ဂျော်ဂျီယာရေရှည်တည်တံ့မှုနှင့်တည်ငြိမ်မှုဆောင်ရွက်ရေးအစီအစဉ်။
ဂျော်ဂျီယာ ရေရှည်တည်တံ့မှုနှင့် တည်ငြိမ်မှုဆောင်ရွက်ရေးအစီအစဉ်သည် အီရတ်လွတ်မြောက်ရေး စစ်ဆင်ရေးတွင် ဂျော်ဂျီယာတပ်မတော်၏ စွမ်းရည်တိုးမြင့်စေရန်အတွက် အမေရိကန်က ဆောင်ရွက်ခဲ့သော လုံခြုံရေး အစီအစဉ်တစ်ခုဖြစ်သည်။ ၂၀၀၅ ခုနှစ် ဇန်န၀ါရီလတွင်စတင်ခဲ့သော အဆိုပါအစီအစဉ်သည် ၂၀၀၂-၂၀၀၄ ခုနှစ်အတွင်းပြုလုပ်ခဲ့သောGTEP အစီအစဉ်တိုးတက်မှုအား အထောက်အကူပြုလိမ့်မည် ဖြစ်ပြီး ဂျော်ဂျီယာတပ်မတော်အား အနောက်အုပ်စု ပုံစံ(နေတိုးပုံစံ)အကောင်အထည်ဖော်မှုတွင် အကူအညီဖြစ်စေမည့် SSOPအစီအစဉ်သည် (၁၈)လကြာမြင့်ပြီး ဒေါ်လာသန်း(၆၀)ကုန်ကျသည်။ ဥရောပရှိ အမေရိကန်ကြည်းတပ် အထူးအဖွဲ့နှင့် အမေရိကန် မရိန်းတပ်ဖွဲ့တို့က ဦးစီးဆောင်ရွက်သော ၎င်းင်းအစီအစဉ်သည် အီရတ်နိုင်ငံရှိ ဂျော်ဂျီယာခြေလျင် တပ်ရင်း(၂)ရင်း၊ ထောက်ပံ့ရေးတပ်ရင်း(၂)ရင်း၊ ဂျော်ဂျီယာအမှတ်(၁) တပ်မအထူးအဖွဲ့၊ ဂျော်ဂျီယာ အမှတ်(၁)နှင့် အမှတ်(၂)တပ်မမှ ဦးစီးအဖွဲ့၊ မြေပြင်တပ်ဖွဲ့ ကွပ်ကဲမှုဦးစီးအဖွဲ့နှင့်ဂျော်ဂျီယာဦးစီးဌာနမှ ဦးစီး အဖွဲ့များအား လေ့ကျင့်ပေးရန် ပုံစံပြုထားခြင်းဖြစ်သည်။ SSOP အစီအစဉ်က ဂျော်ဂျီယာဗိုလ်လောင်း အများ အပြား ငြိမ်းချမ်းရေးထိန်းသိမ်းမှုတပ်ဖွဲ့တာဝန် ထမ်းဆောင်မှုများကို လေ့ကျင့်ပေးခြင်းဖြစ်သည်။
ဂျော်ဂျီယာ-အမေရိကန် ပူးတွဲစစ်ရေး လေ့ကျင့်ခန်းပြုလုပ်ခြင်း။
ဂျော်ဂျီယာ-အမေရိကန် ပူးတွဲစစ်ရေး လေ့ကျင့်ခန်းပြုလုပ်ခြင်း။
အမေရိကန် တပ်ဖွဲ့ဝင် (၁၀၀၀)သည် ၂၀၀၈ ခုနှစ် ဇူလိုင်လ(၁၅)ရက်နေ့တွင် ဂျော်ဂျီယာနိုင်ငံ၌ (၂)ပတ်ကြာ စစ်ရေးလေ့ကျင့်မှု စတင်ခဲ့သည်။ ၎င်းင်းလေ့ကျင့်ခန်းအား ၂၀၀၈ခုနှစ်အလျင် အမြန်တုံ့ပြန်ရေး (Immidiate Response 2008) ဟု အမည်ပေးထားပြီး လေ့ကျင့်ခန်းသည် ရုရှား-ဂျော်ဂျီယာ ဆက်ဆံရေး တင်းမာနေမှုနှင့် သက်ဆိုင်မှုမရှိဟု ဆိုသည်။ လေ့ကျင့်ခန်း၏ ရည်ရွယ်ချက်သည် အမေရိကန်နှင့် ဂျော်ဂျီယာ တပ်ဖွဲ့များအကြား ပူးပေါင်းဆောင်ရွက်ရန် ဖြစ်သည်ဟု အမေရိကန်၏ ဥရောပတောင်ပိုင်း အထူးတပ်ဖွဲ့ကွပ်ကဲရေးမှူးက ပြောကြားခဲ့သည်။ ယင်းလေ့ကျင့်ခန်းတွင် ဂျော်ဂျီယာတပ်ဖွဲ့ ၀င်(၆၀၀) နှင့်အတူ ဆိုဗီယက် ပြည်ထောင်စုဟောင်း နိုင်ငံများဖြစ်သည့် အဇာဘိုင် ဂျန်၊ အာမေးနီးယားနှင့် ယူကရိန်းနိုင်ငံတို့မှ တပ်ဖွဲ့ဝင် အနည်းငယ် ပါဝင်လေ့ကျင့်ခဲ့သည်။
အမေရိကန်စစ်ဘက်က ဂျော်ဂျီယာ ကွန်မန်ဒိုများကိုလေ့ကျင့်ပေးခဲ့ခြင်း။ ဂျော်ဂျီယာ တပ်ဖွဲ့များ
အမေရိကန်စစ်ဘက်က ဂျော်ဂျီယာ ကွန်မန်ဒိုများကိုလေ့ကျင့်ပေးခဲ့ခြင်း။ ဂျော်ဂျီယာ တပ်ဖွဲ့များ
တောင်အိုဆက်တီးယားသို့ မတိုက်ခိုက်မီ လအနည်းငယ်အလို၌ အမေရိကန်စစ်ဘက်က ဂျော်ဂျီယာအထူးတပ်ဖွဲ့ (၈၀)ဦးကို တိုက်ခိုက်ရေး သင်တန်းများ ပို့ချပေးခဲ့သည်ဟု ဆိုပါသည်။ ဂျော်ဂျီယာအထူးတပ်ဖွဲ့များကိုအမေရိကန် စစ်သည်များနှင့် စစ်ဘက် ကန်ထရိုက်တာနှစ်ဖွဲ့ တို့က လေ့ကျင့်ရေးပြုလုပ်ပေးခဲ့ကြောင်း၊ ၎င်းင်းအထူး တပ်ဖွဲ့များကို ဂျော်ဂျီယာပဋိပက္ခတွင် အသုံးပြုခဲ့ ဖွယ်ရှိကြောင်းလည်း ဖော်ပြခဲ့သည်။ လေ့ကျင့်ပေးမှု အစီအစဉ်သည် အာဖဂန်နစ္စတန်နိုင်ငံတွင် နေတိုး ဦးဆောင်သည့် နိုင်ငံတကာလုံခြုံရေး အထောက် အကူပေးတပ်ဖွဲ့၏ အစိတ်အပိုင်းအဖြစ် ရည်ရွယ်ကြောင်း၊ ဂျော်ဂျီယာရှိ အထူးတပ်ဖွဲ့များကို လေ့ကျင့်ရန်အတွက် အမေရိကန်ကာကွယ်ရေးဝန်ကြီးဌာနက ဗာဂျီးနီးယား၌ အခြေစိုက်သည့်MPRI နှင့် American Systems ကန်ထရိုက်တာနှစ်ဖွဲ့ကို ငှားရမ်းခဲ့ကြောင်း၊ ၎င်းင်းကန်ထရိုက်တာ နှစ်ဖွဲ့တွင် အထူးတပ်ဖွဲ့ဝင်ဟောင်း (၁၅)ဦးကို နည်းပြအဖြစ်ငှားရမ်းထားခဲ့ကြောင်း၊ အမေရိကန် စစ်ဘက်ဆိုင်ရာ ပြောရေးဆိုခွင့်ရှိသူမှ ပြောကြားခဲ့သည်။ ပင်တဂွန်စစ်ဌာနချုပ်သည် လူအင်အား လျော့နည်းနေသောကြောင့် ဖြည့်စွက်သင်ကြားမှု အခြေအနေဖြင့် စစ်ဘက်ကန်ထရိုက်တာများကို ငှားရမ်းခဲ့ကြောင်း၊ ရက်(၇၀) ကြာမည့် ဒုတိယအဆင့် သင်ကြားရေးကို သြဂုတ်လ (၁၁)ရက်နေ့တွင် စတင်ရန်ဖြစ်ကြောင်း၊ ၎င်းင်းနည်းပြများသည် ပဋိပက္ခမဖြစ်မီ (၄)ရက်အလိုဖြစ်သော သြဂုတ်လ (၁၃)ရက်နေ့တွင် ဂျော်ဂျီယာသို့ရောက်ရှိခဲ့ကြောင်း၊ ပြည်ပလေ့ကျင့်ရေးအစီအစဉ်နှင့်နီးစပ်သော အမေရိကန်စစ်ဘက်အရာရှိတစ်ဦးက ပြောကြားခဲ့သည်။ လေ့ကျင့်ပေးမှုအစီအစဉ်သည် လျှို့ဝှက် အဆင့်မဟုတ်သော်လည်း မြင်သာပွင့်လင်းမှု မရှိခဲ့ကြောင်းဆိုသည်။ သို့သော် အမေရိကနအရာရှိများက အများပြည်သူသို့ သတင်းထုတ်ပြန်မှုမရှိခြင်းသည် လျှို့ဝှက်အစီအစဉ်ပြုလုပ်မှုမဟုတ် ကြောင်း၊ ဂျော်ဂျီယာလေ့ကျင့်ပေးသည့် မှတ်တမ်းဓာတ်ပုံများသည် ဂျော်ဂျီယာ၏၀က်ဘ်ဆိုဒ်တွင် ဖော်ပြထားကြောင်းပြောကြားခဲ့သည်။
နှစ်ဘက်စစ်အင်အားနှိုင်းယှဉ်ချက်
ရုရှား၏ စစ်အင်အားအသုံးပြုမှု။ ရုရှားနိုင်ငံသည် ဂျော်ဂျီယာနှင့် ဖြစ်ပွားခဲ့သည့် စစ်ပွဲတွင် အောက်ပါစစ်လက်နက်ပစ္စည်းများကို အဓိကအသုံးပြုခဲ့သည်-
(က) T-62/ T-72 MBT ၁၅၀ စီး
(ခ) အမြောက် ၁၀၀ +
(ဂ) OTR-2 torchka တာတိုပစ်ဒုံးကျည် ၁၅ စင်း
(ဃ) အမှတ်(၅၈)ကြည်းတပ် တပ်တော်စု လူအင်အား ၁၅၀၀၀ +
တောင်အိုဆက်တီးယားစစ်မျက်နှာရှိရုရှားတပ်ဖွဲ့များ။ တောင်အိုဆက်တီးယား တွင် ယခင်ကတည်းက ဖြန့်ကျက်ထားသော ရုရှားငြိမ်းချမ်းရေး ထိန်းသိမ်းမှုတပ်ဖွဲ့များရှိနေပြီး တောင်အိုဆက်တီးယားရှိ ခွဲထွက်ရေးတပ်ဖွဲ့များသည် ရုရှားတပ်ဖွဲ့ဘက်မှပါဝင်ခဲ့သည်-
(က) ရုရှားအမှတ်(၅၈)ကြည်းတပ်၊ တပ်တော်စုမှငြိမ်းချမ်းရေးထိန်းသိမ်းမှုတပ်ဖွဲ့ ၆၀၀+။
(ခ) အမှတ်(၁၃၅)ယန္တရားတပ်မဟာမှ တပ်ရင်း (၂)ရင်း။
(ဂ) အမှတ်(၁၉)ယန္တရားတပ်မမှ အမှတ်(၅၀၃)နှင့် အမှတ်(၆၉၃)တပ်မဟာ။
(ဃ) အမှတ်(၄၂)ယန္တရားတပ်မမှ အမှတ်(၇၀)နှင့် အမှတ်(၇၁)ယန္တရား
တပ်မဟာ။
(င) လေကြောင်းချီတပ်ဖွဲ့
( ၁ ) အမှတ်(၇၆)လေကြောင်းချီတပ်မမှ အမှတ်(၁၀၄)နှင့် အမှတ်(၂၃၄)
လေကြောင်းချီ တပ်ရင်းများ။
( ၂ ) အမှတ်(၉၈)လေကြောင်းချီတပ်မ စောင့်ရှောက်ရေးတပ်။
(စ) ရုရှားအထူးတပ်ဖွဲ့များ
( ၁ ) အမှတ်(၄၅) Spetnez အထူးတပ်ဖွဲ့၏ ထောက်လှမ်းရေး
တပ်ဆွယ်။
( ၂ ) အမှတ်(၁၀) Spetnez အထူးတပ်ဖွဲ့။
( ၃ ) အမှတ်(၂၂) Spetnez အထူးတပ်ဖွဲ့။
( ၄ ) ချေချင်ညာရှိ Vostok အထူးတပ်မှ တပ်ခွဲ တစ်ခွဲ။
( ၅ ) ချေချင်ညာရှိ Zapad အထူးတပ်မှ တပ်ခွဲ တစ်ခွဲ။
(ဆ) တောင်အိုဆက်တီးယားရှိ တိုက်ခိုက်ရေးအင်အားခန့်မှန်း ၂၅၀၀။
၂၃။ အက်ခါဇီးယားစစ်မျက်နှာရှိ ရုရှားတပ်အင်အား။ ခွဲထွက်ရေးလုပ်ဆောင်နေသည့် အက်ခါဇီးယားဒေသတွင် ဖြန့်ကြက်ထားသော ရုရှားငြိမ်းချမ်းရေးထိန်းသိမ်းမှုတပ်ဖွဲ့များရှိနေပြီး ယင်းဒေသရှိ ခွဲထွက်ရေးလှုပ်ရှားနေသည့်တပ်ဖွဲ့များသည် ရုရှားတပ်များနှင့်ပူးပေါင်းတိုက်ခိုက် ခဲ့ကြသည်။
အက်ခါးဇီးယားစစ်မျက်နှာရှိ စစ်အင်အားမှာ အောက်ပါအတိုင်းဖြစ်ပါသည်-
(က) အမှတ်(၁၃၁)သီးခြားယန္တရားတပ်။
(ခ) အက်ခါဇီးယားတပ်မတော် (ကြည်းတပ်နှင့် လေတပ်)။
(ဂ) ပင်လယ်ရေတပ်၏ ရေတပ်အထူးတပ်ဖွဲ့။
ဂျော်ဂျီယာစစ်အင်အား။
(က) အမှတ်(၁၃၁)သီးခြားယန္တရားတပ်။
(ခ) အက်ခါဇီးယားတပ်မတော် (ကြည်းတပ်နှင့် လေတပ်)။
(ဂ) ပင်လယ်ရေတပ်၏ ရေတပ်အထူးတပ်ဖွဲ့။
ဂျော်ဂျီယာစစ်အင်အား။
ဂျော်ဂျီယာသည် တိုက်ခိုက်မှုမဖြစ်မီ သြဂုတ်လ ၅ ရက်နေ့ ကတည်းက တပ်ဖွဲ့ဝင် (၁၅၀၀)ခန့်ကို တောင်အိုဆက်တီးယားဒေသသို့စေလွှတ်ရန် စုဖွဲ့လျက်ရှိပြီး ပါဝင်တိုက်ခိုက်ခဲ့သည့် စစ်အင်အားမှာ အောက်ပါအတိုင်းဖြစ်သည်-
(က) ခြေလျင်တပ်မ(၄)ခု၊ အင်အား(၉၀၀၀)မှ (၁၆၀၀၀)ကြား။
(ခ) ဂိုရီနှင့် ခိုနီတွင် အခြေစိုက်သည့် အမြောက်တပ်မ (၁)ခု။
(ဂ) ဂိုရီ၌အခြေစိုက်သည့် တင့်ကားတပ်မ (၁)ခု။
(ဃ) T-72MBT(၈၂)စီး။
(င) သံချပ်ကာလူသယ်ယာဉ် (BMP VTR) (၁၃၉)စီး။
(စ) SU-25 မြေပြင်တိုက်ခိုက်ရေးလေယာဉ် (၇)စင်း။
(ဆ) Grad BM-21 122mm အတွဲတိုက် ဒုံးပစ်လောင်ချာနှင့်အမြောက် (၉၅)လက်။
(ဇ) RM-70 အတွဲလိုက် ဒုံးပစ်လောင်ချာများ။
(ဈ) အစ္စရေးလုပ် M-85 ကလပ်စတာဗုံးများ။
(ည) TOR and BUK လေကြောင်းရန် ကာကွယ်ရေးဒုံး။
အုပ်ချုပ်မှုနှင့်ထောက်ပံ့ပို့ဆောင်ရေးအခြေအနေ
၂၅။ စစ်ပွဲအတွင်း ရုရှား၊ အယ်ခါဇီးယားနှင့် တောင်အို ဆက်တီးယားတို့၏ တပ်ဖွဲ့အင်အား မှာ အနည်းဆုံး ၄၀၀၀၀ ရှိပြီး၊ ရုရှားစစ်သည် ၄၀၀၀၀ ကိုလည်း ရုရှားနယ်စပ်တွင် အသင့် စုဖွဲ့ထားနိုင်ခဲ့ပါသည်။ သို့ရာတွင် ဂျော်ဂျီယာဘက်မှ စစ်သည်မှာ ၁၅၀၀၀ မှ ၂၅၀၀၀ ကြားသာ ရှိသောကြောင့် ရုရှားတို့မှ သာလွန်သောအင်အားဖြင့် စစ်ဆင်ခဲ့သော်လည်း စစ်ပွဲတွင် ရုရှားကြည်း တပ်ဖွဲ့များကို ခဲယမ်းများ လုံလောက်စွာ ထပ်မံဖြည့်တင်းပေးခဲ့မှုမရှိ၍ Zemo Nikozi ရွာတိုက်ပွဲတွင် ရုရှားတင့် ၂ စီးမှာ ကျည်ကုန်သွားသောကြောင့် ဂျော်ဂျီယာတပ်များ၏ ဗုံးပစ်လောင်ချာများဖြင့် ပစ်ခတ်တိုက်ခိုက်ဖျက်ဆီးခံခဲ့ရခြင်းမှာ ရုရှားတို့၏အုပ်ချုပ်ထောက်ပံ့မှု အချိန်မီမရောက်ရှိ၍ဖြစ် ကြောင်း တွေ့ရှိရပါသည်။
စစ်ပွဲ၏ရည်မှန်းချက်များ
ဂျော်ဂျီယာစစ်ပွဲသည် အင်အားကြီးအမေရိကန်နှင့်ရုရှားတို့၏အကျိုးစီးပွားများ ပါဝင်လျက် ဖြစ်ပေါ်လာရသည်။ ဂျော်ဂျီယာသည်ပထ၀ီနိုင်ငံရေးအရ ရုရှားနိုင်ငံ၏အရေးပါသည့် ပင်လယ်နက်ထွက်ပေါက်ဖြစ်သည်။ အထူးသဖြင့်ယူကရိန်းနှင့် ဂျော်ဂျီယာသည် ရုရှား၏ ပင်လယ်နက် ထွက်ပေါက်အား ဘေးတစ်ဖက်စီမှ ကာရံထားသည်။
ယူကရိန်းနှင့်ဂျော်ဂျီယာတို့သည် ရုရှားနှင့် ဆက်ဆံရေးမပြေလည်သောကြောင့် အမေရိကန်က ၄င်းနှစ်နိုင်ငံအား နေတိုးအဖွဲ့ဝင်ဖြစ်စေရန် စည်းရုံးခဲ့ခြင်းဖြစ်သည်။ အမေရိကန်သည် ဥရောပရှိ ယခင်ဆိုရှယ်လစ်နိုင်ငံဟောင်းများနှင့် ဥရောပနိုင်ငံများကို သိမ်းသွင်းသြဇာချဲ့ရာတွင် ယူကရိန်းနှင့် ဂျော်ဂျီယာတို့ကို ပါဝင်သိမ်းသွင်းခဲ့ခြင်း သည် ရုရှား၏အမျိုးသားအကျိုးစီးပွားကို တိုက်ရိုက် ခြိမ်းခြောက်စေနိုင်ခြင်းပင်ဖြစ်သည်။ ထို့အပြင် အမေရိကန်အတွက် ဂျော်ဂျီယာသည် ကက်စပီယံပင်လယ်မှရရှိမည့် ရေနံသယ်ယူရေး၊ အထူးသဖြင့် အမေရိကန်၏စည်းရုံးသိမ်းသွင်းယူနိုင်ခဲ့သည့် အဇာဘိုင်ဂျန်မှရေနံအား ဂျော်ဂျီယာကိုဖြတ်သန်း၍ ဥရောပသို့သယ်ယူနိုင်ရေးအတွက် ပဓာနကျသည်။ ၄င်းအပြင် အီရန်အား ရန်ပြုမည်ဆိုက ဂျော်ဂျီယာ ကိုဖြတ်သန်းပြီး အဇာဘိုင်ဂျန်မှတဆင့် တိုက်ခိုက်နိုင်သကဲ့သို့ ရုရှားကိုလည်း တန်ပြန်ထိန်းချုပ် နိုင်သည့်အနေအထားဖြစ်သည်။
ထို့ကြောင့် ဂျော်ဂျီယာသည် အမေရိကန်အတွက် စစ်ရေးအရ အရေးပါသော ရည်မှန်းချက်တစ်ခုဖြစ်ခဲ့သည်။ ဂျော်ဂျီယာ၏ရည်မှန်းချက်မှာလည်း နေတိုးအဖွဲ့ဝင်ဖြစ်ရေးပင်ဖြစ်သည်။ ဂျော်ဂျီယာ အနေဖြင့် အမေရိကန်နှင့်နီးနီးကပ်ကပ်ဆက်ဆံပေါင်းသင်းလျက် ရုရှား-ဂျော်ဂျီယာပဋိပက္ခတွင် နေတိုးမှ ၀င်ရောက်ကူညီဖြေရှင်းပေးနိုင်ရေး ရည်မှန်းထားသည်။ ဂျော်ဂျီယာအစိတ်အပိုင်းဖြစ်သော တောင်အိုဆက်တီးယားပြည်နယ်၏ရည်မှန်းချက်ကလည်း ဂျော်ဂျီယာနိုင်ငံမှခွဲထွက်ပြီး လွတ်လပ်ရေး ကြေညာနိုင်ရန် ကြိုးစားနေသည်။ ယင်းကြိုးပမ်းမှုကြောင့် တောင်အိုဆက်တီးယားသူပုန်နှင့် ၄င်းကို ကူညီနေသောရုရှားတို့အား နေတိုး၏အကူအညီရယူချေမှုန်းနိုင်ရန် ဂျော်ဂျီယာက ရည်မှန်းလျက် တိုက်ပွဲစတင်ခဲ့ခြင်းဖြစ်သည်။
(ဆက်ရန်) —
