လစ်ဘရယ်တို့လက်ခံထားသော ဖွဲ့စည်းပုံအခြေခံဥပဒေနှင့်အညီ အုပ်ချုပ်သော အစိုးရ(Constitutional Government)
လစ်ဘရယ်တို့အနေဖြင့် မိမိတို့၏ အကျိုးစီးပွားကို ကာကွယ်စောင့်ရှေက်ရန်အလို့ငှာသော်လည်းကောင်း၊ လူ့ အဖွဲ့အစည်းအတွင်း တစ်ဖွဲ့နှင့်တစ်ဖွဲ့ကြားဖြစ်ပေါ်လာသော ပဋိပက္ခများကို ဖြေရှင်းရန် သော်လည်းကောင်းမိမိတို့ကိုယ်စား (တရားမျှတစွာ) ကြားဝင်ဖြေရှင်းပေးနိုင်မည့် နိုင်ငံရေးအဖွဲ့အစည်းတစ်ရပ်ကို အလိုရှိကြပါသည်။ ထို့အတွက် မိမိတို့ ပြည်သူလူထုက တစ်ဦးချင်းစီပိုင်ဆိုင်ထားသော အချုပ်အခြာအာဏာများကို မိမိတို့ စိတ်ကြိုက်ရွေးချယ်ထားသော အစိုးရဆိုသည့် ပုဂ္ဂိုလ်များအား စုစည်းအပ်နှံကြသည်။ (အကျယ်ကို လစ်ဘရယ် ၀ါဒ(Liberalism)နှင့်လစ်ဘရယ်သမိုင်းကြောင်း(အပိုင်း-၇)၊ လစ်ဘရယ်ဝါဒနှင့် ကန့်သတ်အစိုးရ (Liberalism and Limited Government) နှင့် လစ်ဘရယ်ဝါဒ(Liberalism)နှင့် လစ်ဘရယ်သမိုင်း ကြောင်း(အပိုင်း-၈)၊အချုပ်အခြာအာဏာ (Soverignty) တို့တွင် ဖတ်ရှုနိုင်ပါသည်။)
သို့သော် လစ်ဘရယ် တို့က အာဏာ၏ အစွန်းထွက်အန္တရာယ် (၂)ခုကို ကောင်းစွာသိမြင်ထားကြပါသည်။ ပထမအန္တရာယ် မှာ အာဏာဆိုသည်မှာ အကြွင်းမဲ့သဘောတရားနှင့် ပြီးပြည့်စုံသည်ဖြစ်၍ အစိုးရများက ထိုအကြွင်းမဲ့အာဏာကို ကျင့်သုံးသောအခါ အာဏာ၏ မူလပိုင်ရှင်များဖြစ်သော နိုင်ငံသားများ၏ လွတ်လပ်မှုကို ထိပါးနိုင်၊ ခြိမ်းခြောက်နိုင်သည်။ ဒုတိယအန္တရာယ်မှာ လူတို့၏အတ္တနှင့် သက်ဆိုင်နေ ပါသည်။ လူဆိုသည်မှာ မိမိအကျိုးအမြတ်အတွက် ကိုယ်ကျိုးရှာတတ်သည့်သဘောရှိသောကြောင့် မိမိလက်ထဲတွင် အာဏာရှိလာသည်နှင့် တပြိုင်တည်း ထိုအာဏာကို မိမိကိုယ်ကျိုးအတ္တအတွက် အသုံးချတတ်ကြသည်။ အတ္တ+ အာဏာ= အာဏာအလွဲသုံးစားပြုခြင်းဟု ခေါ်သည်။
အာဏာသည် လူကို ဖျက်စီးတတ်သော သဘောရှိသည်။ အကြွင်းမဲ့အာဏာသည် အကြွင်းမဲ့ အကျင့် ပျက်ချစားတတ်သည် (Power corrupts, and absolute power corrupts absolutely)ဟု လော့အက်တန်က ဆိုသည်။ ထို့ကြောင့် လစ်ဘရယ်တို့က မိမိတို့ (ပြည်သူတို့)၏ အကျိုးစီးပွားအလို့ငှာ မလွှဲသာ၍ အာဏာ အပ်နှင်းဖွဲ့စည်းထားသော အစိုးရဆိုသည်ကို ထိန်းကွပ်ကန့်သတ်မှုရှိသော ပုံစံဖြစ်စေလိုကြသည်။ သို့အတွက် အစိုးရ၏အာဏာကို ထိန်းချုပ်ကန့်သတ်ရန်အတွက် ဖွဲ့စည်းပုံအခြေခံဥပဒေဆိုသည်ကို ရေးဆွဲပြဋ္ဌာန်းကြရသည်။ ထိုဖွဲ့စည်းပုံအခြေခံဥပဒေသည် နိုင်ငံသားများနှင့် အုပ်ချုပ်သူအစိုးရအကြားထားရှိသော ပဋိညာဉ် (သို့တည်းမဟုတ်) အချုပ်အခြာ၏ မူလပိုင်ရှင်ဖြစ်သော ပြည်သူလူထုနှင့် ထိုအချုပ်အခြာ အာဏာကို အပ်နှံခြင်းခံထားရသော (ပြည်သူ့ ကိုယ်စားစီရင်အုပ်ချုပ်သူ) အစိုးရတို့အကြား အာဏာအလွဲသုံးစားခြင်းမပြုစေရန် သဘောတူချုပ်ဆိုထားသော စာချုပ် တစ်ရပ်ပင်ဖြစ်ပါသည်။ ထိုဖွဲ့စည်းပုံအခြေခံဥပဒေသည် နိုင်ငံ၏ အမြင့်ဆုံးသော ဥပဒေဖြစ်ပြီး၊ တရားဥပဒေများအရ ဖွဲ့စည်းတည်ထောင်ထားသော နိုင်ငံရေးအဖွဲ့အစည်း၏ စည်းကမ်းဘောင်လည်းဖြစ်ကြောင်း နိုင်ငံရေးသိပ္ပံပညာရှင် Lord Bryce က ဆိုသည်။
နိုင်ငံဖွဲ့စည်းပုံ (Constitution)မှာ လက်တင်ဝေါဟာရဖြစ်သော (Constituore)မှ ဆင်းသက်လာပြီး မူလအဓိပ္ပါယ်မှာ “ဖွဲ့စည်းရန်”ဟူ၍ ဖြစ်သည်။ ဖွဲ့စည်းအခြေခံဥပဒေသမိုင်းတွင် အမေရိကန်ဖွဲ့စည်းပုံအခြေခံဥပဒေ(၁၇၈၇)သည် ယနေ့ခေတ်ဖွဲ့စည်းပုံအခြေခံဥပဒေများ၏ ပထမဦးဆုံးသော ဖွဲ့စည်းပုံအခြေခံဥပဒေဖြစ်ကြောင်းလူသိများကြသော်လည်း ဂရိနှင့် ရောမခေတ်များတွင် မြို့ပြနိုင်ငံများ (City-State)၌ စတင်အသုံးပြုခဲ့သည်ကိုတွေ့ရသည်။ အထူးသဖြင့် အေသင်ဖွဲ့စည်းပုံအခြေခံဥပဒေမှာ စိတ်ဝင်စားဖွယ်ကောင်းလှပြီး၊ နိုင်ငံသားတိုင်းကို နိုင်ငံ့အရေးအရာကိစ္စများတွင် ပါဝင်ခွင့်ပြုထားသည်ကို တွေ့ရှိရပါသည်။ (အေသင်ဖွဲ့စည်းပုံအခြေခံဥပဒေ (The Athenian Constitution) အား လေ့လာလိုပါက heinlinn.thet@gmail.com သို့ လိပ်မူ၍ တောင်းဆိုနိုင်ပါသည်။ ။စာရေးသူ) <p> </p> ဖွဲ့စည်းပုံအခြေခံဥပဒေများတွင် အစိုးရတို့၏အာဏာကို ကန့်သတ်ထားရုံသာမက အစိုးရတို့၏တာဝန်များ၊ လိုက်နာရမည့် ကျင့်ဝတ်များ၊ ပြည်သူတို့၏ ပိုင်ခွင့်အမျိုးမျိုးကို အာမခံချက်များကိုလည်း ဖေါ်ပြကြရသည်။
ထို့အပြင် အချုပ်အခြာအာဏာ၏ မူလပိုင်ရှင်မှာ ပြည်သူလူထုသာ ဖြစ်ကြောင်းကိုလည်း (ဒီမိုကရေစီနိုင်ငံတွင်ဖြစ်စေ၊ ဆိုရှယ်လစ်နိုင်ငံများတွင် ဖြစ်စေ) မဖြစ်မနေထည့်သွင်းဖေါ်ပြကြရပါသည်။) အထူးသဖြင့် လစ်ဘရယ်ဝါဒကျင့်သုံးသော နိုင်ငံများတွင် နိုင်ငံသားများ၏ ရပိုင်ခွင့်ကြော်ငြာစာတမ်း (Bill of Rights)မှာ မပါမဖြစ်ထည့်သွင်းပြဋ္ဌာန်းကြသည်ကို တွေ့ရသည်။အချုပ်အခြာအာဏာကို ဖွဲ့စည်းအုပ်ချုပ်ပုံအခြေခံဥပဒေပညာရှင် ဒိုင်စီ (Dicey)က ဥပဒေဆိုင်ရာအချုပ်အခြာအာဏာ (Legal Sovereignty)နှင့် နိုင်ငံရေးအချုပ်အခြာအာဏာ (Political Sovereignty)ဟူ၍ နှစ်မျိုးခွဲခြားပြခဲ့သည်။
အစိုးရ၏ လက်ဝယ်တွင် ဥပဒေပြုအာဏာမှပြဋ္ဌာန်းရေးဆွဲထားသော ဥပဒေများကို လက်တွေ့ကျင့်သုံးသည့် အာဏာရှိပြီး၊ မဲဆန္ဒရှင်နိုင်ငံသားတို့က လျှို့ဝှက်မဲဆန္ဒပေးခြင်းဖြင့် နိုင်ငံရေးအချုပ်အခြာအာဏာကို ပိုင်ဆိုင်ကြသည်။ ဆိုလိုသည့်သဘောမှာ အစိုးရများသည် ပြည်သူများအပ်နှင်းထားသော အချုပ်အခြာအာဏာကိုအလွဲသုံးစားခြင်းပြုပါက (တစ်နည်းအားဖြင့်) အာဏာအလွဲသုံးစား၍အုပ်ချုပ်မှု (Tyranny)ပြုပါက ပြည်သူလူထုက မဲဆန္ဒဖြင့် ဖြုတ်ချခြင်း၊ အသစ်တဖန်ရွေးကောက်တင်မြှောက်ခြင်းများပြုလုပ်နိုင်ခွင့်ကို ရည်ညွှန်းပါသည်။ ထိုသို့ လုပ်ပိုင်ခွင့်ရှိကြောင်းကိုလည်း ဖွဲ့စည်းပုံအခြေခံဥပဒေများတွင် ပြဋ္ဌာန်းထားကြရပါသည်။ ဖွဲ့စည်းပုံအခြေခံဥပဒေတွင် ပြဋ္ဌာန်းထားသော နိုင်ငံသားတို့၏ အခြေခံအခွင့်အရေးတစ်ခုခုဆုံးရှုံးနစ်နာပါက အစိုးရအား အခြေခံဥပဒေနှင့်အညီ အရေးဆိုပိုင်ခွင့် (Constitutional Remedy)ရှိရပါသည်။ တစ်ချို့နိုင်ငံများတွင် အစိုးရများသည် ဖွဲ့စည်းပုံအခြေခံဥပဒေအရ အာဏာရလာသော်လည်း ဖွဲ့စည်းပုံအခြေခံဥပဒေတွင် ပြဋ္ဌာန်းသတ်မှတ်ထားသည့် အတိုင်း အုပ်ချုပ်ခြင်းမရှိကြပေ။ ထိုအခြေအနေမျိုးကို တစ်ပါတီစနစ်ဖြင့် အုပ်ချုပ်သောနိုင်ငံများ၊ ကွန်မြူနစ်နိုင်ငံများတွင် အများဆုံးတွေ့ရတတ်သည်။ ၄င်းကို နိုင်ငံရေးသိပ္ပံပညာရှင်များက အခြေခံဥပဒေနှင့်အညီညွတ်သော
အုပ်ချုပ်ခြင်း (Unconstitutionalism)ဟု ခေါ်ဝေါ်ကြသည်။
လွတ်လပ်မျှတမှုကို တန်ဖိုးထားသော လစ်ဘရယ်တို့အနေဖြင့် မိမိတို့ကို နှောင်ဖွဲ့နိုင်သော ဖွဲ့စည်းပုံအခြေခံဥပဒေဆိုသည်ကို လက်ခံထားနိုင်သည့် အကြောင်းတရား (၂)ရပ်ရှိပါသည်။ ပထမအကြောင်းတရားမှာ နိုင်ငံရေးအရ စုဖွဲ့ထားသော အဖွဲ့အစည်းများနှင့် နိုင်ငံရေးသမားများ၏ လုပ်ပိုင်ခွင့်အာဏာကို ကန့်သတ်ထားနိုင်ခြင်းဖြစ်သည်။ ဒုတိယအကြောင်းတရားမှာ အာဏာအပြန်အလှန်ထိန်းညှိခြင်းကြောင့်ဖြစ်ပါသည်။ ဒုတိယသဘောတရားမှာ နိုင်ငံတစ်နိုင်ငံ၏ နိုင်ငံရေးစနစ်၊ အုပ်ချုပ်ရေးစနစ်များနှင့် များစွာသက်ဆိုင်ပါသည်။ (မှတ်ချက်။ ။
လင်းသက်၏ “အစိုးရအုပ်ချုပ်ပုံစနစ်များ (Governmental Systems)ဆောင်းပါး”တွင် အကျယ်တ၀င့် ဖတ်ရှု နိုင်ပါသည်။)
အချုပ်အခြာအာဏာ၏သဘောမှာ အုပ်ချုပ်ခံပြည်သူလူထုတို့လိုက်နာရန် ဥပဒေ ပြုဋ္ဌာနမှ ဥပဒေပြုခြင်း၊ ၄င်းဥပဒေနှင့်အညီ နိုင်ငံသားတို့အား စီမံခန့်ခွဲအုပ်ချုပ်ခြင်းနှင့် ထိုဥပဒေများကို ချိုးဖေါက် သူတို့အားအပြစ်ပေးဒဏ်ခတ်ခြင်းတို့ပင် ဖြစ်ပါသည်။ ထို့အတွက် အချုပ်အခြာအာဏာကို ဥပဒေပြုအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာဟူ၍ (၃)ပိုင်း ခွဲခြားကာ ဋ္ဌာနကြီး (၃)ခုက စီမံရပါသည်။ ပြင်သစ် လူ့အခွင့်အရေးကြော်ငြာစာတမ်း (The French declaration of the rights of man and of the citizen,1789)တွင် အာဏာ သီးခြားခွဲထားခြင်းမရှိလျှင် ဖွဲ့စည်းပုံအခြေခံဥပဒေဆိုသည်မှာ မရှိနိုင်ဟု ဖေါ်ပြထားသည်။ ၄င်းကိုအာဏာ ပိုင်းခြားခွဲဝေခြင်း (Seperation of Power)ဟု ခေါ်သည်။ ထိုအာဏာသုံးရပ်ကို ဖွဲ့စည်းပုံ အခြေခံဥပဒေအရ ပိုင်းခြားထားပြီး၊ လုပ်ပိုင်ခွင့်များ သတ်မှတ်ပေးထားပါသည်။ ထိုသို့သတ်မှတ်ရာတွင် အပြန်အလှန်ထိန်းကြောင်း စေရန် ဖွဲ့စည်းပုံတွင် အပြန်အလှန်စစ်ဆေးသည့် ကွန်ယက် (Net of Check and Balance)ကို ဖန်တီးရေးဆွဲပေးထားပါသည်။ Check and Balance ၏ သဘောတရားမှာ အာဏာကို အာဏာဖြင့် စစ်ဆေးစေခြင်းပင်ဖြစ်ပါသည်။ (အာဏာ (၃)ရပ်ပိုင်းခြားခွဲဝေခြင်း (Seperation of Power)၊ အပြန်အလှန်ထိန်းညှိခြင်းနှင့်Check and Balance သဘောတရားများကိုလင်းသက်၏ “ဖွဲ့စည်းပုံ အခြေခံဥပဒေဆိုသည်မှာ-“ ဆောင်းပါးတွင် အကျယ်တ၀င့်ဖေါ်ပြထားပါသည်။ ။ စာရေးသူ)
ထို့အပြင် ထိုသို့ အာဏာပိုင်းခြားသတ်မှတ်ရာတွင် ဋ္ဌာနတစ်ခုနှင့် တစ်ခုအကြား ဖြစ်ပေါ်လာသော ပဋိပက္ခများ၊ (သို့တည်းမဟုတ်) ဖွဲ့စည်းပုံအခြေခံဥပဒေနှင့် သက်ဆိုင်သည့် အငြင်းပွားဖွယ်ရာကိစ္စရပ်များကို ဖြေရှင်းပေးရန်အတွက် ဖွဲ့စည်းပုံအခြေခံဥပဒေခုံရုံး (Supreme Court)ဆိုသည့် နိုင်ငံ၏ အမြင့်ဆုံးတရားရုံးတစ်ခုထားရှိရသည်။ (မှတ်ချက်။ ။ ဖွဲ့စည်းပုံအခြေခံ ဥပဒေတရားရုံး/ ခုံရုံးနှင့်ပတ်သက်၍ လင်းသက်၏ “ဖွဲ့စည်းပုံ အခြေခံဥပဒေဆိုသည်မှာ-“ ဆောင်းပါးနှင့် “ ဖက်ဒရယ်၊ မြန်မာ့နိုင်ငံ ရေးနှင့် ဗလုံးဗထွေးဖြစ်နေဆဲ ကိုယ်ပိုင်အုပ်ချုပ်ခွင့်နှင့် ကိုယ်ပိုင်ပြဋ္ဌာန်းခွင့်” ဆောင်းပါးတို့တွင် အကျယ်တ၀င့် ဖေါ်ပြထားပါသည်။)
အထက်ဖေါ်ပြပါ အကြောင်းတရား (၂)ရပ်ကြောင့် လစ်ဘရယ်တို့က ဖွဲ့စည်းပုံအခြေခံဥပဒေကို လက်ခံကြခြင်းဖြစ်သည်။ ဖွဲ့စည်းပုံအခြေခံဥပဒေသည် အချုပ်အခြာအာဏာကို လူတစ်ဦး၊ (သို့မဟုတ်) လူတစ်စုတည်းမှ လက်ဝါးကြီးအုပ် အပိုင်စီးခြင်းကို ကာကွယ်တားစီးနိုင်သည့် စနစ်တစ်ခုအဖြစ် လစ်ဘရယ်တို့က ယုံကြည်ကြလေသည်။
အပိုင်း(၁၀)အားဆက်လက်ဖေါ်ပြပါဦးမည်-
(လင်းသက်)
ရည်ညွှန်းကိုးကား-
၁။ ကမ္ဘာ့သမိုင်း (ပထမပိုင်း)
၂။ ကမ္ဘာ့သမိုင်း၏ မှတ်တိုင်များ (ဒုတိယပိုင်း)
၃။ ကမ္ဘာ့နိုင်ငံရေး အတွေးအခေါ်များသမိုင်း (ဒုတိယတွဲ)
၎။ ကမ္ဘာ့သမိုင်းအခြေပြ
၅။ ကမ္ဘာ့နိုင်ငံများ၏ အခြေခံဥပဒေ
၆။ နိုင်ငံရေးသဘောတရားများ (၆) - ခင်မမမျိုး
၇။ Political Ideologies: an introduction – Andrew Heywood
၈။ ဒီမိုကရေစီဘာသာရပ် (အခန်း-၄၊ အခန်း-၈)
၉။ ဒီမိုကရေစီလော့လာရေးစာစဉ် (အခန်း-၄၊ အပိုင်း-၂) – ABSDF
၁၀။ လစ်ဘရယ်ဒီမိုကရေစီမိတ်ဆက် (Ecovision)- ကျော်သူဟန်၊ ဧမင်းယဉ်
၁၁။ ဆိုရှယ်လစ်ဘရယ်ဝါဒသင်တန်းပို့ချချက် - NDF
၁၂။ The End of History- 1983 – Francis Fukuyama
၁၃။ Liberalism From Wikipedia, the free encyclopedia
၁၅။Classical liberalism From Wikipedia, the free
encyclopedia
၁၆။ Fundamentals of Political Economy by P.Nikitin
၁၇။ Willam Boyd; (tr, and ed;) The Emile of jean jacques Rousseau,
Teacher College Press, New York; 1962.
၁၈။ TheTen Duties of the King – New York: Gove Press, 1974
၁၉။ ပြည်ထောင်စုမြန်မာနိုင်ငံ၏ ဖွဲ့စည်းပုံအခြေခံဥပဒေ(၁၉၄၇)
၂၀။ ပြည်ထောင်စု ဆိုရှယ်လစ်သမ္မတမြန်မာနိုင်ငံတော်၏ဖွဲ့စည်းပုံအခြေခံဥပဒေ(၁၉၇၄)
၂၁။ ပြည်ထောင်စုသမ္မတမြန်မာနိုင်ငံတော်၏ ဖွဲ့စည်းပုံအခြေခံဥပဒေ (၂၀၀၈ ခုနှစ်)
၂၂။ ဖက်ဒရယ် (Federal) – ABSDF
၂၃။ ကမ္ဘာ့နိုင်ငံရေးအတွေးအခေါ်များ သမိုင်း- (ပထမပိုင်း)
၂၄။ ဒီမိုကရေစီ၊ လူ့အခွင့်အရေးနှင့် ဖက်ဒရယ်ပညာပေးစာစဉ်အမှတ် (၁) - ဆလိုင်းလျန်မှုန်း
ဆာခေါင်း
၂၅။ ကမ္ဘာ့သမိုင်း၏ မှတ်တိုင်များ (ပထမပိုင်းနှင့် ဒုတိယပိုင်း)
၂၆။ ဒီမိုကရေစီ၏ အခြေခံအုပ်မြစ်များ- ဒေါင်းညို
၂၇။ The Athenian Constitution
၂၈။ French Constitution
၂၉။ The Constitution of the United States