"မြန်မာ့သမိုင်းတကွေ့မှ ပထမဆုံးလေကြောင်းတိုက်ပွဲ အပိုင်း(၂)"

     
   ဗိုလ်ပီတာထံမှ သတင်းပေးပို့ချက်ကိုရရှိသည်နှင့် ဗိုလ်မောင်သိန်း၏မျက်လုံးများက ကျူးကျော်ဝင်ရောက်လာသည့် ရန်သူ့လေယာဉ်ကိုအလျင်အမြန်ရှာဖွေနေမိသည်။
စက္ကန့်ပိုင်းအတွင်းမှာပင်လျှင် ရန်သူ့လေယာဉ်ကိုရှာဖွေတွေ့ရှိလိုက်သည်။ ဗိုလ်ချစ်ခိုင်သည် ဝင်ရောက်လာနေသည့် လေယာဉ်၏အမျိုးအစားကို သေချာတိကျစွာ မသိချေ။

ထို့ကြောင့် အုပ်ခေါင်းဆောင်ဗိုလ်မောင်သိန်းထံသို့ ရေဒီယိုဆက်သွယ်ရေးမှတဆင့် လေယာဉ်၏အမျိုးအစားကို လှမ်းမေးပြန်တော့ ဗိုလ်မောင်သိန်းလည်း ထိုလေယာဉ်ကြီး၏
အမျိုးအမည်ကို သေချာစွာမသိ။ လေတပ်ရဲညွန့်အဖြစ် အင်္ဂလန်နိုင်ငံတွင် ပညာတော်သင်သွားရောက်ခဲ့သည့် အင်္ဂလန်ပြန်ဗိုလ်ပီတာကို လှမ်းမေးပြန်တော့လည်း ဘာမှ မထူး။
သူတို့အတွက် ဤလေယာဉ်၏အမျိုးအစားကို အဘယ်ကြောင့် ဤမျှအထိသိလိုစိတ် ပြင်းပြနေရပါသနည်း။ အဖြေကတော့ ရှင်းပါသည်။ ယခုကျူးကျော်လာသော လေယာဉ်သည်
သယ်ယူပို့ဆောင်ရေးလေယာဉ်သာ ဖြစ်ငြားအံ့...။ ဗိုလ်မှူးခင်မောင်အေး မိန့်မှာလိုက်သည့်အတိုင်း ကျိုင်းတုံလေဆိပ်အထိ ထိုလေယာဉ်ပျံကို ဖမ်းခေါ်သွားရပေလိမ့်မည်။
အကယ်၍ ဗုံးကြဲလေယာဉ်ဖြစ်နေလျှင်လည်း နိုင်ငံပိုင်နက်ဝေဟင်ထဲတွင် အပြီးသတ်ချေမှုန်းရပေလိမ့်မည်။ (တိုက်ပွဲပြီးဆုံးချိန်တွင် သိရသည်မှာ ထိုလေယာဉ်သည် B 24 Liberator Y2 အမျိုးအစား ဗုံးကြဲလေယာဉ်ကြီးဖြစ်လေသည်။အချို့စာစောင်များ၌ P4 Y2 Privateerလေယာဉ်ဟု ရေးသားထားသည်ကိုလည်း တွေ့ရှိရသည်။ မည်သည်က အမှန်ဟူ၍ မသိပါ။) ရန်သူ့လေယာဉ်ကြီးပုံသဏ္ဍာန်မှာ High Wings Single Fan with Defensive Armament ဖြစ်သည်။ လေယာဉ်ကြီးတွင် ဒဿမ၅၀ကျည်သုံး စက်သေနတ်ကြီး (ပွိုင့်ဖိုက်ပေါ့) ၁၂လက်ကို တပ်ဆင်ထားကြောင်း သိရသည်။


        လေသူရဲ(၃)ဦးစလုံး လေယာဉ်အသီးသီးပေါ်တွင် ထိုလေယာဉ်ကြီး၏အမျိုးအစားကို ကိုယ်စီကိုယ်ငှ ဝေခွဲမရဖြစ်နေကြချိန်တွင် ရန်သူ့လေယာဉ်ကိုယ်ထည် အလယ်ထိပ်တွင် တပ်ဆင်ထားသည့် စက်သေနတ်ကြောင့် ဗုံးကြဲလေယာဉ်ကြီးပင်ဖြစ်ကြောင်း ဗိုလ်ပီတာ ဦးစွာပထမမြင်တွေ့လိုက်ရပြီး အုပ်ခေါင်းဆောင် ဗိုလ်မောင်သိန်းထံသို့ အလျင်အမြန်သတင်းပို့လိုက်သည်။ ဗိုလ်မောင်သိန်းတယောက် မြင်ကွင်းအတွင်းမှ လေယာဉ်ထံသို့ အဖမ်းခံရန်အတွက် ရေဒီယိုဆက်သွယ်ရေးစက်မှတဆင့် အကြောင်းကြား
ရာ ..... မလိုက်နာသည့်အတွက် အတူအုပ်စုဖွဲ့ပျံသန်းနေသည့် လေသူရဲဗိုလ်မောင်သိန်းနှင့် ဗိုလ်ပီတာတို့ထံသို့ ရန်သူ့လေယာဉ်အား ပစ်ခတ်ချေမှုန်းရန် အမိန့်ပေးလိုက်တော့သည်။ ဗိုလ်မောင်သိန်းတို့နေရာယူထားသည်က အမြင့်ပေ ခုနစ်ထောင်တွင်ဖြစ်ပြီး တဖက်မှ ရန်သူ့လေယာဉ်ကြီးမှာ ပေငါးထောင်အမြင့်တွင် ဖြစ်နေသဖြင့်
ဗိုလ်မောင်သိန်းတို့ဖက်မှ အသာစီးရနေပေသည်။ ပထမဦးဆုံး ဗိုလ်မောင်သိန်း၏ တိုက်လေယာဉ်ထိုးဆင်းသွားပြီး လေယာဉ်တွင်တပ်ဆင်ထားသည့် ၂၀ မီလီမီတာ Hispano
စက်သေနတ်ဖြင့် ရန်သူ့လေယာဉ်၏ ဘယ်ဘက်အင်ဂျင်နှစ်လုံးကို စတင်ကာ ပစ်ခတ်ခြင်းဖြင့် မြန်မာ့တပ်မတော်(လေ)၏ ပထမဦးဆုံးသော လေကြောင်းစီးချင်းထိုးမှုသမိုင်းကို စတင်ဖွင့်လှစ်လိုက်တော့သည်.......။


         Hispano  နှင့်ပတ်သက်၍ ဗဟုသုတအနေဖြင့်ဆိုရသော် ၄င်းမှာ စက်သေနတ်လည်းမက၊ အမြှောက်လည်းမကျသည့် စက်အမြှောက်ဟုပင် ဆိုရချိမ့်မည်။ သာမန် စက်သေနတ်များကဲ့သို့ ရိုးရိုးဖောက်ထွင်းကျည်များသာမက တဆင့်ထပ်မံပေါက်ကွဲစေသည့်ကျည်များလည်းပါဝင်သဖြင့် ထိုလက်နက်ကို စက်အမြှောက်ဟု ခေါ်ခြင်းပင်။
ထိုသို့သော ဟစ္စပါနိုစက်အမြှောက်များသည် ဆီဖြူရီလေယာဉ်တောင်ပံတဖက်လျှင် နှစ်လက်နှုန်းဖြင့် လေယာဉ်တစီးတွင် လေးလက်စီ တပ်ဆင်ထားလေသည်။ ပစ်ခတ်မှုကို
လျှပ်စစ်ဓာတ်အားဖြင့် ထိန်းချုပ်ထားပြီး စက်သေနတ်တလက်လျှင် ကျည်ဆန်အရေအတွက် (၁၂၅) တောင့်ပါရှိလေသည်။ ကျည်ဆန်သုံးတောင့် (သို့တည်းမဟုတ်) ငါးတောင့် ပစ်ခတ်ပြီးသည်နှင့် မီးလမ်းပြကျည် (Tracer) တတောင့်နှုန်း ထွက်စေရန် စီမံထားသဖြင့် လေသူရဲအနေဖြင့် ကျည်သွားလမ်းကြောင်းကို ကောင်းမွန်စွာမြင်တွေ့နိုင်လေသည်။


             ဗိုလ်မောင်သိန်းတယောက် ရန်သူ့လေယာဉ်နှင့်တိုက်မိလုနီးပါး အကွာအဝေးသို့ချဉ်းကပ်မိသည်အထိ တရစပ်ပစ်ခတ်တိုက်ခိုက်သော်လည်း လေယာဉ်၏အမြန်နှုန်း
ကြောင့် ပစ်ခတ်ခွင့်ရသည့်အချိန်မှာ လေးစက္ကန့်ထက်ပင် မပိုပါချေ။ ဗိုလ်မောင်သိန်းလေယာဉ်ပြီးသည်နှင့် ဗိုလ်ပီတာအလှည့်သို့ရောက်လာသည်။ ဗိုလ်ပီတာလည်း သူ့လေယာဉ်မှ ဟစ္စပါနိုသေနတ်ဖြင့် ဆက်တိုက်ဆိုသလိုပင် ဝင်ရောက်ပစ်ခတ်တော့သည်။ သူ၏ ပစ်ခတ်ခွင့်ရချိန်မှာလည်း ဗိုလ်မောင်သိန်းကဲ့သို့ပင်။ ထူးခြားချက်အနေနှင့်
ဗိုလ်မောင်သိန်းလေယာဉ်ဝင်အပစ်နှင့် ရှေ့ဆင့်နောက်ဆင့်တွင် ရန်သူ့လေယာဉ်မှအထုပ်နှစ်ထုပ် ပြုတ်ကျသွားသည်ကို တွေ့မြင်လိုက်ရသည်။ မြေပြင်ရှိ တရုတ်ဖြူစခန်းသို့ချပေးရန်အတွက် ယူဆောင်ခဲ့သည့် လက်နက်ပစ္စည်း (သို့မဟုတ်) ရိက္ခာထုပ်များပင် ဖြစ်ချေလိမ့်မည်။ ဗိုလ်ပီတာလေယာဉ် တိုက်ခိုက်မှုမစတင်မီတွင်လည်း
လေထီးဖြင့်ရိက္ခာချသောတံခါးပေါက်ဆီမှ လူနှစ်ယောက် လေထီးအစိမ်းရောင်များဖြင့် ခုန်ဆင်းသွားသည်ကို မြင်တွေ့လိုက်ရသည်။ ဗိုလ်ပီတာ၏လေယာဉ်ထံမှ ပစ်ခတ်မှု
ပြီးဆုံး၍ တကျော့ပြန်လည် မဝင်လာမီတွင် ဗိုလ်ချစ်ခိုင်၏လေယာဉ်လည်း ထိုးစိုက်ဝင်လာနေပေပြီ။ သည်တချီတွင်တော့ ရန်သူ့လေယာဉ်ထံမှ တုံ့ပြန်ပစ်ခတ်သည့် ကျည်ဆံများ
က ဗိုလ်ချစ်ခိုင်၏လေယာဉ်အမိုးကို ချိန်သားမမှန်စွာဖြင့် ဖြတ်ကျော်သွားကြသည်။ ဗိုလ်ချစ်ခိုင်ပစ်ခတ်လိုက်သည့် ကျည်ဆန်များကမူ ရန်သူ့လေယာဉ်အင်ဂျင်ခန်းအောက် ကိုယ်
ထည်ပိုင်းဆီသို့ တည့်မတ်စွာပြေးဝင်သွားကြောင်းကို မီးလမ်းပြကျည် (Tracer Bullet)များကြောင့် သိလိုက်ရသည်။ အပြီးသတ်ချေမှုန်းတော့မည့်အန္တရာယ်ကို ရိပ်စားမိသည့်
တဖက်ရန်သူ့လေယာဉ်မှူးမှာလည်း သူ၏လေယာဉ်ကို ၁၈၀ ဒီဂရီလှည့်လျက် အိမ်နီးချင်းတဖက်နိုင်ငံနယ်နိမိတ်ဆီသို့ ဦးတည်ပျံသန်းရန် အားထုတ်လေတော့သည်။ ထိုသို့
လေယာဉ်ကို တပတ်ပြန်လှည့်နေစဉ်မှာပင် ဗိုလ်မောင်သိန်း၏လေယာဉ်က ဒုတိယအကြော့အနေဖြင့် ထပ်မံထိုးနှက်တိုက်ခိုက်ပြန်၏။ ဗိုလ်မောင်သိန်း၏ ပစ်ခတ်မှု အပြီးတွင်တော့ ရန်သူလေယာဉ်ပျံကြီး၏ ဘယ်ဘက်တွင်တပ်ဆင်ထားသော အင်ဂျင်နှစ်လုံးနှင့် ညာဘက်အပြင်ခြမ်းအင်ဂျင်များ စတင်မီးတောက်လောက်ချေပြီ။ သို့သော်လည်း
ရန်သူမှာ သူ့လေယာဉ်ကို လုံးဝ မလျှော့ချပဲ တဖက်အိမ်နီးချင်းနိုင်ငံနယ်နိမိတ်အတွင်းရောက်အောင် အရှိန်ပြင်းစွာနှင့် ဆက်လက်ပျံသန်းလို့နေသေးသည်။


             ရန်သူကို အလွတ်မပေးလိုသည့် ဗိုလ်ပီတာတယောက် ရန်သူ့လေယာဉ်ညာဘက်ခြမ်းဆီသို့ ပျံသန်းချဉ်းကပ်လျက် ထပ်မံတိုက်ခိုက်ပြန်တော့သည်။ သည်တချီတွင်တော့ တလုံးတည်းသာ အကောင်းပကတိကျန်ရှိနေသေးသည့် ရန်သူ့လေယာဉ်၏ညာတောင်ပံအတွင်းအင်ဂျင်လည်း စတင်ကာ မီးစွဲလောင်လေပြီ.....။
အင်ဂျင်အားလုံးမီးလောင်နေပြီဖြစ်သော်လည်း လေယာဉ်ကြီးမှာမြေသို့ထိုးစိုက်ကျမသွားသေးပဲ အရှေ့တူရူအရပ်သို့ ဆက်လက်ပျံသန်းလျက်ရှိနေသေးသည်။
ထိုအခိုက်မှာပင် ဗိုလ်ပီတာထံမှ သူ့အား ရန်သူ့ပစ်ခတ်မှုခံလိုက်ရခြင်း သတင်းပေးပို့ချက်ကို ဗိုလ်ချစ်ခိုင်တယောက် ဆက်သွယ်ရေးစက်မှတဆင့် ကြားလိုက်ရသည်။
သို့သော် ရန်သူ့လေယာဉ်ထံမှ ပေါက်ကွဲသံကြောင့် ရန်သူအားအပြီးသတ်ချေမှုန်းရန်စိတ်အားထက်သန်နေသော ဗိုလ်ချစ်ခိုင်မှာ ဗိုလ်ပီတာလေယာဉ်ထံ ကြည့်ရန် အာရုံ
မရလိုက်ပဲ ရန်သူ့လေယာဉ်ဦးခန်းဆီသို့ ကျည်ဆန်များ တသီတတန်းကြီး ထပ်မံပစ်လွှတ်လိုက်ပြန်သည်။ သို့ရာတွင် ထိုအခေါက်သူပစ်သမျှကျည်ဆန်များက ရည်မှန်းချက်သို့
မရောက်ပဲ အင်ဂျင်အနောက်ဖက်ခြမ်းမှ ကိုယ်ထည်ပိုင်းဆီသို့သာ စုပြုံတိုးဝှေ့လျက် ထိမှန်သွားကြသည်။ သည်တကြိမ်ပစ်ခတ်ရာတွင် ဗိုလ်ချစ်ခိုင်၏လေယာဉ်နှင့် ရန်သူ့
လေယာဉ်မှာ ဆယ်ပေမျှပင်မကွာဝေးတော့သည့် အနေအထားရောက်သည်အထိ ပူးကပ်တိုက်ခိုက်မိသဖြင့် လေယာဉ်ချင်းဝင်ဆောင့်မည့်အန္တရာယ်ကို ရှောင်လွှဲနိုင်ရန်အတွက်
ဗိုလ်ချစ်ခိုင်မှာ သူ့လေယာဉ်ကို အပေါ်သို့ဆွဲတင်ပျံသန်းလိုက်ရတော့သည်။ စက္ကန့်ဝက်မျှသာ နောက်ကျခဲ့လျှင် ဗိုလ်ချစ်ခိုင်သည်လည်း ရန်သူ့လေယာဉ်နှင့်တိုက်မိပြီး အသက်ဆုံးရှုံးရမည်မှာ အသေအချာတည့်.....။ ထိုသို့ ရန်သူ့လေယာဉ်နှင့်ကပ်လျက် အပေါ်မှ ပျံသန်းရင်းဗိုလ်ချစ်ခိုင်လေယာဉ်နောက်မြီးပိုင်းမှ ကျယ်လောင်သော အသံတခု
ထွက်လာသည်။ ရန်သူ့ကျည်သင့်လေသလော၊ လေယာဉ်အမြီးပိုင်းနှင့် ရန်သူ့လေယာဉ်တိုက်မိလေသည်လော ဗိုလ်ချစ်ခိုင် မသိလိုက်ရ။ လေယာဉ်ကို ထိန်းသိမ်းမောင်းနှင်
နေရသည်မှာ လေယာဉ်အမြီးပိုင်းမှ ခါသကဲ့သို့ဖြစ်လို့နေသည်။ ဗိုလ်ချစ်ခိုင်၏ တိုက်လေယာဉ်တွင် ကျည်ဆံလည်း ကုန်ချေပြီ.....။


               ဆက်လက်ပျံသန်းနေသည့် ရန်သူ့လေယာဉ်ထံသို့ ပေတရာခန့်အထိ နီးကပ်အောင်ပျံသန်းပြီးနောက် ဗိုလ်မောင်သိန်းတယောက် ဆက်လက်ပစ်ခတ်နေရင်းမှ
ရန်သူ့လေယာဉ်ကြီးသည် အမြီးပိုင်းတခုလုံးပြုတ်ကျသွားကာ မြေပြင်ဆီသို့ တရှိန်ထိုး ပြုတ်ကျသွားသည်ကို မျက်ဝါးထင်ထင်မြင်တွေ့လိုက်ရတော့သည်။ရန်သူ့လေယာဉ်ကြီးပျက်ကျသွားသည့်နေရာမှာ အိမ်နီးချင်းတဖက်နိုင်ငံအတွင်းပင်ဖြစ်သည်။ ပေးအပ်လိုက်သည့်
တာဝန်ကို ကျေပွန်စွာ ထမ်းရွက်နိုင်ခဲ့ပြီ.....။ ငါးမိနစ်မျှသာကြာမြင့်ခဲ့သည့် ဤလေကြောင်းတိုက်ပွဲကြီးကို သူတို့အောင်မြင်ခဲ့လေပြီ။ စစ်ပွဲ၏သဘောသဘာဝအတိုင်း တိုက်ပွဲ
ပြီးသည်နှင့် မိမိတပ်ကိုစနစ်တကျပြန်လည်စုဖွဲ့ကာ လေယာဉ်ကွင်းဆီသို့ ပြန်လည်ထွက်ခွာရန်အတွက် ရေဒီယိုဆက်သွယ်ရေးစက်မှတဆင့် မိမိလေယာဉ်အုပ်မှ လေသူရဲများကို
ဆက်သွယ်လိုက်ချိန်တွင် ဗိုလ်ပီတာ၏လေယာဉ်မှ တုံ့ပြန်မှုကိုလုံးဝမကြားရတော့ချေ....။ ဗိုလ်ချစ်ခိုင်မောင်းနှင်သည့်လေယာဉ်မှာလည်း တိုက်ပွဲတွင် ထိခိုက်ပျက်စီးမှုဖြစ်ပွားခဲ့သဖြင့် လေယာဉ်ကွင်းဆီသို့ အရေးပေါ်ပြန်လည်ဆင်းသက်ရပေတော့မည်။ ဗိုလ်ချစ်ခိုင်တဦးတည်းပျံသန်းရင်းမှ လမ်းတွင် တစုံတခု အန္တရာယ်ဖြစ်ပွား
ခဲ့သော် လေယာဉ်ပျက်ကျရာနေရာကို အကြောင်းကြားပေးနိုင်မည့်သူမရှိနိုင်မှန်းကို ခန့်မှန်းမိသဖြင့် ဗိုလ်ပီတာ၏လေယာဉ်ကို လိုက်လံရှာဖွေခြင်းမပြုပဲ ဗိုလ်ချစ်ခိုင်နှင့် ဗိုလ်မောင်သိန်းတို့နှစ်ဦး ကျိုင်းတုံမြို့ဆီသို့ ဦးတည်လျက် သူတို့တိုက်လေယာဉ်များကို ပျံသန်းလာခဲ့ကြတော့သည်။


             ပင်လယ်ရေမျက်နှာပြင်အထက် ပေ(၅၀၀၀)အမြင့်မှ ပျံသန်းလာခဲ့ကြရင်း ကျိုင်းတုံလေယာဉ်ကွင်းရှိ လေကြောင်းထိန်းမျှော်စင်သို့ အခြေအနေအကျဉ်းချုပ်ကို ဆက်သွယ်ရေးစက်မှတဆင့် သတင်းပို့ကာ ကွင်းဆင်းခွင့်တောင်းခံလိုက်ရတော့သည်။ ကွင်းဆင်းခွင့်ရပြီးသည်နှင့် ဗိုလ်ချစ်ခိုင်လေယာဉ်ကို ဦးစားပေးဆင်းသက်စေရတော့
သည်။ ဗိုလ်ချစ်ခိုင်လေယာဉ်မှာ လေယာဉ်နောက်မြီးအောက်ပိုင်းတခုလုံး ကြေမွပျက်စီးသွားသည့်အပြင် ဘီးလည်းပြုတ်ထွက်သွားခဲ့သဖြင့် လေယာဉ်ဝမ်းဗိုက်ဖြင့် ရှပ်ဆင်းခဲ့ရ
တော့သည်။ လေယာဉ်အရှေ့ဘက်ရှိ အင်ဂျင်တွင်တပ်ဆင်ထားသည့် ပန်ကာဒလက်လေးခုစလုံးမြေကြီးနှင့်ခုတ်မိသဖြင့် အတွင်းဘက်သို့ ကောက်ဝင်သွားကာ ကိုက်တရာ၊ နှစ်
ရာခန့်အထိ ပွတ်တိုက်ပြေးပြီးမှ ဗိုလ်ချစ်ခိုင်လေယာဉ်မှာ ရပ်တန့်သွားလေတော့သည်။ သေကံမရောက် သက်မပျောက်သဖြင့် ဗိုလ်ချစ်ခိုင်တယောက် အသက်နှင့်ခန္ဓာ ဒွန်တွဲ လျက် လေယာဉ်အတွင်းမှ ထွက်လာနိုင်ခဲ့ပြီဖြစ်သော်ငြားလည်း စိတ်အေးလက်အေးမနေနိုင်သေး။ တောင်ကြီးသားကလေး အင်္ဂလန်ပြန် ဗိုလ်ပီတာအတွက် သူတို့လေတပ်စခန်းမှ စစ်သည် အားလုံး၏ ရင်တွင်တော့ စိုးထိတ်မှု ကိုယ်စီဖြင့်သာ.........။


      

ဖြစ်စဉ်နိဂုံး
xxxxxxxx

            ပွိုင့်(၃၁၁၅)နှင့် ဝင်းမနော်စခန်းများကို တိုက်ခိုက်သိမ်းပိုက်ပြီး မိုင်းပါလျှိုတွင်တပ်စွဲထားသော အမှတ်(၃) သေနတ်ကိုင်တပ်ရင်း သနက(၃)ထံမှ နယ်မြေတာဝန်လွှဲပြောင်းလက်ခံထားသည့် တပ်မတော် ခြေမြန်တပ်ရင်းတရင်းသည် ထိုနေ့၏ ည (၂၀း၀၀)နာရီတွင်တော့   တပ်ရင်းတရင်းလုံး တာချီလိတ်မြို့သို့ အမြန်ဆုံးချီတက်ရန်ဟူသော ကြေးနန်းပေးပို့ချက်တခုကို လက်ခံရရှိခဲ့လေတော့သည်။ တပ်ရင်းမှ တပ်ခွဲများကို ကုန်းလမ်းအတိုင်း မိုင်းပါလျှိုမှ တာလေသို့ချီတက်စေ၍ တာလေမှ တာချီလိတ်သို့ ယာဉ်တန်းဖြင့် ပို့ဆောင်ပေးခဲ့သည်။ ထိုတပ်ရင်း၏ တပ်ရင်းမှူး ဒုတိယဗိုလ်မှူးကြီး ခင်မောင်သောင်းကို အော်တာ လေယာဉ်ဖြင် မိုင်းပါလျှိုးမှ တာချီလိတ်သို့ ပို့ဆောင်ပေးခဲ့သည်။ ထိုတပ်ရင်း ထမ်းဆောင်ရမည့် အဓိကတာဝန်မှာ ညနေပိုင်းတွင်ဖြစ်ပွားခဲ့သော လေကြောင်းစစ်ပွဲတွင် ပျက်ကျသွားသည်ဟု ယူဆထားသည့် တပ်မတော်(လေ)မှ ဆီဖြူရီတိုက်လေယာဉ်နှင့် လေသူရဲဗိုလ်ပီတာ၊ ပစ်ချခံလိုက်ရသည့် ကျူးကျော်ဝင်ရောက်လာသော ရန်သူ့ဗုံးကြဲလေယာဉ်ကြီးတို့ကို ရှာဖွေရန်ပင် ဖြစ်လေတော့သည်။ 


             ဖေဖော်ဝါရီလ (၁၆)ရက်နေ့တွင်တော့ ထိုစဉ်က ဒုတိယတပ်မတော်ကာကွယ်ရေးဦးစီးချုပ်တာဝန်ထမ်းဆောင်နေသော ဗိုလ်မှူးချုပ် အောင်ကြီး ကျိုင်းတုံမြို့သို့ ရောက်
လာခဲ့ပေပြီ။   ထိုနေ့တွင်ပင် မြန်မာ အစိုးရက (KMT)  တရုတ်ဖြူတို့၏ (B-24 LIBERATOR) အမျိုးအစား လေယာဉ်ကြီး တစ်စင်းကို တရုတ်ဖြူတပ်များအတွက် လေကြောင်းမှ လက်နက်နှင့် ရိက္ခာ၊ခဲယမ်းများ လာရောက် ချပေးစဉ် မြန်မာ့လေတပ် တိုက်လေယာဉ်များက ပစ်ချ လိုက်ကြောင်း ကြေညာ လိုက်သည်။ ထိုနေ့တနေ့တည်းတွင် တိုင်ပေ အခြေပြု (Free China Relief Association)လွတ်လပ်သော တရုတ်ပြည် ကယ်ဆယ်ရေး အသင်းအဖွဲ့ ကြေညာချက် တစ်ခု ထုတ်ပြန်ရာတွင် မြန်မာ့ နယ်မြေပေါ်တွင် ပစ်ချခြင်း ခံရသော (B-24 LIBERATIOR) အမျိုးအစား လေယာဉ်ပျံမှာ မြန်မာနိုင်ငံ နယ်စပ်ဒေသရှိ တရုတ်ဖြူ စစ်ပြေး ဒုက္ခသည်များနှင့် ထိုင်းနိုင်ငံအတွင်း ရောက်ရှိနေသော တရုတ်စစ်ပြေး ဒုက္ခသည်များကို သယ်ဆောင်ရေးအတွက် တရုတ်ဖြူ အစိုးရက စင်းလုံးငှားရမ်း ခဲ့သော လေယာဉ်ဖြစ်ကြောင်း ဖော်ပြခဲ့လေသည်။ ထိုနေ့၏  ညနေပိုင်းအရောက်တွင်တော့ ထိုင်းနိုင်ငံရှိ ကောင်ဆယ်လာ ရုံးမှ ဗိုလ်ပီတာ၏ လေယာဉ် အပျက်နှင့် ဗိုလ်ပီတာ အလောင်းကို ထိုင်းနယ်မြေ အတွင်း တောထဲတွင် တွေ့ရှိကြောင်း သတင်း ပေးပို့ချက်ကိုရရှိသဖြင့် ဖေဖော်ဝါရီ (၁၇) ရက်တွင် ဗိုလ်မှူးကြီး သူရ တင်မောင်အေး အပါအဝင် ရှေ့တန်း တပ်မဟာ(၉)မှ အဖွဲ့တစ်ဖွဲ့ လေယာဉ် ပျက်ကျသည့် နေရာသို့ ထွက်ခွာခဲ့ကြသည်။ သတင်းရထားသည့် မြေပုံညွှန်းအရောက်တွင်ရှေ့ပိုင်း တစ်ခုလုံး မီးလောင်၍  ခါးလယ်မှ ကျိုးသွားသည့် လေသူရဲဗိုလ်ပီတာ၏ တိုက်လေယာဉ်ကို တွေ့ရှိရတော့သည်။  လေယာဉ်ပျံသည် ရန်သူ လေယာဉ်မှ ပစ်ခတ်လိုက်သော ကျည်ထိမှန်ပြီး မြေပြင်ပေါ်သို့ အရှိန် ပြင်းစွာဖြင့် ရှပ်ဆင်းသွားသည့် စွတ်ကြောင်းကြီး တွေ့ရှိရပြီး ဗိုလ်ပီတာ၏ အလောင်းကိုမူ ကျိုးပဲ့နေသော လေယာဉ်ပျံ၏ အတောင်တစ်ခု ပေါ်တွင် တင်ထားသည်ကို တွေ့ရှိရသည်။ လေယာဉ် ကိုယ်ထည်တွင် ဒသမ ၅ မမ ကျည်တစ်ချက် မှန်ထားပြီး ထိုကျည်ဆန်က ဗိုလ်ပီတာကိုပါ ထိမှန်ကာ ၎င်း၏ နံရိုးငါးချောင်း ကျိုးသွားသည်ကို စစ်ဆေး တွေ့ရှိရသည်။ ထိုမြင်ကွင်း တစ်ခုလုံးကို လေ့လာ ဆန်းစစ်ချက်အရ လေယာဉ်ကို စစ်ဆေးသူ အားလုံးက လေယာဉ်သည် မြေပြင်သို့  ကောင်းမွန်စွာ ထိန်းကျောင်းပြီး ဆင်းသက်လာသည့် သဘော တွေ့ရသည့် အတွက် ဤမျှ ပြင်းထန်သော ဒဏ်ရာဖြင့် လေယာဉ်ပျံကို နိုင်နင်းစွာ ထိန်းကျောင်း သက်ဆင်းခဲ့သူ ဗိုလ်ပီတာ၏ သက်လုံကောင်းမှု၊ သတ္တိရှိမှု၊ သတိ ကောင်းမွန်မှု များကို အံ့သြ ချီးမွမ်း ခဲ့ကြသည်။



          ထိုလေယာဉ်ပျံကြီး ပစ်ချခြင်း ခံခဲ့ရပြီးနောက် ရက်များ မကြာမီ ထိုကိစ္စနှင့် ပတ်သက်ပြီး အခြေအနေမှာ ပိုမိုဆိုးဝါး ပြင်းထန်လာပြီး ထိုစစ်ဆင်ရေး ဒေသတွင် ဖမ်းဆီးရမိသော လက်နက်များမှာ (KMT)  တရုတ်ဖြူများ ထံသို့ ပေးပို့ခဲ့သော အင်အားကြီးနိုင်ငံတနိုင်ငံမှထုတ်လုပ်သည့် လက်နက်ခဲယမ်း များသာ ဖြစ်ကြောင်း မြန်မာ့ သတင်း မီဒီယာများက သက်သေ အထောက်အထားများနှင့် ဖော်ပြလိုက်သည်။ ဖေဖော်ဝါရီ  (၁၈) ရက်တွင် မန္တလေးမြို့ရှိ ထိုအင်အားကြီးနိုင်ငံ၏ ကောင်စစ်ဝန်ရုံး ရှေ့တွင် ဆန္ဒပြ ကန့်ကွက်မှုများ စတင်ဖြစ်ပွားခဲ့ပါတော့သည်။ ထို့အတူ ဖေဖော်ဝါရီ (၂၁) ရက်တွင် ရန်ကုန်မြို့၌ လူထုအင်အား (၁ဝဝဝဝ) ခန့် စုရုံး၍  ကန့်ကွက်ကြကြောင်း  မြန်မာ့သတင်း မီဒီယာများ၏  ရှေ့မျက်နှာ စာခေါင်းစီးများတွင် ဖော်ပြခဲ့ပါသည်။ ထိုသတင်းများတွင် ဆက်လက် ဖော်ပြခဲ့ရာ၌ ဆန္ဒပြသူ လူထုကြီးမှာ  သံရုံးကို ဝင်ရောက် စီးနင်း တိုက်ခိုက်ရန် ကြိုးပမ်း ကြသဖြင့် လုံခြုံရေး တပ်ဖွဲ့ဝင်များက မောင်းပြန် သေနတ်များကို မိုးပေါ် ထောင်ဖောက်၍ လူစုခွဲ ခဲ့ရကြောင်း၊ ထိုဆန္ဒပြပွဲတွင် လူပေါင်း ၄ဝ ခန့်နှင့်ရဲတပ်ဖွဲ့ သုံးယောက် ပြင်းထန်စွာ ဒဏ်ရာ ရရှိခဲ့ကြောင်း ဖော်ပြခဲ့သည်။


          ထို့ကြောင့် အမေရိကန်အစိုးရ နိုင်ငံခြားရေးဌာနက ရန်ကုန်ရှိ စစ်သံမှူးကို ကျိုင်းတုံသို့စေလွှတ်ခဲ့ပြီး စစ်ဆေးခဲ့သည်။ ထိုအရာရှိ များက (KMT) ထံမှ ဖမ်းဆီး
ရမိသော လက်နက် ခဲယမ်းများကို စစ်ဆေးခဲ့ရာ အမေရိကန်လုပ် အမှတ်အသားများ ပါရှိကြောင်း တွေ့ရှိခဲ့ပြီး အချို့မှာ ဒုတိယ ကမ္ဘာစစ် အတွင်းက အသုံးပြုခဲ့သော လက်နက်ဟောင်းများ ဖြစ်ကြကြောင်း၊ တွေ့ရှိရသော လက်နက် အားလုံး အမေရိကန်လုပ် လက်နက်များ မဟုတ်သော်လည်း ယတိပြတ် ပြောရန် ခက်ခဲကြောင်း အမေရိကန် တို့က ဖော်ပြခဲ့ပါသည်။ ဖေဖော်ဝါရီ ၂၄ ရက်တွင် အမေရိကန် သတင်း ထုတ်ပြန်ရေး ဌာနက ထုတ်ပြန်ခဲ့ရာ မြန်မာ့ လေတပ်က ပစ်ချခဲ့သော လေယာဉ်ပျံ အမျိုးအစားမှာ PB4Y- ရေတပ်သုံး ခရီးဝေး ပျံသန်းနိုင်သော (Liberator) အမျိုးအစား သယ်ယူ ပို့ဆောင်ရေးနှင့် ဗုံးကြဲ လေယာဉ် ဖြစ်ပြီး ထိုလေယာဉ်မှာ တရုတ် (တိုင်ပေ)မှ မြန်မာပြည် အထိ ခရီးဝေး ပျံသန်းနိုင်စွမ်း ရှိကြောင်း ဖော်ပြခဲ့ ပါသည်။ အဆိုပါကိစ္စကြောင့် ကုလသမဂ္ဂတွင်တရုတ်ဖြူကျူးကျော်မှုကို တရားဝင်တိုင်တန်းပြီး အင်အားကြီးနိုင်ငံတခု၏ပါဝင် ပတ်သက်မှုကို မီးမောင်းထိုးပြနိုင်ခဲ့သည်။


        ထို့နောက် မြန်မာပြည်ရှိ  (KMT)တရုတ်ဖြူ ပြဿနာမှာ ကုလသမဂ္ဂသို့တိုင် ရောက်ရှိ သွားပြီးနောက် ကုလသမဂ္ဂ အစီအစဉ်ဖြင့် ဗန်ကောက်မြို့တွင် လေးနိုင်ငံ စစ်ဘက် ကိုယ်စားလှယ်များ မျက်နှာစုံညီ ထိုင်၍ တရုတ်ဖြူ တပ်ကြွင်း တပ်ကျန်များ မြန်မာနိုင်ငံမှ အပြီးအပိုင် ထွက်ခွာရေးကို ဆွေးနွေး ဆုံးဖြတ် ခဲ့ကြသည်။ စောစောပိုင်းက (KMT)  တရုတ်ဖြူများ ကိစ္စနှင့် ပတ်သက်ပြီး သတင်းမီဒီယာ လောကတွင် သတိ မမူမိကြဟန် တူပါသည်။ ထိုလေကြောင်း တိုက်ခိုက်မှု ဖြစ်ပွားပြီး နောက်မှ ကမ္ဘာက စိတ်ဝင်စားကာ သိရှိလာခဲ့ခြင်း ဖြစ်သည်။ ထိုနှစ်အတွင်းမှာပင် (KMT) တရုတ်ဖြူများ ကိစ္စနှင့် ပတ်သက်ပြီး ကမ္ဘာ့သတင်း မီဒီယာ လောကတွင် သတိပြုကာ သတင်းစာ များတွင် ရေးလာကြသည်။ ထိုလေကြောင်း တိုက်ခိုက်မှု ဖြစ်ပွားပြီးနောက်တွင်မှ ကမ္ဘာက စိတ်ဝင်စားကာ သိရှိလာခဲ့ခြင်း ဖြစ်သည်ဟု ယူဆရသည်။ ထိုနှစ် အတွင်းမှာပင် (KMT) တပ်ဖွဲ့ဝင်များ ရှမ်းပြည်နယ် တောင်တန်း ဒေသ များပေါ်တွင် နေရာအနှံ့ ဖြန့်ကြက် တပ်စွဲထားရာမှ တဖြည်းဖြည်း ရုပ်သိမ်းခဲ့သဖြင့် ရွှေတြိဂံ နယ်မြေ  တောင်တန်းများ ပေါ်က  စစ်ရေး လှုပ်ရှားမှုများလည်း  နိဂုံးချုပ် ခဲ့ရသည်။


           ထိုဖြစ်စဉ်ကြောင့် မြန်မာနိုင်ငံ၏နယ်နိမိတ်အတွင်း ကျူးကျော်ဝင်ရောက်နေရာယူထားသည့် တရုတ်ဖြူတပ်များအား မြန်မာ့အချုပ်အခြာပိုင်မြေပေါ်မှ ဖယ်ရှားနိုင်ခဲ့ခြင်းကြောင့် အထက်ဖော်ပြပါ လေကြောင်းတိုက်ခိုက်မှုအတွင်း အသက်ကိုပဓါနမထားပဲ စွန့်လွှတ်စွန့်စားခဲ့ကြသည့် တိုက်လေယာဉ်အုပ်ခေါင်းဆောင်
ဗိုလ်မောင်သိန်း( ပြန်တမ်းဝင်အမှတ် လေ/၁၂၀၁)၊ ဗိုလ်ချစ်ခိုင်( ပြန်တမ်းဝင်အမှတ် လေ/၁၂၁၆) နှင့် ဒုတိယဗိုလ် ပီတာ (လေ/၁၂၉၂) (ကျဆုံး) တို့အား
နိုင်ငံတော်မှ“သူရဘွဲ့”ကို ချီးမြှင့်လျက် ထိုက်တန်စွာ ဂုဏ်ပြုခဲ့လေသည်။  




            နိုင်ငံ၊လူမျိုး၊ အချုပ်အခြာအာဏာနှင့် ပိုင်နက်နယ်မြေအတွက် သက်စွန့်ကြိုးပမ်းထမ်းဆောင်ရင်း အသက်စွန့်လွှတ်သွားခဲ့ရရှာသည့် အသက်(၂၆)နှစ်အရွယ်၊ ဒုတိယဗိုလ် ပီတာ၏ ဂုဏ်သတင်းကား မြန်မာပြည်တွင်း၌သာလျှင် မကပဲ ကမ္ဘာကပင်လျှင် ချီးကျူးဂုဏ်တင်ခဲ့ခြင်းကို ထိုခေတ်၊ ထိုကာလက ထုတ်ဝေခဲ့သော“The Times”
စာစောင်တွင် အောက်ပါအတိုင်းတွေ့မြင်ရပေသည်။

      
"Farewell to A HERO Pilot Noel Peters, 26-year old son of Mr. and Mrs. Peters, who died in action in an air engagement with a KMT supply plane on Feb 15, 1961. Leaving the university in 1953, Pilot Peters was admitted into the Burma Air Force (BAF) as a Hatton apprentice, and proceeded to England of that year for training with the Royal Air Force (RAF). He passed all subjects with flying colours and was awarded the Robinson gold medal for having stood first in the written examinations. He won his wings in the BAF in July 1959 and posted to the BAF no.501 Wing at Hmawbi. He was promoted pilot on Jan 25, 1960. Pilot Peters will be buried tomorrow (Tuesday) at the Dahnyingon Military Cemetery, following services at the Mingalardon Roman Catholic Church. Credited to uncle Richard Aung Myint, DSA 1st batch, BAF-1271 15th Feb 1961 The Hawker Sea Fury (Burma AF-UB 466), piloted by Noel Peters, was intercepting a CNAF P4Y-2 privateer which was dropping supplies to KMT forces in Northern, Burma. Peters shot down the P4Y-2 but was hit by return fire and crashed, losing his life."“The Times” Press Report
           

             ယနေ့ မျက်မှောက်ခေတ်ကာလတွင်လည်း တပ်မတော်စစ်သမိုင်းပြတိုက်အတွင်းရှိ တပ်မတော်(လေ)ပြခန်းအတွင်းဝယ်  အနာဂတ်မြန်မာနိုင်ငံသားများအတွက် အသက်ပေးလှူသွားခဲ့လေသော လေသူရဲအရာရှိငယ် ဒုတိယဗိုလ်ပီတာအား အမှတ်ရစိမ့်သောငှာ အတိတ်ကာလဆီမှ လေကြောင်းစီးချင်းထိုးပွဲ ပုံစံတူရုပ်ပုံများ ပြုလုပ်ခင်းကျင်းပြသထားရှိပေသည်။ အချိန်နှင့်အမျှ သမိုင်းမှတ်တိုင်များ ကုန်ဆုံးကျော်လွန်ခဲ့သော်လည်း ဒညင်းကုန်းမြို့နယ်အတွင်းရှိ တပ်မတော်စစ်သချီင်္ုင်းတနေရာတွင်
အေးချမ်းစွာ အိပ်စက်အနားယူနေသော လေသူရဲဗိုလ်ပီတာ၏ သမိုင်းမှတ်တမ်းသည်ကား ဤနိုင်ငံ၊ဤပြည်ထောင်စု၊ ကမ္ဘာပေါ်မှ မပျောက်ကွယ်သေးသရွေ့ ထာဝရ တည်တံ့နေမည်သာ ဖြစ်ပေတော့သည်။


            တိုင်းပြည်၊နိုင်ငံ၊ လူမျိုး၊ အချုပ်အခြာအာဏာ၊ အမျိုး၊ဘာသာ၊ သာသနာအတွက် ခေတ်အဆက်ဆက်တွင် ရွပ်ရွပ်ချွံချွံတာဝန်ထမ်းဆောင်ရင်း ကျဆုံးကွယ်လွန်သွားကြ
သော စစ်သည်ရဲမက်များအားလုံး ကောင်းရာဘုံဘဝသို့ ရောက်ရှိနိုင်ကြပါစေ။






ကိုးကားသော စာအုပ်စာတမ်းများ
၁။ တပ်မတော်(လေ)သမိုင်း
၂။ ကိုကိုအေး - နမ့်တိန်းချောင်းမှသည် . . . . . မဲခေါင်သို့ . . . . .
၃။ တပ်မတော်မော်ကွန်းတိုက်မှတ်တမ်းများ
၎။ (၁၉၆၁)ခုနှစ်၊ဖေဖော်ဝါရီလထုတ် “The Times”  စာစောင်


(နေ့စွဲ၊ အချက်အလက်၊ နေရာဒေသ၊ အချိန်နှင့် အကြောင်းအရာများတွင် မှားယွင်းချွတ်ချော်မှုများ ရှိခဲ့ပါလျှင်သော်လည်းကောင်း၊ ပြင်ဆင်ဖြည့်စွက်ရန် လိုအပ်ချက်များ
ရှိခဲ့ပါလျှင်သော်လည်းကောင်း ဝေဖန်အကြံပြုနိုင်ပါသည်။)

အချိန်ပေးဖတ်ရှုသည့်အတွက် ကျေးဇူးတင်စွာဖြင့်
Khant Linn Htet