ့အခါ ဆိုရင်လည်း ဒီထက်အဆပေါင်းများစွာ ၊ ဆိုးရွားပြင်းထန် ပါလိမ့်မယ်။ တာလီဘန်တွေ၊ အယ်လ်ကိုင်းဒါးတွေ ဆိုတာ ကျွန်တော်တို့  အပျော်တမ်းတို့ သင့်ထိသင့်တဲ့ အရာတွေမဟုတ်ပါဘူး။ သူတို့ ဟာလည်း အပျော်တမ်းသမားတွေ ဘယ်တုန်းကမှ မဟုတ်ခဲ့ကြဘူး။ ကျွန်တော်တို့  တိုင်းပြည်ရဲ့ ပြသနာတွေထဲကို သူတို့ ဝင်ပါလာဖို့ ကိုလည်း ကျွန်တော်တို့  မဖန်တီးအပ်ပါဘူး။ ကြိုဆိုသင့်တဲ့ ကိစ္စမဟုတ်ပါဘူး။
အဲဒီတော့ ကျွန်တော်ကတော့ ဒီကိစ္စဟာ ပြည်တွင်းနေ အစ္စလမ်ဘာသာဝင်တွေရဲ့  လက်ချက်လုံးဝ မဟုတ်ဘူးလို့  ယူဆပါတယ်။ အစိုးရရဲ့ လက်ချက်လည်း မဟုတ်ဘူးလို့ ပဲ ယူဆပါတယ်။ အစိုးရဟာ ဒီပြသနာကိုပဲ ထပ်ခါထပ်ခါသုံးလို့  အသုံးမ၀င်တော့ဘူး။ အကျိုးမရှိတော့ဘူး ဆိုတာ သိပြီးသားပါ။
ဦးသိန်းစိန်ရဲ့  နိုင်ငံခြားခရီးက ပြန်ရောက်လာကာစမှာ သူဘယ်လိုမှ အရှက်ကွဲ ပြသနာဖြစ်တာ မခံလိုပါဘူး။ဦးေ၇ွှမန်း ရိုးသား အေးချမ်း ပြီး ငြိမ်းချမ်းတဲ့ သူ့ ရဲ့  မျက်နှာစာကို ဇွတ်ပုံပန်းဆင်နေတဲ့ အခါသမယ၊ အရာရာသူ့ အတွက်ပန်းခင်းတဲ့လမ်း
ဖြစ်နေတယ်လို့  ယူဆနေတဲ့အချိန် သူဒီပုံရိပ်ကို ဒီလောက်နဲ့ မလဲပါဘူး။ ဒါဆို တပ်ချုပ်ရော သူကပိုပြီးအနေသာကြီး။ လောလောဆယ် ဘေးမှာ ခပ်ခွာခွာနေနေသေးတဲ့သူ။ တိုင်းပြည်ချောက်ထဲမကျမခြင်း၊ ၀င်ပါစရာမလိုဘူးလို့  အခုနေတော့ သူ့ အနေအထားသူ ခိုင်မာသထက်ခိုင်မာအောင် လုပ်နေရရင်း၊ ဖြစ်နိုင်မယ်ဆိုရင် အရင်သြဇာဟောင်းအောက်က လွတ်ဖို့  ကြိုးစားပြီး အမှန်တစ်ကယ် တပ်ချုပ်ပါဝါ ပြည့်ဝဖို့ အတွက်သာ လောလောဆယ်မှာ အာရုံရှိနေတဲ့သူ။
ဒါဆိုရင် ဘယ်သူလဲ။ ဘယ်သူတရားခံလည်း။ ရှင်းရှင်းကြီးပါ၊ တရားခံက ကိုယ်တိုင်ပါ။ ကိုယ့်ကိုယ်ကိုယ် ပါးပါးလေး စတေး ပြလိုက်တာပါ။ မသိမသာ ပါးပါးလေး ရှပ်ထိပြလိုက်တာပါ။ သူ တစ်ခုပဲ မှားသွားတာက ကျွန်တော်တို့ တစ်ပြည်လုံးဟာ လူညံ့တွေ မဟုတ်ဘူးဗျ။ မြင်တတ်တယ်။ တွက်တတ်တယ်။ ကြည့်တတ်တယ်။
ဦးဝီရသူရဲ့  Page က ချက်ချင်း အချိန်နဲ့ အမျှ သတင်းတွေ ၊ ရုပ်ပုံတွေ ဝေေ၀ဆာဆာ တက်တယ်။ မအံ့သြစရာကောင်းတဲ့ အံသြစရာတစ်ခုပဲ။ ခပ်ညံ့ညံ့လူရဲ့  သွေးဆောင်ဖျားယောင်းမှုနောက်ကို ခပ်တုံးတုံး သူတွေပဲ လိုက်ကြမှာပေမယ့် ကျွန်တော်တို့  ပြည်သူတွေက ထင်သလောက် မတုံးကြပါဘူးဗျ။
ဒါပေမယ့် ဒီနေရာမှာ သမ္မတကြီးနဲ့ အစိုးရကိုရော ၊ လွှတ်တော်ဥက္ကဌကြီး သူရဦးရွှေမန်းကိုရော ကျွန်တော်လေးလေးနက်နက် တောင်းဆိုချင်တာ၊ တင်ပြချင်တာ ရှိပါတယ်။ သမ္မတကြီးလည်း ဒီကျန်တဲ့ သက်တမ်းလေး ဂုဏ်သိက္ခာရှိရှိလေး သမ္မတ ဆက်လုပ်သွားရအောင်၊ လွှတ်တော်ဥက္ကဌကြီးလည်း အနာဂတ်သမ္မတကြီး လုပ်ဖို့  ဖြောင့်ဖြူးနေပြီးသား လမ်းလေး ဆက်ပြီးချောမွေ့ သွားအောင်၊ နိုင်ငံခြားတွေမှာ သမ္မတကြီးတို့ ၊ ဥက္ကဌကြီးတို့ ရဲ့  ဘာသာရေး အကြမ်းဖက်မှုတွေကို လုံးဝ သည်းခံ သွားမှာ မဟုတ်တော့ဘူး။ ပြတ်ပြတ်သားသား အရေးယူတော့မယ် ဆိုတဲ့ စကားတွေနဲ့  လည်းညီအောင်၊ ကိုယ့်ပြောခဲ့တဲ့ စကားတည်အောင် တစ်ခုတော့ လုပ်ပေးစေချင်ပါတယ်။
တရားခံရှာပေးဖို့  မဟုတ်ပါဘူး။ မြန်မာပြည်မှာ တရားခံရှာရတာ အခက်ဆုံးအလုပ်ဆိုတာ ကျွန်တော်တို့ သိကြပါတယ်။တစ်ချို့ တရားခံတွေက ဘယ်လိုရှာရှာ ဒီနိုင်ငံမှာ တွေ့ လေ့မှမရှိတာ။ အခုတောင်းဆိုချင်တာက သမ္မတကြီးတို့ ၊ လွှတ်တော်ဥက္ကဌကြီးတို့ အတွက် လုပ်ဆောင်ပေးဖို့  လွယ်မှာပါ။ အရင်အစိုးရ အဆက်ဆက်လက်ထက် ကတည်းကရော၊ အခုအထိပါလိုအပ်ရင် လိုအပ်သလို သုံးစွဲလေ့ရှိတဲ့ တားမြစ်ချက်တစ်ခုရှိပါတယ်။ နိုင်ငံတော်အတွက်အန္တရာယ် ရှိလာရင်၊ တိုင်းပြည် မှာ
မငြိမ်မသက် ဖြစ်အောင်၊ ဆူပူမှု ဖြစ်အောင်၊ လုပ်ဆောင်မယ့်၊ လှုံ့ ဆော်တရားဟောတော့မယ်ဆိုရင် အဲဒီဆရာတော်တွေကို တရားဟောခွင့် ပိတ်ပင်လေ့ရှိခဲ့ပါတယ်။
ဟိုတုန်းကလည်း ဒေါ်စုကို သူလျှောက်သွားပြီးစကားတွေဘာတွေ၊ မိန့် ခွန်းတွေဘာတွေ လျှောက်လျှောက် ပြောရင် တိုင်းပြည် ဆူမှာ ပူမှာ စိုးလို့ ၊ နေအိမ်ထဲမှာတောင် ဘယ်သူနဲ့ မျ မတွေ့ ရအောင်၊ ဘာစကားမှ မပြောရအောင်လည်းထားခဲ့ဖူးတာပဲလေ။ အခုလည်း အဲဒီဦးဝီရသူဟာ တိုင်းပြည်အတွက် တော်တော်လေး အန္တရာယ် ရှိမယ့် အနေအထားရောက်နေတာပါ။ ဒါကိုတော့ လျစ်လျူရှုထားဖို့  ဘယ်နည်းနဲ့ မှ မသင့်ဘူး မဟုတ်ပါလား။
အဲဒါကြောင့် သမ္မတကြီးတို့ ၊ ဥက္ကဌကြီးတို့  အရင်တုန်းက လုပ်ခဲ့ကြဖူးသလို အတင်းသင်ဃန်းဆွဲချွတ်တာတွေ၊ ဘာတွေတော့ မလုပ်ချင်နေပါ။ နေအိမ်ထဲပိတ်ထားသလို၊ ကျောင်းတွေ ဘာတွေထဲ ပိတလှောင်မထားချင်လည်းနေပါ။ တရားဟော တာတွေ ဘာတွေတော့ တားမြစ်သင့်ပြီလို့  ထင်ပါတယ်။ မဟုတ်ရင် နိုင်ငံခြားမှာ ကတိတွေ ပေးလိုက်၊ ပြည်တွင်းပြန်ရောက်တော့ မသိချင်ယောင်ဆောင်လိုက်နဲ့ ။ သိက္ခာဆိုတာလည်း မကျန်တော့သလောက် ဖြစ်နေလို့ လေ။
အရေးယူပါမယ်ဆိုတဲ့ ကတိနဲ့ ညီအောင် အရေးမယူသေးရင်တောင် သူ ဟိုပြောဒီပြော လျှောက်မပြောနိုင်အောင် တော့ ထိန်းပေးကြပါတော့လို့  တောင်းဆိုချင်ပါတယ်။ မှော်ဘီသံဃာ့ညီလာခံတုန်းကတောင် သူ့ ကိုစကားပြောခွင့်၊ မိန့် ခွန်းချွေ ခွင့် မရအောင် ဆရာတော်တွေ ၀ိုင်းထိန်းပေးခဲ့ကြတာလို့  သိရပါတယ်။ တာဝန်ရှိသူများ ဆိုတာလည်း အဲဒီလောက်တော့လုပ်ပေးဖို့  တာဝန်ရှိတယ် မဟုတ်ပါလား။
တိုင်းပြည်အတွက် တာဝန်ယူပေးချင်ကြလွန်းလို့ ပါ ဆိုပြီး ဒီနေရာတွေမှာ ထိုင်နေကြတာဆိုတော့လေ.....။ ။
ပြည်ချစ်သူ
22.7.2013