မိမိကိုယ်ကို ဖော်ထုတ်ခြင်း

မိမိကိုယ်ကို ဖော်ထုတ်ခြင်း
==============
ကလေးတွေမှာ သဘာဝအတိုင်း စိတ်ထဲရှိတာ ထုတ်ပြောတတ်တဲ့အလေ့အထလေးတွေ ရှိကြပါတယ်။ လူကြီးတွေအတွက် နားဝင်ချိုတာလည်းရှိ၊ နားထောင်မကောင်းတာလည်း အများသားပါ။ သူတို့လေးတွေမှာ ဘ၀ရဲ့ဝန်ထုပ်ဝန်ပိုးတွေ၊ သူများကဘယ်လိုထင်သွားမလဲလို့ စိတ်ပူပန်မှုတွေနဲ့ ပတ်ဝန်းကျင်ရဲ့ ဖိအားတွေက လွတ်ကင်းနေတာကြောင့် အဖြူထည်လေးတွေအဖြစ် ဖော်ထုတ်ခွင့်ရှိချိန်က တကယ်တော့ ခဏလေးမှ ခဏလေးရယ်ပါ။ အရှိကို အရှိအတိုင်းထုတ်ပြောလိုက်နိုင်တဲ့ လွတ်လပ်တဲ့ဘ၀။ ဘယ်လောက်များ အားကျစရာကောင်းလိုက်လေသလဲနော်။

ဒီအချိန်လေးကို တန်ဖိုးထားရှင်သန်ဖို့ မြန်မာ့မြေ၊ မြန်မာ့ရေမှာ သိပ်ဖြစ်နိုင်မယ်မထင်ပါဘူး။ ဒါကို ဆက်လက်ထိန်းသိမ်းထားဖို့ဆိုတာကတော့ ပိုလို့တောင်မှ ခက်ခဲပါဦးမယ်။ လူကြီးပြောတာနားထောင်၊ ပြန်မပြောနဲ့ဆိုတဲ့ ယဉ်ကျေးမှုက အမြစ်တွေလို နက်နက်တွယ်နေပြီမို့လား။

မိမိကိုယ်ကို ဖော်ထုတ်ဖို့ဆိုတာ စကားလုံးတွေ၊ အ၀တ်အစားအသွင်အပြင်တွေ၊ အနုပညာဖန်တီးမှုတွေနဲ့ ပုံစံအမျိုးမျိုးဖြစ်နိုင်ပါတယ်။ အဓိကကတော့ ကိုယ်ဟာကိုယ်ပဲလို့ လူတွေမြင်နိုင်အောင်နဲ့ ဒီလို အမြင်ဖလှယ်နိုင်မှုဟာ ငြိမ်းချမ်းမှု၊ ပျော်ရွှင်မှုနဲ့ ပြီးပြည့်စုံမှုတွေအတွက် ရေသောက်မြစ်ဆိုတာ သိထားဖို့ပါပဲ။ နှလုံးသားချင်းသိနားလည် ဆိုတာမျိုးပေါ့လေ။

အခါများစွာမှာ ကိုယ့်ဆန္ဒနဲ့ ကိုယ့်ကိုယ်ကို ဘယ်လိုထုတ်ဖော်ရကောင်းမှန်း မသိတာမျိုးတွေက ဖြစ်လေ့ဖြစ်ထရှိပါတယ်။
အကြံပြုတဲ့ နည်းလမ်းအချို့ကတော့

(၁) ကိုယ့်အမြင်အတိုင်း ထုတ်ပြောပါ။
---------------------------------------
တစ်စုံတစ်ယောက်က ကိုယ့်ကို စော်ကားမော်ကား ပြုမူပြောဆိုလာတဲ့အခါ မြန်မာတွေပီပီ ရှောင်ထွက်သွားမိတတ်ပါတယ်။ ကိုယ်ဘယ်လိုမြင်တယ်၊ ဘယ်လိုရပ်တည်တယ်ဆိုတာကို ရဲရဲရင့်ရင့် ပွင့်ပွင့်လင်းလင်းထုတ်ပြောလိုက်ခြင်းအားဖြင့် ထိပ်တိုက်ရင်ဆိုင်စရာတွေ ဖြစ်ကောင်းဖြစ်လာနိုင်ပေမယ့်လည်း မပြောပဲနေလိုက်ရင် ကိုယ့်ကိုယ်ကို ယုံကြည်မှုနဲ့ လေးစားမှုတွေကို ထိခိုက်နိုင်ပြီး ကျန်းမာရေးတောင် မကောင်းဖြစ်တတ်ပါတယ်။ ရိုင်းရိုင်းစိုင်းစိုင်း ရန်တွေ့ဖို့တော့ မဟုတ်ဘူးပေါ့လေ။ ယဉ်ယဉ်ကျေးကျေး၊ သိမ်သိမ်မွေ့မွေ့နဲ့ပဲ ဒီစိန်ခေါ်မှုကို ရင်ဆိုင်ဖြတ်သန်းသင့်ပါတယ်။ ဒါကို အလေ့အကျင့်ဖြစ်အောင်လုပ်နိုင်မယ်ဆိုရင် သတ္တိတွေပိုရှိလာပြီး ခက်ခဲတဲ့ဆွေးနွေးပွဲတွေကို လွယ်လွယ်ကူကူကျော်ဖြတ်နိုင်လာပါလိမ့်မယ်။

(၂) ကိုယ့်ကိုယ်ကို ဘောင်ခတ်မထားပါနဲ့။
-------------------------------------------
ကိုယ်အကြောင်းကိုယ် သတ်မှတ်တဲ့အခါ ရှိရင်းစွဲ ကျွမ်းကျင်မှုတွေ၊ အားသာချက်တွေ၊ အစွမ်းအစတွေထဲမှာ ဘောင်ကျဉ်းနေတတ်ပါတယ်။ တွေးခေါ်ပုံ၊ ပြုမူပုံ တစ်သမတ်တည်းဖြစ်နေတော့ အတွေ့အကြုံတွေကလည်း တိုးပွားမလာပဲ ဖြစ်နေတတ်တယ်။ ကိုယ့်ကိုယ်ကို ပြန်ပြီး ဖန်တီးပြုပြင်နိုင်မယ်ဆိုရင်၊ အတွေးသစ်၊ အမြင်သစ်တွေရလာမယ်ဆိုရင် ကိုယ်တိုင်မသိထားတဲ့ ကိုယ်စွမ်းကိုယ်စတွေ၊ ပြင်းပြထက်သန်မှုတွေကို တွေ့လာနိုင်ပါတယ်။

(၃) တီထွင်ဖန်တီးနိုင်စွမ်းတွေကို အသုံးချပါ။
---------------------------------------------
စာရေးဝါသနာပါပြီး ဇတ်ညွှန်းဆရာဖြစ်ချင်နေပေမဲ့လည်း အင်တာနက်ပေါ်မှာ ဒီဇိုင်းရေးဆွဲသူဖြစ်လာနိုင်ပါသေးတယ်။ နည်းလမ်းသစ်တွေကို ရှာခြင်းအားဖြင့် နေ့စဉ် ကိုယ့်စိတ်ထဲပေါ်လာတဲ့ အတွေးမှန်သမျှကို စာတစ်အုပ်ထဲမှာ ချရေးထားပြီး ပြဿနာတွေကို ဖြေရှင်းဖို့၊ ဦးဏှောက်မုန်တိုင်းဆင်ဖို့ နဲ့ အမြင်သစ်မှတ်ကျောက်တွေတင်ဖို့ လမ်းပြမြေပုံအဖြစ် သုံးနိုင်ပါတယ်။

(၄) ကိုယ်ဘယ်သူလဲဆိုတာ သိပါစေ။
---------------------------------------
တစ်နေ့တစ်နေ့ အလုပ်တွေ၊ အချိန်ဇယားတွေ ဖိစီးနေတာနဲ့ပဲ ကိုယ့်ဘ၀ကို ပြန်ကြည့်ဖို့ မေ့နေတတ်ကြတယ်။ နေ့တွေ၊ လတွေ၊ နှစ်တွေ ကုန်ဆုံးသွားတာတောင် ကိုယ်ဘယ်သူလဲလို့ ရှာဖွေဖို့ သတိမရတတ်ကြဘူး။ နောက်တစ်လှမ်းလောက်ဆုတ်ပြီး ကိုယ်တကယ်ပျော်နေရဲ့လား၊ ပြည့်စုံကျေနပ်နေရဲ့လား၊ ကိုယ်စွမ်းကိုယ်စတွေသုံးပြီး စိတ်ဆန္ဒတွေကို ဖြည့်နေရဲ့လားလို့ ပြန်မေးသင့်တယ်။ ကိုယ့်ကိုယ်ကို ဖွင့်ထုတ်ပြီး အသစ် အသစ်သော ကိုယ်ကို တွေ့နိုင်မလားလို့ ရှာသင့်တာပေါ့။

(၅) လိုအင်ဆန္ဒနဲ့ ထက်သန်မှုကို အားပေးပါ။
----------------------------------------------
အကြောင်းမျိုးစုံနဲ့ ကိုယ့်ဆန္ဒတွေကို နောက်တန်းပို့ထားရတာမျိုးက ဖြစ်လေ့ရှိပါတယ်။ ဒါပေမဲ့ ကိုယ့်အရည်အချင်းကို ထုတ်မသုံးဖြစ်တာမျိုးလောက် ၀မ်းနည်းစရာကောင်းတာမရှိဘူး။ ကိုယ်ဘာလဲ၊ ကိုယ့်ဆန္ဒကဘာလဲဆိုတာကို သိပြီးမှ မလုပ်ဖြစ်ရင် ကြီးကြီးမားမားနောင်တရတတ်ပါတယ်။ ဒါကြောင့်မို့ စိတ်ရောကိုယ်ပါ ပုံအောပြီး ဆန္ဒတွေ၊ အိပ်မက်တွေကို အကောင်အထည်ဖော်ပါ။ အချိန်သတ်မှတ်ထားပြီး အခြားအရာတွေက ၀င်ရှူပ်တာကို လက်သင့်မခံပါနဲ့။

(၆) အရှိတရားကို အသိအမှတ်ပြုပါ။
--------------------------------------
အရှိကို အရှိအတိုင်းလက်ခံဖို့ဆိုတာ ခက်ခဲပါတယ်။ ကိုယ့်ကိုယ်ကို အပြည့်အ၀ ဖော်ထုတ်ချင်သူအတွက်ကတော့ မဖြစ်မနေရင်ဆိုင်ရမယ့် အမှန်ပါပဲ။ ဘယ်အရာတွေက အလုပ်မဖြစ်ဘူးလဲဆိုတာကို သိရမယ်။ ဥပမာ - အဓိပ္ပါယ်မရှိတဲ့အလုပ်၊ ကျေနပ်မှုမရတဲ့ အိမ်တွင်းဆက်ဆံရေး၊ အင်ပြည့်အားပြည့် အသုံးမချနိုင်တဲ့လုပ်ငန်း စတာတွေထဲမှာ ပိတ်မိနေတယ်ဆိုရင် ပိတ်မိနေပါတယ်ဆိုတာကို အရှိအတိုင်းလက်ခံဖို့ပါပဲ။ ကိုယ့်အခြေအနေကို ပြန်ကြည့်ပြီး ဘယ်နေရာမှာလွဲနေတယ်ဆိုတာ သိရမယ်။ ပြီးရင် အကောင်းဘက်ကို ပြောင်းလဲနိုင်အောင် ကြိုးစားရမယ်။ အစပိုင်းမှာ မသက်မသာဖြစ်တယ်ဆိုရင်တောင်မှ အခြေအနေတွေ ပိုကောင်းလာမယ်လို့ ယုံကြည်မှုထားရမယ်။ လူတိုင်းမှာ ပြည့်ပြည့်၀၀ ဘ၀ကို ပျော်ရွှင်ကျေနပ်နိုင်ဖို့ အခွင့်အရေးအပြည့်ရှိပြီး ပြောင်းပစ်ဖို့လည်း အခွင့်ရှိတယ်လေ။

ကိုယ့်ကိုယ်ကို ဖော်ထုတ်ခြင်းဆိုတာ ဘ၀ကို အပြည့်ဝဆုံးနေထိုင်ခြင်း၊ အလိုဆန္ဒတွေကို လေးလေးစားစားရွေးချယ်ခြင်းနဲ့ ကိုယ်ထိုက်တန်တဲ့နေရာထက် တစ်ပြားမှ မလျော့အောင် ကြိုးပမ်းခြင်းပါပဲ။

အထက်ပါနည်းလမ်းတွေက မြန်မာတွေအတွက်တော့ သိပ်ရင်းနှီးမယ်မထင်ပါဘူး။ ဒီလိုနေ ဒီလိုထိုင်လို့ ချထားတဲ့ပုံစံခွက်တွေက အများသားမို့လား။ ဘောင်ထဲက လွတ်ထွက်လာတာနဲ့ ကဲ့ရဲ့သံတွေကလည်း မိုးလုံးညံနေတတ်တာဆိုတော့။

ဒီနေ့အိုင်တီခေတ်မှာတော့ လူငယ်တွေဟာ နည်းပညာလက်နက်ကိုသုံးပြီး ကိုယ့်ကိုယ်ကို ဖော်ထုတ်ဖို့ ကြိုးစားလာကြတာကို တွေ့ရပါတယ်။ ဓါတ်ပုံတွေတင်မယ်၊ စာတွေ၊ ကဗျာတွေရေးမယ်။ ဇူကာဘတ်မေးထားတဲ့ What’s on your mind? ဆိုတဲ့ မေးခွန်းကိုက မိမိကိုယ်ကို ဖော်ထုတ်စေနိုင်ဖို့ အစတစ်စ ဖော်ပေးထားတာပါ။ ဒါကြောင့်လည်း သူအောင်မြင်တာလို့ ဆိုရမယ်။

ကိုယ်တွေရဲ့ friend list ထဲမှာ ဘယ်လောက်ရှိတယ်၊ like ဘယ်လောက်ရတယ်ဆိုတာတွေက ပတ်ဝန်းကျင်ရဲ့ တုန့်ပြန်သံသက်သက်ပါပဲ။ အစစ်တွေလည်း ပါမယ်၊ အတုတွေလည်းရှိမယ်။ မိမိကိုယ်ကို ဖော်ထုတ်ခြင်းရဲ့အနှစ်သာရက ကိုယ်တိုင်ဖော်ထုတ်နိုင်ဖို့ပါ။ ကိုယ့်တန်ဖိုးကို သူများသတ်မှတ်ပေးလို့ ရနိုင်တာမျိုးမှ မဟုတ်တာပဲ။

ကိုယ့်ကိုယ်ကို ရှာတွေ့နိုင်ကြပါစေ။

သန္တာဝင်း
( ၁၇.၀၉.၁၃ )
ကိုးကား။ ။

http://www.virtuesforlife.com/how-to-live-with-full-self-expression/