ကျောင်းမှာ သန့်ရှင်းရေးလုပ်ဖို့ တစ်ပါတ်မှာတစ်ရက် တာဝန်ယူရမယ် ၊ ကျမပါဝင်တဲ့ အသင်းက အပါတ်စဉ် ကြာသပတေးနေ့မှာ သန့်ရှင်းရေးတာဝန်ယူရမှာ ဖြစ်ပြီး သောကြာနေ့မှာတော့ တစ်တန်းလုံး ပါဝင်သန့်ရှင်းရမယ် ဆိုတာတွေကို ဆရာမက ဆက်ရှင်းပြပါတယ် ။ ကျမရွေးချယ်လိုက်တဲ့ သူငယ်ချင်းသုံးယောက်နားမှာ ၀င်ထိုင်လိုက်တော့ ကျမနဲ့ ဘေးချင်း ကပ်ရက်က ခုံတန်းမှာ ထိုင်နေတာက မောင် ဖြစ်နေပါ့လား ။
အိုး....ပျော်ဖို့ ကောင်းလိုက်တာ ။ အိမ်မှာဆိုရင် ရွှီကနဲတောင် လေချွန်လိုက်မိမှာ ။ ကျမကသိပ်ပြီး မိန်းမ မဆန်ဘူးလေ ။ အဲဒါက ကျမအပေါ် မောင် မကြိုက်ဆုံး အချက်နံပါတ်တစ်ပေါ့ နော။
ဆရာမက ညနေ ကျောင်းဆင်းကာနီးမှာ ကျမကို စာတွေ ၀ိုင်းကူးပေးဖို့ ၊ စာအုပ်တွေ ငှားပေးကြဖို့ အတန်းဖေါ်တွေကို မှာသွားပါတယ်။ ကျမနဲ့အတူတူ ထိုင်တဲ့ သူငယ်ချင်းသုံးယောက်က နီလာတင်ရယ် ၊ ကေသီဝင်းရယ် ၊ သင်းသင်းမွှေးရယ်ပါ ။ သူတို့ သုံးယောက်လုံးက ပျော်တတ် တဲ့သူတွေ ၊ ဟာသဥာဏ် ရှိသူတွေလေ ။ ပြီးတော့ ဒီသုံးယောက်က မောင့်ရဲ့ ဦးဆောင်မှုအောက်က သူငယ်ချင်းအရင်းတွေလဲ ဖြစ်လို့နေပြန်ပါရော ။
ကဲ ...စာအုပ်တွေ ငှားတဲ့အချိန်မှာ ဇာတ်လမ်းက စ , တာပါပဲ ။
“ အဲဒီတစ်ယောက်ကို နင်တို့သုံးယောက်စလုံးက ဘာလို့ စာအုပ်တွေ အကုန်ငှားနေရတာလဲ ” ဆိုတဲ့ စကားကို ခပ်မာမာလေသံနဲ့ ပိုင်စိုးပိုင်နင်း ပြောလိုက်တဲ့ အသံက မင်းခန့်ဇော်ဆီက ထွက်လာပါတယ် ။
သူ့ရဲ့ လေသံက သူတို့သုံးယောက်အပေါ် အမိန့်သံ ဆန်နေသလို ကျမကို သေးငယ်တဲ့၊ အရေးမပါတဲ့ ပြီးတော့ သူ့ရဲ့ စီမံခန့်ခွဲမှုအောက်မှာ ရှိနေတဲ့ အရာအဖြစ် အသတ်မှတ် ခံလိုက်ရသလိုပါပဲ ။ အဲဒါက ကျမ အမုန်းဆုံး၊ လက်မခံနိုင်ဆုံး အချက်တစ်ခု ဖြစ်နေတော့ ကျမရဲ့ တစ်ကိုယ်လုံးက သွေးတွေဟာ ဒေါသ၊ မာနစိတ်နဲ့ ပွက်ပွက်ဆူလာခဲ့ပါတယ်။
အံမာ….သူကများ……..ငါ့ကို ။ ဆိုတဲ့ ဒေါသစိတ်နဲ့ ဆတ်ကနဲ လှမ်းကြည့်မိတဲ့ ကျမမျက်လုံးတွေက မီးတွေ ၀င်းဝင်းတောက်နေမှာ အသေအချာပါပဲ။
ဒါပေမဲ့ “ ငါလဲ ငါ့စာအုပ်တွေ ငှားပေးအုံးမှာပေါ့ ” ဆိုတဲ့ စကားကို ခပ်ရှက်ရှက်နဲ့ မျက်လုံးလွှဲပြီး လှမ်းပြောလိုက်တဲ့ သူ့ အမူအယာရယ် ၊ ခပ်တိုးတိုး ပြောလိုက်တဲ့ အသံဖျော့ဖျော့ရယ်ကြောင့် ကျမမှာ ထွက်မိတဲ့ ဒေါသတွေ ချက်ချင်းပျောက်ပြီး ရီချင်စိတ်တွေ ဖြစ်လာမိပါတယ် ။
“ အော်…ဘာများလဲလို့ မင်းခန့်ဇော်ရယ် ” လို့ ပြောရင်း ကျမကပဲ သူ့ကို အားနာပြုံးနဲ့ နှစ်သိမ့် ပေးလိုက်ရပါတယ်။
မောင့်ရဲ့ ဖြစ်ပုံက… စကထဲက ယဉ်သကို ဆိုသလို…။
“ ငါ့ကို ငှားမယ်ဆိုလဲ နင့် စာအုပ်တွေ မြန်မြန်ပေးထား ၊ ကျောင်းဆင်းရင် မေ့သွားမှာ စိုးလို့.. ” ဆိုပြီး သူ့စာအုပ်တွေကို ကျမကပဲ တကယ်ကို လိုလိုလားလား ယူချင်တဲ့ ပုံစံမျိုးဖြစ်အောင် ပြောလိုက်ရတယ်လေ ။ အမှန်က ကျမ ဘယ်သူ့ဆီက ဘာစာအုပ်မှ မငှားချင်သေးပါဘူး ။ စာလုပ်ရမှာ ပျင်းနေသေးတယ် မောင်ရဲ့ ။
“ နင်…..ငါ့ စာအုပ်တွေကို စံနစ်တကျ ကိုင်နော် ၊ ငါက စာရွက်တွေ အနားလိပ်တာ, ခေါက်တာတွေ မကြိုက်ဘူး ယုမီချို ”
“ အံမာ….။ နင့်ကို အားနာလို့သာ စာအုပ်ငှားရတာ ။ ငါက သူများလက်ရေးကို ဖတ်တတ်တာ မဟုတ်ဘူး။ နင့်လက်ရေးက ငါ ဖတ်လို့ ရတဲ့အဆင့်ရော ရှိရဲ့ လား…။ ပြစမ်း ”
ဆတ်ကနဲ သူ့စာအုပ်ကို လှမ်းဆွဲပြီး ဖွင့်ကြည့်မိတော့ ။
ဘုရားရေ ။ သူ့လက်ရေးတွေက စာလုံးဝိုင်းဝိုင်းမှာ အပင့်,အရစ်တွေကို ထောင့်ကျကျဆွဲပြီး ရေးထားတာများ ။
ပုံနှိပ်စာလုံးတွေကို အရွယ်အစား ချဲ့ ထားသလိုပါပဲလား ။
“ တော်သေးတာပေါ့ ။ ငါ ဖတ်လို့ ရတဲ့ လက်ရေး ဖြစ်နေလို့ ” ဆိုတဲ့ စကားကို ဟန်မပျက် ပြန်ပြောရင်း ကိုယ့်လက်ရေးထက် အဆများစွာ သာလွန်ကောင်းမွန်နေတဲ့ သူ့လက်ရေးကို ကျမ သဘောကျသွားမိပါတယ် ။ ကျမရဲ့ မှတ်ချက်အတွက် အောင့်သက်သက် ခံစားလိုက်ရပုံနဲ့ သူ့မျက်နှာ ရဲသွားတာကို ကြည့်ရင်း အကောင်းကြိုက်၊ အတော်ကြိုက်တဲ့ ကျမအတွက်တော့ နှစ်ခြိုက်စရာ အရုပ်ကောင်းကောင်း တစ်ခုကို စတွေ့ရသလို ခံစားမိပြီး ပျော်လိုက်တာ ။
စ,တွေ့ တဲ့နေ့မှာပဲ မောင်ဟာ ကျမအကြိုက်ဆုံး အချက်တွေရယ်၊ မကြိုက်ဆုံး အချက်တွေရယ်နဲ့ ထူးခြားစွာ ပေါင်းစပ်ဖွဲ့ စည်းထားပြီး ကျမကို ငြင်းဆန်နိုင်စွမ်း လျော့ကျအောင် ဆွဲဆောင်နိုင်စွမ်းရှိသူ မဟာလူသားတစ်ယောက် အဖြစ် သိရှိနားလည် လိုက်ရပါတယ် ။
အဲဒီအချိန်က စလို့ မောင်ဟာ ကျမရဲ့ ဘ၀ထဲကို တစ်လှမ်းချင်း နက်နက်ရှိုင်းရှိုင်း ၀င်ရောက် လာခဲ့တာပဲပေါ့ မောင်ရယ် ။
------------------------------