ဗိုလ်မှူးက စားရိပ်သာကိုလာစစ်ချိန်မှာ ရိပ်သာ ညစ်ပတ်သည်ဟုဆိုကာ ကျွန်တော် တို့ သင်တန်း
သားစားရိပ်သာတာဝန်ခံသောင်းထွဋ်ကြူနှင့် ထမင်းချက် တာဝန်ခံဆရာကြီး သန်းမြင့်တို့ကိုဆူပါ၏။ဗိုလ်
မှူးသည်ထိုစဉ်ကအမေရိကန်နိုင်ငံဆင်ဒီယေးဂိုးရေတပ်တက္ကသိုလ်မှ သင်တန်းဆင်းပြီးပြန်လာခါစဖြစ်၍
ကျွန်တော်တို့သင်တန်းကိုရေအောက်လက်နက် ဘာသာရပ်သင်ကြားပေးသည့်ဆရာလည်းဖြစ်ပါသည်။
အလွန်စည်းကမ်းကြီးသူဖြစ်ပြီးချက်ကိုအမျိုးအစားတိုက်ပွဲဝင်ဘိနပ်ကြီးကိုဦး၌ပြောင်လက်နေအောင်ဘိုး
Bold တင်၍စီးသူဖြစ်သည်။အရပ်မှာ(၆)ပေခန့်ရှိပြီးသူလာလျင် အဝေးကြီး ကနေချက်ကိုဘိနပ်သံတဂွပ်
ဂွပ်ကြားနေရပါသည်။ဆရာကရိပ်သာကိုလာစစ်ဆေးစဉ်အရာရှိများ စားဖို့ပြင်ဆင်ထား သည့်ထမင်းပန်း
ကန်တွေကိုလက်နှင့်တို့ကြည့်ပြီးဆီပေရာတွေ ထင်နေသဖြင့်စိတ်ဆိုးပြီး ထပ်ဆူရာဆရာကြီးသန်းမြင့်က ပန်းကန်တွေမှာဟောင်းနွမ်းနေပြီး အချို့ အက်ရာတွေ ထင်နေသဖြင့်ဆေးကြောရ ခက်ကြောင်းနှင့်တတ်
နိုင်ပါကအသစ် ထပ်ဝယ်ပေးရန်တင်ပြပါသည်။
ဆရာကြီးသန်းမြင့်ကထမင်းဟင်းတွေကိုသူ့အိမ်၌ချက်ယူလာပြီးပုဏ္ဏမီအနောက်ဆောင်ဘေးမှာအဖီလေးထိုး၍ယာယီမီးဖိုဖြင့်ထမင်းဟင်းများနွှေးပါ၏။ပုဏ္ဏမီစားရိပ်သာအတွင်းအရာရှိများအတွက်ဘား
ကောင်တာတခုဖွင့်ထားပေးပြီး ဘိလိယက်ခုံနှင့်စားပွဲတင်တင်းနစ်ခုံများလည်းထားရှိသဖြင့်ရိပ်သာမညစ်
ပတ်စေရေးအတွက်အဆောင်တွင်းထမင်းဟင်းချက်ခွင့်မပြုပါ။ဆရာက အနောက်ဆောင်ကိုဝင်စစ်ဆေး
စဉ်အဖီထဲ၌ လေတိုက်ပြီး ရှုပ်ပွနေသည့် သစ်ရွက်ခြောက်များ၊ပြန့်ကြဲနေသည့် အိုးခွက် ပန်းကန်တွေကို
တွေ့သွားသဖြင့်သောင်းထွဋ်ကြူကို ဖိဆူတော့သည်။နောင်တွင်ဤကဲ့သို့ ထပ်မံ ညစ်ပတ်ပါက သင်တန်း
သားအရာရှိများကိုယ်တိုင်အမှိုက်ဝင်လှဲကြရမည်ဟုလည်းညွှန်ကြားပါသည်။ပြီးနောက်ဆရာကသူ့ဖိုင်ထဲမှ စာရွက်လွတ်တရွက်ကို ထုတ်ယူပြီး အောက်ပါအတိုင်း လက်တန်းကဗျာ တပိုဒ်စပ်၍ သောင်းထွဋ်ကြူ
အားပေးကာအများမြင်အောင်ရိပ်သာ Notice Board ၌ကပ်ထားရမည်ဖြစ်ကြောင်းမှာကြားပါသည်။
ပန်းကန်အက်လည်း ပြောင်လက်ရမည်။
မြေစိုက် တဲလည်း အမှိုက်လှဲ ရမည်။
(စားရိပ်သာတာဝန်ခံအရာရှိ)
ထိုစဉ်က ကျွန်တော်တို့နေသည့် ပုဏ္ဏမီဆောင်ကြီးမှာအိုမင်းနေပြီဖြစ်ပြီး အိမ်သာများမှာအတော်
ဟောင်းပါသည်။ဗိုလ်ထိုင်အိမ်သာ ကမုတ်များမှာလည်း အက်ရာတွေထင်နေပါသည်။ကျွန်တော်တို့ ဆိပ်
ကြီးမှာရေချိုရှားပြီး ထိုစဉ်က ဇာမဏီအင်းကြီးမှရေကိုရေတွန်းစက်ဖြင့် ပို့ပေးပါသည်။ကျွန်တော်တို့ သင်
တန်းသား အရာရှိတွေ ချိုးဖို့ရေကိုသံတိုင်ကီများဖြင့် ရေလာချိန်၌ခံထားပြီး ညဘက်ရေပြတ်ချိန် တွင်ထို
ရေဖြင့်ပင်အိမ်သာများကိုလောင်းရပါသည်။တညမိုးလေတွေသည်းထန်နေပြီးလျှပ်စစ်မီးများ လည်းပြတ်
တောက်လျက်ရှိပါသည်။ထိုစဉ်အနောက်ဆောင်ဘက်အိမ်သာအတွင်းမှဆူညံအော်ဟစ်နေသံများကြားရသဖြင့်သွားကြည့်ရာအမှောင်ထဲ၌လက်နှိပ်ဓာတ်မီးမပါပဲအိမ်သာသွားတက်ရာမှပထမလူကသေချာရေ
လောင်း မသွားသောကြောင့် ကမုတ်နှုတ်ခမ်း၌တင်နေသည့်မစင်များပေါ် တည့်တည့်တက်ထိုင် မိသည့်
သောင်းထွဋ်ကြူတယောက်စိတ်ဆိုးမာန်ဆိုးဖြင့်အော်ဟစ်ကြိမ်းမောင်းနေခြင်းဖြစ်ပါသည်။
နောက်တနေ့နံနက်မှာတော့ပုံမှန် ရေလာသဖြင့်ထိုပြဿနာများပြေလည်သွားပါသည်။သို့သော်
လည်းအိမ်သာခန်းများအ၀င်နံရံ၌စာရွက်ဖြူပေါ်တွင်စာလုံးမည်းကြီးများဖြင့်ရေးထားသောအောက်ပါက
ဗျာတပိုဒ် ကိုကျွန်တော်တို့တွေ့ မြင်ကြရပြန်ပါသည် -
မီးမလာလည်း အီးပါရမည် ။
အိမ်သာမကောင်းလည်း ရေလောင်းရမည်။
(သင်တန်းသားရိပ်သာတာဝန်ခံအရာရှိ ) ဟူ၍ ဖြစ်ပါတော့သည်။
သူ့ကဗျာက ပြောင်မြောက်သဖြင့်ဝိုင်း၍ ချီးကျူးကြရာသောင်းထွဋ်ကြူ တယောက်သူ့ပါးရိုးကားကြီးတွေကို ပို၍ဘေးသို့ဆန့််ထုတ်လျက်မျက်လုံးတွေ ချိုင့်ဝင်သွားအောင်ပြုံးလိုက်ရင်း ဒါတောင်ဇော်မင်းဦး (အမျိုးသားစာပေ ဆုရ ကဗျာဆရာဇော်မင်းမင်းဦး) ကိုသနားလို့ ဒါလောက်ပဲလက်စွမ်းပြထားတာ ဟူ၍ပြောလိုက်သေးသည်။
ဆရာ့အိမ်မှာနီညိုရောင်ရှိခွေးလေးတကောင်မွေးထားတာကိုတွေ့ဘူးပါသည်။တခါတလေဆရာ
လမ်းလျှောက်ချိန်မှာထိုခွေးလေးဆရာ့နောက်ကလိုက်ပါလေ့ရှိသည်။ထိုခွေးလေးကအနည်းငယ်စွာလေ
သည်။ ဆရာနှင့်အတူ လမ်းလျှောက်ယင်းဖြတ်သွားဖြတ်လာတို့အားတ၀ုတ်ဝုတ် မာန်မဲလေ့ရှိပြီးတခါတ
လေသူ့ကိုကြောက်ပြပါကလိုက်ဆွဲတတ်သေးသည်။လိုင်းထဲကဆရာကြီးလှအောင်ဖွင့်ထားသည့်သီတာ
စာပေမှာစာအုပ်အမြဲသွားငှားလေ့ရှိသည့် ကိုကျော်၊ဌေးနိုင်နှင့်စိုးလှိုင်တို့အား တညနေမှောင်ရီပျိုး၌ တီရုံး
ကြီးအနီးက ရေကန်ကြီးနားမှာ ခွေးလိုက်ဆွဲတာ ခံလိုက်ရပါသည်။ဌေးနိုင်ပုဆိုးပြဲ သွားပြီး ခြေထောက်၌
ခွေးကိုက်ခံလိုက်ရသဖြင့်ဆေးခန်းပြရသည်။ဆေးခန်းတာဝန်ခံဆရာကြီးဖိုးတုတ်က “ဗိုလ်ကြီးချက်မှာ
လိုလိုမည်မည်ခွေးရူးကာကွယ်ဆေး(၁၄) လုံးထိုးပေးမယ် ” ဆိုသဖြင့်တောင်းပန်ပြီးနောက်တနေ့ခွေးအ
ခြေအနေကိုစောင့်ကြည့်ပြီးမှလိုလျင်ထိုးမည်ဖြစ်ကြောင်း ပြောပြပါသည်။စိုးလှိုင်က “အဲဒီခွေးရူးနေလို့က
တော့သတ်ပစ်မယ် ” လို့ ဓားကြိမ်းကြိမ်းကာ ပြန်လာကြသည်။ အဆောင်ပြန်ရောက်တော့ ခွေးကိုက်ခံရ
သည့်ကိစ္စကို တသောသောဝိုင်းဖွဲ့ ပြောဆိုနေကြ၏။မြင်လိုက်ရသူတို့က ထိုခွေးမှာ ဆရာ့အိမ်ကခွေးဖြစ်
သည်ဟုစွပ်စွဲသည်။တချို့ ကလည်းအခြားခွေးတကောင်ဖြစ်သည်ဟုဆိုသည်။
နောက်တနေ့ညနေပိုင်းမှာတော့ ဆရာ့အိမ်ကခွေးလေး သေသွားကြောင်း၊ တစုံတစ်ယောက် က
သတ်သွားခြင်းဖြစ်ကြောင်းကြားကြရသည်။ထိုစဉ်ကဆိပ်ကြီးမှာနီးနားဝန်းကျင်ရွာတွေကအရပ်သားလုပ်
သားတွေရှိသည်။စစ်ထောက်ဌာန မှာလည်း ဗိုလ်ချုပ်ရွာက အလုပ်လာဆင်းသည့်လုပ်သားတွေရှိကြ၏။
ဆရာ့ခွေးကလည်းဟိုလိုက်ဆွဲ ဒီလိုက်ဆွဲလုပ်သဖြင့်ကြည့်လို့မရသူတွေရှိနေသည်။ထို့ပြင်ထိုစဉ်ကဆိပ်
ကြီး၌ဟောင်ကောင်သားစားလို့ကောင်းသည်ဆိုပြီးလိုင်းထဲကခွေးများပင်မကြာခဏလက်သည်မပေါ်ဘဲ
ပျောက်ပျောက်သွားတတ်သည်။သို့ဖြစ်၍ဆရာ့ခွေးကို ဘယ်သူကတွယ်သွားသည်ဆိုတာသေချာမသိရ
သော်လည်းဆေးခန်းမှာ စိုးလှိုင်ဓားကြိမ်းကြိမ်းခဲ့သည့်ကိစ္စကိုဆရာကြားသွားဟန်တူသည်။
နောက်တနေ့ဆရာစာလာသင်ချိန်တွင် စိုးလှိုင်နှင့် မင်းဇော်တို့၏ စာရေးစားပွဲပေါ်က ရေအောက်
လက်နက်ပြဋ္ဌာန်းစာအုပ်တအုပ်ကို ခေတ္တယူ၍ စာသင်ပါသည်။ကျွန်တော်တို့ အတန်းထဲမှာ စာရေးစားပွဲ
ကိုနှစ်ယောက်တလုံးထိုင်ရသည်။ထိုနေ့က ဆရာမျက်နှာမသာယာ။စာသင်ချိန်၌ တခါတရံ အိပ်ငိုက်ပြေ
ပြင်ပ ဗဟုသုတတွေပြောတတ်သော်လည်းထိုနေ့ကမည်သည့် အပိုစကားမှမပြောဘဲ သင်သွားသည်ကို
ကျွန်တော်တို့သတိပြု လိုက်မိကြသည်။ယမန်နေ့များကဆရာစာသင်စဉ် ပြည်ပသင်တန်းတက်စဉ် ကအ
တွေ့အကြုံတွေပြောပြတတ်သည်။ဂျကူစီခေါ်ပေါင်းခံရေနွေးငွေ့ ဖိအားဖြင့်ခန္ဓာကိုယ်အနှံ့ကိုအလိုရှိသလို
နှိပ်နယ်ပေးသည့် စက်ဖြင့်ဟိုတယ်မယ်လေးတွေကရေချိုးပေးသည့် အကြောင်းပြောပြစဉ်စိုးလှိုင်တို့ မင်း
ဇော်တို့ပါးစပ်ကြီးတွေ အဟောင်းသားဟပြီးအားကျစွာနားထောင်တတ်ကြသည်။ဆရာရေးသည့် ဂျကူစီ
အမည်ရှိလုံးချင်းဝတ္ထုထိုနှစ်အပိုင်းအခြားမှာပင် ဆက်ထွက်ပေါ်လာပြီးနာမည်ကြီးခဲ့ပါသည်။ထိုနေ့နံနက်
ပိုင်းစာသင်ပြီး သွားချိန်တွင် မင်းဇော်တို့စားပွဲမှ ယူထားသည့်စာအုပ်ကိုပြန်ပေးပြီး အတန်းဖြုတ်လိုက်၏။
စာအုပ်ကြားထဲမှာ ညှပ်ထားသည့်စာရွက်ဖြူလေးကို ထုတ်ကြည့်တော့အောက်ပါ အတိုင်းကဗျာလေးတ
ပိုဒ်ရေးထားတာကိုတွေ့ကြရပါသည်။
ဓားသွား၏အောက်၊ မြေစာမြက်ဘ၀ ရောက်ရပြီ။
ခွေးနီလေး နဲ့ လူ ၊ ဘယ်သူက ပိုမိုက်သလဲ။
ကျွန်တော်တို့ ဆိပ်ကြီး၌နေ့ခင်းဘက် တီရုံးကြီး၌ စာသင်ကြရသည်။ တီရုံးကြီးကား သက်တမ်း
ကြာမြင့်လှပြီ။လေးထောင့်ပုံဆောက်လုပ် ထားသဖြင့် ဒီဇိုင်းကရိုးရှင်းသော်လည်းယနေ့တိုင်အမြင်ဆန်း
သစ်နေဆဲဖြစ်သည်။သုံးထပ်ဆောင်ကြီး ဖြစ်ပြီးအင်္ဂလိပ်အက္ခရာတီပုံ သဏ္ဍန်တည်ဆောက်ထားသည့်
အတွက်တီရုံးကြီးလို့ခေါ်ကြခြင်းဖြစ်သည်။မြေညီထပ်နှင့် ဒုတိယထပ်တို့၌စာသင်ခန်းများရှိပါသည်။ပထ
မထပ်တွင်တော့ဌာနချုပ်မှူးရုံးခန်း၊ဒုဌာနချုပ်မှူးရုံးခန်းနှင့်လေ့ကျင့်ရေးဌာန၊ရေးထောက်ဌာနရုံးခန်းများရှိ
ကြသည်။ဒုတိယထပ်လှေကားကြီးနှင့်ကပ်လျက်ဘယ်ဘက်မှာရေတပ်လက်နက်နှင့်ဆက်သွယ်ရေးအ
တတ်သင်ကျောင်းရုံးရှိသည်။ညာဘက်ကပ်လျက် အခန်းကတော့ရေကြောင်းနှင့် အုပ်ချုပ်မှုကျောင်း ရုံး
ခန်းဖြစ်သည်။တီရုံးကြီးနှင့် စက်မှုလက်မှု အတတ်သင်ကျောင်း စာသင်ခန်းများ ရှိရာ အီးဘလောက်တို့
မှာလူသွားစင်္ကြန်နှင့်တဆက်တည်းဖြစ်သည်။အီးဘလောက်ကားတစ်ထပ်ဆောင်ဖြစ်ပြီးအင်္ဂလိပ်အက္ခ္ခရာအီး ပုံသဏ္ဍန်တည်ဆောက် ထားခြင်းဖြစ်၏။တီရုံးးကြီးမြေညီထပ်မှ(၃) ထပ် ခေါင်မိုးပေါ်ထိ အလယ်
လှေကားကြီးကနေ တောက်လျှောက်တက်သွားနိုင်သည်။
တီရုံးကြီး(၃) ထပ်အမိုးပေါ်မှာကျွန်တော်တို့တွေညဘက်၌ရေကြောင်းလမ်းညွှန်သုံး နက္ခတ် နှင့်
ကြယ်တာရာများကို လက်တွေ့ရှာဖွေ၍ Sextant ခေါ် ထောင့်တိုင်း ကိရိယာဖြင့်တိုင်းတာပြီးအာကာသ
သိပ္ပံပုစ္ဆာများတွက်ကြရသည်။တီရုံးကြီးခေါင်မိုးပေါ်ကနေအရှေ့ ဘက်ခပ်လှမ်းလှမ်းကုန်းမြင့်ထက်ဆီမှ ဆံတော်ရှင်ကျိုက်ခေါက်စေတီတော်ကြီးကိုကြည်ညိုဖွယ် ဖူးမြင်နိုင်သည်။အနောက်ဘက်တွင် ရန်ကုန်
မြစ်ကြီးနှင့်တဖက်ကမ်းထိလှမ်းမြင်နိုင်၏။ရန်ကုန် မြစ်ထဲ၌ ရန်ကုန်ဆိပ်ကမ်းသို့နေ့စဉ် ၀င်ထွက်နေကြ
သည့်ပင်လယ်ကူးသင်္ဘောကြီးတွေကိုလည်းအလွန်နီးကပ်စွာလှမ်းမြင်ကြရသဖြင့်ကျွန်တော်တို့တွေည
နေဘက်ထမင်းစားပြီးတိုင်းတီရုံးကြီးခေါင်မိုးပေါ်တက်ကြည့်၍လေညင်းခံလေ့ရှိကြသည်။
တီရုံးကြီးပေါ်ကဆင်းပြီးတော့တပ်တွင်းဆေးခန်း လမ်းအတိုင်းမေယုကြီးဘေးမှဖြတ်၍ဆိပ်ခံတံ
တားပေါ် ထိလမ်းလျှောက်ကြသည်။တံတားပေါ် ၌ ညနေဘက်ရန်ကုန်သို့ဖယ်ရီပို့ပြီးညောင်တန်း ဆိပ်မှ
ဈေးဝယ်မိသားစုများကိုကြို၍ပြန်လာသည့်ဟိုက်ဒရိုဘတ်ကြီးကိုငေးလျက် နတ်ကရာကြည့်မောကြ၏။
ဟိုက်ဒရိုဘတ်(စ)ဖယ်ရီအသစ်ကြီးကိုထိုစဉ်ကသံလျက်စွန်းရေတပ်ပင်မစက်မှုလက်မှုတပ်မှ ဒီဇိုင်းရေး
ဆွဲတည်ဆောက်ခဲ့ခြင်းဖြစ်ပြီး လွန်စွာသစ်လွင်လှပ၏။ရန်ကုန်မြစ် အတိုင်းမြောက်ဘက် သိင်္ဂုတ္တရကုန်း
တော် ထက်မှရွှေတိဂုံစေတီတော်မြတ်ကြီး ကိုနောက်ခံပြုလျက် ပုဇွန်တောင်ချောင်းတွင်း ကထွက်ခဲ့ပြီး
ဆိပ်ကြီး တက္ကသီလာဆီဦးတည်ကာမြစ်ပြင်ကိုတဖွားဖွားထိုးခွဲမောင်းနှင်လာသည့်မီးခိုးနုရောင်ဟိုက်ဒ
ရိုဘတ်(စ)သင်္ဘောသစ်ကြီးနှင့်အနောက်ဘက်ကမ်းက၀င်လုဆဲပုစွန်ဆီရောင်နေလုံးကြီးတို့၏ပနံရလှ
သည့်ညနေဆည်းဆာရှုခင်းများ ကိုကျွန်တော်တို့ဘယ်တော့မှခံစားလို့မ၀နိုင်ခဲ့ကြပါ။
ထိုမှ တဆင့် သင်တန်းသား စစ်သည်များနေထိုင်ရာ အဒြဆောင်၊ ဟံသဆောင်တို့နှင့် မလှမ်းမ
ကမ်းမျက်စောင်းထိုး၌ရှိသောတပ်တွင်းလဘက်ရည်ဆိုင် Canteen မှာလဘက်ရည်သောက်ကြသည်။
ကင်တင်းအနီး၌်ကြံ့ခိုင်ရေးဌာနမှ ဆရာသန်းထူးထမင်းဆိုင်နှင့် ဆရာဖုန်းမြင့်မိသားစု၏ ၀က်ခေါင်းသုပ်
ဆိုင်တို့လည်းရှိကြသည်။ပုဏ္ဏမီ စားရိပ်သာ၌ ဆရာကြီးသန်းမြင့်ချက်ကျွေးသည့် ထမင်းဟင်းကိုမတင်း
တိမ်ကြသူတွေဆရာသန်းထူးဆိုင်ကထမင်းနှင့်ဆရာ ဖုန်းမြင့်၏၀က်ခေါင်းသုပ်ကိုထပ်မံအားပေးကြ၏။
ဝက်ခေါင်းသုပ်ကြိုက် သည့်သောင်းထွဋ်ကြူ၊ ဌေးနိုင်နှင့် ကံလှတင်ထွန်းတို့ အားပေးနေကြဆိုင်ဖြစ်၏။
သူတို့ကမင်းဇော်ကိုဝက်ခေါင်းသုပ်ကျွေးချင်လို့အတင်းခေါ်လေ့ရှိသော်လည်းသူ့အားဘယ်တော့မှခေါ်၍
မရ။ “ ငါဇာတ်တူသား မစားချင်ဘူးကွာ” ဟုဆိုကာအမြဲငြင်းလေ့ရှိ၏။မင်းဇော်ကြီးကိုပန်းမြို့တော်ချယ်ရီ
မြေမှာကတည်းက၀က်ခေါင်းလို့ ကျွန်တော်တို့ချစ်စနိုးနာမည်ပေးထားကြ၏။
ကျွန်တော်တို့ကင်တင်းကနေတပ်တွင်းရုပ်ရှင်ရုံကိုကျော်ပြီးအမှတ်(၄)ဂိတ်ကင်းရုံရှိရာရေနံချက်
စက်ခြံစည်းရိုးနား ထိလမ်းလျှောက်ကြသည်။ထိုမှပြန်လှည့်၍ အဆောင်ဘက်ကိုပြန်လျှောက်ကြ၏။အ
ချို့ ကလည်းသီတာစာပေမှာစာအုပ်သွားငှားကြသည်။တည၌ကျွန်တော်နှင့်ဇော်မင်းဦးတာဝန်ကျအရာ
ရှိ တာဝန်ကျ၏။ထိုစဉ် က တာဝန်ကျအရာရှိများ ညဘက်ကင်းစစ်ဖို့ဘီ-၆၀၀ အမျိုးအစားလေးဘီးကား
တစ်စီးကိုတီရုံးကြီးရှိတာဝန်မှူးရုံးခန်း၌ထားပေးသည်။ညနက်ပိုင်း တာဝန်ကျအရာရှိများကင်းစစ်ရန် အ
တွက်တာဝန်မှူးရုံးကိုသွားပြီးထိုမှတဆင့်ကားနှင့်လုံခြုံရေးဂိတ်(၄)ခုစလုံးကိုကင်းလိုက်စစ်ရသည်။ကင်း
များတနေရာနှင့်တနေရာဝေးလံပြီးဆိပ်ကြီး၌မိုးများသည့်ပြင်မြွေပါးကင်းပါးပေါသဖြင့်ဌာနချုပ်မှကားနှင့်
ကင်း စစ်ကြဘို့စီစဉ်ပေးခြင်းဖြစ်သည်။
ကျွန်တော်တို့မှာသင်တန်းသားများဖြစ်သဖြင့်တာဝန်မှူးရုံးတွင်အိပ်စရာမလိုပဲပုဏ္ဏမီရိပ်သာအိပ်ဆောင်၌သာအိပ်ရ၏။တာဝန်မှူးရုံးမှယာဉ်မောင်းတာဝန်ကျကိုကင်းစစ်မည့်အချိန်ကြိုပြောထားလျင်သူ
ကလေးဘီးကားကိုကျွန်တော်တို့အဆောင်ရှေ့ ထိမောင်းလာလေ့ရှိ၏။တကယ်တော့ပုဏ္ဏမီဆောင်မှတီ
ရုံးကြီးသို့လမ်းလျှောက်လျင်(၅)မိနစ်ခန့်သာလျှောက်ရ၏။ကျွန်တော်တို့တွေပုဏ္ဏမီဆောင်အောက်ထပ်၌နှစ်ယောက် တခန်းနေကြရပြီးဇော်မင်းဦးနှင့်ကျွန်တော်တခန်းထဲဖြစ်၏။ထိုည၌ဇော်မင်းဦးကသောင်း
ထွဋ်ကြူငှားလာသည့် သိုင်းဝတ္ထုတွေကိုယူပြီးသဲသဲမဲမဲဖတ်နေ၏။ကျွန်တော်စောအိပ်သဖြင့် ကင်းစစ်ဖို့
ည သန်းခေါင်၌ ဇော်မင်းဦးအား နှိုးရန်မှာထား၏။နောက်တနေ့ နံနက်တွင်ဇော်မင်းဦးက သူသိုင်းဇာတ်
လမ်းထဲနစ်မျောသွားခဲ့(အမှန်တော့မိုးအေးအေး၌ကင်းထစစ်ဖို့ပျင်း)သဖြင့်ကျွန်တော့်ကိုမနှိုးပဲအိပ်လိုက်
ကြောင်းပြော၏။
ကျွန်တော်တို့ နံနက်စာသင်ခန်းသို့ရောက်တော့လက်နက်သင်တန်းဌာနမှဗိုလ်ကြီးမြင့်သိန်းက
ယမန်နေ့တာဝန်ကျသင်တန်းသားအရာရှိနှစ်ဦးသူ့ရုံးခန်းကိုလာတွေ့ဘို့မှာပါသည်။နောက်ဆုံးတွင်ဇော်
မင်းဦးနှင့် ကျွန်တော်တို့ ညကင်းစစ် ရန်ပျက်ကွက်မှုဖြင့်တာဝန်မှူးဗိုလ်ကြီးမြင့်သိန်း၏အစီရင်ခံစာ အရ
ကျောင်းအုပ်ဗိုလ်မှူးလောစောကြိုင်ရုံး၌ရုံးတက်ရ၏။ထိုကိစ္စအတွက်ကျွန်တော်တို့နှစ်ယောက်တပ်ပြင်
ထွက်ခွင့်ပိတ်ခံရပြီး ရုံးပိတ်ရက်၌သီးခြားအပိုဂျူတီစောင့်ခဲ့ရပါတော့သည်။
ကျွန်တော်တို့ပုဏ္ဏမီဆောင်မှာရန်ကုန်မြစ်ကမ်းဘေး၌ရှိပြီးညဘက်ဆိုလျင်မြစ်ပြင်ကိုဖြတ်တိုက်
လာသည့်လေကပြင်းထန်လှ၏။လေရောမိုးပါပါလာသည့်အခါ အဆောင်တံစက်မြိတ်အတွင်းထိမိုးပက်
လေ့ရှိပါသည်။အဆောင်နှင့်မြစ်ကမ်းကြားမှာကိုက်(၁၀၀)ခန့်သာဝေးပြီးသစ်ပင်ကြီးများမရှိပဲလူတစ်ရပ်
ကျော်မြင့်မားသည့်ကိုင်းတောကြီးနှင့်ကျူ ပင်များသာရှိပါသည်။အဆိုပါကိုင်းတောကြီးထဲ၌ရေကြက်၊ စ
နိုက်နှင့် ဗျိုင်းများပင် ကျက်စားနေထိုင် ကြ၏။မြစ်ပြင်ကိုဖြတ် တိုက်လာသည့်လေပြင်းကြောင့် ကိုင်းပင်
များမှာညဘက်တိတ်ဆိတ်ချိန်၌တဟဲဟဲတရှဲရှဲမြည်ဟီးလျက်ယိမ်းထိုးလှုပ်ရှားနေတတ်သဖြင့်စိတ်အား
ငယ် တတ်သူများ အတွက်ခြောက်ခြားစရာကောင်းလှ၏။သည်ကြားထဲ အစအနောက်သန်သည့်နောင်
တော်တဦးထံကဆင်းသက်လာသောပုဏ္ဏမီဆောင်သရဲပုံပြင်များကလည်းကျွန်တော်တို့သင်တန်းသား
များကြားပျံ့ နှံ့ပြောဆိုလျက်ရှိကြ၏။ယခုတော့ထိုပုဏ္ဏမီဆောင်ကြီးမရှိတော့ပါ။
ပုဏ္ဏမီဆောင်ရှေ့ ဆင်ဝင်အနီး၌ဘန်ဒါပင်ကြီးတပင်ရှိ၏။စတုန်းခေါ်ကျော်ထွန်းနှင့်သောင်းထွဋ်
ကြူတို့ညဥ့်နက်သည်ထိ ထိုဘန်ဒါပင်ကြီးအောက်၌ဂီတာထိုင်တီးလေ့ရှိသည်။သောင်းထွဋ်ကြူကိုကျွန်
တော်တို့ကြူကီး လို့ခေါ်ကြ၏။မူလကကြူကြီးလို့ခေါ်ရာမှကာလရွေ့ လျောပြီးကြူကီး ဖြစ်သွား၏။တည
ကျွန်တော်တို့အိပ်ကောင်းနေကြချိန်၌အဆိုပါ ဘန်ဒါပင်ကြီးအောက်မှ“အောင်မယ်လေး ကယ်ကြပါဦး။
ဒီမှာသရဲကြီး။သရဲကြီးလည်ပင်းလိုက်ညှစ်နေလို့”ဟု ရုတ်တရက်ငယ်သံပါအောင်အော်ဟစ်လိုက်သံနှင့်
အတူ တဖုတ်ဖုတ်ပြေးလွှားသံများကြားရသဖြင့် ကျွန်တော်တို့အားလုံးလိုလိုအမြန်ထ၍ကြည့်ကြ၏။ထို
စဉ်ကမိုးသည်းထန်နေပြီးအဆောင်၌မီးပျက်လျက်ရှိ၏။မကြာမီခြေသံကြားသည့်နောက်ပြေးလိုက်သွား
သည့်ကျော်နိုင်ဦးနှင့် ကံလှတို့တီရုံးကြီးနားကပြန်ခေါ်လာသည့် အသံရှင်ဖြစ်သူကိုတွေ့ကြရ၏။သူကား
အခြားသူမဟုတ်၊ကျွန်တော်တို့စားရိပ်သာတာဝန်ခံဆရာကြီးသန်းမြင့်၏တပည့်မောင်ဇော်လွင်ဖြစ်၏။
သူကားအသက် ဆယ့်သုံးနှစ်ခန့်သာရှိသေးပြီးနောက်တနေ့ နံနက်ရိပ်သာတွင်နံနက်စာကော်ဖီ
ဖျော်ရန်နို့ဆီဗူး၊သကြားနှင့်လဘက်ခြောက်များလာပို့ခြင်းဖြစ်၏။သူလာစဉ်ဘန်ဒါပင်အောက်အဆောင်
ရှေ့ အုတ်လှေကားမှာထိုင်၍ဆေးလိပ်မီးတဖွားဖွား ဖွာနေသူကိုတွေ့ရသဖြင့် အနားသို့ ကပ်ပြီး“ဗိုလ်ကြီး
ကြူကီးမအိပ်သေးဘူးလား”ဟုနှုတ်ဆက်လိုက်ရာထိုင်နေသူ က မျက်လုံးကြီးနှစ်လုံးကိုပြူးပြီးပါးရိုးကား
ကြီးများဖြင့်ခြေမအရွယ်ရှိ် သွားကြီးတွေပေါ်အောင်ပြုံးပြပြီး တစ်တောင်လောက်ရှည်သည့်လျှာကိုထုတ်
ပြသည်ဟုဆို၏။သူက ပထမတော့သောင်းထွဋ်ကြူနောက်နေတာလို့ထင်ပြီး “ဗိုလ်ကြီးကြူကီး” လို့ထပ်
ခေါ်လိုက်မှမျက်လုံးကြီးတွေကို နို့ဆီဗူးလောက်ပြူးပြပြီးအေးစက်နေသည့်လက်ကြီးနှင့်သူ့လည်ပင်းကို
လှမ်းဆွဲသဖြင့်ငယ်သံပါအောင်အော်ပြီး ပစ္စည်းတွေထည့်လာသည့်ခြင်းတောင်းကိုပစ်ချ၍လာလမ်းအ
တိုင်းတီရုံးကြီးဘက်သို့ထွက်ပြေးခြင်းဖြစ်ကြောင်းရှင်းပြ၏။
သူ့ တကိုယ်လုံး မိုးရေများစိုရွှဲနေပြီး မျက်နှာမှာ လည်းအကြောက်မပြေသေးပဲသွေးမရှိသလိုဖြူ
ဆွတ်နေသဖြင့်ကျော်ထွန်းကသူ့အကျီ င်္နှင့်ပဆိုးတထည်ထုတ်ပေးပြီးလဲခိုင်းလိုက်၏။သည်ကြားထဲအိပ်
ချင်မူးတူးဖြင့်ထလာဟန်ရှိသည့်သောင်းထွဋ်ကြူက “ဟေ့ မောင်ဇော်လွင်၊ မင်းမြင်လိုက်တာငါလားကွ”
ဟု မကျေမနပ် လေသံဖြင့်မေးနေရာ ကောင်လေးကသောင်းထွဋ်ကြူကို ကြောက်လန့်ပြီးမျက်လုံးလေး
ကလယ်ကလယ်နှင့် မရဲတရဲပြန်ကြည့်နေလေ၏။ယခင်ညများ က ဆရာကြီးသန်းမြင့် ခိုင်းသဖြင့်မောင်
ဇော်လွင် ရိပ်သာသို့ လာတတ်သည့်အချိန်များ၌သောင်းထွဋ်ကြူ နှင့်ကျော်ထွန်းတို့ဘန်ဒါပင်အောက်၌
ဂီတာတီး နေလေ့ရှိပြီး မောင်ဇော်လွင်ကလည်း သူတို့ကိုနှုတ်ဆက်နေကြဟုဆိုပါသည်။ထိုညကကျော်
နိုင်ဦးနှင့်နေ၀င်းတို့ မောင်ဇော်လွင်အားဆရာကြီးသန်းမြင့်အိမ်သို့လိုက်ပို့ပေးခဲ့ကြရသည်။
နောက်ရက်များတွင်မောင်ဇော်လွင်ရိပ် သာ သို့လာသည်ကိုမတွေ့သဖြင့်ဆရာကြီးသန်းမြင့်ကို
မေးကြည့်ရာဖျားနေ၍အိမ်မှာပင်နားနေရကြောင်းပြောပြပါသည်။အအေးမိ၍ဖျားတာလားကြောက်ဖျား
ဖျားတာလားဆိုတာတော့မပြောနိုင်ပါ။တကယ်တော့ ထိုညကမောင်ဇော်လွင် ဘန်ဒါပင် အောက်၌တွေ့
ခဲ့သည့်ဆေးလိပ်တဖွားဖွားသောက်နေသူမှာသောင်းထွဋ်ကြူ ဟုတ်မဟုတ်မည်သူမှသေချာမပြောနိုင်။
သောင်းထွဋ်ကြူ ကတော့သူ့ကို သရဲအထင်ခံရမှာစိုး၍လားမသိယနေ့ထိသူမဟုတ်ကြောင်းငြင်းဆိုနေ
ဆဲဖြစ်၏။သူကပါးရိုးကားကြီးနှင့်ဆေးလိပ်ကြိုက်တတ်သူဖြစ်သော်လည်းထိုညကမောင်ဇော်လွင်ပြော
ပြသည့်သရဲကြီးလောက်တော့အရုပ်ဆိုးသူမဟုတ်ပါ။
လွန်ခဲ့သည့် ငွေရတုလွန်ကာလက ဆိပ်ကြီးမှာ အတူပညာသင်ခဲ့ကြသည့်ကျွန်တော်တို့သူငယ်
ချင်းများအနက်ကိုကျော်သန်းဦးနှင့် ကိုသန်းထိုက်တို့ ကွယ်လွန်ခဲ့ကြသည်မှာ နှစ်အတန်ကြာခဲ့ပြီဖြစ်၏။
ကျန်သူများအနက်အချို့ နယ်ဘက်ဌာနများသို့ပြောင်းရွှေ့ တာဝန်ထမ်းနေကြသလိုအချို့ ကား ပင်လယ်
ပြာပြာကြီးကိုသံယောဇဉ်မကုန်ပဲ ဝတ်စုံအရောင်ပြောင်းကာနိုင်ငံခြားသင်္ဘောလိုင်းများ၌ကပ္ပတိန်အဖြစ်
ပင်လယ်ခရီး ဆက်နှင်နေကြဆဲ။အချို့ ကတော့ပြင်ပလောက၌ဘဝအောင်မြင်ရပ်တည်ရေးအတွက်လုပ်
ငန်းနယ်ပယ်အသီးသီး၌ကံဇာတ်ဆရာအလိုကျ ဘဝပင်လယ်ပြင်မှာရွက်လွှင့်ရင်းလောကဓံကိုကြံ့ကြံ့ခိ်ုင်
ရင်ဆိုင်နေကြ၏။တပ်မတော်(ရေ)၌ ဌာနချုပ်မှူးများ အပါအဝင် အရာရှိကြီးအဆင့်ဖြင့်ကျရာနေရာ၌တာ
ဝန်ကျေအောင်မြင်နေကြသည့်သူငယ်ချင်းများအတွက်လည်းများစွာဝမ်းမြောက်ဂုဏ်ယူမိပါသည်။ကျွန်
တော်တို့၏ဆရာဗိုလ်မှူးအောင်မြင့်(စာရေးဆရာမောင်မောင်အေးအောင်)ဆိုခဲ့သည့်အတိုင်း ကြွေတာ
တွေကြွေနေကြသော်လည်း ဝေတာတွေကတော့ဝေနေကြဆဲ။ သြော် အဟောင်းအဟောင်းတို့ကြွေရာ
တွင်အသစ်တို့လက်ဆင့်ကမ်းဝင်၍ပခုံးပြောင်းထမ်းရွက်ကြခြင်းသည် သဘာဝတရားကြီးပင်မဟုတ်ပါ
လား။မည်သို့ဆိုစေ အတိတ်ကငယ်နုစဉ်အရိပ်များကိုပြန်တွေးမိတိုင်းရေပြာကမ်းစပ်မှလွမ်းတက္ကသီလာ
ဆိပ်ကြီး သို့ပြန်လည်မြင်ယောင်တမ်းဆွတ်မိနေဆဲပင်ဖြစ်ပါတော့သည်။
(၁၉၈၅ ခုမေလမှ နိုဝင်ဘာလထိကာလအားခံစားတမ်းတရေးဖွဲ့ပါသည်။)