ရွတ်တို့မြေမှာခဏတာ(၃)

Image may be NSFW.
Clik here to view. သံပြိုင်သီချင်းဆိုနေသောကျောင်းသား/ကျောင်းသူလေးများ

သံပြိုင်သီချင်းဆိုနေသောကျောင်းသား/ကျောင်းသူလေးများ
မမ ဝဝ ထထ က

ဒီနေ့ မြစ်ကမ်းနဘေး ပြေးပြီး ပြန်လာတော့ ဝယ်စရာပစ္စည်းလေးရှိတာနဲ့ ဈေးဆိုင်ပါတယ်တခါတည်း ဝင် ခဲ့ လိုက် တယ် ။ ကျွန်တော် ဆိုင်ထဲက နေ ဈေးဝယ်ပြီး ပစ္စည်း အိတ်လေးဆွဲပြီး ကိုယ့် အတွေးလေးနဲ့ ကိုယ် ခေါင်းလေး ငိုက်စိုက် ငိုက်စိုက် နဲ့ ထွက်လာတာပေါ့ ။ ပတ်ဝန်းကျင်ကိုလည်း သတိမထားမိပါ ဘူး ..။ ကျွန်တော့် ရှေ့မှာ လူရိပ် နှစ်ခု က ရောက်လာပြီး ပိတ်ရပ် နေတယ် ။ ကျွန်တော်က တိုက်မိမှာ စိုးလို့ ဘေးကို ကပ်မယ်လုပ်တော့ “မင်္ဂလာပါ” ဆိုတဲ့ အသံကို ပီပီသသ ကြားလိုက်ရတယ် ။ ကျွန်တော်မော့ ကြည့် လိုက်တော့ မျက်နှာ ခန့်ခန့် ညားညား နဲ့ လူကြီးတစ်ယောက် ရယ် ၊ ကောင်မလေး ခပ် ငယ်ငယ်တစ်ယောက် ရယ်က ကျွန်တော့်ကိုလာနှုတ်ဆက်နေတာ ။ ကျွန်တော် လည်း “မင်္ဂလာပါ” လို့ ပါးစပ်က ရုတ်တရက်ထွက်သွားပြီး ကြောင်ကြည့်နေမိတယ် ။ ပြီးတော့ သူ က ရုရှားလို စပြောပါတယ် ။

“မင်း ငါတို့ ကို မမှတ်မိဘူးလား .. ငါတို့ မြို့ထဲက ကျောင်းမှာ မင်းတို့ မြန်မာစကားသင်တုန်းက ရှိနေခဲ့တယ်လေ” တဲ့ ။

စစ ချင်းတော့ ရုတ်တရက် မမှတ်မိဘူး ။ နောက်မှ

“သြော်.. ဟုတ်ကဲ့ ..ကျွန်တော်မှတ်မိပါပြီ” ဆိုတော့ သူကဆက်ပြောတယ်။

“ အဲတုန်းက မင်းတို့ သင်ပေးတဲ့ ကဗျာလေး ကို ငါမှတ်မိနေတယ် ...

မမ ဝဝ ထထ က ၊ အကပထမ

ကပါ ကပါ မမရာ ၊ ညည လသာသာ ၊

ညအခါ ငါစာရ ၊ မမ ဝဝ ထထ က ” ဆိုပြီး ကျွန်တော်တို့ သင်ပေးခဲ့ တဲ့ သူငယ်တန်းကဗျာလေးကို အသဲ ဝဲ ဝဲ နဲ့ ရွတ်ပြပါတယ် ။

“ သြော် … ဟုတ်ကဲ့ခင်ဗျ ” လို့ ကျွန်တော်က အလိုက်သင့်ပြောတော့ …

“ ငါ က ထိုင်း နိုင်ငံကို အလုပ်ကိစ္စ နဲ့ အမြဲလိုလိုရောက်ဖြစ်တယ် ..ဒါပေမဲ့ ထိုင်နိုင်ငံ ဘေးမှာ အဲလောက် လှတဲ့ နိုင်ငံ ရှိမှန်းငါမသိဘူး ..ဒီတခါ ငါ မြန်မာနိုင်ငံ ကိုပါ အရောက်သွားဦးမှာပါ ” ဆိုပြီးသူ ကဆက်ပြေတယ် ။

“ဟုတ်ကဲ့ ..ကြိုဆိုပါတယ်ခင်ဗျာ” လို့ ကျွန်တော်က ပြောပြီးတော့ နှုတ်ဆက်ခဲ့တယ် ။

          ဟုတ်ပါတယ် ။ ပြီးခဲ့ တဲ့ ဆောင်း ရာသီ စ ခါစလောက် ကဖြစ်မယ် ထင်တယ် ကျွန်တော်တို့ မြန်မာကျောင်းသားတွေကို စတိတ်ကျောင်းတစ်ခု က ကျင်းပတဲ့ ဘာသာစကားပွဲတော်မှာ မြန်မာဘာသာစကား နဲ့ မြန်မာအကြောင်းပြောပေးဖို့ ကျွန်တော်တို့ တက္ကသိုလ် က ကျောင်းဒါရိုက်တာကနေ တဆင့် ဖိတ်ပါတယ် ။ ကျွန်တော်တို့ က မြန်မာလူမျိုး ဖြစ်တာ ကလွဲလို့ စာသင်ဖူးတဲ့ အတွေ့ကြုံလည်းမရှိပါဘူး ။ နောက်ဖျော်ဖြေရေးအစီစဉ်မှာသူတို့က မြန်မာရိုးရာ အကဖြစ်ဖြစ် ၊ သီချင်းဖြစ်ဖြစ် ဖျော်ဖြေပေးဖို့လည်း တောင်းဆိုပါတယ်။ ရှိတဲ့ ကျောင်းသားတွေ မှာကလည်း အနုပညာ နဲ့ ပက်သက်လို့ ဖြစ်ဖြစ်မြောက်မြောက် အစွမ်းအစ ရှိတဲ့ သူ က မရှိဘူး ။ လူနည်းတာလည်းပါ တာပေါ့ ။ အဲဒါနဲ့ ပဲ ရှိတဲ့ လူအားလုံးကို ကိုယ်စီတာဝန်ခွဲပြီး ၊ ဘယ်သူက တော့ ဖြေဖျော်ရေးတာဝန်ယူ ၊ ဘယ်သူကစာသင် ၊ ဘယ်သူက မြန်မာအကြောင်းပြော ဆိုပြီး ကိုယ်စီတာဝန်လေးတွေခွဲပြီး စတိတ်ကျောင်းကို ချီတက်သွားကြပါတယ် ။

          ဟိုရောက်သွားတော့ အထက်တန်း အဆင့် ကျောင်းဆိုပေမဲ့ စားသောက်ခန်း ၊ အားကစားခန်း ၊ အားကစားကွင်း ၊ စာကြည့်တိုက် ၊ လက်တွေ့ ခန်း ၊ ကွန်ပျူတာခန်း ၊ audio control အခန်းတွေ နဲ့ ပြည့်ပြည့်စုံစုံ ရှိနေပါတယ် ။ ဘာသာစကား ပွဲတော်မှာ ပါဝင် ကြမဲ့ ဘာသာစကား တွေကလည်းအမျိုးမျိုးပါပဲ ။ ဂျာမန် ၊ ပြင်သစ် ၊ အင်္ဂလိပ် ၊ ခေတ်ဟောင်းအင်္ဂလိပ် ၊ သြစတြီးယား ၊ ရုရှား ၊ ရှေးဟောင်းရုရှား ၊ ဆီးရီးယား ၊ တရုတ် ၊ ကိုးရီးယား ၊ ဂျပန် ၊ မြန်မာ တွေ အပြင် စက်ရုပ် တွေ မှာ အသုံးပြုတဲ့ artificial language ဆိုတာ မျိုး တွေလည်းပါဝင်ပါတယ် ။ ကျောင်းမှာရှိ တဲ့ အခန်းတွေ ကို အချိနလိုက် ခွဲ ပြီး တော့ တစ်ချိန်ကို မိနစ် ၄၀ နဲ့ ဘာသာစကားသင်ပေးရပါတယ် ။ ကျွန်တော်တို့ အတွက် ၂ ချိန်စာ မိနစ် ၈၀ ရတယ် ။

အဲဒီအချိန် အတွင်း မှာပဲ ကိုယ့် သင်မဲ့ ဘာသာစကား ကို အကျဉ်းချုံး နဲ့ စိတ်ဝင်စားအောင် သင်ရတာပေါ့ ။ သင်ရမဲ့ အချိန် မရောက်ခင်မှာ တခြားဘာသာစကား တွေကိုသွားနားထောင်လို့ရသလို ၊ သူတို့ အလှည့်ပြီးသွားတဲ့ခါမှာလည်း ကျွန်တော်တို့ဆီကိုလာနားထောင်တာမျိုးတွေရှိတယ် ။ ကျောင်းက ကျောင်းသား ၊ ကျောင်းသူတွေ ၊ ကျောင်းသားမိဘတွေကလည်း ကိုယ်စိတ်ဝင်စားတဲ့ ဘာသာစကား အလိုက် အခန်းတွေ သွားပြီး ဘာသာစကား သင်ခန်းစာတွေ သွားနားထောင်ကြတယ် ။ ကျွန်တော် လည်း ကိုယ်သင်မဲ့အချိန်မရောက်သေးခင်မှာ ပြင်သစ် ၊ ဂျပန် နဲ့ artificial language ခန်းတွေကို သွားပြီး နားထောင်ခဲ့သေးတယ် ။

          နောက် ကျွန်တော်တို့ အချိန်ရောက် တော့ စာသင်ခန်းထဲမှာ ပရိုဂျက်တာလေး နဲ့ ဆလိုက်ရှိုး လေး ပြပြီး တော့ ညီလေး တစ်ယောက်ကနေ မြန်မာနိုင်ငံအကြောင်းစ မိတ်ဆက်တယ် ။ ဘယ် နေရာမှာရှိပါတယ် ၊ ဘာ နိုင်ငံလို့ ခေါ်ပါတယ် ။ တိုင်းရင်းသား ဘယ်နှမျိုးရှိပါတယ် ၊ လူဦးရောဘယ်လောက် နဲ့ ဘာဘာသာစကားပြောပါတယ်..စသဖြင့်ပေါ့ ။ နောက်တော့ ဓာတ်ပုံလေးတွေ နဲ့ မြန်မာက အထင်ကရနေရာလးတွေ ပြ ပေါ့ ။ အဲဒါပြီးတော့ ကျွန်တော် ရယ် နောင်တော် တစ်ယောက်ရယ်က မြန်မာဗျည်း နဲ့ သရ ကို စ သင်တယ် ။ ဘယ်လိုရေး ရတယ် ၊ ဘယ်လို အသံ ထွက်တယ် ဆိုတာ ကို ကိုယ် က ရှေ့ကနေ ချပေးလိုက် ၊ သူတို့ က လိုက်ဆိုလိုက်ပေါ့ ။ အဲဒါပြီးတော့ အာရုံညောင်း တာ ဖြေပြီး သား ဖြစ်အောင်ဆိုပြီး သူငယ်ချင်း နဲ့ ညီငယ်တစ်ယောက် ကနေ … မ မ ဝ ဝ ၊ ထ ထ က ၊ အ က ပ ထ မ ဆို တဲ့ ကဗျာ လေး ကို ဂစ်တာ လေး တီးပြီး ဆို ပြတယ် ။ ပြီးတော့ စာသင်ခန်း ထဲ က ကျောင်းသား တွေ ၊ ဆရာ တွေ နဲ့ ကျောင်းသားမိဘ တွေ က ပါ လိုက် ဆိုတယ် ။ နောက်တော့ သူတို့ ချည်း ပဲ ဆိုတယ် ။ ကျေနပ် စရာ ကောင်းသလို ပျော်ဖို့ လည်း ကောင်းတယ် ။

          အဲဒါ လေး ပြီးတော့ အာရုံလေး ပြေသွားတော့ မြန်မာစကား သင်တယ် ။ လူသုံး များတဲ့ စကားလုံးတွေပေါ့ … ဖေဖေ ၊ မေမေ ၊ ကိုကို ၊ မမ ၊ မင်္ဂလာပါ ၊ နေကောင်းလား ၊ ကျန်းမာပါစေ ၊ ချစ်တယ် ၊ မချစ်ဘူး ၊ စသဖြင့် မှတ်မိလွယ် မဲ့ စကားလုံးလေး တွေ ကို ရုရှား လို နဲ့ရှင်း ပြ ပြီး သင်ပေးတယ် ။ သူတို့ အချင်းချင်း တစ်ယောက် နဲ့ တစ်ယောက် ပြောကြည့် ခိုင်းတယ် ။ အဲဒါ တွေ ပြီးတော့ မြန်မာ ကျောင်းသားတွေ အားလုံး ပေါင်းပြီးတော့ မြန်မာသီးချင်း တစ်ပုဒ် ဆိုပြတယ် ။ ဂစ်တာ တီးပြီးတော့ပေါ့ ။ နောက် ရုရှားကျောင်းသားတွေ ရော ၊ မြန်မာတွေရော ရောပြီးတော့ ရုရှားသီးချင်းတစ်ပုဒ် အတူတူ ဆိုကြတယ် ။ သီချင်းဆိုပြီးတော့ အဲဒီနေ့ သင်ပေးလိုက်တဲ့ မြန်မာဘာသာစကားနဲ့ ပက်သက်တဲ့ အနှစ်ချုပ်လေးတွေ ပြန်ပြော ပြတယ်။ မြန်မာစကား လို့ ဆိုလိုက် တာနဲ့ တန်းသိနေရမဲ့ အကျဉ်းချုပ်အချက်လေးတွေပေါ့ ။ ပြီးတော့ သူတို့ မေး ချင်တာလေးတွေ မေးခိုင်းတယ် ။ ဆရာ ဆရာမ တွေကော ၊ ကျောင်းသူ ကျောင်းသားတွေရော သူတို့သိချင်တာလေးတွေ မေးကြတယ် ။ အဲဒီ ထဲ မှာ မှ ကျောင်းသူလေးတစ်ယောက်က ထ မေးတယ် ။ မြန်မာအက္ခရာတွေ ဟာ ပါဠိဘာသာ က ယူထားတယ်ဆိုလို့ ပါဠိဘာသာစကား ကို ဘယ်ချိန်လောက်က စ ပြောခဲ့ကြတာလဲတဲ့ ။ ကျွန်တော်တို့ မဖြေနိုင်ပါဘူး ။ တိကျတဲ့ အဖြေ မပေးနိုင်ခဲ့ဘူး ။ ရှေးနှစ်ပေါင်းများစွာ တည်း က သုံးစွဲခဲ့တယ် ဆိုတာလောက်ပဲ ပြန်ဖြေပေးခဲ့ရတယ် ။

          စာသင်ပြီးတော့ ကျောင်း က ထမင်းစားခန်းမှာပဲ နေ့လည်စာကျွေးပါတယ် ။ ကျောင်း က ကျောင်းသူကျောင်းသားတွေ ကျွေးတဲ့ တိုင်းကျွေးတာပါ ။ ပမာ ဏ နည်းပေ မဲ့ ..ပေါင်မုန့် ၊ အာလူး ၊ အသီးရွက် ၊ အသား(ငါး)၊ အသီး ၊ ဖျော်ရည် .. စတဲ့ လူ အတွက် လိုအပ်တဲ့ အာဟာရ အားလုံးပါအောင် ပေးတဲ့ ပုံစံ ကျွေးမွေးတာပါ ။

          အဲဒီနောက်တော့ ကျောင်းရဲ့ ခန်းမ ထဲမှာ နိုင်ငံ ရိုးရာအကတွေ နဲ့ ဖျော်ဖြေ ကြတယ် ။ တစ်ယောက်တည်း သီချင်း ဆိုတဲ့ နိုင်ငံ ကလည်း ဆိုပေါ့ ။ တချို့ အကတွေ ၊ ရိုးရာ ဝတ်စုံတွေ ဆို ကျွန်တော်တို့ တောင် မမြင်ဖူးပါဘူး ။ ကိုယ်စီ ကိုယ်စီ ၊ မျက်စိထဲမှာ အမြင်ဆန်းသလို ၊ ကြည့်ရတာလည်း တကယ်ကို စိတ်လှုပ်ရှားဖို့ ကောင်းတယ် ။ မတူညီ တဲ့ ရသတွေ ကို တစ်နေရာတည်းမှာ အစုံ ခံစား ရတယ် ။ ဂျက်ဇ် ဂီတလိုမျိုးတွေ ၊ ဘဲလေးတွေ ၊ ဖိနပ်သံစည်းချက်နဲ့ ကတဲ့ အကတွေ ၊ စည်တိုလိုမျိုး တူရိယာတွေ တီးပြီးကတဲ့ အကတွေ ၊ ဗန်းလို သရေတူရိယာ ကို တီးပြီး ရော့ခ် ဆန်ဆန် က တဲ့အကတွေ ၊ ဂါဝန်ဖွားဖွား လေးတွေ နဲ့ သရုပ်ဖော်ကတဲ့ အကတွေ နဲ့ တကယ်ကို ရင်သပ်ရှုမောဖွယ်ပါပဲ ။

          အဲဒီကျောင်းမှာ သွား ခဲ့ တုန်းက အကြောင်းလေးတွေကို ကျွန်တော်ပြန်တွေးကြည့်နေမိတယ် ။ အချိန် ကာ လ အားဖြင့် တစ်ရက်တာ ၊ ဘာသာစကားတစ်ခုကို မိနစ် ၈၀ … ကျောင်းသူကျောင်းသားတွေ အတွက် ဘာမှ ပြောပလောက်အောင် တတ်ကျွမ်း သွားမှာ မဟုတ်ဘူးဆိုပေမဲ့ စိတ်ဝင်စားမှု “အစ” ကလေးတွေကိုတော့ ဆွဲ ထုတ်ပေးနိုင်မှာ အသေအချာပါပဲ ။ ပညာရေးဆိုတာ လူမှာ နဂိုရှိနေပြီးသား အသိဥာဏ်ကို ညှစ်ထုတ်ပေးရတာတဲ့ ။ ငယ်ငယ် က ကျောင်းဆိုတာ စာသင်ဖို့ ၊ အတတ်ပညာတခုခု သင်ယူဖို့ လို့ ထင်ခဲ့ ပေမဲ့ ကြီးလာတဲ့ ခါ အသိတွေ ပြောင်းလာတယ်။

ကျွန်တော့် တစ်ကိုယ်ရေအမြင်အရတော့ ကျောင်း ဆိုတာ ကျောင်းသားတွေရဲ့ စိတ်ဝင်စားမှုကို ကို နှိုးဆွပေးရတဲ့ ပတ်ဝန်းကျင်တစ်ခုပါပဲ ။ စိတ်ဝင်စားမှုကို လှုံဆော်ပေးတဲ့ ပတ်ဝန်းကျင်လည်းရှိမယ် ၊ ကိုယ်တိုင်ကလည်း စိတ်ပါဝင်စားမှု ၊အာရုံစူးစိုက်မှု တစ်ခုရှိမယ် ၊ အဲဒီ စိတ်ပါဝင်စားမှု ကို အထောက်ပံ့ ဖြစ်စေမဲ့ အရာတွေလည်းပြည့်စုံနေမယ်ဆိုရင် လူတွေ သင်လို့ မတတ် တဲ့ ပညာမရှိ ဘူးလို့ မြင်တယ် ။

          ပြီးတော့ သူတို့ ကျောင်းက ကလေးတွေ နဲ့ ကျွန်တော်တို့ ညီလေး ညီမလေးတွေ ကို နှိုင်းယှဉ် ကြည့်မိတယ် ။ ကျွန်တော်တို့ တတွေ က “တို့ဗမာ သာကီမျိုးပေမို့ မညှိုးဂုဏ်တေဇာ” လို့ အော်နေတဲ့ ကြတဲ့ ချိန်မှာ သူတို့တတွေ က တခြားတပါးသူရဲ့ ယဉ်ကျေးမှုတွေ ၊ ဘာသာစကားတွေ စိတ်ဝင်စားနေကြပြီ ။ ကျွန်တော်တို့ တတွေက တခြားနိုင်ငံ က တစ်ယောက်ယောက်က ကိုယ့်နိုင်ငံကောင်းကြောင်းပြောလို့ ၊ ကိုယ့်နိုင်ငံ ရဲ့ ယဉ်ကျေးမှု ကို အလေးထားလို့ ကျေနပ်နေကြချိန် ၊ မြန်မာကွ ၊ မြန်မာကွ လို့ ဂုဏ်ယူနေကြချိန်မှာ တခြားနိုင်ငံ က လူတွေက ကတော့ ငယ်စဉ်ဘဝတည်း က ကျွန်တော်တို့ နိုင်ငံအကြောင်းကိုရင်းနှီးနေကြပြီ ၊ ကျွန်တော်တို့ ယဉ်ကျေးမှု တွေကို အလေးထားဖို့ သင်ယူနေကြပြီ ။ ရိုးရိုးလေး စဉ်းစားကြည့်စမ်းပါ ။ ဘယ်သူတွေက active person လဲ ။ ဘယ်သူတွေက passive person လဲ ။ active person ဖြစ်သောသူကသာလျှင် subject ဆိုတဲ့ ပြုလုပ်သူ ၊ ဖန်တီးသူတွေဖြစ်တယ် ။ passive person ဖြစ်နေရင်တော့ ဦးစားပေးရှေ့က ထား ခံရရင်တောင် Object ဆိုတဲ့ ပြုလုပ်ခံရသူ ပဲဖြစ်မယ် ။

ငယ်စဉ်ဘဝ တည်းက ကိုယ့်အပြင် ဘယ်သူတွေရှိသေးလဲ ၊ မတူကွဲပြားမှုရဲ့ ရသ ဟာဘာတွေ လဲ စိတ်ဝင်စားလာအောင် လှုံ့ ဆော်ပေးခဲ့ ခြင်းမရှိပဲ နဲ့ အသက်ကြီးကာမှ လစ်ဘရယ်ဒမိုကရေစီတွေ ၊ မတူကွဲပြားမှုကိုတန်ဖိုးထားတာတွေ ၊ ကမ္ဘာနဲ့ ယဉ်ပေါင်တန်းမယ်တွေ မအော်ပါနဲ့ ။ အာတွေ သာ ပြဲ သွားမယ် ။ ရိုင်းရိုင်းပြောရရင် ခွေးကြီး မှ လက်ပေးသင် သလိုတွေ ပဲ ဖြစ်နေမှာ ပါ ။ တက္ကသိုလ်တွေ ပြောင်းလဲ ရုံ ၊ နိုင်ငံခြား က ဆရာတွေ ခေါ်သင်ရုံ နဲ့ လည်း ပညာရေးမပြောင်းလဲနိုင်ပါဘူး ။ အသက်မွေးဝမ်းကြောင်းဘာသာရပ်တွေ အသေချာသင်ကြားပြီး လူသားစက်ရုံတွေလို မွေးထုတ် နိုင်သည့်တိုင် ကမ္ဘာ နဲ့ ယာဉ်ပေါင်တန်းနိုင်လိမ့်မယ်လို့မျှော်လင့်လို့ မရသေးပါဘူး ။ ဘယ်ဘာသာရပ်ကို ဖြစ်ပါစေ ကျောင်းသားလူငယ်တွေရဲ့ စိတ်ဝင်စားမှု ကို လှုံ့ ဆော် ပေးနိုင်မဲ့ ပတ်ဝန်းကျင်တွေ ဖန်တီးပေး နိုင်မှ သာ ပညာရေးတွေ ၊ အတွေး ခေါ် တွေ ၊ လူမှု ဘဝ တွေ ပြောင်းလဲ နိုင် မှာဖြစ်ပါတယ် ။

(ရုပ်ဆိုး)

Image may be NSFW.
Clik here to view. အရမ်းအတွဲညီတဲ့ကလေး၂ဦး