………………….
(၁)
"နှစ်ပေါင်း ၃၀ လောက်အပိတ်ခံထားရတာထင်တယ် အဲဒီစာအုပ်က။ ခုပြန်ထွက်နေတယ် ပြောတယ် ဦးကို တွေ့ရင် ၀ယ်ပေးစမ်းပါကွာ။ မင်းက စာအုပ်ဆိုင်မျိုးစုံရောက်တာဆိုတော့။ ပိုက်ဆံပြန်ပေးပါ့မယ် "
"ဟုတ်ကဲ့ ရပါတယ်ဦးရယ်။ ၀ယ်ခဲ့ပါ့မယ်။ စာအုပ်ကဘာစာအုပ်လဲခင်ဗျ။ ဘယ်သူရေးတာလဲ "
"ကမ္ဘာကျော်တရားခွင်လျှောက်လဲချက်များကွ။ မောင်ကိုယုရေးတာ။ အရမ်းကောင်းတယ်။ တရားခံ ဖြစ်သွားသော ရှေ့နေဆိုတဲ့ စာအုပ်လဲရှိတယ်။ မောင်ကိုယုပဲ ရေးတာ "
"ဟုတ်ဦးလေး ကျွန်တော်တွေ့တာနဲ့ ၀ယ်ထားပေးပါ့မယ် "
ဦးလေးမှာတဲ့ စာအုပ်ကို မဖတ်ဖူး၊ မကြားဖူးခဲ့။ ကျွန်တော် ခရီးတွေသွားဖြစ်ရင်း စာအုပ်ဆိုင်ကြီး တွေကို ရောက်တော့မှ ပြန်လည်ထွက်ရှိလာတဲ့ စာအုပ်ကို တွေ့ပြီး ၀ယ်ဖြစ်တော့တယ်။ ဦးလေးစီပို့ဖို့ကလဲ မဖြစ်နိုင်သေးတော့ စာအုပ်ကြီးကို ကျွန်တော်ဖတ်ဖြစ်လိုက်ပါတယ်။
(၂)
"ကျွန်တော့်ကို ပြစ်ဒဏ်စီရင်ချက်သာ ချလိုက်ပါ။ ကျွန်တော်ဂရုမစိုက်ပါဘူး။ သမိုင်းက ကျွန်တော့်ကို မှတ်ကျောက် တင်ပါလိမ့်မယ် "
ဖီဒယ်လ် ကတ်စထရိုက မွန်ကားဒါး စစ်ဌာနချုပ်ကို ၀င်စီးမှု(နိုင်ငံတော်ပုန်ကန်မှု)ဖြင့် ခုံရုံးတင်စစ် ဆေးခံခဲ့ရခြင်းပါ။ တရားရုံးမှာ အစစ်ဆေးခံရပြီး ပြန်လည်ဖြေကြားချက်၊ ယုံကြည်ရာကို ပြောကြားရဲတဲ့ စိတ် ဓာတ်တွေက သူလျှောက်လဲလိုက်တဲ့ စကားတွေမှာ ပြီးပြည့်စုံစွာ ပါဝင်ခဲ့ပါတယ်။
"ကျွန်တော်တို့ဟာ ပြည်သူလူထုရဲ့ ထောက်ခံမှုကို အသေအချာ အာမခံချက်ရရှိထားပါတယ်။ ကျွန်တော်တို့ ပြည်သူတွေအကြောင်း ပြောတဲ့အခါမှာ စည်းစိမ်ချမ်းသာ ခံစားနေရတဲ့ ရွှေမှုန့်စား၊ ငွေဇွန်းကိုက်၊ လူ့မလိုင်တွေကို မဆိုလိုပါဘူး။ ဖောက်ပြန်တဲ့ ခေတ်နောက်ပြန်နေတဲ့ အလွှာကို မဆိုလိုပါဘူး။ အဲဒီ အမျိုး အစားတွေကတော့ ဘယ်လိုဖိနှိပ်ချုပ်ချယ်တဲ့ အစိုးရမဆို၊ ဘယ်လိုအာဏာရှင် စနစ်မျိုးကိုမဆို၊ ဘယ်လို သက် ဦးဆံပိုင်စနစ်မျိုးကိုမဆို၊ ဘယ်လိုအာဏာရှင် စနစ်မျိုးကိုမဆို၊ ဘယ်လိုသက်ဦးဆံပိုင် စနစ်မျိုးကိုမဆို ခရီးဦး ကြိုဆိုဖို့၊ လက်ရှိသခင်အပေါ် ဦးညွှတ်ဖို့၊ သူတို့ကိုယ်သူတို့ ရောင်းစားဖို့ အသင့်ရှိနေကြပါတယ်။ သူတို့ဟာ ဒီလိုပြည့်တန်ဆာဆန်တဲ့ အလုပ်မျိုးကို ရိုးမြေကျသည့်တိုင်အောင် လုပ်ကြမှာပါပဲ။ သင်္ချိုင်းကုန် ရောက်တဲ့ထိ အောင်လုပ်ကြမှာပါပဲ။ လက်ရှိသခင်ကို ဦးညွှတ်တဲ့နေရာမှာ သူတို့နဖူးကို မြေကြီးနဲ့ တွေ့တဲ့ထိအောင် ဦးညွှတ်ပါလိမ့်မယ် "
ကတ်စထရိုရဲ့ လျှောက်လဲသံတွေက တရားရုံး၊ တရားခွင့်သာမက ကျူးဘားပြည်ကြီးကတဆင့် အမှန် တရားလောကကြီးအထိ လွင့်ပျံသွားပါတယ်။ လျှောက်လဲချက်တွေကြောင့် ကတ်စထရိုကို တရားရုံးမှာ မစစ် ဆေးတော့ပဲ ကျူးဘား ပြည်သူ့ဆေးရုံ သူနာပြုဆရာများရဲ့အပန်းဖြေခန်းမမှာ တစ်ကိုယ်တည်းစစ်တဲ့အထိ လုပ်ခဲတယ်။ အမှန်စကားကို လူသားတွေကြောက်ရွှံ့ကြတယ်။ ဘာလို့လဲဆိုရင် အမှန်စကားနားထောင်ရမဲ့သူ တွေက မှားနေဖြစ်မယ်ထင်တယ်။
နိုင်ငံတော်အတွက် အဓိကလိုအပ်တဲ့ ဥပဒေ၊ တရားစီရင်မှုတွေအတွက် ကတ်စထရိုက ထောက်ပြခဲ့ တယ်။ "တရားခွင့်ဟာ ပြည်သူ့ရှေ့မှောက်မှာ စစ်ရမယ်။ အများပြည်သူများ နားထောင်ခွင့် ရှိရမယ် "ဆိုတဲ့ တရားဥပဒေကျင့်ထုံးကို ပြသခဲ့တယ်။ ပြောဆိုခဲ့တယ်။ သူကိုယ်တိုင်လဲ အများပြည်သူရှေ့မှောက်မှာ စစ်ဆေး ခြင်းမဟုတ်ပဲ ပြစ်ဒဏ်စီရင်ခြင်းခံခဲ့ရတယ်။
တရားခံဘက်က ချေပခွင့်၊ လျှောက်ခဲခွင့်၊ အယူခံခွင့်တွေလဲမရှိ တရားစီရင်ရာမှာလဲ နားထောင်သူ၊ တက်ရောက်သူမရှိပါပဲ တရားလိုဘယ်သူမှန်းမသိပဲ ပြစ်ဒဏ်ချခံခဲ့ရတဲ့ လူတွေအများကြီးရှိခဲ့ကြပါတယ်။ ထောင်အတွင်း ဇွတ်သွတ်သွင်းခဲ့ရတဲ့ အဖြစ်တွေလဲအများကြီး ရှိခဲ့ကြပါတယ်။
"တိုင်းသူပြည်သားတွေဟာ ဒီအမှုစစ်ဆေးတဲ့ တရားရုံးကို မလာရောက်နိုင်အောင် တားမြစ်ခြင်း ခံနေ ရပါတယ်။ ဒီကို ၀င်ရောက်ခွင့်ပြုတဲ့ ပြည်သူတွေဆိုလို အစိုးရရှေ့နေ နှစ်ယောက်ရယ်၊ ကျွန်တော့် ပြောဆိုချက် မှန်သမျှတွေကို မရိုက်နှိပ်ဖို့ တားဆီးထားပြီး ဖြတ်တောက်ပိတ်ပင်ခြင်းခံရတဲ့ သတင်းစာတွေက သတင်း ထောက် ခြောက်ယောက်ရယ်သာ ဖြစ်ပါတယ်။ ကျွန်တော့်ရဲ့ တရားနာပရိတ်သတ်ဆိုလို့ ဒီအခန်းနဲ့ စင်္ကြံတစ် လျှောက်မှာ ရှိနေကြတဲ့ စစ်သား စစ်ဗိုလ် ၁၀၀ လောက်သာရှိတယ်ဆိုတာ ကျွန်တော်တွေ့ရပါတယ်။ သူတို့ရဲ့ လေးလေးနက်နက် နားထောင်မှုနဲ့ ယဉ်ကျေးသိမ့်မွေ့မှုကို ကျွန်တော် ကျေးဇူးဥပကာရ တင်ရှိပါတယ်။ ကျွန်တော့ဆန္ဒအရ ပြောရရင် ကျွန်တော့်ရှေ့မှာ စစ်တပ်ကြီး တစ်ခုလုံးတောင် ရှိနေစေချင်ပါတယ်။ တစ်နေ့ ကျရင် အာဏာငန်းဖမ်းပြီး အကြင်နာမဲ့တဲ့ လူတစ်စုရဲ့ လက်ချက်ကြောင့် သူတို့ရဲ့ စစ်ဝတ်စုံတွေပေါ်မှာ ပေကျံ နေတဲ့ ရှက်ကြောက်ဖွယ်ရာ သွေးစက်သွေးကွက်တွေကို ဒီစစ်တပ်ကြီးက ဒေါသအမျက်ခြောင်းခြောင်းထွက်ပြီး ဆေးကြောသုတ်သင်ပစ်လိုက်ကြပါလိမ့်မယ်။ "
(၃)
တရားခွင် အမာဒဗတ်၊ တရားလို အင်္ဂလိပ်ကိုလိုနီအစိုးရနှင့် အစိုးရရှေ့နေချုပ်၊ တရားသူကြီး သရွမ်းဖီးလ်၊ အမှု ပုဒ်မ ၁၂၄(က)နှင့် ဆူပူမှုလှုံ့ဆော်ရေး ဆောင်းပါးသုံးစောင် ရေးသားမှု၊ အစိုးရကို အကြည် ညိုပျက်စေမှု၊ ပြစ်ဒဏ် ထောင်ဒဏ်ခြောက်နှစ်။
တရားခံ မဟတ္တမ ဂန္ဒီ။
"အကြမ်းမဖက်ရေးဝါဒဟာ ကျွန်တော့် ယုံကြည်ချက်ရဲ့ အဓိက ကြွေးကြော်သံဖြစ်တယ် "
ဗြိတိသျှတို့က ရိုးလတ် ( Rowlatt Acts ) ဥပဒေကို ထုတ်ခဲ့တယ်။ အဲဒီဥပဒေကြောင့် အိန္ဒိယကိုလိုနီ အစိုးရက အာဏာပိုမိုရရှိလာကာ ရဲအဖွဲ့အား ထင်သလိုဖမ်းနိုင်ခွင့်၊ တရားစစ်ဆေးမှုမရှိဘဲ ထောင်သွင်း အကျဉ်းချထားပိုင်ခွင့် သို့မဟုတ် လျှို့ဝှက်စစ်ဆေးပိုင်ခွင့် ရခဲ့ပါတယ်။
ဒီဥပဒေကို မဟတ္တမဂန္ဒီက ဆန့်ကျင်ခဲ့ပါတယ်။ တစ်မျိုးသားလုံး အတိုင်းအတာနဲ့ သပိတ်မှောက်ရန်လဲ လှုံ့ဆော်ခဲ့တယ်။ ဂန္ဒီရဲ့လှုံဆော်ချက်က တစ်နိုင်ငံလုံးပျံ့နှံ့သွားပြီး အစိုးရလုပ်ငန်းတွေပါ ရပ်စဲသွားတော့တယ်။ နေရာတော်တော်များမှာ အကြမ်းဖက်မှုတွေ ပေါ်ပေါက်လာခဲ့တယ်။ နယ်တစ်နယ်မှာ လူထုနှစ်သောင်းကျော် အုံကြွမှုပေါ်ပေါက်လာပြီး ဗြိတိသျှ ဗိုလ်ချုပ် ဒိုင်ယာက ပစ်ခတ်နှိမ်နင်းခြင်းကြောင့် လူ ၄၀၀ နီးပါး သေဆုံးခဲ့ရ တယ်။ လူ ၁၀၀၀ ကျော် ဒဏ်ရာရခဲ့ကြတယ်။
ဂန္ဒီဟာ အိန္ဒိယအမျိုးသား ကွန်ဂရက်ရဲ့ ခေါင်းဆောင်ဖြစ်လာပြီး အကြမ်းမဖက်ရေး၊ မပူးပေါင်းရေး လမ်းစဉ်ကိုချမှတ်လိုက်တော့တယ်။ သို့သော် ၁၉၂၁ ခုနှစ်မှာ အဖမ်းခံခဲ့ရပြီး ရုံးတင်စစ်ဆေးခြင်းခံခဲ့ရပါတယ်။
ဂန္ဒီအား တရားစွဲဆိုသောအခါ နောက်ဆုံး၌ တရားသူကြီးက ဂန္ဒီအား စီရင်ချက်မချမီ လျှောက်လဲချက် ကိုပေးရန်ခွင့်ပြုခဲ့ပါတယ်။ ဒီအခါ ဂန္ဒီက သူယုံကြည်ရာနှင့် အမှန်တရားတို့ကို သူ့လျှောက်လဲချက်တို့မှာ တစ်ခါတည်းပါဝင်အောင် လျှောက်လဲသွားပါတယ်။
"ကျွန်တော်ဟာ အကြမ်းဖက်မှုကို ရှောင်ရှားလိုခဲ့ပါတယ်။ အခုလည်း ရှောင်ရှားလိုပါတယ်။ အကြမ်း မဖက်မှုဟာ ကျွန်တော့်ယုံကြည်ချက်ရဲ့ အဓိကကြွေးကြော်သံဖြစ်ပါတယ်။ ကျွန်တော့်ဝါဒရဲ့ နောက်ဆုံး ကြွေး ကြော်သံလည်း ဖြစ်ပါတယ်။ ဒါပေမဲ့ ကျွန်တော့်အဖို့ ရွေးချယ်စရာရှိလာပါတယ်။ ကျွန်တော့်အဖို့ ကျွန်တော်ရဲ့ တိုင်းပြည်အတွက် ဘေးဒုက္ခရောက်စေမယ့် စနစ်တစ်ခုကို လက်နက်ချပြီး အညံ့ခံမလား၊ ဒါမှမဟုတ် ကျွန်တော့်ရဲ့ နှုတ်ဖျားက ထွက်လာတဲ့ အမှန်တရားတွေကို နားလည် သဘောပေါက်လာကြပြီး ဒေါသခြောင်း ခြောင်းခြောက်ထွက်လာတဲ့ ပြည်သူတွေရဲ့ အုံကြွပေါက်ကွဲမှုကိုဖြစ်စေပြီး စွန့်စားမလားဆိုတဲ့ ရွေးချယ်ရေး တရားနှစ်ခုကို ကျွန်တော်ရင်ဆိုင်ခဲ့ရပါတယ်။
ပြည်သူတွေဟာ တစ်ခါတစ်ရံ ထိန်းမနိုင်သိမ်းမရအောင် ဖြစ်တယ်ဆိုတာ ကျွန်တော်သိပါတယ်။ ဒီ အတွက် ကျွန်တော်အထူး လှိုက်လှိုက်လှဲလှဲဝမ်းနည်းမိပါတယ်။ ဒါကြောင့်လည်း ဒီရုံးတော်မှာ ကြီးလေးတဲ့ ရာဇ၀တ်ပြစ်ဒဏ်ကို ခံဖို့ အသင့်ရှိပါတယ်။ ကျွန်တော့်ကို လွတ်ငြိမ်းချမ်းသာခွင့်ပေးဖို့ မတောင်းဆိုပါဘူး။
တရားသူကြီးမင်းအတွက် ရွေးချယ်ရန် ဖွင့်ထားသော လမ်းနှစ်သွယ်မှာ အကယ်၍ တရားသူကြီးမင်း စောင့်ရှောက်ထိန်းသိမ်းနေရသော လက်ရှိတရားဥပဒေသည် မကောင်းသော၊ ဆိုးရွားသော၊ အကုသိုလ်ဖြစ် သောတရားဥပဒေများဟု ခံစားရပြီး အမှန်စင်စစ် ကျွန်ုပ်သည် လုံးဝအပြစ်ကင်းသည်ဟု ယူဆပါက မိမိကိုယ်ကို မကောင်းမှုမှ ရှောင်ရှားလိုပါလျှင် လက်ရှိရားထူးတာဝန်မှ နုတ်ထွက်ရန် ဖြစ်နိုင်ပါသည်။ သို့တည်းမဟုတ် လက်ရှိစနစ်နှင့် တရားဥပဒေတို့သည် ဤတိုင်းပြည်နှင့် ဤပြည်သူတို့အတွက် ကောင်းမွန်သည်ဟု ယူဆယုံ ကြည်ပြီး ကျွန်ုပ်၏ လုပ်ရပ်သည် ထူထုအကျိုးကို နစ်နာထိခိုက်စေသည်ဟု ယူဆပါက ကြီးလေးသော ရာဇ၀တ် ပြစ်ဒဏ်ကို ကျွန်ုပ်အပေါ်ချမှတ် စီရင်ရန်ဖြစ်ပါသည်။ "
(၄)
စာအုပ်ကြီးဖတ်နေရာက ကျွန်တော်ခဏနားနေလိုက်တယ်။ လျှောက်လဲခြင်း၊ အမှန်တရားဆိုတာတွေ စီအတွေးက ရောက်ရှိနေပါတယ်။ အမှန်တရားအတွက် ခေါင်းဆောင်ကြီးတွေက လုပ်ဆောင်သွားကြတယ်။ ကိုယ့်ကိုစီရင်မဲ့ပြစ်ဒဏ်က ပေါ့အောင်၊ လွှတ်အောင် လျှောက်လဲသွားခဲ့ကြတာမဟုတ်ဘူး။
မှန်ကန်တဲ့ လုပ်ဆောင်ချက်တွေ၊ ပြည်သူအတွက် တကယ်လိုအပ်တဲ့ လုပ်ငန်းတွေ၊ မှားယွင်းနေတဲ့ တရားစီရင်ရေးတွေ၊ ဖိနှပ်ချုပ်ချယ်မှုတွေကို ထုတ်ဖော်ပြသသွားတဲ့ အမှန်စကားတွေသာဖြစ်တယ်လို့ ကျွန်တော်မြင်နေမိပါတယ်။
ကျွန်တော်ဘ၀မှာရော အမှန်တရားအတွက် လောကကြီးကို ဘာတွေလျှောက်လဲခဲ့ပြီးပြီလဲ။ လူအများ အကျိုးအတွက် ရဲရဲဝံ့ဝံ့ပြောဆိုခဲ့ပြီးပြီလဲ။ ကိုယ့်ကိုယ်ကိုစမ်းစစ်ကြည့်လိုက်တော့ စာအုပ်ကြီးကို မတို့မထိရဲ သလိုဖြစ်နေပါတယ်။ ကျွန်တော် အမှန်တရားကို ကြောက်ရွှံ့နေပြီလား။ အမှန်တရားကို ထုတ်ဖော်သွားတဲ့ ပုဂ္ဂိုလ်ကြီးတွေရဲ့ စကားသံတွေကို နားမထောင်ဝံ့တော့ဘူးလား။ ကိုယ့်ကိုယ်ကို အမှန်တရားကိုမြတ်နိုးသူလို့ အားတင်းရင်း စာအုပ်ကြီး တစ်ဖန်ပြန်လည်ကိုင်မိပါတယ်။
(၅)
"အဆွေတော် သင်ဟာ တန်ခိုးကြီးတဲ့ စစ်သည်ဗိုလ်ခြေတွေထက် ပညာအရောင် ထွန်းပြောင်တဲ့ အေသင်မြို့တော်က မြို့ကြီးသားစင်စစ်ဖြစ်ပါတယ်။ ဒီလိုမြို့ကြီးသားဖြစ်တဲ့ သင်ဟာရွှေငွေအသပြာ ရာထူး ဂုဏ်၊ ဓနဂုဏ်၊ စည်းစိမ်ဥစ္စာဂုဏ် နောက်ကိုသာ တကောက်ကောက်လိုက်နေတယ်။ ပညာရရှိဖို့ အရေးကို တော့ သင်သတိမရ။ အမှန်တရားကို ရှာဖွေဖို့အရေးကိုတော့ သင်သတိမရ။ စိတ်ကောင်းစေတနာကောင်း မွေးဖို့အရေးကိုတော့ သင်သတိမရ။ လျစ်လျူရှုပြီး နေခဲ့တယ်။ ဒီလို အပြုအမူဟာ အေသင်မြို့ကြီးသား အခေါ် ခံရသူအဖို့ ရှက်စရာမဟုတ်ဘူးလား "
မေးခွန်းထုတ်လိုက်တာက ဆိုကရေးတီး ဖြစ်ပါတယ်။ ဆိုကရေးတီးကို တရားခံအဖြစ် တရားစွဲဆိုတဲ့ တရားလိုသုံးယောက်က အေသင်မြို့ ဒီမိုကရေစီအစိုးရခေါင်းဆောင် အနိုင်းတပ်ဖ်၊ ပြဇာတ်နှင့်ကဗျာဆရာ မီလီ တပ်စ်နှင့် အဟောကောင်း အပြောကောင်းဟု ထင်ရှားခဲ့သော လိုင်ကုန္နတို့ပဲ ဖြစ်တယ်။
ဆိုကရေးတီးကို ဘာသာတရားမကိုင်းရှိုင်းသူ၊ နတ်ဒေ၀ါသစ်များကို ဖန်တီးခဲ့သူ၊ လူငယ်များ၏ စိတ် ဓာတ်ကို ဖျက်ဆီးခဲ့သူအဖြစ် စွဲချက်တင်ခဲ့ခြင်းပါ။ ဆိုကရေးတီးက သူရိယနေင်းကို ကျောက်တုံး၊ စန္ဒီလမင်းကို မြေကြီးလို့ ဆိုခဲ့ပါတယ်။ လူငယ်တွေရဲ့ အသိဥာဏ်ပညာကို လမ်းဖွင့်ပေးခဲ့တယ်။
"သင်တို့မြဲမြဲကြီး မှတ်ထားဖို့လိုတာကတော့ ငါလိုလူတစ်ယောက်ကို အဆုံးစီရင်လိုက်ရင် ငါနစ်နာတာ ထက်သင်တို့ကပိုပြီး နစ်နာကြပါလိမ့်မယ်။ စင်စစ်အားဖြင့် ငါ့ကို ဘယ်သူမှ နစ်နာအောင် မလုပ်နိုင်ကြပါဘူး။ မီလီတပ်စ်လည်း မလုပ်နိုင်ဘူး။ အနိုင်းတပ်စ်လည်း မလုပ်နိုင်ဘူး။ အကြောင်းကတော့ လောကမှာ လူဆိုး လူမိုက်ဟာ လူတော်လူကောင်းကို နစ်နာအောင် မလုပ်နိုင်ဘူးလို့ လောကပါလတရား ရှိတဲ့အတွက်ဖြစ်ပါတယ်။
အနိုင်းတပ်စ်ဟာ အခု ဒီအမှုမှာ သူကိုယ်တိုင် ကြိုးစားလုံးပမ်းနေပါတယ်။ လူတစ်ယောက်ရဲ့ အသက်ကို သတ်ဖို့ မတရားတဲ့နည်းနဲ့ အားထုတ်မှုကို ပြုနေပါတယ်။ ဒီမကောင်းမှု ဒုစရိုက်ကြောင့် အနိုင်းတပ်စ်ဟာ မိမိကိုယ်ကိုပင် မိမိပြန်ပြီး အပြစ်ပေးနေတယ်လို့ ငါထင်တယ်။ သူခံရမယ့် အပြစ်ဒဏ်ဟာ ငါခံရမယ့်အပြစ်ဒဏ်ထက်ပိုပြီး ဆိုးတယ်လို့ ငါထင်တယ်။
အို အေသင်မြို့သားတို့ အကယ်၍ငါဟာ နိုင်ငံရေးလောကထဲမှာ ၀င်ရောက်ခဲ့မိရင် ငါ ကျဆုံးခဲ့တာ ကြာပါပြီ။ ပြီးတော့ သင်တို့အတွက်ရော ငါ့အတွက်ရော ဘယ်သူ့အတွက်မှ အကျိုးရှိရာကို လုပ်နိုင်ခဲ့မှာ မဟုတ် ဘူး။ ဒီလိုငါအမှန်ကို ပြောတဲ့အတွက် စိတ်မတိုကြပါနဲ့။ အမှန်တရားဟာ ဒီအတိုင်းပါပဲ။ အကြင်သူ တစ်ယောက်ဟာ တရားမျှတတဲ့ဘက်က ၊ မှန်ကန်တဲ့ဘက်က ရပ်တည်တိုက်ခိုက် ရမယ်ဆိုရင် သူဟာ တစ်ဦး ချင်းနေထိုင်သင့်ပါတယ်။ "
"အေသင်မြို့သားတို့၊ ငါ သွားချိန်တန်ပါပြီ။ ဒါကြောင့် သင်တို့နဲ့ ငါ လမ်းခွဲကြရပါတော့မယ်။ ငါရဲ့လမ်း ဟာသေလမ်းဖြစ်ပါတယ်။ သင်တို့ရဲ့ လမ်းဟာ နေလမ်းဖြစ်ပါတယ်။ ဘယ်လမ်းက သာသလဲ။ သင်တိုလည်း မသိ၊ ငါလည်းမသိ၊ ဘယ်သူမှမသိပါ။ အဂ္ဂဘုံက နတ်ဘုရားကလျှင် ကောင်းကောင်းကြီး သိပါတယ်။
ဆိုကရေးတီးဟာ ယုံကြည်ရာအမှန်တရားကို အသက်နဲ့လဲပြီး ပြသသွားပါတယ်။ အမှန်တရားအတွက် အသက်ပေးသွားတယ်ဆိုလျှင်လဲ မမှားနိုင်ပါဘူး။ ဘာလို့လဲဆိုရင် အကျဉ်းထောင်ထဲက မိတ်ဆွေများရဲ့ရှေ့ မှာပဲ လုလင်ထံက အဆိပ်သေဆေးကို အေးဆေးတည်ငြိမ်ရွင်လန်းတဲ့ မျက်နှာနဲ့ ယူငင်သောက်သုံးပြီး ဘ၀ တစ်ပါး ကို ကူးပြောင်းသွားခဲ့လိုပါပဲ။
(၆)
ကျွန်တော်ဖြတ်သန်းခဲ့တဲ့ သက်တမ်းမှာ ကိုယ့်ဘ၀အရေး၊ မိသားစုအရေး၊ ဆွေမျိုးအရေးတွေကို ကြည့် ပြီး မတရားမှုတွေကိုလဲ ခေါင်းငုံ့ခံခဲ့တယ်။ အမှန်တရားကိုလဲ မျက်ကွယ်ပြုခဲ့ရပါတယ်။ အမှန်တရားဆိုတာကို ကြောက်ရွှံ့နေမိတယ်။ ဒါကြောင့်လဲ ဘ၀ကို ပြန်စစ်ကြည့်လိုက်ရင် အတ္တသမားတွေအတွက်က လွှဲလို့ကျန်တဲ့ လူအများအကျိုးအတွက် မဆောင်ရွက်နိုင်ခဲ့ပါဘူး။
ပြီးတော့ ကိုယ့်လိပ်ပြာကိုလဲ မလုံချင်လှတော့ပါဘူး။
ဒီတော့ ကိုယ့်ဘ၀အတွက် အမှန်တရားတွေ၊ ယုံကြည်ချက်တွေ၊ ရိုးသားမှုတွေကို ကိုယ်တိုင်တရား သူကြီးလုပ်လို့ ကိုယ်တိုင် ပြန်လျှောက်ကြည့်ရမယ်။ ကိုယ့်ကိုယ်ကို ပြန်လျှောက်လိုက်တဲ့ လျှောက်လဲခြင်း တွေမှာလဲ အမှန်တရားတွေပါနေဖို့ လိုတာပေါ့လေ။
စာကူး- မောင်ကိုယု၏ "ကမ္ဘာကျော်တရားခွင်လျှောက်လဲချက်များ "
( စာကိုးတာမဟုတ်ပဲ စာတွေကူးချတာမို့ စာကူးလို့ပြောလိုက်ရခြင်းပါ )
***************************
မောင်ပိုင်
၃၀-၁၁-၂၀၁၃