ကြိုးဝိုင်းများကို ထားခဲ့ပါ

သက်ဆိုင်ရာ ကျွန်တော့်သူငယ်ချင်းများအားလုံး ( အပြုသဘော ၊ လူကြီးလူကောင်းဆန်စွာ ရင့်ကျက်ပြီးသူများ အချင်းချင်း ) ၀ိုင်း ဆွေးနွေးဖို့ ဖိတ်ခေါ်ပါတယ်။
===============================================

" ကြိုးဝိုင်းများကို ထားခဲ့ပါ " ( The Voice Daily , 17.9.13 )

. . . . . . . တချို့ကိစ္စရပ်ဝန်းများကို မရေးလိုပါ။ ပိုရေးတတ် ပိုရေးသင့် သူများ ကိစ္စလို့ သဘောထားဖြစ်နေခဲ့ပါတယ်။ တခါတရံများတော့ လက်တစ်ဖက်ထည့်ဝင်ဖို့ လိုအပ်ကောင်းလိုအပ်လိမ့်မယ်လို့ သဘောရမိတဲ့အခါများလည်း ရှိလာကြောင်းပါ။

. . . . . . . တပ်မတော်ဆိုတာဘာလဲ လို့ ကျွန်တော်တို့ မသိကြသေးဘူးလား ခင်ဗျာ။ တပ်မတော်ကတော့ သူ ဘာဆိုတာကို ရိပ်ဖမ်းသံဖမ်းအဆင့်ထက်ကျော်လွန်ပြီး ကျွန်တော်တို့ကို အသိပေးခဲ့ပြီးပြီလို့ ထင်မိပါတယ်။ ဒါကို မမေ့မလျော့၊ လျစ်လျူမပြုခြင်းဟာ ကျွန်တော်တို့ရဲ့ ပညာရေချိန်ဖြစ်နိုင်ပါတယ်။ ကျွန်တော်တို့ဆိုတာကတော့ ယခုစာရေးသူနဲ့ စာဖတ်သူအပါအ၀င် ကျွန်တော်တို့ဖြစ်ပါတယ်။

. . . . . . . တပ်မတော်ရဲ့လက်ဟာ ဘာကိုကိုင်ဖို့လဲ ခင်ဗျာ။ စဉ်းစားသာကြည့်ပါ။ ဒါဟာ သူ့ရဲ့ အလုပ် ၊ တာဝန် ၊ ခံယူချက် ၊ ကျင့်ထုံး .. ကြိုက်တာပြောပါစေ ၊ မှန်နေတဲ့ကိစ္စ ဖြစ်နေပါတယ်။ ဟုတ်ပါတယ် .. သေနတ်ကတော့ ကျွန်တော်တို့ရဲ့ သေနတ်ပါပဲ။ သေနတ်ကိုင်ရမယ့်သူဟာ သူဖြစ်နေတာလည်း ပုံမှန်ပါပဲ။ ပစ်မယ် ၊ မပစ်ဘူးကိုပါ သူတစ်ဦးတည်းဆုံးဖြတ်ခဲ့တာတော့ သူ့ကိစ္စပေါ့ဗျာ။ ကျွန်တော်တို့သေနတ်နဲ့ ကျွန်တော်တို့ကိုချိန်မယ်ဆိုရင်လည်း ဒါ သူ့ကိစ္စပါပဲ။

. . . . . . . ကျွန်တော်က အမှား အမှန်ကိစ္စတွေ သိပ်မပြောလိုပါ။ သိပ်မပြောတတ်ပါ။ တစ်ဦးတစ်ယောက်အပေါ် ကောင်းသည် ၊ ဆိုးသည် ထင်မြင်အကဲဖြတ် သုံးသပ်ချက်ထုတ်ပေးရလောက်အောင်လည်း မစွမ်းပါ။

. . . . . . . ပြီးခဲ့တဲ့ ခြေရာတွေကို သင်ခန်းစာယူဖို့ ၊ ကျိုးကြောင်းဆက်စပ် ဆင်ခြင်ဖို့ကလွဲပြီး အလွန်အမင်း စိတ်မ၀င်စားလိုတော့ပါ။ စိတ်ဝင်စားဖွယ်လည်း မကောင်းဘူးမဟုတ်လား။ ရှေ့ဆက်မယ့်ခြေတစ်လှမ်းကိုသာ အဓိကထားလိုသူပါ။ ဒါကြောင့် ကျွန်တော်တို့ရဲ့နောက် ခြေတစ်လှမ်းအကြွမှာ တွေ့ရမယ့်ကိစ္စများကိုသာ ပြောလို ရေးလိုပါတယ်ဗျာ။

. . . . . . . ပြန်ဆက်ကြည့်ရအောင်ပါ။ အရှိတရားအတိုင်း ပြောကြည့်ပါရစေ။ တပ်မတော်လက်ထဲမှာ သေနတ်ရှိပါတယ်။ ကျွန်တော်တို့ ဆိုင်သည်ဖြစ်စေ ၊ ပိုင်သည်ဖြစ်စေ ၊ သေနတ်ကတော့ တပ်မတော်ဆီမှာပဲ ရှိနေဆဲဖြစ်ပါတယ်။ ပစ်ခွင့်ထားပါဦး ၊ ကိုင်ခွင့် ဆိုင်ခွင့်တောင် ကျွန်တော်တို့မယ် မရှိသေးဘူးမဟုတ်လား။

. . . . . . . ဒီသေနတ်ကို အခု မကိုင်ဘဲ အိတ်ထဲထည့်ထားလိုက်တာနဲ့ပဲ မရှိတော့ဘူးလို့မှတ်ယူရင်တော့ ကျွန်တော်တို့အသိညဏ်က ကျွန်တော်တို့ကံကြမ္မာကို ဖန်တီးလာနိုင်ပါတယ်။

. . . . . . . အခု တပ်မတော်ရဲ့လက်ထဲမှာ သေနတ်မရှိပါ။ လက်ကို အင်္ကျီအိတ်ထဲလည်း ထည့်မထားပါ။ သေနတ်မပါတဲ့ လက်ဗလာနဲ့ တပ်မတော် အခုရှိနေပါတယ်။ ဟုတ်ပါတယ်။ လက်ကမ်းလို့ ရတာပေါ့။ လက်ဆွဲနှုတ်ဆက်ကြည့်ကြမလား ခင်ဗျာ။

. . . . . . . တပ်မတော်ရဲ့လက်ဟာ အချိန်အများစု အိတ်ထဲမှာပဲ ရှိနေခဲ့တာ မဟုတ်လားဗျာ။ လိုအပ်လို့ပြန်ထုတ်လာရင်လည်း လိုအပ်တယ်လို့သူထင်တဲ့ သေနတ်က ပါလာမြဲပဲမဟုတ်လား။ ဟုတ်ပါတယ်။ အခုတော့ သေနတ်မပါတဲ့ လက်ဗလာနဲ့တပ်မတော်ဖြစ်နေပါတယ်။

. . . . . . . သူ့ဘက်ကစပြီး ကမ်းတာ မကမ်းတာကိုတော့ ဘာမှမပြောလိုပါ။ ကမ်းရင် ကမ်းသလို ၊ မကမ်းရင် မကမ်းသလို သူရေးခဲ့တဲ့အတိုင်း သူ့သမိုင်း ဖြစ်သွားမှာပါပဲ။ ကျွန်တော်တို့က စပြီး လက်ကမ်းကြမလား ဆိုတာကိုပဲ စဉ်းစားရအောင်လေ။ အကြာကြီး စဉ်းစားမနေသင့်တော့ဘူး ဆိုတာတော့ သိကြမှာပါ။ ကျွန်တော်တို့အတွက် အချိန်ပိုတွေ မရှိတော့ဘူးလေ။

. . . . . . . ကျွန်တော်အပြောလိုဆုံး ကိစ္စကတော့ တပ်မတော်ရဲ့လက်ကို အိတ်ထဲပြန်ထည့်သွားအောင်တော့ ကျွန်တော်တို့ မလုပ်သင့်ကြဘူး ဆိုတာပါပဲ။ ပြန်ထွက်လာဖို့ နှစ်ပေါင်း ၂၀-၃၀ ပြန်မစောင့်လိုတော့ဘူးလေ။ အခန့်မသင့်ရင် ပြန်ထွက်လာတဲ့ လက်မှာ ... ။

. . . . . . . တပ်မတော်ဘက်က ပုစ္ဆာအတွက် ပေးထားချက်တွေရှိပြီးသားပါ။ ခက်သော်လည်း တွက်လို့တော့ရနိုင်တဲ့ ၊ အဖြေထွက်နိုင်တဲ့ အခြေအနေမှာ ရှိနေပါတယ်။ မမေ့သင့်တဲ့အချက်တစ်ခုက သူလည်း ကူပြီးတွက်ပေးပါမယ်လို့ ပြောလာတာကိုပါပဲ။ ကောင်းပါပြီ။ တပ်မတော်ဆိုတာ ဘာတွေနဲ့ဖွဲ့စည်းထားတာ မို့လို့လဲဗျာ။ ခင်ဗျားတို့ ကျွန်တော်တို့ရဲ့လူမျိုး ၊ ခင်ဗျားတို့ ကျွန်တော်တို့ရဲ့သွေးသား ၊ ခင်ဗျားတို့ ကျွန်တော်တို့ရဲ့ဝိညဏ် တစိတ်တပိုင်းပဲ မဟုတ်လား။ သူစိမ်းသက်သက် မဟုတ်ဘူး။ ရန်သူလုံးလုံးမဟုတ်ဘူး။ လမ်းလွဲနေတယ်လို့ဆိုရင်တောင် လမ်းလွဲခဲ့တဲ့ သားချင်းတစ်ယောက်ပါပဲ။ သူနဲ့အတူတူ ပုစ္ဆာကို မတွက်နိုင်တော့ဘူးလား။ မတွက်ချင်တော့ဘူးလား။

. . . . . . . ခဏလေး ၊ ခဏလောက် စိတ်ခံစားမှုတွေကိုချန်ပြီး အရှိတရားကို စဉ်းစားကြည့်ပေးပါ။ ဖြစ်သင့်မယ့် လမ်းကို မမှားအောင်ရွေးပေးကြပါ။ မတွက်ဘူးလို့ ငြင်းဆန်ပြီး အမှားခြစ်ပစ်လို့ ရလာမယ့် ဖြစ်တန်ရာတွေကို ကြိုတင်တွေးဆ ကြည့်ပေးပါ။

. . . . . . . ကျွန်တော်တို့ဘက်ကို သူကစပြီး ကမ်းမပေးနိုင်ခဲ့တဲ့ လက်ဟာ ဖွဲ့စည်းပုံအသစ်ကိုရေးဆွဲဖို့ ခွင့်ပြုမယ်လို့ ယုံကြည်ပါသလား။

. . . . . . . လက်ဆွဲနှုတ်ဆက်ဘူးပါသလား ခင်ဗျာ။ ပထမဆုံးအကြိမ်ပဲ ခက်သလိုလိုရှိတတ်တာပါ။ သူကစပြီး လက်ကမ်းနိုး ၊ ကိုယ်ကစပြီးကမ်းရနိုးနဲ့ ရှက်ကိုးရှက်ကန်းဖြစ်ရတတ်တာပါ။ ပထမအကြိမ်ပြီးတဲ့နောက်မှာ နောက်အကြိမ်တွေဟာ မခက်ခဲမစိုးရွံ့ရတော့ပါဘူး။ တစ်ယောက်ကိုတစ်ယောက် ထိတွေ့ခွင့်ရတဲ့ အချိန်လေးဟာ အလွန်ပဲ အဖိုးတန်ပါတယ်။ လက်ဝါးရဲ့အထိအတွေ့မှာ စိတ်ဝိညဏ်ချင်းပါ ကူးလူးစေနိုင်ပါတယ်။ ခင်မင်ရင်းနှီးမှုနဲ့ နွေးထွေးကျွမ်းဝင်မှုဟာ အနည်းနဲ့ အများသာ ကွာခြားတတ်ပါတယ်။ ကောင်းပါပြီ ၊ ကျွန်တော်တို့က ညီအစ်ကိုသားချင်းတွေပါ။ ဘာကြောင့် စပြီး လက်မကမ်းနိုင်ရမှာလဲဗျာ။

. . . . . . . နောက်တစ်ခု မှတ်ထားပေးပါ။ ဘယ်သူကစပြီး သဘောထားကြီးကြီးနဲ့ လက်ကမ်းခဲ့တယ်ဆိုတာ ကျွန်တော်တို့တင်မကတဲ့ အခြားသော ကမ္ဘာပေါ်ကလူတွေကပါ အသိအမှတ်ပြု တေးမှတ်ထားခဲ့လိမ့်မယ် ဆိုတာပါပဲ။

. . . . . . . ပထမဆုံးအကြိမ် လက်ဆွဲနှုတ်ဆက်ခြင်း ပြီးခဲ့ရင် ဒုတိယ ၊ တတိယ စတဲ့ နှုတ်ဆက်ခြင်းမှသည် လည်ပင်းဖက် ၊ ပုခုံးဖက်ပြီး ဟိုးအရင်ငယ်စဉ်က ညီအစ်ကိုတွေလို ပြန်လည်သင့်မြတ်ဖို့ ထင်ထားတာထက် လွယ်ကူလာလိမ့်မယ်လို့ ယုံကြည်မိပါတယ်။

. . . . . . . အဲဒီလိုတစ်နေ့မှာ တပ်မတော်ကလည်း သူ့အိတ်ထဲက ကျွန်တော်တို့ရဲ့သေနတ်ကို ပြန်ထုတ်ပေးဖို့ ၀န်လေးတော့မယ်မဟုတ်ဘူးလို့လည်း ယုံကြည်ပါတယ်။ "မင်းက ကျည်ဆန်ယူထား ၊ ငါက သေနတ်အခွံကိုင်ထားမယ်" ဆိုတာမျိုးဟာ လွယ်လွယ်လေးဖြစ်လာနိုင်ပါတယ်။ အခန့်သင့်ရင် ကျွန်တော်တို့သေနတ် ကျွန်တော်တို့လက်ထဲ အချိန်တိုအတွင်း ယတိပြတ်တောင် ပြန်ရောက်လာနိုင်ပါသေးတယ်။

. . . . . . . ကျွန်တော်ပါဝင်သော ကျွန်တော်တို့တစ်တွေ အချိန်မီ ညဏ်ကြီးကြီးထားနိုင်ဖို့ မျှော်လင့်ပါရစေ။ နေရာတိုင်းမှာ လက်သီးမလိုဘူးခင်ဗျ။ တဖက်ကတောင် လက်ဖြေထားမှတော့ ကိုယ်ကဘာကြောင့်ထိုးချင်နေမှာလဲ။ သူနာကိုယ်နာ ဆိုတာ ကောင်းမှတ်လို့ ခင်ဗျာ။ ပိုဆိုးတာက သူက လက်ဝှေ့သမား။ ကိုယ်ဘယ်လောက် ၀ါသနာကြီးကြီး ယှဉ်ထိုးရင်တော့ နာမှာပဲ ခင်ဗျ။

. . . . . . . ၁၉၄၈ ၊ ဇန်န၀ါရီ ၄ ရက်တုန်းကလည်း တိုက်ပြီးရခဲ့တာမဟုတ်လို့ ဒါ စစ်မှန်တဲ့လွတ်လပ်ရေးမဟုတ်ဘူးလို့ ပြောခဲ့ကြသူတွေ အခု သမိုင်းရဲ့ဘယ်နေရာမှာရှိနေမလဲလို့ တချက်လောက် သတိရပေးကြပါ။

. . . . . . . ဖြစ်ချင်တာတွေက လူတိုင်းကိုယ်စီ ကွဲပြားစွာရှိကြပါတယ်။ ဖြစ်သင့်တာကတော့ ဘုံအကျိုးစီးပွားရဲ့အောက်မှာ တူအောင်စုပေးရတဲ့ ၊ တူအောင်ညှိပေးရတဲ့ တစ်ခုတည်းဖြစ်နိုင်ပါတယ်။ ထပ်တူအမြဲမကျနိုင်တဲ့ ဆန္ဒနဲ့ ဘ၀မှာ ဘယ်လမ်းကို ရွေးမလဲလို့ မေးပါရစေ။

. . . . . . . သမိုင်း ဆိုတာထဲမှာ တရားခံ အသစ်အသစ်တွေနဲ့ သူရဲကောင်း အသစ်အသစ်တွေဟာ အချိန်နဲ့အမျှ အမြဲပဲ ပေါ်ပေါက်နေကြပါတယ်။ ။


(ယက္ခ) ရဲကြီး ။ ၂၁.၈.၁၃ ။
( The Voice Daily , 17.9.13 )
https://www.facebook.com/yekkha.yejee
http://yekkhayejee.blogspot.com/
https://www.facebook.com/yekkha.yegyii.fanpage