ဘာလိုလိုနဲ့ (၆၉) နှစ်မြောက် ဖက်ဆစ်တော်လှန်ရေးနေ့(တပ်မတော်နေ့) ကို ရောက်ရှိလာပါပြီ။
ကျနော် စစ်မှုထမ်းခဲ့တဲ့ ကာလတလျှောက်မှာ တော်လှန်ရေးနေ့စစ်ရေးပြကို ရင်ခုံလှိုက်မော ဖြစ်စရာ ကောင်းလောက်အောင် ပါဝင်ရတဲ့ အတွေ့အကြုံမရှိခဲ့ပါဘူး။ မှတ်မှတ်ရရ (၄၉) နှစ်မြောက် တော်လှန်ရေးနေ့ စစ်ရေးပြအခမ်းအနားကို ပြင်ဦးလွင်တပ်နယ်စစ်ရေးပြမှာ ပါဝင်ခဲ့ဖူးတာလောက်ပဲ ရှိပါတယ်။ တပ်သားသစ် အခြေခံသင်တန်း တက်ရောက်စဉ်က (၄၈) နှစ်မြောက်တော်လှန်ရေးနေ့ စစ်ရေးပြအခမ်းအနားကို အရှေ့တောင်တိုင်း စစ်ဌာနချုပ်မှာ ကြုံခဲ့ပေမဲ့ တပ်စုတာဝန်ခံဆရာရဲ့ ‘စစ်ရေးပြညံ့’ ဆိုတဲ့ မှတ်ချက်ကြောင့် ပါဝင်ခွင့်မရခဲ့ပါ။
ဘာပဲဖြစ်ဖြစ်ပေါ့လေ အခု ရောက်လာတော့မယ့် (၆၉) နှစ်မြောက် တော်လှန်ရေးနေ့စစ်ရေးပြ အခမ်းအနားဟာ တပ်မတော်ရဲ့ သမိုင်းမှာ ထူးခြားတဲ့နှစ်တနှစ်ဖြစ်မှာ သေချာပါတယ်။ စစ်ရေးပြအခမ်းအနားမတိုင်မီကတည်းက တပ်မတော် (ကြည်း/ရေ/လေ) တပ်ဖွဲ့အလိုက်ရော ပူးတွဲလေ့ကျင့်မှုတွေပါ ပြုလုပ်ပြီး ဖြစ်တာမို့ တပ်မတော်ရဲ့ စွမ်းပကား ခေတ်မီတိုးတက်လာမှုကို ပေါ်ပေါ်ထင်ထင်ပဲ တွေ့မြင်လိုက်ရပါတယ်။
တနည်းပြောရရင်တော့ ဒါတွေဟာ အရင်အစိုးရလက်ထက်ကတည်းက တည်ဆောက်မှုတွေရဲ့ အရှိန်အဟုန် ဆက်လက်တိုးတက်နေမှုလို့လည်း ဆိုနိုင်ပါတယ်။ တပ်မတော်(ရေ)မှာ အသစ်စက်စက် အသုံးပြုနေတဲ့ ၁၀၈ မီတာ ဖရီဂိတ်စစ်ရေယာဉ်တွေဟာ ၂၀၀၄-၂၀၀၅ လောက်က စတင် ဧရာခင်းတည်ဆောက်ခဲ့တာ ဖြစ်ပါတယ်။ အဲဒီတုန်းကတော့ ကျနော်တို့ကိုယ်တိုင် ကုန်တင်ရေယာဉ် (Cargo Ship) အဖြစ်လောက်ပဲ သိထားခဲ့တာပါ။ ဒီနောက်ပိုင်း တည်ဆောက်တဲ့ စစ်ရေယာဉ်တွေဟာ အရင်ကရှိပြီးသား စစ်ရေယာဉ်တွေထက် စက်ပိုင်းဆိုင်ရာ ၊ အီလက်ထရောနစ်နဲ့ လက်နက်ပိုင်းဆိုင်ရာ စနစ်တွေမှာ သာလွန်ကောင်းမွန်မယ်လို့ ယုံကြည်မိပါတယ်။
တိုင်းပြည်တပြည်မှာ ကာကွယ်ရေးအင်အား ခိုင်မာတောင့်တင်းလာတာ ကောင်းမွန်တဲ့ လက္ခဏာတရပ်ပါ။ သို့သော်လည်း အဲဒီ ကဏ္ဍတခုတည်း ချွန်နေလို့တော့ မဖြစ်ပါ။ ကျန်တဲ့ ကဏ္ဍတွေလည်း ဘက်စုံဟန်ချက်ညီ ဖွံ့ဖြိုးတိုးတက်ဖို့ လိုပါတယ်။ နို့မို့ဆိုရင် လက်မောင်းအားတွေသာ ဖွံ့ထွားပြီး ခါးသေးအောက်ရှူး ကြည့်လို့ မကောင်းတဲ့ လူတယောက်လို ဖြစ်နေမှာပဲ။ သို့သော်လည်း ခေတ်ကာလအခြေအနေတခုအရ ကာကွယ်ရေး အင်အားကို ဦးစားပေးတည်ဆောက်ခဲ့တာနဲ့ ပတ်သက်ပြီး အပြစ်မြင်နေလို့ သိပ်မထူးတော့ပါ။ ရရှိထားပြီးသား အင်အားတွေကို တိုင်းပြည်အတွက် ကောင်းကျိုးဖြစ်ထွန်းအောင် အသုံးချနိုင်ဖို့သာ လုံးပမ်းကြရပါတော့မယ်။
လက်ရှိ ဖြစ်ပေါ်နေတဲ့ အခြေအနေတွေနဲ့အတူ ဘင်္ဂလားဒေ့ရ်ှနိုင်ငံက သတင်းစာတစောင်ရဲ့ သွေးတိုးစမ်း ရန်စမှုကို အလေးထား စဉ်းစားရပါမယ်။ ဒါဟာ တိုင်းပြည်တပြည်ရဲ့ အချုပ်အခြာအာဏာပိုင်စိုးမှုကို တိုက်ရိုက် ထိပါး လာတာပါ။ ကျနော်တို့ဟာ ခေတ်သစ်လူနေမှုပုံစံအရ ဘယ်လောက်ပဲ ကမ္ဘာ့လူသားဆန်တယ်ပြောပြော ဘယ်လိုပဲ ကူးလူးဆက်ဆံမှုတွေ ရှိတယ်ဆိုဆို နိုင်ငံတခုချင်းရဲ့ အချုပ်အခြာအာဏာပိုင်ဆိုင်မှုကို လစ်လျူရှု မျက်ကွယ်ပြု မရနိုင်ပါ။ ဘယ်နိုင်ငံမှလည်း မိမိပိုင်နယ်မြေကို ဖဲ့ပေးရလောက်အောင်ထိ သဘောကောင်းမှာ မဟုတ်ပါ။ ခုဟာက ကျနော်တို့ပိုင်မြေစစ်စစ်။ သူများဆီက မတရားသိမ်းပိုက်ထားတဲ့ နယ်မြေမဟုတ်ပါ။ အရင် ရှေးမြန်မာမင်းများဖြစ်တဲ့ တောင်ငူလက်ထက် ကုန်းဘောင်လက်ထက်က ပိုင်ဆိုင်ခဲ့တာတွေကို မလိုချင်ပါ။ ယခုလက်ရှိပိုင်ဆိုင်ထားတဲ့ နယ်မြေကိုပဲ တန်ဖိုးထားပါတယ်။ အလားတူ ဖြစ်ရပ်မျိုး ‘ဝ’ ဒေသမှာလည်း ကြုံလာရ နိုင်ပါတယ်။ ဒီကိစ္စတွေမှာ အစိုးရဟာ တာဝန်အရှိဆုံးပါ။ အစိုးရ အနေနဲ့ ပြတ်ပြတ်သားသား ကိုင်တွယ် ဖြေရှင်းဖို့ တာဝန်ရှိပါတယ်။ အစိုးရနောက်မှာ တိုင်းသူပြည်သားတွေက အညီအညွှတ် လိုက်ပါ ဆောင်ရွက် ရမှာဖြစ်ပါတယ်။
လူဟာ အစုအဖွဲ့ နဲ့နေထိုင်တတ်တဲ့ သတ္တဝါပီပီ ကိုယ်နဲ့သက်ဆိုင်တဲ့ အစုအဖွဲ့ရဲ့ အကျိုးစီးပွားကို ကာကွယ် စောင့်ရှောက်ပါတယ်။ စာသင်ကျောင်းတကျောင်းမှာ ကျောင်းစည်းရိုးကို အခိုင်အမာကာရပါတယ်။ ကျောင်းသား တယောက်ကို ဝင်ရောက် ထိခိုက်စော်ကားခြင်းခံရတာဟာ အဲဒီကျောင်းမှာ ရှိတဲ့ ဆရာ ကျောင်းသား အားလုံးနဲ့ သက်ဆိုင် ပါတယ်။ ကျေးရွာတရွာမှာလည်း ရွာစည်းရိုးကို အသေအချာကာရံ စောင့်ရှောက်ရပါတယ်။ ရွာသားတယောက် ကျားဆွဲခံရတာဟာ ရွာသားအားလုံးအတွက် အန္တရာယ် ခြိမ်းခြောက်ခံရတာပါပဲ။ ဒီလိုပဲ တိုင်းပြည်မြေနေရာ ဘယ်နေရာကပဲ့ပဲ့ တိုင်းပြည်တခုလုံး နစ်နာတာပါပဲ။ ကျနော်တို့ ရေးဆွဲနေကျ နိုင်ငံရဲ့ ပထဝီမြေပုံလေး မျဉ်းကြောင်း ပြောင်းပြီးဆွဲဖို့ ဘယ်ကျောင်းသားမှ အလိုရှိမှာ မဟုတ်ပါဘူး။
ဒီလိုဟာတွေက ဒီအစိုးရလက်ထက်မှ ဖြစ်မှာမဟုတ်ပါဘူး။ အရင်အစိုးရတွေလည်းကြုံခဲ့ရပြီး နောင်တက်မယ့် အစိုးရအဆက်ဆက်တွေလည်း ကြုံတွေ့ရမယ့် ပြဿနာတွေဖြစ်ပါတယ်။ သမိုင်းဆိုင်ရာ ပြဿနာတွေကို ဖြေရှင်းရာမှာ အတိတ်က မှားယွင်းခဲ့တာတွေကို အတာချအပြစ်ပုံနေရုံနဲ့ ပြေလည်မှာ မဟုတ်ပါ။ အရင်လူ လုပ်သွားတာ သူ့သမိုင်းနဲ့ပါသွားပြီ။ ကိုယ်လက်ထက်မှာ ကိုယ့်သမိုင်းကို တာဝန်ကျေဖို့ အဓိကကျပါတယ်။ တိုင်းပြည်နဲ့ခြုံပြီး ပတ်သက်တဲ့ကိစ္စမို့ ခေါင်းဆောင်တွေရဲ့ စိတ်ဓာတ်နဲ့ အဆုံးအဖြတ်က အရေးကြီးပါတယ်။ တိုင်းပြည်အန္တရာယ်ဆိုတာ အရပ်မျက်နှာပေါင်းစုံကနေ အချိန်မရွေး ကြုံတွေ့လာနိုင်တာဖြစ်ပါတယ်။
ကျနော့်တကိုယ်ရေ အနေနဲ့ မတူညီမှုတွေကြားမှာ အတော်နေသားကျနေပါပြီ။ ကိုယ်နဲ့မတူတဲ့ အခြား ဘယ်လူမျိုး ဘယ်ဘာသာကိုမှ စော်ကားလိုစိတ် မထားရှိပါ။ တခါတရံ ကိုယ်ပြောလိုက် ရေးလိုက်တာက မရည်ရွယ်ပဲ တဖက်သားအပေါ် ထိခိုက်ခံစားသွားရတာရှိတဲ့အခါ သူကျေနပ်တဲ့အထိ တောင်းပန်ဖို့လည်း ဝန်မလေးပါ။ တခုတော့ ရှိပါတယ်။ သူ့ဘက်က လူမျိုး ဘာသာ စွဲပြီး ကိုယ့်ကို အထင်သေးအမြင်သေး ပြုမူလာတယ်ဆိုရင်တော့ အဲဒီလူနဲ့ ဆက်ဆံရေး ရပ်တန့်လိုက်ပါတယ်။
ကျနော် နားလည်မိသလောက် ယဉ်ကျေးမှုတွေ ကူးလူးဆက်ဆံတယ် ဆိုတဲ့နေရာမှာ ဘာသာစကားအရ ရိုးရှင်း လွယ်ကူပါတယ်။ ဘာသာတရားအရ မှာတော့ ငြိမ်းချမ်းစွာ အတူယှဉ်တွဲ နေထိုင်ဖို့လောက်ပဲဖြစ်မှာပါ။ ဒါကြောင့် ကိုယ်ယုံကြည်ကိုးကွယ်ရာ ဘာသာတရားကို လူမှုဆက်ဆံရေးလောကမှာ ရှေ့တန်းမတင်မိဖို့ ဂရုပြုနေထိုင်ပါတယ်။ ကျနော်တို့ ယုံကြည်မှုအရလည်း ဘာသာ သာသနာဟာ တမလွန်နဲ့ သံသရာအတွက် စိတ်ချရဖို့ ရည်စူးတဲ့ ကျင့်ကြံအားထုတ်မှုပါ။ လောကုတ္တရာ ဥာဏ်ရဖို့ ရည်သန်ပါတယ်။ လောကီမှာ ဟိတ်ဟန် ထုတ်ဖို့ မဟုတ်ပါ။ လောကီအကျိုးစီးပွားဆိုတာ ကျွဲကူးရေပါ သဘောမျှသာ ဖြစ်ပါတယ်။
ဘင်္ဂလီအရေးအတွက် မွတ်ဆလင်ဘာသာဝင်တွေကို ကျနော်တို့ မုန်းတီးဖို့မလိုပါ။ ဒါက လူမျိုးရေး ဘာသာရေးကို အခြေခံတာမဟုတ်ဘဲ လူဝင်မှုကြီးကြပ်ရေး ပြဿနာ သက်သက်။ တရားမဝင် ခိုးဝင်တဲ့ ကိစ္စကိုပဲ သတ်မှတ် ဦးတည်ရမယ့်ဟာပါ။ ဖြစ်နိုင်ရင် ခိုးဝင်လာသူဟာ ဗုဒ္ဓဘာသာဝင်ပင် ဖြစ်နေပါစေအုံး လူဝင်မှုကြီးကြပ်ရေး ဥပဒေအရ ပြတ်ပြတ်သားသားကိုင်တွယ်ရမယ့် ကိစ္စ။ ခိုးဝင်တဲ့ အရေးမှာ အကျင့်ပျက် လာဘ်စားတဲ့ တာဝန်ရှိသူကို ပြင်းပြင်းထန်ထန်အရေးဆိုရမှာ ဖြစ်သလို ခိုးဝင်လာသူကိုလည်း လက်ပိုက်ကြည့် နေလို့မရပါ။ လူသားချင်းစာနာမှုနဲ့ လူဝင်မှုကြီးကြပ်ရေးဥပဒေက သပ်သပ်စီ ခြားနားပါတယ်။ ဒုက္ခရောက်လာတဲ့ လူကို စာနာသမှုနဲ့ ခိုလှုံခွင့်ပေးလို့ရတယ်။ ကူညီထောက်ပံ့လို့ရတယ်။ ဒါပေမဲ့ လူဝင်မှုကြီးကြပ်ရေးဥပဒေအရ စီစစ်ရတာကိုတော့ ခံယူကြရမှာပါ။
ထိုင်းမှာလည်း ဒီလိုလုပ်တာပါပဲ။ သူ့နိုင်ငံထဲ ရောက်လာသူမှန်သမျှကို သဘောထားကြီးစွာနဲ့ ဒုက္ခသည်အဖြစ် အကုန်သိမ်းကျုံးလက်ခံတာမဟုတ်။ ထိုင်းပြည်ထဲရေးက စီစစ် စစ်ဆေးပြီး ကျေနပ်မှ သူတို့ သတ်မှတ်ပေးထား တဲ့ နေရာမှာ နေကြရတာ။ အဲဒီလိုနေတဲ့ကာလအတွင်း မိသားစု စားရေးဝတ်ရေးအတွက် ထိုင်းတောင်သူတွေ၊ အလုပ်ရှင်တွေဆီမှာ အလုပ်ထွက်လုပ်တဲ့အခါ စိတ်ကောင်းရှိတဲ့ အလုပ်ရှင်က လုပ်အားခမှန်မှန်ပေးပေမဲ့ စိတ်ဓာတ်မကောင်းတဲ့ အလုပ်ရှင်ဆိုရင် ခေါင်းပုံဖြတ် ကလိမ်ကကျစ်ကျလည်း ခံရတာပဲ။ ကိုယ့်ဘက်က အရေးဆိုခွင့် မရှိဘူး။ ဘာလို့ဆို ကိုယ့်မှာ တရားဝင် အလုပ်လုပ်ခွင့်လက်မှတ် မရှိလို့။
ထိုင်းမှာ တောင်ပေါ် တိုင်းရင်းသားအဖြစ် အသိအမှတ်ပြုခံထားရတဲ့ ကရင်လူမျိုးအများစုဟာ တချိန်က ထိုင်းနိုင်ငံအတွက် စစ်တိုက်ပေးခဲ့သူတွေဖြစ်တယ်လို့ သိရပါတယ်။ သူတို့က မွေးဖွားလာတဲ့ သားသမီးတွေ ဟာလည်း ထိုင်းစာသင်ကျောင်း တွေမှာ ပညာသင်ကြားပြီး ဒေသဆိုင်ရာ ထိုင်းပြည်သူ့စစ်တပ်ဖွဲ့ ၊ သစ်တောထိန်းသိမ်း စောင့်ရှောက်ရေး နဲ့ ထိုင်းတပ်မတော် တွေမှာ ပါဝင်အမှုထမ်းနေတာ တွေ့ရပါတယ်။
မြန်မာပြည်ထဲမှာ ကာလတာရှည် ရောက်ရှိနေထိုင်နေတဲ့ ဘင်္ဂလီတွေအနေနဲ့ မြန်မာနိုင်ငံရဲ့ နိုင်ငံသားဖြစ်မှု ဥပဒေအရ နိုင်ငံသား ဖြစ်ပိုင်ခွင့်ရှိတယ်။ နိုင်ငံသားဖြစ်ပြီးတဲ့အခါ ဒီနိုင်ငံက ပြဌာန်းထားတဲ့ဥပဒေနဲ့အညီ လိုက်နာ နေထိုင်နိုင်ဖို့ လိုပါတယ်။ နိုင်ငံသားအခွင့်အရေး နစ်နာတယ်လို့ယူဆရင် ဥပဒေအရ အရေးဆို နိုင်တယ်။ ကိုယ့်ဘက်ကလည်း ဒီနိုင်ငံရဲ့ အချုပ်အခြာအာဏာပိုင်စိုးမှုကို အသက်ပေးကာကွယ်ဖို့ တာဝန်ရှိ ပါတယ်။ ပတ်စ်ပို့ကိုင်စရာ မလိုဘဲ တကမ္ဘာလုံး လှည့်လည်သွားလာခွင့်ရတဲ့ အချိန်ကျရင်တော့ လူတိုင်း ကိုယ်ကြိုက်တဲ့နေရာမှာ ပျော်သလောက် နေနိုင်ကြမှာပဲ။
ကျနော်တို့အနေနဲ့ ပြည်တွင်းရေးရာတွေမှာ အမြင်မတူတာတွေကို ကွဲလွဲခွင့်ရှိတယ်၊ တောင်းဆိုဆန္ဒပြပိုင်ခွင့် ရှိတယ်။ ဆန့်ကျင်ပိုင်ခွင့်ရှိတယ်။ တနိုင်ငံလုံးနဲ့ဆိုင်တဲ့ အချုပ်အခြာပိုင်ဆိုင်မှု ထိပါးတဲ့ ကိစ္စမျိုးမှာတော့ အားလုံး စည်းလုံးညီညွှတ်ကြမှ အင်အားရှိမယ်။ သူတမျိုးငါတဖုံ ကွဲပြားနေကြရင် တဖက်လာဖိမယ့် ဒလိမ့်တုန်း အောက်မှာ ပြားပြားမှောက်ခံရဖို့ပဲ ရှိတယ်။ ကြွက်ထောင်ချောက် ဥပမာလို သူပြီးရင် ကိုယ့်အလှည့်ရောက် လာမယ်။ အခု ဘင်္ဂလားမီဒီယာရဲ့ လုပ်ရပ်က သွေးတိုးစမ်း ထိပါးလိုက်တာပဲ။ ခုချိန်ထိ တဦးနဲ့တဦး တဖွဲ့နဲ့တဖွဲ့ လက်ညှိုးထိုး အပြစ်ရှာလို့ ရနေသေးတယ်။ တကယ်လက်တွေ့ ဖြစ်လာတဲ့အချိန်ကျရင် တွဲရေးခွဲရေး ပြဿနာ တုန်းကလို မဲခွဲဆုံးဖြတ်ဖို့အချိန်ရတော့မှာ မဟုတ်ဘူး။ မလိုက်တဲ့လူ လက်တွဲဖြုတ်ချန်ခဲ့ဖို့ အခွင့်အရေးပဲ ရတော့မှာ။ သမ္မတကစပြီး ပြည်သူအထိ မလိုက်တဲ့လူ ကျန်ခဲ့ပေတော့။
ရောက်လာတော့မယ့် (၆၉) နှစ်မြောက် ဖက်ဆစ်တော်လှန်ရေးနေ့မှာ တတိုင်းပြည်လုံး လူမျိုးစုံ၊ ဘာသာစုံ ၊ အလွှာစုံ သွေးစည်းညီညွှတ်ရေးအတွက် အလေးအနက် ဦးတည် အဓိဌာန်ပြုနိုင်ကြဖို့ ဆုမွန်ကောင်းတောင်း ခြွေလိုက်ပါတယ်။
နေမင်းသူ
၂၃-၃-၂၀၁၄