ဖယောင်းတိုင်မီးကို ဖုန်းက ဓာတ်မီးအကူအညီနဲ့ ရှာရတယ်။ ဖယောင်းတိုင်မီး ထွန်းညှိလိုက်တယ်။ အလင်းရောင်တော့ရပြီ။ ဖန်ခွက် တစ်လုံးနဲ့ မနက်တုန်းစီက ကျန်နေတဲ့ ဟင်းခွက်ကို ခုံပေါ်အတူတကွ တင်လိုက်တယ်။ အမြည်းကတော့ များများစားစားမလုပ်တော့ မြေပဲဆံတစ်ထုပ်နဲ့ ဟင်းကျန်တစ်ခွက်ပေ့ါ။
အော် သောက်မယ့် အရာကလည်း များများစားစားမဟုတ်လှပါဘူး။ ဒီနေ့မှ သူများပေးလိုက်လို့ ယူလာခဲ့တဲ့ ABC Stout သံဗူးတစ်ဗူးထဲပါ။ ဘီယာတို့ အရက်တို့ဆိုတာကလဲ ဒီနေ့အထိ သောက်တဲ့ အကြိမ်ကို လက်ချိုးရေလို့ ရပါတယ်။ ဘာလို့အရက်မသောက်လဲဆိုတော့ မကြိုက်လို့ဗျ။ အ၀င်ကို မကြိုက်တာ။ ပြီးတော့ အခါးကို ကျွန်တော်ကြောက်သဗျ။ ဒါကြောင့်မသောက်တာ။
အော် သောက်မယ့် အရာကလည်း များများစားစားမဟုတ်လှပါဘူး။ ဒီနေ့မှ သူများပေးလိုက်လို့ ယူလာခဲ့တဲ့ ABC Stout သံဗူးတစ်ဗူးထဲပါ။ ဘီယာတို့ အရက်တို့ဆိုတာကလဲ ဒီနေ့အထိ သောက်တဲ့ အကြိမ်ကို လက်ချိုးရေလို့ ရပါတယ်။ ဘာလို့အရက်မသောက်လဲဆိုတော့ မကြိုက်လို့ဗျ။ အ၀င်ကို မကြိုက်တာ။ ပြီးတော့ အခါးကို ကျွန်တော်ကြောက်သဗျ။ ဒါကြောင့်မသောက်တာ။
အဲ တစ်သက်နဲ့တစ်ခါ အရက်နာကျတဲ့အထိ မူးနေအောင်သောက်ဖြစ်တာကတော့ ကျွန်တော့်အစ်မ မင်္ဂလာဆောင်ညမှာ သောက်တာဖြစ်တာပဲဗျ။ ၀မ်းနည်းလို့လားဆိုတော့ ဟုတ်ပါဘူး။ လူစုံသွားပြီး သောက်ကွာဆိုလို့ သောက်ချလိုက်တာ မနက်လဲကျရော ခေါင်းကိုမထူနိုင်တော့ဘူး။ တစ်နေ့လုံး အိပ်ယာ ထဲကမထတော့ဘူး။ စားမရသောက်မရဖြစ်ရော။ အဲဒီနောက်ပိုင်း အရက်လေးများသောက်ဖြစ်ရင် မူးနေအောင်များများစားစား မသောက်တော့တာ။
ခက်တာကလဲ အရက်သောက်တယ်ဆိုတာက မူးနေမှလည်း အရသာရှိလှသကိုး။ တစ်ခါတခါ လူမှန်း သူမှန်းမသိအောင် သောက်ပစ်ချင်တာ။ ဒါပေမဲ့လဲ သတိလေးရှိနေတော့ သောက်ရတာ တယ်ပြီး ဇိမ်မရှိလှ ပါဘူး။ ဒါကြောင့်လဲ အရက်ကို သိပ်မသောက်ဖြစ်တာပေါ့ဗျာ။
အဲ ဘီယာကတော့ အရက်ထက် အကြိမ်ရေများများ သောက်ဖြစ်ခဲ့တာပေါ့။ ဒါပေမဲ့ သူလဲ လက်ချိုးရေလို့ ရသဗျ။ ဘီယာလေးနည်းနည်းသောက်ရင်း ခေါင်းထဲ ရီဝေ ရီဝေအရသာကိုတော့ သဘောကျ သကိုး။ ဒါကြောင့်လဲ ဘိန်းမှိန်းမမှိန်းပဲ ဘီယာမှိန်းမှိန်းနေတတ်သေးတယ်။ ဒါကိုပဲ ကျွန်တော်ကတော့ ဘ၀ထဲက အရသာလေးခံယူတယ်လို့ ထင်တာပေါ့လေ။
ဖန်ခွက်ထဲကို ABC stout လေး ငှဲ့ထည့်တယ်။ လက်သုံးသစ်လောက်အရောက်မှာ ရပ်လိုက်တယ်။ အမြုပ်တွေက ဖန်ခွက်အပြည့်နီးပါးတက်လာတာကိုး။ ဒါကို ကျွန်တော် ဇိမ်ပြေနပြေကြည့်နေမိသေးတယ်။ ပြီး တော့ လူတွေရဲ့ ဘ၀နဲ့ စိတ်တွေကို စဉ်းစားမိတော့တာပါပဲ။
ဘီယာရဲ့ အမြုပ်က ဘာမှအရသာ မရှိပါဘူး။ အောက်က တကယ့်အရည်ကသာ အရသာရှိတာ မဟုတ်လား။ ပြီးတော့ တကယ့်ဘီယာမဟုတ်လား။ လူတွေကလဲ ဒီအတိုင်းပဲ တကယ့်အရသာက နည်းနည်း၊ အဲပြောရရင်တော့ ကိုယ်ပိုင်ဆိုင်တဲ့ ပိုင်ဆိုင်မှု၊ ဆင်းရဲမှုကိုကြည့် ဘာရှိလှမှာလဲ။ သို့သော်လည်း ရှိတဲ့သူကလဲ ရှိသူအလျှောက် ဘီယာရဲ့အမြုပ်တွေလို ဟိုးခွက်ပြည့်အထိ တက်လာတော့တာပါပဲ။ ဆင်းရဲသူကလဲ ဆင်းရဲတာကနည်းနည်း ဆင်းရဲတာကို အကြောင်းပြ ငိုချင်းချ၊ မဖြစ်နိုင်ဘူး၊ မလုပ်နိုင်ဘူးဆိုတဲ့ အားငယ်စိတ်၊ သိမ်ငယ်စိတ်တွေက ခွက်အထက်ထိ လျှံကျချင်နေသကိုး။
ငယ်စဉ်ကဖြူစင်လှတဲ့ စိတ်ကလေးမှာ လောဘလေး၊ ဒေါသလေး၊ မောဟလေးက နည်းနည်းရယ်။ ဒါပေမယ့် ထပ်ထပ်တက်လာတဲ့ အမြုပ်တွေကတော့ အဆများစွာမဟုတ်လား။
ငယ်စဉ်ကဖြူစင်လှတဲ့ စိတ်ကလေးမှာ လောဘလေး၊ ဒေါသလေး၊ မောဟလေးက နည်းနည်းရယ်။ ဒါပေမယ့် ထပ်ထပ်တက်လာတဲ့ အမြုပ်တွေကတော့ အဆများစွာမဟုတ်လား။
အမြုပ်လေးတွေငြိမ်သွားပြီဆိုတာနဲ့ ဘီယာတစ်ငုံသောက်လိုက်တယ်။ နည်းနည်းခါးသက်သက် အရသာက လျှာပေါ်ကို ဖြတ်သွားတယ်။ မြေပဲဆံလေး တစ်ခုနှစ်ခုကောက်ဝါးလိုက်တယ်။ ကျွန်တော် အရက် သောက်ပုံနဲ့ ဘီယာသောက်ပုံခြင်း မတူဘူးဗျ။ အရက်သောက်ပြီဆိုရင် ခွက်ထဲထည့်ထားတာက ၃ ပက်လောက် ရှိရင် တစ်ခါတည်းမော့တယ်။ ခွက်ကြီးလို့ တစ်ဝက်လောက်ထည့်ထားရင်တောင် ၂ ခါ ၃ ခါ လောက်ပဲသောက်တယ်။ လျှာပေါ်မှာ အရက်ရဲ့ အရသာကြီးကို ခဏခဏ မခံချင်လို့ပဲ။
ဘီယာ၊ လက်ဖက်ရည်တို့ကိုတော့ တစ်ငုံခြင်းပဲ ဇိမ်စွဲသောက်တတ်သဗျ။ ဘီယာလေးတစ်ငုံလောက် ရောက်လာတော့ စိတ်ထဲမှာ တစ်ခုခုလိုနေသလို ခံစားမိတယ်။ ဖယောင်းတိုင်မီးရဲ့ အရောင်က တကယ့်ဆိုင် ကြီးတွေလို Romantic ပုံစံမျိုးလုပ်ယူစရာမလိုဘူး။ Candlelight လေးက ပိုပြီး ကျွန်တော့်အတွက် အသက်ဝင် နေသလိုခံစားမိတယ်။ ဒါပေမဲ့တစ်ခုခုတော့လိုနေတယ်။ ဟုတ်တယ် တွေးမိပြီ။ ဂီတ။ သီချင်းသံ။
ဘီယာ၊ လက်ဖက်ရည်တို့ကိုတော့ တစ်ငုံခြင်းပဲ ဇိမ်စွဲသောက်တတ်သဗျ။ ဘီယာလေးတစ်ငုံလောက် ရောက်လာတော့ စိတ်ထဲမှာ တစ်ခုခုလိုနေသလို ခံစားမိတယ်။ ဖယောင်းတိုင်မီးရဲ့ အရောင်က တကယ့်ဆိုင် ကြီးတွေလို Romantic ပုံစံမျိုးလုပ်ယူစရာမလိုဘူး။ Candlelight လေးက ပိုပြီး ကျွန်တော့်အတွက် အသက်ဝင် နေသလိုခံစားမိတယ်။ ဒါပေမဲ့တစ်ခုခုတော့လိုနေတယ်။ ဟုတ်တယ် တွေးမိပြီ။ ဂီတ။ သီချင်းသံ။
ကျွန်တော့်မှာ ငယ်စဉ်ကတည်းက အကျင့်တစ်ခုရှိတယ်။ စာကျက်ရင်ဖြစ်ဖြစ်၊ အလုပ်လေးတစ်ခုလုပ် နေရင်ဖြစ်ဖြစ် သီချင်းဖွင့်ထားလေ့ရှိတယ်။ အဲသီချင်းကို တစ်ပုဒ်လုံးရတယ်ဆိုတာတော့မရှိဘူး။ ဂီတသံလေး နဲ့ လုပ်ကိုင်နေရတာ ပိုပြီး လွတ်လပ်သလို၊ ပြီးမြောက်သလိုပဲ။ နောက်ဆုံးစာကျက်ရင်တော့ သီချင်းသံကို ခပ် ပါးပါးလေးဖွင့်ထားတတ်တယ်။ စာကျက်ရတာ ပိုပြီးရသလိုပါပဲ။
ကျွန်တော့်အကျင့်ပေါ့လေ။ ဒါနဲ့ ဖုန်းထဲက သီချင်းလေးတွေရှာရင်း လေးဖြူရဲ့ BOB Album လေးကို ဖွင့်လိုက်တယ်။
"ဒီလိုငါ…ယုတ္တိမရှိတဲ့ အဖြစ်ကို ယုတ္တိရှိဖို့ မွမ်းမံနေရင်း…သေချာအောင် အသေးစိတ်ခွဲခြမ်း ကြည့်တော့ …ငါလုပ်တဲ့ အလုပ်က အဓိပ္ပါယ်မရှိပဲ …"
အားလားလား…စဖွင့်မိလိုက်တဲ့ သီချင်းက ရင်ထဲကို ထိသွားတာပဲ။ ကိုလေးဖြူကတော့ ကျွန်တော့်ကို တိုက်ရိုက်ကြီး ဆိုနေပြီ။ ဘယ့်နှယ် တစ်ခါလေး ဘီယာလေး အရသာခံရတာပါဗျာ။ ဟွန်း ဘယ်ရမလဲ ကျော် လိုက်မှ ဖြစ်မယ်။
ဟုတ်တယ်လေ ဘ၀ကိုကြည့် မနက်အိပ်ယာထ၊ ကိုယ်လက်သန့်စင်၊ နံနက်စာစား၊ ရုံးသွား၊ ရုံးမှာ ဟိုလုပ်ဒီလုပ်၊ စာရွက်ပေါ်က အလုပ်တွေလုပ်၊ နေ့လယ်စာစား၊ ရုံးသွား ဟိုလုပ်ဒီလုပ်၊ ညနေပြန်၊ ရေချိုး၊ ထမင်းစား၊ စိတ်ပါရင် စာလေးဘာလေးရေး၊ ပြီးတော့ အိပ်။ ဘာမှာလာ ဘ၀ရအနှစ်သာရ ရှိလို့တုံး။ ယုတ္တိရှိ လို့တုံး။ အဓိပ္ပါယ်ရှိလို့တုံး။
တော်ပြီ ဒီသီချင်းကို ကျော်ပစ်လိုက်တယ်။ ဘီယာ တစ်ငုံထပ်သောက်၊ အမြည်းလေး စားရင်း ဘီယာ လေးထပ်ဖြည့်တယ်။ အမယ် အလုပ်ကိုဖြစ်လို့ ကိုယ့်ဘာသာတွေးရင်း ပြုံးမိတယ်။ တယ်လည်း ဇိမ်ကျနေ သကိုး။
ဟာသလေး တစ်ခုကို အမှတ်ရမိလိုက်တယ်။ ကမ်းခြေမှာ သူဌေးကြီး တစ်ယောက်က လာပြီး စိတ် အပန်းဖြေ ဇိမ်ယူတာပေါ့လေ။ အဲဒီလိုနားနေခိုက်မှာ သူဆင်းရဲတစ်ယောက်က သဲသောင်ပြင်ပေါ်မှာ ခြေပစ် လက်ပစ်လှဲအိပ်နေသတဲ့။ သူဌေးကြီးက သွားပြီး ဆင်းရဲသားကို မေးသတဲ့။
"ဘယ်လိုဖြစ်တာလဲ အလုပ်အကိုင် အဆင်မပြေဘူးလား "
"ဒီလိုပါပဲ "
"ခင်ဗျား ဒီလိုလှဲနေလို့ ဘယ်ပြီးမလဲ အလုပ်လုပ်မှပေ့ါဗျ။ ဒါမှ အဆင်ပြေမှာပေါ့ "
သူဆင်းရဲက သူဌေးကြီး မော့ကြီးရင်း ပြန်မေးတယ်။
"နေပါဦး သူဌေးမင်းကရော ဒီကိုဘာလာလုပ်တာလဲ "
"ဟ အပန်းဖြေလာတာပေါ့။ လာနားတာပေါ့ကွ "
"အော် ဒီလိုနားရဖို့ ပိုက်ဆံကုန်မှာပဲနော်။ ပိုက်ဆံပေးရဖို့ ပိုက်ဆံတွေရှာရမယ်၊ အလုပ်တွေ အများကြီး လုပ်ရမှာပေါ့နော် "
"အေးပေါ့ဟ ငါဒီလောက် လုပ်ခဲ့လို့လဲ ခုလိုနားနေနိုင်တာပေါ့ကွ "
သူဆင်းရဲက ခေါင်းလေးတဆတ်ဆတ်ညိတ်ရင်း.
"အော် သူဌေး သူဌေး သနားစရာ။ တစ်သက်လုံး ဒီလောက်လုပ်ပြီး ဒီမှာ လာနားရတယ်လို့။ ဘာထူးတုန်းဗျာ ကျွန်တော်လဲ ခုနားနေတာလေ။ အေးဆေးပဲ။ တစ်နေ့လုပ် တစ်နေ့စား နားနားနေနေပဲ။ ပင်လယ်ကမ်းခြေမှာ အတူတူနားရတာပါပဲဗျာ။ သိပ်မရှာနဲ့ သူဌေးမင်း၊ ပင်ပန်းတယ် "
သူဌေးမင်းလဲ ဘာမှ မပြောတော့ပဲထွက်သွားတော့တာပေါ့။
အင်း ဘ၀မှာ ရှာလိုက်ရတာ ရှာလိုက်ရတာ။ ကောင်းကောင်းနေ၊ ကောင်းကောင်းစား၊ ကောင်းကောင်းဝတ်၊ ကောင်းကောင်းဇိမ်ခံ၊ ကောင်းကောင်းအရသာခံဖို့ပေါ့။ ရော ပြီးတော့လဲ ချမ်းသာရင် အခေါင်းကောင်းကောင်း၊ ဂူကောင်းကောင်းနဲ့ နေရတာပဲ ကွာလှပါတာတကား။ တော်ပြီ ရှာတော့ဘူး။ စိတ်ထဲကဖြစ်တာပေါ့လေ။ ပြီးတော့လဲ မိုးလင်းကတည်းက လုပ်ရ ကိုင်ရတာပါပဲ။
"ဒီကမ္ဘာဟာ ငါ့အတွက်ပါ ..ထင်မှတ်သမျှ…နောက်ဆုံးမှာ သူ့အလိုတိုင်းပါ..လွှင့်ပျယ်ပျောက်ကာသွား ရင်း.. ဒီကမ္ဘာမှာ.. ငါ့အတွက်သာ ..မျှော်လင့်သမျှ…နောက်ဆုံးမှာ လွှင့်ပျယ်ပျောက်ကာ.. သူ့အလိုတိုင်း..အို.. ခရီးဆက်နေဆဲပါ…"
ဝမ်းထဲ ဘီယာဗူးတစ်ဝက်လောက် ၀င်သွားပြီဆိုတာနဲ့ အတွေးတို့က ရစ်သီနေပြီ။ အမြည်းလေး ကောက်မြည်းလိုက်။ ဘီယားလေး တစ်ငုံလောက်သောက်လိုက်၊ ကိုလေးဖြူသီချင်းကို ကျော်လိုက် ပြန်ရစ် လိုက်လုပ်ရင်း..ကမ္ဘာကြီးပေါ်မှာ တစ်ယောက်ထဲရှိနေသလို လွတ်လပ်ပေါ့ပါးနေလိုက်တာ။ စိတ်ရှိရာ လုပ်နေ ရတော့ကလဲ တယ်အရသာရှိလှတကိုး။ အင်း စိတ်မနှံ့တဲ့ အရူးတွေရဲ့ ဘ၀က ကြည့်ရတာစိတ်မချမ်းမြေ့စရာ ဆိုပေမယ့် သူ့ကိုယ်၌က ဘယ်လောက်ပေါ့ပါးနေသလို။ စိတ်ထဲရှိရာ မချင့်ချိန်၊ မနှိုင်းစနိုင်ပဲ လုပ်ချင်ရာလုပ်နေ တော့တာကိုး။ အင်းလေ ..တစ်ခါတလေတော့လဲ ..စိတ်ရှိရာလွှင့်မျောရင်း ရူးသွပ်လိုက်တာ ပိုပြီး စိတ်လက် ပေါ့ပါးသွားတာပေါ့။
"အတိတ်တွေက မှုန်ဝါးပေမယ့်..ငါတို့နှစ်ဦးဇာတ်လမ်းမှာ တချို့နေရာက..အကောင်းအတိုင်းရှိနေဆဲ ပါပဲ…
ဟိုတစ်ကွက်ဒီတစ်ကွက်..ပိတ်သားထက်..အရင်လိုကြည့်မကောင်းပေမယ့်..မြင်ရတယ်..အဓိပ္ပါယ်မရှိတာ သိပေမယ့်..တစ်ခါတလေ..တိုက်ဆိုင်မှုတွေရှိလာတော့လဲ..အမှတ်တမဲ့ မင်းကိုလွမ်းပါတယ်…"
သြော်..ကိုလေးဖြူ..ကိုလေးဖြူ…ဒါ့ကြောင့်လဲ..နာမည်ကြီးလှတာကိုး။ ခုလဲကြည့် သီချင်းက နားထဲ ဖြတ်သန်းစီးဆင်းပြီဆိုတာနဲ့ ဦးနှောက်တို့က လှုပ်လဲ့လို့ အတိတ်ကထကြွတော့ တာပါပဲ။ အော် ခပ်ငယ်ငယ်က ချစ်လိုက်ရတာ။ အိပ်လဲ ဒီစိတ်၊ စားလဲ ဒီစိတ်၊ ရွှေမြင်းမိုရ်တစ်တောင်လုံး တုံးမှတ်လို့ ခုန်ယုံမက ပင်လယ် တစ်ဘက်ကမ်း ကူးခတ်လို့တောင် သွားတော့မယောင်။
သြော်..ကိုလေးဖြူ..ကိုလေးဖြူ…ဒါ့ကြောင့်လဲ..နာမည်ကြီးလှတာကိုး။ ခုလဲကြည့် သီချင်းက နားထဲ ဖြတ်သန်းစီးဆင်းပြီဆိုတာနဲ့ ဦးနှောက်တို့က လှုပ်လဲ့လို့ အတိတ်ကထကြွတော့ တာပါပဲ။ အော် ခပ်ငယ်ငယ်က ချစ်လိုက်ရတာ။ အိပ်လဲ ဒီစိတ်၊ စားလဲ ဒီစိတ်၊ ရွှေမြင်းမိုရ်တစ်တောင်လုံး တုံးမှတ်လို့ ခုန်ယုံမက ပင်လယ် တစ်ဘက်ကမ်း ကူးခတ်လို့တောင် သွားတော့မယောင်။
အချစ်ဆိုတာကို ကျွန်တော်ခပ်ငယ်ငယ်ကတည်းက ရှာဖွေတွေ့ရှိခဲ့တာဗျ။ ပြောရရင်တော့ ရှစ်တန်း ကျောင်းသားပဲရှိသေးတယ်။ အဲဒီအချိန်တုန်းကတော့ မျက်နှာလေး တွေ့လိုက်တယ်ဆိုရင်ပဲ ရင်ထဲမှာ တလှပ်လှပ်၊ မမြင်ရပြန်ရင်လဲ သူ့မျက်နှာကို အကုသိုလ်မဖြစ်ဘူးလို့ထင်တဲ့ စိတ်က ခိုးခိုးကြည့်မိတာ ခဏခဏ။ အချစ်ဦးကို မြေးဦးရတဲ့အထိ မမေ့ဘူးတဲ့။ ဟုတ်လိမ့်မယ် ဒီစကားက လွဲခဲ့လို့ ဆိုခဲ့တာဖြစ်မယ်။ တွဲနေခဲ့တာဆိုရင် ရန်ဖြစ်တာနဲ့ တစ်သက်လုံးပေါင်းရတာနဲ့ဆိုရင် ငယ်ချစ်ဦးပေမယ့် အိမ်ကဟာကြီးကို မေ့ချင်ချင်မဟုတ်လား။ ခုတော့ လွဲခဲ့ရတာဆိုတော့ ခု သမီးဦးရတာတောင် ကိုလေးဖြူကြောင့် အမှတ်က ရနေပြန်ပါပြီ။
ကိုယ့်ကိုယ်ကို မလုံလဲလို့ အိပ်နေကြပြီဖြစ်တဲ့ ဇနီးနဲ့ သမီးကို လှည့်ကြည့်မိလိုက်သေးတယ်။ စိတ်က ဖြစ်တာကို ဘယ်သိနိုင်ပါ့မလဲ။ သို့ပေသည့် မဟုတ်တာလုပ်ထား၊ ကြံထားတော့ စိတ်ကိုက မလုံတော့တာ လေ။ ခုတော့ အဟောင်းကအကြောင်းကို တိုက်ဆိုင်မှုတွေရှိလာလို့ ခဏတော့ ပြန်ဖြစ်သွားတာပါ အိမ်သူသက်ထားရယ်။ အဟေ့ တစ်ယောက်တည်း လျှောက်လဲချက်တော့ပေးနေပါပြီ။
အင်း..ဘီယာကတော့ ကုန်လုပြီ..စိတ်ကလဲ အကောင်းစိတ် ကုန်လုချင်ချင်..။ တော်ပြီ ကိုလေးဖြူကို ပိတ်ပစ်လိုက်တယ်။ နိုမို့ဆို စိတ်က ဘီယာအမြုပ်တွေလို ထပ်ထပ် တက်နေဦးမယ်။
ဘီယာကို နောက်ဆုံး သံယောဇဉ်ဖြတ် လက်ကျန်တစ်ခွက် ကောက်မော့လိုက်တယ်။ အင်းလေ.. ကုန်မှတော့လဲ ဖြတ်ရပြီပေါ့။ ဘ၀မှာလဲ ဒီလိုလုပ်နေကြမဟုတ်လား။ မနိုင်တော့ဘူးဆိုရင် အလျှော့ပေးတာ ပေါ့။ မရရင်တော့ စွန့်လွှတ်လိုက်တာပေါ့။ ဒီလိုပဲ တွေးနေ၊ ပြောနေကြဆိုတော့ ပြောရတာပေါ့။
အားပါး..နောက်ဆုံးမို့လားမသိဘူး..ခါးသက်သက် အရသာက ..ချိုအေးနေသလိုပဲ။ ကုန်သွားမှန်း သိလျက်နဲ့ ခွက်ကို ထောင်ကြည့်လိုက်တယ်။ ဘာမှမရှိတာကို ထောင်ကြည့်ပြီး မရှိတော့ပါလားဆိုပြီး ပြန်ချလိုက်တယ်။ ပြီးတော့ အမြည်းလေးခပ်စားလိုက်တယ်။
"သုရာမေရယ မဇ္ဇပ္ပမာဒဋ္ဌာနာ "
အရှင်ဘုရား သေရည်သေရက်နှင့် မူးယစ်စေတတ်သော ဆေးဝါးအစားအသောက်များကို ဝေးစွာ ရှောင်ကျဉ်ရပါလို၏ အရှင်ဘုရား။ ရှောင်ကျဉ်ရလို၏။ ခုလဲမရှောင်နိုင်သေး။ သောက်ပြီးသွားပြီကိုး။ ခပ် ရွတ်ရွတ်လူတွေပြောသလို "ဘုရားမကြိုက်၊ မိဘမကြိုက်တာမလုပ်ဘူး။ ကိုယ်ကြိုက်တာ ကိုယ်လုပ်တာ "ဆိုသလို ခုတော့ ကိုယ်ကြိုက်တာ ကိုယ်လုပ်ပြီးသွားပြီ။ ကိုယ်ကြိုက်တာဆိုတော့ ဓမ္မနဲ့ညီမညီတော့ မဆန်းစစ် ဖြစ်တော့ပါဘူး။ ကုသိုလ်၊ အကုသိုလ်ဆိုတာလဲ စိတ်ထဲရောက်ကိုမလာဘူး။
သြော်..ဒါပြီးရင်တော့..မသောက်တော့ပါဘူး။ ကုန်သွားပြီလေ။ ဘ၀မှာလဲ ဓမ္မဆိုတာကို သိ နေတယ်။ သိတယ်ဆိုယုံပေါ့။ အဓမ္မဆိုတာကိုလဲ သိနေတယ်။ သေသေချာချာပဲ။ စိတ်ဆိုတာ မကောင်းမှု၌ သာပျော်မွေ့၏ ဆိုပြီး ရုန်းမလားမအောက်မေ့မိလေနဲ့။ ပျော်ကိုပျော်နေတာလေ။ အင်းလေ တစ်ခါတည်းပါ။ နောက်မလုပ်ပါဘူးဆိုတာနဲ့ အကုသိုလ်အကျိုးတွေ ကျွန်တော်ဘယ်လောက်တောင်စုဆောင်းမိနေပြီလဲ။ မီလျံ နာကြီးလား။ ဘီလျံနာကြီးလား။
ကိုလေးဖြူကို ပိတ်ပြီးပြီ။ ABC ကို အကုန်ရှင်းပြီးပြီ။ ဘ၀ကို စားပွဲဝိုင်းထိုင်ပြီး ယစ်မူးလို့ပြီးပြီ။ အတိတ်ကိုလဲ ပြန်ခဲ့ပြီ။ Candlelight လေးလဲငြိမ်းတော့မယ်။ ကျွန်တော့်တစ်နေ့တာကိုလဲ သိမ်းပါတော့မယ်။ သို့ဖြစ်၍ အိပ်ယာဝင်ပြီဖြစ်ပါကြောင်း။
၁၅-၂-၂၀၁၄
မောင်ပိုင်