(Voice Weekly Volume 8, No. 38., page 30-31, June 30, 2012)
×
မင်းဇော်ဦး
×
အခုဖြစ်နေတဲ့ ရခိုင်ပြည်နယ်က ရိုလင်ဂျာပြဿနာ အပေါ်မှာ တိုင်းပြည်ခေါင်းဆောင်တွေ နိုင်ငံရေးပါတီကြီးတွေက သဘောထား ထုတ်ပြန်ချက်တွေပေးကြတယ့်အခါမှာ အဓိကအားဖြင့် တရားဥပဒေစိုးမိုးရေး နဲ့ ဘာသာရေး အဓိကရုဏ်းအဖြစ် တခြားနေရာတွေမှာ ပြန့်မသွားကြဖို့ တိုက်တွန်းထားပါတယ်။ လက်ရှိ အဓိကရုဏ်းကို ရပ်တန့်ဖို့ တစ်ဖက်နဲ့တစ်ဖက် အပြန်အလှန် ကလှည့်စားခြေတာတွေရပ်ဖို့ ကလက်ငင်းလိုအပ်ချက်တွေပါ။ ဒါအပြင် ရေရှည်မှာ ဒီပြဿနာကို ဘယ်လိုဖြေရှင်းမလဲ ဆိုတဲ့ မူဝါဒဆိုင်ရာကိစ္စကို စဆွေးနွေးသင့်ပြီ၊ လူထုကို ချပြသင့်ပြီလို့ထင်ပါတယ်။ ရခိုင်ပြည်နယ်က ရိုဟင်ဂျာ ပြဿနာက အမျိုးသားလုံခြုံရေး နဲ့ ဘယ်လိုဆက်စပ်လဲ? ဒီပြဿနာနဲ့ပတ်သက်ပြီး အမျိုးသား အကျိုးစီးပွားက ဘာဖြစ်သင့်လဲ? ဘယ်လိုပေါ်လစီတွေချပြီး ဆောင်ရွက်သင့်လဲ?
×
အမျိုးသားလုံခြုံရေးပြဿနာ
ရိုဟင်ဂျာပြဿနာကို လူ့အခွင့်အရေး နဲ့ လူ့ကျင့်ဝတ်ဆိုင်ရာတရား သက်သက်လောက်မှာပဲ ကန့်သတ်စဉ်းစားလို့ မရဘူး။ ရိုဟင်ဂျာပြဿနာက အမျိုးသားလုံခြုံရေး နဲ့တိုက်ရိုက်ဆိုင်တယ်။ အမျိုးသားလုံခြုံရေး အမျိုးသား အကျိုးစီးပွား ကိုစဉ်းစားတဲ့အခါမှာ ချစ်ခြင်းမုန်းခြင်းကင်းတဲ့ ကျိုးကြောင်းဆီလျှော်မှုကို အခြေခံတဲ့ ရလဒ်ကိုခြေပြုတဲ့ ဆင်ခြင်တုံတရားကို အခြေခံဖို့ အရေးကြီးပါတယ်။ ဘာကြောင့် အမျိုးသားလုံခြုံရေးပြဿနာ ဖြစ်ရတယ် ဆိုတာ အချက် ၃ ချက်ရှိတယ်။
×
ဘင်္ဂလားဒေ့ရ်ှနိုင်ငံရဲ့အကြပ်အတည်း
နံပတ်တစ် အဓိကအကြောင်းက ဘေးအိမ်နီးချင်း ဘင်းဂလားဒေ့ရှ် ရဲ့ လက်ရှိရင်ဆိုင်နေရတဲ့ အကြပ်အတည်းပါ။ ဘင်္ဂလားဒေ့ရ်ှက မြန်မာနိုင်ငံထက် ၄.၆ ဆလောက် အကျယ်အဝန်းအရ သေးငယ်ပေမယ့် ခန့်မှန်းချေ အရ သူ့လူဦးရေက ၂.၆ ဆပိုများတယ်။ ကမ္ဘာပေါ်မှာ လူဦးရေသိပ်သည်းဆ အများဆုံးနိုင်ငံတွေထဲ မှာပါတယ်။ အင်္ဂလိပ်ခေတ်ကတည်းက လုပ်ကိုင်စားသောက်လို့ ပိုအဆင်ပြေတဲ့ မြန်မာပြည်ကို ဘင်္ဂလားဒေ့ရ်ှဘက်ကသူတွေ အလုံးအရင်းနဲ့ ဝင်လာတာကြောင့် ဗြိတိသျှအစိုးရတောင် နောင်လူမျိုးရေးပြဿနာတွေ ဖြစ်နိုင်တယ်လို့ မှတ်တမ်းပြုခဲ့ဘူးတယ်။
-
ဘင်းဂလားဒေ့ရ်ှဆိုတာ သဘာဝပတ်ဝန်းကျင်ရဲ့ ရိုက်ခတ်မှုဒဏ်ကို အခံရဆုံးနိုင်ငံတွေထဲ ကတစ်ခု။ UNDPရဲ့အဆိုအရ ပယ်လယ်ရေမျက်နှာပြင်မြင့် တက်လာမှုကြောင့် ဘင်္ဂလားဒေ့ရ်ှရဲ့ ၁၇.၅% သောမြေတွေပာာ ရေအောက်ရောက်မယ့် ကိန်းဖြစ်နေပြီ။ ရေဖုံးလာနေတဲ့မြေတွေပာာ ဘင်္ဂလားဒေ့ရ်ှရဲ့ ကန်ရိုးတန်းဒေသတွေဖြစ်ပြီး ဒီပြဿနာကြောင့် ဘင်္ဂလားဒေ့ရ်ှရဲ့ လူသန်း ၄၀ လောက်တဖြေးဖြေးနဲ့ “သဘာဝပတ်ဝန်းကျင် ဒုက္ခသည်” ဖြစ်လာမယ်လို့ နိုင်ငံတကာ သဘာဝပတ်ဝန်းကျင်ပညာရှင်များက ခန့်မှန်းကြတယ်။ ရေမျက်နှာပြင် မြင့်တက်နှုန်းအမြင့်ဆုံးဒေသက မြန်မာပြည်နဲ့နီးတဲ့ စစ်တကောင်း (Cox’s Bazar) ကမ်းရိုးတန်း ဖြစ်တယ်။ တစ်နှစ်ကို အနည်းဆုံး ၇.၈ မီလီမီတာနှုန်းနဲ့ မြင့်တက်လာတယ်။ ရေရှည်မှာ ဘင်္ဂလားဒေ့ရ်ှရဲ့ “သဘာဝပတ်ဝန်းကျင်ဘေးသင့် ဒုက္ခသည်” ပြဿနာက မြန်မာနိုင်ငံတံခါး ကိုလာခေါက်တော့မှာ ဖြစ်တယ်။ အထူးအဖြင့် မြန်မာပြည်မှာ စီးပွားရေး အခွင့်အလမ်း တိုးတက်လာခဲ့ယင်ပေါ့။
-
ဒါပေမယ့် ၁၉၉၁ နောက်ပိုင်းကစလို့ အစိုးရက ရိုဟင်ဂျာတွေကို နိုပ်ကွပ်လာလိုက်တဲ့အခါ ခိုးဝင်တာတွေနည်းသွားတဲ့အပြင် ဘင်းဂလားဒေ့ရှ် အစိုးရနဲ့ သဘောတူညီမှုရပြီး ပြန်ပို့တဲ့သူတွေထဲမှာတောင် မြန်မာပြည်တွင်းက ပြန်ထွက်ပြေးသူတွေ အများကြီးပါ။ မြန်မာပြည်တွင်းမှာ စီးပွားရေး မကောင်းတာက တစ်ကြောင်း နိုင်ငံခြားမှာ သွားအလုပ်လုပ်နိုင်တဲ့ အခွင့်အရေးတွေ ပေါ်လာတာကတစ်ကြောင်း အနောက်နိုင်ငံတွေကို ဒုက္ခသည်အဖြစ် သွားရောက်ဖို့ အခွင့်အလမ်းတွေ ဖန်လာတာတွေ ကြောင့် ဘင်္ဂလားဒေ့ရ်ှကိုရောက်နေတဲ့ သူတွေအပြင် မြန်မာပြည်တွင်းက ရိုဟင်ဂျာတွေပါ ပြည်ပကို တစ်နည်းနည်းနဲ့ ရအောင်ထွက်ကြပါတယ်။ ဒါကြောင့် လူကုန်ကူးလုပ်ငန်း ကိုကျယ်ကျယ်ပြန့်ပြန့် လုပ်တဲ့သူတွေထဲမှာ ရိုဟင်ဂျာကွန်ယက်ဟာ စနစ်တကျနဲ့ အချိပ်ဆက်ရှိရှိ တည်ဆောက်ထား တယ်လို့ ဒေသဆိုင်ရာ လုံခြုံရေး အဖွဲ့တွေက ဆိုပါတယ်။ ရိုဟင်ဂျာ လူကုန်ကူးမှုနဲ့ တရားမဝင်ခိုးဝင်တဲ့ ပြဿနာဟာ ထိုင်း၊ မလေးရှား၊ အင်ဒိုနီးရှား၊ အော်စတေးလျ၊ ဘင်္ဂလားဒေ့ရှ်၊ အိန္နိယ၊ ပါကစ်စတန်၊ ဆော်ဒီအာရေးဘီးရား၊ UAE စတဲ့နိုင်ငံတွေ အထိပြန့်နှံ့နေပြီး ဒေသဆိုင်ရာ နယ်စပ်ဖြတ်ကျော်မှုခင်း (Transnational Crime) တစ်ခုအဖြစ် အလေးနက်ထား စဉ်းစားလာပြီဖြစ်တယ်။
-
နယ်စပ်ရိုဟင်ဂျာတို့ရဲ့ ဘင်္ဂလီ အဆက်အနွယ်
နံပတ်နှစ် အကြောင်းက ဘင်္ဂလားဒေ့ရ်ှကလူတွေနဲ့ ဘာသာစကား ကိုးကွယ်ယုံကြည်မှု ယဉ်ကျေးမှုအရ နီးစပ်တဲ့ မြန်မာပြည်ထဲက ရိုဟင်ဂျာတွေပာာ ဆွေမျိုးသားချင်းတွေက လာချင်တယ်ဆိုယင် လာခေါက်မယ့် တံခါးဝမှာ ဖွင့်ပေးဖို့ ထိုင်စောင့်နေသူတွေလို ဖြစ်နေတယ်။ မြန်မာပြည်နဲ့ ဘင်္ဂလားဒေ့ရှ် နယ်စပ်မျဉ်းက ၁၂၅ မိုင် ပဲရှိပေမယ့် အိန္နိယလို ဘင်္ဂလားဒေ့ရှ် ကခိုးဝင်လာမယ့် သူတွေကိုတားဆီးဖို့ စနစ်တကျပြင်ဆင် ထားတဲ့ အတားအဆီးမျိုး မရှိဘူး။ အိန္နိယမှာ မိုင်၂၅၀၀ ကျော် ဘင်္ဂလားနယ်စပ်ကို မိုင် ၂၀၀၀ လောက်ခြံစည်းရိုးခတ်ပြီး လုံခြုံရေး အစီအမံတွေ လုပ်ထားတာတောင် ဘင်္ဂလီခိုးဝင်တဲ့ ပြဿနာကို မဟန့်တားနိုင်ပါဘူး။ နယ်စပ်ကလည်းပို ရှေလျှားတဲ့ အပြင် အာသံနဲ့ West Bengal ဘက်မှာက ဘင်္ဂလီအနွယ်တွေက ရှိနေတော့ ၂၀၀၁ တရားဝင်နေထိုင်သူ စစ်တမ်းအရ အနည်းဆုံး ဘင်္ဂလားဒေ့ရ်ှဘက်က ဘင်္ဂလီ ၃ သန်းလောက်က အိန္နိယနိုင်ငံနိုင်ငံထဲ ရောက်နေပြီးပြီ။ အိန္နိယ ပြည်ထဲရေး ဝန်ကြီး Shri Indrajit Gupta က တရားမဝင် ၁၀သန်းကျော် ခိုးနေသူတွေထဲမှာ ဘင်္ဂလားနယ်စပ် အာသံနဲ့ West Bengal နှစ်ခုပေါင်းရင်ပဲ ၉သန်းကျော် သူတို့တိုင်းပြည်ထဲမှာ ဝင်နေပြီလို့ ၁၉၉၇ တုန်းက အိန္နိယလွတ်တော်ကို တင်ပြဖူးတယ်။ ဘင်္ဂလီအနွယ် လူမှုရေးကွန်ရက်ရှိပြီးသား နယ်စပ်တွေက တရားမဝင် ခိုးဝင်ဖို့ လွယ်ကူတဲ့နေ ရာတွေဖြစ်လာတယ်။ အထူးသဖြင့် ဒီလိုဝင်လာတဲ့သူ အများစုက ဆင်းရဲပြီး ပညာမတတ်သူတွေ ဖြစ်တာကြောင့် မတိုးတက်သေးတဲ့ တိုင်းပြည်တွေမှာ ဝန်ထုတ်ဝန်ပိုး ပိုကြီးလာတယ်။ မြန်မာပြည်က အကျင့်ပျက်လဝက အရာရှိတွေကြောင့်လည်း တရားမဝင်ခိုးဝင်လာသူတွေ ကိုထိထိရောက်ရောက် မဟန့်တားနိုင်ခဲ့ပါဘူး။
-
တံခါးစောင့်ဆွေမျိုးပေါက်ဖော် ပြဿနာက ရခိုင်ဘက်မှာတင်မဟုတ်ဘူး။ မြန်မာနိုင်ငံမြောက်ပိုင်းက တရုပ်စကားပြောတဲ့ ဥပမာ ‘ဝ’ လူမျိုးစု တွေလိုအုပ်စုတွေမှာလည်း အလားတူ ပြဿနာမျိုးရှိပါတယ်။ ရခိုင်မှာ အခုဖြစ်တဲ့ လူမျိုးရေး အဓိကရုဏ်းမျိူး မန္တလေးလို နေရာမျိုးမှာ တစ်ချိန်ဖြစ်လာနိုင်ပါတယ်။
-
ဘင်္ဂလားဒေ့ရှ် အဆက်အနွယ် တင်မက နိုင်ငံတကာမှာ ရိုဟင်ဂျာဆိုပြီး ရောက်နေတဲ့ သန်းနဲ့ချီတဲ့ လူတွေက မြန်မာပြည်ပြန်ရေး ဆိုပြီးဖြစ်လာနိုင်တဲ့ ပြဿနာကိုလည်း ထည့်စဉ်းစားဖို့လိုပါ လိမ့်မယ်။ နိုင်ငံတကာရောက် ရိုဟင်ဂျာတွေနဲ့ သူတို့နေတဲ့ အိမ်ရှင်နိုင်ငံကြားမှာ ပြဿနာအများကြီးရှိပါတယ်။ ဥပမာ ဆော်ဒီဘုရင် Faisal လက်ထက်မှာ ၁၉၅၀ အစောပိုင်းကစပြီး ရိုဟင်ဂျာတွေကို အစုလိုက်အပြုံလိုက် လက်ခံပြီး အမြဲတန်းနေထိုင်ခွင့် ပေးခဲ့ပါတာ အခုဆို ၂သိန်းခွဲလောက်ရှိနိုင်ပါတယ်။ အဲဒီထဲမှာ မကာဘုရားဖူးဆိုပြီး ဗီဇာနဲ့ဝင် ခိုးဝင်ြပီးနေတဲ့ သူတွေလည်း အများအပြားပါ။ အခုဆိုယင် Faisal လက်ထက်ကပေးဝင်ခဲ့တဲ့သူတွေနဲ့ သူတို့ရဲ့ မိသားစုတွေ ကိုတောင် ဆော်ဒီအစိုးရက နေထိုင်ခွင့်တိုးပေး ဖို့ငြင်းဆန်နေပါတယ်။ ၂၀၀၉မှာ ရာဇဝတ်မှုအမျိုးမျိုးနဲ့ ထောင်ထဲမှာထည့်ထားတဲ့ ရိုဟင်ဂျာ မိသားစု ၃ ထောင်လောက်ကို ဆော်ဒီကနှင်ထုတ်ဖို့ အမိန့်ချပေမယ့် ဘယ်ပို့ရမလဲမသိ ဖြစ်နေတယ်။ မြန်မာပြည်မှာ ရိုဟင်ဂျာနေတယ်ဆိုတဲ့ အသိမှတ်ပြုမှုမျိုးဖြစ်လာရင် နိုင်ငံအသီးသီးထောင်တွေထဲက ပြည်နှင်ခွင့်ကျနေတဲ့ ရိုဟင်ဂျာတွေကို လက်ခံဖို့ ဖိအားပေးမှုမျိုးတွေ ရှိလာဦးမှာပါ။
-
နယ်စပ်ပြဿနာ ရှုထောင့်ကကြည့်ယင် ဘင်္ဂလီအနွယ်ခြင်း တူတာတောင်မှ ပြည်မရောက်လာပြီး မြန်မာတိုင်းရင်းသားတွေနဲ့ ဒွေးရောယှက်တင် နေထိုင်နေတဲ့သူတွေက ပြဿနာမဟုတ်ဘူး။ ဒီသူတွေကို အကြောင်းပြုပြီး နောက်ထပ်တရားမဝင် လာရောက်ဖို့ဆိုတာ ဖြစ်ဖို့အလားအလာ နဲတယ်။ နယ်စပ်နဲ့ဆိုင်တဲ့ အဓိကပြဿနာက ရခိုင်ပြည်မှာရှိတဲ့ ဘင်္ဂလီနွယ် ရိုဟင်ဂျာတွေ။ သမိုင်းဆိုင်ရာအရ ၁၅ ရာစုလောက်က မွတ်ဆလင်ဘာသာဝင်တွေ ရခိုင်ကိုကူးလာတာ ရှိခဲ့တယ်လို့ ပြောကြပေမယ့် တကယ့်အများစုကတော့ အင်္ဂလိပ်ရခိုင်ကို စသိမ်းပြီးမှ ရောက်လာကြတာပါ။ သူတို့မြန်မာပြည်ကို စရောက်လာတဲ့ အချိန်ကစပြီး တခြားလူမျိုးစုတွေနဲ့ ရောထွေးမှုမရှိပဲ သီးသီးသန့်သန့် နေခဲ့ကြတယ်။ အစိုးရ အဆက်ဆက်ကမူဝါဒ အမှားတွေကြောင့် သူတို့ကို သီးသန့်နေခိုင်းသလို ဖြစ်သွားတာလဲပါတယ်။
-
သူတို့အနေနဲ့ အများစုက ဘင်္ဂလီဘာသာစကားပဲ ပြောတယ်။ မြန်မာပြည်မြေပေါ်မှာ မွေးလာတဲ့သူတို့ ခလေးတွေကလည်း မြန်မာပြည်က ယဉ်ကျေးမှုထက် တဖက်နိုင်ငံကပါလာတဲ့ ဓလေ့ထုံးတမ်းတွေ အပေါ်မှာကြီးပြင်းလာတယ်။ သူတို့ရဲ့ အမျိုးသားရေး ဆက်စပ်မှုက (national sense of belonging) မြန်မာပြည်ထက် တဖက်နိုင်ငံကို တွယ်ဆက်ထားတယ်။ ဒါကြောင့်မို့ လွတ်လပ်ရေးရတော့မယ့် အချိန်မှာ ဂျပန်တိုက်ဖို့ဆိုပြီး အင်္ဂလိပ်တွေ လက်နက်တပ်ဆင်ပေးထားတဲ့ ရခိုင်နေ ဘင်္ဂလီနွယ် မွတ်ဆလင် အုပ်စုဟာ မြန်မာပြည်က ခွဲထွက်ပြီး East Pakistan (အခုဘင်္ဂလားဒေ့ရှ်) နဲ့ပေါင်းမယ်ဆိုပြီး ကြိုးပမ်းခဲ့ပါတယ်။ အဲဒီအချိန်က ဘင်္ဂလားဒေ့ရှ် ကပါကန်စတန်ရဲ့နယ်ဖြစ်ခဲ့တာမို့ ပါကန်စတန် သမ္မတ Muhammad Ali Jinnah က မြန်မာခေါင်းဆောင်များနဲ့ မျက်နှာမပျက်ရအောင် ရခိုင်မွတ်ဆလင်တွေနဲ့ East Pakistan ပေါင်းဖို့ဆိုတာကို ငြင်းဆန်ခဲ့ပါတယ်။ North Arakan Muslim League ကိုတည်ထောင်ပြီး (အဲဒိအချိန်တွေမှာ ရိုဟင်ဂျာဆိုတာ မပြောကြသေးပါ) East Pakistan နဲ့ပေါင်းမရယင်လဲ ကုလားတန်မြစ်နဲ့ မေယုမြစ်ကြားကဒေသကို လွတ်လပ်တဲ့ မွတ်ဆလင်နိုင်ငံတခု ထူထောင်ဖို့ကြိုးစားခဲ့ပါတယ်။ မြန်မာပြည်ထဲမှာပဲ ကိုယ်ပိုင်အုပ်ချုပ်ရေး ရအောင်လုပ်သင့်တယ်လို့ တိုက်တွန်းခဲ့တဲ့ အစွန်းမရောက်တဲ့ ခေါင်းဆောင်တွေလည်း ရှိခဲ့ပါတယ်။ ဒါပေမယ့် သူတို့ရဲ့အသံက အနည်းစုဖြစ်ခဲ့တယ်။
-
မွတ်ဆလင်ချင်း တူယင်တောင်မှ ရခိုင်က ဘင်္ဂလီအနွယ် နဲ့ အိန္နိယအနွယ်တွေကြားမှာ အဲဒီထဲက ကွာခြားမှုရှိခဲ့တယ်။ ရခိုင်ပြည်ပြင်ပ မှာနေကြတဲ့ အိန္နိယအနွယ် မွတ်ဆလင်အများစုကတော့ သူတို့ရဲ့ အိန္နိယ ပါကစ္စတန် အဆက်ကိုဖြတ်ပြီး မြန်မာနိုင်ငံသား အဖြစ်နေဖို့ဆုံးဖြတ်ခဲ့ကြပါတယ်။ ပြန်ချင်တဲ့သူတွေ ကလည်းအပြီးပြန်သွားတယ်။ ကျန်နေတဲ့ အိန္နိယနွယ်ဖွား မြန်မာမွတ်ဆလင်တွေဟာ ဒီနေ့အထိ ဘာသာတာမတူပေမယ့် သူတို့ကိုသူတို့ မြန်မာနိုင်ငံသားလို့ နှစ်နှစ်ကာကာခံယူပြီး ဒီတိုင်းပြည်ရဲ့ ယဉ်ကျေးမှု ထုံးတမ်းအစဉ်အလာ အောက်မှာကြီးပြင်းလာ ကြတယ်။ လူမှုရေး ယဉ်ကျေးမှုအရ ရောရှက်သွားပြီး အမျိုးသားရေး ဆက်စပ်ပေါင်းစည်းမှု (National Integration) ဖြစ်လာခဲ့တယ်။ ဒါကြောင့် ရခိုင် ပဋိပက္ခကို မွတ်ဆလင် နဲ့ ဗုဒ္ဓဘာသာ ပြဿနာသက်သက်လို့ သုံးသတ်လို့ မရပါဘူး။ ဆက်စပ်ပေါင်းစည်းမှု integration မလုပ်နိုင်ခဲ့တဲ့ ပြဿနာဖြစ်တယ်။
-
အကြမ်းဖက်မှုဆိုင်ရာ လုံခြုံရေးပြဿနာ
-
တတိယ ပြဿနာက လုံခြုံရေး ကိစ္စဖြစ်တယ်။ မြန်မာပြည်လွတ်လပ်ရေးရပြီး အယင် ဘင်္ဂလီတွေကြောင့် တဖက်နိုင်ငံကိုပြေးသွားရတဲ့ ရခိုင်ဗုဒ္ဓဘာသာတွေ ပြန်ရောက်လာတော့ အခုလိုပဲ လူမျိုးရေး အဓိကရုဏ်းတွေဖြစ်ကြပါတယ်။ အဲဒီအချိန်ကတည်းက သူတို့ရဲ့ခေါင်းဆောင်တွေဟာ ဘာသာရေးစစ်ပွဲ ဂျီဟတ်ကိုဆင်နွဲဖို့ နိုးဆော်ခဲ့ပါတယ်။ ဒီလိုနဲ့ မူဂျာဟစ်သူပုန်ဆိုတာဖြစ်လာပြီး ရခိုင်ပြည်နယ်မြောက်ပိုင်းကို ထိမ်းချုပ်ထားနိုင်ခဲ့တယ်။
-
၁၉၅၄ မှာတော့ မူဂျာဟစ်တွေ စစ်ဦးကျိုးသွားခဲ့ပြီး သူ့တပ်တွေလည်း ဆန်မှောင်ခိုဂိုဏ်း သာသာလောက် ဖြစ်သွားခဲ့တယ်။ ၁၉၆၀ ဦးနုရဲ့ ဖဆပလ ရွေးကောက်ပွဲနိုင် သွားပြီးနောက်ပိုင်းမှာ ရခိုင်ပြည်နယ် အဆင့်ပေးဖို့လုပ်တဲ့ အချိန်မှာ မူဂျာဟစ်ကနေ ရိုဟင်ဂျာဆိုပြီး နိုင်ငံရေး လှုပ်ရှားမှုတွေပေါ်လာတယ်။ ပြည်တွင်းမှာ Rohingya Youth Organization, Rohingya Student Organization နဲ့ Rohingya Jamiat-al-Ulama Organization စတဲ့အဖွဲ့တွေအပြင် ဘူးသီးတောင် မောင်းတောက ရွေးကောက်ခံရတဲ့ ကိုယ်စားလုယ်တွေက ရခိုင်ပြည်နယ် အတွင်းမှာပဲ သူတို့ လူမှုရေး၊ စီးပွားရေး၊ ဘာသာရေး စတဲ့ ရပိုင် ခွင့်တွေပေးဖို့ တောင်းဆိုခဲ့တယ်။
-
ဦးနုအစိုးရက မေယုအုပ်ချုပ်ရေးဒေသဆိုပြီး ရိုဟင်ဂျာတွေအတွက် သီးသန့်သတ်မှတ်ဖို့လုပ်ခဲ့ပေမယ့် ဘင်္ဂလီခိုးဝင်တဲ့ ပြဿနာက မရပ်တဲ့အပြင် ပိုကြီးလာတယ်။ ရခိုင်ဗုဒ္ဓဘာသာတွေက မကျေမနပ်ဖြစ်ခဲ့တယ်။ ဗိုလ်ချုပ်နေဝင်း တက်လာပြီး နောက်ပိုင်းမှာ ရိုဟင်ဂျာအုပ်စုတွေ မြေအောက်ရောက်သွားပြီး ခွဲထွက်ရေး တောင်းဆိုချက်တွေ ဖြစ်လာပြန်တယ်။ ဒါပေမယ့် ၁၉၇၈ နဂါးမင်း စစ်ဆင်ရေး ဖြစ်လာတဲ့အချိန်မှာရော နောက်ပိုင်းတွေမှာ ရိုဟင်ဂျာ စစ်ရေးလှုပ်ရှား မှုတွေက အရှိန်သေသွားခဲ့ပြီ။ ၁၉၉၀ မှာ စစ်တပ်က ရိုဟင်ဂျာတွေကို မောင်းထုတ်ခဲ့ စဉ်မှာလည်း ရိုဟင်ဂျာ စစ်ရေးလှုပ်ရှားမှုတွေ မယ်မယ်ရရ သိပ်မတွေ့ရပါဘူး။ ၁၉၉၄မှာ မောင်းတော်ဒေသအတွင်း Rohingya Solidarity Organization (RSO)က ထိုးဖောက်စစ်ဆင်ရေးလုပ်ခဲ့ပေမယ့် စောစောစီးစီးပဲ ချေမှုန်းခံလိုက်ရတယ်။ အဲဒီနောက်ပိုင်း မြန်မာပြည်တွင်း မှာ ရိုလင်ဂျာ အဖွဲ့တွေရဲ့ အထင်ကရ စစ်ရေးလှုပ်ရှားမှု ဆိုတာ မရှိသလောက်ဖြစ်သွားပြီ။ ဒါဆိုဘာကြောင့် အခုချိန်မှာ ဒီရိုဟင်ဂျာအဖွဲ့က မြန်မာပြည်မှာ လုံခြုံရေးပြဿနာရှိတယ် လို့ပြောရတာလဲ မေးစရာဖြစ်လာတယ်။
-
အချုပ်အားဖြင့် ပြောရယင် RSO ရဲ့ နိုင်ငံတကာ အကြမ်းဖက် အဖွဲ့တွေနဲ့ဆက်စပ်မှု၊ လက်ရှိ နိုင်ငံတကာကကွန်ယက်၊ ဘင်္ဂလားဒေ့ရှ် အစိုးရ ရဲ့ အခန်းကဏ္ဍ၊ မြန်မာပြည်တွင်းက ရိုဟင်ဂျာတို့ရဲ့ ပေါက်ကွဲထွက်မဲ့အခြေအနေ နဲ့ မြန်မာပြည်ရဲ့ နိုင်ငံရေး တံခါးအဖွင့် အားလုံးဆုံလိုက်တဲ့ အခါ အကြမ်းဖက်တိုက်ခိုက်မှုတွေ ပေါ်ပေါက်လာနိုင်တဲ့ လုံခြုံရေးအရ စိုးရိမ်စရာတွေ ဖြစ်လာတယ်။
-
၂၀၀၀ ပြည့်နှစ်ဝန်းကျင်လောက်မှာ ဘင်္ဂလားဒေ့ရ်ှမှာ အခြေစိုက်တဲ့ ရိုဟင်ဂျာ အဖွဲ့တွေထဲမှာ Arakan Rohingya National Organization (ARNO) နဲ့ RSO နှစ်ခုလောက်ပဲ ထင်ထင်ရှားရှား ရှိတော့တယ်။ ARNOမှာ RSO ကအဖွဲ့တစ်ခုအနေနဲ့ ပါခဲ့ပေမယ့် နောက်ပိုင်းမှာ ခွာပြဲသွားတယ်။ ARNO ကတော့ RSOထက်စာယင် အင်အားနည်းပြီး ပိုပျော့ပြောင်းတဲ့မူဝါဒရှိတယ်။ ခွဲထွက်ရေးအတွက် မလုပ်ဖူးလို့ ၂၀၀၁ အင်တာဗျူးလုပ်တုန်းကပြောခဲ့ဖူးတယ်။ ရိုဟင်ဂျာထဲမှာလည်း အကွဲကွဲ အပြဲပြဲနဲ့ မူဝါဒကအမျိုးမျိုးပါ။ လှေနံဓါးထစ် တွက်လို့မရဘူး။
-
RSO ရော ARNO နှစ်ခုလုံး အရှေ့အလယ်ပိုင်း နိုင်ငံများကနေ အကူအညီရဖို့ ကြိုးစားခဲ့ကြတယ်။ ၁၉၈၀ ကျော်နှစ်တွေကထဲက RSO ကအာဖကန်နစ်စတန် ပါကစ္စတန် နိုင်ငံတွေထဲက အကြမ်းဖက်အုပ်စုတွေနဲ့ ဆက်သွယ်ခဲ့တယ်လို့ သတင်းများကဆိုတယ်။ ပါကစ္စတန်ရောက် ရိုဟင်ဂျာ ၃သိန်းခွဲလောက်မှာ အများစုက အဲဒီက ဘာသာရေးကျောင်းတွေမှာ တက်ကြတာ။ ပါကစ္စတန် ဘာသာရေးကျောင်းတွေထဲမှာ ဆော်ဒီအာရေးဗီးယား အခြေစိုက် Al-Haramain Islamic Foundation ကထောက်ပံ့တဲ့ကျောင်းတွေဟာ အစွန်းရောက် အစ္စလမ်ဘာသာကြီးစိုးရေးကို အခြေခံတဲ့ Wahhabi လမ်းစဉ်ကို ရိုက်သွင်းပေးတဲ့ ကျောင်းတွေဖြစ်တယ်။ အဲဒီကျောင်းသားတွေထဲမှာ အချို့ကို အာဖကန်မှာ စစ်တိုက်ဖို့ စစ်သားစုဆောင်းခဲ့ကြတယ်။ ဒီနေ့ အာဖကန်နစ်စတန် မှာ အသေခံဗုံးခွဲသူ အများစုက ပါကစ္စတန် ဘာသာရေးကျောင်းထွက်တွေဖြစ်တယ်။ Al-Haramain အဖွဲ့ဟာ ၁၉၉၀ နှစ်ဆန်းပိုင်းထဲကစပြီး စစ်တကောင်းနယ်ထဲက ရိုဟင်ဂျာတွေကို ထောက်ပံ့ခဲ့တယ်။ ဒါတင်မကဘူး လက်ရှိမြန်မာပြည်ထဲမှာ ရှိနေတဲ့ အထူးသဖြင့် ဘူးသီးတောင် မောင်းတော်က ဘာသာရေးကျောင်းတွေကိုလည်း ထောက်ပံ့နေတယ် လို့ခန့်မှန်းတယ်။ Al-Haramain ကို အမေရိကန်အစိုးရက အကြမ်းဖက်အဖွဲ့တွေ ထောက်ပံ့မှုနဲ့ ပိတ်ပင်လိုက်ပြီးနောက်ပိုင်း အခြား အဖွဲ့ နာမည် တွေသုံးပြီး ဘင်္ဂလားဒေ့ရ်ှက RSO အပါအဝင် အခြားအစွန်းရောက် အကြမ်းဖက်အဖွဲ့တွေ ကိုဆက်လက်ထောက်ပံ့ခဲ့တယ်။
-
အမေရိကန်က အာဖကန် တာလီဘန်ကို ထိုးစစ်ဆင်တော့ ပါကစ္စတန်ထောက်လှမ်းရေး Inter-service Intelligence (ISI)နဲ့ ဘင်္ဂလားထောက်လှမ်းရေး Directorate General of Force Intelligence (DGFI) တို့လက်ဝါးချင်းရိုက်ပြီး အာဖကန်မှာရောက်နေတဲ့ နိုင်ငံတကာက စစ်သွေးကြွတွေကို ၂၀၀၁ ဒီဇင်ဘာမှာ သဘောင်္စီးလုံးနဲ့တင် ဘင်္ဂလား စစ်တကောင်းကို ပို့လိုက်တယ်။ ဒီစစ်သွေးကြွတွေက RSOစခန်းတွေမှာ ခိုလုံနေပြီး လက်နက်ကိုင် ဖောက်ခွဲရေး သင်တန်းတွေလုပ်ကြတယ်။ အခုအချိန်ထိ ဒီစစ်သွေးကြွတစ်ချို့ RSOနဲ့ ဆက်နွယ်ပြီး စစ်တကောင်းမှာ ရှိနေဆဲလို့ ခန့်မှန်းရတယ်။
နိုင်ငံတကာဖိအားတွေကြောင့် စစ်တကောင်းက အကြမ်းဖက်စခန်းတွေကို ဘင်္ဂလားဒေ့ရ်ှအစိုးရက ၂၀၀၅ ကစပြီးဝင်ရောက်စီးနင်းတော့ ထိုင်းနယ်စပ်ဖက်က RSO သွင်းလာတဲ့လက်နက်တွေအပြင် TNT C4 စတဲ့ ဖောက်ခွဲယမ်းတွေမိတယ်။ စိတ်ဝင်စားဖို့ကောင်းတာက ဆာလဖြူရစ်အက်ဆစ် အပါအဝင် ဖောက်ခွဲရေး ပစ္စည်းအဖြစ်ထုတ်လုပ်နိုင်တဲ့ ဓာတုအရည် စည် ၁၃ပုံးကို ၂၀၀၅ စက်တင်ဘာ စစ်ဆင်ရေးတစ်ခုမှာ တွေ့ရတော့ RSO ပာာ ဖောက်ခွဲရေး ပညာ တင်မကဘူး ဖောက်ခွဲရေးပစ္စည်းကိုပါ ဖော်စပ် ထုတ်လုပ် ဖို့နည်းပညာရှိတယ် ဆိုတာ သုံးသတ်လို့ရတယ်။
ဘင်္ဂလားဒေ့ရှ် အစွန်းရောက်အဖွဲ့တွေဖြစ်တဲ့ Harakat-ul-Jihad-ul-Islami (HuJI) ရယ် Jamaat-ul Mujahideen Bangladesh (JMB) တို့နဲ့ RSO ကြားမှာ အပြန်အလှန် အကူအညီပြုခဲ့တယ်။ ၂၀၀၉ မေလမှာ JMB ရဲ့ ဖောက်ခွဲရေး ကျွမ်းကျင်သူ Mizan ဆိုသူကို ဘင်္ဂလားဒေ့ရ်ှတပ်က မိတော့ သူ့ရဲ့ထွက်ချက်အရ RSO သင်တန်းဆရာတွေက JMB တပ်သားတွေကို လက်နက်ကိုင်နည်း ပို့ချခဲ့ပြီး အပြန်အလှန်အဖြစ် JMB က RSO အဖွဲ့သားတွေကို လက်လုပ်ဗုံး (Improvised Explosive Devices-IED) လုပ်ဖို့သင်တန်း ပေးခဲ့တယ်လို့ ထွက်ချက်ပေးတယ်။ RSO ဆီလာသင်တန်းယူခဲ့တဲ့ JMB ဆိုတာ ၂၀၀၅ခု သြဂတ်စ် မှာ ဘင်္ဂလားဒေ့ရှ် တစ်နိုင်ငံလုံးက မြို့နယ် ၆၄ခု အနက်က ၆၃ခုမှာ ဗုံးအလုံးပေါင်း ၅၀၀ ကိုတစ်နာရီအတွင်း အချိန်ကိုက် ခွဲနိုင်ခဲ့တဲ့ အကြမ်းဖက် အဖွဲ့ပါ။ RSOက နိုင်ငံတကာမှာ လက်လှမ်းကျယ်တော့ လက်နက်ခဲယမ်းကို မှောင်ခိုသွင်းပြီး ဘင်္ဂလားအဖွဲ့တွေ အပြင် အိန္နိယ အာသံပြည်နယ်က အကြမ်းဖက် အဖွဲ့တွေကိုတောင် လက်နက်ရောင်းတာမျိုး လုပ်တယ်။
ဘင်္ဂလားဒေ့ရ်ှရဲ့ ပြည်တွင်းနိုင်ငံရေး အနေအထားက ရိုဟင်ဂျာ လက်နက်ကိုင်အဖွဲ့တွေရဲ့ အပေါ် တိုက်ရိုက်သက်ရောက်မှု ရှိခဲ့တယ်။ Bangladesh Nationalist Party (BNP) ဦးဆောင်တဲ့ ၄ပါတီ တပ်ပေါင်းစု အစိုးရ ဖြစ်လာတဲ့ ၂၀၀၁ ခုနှစ် အချိန်ဟာ ဘင်္ဂလားဒေ့ရ်ှနိုင်ငံရေးမှာ အစ္စလမ်ဘာသာအခြေပြုတဲ့ အမျိုးသားရေး အထွန်းတောက်ဆုံးလို့ ပြောလို့ရမယ်။ အကြမ်းဖက် အဖွဲ့တွေနဲ့ ဆက်နွယ်နေတဲ့ Jamaat-e-Islami နဲ့ Islami Oikyo Jote (IOJ) လိုပါတီမျိုးတောင် အစိုးရအဖွဲ့မှာ ပါခဲ့တယ်။ RSO အပါအဝင် တစ်ခြား အကြမ်းဖက် အဖွဲ့တွေအတွက် ဘင်္ဂလားဒေ့ရ်ှမှာ ခေတ်ကောင်းချိန်လို့ ပြောလို့ရတယ်။ အမေရိကန်က အာဖကန်နစ်စတန်နဲ့ အီရတ် နိုင်ငံတွေကို စစ်ဆင်တော့ အစ္စလမ်အရေး ကလည်း ဘင်္ဂလားဒေ့ရ်ှမှာ အားကောင်းလာတယ်။ အိန္နိယ ထောက်လှမ်းရေးတို့ အဆိုအရ ၂၀၀၄ မှာ အယ်လ်ခိုင်းဒါး နဲ့ တိုက်ရိုက်ဆက်စပ်တဲ့ စစ်စခန်း ၁၃ ခု ဘင်္ဂလားဒေ့ရ်ှမှာ ရှိတယ်လို့ဆိုတယ်။ အများစုက မြန်မာပြည်နဲ့ နီးတဲ့စစ်ကောင်းနယ်ထဲမှာ။
အမေရိကန်က လည်းဒီအခြေအနေတွေမြင်တော့ ၂၀၀၁ ထဲမှာပဲ BNP အစိုးရကို အကြမ်းဖက် အဖွဲ့တွေကို ချေမှုန်းဖို့ ဖိအားပေးလာတယ်။ ဗုံးကွဲတဲ့ အခါတွေမှာ FBI နဲ့ပူးပေါင်းဆောင်ရွက်ပြီး စုံစမ်းစစ်ဆေးဖို့ တိုက်တွန်းတယ်။ စစ်တကောင်းဒေသကိုလည်း အမေရိကန်ထောက်လှမ်းရေးတွေ စောင့်ကြည့်လာတယ်။ နိုင်ငံတကာက ဖွံ့ဖြိုးရေးအကူအညီတွေ အပေါ် အမှီပြုနေတာကြောင့် ဘင်္ဂလားဒေ့ရ်ှအစိုးရလည်း ဖိအားကို အလွန်ဆန်နိုင်တော့ဘူး။ ဒ့ါအပြင် အဲဒီအချိန်မှာ အိန္နိယ၊မြန်မာ၊ဘင်္ဂလားဒေ့ရှ် သုံးနိုင်ငံ ဆက်စပ်ပြီး ဓာတ်ငွေ့ပိုင်းလိုင်း လုပ်ဖို့အစီအစဉ်တွေ ဖြစ်နေတော့ မြန်မာအစိုးရ အလိုကျ ရိုဟင်ဂျာ အဖွဲ့တွေကို ချေမှုန်းပြရမယ် ဖြစ်လာတယ်။ ဒါပေမယ့် တကယ်တမ်း ဖိအားပေးတော့ ARNO လိုသဘောထားပျော့တဲ့ စစ်ရေးအရ သိပ်အရေးမပါတဲ့ အဖွဲ့မျိုးကိုသာ နိုမ်နှင်းခဲ့ပြီး RSO ကိုတော့ ဆက်မွေးထားတယ်။ ဒါနဲ့ ARNOက စစ်ဦးစီးမှုးကို ၂၀၀၁ မှာဖမ်းပြတာမျိုး သူ့စခန်းတွေကို ရုပ်ဖို့ ဖိအားပေးတာမျိုးတွေ လုပ်လာတယ်။ ဒီဖိအားကြောင့် ARNO က ထိုင်းအခြေစိုက် ကရင်နီအဖွဲ့ KNPP ကို စခန်းပြောင်းဖို့ ဆွေးနွေးဖူးတယ်လို့ မြန်မာနိုင်ငံထောက်လုမ်းရေးက လာတဲ့သတင်းအဖြစ် အမေရိကန်သံရုံးက အစီရင်ခံစာတစ်စောင်မှာ ဖော်ပြခဲ့တယ်။ ARNO ခေါင်းဆောင် နာရူးအစ္စလမ် အင်္ဂလန်မှာ နိုင်ငံရေး ခိုလုံခွင့် သွားယူလိုက်ပြီးနောက်ပိုင်း ၂၀၀၅ လောက်မှာ ARNO ရဲ့စစ်ရေး စုဖွဲ့မှုက ပျက်သလောက်ဖြစ်သွားခဲ့ပြီ။ ဒါပေမယ့် RSO ကဆက်ရှိနေတယ်။
၂၀၀၅မှာ JMB အဖွဲ့ရဲ့ ဗုံးခွဲမှုကြောင့် ဘင်္ဂလားဒေ့ရှ် BNP အစိုးရ လည်း မလုပ်မဖြစ် အကြမ်းဖက်အဖွဲ့တွေကို ဖြိုခွင်းလာတယ်။ မြန်မာနယ်စပ်နားက အကြမ်းဖက် စခန်းတွေရှာယင် အမေရိကန်ထောက်လှမ်းရေး ပါလာတယ်လို့ တစ်ချို့သတင်းရပ်ကွပ်တွေကဆိုတယ်။ ၂၀၀၅ နောက်ပိုင်းမှာ JMB နဲ့ HuJI အပါအဝင် ဘင်္ဂလားဒေ့ရှ် အခြေစိုက် အကြမ်းဖက် အဖွဲ့အတော်များများကို ဖမ်းဆီးခဲ့တယ်။ ဘာသာရေး အခြေခံ မဟုတ်တဲ့ Awami League ၂၀၀၉ မှာအစိုးရ ဖြစ်လာတော့ ဘင်္ဂလားဒေ့ရှ် အကြမ်းဖက် အဖွဲ့တွေကို ပိုပြီး နိုမ်နင်းခဲ့တယ်။ ဒါပေမယ့် RSO ကိုတော့ ထိထိရောက်ရောက်နိုမ်နင်းမှုမျိုး မလုပ်ပဲ မြေအောက်မှာ တိတ်တဆိတ် နေခွင့်ပြုခဲ့တယ်။ RSO ခေါင်းဆောင် ဒေါက်တာ မူဟာမက်ယူနပ်စ်က ဘင်္ဂလားဒေ့ရ်ှမှာ အခြေစိုက်နေထိုင်လျက်ရှိပြီး နိုင်ငံတကာ ခရီးစဉ်တွေလည်း သွားခွင့်ပြုနေဆဲပါ။
ရိုဟင်ဂျာတွေရဲ့ မွန်းကျပ်တဲ့ လူမှုဘဝကလည်း အကြမ်းဖက် လမ်းကြောင်းပေါ် ရောက်ဖို့တွန်းအားတစ်ခုလို ဖြစ်နေတယ်။ မြန်မာနိုင်ငံမှာ အစိုးရ အဆက်ဆက်က တရားမဝင်နေထိုင်သူတွေကို ပြန်ပို့လို့မရတော့ ကျုံးသွင်းတဲ့နည်းကိုသုံးပြီး ရခိုင်ပြည်ထဲမှာပဲ ပိတ်ထားဖို့ကြိုးစားခဲ့တယ်။ တိုင်းရင်းသား မဟုတ်တဲ့အတွက် ကျောင်းတက်ခွင့်က မရဘူး။ UN ရဲ့စစ်တမ်းအရ ရိုဟင်ဂျာလူငယ်တဝက်လောက်က စာမတတ်ဘူး။ မြန်မာလို ရခိုင်လိုလဲ နားမလည်ဘူး။ ကျောင်းတက်ချင်တဲ့သူုတွေကြပြန်တော့လည်း ခေတ်ပညာရေးထက် ဘာသာရေး သက်သက်ပဲ ပို့ချတဲ့ ကျောင်းတွေပဲ အားကိုးရတယ်။ ၁၉၉၄ ခုစာရင်းတွေ အရ ဘူးသီးတောင်မြို့နယ် တစ်ခုထဲမှာတင် ဘာသာရေးကျောင်းပေါင်း ၂၀၁ ခုဖွင့်ခဲ့တယ်ဆိုတယ်။ အဲဒီထဲမှာ အစွန်းရောက် Wahhabi လမ်းစဉ်ကို ရိုက်သွင်းပေးတဲ့ ကျောင်းတွေကလည်း အများကြီး။ ရိုဟင်ဂျာ အများစုဟာ တစ်ခြား တိုင်းရင်းသားတွေနဲ့ ထိတွေ့ခွင့်မရတဲ့အခါ သူတို့ရဲ့သီးသန့်ကမ္ဘာက ဘင်္ဂလား လူမှုယဉ်ကျေးမှုထဲ မှာပဲကျန်ခဲ့ပြီး မြန်မာ့လူ့အဖွဲ့အစည်းနဲ့ အဆက်ပြတ်သလိုဖြစ်သွားတယ်။ လူငယ်အများစုက အလုပ်အကိုင်မရှိ အနာဂတ်မရှိတဲ့အခါ အစွန်းရောက်အဖွဲ့တွေက စည်းရုံးဖို့လွယ်ကူလာတယ်။ ကျုံးသွင်းဂျောင်ပိတ်တဲ့နည်းနဲ့ ရိုဟင်ဂျာပြဿနာကို ဖြေရှင်းဖို့ကြိုးစား တာဟာ စနက်တန်မီးရှို့ထားတဲ့ဗုံးကို ခါးပိုက်ဆောင်ထား ရသလို ဘယ်အချိန် ထပေါက်မလဲ အမြဲ စိုးရိမ်နေရတယ်။
University of Maryland မှာ ကမာ့္ဘနိုင်ငံအသီးသီးက လူနည်းစု ၃၀၀ကျော်ကို လေ့လာပြီး အကြမ်းဖက်မှုတွေဖြစ်လာနိုင်တဲ့ အုပ်စုတွေကို ကြိုတင် အသိပေးနိုင်တဲ့ စနစ်တစ်ခု လုပ်တဲ့အခါမှာ ရိုဟင်ဂျာ လူမျိုးစုက ပေါက်ကွဲမှု ဖြစ်နိုင်ချေ အရှိဆုံး အုပ်စုမှာ ပါတယ်။ RSO အဖွဲ့အနေနဲ့ အကြမ်းဖက်မှု ဖောက်ခွဲမှုတွေ လုပ်ဖို့ လိုအပ်တဲ့ ငွေကြေးအထောက်ပံ့၊ နည်းပညာ၊ အိမ်ရှင်နိုင်ငံ၊ အယူဝါဒအခြေခံ၊ ကွန်ယက်၊ အနာဂတ်မဲ့တဲ့ လူထု စတဲ့ ရေခံမြေခံတွေ အကုန်ရှိတယ်။ အကြမ်းဖက်မှု ဖောက်ခွဲမှုတွေအတွက် ပြင်ဆင်မှုလုပ်တဲ့ အထောက်ထားတွေလည်း တွေ့ရတယ်။ ဒါဆို RSO အပါဝင် တစ်ခြားရိုဟင်ဂျာအဖွဲ့တွေ ဘာလို့ မြန်မာပြည်တွင်းမှာ ဖောက်ခွဲရေးတွေ မလုပ်လဲလို့ စဉ်းစားစရာဖြစ်လာတယ်။
ဖြစ်နိုင်ချေ တစ်ခုကတော့ ဘင်္ဂလားဒေ့ရှ် အစိုးရရဲ့ မူဝါဒ အရမြန်မာအစိုးရနဲ့ မလိုအပ်ပဲ ထိပ်တိုက်မတွေ့အောင် ရှောင်ရေးဖြစ်တယ်။ သမိုင်းအစဉ် အဆက်အရ ရိုဟင်ဂျာနဲ့ပတ်သက်လာယင် ဘင်္ဂလားဒေ့ရှ် နယ်ကိုအခြေခံပြီး မြန်မာပြည်ထဲကို ထိုးစစ်ဆင်တာမျိုး လုပ်တာကို သူတို့အစိုးရက သဘောမကျဘူး။ ဘာကြောင့်လဲဆိုတော့ မြန်မာတပ်တွေက သူတို့နိုင်ငံထဲ အထိလိုက်ဝင်တိုက်မှာ ကိုစိုးရိမ်လို့။ ရိုဟင်ဂျာအဖွဲ့တွေက မြန်မာပြည်ထဲ အကြမ်းဖက်မှုတွေ လုပ်ယင် အယင်စနစ်ဟောင်းအောက်မှာ မြန်မာအစိုးရက ပြည်တွင်းကရိုဟင်ဂျာတွေကို မဲပြီး ဖိနိုပ်ခဲ့ရင် ဘင်္ဂလားဒေ့ရှ် ဘက်ကို ဒုက္ခသည် အပြုံကြီး ထပ်ရောက်လာမှာ ကို ဘင်္ဂလားအစိုးရက မလိုလားဘူး။ အဲဒီတော့ RSO ကိုမွေးထားတဲ့ အဆင့်လောက်ပဲရှိပြီး မြန်မာပြည်ထဲ စစ်ဆင်ရေး ဖောက်ခွဲရေးတွေ မလုပ်ဖို့ ဘင်္ဂလားအစိုးရက တားထား တာလဲဖြစ်နိုင်တယ်။ ဒါပေမယ့် ဘင်္ဂလားအစိုးရ အနေနဲ့ မတည်ငြိမ်တာက တစ်ကြောင်း ဘာသာရေး အစွန်းရောက်ပါတီတွေ ထပ်အားကောင်းနိုင်တာတွေက တစ်ကြောင်းတို့ကြောင့် ဘင်္ဂလားအစိုးရ ပေါ်လစီပေါ်မှီခိုပြီး RSO အကြမ်းဖက်မှုကို ဟန့်တားလို့မရပါ။
ဖြစ်နိုင်ချေ နောက်တစ်ခုက RSO အနေနဲ့ ပြည်တွင်းမှာ ဖောက်ခွဲရေးလုပ်ခဲ့ယင်တောင် မသိခဲ့တာမျိုးလည်းဖြစ်နိုင်ပါတယ်။ ၂၀၀၅ မေမှာဖြစ်ခဲ့တဲ့ ရန်ကုန်နဲ့ မန္တလေးက လူ၂၇ယောက်သေ ၂၁၅ ဒဏ်ရာရခဲ့တဲ့ ဗုံးကွဲမှု ၂ခုလုံးက အရပ်သားပစ်မှတ်တွေကို ဦးတည်ထားပြီး လူအသေအပြောက်ရှိအောင် စီမံခဲ့တယ်။ ၂၀၀၅ ခုကနေ ၂၀၀၈ အတွင်း မြန်မာပြည်တွင်းမှာ (နယ်စပ်စစ်ပွဲဖြစ်နေရာတွေမပါ) အကြမ်းဖက်ဗုံးခွဲမှု ၆၂ ကြိမ်ရှိခဲ့တယ်။ အများစုက လက်သယ်မပေါ်ခဲ့ဘူး။ ခေတ်သစ်အကြမ်းဖက်အဖွဲ့ အများစုက အရပ်သားတွေကို ပစ်မှတ်ထားရင် ဘယ်သူလုပ်တယ်လို့ ဝန်ခံလေ့ မရှိဘူး။ အရပ်သား သေကျေထိခိုက်လာရင် အစိုးရက အကာအကွယ် မပေးနိုင်ရကောင်းလား ဆိုပြီး လူထုက အစိုးရ အပေါ်မှာ ယုံကြည်မှု နည်းလာမယ်။ နိုင်ငံရေး မတည်ငြိမ်မှုတွေ ဖြစ်လာမယ် ဆိုပြီးရည်ရွယ်ချက်နဲ့ အရပ်ဖက်ပစ်မှတ်တွေကို ဗုံးခွဲတိုက်ခိုက်ခဲ့တဲ့ သာဓကများလည်း ရှိခဲ့ပါတယ်။ RSO နဲ့ပတ်သက် ပြီးထူုးခြားတာက ဘင်္ဂလားဒေ့ရ်ှထောက်လှမ်းရေးကလွဲလို့ အနောက်နိုင်ငံကထောက်လှမ်းရေးတင်မက ဒေသတွင်း ထောက်လှမ်းရေးတွေကလည်း သိပ်သိကြပုံ မပေါ်ဘူး။
ဒါပေမယ့် RSOလို အကြမ်းဖက်အဖွဲ့မျိုးကို ရိုဟင်ဂျာတစ်ခုလုံးကို ကိုယ်စားပြုတယ်လို့ မြင်လို့မရဘူး။ အစွန်းရောက် အကြမ်းဖက် အဖွဲ့ဆိုတာ ဘယ်လူ့အဖွဲ့အစည်းမှာ ဖြစ်ဖြစ် လူနည်းစုပါ။ အာဖကန်နစ်စတန်လို နိုင်ငံမျိုးမှာတောင် လူများစုကတော့ အကြမ်းဖက် အဖွဲ့တွေနဲ့ မပတ်သက်ချင်ပါဘူး။ အများစုက သူတို့ဘဝ သာယာချင်တယ်၊ တိုးတက်ချင်တယ်၊ ငြိမ်းငြိမ်းချမ်းချမ်း နေချင်တယ်။ အစွန်းရောက် အကြမ်းဖက်အဖွဲ့တွေရဲ့ နည်းနိယျာက လူထုကို အစွန်းရောက်အောင်တွန်းပို့ ဖို့ကြိုးစားတယ်။ အီရတ် နဲ့ ပါကစ္စတန်မှာဆို စွန်နီ ရှီရိုက် ပြဿနာပိုကြီးအောင် အရပ်သားတွေကို ပစ်မှတ်ထား တိုက်ခိုက်တယ်။ လူထုအစွန်းရောက်လေလေ အစွန်းရောက်ဝါဒီတွေ အတွက်အမြတ်ထွက်လေလေ ဖြစ်တယ်။ ရိုဟင်ဂျာ အကြမ်းဖက်အဖွဲ့တွေရဲ့ အန္တရာယ်ကို ကာကွယ် ဖို့ဆိုယင် ရိုဟင်ဂျာအများစု နဲ့ အကြမ်းဖက်ချင်တဲ့ အုပ်စုတွေ အကြားမှာ မနီးစပ်သွားအောင် စည်းခြားပေးဖို့လိုမယ်။ ဒီအကြမ်းဖက် အဖွဲ့တွေ မြန်မာပြည်တွင်းမှာ တိုက်ခိုက်မှုမျိုးမလုပ်ခင် ကြိုတင်တား ဆီးနိုင်ဖို့လိုလိမ့်မယ်။
ရိုဟင်ဂျာကိစ္စနဲ့ပတ်သက်ပြီး အမျိုးသားလုံခြုံရေး ပြဿနာတွေကိုစဉ်းစားတဲ့အခါ အမျိုးသား အကျိုးစီးပွား ရည်မှန်းချက် ဘာဖြစ်သင့်တယ်၊ ဘယ်လိုမူဝါဒမျိုး ချမှတ်ပြီး အကောင်အထည် ဖော်သင့်တယ် ဆိုတာကို နောက်တစ်ပတ်မှာ ဆက်ဆွေးနွေးပါမယ်။
ရိုဟင်ဂျာ ပဋိပက္ခ၊ အမျိုးသားလုံခြုံရေး နှင့် လက်တွေ့မူဝါဒ ဆိုင်ရာစိန်ခေါ်မှုများ (၂)
9 July 2012 at 11:07
ရိုဟင်ဂျာ ပဋိပက္ခ၊ အမျိုးသားလုံခြုံရေး နှင့် လက်တွေ့မူဝါဒ ဆိုင်ရာစိန်ခေါ်မှုများ (၂)(The Voice Weekly, Volume 8, No. 29, Page 34)
မင်းဇော်ဦး
အယင်တစ်ပတ်က ရိုဟင်ဂျာ ပြဿနာနဲ့ပတ်သက်လို့ အမျိုးသားလုံခြုံရေး စိန်ခေါ်မှုများအဖြစ် ဘင်္ဂလားဒေ့ရှ် ရဲ့လူဦးရေသိပ်သည်းမှုနဲ့ သဘာဝပတ်ဝန်းကျင်ဆိုင်ရာ ဘေးဥပဒ်တွေကြောင့် သူ့ရဲ့အိမ်နီးချင်းနိုင်ငံတွေကို ခြိမ်းခြောက်နေတဲ့ လူခိုးဝင်မှုပြဿနာ၊ ရခိုင်ပြည်နယ်မှာရှိတဲ့ ရိုဟင်ဂျာတို့ရဲ့ မြန်မာပြည်ထက် တဖက်နိုင်ငံကို ယဉ်ကျေးမှုအရ ပိုဆက်နွယ် နေပြီး ပြည်တွင်းဆက်စပ်ပေါင်းစည်းမှု integration မလုပ်နိုင်တဲ့ ပြဿနာ၊ နောက်ပြီး ရိုဟင်ဂျာ လက်နက်ကိုင် အဖွဲ့တွေ အထူးသဖြင့် Rohingya Solidarity Organization (RSO) ရဲ့လုံခြုံရေး ဆိုင်ရာခြိမ်းခြောက်မှုတို့ ကိုဆွေးနွေးခဲ့ပါတယ်။
ဒီတစ်ပတ်တော့ အမျိုးသားလုံခြုံရေး စိန်ခေါ်မှုများ အပေါ်အခြေခံပြီး ရိုဟင်ဂျာ ပြဿနာကို အဖြေရှာတဲ့အခါ အမျိုးသား အကျိုးစီးပွား ရည်မှန်းချက်တွေ ဘာတွေဖြစ်သင့်တယ်၊ ဘယ်လို မူဝါဒမျိုးချမှတ် အကောင်အထည်ဖော်သင့်တယ် ဆိုတာကို ဆွေးနွေးပါမယ်။
ပကတိ အခြေနေ
အမျိုးသား အကျိုးစီးပွားကို စဉ်းစားတဲ့ နေရာမှာ ခံစားချက်တွေထက် လက်တွေ့ကျတဲ့ တိုင်းပြည်တစ်ခုလုံး အတွက် အကျိုးရှိနိုင်တဲ့ မူဝါဒအရ အကောင်အထည် ဖော်နိုင်တဲ့ ရည်မှန်းချက်မျိုး ဖြစ်ဖို့လိုပါတယ်။ ရိုဟင်ဂျာ ပြဿနာနဲ့ ပတ်သက်ယင် ပြည်တွင်းလိုအပ်ချက်တွေသာမက လက်ရှိကမာ့္ဘအခင်းအကျဉ်း နဲ့ အံဝင်ဂွင်ကျဖြစ်တဲ့ ရည်မှန်းချက်တွေဖြစ်ဖို့လိုပါတယ်။ရိုဟင်ဂျာ ပဲဖြစ်ဖြစ် ဘင်ဂလီ ပဲခေါ်ခေါ် တိုင်းရင်းသား ပဲဖြစ်ဖြစ် ဧည့်သည် ပဲဆိုဆို လက်ရှိပကတိ အခြေအနေ အရ ဒီလူမျိုးစု ၉ သိန်းလောက်ဟာ မြန်မာပြည်ထဲမှာ နေထိုင်သူတွေ ဖြစ်တယ်။ ကမ္ဘာ့ကုလသမဂ္ဂက အဖိနိုပ်အခံရဆုံး လူနည်းစုတစ်ခု လို့သတ်မှတ် ခံထားရတဲ့သူတွေဖြစ်တယ်။ တစ်တိုင်းပြည်လုံးက မင်းတို့ထွက်သွားဆိုပြီး ဝိုင်းနှင်ထုတ်ရင်တောင် လက်ခံမယ့်တိုင်းပြည်မရှိပါဘူး။ ဘင်းဂလားဒေ့ရှ် ကလည်းလက်မခံတဲ့ အပြင် အရင်နှင်ထုတ်ခံထားရတဲ့ သူတွေကိုတောင် မြန်မာပြည်က ပြန်ခေါ်ဖို့ အကြိမ်ကြိမ်တောင်း ဆိုနေတာပါ။ ရိုဟင်ဂျာတွေ ပြဿနာရှာလို့ဆိုပြီး အင်အားသုံးပြီး နှင်ထုတ်ချေမှုန်းမယ်ဆိုတာ မြန်မာပြည်ဒီမိုကရေစီ လမ်းကြောင်းပေါ် စလျှောက်နေတဲ့ အချိန်မှာတော့ လက်တွေ့မဆန်ပါဘူး။ လက်ရှိအစိုးရကို လည်းလူမျိုးဖြုတ်စစ်ပွဲဆင်နွဲ နေတယ်ဆိုပြီးနိုင်ငံတကာက အရေးယူခံရပါလိမ့်မယ်။ ဒီမိုကရေစီ လမ်းကြောင်းပေါ်က ဘေးချော်ထွက် မယ့်ကိန်းပါ။ ပကတိအခြေအနေအရ ဘယ်လိုပေါ်လစီမျိုးဖြစ်ဖြစ် အဖြေရှာတဲ့အခါ ရိုဟင်ဂျာတွေ ဒီတိုင်းပြည်မှာ ဆက်ရှိနေမယ်ဆိုတဲ့ အရှိတရားကို အခြေခံပြီး စဉ်းစားတွက်ချက် ကြည့်ဖို့လိုပါလိမ့်မယ်။
အမျိုးသား အကျိုးစီးပွား ရည်မှန်းချက်
ဒါတွေအပေါ်မှာ အခြေခံစဉ်းစားလိုက်ယင် အမျိုးသား အကျိုးစီးပွား ရည်မှန်းချက်အဖြစ် (၁) ရေတိုရေရှည်မှာ ဘင်္ဂလားဒေ့ရှ် ပြဿနာပေါ် အခြေခံပြီး မြန်မာနိုင်ငံ အတွင်းတရားမဝင် ခိုးဝင်မှုများကို တားဆီးနိုင်ရန၊် (၂) ရိုဟင်ဂျာ အရေးပေါ် အခြေခံ၍ လူမျိုးဘာသာရေး အဓိကရုန်းများ မဖြစ်အောင် တားဆီးရန်၊ (၃) ပြည်တွင်းတွင် လက်ခံထားမည့် ရိုဟင်ဂျာများကို တဖြေးဖြေးချင်း ယဉ်ကျေးမှုအရရော အမျိုးသားရေးအရပါ စုစည်းဆက်နွယ်မှု (Integration) တည်ဆောက်သွားရန်၊ (၄) ရိုဟင်ဂျာပြဿနာကို အဖြေရှာရာတွင် ရခိုင်တိုင်းရင်းသားတို့၏ စိုးရိမ်ပူပန်မှုများကို ထည့်သွင်းစဉ်းစားသော ပြဿနာဖြေရှင်းမှုမျိုးဖြစ်လာရန်၊ (၅) နိုင်ငံတကာမှ မြန်မာပြည်အား အရေးယူလာမည့် ချိုးဖောက်မှုများ မဖြစ်စေရန်၊ (၆) မြန်မာ့ဒီမိုကရေစီ အပြောင်းအလဲနှင့် လိုက်ဖက်ညီသော အခြေခံ လူ့အခွင့်အရေးစံများကို မပစ်ပယ်သော ပြဿနာ ဖြေရှင်းမှုမျိုးဖြစ်ရန် (၇) ရိုဟင်ဂျာ အကြမ်းဖက်အဖွဲ့များမှ မြန်မာပြည်အတွင်း တိုက်ခိုက်မှုများ မလုပ်နိုင်အောင် တားဆီးရန်…. စတဲ့ ရည်မှန်းချက် ၆ခုကို အခြေခံသင့်တယ် လို့ဆွေးနွေးပါရစေ။ ဒီရည်မှန်းချက်တွေကို အကောင်အထည်ဖော်နိုင်အောင် အခန်းကဏ္ဍ အသီးသီးမှာ မူဝါဒချမှတ် အကောင်အထည် ဖော်သင့်တာတွေကတော့ အောက်ပါအတိုင်းပါ။
လူဝင်မှုကြီးကြပ်ရေးဆိုင်ရာမူဝါဒများပြင်ဆင်ခြင်း
၁၉၈၂ ခုမှာပြဌာန်းခဲ့တဲ့ နိုင်ငံသားဥပဒေက မြန်မာပြည်ထဲကို ၁၈၂၃ ခု မတိုင်မှီကတည်း ကလာရောက်အခြေချနေထိုင်ခဲ့တဲ့ လူမျိုးစုက ဆင်းသက်တဲ့သူတွေကိုမှ နိုင်ငံသား အဖြစ်သတ်မှတ်တယ်။ ဒီဥပဒေရဲ့ အဓိက ပစ်မှတ်က အင်္ဂလိပ်မြန်မာပြည် သိမ်းပြီးမှ ရောက်လာတဲ့ သူတွေကို ရည်ရွယ်ခဲ့တယ်။ အဲဒီတော့ ရိုဟင်ဂျာတင်မကဘူး ပြည်တွင်းမှာ မြန်မာ့လူမှုယဉ်ကျေးမှုနဲ့ တသားတည်းကျနေနဲ့ တရုပ် အိန္နိယ အနွယ်ဝင်တွေကိုပါ နိုင်ငံသား ဖြစ်ခွင့်ငြင်းပယ်ခံရတယ်။ အခုနိုင်ငံရေး အပြောင်းအလဲမျိုးမှာ ၁၉၈၂ ခု နိုင်ငံသားဥပဒေက ခေတ်စနစ်နဲ့ မညီလျှော်တော့ဘူး။ ၁၈၂၃ ခု မတိုင်မှီကတည်းက အခြေချရမယ်ဆိုတဲ့ လိုအပ်ချက်ကို ဖြုတ်ပစ်ရတော့မယ်။ ဒါပေမယ့် နိုင်ငံခြားကဝင်ရောက်လာသူတွေ နဲ့ သူတို့ရဲ့သားစဉ်မြေးဆက် တွေ နိုင်ငံသား ဖြစ်ခွင့်အတွက် မြန်မာ့လူမှုစနစ် ယဉ်ကျေးမှုနဲ့ ဘယ်လောက်နီးစပ်လဲ ဆိုတဲ့ လိုအပ်ချက်မျိုး တွေရှိဖို့လိုတယ်။ ဥပမာ သူတို့နေတဲ့ တိုင်း/ပြည်နယ်ထဲက တိုင်းရင်းသားစကား (သို့) ရုံးသုံးစကား ရေး၊ပြော၊ဖတ် တတ်ဖို့လို တယ်၊ နိုင်ငံသားဖြစ် စာမေးပွဲမျိုး စတဲ့ လိုအပ်ချက်မျိုးတွေရှိရပါမယ်။ အမေရိကန်၊ ကနေဒါ၊ အော်စတေးလျ၊ ပြင်သစ် စတဲ့ဒီမိုကရေစီနိုင်ငံများမှာလည်း သက်ဆိုင်ရာ ရုံးသုံးစကားကို ပြောဆိုရေးဖတ်နိုင်မှ နိုင်ငံသားဖြစ်တာပါ။ သဘောကတော့ လူမှုယဉ်ကျေးမှု ပေါင်းစည်းဆက်စပ်နိုင်မှ (integration) နိုင်ငံသားဖြစ်လို့ရတာပါ။ Multiculturalism လို့ပြောပြီး ယဉ်ကျေးမှုပေါင်းစုံ ရှင်သန်နိုင်ရမယ်လို့ ကြွေးကြော်ခဲ့တဲ့ ဥရောပနိုင်ငံတွေတောင် သူတို့ရဲ့ စမ်းသပ်မှုကြီး ကျရှုံးသွားကြောင်း ဝန်ခံပြီး integration လုပ်ဖို့လိုတယ်လို့ မူဝါဒပြောင်းခဲ့ရပါပြီ။
အောက်ခြေလူ့အဖွဲ့အစည်းများထိစပ်ပြီး ဆက်ဆံရေးတည်ဆောက်ခြင်း
နိုင်ငံသားဥပဒေပြောင်းပေးခဲ့လို့ တစ်ချို့ကလည်းနိုင်ငံသား ဖြစ်လာမယ် တစ်ချို့လည်းယာယီနေထိုင်ခွင့်နဲ့ နိုင်ငံသား ဖြစ်ဖို့စောင့်ဆိုင်းနေတာရှိမယ်။ ဒါပေမယ့် ဆယ်စုနှစ်များစွာ ပဋိပက္ခဖြစ်ခဲ့တဲ့ လူမျိုးစုနှစ်ခုပာာ နိုင်ငံသားဥပဒေ ပြောင်းပေးရုံသက်သက်နဲ့တော့ အာဃာတတွေ မပျောက်သွားပါဘူး။ မြန်မာပြည်တွင်းမှာ ရှိတဲ့ ရိုဟင်ဂျာတွေကို လက်ခံထားရတော့မယ်ဆိုယင် နောက်နောင်မှာ အခုလို လူမျိုးရေး အဓိကရုန်းတွေ ထပ်မဖြစ်အောင် ရခိုင်လူမျိုးတွေနဲ့ ငြိမ်းချမ်းစွာ ယှဉ်တွဲနေထိုင်နိုင်မယ့် အခင်းအကျင်းမျိုး ကိုဖန်တီးပေးဖို့ လိုပါလိမ့်မယ်။ ပဋိပက္ခဖြေရှင်းမှု အခြေခံတဲ့ ရပ်ရွာဆွေးနွေးပွဲ (community dialogue) တွေလုပ်ဖို့လိုလိမ့်မယ်။ လူအဖွဲ့အစည်းနှစ်ခုကို စည်းခြားဆက်ဆံတဲ့ အခြေအနေကနေ ကူးလူးဆက်ဆံနိုင်တဲ့ ပတ်ဝန်းကျင် ဖြစ်အောင်ဖန်တီးရပါမယ်။ နိုင်ငံတစ်ခုမှာ ပေါင်းစီးဆက်စပ်မှု (integration) ဖြစ်ဖို့ဆိုတာ အများစုဖြစ်သူတွေက အနည်းစုက ပေါင်းစီးဆက်စပ်ဖို့ ဆန္ဒရှိယင် လက်ခံနိုင်ဖို့ လိုပါတယ်။ အခုလို အကြမ်းဖက်မှုတွေ ပူပူနွေးနွေး ရှိနေတဲ့ အချိန်မှာတော့ တစ်ဖက်နဲ့တစ်ဖက် ကူးလူးဆက်ဆံဖို့ ခက်ပါဦးမယ်။ အချိန်ယူပြီးတည်ဆောက်ရမယ့် ကိစ္စဖြစ်ပါတယ်။
စီးပွားရေးဖွံ့ဖြိုးတိုးတက်မှု
စီးပွားရေး အခြေနေဟာလည်း လူမျိုးစု ဘာသာရေး အဓိကရုန်းတွေနဲ့ တိုက်ရိုက်ဆက်စပ်မှု ရှိတယ်။ လူမျိုးစု တစ်ခုကကောင်းစားပြီး အခြားလူမျိုးစုက ဆင်းရဲနေတာမျိုး၊ နှစ်ဖက်လုံးမှာ ဆင်းရဲမှု များတာမျိုး အခြေအနေတွေဟာ ရှိယင်းစွဲ ပဋိပက္ခတွေကို ကြာရှည်စေတယ်။ အလုပ်လက်မဲ့များတဲ့ နေရာမှာ အကြမ်းဖက် အဓိကရုဏ်းတွေဖြစ်ဖို့ပိုလွယ်တယ်။ ရခိုင်ပြည်မှာ ပြဿနာတွေ လျှော့ချနိုင်ဖို့ဆိုယင် စီးပွားရေးအကျပ်အတည်း အလုပ်လက်မဲ့ ပြဿနာတွေကို ဖြေရှင်းပေးဖို့လဲ လိုလိမ့်မယ်။
နယ်စပ်ဒေသလူဝင်မှုကြီးကြပ်ရေးဆိုင်ရာလုံခြုံရေး
လက်ရှိအချိန်မှာတော့ မြန်မာနိုင်ငံ စီးပွားရေး အခြေအနေတွေအရ လူခိုးဝင်မှုပြဿနာ အလုံးအခဲလိုက် မရှိသေးပေမယ့် အတိတ်ကသင်ခန်းစာကိုယူပြီး ဘယ်လိုကာကွယ် ရမယ်ဆိုတာ ရည်ရှေစီမံချက် အနေနဲ့ ကြိုပြင်ဆင်ထားဖို့လိုပါလိမ့်။ ရုပ်ပိုင်းဆိုင်ရာ ပြင်ဆင်မှုနေနဲ့ ဘင်္ဂလားဒေ့ရှ် နဲ့ နယ်စပ်တစ်ကြောမှာ အလွယ်တကူခိုးဝင်လို့မလွယ်ကူတဲ့ အတားအဆီးမျိုး ဥပမာ ခြံစီးရိုး၊ တံတိုင်း၊ စောင့်ကြည့်စနစ် (surveillance system) စသည်တို့ ထားရှိဖို့လိုပါမယ်။ ရေကြောင်းဖက်က အတားအဆီးဖြစ်နိုင်မယ့် ပုံမှန်ကင်းလှည့်ရေယာဉ် အထူးသဖြင့် အမြန်သွားရေယာဉ်အသေးစားများ နဲ့ ရေထဲကနယ်စပ်မျဉ်းကို အကာအကွယ်ပေးဖို့ လိုပါလိမ့်မယ်။ လူခိုးဝင်မှုတင်မက မှောင်ခိုလုပ်ငန်းတွေ လက်နက်ခဲယမ်း ခိုးသွင်းတာတွေကို နယ်စပ်လုံခြုံရေး ဆိုင်ရာ အတားအဆီးများမှ အထိုက်အလျောက် ကာကွယ်နိုင်ပါလိမ့်မယ်။
ကြိုတင်အသိပေးစနစ်တည်ဆောက်ခြင်း
လူမျိုးရေး ဘာသာရေး ပဋိပက္ခ အများစုဟာ အကြမ်းဖက်မှုတွေ အဖြစ်မပေါက်ကွဲထွက်ခင်မှာ နမိတ်အရိပ်အယောင် ပြလေ့ရှိတယ်။ Accelerator လို့ခေါ်တဲ့ ပြဿနာရေချိန်တက်စေတဲ့ လှုပ်ရှားမှုမျိုးတွေ Trigger ဆိုတဲ့ စနက်တန်မီးရှို့တဲ့ ဖြစ်ရပ်တွေကို သတိထားပြီး သုံးသတ်နိုင်ယင် ပေါက်ကွဲထွက်တဲ့ အဆင့်မရောက်ခင်မှာ ကြိုတင်တားဆီးဖို့ ပြင်ဆင်မှုတွေ လုပ်နိုင်မယ်။ ပဋိပက္ခ ကြိုတင်ကာကွယ်ခြင်း (Conflict Prevention) ဆိုတာကို နိုင်ငံတော်တော် များများမှာ အလေးထား ဆောင်ရွတ်ကြပါတယ်။ ကြိုတင်ကာကွယ် နိုင်ဖို့အတွက် စနစ်တကျ ပြုစုတည်ဆောက်ထားတဲ့ ကြိုတင်အသိပေးစနစ် (Early Warning System)တစ်ခု လိုပါလိမ့်မယ်။
အကြမ်းဖက်မှုကာကွယ်ရေးဥပဒေ (Counter-terrorism Law)
အကြမ်းဖက်မှုတွေ တားဆီးနိုင်ဖို့အတွက် အခြေခံအနေနဲ့ အကြမ်းဖက်မှုကာကွယ်ရေးဥပဒေ ပြဌာန်းပေးဖို့လိုပါလိမ့်မယ်။ တစ်ဆက်ထဲမှာပဲ ဒီဥပဒေက ဝါးလုံးချီးသုတ်ရမ်းသလို မဖြစ်ဖို့လိုပါလိမ့်မယ်။ ဒီဥပဒေက Terrorism လို့သတ်မှတ်လို့ရတဲ့ အကြမ်းဖက်မှုမျိုးကို တိတိကျကျ ကွဲကွဲပြားပြား ပြဌာန်းနိုင်ဖို့ လိုတယ်။ အမေရိကန်မှာ ဝါးလုံးချီးသုတ်ရမ်းတဲ့ ဥပဒေမျိုးဖြစ်လာတော့ သူတို့ရဲ့ဖခင်ကြီး George Washington တောင် အကြမ်းဖက်သမား ဖြစ်မယ့်ကိန်းထွက်သွားတယ်။ လက်ရှိမြန်မာပြည်မှာ လူမျိုးစု လက်နက်ကိုင်အဖွဲ့ တွေနဲ့ ငြိမ်းချမ်းရေး ရအောင်ကြိုးစားနေချိန်မျာ ဒီဥပဒေ ကြောင့်အဟန့်အတား ဖြစ်မှာမျိုးကိုလည်း ရှောင်ရမယ်။ တဆက်ထဲမှာပဲ ဒီလက်နက်ကိုင် တိုက်နေတဲ့ အဖွဲ့တွေ စစ်မြေပြင်မှာ စစ်သားချင်းတိုက်တာမဟုတ်ပဲ လူထုကိုပစ်မှတ်ထားတာမျိုး လူထုအကြပ်အတည်း ဖြစ်အောင်အရပ်ဖက် အခြေခံ အဆောက်အအုံတွေကို တိုက်ခိုက်တာမျိုးလုပ်လာယင်တော့ အကြမ်းဖက်မှု အနေနဲ့ သတ်မှတ်နိုင်တဲ့ ဥပဒေ ရှိရမယ်။ ဒီဥပဒေဖွင့်ဆိုချက်ကို လူထု လူမျိုးစု အုပ်စုတွေနားလည်နိုင်အောင်လည်း ရှင်းပြဖို့လိုမယ်။ ရိုဟင်ဂျာ အများစုနဲ့ အစွန်းရောက် အဖွဲ့တွေကြားမှာ နိုင်ငံရေး အရရော စစ်ရေးအရပါ ခါးဆက်ဖြတ်နိုင်ရမယ်။
နိုင်ငံတကာ လုံခြုံရေးအဖွဲ့များ နှင့်ပူးပေါင်းဆောင်ရွတ်ခြင်း
ရိုဟင်ဂျာ အကြမ်းဖက် အဖွဲ့တွေရဲ့ ပြဿနာက မြန်မာပြည်မှာတင် မကပဲ အိမ်နီးချင်း နိုင်ငံတွေမှာလည်း ခြိမ်းချောက်ခံရတဲ့ ပြဿနာရှိပါတယ်။ ဘင်္ဂလားဒေ့ရှ် ထောက်လှမ်းရေးက Rohingya Solidarity Organization (RSO) ကိုမွေးထားတယ်လို့ ယေဘူရ သုံးသတ်လို့ရပေမယ့် ဘင်္ဂလားဒေ့ရ်ှရဲ့ ရေရှည်အမျိုးသား အကျိုးစီးပွားအတွက် မြန်မာပြည်နဲ့ မိတ်ဖက်သဏ္ဏန် ဆက်ဆံဖို့လိုမယ်လို့ လက်ရှိ Awami League ဦးဆောင်တဲ့ အစိုးရက သဘောပေါက်ပုံရတယ်။ အစွန်းရောက် အစ္စလန်အဖွဲ့တွေ စစ်တပ်ထဲက တစ်ချို့နဲ့ချိပ်ဆက်ပြီး ဒီဇင်ဘာ ၂၀၁၁ မှာ အာဏာတက်သိမ်းဖို့ ကြိုးစားခဲ့ဖူးတော့ Awami League ကိုယ်တိုင်က သူ့တိုင်းပြည်ထဲက အစွန်းရောက် အုပ်စုတွေကို ချေမှုန်းဖို့အားထုတ်နေတယ်။ ဘင်္ဂလားဒေ့ရှ် တပ်နဲ့ထောက်လှမ်းရေး ထဲမှာလည်း RSO အပါအဝင် အခြားအစွန်းရောက်အဖွဲ့တွေ အပေါ် သဘောထား ကွဲပြား တာတွေရှိတယ်။ မြန်မာအစိုးရ အနေနဲ့ ဘင်္ဂလားဒေ့ရှ် အာဏာပိုင်များ နဲ့ ပူးပေါင်းပြီး ၎င်းမြေပေါ်ကနေ မြန်မာပြည်တွင်းမှာ အကြမ်းဖက်မှုတွေ မလုပ်နိုင်အောင် တားဆီးဖို့ နဲ့ RSO လို အစွန်းရောက် အဖွဲ့မျိုးကို ချေမှုန်းသွားဖို့ လုပ်ဆောင်သင့်တယ်။
အိန္နိယ အစိုးရကတော့ ဘင်္ဂလားဒေ့ရ်ှက အကြမ်းဖက်အဖွဲ့တွေ အပေါ်စောင့်ကြည့်နေတာ ကြာပြီ။ ရိုဟင်ဂျာ အကြမ်းဖက် အဖွဲ့တွေက အာသံခွဲထွက်ရေး အဖွဲ့တွေကို လက်နက်ရောင်းတဲ့ကိစ္စနဲ့ ပတ်သက်ပြီး တားဆီးနိုင်ဖုိ့ ကြိုးစားနေတယ်။ RSO ရဲ့လှုပ်ရှားမှုတွေနဲ့ ပတ်သက်ယင် ဘင်္ဂလားဒေ့ရှ် ထောက်လှမ်းရေး ပြီးယင် အသိဆုံးက အိန္နိယ ထောက်လှမ်းရေး ဖြစ်လိမ့်မယ်။ ဘင်္ဂလားဒေ့ရ်ှဖက်က နယ်စပ်ဖြတ်ကျော် ခိုးဝင်တဲ့ ပြဿနာကို ကိုင်တွယ်ဖို့ မြန်မာအစိုးရ အနေနဲ့ ပူးပေါင်းဆောင်ရွက်သင့်တယ်။ ဒါ့အပြင် တရားမဝင် လူကုန်ကူးမှုကို အခြေခံပြီး နိုင်ငံတကာမှာ ချိတ်ဆက်ထားတဲ့ အကြမ်းဖက် အဖွဲ့တွေ ဒုစရိုက်ဂိုဏ်း ကွန်ယက်တွေကို ထိုင်း၊ မလေးရှား၊ အင်ဒိုနီးရှား စတဲ့နိုင်ငံများနဲ့ ပူးတွဲဆောင်ရွက်ရပါမယ်။ အကြမ်းဖက်မှု နိုမ်နင်းရေးအတွက် အဓိကဆောင်ရွက်နေတဲ့ အမေရိကန်က သက်ဆိုင်ရာ ဌာနများနဲ့ ပူးပေါင်းဆောင်ရွက်မှုတွေ စနစ်တကျ စတင်ဖို့လိုပါလိမ့်မယ်။
လုံခြုံရေးဆိုင်ရာဌာနများ ပြင်ဆင်ဖွဲ့စည်းခြင်း
၂၀၀၁ ခု အမေရိကန် နိုင်ငံမှာ အကြမ်းဖက်တိုက်ခံ လိုက်ရတဲ့အခါ လုံခြုံရေးဌာနတွေ အထူးသဖြင့် တန်ပြန်အကြမ်းဖက်နိုမ်နင်းရေးနဲ့ ဆိုင်တဲ့အဖွဲ့တွေမှာ သင်ခန်းစာခု ကောင်းကောင်းရသွားတယ်။ အဲဒါက တန်ပြန်အကြမ်းဖက်နိုမ်နင်းရေး ဆိုတာ ဗုံးကွဲမှ ထလုပ်လို့မရဘူး ဆိုတာပဲ။ အလ်ခိုင်းဒါးကို လုံခြုံရေးအရ အန္တရာယ်ရှိတာကို သိပေမယ့် စောစောစီးစီးမှာ ထိထိရောက်ရောက် မချေမှုန်းခဲ့လို့ ကိုယ့်တိုင်းပြည်ထဲ လာတိုက်တဲ့ အဆင့်ဖြစ်သွားတယ်။ ဒါကိုလက်တုန့်ပြန်ရတဲ့ ကုန်ကျစရိတ် အသက်သွေးချွေး စတဲ့ တိုင်းပြည်ရင်းမြစ်တွေကို ပြန်တွက်ကြည့်ရင် စောစောစီးစီးထဲက ပြတ်ပြတ်သားသား ချေမှုန်းခဲ့ တာထက်စာယင် အဆပေါင်းများစွာ ကုန်ကျခဲ့တယ်။ ထိရောက်တဲ့ တန်ပြန်အကြမ်းဖက် နိုမ်နင်းရေး ဆိုတာ မဖြစ်ခင်က ကြိုတင်ကာကွယ်နိုင်ရေးဖြစ်တယ်။ မြန်မာပြည်ရဲ့ လက်ရှိအနေအထားမျိုးမှာ လူထုကို တိုက်ရိုက် ပစ်မှတ်ထားတာဖြစ်စေ၊ ဘာသာရေးအရ အထွတ်အမြတ်ထားတဲ့ နေရာတစ်ခုခုကို ဖြစ်စေ တိုက်ခိုက်မှု မျိုးဖြစ်ခဲ့ယင့်  လူထုဒေါသကို ဘယ်သူမှ ထိမ်းနိုင်မှာ မဟုတ်ဘူး။ ဘာသာရေး အဓိကရုဏ်း အဖြစ်မျိုး ထိမ်းမနိုင် သိမ်းမရ တစ်နိုင်ငံလုံးမှာ ပြန့်သွားနိုင်တယ်။
အကြမ်းဖက်မှုကို ကြိုတင်ကာကွယ်နိုင်ဖို့ အခြေခံ အကျဆုံး လုံခြုံရေး ယန္တယားက ထောက်လှမ်းရေး ဌာနတွေ ဖြစ်တယ်။ ၂၀၀၄ ခု ထောက်လှမ်းရေးဌာနတွေမှာ အပြောင်းအလဲဖြစ်ခဲ့ပြီး နောက်ပိုင်း လိုအပ်ချက်အရ အဆောတလျှင် ပြင်ဆင်ဖွဲ့စည်းခဲ့တဲ့ မြန်မာ့ထောက်လှမ်းရေး ဖွဲ့စည်းပုံ ယန္တယားက ခေတ်စနစ်နဲ့ မညီတော့ဘူး။ အပြောင်းအလဲ ကာလမှာ လုံခြုံရေး ခြိမ်းခြောက်မှုတွေကို အရေးယူဆောင်ရွက်နိုင်ဖို့ ဒီမိုကရေစီ နည်းကျတဲ့ စုဖွဲ့မှု နဲ့ လုပ်ပိုင်ခွင့်တွေ အပြင် ခြိမ်းခြောက်မှု သဏ္ဏန် မျိုးစုံ ကိုတုန့်ပြန်ဖို့ လိုအပ်တဲ့ နည်းပညာ ဆိုင်ရာ ကျွမ်းကျင်မှုတွေ လိုအပ်ပါတယ်။ ထောက်လှမ်းရေး ဌာနတွေကြားမှာ စနစ်ကျတဲ့ အချိတ်အဆက် ပြုလုပ်နိုင်ဖို့၊ သတင်းချုပ်နိုင်ဖို့၊ မဟာဗျူဟာ အဆင့်ရှိတဲ့ သုံးသတ်ချက်မျိုးတွေလုပ်ပြီး ပြင်ဆင်နိုင်ဖို့ ကြိုးစားရမှာပါ။
ပြည်တွင်း အကြမ်းဖက်မှုကို တားဆီးနှိမ်နင်းနိုင်ဖို့ နဲ့ ရခိုင်မှာ ဖြစ်တဲ့ အဓိကရုန်းမျိုးတွေကို ထိထိမိမိ ထိမ်းသိမ်းနိုင်ဖို့ အထူးသဖြင့် လူမျိုးစု ပဋိပက္ခ ကြီးတဲ့နေရာတွေမှာ ရဲတပ်ဖွဲ့ ကအဓိက ကျပါတယ်။ နံပတ်တစ် အနေနဲ့ ရခိုင်ပြည်နယ် အထူးအဖြင့် ရိုဟင်ဂျာနဲ့ရခိုင် ရောထွေးနေထိုင်တဲ့နေတွေရာမှာ ရဲတပ်ဖွဲ့ အင်အားတိုးမြုင့် ဖို့လိုပါတယ်။ စာရေးသူရဲ့ ခန့်မှန်းချက်အရ ဘူးသီးတောင်၊ မောင်းတော နဲ့ စစ်တွေ ဒေသတွေမှာ အဓိကရုန်းကို ဖြိုခွင်းဖို့ အသုံးပြုတဲ့ စစ်တပ်နဲ့ ရဲ အင်အားပေါင်းရင်တောင် ၁၀၀၀ နဲ့ ၁၅၀၀ ကြားမှာပဲ ရှိနိုင်ပါတယ်။ ခန့်မှန်းချေ အရ အဲဒီဒေသတွေမှာ လူဦးရေ ၂.၅ သန်းလောက်ရှိမယ် ဆိုတောင် စစ်တပ်အပါ လုံခြုံရေးတပ်သား ၁ ယောက်ကို လူ ၁၇၀၀ နီးပါး အချိုးနဲ့ ထိမ်းရသလို ဖြစ်နေတယ်။ အလားတူ ပဋိပက္ခဖြစ်ခဲ့တဲ့ Kosovo (1999) မှာ နိုင်ငံတကာ စစ်တပ်မပါပဲ ရဲတပ်သား ၁ ယောက်ကို လူ ၄၀၀ နှုန်း၊ East Timor (1999)မှာဆို လူ ၈၀၀ နှုန်းနဲ့ ထိမ်းတာကို တွေ့ရတယ်။ တိုးတက်တဲ့ ဒီမိုကရေစီ နိုင်ငံတွေမှာ တော့ ယေဘူရအားဖြင့် ရဲ ၁ ယောက်ကို လူ ၅၀၀ နှုန်းနဲ့ထားလေ့ရှိတယ်။ ပဋိပက္ခဖြစ်နိုင်တဲ့ ရခိုင်ဒေသတွေ အတွက် ရဲအင်အားချည်းသက်သက် ၃၀၀၀ မှ ၅၀၀၀ အထိရောက်အောင် တိုးသင့်တယ်။ ဒါ့အပြင် စနစ်ကျတဲ့ အဓိကရုန်း ဖြိုခွဲနည်း စနစ်တွေ နဲ့ မသေစေနိုင်တဲ့ (nonlethal) လက်နက်ကိရိယာတွေကို တပ်ဆင်ပေးခြင်းဖြင့် အကြမ်းဖက်မှုတွေ မဖြစ်ခင် လူအုပ်ကို ထိထိရောက်ရောက် ထိမ်းသိမ်းနိုင်ပါမယ်။ ဒေသခံရဲ အပါအဝင် အမြန်တုန့်ပြန်တပ်ဖွဲ့ (rapid reaction force) မျိုး ထားဖို့လိုမယ်။ တိုင်းပြည်နယ် မြို့တော်တိုင်းမှာ အကြမ်းဖက်မှု ဖြစ်လာယင် နာရီပိုင်းအတွင်း တုံ့ပြန်နိုင်ဖို့ အထူးတပ်ဖွဲ့ (SWAT) တွေ ပြင်ဆင်လေ့ကျင့် ဖွဲ့စည်းဖို့လိုပါမယ်။
အကြမ်းဖက် အဖွဲ့အစည်းတွေကို စစ်ရေးအရဖြေရှင်းဖို့ လိုလာပြီဆိုယင် မြန်မာ့တပ်မတော် မှာလည်း နည်းဗျူဟာ အထူးပြု တပ်စုဖွဲ့မှု မျိုးလုပ်ဖို့ လိုပါမယ်။ အာဖကန်နစ်စတန် နဲ့ အီရတ်အတွေ့ အကြုံအရ အထူးတပ် (Special Force) ဟာ အကြမ်းဖက်နိုမ်နင်းရေးအတွက် ကျောရိုးဖြစ်တယ်။ ယခုလက်ရှိ C4I (Command, Control, Communication, Computer & Intelligence) ဆိုတဲ့ သဘောတရားနဲ့တင် မလုံလောက်တော့ဘူး။ စောင့်ကြည့်ခြင်း (Surveillance) နဲ့ ကင်းထောက်ခြင်း(Reconnaissance) ဆိုတာတွေကို ထိထိရောက်ရောက် လုပ်နိုင်ဖို့ သမားရိုးကျ မဟုတ်တဲ့ တပ်မျိုးတွေလိုပါမယ်။ အခုခေတ် စစ်ပွဲတွေမှာ Combat System ဆိုပြီး စစ်တပ်တင်မက အခြားဌာနဆိုင်ရာများမှ ပူးပေါင်းဆောင်ရွတ်နိုင်တဲ့ Interagency Coordination ကို အလေးပေး ဆောင်ရွက်လာကြတယ်။ အကြမ်းဖက်မှု နိုမ်နင်းကာကွယ်နိုင်ရေး အတွက် စစ်ရေးအရ စဉ်းစားတဲ့ အခါ တပ်မတော်နဲ့ အခြားဌာနတွေကြား ဘယ်လို ပူးပေါင်းဆောင်ရွက် နိုင်မလဲ ဆိုတာ အရေးကြီးပါတယ်။
မြန်မာပြည်ဖွံ့ဖြိုးတိုးတက်ဖို့ အတွက် ငြိမ်းချမ်းရေးရဖို့ အရေးကြီးပါတယ်။ ဒါပေမယ့် အမျိုးသားလုံခြုံရေး ကိုထည့်မစဉ်းစားတဲ့ ငြိမ်းချမ်းရေး ဆိုတာ ဘယ်တိုင်းပြည်မှာ မှရေရှည်မခံ ပါဘူး။ မြန်မာပြည်ရဲ့ အပြောင်းအလဲမှာ ပြဿနာအများကြီးနဲ့ ရင်ဆိုင်ရဦးမှာပါ။ ဒီအတွက် အစိုးရဖက်ကလည်း ပြင်ဆင်မှုတွေ လုပ်ရမှာဖြစ်ပြီး ဒီပြဿနာတွေနဲ့ ဖြေရှင်းမှုမျိုးကို လူထုကိုလည်း အသိပေးထားခြင်းဖြင့် ပွင့်လင်းမြင်သာတဲ့ မူဝါဒလုပ်ဟန် ဖြစ်လာဖို့ လိုပါတယ်။
(မင်းဇော်ဦးသည်လက်ရှိ အာဖကန်နစ်စတန်တွင် သုတေသနညွှန်မှူး အဖြစ် Democracy International အဖွဲ့တွင် တာဝန်ယူလျှက်ရှိသည်။ လုံခြုံရေးဆိုင်ရာ သုံးသတ်ချက်များနှင့် ကြိုတင်အသိပေးစနစ်များ ဆိုင်ရာစီမံချက်တို့တွင် ၁၀ နှစ်ကျော် တာဝန်ထမ်းဆောင်ခဲ့သည်။ George Mason University မှ ပဋိပက္ခဖြေရှင်းရေးဘာသာဖြင့် Ph.D. ရရှိခဲ့ပြီး Georgetown University မှ လုံခြုံရေး ဘာသာရပ်ဖြင့် မဟာဝိဇ္ဖာဘွဲ့များ ရရှိခဲ့သည်။)
