ပွန်းတွေသာစကားပြောတတ်လျှင်

စစ်နိုင်လို့ဗျူဟာမြောက်ရင်
အောင်ပွဲခံချီးမြှောက်မှုတွေက
ချက်ထိုးသူနဲ့ပရိတ်သတ်အတွက်
ပွန်းတွေ နဲ့ မအပ်စပ်ပါဘူးလေ .....

ချက်ခုံရဲ့နောက်ဘေးမှာ
တိတ်တိတ်လေးတန်းစီ
နောက်တစ်ချီအတွက်အားမွေးကြရတာ
ပွန်းတို့ရဲ့ မဟာ အခွင့်အရေးပေါ့ ....

ချက်ခုံဘေးကအသံတွေကြားတယ် ....

ခင်ဗျာ ....

တစ်ဖက်ပွန်းတွေကိုထိုးသတ်
ကျုပ်တို့ က သိပ်ရက်စက်တယ် ..... ဟုတ်စ

ချက်ထိုးသူရွှေ့တိုင်းတက်
ကျုပ်လုပ်ရပ်တွေက
ဦးနှောက်မဲ့တယ် ......ဟုတ်စ

ဟင်းဟင်း..ဟင်း

သူတို့လည်းပွန်း
ကိုယ်လည်းပွန်း
အချင်းချင်းတွေမသိသလို
ရန်ငြိုးတွေလည်းမရှိခဲ့ပါဘူး ....

လက်ဝါးရဲ့တစ်ဖက်စီ
အမှန်တွေညီကြပေမဲ့
အရောင်တွေ ကွဲတယ်

ဟုတ်တယ်
ကျုပ်ရှေ့ကကောင်တွေနဲ့
အရောင်တွေ က တကယ်ကိုကွဲတယ် ....

ပွန်းပွန်းချင်းထိုးသတ်
ဂုဏ်ယူတန်နေတာလည်းမဟုတ်ဘူး
အကွက်တွေပေါ်လျှောက်သွား
အားယားတိုင်း သွေးဆာနေတာလည်းမဟုတ်ဘူး
အကွက်ရွှေ့ တဲ့ သခင်ထံ
ထမင်းစားသစ္စာခံနေကြတာလည်းမဟုတ်ဘူး ....

ဟုတ်တယ်
ကျုပ်ရဲ့ နောက်မှာ
ကျုပ်ရဲ့ အရောင်တွေ အသေအချာရှိတယ် .....

ကျုပ်ရှေ့က ပါဝါ
မနိုင်နိုင်ဘူးဆိုတာ ဦးနှောက်မှာသိနေတယ်
ချက်ထိုးသူထိုးကျွေးတော့
အေးဆေးပါ မာန်ကိုတင်း
ကျုပ်အသက်မပြင်းရင်
နောက်တစ်ဘဝမှ တစ်ကပြန်စကြရုံပေါ့
ကျုပ်ကမှမာန်မတင်းရင်
ကျုပ်အရောင်တွေ ဗျင်းခံရတော့မယ် .....

ဟုတ်တယ်
ကျုပ်နောက်မှာ
ကျုပ်ရဲ့ အရောင်တွေ အသေချာရှိတယ် .....

ဒါပါပဲဗျာ
ဆိုးမွေတော့ ခံစား
ကောင်းမွေကျ စံစားခွင့် မရှိတာ
လောကရဲ့နိယာမတဲ့ လား .....

ဟင်း ဟင်း ဟင်း ...

အဲဒါဆိုရင်တော့
ခင်ဗျားတို့လောက က
သိပ်အတ္တကြီးတာ ပဲ ဗျာ ........... ။

(ရုပ်ဆိုး)

ကဗျားဟောင်း တစ်ပုဒ်ပါ