နှလုံးသားမှ အပြုံးများထပ်တူ

ပန်းပေးနေသောကလေး
♦   ဒီနေ့ မနက်မိုးလင်းတော့ အဆောင်ဘေး ကားလမ်းမပေါ် ကနေ သြဥဆွဲ သံတွေ ၊ လူသံတွေ ၊ အူးရား ..အူးရား  (အောင်ပြီ ..အောင်ပြီ) ဆိုတဲ့ ကြွေးကြော်သံတွေ ကြားနေရတယ်။ ဒီနေ့ ကရုရှားတွေရဲ့ Victory Day  ဆိုတော့ လိုက်ကြည့်ဦးမယ်ဆိုပြီး အဝတ်လေး ကပျာကယာ လဲပြီး အဆောင်က ဆင်းလာတယ် ။ အဆောင် စောင့် တဲ့ Security အဖွားကြီး က "အောင်ပွဲနေ့ကိုကြိုဆိုပါတယ်"ဆိုတဲ့ စာရွက်လေးတွေကို အဆောင်တံခါးမှာ ကပ်နေတယ် ။  Поздравляю с днём победы ( Congratulation for Victory Day) လို့ နှုတ်ဆက်လိုက်တော့ ကျေးဇူးအများကြီးတင်ပါတယ်တဲ့ ။


♦   လမ်းပေါ်ဆင်းလာတော့ လမ်းတစ်လျှောက် ယာဉ်ထဲရဲတွေ ကနေ "ကာလုဂါမြိုသားများအားလုံး ခင်ဗျာ ။ အောင်ပွဲနေ့အတွက် ဂုဏ်ပြုပါတယ် ။ ဆိုက်ကော့စကီး ရင်ပြင်ကနေ ၊ အောင်မြေ ရင်ပြင်ထိ လမ်းလျှောက်ကြမှာဖြစ်ပါတယ်ခင်ဗျာ "ဆိုပြီး လမ်းတစ်လျှောက်ကား တွေ နဲ့ လိုက်အော်နေတယ် ။ လူတွေ က လည်း အုန်းအုန်းကြွက်ကြွက် ပေါ့ ။ ဆိုက်ကော့စကီး ရင်ပြင်ရောက်တော့ လူတွေက တော်တော်များနေပြီ ။ လူကြီး ကလေးအားလုံး လက်ထဲမှာ အနီရောင် ပန်းကလေးတွေ ၊ပန်းပွင့် ကလေးတွေ ကိုင်လို့ ။ တချို့ လည်း အောင်ပွဲနေ့အထိမ်းအမှတ်အလံတွေ ၊ စစ်ပြန်ကြီးများကို ဂုဏ်ပြုပါသည်ဆိုတဲ့ စာတမ်းအလံသေးသေးလေးတွေ ကိုကိုင်လို့ ။ အောင်ပြီ အောင်ပြီ ဆိုတဲ့ အသံတွေ ၊ ရာ့စီရာ မာ့ရာ (ငါတို့ရုရှား) ဆိုတဲ့ သီချင်းသံတွေကလည်းသောသော ညံလို့ ပေါ့ ။

   ♦   အဲဒီနောက်တော့ အုပ်စုလိုက်အုပ်စုလိုက် အောင်မြေရင်ပြင် ဆီကို ချီတက်ကြတယ် ။ ဘင်ခရာအဖွဲ့ ၊ အလံကိုင်အဖွဲ့ ၊ အလံစောင့် အဖွဲ့ စတဲ့ တပ်ဖွဲ့ တွေက ရှေ့ဆုံးကပေါ့ ။ ပြီးတော့ စစ်သားတွေ ၊ ရဲတွေ ၊ စစ်ပြန်တွေ ဟာ ရောပြီးတော့ လမ်းလျှောက် ချီတက်ကြတယ် ။ တချို့ စစ်သားတွေကလည်း သူတို့ သားသမီးလေးတွေကို ပုခုံးပေါ် ထမ်းလို့ ။ တချို့ မိသားစုတွေ ကလည်း သူတို့ ရဲ့ စစ်မှုထမ်း အဘိုး ၊ အဘွားပုံတွေ ဆိုင်းဘုတ် လို ထောင်လို့ ။ တချို့ စစ်ပြန်ကြီးတွေကလည်း သူတို့ ရဲ့ တပ်ဖွဲ့ နံပါတ်တွေ ၊ သူတို့ရဲ့ သူငယ်ချင်း ဓာတ်ပုံတွေ ထောင်လို့ ။ သီချင်းတွေ ဆိုပြီး လမ်းလျှောက်ကြတယ် ။ လမ်းတစ်လျှောက် က ရှော့ပင်းမောတွေ ၊ ဈေးဆိုင်တွေ က လည်း ရှေ့မှာ ဝန်ထမ်းဝတ်စုံလေးတွေ နဲ့ Sound Box တွေချ "အောင်ပွဲ နေ့ အတွက် စစ်ပြန်များ ကို ဂုဏ်ပြုပါတယ် ""ကျွန်တော်တို့ရဲ့ သူရဲကောင်ကြီးများအားလုံး ကျန်းမာကြပါစေ ၊ ပျော်ရွှင်ကြပါစေ "စသဖြင့် ဆုတောင်းပေးကြတယ် ။ ပန်းစည်းတွေ ကမ်းပေးကြတယ် ။  စစ်ရေးပြ Parade ဟာ စစ်သားတွေချည်းပဲ မဟုတ်လို့ ညီညီ ညာညာ မရှိပေ မဲ့  စိတ်ထဲမှာ ကြည်နူးနွေးထွေး စေတာတော့ အမှန်ပဲ ။ စစ်သား နဲ့ ပြည်သူဟာ တန်းတူ ရည်တူဖြစ်နေတယ် ။ စစ်သားတွေ ကြားထဲမှာ ပြည်သူတွေရှိသလို ၊ ပြည်သူတွေကြားထဲမှာလည်း စစ်သားတွေရှိနေခဲ့တယ် ။


   ♦  ၆ လမ်းသွားလမ်းမကြီးတစ်လျှောက် လူပေါင်း သောင်းနဲ့ ချီပီး ပြည့်နှက်နေတယ် ။ လမ်းလျှောက်လိုက် ဓာတ်ပုံရိုက်လိုက်နဲ့ မနည်းတိုးဝှေ့ပြီးလျှောက်နေရတယ် ။ တချို့ လမ်းသိပ်မရှောက်နိုင်တော့တဲ့ စစ်ပြန် အဖိုးကြီး ၊ အဖွားကြီးတွေ ကတော့ တောင်ဝှေးလေးတွေ ထောက်လို့ ရင်ဘက်မှာ သူတို့ရခဲ့တဲ့ အဆင့် တံဆိပ်လေးတွေ တပ်လို့ ဘေးမှာရပ်ပီးအားပေးနေကြတယ် ။ ဓာတ်ပုံ ရိုက်မလို့ လုပ်နေတုန်း  ၇ နှစ် ၈ နှစ်ကောင်လေး ၂ ယောက်လောက်က ကျွန်တော့် ကိုအတင်းတိုးပြီး ရှေ့တက်သွားတယ် ။ ကိုယ်ကလည်းသတိမထားမိတော့ လူတောင်နည်းနည်း ယိုင်သွားတယ် ။ ပီးတော့ ဟိုဘက်လှည့်နေတဲ့ အဘိုးကြီး ကို  "ပ့ါရှလူ့စတာ့ ၊ ပါ့ရှလူ့စတာ့ "(Please..please) ဆိုပြီး အော်ပြောတယ် ။ စစ်ပြန်အဘိုးကြီး က နောက်ပြန်လှည့်ကြည့်တော့ ... တစ်ယောက်ကနေ ပြီးတော့ စစ်ပြန် အဘိုးကြီး လက်ထဲ ကို သူတို့ ကိုင်လာတဲ့ ပန်းလေးတွေ ထည့်ပေးလိုက်တယ် ။ ပြီးတော့ ပါးစပ်ကနေ လည်း ပြေးလိုက်သေးတယ် "Мне Повезло ! Герой наши .. Я поздравляю с днем победы , Вам счастье и здорове. Мы очень рады и потому вы наши"တဲ့ ။  ဒီ ၇ နှစ် လောက်ရှိတဲ့ ကလေးလေး ပြောတဲ့ စကား ကြားရတဲ့  စိတ်ထဲ မှာ ကြက်သီး တောင် ထသွားတယ် ။ သူ ပြောတဲ့ စကားသံ က ပြန်လာတဲ့ ထိ ကျွန်တော်နားထဲ စွဲ နေတယ် ။ အဓိပ္ပါယ် က ..."ခင်ဗျား ကို ပန်းပေးခွင့် ရတာ ကျွန်တော်အရမ်းကံကောင်းတာပဲ ..သူရဲကောင်းကြီး ။ အောင်ပွဲ နေ့အတွက် ကျွန်တော် ဂုဏ်ပြုပါတယ် ။ ခင်ဗျား ပျော်ရွှင်ပါစေ ၊ ကျန်းမာပါစေ "တဲ့ ။ ပီးတော့ "ခင်ဗျားတို့ မျိုး ဆက်တွေ ဖြစ်နေရတာ ကျွန်တော်တို့ အရမ်းပျော်ပါတယ် "  တဲ့ ။ ကြား ရ ချင်း ကျွန်တော် အံ သြ သွားတယ် ။  နိုင်ငံ တစ်နိုင်ငံ လူမျိုးတစ်ခု မှာ မျိုး ဆက် တစ်ဆက်ပြီး တစ်ဆက် ၊ တိုးတက်နေဖို့ အောင်မြင်နေဖို့ ဆိုရင် ... သူတို့ ဟာ အဲဒီလူမျိုးဖြစ်ရတာ ဂုဏ်ယူနေဖို့လိုတယ် ။ အဲဒီ နိုင်ငံ ရဲ့ မျိုးဆက်တွေ ဖြစ်ရတာ လှိုက်လှိုက်လှဲ လှဲ ကျေနပ်ဖို့လိုတယ် ထင်တယ်။

♦    အဲဒီနောက် အောင်မြေရင်ပြင်ဆီ ကို ဆက် လျှောက်လာတယ် ။ အောင်မြေရင် ပြင်ဆိုတာ က ဒုတိယကမ္ဘာ စစ်အတွင်း မှာ နာဇီတပ်တွေက ရုရှားကို ဝင်တိုက်တော့ ကာလုဂါမြို့ကိုဖြတ်ကြတယ် ။  အဲဒီ မှာ မြို့ ခံ တွေ ဝိုင်းတိုက် ပြီး မြို့ကို ကာကွယ်နိုင်ခဲ့တယ် ။ ဒါပေမဲ့ စစ်သည် အရပ်သား ၃၂၀၀ ကျော် ကျဆုံးခဲ့တယ် ။ အဲဒီထဲမှာ အမျိုးသမီး စစ်မှု ထမ်းခွင့် မရ လို့ ယောကျာင်္းယောင် ဆောင်ပြီး စစ်ဝင်တိုက်ခဲ့ တယ် ကာလုဂါမြို သူ အမျိုးသမီး စစ်သည်တစ်ဦး ပါခဲ့တယ် ။ သူကို ဂုဏ်ပြု သော အားဖြင့်  "ပလို့ယှက် ပါဗျဲဒီး"အောင်မြေရင်ပြင် ဆိုပြီး သူရုပ်တု ထုလုပ်ပေး ခဲ့တယ် ။  လက်တစ်ဖက်မှာ ကာလုဂါမြို့ က တီထွင်ခဲ့ တဲ့  စပုနစ် အာကာသယာဉ်ကို ကိုင်ထားပြီးတော့ တစ်ဖက်ကတော့ ငြိမ်းချမ်းရေး အဖြစ် ပုဝါ ကိုင်ထားတယ် ။ အထိမ်းအမှတ်နေ့ တွေ မှာ မြိုခံ လူထု က အဲဒီ နေရာမှာ လွမ်းသူပန်းခွေ ချပြီး အလေးပြုလေ့ရှိတယ် ။

♦    အောင်မြေရင်ပြင် ရောက်တော့ ကာလုဂါမြို့ရဲ့ မြိုတော်ဝန် ကနေ ဖွင့် ပွဲ အမှားစကား ပြောတယ် ။ ပြီးတော့ သက်ရှိထင်ရှားရှိနေသေးတယ် စစ်ပြန်အဘိုးကြီးတစ်ယောက်ကနေ အားလုံး ကိုယ်စား ဂုဏ်ပြုစကားပြောတယ် ။ အသက်ကြီး ပြီး စကားတွေ မပီတော့ သူပြောတဲ့ စကားတွေ မနည်းနားစိုက်ထောင်ရတယ် ။ ရုရှားလူမျိုးတို့ အတွက် ဒီအောင်ပွဲ ဟာ ခက်ခက်ခဲခဲ ရခဲ့ရတာ ဖြစ်ကြောင်း ၊ လူပေါင်း သန်းနဲ့ ချီသေဆုံး ခဲ့ ရကြောင်း ၊ ကျဆုံး သွားတဲ့ ရဲဘော်ရဲဘက်တွေကို အလေးအမြတ်ပြု ကြောင်း အားယူပြီးပြောသွားတယ် ။ နောက်တော့  ဘောင်းမန်းကျောင်း က ကျောင်းသားတစ်ယောက်ကနေ ဂုဏ်ပြုစကားတက်ပြောတယ် ။ "ဒီနေ့ အောင်ပွဲ ဟာ ရုရှားလူမျိုးတွေ အတွက်တင်မဟုတ်ခဲ့ပါဘူး ။ ဒုတိယကမ္ဘာစစ်ကို တစ်နည်းတစ်ဖုံးအဆုံး သတ်စေခဲ့တဲ့ နေ့တစ်နေ့လည်းဖြစ် ပါတယ် ။ စစ်ပြန်ကြီးတို့ ဟာ ရက်စက်ကြမ်းကြုတ်လှတဲ့ ကမ္ဘာစစ်ကြီးကို ခတ်မှီနည်းပညာတွေ ၊ လက်နက်တွေ နဲ့ အောင်နိုင်ခဲ့ ကြတာမဟုတ်ပါဘူး ။  နှလုံးသားတွေ မြတ်နိုးစိတ်တွေနဲ့ အောင်နိုင်ခဲ့ကြတာဖြစ်ပါတယ် ။ ကျွန်တော်တို့ အပါအဝင် နောက်မျိုး ဆက်တွေ ခင်ဗျားတို့ ကို အမှတ်ရနေမှာပါ ။ ကျွန်တော် ၊ ဒါမှမဟုတ် ကျွန်တော့် သားသမီး မြေးမြစ် ... ဘယ်သူပဲ ဖြစ်ဖြစ် ...ငြင်းမရတဲ့ အမှန်တရားတစ်ခု ရှိပါတယ် .... ခင်ဗျားတို့ဟာ သူရဲကောင်းတွေ ဆိုတာပါပဲ "တဲ့ ။  ပြီးတော့  သက်ဆိုင်ရာ မျိုးဆက်တွေ ၊ မိးသားစုတွေ လိုက် လွမ်းသူပန်းခွေ ချကြတယ် ။ အလေး ပြုကြတယ် ။ ပြီးတော့ အခမ်း အနားကို ပိတ်သိမ်းလိုက်ကြတယ် ။

    ♦   ပွဲပြီးလို့ ပြန်လာတော့ ...လမ်းတစ်လျှောက်မှာ အားကစားပြိုင်ပွဲလုပ်နေကြတဲ့ လူငယ်လူရွယ်လေးတွေ ၊ စတိတ်စင်လေးတွေ နဲ့ ဖျော်ဖြေနေကြတဲ့ မြို့သူမြို့သားတွေ ။ ပျော် ရွှင် နေတဲ့ မိသားစုတွေ ။ သမီး လေး က ကင်မရာလေး ချိန်လို့ ..... ပြုံး ပြ ... ပြုံးပြ ဆိုပြီး အတင်း ခိုင်းနေတဲ့  အဖေ စစ်သားတွေ ။ စစ်မှုထမ်းဝတ်စုံနဲ့ အဘိုးအဘွားကြီးတွေ ၊ ဓာတ်ပုံလေးတွေ ကိုင်ထားကြတဲ့ သားသမီး မြေးမြစ်တွေ .... စသဖြင့် အတန်းအစား ၊ ပုံပန်းသဏ္ဍန် ၊ အပြု အမူ ၊ အနေထိုင် ကွဲ နေ ကြတဲ့ လူ အမျိုးမျိုး မှာ ... နှလုံးသား က လာတဲ့ အပြုံးများစွာတော့  ... ဒီကနေ့ ထပ်တူ ကျနေကြလေရဲ့ ။                       (ရုပ်ဆိုး)