"အကို..အကို"
"အေး..ဝင်ခဲ့လဟ"
"ဟုတ်ဘူး ဧည့်သည်က တွေ့ချင်လို့တဲ့"
"အေး လွှတ်လိုက်လကွ ရပ်ရှားလား၊ မလေးလား"
"ဟုတ်ဘူး ဗမာ..အထီး"
"ငွင်....."
စာမေးပွဲရှိ၍ စာကြည့်နေသော (ဖေ့စဘုတ်) မှ ခွာကာ ထိုင်ခုံကို နောက်ပြန်လှည့်လိုက်သည်။ ဆုံလည်ကုလားထိုင် မဟုတ်သဖြင့် မ၍လှည့်ရ၏။
"ကိုမောင်ဟန်လား"
"ဟင် အိုက်အိုဒင်း ကိုကိုကြီး"
"ကျနော် အိုင်းရစ်စ်စ်စ်စ်စ် ပါ။ ခင်ဗျားတို့ရဲ့ မြောင်းထဲက စာတိုပေစလေးတွေကို အရောင်တင်ပြီး စာနယ်ဇင်း လစ်လပ်နေရာလေးတွေမှာ ဖြည့်ပေးနေတာ ကျနော်ပေါ့။ ခုလဲ ခင်ဗျားတို့ရဲ့ နုံချာလှတဲ့ အသိဥာဏ်တွေ ဖွင့်ပေးဖို့ လာခဲ့တာ...ဦးညွှတ်လိုက်ပါ ကိုမောင်ဟန် ကျနော် အိုင်းရစ်စ်စ်စ်စ်ပါ"
ဟင် ငါရဲ့ ကျနော်မောင်ဟန်ပါ ဆိုတာလေးတောင် သူလေသံနဲ့မှ စောက်မြင်ကပ်စရာ အတည်ကြီးဖြစ်သွားတော့တယ်။ လူကိုလဲကြည့်ဦး အကြည်တော်ရေးတဲ့ အိုက်အိုဒင်းကိုကိုကြီးရုပ် တစ်ထေရာတည်း။ ခုခေတ်စားနေတဲ့ သရီးဒီပရင့်နဲ့များ ထုတ်လိုက်သလား ထင်ရတယ်။ ယူရိုပီယန်စုကို အော်တာဆန်ဆန် အောက်ရှူးဘောင်းဘီ အကြပ်၊ ကုတ်အကျီင်္ခါးကြပ် အပြာဝမ်းဆက်၊ အောက်က ပန်းပွင့်အသေးလေးတွေ အများကြီးပါပြီး အနားတွေကို ကနုတ်ခြယ်ထားသည့် အော်တာရှပ်ကို နက်ကတိုင် အစင်းကြားဖြင့်။ အခန်းထဲ ဖိနပ်ချွတ်ဝင်ရတော့ ခြေအိတ်က အပြာနုကို ပန်းပွင့်ကလေးတွေ ခြေမျက်စိနားမှာပါသည့် ခြေအိတ်ကို ခြေမလေး ကုတ်ကာကုတ်ကာ ဒူးနန့်နေ၏။ မျက်လုံးကလဲ အငြိမ်မနေ၊ လက်ကလဲ အငြိမ်မနေ စားပွဲပေါ်မှာ ကြွေမြေအိုးကို လှပ်ကြည့်သည်။ ကော်ဖီဖျော်သောက်သည့် သကြားတစ်ခဲ ကောက်ဝါး၏။ ပတောက်ပတောက်နှင့် ဝါးနေစဉ် ရေစစ်ဘူးကို ဖွင့်ကြည့်သည်။ အပေါ်ဆင့်ကိုဖြုတ်၍ အောက်ထဲက ရေထဲ လက်ညိုးဖြင့် မွှေ၏။ ကုန်ပါပြီ သောက်ရေတွေတော့။ လက်ညိုးကို ငုံကြည့်သည်။ ထပ်နှစ်၏။ ထပ်ငုံကြည့်သည်။
"သောက်ရေပဲဗျ။ ရေစစ်လိုက်တော့ အတော်သန့်သားပဲ။"
ပြောပြောဆိုဆို ရေစစ်ဘူးကို ပါးစပ်တွင်တော့ကာ မော့ချ အဲလေ...နုတ်ခမ်းအစုံဖြင့် တေ့ကာ တပြွတ်ပြွတ်နှင့် စုပ်နေလေ၏။ သွားပါပြီ ငါ့သောက်ရေစစ်တဲ့ဘူးကလေးတော့...။
"အေးဗျာ... ခင်ဗျားတို့လို ရေသန့်ဝယ်မသောက်နိုင်တဲ့ နေရာရောက်တော့လဲ ခင်ဗျားတို့ သောက်သလိုပဲ သောက်ရတာပေါ့။ ကျနော်တို့က သတင်းထောက်လေ ခင်ဗျားတို့ ထင်တာထက် အများကြီး ကြမ်းတမ်းတဲ့ ဘွတွေ ဖြတ်သန်းလာတာပါ ဒါတွေ ခင်ဗျား ဘယ်နားမလဲ"
"ဟုတ်"
ထို့နောက် ဘီယာ ဘူးခွံတွေကို လိုက်လှုပ်ကြည့်၏။ ဆော့ချဉ်ဘူးကို လှည့်ပတ်ကြည့်၏။ တံဆိပ်ကို ဖတ်ကြည့်သော်လည်း သူမဖတ်တတ်၍ အဖုံးဖွင့်ကာ ရှူကြည့်သည်။ ပြန်ချ၏။ သွားကြားထိုးတံ တစ်ချောင်း ထုတ်ကာ ကိုက်၏။ အခန်းပတ်လည် မျက်လုံးဝေ့၏ ကိုယ်လဲ မလှုပ်ရဲ။ တွတ်ပီစွပ်ကျယ် အစုတ်၊ ပုဆိုးအပေါက်ဖြင့် နေမိလေတော့ သူ့ရဲ့ စတိုင် အလန်းကြီးအောက်ဝယ် နဲနဲမှ မလှုပ်ရဲ။ သူကလဲ တော်ရုံတန်ရုံမဟုတ် မီဒီယာသမား မြန်မာပြည်ရဲ့ မဏ္ဍိုင် သတင်းထောက်ကြီး အိုင်းရစ်ဆိုတော့ လည်ပင်းအစ်နေအောင် ကြောက်၏။
"ဘုရားစင်လဲ ရှိသားပဲ"
ဘုရားစင်သို့ မျက်စိရောက်သွားပြီ....
"ဟုတ်...ကျနော် ဗုဒ္ဓဘာသာပါ"
"ဆွမ်းတော် စွန့်တော့လေဗျာ..."
"ဟင်.....ဟုတ်..."
ကပ်ထားသော ငှက်ပျောသီးပန်းကန်ကို ဆွမ်းတော်စွန့်ကာ စားပွဲပေါ် ချပေးလိုက်တော့ ၂လုံး တစ်ပြိုင်တည်းဖြုတ်ကာ စား၏။ ပလုပ်ပလောင်းနှင့်ပင်...
"ကျုပ်က ဆင်တွယ်မှ ကျတာ"
ဟင်..အတော် ဖင်ခေါင်းကျယ်တဲ့ကောင်။ အဲဟုတ်ပေါင် ဆင်စွယ် ငှက်ပျောသီးမှ ကြိုက်တာကို ပလုပ်ပလောင်း ပြောတာပါ။ ဟုတ်မှာ။ဟုတ်မှာ။
"ခင်ဗျားတို့ စာတိုပေစလေးတွေ ကျုပ်ယူပြီး ဂျာနယ်ထဲထည့်ပေးလို့ ရတဲ့စာမူခဆိုတာ ကျုပ် တစ်လတစ်လ လိပ်ပတ်လည်အောင် ငှက်ပျော်သီး ဝယ်စားလို့မရဘူး သိလား"
ပြောပြောဆိုဆို နောက်ထပ် ၂လုံးထပ်ဖြုတ်၏။
အင်း သည်မှာ ငှက်ပျော်သီးဈေးက ခေါင်ခိုက်နေပါတယ်ဆိုမှပဲ အေးလေ သည်လို စားနုန်းနဲ့ ဆင်တွယ်မှ သဘောကျတာဆိုတော့ ဘယ်ဝအောင် စားရရှာမလဲ သနားပါတယ်။ ပိန်နေတာသာ ကြည့်တော့။
"ခု ခင်ဗျား ဘာလုပ်နေတုန်း"
ပြောပြောဆိုဆိုဖြင့် ကျောပေးထားသော ကွန်ပြူတာကို ကြည့်၏။ မောက်စ်ကို ဟိုရွှေ့သည် ရွှေ့ကြည့်၏။ စလိုက်ရှိုးတင်ထားသော ပုံတွေကို တွေ့သွား၏။
"အောင်မယ် ခင်ဗျားက ဘိုင်အော် လော်ဂျီကယ် ဝက်ပွန်တွေ လာသင်နေတဲ့လူပဲ"
ငင်.....ငယ်ထိပ် မြွေပေါက်ပြီ KGB ရော CIA ရော အင်တာပိုမှာပါ ဝရမ်းပြေးဖြစ်ရမယ့် ဘဝ တွန်းပို့နေပါကရောလား။
"မဟုတ်ပါဘူးဗျာ မနက်ဖြန် စာမေးပွဲရှိလို့ စာကြည့်နေတာပါ အဲတာ ရိုးရိုး ပိုးကောင်တွေပါ"
"ဟုတ်လား မှန်း...ဒါဘာကောင်တုန်း"
"ဆစ်ဖလစ်ဖြစ်တဲ့ကောင်"
"သည်ကောင်ကရော"
"ပလိပ်ဖြစ်တဲ့ကောင်"
"သည်ကောင်ကရော"
"ဒေါင့်သန်းပိုး နရူးရောဂါဖြစ်တယ်"
အံမယ် မဆိုးဘူး မနက်ဖြန် သည်ပုံတွေ မေးရင်တော့ ငါတော့ အောင်ပြီဟ။
"ရောဂါအသစ်တွေလား"
"ငွင့်....နွား..နွား..နွားတွေရူးတာပြောတာ"
"ကဲကြည့် ခင်ဗျား သည်ပိုးတွေနဲ့ လက်နှက်လုပ်ဖို့ ကြံနေတာ မို့လား"
"ငွင်...မဟုတ်..မဟုတ်ရပါဘူး ဆရာရယ်....ကျူုပ်ဒါတွေကို ခုလိုပုံတွေပဲ မြင်ဘူးတာပါ"
"မှန်း....ရေးလက်စတဲ့ ဘာဖိုင်လဲ အဲတာ..အံမယ် ခင်ဗျား...အတော်စုံသားပဲ အဲသည် ဖိုင်ကျုပ်ပေးလိုက်"
ဟင် ဘယ်လိုကြီးတုန်း...ဒက်စတော့ပေါ်က ဖိုင်ကို အိပ်ထဲ ကောက်ထည့်တာ ပါသွားသည်။
"အံမယ် ရေငုပ်သင်္ဘော ပုံတွေပါ့လား ပေး အဲတာလဲ"
"ငွင်...."
"ကျုပ်က သနားလို့ ခင်ဗျားတို့ ရေးပြီးသားမှပဲ ဂျာနယ်ထဲ ယူသုံးပေးတာ။ ခုတော့ ခင်ဗျားတို့ကို သည်လို လွှတ်ပေးလို့မရတော့ဘူး မရေးရသေးတာတွေပါ သုံးမယ်။ မကျေနပ်ဘူးလား ခင်ဗျားဟာ ဘိုင်အိုဝက်ပွန်တွေ လုပ်နေပါတယ်လို့ ရေးလိုက်မယ်။ သည်မယ်တွေ့လား"
ဘယ်ညာ လက်ညိုး၂ချောင်း ထောင်လာပြသည်။
"လက်ညိုး....ဟင်...အာ့ ဘာလဲငင်"
"သည်လက်ညိုး ၂ချောင်းနဲ့ စာစီစာရိုက်လုပ်နေတာ ရိုက်ပြီး ဂျာနယ်ထဲ ထည့်လိုက်ရင် ဘာဖြစ်သွားမယ် ထင်လဲ ဟမ်"
"ဟုတ်....ကြောက်ပါတယ် ဆာအိုင်းရစ်ရယ်"
ဒါပဲ..ခင်ဗျား အခန်း ၄ဘက်လေးတန်မှာ အဆင့်မြင့် ဆန်စာတွေ တပ်ထားခဲ့မယ်။ ခင်ဗျားတွေးလိုက် ကြံလိုက် ဖတ်လိုက်တဲ့ ကိစ္စတွေ ကျုပ်ဆီ ချက်ခြင်းရောက်မယ်။ ကျုပ်ရေးမယ်။ ဂျာနယ်ထဲ ထည့်မယ်။ ခဗျား မကျေနပ်ဘူးနော် ကြိုက်သလို ရှင်းလို့ရတယ်။ မှတ်ထား ကျုပ်နာမည် အိုင်းရစ် ငှက်ပျောသီးကျန်သေးလား"
"ဟုတ် ရေခဲသေတ္တာထဲမှာ ကျန်သေးတယ်။ ဒါပေမယ့် ဘုရား ဆွမ်းတော် မကပ်ရသေး.."
"မလိုချင်ဘူး ကျုပ်စားသွားမယ်။ နောက် ငှက်ပျောသီးကို ကျုပ် အတွက် သပ်သပ် ဖယ်ထားပေး ဒါပဲ။ မင်းက မောင်ဟန်၊ ငါက အိုင်းရစ် ဟေ့ရောင် ဂျာနယ်လစ်ကွ ဝါးနုက ဝါးရင့်လာပတ်မနေနဲ့ ရှင်းတယ်နော် ဒါပဲ ဝှစ်"
"အောင်မလေး ကုန်ပါပြီဗျ"
xxxxxxxxxxxxxxxxxxxxxxxxxxxxxxxxxxxxxxxxxxxxxxx
အကို...အကို...အကို.....နိုးပြီလား..စာမေးပွဲရှိလို့ဆို လာနိုးတာ နိုးလိုက်ရတာဗျာ
သြော် အေးအေး.....အိုင်းရစ် အဲလေ ညီလေး....ဖူး....တော်ပါသေးရဲ့ အိပ်မက်ဖြစ်လို့ ၉ပြစ်ရှိလဲကျေ ၁၀ပြစ်ရှိလဲ ကျေပါ ဂျာနယ်ကျော် အိုင်းရစ်ရယ် ဦးတော် ဦးတော်လို့....ဘုရားဘုရား။
ကျန်းမာချမ်းသာကြပါစေ။ ကျနော် မောင်ဟန်ပါ။ ။