ဘာသာ အယူအဆ မတူသူများအပေါ် ဗုဒ္ဓ၀ါဒနဲ့ပတ်သက်ပြီး၊ ဘီစီ ၂၆၈ မှာ သာသနာပြုမင်း အိန္ဒိယပြည့်ရှင် အာသောက က သူ့ကျောက်စာထဲတွင် အောက်ပါအတိုင်း ရေးထားသည်။


"အခြားဘာသာများအပေါ် ဝေဖန်ရှုတ်ချပြီး မိမိဘာသာကိုသာ ချီးမွမ်းမနေသင့်။ မိမိဘာသာ သာသနာကို တိုးတက်ကြီးပွားအောင် လုပ်ရင်းပင်၊ အခြားဘာသာ အယူဝါဒများကိုလည်း အားပေးချီးမြှောက်မှု ပြုကြရမည်။ ဤသို့မလုပ်ဆောင်လျှင်၊ အခြားဘာသာ အယူဝါဒများအတွက် ဘေးအန္တရာယ်ဖြစ်စေသလို၊ မိမိဘာသာကိုလည်း မြေမြှုပ်သဂြိုင်္ဟ်ပြီးသား ဖြစ်သွားလိမ့်မည်...."


Respect other religions

“One should not honour only one's own religion and condemn the religions of others, but one should honour others' religions for this or that reason.  So doing, one helps one's own religion to grow and renders service to the religions of others too.  In acting otherwise one digs the grave of one's own religion and also does harm to other religions.  Whosoever honours his own religion and condemns other religions, does so indeed through devotion to his own religion, thinking "I will glorify my own religion".  But on the contrary, in so doing he injures his own religion more gravely.  So concord is good: Let all listen, and be willing to listen to the doctrines professed by others.”  

(Emperor Asoka)

 “If there be truth in me, it should explode. I cannot reject it: I would be rejecting myself.”
                                                                                                (Karol Wojtyla. John Paul II)

“ကျုပ် ယုံကြည်တဲ့ အမှန်တရား ရှိရင်၊ ဒါကို ပေါက်ကွဲ ပျံနှံ့စေရမယ်။ အမှန်တရားကို ပစ်ပယ်လို့ မရဘူး။ ကျူပ်ကိုကျုပ်ပဲ ငြင်းပယ်ထားရလိမ့်မယ်”
                                                                                      ကာရိုးဝေါ့(ဂ်ျ) တေလာ၊ ဂျွန်ပေါလ်
၂


ဆင်မျူရယ် ဟန်တင်တန် ပြောတာကို အားလုံး အမှတ်ရကြဦးမှာပါ။ ကမ္ဘာမှာ ဒီမိုကရက်တိုက်ဇေးရှင်းလှိုင်း သုံးလှိုင်း ဖြစ်ပေါ်ခဲ့တယ်။ ပထမလှိုင်းရှည်က ၁၈၂၈-၁၉၂၆ ခုနှစ်အတွင်းမှာ။ ဒုတိယလှိုင်းတိုက ၁၉၄၃-၆၂ ခုနှစ်အတွင်း ဖြစ်ခဲ့ပြီး၊ တတိယလှိုင်းက ၁၉၇၄ မှာ စတင်ခဲ့တယ်။။ နောက်ဆုံး တတိယလှိုင်းက ၁၉၈၀ နဲ့ ၁၉၉၀ ပြည့်လွန်နှစ်တွေမှာ ဆက်တိုက် ဖြစ်ပေါ်ခဲ့တယ်လို့ ဆိုပါတယ်။

နောက်ဆုံး တတိယလှိုင်းကို ဖြစ်ထွန်းစေခဲ့တဲ့ အကြောင်းအရာတွေ ရှိပါတယ်။ တစ်ပါတီပုံစံနဲ့ အမိန့်ပေးစနစ်တွေကို ညည်းငွေ့လာခြင်း၊ ဒီမိုကရက်တစ် တန်ဖိုးတွေ ကျယ်ကျယ်ပြန့်ပြန့် ထွေးပိုက်လက်ခံလာခြင်း၊ ဂလိုဘယ်စီးပွားရေး မကြုံဘူးအောင် တိုးတက်အားကောင်းပြီး မြို့ပြလူလတ်တန်းစား တိုးပွားလာခြင်းနဲ့ ဗာတီကန်ကောင်စီက မီးစိမ်းပြလိုက်တဲ့နောက် ခရစ်ယာန်ကျောင်းတွေက အာဏာရှင်စနစ်ကို မထောက်ခံခြင်းတို့ကြောင့် ပါပဲ။

၁၉၇၀ နဲ့ ၁၉၈၀ ပြည့်လွန်နှစ်တွေမှာ ခရစ်ယာန်ဘာသာ ဖွံ့ဖြိုးမှုတွေ ထပ်ရှိခဲ့ပြီး၊ အဲဒီအပြောင်းအလဲက ဒီမိုကရက်တိုက်ဇေးရှင်း ဖြစ်စဉ်ကို တွန်းပေးခဲ့ပါတယ်။ ခေတ်သစ်ဒီမိုကရေစီဟာ ခရစ်ယာန်ကိုးကွယ်တဲ့ တိုင်းပြည်တွေမှာသာ အရင်ဆုံး အားကောင်းမောင်သန် ဖွံ့ဖြိုးခဲ့ပါတယ်။

၁၉၈၈ ခုနှစ်ကို ငဲ့ကြည့်ရင် ဒီမိုကရေစီနိုင်ငံ ၄၆ နိုင်ငံရှိတဲ့အနက် ၃၉ နိုင်ငံမှာ ကက်သလစ်နဲ့ ပရိုတက်စတင့်ဘာသာတို့က လွှမ်းမိုးထားပါတယ်။ တကယ်တမ်းပြောရရင် အစ္စလာမ်၊ ဗုဒဘာသာနဲ့ ကွန်ဖျူးရှပ်အယူ လွှမ်းမိုးတဲ့ နိုင်ငံတွေမှာ ဒေါင်ဒေါင်မြည် ဒီမိုကရေစီဆိုတာ အတော့်ကို ရှားရှားပါးပါးပါ။

ဒီမိုကရေစီနဲ့ ခရစ်ယာန်ဘာသာ ဆက်စပ်နေတယ်လို့တော့ အတိအကျ ရေးထားတာ ဟောပြောခဲ့တာတွေ မရှိပါဘူး။ သို့သော် အနောက်တိုင်းခရစ်ယာန်ဘာသာက တစ်ဦးချင်းရပိုင်ခွင့် ဂုဏ်သိက္ခာ၊ ကျောင်းတော်နဲ့ နိုင်ငံတော်ကြား စည်းခြားမှု တို့ကို အလွန်အလေးအနက် ထားပါတယ်။ နိုင်ငံတော်တော်များများမှာ ဖိနှိပ်သူတွေကို ဆန့်ကျင်ရာမှာ ကက်သလစ်နဲ့ ပရိုတက်စတင့် ခေါင်းဆောင်တွေက အရေးပါခဲ့ပါတယ်။ ဒါကြောင့်ပဲ ခရစ်ယာန်အယူ ပြန့်ပွားလာတာနဲ့အမျှ ဒီမိုကရက်တစ် တန်ဖိုးတွေ အားကောင်းလာဟန် ရှိပါတယ်။


တောင်ကိုရီးယားက ခရစ်ယာန် ဒီမိုကရက်များ

တောင်ကိုရီးယားကိုပဲ အရင်ကြည့်ပါ။ ၁၉၅၀ ပြည့်နှစ်တွေအတွင်း တောင်ကိုရီးယားဟာ အရပ်သားအစိုးရဖြစ်တဲ့ ဆစ်မန်ရီး လက်အောက်မှာ ရှိခဲ့ပါတယ်။ ၁၉၆၀ ပြည့်နှစ်တွေမှာတော့ စစ်ဘက်တစ်ပိုင်း ဒီမိုကရေစီတစ်ပိုင်းဖြစ်တဲ့ ပတ်ခ်ချုံဟီး လက်အောက်မှာ နေခဲ့ရပါတယ်။ ၁၉၇၀ နဲ့ ၁၉၈၀ ပြည့်နှစ်တွေမှာတော့ အရပ်ဘက်ကို စိတ်နည်းနည်းပြောင်းလာတဲ့ ပတ်ခ် နဲ့ ဗိုလ်ချုပ်ကြီး ချန်ဒူးဝမ် တို့အောက်မှာ ရှိခဲ့တယ်။ ၁၉၈၇ မှာတော့ ဒီမိုကရေစီ အသွင်ကူးပြောင်းဖို့ လုံးလုံး စတင်ပါတော့တယ်။

ဒုတိယကမ္ဘာစစ်ပြီးချိန်မှာ တောင်ကိုရီးယားကို ဗုဒ္ဒဘာသာနဲ့ ကွန်ဖျူးရှပ်ဝါဒက အဓိက လွှမ်းမိုးထားပါတယ်။ ခရစ်ယာန် ဦးရေးက တစ်ရာခိုင်နှုန်းလောက်ပါပဲ။ ၁၉၈၀ ပြည့်လွန် အလယ်နှစ်များရောက်တော့ ခရစ်ယာန်ဦးရေက ၂၅ ရာခိုင်နှုန်းထိ ဖြစ်လာပါပြီ။ အဲဒီမှာ ပရိုတက်စတင့်က ငါးပုံလေးပုံရှိပြီး ကျန်တာက ကက်သလစ်တွေပါ။

ခရစ်ယာန်အယူ ကူးပြောင်းလာသူတွေက လူငယ်တွေနဲ့ မြို့ပြလူလတ်တန်းစားတွေ ဖြစ်ပါတယ်။ ခရစ်ယာန်ဘာသာ ကူးပြောင်းလာကြတဲ့အကြောင်းကလည်း ဘာသာရေးအယူသည်းလွန်းလို့ မဟုတ်ဘဲ၊ ကိုရီးယားရဲ့ စီးပွားရေး လူမှုရေး အပြောင်းအလဲတို့ကြောင့်ပါ။ မြို့ပြကို သန်းနဲ့ချီပြီး ရောက်လာတဲ့ လူတွေရဲ့အမြင်မှာ စိုက်ပျိုးရေးခေတ် သက်ဝင်လှုပ်ရှားမှု ကင်းတဲ့  ဘာသာရေးပုံစံဟောင်းတွေကို ခံတွင်းမတွေ့ကြတော့လို့ပါ။ ခရစ်ယာန်ဘာသာရဲ့ တစ်ဦးချင်းလွတ်မြောက်ရေးနဲ့ ဂုဏ်သိက္ခာအကာကွယ်ပေးမှုက အကျပ်အတည်းရောက် ဂယ်ပေါက်ပိတ်နေချိန်မှာ ထွက်ပေါက်ရစေတယ်၊ အသိုင်းအ၀ိုင်းနဲ့ ၀ိုင်းဝန်းပေးတယ်၊ လူနေမှုပုံစံမှာ စတိုင်ကျတယ်လို့ ထင်လာကြတာလည်း ပါပါတယ်။

ခရစ်ယာန်အယူက နိုင်ငံရေးဖိနှိပ်မှုကို ဆန့်ကျင်ရာမှ အယူအဆပိုင်းအရရော၊ အင်စတီကျူးရှင်းပိုင်းမှာ စနစ်တကျ လုပ်ဆောင်မှုတွေ ရှိတယ်။ တန်းတူညီမျှရေးနဲ့ တစ်ဦးချင်းဂုဏ်သိက္ခာကို အမြဲရှေ့တန်းတင်တယ်။ ကွန်ဖျူးရှပ် အာဏာပိုင်စနစ်နဲ့ လောကီရေးရာ အင်စတီကျူးပြဿနာတွေမှာ အလေးမထားတဲ့ ဗုဒဘာသာတို့နေရာမှာ အစိုးရနဲ့ ဘာသာရေး ခွဲခြားကျင့်သုံးတဲ့ ခရစ်ယာန်ကို အစားထိုးလာကြပါတယ်။

၁၉၇၄ မှာ သမ္မတပတ်ခ် ရဲ့ မာရှယ်လောကို ဆန့်ကျင်ဖို့ ဘစ်ရှော့ငါးပါးက ရိုမန်ကက်သလစ် ဘာသာဝင် ၅၀၀၀ ကျော်ကို ဦးဆောင်ပြီး ဆန္ဒပြခဲ့ကြပါတယ်။ ကင်ဒေးဂျုံနဲ့ ကင်ယုံဆန်တို့လို အတိုက်အခံအများစုကလည်း ခရစ်ယာန်တွေပါပဲ။ ၁၉၈၀ ပြည့်လွန်အစောပိုင်းမှာတော့ ခရစ်ယာန်ကျောင်းတော်တွေဟာ ရွေးကောက်ခံမဟုတ်တဲ့ အစိုးရကို ဆန့်ကျင်ဖို့ အဓိက အင်အားစု ဖြစ်လာပါတယ်။ ၁၉၈၆ နဲ့ ၁၉၈၇ မှာ ကာဒီနယ် ကင်ဆူဝမ်နဲ ကက်သလစ်ခေါင်းဆောင်တွေ၊ ပရိုတက်စတင့် အဖွဲ့တွေ၊ အမျိုးသားခရစ်ယာန်အသင်းတော်တွေ အားလုံးပေါင်းပြီး သမ္မတကို တိုက်ရိုက်ရွေးကောက်ဖို့ စည်းရုံးမှုတွေ လုပ်ခဲ့ပါတယ်။

ဘုရားကျောင်းတော်တွေက လူသားရပိုင်ခွင့်နဲ့ တရားမျှတမှုအတွက် အင်စတီကျူးရှင်းပိုင်းဆိုင်ရာ အုတ်မြစ်ခိုင်အောင် ဟောပြောပို့ချမှုတွေ လုပ်ပါတယ်။ ကက်သလစ်ဘုန်းကြီး ငယ်၊ လတ်၊ ကြီးတွေ၊ လူငယ်အသင်းသားတွေက အစိုးရဆန့်ကျင်ရေးမှာ ပိုမိုပါဝင်လာပြိး နိုးကြားတက်ကြွလာကြတယ်။ ဒါကြောင့် ဂျာမန်လူမှုဒဿန ပညာရှင် မက်စ်ဗေဘာရဲ့ ခရစ်ယာန်အယူနဲ့ အရင်းရှင်စနစ်ပေါင်းစည်းရေးအမြင်က တောင်ကိုရီးယားမှာ တစ်ဖန်ပြန်ကျော့လာတယ်လို့ ပြောရပါမယ်။ ၁၉၈၇ နဲ့ ၈၈ တစ်ဝိုက် တောင်ကိုရီးယားမှာ ဒီမိုကရေစီဖွံ့ဖြိုးမှုအတွက် အဲဒီအတိုင်း ဖြစ်ခဲ့ပါတယ်။


ပရိုတက်စတင့် ဒီမိုကရက်

သမိုင်းကြောင်းအရဆိုရရင် ပရိုတက်စတင့်နဲ့ ဒီမိုကရေစီက ဆွေမျိုးတော်နေတတ်တယ်။ အနောက်ကမ္ဘာရဲ့ ဒီမိုကရေစီဟာ ဆယ့်ခုနှစ်ရာစု ပျူရစ်တန်တော်လှန်ရေးနဲ့ အရှိန်အဟုန်ယူခဲ့ပါတယ်။ ဆယ့်ကိုးရာစု ဒီမိုကရက်တိုက်ဇေးရှင်း ပထမလှိုင်းမှာ ပါဝင်ခဲ့တဲ့ နိုင်ငံအများစုဟာ ပရိုတက်စတင့်အယူ ရှိတဲ့နိုင်ငံတွေ ဖြစ်ပါတယ်။

ဒုတိယကမ္ဘာစစ်အပြီး ဒုတိယလှိုင်းဖြစ်စဉ်မှာတော့ ပါဝင်တဲ့နိုင်ငံတွေကြည့်ရင် ပရိုတက်စတင့်နဲ့ ကက်သလစ် ရောပါလာပါတယ်။ ဒါတောင် ၁၉၆၀ ပြည့်လွန်အထိ ပရိုတက်စတင့်ကပဲ အများစုဖြစ်နေပါသေးတယ်။ ပရိုတက်စတင့် လူဦးရေ အချိုးစားများလေလေ ဒီမိုကရေစီ အဆင့်မြင့်များလေလေလို့ ဆိုရပါမယ်။

ဒါနဲ့ပြောင်းပြန် ကက်သလစ်နိုင်ငံတွေမှာတော့ ဒီမိုကရေစီ ဆိတ်သုဉ်းပြီး အာဏာရှင်တွေအောက်မှာ လုံးချာရိုက်နေခဲ့ပါတယ်။ နိုင်ငံရေးနဲ့ လူမှုဒဿနပညာရှင် မာတင်လစ်ဆက်စ် က ‘ဒုတိယကမ္ဘာစစ်မတိုင်မီ ဥရောပနဲ့ လာတင်အမေရိက မှ ကက်သလစ်ဘာသာ နိုင်ငံတွေဟာ ဒီမိုကရေစီကို လုံးဝဆန့်ကျင်တဲ့ အခြေအနေရှိတယ်’ လို့တောင် ကောက်ချက်ဆွဲပါတယ်။

ပရိုတက်စတင့်ဘာသာဝင်တွေမှာတော့ ဒီမိုကရက်တစ်မာန်ဟုန်က ကြွနေပါတယ်။ သူတို့ ဒီလို ကြွတက်နေရတဲ့အကြောင်း သုံးခု ရှိပါတယ်။ ပထမအချက်က ပရိုတက်စတင့်ဝါဒဟာ တစ်ဦးချင်းတန်ဖိုးနဲ့ ဂုဏ်သိက္ခာကို အမြဲအလေးထားတယ်။ ဒါက ဒီမိုကရေစီနဲ့ နီးစပ်စေတယ်။ လူတစ်ဦးချင်းစီနဲ့ ဘုရားသခင် တိုက်ရိ်ုက်ဆက်နွယ်မှုကို အလေးကဲထားတယ်။ ဒီနေရာမှာ ကက်သလစ်မှာက လာတင်ဘာသာ တန်ဖိုးတွေ၊ ဘုန်းတော်ကြီးတွေက ဘုရားသခင်နဲ့ လူတစ်ဦးချင်းကြား ကြားဝင် အောင်သွယ်ပေးရင်း အာဏာပိုင်သဖွယ် ဖြစ်သွားပါတယ်။

ဒုတိယအချက်ကတော့ ပရိုတက်စတင့်ကျောင်းတော်တွေဟာ ဒီမိုကရေစီနည်းကျကျ အုပ်ချုပ်မှုပုံစံ ရှိခြင်းပါပဲ။ ဘာသာရေးခေါင်းဆောင်တွေက ဘုရားသခင်သားတော်ဆိုပြီး လူတွင်ကျယ်လုပ် ဗိုလ်ကျလို့မရပါဘူး။ ဒါနဲ့ ဆန့်ကျင်ဘက် ကက်သလစ်မှာတော့ ပုပ်တွေ၊ ဘစ်ရှော့တွေ၊ ကာဒီနယ်တွေက အဆင့်ဆင့် အာဏာပိုင်ပုံစံနဲ့ အုပ်ချုပ်ထားပါတယ်။ ကက်သလစ်တွေကို စိတ်ဝညာဉ်ပိုင်းနဲ့ လောကုတ္တရာကိစ္စမှာတောင် အာဏာရှင်ဆန်တယ်လို့ ဆိုကြပါတယ်။

နောက်ဆုံး တတိယအချက်ကတော့ လူမှုဒဿနပညာရှင် မက်စ်ဗေဘာရဲ့ သုံးသပ်ချက်ပါ။ ပရိုတက်စတင့်ဘာသာရေးက စီးပွားရေးလုပ်ငန်းတွေ၊ ဥစ္စာဓနတွေ၊ အရင်းရှင်စနစ်နဲ့ လူလတ်တန်းစားတွေကို တိုးပွားများပြားစေတယ်။ အဲဒီလို စီးပွားရေး ဖွံ့ဖြိုးမှုနဲ့ လူလတ်တန်းစားများပြားလာမှုက ဒီမိုကရေစီ အင်စတီကျူးရှင်းတွေ ပေါ်ထွက်လာအောင် ချောဆီထည့်ပေးပါတယ်။


ကက်သလစ် ဒီမိုကရက်

၁၉၆၀ ပြည့်လွန်နှစ်များအထိ ပရိုတက်စတင့်နဲ့ ဒီမိုကရေစီကြား ဆက်စပ်မှုဟာ အပြောင်းလဲမရှိ ခိုင်မြဲနေဆဲပါ။ ဒါပေမဲ့ ၁၉၇၀ နဲ့ ၁၉၈၀ ပြည့်နှစ်တွေမှာတော့ ဒီိမိုကရက်တစ် တတိယလှိုင်း တစ်လုံးပြီးတစ်လုံး အပြန့်ကျယ်စွာ ပေါ်ထွက်လာပါတယ်။

အဲဒီလှိုင်းတွေက ကက်သလစ်လှိုင်းတွေပါ။ တတိယလှိုင်းမှာ အဦးဆုံး ပေါ်ထွက်လာတဲ့ ဒီမိုကရက်တစ် သုံးနိ်ုင်ငံအနက် ပေါ်တူဂီနဲ့ စပိန်က ကက်သလစ်တွေပါ။ ဒီနောက် တောင်အမေရိက ခြောက်နိုင်ငံနဲ့ ဗဟိုအမေရိက သုံးနိုင်ငံတို့ကတစ်ဆင့် ဒီမိုကရက်တိုက်ဇေးရှင်းဟာ အရှိန်အဟုန်နဲ့ စီးဆင်းသွားပါတယ်။

နောက် အရှေ့အာရှမှာ ဖိလစ်ပိုင်ဟာ ပထမဆုံး ဒီမိုကရက်ဖြစ်လာပြီး၊ တောင်အမေရိကက ချီလီနဲ့ မက္ကစီကိုတို့ကလည်း အားကျမခံ ဒီိမိုကရက်တိုက်ဇေးရှင်းဖြစ်စဉ်မှာ ပါဝင်လာကြပါတယ်။ ကက်သလစ် ပိုလန်နဲ့ ဟန်ဂေရီ တို့လည်း ဒီမိုကရေစီ အရေခွံသစ်ကို ပထမဆုံး လဲယူခဲ့ကြတယ်။ ကမ္ဘာ့ဒေသတိုင်းက ကက်သလစ်တိုင်းပြည်တွေဟာ ဒီမိုကရက်တိုက်ဇေးရှင်း ဦးဆောင်သူတွေ ဖြစ်ပြီး၊ ကက်သလစ်တို့ ပျော်စံရာ လာတင်အမေရိကတခွင်ဟာ  တင်းပြည့် ဒီမိုကရက်တွေ ဖြစ်လာပါတယ်။

အကြမ်းဖျင်းပြောရရင် ၁၉၇၄ နဲ့ ၁၉၈၉ အကြား ဒီမိုကရေစီ အောင်မြင်စွာကူးပြောင်းနိုင်ခဲ့တာဟာ ကက်သလစ်ဘာသာ နိုင်ငံတွေပါပဲ။ ချွင်းချက်အဖြစ် ၁၉၈၀ ပြည့်လွန်နှစ်တွေမှာ ပရိုတက်စတင့်ကနေ ဒီမိုကရက်ဖြစ်လာတဲ့ သုံးနိုင်ငံက အရှေ့ဂျာမဏီ၊ တောင်အာဖရိကနဲ့ ဆရာတွေရဲ့ သွန်သင်မှုကြောင့် ဘုရားသခင်နောက်လိုက်လာတဲ့ တောင်ကိုရီးယား ရယ်ပါ။ ချုပ်ပြောရင် အဲဒီကာလ နိုင်ငံအများအပြား ဒီမိုကရေစီ ဖြစ်လာတယ်ဆိုရင် ဒါဟာ ကက်သလစ်၊ အော်သိုဒေါ့တို့ပါပဲ။


ကျောင်းတော်အတွင်းပိုင်း ပြောင်းလဲမှု

မေးစရာ ရှိလာပါပြီ။ ကိုရွှေကက်သလစ်တို့ နောက်မှ ဘယ်လိုဖြစ်လို့ ဒီမိုကရက်တစ်ပိုး ၀င်သွားရတာလဲ။ ရှေးရိုး စာအုပ်ကြီး ပိုက်၊ ဗဟိုဦးစီးပုံစံကဲတဲ့ ကက်သလစ်တို့ နောက်ကျမှ ဘာကြောင့် အပြုံလိုက် ဒီမိုကရက်ဘ၀ ခုန်ကူးလာကြတာလဲ။

အဖြေက ရှင်းပါတယ်။ ကက်သလစ်ဘာသာဝင်တို့ ရှေးရိုး ရေခဲရိုက်ပုံစံထဲကနေ ဖောက်ထွက်လာလို့ ဖြစ်ပါတယ်။ သမိုင်းတလျှောက် ပရိုတက်စတင့်နိုင်ငံတွေက ကက်သလစ်နိုင်ငံတွေထက် စီးပွားရေး ပိုမို ဖွံ့ဖြိုးခဲ့တယ်။ ဥစ္စာဓန ကြွယ်ဝမှု မြင့်မားတယ်။ ၁၉၅၀ ပြည့်လွန် အစောပိုင်းကစလို့ ကက်သလစ်နိုင်ငံတွေက ပရိုတက်စတင့်တို့ထက် စီးပွားရေး တိုးတက်မှုနှုန်း ပိုမြန်လာပါတယ်။ နောက်အကြောင်းတစ်ခုက ကက်သလစ်ကျောင်းတော်များအတွင်း ပြောင်းလဲမှုတွေကြောင့် ဖြစ်ပါတယ်။

အရင်က လာတင်အမေရိက က ခရစ်ယာန်ကျောင်းတွေဟာ မြေယာပိုင် အောလစ်ဂါးခီတွေ အစိုးရအာဏာပိုင်တွေနဲ့ ပေါင်းသင်းမှု ရှိပါတယ်။ ၁၉၆၀ ပြည့်လွန်များမှာတော့ ကျောင်းတော်တွေက အဲဒီအကျင့်ဆိုးကို ပြောင်းလဲပစ်ပါတယ်။ chcrch တွေရဲ့ အတွင်းပိုင်း ပြောင်းလဲမှုက အာဏာရှင်အစိုးရတွေ ဆန့်ကျင်ရာမှာ လူမှုအင်စတီကျူးရှင်းပိုင်း အားကောင်းစေခဲ့တယ်။ ဘာသာရေးကို ခုတုံးလုပ်တတ်တဲ့ အစိုးရတွေထံက ဖယ်ရှောင်ခဲ့ပြီး လူထုကို အကာအကွယ်ပေးလာပါတယ်။ အရင်ဆုံး ဒီမိုကရေစီလိုလားသူတွေကို ခွန်အားဖြစ်စေပါတယ်။

၁၉၆၀ မတိုင်မီက ကက်သလစ်ကျောင်းတော်ကြီးကိုယ်တိုင်ပင် အာဏာစက်သုံးခဲ့တာတွေ ရှိပါတယ်။ ၁၉၆၀ ပြည့်လွန် အလယ်လောက်ကစလို့ ဒီမိုကရေစီမဟုတ်တဲ့ အစိုးရတွေကို ဆန့်ကျင်လာပါတယ်။ ဘရာဇီး၊ ချီလီ၊ ဖိလစ်ပိုင်၊ ပိုလန်နဲ့ ဗဟိုအမေရိကနိုင်ငံတွေမှာ အာဏာရှင်တွေကို ကောင်းကောင်းပညာပေးလာပါတယ်။ ကသလစ်ကျောင်းတော်ကြီးရဲ့ အသွင်သစ် ပြောင်းလဲမှုကြောင့် အဓိကနိုင်ငံရေးဖြစ်ရပ်တွေ ပေါ်ထွက်လာပါတယ်။

လူမှုပညာရှင်အချို့ ပြောတဲ့အတိုင်းပါပဲ။ ၁၉၅၀ ပြည့်နှစ်တွေထိ ကက်သလစ်ဘာသာဟာ ဒီမိုကရေစီရဲ့ ခလုပ်ကသင်းတစ်ခု ပါ။ အဲ.. ၁၉၇၀ နောက်ပိုင်းမှာတော့ ကက်သလစ်အယူဟာ ကျောင်းတော်ရဲ့ အတွင်းပိုင်းပြောင်းလဲမှုကြောင့် ဒီမိုကရေစီ အတွက် မဟာအင်အားဖြစ်လာခဲ့ပါတယ်။


ပုပ် ၂၃ ရဲ့ တစ်ဦးချင်းအခွင့်အရေး နှိုးဆော်မှု

ဗာတီကန်ကျောင်းတော်ကြီးရဲ့ အပြောင်းအလဲကို ကမ္ဘာ့အတိုင်းတာနဲ့ အသက်ဝင်စေဖို့ စပြီး အားထုတ်သူက ပုပ်ဂျွန် ၂၃ ဖြစ်ပါတယ်။ ကက်သလစ် အပြောင်းအလဲတွေဟာ သူ့ရဲ့ ကိုယ်ပိုင်စတိုင်နဲ့ ရိုးသားဖြူစင်တဲ့ ကတိက၀တ်ကနေ ပေါ်ထွက်လာတာပါ။

ဒုတိယမြောက် ဗာတီကန်ကောင်စီကနေ သူ့ရဲ့ ပုပ်ရဟန်းမင်း စာတမ်းသစ်ကို တင်ပြပြိး ဆုံးဖြတ်ချက်တောင်းပါတယ်။ အဲဒီ ဆုံးဖြတ်ချက်ကနေ လူမှုအပြောင်းအလဲတွေ အလေးကဲဆောင်ရွက်ဖို့၊ ဘစ်ရှော့တွေ၊ မာသာတွေက ဆင်းရဲသားတွေကို အကူညီပေးကြဖို့၊ တစ်ဦးချင်းအခွင့်အရေးတွေကို မားမားမတ်မတ် ရပ်ခံဆော်ဩကြဖို့ တိုက်တွန်းထားပါတယ်။ Church ဘုန်းကြီးတွေ ဆရာတွေဟာ တစ်ဦးချင်းအခွင့်အရေးနဲ့ ပတ်သက်ရင် အချိန်အခါမရွေး ရှေ့တန်းက တာဝန်ယူရမယ်လို့ ထုတ်ပြန်ခဲ့ပါတယ်။ အဲဒီသဘောထားတွေကို ၁၉၆၈ နဲ့ ၁၉၇၉ ခုနှစ်တို့မှာ ကျင်းပတဲ့ လာတင်အမေရိက ဘစ်ရှော့များ ညီလာခံက အသေးစိပ် အတည်ပြုလိုက်နာဖို့ ဆုံးဖြတ်ခဲ့ပါတယ်။

ဗာတီကန်အသင်းတော်ကြီးရဲ့ အပြောင်းအလဲပြီးရင်ပဲ တစ်ကမ္ဘာလုံးက ကက်သလစ်ကျောင်းတော်များ လှုပ်ရှားနိုးကြွ လာပါတယ်။ ၁၉၆၀ ပြည့်လွန်များအတွင်း စပိန်က လူငယ်မျိုးဆက်သစ် ကက်သလစ်ဘုန်းကြီး သီလရှင်၊ ပညာရှင်၊ တရားဟောဆရာပေါင်းစုံဟာ အစိုးရနဲ့ ကဏ္ဍကောစ ဖြစ်ပါတယ်။ ၁၉၇၄ မှာ ဘရာဇီး ခရစ်ယာနကျောင်းတွေမှာ ဘုန်းကြီး၊ သီလရှင် ၄,၀၀၀ ရှိလာပြီး အသွင်သစ်နဲ့ ကက်သလစ်ကို ဖန်ဆင်းလိုက်ပါတယ်။ တစ်ပြိုင်ထဲမှာ ဘုန်းကြီးငယ်တွေနဲ့ အောက်ခြေဆင်းလှုပ်ရှားသူတို့က ကွန်မြူနစ်ဆန့်ကျင်ရေး၊ အင်ပါယာဆန့်ကျင်ရေးတွေ စက်ပုန်းခုတ်လှုပ်ရှားလာပါတယ်။

၁၉၇၀ ပြည့်နှောင်းပိုင်းတွေမှာတော့ အာဂျင်တီးနား church များက ရှေးရိုးတယူသန်မှုကနေ လမ်းခွဲပြီး မြူးကြွနေတဲ့ ဘုန်းကြီးငယ်တွေရဲ့ အင်အားသစ်နဲ့ ဧ၀ံဂေလိရှင်သန်ရေး ပုံစံသစ်ခင်းလာပါတယ်။ ပိုလန်၊ ချီလီ နှစ်နိုင်ငံကလည်း အားကျမခံ church တွေကနေ အောက်ခြေလူထုကို နိုင်ငံရေးပိုးသွင်းပေးပြီး အကြမ်းမဖက်လှုပ်ရှားမှုတွေ ဖန်တီးကြပါတယ်။ အဲဒီလို ဗာတီကန်ရဲ့ အယူအဆသစ် မီးစိမ်းပြမှုနဲ့ တနံတလျား အောက်ခြေလှုပ်ရှားမှုတွေ ပေါင်းစပ်မှုက ဒီမိုကရက်တိုက်ဇေးရှင်းတွေ ဇယ်ဆက်သလို ဖြစ်လာပါတယ်။

ခရစ်ယာန်ကျောင်းတွေဟာ အာဏာရှင်စနစ်ကို ဆန့်ကျင်ဖို့ ရင်းမြစ်တွေ အများကြီး ပံ့ပိုးပေးပါတယ်။ အာဏာရှင်စနစ် ဆန့်ကျင်သူများကို ထောက်ပံ့မှု၊ ခိုလှုံခွင့်ပေးမှုတွေ လုပ်ပေးပါတယ်။ church ရေဒီယိုအသံလွှင့်ဌာန၊ သတင်းစာ၊ အပတ်စဉ်ထုတ် သတင်းလွှာတွေကနေ အစိုးရဆန့်ကျင်ရေးကို ပါးပါးနပ်နပ် လမ်းခင်းပြတယ်။

ဘရာဇီးမှာဆိုရင် church တွေက အားလုံးစုစည်း လှုပ်ရှားပါဝင်စေဖို့ အမျိုးသားကွန်ယက် ဖွဲ့စည်းထားပါတယ်။ ဘုန်းကြီး၊ သီလရှင်၊ တရားဟောဆရာ ထောင်ပေါင်းများစွာဟာ မီးခဲပြာဖုံး ယူဂျီလုပ်နေတဲ့ အမျိုးသားနိုင်ငံရေး ယန္တရားအဖွဲ့ကြီးပါပဲ။

Church တွေမှာ ထင်ရှားတဲ့ ခေါင်းဆောင်ကိုယ်စီ ရှိတတ်ပါတယ်။ ဘရာဇီးမှာဆို ကာဒီနယ် အန်း၊ ဖိလစ်ပိုင်မှာဆို ဆင်း၊ အယ်လ်ဆာဗေဒိုးမှာဆိုရင် ရိုမီယို၊ တောင်ကိုရီးယားမှာဆို ကင် စသည်တို့ပါပဲ။ သူတို့က သမ္မာကျမ်းပိုက်ရင်း  နိုင်ငံရေးတရားတွေ ထည့်ဟောစည်းရုံးသွားပါတယ်။

ဗာတီကန်ကျောင်းတော်ကြီးရဲ့ ဩဇာကလည်း ခရစ်ယာန်နိုင်ငံတိုင်းက national church တွေ၊ ကက်သလစ်ဘာသာဝင်တွေ အပေါ် ကြီးမားပါတယ်။ ဥပမာ၊ ဘရာဇီး church က ဖီဆန်မှုတစ်ခု လုပ်တော့၊ ဗာတီကန်က အရှိန်အ၀ါကြီးကြီး ထောက်ခံမှုပေးပါတယ်။ ရောမကျောင်းတော်က တစ်ခွန်းဟတယ်ဆိုရင်ပဲ ဥရောပ၊ အမေရိကတို့က ဘနုးကြီးအပေါင်းနဲ့ အခွင့်အရေးလှုပ်ရှားသူတွေ၊ သတင်းမီဒီယာတွေက ပွက်လောညံသွားပါတယ်။ အဲဒီဝေဖန် ရိုက်ခတ်မှုတွေကို ဘရာဇီး အစိုးရအဖို့ တုံပြန်ဖို့ ခဲရင်းပါတယ်။


ဂျွန်ပေါလ် ၂ ရဲ့ ခရီးစဉ်များ

ကွယ်လွန်သွားတဲ့ ပုပ်ရမင်းကြီး ဂျွန်ပေါလ် ၂  ဗာတီကန်ကို ဆက်ခံလိုက်ချိန်မှာတော့ လက်သံက ပိုပြင်းလပါတယ်။ အာဏာရှင်တွေကို ဆန့်ကျင်ရေး ကြိုးပမ်းမှုမှာ ပုပ်ရဟန်းမင်းနဲ့ ဗာတီကန်က အဓိက ဇာတ်ခုံပေါ်မှာ ရှိနိုင်ဖို့ ကြိုးစားပါတယ်။ သူရဲ့ ပထမဆုံး ဘရင်ဂျီဘုန်းတော်ကြီးများထံ ဖြန့်ဝေပေးစာမှာ လူသားပိုင်ခွင့် ချိုးဖောက်မှုတွေ တော်တော်များများကို ရှုတ်ချဝေဖန်ထားပါတယ်။ စိန့်ပီတာကျောင်းတော်ကြီးဟာ ပုဂလိကလူသား ဂုဏ်သိက္ခာအတွက် အမြဲရပ်ခံပြီး လွတ်လပ်မှုကို ကာကွယ်စောင့်ရှောက်သူ (the Guardian) ဖြစ်နေရမယ်လို့ အတိအလင်း ကြေငြာပါတယ်။

ဒီနောက်တော့ ပုပ်ရမန်းကြီး ဂျွန်ပေါလ် ရဲ့ ခရီးစဉ်တွေက အဓိက အရေးပါလာပါတယ်။ လူထုဆန္ဒပြပွဲတွေရဲ့ ရှေ့မှောက်မှာ ပုပ်ရဟန်းမင်းကြီးက ဘွားဘွားကြီး ပေါ်ထွက်လာတတ်ပါတယ်။ သူ့အလည်ပတ်ခရီးစဉ်တွေကို ကြည့်ရင် ပိုလန်ကို ၁၉၇၉ ဇွန်၊ ၁၉၈၃ ဇွန်၊ ၁၉၈၇ ဇွန်။ ဘရာဇီးကို ၁၉၈၀ ဇွန်-ဇူလိုင်၊ ဖိလစ်ပိုင်ကို ၁၉၈၁ ဖေဖော်ဝါရီ။ ဗာဒိုးနဲ့ ဟေတီတို့ကို ၁၉၈၃ မတ်လ။ တောင်ကိုရီးယား ၁၉၈၄ မေ။ ချီလီကို ၁၉၈၇ ဧပြီနဲ့ ပါရာဂွေးကို ၁၉၈၈ မေလတို့ ဖြစ်ပါတယ်။

အဲဒီခရီးစဉ်တွေရဲ့ ရည်ရွယ်ချက်က သာမန် သာသနာပြုအလည်ခရီး မျှသာပါပဲ။ ဒါပေမဲ့ သူရဲ့ အဂန္တုခရီးစဉ်များက နိုင်ငံရေးမှာ အတော့်ကို အကျိုးများလှပါတယ်။ ဖိနှိပ်တဲ့အစိုးရများကို အံတုနေတဲ့ ဒေသခံ church တွေကို အားပေးထောက်ခံမှုတွေ လုပ်ရပါတယ်။ ပိုလန်၊ ဂွာတီမာလာ၊ နီကာရာဂွါ၊ ချီလီနဲ့ ပါရာဂွေးတို့မှာ ဖိနှိပ်သူတွေကို ဆန့်ကျင်ဖို့ သူကိုယ်တိုင် မားမားရပ် ပြောဆိုခဲ့တာတွေ ရှိပါတယ်။ အထူးခြားဆုံး အောင်ပွဲကတော့ ၁၉၇၉ ပိုလန် ခရီးစဉ် ဖြစ်ပါတယ်။
လူထုရဲ့ ကြောက်စိတ်တွေကို ဖြေလျော့ပေးနိုင်ခဲ့တယ်။ ထုနှက်ခံရ၊ အလုပ်ထုတ်ခံရ၊ ရာထူးမတိုး၊ ကျောင်းထုတ်တာတွေကို တားပေးနိုင်ခဲ့ပါတယ်။

နိုင်ငံရေးသိပံပညာရှင်တွေက ဂျွန်ပေါလ် ၂ ရဲ့ သာသနာပြုခရီးစဉ်တွေက အရှေ့ဥရောပမှာ ကွန်မြူနစ်ဝါဒ ဆုံးခန်းတိုင်စေဖို့ အစပျိုးပေးလိုက်တာဖြစ်တယ်လို့ ဆိုကြပါတယ်။ ၁၉၈၇ မှာ ချီလီက အာဏာရှင် ပီနိုချေးနဲ့ ထိပ်တိုက်တိုးတဲ့အခါမှာ သူ့ခရီးစဉ်တွေဟာ ဒီမိုကရေစီနဲ့ ဆက်နွယ်ပုံကို ခပ်တင်းတင်း ပြောချလိုက်ပါတယ်။

“ကျူပ်က ဒီမိုကရေစီ တရားဟောဆရာ မဟုတ်ဘူး။ ခရစ်ဝင်ကျမ်း ဧ၀ံဂေလိ တရားဟောဆရာသက်သက်ပါ။ ဒါပေမဲ့ လူသား အခွင့်အရေး ပြဿနာအားလုံးက ခရစ်ယာန်ကျမ်းစာနဲ့ ပတ်သက်နေတယ်။ တကယ်လို့ ဒီမိုကရေစီဟာ လူ့အခွင့်အရေးကို ဆိုလိုတယ်ဆိုရင် ဗာတီကန်ရဲ့ စကားတွေကလည်း ဒီမိုကရေစီနဲ့ ဆက်နွယ်နေလိမ့်မယ်”


Church ခေါင်းဆောင်တွေရဲ့ လှုပ်ရှားမှုများ

ဒီလိုနဲ့ ဒီမိုကရက်တိုက်ဇေးရှင်း ဖြစ်စဉ်တွေရဲ့ အကျပ်အတည်းတိုင်းမှာ church ခေါင်းဆောင်တွေ ကြားဝင်ဖြေရှင်းပါတယ်။ ၁၉၇၈ ခုနှစ် ဒိုမီနီကန်သမ္မတနိုင်ငံမှာ မဲလိမ်မှုတွေ ရပ်တန်းကရပ်ဖို့၊ သမ္မသက်တမ်း ရှည်ကြာလွန်းတဲ့ ဆီလာဂူရာကို အနားပေးဖို့ စိန့်ပီတာကျောင်းတော်ကနေ ကြေငြာဖိအားပေးပါတယ်။

၁၉၈၉ မှာ ပနားမား church ခေါင်းဆောင်တွေက သမ္မတ နိုရေးဂါးရဲ့ မဲခိုးမှုကို ပြင်းပြင်းထန်ထန် ဝေဖန်ပြီး၊ အတိုက်ခံတွေကို နှိပ်ကွပ်မယ့် ပနားမားတပ်တွေကို သမ္မတအမိန့် မလိုက်နာဖို့ ဖျောင်းဖျ စည်းရုံးနိုင်ခဲ့ပါတယ်။ နီကာရာဂွာမှာလည်း ဘုန်းတော်ကြီး ကာဒီနယ် အိုမန်ဒိုယာမရာဗိုက ဆန်ဒစ်နစ်တာ အစိုးရကို ဆန့်ကျင်ဖို့ စည်းရုံးမှုတွေ လုပ်ခဲ့ပါတယ်။

ချီလီမှာတော့ ပီနိုရှေးအစိုးရကို ဆန့်ကျင်အာခံရာမှာ  ကာဒီနယ် အိုမန်ဒိုရာမရာဗို က ရှေ့တန်းကနေ ပါဝင်ပြီး၊ ၁၉၈၅ ခုနှစ် ဩဂုတ်လ၊ ဖွဲ့စည်းပုံပြောင်းလဲရေးနဲ့ ရွေးကောက်ကျင်းပပေးရေး တောင်းဆိုရာမှာ နိုင်ငံရေးပါတီ ၁၁ ခုက ခေါင်းဆောင်များနဲ့ အတူ လက်တွဲခဲ့ပါတယ်။

Church ခေါင်းဆောင်တွေရဲ့ နိုင်ငံရေးပါဝင်ပတ်သက်မှု အလွန်အမင်းပုံစံတစ်ခုကတော့ ဖိလစ်ပိုင်မှာ ဖြစ်ပါတယ်။ ကာဒီနယ် ဆင်းက အတိုက်အခံအုပ်စုတွေနဲ့ အကွီနို ကြား စေ့စပ်ပေးတယ်။ ရွေးကောက်ပွဲမတိုင်မီ တစ်ရက်မှာ ကာဒီနယ်က ကက်သလစ်ဘာသာဝင်များထံ စာလွှာပါးပါတယ်။ စာထဲမှာ လူ့အခွင့်အရေးတွက် ယုံကြည်လေးစား၊ ရိုးသားဖြောင့်မတ်မှုရှိတဲ့ ပုဂိုလ်ကိုသာ မဲပေးရမယ်လို့ ဆော်ဩထားတယ်။ ကာဒီနယ်က အကွီနို ကို မဲပေးခိုင်းတာပါ။

ဘုန်းကြီးတွေနဲ့ လူထုကလည်း ချက်ဆိုနားခွက်မီးတောက်ပါတယ်။ မားကိုစ် မဲခိုးဖို့ကြိုးစားတော့ စစ်တပ်က ဆန့်ကျင်အောင် ခရစ်ယာန် အသံလွှင့်ဌာနကနေ အော်ပေးပါတယ်။ မားကို့စ် ဟာဝိုင်ရီ ထွက်ပြေးရပြီး စနစ်ဆိုးတစ်ခု ဆုံးခန်းတိုင်အောင် ဆောင်ရွက်ရာမှာ ကာဒီနယ်ဆင်း ရဲ့ အခန်းကဏ္ဍက အရေးပါပါတယ်။


ဒေါ်လာနဲ့ လက်ဝါးကပ်တိုင် လိုဂိုပုံ

ဇာတ်ကြောင်းချုပ်ကြည့်ရင် ဗာတီကန်ကျောင်းတော်ကြီး အတွင်းပိုင်းသာ အပြောင်းအလဲတွေမလုပ်ခဲ့ရင်၊ အာဏာရှင်စနစ်ကိုသာ ကက်သလစ်တို့ ဘေးတီးမပေးခဲ့ရင်၊ တတိယလှိုင်း ဒီမိုကရက်တိုက်ဇေးရှင်းဟာ သိပ်ခရီးတွင်မှာ မဟုတ်ပါဘူး။

၁၉၇၀ နဲ့ ၁၉၈၀ ပြည့်လွန်နှစ်များအတွင်းမှာ ပေါ်ထွက်လာတဲ့ တတိယလှိုင်း ဒီမိုကရက်တိုက်ဇေးရှင်း အတွက် စီးပွားရေးဖွံ့ဖြိုးမှုက ပထမအကြောင်းရင်းဖြစ်ပြီး၊ ကက်သလစ်ဘာသာက ဒုတိယအခန်းကဏ္ဍကနေ အရေးပါခဲ့ပါတယ်။ တတိယလှိုင်းကို logo တံဆိပ်နဲ့ ပုံဖော်ချင်ရင် ဒေါ်လာနဲ့ လက်ဝါးကပ်တိုင် ပုံနှစ်ခုကို ရောပြီး ပုံဖော်ရမယ်လို့ ဆင်မျူရယ် ဟန်တင်တန်က အရွှန်းဖောက်ပါတယ်။

ရဲမြင့်ကျော်

ရည်ညွှန်း
The Third Wave by Samuel P. Huntington
Protestant Ethic and the Spirit of Capitalism by Max Weber
(စပယ်ဖြူမဂဇင်း၊ အမှတ် ၅၊ ဇူလိုင်၊ ၂၀၀၅ တွင် ဖော်ပြထားသည်)

ကမ္ဘာ့စီးပွားရေးကျဆင်းမှု ကာလအတွင်း ထူခြားသည့်အချက်တစ်ခုမှာ ထွန်းသစ်စနိုင်ငံများဖြစ်သော အိန္ဒိယ၊ တရုတ်၊ အင်ဒိုနီးရှားတို့သည် အကျပ်အတည်းဒဏ်ကို ခန့်မှန်းထားသည်ထက် ပို၍ ခံနိုင်ရည် ရှိကြောင်း တွေ့ရသည်။

အထူးသဖြင့် တရုတ်နိုင်ငံဆိုလျှင် စီးပွားရေးအကျပ်အတည်းကြောင့် အကျိုးဖြစ်ထွန်းမှုများပင် ရရှိခဲ့သည်ဟုဆိုနိုင်သည်။ တရုတ်နိုင်ငံ သည် ၂၀၀၈ ခုနှစ်တွင် အလုပ်လက်မဲ့ဦးရေများ တိုးပွားခဲ့ပြီး တိုင်းပြည်၏ ပို့ကုန်လုပ်ငန်းများလည်း ထိခိုက်ခဲ့ပါသည်။ သို့သော် ယခုနှစ်တွင် တရုတ်၏ စုစုပေါင်းစီးပွားရေးထွက်ကုန် ဂျီဒီပီသည် ၈.၅ ရာခိုင်နှုန်းအထိ မြင့်တက်နိုင်သည်ဟု ခန့်မှန်းထားသည်။

ဖွံ့ဖြိုးပြီးနိုင်ငံတော်တော်များများမှာ ၂၀၀၉ ခုနှစ်တွင် ဂျီဒီပီရာခိုင်နှုန်း အနုတ်လက္ခဏာပြနေချိန်တွင်ဖြစ်၍ တရုတ်၏ ၈.၅ ရာခိုင်နှုန်း မြင့်တက်မှုသည် အထူးအောင်မြင်မှုတစ်ခုဖြစ်သည်ဟုဆိုနိုင်သည်။ တရုတ်နိုင်ငံ၏ စီးပွားရေးအကျပ်အတည်း အပေါ် ကိုင်တွယ်ဖြေရှင်းမှုသည် ဖွံ့ဖြိုးပြီးနိုင်ငံများထက် သာလွန်ကောင်းမွန်ခဲ့သည်။

ပါတီစည်းလုံးညီညွတ်မှု

တရုတ်နိုင်ငံ၏ တစ်ခုတည်းသော အာဏာရပါတီသည် အများထင်မြင်ယူဆနေသကဲ့သို့ စည်းလုံးညီညွတ်နေသည် မဟုတ်ပါ။ ကျေးလက်ဒေသဖွံ့ဖြိုးမှုကို အလေးထားလိုသော သမ္မတ ဟူကျင်းတောင်နှင့် ၀န်ကြီးချုပ် ၀မ်ကျားပေါင်တို့က တစ်ဖက်၊ မြို့ပြဖွံ့ဖြိုးမှုကို အဓိကထားလိုသော ပါတီခေါင်းဆောင်ပိုင်းတချို့က တစ်ဖက် နှစ်အုပ်စုကွဲနေကြသည်။ ဟူနှင့်ဝမ်တို့က ဖွံ့ဖြိုးမှုနောက်ကျနေသော တရုတ်ပြည်အနောက်ဘက် ပြည်နယ်များကို တန်းတူ ဖွံ့ဖြိုးလာအောင် ဆောင်ရွက်လိုသည်။ အခြားပါတီခေါင်းဆောင်များကတော့ ဖွံဖြိုးပြီး ကမ်းရိုးတန်းဒေသ ပိုင်းရှိ ရှန်ဟဲ၊ ရှန်ကျင့်စသော မြိုကပြများကို ကမ္ဘာ့စံပြ မြို့တော်ကြီးများဖြစ်အောင် တည်ဆောက်လိုကြသည်။ သမ္မတဟူနှင့် ၀န်ကြီးချုပ် ၀မ်တို့က စီးပွားရေနှေးကွေးလျှင် နှေးကွေးပစေ၊ သဘာဝပတ်ဝန်းကျင်ထိန်းသိမ်းရေး၊ ကာဘွန်ထုတ်လုပ်မှုများသည့် စက်ရုံများကို စည်းမျဉ်းစည်းကမ်းများ ချမှတ်ရေးစသည့် နီယိုလစ် (Neo-Liberal) ဆန်သောပေါ်လစီများ ချမှတ်လိုသည်။

ပါတီအီလိုက် ခေါင်းဆောင်ပိုင်းကတော့ ဈေးကွက်စီးပွားရေးကိုပိုပြီး ကြိုးဖြေလွှတ်စေချင်ကြသည်။ စည်းမျဉ်းစည်းကမ်းများ လျှော့ချ၊ ပုဂ္ဂလိက ကဏ္ဍကို မြှင့်တင်ပြီး၊ လေဆက်ဖဲယား အယူအဆကို အပြည့်အ၀အသုံးချသူများဖြစ်ကြသည်။ ထို့ကြောင့် တရုတ်ကွန်မြူနစ်ပါတီ၏ အကွဲအပြဲသည် သမ္မတနှင့်ဝန်ကြီးချုပ် ဦးဆောင်သော လက်ဝဲဆန်သည့် အုပ်စုနှင့် ပါတီအီလိုက်များ ဦးဆောင်သော လက်ယာဆန် သော အုပ်စုတို့ဖြစ်ကြသည်။

အခုလောလောဆယ်အချိန်မှာ မည်သည့်အုပ်စုက အသာစီးရနိုင်မလဲဆိုတာ မှန်းရ ခက်နေပါသေးသည်။ ပြည်သူအများစု ကတော့ ဟူနှင့်ဝမ်အုပ်စုကို ပို၍သဘောကျကြသည်။ သို့သော် တရုတ်ပြည်တွင် သြဇာအာဏာရှိသည်မှာ တရုတ်ပြည်သူ တို့မဟုတ်ဘဲ ကွန်မြူနစ်ပါတီ ထိပ်တန်းခေါင်းဆောင်များဖြစ်ကြသည်။

ပါတီတွင်း ကွဲပြားနေမှုသည် ယခုမှဖြစ်သည်မဟုတ်ဘဲ ယခင်သမ္မတ ကျန်ဇီမင်းလက်ထက်ကတည်းကပင် ရှိခဲ့သည်။ သို့သော်နိုင်ငံတကာ အသိုက်အ၀န်းက သတိပြုမိခြင်းမရှိဘဲ ယခုအချိန်တွင်မှ လူပြောသူပြောများလာ ခြင်းဖြစ်သည်။ ဟူကျင်းတောင်နောက် မည်သည့်ဘက်က နိုင်ငံသမ္မတ ဖြစ်လာနိုင်မလဲဆိုသော ပုစ္ဆာကို နိုင်ငံတကာ သတင်းမီဒီယာ များက အထူးဦးစားပေး ဖော်ပြလာကြသည်။ နိုင်ငံ၏ရည်ရှည်ကာလတွင် ရေရှည်ကာလတွင် ချမှတ်ရမည့် ပေါ်လစီ ဗျူဟာများအပေါ်တွင် ပါတီအုပ်စု နှစ်ခုကွဲပြားနေကြသော်လည်း၊ တရုတ်နိုင်ငံကို နိုင်ငံတကာစင်မြင့်တွင် ထိပ်တန်းနိုင်ငံ တစ်ခုဖြစ်လာရေးမှာ ပါတီအုပ်စုနှစ်ခုစလုံး၏ ဘုံရည်မှန်းချက်ပင်ဖြစ်သည်။ ထို့ကြောင့်ပင် ၂၀၀၈ ခု စီးပွားရေး အကျပ်အတည်း ဖြစ်ပွားလာသောအခါ လျင်မြန်စွာ တုံ့ပြန်နိုင်ခဲ့ခြင်းဖြစ်သည်။ အမေရိကန်လွှတ်တော်နှစ်ရပ်၌ စီးပွားရေး နှိုးဆွ အစီအစဉ် အတွက် ငြင်းခုံလို့ကောင်းဆဲကာလတွင် တရုတ်နိုင်ငံက ဒေါ်လာ ၆၀၀ ဘီလီယံတန်သူ၏ စီးပွားရေး စီမံကိန်းကို စတင် အကောင်အထည်ဖော်နေပြီဖြစ်သည်။ အနောက်နိုင်ငံများက အကျပ်အတည်းမဖြစ်မီကပင် ကြွေးမြီ ဒေါ်လာ ဘီလီယံပေါင်းများစွာ ရှိနှင့်နေပြီး ဖြစ်သောကြောင့်၊ အကျပ်အတည်းကာလတွင် ငွေထပ်မံ သုံးစွဲဖို့ လက်တွန့် နေကြသည်။ တရုတ်အစိုးရကမူ နိုင်ငံခြားအရန်ငွေ နှစ်ထရီလီယံ မျှရှိနေသောကြောင့် စီးပွားရေးနှိုးဆွအစီအစဉ်ကို အလျင်အမြန် လုပ်ဆောင်နိုင်ခဲ့ကြခြင်းဖြစ်သည်။

ထိုကာလအတွင်း တရုတ်နိုင်ငံ အနာဂတ်အတွက် အရေးပါသော အခြေခံ အဆောက်အဦးနှင့် နည်းပညာသုတေသန လုပ်ငန်းများ၌ ပုံအောပြီး ရင်းနှီးမြှုပ်နှံခဲ့သည်။ ထို့ကြောင့်ပင်ဟောင်ကောင်အခြေစိုက် စီးပွားရေးလုပ်ငန်းရှင်တစ်ဦးက “ဒီတစ်ခေါက် စီးပွားရေး အကျပ်အတည်းမှာ အမြတ်ထွက်သွားတဲ့ နိုင်ငံကတော့ တရုတ်နိုင်ငံပဲ”ဟု မှတ်ချက်ပြုခဲ့ခြင်း ဖြစ်သည်။

ရေရှည်တွင် ဖြစ်ပေါ်လာနိုင်သော ပြဿနာများ

စီးပွားရေးပညာရှင် အများစုက တရုတ်အစိုးရ၏ ပြဿနာ ဖြေရှင်းပုံသည် လျင်မြန်ပြီး စွမ်းအား အပြည်အ၀ရှိ ကြောင်း သဘောတူညီကြသည်။ သို့သော် ရေတိုကာလတွင် ပြဿနာပြေလည်သွားသော်လည်း အနာဂတ် အတွက် ပြဿနာ တချို့ရှိသည်ဟု ထောက်ပြကြသည်။ ပြဿနာတစ်ခုမှာ စီးပွားရေးတွင် အစိုးရ၏ အခန်းကဏ္ဍ အလွန်ကြီးမားနေခြင်း ဖြစ်သည်။ တရုတ်ဂျီဒီပီမှာ ဂျပန်ကိုကျော်ဖြတ်ပြီး ဒုတိယ အကြီးဆုံး စီးပွားရေးနိုင်ငံ ဖြစ်လာတော့မည်။ သို့သော် ဂျီဒီပီ၏ ၈၈ ရာခိုင်နှုန်းမှာ အစိုးရပိုင်လုပ်ငန်းများမှ လာခြင်းဖြစ်သည်။ ထိုရာခိုင်နှုန်းမှာ ကမ္ဘာပေါ်တွင် မည်သည့်နိုင်ငံမှ နှိုင်းယှဉ်၍ မရအောင် မြင့်မားသော ပမာဏ ဖြစ်သည်။ ထို့ကြောင့် ပုဂ္ဂလိက ကဏ္ဍသည်တိုင်းပြည်၏ ဂျီဒီပီနှင့် နှိုင်းစာလျှင် အတော် သေးငယ်သော အစိတ်အပိုင်း ကလေးဖြစ်နေသည်။ ထို့ကြောင့် ဈေးကွက်စီးပွားရေးကို တိုးချဲ့လိုသော ပါတီခေါင်းဆောင် တချို့က တရုတ်နိုင်ငံ၏ အကြီးဆုံးလုပ်ငန်းများကို ပုဂ္ဂလိကပိုင်ပြုလုပ်ဖို့ တိုက်တွန်းနေခြင်းဖြစ်သည်။ ထိုလုပ်ငန်းများ ထဲတွင် ဘဏ်လုပ်ငန်းများ၊ ဆက်သွယ်ရေးလုပ်ငန်းနှင့် ဆောက်လုပ်ရေးလုပ်ငန်းများတို့ပါဝင်သည်။ အစိုးရအရာရှိုများ ကိုယ်တိုင်က စီးပွားရေး နှိုးဆွသည့် ငွေကြေး အများစုသည် အစိုးရပိုင်လုပ်ငန်းကြီးများကိုသာ ပို၍ ကြီးမားလာစေသည်ဟု ၀န်ခံ ပြောကြားကြသည်။ ထိုလုပ်ငန်းများကလည်း အထူးအဖြင့် အဆောက်အအုံများ၊ လမ်း၊ တံတားများ ဆောက်လုပ် ခြင်း၌ အဓိကထားမြှုပ်နှံနေသောကြောင့် ကမ်းရိုးတန်းတစ်လျှောက်ရှိ မြို့ကြီးများတွင် အိမ်ခြံမြေဈေးများ မတရား မြင့်တက်ကုန်ပြီး၊ အက်ဆစ် ပူပေါင်းများ ဖြစ်ပွားလာနိုင်သည်ဟု အစိုးရအရာရှိုများက စိုးရိမ်နေကြသည်။

စန်းပွင့်နေသော လမ်းပန်းဆက်သွယ်ရေးလုပ်ငန်း

တရုတ်အစိုးရသည် မီးရထားလုပ်ငန်းတွင် ဒေါ်လာ ၃၀၀ ဘီလီယံခန့် ရင်းနှီးမြှုပ်နှံမည်ဟု သိရသည်။ နောက်ထပ် မီးရထားလမ်းအရှည် ကီလိုမီတာ ၂၀,၀၀၀ ခန့် ထပ်မံတိုးချဲ့မည်ဟု သိရသည်။ ထိုအထဲမှ ကီလိုမီတာ ၁၃,၀၀၀ ခန့်သည် အမြန်မီးရထားလမ်းများဖြစ်ကြသည်။ ထို အမြန်ရထားများက တစ်နာရီလျှင် ၃၅၀ ကီလိုမီတာထိ မောင်းနှင်နိုင်စွမ်းရှိသည်။ ထိုအမြန်ရထားလမ်းစနစ်ကြောင့် တရုတ်နိုင်ငံ၏ ပြည်နယ်တစ်ခုနှင့်တစ်ခု ဆက်သွယ် သွားလာရမှု လျင်မြန်သွားစေ ခဲ့သည်။ ထိုအမြန်ရထားလမ်းစနစ် ပြီးစီးသွားပါက ပေကျင်းနှင့် ရှန်ဟိုင်း ခရီးသည် လေးနာရီမျှသာ ကြာတော့မည် ဖြစ်သည်။ ထိုသို့ဆက်သွယ်မှု လျင်မြန်လာသောကြောင့် ဖွံ့ဖြိုးမှုနောက်ကျနေသော အနောက်ပိုင်းပြည်နယ်များလည်း လိုက်ပါ တိုးတက်လာလိမ့်မည်ဟု မျှော်လင့်ရသည်။ ပါမောက္ခတစ်ဦးဖြစ်သူ စီဝေးက အမြန်ရထားစနစ်သည် စီးပွားရေး ကိုသာမက နိုင်ငံရေးနှင့် ယဉ်ကျေးမှုနယ်ပယ်တွေကိုပါ ကြီးမားတဲ့သက်ရောက်မှုတွေ ရှိနိုင်သည် ဟုခန့် မှန်းသည်။ တရူတ်အရာရှိများက တရုတ်နိုင်ငံသည် ယခင်ကသွားလာရေးခက်ခဲသောကြောင့် ပါတီစုံစနစ်ကျင့်သုံး ဖို့ မလွယ်ကူဟု ငြင်းဆိုခဲ့ကြဖူးသည်။ ယခုအချိန်တွင်တော့ တရုတ်နိုင်ငံတစ်ဖက်စွန်းမှ တစ်ဖက်စွန်းသို့ နေ့ချင်းပြီး သွားလာနိုင်ပြီဖြစ်ရာ ပါတီစုံစနစ်ကျင့်သုံးဖို့ ဖြစ်နိုင်ခြေ ရှိနေပြီဖြစ်သည်ဟု ပေကျင်းမှ ပါမောက္ခတစ်ဦးက ထောက်ပြသည်။ တရုတ်နိုင်ငံသည် မီးရထားလမ်းသာမဟုတ်၊ ကားလမ်းအရှည် ၄၄,၀၀၀ မိုင်ခန့် ထပ်မံဖောက်လုပ်မည်ဟု သိရသည်။ လာမည့် ဆယ်စုနှစ် အတွင်း နိုင်ငံတစ်ဝန်းတွင် လေဆိပ်သစ် ၁၀၀ ခန့် ဆောက်လုပ်မည်ဟုသိရသည်။

လူမသိသေးသော တရုတ်နိုင်ငံ၏ ကိန်းဂဏန်းတစ်ခု

တရုတ်နိုင်ငံတွင် ယခုကဲ့သို့ အခြေခံအဆောက်အဦးများတွင် ပုံအော၍ ရင်းနှီးမြှုပ်နှံနေခြင်းသည် သမ္မတ ဟူကျင်းတောင် နှင့် ၀န်ကြီးချုပ် ၀မ်ကျားပေါင်တို့၏ စိတ်ကူးဖြစ်သည်။ သူတို့က ညီတူညီမျှ ဖွံ့ဖြိုးမှုကို လိုလား သောကြောင့် ဖြစ်သည်။ သို့သော် ထိုသို့အစိုးရ အသုံးစရိတ် မြင့်မားမှုကြောင့် ဘတ်ဂျက်တွင် လိုငွေ ပြလာသည်။ တရုတ်နိုင်ငံသည် ကုန်သွယ်ရေး တွင် ဘီလီယံပေါင်းများစွာ ပိုငွေပြနေသောကြောင့် မီဒီယာ သမားများက ဘတ်ဂျက်လိုငွေပြမှုကို သတိမထားမိကြချေ။ ယခုအချိန်တွင် ဘတ်ဂျက်လိုငွေပြမှုသည် ဂျီဒီပီ၏ ၃၀ ရာခိုင်နှုန်းခန့်ရှိနေပြီဟု သိရသည်။ ထိုရာခိုင်နှုန်းသည် အနောက် နိုင်ငံများနှင့် နှိုင်းစာလျှင် နည်းပါးသေး သော်လည်း၊ တရုတ်နိုင်ငံရေးသမားများက စိုးရိမ်နေကြသည်။ ထို့ကြောင့်ပင် ကမ္ဘာ့စီးပွားရေးဖိုရမ် (World Economic Forum) ၌ ၀န်ကြီးချုပ်ဝမ်ကျားပေါင်က ...

“တရုတ်ရဲ့ စီးပွားရေးအခြေအနေကို အလွန်အကျွံ မချီးကျူး ကြပါနဲ့ဦး။ ကျွန်တော်တို့ စီးပွားရေးတိုးတက်မှုက တည်ငြိမ်မှု၊ မျှတမှု၊ စည်းလုံးမှု မရှိသေးပါဘူး။ ရှေ့လျှောက် ကြိုးစားဖို့လိုနေပါသေးသည်” ဟု ပြောဆိုခဲ့ခြင်းဖြစ်သည်။

ပြုပြင်ပြောင်းလဲဖို့ လိုအပ်နေဆဲ

တရုတ်ခေါင်းဆောင်ပိုင်းက စီးပွားရေးနှိုးဆွအစီအစဉ်ထဲတွင် ပညာရေးနှင့် ကျန်းမာရေးကဏ္ဍအတွက် ငွေထောက်ပံ့ ပေးထားခြင်း မရှိပါ။ ထို့ကြောင့် ကျေးလက်နေပြည်သူများမှာ ဟိုက်ဝေး လမ်းမကျယ်ကြီးတွေ၊ ရှည်လျားတဲ့ မြစ်ကူး တံတားတွေ၊ အမြန်မီးရထားလမ်းတွေကို သုံးစွဲခွင့်ရရှိနေကြပေမဲ့ ကျန်းမာရေးစောက်ရှောက်မှု ကောင်းကောင်း မရရှိ ကြသေးပါ။ စာသင်ကျောင်းများမှာလည်း လုံလောက်တဲ့အဆောက်အအုံများမရရှိသေး ပါ။ ရေမြောင်းစနစ် ကောင်းမွန်စွာ မရှိသေးသည့်အတွက် နှစ်စဉ်ရေကြီးမှုများ ဖြစ်ပွားနေပါသည်။ တရုတ်နိုင်ငံ၏ ကျေးရွာအတော်များများရှိ ရွာလမ်းမများ တွင် ပလက်ဖောင်းများ ကောင်းကောင်း မရှိသေးသည့်အတွက် လမ်းဘေးပလက်ဖောင်း ဆောက်လုပ်ရေးများ ဆောင်ရွက် ပေးရန် ကျေးရွာကောင်စီ လူကြီးများက တောင်းဆိုလျက်ရှိ ပါသည်။

တရုတ်ပြည်သူတို့၏ တစ်ဦးချင်း ပျမ်းမျှဝင်ငွေမှာ (China’s per capita GDP) ဒေါ်လာ ၃၀၀၀ ကျော်ခန့်ရှိသေးပြီး ကျေးလက် ပြည်သူများမှာ ပျမ်းမျှပမာဏထက် ပို၍ဆင်းရဲသေးသည်။ ထို့ကြောင့် ကျေးလက် ဒေသတွင် ဖောက်လုပ် ထားသောအဝေးပြေးကားလမ်းမကြီးများပေါ်တွင် ယာဉ်သွားလာမှု များများစားစား မတွေ့ရပါ။ ချောင်ကောင်းစီးပွားရေး ကျောင်းမှ စီးပွားရေးပါမောက္ခ မင်းဟောင်က “ကျေးလက်နေပြည်သူတို့မှာ အစိုးရဖောက်လုပ်ထားသော လမ်းမကြီးများကို ပြည့်ပြည့်၀၀ အသုံးချနိုင်ခြင်းမရှိသေးဘူး” ဟု ဝေဖန်ပြောဆိုပါ သည်။ ထို့ကြောင့် တရုတ်အစိုးရ ရင်းနှီးမြှုပ်နှံမှုများသည် စီးပွားရေးကို အကျိုးပြန်ပြုဖို့ အချိန်အတော်ကြာ စောင့်ဆိုင်းရဦးမည့်သဘောရှိပါသည်။

အရင်းရှင်စနစ်ထွန်းကားပြီဆိုတာ ဟုတ်ရဲ့လား

ခေါင်းဆောင်ကြီး တိန့်ရှောင်ဖိန်က “ကြောင်ဖြူသလား၊ မဲသလား အရေးမကြီးပါ၊ ကြွက်ခုတ်တတ်ဖို့သာ လိုရင်းပဲ” ဟူသည့် ကြွေးကြော်သံဖြင့် တရုတ်နိုင်ငံ၏ စီးပွားရေးကို အစဉ်အလာ ဆိုရှယ်လစ်စနစ်မှ ပြောင်းလဲပစ်ခဲ့သည်။ ထို့ကြောင့် ၁၉၉၀ ခုနှစ်တွင် ပုဂ္ဂလိက လုပ်ငန်းပေါင်း သန်း ၂၀ ခန့်ရှိပြီး၊ ၂၀၀၈ ခုနှစ်တွင် သန်း လေးဆယ်ခန့်ထ်ိရှိခဲ့သည်။ သို့သော်ပုဂ္ဂလိက လုပ်ငန်းရှင်များပါ အစိုးရပိုင်လုပ်ငန်းကြီးများနှင့် ယှဉ်ပြိုင်ဖို့ အခက်အခဲတွေရှိလာသည်။ အစိုးရပိုင်လုပ်ငန်းများမှာ အစိုးရ ဘဏ်ကြီးများမှတစ်ဆင့် ချေးငွေအမြောက်အမြားကို အတိုးနှုန်းသုံးရာခိုင်နှုန်းဖြင့်သာ အလွယ်တကူရရှိလာကြသည်။ ပုဂ္ဂလိက လုပ်ငန်းရှင်များက ငွေချေးလျှင် အတိုးနှုန်း မြင့်မြင့်မားမား ပေးရပြီး၊ အလွယ်တကူငွေချေး၍မရနိုင်ဘဲ အပေါင် ပစ္စည်းတစ်ခုခုထားနိုင်မှ ရရှိလေ့ရှိသည်။

နှစ်သုံးဆယ်ကျော်ကြာခဲ့ပြီဖြစ်သော စီးပွားရေးတံခါးဖွင့်မှုသည် ပုဂ္ဂလိက ကဏ္ဍကို အထိုက်အလျောက် ဖွံ့ဖြိုးစေခဲ့သည်။ သို့သော် အစိုးရပိုင်လုပ်ငန်းကြီးများ (State-owned Enterprise) ကတော့ ၅၀ ရာခိုင်နှုန်းခန့် နှစ်စဉ်တိုးတက်ခဲ့သည်။ ပုဂ္ဂလိက လုပ်ငန်းရှင်များကတော့ အရင်းအနှီးရှာဖွေရခက်ခဲမှုကြောင့် ဆုံးရှုံးနစ်နာမှုများ စွာရှိခဲ့သည်။

နိုင်ငံ၏ သော့ချက်ကျသော လုပ်ငန်းများဖြစ်သည့် ဘဏ္ဍာရေး၊ အင်တာနက်၊ ဆက်သွယ်ရေးလုပ်ငန်း၊ ရေနံနှင့် သဘာဝ ဓါတ်ငွေ့ စသည်တို့တွင် ပုဂ္ဂလိကပိုင်းကို ၀င်ရောက်လုပ်ကိုင်ခွင့် ပိတ်ပင်ထားဆဲဖြစ်သည်။ အိမ်ခြံမြေဈေးကွက်၏ သုံးပုံ နှစ်ပုံခန့်ကို အစိုးရပိုင်ကုမ္ပဏီများက ချုပ်ကိုင်ထားပြီး၊ စတော့ဈေးကွက်များတွင် လည်း ထိုကုမ္ပဏီ၏ စတော့များက ၇၀ ရာခိုင်နှုန်းခန့်ထိပါဝင်သည်။ စီးပွားရေးကျဆင်းမှု ဂယက်နောက်ပိုင်းတွင် အခြေအနေသည် ပို၍ဆိုးရွားသွားသည်ဟု ပညာရှင်များက သုံးသပ်ကြသည်။ ပုဂ္ဂလိက ကုမ္ပဏီများက ငွေပြတ် နေချိန်တွင် ထိုကုမ္ပဏီများက လုပ်ငန်းပိုတိုးချဲ့ လာသောကြောင့် ဖြစ်သည်။

တရုတ်နိုင်ငံ ပို့ကုန်လုပ်ငန်း၏ လျှို့ဝှက်ချက်

ကမ္ဘာ့စီးပွားရေး နှေးကွေးမှုကြောင့် တရုတ်နိုင်ငံ၏ ပို့ကုန်လုပ်ငန်း ၂၀ ရာခိုင်နှုန်း ကျဆင်းသွားသည်။ သို့သော် တရုတ်၏ ဂျီဒီပီကတော့ ရှစ်ရာခိုင်နှုန်းခန့် မြင့်တက်လာမည်ဖြစ်သည်။ ထိုအချက်က တရုတ်စီးပွားရေးသည် ပို့ကုန်လုပ်ငန်းကို အဓိကအားကိုးရခြင်း မရှိကြောင်းသိနိုင်သည်။ တရုတ်နိုင်ငံ၏ ပို့ကုန်ကဏ္ဍသည် စီးပွားရေးတစ်ခုလုံး၏ ၄၀ ရာခိုင်နှုန်း ခန့်ရှိသည်ဟု ယခင်က ယူဆခဲ့ကြဖူးသည်။ ထိုအချက်က လွဲမှားနေတာ ဖြစ်နိုင်တယ်ဟု စီးပွားရေးပညာရှင်တစ်ဦးက ပြောသည်။ ကမ္ဘာပေါ်တွင် ကွန်ပျူတာကီးဘုတ်မှအစ ဂျက်လေယာဉ် အင်ဂျင်များအထိ Made in China ဟူသော စာတန်းကို တွေ့မြင်နေရသည်။ တရုတ်နိုင်ငံမှ ကမ္ဘာ့ဈေးကွက်တစ်ခုလုံးကို ထောက်ပံ့ထားသည်ဟုပင် ထင်ချင်စရာ ရှိသည်။ သို့သော် တကယ့်အဖြစ်အပျက်မှာ ၂၁ ရာစုတွင်တွင် ကျယ်လာသော Offshoring လုပ်ငန်းကို တရုတ်ပြည်က အများဆုံးရရှိနေသောကြောင့် ဖြစ်သည်။ တကယ်တော့ တရုတ်တွင် လုပ်သည်ဟူသော ပစ္စည်းအများစုမှာ တရုတ်ပြည်တွင် အချောတပ်ဆင်ခြင်းသာ ဖြစ်သည်။ အမှန်တကယ် ထုတ်လုပ်ခြင်းမဟုတ်ပါ။ ဥပမာ ၂၉၉ ဒေါ်လာတန် i pod တစ်လုံးကို လက်ကားဈေး ဒေါ်လာ ၁၅၀ ခန့်ဖြင့် ရောင်းချသည်။ သို့သော် တရုတ်အလုပ်သမားများ ရရှိသည်က ၇.၅ ဒေါ်လာမျှသာရှိသည်။ ကျန်သည့်ငွေ ၁၄၀ ဒေါ်လာကျော်ကို မူရင်းကုမ္ပဏီ Apple က ရရှိခြင်းဖြစ်သည်။ ထို့ကြောင့်Made in China စာတန်းပါ i pod တစ်လုံးကြောင့် တရုတ်စီးပွားးရေးကို ခုနစ်ဒေါ်လာကျော်သာ တက်စေခြင်းဖြစ်သည်။

ပြည်တွင်းစားသုံးမှုအခြေအနေ

တရုတ်နိုင်ငံတွင် လူလတ်တန်းစား ဦးရေများစွာ တိုးတက်လာသော်လည်း၊ ပြည်တွင်းစားသုံးမှုပမာဏ နည်းပါးသေးသည်။ တရုတ်ပြည်တွင်းစားသုံးမှု (Domestic Comsumption) က ဂျီဒီပီ၏ ၃၇ ရာခိုင်နှုန်းသာရှိပြီး၊ အခြားစီးပွားရေးအင်အားကြီး နိုင်ငံများနှင့် စာလျှင် အနည်းဆုံးရာခိုင်နှုန်းဖြစ်ပါသည်။ ထိုသို့ဖြစ်ရသည်မှာလည်း တရုတ်လူထုက ၀င်ငွေမြင့်တက် လာသည့် တိုင်အောင် စားသုံးဖို့ထက် စုဆောင်းမှုကို ပို၍ပြုလုပ်ကြသောကြောင့် ဖြစ်သည်။

ထို့ကြောင့် တရုတ်အစိုးရက ပြည်တွင်းစားသုံးမှု တိုးတက်လာစေရန် ကြိုးစားဆောင်ရွက်နေခြင်းဖြစ်သည်။ လူလတ်တန်းစား များကိုငွေထုတ်ချေးရန် အစိုးရက ညွှန်ကြားခဲ့သည်။ ထို့ကြောင့် ပေကျင်းနှင့် ရှန်ဟိုင်းရှိ တိုက်ခန်းများ အ၀ယ်လိုက်လာခဲ့သည်။ အကယ်၍ အစိုးရကသာ ပြည်တွင်းစားသုံးမှုတက်အောင် လုပ်နိုင်ပါက ပို့ကုန်လုပ်ငန်းမပါဘဲ၊ ဂျီဒီပီ ရာခိုင်နှုန်းမှ ကိုးရာခိုင်နှုန်းအထိ မြင့်တက်အောင် ဆောင်ရွက်နိုင်လိမ့်မည်ဟု ပညာရှင်များက ခန့်မှန်းကြသည်။

ရေနံအပေါ် မီခိုနေရသော တရုတ်နိုင်ငံ

တရုတ်နိုင်ငံ၏ စက်မှုလုပ်ငန်းများ ၁၉၉၀ ခုနှစ်များတွင် အလျင်အမြန် တိုးတက်ခဲ့မှုကြောင့် ထိုအချိန်မှစ၍ တရုတ်တွင် ရေနံဝယ်လုိအား တဖြည်းဖြည်းချင်းမြင့်တက်ခဲ့သည်။ တရုတ်ခေါင်းဆောင်ပိုင်းကလည်း မိမိနိုင်ငံ ၏ ရေနံအပေါ် မှီခို နေရမှုကို နားလည်သဘောပေါက်သည်။ ထို့ကြောင့် ရေနံလုံလောက်စွာ ရရှိနိုင်ရေးအတွက် ကြိုတင်အစီအမံများစွာ ပြုလုပ်ထားသည်။ တရုတ်အစိုးရပိုင် ရေနံကုမ္ပဏီကြီးများသည် ကမ္ဘတစ်ဝန်းရှိ ရေနံနှင့် သဘာဝဓါတ်ငွေ့ ထွက်ရှိသည့် နိုင်ငံများနှင့် နှစ်ရှည်ကန်ထရိုက်စာချုပ်များ ချုပ်ဆိုထားသည်။ နောက်ထပ်ရေနံ ပိုက်လိုင်းသစ်များ တည်ဆောက်ပြီး၊ အနာဂတ်စွမ်းအင်ဖူလုံရေးကို တိုင်းပြည်၏အဓိက တာဝန်အဖြစ် ခေါင်းဆောင်များက ရှုမြင်ကြသည်။

တရုတ်နိုင်ငံတွင် ပြည်တွင်းအခြေအနေ တည်ငြိမ်အေးချမ်းရေးအတွက် စီးပွားရေးဆက်တိုက် ဖွံ့ဖြိုးနေဖို့ လိုအပ်သည်။ စီးပွားရေးဖွံ့ဖြိုးဖို့အတွက် လုံလောက်သော ရေနံကို ပုံမှန်ရရှိနေဖို့က အရေးကြီး ကြောင်း တရုတ်ခေါင်းဆောင်များက သိမြင်ကြသည်။ သို့သော်ရေရှည်တွင် ပို၍ စိတ်ချရစေရန်အတွက် ရေနံအပေါ် မှီခိုမှုကိုလည်း အစားထိုးနည်းပညာများ သုံးစွဲခြင်းဖြင့် လျှော့ချရန် ကြိုးစားလာသည်။ နေရောင်ခြည်၊ လေစွမ်းအင်နှင့် ဘတ်ထရီနည်းပညာ သုတေသနလုပ်ငန်း များတွင် ငွေအမြောက်အမြားရင်းနှီးမြှုပ်နှံထားသည်။ ထိုနည်းပညာသုံးခုတွင် ရင်းနှီးထားသည့် ငွေမှာ ဒေါ်လာ ၂၁၈ ဘီလီယံ ရှိသည်။ ထိုပမာဏမှာ ကမ္ဘာပေါ်တွင် အများဆုံးရင်းနှီးမြှုပ်နှံမှုပင် ဖြစ်သည်။

တရုတ်ပြည်၏ လျင်မြန်စွာ ပြောင်းလဲနိုင်မှု

ယခင်အချိန်တုန်းကဆိုလျှင် တရုတ်နိုင်ငံသည် ကာဘွန်ထုတ်လုပ်မှု လျှော့ချပေးရန် တောင်းဆိုချက်များကို အစဉ်အမြဲ ငြင်းပယ်လေ့ရှိသည်။ ယခုတော့ပေကျင်းအစိုးရက ကမ္ဘာကြီးပူနွေးမှုသည် မိမိတို့နိုင်ငံကိုလည်း အများကြီးထိခိုက် နိုင်ကြောင်း သိမြင်လာပြီး၊ပြုပြင်ပြောင်းလဲမှုများ ပြုလုပ်ခဲ့သည်။ တကယ်တော့ တရုတ်ပြည်၏ ပြောင်းလဲနိုင်မှုကို အထူးအံ့သြစရာမလိုလှပါ။ အတိတ်ကာလတွင်လည်း အခြေအနေက ဖိအားပေးလာလျှင် တရုတ်နိုင်ငံက အလိုက်သင့် ပြောင်းလဲနိုင်ခဲ့သည်သာ။ ယဉ်ကျေးမှု တော်လှန်ရေးကြောင့် ထိခိုက်ပျက်စီးမှုများကို ခံစားရသဖြင့်တရုတ်ခေါင်းဆောင် တိန့်ရှောင်ဖိန်က စီးပွားရေးတံခါးဖွင့် လှစ်ဖို့ ဆုံးဖြတ်ခဲ့ခြင်းဖြစ်သည်။ နောက်တက်လာမည့် တရုတ်ခေါင်းဆောင်သစ် သည်လည်း ပြောင်းလဲနေသည့် ကမ္ဘာ့အခြေအနေကို သုံးသပ်၍ ပေါ်လစီအပြောင်းအလဲများ ပြုလုပ်လိမ့်မည်ဟု မျှော်လင့်ရပါသည်။

အင်အားပြိုင်ဆိုင်မှုပြင်းထန်ဆဲကာလ

၂၀၁၂ ခုနှစ်တွင် အမေရိကန်သမ္မတရွေးကောက်ပွဲကျင်းပမှာဖြစ်သလိုတရုတ်နိုင်ငံတွင်လည်း ၂၀၁၂ ခုနှစ်၌ နောက်တက် လာမည့် သမ္မတအသစ်ကို ပါတီပေါ်လစ်ဗျူရိုများက ရွေးချယ်ကြမည်ဖြစ်သည်။ ထိုိထိပ်ပိုင်း ခေါင်းဆောင်များ သတင်း ရပ်ကွက်မှ တစ်စွန်းတစ်စထွက်လာသော သတင်းများအရ လောလောဆယ် သမ္မတ ဖြစ်နိုင်ချေ အရှိဆုံးပုဂ္ဂိုလ်မှာ ဒုတိယ သမ္မတ စီကျင်းပင် (xi Jinping) ဖြစ်သည်။ သူသည်၂၀၀၃ ခုနှစ်မှ ၂၀၀၇ ခုနှစ်အထိ ကျိကျီးယန်ပြည်နယ်၏ ပါတီဥက္ကဋ္ဌ အဖြစ်အမှုထမ်းခဲ့ပြီး၊အချိန်ခဏတာအတွင်း တိုင်းပြည်၏ ဒုတိယ အမြင့်ဆုံးရာထူးကို ရရှိခဲ့ခြင်းဖြစ်သည်။ သို့သော် ပါတီ ခေါင်းဆောင်ပိုင်းများအတွင်း အင်အားပြိုင်ဆိုင်မှု ပြင်းထန်းနေသောကြောင့် သူတရုတ်သမ္မတ တကယ်ဖြစ်မဖြစ်ကို အသေအချာမပြောနိုင်သေးပါ။ စီကျင်းပင်ကလက်ရှိတွင် ဒုတိယ သမ္မတဖြစ်နေသော်လည်း၊ တရုတ်တပ်မတော်တွင် မည်သည့် ရာထူးမှမရရှိသေးပါ။ ထို့ကြောင့် ပါတီအီလိုက်များက စက်တင်ဘာတွင် ကျင်းပခဲ့သော ပါတီအထွေထွေ ညီလာခံတွင် စီကျင်းပင်ကို ဒုတိယ ကာကွယ်ရေးဦးစီးချုပ်ရာထူးသို့ တိုးမြှင့်ပေးရန်ကြိုးစားဆောင်ရွက်ခဲ့သည်။ သို့သော်လည်းတစ်ဖက် အုပ်စု၏ ကန့်ကွက်မှုကြောင့်အောင်မြင်ခြင်းမရှိခဲ့ပါ။ တရုတ်နိုင်ငံတွင်အစဉ်အလာအရ ၀န်ကြီးချုပ် ချူအင်လိုင်း လက်ထက်မှစ၍ ၀န်ကြီးချုပ်များသည် သမ္မတတက်ဖြစ်လေ့မရှိုခဲ့ပါ။ သို့သော် လက်ရှိဝန်ကြီးချုပ်ဝမ်ကျားပေါင် သည် ပြည်သူလူထုကြိုက်နှစ်သက်မှု အများဆုံးရရှိနေပြီး၊ တရုတ်သမိုင်းတလျှောက် လူကြိုက်အများဆုံး ၀န်ကြီးချုပ် ဖြစ်နေသည်။ ထို့ကြောင့် နောက်ဖြစ်လာမည့် သမ္မတအသစ်သည် ၀မ်ကျားပေါင်းလည်းဖြစ်နိုင်သည်ဟု ထင်ကြေးပေးနေ ကြသူများရှိကြသည်။ ထို့ကြောင့် ၂၀၁၂ ရောက်လျှင်တော့ ကမ္ဘာ့နိုင်ငံရေး မြေမျက်နှာသွင်ပြင် ဘယ်လိုပြောင်းလဲသွားမလဲ ဆိုတာ စောင့်ကြည့်ရဦးမှာ ဖြစ်ပါတယ်။

ကျော်သူဟန်
Ref: Newsweek