ခေါင်းဆောင်ဆိုတာ အမြော်အမြင်ရှိရတယ်

Image may be NSFW.
Clik here to view.

ဆိုကြပါစို့၊ မိတ်ဆွေအနေနဲ့ လူတစ်ယောက်ကို ယုံကြည်မှု အပြည့်အဝ မရှိသေးတဲ့အချိန်မျိုးမှာ အကြောင်းအမျိုးမျိုး ကြောင့် အဲဒီပုဂ္ဂိုလ်ကို ငွေအမြောက်အများချေးပေးဖို့ ဒါမှမဟုတ် အဲဒီပုဂ္ဂိုလ်နဲ့ လုပ်ငန်းတစ်ခုခု စပ်တူလုပ်ဖို့ သဘောတူပါ့မလား။

ဒီကြားထဲမှာ အဲဒီလူက တစ်ချိန်တုန်းက ဘယ်လိုအကြောင်းနဲ့ပဲဖြစ်ဖြစ် ကိုယ့်မိသားစုနဲ့ ပဋိပက္ခအကြီးအကျယ် ဖြစ်ခဲ့ဖူးတဲ့သူဆိုပါစို့ မိတ်ဆွေအနေနဲ့ ဘယ်လိုများ စဉ်းစားမှာပါလိမ့်။

ဘာပဲပြောပြော ယတိပြတ်အဖြေတစ်ခုပေးရမယ်ဆိုရင်တောင် သိပ်မလွယ်လှဘူးလို့ထင်ပါတယ်။

ကျွန်တော်တို့ခင်ဗျားတို့ ကြိုက်သည်ဖြစ်စေ မကြိုက်သည်ဖြစ်စေ လက်ရှိအခြေအနေရောက်အောင် တပ်မတော် အစိုးရက လမ်းဖွင့်ပေးခဲ့တယ်ဆိုတာ ငြင်းလို့မရပါဘူး။

ဒီနေရာမှာ ၁၉၈၈ အရေးအခင်းကြီးနဲ့ ကျောင်းသား၊ ပြည်သူလူထုတစ်ရပ်လုံးရဲ့ လှုပ်ရှားမှုတွေ၊ စွန့်လွှတ်မှုတွေဟာ အရေးမပါဘူးလို့ ကျွန်တော်ပြောနေတာမဟုတ်ပါ။

၂၀၁၀ အထွေထွေရွေးကောက်ပွဲမတိုင်ခင်ကာလကို ပြန်ပြီးငဲ့စောင်းကြည့်စေချင်ပါတယ်။

ဒီအချိန်မှာ ဘယ်သူတွေ ဘာတွေအော်နေအော်နေ အဲဒီကာလက ဘာမှလှုပ်ရှားခွင့်မရခဲ့တာ အမှန်ပါပဲ။ ဟုတ်ကဲ့၊ လှုပ်တဲ့သူကိုလည်း မလှုပ်နိုင်အောင် ဘယ်လိုချုပ်ထားတယ်ဆိုတာ အားလုံးအသိပါ။ နိုင်ငံခြား အသံလွှင့် ဌာနတွေက အော်ပေးနေတာကလွဲလို့ ဘယ်သူမှ ဘာမှ မတတ်နိုင်ပါဘူး။

လက်နက်ကိုင်တော်လှန်ရေးဆိုတာလည်း အားလုံးသိတဲ့အတိုင်းပါပဲ။ နိုင်ငံတကာအကူအညီ
ဆိုတာကလည်း ရုပ်ဝတ္ထု၊ စိတ်ဓာတ် ပိုင်းဆိုင်ရာ အကူအညီ တချို့တလေကလွဲရင် တချို့စိတ်ကူးယဉ်သလို အီရတ်ကိုဝင်တိုက်သလို အမေရိကန်က လာတိုက်ဖို့ဆိုတာလည်း အင်မတန်ထိခိုက်လွယ်တဲ့ ကမ္ဘာ့အင်အားကြီး နိုင်ငံနှစ်နိုင်ငံကြားမှာ ညှပ်နေတဲ့ နိုင်ငံဖြစ်နေ တဲ့ ပထဝီနိုင်ငံရေးအရ မဖြစ်နိုင်ပါဘူး။

ဘာ့ကြောင့်လဲ၊ ဟုတ်ကဲ့ စစ်တပ်ဟာ တခြားအဖွဲ့အစည်းတွေနဲ့ နှိုင်းယှဉ်ရင် အင်မတန်မှ ကျစ်လျစ်ခိုင်မာပြီး စနစ်ကျ တဲ့ အဖွဲ့အစည်းတစ်ခု ဖြစ်နေလို့ပါ။

၁၉၄၈-၄၉ မှာ အင်အား ၄၀၀၀ မပြည့်တဲ့ မြန်မာစစ်တပ်ဟာ KNDO တွေလက်ထဲက တိုင်းပြည်ကို အရပြန်တိုက် ယူခဲ့ပြီး အဖြည်းဖြည်းအင်အားတိုးချဲ့လာပါတယ်။

၁၉၆၂ တော်လှန်ရေးကောင်စီတက်တဲ့အချိန်ကနေ ၁၉၈၈ အရေး အခင်းကာလအထိ အင်အား ၁၅၀၀၀၀ နဲ့ ၁၈၀၀၀၀ ကြားရှိတဲ့ စစ်တပ်ဟာ တိုင်းရင်းသားလက်နက်ကိုင်အဖွဲ့အစည်း ပေါင်းစုံကို စစ်ရေးအရ ထိန်းချုပ်ထား နိုင်ခဲ့ပါတယ်။ အဲဒီကာလမှာ တင့်ကားတပ်ရင်း ၂ ရင်းနဲ့ အမြောက်တပ်ရင်း ၄ ရင်း၊ လေတပ်မှာ ဆွစ်ကအမောင်း သင်လေယာဉ်ကို စက်သေနတ်တပ် ဗုံးချိတ်ပြီးသုံးခဲ့တဲ့ ဘုရားစူးလေယာဉ် ၁၀ စီး ကျော်ကျော်လောက်နဲ့ သံချေး အထပ်ထပ်တက်နေတဲ့ စစ်ရေယာဉ်အဟောင်းအနွမ်းများသာရှိပါတယ်။

၁၉၈၈ နောက်ပိုင်းမှာ စစ်တပ်ဟာ အင်အားကို တတ်နိုင်သလောက် အစွမ်းကုန်တိုးချဲ့ တည်ဆောက်ခဲ့၊ တည် ဆောက်နေဆဲ ဖြစ်ပါတယ်။ အမြောက်နဲ့သံချပ်ကာ၊ အရင်မရှိခဲ့တဲ့ လေကြောင်းရန်ကာကွယ်ရေးတပ်တွေအပြင် အကူလက်ရုံးတပ်တွေ အပါအဝင် ရေတပ်၊ လေတပ်တို့ရဲ့ တိုးချဲ့မှုဟာ အနှစ်နှစ်ဆယ်ကျော်ကာလမှာ ကျွန်တော်တို့ မမျှော်မှန်းနိုင်လောက်အောင် အင်အားတောင့်တင်းလာခဲ့ပါတယ်။

အဲဒီ အင်အားတောင့်တင်းလှတဲ့ တပ်မတော်မှာ လူဦးရေအချိုးအရကြောင့်ပဲ ဖြစ်ဖြစ်၊ လူများစုကြီးစိုးလို့ပဲ ဖြစ်ဖြစ် ဗမာအများစုကြီးစိုးတာလည်း အားလုံးအသိပါပဲ။

အဲဒီ ဗမာအများစုကြီးစိုးတဲ့ စစ်တပ်က ဖွင့်ပေးလိုက်လို့ ဒီလမ်းကြောင်းပေါ် လျှောက်ခွင့်ရလာတဲ့အချိန်မှာ ဗမာတွေ အမြတ်တနိုးထားတဲ့ နေပြည်တော်က မင်းသုံးပါးရုပ်တုကို မမြင်ချင်ဘူးလို့ ဆိုသူကဆို၊ တိုင်းပြည်နာမည်ကိုတောင် မြန်မာလို့မှည့်ခေါ်ထားတာကို မကျေနပ်လို့ ပြောင်းပစ်ချင်တယ်လို့ အော်သူကအော်၊ ဒို့ကတော့ မဟာလူမျိုးကြီးဝါဒ ကျင့်သုံးလို့ကတော့ တစ်ပြည်လုံးသေနတ်သံတွေ ပြန်ညံသွားမယ်လို့ ခြိမ်းခြောက်သူက ခြိမ်းခြောက်…စတာတွေ မြင်ရ၊ ကြားရတဲ့အခါ စိတ်ပျက်မိတာတော့ အမှန်ပါပဲ။

ဒီကြားထဲ မြန်မာစာကို ၈၀% ပဲသင်မယ်၊ ကျန်တဲ့ဘာသာရပ်အားလုံးကို သက်ဆိုင်ရာ တိုင်းရင်းသားဘာသာနဲ့ပဲ သင်မယ်လို့ တောင်းဆိုတဲ့သူက တောင်းဆို၊ မြန်မာဆရာ၊ ဆရာမတွေနဲ့ အဆင်မပြေဘူး၊ ကိုယ့်ဆရာနဲ့ကိုယ်သင် မယ်လို့ ပြောသူကပြော၊ တစ်ခုခုတောင်းဆိုတာကို ကန့်သတ်ပိတ်ပင်မထားပါနဲ့လို့ ကာသူက ကာနဲ့ ပွဲစည်တာလား ပွဲပျက်မယ့် လက္ခဏာလားတော့ ကျွန်တော်လည်း မခန့်မှန်းတတ်ပါဘူး။

ဖက်ဒရယ်ပြည်ထောင်စုဆိုရင် ဖက်ဒရယ်တပ်မတော် မဖြစ်မနေထားကိုထားရမယ်လို့ပြောပြီး ကာကွယ်ရေးဦးစီး ချုပ်ကို တိုင်းရင်းသားတွေကို အလှည့်ကျထားရမယ်လို့ တောင်းတဲ့သူကတောင်း အင်း…သူ့အရှိန်နဲ့သူတော့ ဟုတ်နေတာပဲလို့ ပြောရမလားမသိ။

လက်ရှိအစိုးရနဲ့ တပ်မတော်ကို စစ်ရေးအရခြိမ်းခြောက်တဲ့သူတွေကိုတော့ တစ်ခုပြောချင်ပါတယ်။

ကျွန်တော်တို့ တပ်ထဲမှာတုန်းက အချင်းချင်းပြောတဲ့စကားတစ်ခုရှိပါတယ်။ ခပ်ရိုင်းရိုင်းစကားမို့လို့ အင်္ဂလိပ်လို ညှပ်ပြောပါရစေ၊ တပ်မှာရဲဘော်အချင်းချင်းတစ်ခုခု ကတောက်ကဆ ဖြစ်လို့ သေနတ်အကြောင်းစကားထဲ ထည့်ပြောတဲ့အခါ "ဟား မင်းကလည်း Sex Worker ကို Penis နဲ့လာခြောက်နေပြန်ပြီ…"လို့ပြောလေ့ရှိပါတယ်။

ကန်တော့ပါခင်ဗျာ၊ ကျွန်တော်တို့ပြောတဲ့အခါ အဲဒီစကားကို မြန်မာလို ဒဲ့ (တည့်) ပြောတာပါ။ အခုလည်း တပ်မတော်ကို သေနတ်သံညံသွားမယ်တို့ သွေးချောင်းစီးသွားမယ်တို့ အစရှိတဲ့ စကားမျိုးသွားပြောတာဟာ အထက်က ဥပမာရိုင်းရိုင်းလိုဖြစ်နေပါတယ်။

ကျွန်တော် တိုင်းရင်းသားတွေကို သူတို့မကြာခဏစစ်တပ်ကို စွပ်စွဲသလို ခြိမ်းခြောက်နေတာ မဟုတ်သလို တိုင်းရင်း သားအခွင့်အရေးတောင်းဆိုမှုတွေကို လူမျိုးကြီးဝါဒနဲ့ ပိတ်ပင်တားဆီးနေတာလည်းမဟုတ်ပါဘူး။

အစိုးရ ကိုယ်တိုင် က ဒီလမ်းစဉ်နဲ့သွားမယ်ဆိုပြီး တောင်းဆိုခွင့်ပြုထား၊ ညှိနှိုင်းခွင့်ပြုထားပြီးသားပါ။

ဟုတ်ကဲ့…ကျွန်တော်ပြောချင်တာက ကိုယ့်အခွင့်အရေးကိုယ်တောင်းဆိုတဲ့အခါ တခြားသူရဲ့ တန်ဖိုးထားတဲ့အရာ တွေ ပြောရရင် National Identity တွေကို မထိခိုက်ဖို့လိုပါတယ်။

ငါ့ဖိနပ်မကောင်းဘူး၊ သေးလည်းသေးနေတယ် ဆိုရင် ငါ့ဖိနပ်ကောင်းအောင် ဘာတွေလုပ်ရမလဲဆိုတာကိုပဲ စဉ်းစားရမှာဖြစ်ပါတယ်။

ငါ့ဖိနပ်က သေးလည်းသေး တယ် ကောင်းလည်းမကောင်းဘူးကွာ၊ ဒီတော့ မျှမျှတတဖြစ်အောင် မင်းဖိနပ်နောက်မြီးကို လှီးထုတ်ပစ်လိုက် လို့ တောင်းဆိုရင်တော့ ဒါဟာ ကိုယ့်လိုအပ်ချက်အတွက် တောင်းဆိုမှုတစ်ခုမဟုတ်တော့ဘဲ က္ကုဿစိတ် သက်သက် ဖြစ်သွားပါပြီ။

က္ကုဿ၊ မစ္ဆရိယမှာ က္ကုဿဆိုတာက ကိုယ့်ဆီက ဘာမှမပေးရဘဲ၊ ဘာမှမဆုံးရှုံးဘဲ တခြားသူကို သက်သက်မနာလို ဖြစ်တာပါ။ မစ္ဆရိယကတော့ ကိုယ်ရထားတဲ့အခွင့်အရေးတွေ၊ ဝေစုတွေကို မပေးချင်တာပေါ့။

ဒါ့ကြောင့် က္ကုဿ၊ မစ္ဆရိယ ကို မနာလို၊ ဝန်တိုစိတ်လို့ တွဲသုံးလေ့ရှိပါတယ်။

နိုင်ငံရေးသမားက တိုင်းပြည်နာမည်ပါဖျက်ပစ်လို့ပြောနေတဲ့အချိန်မှာ အစိုးရကတော့ SEA Games ဖွင့်ပွဲမှာ မဟာ သီချင်းတွေရော၊ ကာချင်းတွေရော မြိုင်မြိုင်ဆိုင်ဆိုင်ဆင်နွဲလို့ပေါ့ခင်ဗျာ။

လူတိုင်း ကိုယ့်အမျိုးကိုယ်ချစ်သလို အမျိုးသားရေးစိတ်ဓာတ်ဆိုတာလည်း လူမျိုးတိုင်းမှာရှိပါတယ်။

ကိုယ့်ရဲ့အမျိုး သားရေး သရုပ်လက္ခဏာ ကိုဖေါ်ထုတ်တာဟာ တခြားလူမျိုးတစ်မျိုးရဲ့ အမျိုးသားရေး သရုပ်လက္ခဏာကို ထိပါး ပုတ်ခတ်ခြင်းမလုပ်မိဖို့လိုပါတယ်။

ဘယ်မြန်မာမှ ပဒေသရာဇ်ခေတ်ကို ပြန်မတမ်းတပေမဲ့ သူတို့ရဲ့သမိုင်းအမွေအနှစ်ကို တန်ဖိုးထားကြတယ်။ ကျန်တဲ့ တိုင်းရင်းသားတွေမှာလည်း ကိုယ်စီကိုယ်ငှ တန်ဖိုးထားတဲ့ အရာတွေရှိကြမှာပါပဲ။

ဒီလိုပဲ ကမ္ဘာပေါ်က ဘယ်တိုင်းပြည်မှာမဆို လူဦးရေများတဲ့ လူများစုနဲ့ အဲဒီလူများစုကိုးကွယ်တဲ့ ဘာသာတရား လွှမ်းမိုးတာဟာလည်း ဖြစ်လေ့ဖြစ်ထရှိတဲ့ သဘာဝတရားတစ်ခုပါပဲ။ ဒါကို အဲဒီလူများစုကြီးစိုးနေတာကို ဖြိုဖျက်ပစ် ရမယ်၊ အဲဒီဘာသာကို သေးသိမ်မှေးမှိန်အောင် လုပ်ပစ်ရမယ်လို့ သဘောထားနေရင်တော့ ဒီတိုင်းပြည်မှာ စစ်မှန်တဲ့ ငြိမ်းချမ်းရေးရမှာ မဟုတ်ပါဘူး။

၁၉၉၀ ရွေးကောက်ပွဲအပြီးမှာ NLD အာဏာရလာခဲ့ရင် ဒုတိယဗိုလ်မှူးကြီးနဲ့အထက် အကုန်ဖြုတ်ပစ်မယ်၊ စစ်တပ် ကို နောက်ထပ် အာဏာ မသိမ်းနိုင်အောင် စစ်ရုံးချုပ်ကို ပဲခူး၊ အင်းတိုင်ဘက် ရွှေ့ပစ်မယ်ဆိုတာ NLD မှာ မူဝါဒ ရှိခဲ့ဖူးပါတယ်။

အဲဒီလို အဆင်အခြင်မဲ့မှုတွေကြောင့်လည်း မြန်မာ့ ဒီမိုကရေစီခရီး ပိုကြန့်ကြာခဲ့တာလို့တောင် ဆိုနိုင်ပါတယ်။

လက်ရှိအချိန်ဟာ မြန်မာပြည် ဒီမိုကရေစီခရီးအတွက် စမ်းသပ်ဆဲကာလပဲ ရှိပါသေးတယ်။

ဒီအစမ်းခံ ကာလမှာ ဖွင့်ပေးလိုက်တာကို ဉာဏ်ပညာနဲ့ယှဉ်ပြီး ရအောင်မယူနိုင်ရင် ကျွန်တော်တို့ ပြည်သူအများစု လိုလားနေတဲ့ ပန်းတိုင်နဲ့ ဝေးမှာပါပဲ။

ဟို..အမေရိကန်လာမှာတွေ၊ နေတိုးလာမှာတွေလို မစားရဝခမန်း စိတ်ကူးတွေယဉ်ပြီး လျှောက်မလုပ်ပါနဲ့ ပထဝီ နိုင်ငံရေးဆိုတာ ကိုထည့်သွင်းစဉ်းစားပါ။ မြန်မာပြည်ဟာ အီရတ်မဟုတ်သလို အရှေ့အာရှဟာ အရှေ့အလယ်ပိုင်း မဟုတ်ပါဘူး။

ကိုယ့်အခွင့်အရေးကိုယ်တောင်းဆိုတာကို ချွင်းချက်မရှိလက်ခံပါတယ်။

အဓိကကတော့ တခြားလူမျိုးတစ်မျိုးရဲ့ တန်ဖိုးတွေကို မထိခိုက်အောင်တောင်းဆိုတတ်ဖို့ အရေးကြီးပါတယ်။

ကိုယ့်ဖိနပ်နောက်မြီးပြတ်နေတာနဲ့ တခြားသူရဲ့ဖိနပ်နောက်မြီးကို ဓားနဲ့လှီးဖို့ကြံတာဟာ လုပ်ကောင်းတဲ့ အလုပ် မဟုတ်ပါဘူး။

လမ်းဘေး လက်ဖက်ရည်ဆိုင်မှာပြောတဲ့စကားမျိုးဆိုရင်တော့ ထားပါတော့။ အခုဟာက တိုင်းရင်း သား ပါတီကြီးတစ်ခုရဲ့ ဥက္ကဋ္ဌကပြောတာပါ။

အဲဒီအမုန်းတွေရင်ထဲမှာ မငြိမ်းသ၍ ခင်ဗျားတို့ကာကယကံရှင်တွေကိုယ်တိုင် မငြိမ်းချမ်းနိုင်သလို တိုင်းပြည်လည်း ငြိမ်းချမ်းမှာ မဟုတ်တဲ့အပြင် ပန်းတိုင်လည်း ဝေးသထက်ဝေးသွားနိုင်ပါတယ်။

မြန်မာပြည်မှာ ဒီမိုကရေစီကျင့်သုံးမယ်ဆိုတာနဲ့ မြန်မာအများစုကြီးစိုးမှုနဲ့ ဗုဒ္ဓဘာသာလွှမ်းမိုးမှုကို ပယ်ဖျက်ပစ်ဖို့ မလွယ်ပါဘူး။ အဲဒီဘောင်ထဲကပဲ တတ်နိုင်သလောက်ညှိနှိုင်းပြီး သွားကြရမှာပါ။

ဖက်ဒရယ်ပြည်ထောင်စုဆိုတာ နှစ်ဖက်အလျော့အတင်းလုပ်ပြီး ညှိနှိုင်းရင် ရနိုင်ပါတယ်။

ဒါပေမဲ့ မဲသရောထ ကြေညာချက်မှာပါသလို ၈ ပြည်နယ် ကိစ္စဖြစ်ဖို့ဆိုတာ မလွယ်ပါ။

ကျွန်တော်ပြောတာမယုံရင် ဗမာအများစုရှိတဲ့ တိုင်းဒေသကြီးတွေမှာ ပြည်သူ့ဆန္ဒ မဲကောက်ကြည့်ကြပါလား။

အဖွဲ့အစည်းတစ်ခုရဲ့ခေါင်းဆောင်ဆိုတာ ဘာပဲလုပ်လုပ်၊ ဘာပဲပြောပြော အမြော်အမြင်ရှိဖို့လိုပါတယ်။

ဒီလူတွေဟာတစ်နေ့မှာ နိုင်ငံခေါင်းဆောင် ဖြစ်ကောင်းဖြစ်လာနိုင်တဲ့လူတွေ မဟုတ်လား။

လူပြိန်းကြိုက်စကားတွေကို လက်လွတ်စပယ်ပြောဆိုခြင်းဟာ မိမိအတွက်ရော တိုင်းပြည်အတွက်ပါ မကောင်းဘူးဆိုတာကလေးလောက်ကို တော့ဖြင့် ခေါင်းဆောင်ပီပီ အရှည်မျှော်တွေး၍ သတိချပ်သင့်ပါကြောင်း……………။ ။

ရဲကျော်သူရ