ဂျိုင်းခနဲ ပေါက်ကွဲသံနဲ့အတူ ရိပ်ခနဲမြောက်တက်သွားတဲ့ ခန္ဓာကိုယ်တစ်ခုကို ပါးစပ်အဟောင်းသားနဲ့ ကျွန်တော် လိုက်ကြည့်နေမိတယ်။
ဝါးတစ်ရိုက်ကျော်ကျော်လောက်မြောက်တက်သွားတဲ့ ခန္ဓာကိုယ် အောက်ကို ဘိုင်းခနဲပြန်ကျလာတဲ့အထိ ကျွန်တော် ကြောင်ပြီးကြည့်နေတုန်းပါ။
ယမ်းခိုး ယမ်းငွေ့တွေက မစဲသေးဘူး။
သေနတ်တခြား လူတခြား ပြန်ကျလာတဲ့သူက အုန်းမြင့်ပါ။
ညာဘက်ခြေထောက်တစ်ခုလုံး ခြေကျင်းဝတ်ကနေ ပြတ်လုနီးပါး ဖွာရရာကျဲလို့၊ ပြတ်တောက်နေတဲ့ အသားစတွေထဲက မညီညာတဲ့ အရိုးအပိုင်းအစတွေ ငေါထွက် နေတယ်။
သူ့ပါးစပ်က ခပ်သဲ့သဲ့ငြီးသံထွက်လာတယ်။
ကျွန်တော့်ရဲ့ ပထမဦးဆုံး လူသစ်ဘဝမှာ တွေ့လိုက်ရတဲ့ မိုင်းထိတဲ့ မြင်ကွင်းပါ။
ရှမ်းပြည်နယ်အရှေ့ပိုင်း ထင်းရူးတောင်၊ မိုင်းကိုင် စစ်ဆင်ရေးခွင်မှာပေါ့။
ဗကပ ဘိန်းတန်းကို ထောက်လှမ်းဖို့ ပင်မတပ်ခွဲနဲ့ ခွဲပြီး ကျွန်တော်တို့ ၁၀ ယောက်တည်း သီးသန့်လှုပ်ရှားနေရာကနေ တပ်ခွဲက ပြန်ခေါ်လို့ ပြန်လာတဲ့နေ့ လမ်းမှာ ရန်သူ့ဆွဲမိုင်းမိတာပါ။
တကယ်တော့ မိုင်းထိတဲ့ အုန်းမြင့်လိုက်ရမယ့်နေရာက ကျွန်တော်လိုက်ရမယ့်နေရာ၊ ကျွန်တော်တို့အဖွဲ့ မထွက်ခင် ကတည်းက Point က ဘယ်သူ Second Point ကဘယ်သူ၊ နောက်ပိတ်က ဘယ်သူ..အစရှိသဖြင့် နေရာ သတ်မှတ်ပြီးသားပါ။
ကျွန်တော်ကတော့ လူသစ်မို့လို့ တပ်စိတ်မှူးက "ရဲကျော်…မင်းငါ့နောက်က ကပ်လိုက်ခဲ့…"လို့ မှာပါတယ်။
အဲဒီအချိန်တုန်းက အုန်းမြင့်ကိုယ်တိုင်ကလည်း "အေး…ညီလေး မင်းဆရာဖိုးတိုးနောက်က လိုက်သွား၊ အစ်ကို နောက်ပိတ် လိုက်ခဲ့မယ်…"ဆိုပြီးပြောပါသေးတယ်။
တကယ်လည်းထွက်မယ်ဆိုပြီး စထွက်ရော အုန်းမြင့်တစ်ယောက် မပြောမဆိုနဲ့ ကျွန်တော့်ကိုလိုက်ခိုင်းတဲ့ ဆရာ ဖိုးတိုး နောက်ကနေ ကပ်လိုက်သွားပါတယ်။
ကျွန်တော်အခြေအနေကြည့်လိုက်တော့ နောက်မှာ ကျွန်တော် အပါ အဝင် ၃ ယောက်ပဲရှိတယ်၊ တစ်ယောက်က ၇၉ ကိုင်တဲ့ ကိုမြင့်ဇော်၊ နောက်တစ်ယောက်က သေနတ်မကောင်း တဲ့ အောင်မြင့်၊ သူ့သေနတ်က ယာဉ်တန်းနဲ့လာ တုန်း အိပ်ငိုက်နေလို့ ကျော်နံရံနဲ့တိုက်မိပြီး ပြောင်းကောက်ချင် သယောင်ယောင်ဖြစ်နေတယ်။
ဒါနဲ့ သူတို့ ၂ ယောက်တော့ နောက်ပိတ်ထားလို့ မဖြစ်ဘူးဆိုတဲ့အသိနဲ့ ကိုယ့်ဘာသာ နောက်ပိတ်က လိုက်ခဲ့တယ်။
မိုင်းအဆွဲခံရတော့ ဆရာဖိုးတိုးနဲ့ အုန်းမြင့်ကြားမှာ တစ်လုံး ကျွန်တော်နဲ့ မြင့်အောင်ကြားမှာ တစ်လုံး စုစုပေါင်း နှစ်လုံးဆွဲတာပါ။
မိုင်းနှစ်လုံးကို နွယ်ကြိုးနှစ်ချောင်းနဲ့ ဆက်ပြီး ထွက်လာတဲ့ ကြိုးနှစ်စကို နောက်ထပ်ကြိုး တစ်ချောင်းနဲ့ ဆက်ထားပြီးမှ လျှိုထဲကနေဆွဲပြီး ထွက်ပြေးသွားတာ။ အင်္ဂလိပ် အက္ခရာ ဝိုင်ပုံစံပေါ့။
ကံကောင်းချင်တော့ ကျွန်တော့်ရှေ့က မိုင်းတစ်လုံးဟာ လျှိုထဲက ကြိုးနဲ့ ဆက်ထားတဲ့နေရာမှာ ကြိုးပြေနေပါတယ်။
မိုင်းက နှစ်လုံးစလုံး အစိတ်ခြောက်ဆယ်မိုင်းတွေပါ။
အုန်းမြင့်ထိတဲ့မိုင်းဟာ သူ့နောက်ကလိုက်တဲ့ ကိုမြင့်ဇော်ရဲ့ လည်ပင်းနဲ့ အောင်မြင့်ရဲ့ ရင်ဘတ်ကိုလည်း လာမှန်ပါတယ်။ ကျွန်တော့်ကိုတော့ ခဲတွေ၊ ဖုန်တွေပဲ လာထိတယ်။
ကိုမြင့်ဇော်က အတော်သတိကောင်းသလို သတ္တိလည်းကောင်းတယ်။ တပ်စိတ်မှူးဆရာဖိုးတိုး မလုပ်တတ် မကိုင်တတ်နဲ့ အူတိအူကြောင်ဖြစ်နေတော့ သူ့လည်ပင်းက သွေးတစ်ပေါက်ပေါက် ကျနေတာကို ဆေးပတ်တီး စည်းပြီး အုန်းမြင့်ဒါဏ်ရာကို ကိုယ်တိုင်ပတ်တီးစည်းပေးတယ်။
အုန်းမြင့် မိုင်းထိထိချင်း ကျွန်တော်ကြောင်ပြီး ကုန်းကုန်းကွကွဖြစ်နေတော့လည်း သူဒါဏ်ရာရထားတဲ့ကြားက ကျွန်တော့်ဆီပြေးလာပြီး "ဟေ့ကောင် နောက်လှည့် ဝပ်ပြီး သေသေချာချာ ကြည့်၊ မြင်ရင်ပစ်.."ဆိုပြီး ကျွန်တော့်ကို နေရာချပေးလိုက်သေးတယ်။
အရေးထဲ ရယ်ရအခက် ငိုရအခက် ကြုံရသေးတယ်။
အုန်းမြင့်အတွက် အနားက ဝါးလုံးအရွယ်လောက်ရှိမယ့် သစ်ပင်ခပ်သေးသေး တစ်ပင်ခုတ် စောင်ကြားချည်ပြီး ထမ်းစင်လုပ်ကြတယ်။
ထမ်းစင်လုပ်ပြီးတော့ အုန်းမြင့်ကိုပွေ့ချီ ပြီး ပုခက်ထဲထည့် ရှေ့တစ်ယောက် နောက်တစ်ယောက်ထမ်းလိုက်တာ ချည်ထားတဲ့နိုင်လွန်ကြိုးက လျှောထွက်လို့ စောင်ကြားပြေပြီး အုန်းမြင့်တစ်ယောက် ဘိုင်းခနဲ ပြုတ်ကျပါလေရော…။
မိုင်းထိတုန်းက ဘာသံမှမကြားရတဲ့ အုန်းမြင့်လည်း "အောင်မလေးဗျာ…."လို့အော်ပါလေရော။
ဒါနဲ့ ပြန်ချည် ပြန်ထမ်း၊ တပ်ခွဲရုံး အခြေပြုထားတဲ့ စခန်းကို မိုးချုပ်မှရောက်ပါတယ်။
ရောက်ရောက်ချင်း ဆေးတပ်သားကိုအောင်မြင့်ခေါ် ဆံကောက်က တွဲလွဲဖြစ်နေတဲ့ အုန်းမြင့်ခြေထောက်ဖြတ်ဖို့ ဓားမရှိတာနဲ့ ခွဲရုံးတစ်ရုံးမှာရှိတဲ့ တစ်လက်တည်းသော ထင်းခုတ်ဓားမကို မီးကင်ပြီး အရက်ပျံနဲ့သုတ်နေလေရဲ့။
ဓားမကိုကြည့်လိုက်တော့ ခုတ်ပါများလို့ အနားတချို့ကလိပ်နေပြီ။ အီး…အုန်းမြင့်ကိုယ်စား ကျွန်တော်ခြေထောက် ယားလိုက်တာ။
ဆံကောက်က "ကိုင်း..စမယ်"ဆိုတာနဲ့ စစ်သည် သုံးယောက်လောက် အုန်းမြင့်အပေါ်ပိုင်းနဲ့ ကျန်တဲ့ခြေထောက် တစ်ဖက်ကို ဝိုင်းချုပ်လိုက်ကြတယ်။ ပြီးတော့ ပါးစပ်ထဲ စောင်ကြားထိုးထည့်ပေးလိုက်တယ်။
စပါပြီ….ဘယ်ဘက်လက်က ပေါင်ရင်းကိုဖိကိုင်ထားရင်း ညာဘက်လက်က အသွားတွေလိပ်နေတဲ့ ဓားမကို မြှောက်ပြီး အမဲသားခုတ်သလို တဂုတ်ဂုတ်နဲ့ ခုတ်နေလိုက်တာ ဘယ်နှချက်မြောက်မှာ ပြတ်သွားလဲ မမှတ်မိတော့ပါဘူး။
အောက်က ခံနေရတဲ့ အုန်းမြင့်လည်း ပါးစပ်ထဲစောင်ကြားထည့်ထားပေမဲ့ ဝူးဝူးဝါးဝါးဖြစ်နေပါတယ်။
ကိစ္စ ဝိစ္စပြီးတော့ အားလုံး ကိုယ့်တဲကိုယ်ပြန် ညစာစားကြတယ်။
ဆေးလိပ်လေးရှုပြီး မှိန်းနေတုန်း "ရဲကျော်… ဆရာကြီး စီကြူခေါ်နေတယ်.."လို့ အသံကြားတာနဲ့ ကျွန်တော်လည်း ဝမ်းသာအားရ ပြေးထွက်သွားတယ်။
ဆရာကြီး စီကြူဆီမှာ ကျွန်တော် ပိုက်ဆံချေးထားတာ ပေးမလို့နဲ့တူပါတယ်။
ဒါနဲ့ ဆရာကြီးစီကြူတဲကိုရောက်တော့ သူက "အေး…ရဲကျော် ဒါလေး စခန်းအပြင်ဘက် ကိုက် ၁၀၀ လောက်မှာ သွားမြှုပ်လိုက်ပါကွာ…"တဲ့။
ဟုတ်ကဲ့ အုန်းမြင့်ခြေထောက်အပြတ်ကလေးပါ။
ကုသိုလ်ကံဆိုတာ ဆန်းကြယ်ပါတယ်။
သူကိုယ်တိုင်နောက်ပိတ်က လိုက်ပါ့မယ်လို့ ပြောတဲ့ အုန်းမြင့်၊ ဘယ်လို အတွေးပေါက်ပြီး ထွက်ခါနီးမှ ကျွန်တော်လိုက်ရမယ့်နေရာကနေ လိုက်သွားတာလဲ မစဉ်းစားတတ်ပါဘူး။
ဒါ့အပြင် ကျွန်တော်နဲ့ မြင့်အောင်ကြားက မိုင်းကလည်း နွယ်ကြိုးပြေပြီး မကွဲခဲ့ဘူး။
ကုသိုလ်ကံ ဆိုတဲ့ စကားလုံးကို အဲဒီအချိန်ကစပြီး ကျွန်တော် စိတ်ဝင်စားလာတာပါ။
ဘာပဲဖြစ်ဖြစ် ခင်ဗျားတို့ ကျွန်တော်တို့ အခုလို အေးအေးချမ်းချမ်းနေရဖို့ တပ်မတော်သားတွေ ပေးဆပ်နေရတဲ့ အသက်တွေ၊ ခန္ဓာကိုယ် အစိတ်အပိုင်းတွေ မရေမတွက် နိုင်လောက်အောင်များပြားလှပါတယ်။
ဘယ်သူမှ ကျွန်တော်တို့ ဘယ်လောက်အထိ စွန့်လွှတ်ခဲ့ကြတာပါလို့ မအော်ကြဘူးနော်…။
အော်…အချစ်ဆိုတာ နုတ်က တဖွဖွပြောနေဖို့မှ မလိုတာဗျာ…။ ။
ရဲကျော်သူရ