===================
“ဟိုဘက်လှည့်ပေးပါလား အ၀တ်လဲလိုက်ချင်လို့”
“အမ် …. အပြင်ထွက်ပေးရမလား”
“ရပါတယ်မထွက်နဲ့ ဟိုဘက်သာလှည့်ထား”
“အိုကေ အိုကေ”
“ချောင်းမကြည့်နဲ့နော်”
“အိုကေပါ”
မိုးယံထက်တစ်ယောက် လိုက်လာမိတာမှားပြီလို့တွေးရင် နံရံဖက်မျက်နှာမူကာ လှည့်ထိုင်လိုက်သည်။
ထကြွလသော စိတ်ရိုင်းတို့ကို အနိုင်နိုင်ထိန်းချုပ်ရင်း သက်ပြင်းကို မသိမသာခိုးချရသည်။ နောက်သို့
မလှည့်မိအောင်ထိန်းရင် နံရံကိုသာစိုက်ကြည့်နေလိုက်တော့သည်။ ဟိုက် အဲဒါမှပြသနာ...။ မိုးယံထက်
ဂျောက် ကျလေပြီ။ သူတို့သင်္ဘောနံရံက ၀ှိုက်ဘုတ်လိုအထပ်သားပြားမျိုး..။ ကြည်လင်နေသော နံရံထက်
တွင် မှန်လောက်မကြည်သော်လည်း အ၀တ်လည်းနေသော သူမကိုအတိုင်းသား..။ လှပေသာကောက်
ကြောင်းများက အထင်းသား..။ သိစိတ်ကမျက်စိမှိတ်ရန်တိုင်းတွန်းနေသော်လည်း မသိစိတ်ကအတင်းဖွင့်
ခိုင်းနေပြန်သည်။ စောစောက ချွေးသိပ်မထွက်သော မိုးယံထက် ဇောချွေးတွေကော ချွေးစီးတွေကော
ဒလဟောထွက်လာသည်။ သိစိတ်နှင့် မသိစိတ်တိုက်ပွဲကား ပြင်းထန်လွန်းလှသည်။ နောက်ဆုံးသူမ၏
ချောင်းမကြည့်နဲ့နော် ဆိုသည့် စကားလေးနားထဲပြန်ကြားယောင်လာတော့မှ မျက်လုံးကိုပိတ်လိုက်နိုင်
တော့သည်။ မျက်စိမှိတ်ထားသောလည်း မျက်စိထဲတွင်သူမပုံရိပ်ကအထင်းသား..။ မြန်လာသော အသက်
ရှူနှုန်းကိုအသာထိန်းရင်း သူတိုက်ကွမ်ဒိုကစားတုံးက ကီသွင်းသလို အရာအားလုံးကိုစိတ်ထဲမှ ကြိုးစား
မေ့ဖျောက်ရင် စိတ်အာရုံအားလုံးကို လက်ဝါးစောင်းဆီသို့ပို့လိုက်သည်။ မဆိုးလှ..။ စိတ်တွေတော်တော်
ပြန်လည်တည်ငြိမ်သွားသည်။
မျက်လုံးကိုမှိတ်ထားကာ စိတ်အာရုံစုစည်းထားလိုက်သည်မှ ဘယ်လောက်ကြာနေသည်မသိ..မျက်နှာ
ပေါ်သို့လေနွေးနွေးလေးကျလာ၍ မျက်စိဖွင့်ကြည့်လိုက်မိတော့ စုစည်းထားသော အာရုံတွေအကုန်လုံး
နူကလီးယားဗုံးတလုံးထိသလို တစစီလွင့်ထွက်သွားသည်။ ဟုတ်သည်လေ..။ Ying က သူမျက်နှာနား
ကပ်၍လေမှုတ်လိုက်ခြင်းဖြစ်သည့်အတွက် စူပွပွ နှုတ်ခမ်းချွန်လေးက သူ့မျက်နှာနှင့်နှစ်လက်မတောင်
မျှမကွာ။ ယောင်ယမ်းပြီး နှုတ်ခမ်းနှုတ်လွှာကိုနမ်းမည်လုပ်ရာမှ စိတ်ကိုအမြန်ချွန်းအုပ်ပြီး နောက်ကို
ဆတ်ခနဲဆုတ်လိုက်ရသည်။ ဟူး ချုပ်ထိန်းရတဲ့ အလုပ်ကမလွယ်ပါလားကွယ်...။
“ခစ်ခစ် လန့်သွားလား ယံ”
“အင်း နည်းနည်းပေါ့”
“မူးနေလို့လာဟင် မျက်စိမှိတ်ထားတာ”
“မဟုတ်ပါဘူး Ying ပဲ ချောင်းမကြည့်နဲ့ဆိုလို့ ချောင်းမကြည့်မိအောင် မျက်စိကိုမှိတ်ထားတာ”
“အယ် ချောင်းကြည့်ချင်နေတယ်ပေါ့”
“နတ်သမီးလေးလို အရမ်းလှတဲ့ ကောင်မလေးတစ်ယောက် အ၀တ်လဲတာကို ကမ္ဘာပေါ်က
ဘယ်ယောက်ျားလေးကမှ ချောင်းကြည့်ချင်စိတ်မဖြစ်ပဲနေမှာမဟုတ်ပါဘူးYing”
“ကျေးဇူးနော် အရမ်းလှတယ်ပြောလို့”
“ဟုတ်ပါပြီဗျာ ကဲဆက်သောက်ရအောင်လေ”
“အိုကေ အိုကေ”
သူမျက်နှာလေး တမျိုးဖြစ်သွားသလိုထင်လိုက်မိသော်လဲ စိတ်ထင်၍ဖြစ်မှာပါဟူ၍သာတွေးလိုက်သည်။
သူမဟိုဘက်ကုတင်ပြောင်းထိုင်မှ သူမကိုသေချာကြည့်မိသည် အဖြူရောင်ည၀တ်အင်္ကျီ လေး။ ပိုးသား
လားတော့မသိ..။ ပျော့အိကာ ခန္ဓာကိုယ်တွင်ကပ်နေသည်က ဘာမှမ၀တ်ထားသလို အချိုးအစားပြေပြစ်
သောသူမကောက်ကြောင်းတွေကိုအတိုင်းသားမြင်နေရသည်။ ဂလုခနဲ့ တံတွေးမျိုမချမိအောင်မနည်းထိန်း
ရင်း အရက်ခွက်ကိုလှမ်းယူကာ တခါထဲရောပြီးမျိုချရလေတော့သည်။ ဘုရား ဘုရားငါဘယ်ချိန်လောက်
အထိချုပ်ထိန်းနိုင်မှာလဲဟုတွေးမိသည်။ အရက်ကလဲ သောက်ထားသေးသည်မဟုတ်ပါလား။ အရက်ကို
တံတွေးနှင့်မြည်းရင်း သောက်လိုက်သည်မှာနောက်တလုံးလဲကုန်လုပြီ။ လူလည်းတော်တော်ထွေနေပြီလေ
ချုပ်တည်းထားသော စိတ်တွေကလဲ ကျိုးလုကျိုးခင်..။ ပြန်မည်လို့ပြောဖို့လည်း သူမစိတ်ဆိုးသွားမှကြောက်
သဖြင့်မပြောရဲ အခြေအနေက ကျဉ်းထဲကျပ်ထဲကို တဖြည်းဖြည်းဦးတည်လာသည်။
ထိုစဉ်မှာပင် တံခါးခေါက်သံနှင့်အတူ ကိုရီးယာလို လှမ်းပြောသည့်ယောကျာ်းလေးအသံ တသံကြားလိုက်
ရသည်။ ဘုရားဘုရား သင်္ဘောက အထက်လူကြီးတွေများလား ပြသနာတော့တက်ပြီဟုတွေးလိုက်မိသေး
သော်လည်း သူမက ပုံစံမပျက် လှမ်းအော်ပြောပုံကိုကြည့်ပြီးနဲနဲတော့စိတ်အေးသွားရသည်။ တံခါးပွင့်သွား
ပြီးဝင်လာသူကို ကြည့်လိုက်တော့ မနက်ကတည်းက သူနှင့်တကားထဲလိုက်လာသည့် ယန်နားတွင်ထိုင်
သည့်တစ်ယောက်..။ ယူနီဖောင်းနှင့် လက်ပတ်နှင့်ဆိုတော့ သူ့ဂျူတီဖြစ်ပုံရကြောင်းတွက်ဆလိုက်မိသည်။
အထဲရောက်တော့ သူ့ကိုမြင်ပြီး တချက်အံသြသွားဟန်ပြသော်လည်း ချက်ချင်းပြုံးပြ၍..
“ဟာ ယံ မပြန်သေးဘူးလား”
“အင်း Ying က လည်ဖို့ဖိတ်တာနဲ့ မပြန်ဖြစ်သေးတာ။ ဒါနဲ့ နာမည်ဘယ်လိုခေါ်လဲ”
“ဗိုလ်ကြီးလီ(Lee) ပါ ကိုရီးယားနေဗီဆီးလ်ကပါ”
“ဟုတ် တွေ့ရတာဝမ်းသားပါတယ်”
“ကျွန်တော်လဲ အတူတူပါပဲ ယံ ခဏနော်”
သူ့ကိုတောင်းပန်ပြီ Ying နှင့် ကိုရီးယားလိုပြောနေတာ တော်တော်ကြာသည်။ ဘာတွေပြောနေမှန်းတော့
မသိ။ တော်တော်ကြာစကားပြောပြီးတော့မှ
“ယံ စိတ်တော့မရှိပါနဲ့ မီးပိတ်ချိန်ရောက်နေပြီဗျ”
“အော် ဟုတ်လား ကျွန်တော်လဲ ခုပဲပြန်တော့မလို့ပါ”
“ဒါနဲ့ အားတယ်မလား”
“အားပါတယ်”
“ဒါဆိုမပြန်နဲ့ဦးဗျာ အခုဟိုဘက်သွားလိုက်ဦးမယ်။ ပြန်လာမှ အတူအပေါ်တက်ကြတာပေါ့ စကားပြောရင်း
နည်းနည်းထပ်သောက်ကြတာပေါ့။ သောက်နိုင်သေးတယ်မလား။”
“အဲ နည်းနည်းလောက်တော့ရပါတယ်.။ စောင့်နေမယ်လေ။”
“အိုကေ ဒါဆို ခွင့်ပြုပါဦး”
“အိုကေ အိုကေ”
လီကပြောပြီးပြီးခြင်းပြန်ထွက်သွားသည်။ Ying ဘက်ကိုလှည့်ကာပြုံးတော့ ပြန်ပြုံးပြသော်လည်း မျက်နှာတော့
မကောင်း။ ပုလင်းထဲက လက်ကျန်အကို ခွက်ထဲအညီအမျှထည့်ပြီး သူ့ကိုတစ်ခွက်လှမ်းပေးသဖြင့်ယူလိုက်ရ
သည်။ ပြီးတော့ တို့စ်လုပ်တော့ သူမသောက်တာကိုအရင်ကြည့်ဆိုတော့ သူမသောက်သေးပဲကြည့်ရပြန်သည်
ခွက်ကိုတ၀က်သာသာလောက်သာ သောက်ပြီး မေးဆတ်ပြသဖြင့် သူလဲခွက်တစ်ဝက်သာသောက်ဖြစ်လိုက်
သည်။ သူသောက်ပြီးတော့ Ying က သူ့လက်ထဲက ခွက်ကိုလှမ်းယူပြီး သူမခွက်ကိုကမ်းပေးသဖြင့် ခွက်ခြင်း
လဲလိုက်ရသည်။ ပြီးတော့ နောက်တကြိမ်တိုစ့်လုပ်က အကုန်သောက်ချလိုက်သည်။ ခွက်ကိုချပြီးတော့
“ယံ မနက်ဖြန်ဘယ်ကားနဲ့လိုက်ရမှာလဲ”
“မသိသေးဘူး Ying မနက်ဖြန်မှသိမှာ”
“နက်ဖြန်တစီးထဲ အတူတူကျရင်ကောင်းမယ်နော်”
“အင်း ကောင်းတာပေါ့”
“ဟုတ်တယ် အတူတူလျောက်လည်လို့ရတာပေါ့။ အဲဒီအခါကျရင် ယံတို့ ရိုးရာအစားအသောက်တွေလိုက်ကျွေး
အိုကေ ကျွေးရမှပေါ့”
“ဟေး ယံ သွားရအောင်”
“ဟော လီ လာပြီ။ သွားတော့မယ်နော် Ying နက်ဖြန်မှတွေ့တာပေါ့”
“အိုကေ ဂွတ်နိုက်နော် အိမ်မက်လှလှမက်ပါစေ”
“ဂွတ်နိုက် Ying”
စကားမဆုံးသေးခင်မှာ တံခါးခေါက်ပြီး လှမ်းအော်သော လီ အသံကြောင့်အမြန်နှုတ်ဆက်ပြီး ထထွက်လိုက်ရ
သည်။ တံခါးကိုဖွင့်ပြီးထွက်တော့ တံခါးဘောက်ကို ကနွဲ့ကလျမှီရင် လက်ပြကျန်ခဲ့သောသူမကိုကြည့်ရင်းစိတ်
တော့မကောင်း။ လီနဲ့ အတူပြန်ထွက်လာတော့ ထိပ်ဆုံးက အခန်းကိုလက်ညိုးထိုးပြပြီး သူ့အခန်းလို့ပြောပြ
နေသေးသည်။ ယန်နှင့်အတူတူနေတာတဲ့။ သင်္ဘောအပြင်ရောက်တော့ ခဏစောင့်ဟုပြောကာ အထဲဝင်သွား
သဖြင့်စောင့်ရပြန်သည်။ ခဏနေတော့ ပုလင်းကြီးတလုံး လက်ကဆွဲကာထွက်လာသဖြင့်မျက်လုံးပြူးသွားရ
သည်။ နောက်တော့ တံတားပေါ်က ခုံပေါ်မှာထိုင်ရင်း သောက်ဖြစ်တော့သည်။ အရက်ပြင်းတော့မဟုတ် ၀ိုင်
ဖြစ်ပုံရသည်။ အ၀င်မဆိုး အရသာမပြင်းလှ။
“ယံ....”
“ဗျာ လီ ပြောလေ”
“ခင်ဗျား Ying ကိုစိတ်ဝင်စားလား”
“အော် လီ ရယ် သူ့လိုအရမ်းလှတဲ့ မိန်းကလေးတစ်ယောက်ကို စိတ်မ၀င်စားမိပဲနေမလား။ ဒါပေမယ့်”
“ဘာ ဒါပေမယ့်လဲ အချစ်မှာ ဒါပေမယ့်(but) ဆိုတာမရှိဘူး”
“အာ လီ ကလဲ...”
“တကယ်ပြောတာ တကယ်တော့ Ying က ဆုံးသွားတဲ့ ကျွန်တော့်ညီမရဲ့ အနီးကပ်ဆုံးသူငယ်ချင်း”
“ကျွန်တော့် ညီမလိုပါပဲ”
“အော် စိတ်မကောင်းပါဘူး လီ”
“ရပါတယ် ယံရာ ကဲပြော ဘာကူညီရမလဲ”
“ဘာအတွက်လဲ”
“အော် Ying နဲ့နီးစပ်ဖို့လေ”
“တကယ်လား”
“တကယ်ပါဆို”
“ဒါဆို မနက်ဖြန် ကျွန်တော်ဘယ်ကားမှ တာဝန်ကျတယ်ဆိုတာ ပြောပြမယ် သူ့ကိုလဲ အဲ့ကားပေါ်တင်ပေး”
“အိုကေရတယ် ပြီးပြီလို့သာမှတ်လိုက်တော့”
“အိုကေဗျာ လာ Cheer”
“Cheer…”
မိုးယံထက်အတွက်ကတော့ ရေငတ်တုံး ရေတွင်းထဲကျဆိုသလိုပါလေ...။ ထိုညက ညတော်တော်နက်မှ
အဆောင်ပြန်ဖြစ်သလို လီ တစ်ယောက်လဲ သင်္ဘောပေါ်သို့ လူတွဲနှင့်ပြန်သွားရလေသည်။ အဆောင်ကို
ပြန်ရောက်တော့ မာကျောကျော ကုတင်ကလဲ ဖဲမွေ့ယာလို နူးညံ့နေသလို ဘေးနားကို ကိုဇေယျာမင်း
ဟောက်သံကလဲ ဘေသိုဗင်တီးလုံးအလား နားဝင်ချိုနေသည်။ ထိုညအဖို့ကတော့ မိုးယံထက်တစ်ယောက်
ပျော်ရွှင်စွာဖြင့်အိပ်ယာဝင်ခဲ့သလို အိမ်မက်ထဲမှာလဲ Ying နှင့် နှစ်ပါးသွား........။
===================================================================
