ကျောက်အုတ်တို့ ဖြင့်သာလျှင်.....

မြန်မာစကားတွင်သားရွှေအိုးထမ်းလာတာကိုမြင်ချင်သည်  ဟူသည့်   စကားရှိသည် ။  အလွန်ကောင်းပါသည် ။ယခုလည်း  ကျွန်တော်တို့ သည်  သားရွှေအိုး ထမ်းလာသည်ကိုသာ မြင်ရဖို့  ၂၀၀၈  ဖွဲ့ စည်းပုံကြီးကို ပြင်၍ရနိုးနိုး မျှော်လင့်ကြည့်မိနေသူတို့ သာဖြစ်၏ ။  သားရွှေအိုးထမ်းလာတာကို  ကျွန်တော်တို့ မြင်လိုကြသည် ။ဆန္ဒဟူသည်မှာ  ပြည့်ဝခဲ့လျှင်ကောင်းပါ၏ ။  အကယ်၍  ....ဆိုတာမျိုးသာရှိခဲ့ပါလျှင်  ထို့ အတွက်တော့ကျွန်တော်တို့ မှာ   အရန်အစီအစဉ်  ရှိသင့်ပြီ ။  လှမ်းရမည့်နောက်အလှမ်းတွေအတွက်   အရန်အစီအစဉ်များရေပက်မ၀င်အောင်   ရှိသင့်ခဲ့ပြီဟု   ယုံကြည်ပါသည် ။



၂၀၀၈ နှင့်ပတ်သက်၍ရေးကြည့်မိခဲ့သမျှ့  သူတို့အကြိုက် ၊ သူတို့ အကျိုးစီးပွားအတွက် အချို့ကိုလိုတိုးပိုလျှော့
လုပ်ရုံကလွဲလို့   အရေးပါသည့်အချက်များ ၊ အထူးသဖြင့်တော့  ပြည်သူလိုလားသည်များသည်  သူတို့ ၏   အလိုနှင့်  ဆန့် ကျင်နေသမျှ  လုံးဝ    တို့ မည် ထိမည် မဟုတ်ဟု  ယုံကြည်ကြောင်းသာ   ရေးခဲ့သည် ။  အဆိုပါ   မျှော်လင့်ချက်ကြီးနှင့်တော့ ရန်သူကို အထင်သေးစွာ  ထိုင်စောင့်ပြီး  မျှော်လင့်မနေစေချင်ပါ ။ ကမ္ဘာ့သက်တမ်း အကြာဆုံးရေးဆွဲခဲ့သည့်   အခြေခံဥပဒေတစ်ခုသည်  ပြန်ပြင်သည့်အခါတွင်လည်း   ကမ္ဘာ့မှတ်တမ်းစံချိန်  မ၀င်ဟု  မည်သူကမျှ   အာမမခံနိုင်ပါ ။


အကယ်၍  ၂၀၀၈  အချိန်မှီ ပြင်လို့ မရခဲ့ပါဟု  ဆိုပါတော့ ....။  ဒေါ်အောင်ဆန်းစုကြည် ဘယ်လမ်းရွေးပါမည်နည်း ။NLD  ဘာလဲ ဘယ်လဲ  မေးရတော့မည်သာဖြစ်သည် ။  ဘင်္ဂလီများ   နိုင်ငံရေးထဲပါမလာရေး နှင့် ၊ လွှတ်တော်ထဲမှမောင်းထုတ်နိုင်ရေးတို့ ကို အတိုက်အခံခေါင်းဆောင်၏  သမ္မတဖြစ်ရေး ဥပဒေတို့ နှင့်   အလျော်အစားလုပ်ရန်အပေးအယူကမ်းလှမ်းချက်တစ်ခုသာ  ဖြစ်လာလိမ့်မည်ဟု ယူဆရသည် ။


ဤနေရာမှာ  အိန္ဒိယ၏  နိုင်ငံရေးသမိုင်းစာမျက်နှာကို  တစ်ချက်လှမ်းကြည့်ချင်သည် ။   အင်္ဂလိပ်လက်အောက် အတူ ရောက်ခဲ့ကြတာချင်းရော ၊ လွတ်လပ်ရေး ကြိုးပမ်းရမှု  သမိုင်းအစဉ်အလာများ ၊  လူမျိုးစုပြသနာများ ၊ဇာတ်အနိမ့်အမြင့်ခွဲခြားမှု အစဉ်အလာများ ၊  နယ်စပ်လုံခြုံရေးပြသနာများ ၊ ဘာသာရေး  လူမျိုးရေး အစွန်းရောက်မှုများနှင့် တူညီနေရုံသာမက ၊ ၊ ရှုပ်ထွေးမှုများသော နိုင်ငံအဖြစ်   လူဦးရေပေါက်ကွဲမှုနှုန်းအရ   သူကပင် သာချင်နေသေးသည် ။  တိုးတက်မှုအရကြတော့လည်း   သူကပင်သာနေသေးသည် ။


ထိုနိုင်ငံ၏ နိုင်ငံရေးဖြတ်သန်းမှုသမိုင်းကို  ဖြတ်သန်းကြည့်လိုက်လျှင်  ကျွန်တော်တို့ ထက်သာသည်ကတော့  စစ်တပ်အာဏာသိမ်းမှု မျိုး တစ်ခါမှ  မရှိခဲ့ပဲ ၊  စစ်တပ်သည် နိုင်ငံရေးမှာ ၀င်ရောက်စွက်ဖက်ခြင်း  မည်သည့်အခါမျှ မပြုလုပ်ခဲ့ပဲတက်လာသည့် အစိုးရ၏  အုပ်ချုပ်မှုအောက်မှာသာ   အမြဲနာခံခဲ့သည် ။  လွတ်လပ်ရေးရတာ ကျွန်တော်တို့ ထက်နှစ်အနည်းငယ်နောက်ကျသော်လည်း  လွတ်လပ်ရေးရကတည်းက  ဒီမိုကရေစီ အမြစ်တွယ်ခွင့်ရခဲ့သည် ။  အိန္ဒိယIndian National Congress (  INC ) ပါတီသည်  ၁၂၅  နှစ်သက်တမ်းကြာခဲ့ပြီဖြစ်သည့်  မဟတ္တမဂန္ဒီကြီးလက်ထက်ကတည်းက သက်တမ်းရှည်ပါတီ ဖြစ်သည် ။ ပါတီတစ်ခုသည်လည်း  နိုင်ငံတစ်ခုကဲ့သို့ ၊ လူတစ်ယောက်ကဲ့သို့  ပင်ကံကြမ္မာအတက်အကျမျိုးစုံ ၊ လောကဓံအဆိုးအကောင်းမျိုးစုံကို  ကြံ့ကြံ့ခံကျော်ဖြတ်ခဲ့ရသည်ပဲဖြစ်၏ ။



ဝန်ကြီးချုပ်နေရူးလက်ထက်က  ဂန္ဒီကိုလေးစားသောအားဖြင့် ဂန္ဒီမျိုးဆက်အဖြစ် အမည်ဆက်ခံလာခဲ့သည့် မျိုးဆက်သည်ို INC ပါတီ၏  ခေါင်းကြီးပိုင်းမှ  အဆင့်ဆင့် လက်ကမ်းယူပြီး  အိန္ဒိယ သမိုင်းကို  ဆက်လက်မောင်းနှင်ခဲ့ကြသည်မှာ 1947  မှသည်  2013 အထိ  နှစ်ပေါင်း ( ၆၆ နှစ် )   ကြာခဲ့ပြီ ။ သူတို့ သည်လည်း  သမိုင်းတစ်လျှောက်မှာ အမြဲတောက်ပ  ချောမွေ့ ခဲ့ကြသည်တော့မဟုတ် ။ အသက်သွေးချွေးတွေ ၊ ပေးဆပ်ရမှုတွေ အနန္တနှင့်သာဖြစ်ခဲ့ကြသည် ။  အိန္ဒိယ၏  လွတ်လပ်ရေးဖခင်  မဟတ္တမဂန္ဒီကြီးသည်  လွတ်လပ်ရေးရသည်နှင့်  နိုင်ငံရေးအာဏာကို လုံးဝမယူပဲ ၊ နေရူးကို နိုင်ငံရေးစင်မြင့်ပေါ်သို့ တင်ခဲ့သည် မှာ အိန္ဒိယ၏  ကံကောင်းခြင်းမျိုးဆက် ကိုတည်ထောင်ပေးခဲ့သလို  ဖြစ်ခဲ့ရသည် ။


နေရူးသည် ပါတီနှင့်နိုင်ငံကိုကောင်းစွာ ဦးဆောင်နိုင်ခဲ့ပြီး အမွေအဖြစ်နှင့် သမီးအင်ဒီရာဂန္ဒီ ( Indira Gandhi )၏လက်သို့  အိန္ဒိယ နိုင်ငံကို (၁၉၆၆ မှ ၁၉၈၄ ) အထိယုံကြည်စွာအပ်နှင်း နိုင်ခဲ့သည် ။  နေရူးမှဆင်းသက်လာခဲ့သည့် အင်ဒီရာဂန္ဒီ၏မျိုးဆက်မှာ သားအကြီး ရာဂျစ်ဂန္ဒီ ( Rajiv  Gandhi ) သည် နိုင်ငံရေးကို စိတ်မ၀င်စားခဲ့။ အီတလီသူကိုယူ၍  နိုင်ငံရပ်ခြားမှာသာ အနေများခဲ့သည် ။ သို့ သော်လည်း  မိခင်ဖြစ်သူလက်ဆင့်ကမ်းရန် ပြင်ဆင်ထားသည့် ညီဖြစ်သူ ဆန်ဂျေးဂန္ဒီ ( Sanjay  Gandhi ) 1980  မှာ လေယျာဉ်ပျက်၍ကွယ်လွန်အပြီးမှာတော့ ၊ သမိုင်းပေးတာဝန်အရ နိုင်ငံရေးလောကထဲကို  1982 မှာ မလွှဲမရှောင်သာ ၀င်ရောက်လာခဲ့ရသည် ။ ရာဂျစ်သည် INC ပါတီမှနေ၍  သူ့ မိခင် လုပ်ကြံခံခဲ့ရသည့် 1984 မှ 1991  သူထပ်မံ လုပ်ကြံသတ်ဖြတ်ခြင်း  ခံရချိန်အထိ အိန္ဒိယ ၀န်ကြီးချုပ် လုပ်ခဲ့သည် ။


ထိုအချိန်မှာပင်ပါတီက ရာဂျစ်၏ မိန်းမ အီတလီသူ ( အိန္ဒိယနိုင်ငံသားခံယူထားသည် ) ကို နိုင်ငံရေးတွင် ဆက်လက်ပါဝင်ရန်ကမ်းလှမ်းခဲ့သော်လည်း   ( Sonia Gandhi ) ဆိုနီယာဂန္ဒီသည်  နိုင်ငံရေးနှင့်  ဝေးဝေးမှာသာနေခဲ့သည် ။ NIC ပါတီမှ အခြားတစ်ယောက်သာ ရွေးကောက်ပွဲဝင်ပြီး ၀န်ကြီးချုပ်ဖြစ်လာခဲ့၏ ။ သို့ သော် 1996 ရွေးကောက်ပွဲမှာတော့  NIC ပါတီရှုံးနိမ့်မှုနှင့်အတူ  ပါတီတွင်းအကွဲအပြဲများနှင့် ပါတီ၏စည်းလုံးညီညွတ်မှု  ပြိုကွဲလာခဲ့သည် ။  ပါတီဥက္ကဌကို ဆန့် ကျင်လာခဲ့ကြသည် ။ ထိုအချိန်မှာတော့ NIC နှင့် အိန္ဒိယကို ပြန်လည်ကယ်တင်ရန်အတွက် ဆိုနီယာဂန္ဒီက ပါတီအတွင်းဝင်ရောက်ဖို့  1997 မှာ လက်ခံခဲ့သည်။  ၀င်ရောက်ပြီး  62 ရက်အကြာမှာ  ပါတီခေါင်းဆောင် နေရာကို ရယူနိုင်ခဲ့သည် ။  1999 တွင် အောက်လွှတ်တော်အမတ်နေရာကို  အနိုင်ရရှိခဲ့သည် ။  တစ်ပြိုင်နက်တည်း  အောက်လွှတ်တော်ဥက္ကဌ  ရာထူးကိုပါ ရယူနိုင်ခဲ့၏ ။   1996 မှစတင်  အင်အားလျော့နည်း  လာခဲ့သည့် NIC  ပါတီသည်လည်း   လွှတ်တော်တွင်းမှာ  ပြန်လည်အင်အား  တောင့်တင်းလာခဲ့သည် ။


2004  အထွေထွေရွေးကောက်ပွဲမှာတော့ NIC ပါတီ၏ သမိုင်းတစ်လျှောက်မှာ အမတ်နေရာအများဆုံးနှင့် အနိုင်ရရှိခဲ့သည် ။ထိုအချိန်မှာ  ပါတီအတွင်းမှာရော ၊ ပြိုင်ဘက်ပါတီတွေကပါ ဆိုနီယာဂန္ဒီ၏ နိုင်ငံသားဖြစ်မှု ၊ လူမျိုးခြားဖြစ်တည်မှုတို့ နှင့်ပတ်သက်ပြီး နိုင်ငံတော်အာဏာ ရယူရန်ကို ပြင်းပြင်းထန်ထန်  ဆန့် ကျင်လာခဲ့ကြသည် ။  အိန္ဒိယ၏  သမိုင်းအစဉ်အလာ ၊ ဇာတ်အမျိုးအမည်  ကွဲပြားမှုတို့ နှင့် အယူသီးအစွဲအလန်းကြီးမှုတို့ ကို အပြင်းအထန် တိုက်ခိုက်ခဲ့ရသမျှ ဆိုနီယာ၏  သမိုင်းသက်တမ်းအတွင်းမှာ  အဆိုးရွားဆုံး  ထိုက်တိုက်ရင်ဆိုင်ရမှုတွေ ဖြစ်လာခဲ့သည် ။


ဆိုနီယာဂန္ဒီသည် အိန္ဒိယသွေး တစ်စက်မှမပါသော်လည်း  အိန္ဒိယအပေါ်မှာ တာဝန်ကျေပွန်မှုကို သူ၏အတ္တထက်ပို၍ ပေးဆပ်ခဲ့သည်။  ဂန္ဒီမျိုးဆက်၏  သမိုင်းစဉ်ဆက်တည်တန့် နိုင်မှုကိုသာ  နိုင်ငံရေးအာဏာထက် အလေးပေးရွေးချယ်ခဲ့သည် ။  ပါတီအကြီးအကဲ  အဖြစ်သာတာဝန်ယူ၍  ပါတီတွင်းမှ သင့်တော်သူကိုသာ  2004 ၏ ၀န်ကြီးချုပ်အဖြစ် တင်မြှောက်ပေးခဲ့သည် ။


သူ၏ ပြောင်မြောက်သည့် နိုင်ငံရေးလှုပ်ရှားမှုအဖြစ် ဆိုနီယာသည် အိန္ဒိယနိုင်ငံရေးကို  နောက်ကွယ်မှ ထိန်းချုပ်နိုင်ဖို့ စတင်ခြေလှမ်း ပြင်လာခဲ့သည်မှာ  ယခင်က ၁၅  ပါတီမျှလောက်နှင့်သာ ဖွဲ့ စည်းထားသည့် အဖွဲ့ အစည်းတစ်ခုကို United Progressive Alliance ( UPA ) အဖြစ် ခိုင်ခိုင်မာမာဖွဲ့ စည်းခဲ့ပြီး ပါလီမန်မှာ  တစ်ပါတည်းထဲက ကြီးစိုးလွှမ်းမိုးလို့ မရအောင် ကာကွယ်နိုင်ဖို့ ရာအတွက် 2004  အထွေထွေ ရွေးကောက်ပွဲပြီးကတည်းက  ဖွဲ့ နိုင်ခဲ့ပြီး ၊  အဲဒီအဖွဲ့သူကဥက္ကဌအဖြစ်နဲ့  အိန္ဒိယ လွှတ်တော်ကို ချုပ်ကိုင် နိုင်ခဲ့သည် ။  ပိုပြီးအရေးပါတာက  constitutional body  မဟုတ်တဲ့ Shadow Cabinet  လို့ လည်းတရားမ၀င် အသိအမှတ်ပြုကြရတဲ့  National  Advisory  Council (   NAC  ) ဆိုတာကို ဆိုနီယာ ဖွဲ့ စည်းချုပ်ကိုင်နိုင်ခဲ့သည် ။


အဲဒီအဖွဲ့ အစည်းရဲ့ရည်ရွယ်ချက်ကိုက  အစိုးရအဖွဲ့ ထဲက အစိုးရ အသေးစားကလေးပါ ။  တိုင်းပြည်ရဲ့အဓိကကျတဲ့ Policy ရေးရာများကို  အဲဒီအဖွဲ့ က ဆုံးဖြတ်ကြပြီး ၊  တရားဝင်အစိုးရရဲ့နောက်ကွယ်က  အရေးပါတဲ့ အဖွဲ့ အစည်းငယ်တစ်ခုဖြစ်ခဲ့၏  ။ အဲဒါကိုလည်း   ဆိုနီယာ ဂန္ဒီကပဲ ကြီးကြပ် ကွပ်ကဲထိမ်းချုပ်ခဲ့သည် ။   အဲဒီတော့  အစွဲအလန်းကြီးလွန်းလှတဲ့ အိန္ဒိယ နိုင်ငံရေးလောကကို  ရှေ့ တန်းထွက်မလာပဲ  နောက်ကွယ်ကနေ  ပါဝင်လှုပ်ရှားနေခဲ့တဲ့   လူမျိုးခြား အမျိုးသမီးတစ်ယောက်ရဲ့ လှုပ်ရှားနိုင်မှုတွေပဲဖြစ်သည် ။  ထိုမှသည် ယခုအထိ  အိန္ဒိယတွင် အစိုးရအဖွဲ့ အနေနှင့်တော့  အပြောင်းအလဲများ  ရှိခဲ့သည် ။   သို့ သော် အာဏာသည် INC  ပါတီအတွင်းမှလာသည် ။  Policy maker များသည်  ပါတီအတွင်းမှနေ၍  အရေးပါသည့်   တိုင်းပြည်၏ မူဝါဒများကို ဆက်လက်ချမှတ်  နေကြသည် ။


နိုင်ငံရေးမှာပါဝင်ဆောင်ရွက်ခွင့်နှင့် ပါဝင်ဆောင်ရွက်နိုင်သည့် ပုံသဏ္ဍန်ကို   အိန္ဒိယ လိုနိုင်ငံမျိုးမှာ  လိမ္မာပါးနပ်စွာ  ရွေးချယ်  ဆောင်ရွက်နိုင်ခဲ့သည့်  အမျိုးသမီးတစ်ယောက်၏  အံမခန်းစွမ်းဆောင်နိုင်မှု နှင့်  နှိမ့်ချ နိုင်မှု ၊သည်းခံနိုင်မှုတို့ ကိုတော့  ကျွန်တော်တို့  မဖြစ်မနေ အသိအမှတ်ပြုကြရလိမ့်မည် ။


မြန်မာပြည်မှာကတော့ အိန္ဒိယနှင့် တူနေသည်များရှိနေသလို ၊ လုံးလုံးကွဲပြားနေသည့်အရာများကတော့လည်း ရှိနေခဲ့ကြသည် ။ သူတို့ မှာက  ဒီမိုကရေစီစနစ်  က အမြစ်ကောင်းစွာ တွယ်နေပြီးသားဖြစ်ပြီးသကဲ့သို့  ၊ အာဏာရှင်က မကြာခဏ အာဏာသိမ်းမှုတို့ လည်းမရှိ။ ထို့အတူ  ကျွန်တော်တို့ ထက်ပိုမိုဆိုရွားသည့်  လူဦးရေပေါက်ကွဲမှု နှင့် ဘာသာရေးပြသနာများ ၊ ဇာတ်ခွဲခြားမှုများ ဖြင့်လည်း  သူ့ ပြသနာနှင့်သူ တော့လည်း  ရှုပ်နေခဲ့သည် ။


ကျွန်တော်ပြောချင်သည်က  ပုံတူကူးရန်မဟုတ် ။ အတုယူရန်မဟုတ် ။  ဒုတိယ လမ်းကြောင်း ၊ တတိယ လမ်းကြောင်းများကို အချိန်စောစွာ ကြိုရှာထားကြည့်စေချင်တာ ၊ ကြိုတင်ကူးပြီး  ပြင်ဆင်ပြီးသားဖြစ်စေချင်တာသာဖြစ်သည် ။  ယခုအချိန်မှာ ကောင်းနေနိုင်ခဲ့ကြသည့်     နိုင်ငံများ၏  သမိုင်းကြောင်းကို   လက်လှမ်းမှီသလောက်စေ့ငုကြည့်မိတော့   အရန်အစီအစဉ်များ ကောင်းစွာ ရှိနေခဲ့ကြသည် ။  လက်ဆင့်ကမ်းရမယ့်သူတွေကို  ကြိုတင်အားဖြည့်ထားနိုင်ခဲ့ကြသည် ။ကြုံသလိုပေါ့ ။ ကြည့်ကြက်လုပ်ကြတာပေါ့ ဟူသည်ကနေတော့  သမိုင်းတစ်ခုသည်  တော်ရိလျော်၏ပဲ  ဖြစ်သွားခဲ့ကြပါသည် ။


ကျွန်တော်၏  အတွေးများသည်  ၂၀၀၈ အားလုံးဝပြင်ပေးမည်မဟုတ်ဟု အခြေခံသော မူအပေါ်မှာသာ  တွေးခြင်းဖြစ်သည် ။သားရွှေအိုးထမ်းလာသည်ကို မြင်ခဲ့ရလျှင်တော့  အကောင်းတကာ့ အကောင်းဆုံး  ဖြစ်ပေလိမ့်မည် ။  မဟုတ်လျှင်ကော....။ကြောက်နေ စိုးရိမ်နေရုံမျှနှင့်မပြီး ၊  သည်းခံကာ ကြိုတင်ပြင်ဆင်သင့်သည် ။   ရန်သူသည် အသာတစ်ကြည်မျှနှင့်တော့မည်သည့်အရာကိုမျှ  လက်လွှတ်လိမ့်မည် မဟုတ် ။


အနာဂတ်အတွက်  နောက်ကွယ်က ခေါင်းဆောင်သည်  လူထုခေါင်းဆောင်  ဖြစ်သည်ဟု ဆိုပါတော့...။ရှေ့ထွက်ဖို့ ခေါင်းဆောင်တစ်ယောက်တော့  အနည်းဆုံးလိုလိမ့်မည် ။  အားကောင်းသော ပါတီ အဖွဲ့ အစည်းတစ်ခု၊ညီညွတ်စွာ ခိုင်မာတောင့်တင်းသည့် ၊  စည်းလုံးသည့် ၊ အရည်အချင်းပြည့်ဝသည့် ၊  ပါတီတစ်ခုကတော့အရေးကြီးဆုံးလိုအပ်ပါလိမ့်မည် ။ ကျွန်တော်တို့ သည်  ကံရာဇာငယ်၏   မျိုးဆက်များသာ ဖြစ်ကြကုန်၏ဟုဆိုပြီးဝါးခြမ်းထုံးသုတ်တတ်ရုံမျှနှင့်တော့ဖြင့်   နေ့ ချင်းညချင်း  တိုင်းပြည်တစ်ခုကို  တည်ဆောက်၍  မရကြကုန်ပေဘူးမဟုတ်ပါလား။




                                                             ပြည်ချစ်သူ


                                                             4.9.2013