တပ်မတော် အရာရှိလောင်း အဖြစ် အမျိုးသမီးတွေခေါ် နေတာတွေ့တယ်။
ကောင်းတယ်။ ကြိုဆိုတယ်။ ဖြစ်သင့်တယ်စသဖြင့် နိုင်ငံတကာ က ယူနီဖောင်းဝတ်အမျိုးသမီး ပုံတွေနဲ့ တင်ကြတယ်။ တချို့လည်း သမီးတွေ လျောက်တာ ခွင့်ပြုမယ် ဘာညာပေါ့။
အမျိုးသမီး အမည်နဲ့ တစ်ယောက် က ဖေ့ဘုတ်မှာ ပက်စက်တဲ့ အရေးအသားနဲ့ စတေးတပ်တောင် တင်လိုက်သေးတယ်။
အမျိုးသမီးတွေ စစ်မှုထမ်းအဖြစ်ခေါ်တာ မဆန်းပါဘူး။ ရှေးရှေးတုန်းကလည်း ရှိခဲ့တယ်။ ယနေ့ထိလဲ ရှိနေတယ်။ အထူးသဖြင့် သူနာပြုတပ်ဖွဲ့ ဆေးတပ်ဖွဲ့တွေမှာ တာဝန်ထမ်းနေကြတာပဲ။
ထူးခြားတာက အပြင်မှာ အစိုးရက သတင်းထုတ်ပြန်တာ၊ ရည်ရွယ်ချက် ချပြတာ၊ ဖွဲ့စည်းပုံ၊ အစီအစဉ်တွေ ရေးဆွဲတာ ရှိကောင်းရှိမှာပဲ။ ဖေ့ဘုတ်မှာ တော့ ဘာရည်ရွယ်ချက်နဲ့ အမျိုးသမီးတွေကို ခေါ်တယ်၊ အနာဂါတ်အတွက် ဘယ်လိုရည်မှန်းပြီး အစီအစဉ်တွေရေးဆွဲထားလို့ ခေါ်တယ်ဆိုတာ မတွေ့မိဘူး။
တပ်မတော်မှာ လက်ရှိ ဆယ်တန်းအောင်ထဲက လေ့ကျင့်မွေးမြူထားတဲ့ စစ်တက္ကသိုလ်၊ နည်းပညာ၊ ဆေး စတာတွေရှိတဲ့အပြင်၊ ဘွဲ့ရ တွေခေါ်ပြီး မွေးထုတ်တဲ့ လေ့ကျင့်ရေးကျောင်းလဲ ရှိပြန်တယ်။ တပ်မတော် နည်းပညာ ကောလိပ်ဆိုတာရှိပြီး အကြပ်ကြီး အရာခံတွေ အဖြစ်မွေးထုတ်တဲ့ ကျောင်းလည်းရှိတယ်။ တစ်နှစ်ထက် တစ်နှစ် ခန့်အပ်လိုက်တဲ့ အရာရှိပေါင်း မနည်းဘူးလို့ ဆိုနိုင်တယ်။ ဒါပေသိ ဘယ်လောက်အတိုင်းအတာထိ လိုအပ်ချက်တွေရှိနေလို့ ဘယ်လို့ ကန့်သတ်ချက်တွေကြောင့် အမျိုးသမီးတွေကို ခေါ်ရတယ်ဆိုတဲ့ ထုတ်ပြန်ချက်ရှင်းလင်းချက် မတွေ့မိဘူး။
ဟိုးအရင် ဆယ်စုနှစ်ကျော်က တပ်မတော်နည်းပညာကောလိပ်ကို ပြင်ဦးလွင်မှာ စဖွင့်တယ်။ ဆယ်တန်းအောင်တာချင်းအတူတူ အိုတီတီ မအောင်တဲ့သူက အဲ့ဒီကောလိပ်ကို တက်ကြတယ်။ သတင်းစာထဲမှာ ခေါ်တုန်းက လဲ ခေါ်ရခြင်းအကြောင်းကို ဖော်ပြထားပြီး ရှင်းလင်း သယောင်ထင်ရပေမဲ့ မသေခြာတဲ့ မျှော်လင့်ချက်တွေပေးထားတဲ့ အရေးအသားတွေပါတယ်။ နှစ် နှစ်တက်ရင် လက်မှရမယ် တပ်ကြပ်ကြီး၊ အဆင့်မီရင် နောက်နှစ် နှစ်ဆက်တက် ဒစ်ပလိုမာရ အရာခံဗိုလ်၊ ထူးချွန်ရင် ပေါင်းကူးတက်ပြီး အင်ဂျင်နီယာအရာရှိဖြစ်နိုင်တယ် ဆိုတာမျိုးပါ။ အကျင်းချုပ်ရေးတာပါ။ အဲ့ဒီမှာ ဝိဝါဒ ကွဲတာက တပ်မတော်နည်းပညာ တက္ကသိုလ်ကို ပေါင်းကူးမှာလား၊ အဲ့ဒီကောလိပ်မှာပဲ ဘီအီးဘွဲ့ ဆက်ပေးမှာလား၊ အပြင်တက္ကသိုလ်မှာ အွန်ဒပြူတေးရှင်းနဲ့ ပြန်တက်ခွင့်ပေးမှာလား။ မသဲမကွဲ (အစီအစဉ်ကို မဆွဲထားတာ) လုပ်ခဲ့တယ်။ မျက်နှာသာရ ထက်မြက်တဲ့ ဗိုလ်ချုပ်တွေ လုပ်ခွင့်ရရင် အစမ်းသဘောမျိုးလုပ်ခဲ့တာတွေလဲ ရှိခဲ့တယ်။ ပူးပေါင်းဆောင်ရွက်ဖို့လိုအပ်တဲ
ဆယ်တန်းအောင် ဆိုတာကလည်း အများအားဖြင့် လောကအကြောင်းသိဖို့ဆိုတာ ဝေးလို့ ကိုယ်သွားတက်ဖို့ ကြိုးစားတဲ့ တက္ကသိုလ်၊ ကောလိပ်အကြောင်းတောင် ရေရေရာရာ သိလေ့မရှိဘူး။ စစ်တပ်အကြောင်းလည်း မသိဘူး။ ကောင်းမှာပဲ ဆိုတဲ့ အသိလောက်နဲ့ ရောက်လာကြတာ။ အဲ့ဒီမှာ ဆယ်တန်းအောင်အရွယ်တူချင်းလည်းဖြ
အမှန်က ဗိုလ်သင်တန်းတိုင်းဟာ ရဲဘော်သင်တန်းနဲ့အတူတူပဲ။ သင်ရတဲ့ စာပေပညာ၊ စစ်ပညာ အဆင့် နည်းနည်းကွာသွားတာရယ်၊ ဗိုလ်လောင်းလို့ အခေါ်ခံရတာပဲကွာတယ်။ စစ်စည်းကမ်း၊ စစ်ရေးပြ နဲ့ပတ်သတ်ရင် ခြောက်နှစ် တက်ရင် ခြောက်နှစ်ရဲဘော်လို နေရမယ်။ ငါးနှစ်တက်ရင် ငါးနှစ်နေရမယ်၊ သုံးနှစ်တက် သုံးနှစ်၊ တစ်နှစ်တက် တစ်နှစ်၊ နှစ်ပတ်တက် နှစ်ပတ် ရဲဘော်နဲ့ မခြားဘူး။ "သူတို့တွေ မတက်ခင်က သေခြာစုံစမ်းပါလား မသိခံပေါ့"ဒီလို အပစ်တင်စရာတော့ရှိမယ်။ မြန်မာလူငယ်တော်တော်များများဟာ ကိုယ်လုပ်ရမယ့်အလုပ်ကို မလုပ်ခင် သေခြာလေ့လာတာ၊ စူးစမ်းတာ၊ စုံစမ်းတာ ငယ်ငယ်ထဲက ကြီးတဲ့အထိ လုပ်ရကောင်းမှန်းလဲ မသိသလို၊ လုပ်လေ့လုပ်ထလဲ မရှိဘူး။ သတင်းအချက်အလက် ရှာဖွေရတာလည်း ခက်တယ်။ သိတဲ့သူပြောပြလည်း လက်မခံတတ်ဘူး။ နှဖူးတွေ့ ဒူးတွေ့ ဖြစ်လာမှ ရှူးရှူးရှားရှား ဖြစ်တတ်တယ်။ စစ်တပ်မှာ ပြောလေ့ရှိတဲ့ စကားရှိတယ် "မင်းကို ဘယ်သူမှ ရိုက်မသွင်းဘူး။ မင်းသဘောနဲ့ မင်းဝင်လာတာ"တဲ့။ "ဝင်စို့"ပဲရမယ် "ထွက်စို့"တော့ခက်တယ်။ ထမင်းရည်ပူ စည်းနင်းမိရင် "မစဉ်းစားနဲ့ ခံပေတော့ ခံပေတော့"ကော်နီတောင် သတိရသေးတယ်။ စစ်တပ်ရဲ့ အမိန့်နဲ့ စည်းကမ်း၊ စစ်ဘက် ဥပဒေဆိုတာ အင်မတန် တင်းကြပ်တဲ့ အမျိုးအစားထဲပါတယ်။ ထားပါတော့ အဲ့လိုနဲ့ မကျေနပ် ပေါက်ကွဲတဲ့ လူငယ်တွေ ထောင်နန်းစံသွားတယ် ကြားတယ်။ နောက်ပြီး နည်းပညာကောလိပ်ကို ဗိုလ်လောင်းတွေနဲ့ မနီးစပ်တဲ့ ဟိုပုန်းမြို့လေးကို ရွှေ့ပြောင်းပစ်လိုက်ပြီး ပေါင်းကူးနဲ့ ဘီအီးရ အရာရှိဖြစ်သွားတယ် ဆိုတာလည်း မကြားမိတော့ဘူး။ အခြားအဆင့်နဲ့ လုပ်သက်တွေရတဲ့အခါ ဗိုလ်ရွေးဖြေခွင့်ရပြီး အရာရှိဖြစ်ခွင့် နည်းလမ်းကို အခုအထိတော့ ပိတ်မထားသေးပါဘူး။ တော်တော်နဲ့ အရာရှိဖြစ်ဖို့မလွယ်တဲ့ လမ်းကြောင်းဖြစ်တယ်။
အခု သတိရမိတာက အမျိုးသမီးဘွဲ့ရတွေ ခေါ်တဲ့ဆိုတော့ အမှန်တကယ်အရာရှိအင်အား လိုအပ်လို့လား၊ ဘယ်လိုနေရာတွေမှာ အသုံးချဖို့လည်း၊ ဆေးသိပ္ပံဘွဲ့၊ သူနာပြုဘွဲ့ အပြင် အခြားဘွဲ့ရတွေကို ဘယ်လို တာဝန်မျိုးတွေပေးမှာလည်း၊ ဖွဲ့စည်းပုံဘယ်လို ရေးဆွဲထားလဲ။ မြဝတီသတင်း၊ ကကပြန်၊ ဒါမှမဟုတ် တနည်းနည်းနဲ့ ကျယ်ကျယ်ပြန့်ပြန့် ထုတ်ပြန်ရင် ကောင်းသား။ ဒီလိုတွေ သိရရင် သူတို့ အနာဂါတ် သူတို့ မျှော်ကြည့်နိုင်မယ် ထင်ပါတယ်။ ဂိမ်းထဲမှာတောင် နယ်ချဲ့ စစ်သားလေးတွေလွှတ်ပြီး မြေပုံမြေပြင် အခြေအနေ သိအောင်အရင်လုပ်ရသေးတာပဲ။
စီးပွားကူးသန်းက ဒေါ်လာတန်ဖိုးတက်အောင် ကားပါမစ်တွေ ချပေးတာတဲ့။ တော်ကြာ ဆင်းရဲမွဲတေမှု ပပျောက်ရေးနဲ့ အလုပ်အကိုင် အခွင့်အလမ်းတွေ ဖန်တီးဖို့ ဗိုလ်လောင်း စစ်သမီးတွေ ခေါ်တယ်ဆိုရင် လှလှ တွေ ဒုက္ခနဲ့ တွေ့ကုန်မှာ စိုးတယ်။
စစ်မီးတွေ အနာဂါတ် လှပပါစေ။ စစ်တပ်ကြီး လှပပါစေ။ အဆိုးမြင်တာ မဟုတ်ဘူးနော်.....
By
Thet Htwe Aung
https://www.facebook.com/thethtweaung1/posts/10200746985701558 မှ ကူးယူဖော်ပြပါသည်။