၄၃။ ဗွီဂျေးစစ်ဆင်ရေးနှင့်လေကြောင်းတိုက်ခိုက်မှုစတင်ခြင်း။ ပစ်ကူပေး အမြောက် တပ်များနှင့် အကူလက်ရုံးတပ်ဖွဲ့များကိုလည်း အသင့်နေရာယူစေပြီး အခြားလိုအပ်သော အထောက်အကူပြု ပစ္စည်းများကို ချက်ချင်းဝယ်ယူဖြည့်တင်းထားခဲ့သည်။ အိန္ဒိယကြည်းတပ်၏ တိုက်စစ်ဆင်မည့်စစ်ဆင်ရေးကို ““ဗွီဂျေးစစ်ဆင်ရေး””ဟု အမည်ပေးပြီး ၁၉၉၉ ခုနှစ်၊ မေလ ၂၆ ရက်နေ့တွင် အိန္ဒိယလေတပ်သည် နယ်ခြားထိန်းချုပ်ရေးမျဉ်း (LOC) အတွင်း တပ်စွဲနေရာယူထားသော ပါကစ္စတန် တပ်ဖွဲ့များအားMIG-21 MIG-27 လေယာဉ်များဖြင့် ပထမဦးဆုံး လေကြောင်းတိုက်ခိုက်မှုအား စတင်ခဲ့ပါသည်။ မြေပြင်တပ်များသည်လည်း လေကြောင်းအကာအကွယ်ဖြင့် ချီတက်ကြသည်။ အိန္ဒိယ၏လေကြောင်း တိုက်ခိုက်မှုသည် နှစ်ပေါင်း ၂၀ ကြာကာလအတွင်း ပထမဦးဆုံးပြုလုပ်သည့် စစ်ဆင်ရေးပင်ဖြစ်ပါသည်။ မေလ ၂၇ ရက်နေ့တွင် ထိန်းချုပ်ရေးမျဉ်းတောင်ဘက်ရှိDrass-Kagil-Batalik နယ်မြေအားအဓိကထားတိုက်ခိုက်ခဲ့ရာ ပါကစ္စတန်ဘက်မှ ပခုံးထမ်းလေကြောင်းရန်ကာကွယ်ရေး လက်နက်များဖြင့် ပြန်လည် တိုက်ခိုက်ခဲ့ သည့်အတွက် MIG-21တစ်စီးနှင့်MI-17 တစ်စီးတို့ ပျက်ကျခဲ့ပါသည်။ ဇွန်လ ၁ ရက်နေ့တွင် သတ္တမမြောက် လေကြောင်းတိုက်ခိုက်မှုအဖြစ် ကာဂီးလ်နှင့်ဘာတာလစ် နယ်မြေရှိပစ်မှတ်များအား ဦးစားပေးတိုက်ခိုက်ခဲ့ပါသည်။ မြင့်မားသောတောင်ထိပ်များတွင် ကတုတ်ကျင်းများမှခုခံနေသော ပါကစ္စတန်ဘက်မှတပ်ဖွဲ့များအား တိုက်ခိုက်ရာတွင်MIGတိုက်လေယာဉ်များသည် ထိရောက်မှု နည်းသည့် အတွက်Jaguar နှင့် MIrage-2000 တိုက်လေယာဉ်များအားပြောင်းလဲအသုံးပြုခဲ့ပြီး လေကြောင်း စစ်ဆင်ရေးအမည်အား (Safeed Sagar) ဟုသတ်မှတ်ခဲ့ပါသည်။ ဇွန် ၂ ရက်နေ့နှင့် ၃ ရက်နေ့တွင် ဘာတာလစ်ဒေသ၊ ဒရက်စ်အနောက်မြောက်ဒေသနှင့်ျြေု့သည ဒေသများရှိ ပစ်မှတ်များအား ဆက်လက်တိုက်ခိုက်ခဲ့ပါသည်။ ဇွန်လ ၃ ရက်နေ့တွင် ငြိမ်းချမ်းရေး ဆွေးနွေးမှု မအောင်မြင်သည့်အတွက် ဇွန်လ ၄ ရက်နေ့တွင် ဒဿမမြောက်နေ့လေကြောင်းတိုက်ခိုက်မှုအား ဆက်လက်ပြုလုပ်ခဲ့ပါသည်။ ဇွန်လ ၅ ရက်နေ့တွင် တိုက်ခိုက်မှုများအား ခေတ္တရပ်နားကြောင်း အိန္ဒိယဘက်မှကြေညာခဲ့ပြီး နှစ်ဘက်တပ်ဖွဲ့အလောင်းများ အပြန်အလှန် လွှဲပြောင်းခဲ့ကြပါသည်။၄၄။ ဂျမူးနှင့်ကက်ရ်ှမီးယားဒေသ၏ ကာဂီလ်းတွင်ဆင်နွဲသော ဗွီဂျေးစစ်ဆင်ရေးသည် အိန္ဒိယပိုင်နယ်မြေအတွင်းသို့ နယ်ခြားစည်းတစ်လျှောက် ကျူးကျော်ဝင်ရောက်လာပြီး လူသူမဲ့တောင်ထိပ်မြင့်များနှင့် တောင်ကြောတစ်လျှောက်တို့တွင် တပ်စွဲနေရာယူထားသော ပါကစ္စတန်မြောက်ပိုင်းခြေမြန်တပ်များမှ ပါကစ္စတန်တပ်ဖွဲ့ဝင်များကိုပြန်လည်မောင်းထုတ်ရန် ကြိုးပမ်းမှုတစ်ရပ်ဖြစ်သော ခြေလျင်-အမြောက်ပူးပေါင်းစစ်ဆင်ရေးတစ်ရပ်ဖြစ်ပေသည်။ ဘာတာလစ်စစ်မျက်နှာတွင် မြေအနေအထားသည်များစွာပိုမိုကြမ်းတမ်းပြီး ပါကစ္စတန် မူဂျာဟစ်ဒင်တပ်ဖွဲ့များသည်လည်း ပိုမို၍ခိုင်မာစွာတပ်စွဲထားမှုကြောင့် စစ်ပွဲသည်တစ်လနီးပါး ကြာမြင့်ခဲ့သည်။ စိုးမိုးတောင်ကုန်းများပေါ်တွင်အမြောက်အကဲကြည့်စခန်းများကို တည်ဆောက်ပြီး အမြောက်ပစ်ကူများသည် ပါကစ္စတန်တပ်များအားအနားမရအောင် တရစပ်ပစ်ခတ်နေခဲ့ပါသည်။ ထိုသို့ စုပြုံပစ်ခတ်သောပစ်ကူအားဖြင့်သာ ကျူးကျော်လာသောရန်သူတို့ကို ချေမှုန်းမောင်းထုတ်နိုင်မည် ဖြစ်ကြောင်းနှင့် ၎င်းင်းတို့ကို တဖြည်းဖြည်း အင်အားဆုတ်ယုတ်လာအောင် စနစ်တကျဖြိုခွင်း တိုက်ခိုက်သွားရမည်ဖြစ်ကြောင်း သုံးသပ်နိုင်ခဲ့ပြီး ထိုသို့ပစ်ခတ်တိုက်ခိုက်ရန် ခြေလျင်တပ်များဖြင့် ရန်သူကိုအနီးကပ်တိုက်ပွဲဆင်နွဲခဲ့ပေသည်။
၄၅။ တိုလိုလင်းဒေသ အားပြန်လည်သိမ်းပိုက်ခြင်း ။ ဇွန်လ ၉ ရက်မှ ၁၁ ရက်အတွင်းTololand နှင့်Batalik ဒေသများသို့ လေကြောင်းတိုက်ခိုက်မှုများ ပြုလုပ် ခဲ့သော်လည်း ထိရောက်မှုမရှိဘဲ ဇွန်လ ၁၃ ရက်နေ့မှသာ အိန္ဒိယတို့ ပထမဆုံးပြန်လည်ရရှိသော တောင်ကြောမှာ ဒရက်စ်ဒေသရှိ တိုလိုလင်းတောင်ကြောဖြစ်သည်။ ၎င်းင်းတောင်ကြောကို ရက်သတ္တပတ် ပေါင်းအတော်ကြာ အပြင်းအထန်တိုက်ခိုက်ပြီးမှ သိမ်းပိုက်ရရှိခဲ့ခြင်းဖြစ်ပါသည်။ တိုက်ပွဲများတွင် အမြောက်များ၊ စိန်ပြောင်းများနှင့်ရော့ကက်လောင်ချာ အလက်ပေါင်း ၁၀၀ ကျော်ဖြင့် အင်အားသုံး ပစ်ကူပေးတိုက်ခိုက်ခဲ့ခြင်းဖြစ်သည်။ ထောင်ပေါင်းများစွာသော ကျည်ဆံများ၊ ဗုံးသီးများ၊ ရော့ကက်ထိပ်ဖူးများသည် ရန်သူကိုခေါင်းမဖော် နိုင်အောင်ဦးနှိမ်ပစ်ခတ်ခဲ့မှုကြောင့် ပါကစ္စတန်တို့ သည်တိုက်ပွဲဝင်နိုင်စွမ်း ဆုံးရှုံးခဲ့ပေသည်။ ရန်သူကို တိုက်ရိုက်ပစ်ခတ်နေသော ၁၅၅ မီလီမီတာဘိုဖာ အမြောက်များနှင့် ၁၀၅ မီလီမီတာ အိန္ဒိယစစ်မြေပြင် အမြောက်များသည် မြင်တွေ့နေရသော ရန်သူ့ပစ်မှတ်မှန်သမျှကို ဖျက်ဆီးပစ်ခဲ့ပြီး ပါကစ္စတန်တပ်များကို ကစဥ့်ကလျား ပြိုကွဲထွက်ပြေး စေခဲ့သည်။ အမြောက်ပစ်ခတ်ရာမှ ထွက်ပေါ်လာသော မီးလျှံများနှင့်ယမ်းပေါက်ကွဲသံများသည် ပါကစ္စတန်တပ်ဖွဲ့များကို စိတ်ဓါတ်ခြောက်ခြားစေခဲ့ပြီး ဒရက်စ်ဒေသမှ ၅ ကီလိုမီတာ အကွာထိ ဆုတ်ခွာသွားစေခဲ့ပါသည်။
၄၆။ ဇွန်လ ၁၆ ရက်နေ့မှ ၂၀ ရက်နေ့အတွင်း အိန္ဒိယတို့ဘက်မှ လေကြောင်းစစ်ဆင်မှု များတိုးမြင့်ပြုလုပ်ခဲ့ပြီး ဇွန်လ ၂၁ ရက်နေ့တွင် ပွိုင့် ၅၂၀၃ တောင်ကုန်းအားအမြောက်ပစ်ကူရယူ၍ ပြန်လည်သိမ်းပိုက်နိုင်ခဲ့ပါသည်။ ဇွန်လ ၂၄ ရက်နေ့တွင် ကျားတောင်ကုန်း(Tiger Hill)အား လေကြောင်းတိုက်ခိုက်မှုပြုလုပ်ခဲ့ပြီး ပါကစ္စတန်ရဟတ်ယာဉ်တစ်စင်းအား ပစ်ချနိုင်ခဲ့ပါသည်။ ဇွန်လ ၂၅ ရက်နေ့တွင် လေကြောင်းတိုက်ခိုက်မှုအား ၂၄ နာရီအဆက်မပြတ် အလှည့်ကျတိုက်ခိုက်ခဲ့ပြီး ဇွန်လ ၂၆ ရက်နေ့မှ ၂၉ ရက်နေ့အတွင်း အမြောက်တပ်ဖွဲ့ ပစ်ကူရယူ၍ ဘာတာလစ်ဒေသတွင် ကျန်ရှိနေသောပါကစ္စတန်တပ်စခန်းများ၊ ဒရက်စ်ဒေသနှင့်Muhodalo ဒေသများရှိ ဌာနချုပ်စခန်းများ၊ အုပ်ချုပ်ထောက်ပံ့မှုအဆောက်အအုံများအား တိုက်ခိုက်ဖျက်ဆီးခဲ့ပါသည်။ ဆက်လက်၍ ဇူလိုင်လ ၂ ရက်နေ့တွင် Kaskar နယ်မြေရှိ ပါကစ္စတန်တပ်စခန်းများအား တိုက်ခိုက်ဖျက်ဆီးခဲ့ပါသည်။ ဇူလိုင်လ ၄ ရက်နေ့တွင် အမေရိကန်သမ္မတ ကလင်တန်မှ ကက်ရ်ှမီယား ဒေသကာဂီးလ်တွင်ဖြစ်ပွားနေသော တိုက်ခိုက်မှုများအဆုံးသတ်ရန် တောင်းဆိုခဲ့ ပါသည်။
၄၇။ ကျားတောင်ကုန်း အားပြန်လည်သိမ်းပိုက်ခြင်း။ တိုလိုလင်းကို သိမ်းပိုက်နိုင်လိုက်ခြင်းသည် နောက်ထပ်ဆင်နွှဲမည့် ကျားတောင်ကုန်းထိုးစစ်အတွက် အဘက်ဘက်မှအောင်မြင်မှု လမ်းကြောင်းကိုအစပျိုးပေးလိုက်သကဲ့သို့ဖြစ်ပါသည်။ ကျားတောင်ကုန်းသည် ၄၆၆၀ မီတာမြင့်သော မဟာဗျူဟာမြောက်တောင်ကုန်းဖြစ်ပြီး ဒရက်စ်ဒေသတွင် ဆရီနာဂါ-လေးမြို့ကားလမ်းကို စိုးမိုးထားသည်။ (Tiger Hill) ကို ဇူလိုင်လ ၅ ရက်နေ့တွင်သိမ်းပိုက်နိုင်ခဲ့ပြီး၊ ကျားတောင်ကုန်း၏ အနောက်ဘက်တွင်ရှိ၍ မက်ရှကို တောင်ကြားသို့ထိုးထွက်နေသည့် နောက်ထပ်စိုးမိုးတောင်ကုန်းတစ်ခု ဖြစ်သော ပွိုင့် ၄၈၇၅ ကိုလည်းဇူလိုင် ၇ ရက်နေ့တွင်ပြန်လည်သိမ်းပိုက်ရရှိခဲ့သည်။
၄၈။ ပေါက်ကွဲအားပြင်းထန်သော ၁၅၅ မမ အမြောက်ကျည် ၁၂၀၀ ကျော်ခန့်သည် ကျားတောင်ကုန်းပေါ်သို့ ကျည်မိုးရွာချခဲ့သဖြင့် ပါကစ္စတန်တပ်ဖွဲ့ဝင်မြောက်မြားစွာ သေကြေ ပျက်စီးစေခဲ့သည်။ တဖန် အိန္ဒိယအမြောက်တပ်ဖွဲ့မှအမြောက်များကလည်း ပါကစ္စတန် အကဲကြည့်စခန်းများနှင့် နီးကပ်နေသောနေရာများမှ နေ၍တန်ပြန်တိုက်ခိုက်ခံရမည်ကိုဂရုမထားဘဲ တိုက်ရိုက်ပစ်ခတ်ခြင်းနည်းစနစ်ဖြင့် ရဲဝံ့စွာပစ်ခတ်ချေမှုန်းခဲ့ပေသည်။ အတွဲလိုက် ပစ်ခတ်သည့် အမြောက်စနစ်ဖြစ်သော ၁၂၂ မီလီမီတာ MLRS များမှလည်း တိုက်ရိုက် ပစ်ကူပေးခဲ့သဖြင့် ဇူလိုင်လ ၇ ရက်နေ့တွင် ကျားတောင်ကုန်းအနောက်ဘက်ရှိ အဓိကကျသည့် စစ်ဗျူဟာအရေးကြီး နယ်မြေဖြစ်သော ပွိုင့် ၄၈၇၅ တောင်ကုန်းအားပြန်လည်သိမ်းပိုက်နိုင်ခဲ့ပါသည်။ ဇူလိုင်လ ၉ ရက်နေ့နှင့် ၁၀ ရက်နေ့တွင် အိန္ဒိယကြည်းတပ်သည် ဘာတာလစ်ဒေသနှင့် ဒရက်စ်ဒေသတို့အား ပြန်လည် သိမ်းပိုက်နိုင် ခဲ့ပါသည်။ ကာဂီလ်းစစ်ပွဲတွင် အိန္ဒိယအမြောက်တပ်ဖွဲ့မှ ဗုံးသီးနှင့်ရော့ကတ် ကျည်ပေါင်း ၂၅၀၀၀၀ ကျော်ကို ပစ်ခတ်ခဲ့သည်။ အမြောက်၊ စိန်ပြောင်းများမှ နေ့စဉ် ကျည်ဆံ၊ ဗုံးဆန်နှင့် ရော့ကတ်ဗုံးသီးပေါင်း ၅၀၀၀ ကျော်ပစ်ခတ်ခဲ့သည်။ စစ်ပွဲတစ်လျှောက် လေယာဉ်အစီး ၃၀၀ ကျော်ဖြင့် ပျံသန်းမှုအကြိမ်ရေ ၅၀၀ ကျော်ပြုလုပ်ခဲ့ပါသည်။
၄၉။ တိုက်ပွဲပြီးဆုံးခြင်း။ စစ်ပွဲဖြစ်ပွားပြီး ၂ လခန့်အကြာတွင်အိန္ဒိယတပ်များသည် ပါကစ္စတန်တို့ ၀င်ရောက်သိမ်းပိုက်ထားသော တောင်ကုန်းများမှ အချို့တောင်ကုန်းများအား ပြန်လည် သိမ်းပိုက်ရရှိခဲ့လေသည်။ တရားဝင်ထုတ်ပြန်ချက်များအရ ခန့်မှန်းခြေ ၇၅ မှ ၈၀ ရာခိုင်နှုန်းခန့်ရှိသော ကျူးကျော်ခံထားရသည့် နယ်မြေကိုပြန်လည်ရရှိခဲ့ပြီး အရေးပါသော တောင်ကုန်းများအားလုံးကို အိန္ဒိယတပ်များနေရာယူပြီးဖြစ်ပေသည်။ ဇူလိုင်လ ၁၁ ရက်နေ့တွင် နှစ်နိုင်ငံစလုံးမှ တပ်ဖွဲ့များ ရုပ်သိမ်းရေးကို သဘောတူညီခဲ့ကြပြီး ပါကစ္စတန်တို့သည် အမေရိကန်တို့၏အကူအညီဖြင့် စစ်ပွဲရပ်စဲရေးအတွက် ကြိုးပမ်းလာပါသည်။ အမေရိကန် သမ္မတဘီလ်ကလင်တန်၏ လက်ထောက် အရာရှိ ဘရုစ်ရိုင်ဒယ်က အမေရိကန်ထောက်လှမ်းရေးမှ ပါကစ္စတန်တို့သည် ကာဂီလ်းစစ်ပွဲမှ နှစ်နိုင်ငံအကြားစစ်ပွဲကြီးအဖြစ် အရှိန်မြှင့်တင်ရန်အတွက် နျူကလီးယားလက်နက်များကို ရှေ့တန်းသသယ်ယူနေကြောင်း အထောက်အထားပုံများ ရရှိခဲ့ကြောင်း ကြေငြာခဲ့သည်။ သို့ရာတွင် သမ္မတကလင်တန်က ပါကစ္စတန်တို့၏တပ်များ အားလုံးကို နယ်စပ်မျဉ်းတစ်ဖက်ရှိ အိန္ဒိယပိုင်နယ် မြေအတွင်းမှဆုတ်ခွာခြင်းမပြုပါက စစ်ပြေငြိမ်းရေးအတွက် စေ့စပ်မပေးနိုင်ဟုငြင်းဆန်ခဲ့သည်။ အမေရိကန်တို့၏သဘောထားကို လိုက်နာသောအနေဖြင့် န၀ပ်ရှရစ်က ပါကစ္စတန်တပ်များ ကိုဆုတ်ခွာပေးမည်ဟု ဇူလိုင်လ ၄ ရက်နေ့တွင်ပြောကြားခဲ့ပြီး တပ်ဖွဲ့အများစုမှာ ဆုတ်ခွာသွား ကြသည်။ သို့သော် အချို့တပ်များမှာအိန္ဒိယဘက်ခြမ်းနယ်မြေများတွင် ကျန်ရှိနေသေး သည်။ ထို့ပြင် ဂျီဟတ်ပူးပေါင်းကောင်စီ(အစွန်းရောက်အုပ်စုအဖွဲ့)မှလည်း ပါကစ္စတန်၏ဆုတ်ခွာရေး အစီအစဉ်ကို ပယ်ချခဲ့ပြီး ဆက်လက်တိုက်ခိုက်ရန် ဆုံးဖြတ်ခဲ့ကြသည်။
၅၀။ အိန္ဒိတပ်များသည် ၎င်းင်းတို့၏နောက်ဆုံးတိုက်ခိုက်မှုများကို ဇူလိုင်လနောက်ဆုံးပတ်ထိ ပြုလုပ်ခဲ့ပြီး ဒရက်စ်ဒေသတွင် ပါကစ္စတန်တပ်များရှင်းလင်းသွားသည်နှင့်တပြိုင်နက် ဇူလိုင်လ ၂၆ ရက်နေ့တွင် တိုက်ခိုက်မှုများ ရပ်စဲခဲ့ပါသည်။ ထိုနေ့ကို အိန္ဒိယနိုင်ငံတွင် ကာဂီလ်းဗွီဂျေးဒီဝါနေ့ ( ကာဂီလ်းအောင်ပွဲနေ့ ) ဟုသတ်မှတ်ကာ စစ်ပွဲအပြီးတွင် အိန္ဒိဘက်မှ ၁၉၇၂ ဆင်းမလား သဘောတူညီချက်ပါအချက်များအတိုင်း နယ်ခြားမျဉ်း၏ အရှေ့ဘက်နှင့်တောင်ဘက်ခြမ်းများရှိ နယ်မြေများအားလုံးကိုပြန်လည်ထိန်းချုပ်ထားနိုင်ခဲ့သည်။
(ဆက်ရန်)
ံHtet Sweoo
