"အပျင်းပြေ _ ၈ "

 

. . . . . တခြားလူတွေလိုပဲ ကျွန်တော့်မှာလည်း အဘိုး နှစ်ယောက်ရှိတယ်ဗျ။ တစ်ယောက်က သွေးအနှော ၊ တစ်ယောက်ကတော့ ပျူးဝါး ဗမာကြီးပေါ့ဗျာ။ ခုပြောမှာက ပျူးဝါးဗမာကြီးဖြစ်တဲ့ ကျွန်တော့်အဘိုးပေါ့။

. . . . . ဗမာသွေးစစ်ရုံတင်မက ၊ ဗမာဒေသမှာပဲ မွေး . ကြီး ၊ ဗမာ့ယဉ်ကျေးမှုထုံးတမ်းအတိုင်း ဘ၀ကိုဖြတ်သန်းလာ . . ဖြတ်သန်းသွားတဲ့ ကျွန်တော့် အဘိုးပါ။ အရိုးရှင်းလွန်နေတဲ့ ဘ၀မျိုးနဲ့ ဆိုပါတော့။

. . . . . အဘိုးရဲ့အရပ်က ၆ ပေ နီးနီးရှိတယ်။ ဗမာဆိုပေမယ့် တော်တော်ကြီး အသားဖြူတယ်။ ဘန်ကောက်ပုဆိုးကိုလည်း သူ့ရဲ့ပိန်သွယ်သွယ်ခန္ဒာကိုယ်နဲ့ ပုံစံတကျဝတ်တတ်တယ်။ သူတို့ခေတ်မှာတော့ မင်းသားဆိုက်မျိုးဖြစ်ပါလိမ့်မယ်။ ထင်ရှားတာကတော့ သူက စာတတ်တယ်ဗျ။ မအံ့သြပါနဲ့။ ရှေးရှေးခေတ်မှာ စာတတ်တယ်ဆိုတာက အရည်အချင်းတရပ်မဟုတ်လား။ လူတိုင်း စာမတတ်ကြဘူးလေ။ ဆိုလိုတာက ဌာန် ကရိုဏ်းကျကျ မတတ်တာမျိုးပေါ့။ ကျွန်တော့်အဘိုးက မြန်မာစာ ၊ ပါဠိစာ ကို လိမ့်လိမ့်ပတ်ပတ် ဖတ်တတ်ရုံတင်မကဘူး ၊ လက်ရေးလှလှ ပုံစံကျကျလည်း ရေးတတ်သေးသဗျား။ ဒါက ပိုရှားသွားပြန်ပြီ။ တချို့တွေကလည်း သူ့ဆီစာလာလာရေးခိုင်းတတ်ကြတယ်။ ကဲ . . ဒီလိုခေတ်မှာ ဒီလိုလူဟာ မင်းသားပုံမကျပဲ ရှိပါ့မလားဗျ။

. . . . . ဟုတ်တယ်။ အဘိုးက ခပ်ကြော့ကြော့လေးပဲ နေလေ့ရှိပါတယ်။ လူမုန်းလောက်အောင် ၊ ပြောစရာကြီးဖြစ်လောက်အောင် မဟုတ်ဘူးရယ်။ သူနေတတ်သလို ပုံမှန်အတိုင်းနေတာလေးကပဲ အဲဒီခေတ်ကဖွားဖွားများ မျက်စိမယ် "စိုင်းစိုင်းဂျွန်နီပစ်"လိုလေးဖြစ်နေမလားပဲ။ အင်္ဂလိပ်လိုတောင် ကွန်မွန်းယူ့စေ့လေးတွေ တစ်ခါတစ်ခါပြောတတ်သေးတယ်။

. . . . . အဖွားနဲ့တော့ တခြားဆီပဲ ခင်ဗျ။ ကျွန်တော့်အဖွားက ညိုညို တုတ်တုတ်ကြီး . . ပြောလိုက်ရင်လဲ ငြင်ငြင်သာသာမရှိလှဘူး။ စာလည်း လုံးဝမတတ်ဘူး။ ကွမ်းကြီးအမြဲငုံလို့ ၊ တစ်ထွာလောက်ဆေးလိပ်ကြီးနဲ့ အမြဲ။ အတော်ကြည့်ရ ဂွကျတဲ့အတွဲပါပဲ။ . . . အင်း . . . အိမ်ထောင်ဦးစီးက အဖွားပါဗျာ။ စီးပွားရေးကိစ္စ အ၀၀ သူ့တာဝန်သက်သက်ဗျ။ မကဘူး။ လူမှုရေး ၊ သားရေး သမီးရေး အားလုံးပဲ။ တစ်အိမ်လုံးရဲ့ အမှုကိစ္စဆောင်တာ အားလုံးဟာ အဖွားတာဝန်ချည်းပါပဲ။ အဲဒီလို တာဝန်ယူရလောက်အောင်လည်း တော်ပါသတဲ့။ ထက်ပါသတဲ့။ အရပ်က ဆိုကြတယ်။ မြို့ကဆိုကြတယ်။ သူတို့ဆေးလိပ်ခုံရဲ့ဖောက်သည်တွေ ၊ လူရင်းမိတ်ဆွေတွေက မှတ်ချက်ပြူကြတယ်။ . . . အဘိုးကိုတော့ ဘာမှထွေထွေထူးထူး မှတ်ချက်မပြုကြဘူးရယ်။ စာလုံးလှလှရေးစရာလေးရှိရင်တော့ သတိရတတ်ကြတယ်။ အဘိုးရဲ့တစ်ခုတည်းသောအလုပ်ကလည်း ဆေးလိပ်ထုပ်တွေမှာ ကုန်ပို့အမှာစာ လှလှရေးဖို့နဲ့ ၀င်ငွေထွက်ငွေ စာရင်းမှတ်ဖို့ . . ဒါပဲ။

. . . . . အဘိုးဟာ တစ်သက်လုံး ဒီအလုပ်တစ်ခုကိုပဲ လုပ်သွားခဲ့တယ် ၊ ကျွန်တော်သိသလောက်ပေါ့။ ဆေးလိပ်ခုံ ပိတ်လိုက်တော့ စာရေးစရာ ၊ စာရင်းမှတ်စရာမရှိတော့ဘူး။ စာရေးတတ်သူတွေလည်းပေါလာ ၊ ပန်းချီဆရာ ၊ ပုံနှိပ်စက်တွေလည်းရှိလာတော့ သူ့ဆီတကူးတကန့်လည်း ဘယ်သူကမှ စာလာမရေးခိုင်းကြတော့ဘူး။ အဲဒီတော့ ဆုံးသွားတဲ့အထိ ကျွန်တော့်အဘိုးဟာ ဘာအလုပ်မှ လုပ်စရာမလိုတော့သလို ၊ ဘာအလုပ်မှလဲ မလုပ်တော့ဘူး။ ဒါကြောင့် ကျွန်တော်ပြောခဲ့တယ် . . "အရိုးရှင်းလွန်နေတဲ့ ဘ၀မျိုး"ပါလို့။

. . . . . အဘိုးက ကျွန်တော့်ကို မချစ်ပါဘူး။ ကျွန်တော်ကလည်း အဘိုးကို မချစ်ဘူး ၊ ငယ်ငယ်ကပေါ့။ ကြီးလာတော့လည်း အဘိုးဆိုတာ ချစ်ဖို့ မုန်းဖို့ရယ် မဟုတ်ဘူး ၊ "အဘိုးတော်ဖို့"လို့ပဲသဘောရလာတော့ နေပျော်သွားရော။ ဆိုးတာက . . သိကြတဲ့အတိုင်း . . ကျွန်တော်က "အလုပ်ဟူက ဂုဏ်ရှိစွ"တို့ ၊ "အလုပ်ဟူသည် လူ့တန်ဘိုး"တို့ ၊ "အလုပ်နဲ့ ဘ၀ကိုတည်ဆောက်"တို့ စတဲ့ ခွန်းကြီးခွန်းငယ်ကြားမှာ ကြီးပြင်းလာခဲ့ရတဲ့သူ ဖြစ်လေတော့ . . . . အလုပ်မရှိတဲ့ ကျွန်တော့်အဘိုးက ကျွန်တော့်ပေတံထဲမှာ အမြဲကန့်လန့် ကန့်လန့်ကြီး ခံ ခံနေတာပဲ။

. . . . . တစ်ခါတစ်ခါတော့ ကျွန်တော့်အဘိုးဟာ ပင်ကိုယ်အစွမ်းအစ ၊ လူရည်လူသွေး ( personal ability ) နိမ့်ပါးသူဖြစ်မယ်လို့ တွေးမိတယ်။ . . အဲဒီလိုလည်း မဟုတ်ပြန်ဘူး တဲ့။ သူ့ရဲ့ အပြောအဆို ၊ အပြုအမူ ၊ အတွေးအခေါ် ကစလို့ သူ့ပတ်ဝန်းကျင်တစ်ခုလုံးထဲမှာ သူ့ကို ခပ်ညံ့ညံ့လို့ သတ်မှတ်သူမရှိကြဘူး။ တစ်ခုတော့ရှိတယ် . . . လူတော်လို့လည်း ဘယ်သူကမှ မပြောဘူး။ ပြောရလောက်အောင် သူလုပ်ပြခဲ့တာက ဘာမှမရှိပဲကို။ ရုပ်ရှင်လည်းမဟုတ်တော့ သေခါနီးကျမှ ဘွားခနဲတွေ ဘာတွေလည်းမလာ ၊ တစ်ခွန်းချင်း သူ့ဖလော်တွေကို ဖွင့်ဟသွားတာမျိုးလည်းမရှိ။ မိရိုးဖလာ ဗမာအဘိုးအိုကြီးတစ်ဦး ရိုးရှင်းလွန်းစွာတိတ်တိတ်ကလေးပဲ ကွယ်လွန်သွားခဲ့တယ်။

. . . . . အဘိုးနဲ့ ပတ်သတ်ရင် ကျွန်တော့်မှတ်ဥာဏ်ထဲမှာ ထစ်တစ်တစ်တွေက များတယ်ဗျ။ အဲဒီထဲကမှတစ်ခုက ထိုးကွင်းမှင်ကြောင် ကိစ္စပဲ။ ဒါကလည်း အဖေကနေတဆင့် သိရတာမျိုးပဲဗျ။ ဆိုတော့ . . . ထိုးကွင်းမှင်ကြောင်ဆိုတာမျိုးက တခြားလူတော့ဘယ့်နှယ်နေမယ် မသိဘူး ၊ ကျွန်တော့်အတွက်တော့ဖြင့် အလွန်မတန် "ဂုဏ်ယူဖွယ်ရာ တို့မြန်မာ"ဆိုသလိုမျိုး အသိစွဲခဲ့ဘူးတော့ ကျွန်တော့်ပေတံထဲမယ် အရေးပါတဲ့ စကေးလ်တစ်ခုဖြစ်နေလေရဲ့။ ကျွန်တော်ကတော့ ဘယ်မှာ မှင်ကြောင်ရှိပါ့မလဲ။ ကျွန်တော့် သူငယ်ချင်း မောင်ကကြီးတို့ ၊ မောင်ခခွေးတို့ မှာလည်း မရှိကြဘူး။ ခင်ဗျားမှာလည်း မရှိဘူးမဟုတ်လား။ ရှိရင်တောင် တက်တူး ဖြစ်မှာပေါ့။ ဟုတ်တယ်လေ . . . သျှောင်ထုံး မထုံးကြတော့ပေမယ့် ၊ ကျွန်တော်တို့ဟာ သျှောင်ထုံးတတ်တဲ့လူမျိုး ဆိုတာက ပျောက်မသွားသလိုပေါ့။ မောင်ကကြီးရဲ့ အဘိုးရယ် ၊ မောင်ခခွေးရဲ့ အဘိုးရယ် ကျွန်တော့် အဘိုးရယ် ထိုးကွင်း ထိုးမထိုး ၊ ရှိမရှိဆိုတာကတော့ ကျွန်တော်တို့အတွက် သွယ်ဝိုက်သောအားဖြင့် အရေးပါနေတုန်းပဲလေ။ မောင်ကကြီးရဲ့ အဘိုးက ထိုးကွင်းအပြည့်နဲ့။ မောင်ခခွေးရဲ့အဘိုးက နတ္ထိ ၊ ပေါင်တံဖြူနဲ့။ ကျွန်တော့် အဘိုးက . . . လည်း . . ပေါင်တံဖြူပါပဲ။ အသားဖြူတော့ ဖွေးနေတာပေါ့။

. . . . . သိကြလား မသိဘူး။ အဲဒီခေတ်မျိုးက ပေါင်တံဖြူနဲ့ဆို မိန်းမလျာကျတယ် ဆိုတဲ့ခေတ်နဲ့ သိပ်မဝေးလှသေးဘူး။ ထိုးကွင်းအပြည့်နဲ့မှ ယောက်ျားပီသတယ်ပေါ့ဗျာ။ သတ္တိကို ဖော်ညွှန်းတဲ့ အညွှန်းကိန်းလို့လည်း လက်ခံကြသေးတယ်။ ပေါင်မှာကြောင် ၊ ကျောအိမ်မြှောင် စသည်ဖြင့် နေရာစုံသူ့စံနဲ့ ၊ မာန်နဲ့ ၊ ဟန်နဲ့ ရှိကြတယ်။ မှင်ကြောင်ထိုးတဲ့ စုတ်က တောင်ဆုပ်လောက်ရှိသတဲ့။ တချက်ချင်း ပေါက်ပေါက်ပြီး ဆေးကိုသွင်းတာမျိုး။ တော်ရုံသတ္တိနဲ့ ခန္ဒာအနှံ့ထိုးခံဖို့မလွယ်ဘူးရယ်။ ပေါင်ဟာ အနာသက်သာတဲ့နေရာမို့ ပေါင်လောက်သာထိုးကြတဲ့လူများတယ်။ ကျွန်တော့်အဘိုးကတော့ ပေါင်တံဖြူလေးနဲ့ပါပဲ။ ဆိုတော့ . . မောင်ကကြီးက "ငါ့အဘိုးမှာ ထိုးကွင်းတွေက . . "ဆိုရင် ကျွန်တော်နဲ့ မောင်ခခွေးက ခပ်မဆိတ်လေးပဲပေါ့။

. . . . . တကယ်တော့ ထိုးကွင်းမှင်ကြောင်ဆိုတာ ကျွန်တော်တို့လူမျိုးရဲ့ ဂုဏ်ယူစရာ လောက်လောက်လားလား ဓလေ့တစ်ခုဖြစ်တယ်ဗျ။ ကမ္ဘာပေါ်မှာ ရှေးကျတဲ့ လူမျိုးနွယ်တွေမှာပဲရှိကြတယ်။ အာရှမှာဆို ကျွန်တော်တို့နဲ့ ဂျပန် ၊ နောက် သမုဒ္ဒရာပိုင်းက မာအိုရီ နဲ့ ပိုလီနီးရှန်းတွေရယ် စသည် ရှိကြတယ်။ ကျွန်တော်တို့ရဲ့ ထိုးကွင်းမှင်ကြောင်ဓလေ့က အားလုံးထဲမယ် လုံးဝအဆင့်မနိမ့်ဘူးတဲ့ဗျ။ ပြောပလောက်အောင်လည်း formal တကျရှိတယ်။ စည်းမျဉ်းစည်းကမ်း ၊ ထုံးတမ်းပေါ့ဗျာ။ အလှသက်သက်မဟုတ်ဘူး။ ဆေးကွက်တိုင်းမှာ အဓိပ္ဖာယ်ကိုယ်စီရှိကြတယ် ၊ ရှိရတယ်။ ထိုးတဲ့အချိန် ၊ ထိုးပေးတဲ့လူ ၊ ထိုးတဲ့ဆေးအထိ သတ်မှတ်ချက်တွေလည်း ရှိတယ်။ "အစွဲတွေပါ"လို့ပဲပြောပြော သူ့ခေတ်ရဲ့သူ့ယဉ်ကျေးမှုနယ်ပယ်မှာ တန်းမြင့်ခဲ့တာကတော့ အရှိတရားပါပဲ။

. . . . . အဲဒါတွေကို သိခဲ့ ၊ ဂုဏ်ယူတတ်ခဲ့ပြီး ခံစားဆင်ခြင်တတ်ခဲ့တဲ့ ကောင်လေးငယ်ငယ်ဘ၀မှာ ကျွန်တော့်အဘိုးက ပေါင်တံဖြူဖြူဖြစ်နေခြင်းကတော့ ကျွန်တော်ကံမကောင်းလို့ပါပဲ။ တစ်ခါတော့ အဖေ့မေးကြည့်ပါရော။ အဖေရေ . . အဘိုးက ဘာလို့ ထိုးကွင်းမရှိတာတုန်း လို့။ အဖေက ပြန်ပြောတယ် . . "အေး ငါလည်း မေးဘူးတယ်ကွ ၊ ငယ်ငယ်က ၊ အဖေ ပေါင်တံဖြူနဲ့ မရှက်ဘူးလားလို့။ အောင်မယ် . . သူ့မှာ မှင်ကြောင်ရှိတယ်ဟ။ ဘယ်ပေါင် တစ်ကွက် ၊ ညာပေါင်တစ်ကွက်။ နှစ်ကွက်တည်း။ ငါ့ကို လှန်ပြတယ်။ ပြောသေးတယ်။ သူ့တစ်ကွက်က အားလုံးပါပြီးသားတဲ့။ အိမ်မြှောင်ရော ၊ ကြောင်ရော နောက် စာတွေရော ၊ ဘီလူးတောင်ပါသေးထင်ပါရဲ့။ အောလ်အင်ဝမ်း ပေါ့ကွာ။ ထိုးကွင်းလည်းရှိတယ် ၊ အသားလည်း သိပ်မနာဘူးပေါ့ကွာ" . . တဲ့။

. . . . . အင်း . . ကျွန်တော့်အဘိုးက ပေါင်တံဖြူသက်သက်တော့ မဟုတ်ဘူး။ ဒါပေမယ့် သူ့ထိုးကွင်းရှိခြင်းမှာ တစ်ခုခုကတော့ ထစ်နေသလိုပဲဗျာ။ ဒါနဲ့ မောင်ခခွေးတို့ကို ပြန်ပြောတော့ . . . မောင်ခခွေးကပြောတယ်။ "ငါ့အဘိုးကတော့ လုံးဝမရှိဘူးကွ။ သူကထိုးကို မထိုးချင်လို့ မထိုးတာလို့ပြောတာပဲ။ နောက်ပြီးထိုးကွင်းမရှိတာကို မရှက်ဘူးတဲ့။ သူ နာမှာကြောက်လို့ မထိုးတာလည်း ဖြစ်ချင်ဖြစ်မှာပေါ့ကွာ"တဲ့။ ကျွန်တော်ကတော့ အီလည်လည်ပေါ့ဗျာ . . ၊ ဂုဏ်ပဲယူရမလိုလို တိတ်တိတ်နေတာကပဲ ပိုကောင်းမလိုလိုနဲ့ . . . ကျွန်တော့်အဘိုးကတော့ အာဂပဲ ခင်ဗျနော်။

. . . . . အဘိုးကို ကျွန်တော်ကတော့ မမေးလိုက်ရဘူး။ တစ်ကွက်တည်းသောထိုးကွင်း အကြောင်း သူ့ဖလော်က ဘယ်လိုများလဲ လို့။ တကယ်တော့လည်း သူ့ပေါင်မှာ သူကြိုက်သလို ထိုးထားတဲ့ ဆေးမှင်မှာ အထူးတလည် ဖလော်ကြီးတွေလည်း ရှိချင်မှရှိပေမပေါ့ဗျာ။ အခက်ပဲ ခင်ဗျ။ ကျွန်တော်က သူ့မြေးဖြစ်နေတော့ သူ့ပေါင်ကထိုးကွင်းတစ်ကွက်ဟာ ကျွန်တော်နဲ့ ထိုက်သင့်သလောက်တော့လည်း ပတ်သတ်နေတယ်မဟုတ်လား။ ဒါပါပဲ . . မျိုးရိုးဆိုတာ ဖျောက်ပစ်လို့မရသလို ပြန်ပြင်လို့လည်း မရဘူးဗျား။ ခင်ဗျား ကြိုက်သည်ဖြစ်စေ မကြိုက်သည်ဖြစ်စေ ဒါဟာ ပြဌာန်းပြီးသား ခင်းဗျားရဲ့ သမိုင်း တစ်စိတ်တစ်ပိုင်း ဖြစ်တယ်လေ။

. . . . . ခင်ဗျားတတ်နိုင်တာ ၊ ကျွန်တော်တတ်နိုင်တာ . . က . . အခုနေ ထိုးကွင်းထိုးတဲ့ ဓလေ့ထဲမှာ ကျွန်တော်တို့အတူတူဆိုရင် ခင်ဗျားက . . ကျွန်တော့် အဘိုးလုပ်မှာလား ၊ မောင်ကကြီး အဘိုးလုပ်မှာလား ၊ မောင်ခခွေးအဘိုးလုပ်မှာလား ဆိုတာပဲ။ ကျွန်တော်တို့ရဲ့မြေး ချာတိတ်တွေက လက်ဘက်ရည်ဆိုင်မှာ ခင်ဗျားနဲ့ ကျွန်တော့်ပေါင်က မှင်ကြောင်တွေအကြောင်း ပြောကြတဲ့အခါ . . . . . ဒါပါပဲ။ လူတစ်ဦးရဲ့ကိုယ်ပိုင်လွတ်လပ်ခွင့်ဟာ တစ်ခါတစ်ရံမှာ မမြင်နိုင်တဲ့ မြစ်တွေလိုတိတ်တိတ်ကလေး စီးသွားတတ်တယ်။ ဘယ်တော့မှ ပြန်ဆန်ဖို့ မဖြစ်နိုင်တော့ဘူး။ . . . . ခင်ဗျားရဲ့မြစ် ရှိပါလိမ့်မယ်။ ကျွန်တော့်ရဲ့မြစ်လည်း ရှိမှာပေါ့။ တစ်နေ့တော့ ပင်လယ်ထဲ စီးဝင်ကြရမှာချည်းပါပဲ။

. . . . . ကျွန်တော့် အဘိုးဟာ လူတော်လား ကျွန်တော်သိပ်သိချင်တယ်။ လူဆိုးတော့ မဟုတ်တာသေချာတယ်။ လူညံ့လည်း ဟုတ်ဟန်မတူ။ သူလိုငါလိုလည်း ဖြစ်နိုင်တာပေါ့။ ဖြစ်ဖို့လည်း အများဆုံးနေပါလိမ့်မယ်။ ခင်ဗျားတောင် အခုဒီလိုပဲ ထင်တယ်မဟုတ်လား။ အရေးအပါဆုံးအချက်က . . အဲဒါ ခင်ဗျားအဘိုး မဟုတ်လို့ပဲ။ ကျွန်တော့်အတွက်ကတော့ ဒါဟာကျွန်တော့်အဘိုး ဖြစ်လေတော့ . . . သူဟာ လူတော်တစ်ယောက်များလားလို့ ကျွန်တော်သိပ်သိချင်မိပါတယ်။ ကျွန်တော်တို့ ကိုယ်စီဟာ အတ္တနဲ့တည်ဆောက်ထားကြတာမဟုတ်လား။

. . . . . အဘိုးနဲ့ ကျွန်တော်ရဲ့အဓိက ကွဲလွဲချက်ကတော့ "အလုပ်"ဆိုတာကို ခံယူချက်ပဲ ဖြစ်ပါလိမ့်မယ်။ ကျွန်တော်က "အလုပ်"တွေကို တန်ဘိုးထားပြီး အသက်ရှင်မှုရဲ့ အရေးပါသောအဓိပ္ဖာယ်တစ်ခုလို ခံယူတတ်တယ်။ အဲဒီတော့ အဘိုးနဲ့ယှဉ်ရင် ကျွန်တော်က အများကြီးပိုပင်ပန်းတာပေါ့။ ဘ၀ တစ်ခုစီကို ဖြတ်သန်းကြတဲ့ကိစ္စမှာ ခံယူချက်နည်းနည်း ကွာခြားမှုက ပင်ပန်းကြီးစွာဖြတ်သန်းရသူ နဲ့ အေးငြိမ်းသက်သာစွာ ဖြတ်သန်းခွင့်ရသူ အဖြစ် ကွဲပြားသွားစေခဲ့တယ်။ ကျွန်တော်ပြောတာကို မြင်ရဲ့လားဗျ။

. . . . . အဘိုးအကြောင်း စဉ်းစားတိုင်း . . အလုပ်တွေကို ကြိုးစားပမ်းစားနဲ့ လက်ကြောတင်းတင်းထောင်အောင် လုပ်တတ်တဲ့သူတွေဟာ / လုပ်ချင်တဲ့သူတွေဟာ . . သူတို့ရဲ့ ခဏတာ 'ဘ၀'ဆိုတာကလေးကို ပူပူလောင်လောင်နဲ့ ဖြတ်ချင်နေတဲ့ သူတွေများလားလို့ အတွေးဝင်စေမိတာ အမှန်ပါပဲ။

. . . . . ခင်ဗျားရော ကျွန်တော်ရော တစ်နေ့ ထမင်းနှစ်နပ်ကို ဗိုက်ကားအောင်စားပြီးရင် ထပ်ထည့်ချင်ပေမယ့်လည်း ထည့်လို့မရနိုင်တော့ဘူး မဟုတ်လား။ ဒါဆို ဘာလို့ ကျွန်တော်တို့ နောက်ထပ် ထမင်းတွေ ၊ ဟင်းတွေ ထပ်ရှာနေရတာတုန်း ၊ ပင်ပန်းကြီးစွာနဲ့။ အချိန်စေ့တော့လည်း ဒီကွင်းက ထွက်ကြရမှာချည်း မဟုတ်လား။ ဒီ ထမင်း ဟင်း အပိုတွေကို ဒီကွင်းကြီးထဲ ချန်ခဲ့ကြရမှာလား။ ဒါဆို ကျွန်တော်တို့ရဲ့ ဒီနေ့ "အလုပ်"တွေမှာ ဒီထမင်း ဒီဟင်းတွေ ထက်ပိုတဲ့ အနက်တွေများ ရှိနေဦးမလား။ အခက်ပဲ ဗျား။

. . . . . ခင်ဗျားရဲ့မြစ်ဖြစ်ဖြစ် ၊ ကျွန်တော့်မြစ်ဖြစ်ဖြစ် . . တစ်နေ့တော့ ပင်လယ်ထဲ စီးဝင်ရမှာပဲ မဟုတ်လား။ ပင်လယ်ထဲရောက်မှာချင်းအတူတူ ဆိုပြီး သိပ်အားမစိုက်ရင်တော့ ခင်ဗျားမြစ်ကြောင်းကလည်း ဖြောင့်ချင်မှဖြောင့်မှာပေါ့။ ခင်ဗျားအတွက် မြစ်ကြောင်းဖြောင့်တာ ၊ ကောက်တာက အရေးမပါဘူးဆိုရင်လည်း ဒီလိုစီးခဲ့တဲ့ ဒီမြစ်ကတော့ ကျန်ခဲ့မှာ အသေအချာပဲ။ ဘယ်တော့မှ ပြန်ဆန်တက်ဖို့ မဖြစ်နိုင်တဲ့ ခင်ဗျားရဲ့မြစ်ကြောင်းမှာ ခင်ဗျားကိုယ်တိုင်ထက် ပိုကျယ်ဝန်း ပိုနက်ရှိုင်းတဲ့ မမြင်နိုင်သော ကာလတန်ဘိုးများက အမြဲကပ်ငြိနေဦးမှာ . . . တဲ့။

. . . . . ခင်ဗျားရဲ့မြစ်ကြောင်း တစ်လျှောက်မှာ မြစ်ကျိုးအင်းတွေလည်း နည်းပါစေဗျာ။ ။

(ယက္ခ) ရဲကြီး ။ ၂၉.၁၂.၁၃ ။
https://www.facebook.com/yekkha.yejee
https://www.facebook.com/yekkha.yegyii.fanpage
http://yekkhayejee.blogspot.com/— with ရုပ် ဆိုး and 97 others.