ဘင်္ဂလားဒေ့ရ်ှနိုင်ငံအား သင်္ဘောဖျက်လုပ်ငန်းများရှိသော နိုင်ငံအဖြစ် လူသိများကြသည်။ ရေကြောင်းလောကကို ဝင်ရောက်လေ့လာကြည့်ပါက ဘင်္ဂလားတို့အား သင်္ဘောဖျက်လုပ်ငန်းများကြောင့် ပိုသိကြသည်။ ဒါဇင်ပေါင်းများစွာသော သက်တမ်းရင့် ကွန်တိန်နာသင်္ဘောများသည် နိုင်ငံ၏ တောင်ပိုင်းကမ်းခြေသို့ သံတိုသံစ ပြုလုပ်ရန် ဦးတည်ခုတ်မောင်းလျက်ရှိသည်။
ယနေ့ ဘင်္ဂလားဒေ့ရ်ှနိုင်ငံ၏ သင်္ဘောကျင်းများသည် အသေးစား၊ အလတ်စား သင်္ဘောများတည်ဆောက်၍ ဥရောပဈေးကွက်သို့ ယှဉ်ပြိုင်တင်ပို့သူများ ဖြစ်လာခဲ့ပါပြီ။
၂၀၀၈ ခုနှစ်မှစ၍ ဘင်္ဂလားသင်္ဘောကျင်းများသည် ခရီးသည်တင်ရေယာဉ်များ၊ ကုန်တင်သင်္ဘောများ၊ ပင်လယ်ပြင်ဘက်စုံသုံးရေယာဉ်များစသည့် ဒေါ်လာ သန်း (၅၀၀) ကျော်တန်ဖိုးရှိ ရေယာဉ်အမျိုးမျိုး တည်ဆောက်တင်ပို့ နိုင်ခဲ့သည်။ အဆိုပါရေယာဉ်များအား ဒိန်းမတ်၊ ဂျာမနီနှင့် ဖင်လန်ကဲ့သို့ ဥရောပနိုင်ငံများ အတွက် တည်ဆောက်ပေးခဲ့ခြင်းဖြစ်သည်။
ဘင်္ဂလားပြည်တွင်း သင်္ဘောကျင်းများမှာ တရုတ်၊ ကိုရီးယား၊ ဂျပန်တို့၏ သင်္ဘောကျင်းများနှင့် နှိုင်းယှဉ်ပါက အလွန်သေးငယ်မည် ဖြစ်သော်လည်း ဘင်္ဂလားစက်မှုလုပ်ငန်းရှင်များက ယင်းတို့၏ သင်္ဘော တည်ဆောက်ရေးလုပ်ငန်းများသည် ပြိုင်ဘက်နိုင်ငံများထက် အားသာချက်များစွာ ရရှိထား၍ ပိုမိုကြီးထွားလာမည်ဟု ပြောဆိုကြပါသည်။
ကျွန်တော်တို့မှာ ကျွမ်းကျင်လုပ်သားတွေ အမြောက်အမြားရှိပြီး တစ်ခြားနိုင်ငံတွေနဲ့နှိုင်းယှဉ်ရင် လုပ်သားဈေးချိုပါတယ်။ ဒါကြောင့်ပဲ ရေဘုံရအနေနဲ့ ရေယာဉ်ပိုင်ရှိင်တွေဟာ ကျွန်တော်တို့ဆီမှာ တည်ဆောက်ပါက တည်ဆောက်ရေးစရိတ် (၁၅%) အနည်းဆုံး သက်သာသွားပါတယ် ဟု စစ်တကောင်းရှိ West Marine သင်္ဘောကျင်း ဦးဆောင်ညွှန်ကြားရေးမှုး ဆကာဝပ်ဟိုစိန် ကပြောပါသည်။
မြို့တော်ဒါကာ နားတွင် အခြေစိုက်သော West Marine သင်္ဘောကျင်းနှင့် အာနဒ္ဒါသင်္ဘောကျင်းတို့သည် ပြည်ပဈေးကွက်အတွက် ရေယာဉ်များတည်ဆောက် ပေးနိုင်သည့် အခြေအနေသို့ရောက်နေသော်လည်း ပြည်ပဝယ်လက်များအတွက် တည်ဆောက်ပေးမည့် လမ်းကြောင်းသို့သာ ဦးတည်ထားသည်။ လက်တလောအားဖြင့် တန်ချိန် တစ်သောင်းရှိသင်္ဘောများအထိ တည်ဆောက်နိုင်ပြီး ပိုမိုကြီးမားသော ရေယာဉ်များ တည်ဆောက်သွားနိုင်အောင် ကြိုးပမ်းလျက်ရှိသည်။
စစ်တကောင်း ကနာပူလီမြစ်ကမ်းပေါ်ရှိ Western Marine သင်္ဘောကျင်းသည် ဥရောပဘောတစ်ပင်လယ်နှင့် North Sea ရေခဲပြင်သွားမည့် ကုန်သင်္ဘောတစ်စီးကို တည်ဆောက်ဆောက်လျက်ရှိသည်။
ဘင်္ဂလားသင်္ဘောကျင်းလုပ်ငန်းများသည် နောက်လာမည့် (၅)နှစ်အတွင်း ဒေါ်လာ (၂) ဘီလီယံ အထက်ပိုမိုရရှိရေး ရည်မှန်းချက်ထား လုပ်ဆောင်လျက်ရှိသည်။ အလုပ်အကိုင် ထောင်ပေါင်းများစွာကို ဖန်တီးနိုင်မည်ဟု မျှော်မှန်းထားသည်။
ဘင်္ဂလားဒေ့ရ်ှတွင် သင်္ဘောကျင်းပေါင်း (၁၀၀)ကျော်ရှိပြီး အများစုမှာ ပြည်တွင်းလိုအပ်ချက်ကိုသာ ဖြည့်ဆည်းလျက်ရှိသည်။ ကျွမ်းကျင်သူများ အဆိုအရ တိုင်းပြည်၏ ကုန်စည် (၇၀%) နှင့် ရေနံထွက်ကုန် (၉၀%)မှာ ရေယာဉ်ငယ်များ၊ တွန်းသင်္ဘောများဖြင့် ကမ်းရိုးတန်းနှင့် ပြည်တွင်းမြစ်ကြောင်းများမှ ပို့ဆောင်လျက်ရှိသည်။ ပြည်သူ သိန်းပေါင်းများစွာသည် နိုင်ငံတွင်း တစ်နေရာမှ တစ်နေရာသို့ သွားလာရာတွင် ကုတို့ရေယာဉ်များ၊ ရေနွေးငွေ့ သင်္ဘောများဖြင့် သွားလာကြရပြီး ယင်းရေယာဉ်များ အားလုံးနီးပါးသည် ပြည်တွင်း၌ တည်ဆောက်ထားခြင်းဖြစ်သည်။
ဘင်္ဂလားပြည်တွင်း စက်မှုအခြေခံကောင်းများနှင့် အနာဂတ်အတွက် ကတိကဝတ်များ ပေးနိုင်လင့်ကစား နိုင်ငံပြင်ပမှ ရိုက်ခတ်မှုများ ရင်ဆိုင်ရဖွယ်ရှိသည်။ လက်တလောဖြစ်ပေါ်နေသော ဥရောပ ငွေကြေးအကျပ်အတည်းသည် ဒေသတွင်း လုပ်ငန်းများအပေါ် ပြင်းထန်သောရိုက်ချက်ဖြစ်သည်။
ကျွန်တော်တို့ သင်္ဘော (၁၇)စီးစာ အမှာစာရထားပါတယ်။ တန်ဖိုးအားဖြင့် ယူရို သန်း (၂၀၀) ကျော်ရှိတယ်။ ဥရောပက အလုပ်အပ်နှံသူတွေဟာ ဘဏ်တွေက ငွေကြေး အထောက်အပံ့ မရတော့ဘူး။ ဒီလိုအခြေအနေတွေမှာ ငွေထပ်စိုက်ထုတ်ဖို့ သူတို့ သတိထားနေတယ်။ အဲ့ဒီဒါဏ်က ကျွန်တော်တို့ပါ လာထိတယ် ဟု ဦးဆောင်ညွှန်ကြားရေးမှူး ဟိုစိန်က ပြောပါသည်။
သို့သော် ယူရိုဇုန်အကျပ်အတည်း၏ ရိုက်ခတ်မှုအား ကျော်လွှားရန် ပြည်တွင်းသင်္ဘောလိုအပ်ချက် ဈေးကွက်အခြေအနေက မိမိတို့ကို အထောက်အပံ့ ပြုလိမ့်မည်ဟု ပြည်တွင်းလုပ်ငန်းရှင်များက ယုံကြည်ကြပါသည်။
ဘင်္ဂလားဒေ့ရ်ှနိုင်ငံ၏ တစ်နှစ်အတွင်း စီးပွားရေးဖွံ့ဖြိုးတိုးတက်မှု (၆%) ရှိလာပြီး ကုန်ချော/ကုန်ကြမ်းများအား စစ်တကောင်းပင်မ ဆိပ်ကမ်းမှ တိုင်းပြည်အတွင်း အခြားဆိပ်ကမ်းများ ဆီသို့ ပို့ဆောင်ရန် ရေယာဉ်ငယ်များနှင့် ကုန်သင်္ဘောများ လိုအပ်ချက် မြင့်တက်လာသည်။
အိမ်နီးချင်း အိန္ဒိယနိုင်ငံမှ ယင်းတို့၏ ရှေ့မြောက်ပိုင်းဒေသများသို့ ကုန်စည်ပို့ဆောင်ရန် မြို့တော်ဒါကာကို ဖြတ်သန်းခွင့် စေ့စပ်ညှိနှိုင်းလာပါသည်။ အိန္ဒိယနိုင်ငံသည် လက်ရှိအခြေအနေတွင် ဘင်္ဂလားဒေ့ရ်ှနယ်စပ် တစ်လျောက်ရှိ ကွေ့ကောက်သော တောင်ပတ်လမ်းများမှ တဆင့် ပို့ဆောင်နေရပါသည်။
ဘင်္ဂလားအတွင်း ဖြတ်သန်းခွင့် အပြီးသတ် သဘောတူညီမှု ရရှိပြီးပါက အိန္ဒိယကုန်သည်များသည် ကုန်စည်များအား ဈေးချိုချိုဖြင့် ဘင်္ဂလားဒေ့ရှ် မြစ်များအတွင်း ရေယာဉ်များဖြင့် နယ်စပ်အရောက်ပို့ဆောင်ကာ ထိုမှတဆင့် အရှေ့မြောက်ပိုင်း ဒေသအတွင်း ကုန်းလမ်းဖြင့် ပို့ဆောင်သွားနိုင်မည် ဖြစ်သည်။
ကမ္ဘာ့စီးပွားရေး ပြန်လယ်ကောင်းမွန်လာပါက သင်္ဘောကျင်းလုပ်ငန်းများအတွက် မျှော်လင့်ချက်များ ပြန်လယ်ရရှိလာမည် ဖြစ်ပြီး ကြီးမားသော စီးပွားရေး အခြေခံကောင်းများကို ဖိတ်ခေါ်အသုံးချနိုင်မည် ဖြစ်သည်။ ကျွမ်းကျင်သူများ အဆိုအရ ကမ္ဘာ့ရေကြောင်းသင်္ဘောများ၏ (၅၀%) ကျော်မှာ သက်တမ်း အနှစ် (၂၀) ကျော်ရှိပြီး လဲလှယ်ရန် လိုအပ်လာမည် ဖြစ်သည်။
အရေးအကြီးဆုံးအနေဖြင့် ဂျပန်၊ ကိုရီးယားနှင့် တရုတ်နိုင်ငံတို့မှာ အလွန်ကြီးမားသော သင်္ဘောများ၊ အထူးသင်္ဘောများနှင့် နည်းပညာမြင့် သင်္ဘောများကိုသာ တည်ဆောက်ကြပြီး ရေယာဉ်ငယ်များ တည်ဆောက်ရန် စိတ်ဝင်စားကြမည် မဟုတ်ဟု ကျွမ်းကျင်သူများက ဆိုပါသည်။
ကမ္ဘာလုံးဆိုင်ရာ လိုအပ်ချက်အရ အသေးစားနှင့် အလတ်စား သင်္ဘောများ၏ ဈေးကွက်ပမာဏမှာ ဒေါ်လာ ဘီလီယံ (၂၀၀) ခန့် ရှိပါသည်။ အကယ်၍ ဘင်္ဂလားတို့ အနေဖြင့် ဈေးကွက်ဝေစု (၁%) ရရှိပါက တန်ဖိုးအားဖြင့် ဒေါ်လာ (၂) ဘီလီယံရှိမည် ဟု ဘင်္ဂလား စက်မှုတက္ကသိုလ် ရေကြောင်းနှင့် ဗိသုကာ အင်ဂျင်နီယာ ဌာနမှ ဒေါက်တာ ရာဖေးလ်အစ္စလမ်က ပြောပါသည်။
သို့သော် ရေယာဉ်သစ်များတည်ဆောက်ရေး အမှာစာများလက်ခံရရှိရန်၊ ဈေးကွက်စွဲဆောင်မှုရှိရန် တိုင်းပြည်၏ အခြေခံ အဆောက်အဦး လိုအပ်ချက်ကို မြှင့်တင်ရဦးမည်ဟု ထောက်ပြပါသည်။ နောက်တဆင့် အနေဖြင့် ရေယာဉ်တည်ဆောက်ရေး စက်မှုလုပ်ငန်းများအတွက် သုတေသနနှင့် ဖွံ့ဖြိုးရေးကဏ္ဍ၌ ရင်းနှီးမြုပ်နှံရန် လိုအပ်နေသေးသည်ဟု ထပ်လောင်းပြောကြားပါသည်။
ဘင်္ဂလားဒေ့ရ်ှနိုင်ငံသည် ပြည်ပပို့ကုန်အမယ် အနည်းငယ်သာရှိပြီး အမယ်စုံလင်စွာ တင်ပို့နိုင်ရန် ရည်မှန်းချက်ထား လုပ်ဆောင်လျက်ရှိသည်။ အဆိုပါရည်မှန်းချက် ပြည့်မှီစေရန် ဘင်္ဂလားတို့၏ ပျိုမြစ်သစ်လွင်သော ရေယာဉ်တည်ဆောက်ရေး စက်မှုကဏ္ဍသည် ပင်မ မဏ္ဍိုင်တစ်ခုအဖြစ် မျှော်လင့်ချက် ရောင်ချည်ထွက်ပေါ် လာတော့မည် ဖြစ်ပေသည်။
မှတ်ချက်။ ကျွန်တော်တို့ ပရိုက်ဘိတ်ဂရုထဲမှ ၂၀၁၂ခု အောက်တိုဘာလတွင် ကျွန်တော် ဘာသာပြန်တင်ပြခဲ့သော ဆောင်းပါးတိုဖြစ်ပါသည်။ အများတကာ ရသတစ်ခုခု ရစိမ့်သောငှာ တင်ပြခြင်းဖြစ်ပါတယ်။
လေးစားစွာဖြင့်
သက်ထွေးအောင်
၁-၂-၂၀၁၄